នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
អ្នកនាំពាក្យ៖ ទីបំផុតលោក សម រង្ស៊ី បានបង្ហាញច្បាស់ថា គាត់ពិតជាបាននិយាយការពារថៃ និង​មួលបង្កាច់កម្ពុជា
កម្ពុជា-អាស៊ែបៃហ្សង់ នឹងបន្តពង្រឹង និងពង្រីកកិច្ចសហប្រតិបត្តិការឱ្យកាន់តែរីកចម្រើនបន្ថែមទៀត
សម្តេចធិបតី ជំរុញ កម្ពុជា-វៀតណាម មើលគ្នាជាគោលដៅទេសចរណ៍ និងទាក់ទាញទេសចរពី ទីផ្សារទី៣
សម្តេចធិបតី ជឿជាក់ថា កម្ពុជា-វៀតណាម អាចសម្រេចមហិច្ឆតា ជំរុញទំហំពាណិជ្ជកម្ម ២០ ពាន់លានដុល្លារ

នយោបាយ​ និង ការអភិវឌ្ឍន៍

ប្រសាសន៍សំខាន់ៗរបស់ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ក្នុងឱកាសចុះជួបកម្មករ និយោជិត តាមរោងចក្រនៅខណ្ឌពោធិ៍សែនជ័យ

2023/08/29 04:52:39 pm        323
Facebook Telegram Linkin
ភ្នំពេញ៖ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្រ្ដីថ្មី អញ្ជើញចុះជួបសំណេះសំណាលជាមួយកម្មករ-កម្មការិនី និយោជិត តាមរោងចក្រ សហគ្រាស ចំនួន ១៨.០០០នាក់ មកពីរោងចក្រ សហគ្រាសចំនួន១៣ ដែលមានមូលដ្ឋាននៅតំបន់ព្រៃស្ពឺ ខណ្ឌពោធិ៍សែនជ័យ រាជធានីភ្នំពេញ នៅព្រឹកថ្ងៃទី២៩ ខែសីហា ឆ្នាំ២០២៣។ប្រសាសន៍សំខាន់ៗរបស់ឯកឧត្តម ហ៊ុន ម៉ាណែត នាយករដ្ឋមន្រ្ដី ដែលមានខ្លឹមសារដូចខាងក្រោម៖ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត បញ្ជាក់ថា រាជរដ្ឋាភិបាលអាណត្តិថ្មីនឹងរួមគ្នាថែរក្សាសមិទ្ធផលដែលថ្នាក់ដឹកនាំអាណត្តិមុនបានខិតខំកសាង និងបន្សល់ទុកដល់កូនចៅជំនាន់ក្រោយដូចសព្វថ្ងៃនេះ។ឯកឧត្តម បញ្ជាក់ថា គោលបំណងចំនួន២ ដែលជួបជាមួយបងប្អូនកម្មករនិយោជិតនាថ្ងៃនេះ ក្នុងនោះទីមួយ គឺអរគុណចំពោះបងប្អូនកម្មករនិយោជិត និងម្ចាស់រោងចក្រនានា ដែលបានគាំទ្រ​គណបក្សប្រជាជនកម្ពុជា ក៏ដូចជារាជរដ្ឋាភិបាល និងបានចូលរួមជាផ្នែក​មួយយ៉ាងសំខាន់​ក្នុងការ​បង្កើតការងារ និងបំពេញការងារក្នុងវិស័យកាត់ដេរនៅក្នុងប្រទេស​កម្ពុជាឱ្យមានការ​រីកចម្រើន។ ចំណែកទី២ រាជរដ្ឋាភិបាលអាណត្តិថ្មីប្ដេជ្ញាចិត្ត​ចំពោះបងប្អូនប្រជាពលរដ្ឋ អំពីកម្មវិធីគោល​នយោបាយនានា​ដែលរាជរដ្ឋាភិបាលបានដាក់ចេញ។ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត មានប្រសាសន៍ថា វិស័យឧស្សាហកម្មដើរទៅមុខ ដោយមានតួរអង្គ ៣ សំខាន់ គឺកម្មករនិយោជិត ម្ចាស់រោងចក្រ និងរាជរដ្ឋាភិបាល។ បើគ្មានតួរអង្គទាំង៣នេះ គឺវិស័យរោងចក្រកាត់ដេរ និងវាយនភណ្ឌមិនអាចរីកចម្រើន​ទៅមុខបានទេ។ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត បញ្ជាក់ថា រាជរដ្ឋាភិបាលអាណត្តិថ្មីគោលដៅ​ទី១សំខាន់ គឺថែរក្សាឱ្យបានដាច់ខាតនូវសមិទ្ធផល​ដែលគណបក្សប្រជាជនខិតខំកសាងជាង៤០ ឆ្នាំកន្លងមកនេះ ជាពិសេស ​គឺសន្ដិភាព និងស្ថិរភាពរបស់កម្ពុជា។ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត បញ្ជាក់ថា គោលនយោបាយរបស់រាជរដ្ឋាភិបាល ដឹកនាំដោយគណបក្សប្រជាជនកម្ពុជា គឺមិនមែនជាគោលនយោបាយ​ឆក់កណ្ដៀត ដូចគណបក្ស​នយោបាយមួយចំនួនដែលមានភាពមិនច្បាស់លាស់នោះទេ។ ប៉ុន្ដែគោលនយោបាយរបស់គណបក្សប្រជាជន គឺជាគោលនយោបាយច្បាស់លាស់ គ្រប់ជ្រុងជ្រោយ មាននិរន្តរភាព និងមានរយៈពេលយូរអង្វែងសម្រាប់អភិវឌ្ឍជាតិ មាតុភូមិ។ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត អំពាវនាវដល់បញ្ញវ័ន្តអ្នកវិភាគទាំងឡាយ​កុំមើល​ងាយគេពេក ប៉ុន្ដែត្រូវវិភាគរិះគន់ដើម្បីស្ថាបនា។ អ្នកខ្លះអង្គុយតែវិភាគមើលងាយគេ ប៉ុន្ដែមិនបាន​យល់អ្វីដែលជាគោលនយោបាយច្បាស់លាស់របស់រាជរដ្ឋាភិបាលក៏ដូចជាគណបក្សប្រជាជនកម្ពុជាឡើយ។ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត បានបញ្ជាក់ថា គោលនយោបាយ​របស់​រាជរដ្ឋាភិបាលពីមុន មាន មនុស្ស ទឹក ផ្លូវ ភ្លើង ប៉ុន្ដែឥឡូវរាជរដ្ឋាភិបាលត្រូវអភិវឌ្ឍន៍​បន្ថែម​នូវគោលនយោបាយទំនើបជាពិសេសប្រព័ន្ធបច្ចេកវិទ្យាឌីជីថល។ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត បញ្ជាក់ថា ការដាក់ចេញនូវគោលនយោបាយមួយ គឺមិនមែនជាការដាក់ចេញនូវគោលនយោបាយដែលស្អាត​ ឬពិរោះស្ដាប់នោះទេ ប៉ុន្ដែជាការដាក់​ចេញនូវគោលនយោបាយដែលផ្ដល់ផលប្រយោជន៍ដល់ប្រជាជន។ ហើយគោលនយោបាយ​ដែលបានដាក់ចេញហើយ គឺត្រូវតាមដានលើការអនុវត្តចំពោះគោលនយោបាយ​ទាំងនោះ​ឱ្យបានជាប់ជានិច្ច។ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ប្រកាសថ្លែងអំណរគុណដល់ថ្នាក់ដឹកនាំ​អន្តរជាតិ​នានា ដែលបានផ្ញើសារលិខិតអបអរសាទរ ចំពោះការឡើងតំណែងជានាយករដ្ឋមន្រ្ដីនៃកម្ពុជា សម្រាប់នីតិកាលទី៧នៃរដ្ឋសភារបស់ឯកឧត្ដម។ ខណៈការផ្ញើសារលិខិតអបអរសាទរនេះ គឺមិនមែនជាកាតព្វកិច្ចរបស់ប្រទេសនានា ឬប្រទេសទំនាក់ទំនងការទូតណាមួយនោះទេ។ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត បញ្ជាក់ថា កូវីដ-១៩ សម្លាប់យើងពីរផ្នែក ទី១ គឺអាយុជីវិត ទី២ គឺសេដ្ឋកិច្ច។ ដូច្នេះការសម្រេចចិត្តដ៏លំបាករបស់សម្ដេចតេជោ ហ៊ុន សែន នាពេលនោះ ​គឺជាការសម្រេចចិត្តដ៏លំបាក ដើម្បីថែរក្សាអាយុជីវិតរបស់ប្រជាជនផង​តាមរយៈការ​បញ្ចេញថវិកាសន្សំរបស់រដ្ឋផ្ដល់ការឧបត្ថម្ភដល់ប្រជាពលរដ្ឋ និងរក្សាឱ្យបាននូវស្ថិរភាព​របស់​ប្រទេសកម្ពុជា។ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត៖ខ្ញុំគ្មានពេលឈ្លោះជាមួយអ្នកនយោបាយរត់ចោលស្រុកមួយចំនួននោះទេ ពេលវេលារបស់ខ្ញុំគឺទុកសម្រាប់ប្រទេសជាតិ និងប្រជាជន។ ប៉ុន្ដែបើចង់ឈ្លោះចាំឈ្លោះជាមួយអ្នកនាំពាក្យរបស់ខ្ញុំទៅ។ ប៉ុន្ដែពេលខ្លះខ្ញុំក៏ត្រូវមានមតិខ្លះដែរ។ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ថ្លែងទៅកាន់ក្រុមប្រឆាំងនៅក្រៅស្រុកមួយចំនួនថា បើធ្វើបាតុកម្មនៅក្រៅស្រុក សូមធ្វើដោយស្របច្បាប់ប្រយ័ត្នផ្ទុយពីច្បាប់នៅស្រុកគេ។ឯកឧត្ដមបណ្ឌិតបន្តថា ពេលនេះគឺជាពេលជជែកគ្នាពីគោលនយោបាយ និង អនុសាសន៍នានា ដើម្បីអភិវឌ្ឍន៍ប្រទេសជាតិ មិនមែនជាពេលវេលាធ្វើបាតុកម្មនោះទេ។ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត បញ្ជាក់ថា ក្រុមដែលខ្ញុំបង្កើតមុនគេ គឺជាក្រុមព័ត៌មាន ដើម្បីប្រមូលព័ត៌មាននានាពីប្រជាពលរដ្ឋនូវទូទាំងប្រទេសដែលស្នើមក ដើម្បីដោះស្រាយរាល់សំណូមពរនានាជូនប្រជាពលរដ្ឋ។ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត គោលនយោបាយថ្មីសម្រាប់អាណត្តិទី៧នេះ គឺទី១ ថែរក្សាស្ថិរភាពនយោបាយ និងសន្ដិភាពរបស់ប្រទេសកម្ពុជា ដែលថ្នាក់ដឹកនាំអាណត្តិចាស់បានខិតខំកសាង និងបង្កើតឡើងជាង ៤០ឆ្នាំមកនេះ និងទី២ បង្កើនផលប្រយោជន៍ដល់ដៃប្រជាពលរដ្ឋ មានដូចជា គោលនយោបាយគន្លឹះទាំង៦ និងយុទ្ធសាស្រ្ដបញ្ចកោណ-ដំណាក់កាលទី១ ដែលបានដាក់ចេញ កាលពីថ្ងៃទី ២៤ ខែសីហានេះ។ឯកឧត្តមបណ្ឌិត ហ៊ុន ម៉ាណែត បញ្ជាក់ថា អ្នកធ្វើគោលនយោបាយជាតិ គឺសុទ្ធតែជាបណ្ឌិតដែលមានបទពិសោធន៍ការងារ និងបានសិក្សានៅក្រៅប្រទេសជាច្រើនរូប។ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត បញ្ជាក់ថា ការកែទម្រង់លើវិស័យមុខងារសាធារណៈក៏ជាវិស័យអាទិភាពទីមួយសម្រាប់រាជរដ្ឋាភិបាលអាណត្តិទី៧នេះផងដែរ។ ជាពិសេសគឺការជ្រើសរើសមន្រ្ដីរាជការថ្មី គឺត្រូវជ្រើរើសមន្រ្ដីឱ្យចូលបម្រើការងារឱ្យចំជំនាញច្បាស់លាស់។ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត បញ្ជាក់ថា ប្រព័ន្ធលើកទឹកចិត្តថ្មី គឺផ្ដោតលើមន្រ្ដីដែលធ្វើការងារជំនាញច្បាស់លាស់ ជាពិសេសមន្រ្ដីដែលស្ថិតនៅលើមុខងារលើការរៀបចំផែនការ និងគោលនយោបាយ គឺត្រូវមានការលើកទឹកចិត្តបន្ថែម។ឯកឧត្តមបណ្ឌិត ណែនាំដល់ក្រសួងពាក់ព័ន្ធត្រូវរៀបចំបង្កើតឱ្យមានក្រុមការងារក្នុងការស្រាវជ្រាវ និងនវានុវត្តន៍ ដើម្បីរៀបចំចង់ក្រង និងសរសេរប្រវត្តិសាស្រ្ដរបស់ប្រទេសកម្ពុជា។ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត បញ្ជាក់ថា កម្មវិធីគោលនយោបាយគន្លឹះអាទិភាពទាំង ៦ ដែលរាជរដ្ឋាភិបាលបានដាក់ចេញក្នុងអាណត្តិទី៧នេះ គឺត្រូវអនុវត្តភ្លាមៗក្នុងឆ្នាំ ២០២៣នេះ តែម្ដងគឺមិនអាចរងចាំឡើយចំពោះការងារបម្រើប្រជាពលរដ្ឋ។ឯកឧត្តមបណ្ឌិត ហ៊ុន ម៉ាណែត ប្រគល់ភារកិច្ចជាក់ស្ដែងចំពោះមុខដល់ក្រសួងការងារ និងបណ្ដុះបណ្ដាលវិជ្ជាជីវៈត្រូវប្រជុំ ដើម្បីកំណត់ប្រាក់ឈ្នួលអប្បបរមាកម្មករនិយោជិត ផ្នែកវាយនភ័ណ្ឌ កាត់ដេរ ផលិតស្បែកជើង និងផលិតផលធ្វើដំណើរ និងកាបូប សម្រាប់ឆ្នាំ២០២៤ ឱ្យបានរួចរាល់មុនថ្ងៃភ្ជុំបិណ្ឌ។ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ប្រកាសអនុញ្ញាតដល់បងប្អូនកម្មករនិយោជិត អាចចូលរៀនវគ្គបណ្ដុះបណ្ដាលជំនាញ ដែលជាគោលនយោបាយរបស់រាជរដ្ឋាភិបាលចំនួន ១.៥ លាននាក់ ដើម្បីអាចបង្កើនជំនាញរបស់ខ្លួនបន្ថែមទៀតផងដែរ។ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ប្រគល់ភារកិច្ចដល់ក្រសួងការងារ និងបណ្ដុះបណ្ដាលវិជ្ជាជីវៈត្រូវ ត្រូវបង្កើតឱ្យមានការប្រកួតប្រជែងលើប្រធានបទ សុខុមាលភាពកន្លែងការងារសម្រាប់បងប្អូនកម្មករនិយោជិតចាប់ពីឆ្នាំ ២០២៤ តទៅ។ឯកឧត្តមបណ្ឌិត ហ៊ុន ម៉ាណែត ប្រកាសទទួលរាល់ការរិះគន់ដើម្បីស្ថាបនា ប៉ុន្ដែមិនទទួលចំពោះការរិះគន់ដើម្បីតែវាយប្រហារ និងជាន់បន្លិចនោះទេ។ ដូច្នេះរាល់ការរិះគន់ គឺមិនមែនត្រូវតែមានការឆ្លើយតបគ្រប់ពេលនោះដែរ។

ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត អញ្ជើញចុះជួបសំណេះសំណាលជាមួយកម្មករ និយោជិត តាមរោងចក្រ សហគ្រាសនៅខណ្ឌពោធិ៍សែនជ័យ

2023/08/29 02:20:42 pm        181
Facebook Telegram Linkin
ភ្នំពេញ៖ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្រ្ដី អញ្ជើញចុះជួបសំណេះសំណាលជាមួយកម្មករ-កម្មការិនី និយោជិត តាមរោងចក្រ សហគ្រាស ចំនួន ១៨.០០០នាក់ មកពីរោងចក្រ សហគ្រាសចំនួន១៣ ដែលមានមូលដ្ឋាននៅតំបន់ព្រៃស្ពឺ ខណ្ឌពោធិ៍សែនជ័យ រាជធានីភ្នំពេញ នៅព្រឹកថ្ងៃទី២៩ ខែសីហា ឆ្នាំ២០២៣។រោងចក្រ សហគ្រាសទាំង១៣នេះ ជាប្រភេទរោងចក្រកាត់ដេរសម្លៀកបំពាក់ចំនួន១០, ផលិតផលិតផលធ្វើដំណើរ និងកាបូប, ដេរស្បែកជើង និងរោងចក្រផ្សេង៕

ឯកឧត្តម គីម រិទ្ធី បំផុសឱ្យចូលរួមដាំដើមឈើឱ្យបានគ្រប់ៗគ្នា និងគ្រប់ទីកន្លែង

2023/08/29 12:14:05 am        188
Facebook Telegram Linkin
ព្រះវិហារ៖ ឯកឧត្តម គីម រិទ្ធី អភិបាលខេត្តព្រះវិហារ បានបំផុសឱ្យមានការចូលរួមដាំដើមឈើ ​អោយបានគ្រប់ៗគ្នា​ គ្រប់ប្រភេទ ​និងគ្រប់ទីកន្លែងអោយបានច្រើន ​តាមលទ្ធភាពដែល​អាចធ្វើ​ទៅបាន។ថ្លែងក្នុងពិធីដាំកូនឈើអបអរសាទរទិវារុក្ខទិវា៩កក្កដាឆ្នាំ២០២៣ឯកឧត្តម គីម រិទ្ធី អភិបាល នៃ​គណៈអភិបាលខេត្តព្រះវិហារ បានណែនាំឱ្យចូលរួមជួយទប់ស្កាត់​ បញ្ឈប់ការកាប់ឈើ ​ការ​កាប់រានដុតឈូសឆាយដីព្រៃ ​ដើម្បីថែរក្សា ​ការពារព្រៃឈើទុក​សម្រាប់កូនចៅរបស់​យើង​នៅគ្រប់ជំនាន់ជាបន្តទៀត។សូមបញ្ជាក់ថា នៅព្រឹកថ្ងៃទី២៨ ខែសីហា ឆ្នាំ២០២៣នេះ ​ស្ថិតនៅក្នុងបរិវេណសាលាបឋមសិក្សា​ទំនប់ក្នុងភូមិទំនប់ សង្កាត់ប៉ាលហាល ក្រុងព្រះវិហារ រដ្ឋបាលខេត្តព្រះវិហារមានរៀបចំទិវារុក្ខទិវា៩ កក្កដា ​ឆ្នាំ២០២៣ ព្រមទាំងវត្តមានចូលរួមពីសំណាក់ថ្នាក់ដឹកនាំមន្ទីរ អង្គភាពនានាជុំវិញខេត្ត និងបងប្អូនប្រជាពលរដ្ឋជាច្រើនរូប។ក្នុងពិធីនោះ លោក ពឹង ទ្រីដា ប្រធានមន្ទីរកសិកម្មរុក្ខាប្រមាញ់ និងនេសាទខេត្តព្រះវិហារ បាន​ឱ្យដឹងថា ពិធីដាំកូនឈើនៅក្នុងថ្ងៃនេះ ​ខណ្ឌរដ្ឋបាលព្រៃឈើព្រះវិហារ ​បានដាំកូនឈើ​ប្រភេទ​ចម្រុះសរុបចំនួនជិត១០០០ដើម ក្នុងនោះកូនឈើក្រញូង១០០ដើម កូនឈើបេងចំនួន២០០ដើម និងកូនឈើធ្នង់ចំនួន៧០០ដើម ដាំក្នុងបរិវេន​សាលាបឋមសិក្សាទំនប់ ស្ថិតក្នុងភូមិទំនប់ ឃុំប៉ាលហាល ក្រុងព្រះវិហារ ។លោកប្រធានមន្ទីរកសិកម្មរុក្ខាប្រមាញ់ បានបន្ថែមទៀតថា ខណ្ឌរដ្ឋបាលព្រៃឈើព្រះវិហារ ក៏បាន​ចូលរួម​ចំណែកចែកកូនឈើហូបផ្លែសរុបចំនួន៦០០ដើម ក្នុងនោះមានកូនស្វាយចំនួន២០០ដើម កូនខ្នុរចំនួន២០០ដើម កូនអំពិលផ្អែមចំនួន១០០ដើម និងកូនទៀបបារាំងចំនួន១០០ដើម ជូនដល់ប្រជាពលរដ្ឋយកទៅដាំនៅក្នុងលំនៅដ្ឋានផងដែរ។នៅក្នុងឱកាសនោះ ឯកឧត្តម គីម រិទ្ធី ក៏បានថ្លែងអំណរគុណដល់មន្ទីរ កសិកម្មខេត្តក៏ដូច​ជាខណ្ឌរដ្ឋបាល​ព្រៃឈើខេត្ត ព្រមទាំង អាជ្ញាធរដែនដី​ គ្រប់លំដាប់ថ្នាក់ មន្ត្រីរាជការ កងកម្លាំង​គ្រប់​ប្រភេទ ​លោកគ្រូអ្នកគ្រូ សិស្សានុសិស្ស និងបងប្អូនប្រជាពលរដ្ឋ ដែលបានសហការ រៀបចំពិធីដ៏មានសារៈសំខាន់នេះឡើង។ ឯកឧត្តម បានឱ្យដឹងថា ពិធីរុក្ខទិវា ជាចលនាបំផុស ដាំដើមឈើ ដែលជាប្រពៃណីដ៏ល្អផូរផង់ ឧត្តុងឧត្តមរបស់ប្រជាជាតិយើង។ ចលនានេះមានតាំងពី ​សម័យសង្គមរាស្ត្រនិយម ក្រោម​ព្រះរាជបូជនីយកិច្ចផ្តួចផ្តើម និងដឹកនាំរបស់ព្រះករុណា ព្រះមហាវីរក្សត្រ ព្រះវររាជបិតាជាតិ​ខ្មែរព្រះបរមរតនកោដ្ឋ ​តាំងពីទស្សវត្ស៣០មក ដោយមានការចូលរួមយ៉ាង ​ផុសផុល ពី​ប្រជាពលរដ្ឋគ្រប់ស្រទាប់ ក្លាយទៅជាសកម្មភាពទូលំទូលាយក្នុងចលនាទិវាពលកម្ម ដាំដើមឈើនៅក្នុងសង្គម ដែលទីបំផុតត្រូវ បានទទួលស្គាល់ ជាពិធីប្រពៃណីជាតិមួយ ហៅថា ពិធីរុក្ខទិវា ដែលកំណត់ដោយព្រះរាជក្រឹត្យលេខ ៧៣៨ នស.រកត ចុះថ្ងៃទី៨ ខែសីហា ឆ្នាំ ១៩៥២៕

ភាគីពាក់ព័ន្ធប្រជុំលើកទី២ ដើម្បីកំណត់ប្រាក់ឈ្នួលអប្បបរមាកម្មករកាត់ដេរ ឆ្នាំ២០២៤

2023/08/28 10:23:16 pm        109
Facebook Telegram Linkin
ភ្នំពេញ៖ តាមការគ្រោងទុកនាព្រឹកថ្ងៃទី២៨ ខែសីហា ឆ្នាំ២០២៣នេះ ក្រុមប្រឹក្សាជាតិប្រាក់ឈ្នួលអប្បរមា អាណត្តិទី៣ បានជួបប្រជុំគ្នាជាលើកទី២ ដើម្បីកំណត់ប្រាក់ឈ្នួលអប្បបរមាកម្មករនិយោជិតផ្នែកវាយនភណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរ និងកាបូប សម្រាប់ឆ្នាំ២០២៤។កិច្ចប្រជុំចចារប្រាក់ឈ្នួលអប្បបរមាលើកទី២នេះបានដឹកនាំដោយ ឯកឧត្តម ហេង សួរ រដ្ឋមន្រ្តីថ្មីនៃក្រសួងការងារ និងបណ្តុះបណ្តាលវិជ្ជាជីវៈ និងមានការចូលរួមលក្ខណៈត្រីភាគីជាមួយ ភាគីសហជីព តំណាងឲ្យកម្មករនិយោជិត ភាគីនិយោជក រួមនឹងភាគីរដ្ឋាភិបាល។នាឱកាសនោះ ឯកឧត្តមរដ្ឋមន្រ្តីក្រសួងការងារ មានប្រសាសន៍ថា ជាកាពិតភាគីនីមួយៗ​នៅក្នុងអង្គប្រជុំនេះទាំងអស់ គឺធ្វើម៉េចឲ្យសេដ្ឋកិច្ចរីកចម្រើន ការវិនិយោគកើនឡើង ដូច្នេះទាំងភាគី​រដ្ឋាភិបាលក៏ចង់ឃើញ ដូចគ្នាទៅនឹងភាគីនិយោជកដែរ ​ដើម្បីធ្វើម៉េចពង្រីកអាជីវកម្ម ផលិតកម្ម។ ចំណែកភាគីសហជីព ​តំណាងឲ្យកម្មករនិយោជិត ក៏ចង់បានដូច្នេះ ពីព្រោះទាល់តែមានវិនិយោគថ្មី និងមានកំណើនសេដ្ឋកិច្ច ទើបមានឱកាសដើម្បីពង្រីកប្រាក់ឈ្នួលអប្បបរមា និង​ពង្រីកនូវទីផ្សារការងាររបស់ប្រទេសកម្ពុជា ដើម្បីបង្កើតការងារថ្មីៗ ជូនទៅដល់កម្មករនិយោជិត​នៅទូទាំងប្រទេសកម្ពុជា។សូមបញ្ជាក់ថា កាលពីកិច្ចប្រជុំលើកទី១ លោក អាត់ ធន់ ប្រធានសហភាពការងារកម្ពុជា បានលើកឡើងថា​ ការដំឡើងប្រាក់ឈ្នួលអប្បបរមាឆ្នាំ២០២៤ ខាងមុខនៅតែមានឱកាស ដោយសារកម្ពុជានៅតែមានសក្តានុពលនាំចេញ ហើយការចំណាយរបស់និយោជក​លើបេឡាជាតិសន្តិសុខសង្គម (ប.ស.ស.) នៅទាបនៅឡើយ។ សូមបញ្ជាក់ថា កិច្ចក្រុមប្រឹក្សាជាតិប្រាក់ឈ្នួលអប្បបរមា អាណត្តិទី៣ បានសម្រេចរៀបចំកិច្ចប្រជុំ​កំណត់​ប្រាក់ឈ្នួលចំនួន៧លើក គឺនៅថ្ងៃទី១៦ សីហា ថ្ងៃទី២៨ ខែសីហា ថ្ងៃទី ៤, ថ្ងៃទី១១,ថ្ងៃទី១៨, ថ្ងៃទី២៥ ខែកញ្ញា ​និងថ្ងៃទី២ ខែតុលា ឆ្នាំ២០២៣។គិតក្នុងឆ្នាំ២០២៣នេះប្រាក់ឈ្នួលអប្បបរមារបស់កម្មករនិយោជិតផ្នែកវាយនភ័ណ្ឌ ​កាត់ដេរ ផលិត​ស្បែកជើង​ និង​ផលិត​ផលិតផល​ធ្វើដំណើរ និងកាបូប ​មានចំនួន២០០ ដុល្លារអាម៉េរិក ក្នុង១ខែៗ៕ អត្ថបទ៖ ឈិត បូរ៉ាវី

បេសកកម្មភពព្រះចន្ទរបស់ឥណ្ឌា បញ្ជូនទិន្នន័យស្តីពីប្រវត្តិសីតុណ្ហភាពនៃប៉ូលខាងត្បូងរបស់ព្រះចន្ទមកផែនដី

2023/08/28 10:00:32 pm        163
Facebook Telegram Linkin
ឥណ្ឌា៖ អង្គការស្រាវជ្រាវអវកាសឥណ្ឌា (ISRO) បាននិយាយកាលពីថ្ងៃអាទិត្យ (២៧សីហា) ថា បន្ទុកនៅលើយានចុះចតនៃបេសកកម្មព្រះចន្ទ ចន្ត្រាយាន-3 (Chandrayaan-3) របស់ប្រទេសឥណ្ឌា បានបញ្ជូនទិន្នន័យការសង្កេតដំបូងរបស់ខ្លួន អំពីប្រវត្តិសីតុណ្ហភាពនៃផ្ទៃប៉ូលខាងត្បូងរបស់ព្រះចន្ទមកផែនដី។អង្គការនេះបានបន្ថែមថា បន្ទុកដែលហៅថា ការពិសោធន៍លើផ្ទៃព្រះចន្ទ (ChaSTE) របស់យានចន្ត្រា បានវាស់ទម្រង់សីតុណ្ហភាពនៃផ្ទៃព្រះចន្ទជុំវិញប៉ូលខាងត្បូង ដើម្បីស្វែងយល់ពីឥរិយាបថកម្ដៅនៃផ្ទៃព្រះចន្ទ។ទីភ្នាក់ងារ ISRO បាននិយាយនៅក្នុងការបង្ហោះនៅលើប្រព័ន្ធផ្សព្វផ្សាយសង្គម X ដែលពីមុនត្រូវបានគេស្គាល់ថាជាបណ្ដាញសង្គម Twitter ថា «បន្ទុកនោះមានឧបករណ៍ស៊ើបអង្កេតសីតុណ្ហភាព ដែលបំពាក់ដោយឧបករណ៍ជ្រៀតចូល ដែលមានសមត្ថភាពឈានដល់ជម្រៅ១០សង់ទីម៉ែត្រនៅក្រោមផ្ទៃព្រះចន្ទ។ទិន្នន័យក្រាបដែលបានបញ្ជូនមកនោះ បង្ហាញពីបម្រែបម្រួលសីតុណ្ហភាពនៃផ្ទៃព្រះច័ន្ទ ឬផ្ទៃនៅជិតភពព្រះចន្ទនៅជម្រៅផ្សេងៗ ដូចដែលបានកត់ត្រាក្នុងអំឡុងពេលការជ្រៀតចូលរបស់យាននេះ។ នោះគឺជាទម្រង់ដំបូងបង្អស់សម្រាប់សីតុណ្ហភាពប៉ូលខាងត្បូងរបស់ព្រះចន្ទ ចំណែកការសង្កេតលម្អិតកំពុងដំណើរការបន្តទៀត»។ ការវិវត្តន៍នេះបានកើតឡើងរយៈពេលបួនថ្ងៃ បន្ទាប់ពីបេសកកម្មអវកាសរបស់ឥណ្ឌា បានចុះចតដោយជោគជ័យលើផ្ទៃព្រះចន្ទនៅថ្ងៃទី២៣ ខែសីហា៕

គណៈកម្មាធិការសិទ្ធិមនុស្ស ប្តេជ្ញាអនុវត្តកិច្ចការការពារសិទ្ធិមនុស្សជាមួយដៃគូអន្តរជាតិ

2023/08/28 09:54:27 pm        232
Facebook Telegram Linkin
ភ្នំពេញ៖ ឯកឧត្តម កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា បានប្តេជ្ញា​អនុវត្តកិច្ច​ការការពារ​សិទ្ធិមនុស្សជាមួយស្ថាប័ន​ដៃគូអន្តរជាតិជានិច្ច ក្នុងទិសដៅពង្រីកវិសាលការការពារសិទ្ធិ​មនុស្សឲ្យកាន់តែប្រសើរថែមទៀត។ថ្លែងប្រាប់អ្នកសារព័ត៌មាន ក្រោយជំនួបពិភាក្សាជាមួយតំណាងការិយាល័យ​ឧត្តមស្នងការអង្គការ​សហប្រជាជាតិទទួលបន្ទុកសិទ្ធិមនុស្សប្រចាំនៅកម្ពុជា ​នៅថ្ងៃទី២៨ ខែសីហា ឆ្នាំ២០២៣ ឯកឧត្តម កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា​ បានឲ្យដឹងថា​ រាជរដ្ឋាភិបាលដឹកនាំដោយ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ​នាយករដ្ឋមន្រ្តី និងក្នុងនាមគណៈកម្មាធិការ​សិទ្ធិមនុស្សកម្ពុជា ​ដែលមានតួនាទីជាសេនាធិការ​សម្របសម្រួល​លើកិច្ចការសិទ្ធិមនុស្ស នឹង​អនុវត្តតាមគោល​នយោបាយនានា​របស់រាជរដ្ឋាភិបាល ​ដោយសារកិច្ចការសិទ្ធិមនុស្ស​មានការ​ពាក់ព័ន្ធ ​ដែលទាមទារកិច្ចសហការជាអន្តរវិស័យ ​និងអន្តរក្រសួង ក្នុងការ​បន្តពង្រីកវិសាលភាព​ការងារ​បន្ថែមលើកិច្ចការសិទ្ធិមនុស្ស។ឯកឧត្តម បញ្ជាក់ថា ក្រៅពីក្របខណ្ឌជាតិ ​គណៈកម្មាធិការសិទ្ធិមនុស្សកម្ពុជា ​នឹងបន្តសហការ​ជាមួយស្ថាប័នដៃគូអន្តរជាតិ រួមមាន​ការិយាល័យ​ឧត្តមស្នងការអង្គការ​សហប្រជាជាតិ​ទទួល​បន្ទុកសិទ្ធិមនុស្សប្រចាំនៅកម្ពុជា​ អ្នករាយការណ៍ពិសេសទទួលបន្ទុកសិទ្ធិមនុស្ស និង​សហភាពអឺរ៉ុបជាដើម​ ដើម្បីតាមដានជាប់ជាប្រចាំលើបញ្ហាសិទ្ធិមនុស្សគ្រប់រូប រួមទាំងទណ្ឌិតផងដែរ។ ឯកឧត្តម បញ្ជាក់ទៀតថា ចំពោះផែនការខាងមុខ គណៈកម្មាធិការសិទ្ធិមនុស្សកម្ពុជា នឹងរៀបចំ​យន្តការបញ្ជៀបការយល់ដឹងថ្នាក់ស្រុក ​ពិសេសមន្រ្តីពាក់ព័ន្ធ ដូចជា​ នគរបាលយន្តិធម៌ កម្លាំង​កងរាជអាវុធហត្ថ ដើម្បីបញ្ជៀសការអនុវត្តតួនាទី ​និងភារកិច្ចរបស់ខ្លួនកុំធ្វេសប្រហែស និងមានការប្រុងប្រយ័ត្នខ្ពស់ ​ដើម្បីបង្ការកំហុសឆ្គងដែលជះឥទ្ធិពលដល់កម្ពុជាលើឆាកអន្តរជាតិ។ ឯកឧត្តម បន្តថា ​រាជរដ្ឋាភិបាលដឹកនាំ​ដោយឯកឧត្តមកិត្តិទេសាភិបាល ហ៊ុន ​ម៉ាណែត គឺ​ប្រជាពលរដ្ឋគ្រប់រូបនឹងទទួលបានផលប្រយោជន៍បន្ថែមទៀត ​ក្រោយធ្វើកំណែទម្រង់​របស់​រាជរដ្ឋាភិបាលដែលដឹកនាំដោយ​គណបក្សប្រជាជនកម្ពុជា។ ឯកឧត្តម បន្ថែមថា តាមរយៈយន្តការដែលបាន​អនុវត្តក្នុងអាណត្ដិរបស់​រាជរដ្ឋាភិបាលកន្លងមក គណៈកម្មាធិការសិទ្ធិមនុស្សកម្ពុជា​នៅតែបន្តអនុវត្ត ​រួមទាំងបង្កើនកិច្ចការរបស់ខ្លួនបន្ថែមទៀត គឺ​ការដាក់ឲ្យដំណើរការប្រព័ន្ធឌីជីថលជូនប្រជាពលរដ្ឋ ដែលមិនពេញចិត្ត ឬមានបំណងប្តឹងលើករណីទាំងឡាយណាពាក់ព័ន្ធបញ្ហាសិទ្ធិមនុស្ស ៕

សាលារៀនមួយកន្លែងនៅប្រទេសឥណ្ឌាត្រូវបានបិទ បន្ទាប់ពីគ្រូប្រាប់សិស្សឲ្យវាយមិត្តរួមថ្នាក់ជនជាតិម៉ូស្លីមរបស់ខ្លួន

2023/08/28 09:25:52 pm        222
Facebook Telegram Linkin
ឥណ្ឌា៖ ក្រុមអាជ្ញាធរក្នុងរដ្ឋ Uttar Pradesh របស់ប្រទេសឥណ្ឌា បានបិទសាលាឯកជនមួយកន្លែង បន្ទាប់ពីគ្រូបង្រៀនម្នាក់របស់សាលានេះ បានប្រាប់ឱ្យសិស្សទះកំផ្លៀងមិត្តរួមថ្នាក់របស់ជនជាតិម៉ូស្លីមរបស់ពួកគេ។ ក្រុមមន្ត្រីបាននិយាយថា សាលារៀនឈ្មោះ Neha Public School ត្រូវបានបិទដោយសារតែគ្រឹះស្ថាននេះ «មិនបំពេញតាមលក្ខណៈវិនិច្ឆ័យរបស់នាយកដ្ឋានអប់រំ»។ក្រុមមន្ត្រីបាននិយាយថា សិស្សានុសិស្សរបស់សាលានេះ នឹងត្រូវផ្លាស់ទៅសាលារៀនរដ្ឋាភិបាល ឬសាលាផ្សេងទៀតដែលនៅជិតនោះ។ ជាមួយគ្នានេះ អ្នកគ្រូនៅសាលាឯកជននេះឈ្មោះ Tripta Tyagi បានប្រាប់ទូរទស្សន៍ NDTV ថា អ្នកស្រីមិនខ្មាស់នឹងទង្វើរបស់ខ្លួននោះទេ។វីដេអូមួយបានបង្ហាញអ្នកស្រី Tyagi ប្រាប់សិស្សរបស់ខ្លួនឱ្យទះកំផ្លៀងមិត្តរួមថ្នាក់ជនជាតិមូស្លីមអាយុប្រាំពីរឆ្នាំ នៅសាលាឯកជនតូចមួយក្នុងសង្កាត់ Muzaffarnagar ត្រូវបានចែករំលែកជាច្រើននៅលើប្រព័ន្ធផ្សព្វផ្សាយសង្គមកាលពីចុងសប្តាហ៍។ ឪពុករបស់ជនរងគ្រោះបានរាយការណ៍ប្រាប់នគរបាល ហើយបានដកកូនរបស់ខ្លួនចេញពីសាលា ប៉ុន្តែលោកមិនបានប្ដឹងនោះទេ។ វីដេអូនេះបានបង្កឱ្យមានការខឹងសម្បារនៅលើប្រព័ន្ធផ្សព្វផ្សាយសង្គម ដោយមានអ្នកប្រើប្រាស់ជាច្រើនបាននិយាយថា គួរតែចាត់វិធានការប្រឆាំងនឹងគ្រូបង្រៀនម្នាក់នោះ៕

ការតវ៉ាបានផ្ទុះឡើងក្នុងប្រទេសលីប៊ី ជុំវិញការទាក់ទងជាមួយអ៊ីស្រាអែល

2023/08/28 09:22:45 pm        156
Facebook Telegram Linkin
លីប៊ី៖ នាយករដ្ឋមន្ត្រីលីប៊ី បានផ្អាកតំណែងរដ្ឋមន្ត្រីការបរទេសរបស់ខ្លួន បន្ទាប់ពីលោកស្រីបានជួបក្រៅផ្លូវការជាមួយសមភាគីអ៊ីស្រាអែល។ ប្រទេសលីប៊ី មិនទទួលស្គាល់អ៊ីស្រាអែលទេ ដោយសាររដ្ឋធានីទ្រីប៉ូលីគាំទ្របុព្វហេតុប៉ាឡេស្ទីន ហើយកិច្ចប្រជុំរវាងរដ្ឋមន្រ្តីទាំងពីរនោះបានបង្កឱ្យមានការតវ៉ាជាច្រើន។ការតវ៉ាទាំងនោះ បានផ្ទុះឡើងនៅក្នុងរដ្ឋធានីទ្រីប៉ូលី និងទីក្រុងមួយចំនួនទៀត បន្ទាប់ពីមានព័ត៌មាននៃកិច្ចប្រជុំនេះត្រូវបានផ្សាយ។ ផ្លូវជាច្រើនខ្សែត្រូវបានបិទ និងមានការដុតសំបកកង់ ហើយក្រុមបាតុករបានគ្រវីទង់ជាតិប៉ាឡេស្ទីន ទោះបីជាការតវ៉ាហាក់ដូចជាមានស្ថានភាពតួចតាចក៏ដោយ។អ៊ីស្រាអែលកំពុងព្យាយាមកសាងទំនាក់ទំនងជិតស្និទ្ធជាមួយប្រទេសអារ៉ាប់ និងមូស្លីមច្រើនជាងមុន ដូចជាប្រទេសលីប៊ី ដែលសម្បូរទៅដោយប្រេងនេះជាដើម។ ទោះបីជាយ៉ាងណាក៏ដោយ ក្រុមប្រឹក្សាប្រធានាធិបតីរបស់ប្រទេសលីប៊ី ដែលតំណាងឱ្យខេត្តចំនួនបីរបស់ខ្លួន បាននិយាយថា វាខុសច្បាប់ក្នុងការធ្វើឱ្យមានទំនាក់ទំនងធម្មតាជាមួយអ៊ីស្រាអែល។ប្រទេសលីប៊ី បានស្ថិតក្នុងភាពចលាចលអស់ជាច្រើនឆ្នាំ ដោយប្រទេសនេះបានបែងចែករវាងរដ្ឋាភិបាលបណ្តោះអាសន្ន ដែលត្រូវបានទទួលស្គាល់ជាអន្តរជាតិនៅទីរដ្ឋធានីទ្រីប៉ូលី និងគូប្រជែងមួយនៅភាគខាងកើត៕

ទាហានម៉ារីនអាមេរិក ៣នាក់ស្លាប់ ៨នាក់រងរបួសបន្ទាប់ពីការធ្លាក់យន្តហោះនៅអូស្ត្រាលី

2023/08/28 09:19:59 pm        149
Facebook Telegram Linkin
អាមេរិក៖ អាជ្ញាធរនិយាយថា ទាហានម៉ារីនអាមេរិក៨នាក់បានស្ថិតនៅក្នុងមន្ទីរពេទ្យនៅថ្ងៃចន្ទនេះ ដែលម្នាក់ក្នុងចំណោមពួកគេ ស្ថិតនៅក្នុងបន្ទប់សង្គ្រោះបន្ទាន់ បន្ទាប់ពី ការធ្លាក់យន្តហោះយោធា នៅប្រទេសអូស្ត្រាលីភាគខាងជើង បណ្តាលឲ្យមេបញ្ជាការរបស់ពួកគេ៣នាក់ស្លាប់។ កងម៉ារីន ២៣នាក់ បានជិះនៅលើយន្តហោះ Boeing MV-22B Osprey នៅពេលយន្តហោះបានធ្លាក់នៅកោះ Melville ភាគខាងជើងទីក្រុង Darwin កាលពីព្រឹកថ្ងៃអាទិត្យ អំឡុងសមយុទ្ធយោធា សម្រាប់កងទ័ពមានមូលដ្ឋានក្នុងតំបន់។រដ្ឋមន្ត្រីប្រចាំដែនដីភាគខាងជើងលោកស្រី Natasha Fyles បាននិយាយថាទាហានម៉ារីន៨នាក់នៅកំពុងទទួលការព្យាបាល ហើយលោកស្រីមានបំណងធានាដល់ក្រុមគ្រួសាររបស់ពួកគេថា ពួកគេកំពុងទទួលបានការថែទាំងល្អបំផុត ហើយយើងកំពុងធ្វើការដើម្បីធានាបានថា ពួកគេត្រូវបានគាំទ្រ។ អាជ្ញាធរបានចាប់ផ្តើមការស៊ើបអង្កេតចំពោះអ្វីដែលបានបណ្តាលឲ្យយន្តហោះធ្លាក់ ហើយកិច្ចប្រឹងប្រែងកំពុងធ្វើឡើងដើម្បីរកឲ្យឃើញសាកសពទាហានម៉ារីន៣នាក់ដែលបានស្លាប់។ ស្នងការនគរបាលដែនដីភាគខាងជើង លោក Michael Murphy បានប្រាប់អ្នករាយការណ៍ព័ត៌មាន ពីការរកឃើញ និងការស៊ើបអង្កេត ថានឹងអូសបន្លាយពេល ដែលនឹងនៅបន្តនិងស្មុគស្មា្ញញ ហើយក្រុម មន្ត្រីកំពុងរំពឹងថានឹងស្ថិតនៅទីតាំងធ្លាក់យន្តហោះរយៈពេលយ៉ាងហោចណាស់១០ថ្ងៃ។ កាលពីពេលដំបូងលោកបានប្រាប់ប្រព័ន្ធផ្សព្វផ្សាយក្នុងតំបន់ថា យន្តហោះបានបុកដី នៅក្នុងដីព្រៃ ប៉ុន្តែអ្នកឆ្លើយតបបន្ទាន់ ត្រូវបានគេជួយក្នុងកិច្ចប្រឹងប្រែងដំបូងរបស់ពួកគេនៅទីតាំងព្រលានយន្តហោះនៅក្បែរនោះ៕

រដ្ឋមន្ត្រីការបរទេសអេហ្ស៊ីបនិងអ៊ីតាលីពិភាក្សាគ្នាអំពីបញ្ហាទ្វេភាគី និងក្នុងតំបន់

2023/08/28 08:48:18 pm        193
Facebook Telegram Linkin
អេហ្ស៊ីប៖ រដ្ឋមន្ត្រីការបរទេសអេហ្ស៊ីប លោក សាមេ សូគ្រី ( Sameh Shoukry) និងសមភាគីអ៊ីតាលីលោក អង់តូនីញ៉ូ តាចានី (Antonio Tajani) បានពិភាក្សាគ្នាកាលពីថ្ងៃអាទិត្យអំពីបញ្ហាទ្វេភាគី និងក្នុងតំបន់។ក្រសួង បាននិយាយនៅក្នុងសេចក្តីថ្លែងការណ៍មួយថាក្នុងអំឡុងពេលសន្ទនាតាមទូរស័ព្ទ លោកតាចានី បានស្តាប់ពីការវាយតម្លៃរបស់សូគ្រីអំពីការវិវឌ្ឍនៅក្នុងប្រទេសនីហ្សេ និងវិធីដោះស្រាយវិបត្តិតាមរយៈមធ្យោបាយការទូត ដើម្បីការពារសន្តិសុខ និងស្ថិរភាពរបស់ប្រទេសនីហ្សេ និងក្នុងតំបន់នេះ។ពួកគេក៏បានពិភាក្សាអំពីស្ថានភាពនៅក្នុងប្រទេសលីប៊ី ដែលលោកសូគ្រី បានជូនដំណឹងដល់សមភាគីអ៊ីតាលីរបស់លោកអំពីចក្ខុវិស័យរបស់ប្រទេសអេហ្ស៊ីបទាក់ទងនឹងការវិវឌ្ឍនៅក្នុងស្ថានភាពនយោបាយ និងសន្តិសុខ។លោកសូគ្រី ក៏បានពិនិត្យឡើងវិញនូវមធ្យោបាយ ដើម្បីគាំទ្រដំណោះស្រាយ ដែលធានាដល់ការរៀបចំការបោះឆ្នោតសភា និងប្រធានាធិបតី នៅក្នុងប្រទេសលីប៊ី នៅក្នុងឱកាសដំបូងបំផុត។លើសពីនេះទៀត អ្នកការទូតកំពូលទាំងពីរ បានដោះស្រាយលក្ខខណ្ឌទូទៅ និងបញ្ហាប្រឈមនានានៅក្នុងតំបន់មេឌីទែរ៉ាណេ រួមទាំងបញ្ហាអន្តោប្រវេសន៍ខុសច្បាប់ផងដែរ៕

បណ្ដាញសង្គម

ព័ត៌មានថ្មីៗ

បុរីវ៉ាទីកង់៖ សម្តេចប៉ាបមានជំងឺមហារីកសួត ប៉ុន្តែបានទទួលការវះកាត់ដោយជោគជ័យ
10/14/2026 05:10 PM
Facebook Telegram Linkin
ប្រធាន IMF លើកឡើងថា ការវាយប្រហារលើអារ៉ាប៊ីសាអ៊ូឌីត អាចបង្កផលប៉ះពាល់អវិជ្ជមាន «គ្រប់ទីកន្លែង»
10/14/2026 05:10 PM
Facebook Telegram Linkin
រុស្ស៊ីចោទបារាំងថា «បាន​ប្រព្រឹត្តអំពើចោរសមុទ្រ»ពាក់ព័ន្ធនឹងការរឹបអូសនាវាដឹកប្រេង
10/14/2026 05:10 PM
Facebook Telegram Linkin
សហរដ្ឋអាមេរិកប្តេជ្ញាចិត្តបន្តសហការជាមួយប្រទេសកម្ពុជាប្រយុទ្ធប្រឆាំងការផ្ដល់ហិរញ្ញវត្ថុខុសច្បាប់ និងការបោកប្រាស់តាមប្រព័ន្ធអនឡាញ
10/14/2026 04:10 PM
Facebook Telegram Linkin
គិតត្រឹមខែកញ្ញាឆ្នាំ២០២៦នេះ មន្ត្រីនគរបាល ៧៧នាក់ត្រូវវិន័យធ្ងន់ធ្ងរដោយសារ Online Scams ខណៈជនជាតិខ្មែរ និងបរទេសជិត ៥ពាន់ទៀតត្រូវជាប់ឃុំ
10/14/2026 04:10 PM
Facebook Telegram Linkin
អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ អញ្ជើញដឹកនាំកិច្ចប្រជុំត្រួតពិនិត្យ និងវាយតម្លៃផលប៉ះពាល់ដំណាំកសិកម្ម ក្នុងខេត្តកំពង់ធំ
10/14/2026 04:10 PM
Facebook Telegram Linkin
វិមានក្រឹមឡាំង៖ អឺរ៉ុបនៅតែជាអ្នកទិញប្រេងរុស្ស៊ីដ៏សំខាន់ ទោះបីជាមានការលើកឡើងផ្សេងៗគ្នាក៏ដោយ
10/14/2026 04:10 PM
Facebook Telegram Linkin
លំហាត់ហ្វឹកហ្វឺនសង្គ្រោះគ្រោះមហន្តរាយរួមគ្នារវាងកងទ័ព ៣ប្រទេស កម្ពុជា-ឡាវ-វៀតណាម ប្រចាំឆ្នាំ២០២៦ ប្រព្រឹត្តទៅប្រកបដោយភាពជោគជ័យ
10/14/2026 04:10 PM
Facebook Telegram Linkin
លោក Trump ព្រមានពីការ​មាន​វិធានការបន្ថែម លើ​អ៊ីរ៉ង់ អំឡុង​ឃោសនា នៅ​រដ្ឋAlaska ​
10/14/2026 04:10 PM
Facebook Telegram Linkin
ក្នុងខែកញ្ញា កម្ពុជាអនុម័តគម្រោងវិនិយោគចំនួន ៣៦ គម្រោង​បន្ថែមទៀត មាន​ទុន​វិនិយោគសរុប ៤៧០លានដុល្លារ
10/14/2026 04:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.