នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
កម្ពុជា-អាស៊ែបៃហ្សង់ បង្ហាញសុទិដ្ឋិនិយមចំពោះការជំរុញទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ
អ្នកនាំពាក្យ៖ ទីបំផុតលោក សម រង្ស៊ី បានបង្ហាញច្បាស់ថា គាត់ពិតជាបាននិយាយការពារថៃ និង​មួលបង្កាច់កម្ពុជា
កម្ពុជា-អាស៊ែបៃហ្សង់ នឹងបន្តពង្រឹង និងពង្រីកកិច្ចសហប្រតិបត្តិការឱ្យកាន់តែរីកចម្រើនបន្ថែមទៀត
សម្តេចធិបតី ជំរុញ កម្ពុជា-វៀតណាម មើលគ្នាជាគោលដៅទេសចរណ៍ និងទាក់ទាញទេសចរពី ទីផ្សារទី៣

នយោបាយ​ និង ការអភិវឌ្ឍន៍

អង្គការសហប្រជាជាតិ ត្រូវបានជំរុញឱ្យកាត់ផ្ដាច់ទំនាក់ទំនង ជាមួយបណ្ដាមេដឹកនាំរដ្ឋប្រហារមីយ៉ាន់ម៉ា

2023/08/23 09:20:47 pm        106
Facebook Telegram Linkin
មីយ៉ាន់ម៉ា៖ ក្រុមអង្គការសង្គមស៊ីវិល ដែលធ្វើការពាក់ព័ន្ធនឹងសហភាពមីយ៉ាន់ម៉ា បានរិះគន់ប្រធានជំនួយសង្គ្រោះរបស់អង្គការសហប្រជាជាតិ លោក Martin Griffiths ជុំវិញដំណើររបស់លោកទៅកាន់ប្រទេសនេះនាពេលថ្មីៗនេះ ដោយនិយាយថា ដំណើរទស្សនកិច្ចរបស់លោកមិនបានធ្វើឱ្យមានការជឿនលឿនច្រើនលើជំនួយមនុស្សធម៌នោះទេ និងបានផ្តល់ភាពស្របច្បាប់ដល់ក្រុមមេដឹកនាំរដ្ឋប្រហារ ដែលប្រើប្រាស់ជំនួយជាអាវុធ មួយនេះទៀតផង។ក្រុមសង្គមស៊ីវិលនេះបាននិយាយថា «ការចូលរួមគោលការណ៍ផ្នែកមនុស្សធម៌ ត្រូវតែមើលឃើញការិយាល័យសម្របសម្រួលកិច្ចការមនុស្សធម៌ OCHA និងភ្នាក់ងារមនុស្សធម៌ដទៃទៀតរបស់អង្គការសហប្រជាជាតិ កាត់ផ្ដាច់ទំនាក់ទំនងជាមួយរបបយោធាឧក្រិដ្ឋកម្មខុសច្បាប់មីយ៉ាន់ម៉ានេះ ដែលប្រើប្រាស់ជំនួយជាអាវុធ និងជាឫសគល់នៃការឈឺចាប់មនុស្សនៅក្នុងសហភាពមីយ៉ាន់ម៉ា"។លោក Griffiths ដែលជាអគ្គលេខាធិការរងអង្គការសហប្រជាជាតិទទួលបន្ទុកកិច្ចការមនុស្សធម៌ និងជាអ្នកសម្របសម្រួលជំនួយសង្គ្រោះបន្ទាន់ បានធ្វើដំណើរទៅកាន់រដ្ឋធានី Naypyidaw សហភាពមីយ៉ាន់មា កាលពីសប្តាហ៍មុន ជាទីដែលលោកត្រូវបានគេថតរូបដាក់នៅលើទំព័រមុខនៃសារព័ត៌មាន Global New Light របស់មីយ៉ាន់ម៉ា ក្នុងការចាប់ដៃជាមួយមេទ័ព ដែលជាឧត្តមសេនីយ៍ជាន់ខ្ពស់ លោក Min Aung Hlaing ដែលបានដឹកនាំការដណ្តើមអំណាចនៅខែកុម្ភៈ ឆ្នាំ២០២១ របស់យោធា។កាលពីខែកក្កដា ប្រធានសិទ្ធិមនុស្សអង្គការសហប្រជាជាតិ លោក Volker Turk បាននិយាយថា យោធាមីយ៉ាន់ម៉ាបានចូលរួមក្នុង «ការបដិសេធជាប្រព័ន្ធ» នៃការផ្តល់ជំនួយមនុស្សធម៌ដល់ជនស៊ីវិលរាប់លាននាក់ដែលត្រូវការជំនួយ ដោយបង្កើតរបាំងផ្លូវច្បាប់ ហិរញ្ញវត្ថុ និងការិយាធិបតេយ្យ ដើម្បីរារាំងប្រជាជនពីការទទួលបានជំនួយ៕

សហរដ្ឋអាមេរិកដាក់ទណ្ឌកម្មប្រទេសចិន ជុំវិញការធ្វើសមានកម្មដោយបង្ខំលើកុមារទីបេតិ៍

2023/08/23 09:17:46 pm        103
Facebook Telegram Linkin
អាមេរិក៖ សហរដ្ឋអាមេរិកបាននិយាយកាលពីថ្ងៃអង្គារ (២២សីហា)ថា ខ្លួនកំពុងដាក់ទណ្ឌកម្មទិដ្ឋាការលើមន្ត្រីចិនដែលបន្ត «ការធ្វើសមានកម្មដោយបង្ខំ» របស់កុមារនៅក្នុងតំបន់ទីបេតិ៍ ជាទីដែលក្រុមអ្នកជំនាញរបស់អង្គការសហប្រជាជាតិនិយាយថា កុមារចំនួន១លាននាក់ត្រូវបានបំបែកចេញពីគ្រួសាររបស់ពួកគេ។នៅក្នុងសកម្មភាពចុងក្រោយបង្អស់របស់សហរដ្ឋអាមេរិកលើទីក្រុងប៉េកាំង បើទោះបីជាមានការបន្តកិច្ចសន្ទនាកម្រិតខ្ពស់ឡើងវិញក៏ដោយ រដ្ឋមន្ត្រីការបរទេសលោក Antony Blinken បាននិយាយថា សហរដ្ឋអាមេរិកនឹងដាក់ការរឹតត្បិតទិដ្ឋាការដល់មន្ត្រីចិនដែលនៅពីក្រោយគោលនយោបាយផ្តល់អាហារូបករណ៍របស់រដ្ឋ។ចាប់តាំងពីឆ្នាំ២០២១មក សហរដ្ឋអាមេរិក បានចោទប្រកាន់ប្រទេសចិន ពីបទប្រល័យពូជសាសន៍នៅក្នុងតំបន់មួយផ្សេងទៀត គឺតំបន់ស៊ីនជាំង តាមរយៈអ្វីដែលក្រុមមន្ត្រីសហរដ្ឋអាមេរិក ក្រុមសិទ្ធិមនុស្ស និងសាក្សីនិយាយថា គឺជាបណ្តាញដ៏ធំនៃជំរំពលកម្មដោយបង្ខំ ប៉ុន្តែប្រទេសចិនបានបដិសេធការចោទប្រកាន់នេះ។អ្នកនាំពាក្យក្រសួងការបរទេសអាមេរិកនេះបាននិយាយថា ការរឹតបន្តឹងថ្មីនេះនឹងអនុវត្តចំពោះមន្ត្រីបច្ចុប្បន្ន និងអតីតមន្រ្តី ដែលពាក់ព័ន្ធនឹងគោលនយោបាយអប់រំនៅទីបេតិ៍ប៉ុន្តែមិនបានផ្តល់ព័ត៌មានលម្អិតបន្ថែមទៀតទេ ដោយលើកឡើងពីច្បាប់សម្ងាត់របស់សហរដ្ឋអាមេរិកស្តីពីកំណត់ត្រាទិដ្ឋាការ៕

ប្រធានាធិបតីអាមេរិក នឹងចូលរួមកិច្ចប្រជុំកំពូលG20 នៅឥណ្ឌា

2023/08/23 09:09:34 pm        127
Facebook Telegram Linkin
អាមេរិក៖ .រដ្ឋាភិបាលអាមេរិក បាននិយាយថាប្រធានាធិបតីលោក Joe Biden នឹងចូលរួមកិច្ចប្រជុំកំពូលក្រុមប្រទេសG20 នៅក្នុងប្រទេសឥណ្ឌានៅខែក្រោយ។ ទីប្រឹក្សាសន្តិសុខជាតិ សហរដ្ឋអាមេរិក លោក Jake Sullivan បានប្រកាសកាលពីថ្ងៃអង្គារថាលោក Biden នឹងធ្វើដំណើរទៅកាន់ទីក្រុង New Delhi ពីថ្ងៃទី៧ ដល់ថ្ងៃទី១០ ខែកញ្ញាដើម្បីចូលរួមកិច្ចប្រជុំកំពូលមេដឹកនាំប្រទេស G20។ សេតវិមាននិយាយថា លោក Biden និងដៃគូប្រទេស G20 នឹងពិភាក្សាកិច្ចប្រឹងប្រែងរួមជាបន្តបន្ទាប់ដើម្បីដោះស្រាយ បញ្ហាសកល រួមទាំងការផ្លាស់ប្តូរទៅរកថាមពលស្អាត និងការប្រយុទ្ធប្រឆាំងបម្រែបម្រួលអាកាសធាតុ។សេតវិមាននិយាយថាមេដឹកនាំទាំងអស់ នឹងផ្តោតលើយុទ្ធសាស្ត្រដើម្បីសម្រាលផលប៉ះពាល់សេដ្ឋកិច្ច និងសង្គមបង្កឡើងដោយសង្គ្រាមរបស់ប្រធានាធិបតី រុស្ស៊ី លោក Vladimir Putin នៅអ៊ុយក្រែន។ លោក Sullivan និយាយថា លោក Biden នឹងមានជំនួបទ្វេរភាគីមួយចំនួន អំឡុងការស្នាក់នៅរបស់លោក ប៉ុន្តែពុំបានផ្តល់ព័ត៌មានល្អិតនោះទេ។ ការយកចិត្តទុកដាក់នោះ គឺផ្តោតលើថា លោក Biden នឹងជួបជាមួយប្រធានាធិបតីចិនលោក Xi Jinping ឬយ៉ាងណា។ លោក Sullivan និយាយថា អនុប្រធានាធិបតីលោកស្រី Kamala Harris នឹងចូលរួមកចិ្ចប្រជុំកំពូលរបស់សមាគមប្រជាជាតិអាស៊ីអាគ្នេយ៍ និងកិច្ចប្រជុំកំពូលអាស៊ីបូព៌ា នៅក្នុងទីក្រុងហ្សាកាតា ប្រទេសឥណ្ឌូនេស៊ី នៅដើមខែក្រោយ៕

ប្រទេសហ្វីលីពីន៖ មូលដ្ឋានយោធានៅសមុទ្រចិនខាងត្បូង ត្រូវបានផ្គត់ផ្គង់ឡើងវិញបើទោះបីជាមានការយាយីពីប្រទេសចិនក៏ដោយ

2023/08/23 08:48:50 pm        112
Facebook Telegram Linkin
ហ្វីលីពីន៖ ប្រទេសហ្វីលីពីនកាលពីថ្ងៃអង្គារ បាននិយាយថា ខ្លួនបានបញ្ជូនសម្ភារៈផ្គត់ផ្គង់ដោយជោគជ័យដល់កងម៉ារីននៅលើនាវា BRP Sierra Madre ដែលជាមូលដ្ឋានយោធាដែលចាស់ទ្រុឌទ្រោមនៅក្នុងសមុទ្រចិនខាងត្បូង ដែលមានការប្រកួតប្រជែង ទោះបីជាមានការប៉ុនប៉ងដោយនាវាចិន ដើម្បីរារាំងបេសកកម្មនេះក៏ដោយ។ក្រុមការងារជាតិសម្រាប់សមុទ្រហ្វីលីពីនខាងលិច បាននិយាយនៅក្នុងសេចក្តីថ្លែងការណ៍មួយថា ខ្លួនបានបញ្ជូនសម្ភារៈផ្គត់ផ្គង់ដោយជោគជ័យដល់នាវាចូលចតដែលជាប់គាំងនៅលើកោះប៉ប្រះទឹកថូម៉ាសទី២ ( Second Thomas Shoal ) ក្នុងតំបន់សេដ្ឋកិច្ចផ្តាច់មុខរបស់ទីក្រុងម៉ានីល ដែលប្រទេសចិនហៅថា Renai Reef (តំបន់ថ្មប៉ប្រះទឹករីណៃ)ហើយថែមទាំងអះអាងថា ជាទឹកដីអធិបតេយ្យភាពរបស់ខ្លួន។ក្រុមការងារ បាននិយាយថា បេសកកម្មនេះ ត្រូវបានអនុវត្ត ទោះបីជាមានការប៉ុនប៉ងដោយឆ្មាំល្បាតសមុទ្រចិន និងកងជីវពលដែនសមុទ្រចិន ដើម្បីរារាំង យាយី និងជ្រៀតជ្រែក ក្នុងបេសកកម្មផ្គត់ផ្គង់នេះក្តី។កងជីវពលដែនសមុទ្ររបស់ប្រទេសចិន គឺជានាវារាប់រយគ្រឿងដ៏ខ្លាំងក្លា ហើយដើរតួជាកម្លាំងមិនផ្លូវការ និងមិនអាចប្រកែកបានជាផ្លូវការ ដែលទីក្រុងប៉េកាំងប្រើ ដើម្បីជំរុញការទាមទារទឹកដីរបស់ខ្លួនទាំងនៅក្នុងសមុទ្រចិនខាងត្បូង និងហួសពីនេះ បើយោងតាមហ្វីលីពីន សហរដ្ឋអាមេរិក និងអ្នកជំនាញសន្តិសុខសមុទ្រលោកខាងលិច៕

ចិនបង្ហាញភាពមិនពេញចិត្តខាងការទូត ចំពោះជប៉ុន ជុំវិញការសម្រេចបង្ហូរទឹកកង្វក់នុយក្លេអ៊ែរ

2023/08/23 08:46:15 pm        148
Facebook Telegram Linkin
ចិន៖ អនុរដ្ឋមន្ត្រីការបរទេសចិន លោក Sun Weidong (ស៊ុន វ៉ីតុង) កាលពីថ្ងៃអង្គារ (ទី២២ ខែសីហា) បានកោះហៅឯកអគ្គរដ្ឋទូតជប៉ុនប្រចាំនៅប្រទេសចិនលោក Hideo Tarumi (ហ៊ីដេអុ ថារូមិ) ឲ្យមកទទួលស្ដាប់ការជំទាស់យ៉ាងដាច់អហង្ហការ ជុំវិញការសម្រេចរបស់រដ្ឋាភិបាលជប៉ុន ក្នុងការចាប់ផ្តើមបញ្ចេញទឹកកខ្វក់នុយក្លេអ៊ែរចូលទៅក្នុងមហាសមុទ្រ ចាប់ពីថ្ងៃព្រហស្បតិ៍ (ទី២៤ ខែសីហា) ស្អែកនេះ។អមជាមួយនឹងបញ្ជាក់បន្ថែមពីការព្រួយបារម្ភយ៉ាងខ្លាំង និងការប្រឆាំងយ៉ាងដាច់អហង្ហាររបស់ប្រទេសចិន ចំពោះការសម្រេចនេះ លោក Sun បានចង្អុលបង្ហាញថា៖ «ដោយមិនយកចិត្តទុកដាក់លើការសង្ស័យ និងការប្រឆាំងយ៉ាងខ្លាំងក្លាពីសហគមន៍អន្តរជាតិ រដ្ឋាភិបាលជប៉ុនបានប្រកាសយ៉ាងម៉ឺងម៉ាត់ ចំពោះការបង្ហូរចេញនូវទឹកកខ្វក់នុយក្លេអ៊ែរពីរោងចក្រហ្វូគូស៊ីម៉ា (Fukushima) ចូលទៅក្នុងមហាសមុទ្រប៉ាស៊ីហ្វិក។ ទង្វើបែបនេះ ជាការបញ្ជូនយ៉ាងច្បាស់ក្រឡែតនូវហានិភ័យនៃការបំពុលនុយក្លេអ៊ែរទៅកាន់ប្រទេសជិតខាង ក្នុងនោះរួមទាំងប្រទេសចិន និងសហគមន៍អន្តរជាតិផ្សេងទៀត ដោយដាក់ផលប្រយោជន៍ផ្ទាល់ខ្លួនរបស់ប្រទេសមួយ លើសពីសុខុមាលភាពយូរអង្វែងរបស់ប្រជាជន ក្នុងតំបន់ និងជុំវិញពិភពលោក ដែលជារឿងអាត្មានិយមបំផុត និងគ្មានការទទួលខុសត្រូវ»។លោក Sun បានបន្តទៀតថា ប្រទេសចិនទទូចយ៉ាងខ្លាំងដល់ភាគីជប៉ុនឲ្យលុបចោលការសម្រេចចិត្តខុសរបស់ខ្លួននេះ បញ្ឈប់ការបន្តគម្រោងបង្ហូរទឹកកខ្វក់នុយក្លេអ៊ែរនេះ ទំនាក់ទំនងជាមួយប្រទេសជិតខាងដោយស្មោះត្រង់ និងដោះស្រាយបញ្ហា ដោយការទទួលខុសត្រូវ ដើម្បីជៀសវាងការបង្កការខូចខាត និងគ្រោះថ្នាក់ដែលមិនអាចទាយទុកជាមុនបាន ចំពោះបរិស្ថានសមុទ្រពិភពលោក។ ជាមួយគ្នានេះ លោកក៏បានព្រមានថា ប្រសិនបើជប៉ុនទទូចចង់បន្តដំណើរការរបស់ខ្លួន រដ្ឋាភិបាលចិននឹងចាត់វិធានការចាំបាច់ ដើម្បីការពារយ៉ាងម៉ឺងម៉ាត់នូវបរិស្ថានសមុទ្រ សុវត្ថិភាពអាហារ និងសុខភាពសាធារណៈ។នៅព្រឹកថ្ងៃដដែលនោះ ស្ថានទូតចិន នៅទីក្រុងតូក្យូ ក៏បានធ្វើការតវ៉ា ចំពោះការសម្រេចចិត្តរបស់ប្រទេសជប៉ុន ដោយហៅការធ្វើបែបនេះថា «គ្មានការទទួលខុសត្រូវ និងអាត្មានិយមបំផុត»៕

ប្រធានាធិបតីប៉ូឡូញ៖ រុស្ស៊ីកំពុងផ្លាស់ប្តូរអាវុធនុយក្លេអ៊ែរទៅប្រទេសបេឡារុស

2023/08/23 08:41:47 pm        121
Facebook Telegram Linkin
ប៉ូឡូញ៖ ប្រទេសប៉ូឡូញ បាននិយាយកាលពីថ្ងៃអង្គារថា ប្រទេសរុស្ស៊ី កំពុងផ្ទេរអាវុធនុយក្លេអ៊ែររយៈចម្ងាយខ្លីមួយចំនួនទៅកាន់ប្រទេសបេឡារុស ដែលជាទង្វើមួយដែលប្រធានាធិបតីប៉ូឡូញ លោក អានហ្សេ ឌូដា Andrzej Duda បាននិយាយថា អាចផ្លាស់ប្តូរសម្ព័ន្ធភាពណាតូនៅក្នុងតំបន់នេះ។ទាំងប្រធានាធិបតីរុស្ស៊ី លោក វ្ល៉ាឌីមៀ ពូទីន និងសមភាគីបេឡារុស លោក អាឡិចសាន់ឌឺ លូកាសិនកូ (Alexander Lukashenko) បាននិយាយកាលពីខែមុនថា ទីក្រុងមូស្គូ បានដឹកជញ្ជូនអាវុធនុយក្លេអ៊ែរយុទ្ធសាស្ត្រមួយចំនួនរបស់ខ្លួនទៅប្រទេសបេឡារុសរួចហើយ បន្ទាប់ពីបានប្រកាសផែនការកាលពីខែមីនា។ព័ត៌មានអំពីការផ្លាស់ប្តូរនេះ បានកើតឡើងមួយថ្ងៃបន្ទាប់ពីស្ថានទូតសហរដ្ឋអាមេរិកនៅប្រទេសបេឡារុស បានចេញការជូនដំណឹងកាលពីថ្ងៃចន្ទសម្រាប់ពលរដ្ឋអាមេរិកទាំងអស់នៅក្នុងប្រទេសឲ្យចាកចេញជាបន្ទាន់ ហើយបានព្រមានប្រឆាំងនឹងការធ្វើដំណើរនៅទីនោះ។ការព្រមាននេះ ធ្វើឡើងបន្ទាប់ពីប្រទេសលីទុយអានី បានបិទច្រកព្រំដែនសំខាន់ៗចំនួនពីររបស់ខ្លួនជាមួយប្រទេសបេឡារុស ជុំវិញការព្រួយបារម្ភអំពីក្រុមទាហានស៊ីឈ្នួលរុស្ស៊ី Wagner ដែលបានបង្កើតប្រតិបត្តិការ នៅក្នុងប្រទេសនេះ។ទីក្រុងមូស្គូ បាននិយាយថា ខ្លួននឹងរក្សាការគ្រប់គ្រងលើក្បាលគ្រាប់ដែលខ្លួនបញ្ជូនទៅកាន់ប្រទេសបេឡារុស។ បេឡារុស គឺជាប្រទេសសំខាន់ និងជាយុទ្ធសាស្ត្រ ព្រោះប្រទេសនេះមានព្រំប្រទល់ជាប់នឹងអង្គការណាតូ ដូចជាប៉ូឡូញ លីទុយអានី និងឡាតវី ជាបន្ថែមពីលើប្រទេសអ៊ុយក្រែន៕

ខែសីហា ឆ្នាំ ២០២៣នេះ គឺជាខួបលើកទី៦នៃវិបត្តិជនជាតិភាគតិចរ៉ូហ៊ីងយ៉ានៅរដ្ឋ Rakhine សហភាពមីយ៉ាន់ម៉ា

2023/08/23 07:44:03 pm        119
Facebook Telegram Linkin
មីយ៉ាន់ម៉ា៖ ខែសីហា ឆ្នាំ ២០២៣នេះ គឺជាខួបលើកទី ៦នៃការរត់ភៀសខ្លួនរបស់ជនជាតិភាគតិចរ៉ូហ៊ីងយ៉ាជាង ៧៣ម៉ឺននាក់ ចេញពីរដ្ឋ Rakhine សហភាពមីយ៉ាន់ម៉ា ទៅកាន់ប្រទេសជិតខាងបង់ក្លាដែស ក្រោយការបង្ក្រាបយ៉ាងចាស់ដៃដឹកនាំដោយយោធា ដើម្បីឆ្លើយតបនឹងការវាយប្រហាររបស់ក្រុមជីវពលមូស្លីមមកលើប៉ុស្តិ៍សន្តិសុខមីយ៉ាន់ម៉ា ។ ជនមូស្លីមរ៉ូហ៊ីងយ៉ាជាង ៧៣ម៉ឺននាក់ បានរត់ភៀសខ្លួនចេញពីរដ្ឋ Rakhineកាលពីខែសីហា ឆ្នាំ ២០១៧ ក្រោយវិធានការបោសសម្អាតរបស់យោធាដែលជនភៀសខ្លួននិយាយថា រួមមានទាំងការសម្លាប់រង្គាល និងការចាប់រំលោភសេពសន្ថវៈ ។ ក្រុមសិទ្ធិមនុស្ស បានចងក្រងជាឯកសារនូវការសម្លាប់ទ្រង់ទ្រាយធំ និងការដុតបំផ្លាញភូមិដ្ឋានរបស់ពួកគេ ។ សហភាពមីយ៉ាន់ បានប្រឈមនឹងការចោទប្រកាន់ពីបទប្រល័យពូជសាសន៍នៅតុលាការយុត្តិធម៌អន្តរជាតិ ពាក់ព័ន្ធនឹងការបង្ក្រាបដ៏ឃោឃៅរបស់ពួកគេ ។ ពួកគេបានច្រានចោលការប្រល័យពូជសាសន៍ និងបាននិយាយថា កងកម្លាំងប្រដាប់អាវុធរបស់ខ្លួន បានចុះប្រតិបត្តិការដោយស្របច្បាប់ ប្រឆាំងនឹងក្រុមជីវពល ដែលបានវាយប្រហារមកលើប៉ុស្តិ៍នគរបាលរបស់ពួកគេ ។ ដោយឡែក ជនជាតិភាគតិចរ៉ូហ៊ីងយ៉ាជាង ១លាននាក់ បានរស់នៅក្នុងជំរំជនភៀសខ្លួនស្ថិតនៅតំបន់ភាគនិរតីប្រទេសបង់ក្លាដែស ដែលបច្ចុប្បន្នត្រូវបានគេចាត់ទុកថាជាជំរំជនភៀសខ្លួនធំជាងគេបំផុតនៅលើពិភពលោក ។ ភាគច្រើននៃពួកគេបានរស់នៅទីនោះ ដោយសារតែវិធានការបង្រ្កាបរបស់យោធា កាលពីរយៈពេលជិត ៦ឆ្នាំមុន ប៉ុន្តែពួកគេមួយចំនួនទៀត បានរស់នៅទីនោះជាយូរមកហើយ ។ កាលពីចុងឆ្នាំ ២០២០ រដ្ឋាភិបាលបង់ក្លាដែស បានចាប់ផ្តើមផ្ទេរជនភៀសខ្លួនរ៉ូហ៊ីងយ៉ារាប់ម៉ឺននាក់ ទៅកាន់កោះដាច់ស្រយាល ស្ថិតនៅក្នុងច្រកសមុទ្របឹងហ្គាល់ បើទោះបីជាមានក្តីកង្វល់ពីហានិភ័យរបស់ព្យុះ និងទឹកជំនន់ក៏ដោយ ។ ប្រទេសបង់ក្លាដែស ដែលមានប្រជាពលរដ្ឋរស់នៅច្រើនណាស់ទៅហើយនោះ និយាយថា ការធ្វើមាតុភូមិនិវត្តន៍ជនភៀសខ្លួនរ៉ូហ៊ីងយ៉ាង ទៅកាន់មីយ៉ាន់ម៉ាវិញ គឺជាដំណោះស្រាយតែមួយគត់ ចំពោះវិបត្តិមនុស្សធម៌មួយនេះ ។  ស្របពេលនោះដែរ សហគមន៍ក្នុងស្រុក ក៏បានបង្កើនទង្វើអរិភាពមកលើជនជាតិភាគតិចរ៉ូហ៊ីងយ៉ាផងដែរ ហើយការផ្តល់មូលនិធិរបស់ទីភ្នាក់ងារជំនួយអន្តរជាតិ សម្រាប់ជនភៀសខ្លួនរ៉ូហ៊ីងយ៉ា កាន់តែខ្សត់ខ្សោយជាងមុន ៕

Policeនគរបាល៖ អតីតនាយករដ្ឋមន្ត្រីថៃ លោក ថាក់ស៊ីន ត្រូវបានបញ្ជូនទៅមន្ទីរពេទ្យ បន្ទាប់ពីត្រឡប់មកប្រទេសវិញ

2023/08/23 07:41:46 pm        128
Facebook Telegram Linkin
ថៃ៖ នគរបាលបាននិយាយនៅថ្ងៃពុធ (២៣ សីហា) នេះថា អតីតនាយករដ្ឋមន្ត្រីថៃ លោក ថាក់ស៊ីន ស៊ីណាវ៉ាត់ ដែលជាប់ពន្ធនាគារ ត្រូវបានបញ្ជូនទៅកាន់មន្ទីរពេទ្យនគរបាលទាំងយប់ បន្ទាប់ពីមានបញ្ហាសុខភាពនៅថ្ងៃដំបូងនៃការឃុំខ្លួន បន្ទាប់ពីការវិលត្រឡប់ពីការនិរទេសខ្លួនជាច្រើនឆ្នាំមក។ នៅថ្ងៃពុធ (២៣សីហា)នេះ នាយកដ្ឋានកែប្រែ បានបញ្ជាក់ថា ខ្លួនបានបញ្ជូនអតីតនាយករដ្ឋមន្រ្តីរូបនេះ ទៅកាន់មន្ទីរពេទ្យនគរបាលកាលពីពាក់កណ្ដាលអាធ្រាត ដោយសារតែលោកមានបញ្ហាខ្វះអុកស៊ីហ្សែនក្នុងឈាម និងសម្ពាធឈាមខ្ពស់ ហើយមានអាការៈតឹងទ្រូង ព្រមទាំងមិនអាចសម្រាន្តលក់ក្នុងយប់ដំបូងនៅពន្ធនាគារបាន។លោក Ayuth Sintoppant អគ្គនាយកនៃនាយកដ្ឋានកែប្រែបានប្រាប់សារព័ត៌មាន រ៉យទ័រ ថា «ពន្ធនាគារបានស្នើសុំឱ្យគ្រូពេទ្យ និងគិលានុបដ្ឋាយិកាពិនិត្យរូបលោក ហើយពួកគេបានណែនាំឱ្យបញ្ជូនករណីនេះទៅមន្ទីរពេទ្យនគរបាល ដើម្បីសុវត្ថិភាពអ្នកទោស»។នៅមុននេះបន្តិច ក្រុមមន្ត្រីនាយកដ្ឋានកែប្រែបាននិយាយកាលពីថ្ងៃអង្គារថា លោកថាក់ស៊ីន មានបញ្ហាពីមុនមកជាមួយបេះដូង សួត និងឆ្អឹងខ្នង ព្រមទាំងសម្ពាធឈាម ហើយលោកនឹងត្រូវបានត្រួតពិនិត្យយ៉ាងដិតដល់។ជំនួយការអគ្គស្នងការនគរបាលជាតិ លោកឧត្តមសេនីយ៍ឯក Prachub Wongsuk បានប្រាប់សារព័ត៌មាន រ៉យទ័រ ថា «ពន្ធនាគារបានវាយតម្លៃស្ថានភាពជំងឺ ហើយឃើញថាវាខ្វះខាតវេជ្ជបណ្ឌិត និងឧបករណ៍វេជ្ជសាស្ត្រដែលអាចមើលថែអ្នកជំងឺបាន ដូច្នេះលោក ថាក់ស៊ីន ត្រូវបានបញ្ជូនទៅមន្ទីរពេទ្យនគរបាល»៕

អ៊ីរ៉ង់គំរាមសត្រូវរបស់ខ្លួន ដោយការដាក់បង្ហាញយានដ្រូនថ្មី

2023/08/23 07:39:24 pm        124
Facebook Telegram Linkin
អ៊ីរ៉ង់​​​​​​​​​​​​​​​​​​​​​​​​៖ ប្រធានាធិបតីអ៊ីរ៉ង់ លោក  Ebrahim Raisi បាននិយាយកាលពីថ្ងៃអង្គារ (២២សីហា)ថា ទីក្រុង Tehran នឹងកាត់បំបាក់ «ដៃអ្នកណាក៏ដោយ ដែលពាក់ព័ន្ធនឹងការឈ្លានពានប្រឆាំងនឹងអ៊ីរ៉ង់» ក្នុងអំឡុងពេលពិធីមួយ ដែលសាធារណរដ្ឋអ៊ីស្លាមមួយនេះ បានបង្ហាញយានដ្រូនផលិតក្នុងស្រុកកម្រិតខ្ពស់។ យានប្រភេទ Mohajer-10 មានកម្រិតហោះហើរ និងរយៈពេល ប្រសើរជាងមុន ក៏ដូចជាការផ្ទុកបានកាន់តែច្រើន នេះបើយោងតាមប្រព័ន្ធផ្សព្វផ្សាយរដ្ឋអ៊ីរ៉ង់។យានដ្រូននេះត្រូវបានគេរាយការណ៍ថា មានវង់ប្រតិបត្តិការចម្ងាយ២.០០០គីឡូម៉ែត្រ (១២៤០ ម៉ាយល៍) ហើយអាចហោះហើរបានរហូតដល់២៤ម៉ោង។ បន្ទុករបស់យាននេះអាចឡើងដល់ ៣០០គីឡូក្រាម (៦៦១ ផោន) មានកម្រិតទ្វេដងនៃសមត្ថភាពរបស់យានដ្រូនប្រភេទ "Mohajer-6" ។ ក្រុមមន្ត្រីអាមេរិក បានចោទប្រកាន់អ៊ីរ៉ង់ថា បានផ្តល់យានដ្រូនប្រភេទ Mohajer-6 ក្នុងចំណោមយានដ្រូនផ្សេងទៀត ទៅឲ្យរុស្ស៊ី ក្នុងសង្គ្រាមប្រឆាំងអ៊ុយក្រែន ប៉ុន្តែទីក្រុង Tehran បានបដិសេធការចោទប្រកាន់នោះ៕

តំបន់ភាគខាងត្បូងប្រទេសបារាំង កំពុងជួបផលលំបាកក្នុងការទប់ទល់នឹងរលកកម្ដៅ

2023/08/23 07:23:28 pm        289
Facebook Telegram Linkin
បារាំង៖ក្រុមអាជ្ញាធរក្នុងតំបន់នៅទីក្រុង Valence របស់ប្រទេសបារាំង បានរៀបចំទីធ្លាសាធារណៈកាលពីថ្ងៃអង្គារ (២២ សីហា) ជាទីដែលប្រជាពលរដ្ឋអាចជ្រកកោនពីកំណើនសីតុណ្ហភាព ខណៈរលកកម្តៅបានវាយប្រហារឆ្លងកាត់ភាគខាងត្បូងនៃប្រទេស។ កាលពីថ្ងៃចន្ទ សេវាកម្មអាកាសធាតុរបស់ប្រទេសបារាំង បានចេញការជូនដំណឹងពណ៌ក្រហម សម្រាប់តំបន់ចំនួនបួននៅជុំវិញជ្រលងភ្នំ Rhone គឺ តំបន់រ៉ូន (Rhone) តំបន់ដ្រូម (Drome) តំបន់ Ardeche និងតំបន់អូតល័រ (Haute-Loire) ផងដែរ។ទីភ្នាក់ងារនេះបានពង្រីក «ការជូនដំណឹងពណ៌ក្រហម» ដែលជាការព្រមានដ៏ធ្ងន់ធ្ងរបំផុតរបស់ខ្លួនកាលពីថ្ងៃអង្គារ ដើម្បីរួមបញ្ចូលតំបន់ចំនួន១៥បន្ថែមទៀតចាប់ពីថ្ងៃពុធ (២៣ សីហា)នេះ ដែលនឹងគ្របដណ្តប់ផ្នែកដ៏ធំល្វឹងល្វើយនៃតំបន់ប្រូវ៉ង់ (Provence) ភាគអាគ្នេយ៍ និងតំបន់មួយចំនួននៅភាគនិរតីផងដែរ។ ការព្រមាននេះអនុញ្ញាតឱ្យក្រុមអាជ្ញាធរមូលដ្ឋានផ្អាកកីឡា ឬព្រឹត្តិការណ៍វប្បធម៌ និងបិទកន្លែងសាធារណៈ ប្រសិនបើចាំបាច់៕

បណ្ដាញសង្គម

ព័ត៌មានថ្មីៗ

-កម្ពុជា- អាស៊ែបៃហ្សង់​ នឹងជំរុញសន្ទុះនៃទំនាក់ទំនង និងកិច្ចសហប្រតិបត្តិការទ្វេភាគី
10/14/2026 11:10 PM
Facebook Telegram Linkin
កិច្ចប្រជុំលើកទី២ ថ្ងៃទី១ របស់គណៈកម្មការផ្សះផ្សាក្រោមអនុសញ្ញា UNCLOS ជាមួយកម្ពុជា និងថៃ បានបិទបញ្ចប់
10/14/2026 09:10 PM
Facebook Telegram Linkin
ឯកឧត្តមទេសរដ្ឋមន្ត្រី ឆៃ ស៊ីណារិទ្ធ៖ ជាមួយលទ្ធផលសម្រេចបានជាបន្តបន្ទាប់ក្នុងកិច្ចខិតខំបោសសម្អាតOnline Scams កម្ពុជាបន្តប្តេជ្ញាទប់ស្កាត់មិនឱ្យវិលត្រឡប់ជាដាច់ខាត
10/14/2026 09:10 PM
Facebook Telegram Linkin
កម្ពុជា-អាល្លឺម៉ង់ ពិភាក្សាពង្រឹងកិច្ចសហប្រតិបត្តិការលើវិស័យការងារ សន្តិសុខសង្គម និង TVET
10/14/2026 07:10 PM
Facebook Telegram Linkin
កម្ពស់ទឹកស្ទឹងពោធិ៍សាត់ហក់ឡើងយ៉ាងកំហុក ឈានដល់កម្រិតប្រកាសអាសន្ន ប្រឈមនឹងការជនលិច
10/14/2026 07:10 PM
Facebook Telegram Linkin
កម្ពុជា-អាស៊ែបៃហ្សង់ បង្ហាញសុទិដ្ឋិនិយមចំពោះការជំរុញទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ
10/14/2026 07:10 PM
Facebook Telegram Linkin
ភ្នាក់ងារតំណាងកម្ពុជា អញ្ជើញចូលរួមកិច្ចប្រជុំលើកទី២ របស់គណៈកម្មការផ្សះផ្សាក្រោមអនុសញ្ញា UNCLOS ជាមួយកម្ពុជា និងថៃ ដោយរក្សាគោលជំហរ និងគោលបំណង គឺដំណោះស្រាយមួយដែលផ្តល់ផលប្រយោជន៍ដល់ប្រជា ជននៃប្រទេសទាំងពីរ និងស្វែករកសន្តិភាពយូរអង្វែង
10/14/2026 07:10 PM
Facebook Telegram Linkin
ភ្ជុំបិណ្ឌ៣ថ្ងៃ គ្រោះថ្នាក់ចរាចរណ៍សម្លាប់អ្នកដំណើរជាង ២០នាក់ របួសធ្ងន់ស្រាលជាង ១០០នាក់
10/14/2026 07:10 PM
Facebook Telegram Linkin
មន្ត្រី៖ បណ្តាប្រទេសអឺរ៉ុប និងវៀតណាម នឹងចុះហត្ថលេខាលើកិច្ចព្រមព្រៀងពាណិជ្ជកម្មសេរី នៅថ្ងៃអាទិត្យ
10/14/2026 07:10 PM
Facebook Telegram Linkin
ការ​លាលែងពីតំណែង​របស់លោក​ លោក Yana គឺជាការប៉ះពាល់​ដល់នាយករដ្ឋមន្ត្រី​ជប៉ុន​ លោកស្រី Takaichi
10/14/2026 07:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.