នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី បង្ហាញភាពអំណោយផល របស់កម្ពុជា ៦ចំណុច ក្នុងការទាក់ទាញវិនិយោគិនតួកគីយ៉េ
កម្ពុជា តួកគីយ៉េ មាន គោលដៅរួមសម្រេចទំហំពាណិជ្ជកម្ម ១ពាន់លានដុល្លារ
កម្ពុជា-អាស៊ែបៃហ្សង់ បង្ហាញសុទិដ្ឋិនិយមចំពោះការជំរុញទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ
អ្នកនាំពាក្យ៖ ទីបំផុតលោក សម រង្ស៊ី បានបង្ហាញច្បាស់ថា គាត់ពិតជាបាននិយាយការពារថៃ និង​មួលបង្កាច់កម្ពុជា

នយោបាយ​ និង ការអភិវឌ្ឍន៍

យោធាហ្វីលីពីននិយាយថា នឹងបញ្ជូនការផ្គត់ផ្គង់បន្ថែមទៀតទៅកាន់កូនកោះប៉ប្រះទឹកដែលមានជម្លោះ

2023/08/11 09:30:47 pm        164
Facebook Telegram Linkin
ហ្វីលីពីន៖ មេបញ្ជាការយោធាហ្វីលីពីនបាននិយាយកាលពីថ្ងៃព្រហស្បតិ៍ (១០ សីហា) ថា ហ្វីលីពីននឹងបញ្ជូនការផ្គត់ផ្គង់បន្ថែមទៀត ទៅកាន់ប៉ុស្តិ៍ជួរមុខមួយនៅលើកូនកោះប៉ប្រះទឹកក្នុងសមុទ្រចិនខាងត្បូង ដែលមានជម្លោះនៅដើមសប្តាហ៍ក្រោយនេះ ដោយការលើកឡើងនេះ មានរយៈពេលប៉ុន្មានថ្ងៃបន្ទាប់ពីនាវាចិនបានរំខានការដឹកជញ្ជូន។បេសកកម្មផ្គត់ផ្គង់ឡើងវិញកាលពីថ្ងៃសៅរ៍សប្តាហ៍មុន មិនអាចផ្ទុកទំនិញទាំងអស់របស់ខ្លួនបានទេ បន្ទាប់ពីនាវាឆ្មាំល្បាតឆ្នេរចិន បានរារាំង និងប្រើកាណុងបាញ់ទឹកដាក់នាវាឆ្មាំល្បាតឆ្នេរហ្វីលីពីន និងនាវាសណ្ដោងដែលដឹកអាហារ ទឹក និងប្រេងសម្រាប់ទាហានហ្វីលីពីន ឈរជើងនៅទួលប៉ះទឹកទី២ឈ្មោះ Thomas Shoal។ឧបទ្ទវហេតុនេះបានបញ្ឆេះជម្លោះការទូតរវាងទីក្រុងម៉ានីល និងទីក្រុងប៉េកាំង ហើយបានបង្កឱ្យមានការរិះគន់ជាអន្តរជាតិចំពោះសកម្មភាពរបស់ប្រទេសចិន។ ឧត្តមនាវីឯក Alberto Carlos ប្រធានបញ្ជាការខាងលិចនៃកងកម្លាំងប្រដាប់អាវុធហ្វីលីពីននៅលើកោះ Palawan បានប្រាប់អ្នកយកព័ត៌មានថា ការដឹកជញ្ជូនលើកក្រោយ គ្រោងនឹងធ្វើឡើងនៅដើមសប្តាហ៍ ឬនៅមុនពេលការផ្គត់ផ្គង់អស់ ហើយពួកយើងកំពុងរងចាំពេលវេលាសាកសមសម្រាប់ប្រតិបត្តិការនេះ៕

វិនិយោគិនអាមេរិកលើកឡើងពីហានិភ័យនៃការសងសឹករបស់ចិន បន្ទាប់ពីមានការទប់ស្កាត់បច្ចេកវិទ្យាពីអាមេរិក

2023/08/11 09:27:33 pm        118
Facebook Telegram Linkin
អាមេរិក៖ ខណៈពេលដែលទីផ្សារភាគច្រើនបានរារាំងចំណាត់ការរបស់លោកប្រធានាធិបតីអាមេរិក ចូ បៃដិន ក្នុងការហាមឃាត់ការវិនិយោគបច្ចេកវិទ្យារបស់សហរដ្ឋអាមេរិកមួយចំនួននៅក្នុងប្រទេសចិន បណ្ដាវិនិយោគិនអាមេរិកបាននិយាយថា ពួកគេបារម្ភថាទីក្រុងប៉េកាំងនឹងសងសឹក ឬដកខ្លួនពីការទិញបច្ចេកវិទ្យារបស់អាមេរិក។ដោយមានគោលបំណងដើម្បីសន្តិសុខជាតិ និងការពាររដ្ឋធានីនិងជំនាញបច្ចេកទេសរបស់សហរដ្ឋអាមេរិក កុំឲ្យជួយដល់ទំនើបកម្មយោធារបស់ចិន លោក បៃដិន នៅសប្តាហ៍នេះ បានចេញក្រិត្យមួយ ក្នុងការរារាំងការវិនិយោគថ្មីមួយចំនួនរបស់សហរដ្ឋអាមេរិក នៅក្នុងប្រទេសចិន ទៅលើបច្ចេកវិទ្យារសើប រួមទាំងបន្ទះឈីបកុំព្យូទ័រ ខណៈពេលដែលធ្វើនិយ័តកម្មផ្សេងៗទៀតផងដែរ។បណ្ដាវិនិយោគិនអាមេរិក មិនបានបារម្ភចំពោះព័ត៌មានដំបូងនេះឡើយ ដោយនិយាយថា ការរឹតបន្តឹងនេះជាដំបូងគឺនៅមានកម្រិត ហើយទំនងជាមិនពង្រីកដល់ការវិនិយោគអកម្ម នៅក្នុងភាគហ៊ុនសាធារណៈរបស់ចិននោះទេ។ ប៉ុន្តែអ្នកគ្រប់គ្រងផលប័ត្រមួយចំនួនបាននិយាយថា កង្វល់ដែលកាន់តែខ្លាំងនោះគឺថាតើប្រទេសចិន នឹងវាយបកវិញដូចដែលខ្លួនបានធ្វើកាលពីអតីតកាលដែរ ឬយ៉ាងណា។ជាការឆ្លើយតបទៅនឹងក្រិត្យរបស់លោក បៃដិន ក្រសួងពាណិជ្ជកម្មរបស់ប្រទេសចិនបាននិយាយថា ខ្លួនមានការព្រួយបារម្ភយ៉ាងខ្លាំង និងរក្សាសិទ្ធិក្នុងការចាត់វិធានការប្រឆាំង។ អ្នកវិភាគចិនមួយចំនួនបាននិយាយថា ជម្រើសរបស់ទីក្រុងប៉េកាំងមានកម្រិត ហើយទំនងជាមិនអាចធ្វើឲ្យបញ្ហានេះកាន់តែខ្លាំងឡើងនោះទេ៕

អ្នកបម្រើការក្នុងសេវាកម្សាន្តទេសចរណ៍ក្រៅប្រព័ន្ធ ចាប់ផ្ដើមមកសម្ភាសន៍ ដើម្បីទទួលបានបណ្ណសមធម៌

2023/08/11 09:24:03 pm        245
Facebook Telegram Linkin
ភ្នំពេញ៖ ថ្ងៃទី១១និងទី១២ខែសីហា ឆ្នាំ២០២៣នេះ ជាការបើកយុទ្ធនាការសម្ភាសន៍ ផ្ដល់​បណ្ណសមធម៌ ជូនអ្នកបម្រើការក្នុងសេវាកម្សាន្តទេសចរណ៍ក្រៅប្រព័ន្ធ។ ​ការបើកយុទ្ធនាការ គឺធ្វើឡើងនៅទីតាំងរមណីយដ្ឋានប្រវត្តិសាស្រ្តវត្តភ្នំ ​សម្រាប់អ្នករស់នៅក្នុងសង្កាត់ស្រះចក និង​សង្កាត់វត្តភ្នំ ដោយតាមចំនួនបឋមក្នុងរង្វង់ជាង ​៣០០នាក់ ​ដែលត្រូវទទួលការសម្ភាសន៍។ នេះជាការបញ្ជាក់របស់ ​ឯកឧត្តម ថេង បញ្ញាធន​ ប្រតិភូរាជរដ្ឋាភិបាលទទួលបន្ទុកជា អគ្គនាយក​ផែនការ នៃក្រសួងផែនការ។ក្រសួងផែនការ និងមានការចូលរួមពីក្រុមប្រឹក្សាជាតិគាំពារសង្គម ​កំពុងចាប់ផ្ដើមការសម្ភាសន៍ផ្ដល់​បណ្ណសមធម៌​អ្នកបម្រើការក្នុងសេវាកម្សាន្តទេសចរណ៍​ក្រៅប្រព័ន្ធ។ អ្នកបម្រើការក្នុងសេវា​កម្សាន្ត​ទេសចរណ៍ក្រៅប្រព័ន្ធ គឺសំដៅលើ អ្នកបម្រើការនៅតាមរង្គសាល ​ឌីស្កូតែត ​ខារ៉ាអូខេ បៀរហ្កាឌិន កន្លែងម៉ាស្សា និងស្ប៉ា។ការចាប់ផ្ដើមយុទ្ធនាការនេះ ​ក៏បើកផ្ដល់បណ្ណសមធម៌ភ្លាមៗ​ផងដែរ នៅពេលសម្ភាសន៍​ជាប់​រកឃើញថា​ មានជីវភាពលំបាកពិតប្រាកដ។ ​សម្រាប់អ្នកទទួលបានបណ្ណសមធម៌ភ្លាមៗនេះ បង្ហាញ​ក្ដីរីករាយជាខ្លាំង ព្រោះពួកគេនឹងអាចប្រើប្រាស់បណ្ណសមធម៌ ​សម្រាប់ការទៅ​ទទួល​សេវាព្យាបាល​ដោយមិនគិតថ្លៃ ​សម្រាប់សមាជិកគ្រួសារទាំងមូល។​ ពួកគេពិតជាអរគុណ ​ដល់រាជរដ្ឋាភិបាល ដែលបានគិតគូដល់ពួកគេ និងចុះមកសម្ភាសន៍ផ្ទាល់បែបនេះ។ជាការបញ្ជាក់បន្ថែម លើយុទ្ធនាការនេះ ​ឯកឧត្តម ថេង បញ្ញាធន ប្រតិភូរាជរដ្ឋាភិបាលទទួល​បន្ទុកជា​អគ្គនាយកផែនការ ​នៃក្រសួងផែនការ​ លើកឡើងថា ​អ្នកបម្រើការក្នុងសេវាកម្សាន្ត​ទេសចរណ៍​ក្រៅប្រព័ន្ធដែលទទួលបានបណ្ណសមធម៌ ​ក៏ដូចជាសមាជិកគ្រួសារ ដែលបានចុះ​ក្នុងបញ្ជី ​គឺអាចទៅទទួលសេវាព្យាបាលគ្រប់មន្ទីរពេទ្យរដ្ឋបានភ្លាមៗ​ ដោយមិនបង់ថ្លៃសេវា។ យ៉ាងណាម៉ិញ ​ពួកគេជាក្រុមគោលដៅថ្មីនេះ ​ពុំទទួលបានការឧបត្ថម្ភ​សាច់ប្រាក់ជាប្រចាំ​ខែនោះទេ។ ​នេះជាការបញ្ជាក់ថែម របស់ឯកឧត្តម ប្រតិភូ។ពាក់នឹងការជួយសម្រួលគិតគូដល់​ អ្នកបម្រើការក្នុងសេវាកម្សាន្តទេសចរណ៍ក្រៅប្រព័ន្ធ បច្ចុប្បន្ន​ក៏មានការបើកផ្ដល់ បណ្ណមូលនិធិសមធម៌សុខាភិបាល​ ជូនពួកគេផងដែរ ករណីពួកគេពួកគេ​ពុំមានជីវភាពក្រលំបាកខ្លាំង។​ នេះជាការបញ្ជាក់ថែមរបស់ ​ឯកឧត្តម ចន ណារិទ្ធ អគ្គលេខាធិការ​ក្រុមប្រឹក្សាជាតិគាំពារសង្គម។ ក្រោយពីបញ្ចប់យុទ្ធនាការ ​រយៈពេលពីរថ្ងៃនៅទីតាំង​ រមណីយដ្ឋានប្រវត្តិសាស្រ្តវត្តភ្នំ ការងារផ្ដល់​បណ្ណសមធម៌ជូន អ្នកបម្រើការក្នុងសេវាកម្សាន្តទេសចរណ៍ក្រៅប្រព័ន្ធ ​គឺនៅតែបន្ត។ ឯកឧត្តម ថេង បញ្ញាធន ​ណែនាំឱ្យ ក្រុមគោលដៅត្រៀមឯកសារចាំបាច់ ​ដូចជាអត្តសញ្ញាណប័ណ្ណ រឺសៀវភៅគ្រួសារ ​ដើម្បីទៅស្នើសុំនៅឃុំសង្កាត់ ​ព្រោះការងារនេះនៅតែបន្តទូទាំងប្រទេស៕ អត្ថបទ៖ គឹមហុក

ការស្លាប់ដោយធ្វើអត្តឃាតនៅសហរដ្ឋអាមេរិក បានឈានដល់កម្រិតខ្ពស់បំផុតក្នុងឆ្នាំ២០២២

2023/08/11 09:16:46 pm        63
Facebook Telegram Linkin
អាមេរិក៖ ទិន្នន័យរបស់រដ្ឋាភិបាលបានបង្ហាញកាលពីថ្ងៃព្រហស្បតិ៍ថា ចំនួនមនុស្សដែលបានស្លាប់ដោយសារការធ្វើអត្តឃាតនៅសហរដ្ឋអាមេរិក បានកើនឡើងដល់ចំនួន ៤៩.០០០នាក់ក្នុងឆ្នាំ២០២២ ដែលជាកំណើន ២,៦% ធៀបនឹងឆ្នាំមុននោះ។ ជាងពាក់កណ្តាលនៃការធ្វើអត្តឃាតនៅសហរដ្ឋអាមេរិកក្នុងឆ្នាំ២០២២ទាំងអស់ ពាក់ព័ន្ធនឹងអាវុធ នេះបើយោងតាមតួលេខពីមជ្ឈមណ្ឌលគ្រប់គ្រង និងបង្ការជំងឺ (CDC)។រដ្ឋមន្ត្រីសុខាភិបាលអាមេរិក លោក Xavier Becerra បាននិយាយនៅក្នុងសេចក្តីថ្លែងការណ៍មួយថា ជនជាតិអាមេរិក៩នាក់ក្នុងចំណោម១០នាក់ជឿថា អាមេរិកកំពុងប្រឈមមុខនឹងវិបត្តិសុខភាពផ្លូវចិត្ត។ ទិន្នន័យថ្មីពីការស្លាប់ដោយអត្តឃាត ដែលត្រូវបានរាយការណ៍ដោយទីភ្នាក់ងារ CDC នោះ បង្ហាញពីមូលហេតុពីក្រោយការលើកឡើងនោះ។ លោកបានបន្ថែមថា មនុស្សជាច្រើននៅតែជឿថា ការសុំជំនួយពីបញ្ហាផ្លូវចិត្តគឺជាសញ្ញានៃភាពទន់ខ្សោយ។អត្រាធ្វើអត្តឃាតនៅឆ្នាំ២០២២ មានការស្លាប់ចំនួន១៤,៩ករណីក្នុងមនុស្ស១០០.០០០នាក់ គឺមានអត្រា៥% ខ្ពស់ជាងកំណត់ត្រាមុន ដែលមានការស្លាប់១៤,២ករណីក្នុងមនុស្ស១០០.០០០នាក់ចាប់ពីឆ្នាំ២០១៨មក។ ទីភ្នាក់ងារ CDC បាននិយាយថា ការស្លាប់ដោយការធ្វើអត្តឃាតបានកើនឡើងពីចំនួន៤៨.១៨៣ករណីក្នុងឆ្នាំ២០២១ ដល់ចំនួនប៉ាន់ស្មាន៤៩.៤៤៩ករណីនៅក្នុងឆ្នាំ២០២២៕

មន្ទីរវប្បធម៌ខេត្តឧត្តរមានជ័យ ស្មើដល់ពលរដ្ឋត្រូវចូលរួមថែរក្សាអភិរក្សសម្បត្តិបេតិកភណ្ឌ​ទាំងអស់គ្នា

2023/08/11 08:41:00 pm        169
Facebook Telegram Linkin
ឧត្តរមានជ័យ៖ នៅព្រឹកថ្ងៃទី១១ ខែសីហា ឆ្នាំ២០២៣នេះ លោក ហុង យឿន ប្រធានមន្ទីរវប្បធម៌ និងវិចិត្រសិល្បៈខេត្តឧត្តរមានជ័យ ​បានអំពាវនាវស្នើដល់បងប្អូនប្រជាពលរដ្ឋទាំងអស់ត្រូវរួមគ្នា​ថែរក្សាអភិរក្សសម្បត្តិវប្បធម៌បេតិកភណ្ឌជាតិដែលមាននៅសេសសល់តាមប្រាសាទនីមួយៗ ឱ្យបានគង់វង្ស​មិនត្រូវមានការជួញដូរ​ ឬក៏​ធ្វើឲ្យមានការបាត់បង់​នោះឡើយ។លោកប្រធានមន្ទីរវប្បធម៌ ​និងវិចិត្រសិល្បៈខេត្តឧត្តរមានជ័យ ​បានឲ្យដឹងថា ​ក្នុងឆ្នាំ២០២៣នេះ សម្រាប់​ឆមាសទី១ មន្ទីរវប្បធម៌ ​និងវិចិត្រសិល្បៈខេត្ត​បានធ្វើការប្រមូល​វត្ថុបុរាណ​មកពីគ្រប់ទិស​ទី​តាម​ប្រាង្គប្រាសាទនានា ​ទីវត្តអារាម និងតាមរយៈប្រជាកសិករប្រទះរកឃើញ​ផ្តល់​ឱ្យ​មក​រក្សា​ទុក​នៅ​សារៈមន្ទីរបានចំនួន១២៦០រូប/ដុំ ក្នុងនោះបានចុះបញ្ជីរួចចំនួន២៧៧រូប​និង​ចុះបញ្ជី​ជាមួយ​នាយកដ្ឋានបានចំនួន៩៦៣រូប ស្មើ៧០ភាគរយ ​និងវត្ថបុរាណ​ដែលមិនទាន់​បាន​ចុះ​បញ្ជី​បេតិកភណ្ឌ​នៅក្រៅឃ្លាំងមានចំនួន១៧០រូបស្មើនិង៣០ភាគរយ។លោកបន្តថា​ ក្រុមការងារមន្ទីរវប្បធម៌ប្រមូលមកពីតាមប្រាសាទនានា ​និងពីវត្តអារាម​ដែល​ព្រះសង្ឃ​ប្រគល់​ជូន រួមទាំង​បងប្អូនប្រជាពលរដ្ឋដែលជាកសិករប្រទះឃើញ​ប្រគល់ឱ្យ​រួមមាន៖ វត្ថុបុរាណរូប អំបែងចានបុរាណ ខ្អមបុរាណ រូបលហៈ ស្ពាន់លោងហិន រូបសំណាកធ្វើពីថ្មបាយក្រៀម និងវត្ថុបុរាណផ្សេងៗទៀត​ដែល​មានតម្លៃ និងអាយុកាលរាប់រយឆ្នាំ។ជាមួយគ្នានោះដែរនៅថ្ងៃខាងមុខមន្ទីរគ្រោងនិងធ្វើការរៀបចំសម្ភារៈវត្ថុបុរាណទាំងអស់នេះសម្រាប់រក្សា​និង​អភិរក្សទុក​នៅក្នុងសារៈ​មន្ទីរនៅមន្ទីវប្បធម៌ និងវិចិត្រសិល្បៈខេត្ត ដើម្បីជា​ការ​រួមចំណែក​មួយ​ ក្នុងការ​លើកស្ទួយវិស័យទេសចរ​ក្នុងស្រុកសម្រាប់ឲ្យប្អូនៗ​សិស្សានុសិស្ស​បាន​មកទស្សនា​ និងសិស្សាពីប្រវត្តិនៃរូបភាពវត្ថុបុរាណៗរួមទាំងប្រជាពលរដ្ឋបានដឹងពីវប្បធម៌​អរិយធម៌​របស់​ខ្មែរ​កុំឲ្យមានការបាត់បង់ផងដែរ។លោកក៏បានអំពាវនាវដល់ប្រជាពលរដ្ឋដែលបានរក ឬក៏ប្រទេះឃើញរូបសំណាក់​ដែលបាន​បន្សល់​ទុក​ពីបុរាណ សូមកុំមានការ​ជួយដូរ ត្រូវប្រគល់មកមន្ទីរ ឬមន្រ្តីមាន​សមត្ថកិច្ច​នៅ​តាម​មូលដ្ឋាន​របស់ខ្លួន ដើម្បីចូលរួម​អភិរក្ស​របស់​បងប្អូន​គឺ​មាន​តម្លៃស្នើ​ និងការថែរក្សាសម្បត្តិវប្បធម៌​បេតិកភណ្ឌរបស់ជាតិផងដែរ៕ 

អ៊ុយក្រែន បញ្ជាឲ្យជម្លៀសជនស៊ីវិលក្នុងតំបន់ខាគីវ (Kharkiv) ខណៈរុស្ស៊ី សម្រុកវាយប្រហារខ្លាំង

2023/08/11 07:24:18 pm        157
Facebook Telegram Linkin
អ៊ុយក្រែន៖ ក្រុមអាជ្ញាធរអ៊ុយក្រែន បានបញ្ជាឲ្យជន្លៀសជាចាំបាច់សម្រាប់ជនស៊ីវិលជិត១២.០០០នាក់ ពីទីប្រជុំជន និងភូមិចំនួន៣៧ ជិតសមរភូមិភាគឦសានខណៈ កងកម្លាំងរុស្ស៊ី បង្កើនការវាយលុកដណ្ដើមដែនដី ដែលធ្លាប់យកបានអំឡុងជម្លោះនេះ។  កាលពីថ្ងៃព្រហស្បតិ៍ អ៊ុយក្រែន បានជំរុញជនស៊ីវិលឲ្យជម្លៀសចេញពីតំបន់ខាគីវ (Kharkiv) ភាគខាងកើតប្រទេស ជាទីដែល មានសេចក្ដីរាយការថា កងកម្លាំងរុស្ស៊ី កំពុងបង្កើនកម្លាំងវាយសន្ធាប់នៅសមរភូមិមុខ។ រដ្ឋបាលយោធាប្រចាំតំបន់ក្នុងស្រុកគូភៀនស៍(Kupiansk)របស់តំបន់លខាគីវ បាននិយាយថាប្រជាពលរដ្ឋត្រូវតែស្របតាមបទបញ្ជាជម្លៀស ឬ ចុះហត្ថលេខាលើឯកសារ ដោយនិយាយថា ពួកគេត្រូវទទួលខុសត្រូវគ្រោះថ្នាក់ដោយខ្លួនឯង។  រដ្ឋបាលក្រុង បាននិយាយថា ដោយសារតែស្ថានភាពសន្តិសុខកាន់តែយ៉ាប់យ៉ឺន និងការបាញ់ផ្លោងកាន់តែខ្លាំងឡើងពីកងកម្លាំងរុស្ស៊ី ក្នុងសហគមន៍គូភៀស៍ អ្នកមានឱកាសភៀសខ្លួនទៅកាន់កន្លែងមានសុវត្ថិភាព ។ អ្នកនាំពាក្យឆ្មាំជាតិអ៊ុយក្រែន លោករ៉ាស្លែន ម៉ូហ្ស៊ីឆាក់ (Ruslan Muzychuk) បាននិយាយតាមទូរទស្សន៍ជាតិថា រុស្ស៊ី បានផ្ដល់ជំនួយដល់ទាហានរបស់ខ្លួនដោយមានអង្គភាពរថក្រោះ វាយប្រហារតាមអាកាស និងកាំភ្លើងធំនៅក្នុងតំបន់ គូភៀនស៍៕

មនុស្ស២៩នាក់ស្លាប់ និង១៦នាក់បាត់ខ្លួនបន្ទាប់ពីទឹកជំនន់ខ្លាំងនៅក្នុងខេត្ត Hebei ប្រទេសចិន

2023/08/11 07:21:56 pm        97
Facebook Telegram Linkin
ចិន៖ ប្រព័ន្ធផ្សព្វផ្សាយរដ្ឋ បានរាយការនៅថ្ងៃសុក្រនេះថា ចំនួនអ្នកស្លាប់ដោយសារទឹកជំនន់ នៅខេត្ត Hebei ប្រទេសចិន ភាគខាងជើង បានកើនឡើងដល់ ២៩នាក់ បន្ទាប់ពីភ្លៀងធ្លាក់ហួសពីកំណត់ត្រាធ្លាក់មកលើតំបន់នេះក្នុងប៉ុន្មានសប្តាហ៍ថ្មីៗនេះ។ប្រព័ន្ធផ្សព្វផ្សាយរដ្ឋ CCTV បានរាយការណ៍ដោយដកស្រង់សម្តីរបស់អាជ្ញាធរថា គិតត្រឹមថ្ងៃទី១០ ខែសីហាមនុស្ស២៩នាក់បានស្លាប់ ដោយសារគ្រោះមហន្តរាយ នៅក្នុងខេត្ត Hebei ដែល៦នាក់ក្នុងចំណោមនេះ បានបាត់ខ្លួនកាលពីពេលមុន។ នៅមានមនុស្ស១៦នាក់ផ្សេងទៀតបាត់ខ្លួន។  អាជ្ញាធរបាននិយាយកាលពីដើមសប្តាហ៍នេះថា មនុស្សយ៉ាងហោចណាស់៣៣នាក់ បានស្លាប់នៅក្នុងទីក្រុងប៉េកាំង បណ្តាលមកពីព្យុះភ្លៀងខ្លាំង ដែលបានវាយប្រហារកាលពីចុងខែកន្លងទៅនេះ រួមមានទាំងបុគ្គលិកជួយសង្គ្រោះ២នាក់ ហើយមនុស្សជាង១០នាក់ទៀតបានស្លាប់នៅខេត្ត Jilin ភាគឦសាន បន្ទាប់ពីភ្លៀងធ្លាក់ខ្លាំងកាលពិសប្តាហ៍មុន។នៅតាមដងផ្លូវនានា នៅផ្នែកជាច្រើននៃខេត្ត Hebie ដែលមានព្រំប្រទល់ជាប់រដ្ឋធានីនៅតែមានដីល្បាប់ នៅពេលដែល សារព័ត៌មាន AFP បានចុះទៅដល់កាលពីថ្ងៃពុធ។  ពលរដ្ឋក្នុងតំបន់ កំពុងប្រញាប់ប្រញាល់ស្តារឡើងវិញទ្រព្យសម្បត្តិដែលលិចក្នុងទឹក និងសម្អាតលំនៅឋានដែលត្រូវបានបំផ្លាញ។ មនុស្សរាប់លាននាក់បានទទួលរងដោយព្រឹត្តិការណ៍អាកាសធាតុមិនអំណោយផលខ្លាំងនិងរលកកម្តៅដែលបានអូសបន្លាយពេលនៅជុំវិញពិភពលោកនៅក្នុងសប្តាហ៍ថ្មីៗនេះ ជាព្រឹត្តិការណ៍ដែលអ្នកវិទ្យសាស្ត្រនិយាយថាកំពុងធ្វើឲ្យកាន់តែធ្ងន់ធ្ងរដោយបម្រែបម្រួលអាកាសធាតុ៕

មនុស្សជាង១៨.០០០នាក់ ត្រូវបានជម្លៀសក្នុងរដ្ឋនៅមីយ៉ាន់ម៉ា បន្ទាប់ពីទឹកទន្លេឡើងលើសកម្រិតគ្រោះថ្នាក់

2023/08/11 07:19:29 pm        86
Facebook Telegram Linkin
មីយ៉ាន់ម៉ា៖ បណ្តាញទូរទស្សន៍រដ្ឋ MRTV បានរាយការណ៍ថា មនុស្សជាង១៨.០០០នាក់ ត្រូវបានជម្លៀស នៅក្នុងរដ្ឋ Kayin សហភាពមីយ៉ាន់ម៉ាភាគខាងត្បូង ដោយសារតែការកើនឡើងកម្រិតទឹកទន្លេហួសពីការកំណត់គ្រោះថ្នាក់។ ការរាយការណ៍របស់ទូរទស្សន៍បានដកស្រង់សម្តីលោក U Saw Khin Maung Myint (អ៊ូ ស ឃីន ម៉ោង ម្យិន) អ្នកនាំពាក្យរបស់រដ្ឋាភិបាលរដ្ឋ Kayin ដែលបាននិយាយថា យើងកំពុងបង្កើតទីជម្រកបន្ថែមក្នុងការឆ្លើយតបទៅនឹងទឹកជំនន់នៅទូទាំងក្រុងចំនួន៦ នៅក្នុងរដ្ឋ Kayin។ ប្រព័ន្ធផ្សព្វផ្សាយរដ្ឋ បានរាយការណ៍ថា ទន្លេនៅក្នុងរដ្ឋ Kayin រួមទាំងទន្លេ Thanlwin ( ថាន់ ល្វីន) បានពេញហៀរច្រាំង ហើយផ្នែកមួយចំនួននៃផ្លូវធំមួយតភ្ជាប់រដ្ឋធានី Hpa-an រដ្ឋKayin និងរដ្ឋធានី Mawlamyine ( ម៉ឡយីម) របស់រដ្ឋ Mon ( មន) ក៏ត្រូវបានជន់លិច។ បន្ថែលលើនេះ ផ្លូវរថភ្លើងមួយចំនួន រវាងទីក្រុង Yangon និងទីក្រុង Mawlamyine ត្រូវបានលុបចោលដោយសារតែទឹកជំនន់នៅតាមកំណាត់ផ្លូវរថភ្លើង រវាងក្រុង Bago និងក្រុង Mawlamyine ។ក្រសួងឧតុនិយមនិងជលវិទ្យារបស់ប្រទេស បានរាយការណ៍ថា ទន្លេចំនួន៦ នៅទូទាំងប្រទេសនៅអាស៊ីអាគ្នេយ៍មួយនេះ បានឡើងលើសពីកម្រិតគ្រោះថ្នាក់កាលពីរសៀលថ្ងៃពុធ។ នាយកដ្ឋានអាកាសធាតុ បានចេញការព្រមានសម្រាប់ពលរដ្ឋរស់នៅជិតមាត់ទន្លេ ឬតំបន់ទំនាប ឲ្យមានការប្រុងប្រយ៍ត្នចំពោះហានីភ័យទឹកជំនន់កើនឡើងខ្លាំង៕

អ្នកជំនាញផ្នែកអប់រំ៖ ថ្នាក់ដឹកនាំរាជរដ្ឋាភិបាលថ្មីសុទ្ធតែមានបទពិសោធន៍ និងសក្ដានុពល

2023/08/11 07:17:11 pm        296
Facebook Telegram Linkin
ភ្នំពេញ៖ លោក ម៉ិច សីហា អគ្គនាយកវិទ្យាស្ថានអន្តរជាតិ IKEY ​មើលឃើញ និងជឿជាក់លើ​សមត្ថភាព​បេក្ខភាពថ្នាក់ដឹកនាំថ្មីរបស់រាជរដ្ឋាភិបាលក្នុង​អាណត្តិទី៧នេះ ដែលសុទ្ធតែជាថ្នាក់ដឹកនាំ​វ័យក្មេងមានបទពិសោធការងារ ​និងការអប់រំខ្ពង់ខ្ពស់ពីក្រៅប្រទេស ដែលអាចដឹកនាំនាវាកម្ពុជា​ឱ្យមាន​ការអភិវឌ្ឍ​រីកចម្រើន​រឹតតែខ្លាំង​បន្ថែមទៀត នាពេលខាងមុខ។លោក ម៉ិច សីហា ​បានលើកឡើងតាមរយៈកិច្ចសម្ភាស​ជាមួយទូរទស្សន៍ BTV​ នាព្រឹកថ្ងៃទី ១១ ខែសីហា ឆ្នាំ២០២៣នេះថា ប្រទេសកម្ពុជា ​ក្រោយមការដឹកនាំរបស់សម្ដេចតេជោ ​ហ៊ុន សែន ក៏ដូចជា​រាជរដ្ឋាភិបាលអាណត្តិចាស់ ​បានធ្វើឱ្យប្រទេសកម្ពុជា ​មានស្ថិរភាពនយោបាយ និងការអភិវឌ្ឍ ​មានការរីកចម្រើនជាបន្តបន្ទាប់។ លោកបន្តថា ​ដូច្នេះតាមរយៈគោលនយោបាយ និងយុទ្ធសាស្រ្ដច្បាស់លាស់របស់ប្រទេសកម្ពុជា​ដែលមានស្រាប់ ​នឹងត្រូវបានដឹកនាំអនុវត្តដោយថ្នាក់ដឹកនាំជំនាន់​ក្រោយ​ដែល​មានមត្ថភាព និង​ចំណេះដឹង នឹងធ្វើឱ្យប្រទេសកម្ពុជា មានការអភិវឌ្ឍរីកចម្រើនរឹតតែខ្លាំងបន្ថែមទៀត​សម្រាប់​អាណត្តិទី៧នេះ។ បើតាមលោក ម៉ិច សីហា​ បច្ចុប្បន្ននេះបញ្ហាសេដ្ឋកិច្ចសាកលនៅកំពុងបន្ត និងមិនទាន់​មានភាព​ច្បាស់លាស់​នៅឡើយ។ប៉ុន្ដែប្រទេសកម្ពុជាក្រោមការដឹកនាំប្រកបដោយ​គតិបណ្ឌិតរបស់​សម្ដេច​តេជោ​ ហ៊ុន សែន បានដាក់ចេញនូវគោលនយោបាយច្បាស់លាស់ធ្វើឱ្យកម្ពុជា​រក្សា​បាននូវកំណើន​សេដ្ឋកិច្ចល្អប្រសើរ និងការអភិវឌ្ឍហេដ្ឋារចនាសម្ព័ន្ធគ្រប់ទីកន្លែងនៅ​ក្នុងប្រទេសកម្ពុជា។សូមជម្រាបថា នៅឆ្នាំ ២០២៣នេះ ​សេដ្ឋកិច្ចកម្ពុជាត្រូវបានព្យាករថា នឹងមានកំណើនក្នុងរង្វង់ ៦,៦ ភាគរយ​ ដែលកំណើននេះត្រូវបានគាំទ្រ​ដោយការងើបឡើងវិញ​នៃវិស័យសំខាន់ៗដូចជា វិស័យ​កសិកម្ម វិស័យឧស្សាហកម្ម និង វិស័យសេវាកម្ម។ ​នេះបើ​តាម​លទ្ធផលនៃកិច្ចប្រជុំពេញ​អង្គគណៈរដ្ឋមន្ត្រី​នាពេលកន្លងទៅ៕អត្ថបទ៖ វ៉ន ដារ៉ា

ការដាំក្បាលចុះមករកសមុទ្រនៃយន្តហោះក្រុមហ៊ុន United គឺជាកំហុសអាកាសយានិក

2023/08/11 07:16:58 pm        199
Facebook Telegram Linkin
អាមេរិក៖ ក្រុមអ្នកស៊ើបអង្កេតសហព័ន្ធបាននិយាយថា ឧបទ្ទវហេតុកាលពីឆ្នាំ ២០២២ ដែលជើងហោះហើររបស់ក្រុមហ៊ុនអាកាសចរណ៍ United Airlines បានដំាក្បាលចុះ ៧៤៨ហ្វីត មករកមហាសមុទ្រប៉ាស៊ីហ្វិក គឺ បណ្តាលមកពីកំហុសអាកាសយានិក។ នៅក្នុងរបាយការណ៍ចុងក្រោយ ដែលទើបនឹងចេញផ្សាយបានឲ្យដឹងថា គណៈកម្មាធិការសុវត្ថិភាពដឹកជញ្ជូនជាតិ បានកំណត់មូលហេតុនៃការដាំក្បាលចុះនៃជើងហោះហើរ ១៧២២ របស់ក្រុមហ៊ុនអាកាសចរណ៍ United Airlines ដោយសារការធ្វេសប្រហេសរបស់អ្នកបម្រើការលើយន្តហោះក្នុងការគ្រប់គ្រងផ្លូវហោះហើរតាមខ្សែហោះរបស់យន្តហោះ បន្ទាប់ពីដាច់ទំនាក់ទំនងជាក់ស្តែង រវាងអាកាសយានិកទាំងពីរជុំវិញទីតាំងសន្ទះស្លាបរបស់យន្តហោះ។ គណៈកម្មាធិការសុវត្ថិភាពដឹកជញ្ជូនជាតិ បាននិយាយថាឧប្បត្តិហេតុនេះបានកើតឡើងប្រហែលមួយនាទីបន្ទាប់ពីយន្តហោះ Boeing 777 បានចាកចេញពីអាកាសយានដ្ឋាន Kahului នៅរដ្ឋ Hawaii ក្នុងពេលភ្លៀងធ្លាក់ខ្លាំង និងមានភាពច្របូកច្របល់កាលពីថ្ងៃទី ១៨ ខែធ្នូ។ ក្រុមអ្នកស៊ើបអង្កេតបាននិយាយថា ជើងហោះហើរដែលមានអ្នកដំណើរ ២៧១ នាក់នៅលើយន្តហោះបានបន្តទៅកាន់គោលដៅរបស់ខ្លួននៅទីក្រុងសាន់ហ្វ្រាន់ស៊ីស្កូ ដោយគ្មានបញ្ហាបន្ថែមទៀតនោះទេ។   គណៈកម្មាធិការ និយាយនៅក្នុង សេចក្តីថ្លែងការណ៍របស់ក្រុមយានិកដែលបានបង្ហាញពីការភាន់ច្រលំជុំវិញការកំណត់សន្ទះស្លាបរបស់យន្តហោះ 777 ដែលជាធម្មតាត្រូវបានពង្រីកសម្រាប់ការហោះហើរ និងបន្ថយវិញ ក្នុងអំឡុងពេលហោះឡើង៕

បណ្ដាញសង្គម

ព័ត៌មានថ្មីៗ

កម្ពុជា-តួកគីយ៉េ នឹងបន្តពូនជ្រំទំនាក់ទំនង និងកិច្ចសហប្រតិបត្តិការទ្វេភាគី ឱ្យកាន់តែស៊ីជម្រៅ
10/17/2026 09:10 AM
Facebook Telegram Linkin
កម្ពុជា​ប្តេជ្ញាចិ​ត្តយ៉ាងមុតមាំ​​រួមចំណែកការពារភពផែនដី តាមរយៈ​ការ​អនុវត្ត​ក្រប​ខ័ណ្ឌ​ជីវៈ​ចម្រុះ​សកល​គូន​មីង-ម៉ុងរេអាល់ (KMGBF)
10/17/2026 09:10 AM
Facebook Telegram Linkin
លោកTrump៖ អ្នកឃើញហេតុការណ៍ប្រដាប់អាវុធដែលបានបាញ់សម្លាប់ខ្មាន់កាំភ្លើងនៅសាលារៀន ជាវីរបុរសដ៏អស្ចារ្យ
10/17/2026 09:10 AM
Facebook Telegram Linkin
អ៊ីរ៉ង់ ច្រានចោលការចោទប្រកាន់របស់អារ៉ាប៊ីសាអ៊ូឌីតក្នុងការជាប់ពាក់ព័ន្ធការវាយប្រហាររបស់ក្រុមហ៊ូទី
10/17/2026 09:10 AM
Facebook Telegram Linkin
កងទ័ពជើងគោកកម្ពុជា និងកងទ័ពការពារព្រំដែនវៀតណាម ពង្រឹងកិច្ចសហប្រតិបត្តិការគ្រប់គ្រង និងការពារព្រំដែន
10/16/2026 07:10 PM
Facebook Telegram Linkin
មន្ត្រី៖ មេបញ្ជាការក្រុមហ៊ូទីត្រូវបានសម្លាប់ អំឡុង​ការប៉ះទង្គិចជាមួយកង​កម្លាំងរដ្ឋាភិបាលយេម៉ែន នៅទី​ក្រុង​ Taiz
10/16/2026 07:10 PM
Facebook Telegram Linkin
ប្រមុខ​គោល​នយបាយការ​​បរទេស EU ជំរុញឱ្យអាមេរិកបង្កើនសម្ពាធលើរុស្ស៊ី ដើម្បីបញ្ចប់សង្គ្រាម នៅអ៊ុយក្រែន
10/16/2026 07:10 PM
Facebook Telegram Linkin
ចិនផ្ដោត​លើ​វិធានការ​ជាក់ស្តែង ពីវេទិកាអភិបាលកិច្ចសកល នៅសប្តាហ៍ក្រោយ
10/16/2026 07:10 PM
Facebook Telegram Linkin
ឯកអគ្គរដ្ឋ​ទូត៖ ចិនអាច «ឈ្នះយ៉ាងងាយស្រួល​» នៅ​ក្នុង​ការ​ប្រឈមមុខ​ដាក់​គ្នា​ជាមួយហ្វីលីពីន
10/16/2026 07:10 PM
Facebook Telegram Linkin
សម្ដេចធិបតី បង្ហាញភាពអំណោយផល របស់កម្ពុជា ៦ចំណុច ក្នុងការទាក់ទាញវិនិយោគិនតួកគីយ៉េ
10/16/2026 07:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.