នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី បង្ហាញភាពអំណោយផល របស់កម្ពុជា ៦ចំណុច ក្នុងការទាក់ទាញវិនិយោគិនតួកគីយ៉េ
កម្ពុជា តួកគីយ៉េ មាន គោលដៅរួមសម្រេចទំហំពាណិជ្ជកម្ម ១ពាន់លានដុល្លារ
កម្ពុជា-អាស៊ែបៃហ្សង់ បង្ហាញសុទិដ្ឋិនិយមចំពោះការជំរុញទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ
អ្នកនាំពាក្យ៖ ទីបំផុតលោក សម រង្ស៊ី បានបង្ហាញច្បាស់ថា គាត់ពិតជាបាននិយាយការពារថៃ និង​មួលបង្កាច់កម្ពុជា

នយោបាយ​ និង ការអភិវឌ្ឍន៍

រាជរដ្ឋាភិបាលសម្រេចបង្កើតតំបន់បេតិកភណ្ឌធម្មជាតិ វប្បធម៌ប្រវត្តិសាស្ត្រ «នគរភ្នំឈើកាច់បាភ្នំ»

2023/08/04 07:03:04 pm        1567
Facebook Telegram Linkin
ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្ដីនៃកម្ពុជា នៅថ្ងៃទី ៣ ខែសីហា ឆ្នាំ ២០២៣នេះ បានចេញអនុក្រឹត្យ បង្កើតតំបន់បេតិកភណ្ឌធម្មជាតិ វប្បធម៌ប្រវត្តិសាស្ត្រ «នគរភ្នំឈើកាច់បាភ្នំ»។ យោងតាមអនុក្រឹត្យ ការបង្កើតតំបន់បេតិកភណ្ឌធម្មជាតិ នគរភ្នំឈើកាច់បាភ្នំនេះ លើផ្ទៃដីទំហំសរុប ១២៥,២៧៧៥ ហិកតា (មួយរយម្ភៃប្រាំហិកតាម្ភៃប្រាំពីរអាចិតសិបប្រាំសង់ទីអា) និងកំណត់ទីតាំងបេតិកភណ្ឌវប្បធម៌ ប្រវត្តិសាស្ត្រក្នុងតំបន់បេតិកភណ្ឌធម្មជាតិ នគរភ្នំឈើកាច់បាភ្នំ ដែលមានចំនួន ៩ ទីតាំងស្ថិតក្នុងភូមិសាស្ត ឃុំជើងភ្នំ ឃុំឈើកាច់ និងឃុំរោងដំរី ស្រុកបាភ្នំ ខេត្តព្រៃវែង។ ទីតាំង ៩កន្លែងនៃ តំបន់បេតិកភណ្ឌធម្មជាតិ វប្បធម៌ប្រវត្តិសាស្ត្រ «នគរភ្នំឈើកាច់បាភ្នំ» នេះ មានឈ្មោះនិងទំហំផ្ទៃដី ដូចជា ទី១- ភ្នំបាភ្នំ មានផ្ទៃដីទំហំ ១០១,៤១១៩ហិកតា (មួយរយមួយហិកតាសែសិបមួយអាដប់ប្រាំបួន សង់ទីអា)។ ២- ប្រាសាទអង្គច័ន្ទ មានផ្ទៃដីទំហំ០,៦៣៨៥ហិកតា(ហុកសិបបីអាប៉ែតសិបប្រាំសង់ទីអា)។ ៣- វត្តវិហារគុហ៍ មានផ្ទៃដីទំហំ១,៣៦៤២ហិកតា(មួយហិកតាសាមសិបប្រាំមួយអាសសិបពីរ សង់ទីអា)។ ៤- វត្តវិហារធំ មានផ្ទៃដីទំហំ៣,១៤៥១ហិកតា(បើហិកតាដប់បួនអាហាសិបមួយសង់ទីអា)។ ៥- ស្រះបិទបាយ មានផ្ទៃដីទំហំ៨,០៦០៧ហិកតា(ប្រាំបីហិកតាប្រាំមួយអាប្រាំពីរសង់ទីអា)។ ៦- អ្នកតាមេសរ មានផ្ទៃដីទំហំ០,៧៨១២ហិកតា(ចិតសិបប្រាំបីអាដប់ពីរសង់ទីអា)។ ៧- ស្រះស្រង់ មានផ្ទៃដីទំហំ១,៥៨១៦ហិកតា(មួយហិកតាហាសិបប្រាំបីអាដប់ប្រាំមួយសង់ទីអា)។ ៨- ភ្នំវត្តកំពូលភ្នំឈើកាច់ មានផ្ទៃដីទំហំ២,៥២៦៤ហិកតា(ពីរហិកតាហាសិបពីរអាហុកសិបបួន សង់ទីអា)។ ៩- មណ្ឌលមុនីស្ថានតាបសភ្នំតូច មានផ្ទៃដីទំហំ៥,៧៦៧៩ហិកតា(ប្រាំហិកតាចិតសិបប្រាំមួយអា ចិតសិបប្រាំបួនសង់ទីអា)។

អ្នកស្រុក ប៉ះទង្គិចជាមួយកងកម្លាំងសន្តិសុខនៅក្នុងរដ្ឋម៉ានីពួរ ដែលរងគ្រោះដោយអំពើហិង្សាក្នុងប្រទេសឥណ្ឌា

2023/08/04 07:02:31 pm        251
Facebook Telegram Linkin
ឥណ្ឌា៖ ក្រុមអ្នកស្រុកជាពិសេសស្ត្រីមកពីសហគមន៍ជនជាតិភាគតិច ម៉ីតី បានប៉ះទង្គិចជាមួយកងកម្លាំងសន្តិសុខនៅក្នុងស្រុក Bishnupur នៃរដ្ឋម៉ានីពួរ ប្រទេសឥណ្ឌាកាលពីថ្ងៃព្រហស្បតិ៍ (៣ សីហា) ។កងកម្លាំងសន្តិសុខបានប្រើការបាញ់ផ្លោងបំពង់ឧស្ម័នបង្ហូរទឹកភ្នែកដើម្បីបំបែកហ្វូងមនុស្ស ខណៈដែលពួកគេត្រូវបានគេរាយការណ៍ថា បានព្យាយាមចូលទៅក្នុងកន្លែងមួយដែលកុលសម្ព័ន្ធ គូគី រៀបចំពិធីបុណ្យសពដ៏ធំមួយ សម្រាប់ជនរងគ្រោះនៃការប៉ះទង្គិចគ្នារវាងជនជាតិភាគតិច។ នៅព្រឹកថ្ងៃដដែលនោះ តុលាការក្នុងរដ្ឋបានបញ្ជាឱ្យពន្យារពេលការបញ្ចុះសពទៅរយៈពេលប្រាំពីរថ្ងៃបន្ទាប់។ទន្ទឹមនឹងនេះដែរ យោងតាមរបាយការណ៍ មនុស្សយ៉ាងហោចណាស់១៧នាក់បានរងរបួសនៅក្នុងការប៉ះទង្គិចគ្នា ហើយការបន្ធូរបន្ថយបម្រាមគោចរត្រូវបានដកចេញពីផ្នែកខ្លះនៃរដ្ឋបន្ទាប់ពីព្រឹត្តិការណ៍នេះ។ រដ្ឋនេះបានក្លាយជានិមិត្តរូបនៃជម្លោះនិកាយដ៏សាហាវរវាងសហគមន៍ជនជាតិភាគតិច ម៉ីតី កុលសម្ព័ន្ធ គូគី ដែលបានសម្លាប់មនុស្សជាង១៨០នាក់ចាប់តាំងពីខែឧសភាមក៕

ក្រុមអ្នកតវ៉ាអាកាសធាតុ បានគ្របក្រណាត់ខ្មៅលើគេហដ្ឋានឯកជនរបស់នាយករដ្ឋមន្ត្រីអង់គ្លេស

2023/08/04 06:58:02 pm        270
Facebook Telegram Linkin
អង់គ្លេស៖ ក្រុមយុទ្ធនាការបរិស្ថានបាននិយាយកាលពីថ្ងៃព្រហស្បតិ៍ (៣ សីហា)ថា ក្រុមអ្នកតវ៉ាអាកាសធាតុ បានយកផ្ទាំងក្រណាត់ពណ៌ខ្មៅដ៏ធំ ទៅគ្របពីលើគេហដ្ឋានឯកជនរបស់នាយករដ្ឋមន្ត្រីអង់គ្លេសលោក Rishi Sunak ដើម្បីតវ៉ាប្រឆាំងនឹងគោលនយោបាយថាមពលរបស់រដ្ឋាភិបាលរបស់លោក។វីដេអូដែលបង្ហោះដោយក្រុមបរិស្ថានចក្រភពអង់គ្លេស បានបង្ហាញក្រុមបាតុករឡើងទៅលើគេហដ្ឋាននោះ ដោយគ្របវាដោយក្រណាត់ខ្មៅ ខណៈមនុស្សពីរនាក់ទៀតកាន់បដាដែលសរសេរថា «តើលោក RISHI SUNAK ជ្រើសរើសយកចំណូលពីការជួញដូរប្រេង ឬក៏គិតពីអនាគតបរិស្ថានរបស់ប្រទេស?»។ការិយាល័យរបស់លោក Sunak មិនមានការអត្ថាធិប្បាយភ្លាមៗចំពោះបញ្ហានេះទេ។ ចក្រភពអង់គ្លេសបានអនុម័តគោលដៅនៃការឈានដល់ការបំភាយឧស្ម័នកាបូនសុទ្ធស្មើសូន្យនៅឆ្នាំ២០៥០ ក្រោមការដឹកនាំរបស់អតីតនាយករដ្ឋមន្ត្រីអង់គ្លេសលោកស្រី Theresa May ក្នុងឆ្នាំ២០១៩ ហើយបានបង្កើនល្បឿនក្នុងការកសាងសមត្ថភាពថាមពលកកើតឡើងវិញរបស់ខ្លួន។ ប៉ុន្តែក្រុមអ្នកធ្វើយុទ្ធនាការបរិស្ថានបានរិះគន់កំណត់ត្រាបំភាយឧស្ម័នកាបូនសុទ្ធរបស់រដ្ឋាភិបាលក្នុងប៉ុន្មានឆ្នាំថ្មីៗនេះ៕

របបសឹកនីហ្សេ ដកកិច្ចសហប្រតិបត្តិការយោធាជាមួយបារាំង

2023/08/04 06:54:58 pm        252
Facebook Telegram Linkin
នីហ្សេ៖ របបសឹកនីហ្សេ កាលពីថ្ងៃព្រហស្បតិ៍ បាននិយាយថា ខ្លួនបានដកកិច្ចព្រមព្រៀងសហប្រតិបត្តិការយោធាជាច្រើនជាមួយប្រទេសបារាំង បន្ទាប់ពីការបណ្តេញលោកប្រធានាធិបតី Mohamed Bazoum ក្នុងរដ្ឋប្រហារកាលពីសប្តាហ៍មុន។ ប្រទេសបារាំងមានកងទ័ពចន្លោះពី ១.០០០នាក់ទៅ១.៥០០នាក់នៅក្នុងប្រទេសនីហ្សេ ដែលកំពុងជួយប្រយុទ្ធប្រឆាំងនឹងការបះបោរ ដោយក្រុមដែលមានទំនាក់ទំនងជាមួយក្រុមអាល់កៃដា និងក្រុមរដ្ឋអ៊ីស្លាម ដែលបានរីករាលដាលពាសពេញតំបន់នោះ។របបសឹកនោះក៏បានប្រកាសតាមទូរទស្សន៍ជាតិថា ខ្លួនកំពុងបញ្ចប់អាណត្តិរបស់ឯកអគ្គរដ្ឋទូតនីហ្សេប្រចាំប្រទេសបារាំង នីហ្ស៊េរីយ៉ា តូហ្គោ និងសហរដ្ឋអាមេរិកផងដែរ៕

ប្រធានាធិបតីម៉ិកស៊ិក៖ គោលនយោបាយជនអន្តោប្រវេសន៍នៅរដ្ឋតិចសាស គឺអមនុស្សធម៌

2023/08/04 06:49:42 pm        234
Facebook Telegram Linkin
ម៉ិកស៊ិក៖ ប្រធានាធិបតីម៉ិកស៊ិក លោក Andres Manuel Lopez Obrador កាលពីថ្ងៃព្រហស្បតិ៍ (៣ សីហា) បានហៅគោលនយោបាយការធ្វើអន្តោប្រវេសន៍របស់រដ្ឋតិចសាសថា "អមនុស្សធម៌" ហើយបានអំពាវនាវឱ្យដកចេញនូវរបាំងបណ្តែតទឹក ដែលលោកនិយាយថា រំលោភលើអធិបតេយ្យភាពរបស់ប្រទេសម៉ិកស៊ិក។ការអត្ថាធិប្បាយនេះធ្វើឡើងបន្ទាប់ពីប្រទះឃើញសាកសពមួយជាប់ក្នុងរបងបណ្តែតទឹក។ ក្រុមអាជ្ញាធរកំពុងធ្វើការដើម្បីកំណត់អត្តសញ្ញាណសាកសពដែលបានរកឃើញនៅក្នុងទន្លេនោះ និងកំណត់មូលហេតុនៃការស្លាប់ នេះបើយោងតាមសេចក្តីថ្លែងការណ៍របស់ក្រសួងការបរទេសរបស់ប្រទេសម៉ិកស៊ិក។ នាយកដ្ឋានសុវត្ថិភាពសាធារណៈរដ្ឋតិចសាស (DPS) បាននិយាយថា ជនរងគ្រោះទំនងជាបានរសាត់អណ្ដែតចូលទៅក្នុងពោងបណ្តែតទឹក បន្ទាប់ពីលង់ទឹក។រដ្ឋាភិបាលរដ្ឋតិចសាស បានដំឡើងរនាំងបណ្ដែតទឹកនោះកាលពីខែមុន ហើយបាននិយាយថា នៅពេលនោះ រនាំងនឹងជួយរារាំងជនអន្តោប្រវេសន៍ខុសច្បាប់ ដែលប៉ុនប៉ងឆ្លងកាត់ទន្លេដ៏គ្រោះថ្នាក់ចូលទៅក្នុងរដ្ឋតិចសាស។ក្រុមមន្ត្រីម៉ិកស៊ិកកាលពីល្ងាចថ្ងៃពុធ (២ សីហា) ក៏បានរាយការណ៍អំពីសាកសពមិនស្គាល់អត្តសញ្ញាណទីពីរ ដែលបានរកឃើញនៅក្នុងទន្លេចម្ងាយប្រហែល៥គីឡូម៉ែត្រ (៣ ម៉ាយល៍) ពីសាកសពទីមួយ។ នាយកដ្ឋានសុវត្ថិភាពសាធារណៈរដ្ឋតិចសាស មិនបានឆ្លើយតបភ្លាមៗចំពោះសំណើសុំការអត្ថាធិប្បាយអំពីសាកសពទីពីរនោះទេ៕

យោធាអាមេរិក អាចដាក់ទាហានប្រដាប់អាវុធលើកនាវាពាណិជ្ជកម្ម នៅច្រកសមុទ្រ Hormuz ដើម្បីបញ្ឈប់ប្រទេសអ៊ីរ៉ង់កុំឲ្យរឹបអូស

2023/08/04 06:44:35 pm        229
Facebook Telegram Linkin
អាមេរិក៖ ក្រុមមន្ត្រីអាមេរិក បានប្រាប់សារព័ត៌មានAP កាលពីថ្ងៃព្រហស្បតិ៍ថា យោធាសហរដ្ឋអាមេរិក កំពុងពិចារណាដាក់ទាហានប្រដាប់អាវុធនៅលើកនាវាពាណិជ្ជកម្ម ដែលធ្វើដំណើរឆ្លងកាត់ច្រកសមុទ្រ Hormuz ក្នុងអ្វីដែលជាសកម្មភាពមិនធ្លាប់មាន ក្នុងគោលបំណងបញ្ឈប់អ៊ីរ៉ង់ពីការរឹបអូស និងរំខានដល់នាវាស៊ីវិល។ចាប់តាំងពីឆ្នាំ ២០១៩ មក ប្រទេសអ៊ីរ៉ង់ បានរឹបអូសកប៉ាល់ជាបន្តបន្ទាប់នៅក្នុងច្រកសមុទ្រដែលជាមាត់ច្រកតូចចង្អៀតនៃឈូងសមុទ្រពែក្សដែលជាផ្នែកនៃកិច្ចខិតខំប្រឹងប្រែងរបស់ខ្លួន ក្នុងការដាក់សម្ពាធលើលោកខាងលិចជុំវិញការចរចាទាក់ទងនឹងកិច្ចព្រមព្រៀងនុយក្លេអ៊ែរ ដែលបានដួលរលំជាមួយមហាអំ ណាចពិភពលោក។ ការដាក់ទាហានអាមេរិកលើនាវាពាណិជ្ជកម្ម អាចរារាំងអ៊ីរ៉ង់ពីការចាប់នាវា ឬបង្កើនភាពតានតឹងបន្ថែមទៀត។ការសម្រេចដែលបានត្រូវបានពិចារណានេះ ក៏នឹងជាការប្តេជ្ញាចិត្តខុសពីធម្មតា នៅក្នុងតំបន់មជ្ឈិមបូព៌ាដោយកងកម្លាំងសហរដ្ឋអាមេរិក ខណៈដែលមន្ទីរបញ្ចកោណ ព្យាយាមផ្តោតលើប្រទេសរុស្ស៊ី និងប្រទេសចិន។ អាមេរិក មិនបានចាត់វិធានក្នុងអំឡុងអ្វីដែលគេហៅថា «សង្គ្រាមរថក្រោះ» ដែលបញ្ចប់ដោយកងទ័ពជើងទឹកអាមេរិក និងអ៊ីរ៉ង់ប្រយុទ្ធគ្នាក្នុងសមរភូមិទ័ពជើងទឹករយៈពេលមួយថ្ងៃក្នុងឆ្នាំ ១៩៨៨ ដែលជាកងទ័ពជើងទឹកដ៏ធំបំផុត ចាប់តាំងពីសង្គ្រាមលោកលើកទីពីរ។ខណៈពេលដែលក្រុមមន្ត្រី បានផ្តល់ព័ត៌មានលម្អិតមួយចំនួននៃផែនការនេះ វាកើតឡើងនៅពេលដែលទាហានម៉ារីន និងនាវិករាប់ពាន់នាក់នៅលើនាវាវាយលុកទាំងនៅក្នុងទឹកនិងលើគោគគឺនាវាUSS Bataan និង USS Carter Hall ដែលជានាវាកំពុងចូលចត កំពុងធ្វើដំណើរទៅកាន់ឈូងសមុទ្រពែក្ស។ ទាហានម៉ារីន និងនាវិកទាំងនោះ អាចផ្តល់របាំងការពារសម្រាប់បេសកកម្មឆ្មាំប្រដាប់អាវុធណាមួយ នៅក្នុងច្រកសមុទ្រ ដែលតាមរយៈនេះ ២០ភាគរយនៃប្រេងឆៅរបស់ពិភពលោក ឆ្លងកាត់៕

លោកជំទាវ មិថុនា ភូថង ស្នើអ្នកទេសចរផ្អាកទៅកម្សាន្តតំបន់ទេសចរណ៍ធម្មជាតិ ដែលងាយគ្រោះថ្នាក់

2023/08/04 06:41:02 pm        536
Facebook Telegram Linkin
កោះកុង៖ លោកជំទាវ មិថុនា ភូថង អភិបាលខេត្តកោះកុង បានស្នើសុំដល់អ្នកទេសចរគ្រប់ជាតិ​សាសន៍​ផ្អាកដំណើរកម្សាន្តទៅលេងនៅតំបន់ទេសចរណ៍ធម្មជាតិ ដែលងាយរងគ្រោះថ្នាក់អំឡុងពេលអាកាសធាតុប្រែប្រួល។ការស្នើសុំរបស់លោកជំទាវ មិថុនា ភូថង អភិបាលខេត្តកោះកុងនៅពេលនេះ ធ្វើឡើងអំឡុង​អញ្ជើញចែកអំណោយដល់ពលរដ្ឋ២២៤គ្រួសារ នៅស្រុកស្រែអំបិល រងគ្រោះដោយ​សារជំនន់ទឹកភ្លៀង កាលពីថ្ងៃទី៣ ខែសីហា ឆ្នាំ២០២៣។លោកជំទាវ មិថុនា ភូថង ​ក៏សម្តែងក្តីសោកស្តាយផងដែរពេលដឹង និងឃើញព័ត៌មាននៃការស្លាប់​មនុស្សនៅខេត្តកំពត អំពីការទៅបោះតង់សម្រាកកម្សាន្ត នៅតាមស្ទឹងព្រែក។ដោយឡែកលោក សុខ ច័ន្ទគ្រឹះស្នា ប្រធានមន្ទីរទេសចរណ៍ខេត្តកោះកុង ក៏បានបន្តជូនដំណឹង​ទៅ​កាន់ម្ចាស់តំបន់​អេកូទេសចរណ៍​ និងរមណីយដ្ឋាននានា អំពីការផ្អាកទទួលភ្ញៀវទេសចរណ៍​ដែល​មានបំណងចង់ទៅបោះតង់ ឬដើរលេងកម្សាន្តតាមព្រៃភ្នំផងដែរ។លោកប្រធានមន្ទីរទេសចរណ៍ខេត្ត ​ដំណើរកម្សាន្តអំឡុងពេលរដូវវស្សាបែបនេះ​ វាមិនសូវ​ជាល្អប៉ុន្មានទេ​ចំពោះសុវត្ថិភាព ​ហើយងាយនឹងប្រឈមថ្នាក់ធម្មជាតិខ្លាំងណាស់។ខេត្តកោះកុង​ មិនត្រឹមតែមានតំបន់ឆ្នេរសមុទ្រនោះទេ ក៏មានតំបន់អេកូទេសចរធម្មជាតិ​ជាច្រើន​បែបផ្សងព្រេង រួមមាន៖ ទឹកជ្រោះហូរ ទេសភាពបែតងនៃព្រៃភ្នំក្រំថ្ម និងដែនកោះ៕ អត្ថបទ៖ឈឹម មករា

រដ្ឋអាជ្ញា៖ កូនប្រុសប្រធានាធិបតីកូឡុំប៊ី សារភាពពីការបញ្ចូលលុយខុសច្បាប់ ក្នុងយុទ្ធនាការបោះឆ្នោត

2023/08/04 06:39:58 pm        82
Facebook Telegram Linkin
កូឡុំប៊ី៖ បើតាមរដ្ឋអាជ្ញាដែលគ្រប់គ្រងសំណុំរឿងកូនប្រុសច្បងរបស់ប្រធានាធិបតីកូឡុំប៊ី លោក Gustavo Petro កាលពីថ្ងៃព្រហស្បតិ៍ (ទី៣ ខែសីហា) បានឲ្យដឹងថា លោក Nicolas Petro បានសារភាពថា បានបញ្ចូលលុយខុសច្បាប់ទៅក្នុងយុទ្ធនាការបោះឆ្នោតរបស់ឪពុកខ្លួន កាលពីឆ្នាំមុន។លោក Petro វ័យ ៣៧ឆ្នាំ ត្រូវបានចាប់ខ្លួន កាលពីថ្ងៃសៅរ៍ នៅទីក្រុងបារ៉ង់ឃ្វីយ៉ា (Barranquilla) ជាមួយនឹងអតីតភរិយារបស់លោកឈ្មោះលោកស្រី Daysuris del Carmen Vasquez ដែលត្រូវបានដកស្រង់ពីប្រព័ន្ធផ្សព្វផ្សាយ កាលពីខែមីនា ដោយរាយការណ៍ថា មនុស្ស ២នាក់ ដែលត្រូវបានចោទពីបទមានទំនាក់ទំនងជាមួយការជួញដូរគ្រឿងញៀន បានផ្តល់ប្រាក់ដល់អតីតគូស្វាមីភរិយារបស់លោកស្រី ដើម្បីគាំទ្រយុទ្ធនាការបោះឆ្នោតប្រធានាធិបតី។រដ្ឋអាជ្ញាលោក Mario Burgos បាននិយាយថា ព័ត៌មាន បានរាយការណ៍ទាក់ទងនឹងការផ្តល់មូលនិធិ សម្រាប់យុទ្ធនាការនេះ ដែលហាក់ដូចជាហួសដែនកំណត់ផ្លូវច្បាប់ និងដែលមួយចំនួន មិនត្រូវបានរាយការណ៍ទៅអាជ្ញាធររៀបចំការបោះឆ្នោត។ជាមួយគ្នានេះ ទោះបីជាលោកស្រី Vasquez បាននិយាយថា លោកប្រធានាធិបតីមិនបានដឹងពីការរៀបចំនេះក៏ដោយ ក៏រឿងអាស្រូវនេះ អាចរារាំងដល់ការប្រឹងប្រែងស្វែងរកសន្តិភាព និងកិច្ចព្រមចុះចាញ់របស់រដ្ឋបាលលោក Petro ជាមួយក្រុមប្រដាប់អាវុធ ហើយនិងរបៀបវារៈកំណែទម្រង់ដ៏ធំរបស់លោក។យោងតាមការចោទប្រកាន់ បានឲ្យដឹងថា លោក Nicolas Petro សមាជិកសភា នៅខេត្ត Atlantico បានទទួលប្រាក់ពីអ្នកជួញដូរគ្រឿងញៀន ដែលត្រូវបានចោទជាថ្នូរនឹងការរួមបញ្ចូលអ្នកទាំងនោះ នៅក្នុងផែនការសន្តិភាពរបស់ប្រធានាធិបតី ហើយបទចោទប្រកាន់នេះ អាចនាំឲ្យមានការកាត់ទោសដាក់ពន្ធនាគារពី ១២ឆ្នាំ និង ២០ឆ្នាំ៕

បុរស២នាក់បម្រើការនៅកងទ័ពជើងទឹកអាមេរិក ត្រូវចាប់ខ្លួនពីបទចារកម្មឲ្យចិន

2023/08/04 06:25:33 pm        110
Facebook Telegram Linkin
អាមេរិក៖ ក្រសួងយុត្តិធម៌អាមេរិក បានឲ្យដឹង កាលពីថ្ងៃព្រហស្បតិ៍ (ទី៣ ខែសីហា) ថា សមាជិកបម្រើការ ២នាក់នៃកងទ័ពជើងទឹកអាមេរិក ត្រូវបានចាប់ខ្លួនពីបទសង្ស័យថា បានធ្វើចារកម្មឲ្យប្រទេសចិន។បុរសទាំង ២នាក់នោះ ត្រូវបានសង្ស័យថា បានលក់ព័ត៌មានសម្ងាត់ទៅឲ្យទីក្រុងប៉េកាំង ដែលរួមបញ្ចូលសៀវភៅណែនាំ សម្រាប់នាវាចម្បាំង និងប្រព័ន្ធអាវុធរបស់សហអាមេរិក ក៏ដូចជាប្លង់មេ (ផែនការលម្អិត) សម្រាប់ប្រព័ន្ធរ៉ាដា និងផែនការសម្រាប់សមយុទ្ធយោធាដ៏ធំរបស់សហរដ្ឋអាមេរិកផងដែរ។អ្នកស្រី Suzanne Turner ពីផ្នែកប្រឆាំងការស៊ើបការណ៍សម្ងាត់របស់ FBI ដែលជាប់ពាក់ព័ន្ធក្នុងហេតុការណ៍នេះ បាននិយាយថា៖ «ការចាប់ខ្លួនទាំងនេះ គឺជាការរំលឹកពីការប៉ុនប៉ងឥតឈប់ឈរ និងបំពារបំពានរបស់សាធារណរដ្ឋប្រជាមានិតចិន ដែលចង់ធ្វើឲ្យខូចលទ្ធិប្រជាធិបតេយ្យរបស់យើង និងគំរាមកំហែងដល់អ្នកដែលការពារលទ្ធិប្រជាធិបតេយ្យ»។នៅក្នុងសេចក្តីប្រកាសព័ត៌មានមួយ ក្រសួងយុត្តិធម៌ បានឲ្យដឹងថា នាវិក Wei Jinchao ដែលបម្រើការលើនាវាវាយប្រហារតាមអាកាស USS Essex ក្នុងទីក្រុង San Diego បានប្រគល់ឯកសារ រូបថត និងវីដេអូរាប់សិប ដែលរៀបរាប់លម្អិតអំពីប្រតិបត្តិការ និងប្រព័ន្ធរបស់នាវា។ បុរសវ័យ ២២ឆ្នាំ ដែលត្រូវបានចោទប្រកាន់ថា ទទួលបានប្រាក់រាប់ពាន់ដុល្លារ សម្រាប់ការផ្ដល់ព័ត៌មាននោះ អាចប្រឈមនឹងការជាប់ពន្ធនាគារមួយជីវិត ប្រសិនបើត្រូវបានផ្តន្ទាទោស។នៅក្នុងករណីដាច់ដោយឡែកមួយ ក្រសួងយុត្តិធម៌ បាននិយាយថា មន្ត្រីឋានៈតូចតាចមួយរូបទៀតឈ្មោះ Zhao Wenheng (ចាវ វ៉ិនឆឹ) អាយុ ២៦ឆ្នាំ បានធ្វើចារកម្មឲ្យប្រទេសចិនអស់រយៈពេលជិត ២ឆ្នាំពីកន្លែងរបស់គេ នៅឯមូលដ្ឋាន Naval Base Ventura County ភាគខាងជើងក្រុង Los Angeles។ លោកចាវ ត្រូវបានគេចោទប្រកាន់ថា ទទួលបានប្រាក់ជិត ១៥.០០០ដុល្លារអាមេរិកពីភ្នាក់ងារស៊ើបការណ៍សម្ងាត់របស់ចិន ក្នុងការផ្ដល់ព័ត៌មានអំពីសមយុទ្ធយោធាទ្រង់ទ្រាយធំរបស់សហរដ្ឋអាមេរិក នៅឥណ្ឌូ-ប៉ាស៊ីហ្វិក ក្នុងនោះរួមទាំងព័ត៌មានលម្អិតអំពីពេលវេលា និងទីតាំងនៃការចុះចតលើសមុទ្រផងដែរ៕

អាមេរិកនឹងធ្វើឱ្យប្រាកដថា រុស្ស៊ីអាចនាំចេញស្បៀងដោយសុវត្ថិភាព ប្រសិនបើកិច្ចព្រមព្រៀងគ្រាប់ធញ្ញជាតិត្រូវបានស្ដារឡើងវិញ

2023/08/04 06:22:28 pm        78
Facebook Telegram Linkin
អាមេរិក៖ រដ្ឋមន្ត្រីការបរទេសអាមេរិកលោក Antony Blinken បាននិយាយកាលពីថ្ងៃព្រហស្បតិ៍ (៣ សីហា) ថា សហរដ្ឋអាមេរិកនឹងបន្តធ្វើ "អ្វីដែលចាំបាច់" ដើម្បីធានាថារុស្ស៊ីអាចនាំចេញស្បៀងអាហារដោយសេរី ប្រសិនបើមានការបន្តឡើងវិញនៃកិច្ចព្រមព្រៀង ដែលអនុញ្ញាតឱ្យនាំចេញគ្រាប់ធញ្ញជាតិនៅសមុទ្រខ្មៅប្រកបដោយសុវត្ថិភាពពីអ៊ុយក្រែន។ប្រទេសរុស្ស៊ីកាលពីខែមុនបានបោះបង់កិច្ចព្រមព្រៀង ដែលត្រូវបានសម្របសម្រួលដោយអង្គការសហប្រជាជាតិ និងទួរគីក្នុងខែកក្កដា ឆ្នាំ២០២២ ដើម្បីជួយបន្ធូរបន្ថយវិបត្តិស្បៀងអាហារពិភពលោក បន្ទាប់ពីការលុកលុយរបស់រុស្ស៊ីលើអ៊ុយក្រែនរយៈពេលប្រាំខែមុននោះ។ អ៊ុយក្រែន និងរុស្ស៊ី គឺជាអ្នកនាំចេញគ្រាប់ធញ្ញជាតិឈានមុខគេក្នុងពិភពលោក។ដើម្បីបញ្ចុះបញ្ចូលរុស្ស៊ីឱ្យយល់ព្រមលើកិច្ចព្រមព្រៀងសមុទ្រខ្មៅ សន្ធិសញ្ញាមួយទៀតក៏ត្រូវបានដាក់ចេញក្នុងខែកក្កដា ឆ្នាំ២០២២ ក្នុងលក្ខខណ្ឌដែលក្រុមមន្ត្រីអង្គការសហប្រជាជាតិ បានយល់ព្រមជួយរុស្ស៊ីក្នុងការនាំចេញអាហារ និងជីរបស់ខ្លួនទៅកាន់ទីផ្សារបរទេស។ខណៈដែលការនាំចេញអាហារ និងជីរបស់រុស្ស៊ីមិនស្ថិតនៅក្រោមការដាក់ទណ្ឌកម្មរបស់បស្ចិមប្រទេស បន្ទាប់ពីការលុកលុយលើអ៊ុយក្រែននៅខែកុម្ភៈឆ្នាំ២០២២របស់រុស្ស៊ីនោះ ទីក្រុងម៉ូស្គូបាននិយាយថា ការរឹតបន្តឹងលើការទូទាត់ ការដឹកជញ្ជូន និងការធានារ៉ាប់រងគឺជាឧបសគ្គដល់ការដឹកជញ្ជូន៕

បណ្ដាញសង្គម

ព័ត៌មានថ្មីៗ

កម្ពុជា-កាហ្សាក់ស្ថាន ស្វែងរកយន្តការថ្មីៗ ដើម្បីប្រែក្លាយការប្ដេជ្ញាចិត្តនៃការលើកកម្ពស់ទំនាក់ទំនង និងកិច្ចសហប្រតិបត្តិការទ្វេភាគី ឱ្យក្លាយជាសកម្មភាពជាក់ស្ដែង
10/17/2026 10:10 PM
Facebook Telegram Linkin
កម្ពុជា-កាហ្សាក់ស្ថាន ឯកភាពបន្តពូនជ្រំទំនាក់ទំនងទ្វេភាគី និងគាំទ្រគ្នាទៅវិញទៅមក ក្នុងក្រខ័ណ្ឌតំបន់ និង អន្តរជាតិ
10/17/2026 10:10 PM
Facebook Telegram Linkin
រដ្ឋមន្រ្តីសុខាភិបាល៖ «សុខភាពល្អ គឺជាទ្រព្យសម្បត្តិដ៏មានតម្លៃបំផុតរបស់មនុស្ស និងគ្រួសារ»
10/17/2026 06:10 PM
Facebook Telegram Linkin
លទ្ធផលនៃដំណោះស្រាយតាមយន្តការ UNCLOS នឹងត្រូវប្រកាសឱ្យដឹងនៅក្នុងពេលឆាប់ៗនេះ
10/17/2026 06:10 PM
Facebook Telegram Linkin
សម្ដេចធិបតី នាយករដ្ឋមន្ត្រី អនុញ្ញាត​ឲ្យអ្នកគ្រប់គ្រងទូទៅនៃក្រុមហ៊ុន Selfie Travel Asia ចូលជួបសម្តែងការគួរសម និងពិភាក្សាការងារ
10/17/2026 06:10 PM
Facebook Telegram Linkin
សម្ដេចធិបតី ហ៊ុន ម៉ាណែត អនុញ្ញាតឲ្យ​ប្រធាន​ផលិតករ​ក្រុមហ៊ុន Daubay Production ចូល​ជួបសម្ដែងការគួរសម និងពិភាក្សាការងារ
10/17/2026 06:10 PM
Facebook Telegram Linkin
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បាន​អញ្ជើញ​ទស្សនា​សារមន្ទីរ​ជាតិ​សាធារណរដ្ឋកាហ្សាក់ស្ថាន
10/17/2026 05:10 PM
Facebook Telegram Linkin
អាជីករវៀតណាមបានបង្ហាញមោទនភាព និងថ្លែងអំណគុណដល់ពលរដ្ឋកម្ពុជា ដែលគាំទ្រផលិតផលរបស់ខ្លូន
10/17/2026 05:10 PM
Facebook Telegram Linkin
ឯកឧត្តម ណាំ ទុំ សង្ឃឹមថាអ្នកជំនាន់ក្រោយនឹងរួមគ្នាបំពេញបេសកកម្មជាតិ គឺការពារសន្តិភាព មាន​ជីវភាពរស់នៅសមរម្យ និងយុត្តិធម៌សង្គម
10/17/2026 05:10 PM
Facebook Telegram Linkin
កម្ពុជា-កាហ្សាក់ស្ថាន ផ្លាស់ប្តូរឯកសារចំនួន៧ ដើម្បីជំរុញកិច្ចសហប្រតិបត្តិការទ្វេភាគី
10/17/2026 05:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.