BTV NEWS

ការដោះដូរពាណិជ្ជកម្មជាមួយ RCEP មានទឹកប្រាក់សរុបជាង ១១ពាន់លានដុល្លារ កើនជាង ១៨%

គណៈកម្មាធិការវិនិយោគ ពិនិត្យសំណើសុំចុះបញ្ជីចំនួនគម្រោងវិនិយោគចំនួន ៨ មានទុន ៤៩០លានដុល្លារ

ក្នុងត្រីមាសទី១ ឆ្នាំ២០២៦ កម្ពុជានាំចេញមុខទំនិញស្ទើរគ្រប់ប្រភេទមានកំណើនកើនឡើងល្អប្រសើរ

ត្រីមាសទី១ឆ្នាំនេះ CDC ចុះបញ្ជីគម្រោងវិនិយោគចំនួន ១៤៦ មានទុនប្រមាណ ២,៥ ប៊ីលានដុល្លារ

សេដ្ឋកិច្ច និង កសិកម្ម

កម្ពុជានិងចិន សម្រេចពាណិជ្ជកម្មទ្វេរភាគីរហូត ១១ពាន់លានដុល្លារ កើនឡើង៣៧%

ភ្នំពេញ៖ កិច្ចសហប្រតិបត្តិការរវាងកម្ពុជា និងចិន កាន់តែមានភាពល្អប្រសើរ ដែលមានការរីកចម្រើនជាបន្តបន្ទាប់ ធ្វើឱ្យប្រទេសទាំងពីរ កា្លយជាមិត្តភាព ដែកថែប ដែលបានជំរុញឲ្យពាណិជ្ជកម្មទ្វេភាគីកើនឡើងផងដែរ រហូតដល់ចំនួនប្រមាណ ១១ពាន់លានដុល្លារអាម៉េរិក ក្នុងឆ្នាំ២០២១ ដែលគិតជាភាគរយមានការកើនឡើង ៣៧% បើធៀបទៅនឹងឆ្នាំ២០២០។ថ្លែងក្នុងពិធីទទួលពានរង្វាន់សមិទ្ធផលពេញមួយជីវិតរបស់មេដឹកនាំឆ្នើមពិភពលោកប្រគល់ជូនដោយវិទ្យាសាស្រ្តសម្រាប់អាស៊ីប៉ាស៊ីហ្វិក ស្តីពីការបង្កើនទំនាក់ទំនងអាស៊ាន-ចិន នៅព្រឹកថ្ងៃទី១៩ ធ្នូ ឆ្នាំ២០២២នេះ នៅវិមានសន្តិភាពសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា មានប្រសាសន៍ថា ភាពល្អប្រសើរនេះ ក្នុងកិច្ចសហប្រតិបត្តិការរវាងប្រទេសកម្ពុជា និងចិន មានការរីកចម្រើនទាំងផ្នែកនយោបាយ សេដ្ឋកិច្ច និងសង្គម ត្រូវបានឆ្លុះបញ្ចាំងតាមរយៈដំណើរទស្សនកិច្ចទៅវិញទៅមកកាន់តែញឹកញាប់ កំណើនពាណិជ្ជកម្ម វិនិយោគ ទេសចរណ៍ និងកំណើននៃការប្រាស្រ័យទាក់ទង រវាងប្រជាជន និងប្រជាជនផងដែរ។សម្តេចតេជោ បានថែ្លងបញ្ជាក់ទៀតថា រហូតមកដល់ពេលនេះ កម្ពុជាតែងទទួលបានការជួយគាំទ្រ និងជ្រោមជ្រែងជាបន្តបន្ទាប់ពីមិត្តចិន ទាំងហិរញ្ញវត្ថុ និងមិនមែនហិរញ្ញវត្ថុ ជាពិសេសក្នុងពេលវេលាដ៏លំបាកបំផុតបណ្តាលមកពីវិបត្តិជំងឺកូវីដ១៩ ដែលបានចូលរួមបង្កលក្ខណៈឲ្យកម្ពុជា មានលទ្ធភាពគ្រប់គ្រងស្ថានភាពឆ្លងរីករាលដាលបានល្អប្រសើរ និងជាពិសេសចូលរួមដល់ការកាត់បន្ថយផលប៉ះទង្គិចសង្គម-សេដ្ឋកិច្ចផងដែរ៕អត្ថបទ៖ ឈិត បូរ៉ាវី

សម្តេចតេជោ៖ កិច្ចសហប្រតិបត្តិការល្អជាមួយប្រទេសចិន ផ្តល់សន្ទុះដល់កំណើនសេដ្ឋកិច្ច នៅកម្ពុជានិងតំបន់

ភ្នំពេញ៖ សម្តេចតេជោ ហ៊ុន សែន បានវាយតម្លៃខ្ពស់ ចំពោះកិច្ចសហប្រតិបត្តិការល្អជាមួយប្រទេសចិន ដែលបានផ្តល់កំណើនលើផ្នែកសេដ្ឋកិច្ច នយោបាយ និងសង្គម នៅប្រទេសកម្ពុជា និងតំបន់អាស៊ាន។ថ្លែងក្នុងពិធីប្រគល់ និងទទួលពានរង្វាន់ «សមិទ្ធផលពេញមួយជីវិតរបស់មេដឹកនាំឆ្នើមពិភពលោក» ដោយវិទ្យាស្ថានយុទ្ធសាស្ត្រសម្រាប់តំបន់អាស៊ី-ប៉ាស៊ីហ្វិក នៅព្រឹកថ្ងៃចន្ទ ទី១៩ ខែធ្នូ ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា មានប្រសាសន៍ថា ការអភិវឌ្ឍរបស់សាធារណរដ្ឋប្រជាមានិត គឺជាសមិទ្ធផលដ៏អាស្ចារ្យ ដែលបានផ្តល់ផលប្រយោជន៍ជាច្រើន មិនត្រឹមតែប្រជាជនចិនប៉ុណ្ណោះទេ ប៉ុន្តែផ្តល់បច្ច័យវិជ្ជមានយ៉ាងច្រើនសម្រាប់អាស៊ាន និងកម្ពុជា ទាំងក្នុងទិដ្ឋភាពសេដ្ឋកិច្ច សង្គម និងភូមិសាស្រ្តនយោបាយ។កិច្ចសហប្រតិបត្តិការរវាងប្រទេសទាំងពីរ មានការរីកចម្រើន ទាំងផ្នែកនយោបាយ សេដ្ឋកិច្ច និងសង្គម ដែលឆ្លុះបញ្ជាំងតាមរយៈដំណើរទស្សនកិច្ចទៅវិញទៅមក កាន់តែញឹកញាប់ កំណើនពាណិជ្ជកម្ម វិនិយោគ ទេសចរណ៍ និងកំណើននៃការប្រាស្រ័យទាក់ទងរវាងប្រជាជន និងប្រជាជនផងដែរ។សម្តេចតេជោ បញ្ជាក់ថា កម្ពុជា តែងតែទទួលបានការជួយគាំទ្រ និងជ្រោមជ្រែងជាបន្តបន្ទាប់ពីមិត្តចិនទាំងហិរញ្ញវត្ថុ និងមិនមែនហិរញ្ញវត្ថុ ជាពិសេស ក្នុងពេលវេលាដ៏លំបាកបំផុតបណ្តាលមកពីវិបត្តិជំងឺកូរីដ១៩ ដែលបានចូលរួមបង្កលក្ខណៈឱ្យកម្ពុជា មានលទ្ធភាពគ្រប់គ្រងស្ថានភាពឆ្លងរីករាលដាលបានល្អប្រសើរ និងជាពិសេសចូលរួមដល់ការកាត់បន្ថយផលប៉ះទង្គិចសង្គម សេដ្ឋកិច្ចផងដែរ។ចិនជាដៃគូពាណិជ្ជកម្មធំបំផុតទី១ របស់អស៊ាន ដោយពាណិជ្ជកម្មទំនិញសរុប បានកើនឡើងរហូតដល់ប្រមាណ ៦៦៩ ពាន់លានដុល្លារអាមេរិក ក្នុងឆ្នាំ២០២១ កើនឡើង ២៨ ភាគរយ ខណៈដែលរំហូរនៃការវិនិយោគផ្ទាល់ពីបរទេស ពីចិនមកអាស៊ាន មានចំនួន ១៣,៦ ពាន់លានដុល្លារអាមេរិក ក្នុងឆ្នាំ២០២១ កើនឡើងទ្វេដងធៀបនឹងឆ្នាំ២០២០៕អត្ថបទ៖ វណ្ណៈ

ផ្សារបន្លែចុងសប្តាហ៍នៅខេត្តកណ្តាល ទទួលគាំទ្រទិញច្រើនពីសំណាក់ពលរដ្ឋគិតគូរពីបញ្ហាសុខភាព

កណ្ដាល៖ ដោយមានការគាំទ្រពីមន្ទីរពាណិជ្ជកម្មខេត្តកណ្តាល និងគម្រោងAIMS របស់ក្រសួងពាណិជ្ជកម្ម បណ្តាពលរដ្ឋតាមសហគមន៍ បាននាំគ្នារៀបចំស្តង់ដាក់លក់បន្លែ ត្រីសាច់ ផ្លែឈើ សុវត្ថិភាព គ្មានសារធាតុគីមី នៅសួនច្បារក្រុងតាខ្មៅ ខេត្តកណ្តាល នៅរៀងរាល់ចុងសប្តាហ៍។បើតាមលោកស្រី យ៉ែម ណារី តំណាងអាជីវករផ្សារចុងសប្តាហ៍ប្រចាំខេត្តកណ្តាល បានថ្លែងថា ការលក់ត្រីសាច់ បន្លែផ្លែឈើសុវត្ថិភាព គ្មានសារធាតុគីមី នៅផ្សារចុងសប្តាហ៍នេះ គឺយើងទទួលបានការគាំទ្រច្រើនពីសំណាក់ប្រជាពលរដ្ឋដែលមានការគិតគូខ្លាំងអំពីបញ្ហាសុខភាព ខណៈ គ្រប់សាច់ត្រីសាច់ បន្លែផ្លែឈើរបស់ប្រជាសហគមន៍ដែលយកមកដាក់តាំងលក់នៅទីនេះ គឺមានត្រួតពិនិត្យខ្លាំងពីមន្ត្រីជំនាញរបស់មន្ទីរពាណិជ្ជកម្មខេត្ត ។បើតាមបណ្តាពលរដ្ឋ បានថ្លែងថា នៅរៀងរាល់ចុងសប្តាហ៍ ជាទូទៅយើងតែងតែនាំគ្នាមកទិញបន្លែត្រីសាច់នៅទីនេះ ហើយការទិញ ហូបប្រចាំថ្ងៃ ធ្វើឲ្យយើងមានទំនុកចិត្ត ពេលហូបហើយមិនព្រួយពីបញ្ហាការប៉ះពាលសុខភាព លើបញ្ហាសារធាតុគីមី។សូមបញ្ជាក់ថា ផ្សារចុងសប្តាហ៍ក្រុងតាខ្មៅ ខេត្តកណ្តាលជាផ្សារប្រមូលផ្តុំនៅកសិផលនានាសហគមន៍ផលិតបាន ហើយយកមកដាក់លក់តាំងបង្ហាញក្នុងគោលបំណង បង្កើតឱកាសដល់ក្រុមកសិករ ផ្សព្វផ្សាយ និងលក់ផលិតផលកសិកម្មដែលមានសុវត្ថិភាពផ្សព្វផ្សាយលក់ដល់ពលរដ្ឋនៅទូទាំងខេត្តផង និងផ្សារភ្ជាប់ទំនាក់ទំនងទីផ្សាររវាងកសិករ អ្នកផលិត អ្នកប្រើប្រាស់ចុងក្រោយនៅក្នុងតំបន់ ក្រៅតំបន់ផង ព្រមទាំងកៀរគរដៃគូ អង្គការ និងស្ថាប័នពាក់ពាក់ បង្កើតកិច្ចសហប្រតិបត្តិការ ចូលរួមទិញ លក់ ផលិតផលកសិពាណិជ្ជកម្មបានច្រើន៕ អត្ថបទ ស៊ុម សុខជា

អ្នកជំនាញស្នើដល់រដ្ឋាភិបាលជួយសម្រួលលក្ខខណ្ឌមួយចំនួន ដើម្បីជំរុញការនាំចេញម្រេច

ភ្នំពេញ៖ ដើម្បីជំរុញការនាំចេញម្រេចទៅទីផ្សារបរទេស ជាពិសេសប្រទេសចិន អ្នកជំនាញបានស្នើដល់រាជរដ្ឋាភិបាលជួយសម្រួលលក្ខខណ្ឌមួយចំនួន។លោក វុង ជាង សមាជិកសហព័ន្ធម្រេច និងគ្រឿងទេសកម្ពុជា នៅថ្ងៃទី១៦ ខែធ្នូម្សិលមិញ បានប្រាប់BTVឲ្យដឹងថា បន្ទាប់ពីរាជរដ្ឋាភិបាលកម្ពុជា និងរដ្ឋាភិបាលចិន បានចុះហត្ថលេខាអនុស្សារណៈយោគយល់គ្នាស្តីពីលក្ខខណ្ឌតម្រូវភូតគាមអនាម័យ សម្រាប់ការនាំចេញម្រេច ពីប្រទេសកម្ពុជាទៅកាន់ប្រទេសចិនរួចហើយនោះ នឹងជួយឲ្យទីផ្សារម្រេចកម្ពុជាកាន់តែប្រសើរជាងមុន។ លើសពីនេះលោកបានស្នើដល់រាជរដ្ឋាភិបាលជួយសម្រួលលក្ខខណ្ឌមួយចំនួន ដើម្បីជំរុញការនាំចេញម្រេចទៅទីផ្សារបរទេសកាន់តែច្រើន។បើតាមទិន្នន័យពីក្រសួងកសិកម្មរុក្ខាប្រមាញ់ និងនេសាទ ចេញផ្សាយនាពេលកន្លងទៅ បានបង្ហាញថា ការនាំចេញផលិតផលម្រេច GI និងម្រេចមិនមែន GI របស់កម្ពុជាទៅកាន់ទីផ្សារអន្តរជាតិ ក្នុងឆមាសទី១ ឆ្នាំ២០២២ បានជាង៦ពាន់តោន ធ្លាក់ចុះ៥៧ភាគរយ បើធៀបនឹងរយៈពេលដូចគ្នាកាលពីឆ្នាំមុន។ទិន្នន័យដដែល បានបង្ហាញថា ក្នុងអំឡុងពេលនេះ ប្រទេសវៀតណាមនៅតែជាទីផ្សារនាំចូលផលិតផលម្រេចធំជាងគេពីកម្ពុជាក្នុងបរិមាណជាង ៥ពាន់តោន បន្ទាប់មកទីផ្សារនៅប្រទេសប្រទេសអាល្លឺម៉ង់ មានចំនួនជាង ៥០០តោន និងទីផ្សារប្រទេសមួយចំនួនទៀត ដូចជា កោះតៃវ៉ាន់ ម៉ាឡេស៊ី បារាំង ប៊ែលហ្ស៊ិក សាធារណរដ្ឋឆេក ស៊ុយអ៊ែត ជប៉ុន កាណាដា សហរដ្ឋអាមេរិក និងប្រទេសកូរ៉េខាងត្បូងជាដើម។នៅកម្ពុជាដំណាំម្រេច ជាដំណាំកសិក-ឧស្សាហកម្មសំខាន់សម្រាប់បង្កើនប្រាក់ចំណូលក្នុងគ្រួសារ និងសេដ្ឋកិច្ចជាតិ។បច្ចុប្បន្នដំណាំនេះ មានការដាំដុះនៅតាមបណ្តាខេត្តមួយចំនួនក្នុងប្រទេសកម្ពុជារួមមាន៖ ខេត្តកំពត ព្រះសីហនុ កោះកុង កំពង់ចាម និងខេត្តមណ្ឌលគិរីជាដើម៕ អត្ថបទ៖ទូច សោភ័ណ

ពាណិជ្ជកម្មឆ្លងដែនកម្ពុជា-ថៃ តាមច្រកព្រំដែនខេត្តកោះកុង ផ្តើមងើបឡើងវិញគួរឱ្យកត់សម្គាល់

កោះកុង៖ អាជ្ញាធរខេត្តកោះកុងថា ការធ្វើពាណិជ្ជកម្មឆ្លងដែន នៃលំហូរទំនិញរវាងកម្ពុជា-ថៃ បានងើបឡើងជាបណ្តើរៗវិញហើយ ដោយរំពឹងថា ការធ្វើពាណិជ្ជកម្មរវាងប្រទេសទាំងពីរ ក្នុងឆ្នាំនេះ ឬឆ្នាំបន្តបន្ទាប់កាន់តែមានភាពល្អប្រសើរ ដែលជាផ្នែកមួយជួយដល់សកម្មភាពអាជីវកម្ម ក្នុងខេត្ត ឲ្យដំណើរការមកវិញជាធម្មតា។លោកជំទាវ ភូថង មិថុនា អភិបាលនៃគណៈអភិបាលខេត្តកោះកុង លើកឡើងនៅក្នុងកិច្ចសម្ភាសន៍ជាមួយភ្នាក់ងារអ្នកយកព័ត៌មាន ក្នុងកម្មវិធីចែកអំណោយរបស់ក្រុមហ៊ុន R.M.A (Cambodia) នៅថ្ងៃទី ១៥ ខែ ធ្នូឆ្នាំ ២០២២នេះថា កម្ពុជាក្រោមការដឹកនាំប្រកដោយគតិបណ្ឌិត ឈ្លៀសវ៉ៃ ម៉ឺងម៉ាត់ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី បានប្រយុទ្ធប្រឆាំង ទប់ស្កាត់ជំងឺរាតត្បាត COVID-19 មានភាពលេចធ្លោ ដោយកម្ពុជាបានគ្របដណ្តប់លើការចាក់វ៉ាក់សាំងស្ទើរទាំងស្រុង ហើយបានធ្វើឲ្យកម្ពុជាបើកប្រទេសឡើងវិញ និងបើកគ្រប់វិស័យ។ ក្នុងរយៈពេលជាងមួយឆ្នាំមកនេះ ការប្រកបរបរអាជីវកម្មនៅក្នុងខេត្តកោះកុងទាំងមូល បានដំណើរការឡើងវិញជាធម្មតា ជាពិសេសការធ្វើពាណិជ្ជកម្មឆ្លងដែនកម្ពុជា-ថៃ លំហូរទំនិញនៃប្រទេសទាំងពីរ មានសកម្មភាពគួរផ្លាស់ប្តូរគួរឲ្យកត់សម្គាល់ នឹងរំពឹងថា ក្នុងឆ្នាំនេះ ឬឆ្នាំបន្តបន្ទាប់ នឹងមានសកម្មភាពកាន់តែប្រសើរ។កាលពីពេលថ្មីៗនេះ លោកស្រី ជីរ៉ាណាន់ វង្សមង្គល ប្រធានសមាគមពាណិជ្ជកម្មថៃនៅកម្ពុជា បានថ្លែងថា ទំហំពាណិជ្ជកម្មទ្វេរភាគីកម្ពុជា-ថៃ ក្នុងឆ្នាំ ២០២២ នេះ បានងើបល្អប្រសើរឡើងវិញហើយ ខណៈកម្ពុជាបានបើកប្រទេសគ្មានការរឹតត្បិត និងស្របពេលប្រទេសថៃបើកច្រកព្រំដែនឡើងវិញផងដែរ ជាក់ស្តែងនៅក្នុងរយៈពេល ១០ ខែ ឆ្នាំ ២០២២ នេះ បើតាមទិន្នន័យក្រសួងពាណិជ្ជកម្មថៃ ការធ្វើការធ្វើពាណិជ្ជកម្មកម្ពុជា-ថៃ មានទំហំសរុបជាង ៨ ៥០០ លានដុល្លាសហរដ្ឋអាមេរិក ក្នុងនោះកម្ពុជានាំចេញទៅប្រទេសថៃ មានទំហំជិត ១ ពាន់លានដុល្លារ និងថៃនាំចូលមកវិញ មានចំនួនជាង ៧ ពាន់លានដុល្លារ៕អត្ថបទ៖ សុន រ៉ាឌី

ក្រសួងពាណិជ្ជកម្ម ជំរុញការពង្រឹងគុណភាពផលិតផលខ្មែរ ដើម្បីនាំចេញទៅក្រៅប្រទេស

ភ្នំពេញ៖ ក្រសួងពាណិជ្ជកម្ម នៅព្រឹកថ្ងៃទី១៦ ធ្នូ ឆ្នាំ២០២២នេះ បានរៀបចំសិក្ខាសាលាស្តីពី ការពង្រឹងគុណភាពផលិតផលខ្មែរ និងសេវាកម្ម ដើម្បីជំរុញការនាំចេញ ដោយមានការអញ្ជើញចូលរួមពីមន្រ្តីជំនាញអន្តរក្រសួង តំណាងក្រុមហ៊ុន សហគ្រាស និងតំណាងផ្សារទំនើបជាដើម សរុបចំនួនប្រហែលជិត ១០០នាក់។ឯកឧត្តម កៅ កោសល អគ្គនាយកនៃអគ្គនាយកដ្ឋានជំរុញពាណិជ្ជកម្ម នៃក្រសួងពាណិជ្ជកម្ម បានឲ្យដឹងថា គោលបំណងសំខាន់នៃអង្គពិធីនេះ គឺដើម្បីចង់បំផុសចលនាមហាជន ពិសេសប្រជាជនកម្ពុជាឲ្យងាកមក គាំទ្រការប្រើប្រាស់ផលិតផលខ្មែរឲ្យបានច្រើន។សិក្ខាសាលានេះ គឺធ្វើអមជាមួយព្រឹត្តិការណ៍ ពិព័រណ៍ផលិតផលខ្មែរ និងទំនិញនាំចេញ-នាំចូល លើកទី១៥ សម្រាប់ប្រជាពលរដ្ឋខ្មែរជាទូទៅ ឲ្យបានឃើញ និងស្គាល់ផលិតផលរបស់ខ្មែរឲ្យកាន់តែទូលំទូលាយ។ ឯកឧត្តម បានឲ្យដឹងទៀតថា គោលបំណងមួយទៀតនោះ ដើម្បីជំរុញអ្នកផលិត និងអ្នកនាំចេញទាំងអស់ឲ្យពង្រឹងគុណភាព ពង្រឹងសេវាលើផលិតផលខ្មែរឲ្យមានគុណភាពខ្ពស់ ការវេចខ្ចប់បានត្រឹមត្រូវ លក់ក្នុងតម្លៃសមស្រប ដើម្បីអាចជំរុញដល់ការនាំចេញផលិតផលខ្មែរទៅកាន់ទីផ្សារនៅក្រៅប្រទេស។យោងតាមបទបង្ហាញ ការលើកកម្ពស់ផលិតផលខ្មេរស្របតាមតម្រូវការទីផ្សារ របស់លោក ហ៊ឹង ចក់ អនុប្រធាននាយកដ្ឋានអភិវឌ្ឍន៍ទីផ្សារ បានឲ្យដឹងថា មកដល់ពេលនេះ ក្រសួងពាណិជ្ជកម្ម បាននិងកំពុងរៀបចំគោលនយោបាយ និងយុទ្ធសាស្រ្តចរចាបើកទីផ្សារ ដើម្បីទាញយកឲ្យបាននូវកិច្ចព្រមព្រៀងពាណិជ្ជកម្មសេរីជាមួយប្រទេសធំៗ និងតំបន់ចំនួន៨ នៅទូទាំងពិភពលោក រួមមាន៖ប្រទេសចិន, កូរ៉េខាងត្បូង, ជប៉ុន, អង់គ្លេស, អាម៉េរិក, ឥណ្ឌា, ម៉ុងហ្គោលី និងសហភាពសេដ្ឋកិច្ចអឺរ៉ាស៊ាន។សូមបញ្ជាក់ថា ពាក់ព័ន្ធពិព័រណ៍ផលិតផលខ្មែរ និងទំនិញនាំចេញ-នាំចូល លើកទី១៥ ដែលរៀបចំឡើងនៅអគារពិព័រណ៍កោះពេជ្រ រាជធានីភ្នំពេញ គឺមានរយៈពេល ៤ថ្ងៃ ចាប់ពីថ្ងៃទី១៥ ដល់១៨ ខែធ្នូ ឆ្នាំ២០២២ ដោយមានស្តង់សរុបចំនួន ២៦៨ស្តង់ ក្នុងនោះមានស្តង់ពីស្ថានទូតបរទេសប្រចាំនៅកម្ពុជា ស្តង់មកពីរាជធានី-ខេត្ត សភាពាណិជ្ជកម្មកម្ពុជា សហព័ន្ធស្រូវអង្ករ អង្គការ សមាគមអាជីវកម្ម ក្រុមហ៊ុន សហគ្រាសក្នុងស្រុក និងមកពីបរទេសដែលមានក្រុមហ៊ុន សហគ្រាសសរុបចំនួន ១៨១ក្រុមហ៊ុន៕ អត្ថបទ៖ ឈិត បូរ៉ាវី

អ្នកជំនាញជំរុញភាគីពាក់ព័ន្ធ អនុវត្តតាមលក្ខខណ្ឌរបស់ប្រទេសចិន ដើម្បីធានានិរន្តរភាពនាំចេញផ្លែមៀនស្រស់

ភ្នំពេញ៖ ជាថ្មីម្តងទៀត អ្នកជំនាញវិស័យកសិកម្ម បានជំរុញដល់ប្រជាពលរដ្ឋ និងភាគីពាក់ព័ន្ធ បន្តអនុវត្តតាមលក្ខខណ្ឌតម្រូវរបស់ប្រទេសចិន ដើម្បីធានានិរន្តរភាពនាំចេញផ្លែមៀនស្រស់។មានប្រសាសន៍ប្រាប់BTV នៅថ្ងៃទី១៦ ខែធ្នូនេះ លោក ជួ មករា ប្រធានសហភាពសហគមន៍ផ្លែមៀនកម្ពុជា បានឲ្យដឹងថា បច្ចុប្បន្នសហគមន៍មិនទាន់សាកល្បងនាំផ្លែមៀនស្រស់ពីកម្ពុជាទៅកាន់ប្រទេសចិននោះ បើទោះបីក្រសួងកសិកម្ម រុក្ខាប្រមាញ់ និងនេសាទ បានចុះកិច្ចព្រៀមព្រៀងនាំផ្លែមៀនស្រស់ពីកម្ពុជាទៅកាន់ប្រទេសចិន កាលអំឡុងចុងខែតុលាកន្លងទៅ ដោយសារសហគមន៍កំពុងរៀបចំលក្ខណៈបច្ចេកទេសដោយគោរពតាមលក្ខខណ្ឌរបស់ភាគីចិន។ លោកថា ការនាំផ្លែមៀនស្រស់របស់សហគមន៍ គ្រោងនឹងចាប់ផ្តើមនៅខែមីនា ឆ្នាំ២០២៣ ក្នុងរង្វង់បរិមាណចាប់ពី ១០០តោនឡើងទៅ។ លោក ជួ មករា បានជំរុញដល់ប្រជាកសិករ និងភាគីពាក់ព័ន្ធ បន្តពង្រឹងលក្ខខណ្ឌរបស់ប្រទេសចិន ដើម្បីធានានិរន្តរភាពនាំចេញផ្លែមៀពីកម្ពុជាទៅប្រទេសចិន ខណៈបច្ចុប្បន្នមានអ្នកវិនិយោគិនមួយចំនួននាំផ្លែមៀនស្រស់ចេញទៅជាបន្តបន្ទាប់។នៅចុងខែតុលា ឆ្នាំ២០២២នេះ ក្រសួងកសិកម្ម រុក្ខាប្រមាញ់ និងនេសាទ បានរៀបចំពីសម្ពោធនាំចេញផ្លែមៀនស្រស់កម្ពុជា ទៅកាន់ទីផ្សារចិនជាផ្លូវការ ក្រោមអធិបតីភាពឯកឧត្តម ឌិត ទីណា រដ្ឋមន្ដ្រីក្រសួងកសិកម្ម និងឯកឧត្តម វ៉ាង វិនធាន ឯកអគ្គរដ្ឋទូតចិនប្រចាំនៅកម្ពុជា។នៅក្នុងឱកាសនោះ ឯកឧត្តម ឌិត ទីណា រដ្ឋមន្រ្តីថ្មី ក្រសួងកសិកម្ម រុក្ខាប្រមាញ់ និងនេសាទ បានថ្លែងថា ការសម្រេចបានសិទ្ធិនាំចេញផ្លែមៀនស្រស់ជាផ្លូវការ ទៅកាន់ប្រទេសចិន គឺជាការបោះជំហានទៅមុខយ៉ាងវែងសម្រាប់កម្ពុជា។ នេះគឺជាជោគជ័យថ្មីមួយទៀត ដែលប្រសូតចេញពីកិច្ចសហប្រតិបត្តិការ ភាពជាដៃគូយុទ្ធសាស្រ្តគ្រប់ជ្រុងជ្រោយ រវាងប្រទេសទាំងពីរ ដែលនឹងចូលរួមចំណែកយ៉ាងសំខាន់ ដល់ការអភិវឌ្ឍវិស័យកសិកម្ម។បច្ចុប្បន្នចំការមៀនដែលទទួលបានការអនុម័ត ចុះបញ្ជីជាផ្លូវការឱ្យនាំចេញផ្លែមៀនទៅកាន់ទីផ្សារចិន មានចំនួន៧៤ ក្នុងនោះនៅខេត្តប៉ៃលិនចំនួន ៤០ចំការ បាត់ដំបងចំនួន២៨ ចំការ និងបន្ទាយមានជ័យចំនួន ៦ចំការ។ ដោយឡែក រោងចក្រវេចខ្ចប់មានចំនួន ៨ រួមមាននៅខេត្តកណ្តាលចំនួន ១ ខេត្តបាត់ដំបង ចំនួន៣ ខេត្តប៉ៃលិនចំនួន២ និងខេត្តព្រះសីហនុចំនួន២៕ អត្ថបទ៖ សោភណ្ឌ

ADB អនុម័តកម្មវិធីអភិវឌ្ឍន៍ គាំទ្រកម្មវិធីអន្តរកម្មថាមពលរបស់កម្ពុជា

ភ្នំពេញ៖ ធនាគារអភិវឌ្ឍន៍អាស៊ី (ADB) បានអនុម័តកម្មវិធីអភិវឌ្ឍន៍តាមវិស័យមួយដែលរួមបញ្ចូលកម្ចីផ្អែកលើគោលនយោបាយចំនួន៥០លានដុល្លារ និងការវិនិយោគគម្រោងចំនួន ២៣លានដុល្លារដើម្បីគាំទ្រអន្តរកម្មថាមពលរបស់ប្រទេសកម្ពុជា។កម្មវិធីអភិវឌ្ឍន៍តាមវិស័យសម្រាប់អន្តរកម្មថាមពលនេះ រួមមានកញ្ចប់កំណែទម្រង់គោលនយោបាយដ៏ទូលំទូលាយដំបូងរបស់ ADB សម្រាប់វិស័យថាមពលនៅកម្ពុជាដែលនឹងត្រូវបានផ្តល់ហិរញ្ញប្បទានដោយប្រាក់កម្ចីចំនួន៤០លានដុល្លារពីធនធានសម្បទានរបស់ ADB និងប្រាក់កម្ចីចំនួន ១០លានដុល្លារពីមូលនិធិហេដ្ឋារចនាសម្ព័ន្ធអាស៊ាន ដែលជាផ្នែកមួយនៃហិរញ្ញវត្ថុកាតាលីករបៃតងអាស៊ាន (ACGF)។នេះបើយោងតាមសេចក្តីប្រកាសព័ត៌មានចេញផ្សាយនៅថ្ងៃទី ១៥ខែធ្នូនេះ។ក្នុងសេចក្ដីប្រកាស បានបញ្ជាក់ថា សម្រាប់ការវិនិយោគលើហេដ្ឋារចនាសម្ព័ន្ធចំនួន ២៣លានដុល្លារនោះ កម្មវិធីបង្កើនថាមពលកកើតឡើងវិញសម្រាប់កម្ពុជារបស់មូលនិធិវិនិយោគអាកាសធាតុ នឹងផ្តល់ប្រាក់កម្ចីចំនួន៦លានដុល្លារ និងជំនួយចំនួន៥លានដុល្លារដែលជាហិរញ្ញប្បទានអាកាសធាតុ។ មូលនិធិអាកាសធាតុបៃតងនឹងបន្ថែមប្រាក់កម្ចីចំនួន១២លានដុល្លារតាមរយៈកម្មវិធីការស្តាឡើងវិញបៃតងនៃហិរញ្ញវត្ថុកាតាលីករបៃតងអាស៊ាន។ ចំពោះថវិកាទាំងអស់នឹងត្រូវគ្រប់គ្រងដោយ ADB។កម្មវិធីនេះ គាំទ្ររបៀបវារៈនៃអន្តរកម្មរថាមពលរបស់រាជរដ្ឋាភិបាលកម្ពុជាដើម្បីបង្កើនថាមពលកកើតឡើងវិញនិងប្រសិទ្ធភាពថាមពលនិងផ្លាស់ចេញពីឥន្ធនៈហ្វូស៊ីល។គម្រោងនេះ បង្កើតការធ្វើផែនការ និងបទបញ្ញាតិ្តដោយប្រើទិន្នន័យសម្រាប់ប្រព័ន្ធថាមពលដើម្បីបង្កើនភាពបត់បែននិងភាពធន់ និងពង្រឹងការវិនិយោគហេដ្ឋារចនាសម្ព័ន្ធថ្មីសម្រាប់ការធ្វើផែនការយុទ្ធសាស្រ្ត ព្រមទាំងបង្ហាញពីបច្ចេកវិទ្យា និងគំរូអាជីវកម្មថ្មីៗ។កម្មវិធីនេះបង្កើតឡើងផ្អែកលើជោគជ័យសំខាន់ៗ ដែលបង្ហាញពីការផ្លាស់ប្តូរថាមពលកំពុងមានសកម្មភាព។ ប្រព័ន្ធដែលភ្ជាប់បណ្តាញថាមពលពន្លឺព្រះអាទិត្យដំបូងគេបង្អស់របស់ប្រទេសត្រូវបានជំរុញដោយវិស័យឯកជន និង ផ្តល់ហិរញ្ញប្បទានដោយ ADB ក្នុងឆ្នាំ២០១៦។ដោយមានការគាំទ្របន្ថែមពី ADB ក្នុងឆ្នាំ២០១៨ រាជរដ្ឋាភិបាលបានរៀបចំផែនការមេថាមពលពន្លឺព្រះអាទិត្យនិងដាក់ឱ្យដំណើរការសួនថាមពលពន្លឺព្រះអាទិត្យដំបូងបង្អស់របស់ប្រទេសកម្ពុជាដែលមានសមត្ថភាព ១០០ មេហ្គាវ៉ាត់ ក្នុងឆ្នាំ២០១៩ ក្រោមវិធីសាស្រ្តភាពជាដៃគូរវាងវិស័យសាធារណៈ និងឯកជនដែលនាំឱ្យតម្លៃថាមពលពន្លឺព្រះអាទិត្យមានកម្រិតទាបបំផុតនៅក្នុងតំបន់នាពេលនោះ។កាលពីដើមឆ្នាំនេះរាជរដ្ឋាភិបាលបានផ្តួចផ្តើមបង្កើតកម្មវិធីលទ្ធកម្មថាមពលពន្លឺព្រះអាទិត្យ២ ជីហ្គាវ៉ាត់ ជាមួយនឹងថ្មផ្ទុកដែលត្រូវបានគាំទ្រដោយADB ផងដែរ៕ អត្ថបទ៖ វណ្ណៈ

ក្រសួងសេដ្ឋកិច្ច៖ ស្ថានភាពបំណុលសាធារណៈកម្ពុជា នៅតែមានចីរភាព និងហានិភ័យកម្រិតទាប

ភ្នំពេញ៖ គិតត្រឹមដំណាច់ត្រីមាសទី៣ ឆ្នាំ២០២២នេះ រួមបញ្ចូលទាំងបំណុលមរតកកម្ពុជា មានសន្និធិបំណុលសាធារណៈសរុបចំនួន ៩.៤៧ ប៊ីលានដុល្លារអាមេរិក ដែលឆ្លុះបញ្ចាំងថា ស្ថានភាពបំណុលសាធារណៈកម្ពុជា នៅតែមានចីរភាព និងហានិភ័យកម្រិតទាប។យោងតាមព្រឹត្តិបត្រស្ថិតិបំណុលសាធារណៈកម្ពុជា របស់ក្រសួងសេដ្ឋកិច្ច និងហិរញ្ញវត្ថុ ចេញផ្សាយនៅថ្ងៃទី១៤ ខែធ្នូ ឆ្នាំ២០២២នេះ បានឱ្យដឹងថា គិតត្រឹមដំណាច់ត្រីមាសទី៣ ឆ្នាំ២០២២នេះ រួមបញ្ចូលទាំងបំណុលមរតក កម្ពុជាមានសន្និធិបំណុលសាធារណៈសរុបចំនួន ៩.៤៧ ប៊ីលានដុល្លារអាមេរិក ក្នុងនោះ ៩.៤៦ប៊ីលានដុល្លារ ជាបំណុលសាធារណៈក្រៅប្រទេស ដែលស្មើ ៩៩.៨៩% និង១០.១៥លានដុល្លារ ឬប្រមាណ ០.១១% ជាបំណុលសាធារណៈក្នុងប្រទេស។គិតចាប់ពីត្រីមាសទី១ ដល់ត្រីមាសទី៣ ឆ្នាំ២០២២នេះ កម្ពុជាបានចុះកិច្ចព្រមព្រៀងឥណទានសម្បទានថ្មី ជាមួយដៃគូអភិវឌ្ឍន៍នានា ចំនួន ១ ២១៧.៩០ លានដុល្លារអាមេរិក ស្មើនឹង ៩៤៩. ៨៣ លានដុល្លារអេសដេអ៊ែរ ឬស្មើនឹង៥៩% នៃពិដានដែលច្បាប់អនុញ្ញាត។ ក្នុងនោះក្របខ័ណ្ឌទ្វេភាគីមានប្រមាណ ៦៨% និងពហុភាគី មានប្រមាណ ៣២%។ ក្រសួងសេដ្ឋកិច្ច បានបញ្ជាក់ថា គោលដៅនៃការចុះកិច្ចព្រមព្រៀងឥណទានថ្មីទាំងនេះ គឺសម្រាប់បំពេញតម្រូវការហិរញ្ញប្បទាន ក្នុងវិស័យអទិភាពរបស់រាជរដ្ឋាភិបាល សំដៅរួមចំណែកទ្រទ្រង់ចីរភាពនៃកំណើនរយៈពេលវែង និងបង្កើនផលិតភាពសេដ្ឋកិច្ច ឬផលិតភាពផលិតកម្ម។ក្រសួងសេដ្ឋកិច្ច និងហិរញ្ញវត្ថុ លើកឡើងថា លទ្ធផលបឋមនៃការវិភាគចីរភាពបំណុល រហូតដល់ដំណាច់ឆ្នាំ២០២២ បង្ហាញថា បើទោះបីជាសេដ្ឋកិច្ចកម្ពុជា ទទួលរងនូវផលប៉ះពាល់ពីការរីករាលដាលនៃការវិបត្តិជំងឺកូវីដ១៩ និងពីកត្តាខាងក្រៅផ្សេងទៀតក្តី នៅតែស្ថិតក្នុងភាពអាចគ្រប់គ្រងបាន ពោលគឺនៅតែមានចីរភាព និងហានិភ័យកម្រិតទាបដដែល ដោយរាល់សូចនាករបំណុលគន្លឹះៗទាំងអស់សុទ្ធតែ ស្ថិតក្រោអនុបាតតម្លៃបច្ចុប្បន្ននៃបំណុលសាធារណៈក្រៅប្រទេសធៀបនឹង ផ.ស.ស មានត្រឹមកម្រិត ២៤.៩% ធៀបនឹងអនុបាតគោល ៤០%។ក្នុងរយៈពេល៩ខែ រាជរដ្ឋាភិបាលកម្ពុជា បានទូទាត់សេវាបំណុល ជូនដៃគូអភិវឌ្ឍន៍ចំនួន ៤០៤.៥៧លានដុល្លារអាមេរិក កើនឡើង១៩% បើធៀបនឹងរយៈពេលដូចគ្នាកាលពីឆ្នាំមុន ក្នុងនោះសម្រាប់ក្របខណ្ឌទ្វេភាគីចំនួន ៣១១.៦៧លានដុល្លារអាមេរិក និងពហុភាគីចំនួ ៩២.៩០លានដុល្លារអាមេរិក។សូមបញ្ជាក់ផងដែរ ក្នុងចំណោមបំណុលសាធារណៈ សរុប ៩.៤៧ប៊ីលានដុល្លារអាមេរិកនេះ ក្នុងនោះកម្ពុជាជំពាក់ចិនចំនួន ៤១%, ជប៉ុន ១០%, កូរ៉េ ៥%, បារាំង ៥%, បំណុលមរតក មានចំនួន ៧% , ADB ២០%, ធនាគារពិភពលោក ៩% និងពហុភាគីផ្សេងទៀត៕អត្ថបទ វណ្ណៈ

ពលរដ្ឋខេត្តស្វាយរៀង ប្រមូលទុកដាក់ផលស្រូវបានជាង៤សែនតោន

ស្វាយរៀង៖ គិតត្រឹមថ្ងៃទី១០ ខែធ្នូឆ្នាំនេះ កសិករនៅទូទាំងខេត្តស្វាយរៀង បានធ្វើការប្រមូលទុកដាក់ផលស្រូវបានជាង៤សែនតោនហើយ នៅលើផ្ទៃដី ១៣៣ ពាន់៣០៩ហិកតា ដោយទទួលបានទិន្នផល គិតជាមធ្យមក្នុង១ហិកតា ២តោន ៨០០គីឡូក្រាម សម្រាប់ហូបចុក និងបម្រើទីផ្សារ ។លោក សុខ សុទ្ធាវុធ ប្រធានមន្ទីរកសិកម្មរុក្ខាប្រមាញ់ និងនេសាទខេត្តស្វាយរៀង នៅថ្ងៃទី១៣ ខែធ្នូ នេះបានប្រាប់ទូរទស្សន៍ BTVតាមសារតេឡេក្រាមថា នៅរដូវវស្សាឆ្នាំ២០២២នេះ ពលរដ្ឋ នៅខេត្តស្វាយរៀង សម្រេចផលិតស្រូវបានជាង៩០% នៃផែនការផលិតស្រូវប្រចាំឆ្នាំ១៦៧ពាន់ ៥០០ហិកតា ក្នុងនោះ ស្រូវជាង ៥០០ហិកតា ស្ថិតនៅក្រុងបាវិត ស្រុកកំពង់រោទិ៍ និងស្រុកស្វាយជ្រំ បានរងជំនន់ទឹកភ្លៀង ជន់លិចខូចខាត។ទាក់ទងទៅនឹងតម្លៃស្រូវនៅខេត្តស្វាយរៀង ក្នុងពេលបច្ចុប្បន្ននេះ ក្រុមឈ្មួញបានដើរប្រមូលទិញ ពីកសិករនៅតាមគ្រួសារ ដើម្បីយកទៅលក់បន្ត នៅតាមខ្សែបន្ទាត់ព្រំដែនកម្ពុជា វៀតណាម ក្នុងភូមិ សាស្ត្រច្រកទ្វារព្រំដែនអន្តរជាតិព្រៃវ័ល្ល ឃុំថ្មី ស្រុកកំពង់រោទិ៍ ក្នុង១គីឡូក្រាមស្រូវ (អ៊ី អ៊ែរ) ចម្រុះហើយសើមមានតម្លៃ៩៣០រៀល ទៅ៩៤០រៀល ឯស្រូវស្រែចម្រុះ ហើយសើម មានតម្លៃក្នុង១គីឡូក្រាម ពី១ ពាន់រៀល ទៅ១ពាន់១០០រៀល បើប្រៀបធៀបទៅនឹងតម្លៃស្រូវឆ្នាំ២០២១ មានតម្លៃប្រហាក់ប្រហែលគ្នាទេ តែបើវិភាគផ្នែកសេដ្ឋកិច្ច ការងារធ្វើស្រែរបស់កសិករនៅឆ្នាំនេះ មានផលចំណេញតិចតួច ចំពោះអ្នកមានមធ្យោបាលផលិត តែសម្រាប់អ្នកគ្មានមធ្យោបាយផលិត គឺខាតចូលថ្លៃដើម ដោយតម្លៃពលកម្ម និងសម្ភារកសិកម្ម ជី ថ្នាំកសិកម្ម ប្រេងឥន្ធនៈ មានតម្លៃទ្វេរដង ៕

បណ្ដាញសង្គម

ព័ត៌មានថ្មីៗ

សារព័ត៌មានរបស់អ៊ីរ៉ង់៖ ទីក្រុងតេអេរ៉ង់ ពុំបានស្នើសុំការបន្ថែមពេលបទឈប់បាញ់ទេ

ភ្ញៀវទេសចររាប់រយនាក់ ជាប់គាំងនៅលើភ្នំ Rio de Janeiro អំឡុងពេលប្រតិបត្តិការរបស់នគរបាល

Lufthansa នឹងលុបការហោះហើររដូវក្តៅ ២០.០០០ជើង ដើម្បីសន្សំសំចៃការចំណាយថ្លៃប្រេងឥន្ធនៈ

បារាំង ប្រកាសវិធានការថ្មីៗដើម្បីជួយកម្មករ និងវិស័យជាច្រើនទៀតក្នុងពេលតម្លៃប្រេងឡើងខ្ពស់

រដ្ឋមន្ត្រីការបរទេស និងរដ្ឋមន្រ្តីការពារជាតិចិន បានអញ្ជើញមកដល់កម្ពុជាក្រោមកិច្ចទទួលស្វាគមន៍យ៉ាងកក់ក្តៅ ដើម្បីចូលរួមកិច្ចប្រជុំលើកទី១នៃយន្តការកិច្ចសន្ទនាយុទ្ធសាស្ត្រ «២+២»

ប្រធានាធិបតីម៉ិកស៊ិក ហៅការវាយប្រហារនៅតំបន់ទេសចរណ៍បណ្តាលឲ្យមនុស្សស្លាប់និងរបួសថា មិនធ្លាប់មានពីមុនមក

ប្រធានាធិបតីអាហ្សង់ទីន ដុតបំភ្លឺភ្លើងគប់សម្រាប់ទិវាឯករាជ្យរបស់អ៊ីស្រាអែល

រយៈពេល៤ខែឆ្នាំនេះ កម្ពុជាប្រមូលចំណូលពន្ធអាករ សួយសារពីរ៉ែមាសបានជាង ៦០ លានដុល្លារ

អឺរ៉ុបត្រៀមខ្លួនឆ្លើយតបវិបត្តិថាមពលដោយសារសង្គ្រាមអ៊ីរ៉ង់ ជាលើកទី២ រយៈពេល ៤ឆ្នាំ

ការចរចា រវាងអាមេរិក និងអ៊ីរ៉ង់ មិនច្បាស់លាស់ ដោយដំណើររបស់លោក Vance ត្រូវបានលុបចោល

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សេដ្ឋកិច្ច និង កសិកម្ម

កម្ពុជានិងចិន សម្រេចពាណិជ្ជកម្មទ្វេរភាគីរហូត ១១ពាន់លានដុល្លារ កើនឡើង៣៧%

សម្តេចតេជោ៖ កិច្ចសហប្រតិបត្តិការល្អជាមួយប្រទេសចិន ផ្តល់សន្ទុះដល់កំណើនសេដ្ឋកិច្ច នៅកម្ពុជានិងតំបន់

ផ្សារបន្លែចុងសប្តាហ៍នៅខេត្តកណ្តាល ទទួលគាំទ្រទិញច្រើនពីសំណាក់ពលរដ្ឋគិតគូរពីបញ្ហាសុខភាព

អ្នកជំនាញស្នើដល់រដ្ឋាភិបាលជួយសម្រួលលក្ខខណ្ឌមួយចំនួន ដើម្បីជំរុញការនាំចេញម្រេច

ពាណិជ្ជកម្មឆ្លងដែនកម្ពុជា-ថៃ តាមច្រកព្រំដែនខេត្តកោះកុង ផ្តើមងើបឡើងវិញគួរឱ្យកត់សម្គាល់

ក្រសួងពាណិជ្ជកម្ម ជំរុញការពង្រឹងគុណភាពផលិតផលខ្មែរ ដើម្បីនាំចេញទៅក្រៅប្រទេស

អ្នកជំនាញជំរុញភាគីពាក់ព័ន្ធ អនុវត្តតាមលក្ខខណ្ឌរបស់ប្រទេសចិន ដើម្បីធានានិរន្តរភាពនាំចេញផ្លែមៀនស្រស់

ADB អនុម័តកម្មវិធីអភិវឌ្ឍន៍ គាំទ្រកម្មវិធីអន្តរកម្មថាមពលរបស់កម្ពុជា

ក្រសួងសេដ្ឋកិច្ច៖ ស្ថានភាពបំណុលសាធារណៈកម្ពុជា នៅតែមានចីរភាព និងហានិភ័យកម្រិតទាប

ពលរដ្ឋខេត្តស្វាយរៀង ប្រមូលទុកដាក់ផលស្រូវបានជាង៤សែនតោន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សេដ្ឋកិច្ច និង កសិកម្ម

កម្ពុជានិងចិន សម្រេចពាណិជ្ជកម្មទ្វេរភាគីរហូត ១១ពាន់លានដុល្លារ កើនឡើង៣៧%

សម្តេចតេជោ៖ កិច្ចសហប្រតិបត្តិការល្អជាមួយប្រទេសចិន ផ្តល់សន្ទុះដល់កំណើនសេដ្ឋកិច្ច នៅកម្ពុជានិងតំបន់

ផ្សារបន្លែចុងសប្តាហ៍នៅខេត្តកណ្តាល ទទួលគាំទ្រទិញច្រើនពីសំណាក់ពលរដ្ឋគិតគូរពីបញ្ហាសុខភាព

អ្នកជំនាញស្នើដល់រដ្ឋាភិបាលជួយសម្រួលលក្ខខណ្ឌមួយចំនួន ដើម្បីជំរុញការនាំចេញម្រេច

ពាណិជ្ជកម្មឆ្លងដែនកម្ពុជា-ថៃ តាមច្រកព្រំដែនខេត្តកោះកុង ផ្តើមងើបឡើងវិញគួរ​ឱ្យកត់សម្គាល់

ក្រសួងពាណិជ្ជកម្ម ជំរុញការពង្រឹងគុណភាពផលិតផលខ្មែរ ដើម្បីនាំចេញទៅក្រៅប្រទេស

អ្នកជំនាញជំរុញភាគីពាក់ព័ន្ធ អនុវត្តតាមលក្ខខណ្ឌរបស់ប្រទេសចិន ដើម្បីធានានិរន្តរភាពនាំចេញផ្លែមៀនស្រស់

ADB អនុម័តកម្មវិធីអភិវឌ្ឍន៍ គាំទ្រកម្មវិធីអន្តរកម្មថាមពលរបស់កម្ពុជា

ក្រសួងសេដ្ឋកិច្ច៖ ស្ថានភាពបំណុលសាធារណៈកម្ពុជា នៅតែមានចីរភាព និងហានិភ័យកម្រិតទាប

ពលរដ្ឋខេត្តស្វាយរៀង ប្រមូលទុកដាក់ផលស្រូវបានជាង៤សែនតោន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ពាណិជ្ជកម្មឆ្លងដែនកម្ពុជា-ថៃ តាមច្រកព្រំដែនខេត្តកោះកុង ផ្តើមងើបឡើងវិញគួរឱ្យកត់សម្គាល់