នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ការធ្វើបច្ចុប្បន្នភាព NFIS ដើម្បីធានាដល់គ្រួសារ និងអាជីវកម្មឱ្យទទួល​បាន​សេវា​ហិរញ្ញ​វត្ថុ​សម​ស្រប
ការដោះដូរពាណិជ្ជកម្មជាមួយ RCEP មានទឹកប្រាក់សរុបជាង ១១ពាន់លានដុល្លារ កើនជាង ១៨%
គណៈកម្មាធិការវិនិយោគ ពិនិត្យសំណើសុំចុះបញ្ជីចំនួនគម្រោងវិនិយោគចំនួន ៨ មានទុន ៤៩០លានដុល្លារ
ក្នុងត្រីមាសទី១ ឆ្នាំ២០២៦ កម្ពុជានាំចេញមុខទំនិញ​ស្ទើរ​គ្រប់​ប្រភេទ​មាន​កំណើន​កើន​ឡើង​ល្អ​ប្រសើរ

សេដ្ឋកិច្ច និង កសិកម្ម

ក្រសួងទេសចរណ៍រៀបចំសេចក្តីព្រាងគោលនយោបាយទេសចរពិសេស បង្កើនការទាក់ទាញ​វិនិយោគិន​អន្តរជាតិ

2022/08/04 01:04:13 pm        439
Facebook Telegram Linkin
ភ្នំពេញ៖ នៅថ្ងៃទី៤ ខែសីហានេះ ឯកឧត្តម ទិត ចន្ថា រដ្ឋលេខាធិការប្រចាំការក្រសួងទេសចរណ៍ បានបើកកិច្ចប្រជុំពិគ្រោះយោបល់រៀបចំសេចក្តីព្រាងគោលនយោបាយទេសចរពិសេស។ ឯកឧត្តមថា ថ្លែងថា ការៀបចំគោលនយោបាយទេសចរពិសេសនេះ គឺមានគោលដៅសំខាន់លើក​ទឹកចិត្តភ្ញៀវទេសចរអន្តរជាតិដែលជាអ្នកវិនិយោគ និងប្រែក្លាយភ្ញៀវទេសចរធម្មតា មកទស្សនាកម្ពុជាមកបណ្តាក់ទុនវិនិយោគនៅកម្ពុជា។ឯកឧត្តម ទិត ចន្ថា ថ្លែងថា ការរៀបចំសេចក្តីព្រាងគោលនយោបាយរាជរដ្ឋាភិបាល​ស្តីពី​ទេសចរ​ពិសេស គឺគោលបំណងសំខាន់ៗចំនួនបី រួមមាន៖ ទី១. ​ពីការទាក់ទាញភ្ញៀវទេសចរអន្តរជាតិ ដែល​មាន​គុណភាព ភ្ញៀវមានចំណូលខ្ពស់ៗ ជាពិសេសអ្នកវិនិយោគអន្តរជាតិមកទស្សនា​កម្ពុជា​កាន់ច្រើន ទី២.ជំរុញប្រែក្លាយភ្ញៀវទេសចរអន្តរជាតិធម្មតា ​ឲ្យមកទស្សនាកម្ពជាច្រើនដង និង​មកបង្កើតការបណ្តាក់ទុនបើកអាជីវកម្មនៅកម្ពុជា និងទី៣. ជម្រុញភ្ញៀវធុរជន​អន្តរជាតិទាំងនោះ​បង្កើន​កម្លាំងទិញ និងការវិនិយោគតាមរយៈការលើកទឹកចិត្តផ្តល់ Visa ស្នាក់នៅបានយូរ អាចទិញ​ផ្ទះស្នាក់នៅ នៅក្នុងតំបន់អាគារខនដូរចាប់ពីជាន់ទី១ឡើងទៅ ជាដើម។ឯកឧត្តម ទិត ចន្ថា បន្តថា កម្ពុជា នៅក្នុងឱកាសមិនទាន់មានការរាតត្បាតមេរោគកូវីដ១៩ នៅឆ្នាំ​២០១៩ គឺមានភ្ញៀវទេសចរអន្តរជាតិមកទស្សនាកម្ពុជា ​មានប្រមាណជាង ​៦លាននាក់ ក្នុងនោះ​មានធុរៈជនអន្តរជាតិ ​និងអ្នកវិនិយោគអន្តរជាតិ ​មានប្រមាណ១០% ហើយតាមរយៈការរៀបចំ​គោល​នយោបាយទេសចរពិសេសនេះ ​នឹងជម្រុញទាក់ទាញកំណើនភ្ញៀវទេសចរពិសេសមកវិនិយោគ​នៅកម្ពុជា ​កើនឡើងរហូត២០% ដែលអាចធានា ​និងជម្រុញកំណើនសេដ្ឋកិច្ចកម្ពុជា ដ៏មាន​ប្រសិទ្ធភាព។យ៉ាងណាក៏ដោយ នៅក្នុងអំឡុងដែលកម្ពុជា ​មិនទាន់គោលនយោបាយស្តីពីទេសចរពិសេសនេះ​សម្រាប់​អនុវត្ត. ឯកឧត្តម ទិត ចន្ថា ​ក៏បានថ្លែងថា ​បច្ចុប្បន្នរាជរដ្ឋាភិបាលកម្ពុជា ក៏បាន​នឹងកំពុង​អនុវត្តគោល​នយោបាយលើកទឹកចិត្តមួយចំនួនជូនបណ្តាអ្នកវិនិយោគទុនអន្តរជាតិ​នៅកម្ពុជា ដូចជា​ការផ្តល់ទិដ្ឋាការអាចស្នាក់នៅកម្ពុជារយៈពេល៣ឆ្នាំ ​ការ​អនុញ្ញាត​ឲ្យទិញផ្ទះស្នាក់​ក្នុង​អគារ​ខនដូរ​នៅ​កម្ពុជាចាប់ពីជាន់ទី១ឡើងទៅជាដើម ​និងមានគោលនយោបាយ​ទេសចរ​នានា​ទៀត ដែល​អាច​ជម្រុញ​ភ្ញៀវទេសចរអន្តរជាតិ ​អាច​មក​ស្នាក់នៅ ​ធ្វើការ​វិនិយោគ​ទុន​នៅកម្ពុជា ​រយៈពេលយូរឆ្នាំ​បាន៕ អត្ថបទ ស៊ុម សុខជា

កម្ពុជានាំចេញអង្ករក្នុងបរិមាណ ៣៥ម៉ឺនតោន ទទួលប្រាក់ចំណូលជាង ២០០លានដុល្លារ ក្នុងរយៈពេល៧ខែ

2022/08/04 12:22:52 pm        477
Facebook Telegram Linkin
ភ្នំពេញ៖ កម្ពុជា បាននាំចេញអង្ករ ក្នុងបរិមាណ ៣៥ម៉ឺនតោន ក្នុងរយៈពេល៧ខែឆ្នាំ២០២២នេះ កើនឡើង ១៣.២៤ភាគរយ ធៀបនឹងរយៈពេលដូចគ្នាកាលពីឆ្នាំមុន ដោយទទួលបានប្រាក់សរុប ២១៨ លានដុល្លារ។របាយការណ៍របស់សហព័ន្ធស្រូវអង្ករកម្ពុជា បង្ហាញថា កម្ពុជាបាននាំអង្ករ ចេញទៅកាន់ទីផ្សារ​អន្តរជាតិ ​តាមរយៈក្រុមហ៊ុននាំចេញអង្ករចំនួន ៥៣ក្រុមហ៊ុន ទៅកាន់គោលដៅចំនួន ៥៦ ប្រទេស និងបានបរិមាណអង្ករសរុបចំនួន ៣៥០,៩០២ តោន។ប្រទេសចិន នៅតែជាទីផ្សារធំបំផុតសម្រាប់ការនាំចេញអង្កររបស់ប្រទេសកម្ពុជា បានចំនួន ១៦៩,៧៦៦ តោន ស្មើនឹង៤៨.៣៨% នៃការនាំចេញសរុបដែលគិតជាទឹកប្រាក់ចំនួន ៨៩ លានដុល្លារសហរដ្ឋអាមេរិក។ការនាំចេញទៅកាន់ប្រទេស នៅក្នុងតំបន់សហគមន៍អឺរ៉ុបចំនួន២៥ប្រទេស ​បានបរិមាណចំនួន ១២២,៨៤២ តោន ស្មើនឹង៣២% នៃការនាំចេញសរុប ដែលគិតជាទឹកប្រាក់ ចំនួន ៨៦​ លាន​ដុល្លារ​សហរដ្ឋ​អាមេរិក។ចំណែកការនាំចេញទៅកាន់ប្រទេសអាស៊ានចំនួន ៤ប្រទេស បានចំនួន ២៩,៩៥៧តោន ស្មើនឹង៩% នៃការនាំចេញសរុប​ ដែលគិតជាទឹកប្រាក់ចំនួន ២០ ​លានដុល្លារសហរដ្ឋអាមេរិក និងបណ្តាល​គោលដៅ​ផ្សេងៗទៀត ចំនួន២៤ប្រទេស​ បានចំនួន ២៨,៣៣៧ តោន ​ស្មើនឹង១០.៦២% គិតជាទឹកប្រាក់ ២២​ លាន​ដុល្លារសហរដ្ឋអាមេរិក។សហព័ន្ធស្រូវអង្ករកម្ពុជា បានគូសបញ្ជាក់ថា ​នៅក្នុងរយៈពេល ៧ខែនេះដែរ អង្ករក្រអូបគ្រប់ប្រភេទ បាននាំចេញចំនួន ៦៣.៦៤% អង្ករស ចំនួន ៣២.៤២% អង្ករចំហ៊ុយចំនួន ២.២៣% អង្ករសរីរាង្គចំនួន ១.៧% និងអង្ករដំណើបបានចំនួន២៣តោន។ដោយឡែក ក្នុងរយៈពេល៧ខែនេះដែរ កម្ពុជាបាននាំចេញស្រូវទៅប្រទេសវៀតណាម ​បានចំនួន ១.៩៥ លានតោន ដែលគិតជាទឹកប្រាក់ប្រមាណជា ៤៨៧ លានដុល្លារសហរដ្ឋអាមេរិក៕ អត្ថបទ៖ វណ្ណៈ

ប្រទេសចិន ផ្តល់ហិរញ្ញប្បទានសហប្រតិបត្តិការ មានទឹកប្រាក់ ៧ ប៊ីលានដុល្លារ សម្រាប់ការអភិវឌ្ឍនៅកម្ពុជា

2022/08/04 12:14:26 pm        721
Facebook Telegram Linkin
ភ្នំពេញ៖ គិតត្រឹមឆមាសទី២ ឆ្នាំ ២០២២ ហិរញ្ញប្បទានសហប្រតិបត្តិការរបស់ប្រទេសចិន​ផ្តល់​ជូន​កម្ពុជា មានទំហំទឹកប្រាក់ប្រមាណ ៧ ប៊ីលានដុល្លារមេអាមេរិក ។ឯកឧត្តម រស់ សីលវ៉ា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ សមាជិកឧត្តមក្រុមប្រឹក្សា​សេដ្ឋកិច្ចជាតិ ​លើកឡើងនៅក្នុងពិធីប្រគល់-ទទួលជាផ្លូវការ នូវរបាយការណ៍នៃការសិក្សាផែនការ​មេ ស្តីពីប្រព័ន្ធដឹកជញ្ជូនអន្តរមធ្យោបាយកម្ពុជា នៅថ្ងៃទី ៣ ខែមករា ឆ្នាំ ២០២២ នេះថា ការគាំទ្រ​របស់​សាធារណៈរដ្ឋប្រជាមាននិតចិន ​ដើរតួយ៉ាងសំខាន់នៅក្នុងការជម្រុញ​កំណើន​សេដ្ឋកិច្ចកម្ពុជា និងដោះស្រាយបញ្ហាប្រឈមផ្នែកសង្គម​ ជាពិសេសរួមចំណែកទាក់ទាញវិនិយោគ ជម្រុញការ​នាំ​ចេញ ​បង្កើតការងារ ​លើកកម្ពស់ការអប់រំ និងជំនាញ ​លើកកម្ពស់សមភាពយេឌ័រ ការឆ្លើយតប​ការប្រែប្រួល​អាការធាតុ និងបរិស្ថានជាដើម។ចំណែកឥណទាន សម្បទានរបស់ប្រទេសចិន ត្រូវបានកម្ពុជាយកទៅប្រើប្រាស់ និងគាំទ្រគម្រោង​នៃវិស័យអាទិភាពមួយចំនួន ស្របតាមគោលដៅរបស់រាជរដ្ឋាភិបាលកម្ពុជា ក្នុងនោះសម្រាប់វិស័យ​ដឹកជញ្ជូន​បានស្រូបយកហិរញ្ញប្បទានធំជាងគេ ​ជាពិសេសគម្រោងសាងសង់ផ្លូវជាតិ ​ស្ពាន កំពង់ផែ និងអាកាសយានដ្ឋានជាដើម ​ជាក់ស្តែងគិតត្រឹមពេលនេះ ផ្លូវជាតិជាង ៣ ០០០ គីឡូម៉ែត្រ និង​ស្ពានឆ្លងទន្លេចំនួន ៨ ​ដែលបានសាងសង់ឡើងក្រោមហិរញ្ញប្បទានប្រទេសចិន ខណៈផ្លូវល្បឿន​ប្រទេសចិន ភ្នំពេញ-ក្រុងព្រះសីហនុ ដែលបានស្ថាបនាឡើង ​គឺស្ថិតនៅក្រោមគម្រោងទាំងនេះ ហើយនឹងដាក់ឲ្យប្រើប្រាស់ក្នុងពេលឆាប់ៗផងដែរ។ឯកឧត្តម បន្តថា ទោះស្ថិតនៅក្នុងស្ថានភាពលំបាក និងកំពុងប្រឈមបញ្ហាជាច្រើន បង្ករឡើង​ដោយវិបត្តិ​នៃជំងឺកូវីដ ១៩, សាធារណៈរដ្ឋចិននៅតែបន្តដល់ការគាំទ្រដល់ការអភិវឌ្ឍន៍សង្គម-សេដ្ឋកិច្ចកម្ពុជា ​សំដៅរួមចំណែកលើកកម្ពុជាសុខភាពរបស់ប្រជាជនកម្ពុជា ​ជាក់ស្តែងក្នុងឆ្នាំ ២០២២ នេះ គម្រោងឯកភាពសម្រាប់កម្ពុជាមានចំនួន ​១២ ស្មើនឹងទំហំទឹកប្រាក់ ៤ ៥៧២ លាន​ដុល្លារអាមេរិក ​ក្នុងនោះ មានគម្រោង​សាងសង់​ហេដ្ឋា​រចនា​ដឹកជញ្ជូន គឺស្ថិតនៅក្នុងបញ្ជី​នៃក្របខណ្ឌ​រួម​អភិវឌ្ឍន៍ជាផ្លូវការ៕ អត្ថបទ៖ សុន រ៉ាឌី

គយ និងរដ្ឋាករប្រមូលចំណូលសម្រេចបានសម្រេចបានជាង ៥០% នៃផែនការច្បាប់

2022/08/04 12:06:25 pm        421
Facebook Telegram Linkin
ភ្នំពេញ៖ គយ និងរដ្ឋាករ នៅក្នុងឆមាសទី១នេះ ប្រមូលចំណូលសម្រេចបានសម្រេចបានជាង ៥០% នៃផែនការច្បាប់ ឆ្លុះបញ្ជាំងពីតម្រូវប្រើប្រាស់ ក្នុងស្រុក​និង​សកម្មភាពសេដ្ឋកិច្ចងើបឡើងវិញ​ពីវិបត្តិកូវីដ១៩។របាយការណ៍ចំណូលនេះ ត្រូវបានបង្ហាញ ក្នុងកិច្ចប្រជុំបូកសរុបលទ្ធផលការងារគយ និងរដ្ឋាករ ប្រចាំឆមាសទី១ ឆ្នាំ២០២២ នៅថ្ងៃទី៣ ខែសីហា ក្រោមវត្តមានរបស់ឯកឧត្ដមបណ្ឌិត គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកនៃអគ្គនាយកដ្ឋានគយ និងរដ្ឋាករកម្ពុជា។ក្នុងរយៈពេល ៦ខែ ឆ្នាំ២០២២ នេះគយ និងរដ្ឋាករ ប្រមូលចំណូលបានជាង ៥ ២៥៩ ប៊ីលានរៀល ស្មើជាង ១ ២៩៥ លានដុល្លារអាមេរិក កើនឡើងប្រមាណ ១២% ធៀបនឹងចំណូលប្រមូលបានក្នុង ឆមាសទី១ ឆ្នាំ២០២១, ដោយលទ្ធផលនេះ គឺសម្រេចបាន ៥០,២%​នៃផែនការដែលកំណត់​ដោយ​ច្បាប់ ស្ដីពីហិរញ្ញវត្ថុសម្រាប់ការគ្រប់គ្រងឆ្នាំ២០២២។ ដោយឡែកទំហំនៃការនាំចេញក្នុងឆមាសទី១ ឆ្នាំ ២០២២នេះវិញ, ការនាំចេញផលិតផលកាត់ដេរ មានចំនួនជិត ៦ ៥៦២ លានដុល្លារអាមេរិក កើនឡើងប្រមាណជាង ១ ៨៤០ លានដុល្លារអាមេរិក ស្មើនឹង ៣៩%, ការនាំចេញផលិតផលវិនិយោគមិនមែនកាត់ដេរ (ដូចជា គ្រឿងបំណែក​អេឡិចត្រូនិក កង់ ផលិតផលពីឈើ ផលិតផលប្លាស្ទិច គ្រឿងបន្លាស់រថយន្ត ​និងផលិតផល​ឧស្សាហកម្ម​ផ្សេងៗទៀត)​ មានចំនួនជាង ២ ៦៥៩ ​លានដុល្លារអាមេរិក ​កើនឡើងជាង ៧៥៩ លានដុល្លារ​អាមេរិក ស្មើនឹង ៤០%។ ​ចំណែកការនាំចេញកសិផលមាន​ចំនួន ១ ៧៤១ លាន​ដុល្លារអាមេរិក កើនឡើងជាង ១៦០ លានដុល្លារអាមេរិក ស្មើជាង ១០%៕ អត្ថបទ៖ សុន រ៉ាឌី

អូស៊ីអាយស៊ី និង EAKON សហការគ្នាជំរុញការលក់រាយនៅកម្ពុជា

2022/08/03 02:42:46 pm        832
Facebook Telegram Linkin
ភ្នំពេញ៖ ក្រុមហ៊ុនវិនិយោគទុន​អាណិកជន​កម្ពុជា អូស៊ីអាយស៊ី (OCIC) កាលពីរសៀលថ្ងៃទី២ ខែសីហា ឆ្នាំ២០២២នេះ បានចុះអនុស្សារណៈជាមួយគ្នា ក្រុមហ៊ុន EAKON គ្រុប របស់ប្រទេសម៉ាឡេស៊ី ដើម្បីជំរុញទៅលើវិស័យលក់រាយនៅកម្ពុជា។ពិធីចុះហត្ថលេខាលើអនុស្សារណៈនេះ បានប្រព្រឹត្តទៅក្រោមអធិបតីភាពជាសាក្សីរបស់ ឯកឧត្តម Eldeen Husaini Mohd Hashim ឯកអគ្គរដ្ឋទូតម៉ាឡេស៊ីប្រចាំប្រទេសកម្ពុជា និងអ្នកឧកញ៉ា ឆាល វ៉ាន់ (Charles Vann) អនុប្រធានប្រតិបត្តិ នៃក្រុមហ៊ុន កាណាឌីយា ដែលធ្វើឡើងរវាងលោកស្រី លឹម លីជិន តំណាងឲ្យក្រុមហ៊ុន អូស៊ីអាយស៊ី និងលោក Dato Sri Ricky Yaw តំណាងឲ្យក្រុមហ៊ុន Eakon គ្រុប ក្នុងគោលបំណងចែករំលែកព័ត៌មានលម្អិត និងសំខាន់ៗដូចជា៖ វិសាលភាពការងារ និងការប្ដេជ្ញាចិត្តក្នុងការសហការនៃការធ្វើអាជីវកម្ម។តាមការលើកឡើងរបស់លោកតំណាងឲ្យក្រុមហ៊ុន Eakon គ្រុប បានឲ្យដឹងថា Eakon នឹង​ធ្វើការ​ចែករំលែកចំណេះដឹង និងជំនាញដែលមានក្នុងវិស័យជាច្រើនដូចជា វិស្វកម្ម ស្ថាបត្យកម្ម សំណង់ និងបច្ចេកទេសជាដើម ទៅកាន់ដៃគូ អូស៊ីអាយស៊ី ក៏ដូចជា ដើម្បីជួយពង្រឹងប្រភព​ចំណូលអ្នកជួល និងវិនិយោគិនអន្តរជាតិ ទៅលើគម្រោង Elysee ដើម្បីអភិវឌ្ឍអចលនទ្រព្យ ឲ្យដូចលំដាប់ពិភព​លោក ដែលនឹងបង្ករបង្កើនជីវភាពរស់នៅ​ និងអាជីវកម្មរបស់ប្រជាពលរដ្ឋខ្មែរ។លោក បានបន្តថា ដោយមានការច្នៃប្រឌិតដូចទៅនឹងទីក្រុង Champs Elysees ក្នុងទីក្រុងប៉ារីស The Elysee គឺជាការអភិវឌ្ឍទីក្រុងមួយ ក្នុងចំណោមការអភិវឌ្ឍទីក្រុងទាំងអស់របស់ អូស៊ីអាយស៊ី នៅ​រាជធានីភ្នំពេញ ដែលនាំមកនូវវប្បធម៌ដ៏ល្បីល្បាញ​មកពីប៉ែកអឺរ៉ុប ​ភាគពាយ័ព្យ មកកសាង​នៅក្នុងប្រទេសកម្ពុជា។លោក បានអះអាងទៀតថា នឹងទាក់ទាញវិនិយោគិនម៉ាឡេស៊ី ឲ្យកាន់ច្រើនជាងនេះ ដើម្បីវិនិយោគ​លើគម្រោងផ្សេងៗទៀតនៅកម្ពុជា ជាពិសេស ដូចដែលឃើញស្រាប់ហើយថា កម្ពុជាបាន​នឹងកំពុងតែមានអ្នកវិនិយោគអន្ដរជាតិកើនឡើងយ៉ាងច្រើន ក្នុងរយៈពេលប៉ុន្មានឆ្នាំចុងក្រោយនេះ ទោះបីជួបប្រឈមនឹងវិបត្តិសកលនៃជំងឺកូវីដ១៩យ៉ាណាក៏ដោយ។ តាមរយៈភាពជាដៃគូនេះ យើងនឹងទន្ទឹងរង់ចាំទទួលយកនូវអត្ថប្រយោជន៍ជាច្រើន នៃឱកាសវិនិយោគនៅកម្ពុជាតាមរយៈ អូស៊ីអាយស៊ី។សូមបញ្ជាក់ថា អូស៊ីអាយស៊ី គឺជាក្រុមហ៊ុនសាជីវកម្មធំជាងគេបំផុតនៅកម្ពុជា ដែលក្រៅពីវិស័យ​ពាណិជ្ជកម្មផ្សេងៗ ​ក្រុមហ៊ុនក៏ធ្វើការទៅលើគម្រោងអភិវឌ្ឍន៍អចលនទ្រព្យ និងហេដ្ឋា​រចនា​សម្ព័ន្ធខ្នាតធំ ជាពិសេសក៏មានវិស័យអាកាសចរណ៍ វិទ្យាស្ថានអប់រំ និងគំរោងធំផ្សេងទៀតផងដែរ។ ដោយឡែក EKG Development Sdn Bhd គឺជាគំរោងអភិវឌ្ឍន៍អចលនទ្រព្យរបស់ក្រុមហ៊ុន Eakon គ្រុប និងជាក្រុមហ៊ុនរបស់ម៉ាឡេស៊ី ​ដែលមានជំនាញខាងសេវាកម្មមេកានិច អគ្គិសនី និង​សេវាកម្មសំអាត សម្រាប់គម្រោងពាណិជ្ជកម្ម ​លំនៅដ្ឋានធំៗ ​និងគ្រឹះស្ថានអប់រំជាដើម៕អត្ថបទ៖ ឈិត បូរ៉ាវី

កាតព្វកិច្ចទិញធានារ៉ាប់រងយានយន្ត ជាការពង្រីកប្រព័ន្ធការពារសុវត្ថិភាពសង្គម

2022/08/03 01:02:14 pm        647
Facebook Telegram Linkin
ភ្នំពេញ៖ ការកំណត់កាតព្វកិច្ចទិញធានារ៉ាប់រងសម្រាប់យានយន្តឯកជន ជាការជួយសម្រួលឱ្យចេះ​សន្សំលុយ ក្នុងបង់ថ្លៃទិញធានារ៉ាប់រង ​ដើម្បីដោះស្រាយនៅពេលគ្រោះថ្នាក់កើតឡើង និងជាការពង្រីក​ប្រព័ន្ធសំណាញ់ការពារសុវត្ថិភាពសង្គម ​ឱ្យដើរទន្ទឹមគ្នា នឹងប្រព័ន្ធគាំពារសង្គមរបស់រាជរដ្ឋាភិបាល។ឯកឧត្តម ប៊ូ ច័ន្ទភីរូ អគ្គនាយកនិយ័តករធានារ៉ាប់រងកម្ពុជា នៃសេវាហិរញ្ញវត្ថុមិនមែនធនាគារ ថ្លែងលើកឡើងនៅក្នុងសន្និសីទសារព័ត៌មាន​ ស្តីពី សមិទ្ធផលសម្រេចបានរយៈពេល៥ឆ្នាំ ២០១៧-២០២១ របស់ក្រសួងសេដ្ឋកិច្ច និងហិរញ្ញវត្ថុ នៅថ្ងៃទី២ ខែសីហា ឆ្នាំ២០២២ នេះថា រាជរដ្ឋាភិបាល​មាន​ច្បាប់ដែលត្រូវអនុវត្តតាំងពីឆ្នាំ២០១៤ មកម្ល៉េះ ​ប៉ុន្តែរាជរដ្ឋាភិបាលកម្ពុជា ត្រូវការពេលវេលាសិក្សាទៅលើយានយន្ត ។ឯកឧត្តម បញ្ជាក់ថា ការកំណត់កាតព្វកិច្ចទិញធានារ៉ាប់រងសម្រាប់យានយន្តឯកជន ទៅជា​បន្ទុកនោះ គឺវាមិនមែនដូច្នោះនោះឡើយ ​ដែលបញ្ហានេះ វាជាការជួយដោះស្រាយពេលមាន​គ្រោះថ្នាក់ ដូច្នេះមហាជនគួរកុំមានការយល់ច្រឡំ ។ សូមបញ្ជាក់ថា៖ នាថ្មីៗកន្លងទៅនេះ ឯកឧត្តម រស់ សីលវ៉ា រដ្ឋលេខាធិការក្រសួងសេដ្ឋកិច្ច និង​ហិរញ្ញវត្ថុ បានថ្លែងលើកឡើងថា ​ដើម្បីលើកកម្ពស់វិស័យធានារ៉ាប់រងឱ្យកាន់តែរីក​ចម្រើន​បន្ថែមទៀត រាជរដ្ឋាភិបាលកម្ពុជា ​គ្រោងដាក់ឱ្យប្រើប្រាស់នូវការធានារ៉ាប់រងជាកាតព្វកិច្ច ដែល​វាជាការទទួលខុសត្រូវរបស់ប្រតិបត្តិករធានារ៉ាប់រង ​និងម្ចាស់យានយន្តចំពោះសង្គមជាតិ តាមរយៈការធានារ៉ាប់រងដល់ជនរងគ្រោះ ​ដែលបង្កដោយគ្រោះថ្នាក់ចរាចរណ៍នៅតាមដងផ្លូវ នៅក្នុងព្រះរាជាណាចក្រកម្ពុជា។ ក្នុងនោះសម្រាប់ផលប្រយោជន៍នៃការដាក់ឱ្យដំណើរការ​ការធានារ៉ាប់រងយានយន្តឯកជន ​ជាកាតព្វកិច្ចនេះ​ នឹងដើរតួនាទីកាន់តែសំខាន់ក្នុងការពង្រឹង និងពង្រីកប្រព័ន្ធសំណាញ់ការពារសុវត្ថិភាព​សង្គមឱ្យដើរទន្ទឹមគ្នា នឹងប្រព័ន្ធគាំពារ​សង្គមរបស់​រាជរដ្ឋាភិបាល៕អត្ថបទ៖ សុន រ៉ាឌី

ការនាំចេញផលិតសំលៀកបំពាក់ ស្បែកជើង និងផលិតផលធ្វើដំណើរ កើនឡើង៤០ភាគរយ ក្នុងឆមាសទី១

2022/08/03 11:52:10 am        549
Facebook Telegram Linkin
ភ្នំពេញ៖ ការនាំចេញផលិតផលសំលៀកបំពាក់ ស្បែកជើង និងផលិតផលធ្វើដំណើររបស់កម្ពុជា​ បានកើនឡើង​ប្រមាណ៤០ភាគរយ ក្នុងឆមាសទី១ ​ឆ្នាំ២០២២នេះ។ ​កំណើននេះ​ ឆ្លុះបញ្ចាំង​ពី​តម្រូវការផលិតផល ​ផលិតនៅកម្ពុជា ​លើទីផ្សារអន្តរជាតិ បើទោះបីពិភពលោកនៅបន្តរង​ផល​ប៉ះពាល់​ដោយសារជំងឺកូវីដ១៩។យោងតាមរបាយការណ៍ពីអគ្គនាយកដ្ឋានគយ និងរដ្ឋាករកម្ពុជា បានឱ្យដឹងថា ឧស្សាហកម្មកាត់ដេរ​សំលៀកបំពាក់ ស្បែកជើង និងផលិតផលធ្វើដំណើររបស់កម្ពុជា បាននាំចេញមានកំណើន៤០ ភាគរយនៅក្នុងឆមាសទី១ ឆ្នាំ២០២២នេះ ធៀបនឹងឆមាសទី១ឆ្នាំមុន។របាយការណ៍ដដែល បានបង្ហាញថា ប្រទេសកម្ពុជា ​បាននាំចេញផលិតផលកាត់ដេរ​សំលៀកបំពាក់ ស្បែកជើង​ និងផលិតផលធ្វើដំណើរមានតម្លៃសរុប ៦.៦ ប៊ីលានដុល្លារអាមេរិក ក្នុងអំឡុងខែមករា​ដល់​ខែមិថុនាឆ្នាំនេះ កើនឡើង ពី​ ៤.៧២ ប៊ីលានដុល្លារក្នុងរយៈពេលដូចគ្នាកាលពីឆ្នាំមុន។ឯកឧត្តម ប៉ែន សុវិជាតិ អនុរដ្ឋលេខាធិការ​ និងជាអ្នកនាំពាក្យក្រសួងពាណិជ្ជកម្ម បានចាត់ទុក​កំណើននៃការនាំចេញទំនិញជាទូទៅរបស់កម្ពុជា ដោយសារតែការចាប់ផ្តើមឡើងវិញ​ពេញលេញ​នៃសកម្មភាពសេដ្ឋកិច្ចសង្គមនៅកម្ពុជា ​ការអនុគ្រោះពាណិជ្ជកម្ម និងការកើនឡើងនៃ​តម្រូវ​ការសកល។ឯកឧត្តម លើកឡើងកាលពីពេលថ្មីៗនេះថា​ កំណើននៃការនាំចេញរបស់កម្ពុជា នឹងបន្តកើនឡើង​ពេញមួយឆ្នាំពេញ ​ដោយសារការថមថយនៃជំងឺរាតត្បាត ជាពិសេសការអនុវត្តពេញលេញ​នូវ​កិច្ចព្រមព្រៀងពាណិជ្ជកម្មតំបន់​ និងទ្វេភាគី។ឧស្សាហកម្មកាត់ដេរ​សំលៀកបំពាក់ ស្បែកជើង និងទំនិញធ្វើដំណើរ រួមចំណែកធំជាងគេ​នៃការរក​ចំណូលសម្រាប់កម្ពុជា។ វិស័យនេះ​មានរោងចក្រ និងសាខាប្រហែល ១,១០០ ដែលមានបុគ្គលិក​ប្រមាណ ៧៥០,០០០ នាក់ ដែលភាគច្រើនជាស្ត្រី។ធនាគារជាតិនៃកម្ពុជា ទើបតែបានព្យាករកំណើនសេដ្ឋកិច្ចកម្ពុជា ​សម្រេចបានក្នុងរង្វង់៥.៣ភាគរយ ក្នុងឆ្នាំ២០២២នេះ​ដោយ​សារការងើបឡើងនៃសេដ្ឋកិច្ចពិភពលោក និងការវិលទៅរកភាប្រក្រតី​ឡើងវិញ​នៃ​សកម្មភាពសេដ្ឋកិច្ចក្នុងស្រុក។ធនាគារជាតិនៃកម្ពុជា លើកឡើងថា ​កំណើនសេដ្ឋកិច្ចនេះ បន្តគាំទ្រដោយវិស័យចម្បងៗ រួមមាន វិស័យកាត់ដេរ​ ដែលមានចំណែកធំជាងគេក្នុងវិស័យឧស្សាហកម្មកម្ពុជា​ វិស័យទេសចរណ៍ វិស័យកសិកម្ម និងវិស័យសំណង់៕ អត្ថបទ៖ វណ្ណៈ 

កម្ពុជានាំចូលប្រេង និងផលិតផលប្រេង មានតម្លៃសរុប ជិត២ប៊ីលានដុល្លារ ក្នុងឆមាសទី១

2022/08/03 11:47:05 am        534
Facebook Telegram Linkin
ភ្នំពេញ៖ តម្លៃនៃការនាំចូលប្រេង និងផលិតផលប្រេងរបស់កម្ពុជា បានកើនឡើងខ្លាំង ក្នុង​ឆមាសទី១ឆ្នាំនេះ បន្ទាប់ពីតម្លៃប្រេងបានកើនឡើងខ្ពស់ ដោយសារជម្លោះរុស្ស៊ី-អ៊ុយក្រែន​បានផ្ទុះឡើងកាលពីខែកុម្ភៈ។របាយការណ៍ពីធនាគារជាតិនៃកម្ពុជាចេញផ្សាយកាលពីពេលថ្មីៗនេះ បានបង្ហាញថា ប្រទេស​កម្ពុជា​បាននាំចូលផលិតផលប្រេងមានតម្លៃ ១.៩១ប៊ីលានលានដុល្លារអាមេរិក នៅក្នុង​ឆមាស​ទីមួយ​នៃឆ្នាំ២០២២ កើនឡើង២៥ ភាគរយពី ១.៥២ប៊ីលានដុល្លារក្នុងរយៈពេលដូចគ្នាកាលពីឆ្នាំមុន។កម្ពុជា មិនមែនជាប្រទេសផលិតប្រេងទេ ​ប៉ុន្តែពឹងផ្អែកទាំងស្រុងលើការនាំចូលប្រេង ​ពីក្រៅប្រទេស ប៉ុណ្ណោះ ដោយសារស្តុកបម្រុងប្រេង ​និងឧស្ម័ននៅបាតសមុទ្រ នៅមិនទាន់ត្រូវបានទាញយក​នៅ​ឡើយ។អ្នកនាំពាក្យក្រសួងសេដ្ឋកិច្ច និងហិរញ្ញវត្ថុ ឯកឧត្តម មាស សុខសេន បាននិយាយក្នុងសន្និសីទសារ​ព័ត៌មាន​នៅអង្គភាពអ្នកនាំពាក្យរាជរដ្ឋាភិបាល ​កាលពីថ្ងៃអង្គារថា តម្លៃ​ប្រេងឥន្ធនៈអន្តរជាតិ​បាន​កើនឡើងចាប់តាំងពីជម្លោះរុស្ស៊ី-អ៊ុយក្រែន បានផ្ទុះឡើងកាលពីខែកុម្ភៈ។ឯកឧត្តម ​បាន​ថ្លែងថា កម្ពជា​មិន​មែន​ជា​អ្នក​ផលិត​ប្រេង​ទេ ប៉ុន្តែ​ជា​អ្នក​នាំ​ចូល ដូច្នេះ​តម្លៃ​ប្រេង​ប្រែប្រួល​ទៅ​តាម​ទីផ្សារ​អន្តរជាតិ។តារាង​តម្លៃ​ប្រេង​របស់​ក្រសួង​ពាណិជ្ជកម្ម​បាន​បង្ហាញ​ថា ​សាំង​ធម្មតា​តម្លៃ ៤ ៧៥០ រៀល ក្នុង​មួយ​លីត្រ​កាលពី​ថ្ងៃ​អង្គារ ខណៈ​ប្រេងម៉ាស៊ូត​តម្លៃ ៥ ១៥០ រៀល ។យោង​តាមកំណត់ត្រា តម្លៃ​ប្រេងសាំង​ធម្មតា និង​ម៉ាស៊ូត​បាន​កើនឡើង ៥,៥ ភាគរយ និង ២១ ភាគរយ​រៀងគ្នា បើ​ធៀប​នឹង​តម្លៃ​នៅ​ដើមខែ​កុម្ភៈ​។រដ្ឋមន្ត្រីក្រសួងរ៉ែ និងថាមពល ​ឯកឧត្តម ស៊ុយ សែម ​បានលើកឡើងកាលពីសប្តាហ៍មុនថា តម្រូវការ​ផលិតផលប្រេងនៅកម្ពុជាត្រូវបានព្យាករណ៍ថានឹងកើនឡើងដល់ ​៤,៨ ​លានតោនក្នុងឆ្នាំ ​២០៣០ កើនឡើងពី ២,៨ ​លានតោនក្នុងឆ្នាំ ២០២០។ឯកឧត្តម បានជំរុញ​ការ​វិនិយោគ​បន្ថែម​ទៀត​ក្នុង​វិស័យ​នេះ​ ​ដើម្បី​ឆ្លើយ​តប​នឹង​តម្រូវការ​ដែល​កំពុង​កើនឡើង​នេះ​​៕ អត្ថបទ៖​ វណ្ណៈ

កំណើនសេដ្ឋកិច្ចកម្ពុជា នឹងបន្តសម្រេចបានក្នុងរង្វង់ ៥.៣ ភាគរយ ក្នុងឆ្នាំ២០២២នេះ

2022/08/02 03:35:33 pm        1043
Facebook Telegram Linkin
ភ្នំពេញ៖ ធនាគារជាតិនៃកម្ពុជា បានព្យាករកំណើនសេដ្ឋកិច្ចកម្ពុជា បន្តកើនឡើង ក្នុងរង្វង់៥.៣ភាគរយក្នុងឆ្នាំ២០២២នេះ ​ដោយសារការងើបឡើងនៃសេដ្ឋកិច្ចពិភពលោក និងការវិលទៅរកភាពប្រក្រតីឡើងវិញ នៃសកម្មភាពសេដ្ឋកិច្ចក្នុងស្រុក។នៅក្នុងរបាយការណ៍ឆមាសទី១ និងទិសដៅការងារឆមាសទី២ចេញផ្សាយកាលពីពេលថ្មីៗនេះ ធនាគារជាតិនៃកម្ពុជា លើកឡើងថា កំណើនសេដ្ឋកិច្ចនេះ បន្តគាំទ្រដោយវិស័យចម្បងៗ រួមមាន វិស័យកាត់ដេរ ដែលមានចំណែកធំជាងគេក្នុងវិស័យឧស្សាហកម្មកម្ពុជា វិស័យទេសចរណ៍ វិស័យកសិកម្ម និងវិស័យសំណង់។នៅឆមាសទី១ឆ្នាំ២០២២នេះ សេដ្ឋកិច្ចពិភពលោកបានបន្តងើបឡើង ដោយសារភាព​ធូរស្រាល​នៃវិបត្តិកូវីដ១៩​ ដែលអំណោយផលដល់ដំណើរការផលិតកម្ម ​ពាណិជ្ជកម្ម ​ទេសចរណ៍ និង​ការ​វិនិយោគ។ ប៉ុន្តែកំណើនសេដ្ឋកិច្ចមានល្បឿនយឺតជាងការរំពឹងទុក និងខុសគ្នាទៅតាម​តំបន់​ដោយសារឥទ្ធិពលនៃសង្គ្រាមរុស្ស៊ី-អ៊ុយក្រែន ​និងការចាប់ផ្តើមដកចេញនូវនយោបាយរូបិយវត្ថុ និង​សារពើពន្ធវិត្ថារកម្ម ជាពិសេសក្នុងប្រទេសអភិវឌ្ឍន៍។ឯកឧត្តម ជា ចាន់តូ ទេសាភិបាលនៃធនាគារជាតិនៃកម្ពុជា ​មានប្រសាសន៍ថា នៅកម្ពុជា ការចាត់​វិធាន​ការបង្ការជំងឺកូវីដ១៩ ​ប្រកបដោយប្រសិទ្ធភាព ​ជាពិសេសការចាក់វ៉ាក់សាំងបង្កើនភាពស៊ាំ​របស់​ប្រជាជនបានរហូតដល់ជាង​ ៩៤ភាគរយនៃចំនួនប្រជាជនសរុប បានធ្វើឱ្យស្ថានភាព​ជំងឺ​កូវីដ១៩ ​មានភាពធូរស្រាល ​ហើយរាជរដ្ឋាភិបាលបានសម្រេចបើកប្រទេសឡើងវិញ​ដោយដកចេញ​នូវវិធានការសុខាភិបាលនានាចំពោះភ្ញៀវទេសចរបរទេសចូលមកកម្ពុជា។ឯកឧត្តម ជា ចាន់តូ ថ្លែងថា៖ កត្តាអំណោយក្នុងស្រុក គួបផ្សំនឹងការងើបឡើងនៃសេដ្ឋកិច្ចពិភព​លោក បានជំរុញការនាំចេញ​ផលិតផល​កម្មន្តសាល ​និងគាំទ្រ​ដល់សកម្មភាពក្នុងវិស័យ​សំណង់ និងអចលនទ្រព្យ។សូមបញ្ជាក់ថា​ កំណើនសេដ្ឋកិច្ចកម្ពុជាក្នុងឆ្នាំ២០២១ ត្រូវប៉ាន់ស្មានថា​ សម្រេចបាន ក្នុងរង្វង់ ៣ភាគរយ​ ដែលសាររាជរដ្ឋាភិបាល ​សម្រេច​បានប្រទេស ​ និង​សកម្មភាពសង្គម​ សេដ្ឋកិច្ច ឡើងវិញ កាលពីខែវិច្ឆិកាឆ្នាំ២០២១ ៕ អត្ថបទ៖ វណ្ណៈ

កម្ពុជានាំចេញកសិកផលទៅទីផ្សារប្រទេសចិន ប្រមាណ២.៤លានតោន មានតម្លៃជិត ២ប៊ីលានដុល្លារ

2022/08/02 02:18:31 pm        687
Facebook Telegram Linkin
ភ្នំពេញ៖ ចាប់ពីឆ្នាំ២០១៩មក កម្ពុជាបាននាំចេញកសិផលទៅទីផ្សារចិនប្រមាណ ២,៤លានតោន ដែលមានតម្លៃជិត ២ពាន់លានដុល្លារ ហើយអង្ករ ត្រូវបាននាំចេញច្រើនជាងគេ។យោងតាមទិន្ន័យចេញផ្សាយដោយស្ថានទូតចិនប្រចាំកម្ពុជា ចាប់ពីឆ្នាំ២០១៩ ដល់ខែមិថុនា ឆ្នាំ២០២២ កម្ពុជា បាននាំចេញកសិផលសរុប ២,៤ លានតោនទៅប្រទេសចិន ដែលមានទឹក​ប្រាក់​ស្មើនឹង ១ ៩៤២លានដុល្លារ។ កសិផលទាំងនោះរួមមាន ចេកស្រស់ អង្ករ ដំឡូងមីស្ងួត ម្សៅដំឡូងមី កាកដំឡូងមី ស្វាយស្ងួត ស្វាយស្រស់ គ្រាប់ស្វាយចន្ទី ម្សៅកាកាវជាដើម។បច្ចុប្បន្ន កម្ពុជា​ សម្រេចបានការនាំចេញផលិតផលកសិកម្មចំនួន ៣៥ មុខ ទៅកាន់ទីផ្សារចិន ខណៈត្រីប្រា មៀនប៉ៃលិន ទុរេន ម្រេច ដូងក្រអូប និងទឹកមាត់ត្រចៀកកាំ ជាគោលដៅ​នាំចេញបន្ទាប់។ជាមួយគ្នានេះ កម្ពុជា និងចិន បានផ្ដួចផ្ដើមបង្កើតឱ្យមាន «ខ្សែក្រវាត់ និងផ្លូវ» ដែលអាចផ្ដល់​ប្រយោជន៍​បន្ថែមដល់វិស័យកសិកម្មកម្ពុជា ​ជាពិសេសជួយដល់ដំណាំស្រូវ ​ដំឡូងមី ផ្លែឈើ​តំបន់​ត្រូពិច និងជ័រកៅស៊ូជាដើម។ឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ​ បានលើកឡើងថា គំនិត​ផ្ដួចផ្ដើម «ខ្សែក្រវាត់ ​និងផ្លូវ»របស់ប្រទេសចិន​ បានជួយបង្កើនតម្លៃបន្ថែមដល់​កសិផល តាម​រយៈការបង្កើតតំបន់ឧទ្យានកែច្នៃផលិតផលកសិកម្ម ការលើកកម្ពស់បច្ចេកវិទ្យាកសិផល កសាង​ហេដ្ឋារចនាសម្ព័ន្ធ ​និងដោះស្រាយបញ្ហាប្រភពហិរញ្ញវត្ថុ ​តាមរយៈកិច្ចសហប្រតិបត្តិការទ្វេភាគី​រវាង​កម្ពុជា និងចិន។បើតាមតួលេខរបស់អគ្គនាយកដ្ឋានគយ ​និងរដ្ឋាករកម្ពុជា ​នៅឆមាសទី១ ​ឆ្នាំ២០២២នេះ ទំហំ​ពាណិជ្ជកម្មរវាងកម្ពុជា ​និងចិនឈានដល់ ៥ ៩៨៥ លានដុល្លារ ​កើនឡើង ១៩ភាគរយ ធៀប​នឹងរយៈពេលដូច គ្នាឆ្នាំ២០២១៕ អត្ថបទ៖ វណ្ណៈ 

បណ្ដាញសង្គម

ព័ត៌មានថ្មីៗ

ការវាយប្រហារយានដ្រូនរុស្ស៊ីសម្លាប់មនុស្ស ៣នាក់ នៅទីក្រុង Dnipro របស់អ៊ុយក្រែន
04/23/2026 09:04 PM
Facebook Telegram Linkin
មេបញ្ជាការកងទ័ពប៉ាគីស្ថានលោក Munir ជួបពិភាក្សាការងារជាមួយប្រធានាធិបតីអ៊ីរ៉ង់លោក Pezeshkian
04/23/2026 09:04 PM
Facebook Telegram Linkin
មនុស្ស ១១នាក់ស្លាប់ ក្នុងគ្រោះថ្នាក់រថយន្តបុកគ្នានៅភាគខាងជើងប្រទេសឥណ្ឌា
04/23/2026 09:04 PM
Facebook Telegram Linkin
កង្វះខាតប្រេងបណ្តាលឲ្យអ្នកបើកបររង់ចាំអស់រយៈពេលរាប់ម៉ោង ដើម្បីចាក់ប្រេងនៅបូលីវី
04/23/2026 09:04 PM
Facebook Telegram Linkin
ពលរដ្ឋអ៊ីរ៉ង់រស់នៅទីក្រុងតេអេរ៉ង់មិនទុកចិត្តការបន្តបទឈប់បាញ់របស់អាមេរិក
04/23/2026 09:04 PM
Facebook Telegram Linkin
ព្រះសង្ឃចាប់ផ្តើមនិមន្ត ដើម្បីសន្តិភាពរយៈពេល ១សប្តាហ៍នៅប្រទេសស្រីលង្កា
04/23/2026 08:04 PM
Facebook Telegram Linkin
ប៉ាគីស្ថានរឹតបន្តឹងសន្តិសុខនៅទីក្រុងអ៊ីស្លាម៉ាបាដ ខណៈភាពពុំច្បាស់ចំពោះកិច្ចប្រជុំសន្តិភាពអាមេរិក-អ៊ីរ៉ង់
04/23/2026 08:04 PM
Facebook Telegram Linkin
ការវាយប្រហាររបស់អ៊ីស្រាអែលសម្លាប់មនុស្ស ៥នាក់ នៅតំបន់ហ្កាហ្សា
04/23/2026 08:04 PM
Facebook Telegram Linkin
សង្រ្គាមអ៊ីរ៉ង់ជំរុញឲ្យមានតម្រូវការកើនឡើងសម្រាប់ថាមពលពន្លឺព្រះអាទិត្យនៅអឺរ៉ុប
04/23/2026 08:04 PM
Facebook Telegram Linkin
កងទ័ពជើងទឹកអាល្លឺម៉ង់ត្រៀមខ្លួនសម្រាប់លទ្ធភាពនៃបេសកកម្មបោសសម្អាតមីននៅច្រកសមុទ្រ Hormuz
04/23/2026 08:04 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.