BTV NEWS

រោងចក្រ វិរៈ ប៊ុនថាំ ជីកសិកម្ម មានសមត្ថភាពផលិតបានប្រមាណ ២០០តោន ក្នុងមួយថ្ងៃសម្ពោធដាក់ឱ្យដំណើរការជាផ្លូវការ

រយៈពេល៣ខែដំបូង ការដោះដូរពាណិជ្ជកម្មកម្ពុជា-វៀតណាម សម្រេចបាន ៣,៤៤ ពាន់លានដុល្លារកើនឡើង ៤,៣%

ក្នុងត្រីមាសទី១ កម្ពុជានាំចេញសំបកកង់ឡាន និងគ្រឿងបន្លាស់ផ្សេងៗមានទឹកប្រាក់ជាង ៥៨០ លានដុល្លារ

ថ្លៃលក់រាយប្រេងឥន្ធនៈតាមស្ថានីយចាប់ថ្ងៃទី២៤ មេសានេះ សាំងឡើងបន្ដិច ខណៈម៉ាស៊ូតបន្តធ្លាក់ចុះ

សេដ្ឋកិច្ច និង កសិកម្ម

សិប្បកម្មខ្មែរនៅខេត្តកំពង់ធំ បានការនាំចេញគ្រាប់ស្វាយចន្ទីដោយផ្ទាល់រទៅប្រទេសជប៉ុន

កំពង់ធំ ៖ សិប្បកម្មកែច្នៃស្វាយចន្ទីស្ថិតក្នុងខេត្តកំពង់ធំ បាននាំចេញលើកដំបូងគ្រាប់ស្វាយចន្ទី ទៅកាន់ប្រទេសជប៉ុន ដោយផ្ទាល់ ឆ្លុះបញ្ចាំងពីទីផ្សារក្រៅប្រទេសកាន់តែធំ សម្រាប់កសិផលខ្មែរ។ ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានឲ្យដឹងថា សិប្បកម្មមួយកន្លែងស្ថិតនៅខេត្តកំពង់ធំ នៃប្រទេសកម្ពុជាពេលនេះ ទទួលបានជោគជ័យក្នុងការនាំចេញគ្រាប់ស្វាយចន្ទីទៅកាន់ទីផ្សារប្រទេសជប៉ុន ដោយប្រើប្រាស់រយៈពេលដឹកជញ្ជូនប្រមាណ ១ខែ។នៅក្នុងបណ្តាញសង្គមហ្វេសប៊ុក កាលពីថ្ងៃទី៦ មិថុនា ឆ្នាំ២០២១កន្លងទៅ ឯកឧត្តមរដ្ឋមន្ត្រី វេង សាខុន បានមានប្រសាសន៍ថា ដោយមានការជ្រោមជ្រែងពីក្រុមហ៊ុន Top Planning Japan Co., Ltd សហការជាមួយនាយកដ្ឋានកសិ-ឧស្សាហកម្ម នៃក្រសួងកសិកម្ម រុក្ខាប្រមាញ់ និងនេសាទ បានធ្វើឲ្យម្ចាស់សិប្បកម្មកែច្នៃគ្រាប់ស្វាយចន្ទីក្នុងស្រុកមួយ ដែលមានឈ្មោះថា សិប្បកម្មកែច្នៃស្វាយចន្ទីរបស់សិប្បកម្មកែច្នៃស្វាយចន្ទីជ័យសំបូរ ស្ថិតនៅខេត្តកំពង់ធំ បានបង្កើតចេញជារោងចក្រកែច្នៃគ្រាប់ស្វាយចន្ទី ដោយបានប្រើប្រាស់អស់ថវិកាចំនួន ២០ម៉ឺនដុល្លារអាមេរិក ក្នុងគោលបំណងដើម្បីលើកកម្ពស់គ្រាប់ស្វាយចន្ទីកម្ពុជា ។ឯកឧត្តម លើកឡើងថា សិប្បកម្មកែច្នៃនេះ កន្លងមកបានធ្វើការកែច្នៃដោយដៃប៉ុណ្ណោះ ប៉ុន្តែនៅពេលដែលមានតម្រូវការច្រើន ក្រុមហ៊ុនជប៉ុន ក៏បានផ្តល់ជំនួយបច្ចេកទេស និងប្រាក់កក់មួយចំនួនបានធ្វើសិប្បកម្មមួយនេះអាចមានលទ្ធភាព បង្កើតរោងចក្រកែច្នៃនេះឡើងបានដោយជោគជ័យ។ឯកឧត្តម រដ្ឋមន្ត្រី បានបញ្ជាក់ថា តាមរយៈនៃកិច្ចសហប្រតិបត្តិការខាងលើមកដល់ថ្ងៃទី២ ខែមិថុនាកន្លងទៅនេះ សិប្បកម្មកែច្នៃស្វាយចន្ទីជ័យសំបូរ បាននាំចេញគ្រាប់ស្វាយចន្ទីលើកដំបូងដែលបានកែច្នៃរួច ចំនួនសរុបជាង ៧ ៦០០ គីឡូក្រាម ទៅដល់កំពង់ផែអូសាកា នៃប្រទេសជប៉ុនរួចហើយ ដោយត្រូវប្រើប្រាស់រយៈពេល ១ខែ ដោយគិតចាប់ពីការរៀបចំដាក់បញ្ចូលទូកុងតឺនើ នៅទីតាំងសិប្បកម្ម។សូមបញ្ជាក់ថា គ្រាប់ស្វាយចន្ទីភាគច្រើនត្រូវបាននាំចេញទៅកាន់ទីផ្សារប្រទេសវៀតណាម និងមួយចំនួនសម្រាប់ទីផ្សារក្នុងស្រុក។ ទិន្នន័យពីក្រសួងកសិកម្ម រុក្ខាប្រមាញ់ និងនេសាទ បង្ហាញថា ក្នុងរយៈពេល៥ខែឆ្នាំ២០២១ កម្ពុជាបាននាំចេញគ្រាប់ស្វាយចន្ទី មានចំនួន ៨០១ ៧៣២,២៦ តោន កើនឡើងចំនួន ៣២១ភាគរយ ក្នុងនៅ នាំចេញទៅប្រទេសចិនចំនួន ៣ ៥៦៦ តោន ប្រទេសឥណ្ឌាចំនួន ១៧ តោន ប្រទេសជប៉ុនចំនួន ៣៣ តោន ប្រទេសឡាវចំនួន ២ តោន ប្រទេសអារ៉ាប់ចំនួន ០,៥២ តោន ប្រទេសថៃចំនួន ៣ ១០៨ តោន និងប្រទេសវៀតណាមចំនួន៧៩៥ ០០៤ តោន៕អត្ថបទ ឈិត បូរ៉ាវី

តំបន់ជាប់មាត់ព្រែក នឹងក្លាយជាបណ្តុំសម្រាកលំហែពេញនិយមក្នុងខេត្តកំពត

កំពត ៖ មន្ត្រីទេសចរណ៍ និងអ្នកជំនាញ លើកឡើងស្របគ្នាថា ទោះស្ថិតនៅក្នុងកូវីដ-១៩ ភ្ញៀវទេសចរ និងអ្នកវិនិយោគនៅតែបន្តមកខេត្តកំពត ហើយសកម្មភាពរៀបចំកែលម្ហែ ការសាងសង់រីសត សណ្ឋាគារ បឹងហ្គាឡូ វីឡាថ្មីៗជាច្រើននៅតែបន្តធ្វើ ជាពិសេសតំបន់ក្បែរៗ និងជាប់មាត់ព្រែកកំពត។ តាមការព្យាករណ៍តំបន់នេះ នឹងក្លាយទៅជាបណ្តុំសម្រាកលំហែដ៏ពេញនិយម និងប្រកួតប្រជែករបស់ខេត្តកំពត។អ្នកគ្រប់គ្រងទូទៅនៅ ខាសល បេវីយូ រីស៊តនិងស្ប៉ា ក្នុងភូមិអូរតូច សង្កាត់អណ្តូងខ្មែរ ក្រុងកំពត លោក សាំង ស៊ីវុទ្ធី បានប្រាប់ឲ្យដឹងថា ព្រែកកំពត ជាទីកន្លែងមួយដ៏ស្រស់ស្អាត មានបរិយាកាសល្អ ខ្យល់បរិសុទ្ធបក់មកពីជំនោរសមុទ្រ តំបន់ភ្នំបូកគោ និងភ្នំកំចាយដែលនៅក្បែរនោះ។លោកបន្តទៀតថា ដោយសារការរៀបចំកែលម្អ និងច្នៃប្រឌិតកន្លែងឲ្យប្លែកបែបធម្មជាតិ មានលក្ខណៈស្តង់ដារជាងគេនៅក្នុងខេត្តកំពត ពិសេសទេសភាពមាត់ព្រែកនេះហើយ ទើបធ្វើឲ្យភ្ញៀវ និងអ្នកវិនិយោគជាច្រើន មិនអាចមើលរំលងតំបន់នេះ។ ដូច្នេះព្រែកនេះគឺចំណែកមួយដ៏សំខាន់បំផុតក្នុងការទាក់ទាញភ្ញៀវទេសចរណ៍ និងអ្នកវិនិយោគមកកាន់ខេត្តកំពត ។លោកជឿជាក់ថា នៅអនាគតឆាប់ៗ តំបន់អមសងខាងព្រែកនឹងមានរមណីយដ្ឋាន រីស៊ត បឹងហ្គាឡូ ភោជនីយដ្ឋាន កន្លែងកម្សាន្តផ្សេងៗកាន់តែស្អាត កាន់តែធំ កាន់តែសំបូរបែប និងមានការប្រកួតប្រជែងខ្លាំងបំផុត។លោក សយ ស៊ីណុល ប្រធានមន្ទីរទេសចរណ៍ខេត្តកំពត បានបញ្ជាក់ថា ទោះស្ថិតនៅក្នុងស្ថានភាពកូវីដ-១៩ ខេត្តកំពត នៅតែមានភ្ញៀវមកទស្សនា ហើយអ្នកវិនិយោគលើវិស័យទេសចរណ៍ជាច្រើន បាននឹងកំពុងរៀបចំ កន្លែងផ្តល់សេវាទេសចរណ៍នានា។ តាមការប៉ានស្មាន បន្ទប់ស្នាក់នៅនឹងកើន ពីជាងបួនពាន់បន្ទប់នាពេលបច្ចុប្បន្ន ទៅជាងប្រាំពីរពាន់បន្ទប់នៅចុងឆ្នាំ២០២១ ឬដើមឆ្នាំ២០២២ខាងមុខ៕ អត្ថបទ៖ អន សារឹម

កសិករឃុំតាទៃលើ សប្បាយចិត្ដនឹងការទទួលបានប្រាក់ចំណូលរាប់ម៉ឺនដុល្លារ ពីការលក់ទុរេ ទោះបីជួបវិបត្ដិកូវីដ

កោះកុង ៖ ប្រជាកសិកររស់នៅឃុំតាទៃលើ ស្រុកថ្មបាំង ខេត្តកោះកុង កំពុងរីករាយនឹងការប្រមូលផលផ្លែទុរេ ដោយបានប្រាក់ចំណូលរាប់ម៉ឺនដុល្លារ ទោះបីជាបច្ចុប្បន្នកម្ពុជា បានជួបវិបត្តិកូវីដ ក្នុងសហគមន៍យ៉ាងណាក្តី។សម្រាប់ឆ្នាំ២០២១នេះ ទិន្នផលផ្លែទុរេ ហុចផលទ្វេដង ប្រជាកសិករនៅក្នុងឃុំតាទៃលើ បន្ទាប់ពីពួកគាត់ខិតខំថែទាំយ៉ាងយកចិត្តទុកដាក់អស់ពេលជាច្រើនឆ្នាំមកនេះ ទម្រាំទទួលបានផ្លែផ្កា។តាមការបញ្ជាក់របស់ក្រុមប្រជាកសិករ ឃុំតាទៃលើ កាលពីថ្ងៃទី៣ ខែមិថុនាថា ពួកគាត់ទទួលចំណូលចាប់ពី១ម៉ឺនដុល្លារដល់១២ម៉ឺនដុល្លារពីការលក់ទុរេ ទៅឱ្យឈ្នួញកណ្តាលនៅរាជធានីភ្នំពេញ ព្រមទាំងបណ្តាខេត្តដ៏ទៃទៀត ជាពិសេសគឺខេត្តកំពត តែម្តង។កសិករ៣នាក់ ក្នុងចំណោមកសិករជាច្រើនអ្នកផ្សេងទៀត បានបញ្ជាក់ដែរថា ទិន្នផលទុរេ ហុចផលឱ្យទៅតាមសណ្ឋានផ្ទៃដីដាំដុះទុរេខុសៗគ្នា ខ្លះ៤ហិចតា ខ្លះ៦ហិចតា និងខ្លះទៀត៨ហិចតា។ ដំបូងឡើយ ពួកគាត់ព្រួយបារម្ភខ្លាំងការរីករាលដាលជំងឺកូវីដ-១៩ ធ្វើឱ្យប៉ះពាល់ដំណើរការលក់ផ្លែទុរេ។ជាភាពត្រេកអរ លោក អន សុធារិទ្ធិ អភិបាលស្រុកថ្មបាំង មានមោទនភាពខ្លាំងចំពោះប្រជាពលរដ្ឋរបស់លោកដែលដាំដុះទុរេ បានល្អប្រសើររហូតដល់ទទួលបានចំណូលខ្ពស់គួរឱ្យកោតសរសើរ។ សព្វថ្ងៃនេះ ផ្ទៃដីដែលអំណោយផលខ្លាំងជាងគេដល់ការដាំដុះទុរេ មានឃុំតាទៃលើ និងឃុំឫស្សីជ្រុំ។បើតាមលោក ស៊ន ពិសិដ្ឋ ប្រធានការិយាល័យកសិកម្ម ការធនធានធម្មជាតិ និងបរិស្ថានស្រុកថ្មបាំង បង្ហាញថា នៅឆ្នាំ២០២០ កន្លងទៅ ផ្ទៃដីដាំដុះទុរេ នៅក្នុងស្រុកមានចំនួន១៦២ហិចតា ព្រមទាំងបាននាំចេញទៅលក់នៅរាជធានីភ្នំពេញ បណ្តាខេត្តផ្សេងៗ ក៏ដូចជាប្រទេសថៃ ចំនួន១៨២តោន កើនឡើង៤០ភាគរយ បើធៀបនឹងឆ្នាំ២០១៩។ ឃុំចំនួន៤ក្នុងស្រុកថ្មបាំង ដែលមានប្រជាពលរដ្ឋងាកមកចាប់អារម្មណ៍ដាំដុះដំណាំផ្លែទុរេប្រភេទ ម៉ាន់ថង ផួងមណី សូនី និងកាន់យ៉ាវ គឺមាននៅឃុំតាទៃលើ ឃុំឫស្សីជ្រុំ ឃុំថ្មដូនពៅ និងឃុំជីផាត៕អត្ថបទ ៖ ឈឹម មករា

ប្រាំខែដើមឆ្នាំ២០២១ ចំណូលពន្ធដារខេត្តកំពត កើនឡើងជាង១០ភាគរយ

កំពត ៖ របាយការណ៍របស់សាខាពន្ធដារខេត្ត បានឲ្យដឹងថា ប្រាំខែដើមឆ្នាំ២០២១ ចំណូលពន្ធដារខេត្តកំពត បានជាង៣លានដុល្លារ កើនឡើងជាង១០ភាគរយ បើប្រៀបធៀប រយៈពេលដូចគ្នានៅឆ្នាំ២០២០ ឬ ស្មើនឹង៧១, ៦% នៃផែនការឆ្នាំ។ នៅក្នុងកិច្ចប្រជុំពិនិត្យវឌ្ឍនភាពការងារប្រចាំខែឧសភា ឆ្នាំ២០២១របស់រដ្ឋបាលខេត្តកំពត តាមរយៈ (Video Conference) នៅថ្ងៃទី០២ ខែឧសភា ម្សិលមិញនេះ ប្រធានសាខាពន្ធដារខេត្តកំពត លោក ហៀន សុខល់ បានលើកឡើងថា ខែឧសភា សាខាពន្ធដារខេត្តប្រមូលចំណូលបានជាង២១០០ លានរៀល ស្មើនឹង៥២ម៉ឺនដុល្លារ បូកបន្តប្រាំ៥ខែ បានជាង១៤.៧៩២លានរៀល ស្មើនឹង ៣,៦ លានដុល្លារ ស្មើនឹង៧១,៦% នៃផែនការឆ្នាំ២០២១។ បើប្រៀបធៀបរយៈពេលដូចគ្នា នៅឆ្នាំ២០២០ ចំណូលបានកើនឡើងចំនួនជា១.៣៦៩លានរៀល ស្មើនឹង១០,២% ។លោកប្រធានពន្ធដារ បានបញ្ជាក់ថា ការកើនឡើងនេះ ដោយសារទី១.ការប្រមូលពន្ធលើប្រាក់ចំណូល ឬពន្ធលើប្រាក់ចំណេញរបស់ក្រុមហ៊ុននីមួយៗ មានចំនួន ៤០២លានរៀល ស្មើនឹង១៣,៩% ទី២.ពន្ធលើប្រាក់បៀវត្សកើនឡើងជាង ២១៣លានរៀល ស្មើ៤៩% និងទី៣.ពន្ធប្រថាប់ត្រាមានការកើនឡើងជាង២០០លានរៀលស្មើ២០%។លោក បានឲ្យដឹងដែរថា ចំណូលពន្ធដារថវិកាថ្នាក់ជាតិ ក្នុងខែឧសភា បានជាង៩០០លានរៀល បូកបន្តប្រាំខែ ជាង៧០០០លានរៀលស្មើ ៧៤.៩%នៃផែនការឆ្នាំ ដោយឡែកចំណូលថវិកាថ្នាក់ក្រោមជាតិ ក្នុងខែឧសភា ប្រមូលបាន១ ១៩៨ លានរៀល បូកបន្តប្រាំខែបានជាង ៧០០០លានរៀលស្មើនឹង ៦៨,៦% នៃផែនការឆ្នាំ ៕អត្ថបទ ៖ សារីម

សភាពាណិជ្ជកម្មកម្ពុជា និងអង្គការពាណិជ្ជកម្មជប៉ុន JETRO បន្តសហការជំរុញការវិនិយោគជប៉ុននៅកម្ពុជា

ភ្នំពេញ ៖ សភាពាណិជ្ជកម្មកម្ពុជា និងអង្គការពាណិជ្ជកម្មក្រៅប្រទេសជប៉ុន ហៅកាត់ថា JETRO បានឯកភាពគ្នាបន្តសហការគ្នាលើការជំរុញ និងទាក់ទាញវិនិយោគជប៉ុននៅកម្ពុជា។កិច្ចសហការនេះ ត្រូវបានធ្វើឡើងនៅក្នុងជំនួប ពិភាក្សាការងារ រវាងសភាពាណិជ្ជកម្មកម្ពុជា និង អង្គការពាណិជ្ជកម្មក្រៅប្រទេសជប៉ុន (JETRO) ប្រចាំនៅកម្ពុជា កាលពីពេលថ្មីៗ ក្រោមវត្តមាន ឯកឧត្តមឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា និង លោកស្រី ម៉ារីសា ហារុតា (Marisa Haruta ) ប្រធានតំណាងអង្គការពាណិជ្ជកម្មក្រៅប្រទេសជប៉ុន ប្រចាំនៅកម្ពុជា។ ឯកឧត្តមឧកញ៉ា ងួន ម៉េងតិច វាយតម្លៃខ្ពស់កិច្ចសហការយ៉ាងជិតស្និទ្ធរវាងសភាពាណិជ្ជកម្មកម្ពុជា និង អង្គការពាណិជ្ជកម្មក្រៅប្រទេសជប៉ុនប្រចាំនៅកម្ពុជា ដែលកន្លងមកស្ថាប័នទាំងពីរ បានរៀបចំព្រឹត្តិការណ៍ធុរកិច្ចរួមគ្នាជាច្រើន សំដៅទាក់ទាញវិនិយោគិនពីប្រទេសជប៉ុន ឲ្យមកវិនិយោគបន្ថែមទៀតលើកម្ពុជា។សភាពាណិជ្ជកម្មកម្ពុជា នឹងបន្តជួយគាំទ្រដល់ អង្គការពាណិជ្ជកម្មក្រៅប្រទេសជប៉ុនរៀបចំជំនួបពាណិជ្ជកម្ម ក៏ដូចជា ផ្សព្វផ្សាយព័ត៌មានអំពីសក្ដានុពលកម្ពុជា ទៅកាន់ធុរជន និងវិនិយោគិនជប៉ុន។ជាការឆ្លើយតប លោកស្រី ម៉ារីសា ហារុតា (Marisa Haruta ) បានថ្លែងអំណរគុណចំពោះឯកឧត្តមឧកញ៉ាអគ្គនាយកសភាពាណិជ្ជកម្មកម្ពុជា ដែលតែងតែជួយគាំទ្រ សហការជាមួយអង្គការពាណិជ្ជកម្មក្រៅប្រទេសជប៉ុន ជាពិសេស ការរៀបចំប្រកបដោយជោគជ័យនូវកម្មវិធីពិព័រណ៍និងជំនួបពាណិជ្ជកម្មផលិតផលគុណភាពខ្ពស់របស់ជប៉ុន ដែលបានប្រព្រឹត្តទៅ កាលពីខែកុម្ភៈ ឆ្នាំ២០២១។ ក្នុងន័យនេះ លោកស្រី បានស្នើសភាពាណិជ្ជកម្មកម្ពុជា បន្តជួយគាំទ្ររៀបចំកម្មវិធីប្រហាក់ប្រហែលគ្នានេះ នៅចុងឆ្នាំ២០២១ ដោយផ្តោតលើវិស័យកសិកម្ម។ ក្រៅពីនេះ លោកបានស្នើសភាពាណិជ្ជកម្មកម្ពុជា សហការជួយរៀបចំកម្រងឯកសារវីដេអូ ស្តីពីសក្ដានុពលកម្ពុជា ដោយមានការចូលរួមពីធុរជនសំខាន់ៗនៅកម្ពុជា ដើម្បីផ្សព្វផ្សាយទៅដល់សហគមន៍ធុរកិច្ចជប៉ុន។ពាណិជ្ជកម្មទ្វេភាគីរវាងកម្ពុជា និងជប៉ុន ក្នុងឆ្នាំ២០២០ មានតម្លៃសរុប ២,១ពាន់លានដុល្លារ ធ្លាក់ចុះ ៨,៣ភាគរយ ធៀបនឹងឆ្នាំ២០១៩ ដោយកម្ពុជា នាំចេញទំនិញមានតម្លៃ១,៦ពាន់លានដុល្លារទៅកាន់ប្រទេសជប៉ុន ធ្លាក់ចុះ ៦,៦ភាគរយ ខណៈការនាំចូលពីជប៉ុនមានតម្លៃ៤៨៤លានដុល្លារ ធ្លាក់ចុះ១៣,៨ភាគរយ។យោងតាមទិន្នន័យពីក្រសួងពាណិជ្ជកម្ម ចាប់ពីឆ្នាំ១៩៩៤ដល់២០១៨ ក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងវិនិយោគជប៉ុនចំនួន ១៣៧គម្រោង ជាមួយ នឹងទុនវិនិយោគសរុប ២,៤ពាន់លានដុល្លារ៕អត្ថបទ ៖ វណ្ណៈ

ដំណាំដំឡូងមី និងស្វាយចន្ទី ជួបបញ្ហាច្រើនក្នុងការដាំដុះ ខណៈមានតម្លៃទីផ្សារខ្ពស់ជាងមុន

ភ្នំពេញ ៖ ដំឡូងមី និងគ្រាប់ស្វាយចន្ទី ដែលជាដំណាំសក្ដានុពលនៅកម្ពុជា ត្រូវបានរំពឹងថា នឹងមានទីផ្សារងើបឡើងកាន់តែល្អបន្ថែមទៀត នៅចុងរដូវនៃការប្រមូលផលឆ្នាំនេះ ដោយមានអ្នកបញ្ជាទិញកំពុងចរចា និងមានតម្លៃខ្ពស់ជាងមុន ។លោក នី កាណ ប្រធានសម្ព័ន្ធសមាគមដំឡូងមីខេត្តបាត់ដំបង បានថ្លែងប្រាប់ភ្នាក់ងារអ្នកយកព័ត៌មាន BTV ស្តីអំពីការដាំដុះដំណាំដំឡូងមី និងតម្លៃទីផ្សារដំឡូងមីបច្ចុប្បន្ន នៅថ្ងៃទី៣ ខែមិថុនា ឆ្នាំ២០២១ នេះថា ទិន្នផលដំឡូងមី នៅក្នុងឆ្នាំនេះ ទទួលបានបរិមាណតិចជាងឆ្នាំមុន ។ ចំណែកគុណភាពក៏មិនសូវគាប់ប្រសើផងដែរ ខណៈនៅក្នុងរដូវនៃការដាំដុះនេះ កសិករជួបបញ្ហាទឹកភ្លៀងធ្លាក់ជាច្រើន ដែលជាហេតុធ្វើឲ្យដំឡូងដុះលូតលាស់មិនសូវល្អ។លោក បន្តថា ខណៈបរិមាណដំឡូងមី មានការធ្លាក់ចុះ ចំណែកទីផ្សារនៃការលក់ដំឡូងមីវិញ បានងើបឡើងល្អប្រសើរ ជាពិសេសនៅចុងរដូវនេះ ឈ្មួញទិញដំឡូងមីក្រៀម បានកំពុងចរចាឲ្យតម្លៃខ្ពស់។ ក្រៅពីទីផ្សារនាំចេញទៅកាន់ទីផ្សារប្រទេសជិតខាង លោកក៏សង្ឃឹមផងដែរថា ផលដំឡូងមីនៅឆ្នាំបន្តបន្ទាប់ នឹងអាចលក់ចេញបានតម្លៃកាន់តែប្រសើរ ខណៈបច្ចុប្បន្នក្រសួងពាណិជ្ជកម្មបានរៀបចំ និងជួយទំនាក់ទំនង ដើម្បីជំរុញការនាំចេញផលិតផលនេះទៅកាន់ប្រទេសចិនដោយផ្ទាល់ ។ពាក់ព័ន្ធការដាំដុះនេះដែរ, លោក វ៉ា រុតសាន កសិករអ្នកដាំដុះ និងរកឃើញពូជស្វាយចន្ទី M23, M7, M10 បច្ចុប្បន្នបានដាំដុះនៅលើផ្ទៃដីជាង១៣០ហិកតា។ លោក លើកឡើងថា ការប្រមូលផលគ្រាប់ស្វាយចន្ទីឆ្នាំនេះ កសិករជួបបញ្ហាខ្លះៗដោយសារកត្តាអាកាសធាតុ សត្វល្អិត និងសន្សើមប្រៃជាដើម ដែលអាចធ្វើឲ្យបរិមាណទិន្នផលឆ្នាំនេះធ្លាក់ចុះខ្លះ។ ប៉ុន្តែស្របពេលនេះដែរ សម្រាប់តម្លៃលក់ចេញគ្រាប់ស្វាយចន្ទីស្ងួតក្នុងទីផ្សារបច្ចុប្បន្នវិញ កសិករលក់បានក្នុងរង្វង់ ១ ៦៥០ ដុល្លារ ទៅ ១ ៧០០ ដុល្លារ ក្នុងតោន គឺខ្ពស់ជាងឆ្នាំ២០២០ ហើយលោកសង្ឃឹមថា នៅចន្លោះខែសីហា និងខែកញ្ញា ក្នុងឆ្នាំ២០២១នេះ តម្លៃលក់ចេញគ្រាប់ស្ងួត នឹងអាចហក់ឡើងដល់រង្វង់ ២ ០០០ដុល្លារ ក្នុងមួយតោនផងដែរ។យោងតាមរបាយការណ៍ក្រសួងកសិកម្ម រុក្ខាប្រមាញ់ និងនេសាទ បានបង្ហាញអំពីស្ថានភាពនៃការនាំចេញកសិផលក្នុងរយៈពេល ៥ ខែ ឆ្នាំ២០២១ ក្នុងនោះការនាំចេញកសិផលក្រៅពីស្រូវ-អង្ករ រួមមាន ៖ ដំឡូងមី គ្រាប់ស្វាយចន្ទី ពោត សណ្តែកបាយ សណ្តែកសៀង ចេក ស្វាយស្រស់ ក្រូចថ្លុង ដូងប្រេង ថ្នាំជក់ ម្រេច បន្លែគ្រប់មុខ និងម្ទេសជាដើម មានចំនួនជាង ៣ លានតោន កើនឡើង ៦៧% បើធៀបនឹងរយៈពេលដូចគ្នាក្នុងឆ្នាំ ២០២០ និងមានតម្លៃនៃការនាំចេញកសិផលក្រៅពីស្រូវ-អង្ករ តាមការប៉ាន់ស្មាន ក្នុងរង្វង់ជិត ១៨ លានដុល្លារអាមេរិក ៕អត្ថបទ៖ សុន រ៉ាឌី

គ្រូបង្រៀននៅកំពត ប្រែក្លាយវិបត្តិកូវីដ-១៩ ជាឱកាសបង្កើតកសិដ្ឋានធម្មជាតិបង្កើនជីវភាព

កំពត ៖ ផ្តើមចេញពីភាពឧស្សាហ៍ព្យាយាម និងជំរុញគាំទ្រដល់កសិផលក្នុងស្រុក អំឡុងពេលកម្ពុជាមានជំងឺកូវីដ-១៩ គ្រួសារគ្រូបង្រៀនម្នាក់ នៅខេត្តកំពត បានឆ្លៀតពេលសាកល្បងរៀនដាំដំណាំ និងចិញ្ចឹមសត្វលក្ខណៈគ្រួសារដើម្បីរកចំណូលបន្ថែម។ ដោយការព្យាយាម ក្រោយមកពីរឆ្នាំលោកស្រី បានបង្កើនការដាំដុះ និងការចិញ្ចឹមសត្វកាន់តែច្រើន ហើយក្លាយជាកសិដ្ឋានធម្មជាតិចម្រុះមួយ នៅលើផ្ទៃដីប្រមាណជាងបួនហិកតា។លោកស្រី បាន់ គឹមហ៊ាង ជាគ្រូបង្រៀនរស់នៅភូមិកោះចំការ ឃុំបឹងសាលាខាងត្បូង ស្រុកកំពង់ត្រាច ខេត្តកំពត បានរៀបរាប់ថា ចាប់តាំងពីមានការផ្ទុះចេញនូវជំងឺកូវីដ-១៩នៅកម្ពុជា ការងារបង្រៀនសិស្សមានពេលទំនេរច្រើន ។ លោកស្រី និងគ្រួសារក៏បានពិគ្រោះគ្នា ដើម្បីបង្កើតមុខរបររកចំណូលបន្ថែមនៅអំឡុងពេលប្រឈមមុខនិងវិបត្តិដ៏ពិបាកនេះ។ ក្រោយពិភាក្សារួចក៏នាំគ្នាច្នៃដីស្រែរបស់ខ្លួន ដោយកាយជាប្រឡាយ និងស្រះមួយចំនួន ដើម្បីលើករង សាកល្បងដាំដំណាំដូង ហើយកន្លែងដែលទំនេរ ទុកដាំស្រូវ និងសណ្តែកបាយ។ ក្រោយមក បានស្តាយស្រះ និងប្រឡាយទុកចោល ម្យ៉ាងប្រាក់ចំណូលបានតិចផង ក៏សាកល្បងចិញ្ចឹមត្រីអណ្តែង និងត្រីប្រាបន្ថែម ហើយក៏ចេះតែសមប្រកបដុះដាលបន្តិចម្តងៗ រហូតចិញ្ចឹមដល់បង្កង និងបានពង្រីកពីលក្ខណៈគ្រួសារឲ្យទៅជាកសិដ្ឋានធម្មជាតិចម្រុះមួយ ដាំដំណាំស្ទើរ គ្រប់ប្រភេទដោយមិនប្រើជីគីមីកសិកម្ម។លោកស្រី បានលើកឡើងថា បច្ចុប្បន្នកសិផលភាគច្រើនពឹងតែលើការនាំចូលមកពីប្រទេសជិតខាង ហើយកសិកម្មក្នុងស្រុកមិនសូវមានអ្នកចាប់អារម្មណ៍ធ្វើនោះទេ ។ លោកស្រី ជំរុញ និងគាំទ្រដល់ពលរដ្ឋឲ្យចេះប្រើប្រាស់ និងច្នៃដីរបស់ខ្លួន សម្រាប់ធ្វើកសិកម្មឲ្យបានច្រើន ដើម្បីជួយទ្រទ្រង់ដល់សុខភាពផង និងទទួលបានប្រាក់ចំណូលផង ដោយមិនចាំបាច់ប្រឈមហានិភ័យក្នុងការចេញទៅធ្វើការនៅក្រៅផ្ទះនោះទេ ។លោកស្រី បន្ថែមថា លោកស្រីបានពង្រីកកសិដ្ឋាន និងបានដាំដំណាំបន្ថែមជាច្រើនមុខ និងបន្ថែមការចិញ្ចឹមគោ និងមាន់ ខណៈដែលការចិញ្ចឹមត្រី ចិញ្ចឹមបង្កង និងត្រចៀកកាំទទួលបានផលជាបណ្តើរសម្រាប់ទប់ទល់ការចំណាយលើកម្លាំងឈ្នួលពលកម្មជាង១០នាក់៕អត្ថបទ ៖អន សារីម

ដំណើរការផលិតកម្ម និងឧស្សាហកម្ម ក្នុងស្រុកជំរុញវិស័យដឹកជញ្ជូនងើបឡើងវិញ

ភ្នំពេញ ៖ ដំណើរការផលិតកម្ម និងឧស្សាហកម្មក្នុងស្រុក ចាប់ផ្ដើមងើបឡើងវិញ នៅក្រោយការដកវិធានការបិទខ្ទប់ភូមិសាស្ត្រ ដើម្បីការពារការឆ្លងជំងឺកូវីដ-១៩ ។ ការវិលត្រឡប់ទៅរកភាពប្រក្រតីនៃខ្សែច្រវ៉ាក់ផលិតកម្ម និងឧស្សាហកម្មនេះ បានទាញឱ្យវិស័យដឹកជញ្ជូនក្នុងស្រុកស្ទុះងើបឡើងវិញ។លោកឧកញ៉ា ស៊ិន ចន្ធី ប្រធានសមាគមភស្តុភារកម្មកម្ពុជា បានថ្លែងប្រាប់ភ្នាក់ងារអ្នកយកព័ត៌មាន BTV ស្តីអំពីអនុវិស័យដឹកជញ្ជូនក្នុងស្រុក និងការដឹកជញ្ជូនឆ្លងដែន នៅថ្ងៃទី ២ ខែ មិថុនា ឆ្នាំ ២០២១ នេះថា កម្ពុជាកំពុងជំរុញអភិវឌ្ឍន៍វិស័យមួយចំនួនក្នុងស្រុក ជាក់ស្តែងការអភិវឌ្ឍន៍លើវិស័យកសិកម្ម ដែលបច្ចុប្បន្នវិស័យនេះ បានកំពុងរីកចម្រើននៅក្នុងស្រុក ជាពិសេសផលិតផលសម្រាប់បម្រើទីផ្សារនាំចេញ។ សម្រាប់សន្ទុះនៃការដឹកជញ្ជូន បានកំពុងកំរើកឡើងវិញជាបណ្តើរៗ ក្នុងការដឹកជញ្ជូនផលិតផលកសិកម្មសម្រាប់នាំចេញ។ ក្រៅពីនេះ សម្រាប់ការដឹកជញ្ជូនទំនិញនាំចូលមកកាន់ទីផ្សារក្នុងស្រុក ជាពិសេសវាយនភណ្ឌដែលបម្រើដល់វិស័យកាត់ដេរ និងទំនិញផ្សេងៗ បានកំពុងមានកំណើនសម្រាប់ទីផ្សារនាំចូល និងកំពុងមានកំណើនដល់វិស័យដឹកជញ្ជូនផងដែរ ។យោងតាមរបាយការណ៍រយៈពេល ៤ខែ ឆ្នាំ ២០២១ របស់កំពង់ផែស្វយ័តក្រុងព្រះសីហនុ បរិមាណទំនិញឆ្លងកាត់កំពង់ផែ កើនឡើងជាង ៩ ភាគរយ ក្នុងនោះសម្រាប់ការនាំចូល កើនឡើងជាង ១១ ភាគរយ, ដាក់ដោយកុងតឺន័រ កើនជាង ២៥ ភាគរយ ខណៈការដឹកជញ្ជូនមិនមែនជាកុងតឺន័រ បានថយចុះជិត ៤ ភាគរយ បើធៀបរយៈពេលដូចគ្នាឆ្នាំ ២០២០ ។ ចំណែកការដឹកជញ្ជូនសម្រាប់ការនាំចេញវិញ មានកំណើនកើនឡើងជាង ៤ ភាគរយ ក្នុងនោះជាកុងតឺន័រកើនឡើងជាង ៣ ភាគរយ រួមជាមួយការរៀបចំដឹកជញ្ជូនចេញមិនមែនកងតឺន័រមួយចំនួនទៀត ៕អត្ថបទ៖ សុន រ៉ាឌី

ទំនាក់ទំនងពាណិជ្ជកម្មទ្វេភាគីរវាងកម្ពុជា-អាមេរិកបន្តកើនឡើង

ភ្នំពេញ ៖ ទំនាក់ទំនងពាណិជ្ជកម្មទ្វេភាគីរវាងកម្ពុជា និងសហរដ្ឋអាមេរិក បន្តកើនឡើង បើទោះជាស្ថិតរងការប៉ះពាល់ដោយសារការរីករាលដាលជំងឺកូវីដ១៩។ ក្នុងរយៈពេល ៤ ខែ ដើមឆ្នាំ ២០២១ ការនាំចេញនាំចូល មានទំហំទឹកប្រាក់ប្រមាណជិត ២ពាន់លានដុល្លារ កើនឡើង២៨ភាគរយ ។ឯកឧត្តម ប៉ែន សុវិជាតិ អ្នកនាំពាក្យ និងជាអនុរដ្ឋលេខាធិការក្រសួងពាណិជ្ជកម្ម បានថ្លែងប្រាប់ភ្នាក់ងារអ្នកយកព័ត៌មាន BTV ស្តីពីទំហំពាណិជ្ជកម្មទ្វេភាគីរវាងកម្ពុជា-អាមេរិក នៅថ្ងៃទី ១ ខែមិថុនា ឆ្នាំ២០២១ នេះថា ចំពោះទំនាក់ទំនងនៅក្នុងពាណិជ្ជកម្មកម្ពុជា-អាមេរិក ការនាំចេញផលិតផលពីកម្ពុជា ទៅកាន់សហរដ្ឋអាមេរិក គឺមានកំណើនកើនឡើងគួរជាទីកត់សម្គាល់ដូចជា ការនាំចេញសំលៀកបំពាក់ កាបូប ស្បែកជើង និងសម្ភារៈផ្សេងៗជាដើម។កម្ពុជានាំចូលពីសហរដ្ឋអាមេរិក មានតម្លៃទឹកប្រាក់សរុបជាង ៩៣ លានដុល្លារ កើនឡើងជាង ១០ភាគរយ ខណៈការនាំចេញមានចំនួនទឹកប្រាក់ជាង ១ ៩០០ ពាន់លានដុល្លារ កើនឡើងជាង ២៩ភាគរយ។ឯកឧត្តម បន្តថា ជុំវិញពាណិជ្ជកម្មទ្វេភាគីរវាងកម្ពុជា-អាមេរិក នេះ ទោះបីស្ថាននៅក្នុងកាលៈទេសៈនៃជំងឺកូវីដ-១៩ នេះក្តី ទំនាក់ទំនងពាណិជ្ជកម្មរវាងប្រទេសទាំងពីរ នៅតែរក្សាបានស្ថិរភាពល្អប្រសើរ ដោតសហរដ្ឋអាមេរិកនៅតែចាត់ទុកប្រទេសកម្ពុជា គឺជាប្រភពមួយ នៃការផលិតសម្រាប់ការនាំចេញ ខណៈសហរដ្ឋអាមេរិកមានក្រុមហ៊ុនធំៗជាដៃគូ បានកំពុងទទួលទិញផលិតផលពីកម្ពុជា ។ ទាក់ទងការធ្វើពាណិជ្ជកម្មរវាងកម្ពុជា-អាមេរិក នេះផងដែរ, លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា លើកឡើងថា ក្នុងដំណើរទស្សនកិច្ចនៅកម្ពុជារបស់លោកជំទាវ Wendy Ruth Sherman អនុរដ្ឋមន្ត្រីក្រសួងការបរទេសសហរដ្ឋអាមេរិក នៅក្នុងថ្ងៃអង្គារ គឺបានបង្ហាញនូវទំនាក់ទំនងកាន់តែជិត ស្និតថែមទៀតរវាងប្រទេសទាំងពីរ នឹងធ្វើឲ្យកិច្ចសហប្រតិបត្តិការពាណិជ្ជកម្មរវាងប្រទេសទាំងពីរ កាន់តែប្រសើរថែមទៀត ខណៈបច្ចុប្បន្នមានក្រុមដៃគូរជាច្រើន កំពុងរងចាំឱកាសវិនិយោគបន្ទាប់ពីស្ថានភាពជំងឺកូវីដ-១៩ បានធូរស្រាល ។សូមបញ្ជាក់ថា នៅក្នុងរយៈពេល ៤ ខែ ដើមឆ្នាំ ២០២១ ទីផ្សារសហរដ្ឋអាមេរិក បានឈរក្នុងលំដាប់ទី១ នៃការនាំចេញផលិតផលពីកម្ពុជាច្រើនជាងគេ តាមពីក្រោយដោយ ទីផ្សារចិន, អឺរ៉ុប, អាស៊ាន, ជប៉ុន, ចក្រភពអង់គ្លេស និងការនាំចេញទៅកាន់ទីផ្សារផ្សេងៗមួយចំនួនទៀត៕អត្ថបទ៖ សុន រ៉ាឌី

កម្ពុជានាំអង្ករចេញជាង២៣ម៉ឺនតោនក្នុងរយៈពេលប្រាំខែឆ្នាំ២០២១

ភ្នំពេញ ៖ កម្ពុជានាំចេញអង្ករទៅកាន់ទីផ្សារអន្តរជាតិ មានចំនួន ២៣៣ ០៣១តោន ក្នុងរយៈពេល៥ខែ ឆ្នាំ២០២១ ថយចុះ ៣៤,៥ ភាគរយ ធៀបនឹងរយៈពេលដូចគ្នាកាលពីឆ្នាំ២០២០។ ប្រទេសចិន ជាទីផ្សារធំជាងគេសម្រាប់ការនាំចេញអង្ករពីកម្ពុជា ដោយរួមចំណែកប្រមាណ៥១ភាគរយនៃបរិមាណអង្ករនាំចេញសរុប។ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បញ្ជាក់ថា អង្ករបាននាំចេញទៅកាន់ទិសដៅសហភាពអឺរ៉ុប ចំនួន២០ប្រទេស មានបរិមាណសរុប ចំនួន ៥៥ ១៨៨តោន សើ្មនឹង ២៣,៦៦ ភាគរយនៃបរិមាណនាំចេញសរុប ទៅប្រទេសចិនមានបរិមាណសរុបចំនួន ១២០ ៨៣៤តោន ស្មើនឹង៥១,៨៦ភាគរយ ទិសដៅអាស៊ានចំនួន ៥ប្រទេស មានបរិមាណសរុបចំនួន ២១ ៨៤៨តោន ស្មើនឹង៩,៣៨ភាគរយ និងទិសដៅដទៃទៀតចំនួន១៩ប្រទេស មានបរិមាណសរុប ៣៥ ១៦១តោន ស្មើនឹង១៥,១ភាគរយ។ឯកឧត្តម បន្ថែមថា ក្រុមហ៊ុនដែលបាននាំចេញអង្ករមាន ចំនួន ៥៤ក្រុមហ៊ុន ហើយបរិមាណអង្ករដែលបាននាំចេញដោយក្រុមហ៊ុនធំៗ ចំនួន១០ មានរហូតដល់ ១៦៨ ៥១១តោន (៧២,៣១%) និងក្រុមហ៊ុន៤៤ដទៃទៀតបាននាំចេញត្រឹមតែ ៦៤ ៥២០តោន (២៧,៦៩%)។ជាមួយគ្នានេះដែរ លោករដ្ឋមន្ដ្រីកសិកម្ម ក៏បានលើកឡើងថា ការនាំចេញស្រូវមានចំនួន ១,៦លានតោន ក្នុងរយៈពេល ៥ខែ ឆ្នាំ២០២១ ទៅកាន់ប្រទេសវៀតណាម និងប្រទេសអារ៉ាប់រួម មានការកើនឡើងចំនួន៨២ភាគរយ បើធៀបនឹងរយៈពេលដូចគ្នានៅឆ្នាំ២០២០ ។សម្រាប់នាំអង្ករទៅកាន់ទីផ្សារប្រទេសចិន ក្រសួងពាណិជ្ជកម្ម គ្រោងបើកការចរចាជាមួយភាគីចិន លើកូតានាំចេញអង្ករថ្មី ប្រមាណ៥០ម៉ឺនតោន បន្ទាប់ពីកូតានាំចេញអង្ករបច្ចុប្បន្ន មាន៤០ម៉ឺនតោន។ក្នុងរយៈពេល៥ខែ ដើមឆ្នាំ២០២១នេះ ការនាំចេញកសិផលទៅក្រៅប្រទេស មានបរិមាណសរុប ៤,១ លានតោន ទៅកាន់ទិសដៅ ៥៧ ប្រទេស គឺមានការកើនឡើង ចំនួន១ ៩៧៥ ៥៤៧,៥៦ តោន ស្មើនឹង ៨៩,៣២% បើធៀបនឹងរយៈពេលដូចគ្នា ក្នុងឆ្នាំ២០២០ ដែលទទួលបានត្រឹមតែ ២ ២១១ ៧០៩,៨៧ តោន៕អត្ថបទ៖ វណ្ណៈ

បណ្ដាញសង្គម

ព័ត៌មានថ្មីៗ

ព្រះរាជសុខភាពរបស់ព្រះករុណាព្រះមហាក្សត្របានប្រសើរជាងមុនបន្តិចហើយ ប៉ុន្តែក្រុមគ្រូពេទ្យចិនបន្តឲ្យព្រះអង្គគង់ប្រថាប់មួយរយៈទៀត

ការបាញ់ប្រហារនៅពិធីទទួលទានអាហារពេលល្ងាចនៅសេតវិមាន ជំរុញឱ្យមានការពិនិត្យឡើងវិញសន្តិសុខរបស់លោក Trump

អ្នកការទូតជាន់ខ្ពស់អ៊ីរ៉ង់បានវិលត្រឡប់ទៅប៉ាគីស្ថានវិញមួយរយៈខ្លី ខណៈលោកTrumpថាភាគីនានាអាចនិយាយគ្នាតាមទូរស័ព្ទបាន

[UPDATE] ខ្មាន់កាំភ្លើងព្យាយាមសម្លាប់លោក Trump និងគណៈរដ្ឋមន្ត្រីនៅឯពិធីទទួលទានអាហារពេលល្ងាច

ស្ថានទូតឥណ្ឌូនេស៊ី រំពឹងថា ពិធីបុណ្យផ្សាររាត្រី នឹងទាក់ទាញភ្ញៀវទេសចរកាន់តែច្រើន ឱ្យចូលរួមទស្សនាផ្លូវថ្មើរជើងចតុមុខ

សកម្មជនមកពីគណបក្សប្រឆាំងចំនួន៧០នាក់ ស្រុកស្អាង ខេត្តកណ្តាល ចូលរួមជីវភាពនយោបាយជាមួយគណបក្សប្រជាជនកម្ពុជា

ការងារជោគជ័យអាស្រ័យមន្រ្តីមាន «សុខភាពល្អ»

ឯកឧត្តម ចាយ បូរិន អញ្ជើញចុះសួរសុខទុក្ខនិងនាំយកអំណោយដ៏ថ្លៃថ្លារបស់ សម្តេចមហាបរធិបតី ហ៊ុន ម៉ាណែត និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជូនឯកឧត្តម កង ណម នៅគេហដ្ឋាន

ឯកឧត្តម ហ៊ុន ម៉ានី៖“សុខទុក្ខមន្ត្រី គឺជាស្នូលនៃការអនុវត្តការងារកែទម្រង់រដ្ឋបាលសាធារណៈ ស្របតាមចក្ខុវិស័យរបស់ សម្តេចមហាបវរធិបតីនាយករដ្ឋមន្ត្រី”

ការនាំចេញប្រេងឆៅ និងផលិតផលប្រេងរបស់សហរដ្ឋអាមេរិកបានឈានដល់កម្រិតខ្ពស់បំផុតមិនធ្លាប់មាន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សេដ្ឋកិច្ច និង កសិកម្ម

សិប្បកម្មខ្មែរនៅខេត្តកំពង់ធំ បានការនាំចេញគ្រាប់ស្វាយចន្ទីដោយផ្ទាល់រទៅប្រទេសជប៉ុន

តំបន់ជាប់មាត់ព្រែក នឹងក្លាយជាបណ្តុំសម្រាកលំហែពេញនិយមក្នុងខេត្តកំពត

កសិករឃុំតាទៃលើ សប្បាយចិត្ដនឹងការទទួលបានប្រាក់ចំណូលរាប់ម៉ឺនដុល្លារ ពីការលក់ទុរេ ទោះបីជួបវិបត្ដិកូវីដ

ប្រាំខែដើមឆ្នាំ២០២១ ចំណូលពន្ធដារខេត្តកំពត កើនឡើងជាង១០ភាគរយ

សភាពាណិជ្ជកម្មកម្ពុជា និងអង្គការពាណិជ្ជកម្មជប៉ុន JETRO បន្តសហការជំរុញការវិនិយោគជប៉ុននៅកម្ពុជា

ដំណាំដំឡូងមី និងស្វាយចន្ទី ជួបបញ្ហាច្រើនក្នុងការដាំដុះ ខណៈមានតម្លៃទីផ្សារខ្ពស់ជាងមុន

គ្រូបង្រៀននៅកំពត ប្រែក្លាយវិបត្តិកូវីដ-១៩ ជាឱកាសបង្កើតកសិដ្ឋានធម្មជាតិបង្កើនជីវភាព

ដំណើរការផលិតកម្ម និងឧស្សាហកម្ម ក្នុងស្រុកជំរុញវិស័យដឹកជញ្ជូនងើបឡើងវិញ

ទំនាក់ទំនងពាណិជ្ជកម្មទ្វេភាគីរវាងកម្ពុជា-អាមេរិកបន្តកើនឡើង

កម្ពុជានាំអង្ករចេញជាង២៣ម៉ឺនតោនក្នុងរយៈពេលប្រាំខែឆ្នាំ២០២១

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សេដ្ឋកិច្ច និង កសិកម្ម

សិប្បកម្ម​ខ្មែរ​នៅ​ខេត្តកំពង់ធំ បានការ​នាំចេញ​គ្រាប់ស្វាយចន្ទី​ដោយ​ផ្ទាល់រ​ទៅ​ប្រទេស​ជប៉ុន​

តំបន់​ជាប់មាត់​ព្រែក នឹង​ក្លាយ​ជា​បណ្តុំ​សម្រាក​លំហែ​ពេញ​និយម​​ក្នុង​ខេត្តកំពត

ប្រាំ​ខែ​ដើមឆ្នាំ​២០២១ ចំណូល​ពន្ធដារ​ខេត្តកំពត​ កើនឡើង​ជាង​១០​ភាគរយ​

សភាពាណិជ្ជកម្ម​កម្ពុជា និង​អង្គការ​ពាណិជ្ជកម្ម​ជប៉ុន JETRO បន្ត​សហការ​ជំរុញ​ការ​វិនិយោគ​ជប៉ុន​នៅ​កម្ពុជា

ដំណាំ​ដំឡូង​មី និង​ស្វាយចន្ទី ជួប​បញ្ហា​ច្រើន​ក្នុង​ការ​ដាំដុះ ​ខណៈ​មានតម្លៃ​ទីផ្សារ​ខ្ពស់​ជាង​មុន

គ្រូបង្រៀន​នៅ​កំពត​ ប្រែក្លាយ​វិបត្តិ​កូ​វីដ​-១៩​ ជា​ឱកាស​បង្កើត​កសិដ្ឋាន​ធម្មជាតិ​បង្កើន​ជីវភាព

ដំណើរការ​ផលិតកម្ម និង​ឧស្សាហកម្ម ​ក្នុងស្រុក​ជំរុញ​វិស័យ​ដឹកជញ្ជូន​ងើបឡើង​វិញ​

ទំនាក់ទំនង​ពាណិជ្ជកម្ម​ទ្វេភាគី​រវាង​កម្ពុជា​-​អាមេរិក​បន្ត​កើនឡើង

កម្ពុជា​នាំ​អង្ករ​ចេញ​ជាង​២៣​ម៉ឺន​តោន​ក្នុង​រយៈពេល​ប្រាំ​ខែ​ឆ្នាំ​២០២១

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សិប្បកម្មខ្មែរនៅខេត្តកំពង់ធំ បានការនាំចេញគ្រាប់ស្វាយចន្ទីដោយផ្ទាល់រទៅប្រទេសជប៉ុន

តំបន់ជាប់មាត់ព្រែក នឹងក្លាយជាបណ្តុំសម្រាកលំហែពេញនិយមក្នុងខេត្តកំពត

ប្រាំខែដើមឆ្នាំ២០២១ ចំណូលពន្ធដារខេត្តកំពត កើនឡើងជាង១០ភាគរយ

សភាពាណិជ្ជកម្មកម្ពុជា និងអង្គការពាណិជ្ជកម្មជប៉ុន JETRO បន្តសហការជំរុញការវិនិយោគជប៉ុននៅកម្ពុជា

ដំណាំដំឡូងមី និងស្វាយចន្ទី ជួបបញ្ហាច្រើនក្នុងការដាំដុះ ខណៈមានតម្លៃទីផ្សារខ្ពស់ជាងមុន

គ្រូបង្រៀននៅកំពត ប្រែក្លាយវិបត្តិកូវីដ-១៩ ជាឱកាសបង្កើតកសិដ្ឋានធម្មជាតិបង្កើនជីវភាព

ដំណើរការផលិតកម្ម និងឧស្សាហកម្ម ក្នុងស្រុកជំរុញវិស័យដឹកជញ្ជូនងើបឡើងវិញ

ទំនាក់ទំនងពាណិជ្ជកម្មទ្វេភាគីរវាងកម្ពុជា-អាមេរិកបន្តកើនឡើង

កម្ពុជានាំអង្ករចេញជាង២៣ម៉ឺនតោនក្នុងរយៈពេលប្រាំខែឆ្នាំ២០២១