BTV NEWS

ក្របខណ្ឌគំនិតផ្តួចផ្តើមខ្សែក្រវាត់ និងផ្លូវរបស់ចិន នាំឱ្យកម្ពុជាឱ្យមានការអភិវឌ្ឍរីកចម្រើន

កម្ពុជា-ម៉ាឡេស៊ី បង្កើនកិច្ចសហប្រតិបត្តិការជំរុញបរិយាកាសធ្វើធុរកិច្ចឱ្យកាន់តែខ្លាំងក្លាជាមួយគ្នា

ទូតជប៉ុន អរគុណកម្ពុជាបានខិតខំដោយស្មារតីទទួលខុសត្រូវឆ្លើយតបប្រកបដោយភាពទន់ភ្លន់ចំពោះក្ដីកង្វល់ និងសំណូមពរនានារបស់វិនិយោគិនជប៉ុន

កម្ពុជាផ្សព្វផ្សាយផែនការយុទ្ធសាស្ត្រអភិវឌ្ឍបច្ចេកវិទ្យាហិរញ្ញវត្ថុក្នុងវិស័យហិរញ្ញវត្ថុមិនមែនធនាគារ

សេដ្ឋកិច្ច និង កសិកម្ម

ពាណិជ្ជកម្មរវាងកម្ពុជា-ចិន ក្នុងខែដំបូងឆ្នាំនេះមានទំហំទឹកជាង ១ ១៥០ លានដុល្លារ

ការធ្វើពាណិជ្ជកម្មទ្វេរភាគីរវាងកម្ពុជា-ចិន ក្នុងខែដំបូងឆ្នាំ ២០២៤ នេះ មានទំហំទឹកប្រាក់ជាង ១១៥០ លានដុល្លារអាមេរិក កើនឡើងជាង ១៨ ភាគរយ ស្របពេលការនាំចេញ និងនាំចូល មានកំណើនល្អប្រសើរ បើធៀបរយៈពេលដូចគ្នាឆ្នំា ២០២៣ ។ជុំវិញការធ្វើការធ្វើពាណិជ្ជកម្មទ្វេរភាគីរវាងកម្ពុជា និងចិនពីមួយឆ្នាំទៅមួយឆ្នាំឃើញថា មានកំណើនកើនឡើងជាលំដាប់ ទោះបី ជញ្ជីងពាណិជ្ជកម្មរវាងប្រទេសទាំងពីរ មិនមានសមតុល្យក៏ដោយ តែជាការចូលរួមចំណែកផ្គត់ផ្គង់ដល់វត្ថុធាតុដើមក្នុងស្រុក ជាពិសេសការ បង្កើនចំណូលជាតិ តាមរយៈការអនុវត្តពន្ធនាំចូលរបស់កម្ពុជា។ ជាក់ស្តែងការធ្វើការធ្វើពាណិជ្ជកម្មទ្វេរភាគីរវាងប្រទេសទាំងពីរ ក្នុងខែដំបូងឆ្នាំ ២០២៤ នេះ បើតាមរបាយការណ៍អគ្គនាយកដ្ឋានគយ និងរដ្ឋាករកម្ពុជា នៃក្រសួងសេដ្ឋកិច្ច និងហិរញ្ញវត្ថុ បានបង្ហាញឲ្យដឹងថា ទំហំពាណិជ្ជកម្មទ្វេភាគីប្រទេសទាំងពីរ មានចំនួនទឹកប្រាក់ជាង ១ ១៥០ លានដុល្លារអាមេរិក ក្នុងនោះការនាំចេញរបស់កម្ពុជា មានទឹកប្រាក់ជាង ១២១ លានដុល្លារអាមេរិក កើនឡើងប្រមាណ ៥០ ភាគរយ, ខណៈការនាំចូលពីប្រទេសចិនមកកម្ពុជាមានទឹកប្រាក់ជាង ១ ពាន់លានដុល្លារអាមេរិក កើនឡើងជាង ១៥ ភាគរយ បើធៀបរយៈពេលដូច គ្នាឆ្នំា ២០២៣ ។ជុំវិញកាធ្វើពាណិជ្ជកម្មរវាងកម្ពុជា-ចិន, ថ្មីៗនេះ អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជារំពឹងថា ការធ្វើពាណិជ្ជកម្ម រវាងកម្ពុជា-ចិន នឹងមានកំណើនកើនឡើងបន្តបន្ទាប់ទៀត។ មិនតែប៉ុណ្ណោះ, កម្ពុជាអាចទាក់ទាញវិនិយោគិនចិនបានកាន់តែច្រើន ដើម្បីផលិត និងកែច្នៃ នាំចេញទៅកាន់ប្រទេសរបស់ខ្លួន និងប្រទេសដ៏ទៃទៀតស្របពេលប្រទេសទាំងពីរកំពុងក្លាយជាមិត្តត្បូងពេជ្រ ជាពិសេសក្នុងឆ្នាំ ២០២៤ នេះ គឺជាការផ្លាស់ប្តូរនូវរបត់គោលនយោបាយថ្មីមួយទៀត នៃការផ្លាស់ប្តូររវាងប្រជាជន និងប្រជាជន ប្រទេសទាំងពីរ ដែលនឹងធ្វើឲ្យ មានទាំងកំណើនទេសចរណ៍ និងការនាំចេញមានការកើនឡើងជាដើម៕ អត្ថបទ៖ សុន រ៉ាឌី

ក្រសួងកសិកម្ម បើកការបណ្តុះបណ្តាលដំបូង ជូនមន្ត្រីកសិកម្មឃុំ ២៥០រូប មុនចុះបម្រើការងារតាមឃុំ

នៅថ្ងៃទី១៣ ខែកុម្ភៈនេះ ឯកឧត្តម នុត ច័ន្ទសុខា រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញបើកបណ្តុះបណ្តាលតម្រង់ទិសដំបូងសម្រាប់មន្ត្រីកសិកម្មឃុំ ២៥០ រូបដែលទើបប្រឡងជាប់កាលពីថ្មីៗ ដើម្បីឲ្យមន្ត្រីកសិកម្មឃុំចេះអំពី ច្បាប់ រដ្ឋបាល លក្ខន្តិកៈការងារ និងក្រមសីលធម៌មន្ត្រីរាជការជាដើម មុននឹងចុះបំពេញការងារនៅឃុំគោលដៅរបស់ខ្លួននៅថ្ងៃទី១៩ ខែកុម្ភៈខាងមុខនេះ។ក្នុងឱកាសបើកវគ្គបណ្តុះបណ្តាលនៅសកលវិទ្យាល័យភូមិន្ទកសិកម្ម ឯកឧត្តម យង់ សាំងកុមារ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ថ្លែងថា នៅក្នុងដំណើរការបណ្តុះបណ្តាលតម្រង់ទិសដំបូងរយៈពេល៤ថ្ងៃនេះ មានបំណងសំខាន់ជួយមន្ត្រីកសិកម្មឃុំយល់ដឹងអំពីការបំពេញតួនាទី និងការទទួលខុសត្រូវការងារស្របតាមគោលនយោបាយរាជរដ្ឋាភិបាល អាណត្តិទី៧ ហើយជំហានបន្ទាប់ នឹងបន្តផ្តល់វគ្គបណ្តុះបណ្តាលលក្ខណៈស៊ីជម្រៅជាច្រើនប្រធានបទសំខាន់ផ្សេងទៀត ជូនមន្ត្រីកសិកម្ម២៥០រូបឲ្យមានចំណេះពហុជំនាញនឹងធ្វើការផ្តោតសំខាន់លើការផលិតកម្មស្រូវ នៅតាមរាជធានីខេត្តចំនួន១៧។សិក្ខាកាមមន្ត្រីកសិកម្មឃុំបង្ហាញការប្តេជ្ញាចិត្ត បំពេញការងារជូនប្រជាជន និងរាជរដ្ឋាភិបាលឲ្យបានជោគជ័យ និងស្របតាមផែនការយុទ្ធសាស្ត្ររបស់រាជរដ្ឋាភិបាលអាណត្តិទី៧នេះ។ឯកឧត្តម នុត ច័ន្ទសុខា ថ្លែងថា ការងារដាក់ពង្រាយមន្ត្រីកសិកម្មឃុំ គឺជាការងារអាទិភាពមួយរបស់រាជរដ្ឋាភិបាលក្នុងអណត្តិទី៧ ដើម្បីពង្រឹងផលិតកម្មស្បៀង និងលើកកម្ពស់ជីវភាព និងគុណភាពរបស់ប្រជាកសិករ ហើយនៅខែមេសាឆ្នាំ២០២៤នេះ រាជរដ្ឋាភិបាលនឹងរៀបចំប្រឡងជ្រើសរើសមន្ត្រីកសិកម្មឃុំចំនួន ៨០០នាក់បន្ថែមទៀត ដើម្បីបង្កើនបង្ខិតការងារផ្តល់សេវាកសិកម្មឲ្យនៅជិតមូលដ្ឋានកសិកម្ម និងធ្វើឲ្យកសិករងាយស្រួលទទួលបានការប្រឹក្សាបច្ចេកទេសយោបល់ផ្សេងៗនៅមូលដ្ឋានផ្ទាល់៕ អត្ថបទ៖ ស៊ុម សុខជា

កម្ពុជាធ្វើពាណិជ្ជកម្មលើទីផ្សារអន្តរជាតិ ក្នុងខែដំបូងឆ្នាំ២០២៤ មានទឹកប្រាក់ជាង ៤ ពាន់លានដុល្លារ

ការធ្វើពាណិជ្ជកម្មលើទីផ្សារអន្តរជាតិរបស់កម្ពុជា ក្នុងខែដំបូងឆ្នាំ ២០២៤ នេះ មានទំហំទឹកប្រាក់សរុបជាង ៤ ពាន់លានដុល្លារ ក្នុងនោះការនាំចេញទំនិញរបស់កម្ពុជា មានទឹកប្រាក់ជិត ២ ពាន់លានដុល្លារ ខណៈការនាំចូលពីបរទេសមានចំនួនជាង ២ ពាន់លានដុល្លារ។អគ្គនាយកដ្ឋានគយ និងរដ្ឋាករកម្ពុជា នៃក្រសួងសេដ្ឋកិច្ច និងហិរញ្ញវត្ថុ បានបង្ហាញស្ថិតិពាណិជ្ជកម្ម នៃការធ្វើពាណិជ្ជកម្មលើ ទីផ្សារអន្តរជាតិរបស់កម្ពុជា ក្នុងនោះសម្រាប់ខែដំបូងក្នុងឆ្នាំ ២០២៤ នេះ ការធ្វើពាណិជ្ជកម្មទំនិញជាមួយប្រទេសដៃគូរសំខាន់ៗចំនួន ២០ និងបណ្តាប្រទេសមួយចំនួនផ្សេងទៀត គិតជាទឹកប្រាក់សរុបមានចំនួនជាង ៤ពាន់លានដុល្លារ កើនឡើងជិត ១៧ ភាគរយ បើធៀបរយៈពេលដូច គ្នាឆ្នំា ២០២៣ ។ជុំវិញការធ្វើពាណិជ្ជកម្មអន្តរជាតិនេះ ក្នុងនោះសម្រាប់ការនាំចេញទំនិញរបស់កម្ពុជា ក្នុងដើមឆ្នាំនេះ មានទំហំទឹកជិត ២ពាន់លានដុល្លារ កើនឡើងប្រមាណ ២៧ ភាគរយ បើធៀបរយៈពេលដូចគ្នាឆ្នំា២០២២ ក្នុងនោះកម្ពុជាបាននាំទៅកាន់ប្រទេសសំខាន់ៗរួមមាន៖ ប្រទេសចិន ជាង ១២១ លានដុល្លារ, សហរដ្ឋអាមេរិក ជាង ៦២៦ លានដុល្លារ, វៀតណាមជាង ៣៧៣ លានដុល្លារ, ថៃជាង ១០៤ លានដុល្លារ, ជប៉ុនជាង ១១៦ លានដុល្លារ, អាល្លឺម៉ង់ជាង ៦០ លានដុល្លារ, អេស្ប៉ាញ ៦៩ លានដុល្លារ, កាណាដា ៧៦ លានដុល្លារ, អង់គ្លេស ៦៥ លានដុល្លារ, ហូឡង់ ៤៩ លានដុល្លារ, កូរ៉េខាងត្បូង ២៦ លានដុល្លារ និងការនាំចេញទៅកាន់ប្រទេសផ្សេងៗជាច្រើនទៀត។ចំណែកការនាំចូលវិញ នៅក្នុងរយៈពេលនេះដែរ កម្ពុជាបាននាំចូលទំនិញមានទំហំទឹកប្រាក់សរុបប្រមាណជាង ២ ពាន់លានដុល្លារ កើនឡើងជាង ៨ ភាគរយ ក្នុងនោះការនាំចូលពីប្រទេសចិន មានទឹកប្រាក់ជាង ១ ពាន់លានដុល្លារ, វៀតណាមជាង ៣០០ លានដុល្លារ, ថៃ ២៣៦ លានដុល្លារ, សឹង្ហបុរី ៧៥ លានដុល្លារ, ឥណ្ឌូនស៊ី ៧១ លានដុល្លារ, តៃវ៉ាន់ ៥៣ លានដុល្លារ, កូរ៉េខាងត្បូង ៣៧ លានដុល្លារ, ម៉ាឡេស៊ី ៣៥ លានដុល្លារ, ហុងកុង ៣៣ លានដុល្លារ, ក្រៅពីនេះកម្ពុជាក៏បាននាំចូលទំនិញផ្សេងៗពីប្រទេសជាច្រើនទៀតផងដែរ៕ អត្ថបទ៖ សុន រ៉ាឌី

ក្រសួងកសិកម្ម ប្រកាសស្វាគមន៍ដៃគូពាក់ព័ន្ធ ក្នុងការស្វែងរកដំណោះស្រាយរួមគ្នា ដើម្បីផលប្រយោជន៍ជាតិ

ភ្នំពេញ៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងថ្នាក់ដឹកនាំ បានអញ្ជើញចូលរួមកិច្ចប្រជុំពិភាក្សាជាមួយអង្គការអភិវឌ្ឍន៍អន្តរជាតិអាល្លឺម៉ង់ (GIZ) អំពីគម្រោង Sustainable Wood & Traceability for Garment Industry Pilot Project ដែលផ្តោតសំខាន់លើវិស័យព្រៃឈើ។តាមក្រសួងកសិកម្ម រុក្ខាប្រមាញ់ និងនេសាទ នៅព្រឹកថ្ងៃទី៧ កុម្ភៈ ឆ្នាំ២០២៤នេះ បានឲ្យដឹងថា បន្ទាប់បានទទួលស្តាប់ការធ្វើបទបង្ហាញ ឯកឧត្តមរដ្ឋមន្ត្រី បានសម្តែងនូវចំណាប់ចំពោះកម្មវិធីគម្រោងក្នុងវិស័យកាត់ដេរ និងសេដ្ឋកិច្ច។ ឯកឧត្តម បានគូសបញ្ជាក់ថា វិស័យកាត់ដេរ និងកសិកម្ម ដើរតួនាទីសំខាន់ណាស់ ក្នុងការលើកស្ទួយសេដ្ឋកិច្ចជាតិ ដែលទាមទារការសិក្សាច្បាស់ លាស់ផ្សារភ្ជាប់នឹងនិរន្តរភាពសេដ្ឋកិច្ច និងបរិស្ថាន។ លើសពីនេះទៀត ត្រូវមានកិច្ចសហការល្អ ហើយត្រូវពិនិត្យឲ្យបានគ្រប់ជ្រុង ជ្រោយទាំងទិដ្ឋភាពបច្ចេកទេស និងទិដ្ឋភាពនយោបាយ ដើម្បីធានាដំណើរការ ប្រព្រឹត្តទៅរបស់គម្រោងបានរលូនដោយមិនបង្កើតបញ្ហាថ្មី។បើតាម ឯកឧត្តមរដ្ឋមន្ត្រី ក្រសួងកសិកម្មបើកទូលាយ និងស្វាគមន៍ការសហការជាមួយគ្នាដោះស្រាយបញ្ហារួមគ្នា និងចូលរួមទទួលខុសត្រូវរួមគ្នា ដើម្បីផលប្រយោជន៍ជាតិ៕ អត្ថបទ៖ ឈិត បូរ៉ាវី

ឯកឧត្តម ឌិត ទីណា ជួបពិភាក្សាការងារជាមួយក្រុមប្រឹក្សាស្តារអភិវឌ្ឍវិស័យកសិកម្មនិងជនបទ

ភ្នំពេញ៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងឯកឧត្តម សុខ ស៊ីឡូ អគ្គលេខាធិការក្រុមប្រឹក្សាស្តារអភិវឌ្ឍវិស័យកសិកម្ម និងជនបទ បានបើកកិច្ចប្រជុំដើម្បីពិភាក្សាគ្នា ស្តីពីសន្តិសុខស្បៀង និងអាហារូបត្ថម្ភ នៅទីស្តីការក្រសួងកសិកម្ម។ក្រសួងកសិកម្ម រុក្ខាប្រមាញ់ និងនេសាទ នៅព្រឹកថ្ងៃទី៧ កុម្ភៈ ឆ្នាំ២០២៤នេះ បានឲ្យដឹងថា ក្នុងកិច្ចប្រជុំនេះ ឯកឧត្តមរដ្ឋមន្ត្រី បានគូសបញ្ជាក់ថា ក្រសួងកសិកម្មបាន និងកំពុងអនុវត្ត គោលនយោបាយអាទិភាពរបស់រាជរដ្ឋាភិបាលអាណត្តិទី៧នេះយ៉ាងយកចិត្តទុកដាក់ ដើម្បីធានាសន្តិសុខស្បៀង និងនិរន្តរភាពសេដ្ឋកិច្ចនិងបរិស្ថាន តាមរយៈការបង្កើតសហគមន៍កសិកម្មទំនើប និងការដាក់ពង្រាយមន្ត្រីផ្សព្វផ្សាយកសិកម្មឃុំ ដើម្បីជួយដល់កសិករ ដោះស្រាយបញ្ហាប្រឈមផ្សេងៗ ការកាត់បន្ថយថ្លៃដើមផលិត និងធ្វើឱ្យប្រសើរឡើងក្នុងខ្សែច្រវាក់តម្លៃ។ ចំពោះការងារទាក់ទងនឹងអាហារូបត្ថម្ភ ឯកឧត្តមរដ្ឋមន្ត្រីបានបញ្ជាក់ថា ក្រសួងកសិកម្មរីករាយ ក្នុងការសហការជានិច្ច តាមភាពចាំបាច់ និងសេចក្ដីត្រូវការពីក្រសួងសុខាភិបាល និងស្ថាប័នពាក់ព័ន្ធនានា៕ អត្ថបទ៖ ឈិត បូរ៉ាវី

រដ្ឋមន្រ្តីកសិកម្ម និងធនាគារអភិវឌ្ឍន៍អាស៊ី បើកកិច្ចប្រជុំពិភាក្សាគ្នាផ្តោតលើសន្តិសុខស្បៀង

ភ្នំពេញ៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានអញ្ជើញជួបប្រជុំជាមួយក្រុមបេសកកម្មធនាគារអភិវឌ្ឍន៍អាស៊ី ហៅកាត់ ADB ដើម្បីពិភាក្សាដែលពាក់ព័ន្ធទៅនឹងសន្តិសុខស្បៀង និងការងារមួយចំនួនផ្សេងទៀត នៅទីស្តីការក្រសួងកសិកម្ម។ប្រភពក្រសួងកសិកម្ម រុក្ខាប្រមាញ់ និងនេសាទ នៅព្រឹកថ្ងៃទី២ ខែកុម្ភៈ ឆ្នាំ២០២៤នេះ បានឲ្យដឹងថា នៅក្នុងកិច្ចប្រជុំនេះ ឯកឧត្តមរដ្ឋមន្ត្រី បានបញ្ជាក់បន្ថែមឱ្យមានការសហការជាមួយវិស័យឯកជន និងដៃគូអភិវឌ្ឍន៍ ដោយមានផែនការច្បាស់លាស់ ដោះស្រាយបញ្ហាប្រឈមរួមគ្នា ហើយប្រការចាំបាច់ត្រូវមានភាពជាម្ចាស់ការពិតប្រាកដ។ ជាមួយនេះ ឯកឧត្តម បានណែនាំឱ្យមានការសិក្សា ពិនិត្យឱ្យបានច្បាស់លាស់ រវាងការអភិរក្ស និងអភិវឌ្ឍន៍ ឱ្យដើរទន្ទឹមគ្នានៅក្នុងវិស័យកសិកម្ម។ ទាក់ទិនទៅនឹងបញ្ហាប្រឈមការប្រែប្រួលអាកាសធាតុ ឯកឧត្តមរដ្ឋមន្រ្តី បានណែនាំឱ្យរៀបចំការសិក្សា និងពិនិត្យលទ្ធភាពនៃការស្តុកទឹកទុកនារដូវវស្សា សម្រាប់ការធ្វើស្រែពេញមួយឆ្នាំរបស់ប្រជាកសិករ។ប្រភពដដែលនេះ បានបញ្ជាក់ទៀតថា ក្នុងឱកាសនោះ ឯកឧត្តមរដ្ឋមន្ត្រី ក៏បានលើកឡើងអំពីគោលនយោបាយអាទិភាព ក្នុងការកសាងសហគមន៍ទំនើប ដែលមានសមត្ថភាពគ្រប់គ្រាន់ សម្រាប់ការផលិតទ្រង់ទ្រាយធំ និងធ្វើឱ្យប្រសើរក្នុងខ្សែច្រវ៉ាក់ផលិតកម្ម និងខ្សែច្រវាក់តម្លៃ សម្រាប់វិស័យកសិកម្ម ដែលមានលក្ខណៈសេដ្ឋកិច្ច និងមានទីផ្សារច្បាស់លាស់៕ អត្ថបទ៖ ឈិត បូរ៉ាវី

ទីផ្សារយានយន្តក្នុងស្រុកមានការធ្លាក់ចុះ តែមិនមានការប៉ះពាល់ខ្លាំងដល់ចំណូលជាតិឡើយ

ប្រធានសម្ព័ន្ធឧស្សាហកម្មយានយន្តកម្ពុជា ថា ទីផ្សារលក់ដូរយានយន្តក្នុងស្រុកមានការធ្លាក់ចុះ តែមិន មានការប៉ះពាល់ខ្លាំងដល់ ចំណូលជាតិឡើយ ខណៈការនាំចូលយានយន្តប្រភេទថ្មីនៅបន្តការកើនឡើង ស្របពេលការផ្គុំ នឹងដំឡើងរថយន្តក្នុងស្រុក កំពុងកើត មានឡើងជាបន្តបន្ទាប់។បណ្ឌិត តាន់ មុនីវណ្ណ ប្រធានឧស្សាហកម្មយានយន្តកម្ពុជា និងជាអនុប្រធានសភាពាណិជ្ជកម្ពុជា លើកឡើងក្នុងកិច្ចសម្ភាស ន៍ជាមួយភ្នាក់ងារអ្នកយកព័ត៌មាន BTV ស្តីពីទីផ្សារយានយន្ត និងចំណូលពន្ធពីយានយន្ត នេះថា ពាក់ព័ន្ធចំណូលពន្ធពីយានយន្តនេះ គឺជាចំណូលធំមួយសម្រាប់ចំណូលជាតិ ក្នុងរង្វង់ប្រមាណ ៤០ ភាគរយ នៃការប្រមូលពន្ធគយ និងរដ្ឋាករទាំងមូល ក្នុងនោះសម្រាប់ការនាំចូលយានយន្តក្នុងរយៈពេលក្រោយនេះ មិនមានការថមថយខ្លាំងនោះឡើយ ជាក់ស្តែងការនាំចូលយានយន្តប្រភេទថ្មី មានចំនួន ច្រើនជាងមុន ក្នុងរង្វង់ប្រមាណ ៤០ ភាគរយ ពោលគឺកើនឡើងពាក់កណ្តាល បើធៀបរយៈពេលមុនវិបត្តិកូវីដ គឺស្ទើស្មើការនាំចូល ប្រភេទរថយន្តមួយទឹក។លោកបណ្ឌិត បន្តថា តាមរយៈនេះ មិនយូរមិនឆាប់ ការនាំចូលរថយន្តប្រភេទថ្មីអាចជំនួសរថយន្តមួយទឹក ដោយសារការនាំ ចូលរថយន្តប្រភេទថ្មីមួយចំនួន មានតម្លៃសមរម្យ ជាពិសេសរថយន្តប្រើប្រាស់ B.E.V និង E.V ផង ដោយរថយន្តប្រភេទថ្មីធានារយៈ ពេលយូរ និងស៊ីសាំងតិចជាដើម។ បញ្ហានេះ អ្នកប្រើប្រាស់បានមើលឃើញពីតម្លៃសមរម្យ ជាពិសេសការទិញបង់រំលោះរយៈពេលវែង ដែលធ្វើឲ្យការនាំចូលរថយន្តប្រភេទថ្មីមានការកើនឡើង ជាក់ស្តែងមកដល់ពេលនេះ ការនាំចូលមិនមានការធ្លាក់ខ្លាំងនោះទេ ខណៈ ទីផ្សារលក់ដូរមានការធ្លាក់ចុះ ដែលបញ្ហានេះ មួយចំនួនគឺបណ្តាលមកពីការនាំចូលរថយន្តពីចិន កំពុងនាំចូលយ៉ាងខ្លាំង នៃការប្រកួត ប្រជែងលើទីផ្សារ, សរុបជារួម ការប្រមូលចំណូលជាតិពីវិស័យនេះ មិនមានការប៉ះពាល់ខ្លាំងឡើយ ស្របពេលការផ្គុំនឹងដំឡើងរថយន្ត ក្នុងស្រុកកំពុងមានសកម្មភាពល្អប្រសើរ និងការនាំចូលរថយន្តថ្មីកំពុងមានសម្ទុះផងដែរ។បណ្ឌិត តាន់ មុនីវណ្ណ លើកឡើងបន្តថា ជាក់ស្តែងមកដល់ពេលនេះ កម្ពុជាមានរោងចក្រផ្គុំដំឡើងរថយន្តកាន់តែច្រើន ក្នុងនោះចំពោះ ការផ្គុំ និងដំឡើងរថយន្តនេះ មិនមែនមិនយកពន្ធនោះទេ គឺរាជរដ្ឋាភិបាលអនុវត្តតាមគោលការណ៍ប្រមូលពន្ធជាធម្មតា គ្រាន់តែមាន ការអនុគ្រោះពន្ធលើការនាំចូលគ្រឿងបន្លាស់មួយចំនួនប៉ុណ្ណោះ។ ប៉ុន្តែសម្រាប់បញ្ហានេះ រាជរដ្ឋាភិបាលគួរមានការប្រយ័ត្នប្រយែង ផងដែរ ដើម្បីរក្សាការប្រមូលចំណូលសម្រាប់ជាតិ ព្រោះការប្រមូលពន្ធចេញពីឧស្សាកម្មយានយន្តនេះមានចំនួនធំ។សូមបញ្ជាក់ថា តាមរយបាយការណ៍អគ្គនាយកដ្ឋានគយ និងរដ្ឋាករកម្ពុជា ការប្រមូលចំណូលពីការនាំចូលយានយន្ត ក្រៅពីអយស្ម័យយាន ឬអយរថអគ្គិសនី និងបំណែកសម្ភារៈគ្រឿងបង្គុំ នៅក្នុងឆ្នាំ ២០២៣, មានទំហំទឹកប្រាក់ជាង ១ ៣០០ លានដុល្លារ បើធៀបរយៈពេលដូចគ្នាឆ្នាំ ២០២២ ឃើញថា ថយចុះជាង ៤០ ភាគរយ៕ អត្ថបទ៖ សុន រ៉ាឌី

កម្ពុជារកចំណូលបានជិត ៤,៨ពាន់លានដុល្លារ ពីការនាំចេញផលិតផលកសិកម្ម ទៅទីផ្សារអន្តរជាតិ

មន្រ្តីជាន់ខ្ពស់ នៃក្រសួងកសិកម្ម រុក្ខាប្រមាញ់ និងនេសាទ បានឲ្យដឹងថា គិតត្រឹមឆ្នាំ២០២៣ កន្លងទៅ កម្ពុជាបាននាំចេញជាផ្លូវការនូវផលិតផលកសិកម្មទៅកាន់ទីផ្សារអន្តរជាតិមានតម្លៃសរុបចំនួនជិត ៤,៨ពាន់ដុល្លារអាម៉េរិក ស្មើនឹង ៨,៨២លានតោន ទៅកាន់ទីសដៅ ៧៨ប្រទេស ក្នុងនោះការនាំចេញអង្ករសម្រេចបានជាង ៦៥៦ពាន់តោន កើនឡើងជាង ៣% ធៀបឆ្នាំ២០២២។ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ក្នុងពិធីបិទសន្និបាតបូកសរុបការងារឆ្នាំ២០២៣ និងលើកទិសដៅឆ្នាំ២០២៤ កាលពីរសៀលថ្ងៃទី៣០ ខែមករាកន្លងទៅ បានមានប្រសាសន៍ឲ្យដឹងថា គិតក្នុងឆ្នាំ២០២៣ ផលិតកម្មដំណាំសម្រេចបានចំនួន ៣៦,៨១លានតោន កើនឡើងប្រមាណ ៦% បើធៀបទៅនឹងឆ្នាំ២០២២ ក្នុងនោះដំណាំស្រូវចំនួន ១២,៤៩លានតោន ដោយមានអតិរេក ៦,៩៩លានតោន ដំណាំសាកវប្បកម្មចំនួន ៤,៩៦លានតោន ដំណាឧស្សាហកម្មចំនួន ១៨,៩៦លានតោន និងដំណាំកៅស៊ូប្រមាណ ០,៤លានតោន។ឯកឧត្តមរដ្ឋមន្រ្តី បានបញ្ជាក់បន្ថែមថា ការសម្រេចបានលទ្ធផលដ៏ល្អប្រសើរនេះ គឺស្របតាមយុទ្ធសាស្រ្ត និងកម្មវិធីគោលនយោបាយអាទិភាពទី៥ និងទី៦របស់រាជរដ្ឋាភិបាល និងមន្រ្តីទាំងអស់ នៃក្រសួងកសិកម្ម រុក្ខាប្រមាញ់ និងនេសាទ បានរួមគ្នាអនុវត្តនូវផែនការ និងសកម្មភាពការងារដែលបានគ្រោងទុក និងបានជំរុញអនុវត្តវិធានការចាំបាច់បន្ទាន់មួយចំនួនថែមទៀត ប្រកបដោយស្មារតីទទួលខុសត្រូវខ្ពស់។ឯកឧត្តម ឌិត ទីណា បានអះអាងថា វិស័យកសិកម្មនៅតែបន្តចូលរួមចំណែកយ៉ាងសកម្មក្នុងការធានាសន្តិសុខស្បៀង លើកស្ទួយសេដ្ឋកិច្ចគ្រួសារកសិករ និងអ្នកទទួលបាននៅទូទាំងប្រទេស និងទ្រទ្រង់កំណើនសេដ្ឋកិច្ច ទោះបីទទួលរងផលប៉ះពាល់ពីគ្រោះធម្មជាតិ ការប្រែប្រួលអាកាសធាតុ និងវិបត្តិសកលក៏ដោយ។ ជារួម វិស័យកសិកម្មនៅតែរក្សាបាននូវការរួមចំណែករង្វង់ ២២% នៃផលិតផលសរុបក្នុងស្រុករបស់កម្ពុជា គិតក្នុងឆ្នាំ២០២៣កន្លងទៅ។ទន្ទឹមនឹងសមិទ្ធផលជាច្រើនដែលសម្រេចបានក្នុងឆ្នាំ២០២៣ ឯកឧត្តម ក៏បានលើកឡើងអំពីបញ្ហាប្រឈមមួយចំនួន ដែលទាមទារឲ្យមានការចូលរួមសហការពីគ្រប់ភាគីពាក់ព័ន្ធ និងធ្វើការដោះស្រាយឲ្យបានទូលំទូលាយ ទាន់ពេលវេលា និងមានប្រសិទ្ធភាព រួមមាន៖ ថ្លៃដើមផលិតកម្មខ្ពស់, ហេដ្ឋារចនាសម្ព័ន្ធគាំទ្រផលិតកម្មនៅមានកម្រិត និងពាណិជ្ជូបនីយកម្មកសិផលគន្លឹះនៅមិនទាន់ត្រូវបានជំរុញឲ្យអស់សក្តានុពល៕ អត្ថបទ៖ ឈិត បូរ៉ាវី

រដ្ឋមន្ត្រីកសិកម្ម ណែនាំមន្រ្តីគ្រប់វិស័យបង្កើនការអនុវត្តការងារ និងដោះស្រាយរាល់បញ្ហាប្រឈមឲ្យមានប្រសិទ្ធិភាពខ្ពស់

ភ្នំពេញ៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានជំរុញ និងស្នើឲ្យមន្រ្តីក្រោមឱវាទគ្រប់អនុវិស័យទាំងអស់ ត្រូវបង្កើននិងគិតគូរអនុវត្តការងារឱ្យបានល្អប្រសើរបន្ថែមទៀត ជាពិសេសជួយដោះស្រាយបញ្ហាប្រឈមនានារបស់ប្រជាកសិករប្រកបដោយប្រសិទ្ធភាព និងប្រសិទ្ធផលខ្ពស់។ក្នុងពិធីបើកសន្និបាតបូកសរុបការងារកសិកម្ម រុក្ខាប្រមាញ់ និងនេសាទឆ្នាំ២០២៣ និងលើកទិសដៅឆ្នាំ២០២៤ នៅថ្ងៃទី២៥ ខែមករានេះ ឯកឧត្តមរដ្ឋមន្ត្រី បានថ្លែងរម្លឹកដល់ថ្នាក់ដឹកនាំ និងមន្ដ្រីរាជការទាំងអស់ក្រោមឱវាទក្រសួង ត្រូវបន្តចូលរួមលើកស្ទួយផលិតកម្ម និងរក្សាស្ថេរភាពថ្លៃរយៈពេលវែង ដើម្បីរក្សាខ្សែច្រវាក់តម្លៃឱ្យត្រូវនឹងគោលនយោបាយអាទិភាពរបស់រាជរដ្ឋាភិបាល ក្នុងការបង្កើតសហគមន៍កសិកម្មទំនើប និងការដាក់ពង្រាយមន្ត្រីឱ្យមានប្រសិទ្ធភាព និងចំទិសដៅពិតប្រាកដ ដើម្បីធានាសន្តិសុខស្បៀង និងនិរន្តរភាពសេដ្ឋកិច្ចនិងបរិស្ថាន។ឯកឧត្តមរដ្ឋមន្ត្រី បានលើកឡើងជាថ្មីម្ដងទៀត អំពីគោលនយោបាយរបស់ក្រសួង ដែលផ្ដល់អាទិភាពលើការរក្សាសន្តិសុខស្បៀង និងនិរន្តរភាពធនធានធម្មជាតិ ដែលគ្រប់អនុវិស័យទាំងអស់ត្រូវគិតគូរអនុវត្តឱ្យបាននៅទូទាំងប្រទេស ទាំងពេលបច្ចុប្បន្ន និងទៅអនាគត។ ជាមួយនេះ ឯកឧត្តម ក៏បានផ្តល់អនុសាសន៍បន្ថែមទៀត អំពីការគ្រប់គ្រងទ្រព្យសម្បត្តិរដ្ឋ ដែលចាំបាច់ត្រូវថែរក្សាការពារ អភិវឌ្ឍ និងប្រើប្រាស់ឱ្យចំទិសដៅ ដើម្បីផ្ដល់ប្រយោជន៍ដល់វិស័យកសិកម្ម។ទោះជាយ៉ាងណា ឯកឧត្តមរដ្ឋមន្ត្រី បានសម្ដែងការអបអរសាទរចំពោះកិច្ចខិតខំប្រឹងប្រែងរបស់ថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់ ដែលសម្រេចបានលទ្ធផលល្អ ក្នុងការដោះស្រាយបញ្ហាប្រឈមនានានៅក្នុងវិស័យកសិកម្មប្រកបដោយប្រសិទ្ធភាពខ្ពស់ ព្រមទាំងការការពារនូវធនធានធម្មជាតិផងដែរ៕

គម្រោងអគារពាណិជ្ជកម្ម សុវណ្ណមច្ឆា ប្រកាសបើកការដ្ឋានសាងសង់ ក្នុងទំហំទឹកប្រាក់សរុបខ្ទង់ ១០លានដុល្លារ

ភ្នំពេញ៖ ក្រុមហ៊ុន អូស៊ីអាយស៊ី នៅព្រឹកថ្ងៃទី២៥ ខែមករា ឆ្នាំ២០២៤នេះ បានប្រកាសបើកការដ្ឋានសាងសង់ គម្រោងអគារពាណិជ្ជកម្ម សុវណ្ណមច្ឆា ក្នុងទំហំទឹកប្រាក់សរុបខ្ទង់ ១០លានដុល្លារ ដែលមានទីតាំងស្ថិតតាមបណ្តោយមហាវិថី អូស៊ីអាយស៊ី (OCIC) ខណ្ឌជ្រោយចង្វារ រាជធានីភ្នំពេញ ជាមួយនឹងការផ្តល់ជូននូវកញ្ចប់អាំងប៉ាវយ៉ាងពិសេសដែរ។នៅក្នុងកម្មវិធីបើកការដ្ឋានសាងសង់គម្រោងអគារពាណិជ្ជកម្ម សុវណ្ណមច្ឆានេះ លោក សំរិត ម៉ារឌី ប្រធានផ្នែកសិក្សាគម្រោង ប្លង់គម្រោងទីក្រុងរណបជ្រោយចង្វារ បានមានប្រសាសន៍ថា គម្រោងនេះរចនាបទឡើងប្រកបដោយវឌ្ឍនភាព និងប្រណីតភាពលើទំហំផ្ទៃដីសរុប ២ហិចតា តាមបែប Modernism Architecture កម្ពស់ ៦ជាន់ ដែលស័ក្តិសម សម្រាប់អ្នកដែលមានបំណងបើកហាងគ្រឿងអលង្ការប្រណិតៗ, ការិយាល័យ, គ្លីនីក, និងក្រុមហ៊ុនធំៗ លើដងមហាវិថីដែលមានដង់ស៊ីតេប្រជាជនច្រើនកុះករ និងចរាចរខ្វែងខ្វាត់ អមដោយទេសភាពដ៏ស្រស់ត្រកាលតាមដងទន្លេសាប និងទន្លេមេគង្គ ជាពិសេសនៅទល់មុខគម្រោងផ្សារទំនើប Big C តែម្តង។ លក្ខណៈពិសេសរបស់គម្រោងនេះទៀតសោត គឺជាទីតាំងដ៏មានសក្កានុពលខ្លាំង ជាចរន្តផ្លូវតភ្ជាប់សេដ្ឋកិច្ចទី២ បន្ទាប់ពីស្ពានជ្រោយចង្វារ គឺតភ្ជាប់រវាងផ្លូវជាតិលេខ៥ និង៦អា ដែលជាច្រកសេដ្ឋកិច្ចសំខាន់ៗនៅក្នុងប្រទេស។ដោយឡែក លោកស្រី មាន ដាវិន ប្រធានគ្រប់គ្រងផ្នែកលក់គម្រោងទីក្រុងរណបជ្រោយចង្វារ បានបញ្ជាក់ថា ខាងគម្រោងផ្តល់ជូនការបញ្ចុះតម្លៃ ៥% កញ្ចប់អាំងប៉ាវពិសេសមានទឹកប្រាក់ចំនួន ២៦,៨៨៨ដុល្លារ រួមទាំងកញ្ចប់មួយចំនួនថែមទៀត មានដូចជា៖ មិនគិតថ្លៃសេវាគ្រប់គ្រងរយៈពេល ១ឆ្នាំ , កញ្ចប់ពិនិត្យសុខភាព , ការផ្សព្វផ្សាយព័ត៌មានលើ Light box រយៈពេល ១ឆ្នាំ និងកម្មវិធីសំខាន់ៗមួយចំនួនផ្សេងទៀត។សូមបញ្ជាក់ថា គម្រោងអគារពាណិជ្ជកម្ម សុវណ្ណមច្ឆា នឹងបញ្ចប់ការសាងសង់ក្នុងរយៈពេល ៣០ខែខាងមុខ ក្នុងដំណាក់ទី១។ ស្ថាបត្យកម្មនៃអគារ បានផ្តោតទៅលើសោភ័ណភាព ទំនើប និងពហុមុខងារ ដោយរួមបញ្ចូលយ៉ាងរលូនជាមួយបរិស្ថានទីក្រុង។ បន្ថែមពីនេះ គឺបច្ចេកវិទ្យា សុខមាលភាពក្នុងការរស់នៅ តម្រឹមជាមួយនិន្នាការទីផ្សារបច្ចុប្បន្ន និងធានាការសម្របខ្លួនទៅនឹងតម្រូវការអាជីវកម្មនាពេលអនាគត។សម្រាប់ព័ត៌មានលម្អិតសូមទំនាក់ទំនង៖ លេខទំនាក់ទំនង៖ 099 76 76 65 | 010 91 90 28 | 093 66 36 03 ,ឆាតសួរព័ត៌មាន: https://t.me/chroychangvarsatellitecity៕

បណ្ដាញសង្គម

ព័ត៌មានថ្មីៗ

រដ្ឋមន្រ្តីសុខាភិបាល អនុញ្ញាតឱ្យគណៈកម្មការប្រយុទ្ធប្រឆាំងផលិតផលក្លែងក្លាយ ដែលបង្កគ្រោះថ្នាក់មានហានិភ័យខ្ពស់ដល់សុខភាព និងសុវត្ថិភាពសង្គម ជួបសម្តែងការគួរសម និងពិភាក្សាការងារ

រ៉្វាន់ដា៖ ការអំពាវនាវរបស់កុងហ្គោឲ្យ UN ទទួលស្គាល់មាន «អំពើប្រល័យពូជសាសន៍» គឺជាទង្វើ «ល្ងង់ខ្លៅ»

វិមានក្រឹមឡាំងបដិសេធមិនធ្វើអត្ថាធិប្បាយ ជុំវិញឧប្បត្តិហេតុយានដ្រូន នៅប៉ូឡូញ

ក្រុមបារាំងកៀរគរគ្នាដើម្បីបេតិកភណ្ឌកម្ពុជា

នាយករដ្ឋមន្ត្រីអង់គ្លេស៖ ការរំលោភរបស់រុស្ស៊ីលើដែនអាកាសប៉ូឡូញ គឺជា «ធ្វេសប្រហែសខ្លាំងណាស់»

សមាជិកព្រឹទ្ធសភាអូស្ត្រាលីស្តាំនិយម ត្រូវបណ្តេញចេញពីក្រសួងស្រមោល ជុំវិញការអត្ថាធិប្បាយប្រឆាំងឥណ្ឌា

ក្រុងច្បារមន និងខេត្តកំពង់ស្ពឺ ទទួលបាន ជ័យលាភី “ទីក្រុងទេសចរណ៍គ្មានផ្សែងបារី”

ក្រុមហ៊ុនអាកាសចរណ៍ JAL រងការព្រមានជាលើកទី២ ពាក់ព័ន្ធនឹងអ្នកបើកបរយន្តហោះស្រវឹង

ប្រមុខគណៈកម្មការ EU បញ្ជាក់ថា លោកស្រីនឹងស្នើវិធានការថ្មីផ្ដោតលើអ៊ីស្រាអែល

សំឡេងផ្ទុះបន្លឺឡើង ក្រោយរថយន្តផ្លូវដែកផ្ទុកដោយឥន្ធនៈ មានអគ្គិភ័យ នៅលីទុយអានី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សេដ្ឋកិច្ច និង កសិកម្ម

ពាណិជ្ជកម្មរវាងកម្ពុជា-ចិន ក្នុងខែដំបូងឆ្នាំនេះមានទំហំទឹកជាង ១ ១៥០ លានដុល្លារ

ក្រសួងកសិកម្ម បើកការបណ្តុះបណ្តាលដំបូង ជូនមន្ត្រីកសិកម្មឃុំ ២៥០រូប មុនចុះបម្រើការងារតាមឃុំ

កម្ពុជាធ្វើពាណិជ្ជកម្មលើទីផ្សារអន្តរជាតិ ក្នុងខែដំបូងឆ្នាំ២០២៤ មានទឹកប្រាក់ជាង ៤ ពាន់លានដុល្លារ

ក្រសួងកសិកម្ម ប្រកាសស្វាគមន៍ដៃគូពាក់ព័ន្ធ ក្នុងការស្វែងរកដំណោះស្រាយរួមគ្នា ដើម្បីផលប្រយោជន៍ជាតិ

ឯកឧត្តម ឌិត ទីណា ជួបពិភាក្សាការងារជាមួយក្រុមប្រឹក្សាស្តារអភិវឌ្ឍវិស័យកសិកម្មនិងជនបទ

រដ្ឋមន្រ្តីកសិកម្ម និងធនាគារអភិវឌ្ឍន៍អាស៊ី បើកកិច្ចប្រជុំពិភាក្សាគ្នាផ្តោតលើសន្តិសុខស្បៀង

ទីផ្សារយានយន្តក្នុងស្រុកមានការធ្លាក់ចុះ តែមិនមានការប៉ះពាល់ខ្លាំងដល់ចំណូលជាតិឡើយ

កម្ពុជារកចំណូលបានជិត ៤,៨ពាន់លានដុល្លារ ពីការនាំចេញផលិតផលកសិកម្ម ទៅទីផ្សារអន្តរជាតិ

គម្រោងអគារពាណិជ្ជកម្ម សុវណ្ណមច្ឆា ប្រកាសបើកការដ្ឋានសាងសង់ ក្នុងទំហំទឹកប្រាក់សរុបខ្ទង់ ១០លានដុល្លារ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សេដ្ឋកិច្ច និង កសិកម្ម

ពាណិជ្ជកម្មរវាងកម្ពុជា-ចិន ក្នុងខែដំបូងឆ្នាំនេះមានទំហំទឹកជាង ១ ១៥០ លានដុល្លារ

ក្រសួងកសិកម្ម បើកការបណ្តុះបណ្តាលដំបូង ជូនមន្ត្រីកសិកម្មឃុំ ២៥០រូប មុនចុះបម្រើការងារតាមឃុំ

កម្ពុជាធ្វើពាណិជ្ជកម្មលើទីផ្សារអន្តរជាតិ ក្នុងខែដំបូងឆ្នាំ២០២៤ មានទឹកប្រាក់ជាង ៤ ពាន់លានដុល្លារ

ក្រសួងកសិកម្ម ប្រកាសស្វាគមន៍ដៃគូពាក់ព័ន្ធ ក្នុងការស្វែងរកដំណោះស្រាយរួមគ្នា ដើម្បីផលប្រយោជន៍ជាតិ

ឯកឧត្តម ឌិត ទីណា ជួបពិភាក្សាការងារជាមួយក្រុមប្រឹក្សាស្តារអភិវឌ្ឍវិស័យកសិកម្មនិងជនបទ

រដ្ឋមន្រ្តីកសិកម្ម និងធនាគារអភិវឌ្ឍន៍អាស៊ី បើកកិច្ចប្រជុំពិភាក្សាគ្នាផ្តោតលើសន្តិសុខស្បៀង

ទីផ្សារយានយន្តក្នុងស្រុកមានការធ្លាក់ចុះ តែមិនមានការប៉ះពាល់ខ្លាំងដល់ចំណូលជាតិឡើយ

កម្ពុជារកចំណូលបានជិត ៤,៨ពាន់លានដុល្លារ ពីការនាំចេញផលិតផលកសិកម្ម ទៅទីផ្សារអន្តរជាតិ

គម្រោងអគារពាណិជ្ជកម្ម សុវណ្ណមច្ឆា ប្រកាសបើកការដ្ឋានសាងសង់ ក្នុងទំហំទឹកប្រាក់​សរុបខ្ទង់ ១០លានដុល្លារ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

គម្រោងអគារពាណិជ្ជកម្ម សុវណ្ណមច្ឆា ប្រកាសបើកការដ្ឋានសាងសង់ ក្នុងទំហំទឹកប្រាក់សរុបខ្ទង់ ១០លានដុល្លារ