BTV NEWS

សម្តេចតេជោ ហ៊ុន សែន ណែនាំដល់មន្ត្រីរក្សាសន្តិសុខសណ្តាប់ធ្នាប់សង្គមឲ្យបានល្អ ពិសេសបទល្មើសអនឡាញត្រូវបង្ក្រាបកុំអោយងើបឡើងវិញអោយសោះ

សម្តេចតេជោ ហ៊ុន សែន ណែនាំដល់មន្ត្រីយកចិត្តទុកដាក់គ្រប់គ្រងនិងមើលថែដល់អតីតយុទ្ធជន និងនិវត្តជននៅតាមមូលដ្ឋាន

សម្តេច ហ៊ុន សែន អញ្ជើញ ជួបសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរអង្គភាពនានាជុំវិញខេត្ត កំពង់ចាម

កម្ពុជា និងលីទុយអានី ប្ដេជ្ញាជំរុញកិច្ចសហប្រតិបត្តិការទ្វេភាគីលើវិស័យសក្តានុពលឱ្យកាន់តែស៊ីជម្រៅ

ព័ត៌មានសំខាន់ៗ

ប្រធានសភាអាមេរិក និងមេដឹកនាំកោះតៃវ៉ាន់ជួបគ្នា ទោះបីមានការព្រមានពីសំណាក់ចិនក៏ដោយ

អាមេរិក៖ ប្រធានសភាសហរដ្ឋអាមេរិកលោក Kevin McCarthy បានជួបជាមួយមេដឹកនាំកោះតៃវ៉ាន់លោកស្រី Tsai Ing-wen នៅរដ្ឋកាលីហ្វ័រនីញ៉ាកាលពីថ្ងៃពុធ ដោយបានក្លាយជាឥស្សរជនជាន់ខ្ពស់បំផុតរបស់សហរដ្ឋអាមេរិក ដែលបានជួបជាមួយមេដឹកនាំកោះតៃវ៉ាន់នៅលើដីសហរដ្ឋអាមេរិកចាប់តាំងពីឆ្នាំ១៩៧៩ មក ទោះបីជាមានការគំរាមពីការសងសឹកពីសំណាក់ប្រទេសចិន ដែលបានអះអាងថា កោះតៃវ៉ាន់ស្វ័យគ្រប់គ្រងមួយនេះជារបស់ខ្លួនក៏ដោយ។ លោក McCarthy ជាអ្នកសាធារណរដ្ឋបានស្វាគមន៍លោកស្រី Tsai នៅបណ្ណាល័យប្រធានាធិបតី Ronald Reagan ក្នុងទីក្រុង Simi Valley រដ្ឋកាលីហ្វ័រនីញ៉ា ក្បែរទីក្រុង Los Angeles ជាកន្លែងដែលសមាជិកសភាមកពីគណបក្សសាធារណរដ្ឋ និងប្រជាធិបតេយ្យបានជួបប្រជុំគ្នា។ លោក McCarthy និយាយថា មិត្តភាពរវាងប្រជាជនកោះតៃវ៉ាន់ និងអាមេរិកគឺជាបញ្ហាដ៏មានសារៈសំខាន់ចំពោះពិភពលោកសេរី ហើយវាមានសារៈសំខាន់ក្នុងការរក្សាសេរីភាពសេដ្ឋកិច្ច សន្តិភាព និងស្ថិរភាពក្នុងតំបន់។ លោកស្រី Tsai និយាយថា យើងឃើញខ្លួនឯងម្តងទៀតនៅក្នុងពិភពលោក ដែលលទ្ធិប្រជាធិបតេយ្យស្ថិតក្រោមការគំរាមកំហែង។ ហើយភាពបន្ទាន់នៃការព្យាយាមរក្សានៃពន្លឺសេរីភាពឲ្យនៅចែងចាំង ពុំមែនត្រឹមតែនិយាយនោះទេ។ កាលពីខែសីហាកន្លងទៅ ប្រទេសចិនបានរៀបចំហ្គេមសង្គ្រាមនៅជុំវិញកោះតៃវ៉ាន់ បន្ទាប់ពីប្រធានសភាមុនលោកស្រី Nancy Pelosi បានធ្វើទស្សនកិច្ចនៅទីក្រុងតៃប៉ិ។ មុនពេលជំនួបកាលពីថ្ងៃពុធ អាជ្ញាធរការពារជាតិកោះតៃវ៉ាន់បាននិយាយថា កងនាវាផ្ទុកយន្តហោះចិនមួយកងបានស្ថិតនៅក្នុងដែនទឹក ជិតឆ្នេរសមុទ្រភាគអាគ្នេយ៍របស់កោះនេះ។ សេតវិមានបាននិយាយថា ដំណើរទស្សនកិច្ចក្រៅផ្លូវការពុំមែនជារឿងថ្មីទេ ហើយទីក្រុងប៉េកាំងមិនគួរប្រើវាជាលេសដើម្បីបង្កើនភាពតានតឹងនោះទេ៕អត្ថបទ៖ ប៊ុនថន

មនុស្ស ៥នាក់ទៀតបានស្លាប់ដោយសារព្យុះកួចនៅរដ្ឋមីស៊ូរី សហរដ្ឋអាមេរិក

អាមេរិក៖ ព្យុះដ៏កំណាចបានបោកបក់ទូទាំងរដ្ឋមីស៊ូរី (Missouri) ភាគខាងត្បូង មុនពេលមេឃភ្លឺកាលពីថ្ងៃពុធដោយបានសម្លាប់មនុស្ស ៥នាក់ និងបណ្ដាលឲ្យមានការបំផ្លិចបំផ្លាញយ៉ាងធ្ងន់ធ្ងរ ខណៈតំបន់ដ៏ធំមួយនៃតំបន់ Midwest និងភាគខាងត្បូងសហរដ្ឋអាមេរិក បន្តគ្របដណ្ដប់ដោយព្យុះបន្ថែមទៀតដែលអាចនាំមកនូវព្យុះកួច និងភ្លៀងធ្លាក់ថែមទៀត។ អាកាសធាតុអាប់អួរបំផុតកាលពីថ្ងៃពុធគឺជាលើកទី៣ នៃព្យុះដ៏ធំជាបន្តបន្ទាប់ កាលពី ២សប្ដាហ៍មុនដែលបាននាំមកនូវព្យុះកួចរាប់សិបមេភាគច្រើននៅក្នុងភាគខាងត្បូង និងតំបន់ Midwest ដោយបានសម្លាប់មនុស្សយ៉ាងហោចណាស់ ៦៣នាក់។ ត្រឹមតែចុងសប្ដាហ៍មុននេះមានព្យុះកួចដែលត្រូវបានបញ្ជាក់ ឬសង្ស័យយ៉ាងហោចណាស់មាននៅក្នុងរដ្ឋចំនួន៨ ដែលបានបណ្ដាលឲ្យមានការខូចខាតធ្ងន់ធ្ងរ រហូតដល់តំបន់ក្បែរខាងទូទាំងតំបន់ដ៏ធំនេះ។ លោកពលបាលត្រី Clark Parrott នៃអង្គភាពល្បាតផ្លូវហាយវ៉េរដ្ឋមីស៊ូរីបាននិយាយថា ព្យុះនៅរដ្ឋមីស៊ូរីបានវាយប្រហារនៅម៉ោងប្រហែល ៣និង ៣០នាទីព្រឹកថ្ងៃពុធ និងបានបោកបក់ទូទាំងតំបន់ជាយក្រុងនៃតំបន់ Bollinger ស្ថិតនៅចម្ងាយប្រហែល ៨០គីឡូម៉ែត្រភាគខាងត្បូងទីក្រុងសេន ល្វីស (St. Louis)។ លោក Parrott បាននិយាយថា ភ្នាក់ងារជាង ២០នាក់បានចូលរួមការស្វែងរកអ្នកនៅមានជីវិត និងជនរងគ្រោះ ខណៈដែលលំនៅឋានជាច្រើនបានរងការខូចខាតធ្ងន់ធ្ងរ ដែលពេលខ្លះតម្រូវឲ្យប្រើប្រាស់រណារអាឈើកាត់គល់ឈើ និងមែកឈើដើម្បីចូលទៅដល់លំនៅឋានទាំងនោះ៕អត្ថបទ៖ សុខមាន

សម្តេចតេជោ ហ៊ុន សែន អំពាវនាវឱ្យបញ្ឈប់ការឆ្លងឆ្លើយគ្នាពាក់ព័ន្ធនឹងការប្រើពាក្យ« អ្នកមាន អ្នកក្រ អ្នកគីឡូធ្ងន់ អ្នកគីឡូស្រាល»

ភ្នំពេញ៖ សម្តេចតេជោ ហ៊ុន សែន ប្រកាសអំពាវនាវឱ្យបញ្ឈប់នូវការឆ្លងឆ្លើយគ្នាពាក់ព័ន្ធនឹងការប្រើពាក្យ« អ្នកមាន អ្នកក្រ អ្នកគីឡូធ្ងន់ អ្នកគីឡូស្រាល» ពាក់ព័ន្ធលោកស្រី តាំង ហ្គិចលៀង។យោងតាមសារសំឡេងសម្តេចតេជោ ហ៊ុន សែន នាយករដ្ឋមន្ត្រី នៅរាត្រីថ្ងៃទី០៥ ខែមេសា ឆ្នាំ២០២៣នេះ សម្តេចបានហៅការប្រៀបធៀបរបស់លោកស្រីតាំង ហ្គិចលៀង តាមរយៈសារបែកធ្លាយថា “អ្នករិះគន់លោកស្រី សុទ្ធតែគីឡូស្រាល” គឺជាកំហុសដ៏ធំ ដែលមិនគួរកើតមានក្នុងសង្គមយើងឡើយ។ សម្តេចតេជោបញ្ជាក់ថា “អ្នកមានបានដាច់ពូជអស់ហើយ កាលជំនាន់ប៉ុលពត ពួកយើងទាំងអស់គ្នា សុទ្ធតែពូជអ្នកក្រដូចតែគ្នានឹង ដែលចាប់កវែកកឆ្នាំងពី ឆ្នាំ១៩៧៩..[]”។ សម្តេចបានប្រកាសអំពាវនាវសូមឲ្យបញ្ចប់ការវែកញែករឿងអ្នកមាន អ្នកក្រ អ្នកគីឡូស្រាល អ្នកគីឡូធ្ងន់ត្រឹមនេះ ..[]សម្រាប់ពួកប្រឆាំងគេចង់ធ្វើអ្វីក៏ធ្វើចុះ តែសម្រាប់គណបក្សប្រជាប្រជាជនកម្ពុជាសូមទទួលយកការសូមទោសរបស់លោកស្រី តាំង ហ្គិចលៀង នាពេលនេះ៕

ហេតុអ្វីបានជាតំបន់អឺរ៉ុបអាចទទួលរងការធ្វើកូដកម្មកាន់តែច្រើន និងភាពតានតឹងខាងនយោបាយកាន់តែខ្លាំង?

អឺរ៉ុប៖ ប្រទេសបារាំងកំពុងរស់នៅឆ្លងកាត់ពេលវេលាមួយផ្សេងទៀតនៃការតវ៉ាតាមដងផ្លូវ និងការរីកធំនៃក្បួនកូដកម្ម ពិសេសប្រឆាំងផែនការធ្វើកំណែទម្រង់របស់លោកប្រធានាធិបតី Emmanuel Macron ក្នុងការដំឡើងអាយុចូលនិវត្តន៍។ យន្តហោះ រថភ្លើង និងរថយន្តក្រុងបាននៅស្ងៀមនឹងកន្លែង ខណៈប្រទេសអាល្លឺម៉ង់ស៊ូទ្រាំនឹងថ្ងៃដ៏ធំបំផុតរបស់ខ្លួន ក្នុងរយៈពេលជាច្រើនទសវត្សរ៍នៃសកម្មភាពឧស្សាហកម្មក្នុងខែមីនា។ តម្លៃម្ហូបអាហារ និងថាមពលហក់ឡើងខ្ពស់បានរុញឲ្យមានអតិផរណាធ្ងន់ធ្ងរ និងបន្តប៉ះពាល់ដល់ជីវភាពរស់នៅរបស់ប្រជាពលរដ្ឋនៅក្នុងតំបន់អឺរ៉ុប ក៏ដូចជាកន្លែងផ្សេងទៀតក្នុងពិភពលោក។ យោងតាម Gregory Claeys មកពីមជ្ឈមណ្ឌលស្រាវជ្រាវ Bruegel មានមូលដ្ឋាននៅក្នុងទីក្រុង Brussels ជាពិសេសសម្រាប់អ្នកមានប្រាក់ចំនូលទាបបំផុត។ លោកថា ប្រសិនបើអ្នកក្រ តាមធម្មតាអ្នកត្រូវប្រឈមអតិផរណា ជាកម្រិតនៃអតិផរណាដែលប្រឈមកាន់តែខ្លាំង។ ព្រោះអ្នកត្រូវចំណាយប្រាក់បន្ថែមទៀតទៅលើរបស់របរដែលតម្លៃបានហក់ឡើងខ្ពស់ខ្លាំង ដូចជាថាមពល និងអាហារជាដើម។ ការតវ៉ាថ្មីៗបង្ហាញថា កម្មករអឺរ៉ុបជាច្រើនបានសម្រេចចិត្តតតាំង ទៅនឹងស្ថានភាពសេដ្ឋកិច្ចរបស់ពួកគេដែលបន្តធ្លាក់ចុះ។ រដ្ឋាភិបាលនានាកំពុងដោះស្រាយរួចទៅហើយទៅនឹងបញ្ហាប្រឈមមួយចំនួន រួមទាំងការដំឡើងអាយុប្រជាជនចូលនិវត្តន៍ ការបញ្ឈប់បញ្ហាបម្រែបម្រួលអាកាសធាតុ ជម្លោះអ៊ុយក្រែន និងបញ្ចប់ការពឹងផ្អែករបស់ពួកគេលើថាមពលរបស់រុស្ស៊ី៕អត្ថបទ៖ សុខមាន

លោក Trump ថ្លែងសុន្ទរកថានៅរដ្ឋ Florida ក្រោយប្រឈមបទចោទប្រកាន់នៅតុលាការ ដែលលោកមិនធ្លាប់គិតថានឹងអាចមានរឿងនេះកើតឡើងឡើយ

អាមេរិក៖ ប៉ុន្មានម៉ោងបន្ទាប់ពីត្រូវបានចោទប្រកាន់នៅក្នុងតុលាការទីក្រុង New York កាលពីថ្ងៃអង្គារ ទី៤មេសា អតីតប្រធានាធិបតីអាមេរិកលោក Donald Trump បាននិយាយថា លោកគឺជាជនរងគ្រោះនៃការជ្រៀតជ្រែកការបោះឆ្នោត និងបានរិះគន់រដ្ឋអាជ្ញាក្រុង New York លោក Alvin Bragg ចំពោះការនាំយកការចោទប្រកាន់ព្រហ្មទណ្ឌប្រឆាំងនឹងរូបលោក។លោក Trump បានប្រាប់ក្រុមអ្នកគាំទ្រដែលបានប្រមូលផ្ដុំនៅគេហដ្ឋាន Mar-a-Lago របស់លោកក្នុងតំបន់ឆ្នេរសមុទ្រ Palm Beach រដ្ឋ Florida ថា លោកមិននឹកស្មានថា អាចមានរឿងបែបនេះកើតឡើងនៅក្នុងសហរដ្ឋអាមេរិកទាល់តែសោះ។ បទឧក្រិដ្ឋតែមួយគត់ដែលលោកបានប្រព្រឹត្តគឺដើម្បីការពារប្រទេសរបស់យើង ដោយគ្មានការភ័យខ្លាច ប្រឆាំងនឹងអ្នកទាំងឡាយដែលព្យាយាមបំផ្លាញប្រទេសនេះ។ លោកបានបន្ថែមថា ការបោះឆ្នោតរបស់យើងគឺដូចជាការបោះឆ្នោតនានានៅក្នុងប្រទេសតតិយលោក ហើយពេលនេះការជ្រៀតជ្រែកការបោះឆ្នោតដ៏ធំនេះមានកាន់តែច្រើន មិនធ្លាប់បានឃើញពីមុនមកនៅក្នុងប្រទេសរបស់យើង តាមរយៈការចាប់ផ្ដើមដោយលោក George Soros ជនឆ្វេងនិយមជ្រុលគាំទ្រដោយរដ្ឋអាជ្ញាលោក Alvin Bragg នៃតុលាការក្រុង New York ដែលជាអ្នកដឹកនាំយុទ្ធនាការលើការពិតដែលថានឹងចាត់ការផ្តោតលើ Trump តែម្តង។លោក Trump បានផ្ដល់ចម្លើយពីភាពគ្មានទោសចំពោះបទចោទប្រកាន់ព្រហ្មទណ្ឌចំនួន ៣៤ករណីនៃបទចោទប្រកាន់ពីបទក្លែងបន្លំឯកសារធុរកិច្ច ខណៈក្រុមរដ្ឋអាជ្ញាតំបន់ Manhattan បានចោទប្រកាន់លោកពីបទផ្ដល់ប្រាក់ឲ្យទៅស្ត្រី ២នាក់មុនការបោះឆ្នោតឆ្នាំ២០១៦ ដើម្បីបិទបាំងរឿងអាស្រូវផ្លូវភេទជាមួយលោក៕អត្ថបទ៖ សុខមាន

លោក Joe Biden គេចវេះពីសំណួរទាក់ទងការចូលខ្លួនរបស់អតីតប្រធានាធិបតី Donald Trump នៅតុលាការ

អាមេរិក៖ ខណៈដែលពិភពលោកចោលក្រសែភ្នែកទៅលើការបង្ហាញខ្លួន នៅក្នុងសវនាការក្នុងទីក្រុង New York របស់អតីតប្រធានាធិបតី Donald Trump មានសំណួរមួយចោទសួរពីក្រុមអ្នកសារព័ត៌មាននៅសេតវិមាន គឺតើលោកប្រធានាធិបតី Joe Biden មានអ្វីចង់និយាយទេ? ចម្លើយគឺធម្មតា និងមិនផ្លាស់ប្ដូរនោះគឺគ្មានការធ្វើអត្ថាធិប្បាយឡើយ។ខណៈលោក Trump បានបង្ហាញខ្លួននៅតុលាការចម្ងាយ ៣៨៣គីឡូម៉ែត្រទៅភាគខាងជើង លោក Biden ស្ថិតក្នុងបន្ទប់ទទួលទានអាហារពេលល្ងាចនៅសេតវិមាន ដោយអង្គុយក្រោមរូបថតអតីតប្រធានាធិបតីទី១៦ របស់សហរដ្ឋអាមេរិកគឺលោក Abraham Lincoln អមដោយក្រុមប្រឹក្សានៃទីប្រឹក្សាផ្នែកវិទ្យាសាស្ត្រ និងបច្ចេកវិទ្យារបស់លោក។ លោកប្រធានាធិបតីរូបនេះបានប្រមូលក្រុមប្រឹក្សាសម្រាប់ជំនួបស្ដីពីគ្រោះថ្នាក់ និងលទ្ធភាពនៃបញ្ញាសិប្បនិម្មិត។ កិច្ចប្រជុំនេះបានបញ្ចប់ទៅដោយការស្រែកសួរជាបន្តបន្ទាប់ ពីក្រុមអ្នកសារព័ត៌មានអំពីលោក Trump ដែលមិនអើពើ និងពុំបានឆ្លើយអ្វីទាំងអស់ ខណៈសារព័ត៌មាននានាត្រូវបានស្នើឲ្យចេញពីបន្ទប់។ យុទ្ធសាស្ត្រនេះត្រូវបានបកស្រាយលម្អិតកាលពីព្រឹកថ្ងៃអង្គារ ដោយអ្នកនាំពាក្យសេតវិមានលោកស្រី Karine Jean-Pierre ដែលបាននិយាយលេងសើចជាមួយក្រុមអ្នកសារព័ត៌មានថា លោកស្រីពេញចិត្តនឹងសំណួរទាំងឡាយទាក់ទងនឹងលោក Trump ដែលត្រូវបានសួរតាមរបៀបផ្សេងៗគ្នា។ លោកស្រីនិយាយថា ដូច្នេះជាបឋម ខ្ញុំត្រូវតែនិយាយថា ករណីនេះកំពុងបន្តនៅឡើយ ហេតុនេះយើងមិនមានការអត្ថាធិប្បាយអ្វីទេលើសំណុំរឿងនេះ។ លោកប្រធានាធិបតីនឹងយកចិត្តទុកដាក់លើប្រជាពលរដ្ឋអាមេរិកគ្រប់ៗគ្នា ដូចដែលលោកបានធ្វើរាល់ថ្ងៃ។ លោកស្រីបន្ថែមថា នេះមិនមែនជារឿងដែលលោកប្រធានាធិបតីយកចិត្តទុកដាក់នោះទេ៕អត្ថបទ៖ សុខមាន

ការបង្ហាញខ្លួននៅតុលាការរបស់លោក Trump លុបលើព័ត៌មានផ្សេងទៀតនៅសហរដ្ឋអាមេរិក និងកាណាដា

អាមេរិក៖ ការផ្សាយព័ត៌មានពេលល្ងាចរបស់សហរដ្ឋអាមេរិក និងប្រទេសកាណាដាបាននាំមុខជាមួយនឹងរឿងរ៉ាវនៃការឡើងបង្ហាញរបស់ខ្លួនអតីតប្រធានាធិបតី Donald Trump នៅតុលាការដែលបង្កើតជារឿងប្រវត្តិសាស្ត្រកាលពីថ្ងៃអង្គារ ទី៤ ខែមេសា។ លោក Trump បានផ្តល់ចម្លើយពីភាពគ្មានទោសចំពោះបទឧក្រិដ្ឋចំនួន ៣៤ករណីនៃការក្លែងបន្លំឯកសារពាណិជ្ជកម្ម ខណៈរដ្ឋអាជ្ញាបានចោទប្រកាន់លោកពីបទបង់ប្រាក់ទៅឱ្យស្ត្រី ២នាក់មុនការបោះឆ្នោតនៅសហរដ្ឋអាមេរិកឆ្នាំ ២០១៦ ដើម្បីបិទការផ្សព្វផ្សាយអំពីទំនាក់ទំនងផ្លូវភេទរបស់ពួកគេជាមួយលោក។ ការចោទប្រកាន់នេះផ្តោតលើការបង់ប្រាក់បិទមាត់ទៅឲ្យតារាភាពយន្តអាសអាភាសនាង Stormy Daniels។ នាងអះអាងថាមានទំនាក់ទំនងផ្លូវភេទជាមួយលោក Trump ដែលលោកបានបដិសេធ។ រដ្ឋអាជ្ញាបានពិពណ៌នាលម្អិតអំពីការបង់ប្រាក់ដែលត្រូវបានចោទប្រកាន់ផ្សេងទៀត ដើម្បីបិទរឿងរ៉ាវដែលជះឥទ្ធិពលអាក្រក់ដែលរឿងមួយពាក់ព័ន្ធនឹងអ្នកបើកទ្វារ និងមួយទៀតពាក់ព័ន្ធនឹងអតីតតារាម៉ូឌែលទស្សនាវដ្តី Playboy ម្នាក់។ ចៅក្រមលោក Juan Merchan មិនបានចេញសេចក្តីបង្គាប់ហាមឃាត់លើលោក Trump នោះទេ ប៉ុន្តែបានស្នើឱ្យភាគីទាំង២ យកចិត្តទុកដាក់លើពាក្យសម្តី និងវោហារសាស្ត្ររបស់ពួកគេ។ ខណៈការក្លែងបន្លំឯកសារពាណិជ្ជកម្មនៅទីក្រុងញូវយ៉កលើពាណិជ្ជកម្មផ្ទាល់ខ្លួន គឺជាបទល្មើសមជ្ឈិមដែលត្រូវផ្តន្ទាទោសឲ្យជាប់ពន្ធនាគារមិនលើសពីមួយឆ្នាំ វាត្រូវបានបង្កើនទៅជាបទឧក្រិដ្ឋដែលមានទោសរហូតដល់ ៤ឆ្នាំ នៅពេលដែលត្រូវបានធ្វើដើម្បីជំរុញ ឬលាក់បាំងបទឧក្រិដ្ឋផ្សេងទៀតដូចជាការរំលោភច្បាប់បោះឆ្នោតជាដើម៕អត្ថបទ៖ សុខមាន

លោក Trump ត្រឡប់មករដ្ឋ Florida វិញ បន្ទាប់ពីការនាំខ្លួនឡើងតុលាការនៅញូវយ៉ក

អាមេរិក៖ អតីតប្រធានាធិបតីសហរដ្ឋអាមេរិកលោក Donald Trump បានមកដល់រដ្ឋ Florida វិញកាលពីថ្ងៃអង្គារ បន្ទាប់ពីត្រូវបានចោទប្រកាន់ពីបទក្លែងបន្លំឯកសារពាណិជ្ជកម្មនៅក្នុងទីក្រុងញូវយ៉ក។ លោក Trump បានផ្តល់ចម្លើយពីភាពគ្មានទោសកំហុសចំពោះបទឧក្រិដ្ឋចំនួន ៣៤ករណីនៃការក្លែងបន្លំឯកសារពាណិជ្ជកម្មនៅក្នុងពេលវេលាជាប្រវត្តិសាស្ត្រសម្រាប់សហរដ្ឋអាមេរិក។ចុងចោទលោក Donald Trump កាលពីថ្ងៃអង្គារ ទី៤ ខែមេសាបានបដិសេធចោលកំហុសទាំងអស់ ខណៈរដ្ឋអាជ្ញាបានចោទប្រកាន់លោកពីបទបង់ប្រាក់ទៅឱ្យស្ត្រី ២នាក់មុនការបោះឆ្នោតនៅសហរដ្ឋអាមេរិកកាលពីឆ្នាំ២០១៦ ដើម្បីបំបិទមាត់មិនឲ្យផ្សព្វផ្សាយពីទំនាក់ទំនងផ្លូវភេទរបស់ពួកគេជាមួយលោក។ នៅក្នុងការបង្ហោះតាមប្រព័ន្ធផ្សព្វផ្សាយសង្គមលើកដំបូងរបស់លោក Trump ចាប់តាំងពីការចូលបង្ហាញខ្លួននៅតុលាការនៅតំបន់ Manhattan កាលពីព្រឹកថ្ងៃអង្គារ អតីតប្រធានាធិបតីសហរដ្ឋអាមេរិករូបនេះបានសរសេរនៅលើបណ្តាញសង្គមរបស់លោក Truth Social ថា សវនាការនេះពិតជាភ្ញាក់ផ្អើលដល់មនុស្សជាច្រើនក្នុងរឿងមិនគួរមានការភ្ញាក់ផ្អើល ដូច្នេះគ្មានរឿងក្តីអ្វីទាំងអស់។ ស្ទើរតែគ្រប់អ្នកជំនាញច្បាប់បាននិយាយថា ពុំមានករណីណាមួយនៅទីនេះនោះទេ។ ពុំមានអ្វីដែលធ្វើខុសច្បាប់នោះឡើយ។ លោក Trump អាយុ ៧៦ឆ្នាំបាននិយាយថា «ពុំមានកំហុសនោះទេ» នៅពេលត្រូវបានគេសួរ។ លោក Trump មិនបាននិយាយអ្វីឡើយ ខណៈលោកចូលទៅក្នុងបន្ទប់សវនាការ ឬពេលដែលលោកចាកចេញមកវិញប្រហែលមួយម៉ោងក្រោយមក៕អត្ថបទ៖ ប៊ុនថន

សម្តេចតេជោ អំពាវនាវឲ្យជនរួមជាតិគ្រប់រូបរួមគ្នាទិញ និងគាំទ្រផលិតផលខ្មែរដើម្បីបង្កើតការងារដល់ពលរដ្ឋខ្មែរ

ភ្នំពេញ÷ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងជាប្រធានកិត្តិយសគណៈកម្មាធិការជាតិចលនាភូមិ មួយផលិតផលមួយ បានអំពាវនាវជាថ្មីម្តងទៀតឲ្យបងប្អូនប្រជាជនកម្ពុជាគ្រប់រូបចូលរួមគាំទ្រ និងទិញផលិតផលខ្មែរយកទៅប្រើប្រាស់ឲ្យបានច្រើន ដើម្បីធ្វើយ៉ាងណាបង្កើតការងារដល់ពលរដ្ឋខ្មែរខ្លួនឯងឲ្យបានកាន់តែច្រើនបន្ថែមទៀត ខណៈរាជរដ្ឋាភិបាលកំពុងជំរុញគុណភាពផលិតផលខ្មែរនេះឲ្យបានកាន់តែល្អក្នុងគោលបំណងបង្កើនតម្លៃ ដើម្បីឆ្លើយតបទៅនឹងតម្រូវការទីផ្សារក្នុងប្រទេស និងក្រៅប្រទេស។ក្នុងសារិខិតរបស់សម្តេចតេជោ នាយប់ថ្ងៃទី៤ ខែមេសា ឆ្នាំ២០២៣នេះ ដើម្បីអបអរសាទរទិវាជាតិលើកកម្ពស់ការប្រើប្រាស់ផលិតផលខ្មែរ លើកទី៦ឆ្នាំ២០២៣ ក្រោមវិធានបទ«រួមគ្នាទិញផលិតផលខ្មែរ គឺបង្កើតការងារជូនពលរដ្ឋខ្មែរ» សម្តេចតេជោ នាយករដ្ឋមន្រ្តីបានលើកឡើងថា ដើម្បីឲ្យផលិតផលខ្មែរកាន់តែរីកចំរើនបន្ថែមទៀតនោះ ភាគីពាក់ព័ន្ធទាំងអស់ទាំងក្នុងជូររាជរដ្ឋាភិបាល អង្គការសង្គមស៊ីវិល និងវិស័យឯកជន ត្រូវបន្តសហការគ្នាដើម្បីជំរុញចលនាភូមិមួយផលិតផលមួយ ក្នុងការចងក្រងបណ្តាញ សមាជិកចលនាភូមិមួយផលិតផលមួយឲ្យបានទូលំទូលាយ និងគៀរគដៃគូនានាសហការគ្នារៀបចំឲ្យមាន ព្រឹត្តិការណ៍តាំងបង្ហាញ និងលក់ ទិញផលិតផលខ្មែរ តាមទីកន្លែងដែលមានសក្តានុពលទូទាំងប្រទេស។នៅក្នុងសារលិខិត សម្តេចតេជោ ហ៊ុន សែន នាយករដ្ឋមន្រ្តីបានប្រកាសផងដែរថា ទិវាជាតិលើកកម្ពស់ការប្រើប្រាស់ផលិតផលខ្មែរ លើកទី៦ នឹងរៀបចំនៅខេត្តស្វាយរៀង ចាប់ពីថ្ងៃទី ដល់ថ្ងៃទី១៣ ខែមេសា ឆ្នាំ២០២៣នេះ ខណៈការដែលរាជរដ្ឋាភិបាលឲ្យមានការរៀបចំនូវកម្មវិធីនេះ គឺដើម្បីជំរុញឲ្យព្រឹត្តិការណ៍នេះក្លាយទៅជាសំឡេងស្គរ ទូងដាស់ស្មារតីបងប្អូនប្រជាពលរដ្ឋកម្ពុជាគ្រប់រូបឲ្យខិតខំផលិត និងប្រើប្រាស់ផលិតខ្មែរឲ្យបានកាន់តែច្រើនខ្លាំងឡើងបន្ថែមទៀតផងដែរ។សម្តេចតេជោ ហ៊ុន សែន ក៏បានលើកឡើងផងដែរថា ទិវាជាតិលើកកម្ពស់ការប្រើប្រាស់ផលិតផលខ្មែរ លើកទី៦ ឆ្នាំ២០២៣នេះ ត្រូវបានរៀបចំដើម្បីផ្សព្វផ្សាយដល់ក្រសួងស្ថាប័ន និងដៃគូពាក់ព័ន្ធ ព្រមទាំងប្រជាពលរដ្ឋទាំងអស់រួមគ្នាផលិត កែច្នៃប្រើប្រាស់ និងទិញផលិតផលខ្មែរ ជាពិសេសក្នុងឱកាសនៃពិធីបុណ្យចូលឆ្នាំប្រពៃណីជាតិរបស់យើងនាថ្ងៃទី១៤ ខែមេសា ឆ្នាំ២០២៣ខាងមុខនេះ សម្រាប់ជាការរួមគ្នាកសាងកម្លាំងសេដ្ឋកិច្ចកម្ពុជាឲ្យកាន់តែមានសន្ទុះខ្លាំងក្លាថែមទៀត ក្រោមបរិយាកាសដ៏អំណោយផល នៃម្លប់សន្តិភាពផងដែរ។ក្នុងសារលិខិតនេះដែរ សម្តេចតេជោ ហ៊ុន សែន នាយករដ្ឋមន្រ្តី ក៏បានលើកឡើងផងដែរថា ពេលវេលាប្រមាណសាមសិបឆ្នាំមុន ដែលរាជរដ្ឋាភិបាលបានហែលឆ្លងស្ថានភាពដ៏លំបាកលំបិនមួយ ដែលស្ថានភាពពេលនោះគឺដៃម្ខាងត្រូវខិតខំបញ្ចប់សង្រ្គាម ស្វែងរកសុខសន្តិភាព និងដៃម្ខាងទៀតគឹប្រឹងកសាង ស្តារឡើងវិញ និងអភិវឌ្ឍប្រទេសរហូតឈានដល់ការសម្រេចបាននូវការការបញ្ចប់សង្រ្គាមបានទាំងស្រុងក្រោម«នយោបាយ ឈ្នះ ឈ្នះ» ដែលនាំឲ្យប្រទេសជាតិយើងឆ្ពោះទៅរកការអភិវឌ្ឍលើគ្រប់វិស័យ។ សម្តេចតេជោ បានបញ្ជាក់បន្ថែមទៀតថា«សន្តិភាព និងការអភិវឌ្ឍ គឺជាចំណងទំនាក់ទំនងគ្នាដែល មិនអាចកាត់ផ្តាច់បាន។ ដូច្នេះយើងត្រូវរួមគ្នាបន្តថែរក្សាសុខសន្តិភាពដើម្បីរួមសហការគ្នាជំរុញល្បឿននៃការអភិវឌ្ឍ ដោយទាញយកសក្តានុពលនៃសន្តិភាពនេះឲ្យបានអស់លទ្ធភាពផងដែរ៕អត្ថបទ÷ បាន ចក់

សម្ដេចតេជោ ហ៊ុន សែន អញ្ជើញចូលរួមក្នុងពិធីលៀងសាយភោជន៍ រៀបចំដោយនាយករដ្ឋមន្ត្រីឡាវ

ឡាវ៖ នៅរាត្រីថ្ងៃទី៤ ខែមេសា ឆ្នាំ២០២៣ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញចូលរួមក្នុងពិធីលៀងសាយភោជន៍ ដែលរៀបចំដោយឯកឧត្តម Sonexay Siphandone នាយករដ្ឋមន្រ្តី នៃសាធារណរដ្ឋប្រជាធិបតេយ្យប្រជាមានិតឡាវ។ នេះជាពិធីលៀងសាយភោជន៍ពេលរាត្រីជាមហាកិត្តិយសដ៏ខ្ពង់ខ្ពស់បំផុត ជូនសម្តេច ឯកឧត្តម លោកជំទាវ ប្រមុខរដ្ឋាភិបាល និងថ្នាក់ដឹកនាំ នៃបណ្តាប្រទេសមេគង្គ ដែលបានអញ្ជើញចូលរួមក្នុងកិច្ចប្រជុំកំពូលមេគង្គលើកទី៤ នៅរដ្ឋធានីវៀងចន្ទន៍ នៃសាធារណរដ្ឋប្រជាធិបតេយ្យប្រជាមានិតឡាវ។ ប្រមុខរដ្ឋាភិបាល និងថ្នាក់ដឹកនាំ នៃបណ្តាប្រទេសមេគង្គ ត្រូវបានការធ្វើគារវកិច្ចស្វាគមន៍យ៉ាងស្និទ្ធស្នាលពី ឯកឧត្តម Sonexay Siphandone នាយករដ្ឋមន្រ្តីឡាវ មុនពិធីលៀងសាយភោជន៍ពេលរាត្រីចាប់ផ្តើម។ថ្លែងសុន្ទរកថាក្នុងពិធីលៀងសាយភោជន៍ពេលរាត្រី ឯកឧត្តម Sonexay Siphandone នាយករដ្ឋមន្រ្តីឡាវ មានប្រសាសន៍ថា ក្នុងនាមរដ្ឋាភិបាល និងប្រជាជនឡាវ ឯកឧត្តមសូមសំដែងនូវការស្វាគមន៍យ៉ាងស្និទ្ធស្នាលរ៉ាក់ទាក់បំផុត ជូនចំពោះសម្តេច ឯកឧត្តម លោកជំទាវ ប្រមុខរដ្ឋាភិបាល និងថ្នាក់ដឹកនាំនៃប្រទេសមេគង្គ ក៏ដូចជាដៃគូអភិវឌ្ឍន៍ទាំងអស់របស់ គណៈកម្មការទន្លេមេគង្គ ដែលបានចំណាយពេលវេលាដ៏មានតម្លៃបំផុត អញ្ជើញមកចូលរួមកិច្ចប្រជុំកំពូលមេគង្គលើកទី៤ នៅរដ្ឋធានីវៀងច័ន្ទដ៏ស្រស់បំព្រង។ ឯកឧត្តមនាយករដ្ឋមន្រ្តីឡាវ មានប្រសាសន៍បន្តថា កិច្ចប្រជុំរបស់យើងនៅថ្ងៃទី៥មេសាស្អែក គឺពិតមានតម្លៃខ្លាំងណាស់ ដើម្បីពិនិត្យឡើងវិញអំពីវឌ្ឍនភាព និងសមិទ្ធផលសំខាន់ៗ ដែលគណៈកម្មការទន្លេមេគង្គសម្រេចបាន តាមរយៈការលើកកម្ពស់កិច្ចខិតខំប្រឹងប្រែងរួមគ្នា និងភាពជាដៃគូឆ្ពោះទៅសម្រេចបាន នូវគោលដៅអភិវឌ្ឍន៍ប្រកបដោយចីរភាពក្នុងអាងទន្លេមេគង្គ ចាប់តាំងពីកិច្ចប្រជុំកំពូលគណៈកម្មការទន្លេមេគង្គលើកទី៣ កាលពីឆ្នាំ២០១៨ នៅប្រទេសកម្ពុជា។ ឯកឧត្តមនាយករដ្ឋមន្រ្តីឡាវ ក៏បានចាត់ទុកថា កិច្ចប្រជុំរបស់យើងក៏នឹងពិភាក្សាអំពីបញ្ហាប្រឈម ដែលកំពុងកើតមាននៅក្នុងអាងទន្លេមេគង្គ និងកំណត់ទិសដៅយុទ្ធសាស្ត្រនាពេលអនាគត ដើម្បីរួមគ្នាដោះស្រាយបញ្ហាប្រឈមក្នុងអាងទន្លេមេគង្គ ឱ្យកាន់តែមានប្រសិទ្ធភាព ព្រមទាំងបន្តជំរុញកិច្ចសហប្រតិបត្តិការ និងភាពជាដៃគូក្នុងតំបន់ សម្រាប់ចីរភាពទន្លេមេគង្គ។ឯកឧត្តមនាយករដ្ឋមន្រ្តីឡាវ ក៏បានប្រសិទ្ធពរជ័យបវរមហាប្រសើរ ជូនសម្តេច ឯកឧត្តម លោកជំទាវ សូមមានសុខភាពល្អបរិបូរណ៍ មាំមួន បញ្ញាញាណភ្លឺថ្លា ក្នុងឱកាសនៃការស្នាក់អាស្រ័យនៅរដ្ឋធានីវៀងចន្ទន៍ ពិសេសការចូលរួមពិភាក្សាគ្នាលើ មូលបទ នវានុវត្តន៍ និងកិច្ចសហប្រតិបត្តិការសម្រាប់អាងទន្លេមេគង្គ ដែលមានសន្តិសុខទឹក ប្រកបដោយចីរភាព ក្នុងកិច្ចប្រជុំកំពូលមេគង្គលើកទី៤ ដើម្បីបម្រើឲ្យឧត្តមប្រយោជន៍រួម នៃបណ្តាប្រទេសមេគង្គ ពិសេសដើម្បីបម្រើដល់ផលប្រយោជន៍របស់ប្រជាពលរដ្ឋទាំងអស់៕

បណ្ដាញសង្គម

ព័ត៌មានថ្មីៗ

សង្គ្រាមនៅស៊ូដង់ បានបន្សល់ទុកមីនដែលមិនទាន់ផ្ទុះ និងអាវុធផ្សេងៗទៀត នៅក្នុងទីក្រុងខាទុំ

រុស្ស៊ីវាយប្រហារហេដ្ឋារចនាសម្ព័ន្ធកំពង់ផែ និង មន្ទីរពេទ្យ នៅភាគខាងត្បូងអ៊ុយក្រែន

បារាំងអំពាវនាវឲ្យពលរដ្ឋចាកចេញពីប្រទេសម៉ាលី «ឲ្យបានឆាប់តាមដែលអាចធ្វើទៅបាន»

ប្រទេសលីបង់ឃាត់ខ្លួនអតីតឯកអគ្គរដ្ឋទូតប៉ាឡេស្ទីននៅអាកាសយានដ្ឋានបេរូតពីបទពុករលួយ

សារព័ត៌មានWSJ៖ លោក TRUMP មានគម្រោងបិទផ្លូវអ៊ីរ៉ង់ រយៈពេលយូរ

UN៖ អ៊ីរ៉ង់បានប្រហារជីវិតមនុស្ស ២១នាក់ និង ចាប់ខ្លួន ៤.០០០នាក់ តាំងពីសង្គ្រាមមជ្ឈិមបូព៌ាចាប់ ផ្តើម

អធិការបតីអាល្លឺម៉ង់ បញ្ជាក់ថា ទំនាក់ទំនងជាមួយលោក Trump គឺល្អ ទោះរកាំរកូសបញ្ហាអ៊ីរ៉ង់ក្ដី

លោក PUTIN៖ ទណ្ឌកម្មប្រឆាំងនឹងពាណិជ្ជកររុស្ស៊ីជួនកាលប៉ះពាល់ដល់សាច់ញាតិឆ្ងាយ

លោកស្រី Von der Leyen ព្រមានថា សង្គ្រាមអ៊ីរ៉ង់អាចធ្វើឲ្យអឺរ៉ុបខូចខាតរយៈពេលជាច្រើនឆ្នាំ

រុស្ស៊ីបញ្ជាក់ថា នឹងបន្តនៅក្នុង OPEC+ និងសង្ឃឹមថា អវត្តមានរបស់អារ៉ាប់រួម មិនមែនជាទីបញ្ចប់របស់ក្រុមឡើយ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ប្រធានសភាអាមេរិក និងមេដឹកនាំកោះតៃវ៉ាន់ជួបគ្នា ទោះបីមានការព្រមានពីសំណាក់ចិនក៏ដោយ

មនុស្ស ៥នាក់ទៀតបានស្លាប់ដោយសារព្យុះកួចនៅរដ្ឋមីស៊ូរី សហរដ្ឋអាមេរិក

ហេតុអ្វីបានជាតំបន់អឺរ៉ុបអាចទទួលរងការធ្វើកូដកម្មកាន់តែច្រើន និងភាពតានតឹងខាងនយោបាយកាន់តែខ្លាំង?

លោក Joe Biden គេចវេះពីសំណួរទាក់ទងការចូលខ្លួនរបស់អតីតប្រធានាធិបតី Donald Trump នៅតុលាការ

ការបង្ហាញខ្លួននៅតុលាការរបស់លោក Trump លុបលើព័ត៌មានផ្សេងទៀតនៅសហរដ្ឋអាមេរិក និងកាណាដា

លោក Trump ត្រឡប់មករដ្ឋ Florida វិញ បន្ទាប់ពីការនាំខ្លួនឡើងតុលាការនៅញូវយ៉ក

សម្ដេចតេជោ ហ៊ុន សែន អញ្ជើញចូលរួមក្នុងពិធីលៀងសាយភោជន៍ រៀបចំដោយនាយករដ្ឋមន្ត្រីឡាវ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ប្រធានសភា​អាមេរិក​ និង​មេដឹកនាំ​កោះ​តៃវ៉ាន់​ជួបគ្នា​ ទោះបី​មានការ​ព្រមាន​ពី​សំណាក់​ចិន​ក៏ដោយ​

មនុស្ស​ ៥​នាក់​ទៀត​បាន​ស្លាប់​ដោយសារ​​ព្យុះ​កួច​នៅ​រដ្ឋ​មី​ស៊ូ​រី សហរដ្ឋអាមេរិក

លោក Joe Biden គេចវេះ​ពី​សំណួរ​ទាក់ទង​ការចូល​ខ្លួន​របស់​អតីត​ប្រធានាធិបតី Donald Trump​ នៅ​តុលាការ​

ការបង្ហាញ​ខ្លួន​នៅ​តុលាការ​របស់លោក Trump លុប​លើ​ព័ត៌មាន​ផ្សេងទៀត​នៅ​សហរដ្ឋអាមេរិក និង​កាណាដា​

លោក Trump ត្រឡប់មក​រដ្ឋ Florida វិញ​ បន្ទាប់ពី​ការនាំ​ខ្លួន​ឡើង​តុលាការ​នៅ​ញូវយ៉ក

សម្ដេចតេជោ ហ៊ុន សែន អញ្ជើញចូលរួមក្នុងពិធីលៀងសាយភោជន៍ រៀបចំដោយនាយករដ្ឋមន្ត្រីឡាវ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រធានសភាអាមេរិក និងមេដឹកនាំកោះតៃវ៉ាន់ជួបគ្នា ទោះបីមានការព្រមានពីសំណាក់ចិនក៏ដោយ

មនុស្ស ៥នាក់ទៀតបានស្លាប់ដោយសារព្យុះកួចនៅរដ្ឋមីស៊ូរី សហរដ្ឋអាមេរិក

លោក Joe Biden គេចវេះពីសំណួរទាក់ទងការចូលខ្លួនរបស់អតីតប្រធានាធិបតី Donald Trump នៅតុលាការ

ការបង្ហាញខ្លួននៅតុលាការរបស់លោក Trump លុបលើព័ត៌មានផ្សេងទៀតនៅសហរដ្ឋអាមេរិក និងកាណាដា

លោក Trump ត្រឡប់មករដ្ឋ Florida វិញ បន្ទាប់ពីការនាំខ្លួនឡើងតុលាការនៅញូវយ៉ក