BTV NEWS

សម្តេចតេជោ ហ៊ុន សែន ណែនាំដល់មន្ត្រីរក្សាសន្តិសុខសណ្តាប់ធ្នាប់សង្គមឲ្យបានល្អ ពិសេសបទល្មើសអនឡាញត្រូវបង្ក្រាបកុំអោយងើបឡើងវិញអោយសោះ

សម្តេចតេជោ ហ៊ុន សែន ណែនាំដល់មន្ត្រីយកចិត្តទុកដាក់គ្រប់គ្រងនិងមើលថែដល់អតីតយុទ្ធជន និងនិវត្តជននៅតាមមូលដ្ឋាន

សម្តេច ហ៊ុន សែន អញ្ជើញ ជួបសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរអង្គភាពនានាជុំវិញខេត្ត កំពង់ចាម

កម្ពុជា និងលីទុយអានី ប្ដេជ្ញាជំរុញកិច្ចសហប្រតិបត្តិការទ្វេភាគីលើវិស័យសក្តានុពលឱ្យកាន់តែស៊ីជម្រៅ

ព័ត៌មានសំខាន់ៗ

អាមេរិកនិយាយថា រុស្ស៊ីនឹងផ្ដល់ស្បៀងអាហារឲ្យកូរ៉េខាងជើងជាថ្នូរនឹងការបញ្ជូនអាវុធ

អាមេរិក៖ អ្នកនាំពាក្យសន្តិសុខជាតិសហរដ្ឋអាមេរិកលោក John Kirby បាននិយាយថា ប្រទេសរុស្ស៊ីកំពុងបញ្ជូនគណៈប្រតិភូមួយក្រុមទៅប្រទេសកូរ៉េខាងជើង ដើម្បីផ្ដល់ស្បៀងអាហារជាថ្នូរនឹងការបញ្ជូនអាវុធឲ្យរុស្ស៊ីវិញ។ លោក Kirby បាននិយាយថា កិច្ចព្រមព្រៀងអាវុធរវាងកូរ៉េខាងជើង និងរុស្សីនឹងបំពានលើសេចក្ដីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ។ សហរដ្ឋអាមេរិកធ្លាប់បានចោទកូរ៉េខាងជើង ពីបទផ្គត់ផ្គង់អាវុធឲ្យទៅយោធារុស្ស៊ីក្នុងប្រទេសអ៊ុយក្រែន និងក្រុមទាហានស៊ីឈ្នួលវ៉េកនើគ្រុបរបស់រុស្ស៊ី។ តែថ្មីៗនេះទីក្រុងព្យុងយ៉ាងបានទាត់ចោលការអះអាងនេះ។ លោក Kirby បានប្រាប់សន្និសីទសារព័ត៌មានថា សហរដ្ឋអាមេរិកមានព័ត៌មានស្ដីពីកិច្ចព្រមព្រៀងនេះ។ លោកថា យើងក៏បានយល់ដែរថា រុស្ស៊ីកំពុងព្យាយាមបញ្ជូនគណៈប្រតិភូមួយក្រុមទៅកូរ៉េខាងជើង ហើយថា រុស្ស៊ីកំពុងផ្ដល់ស្បៀងអាហារឲ្យទៅកូរ៉េខាងជើងជាថ្នូរនឹងការផ្ដល់អាវុធឲ្យខ្លួនវិញ។ កូរ៉េខាងជើងគឺជាប្រទេសមួយក្នុងចំណោមប្រទេសក្រីក្របំផុតក្នុងពិភពលោក និងធ្លាប់ជួបប្រទះកង្វះស្បៀងអាហាររ៉ាំរ៉ៃជាច្រើនទសវត្សរ៍ រួមទាំងគ្រោះទុរ្ភិក្សធ្ងន់ធ្ងរចាប់ពីពាក់កណ្ដាលដល់ចុងទសវត្សរ៍ឆ្នាំ១៩៩០៕អត្ថបទ៖ សុខមាន

លោក Donald Trump នឹងត្រូវចោទប្រកាន់ពីបទប្រើលុយបិទមាត់តារាអាសអាភាស Stormy Daniels

អាមេរិក៖ លោក Donald Trump ត្រូវបានចោទប្រកាន់ដោយក្រុមមេធាវី Manhattan បន្ទាប់ពីការស៊ើបអង្កេតករណីប្រើលុយបំបិទមាត់តារាភាពយន្តអាសអាភាសនាង Stormy Daniels ដែលធ្វើឲ្យលោកក្លាយជាអតីតប្រធានាធិបតីអាមេរិកដំបូងគេ ដែលត្រូវប្រឈមនឹងការចោទប្រកាន់បទឧក្រិដ្ឋ ស្របពេលដែលលោកចូលរួមការប្រកួតប្រជែងដណ្ដើមកៅអីសេតវិមាននៅឆ្នាំក្រោយ។ ការចោទប្រកាន់ដែលកើតចេញពីការស៊ើបអង្កេតដឹកនាំដោយមេធាវីតំបន់ Manhattan នៃគណបក្សប្រជាធិបតេយ្យលោក Alvin Bragg អាចផ្លាស់ប្តូរការប្រណាំងប្រជែងតំណែងប្រធានាធិបតីឆ្នាំ២០២៤ ខាងមុខ។ លោក Trump ធ្លាប់បាននិយាយថា លោកនឹងបន្តធ្វើយុទ្ធនាការសម្រាប់ការតែងតាំងរបស់គណបក្សសាធារណរដ្ឋ ទោះបើលោកត្រូវបានចោទប្រកាន់ពីបទឧក្រិដ្ឋក៏ដោយ។ នៅក្នុងសេចក្ដីថ្លែងការណ៍មួយ លោក Trump បាននិយាយថា លោកពិតជាគ្មានកំហុសឡើយ។ លោកថា នេះគឺជាការធ្វើទុក្ខបុកម្នេញខាងនយោបាយ និងការជ្រៀតជ្រែកការបោះឆ្នោតក្នុងកម្រិតខ្ពស់បំផុតក្នុងប្រវត្តិសាស្ត្រ ដោយពុំបានផ្ដល់ភស្តុតាង។ ភ្លាមៗបន្ទាប់ពីលោក Trump បានអំពាវនាវឲ្យក្រុមអ្នកគាំទ្រផ្ដល់ប្រាក់សម្រាប់ការការពារខាងផ្លូវច្បាប់។ ការចោទប្រកាន់ជាក់លាក់មិនទាន់ត្រូវបានដឹងទេ ហើយការចោទប្រកាន់នេះទំនងជានឹងត្រូវបិទដោយចៅក្រមនៅប៉ុន្មានថ្ងៃខាងមុខនេះ។ លោក Trump នឹងត្រូវធ្វើដំណើរទៅកាន់ Manhattan ដើម្បីស្កេនក្រយៅដៃ និងដំណើរការផ្សេងទៀតនៅទីនោះ៕អត្ថបទ៖ សុខមាន

រដ្ឋមន្ត្រីក្រសួងព័ត៌មាន៖ សម្ដេចតេជោ ហ៊ុន សែន ប្រកាសមិនឲ្យយកលុយពីទូរទស្សន៍បរទេសនានាដែលផ្សាយពីស៊ីហ្គេម នៅកម្ពុជាទេ

ភ្នំពេញ៖ ឯកឧត្ដម ខៀវ កាញារីទ្ធ រដ្ឋមន្ត្រីក្រសួងព័ត៌មានបានប្រកាសតាមFacebookផ្ទាល់ខ្លួន នៅព្រឹកថ្ងៃទី៣១ ខែមីនា ឆ្នាំ២០២៣នេះថា សម្តេចតេជោ ហ៊ុន សែន នាយករដ្ឋមន្ត្រី បានប្រកាសមិនឱ្យយកលុយសម្រាប់ការផ្សាយបន្តទៅក្រៅប្រទេស ក្នុងព្រឹត្តិការណ៍ប្រកួតកីឡាស៊ីហ្គេម លើកទី៣២ ដែលនឹងប្រព្រឹត្តិទៅនៅកម្ពុជានាពេលខាងមុខនេះទេ។ការសម្រេចរបស់សម្តេចដូច្នេះ បានធ្វើឡើងក្នុងសម័យប្រជុំពេញអង្គគណៈរដ្ឋមន្ត្រីនាព្រឹកថ្ងៃទី៣១ ខែមីនា ឆ្នាំ២០២៣នេះ នៅវិមានសន្តិភាព។ឯកឧត្ដម រដ្ឋមន្ត្រីក្រសួងព័ត៌មានបានសរសេរថា សម្ដេចតេជោ បានប្រកាសឲ្យទាំងប្រជាជនខ្មែរ ទាំងជនជាតិបរទេស មានសិទ្ធិចូលទស្សនាកីឡាស៊ីហ្គេម ដោយមិនបង់លុយអីទាំងអស់ ។ សហព័ន្ធកីឡាដែលចូលរួមក៏មិនត្រូវបង់លុយដែរ។ ឯការសផ្សាយរបស់ទូរទស្សន៍បរទេសនានាត្រូវទម្លាក់ថ្លៃ ឬក៏ឲ្យផ្សាយបន្ត ដោយមិនយកលុយតែម្ដង ព្រោះសំខាន់គឺផ្សាយពីប្រទេសកម្ពុជាយើង។សម្តេចតេជោ ហ៊ុនសែន បានប្រកាសថា «ពិតមែនតែចូលមើលស៊ីហ្កេមមិនយកលុយ តែសំបុត្រត្រូវតែមាន ដើម្បីដឹងកន្លែងអង្គុយ និងច្រកចេញចូល»៕

សម្តេចតេជោ ហ៊ុន សែន អញ្ជើញដឹកនាំប្រជុំគណៈរដ្ឋមន្ត្រីពេញអង្គដើម្បីឆ្លងរបៀបវារៈមួយចំនួន

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៅព្រឹកថ្ងៃទី៣១ ខែមីនា ឆ្នាំ២០២៣នេះ បានដឹកនាំប្រជុំពេញអង្គគណៈរដ្ឋមន្រ្តី ដើម្បីពិភាក្សា និងឆ្លងរបៀបវារៈដូចខាងក្រោម៖១. សេចក្តីព្រាងផែនការជាតិទសវត្សរ៍សកម្មភាពសុវត្ថិភាពចរាចរណ៍ផ្លូវគោក ឆ្នាំ២០២១-២០៣០២. សេចក្តីព្រាងច្បាប់ស្តីពីសារពើពន្ធ៣. សេចក្តីព្រាងច្បាប់ស្តីពីលទ្ធកម្មសាធារណៈ៤. ការអភិវឌ្ឍគម្រោងវារីអគ្គិសនីស្ទឹងឬស្សីជ្រុំកណ្ដាលអានុភាព ៧០មេហ្គាវ៉ាត់ នៅស្រុកមណ្ឌលសីមា និងគម្រោងវារីអគ្គិសនីស្ទឹងវាលថ្មកំបុតអានុភាព ១០០មេហ្គាវ៉ាត់ នៅស្រុកថ្មបាំង ខេត្តកោះកុង ផ្គួបគ្នា៥. គម្រោងវិនិយោគស្ថានីយផលិតអគ្គិសនីដើរដោយថាមពលពន្លឺព្រះអាទិត្យអានុភាព១៥០មេហ្គាវ៉ាត់ ខេត្តពោធិ៍សាត់, អានុភាព៦០មេហ្គាវ៉ាត់ ខេត្តកំពង់ឆ្នាំង, អានុភាព ៦០មេហ្គាវ៉ាត់ ខេត្តស្វាយរៀង និងអានុភាព ៨០មេហ្គាវ៉ាត់ ខេត្តព្រៃវែង៦. បញ្ហាផ្សេងៗ សំណើសុំការយល់ព្រមពីគណៈរដ្ឋមន្រ្តី ដើម្បីសុំការអនុម័តពីស្ថាប័ននីតិប្បញ្ញត្តិលើសេចក្តីព្រាងច្បាប់ស្តីពីការអនុម័តយល់ព្រមលើកិច្ចព្រមព្រៀងស្តីពីពាណិជ្ជកម្មតាមព្រំដែន រវាងរាជរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាលនៃសាធារណរដ្ឋសង្គមនិយមវៀតណាម៕

សម្តេចតេជោបញ្ជាមិនឱ្យលក់សំបុត្រនិងប្រកាសបើកទស្សនាដោយសេរីការប្រកួតកីឡាស៊ីហ្គេមនៅកម្ពុជា

ភ្នំពេញ ៖សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នារសៀលថ្ងៃទី៣០ ខែមីនា ឆ្នាំ ២០២៣នេះ បានដាក់ចេញបទបញ្ជាមិនឱ្យមានការលក់សំបុត្រចំពោះការចូលទស្សនា ការប្រកួតកីឡាស៊ីហ្គេមលើកទី៣២នោះឡើយ ដោយសម្ដេចប្រកាសអនុញ្ញាតឱ្យប្រជាពលរដ្ឋចូលទស្សនាដោយសេរី។ការចេញបទបញ្ជារបស់សម្តេចតេជោ ហ៊ុន សែន នាពេលនេះ បន្ទាប់ពីសម្ដេចតេជោទទួលបានព័ត៌មានតាមរយៈសម្ដេចពិជ័យសេនា ទៀ បាញ់ ឧបនាយករដ្ឋមន្រ្ដី រដ្ឋមន្រ្ដីក្រសួងការពារជាតិថាមានការផ្សព្វផ្សាយថាមានការលក់សំបុត្រចូលទស្សនាក្នុងពេលពិធីបើក និងពិធីបិទ កីឡាស៊ីហ្គេមនៅកម្ពុជា។សម្ដេចតេជោមានប្រសាសន៍ថា រាជរដ្ឋាភិបាលបានចំណាយប្រាក់ទាំងមូលដ្ឋានសម្ភារៈបច្ចេកទេស ក៏ដូចជាជំនួយពីមិត្តចិនសម្រាប់ការកសាងនូវមូលដ្ឋាននៃការប្រកួត ព្រមទាំងចំណាយនូវធនធានជាច្រើនដើម្បីកសាងហេដ្ឋារចនាសម្ព័ន្ធដទៃទៀតរាប់រយលានដុល្លារ និងបានចំណាយពេលជាច្រើនឆ្នាំទម្រាំកើតចេញជារូបរាងនៃការប្រកួត កីឡាស៊ីហ្គេមលើកទី៣២ នៅកម្ពុជា។សម្ដេចតេជោបានបញ្ជាក់ថា ករណីនេះមិនមែនជាកំហុសរបស់សម្ដេចពិជ័យសេនា ទៀ បាញ់ នោះឡើយ ប៉ុន្ដែសម្ដេចតេជោ បញ្ជាក់ថានឹងរកអ្នកដែលទទួលខុសត្រូវលើការផ្សព្វផ្សាយពីការលក់សំបុត្រសម្រាប់ទស្សនាពេលពិធីបើក និងបិទកីឡាស៊ីហ្គេមនេះ ដែលកត្តានេះជាការទទួលខុសត្រូវរបស់រាជរដ្ឋាភិបាលចំពោះមុខប្រជាជន ដែលកម្ពុជាបានរងចាំអស់រយៈពេល ៤៤ ឆ្នាំ និងចំណាយធនធានអស់យ៉ាងច្រើនទាំងពេលវេលា និងថវិកាដើម្បីកើតចេញជារូបរាងនៃការប្រកួតដ៏អស្ចារ្យមួយនេះ។សម្ដេចតេជោបញ្ជាក់ថា គ្មានការបង់ប្រាក់ណាមួយ សម្រាប់ប្រជាជនចូលទៅទស្សនាក្នុងពិធីបើក-បិទ និង ទស្សនាគ្រប់វិញ្ញាសារនៃការប្រកួតនៃព្រឹត្តិការណ៍កីឡាស៊ីហ្គេមលើកទី៣២ នៅកម្ពុជានោះឡើយ។គួរបញ្ជាក់ថា ថ្ងៃទី៣០ មីនា ឆ្នាំ២០២៣នេះ គឺនៅសល់តែ ៣៦ ថ្ងៃទៀតប៉ុណ្ណោះ នឹងឈានដល់ព្រឹត្តិការណ៍ស៊ីហ្គេមលើកទី៣២ (32nd SEA Games) និងអាស៊ានប៉ារ៉ាហ្គេមលើកទី ១២ (12th ASEAN Para Games) ដែលកម្ពុជាធ្វើជាម្ចាស់ផ្ទះឆ្នាំ២០២៣នេះ៕ អត្ថបទ ៖ វ៉ន ដារ៉ា

[BREAKING NEWS] សម្ដេចតេជោ ហ៊ុន សែន ដាក់ចេញបទបញ្ជាមិនឲ្យមានការលក់សំបុត្រចូលទស្សនាក្នុងព្រឹត្តិការណ៍ស៊ីហ្គេម

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នារសៀលថ្ងៃទី៣០ ខែមីនា ឆ្នាំ ២០២៣នេះ បានដាក់ចេញបទបញ្ជា មិនឱ្យមានការលក់សំបុត្រចំពោះការចូលទស្សនាការប្រកួតកីឡាស៊ីហ្គេម លើកទី៣២ នោះឡើយ គឺអនុញ្ញាតឱ្យប្រជាពលរដ្ឋចូលទស្សនាដោយសេរី។

សម្តេចតេជោ ហ៊ុន សែនសោកសង្រេងចំពោះមរណភាពមនុស្សចុងក្រោយជំនាន់ឪពុកម្តាយសម្តេចមានជម្មាយុ១០២ឆ្នាំ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៅរសៀលថ្ងៃទី៣០ ខែមីនា ឆ្នាំ២០២៣នេះ បានសរសេរលើបណ្តាញសង្គមFacebook ដោយសម្តែងក្តីសោកសង្រេងចំពោះមរណភាពមនុស្សចុងក្រោយ ជំនាន់ឪពុក-ម្តាយសម្តេច ដែលមានជម្មាយុ ១០២ឆ្នាំ។ សម្តេចតេជោ ហ៊ុន សែន បញ្ជាក់ថា“ប្អូនប្រុសម្តាយខ្ញុំឈ្មោះឌី បូ បានទទួលមរណភាព កាលពីម៉ោង១១ និង៤៥នាទី ថ្ងៃទី៣០ ខែមីនា ឆ្នាំ២០២៣នេះ ក្នុងជន្មាយុ១០២ឆ្នាំ”។ សម្តេចតេជោ ហ៊ុន សែន បញ្ជាក់ថា ល្ងាចថ្ងៃទី៣១ ខែមីនាស្អែកនេះ សម្តេចនឹងទៅដុតធូបដើម្បីគោរពវិញ្ញាណក្ខន្ធ និងជូនដំណើរចុងក្រោយចំពោះមរណភាពលោកពូសម្តេច៕

មនុស្សច្រើននាក់ត្រូវបានបារម្ភថាបានស្លាប់ បន្ទាប់ពីឧទ្ធម្ភាគចក្រពីរគ្រឿងរបស់កងទ័ពអាមេរិកធ្លាក់អំឡុងពេលហ្វឹកហាត់

អាមេរិក៖ ឧទ្ធម្ភាគចក្រ Black Hawk ពីរគ្រឿងរបស់កងទ័ពសហរដ្ឋអាមេរិកបានធ្លាក់ អំឡុងពេលបេសកកម្មហ្វឹកហាត់នៅរដ្ឋ Kentucky កាលពីយប់ថ្ងៃពុធ។ អភិបាលរដ្ឋ Kentucky លោក Andy Beshear បាននិយាយនៅលើបណ្តាញ Twitter ថា ចំនួនអ្នកស្លាប់ក្នុងឧបត្តិហេតុត្រូវបានរំពឹងទុក ហើយនគរបាលរដ្ឋ Kentucky និងផ្នែកគ្រប់គ្រងគ្រាអាសន្នរដ្ឋកំពុងឆ្លើយតបចំពោះគ្រោះថ្នាក់នេះ។ ស្ថានីយវិទ្យុក្នុងតំបន់រាយការណ៍ថា ទាហានអាមេរិកម្នាក់នៅកន្លែងកើតហេតុបានបញ្ជាក់ថា មានអ្នកស្លាប់ជាច្រើននាក់។

សម្តេចតេជោ ហ៊ុន សែន នឹងអញ្ជើញប្រគល់វិញ្ញាបនបត្រ និងសញ្ញាបត្រជូនសិក្ខាកាម និងនិស្សិតវិទ្យាស្ថានជាតិពាណិជ្ជសាស្ត្រជាង ៦ពាន់នាក់ នៅព្រឹកស្អែកនេះ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នឹងអញ្ជើញជាអធិបតីក្នុងពិធីប្រគល់វិញ្ញាបនបត្រ និងសញ្ញាបត្រជូនដល់សិក្ខាកាម និងនិស្សិតវិទ្យាស្ថានជាតិពាណិជ្ជសាស្ត្រជាង ៦ពាន់នាក់ នៅមជ្ឈមណ្ឌលសន្និបាត និងពិព័រណ៍កោះពេជ្រ នៅព្រឹកថ្ងៃទី៣០ ខែមីនាស្អែកនេះ។ សិក្ខាកាម និងនិស្សិតដែលទទួលវិញ្ញាបនបត្រ និងសញ្ញាបត្រនេះ មានចំនួនសរុបចំនួន ៦,០៥១នាក់ ស្រី ៣,៨៩៥នាក់។ វិទ្យាស្ថានជាតិពាណិជ្ជសាស្ដ្រ ត្រូវបានបង្កើតឡើងក្នុងឆ្នាំ១៩៧៩ មានឈ្មោះថា «សាលាបច្ចេកទេសពាណិជ្ជកម្មមជ្ឈិម» ស្ថិតក្រោមឱវាទក្រសួងពាណិជ្ជកម្ម។ នៅឆ្នាំ១៩៨៥ ត្រូវបានប្ដូរឈ្មោះមកជាសាលាមធ្យមសិក្សាឯកទេសពាណិជ្ជកម្ម។ នៅឆ្នាំ១៩៩៤ ត្រូវបានផ្ទេរមកនៅក្រោមការគ្រប់គ្រងរបស់ក្រសួងអប់រំ យុវជន និងកីឡា ហើយនៅឆ្នាំ២០០១ បានប្តូរឈ្មោះមកជា វិទ្យាស្ថានជាតិពាណិជ្ជសាស្ដ្រ។ចាប់ពីឆ្នាំ២០០៤ វិទ្យាស្ថានជាតិពាណិជ្ជសាស្រ្ត ត្រូវបានផ្ទេរមកស្ថិតនៅក្រោមការគ្រប់គ្រងរបស់ក្រសួងការងារ និងបណ្តុះបណ្តាលវិជ្ជាជីវៈ។ វិទ្យាស្ថាននេះ មានភារកិច្ចបណ្តុះបណ្តាលសិក្ខាកាម សិស្ស និស្សិត លើផ្នែកធុរកិច្ច និងសេវាកម្ម ចាប់ពីរយៈពេលខ្លី រហូតដល់រយៈពេលវែង ទាំងនិស្សិតអាហារូបករណ៍របស់រដ្ឋ និងនិស្សិតបង់ថ្លៃសិក្សា។ វិទ្យាស្ថានមានគណៈគ្រប់គ្រងសាស្រ្តាចារ្យ និងបុគ្គលិកខ្មែរ-បរទេសជាប់កិច្ចសន្យា សរុបចំនួន ១៤៥នាក់ ស្រី ៣៧នាក់ ដែលក្នុងនោះមានកម្រិតថ្នាក់បណ្ឌិតចំនួន០៣នាក់ ស្រី ១នាក់ កម្រិតថ្នាក់បរិញ្ញាបត្រជាន់ខ្ពស់ចំនួន ៩០នាក់ ស្រី ១៧នាក់ កម្រិតថ្នាក់បរិញ្ញាបត្រ/វិស្វករ ចំនួន ២២នាក់ ស្រី ៦នាក់ និងកម្រិតក្រោមបរិញ្ញាបត្រ ចំនួន ៣០នាក់ ស្រី១៣នាក់។ចាប់តាំងពីឆ្នាំ១៩៨៥ ដល់បច្ចុប្បន្ន វិទ្យាស្ថានបានបណ្តុះបណ្តាលសិក្ខាកាម សិស្ស និស្សិត បានសរុបចំនួន ២៣,៨៨៣នាក់ នារី ១០,១៦៣នាក់។ ក្នុងនោះមាននិស្សិតអាហារូបករណ៍របស់សម្តេចតេជោមានចំនួន ៨៣០នាក់។ សិស្ស និស្សិតកំពុងសិក្សាមានសរុបចំនួន ៥,០៦១នាក់ នារី ៣,៤៦៨នាក់។ សិក្ខាកាម សិស្ស និស្សិត ដែលបានបញ្ចប់ការសិក្សាទទួលបានការងារធ្វើ ៩៩,៣៦ភាគរយ៕

អ្នកស្លាប់ក្នុងអំពើហិង្សាដោយកាំភ្លើងនៅអាមេរិកលើសពី ៩,៨០០នាក់ក្នុងឆ្នាំ២០២៣

អាមេរិក៖ យោងតាមបណ្ណាសារជាតិនៃអំពើហិង្សាដោយកាំភ្លើងបានឲ្យដឹងថា រហូតមកដល់ពេលនេះមានការបាញ់ប្រហារទ្រង់ទ្រាយធំចំនួន ១២៩លើកនៅសហរដ្ឋអាមេរិកក្នុងឆ្នាំ២០២៣។ កាលពីថ្ងៃចន្ទ ជនរងគ្រោះ ៦នាក់រួមមានកុមារ ៣នាក់ ហើយអ្នកបាញ់ប្រហារត្រូវបានគេកំណត់អត្តសញ្ញាណ បន្ទាប់ពីការបាញ់រះនៅសាលាបឋមសិក្សាមួយកន្លែងក្នុងទីក្រុង Nashville រដ្ឋ Tennessee សហរដ្ឋអាមេរិក ជាការបាញ់ប្រហារទ្រង់ទ្រាយធំលើកទី១២៩ របស់ប្រទេសនេះក្នុងឆ្នាំ២០២៣។ ការបាញ់ប្រហារទ្រង់ទ្រាយធំមួយត្រូវបានគេកំណត់ថា ជាឧប្បត្តិហេតុដែលមានជនរងគ្រោះ ៤នាក់ ឬច្រើននាក់ត្រូវបានបាញ់សម្លាប់។ ការបាញ់ប្រហារទាំងនេះបានបណ្តាលឱ្យមនុស្សស្លាប់ ១៩៣នាក់ និងរងរបួស ៤៩៣នាក់។ អំពើហិង្សាដោយកាំភ្លើងជាសរុបបណ្ដាលឲ្យមនុស្ស ៩,៨៧០នាក់ស្លាប់នៅសហរដ្ឋអាមេរិកគិតត្រឹមថ្ងៃចន្ទ រួមមានទាំងក្មេងជំទង់ និងកុមារចំនួន ៣៩៨នាក់។ យោងតាមមជ្ឈមណ្ឌលគ្រប់គ្រង និងបង្ការជំងឺបានឲ្យដឹងថា អំពើហិង្សាដោយអាវុធបានកើនលើសពីគ្រោះថ្នាក់ចរាចរណ៍ ខណៈជាមូលហេតុនាំមុខគេនៃការស្លាប់របស់កុមារអាមេរិកនៅឆ្នាំ២០២០។ កាលពីឆ្នាំ២០២១ មានកុមារជាង ៣,៥៩៧នាក់បានស្លាប់ដោយអាវុធ៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

ប្រធានជំនួយ UN ធ្វើដំណើរទៅកាន់សូម៉ាលី ខណៈកង្វះខាតស្បៀងអាហារ និងមូលនិធិកាន់តែធ្ងន់ធ្ងរ

អង្គភាពអ្នកនាំពាក្យរាជរដ្ឋាភិបាលបន្តបេសកកម្មតម្រង់ទិសស្ដីពី «ប្រសិទ្ធភាពព័ត៌មាន និងការគ្រប់គ្រងសាធារណមតិ»

រូបិយប័ណ្ណរបស់អ៊ីរ៉ង់ធ្លាក់ដល់កម្រិតទាបបំផុត ខណៈបន្តមានបទឈប់បាញ់ផុយស្រួយជាមួយអាមេរិក

ហេតុការណ៍ដេញចាក់នៅតំបន់ជនជាតិជ្វីហ្វទីក្រុងឡុងដ្រ៍ បណ្តាលឲ្យមនុស្ស ២នាក់ រងរបួស

ចិននឹងហាមឃាត់ការលក់យានដ្រូន នៅទីក្រុងប៉េកាំង ដោយសារក្ដីបារម្ភផ្នែកសន្តិសុខ

ផ្កាថ្មប៉ប្រះទឹក Abrolhos របស់ប្រេស៊ីល ធ្លាក់ចុះ ១៥ភាគរយ ក្នុងរយៈពេលជាង ១៨ឆ្នាំ

រុស្ស៊ី៖ ការចាកចេញពី OPECរបស់អារ៉ាប់រួម នឹងបង្កើនផលិតកម្មសកល ធ្វើឲ្យតម្លៃប្រេងធ្លាក់ចុះនៅពេលអនាគត

សង្រ្គាមនៅអ៊ុយក្រែនបង្កើនការប្រើប្រាស់រថពាសដែកផលិតនៅប្រទេសស៊ុយអែត

រុស្ស៊ី៖ ការផ្គត់ផ្គង់យានដ្រូនអឺរ៉ុបដល់អ៊ុយក្រែន អាចមានផលវិបាកមិនអាចព្យាករបាន

សីតុណ្ហភាពកើនឡើងនៅប្រទេសឥណ្ឌា ជំរុញតម្រូវការកង្ហា និងម៉ាស៊ីនត្រជាក់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អាមេរិកនិយាយថា រុស្ស៊ីនឹងផ្ដល់ស្បៀងអាហារឲ្យកូរ៉េខាងជើងជាថ្នូរនឹងការបញ្ជូនអាវុធ

លោក Donald Trump នឹងត្រូវចោទប្រកាន់ពីបទប្រើលុយបិទមាត់តារាអាសអាភាស Stormy Daniels

សម្តេចតេជោ ហ៊ុន សែន អញ្ជើញដឹកនាំប្រជុំគណៈរដ្ឋមន្ត្រីពេញអង្គដើម្បីឆ្លងរបៀបវារៈមួយចំនួន

សម្តេចតេជោបញ្ជាមិនឱ្យលក់សំបុត្រនិងប្រកាសបើកទស្សនាដោយសេរីការប្រកួតកីឡាស៊ីហ្គេមនៅកម្ពុជា

[BREAKING NEWS] សម្ដេចតេជោ ហ៊ុន សែន ដាក់ចេញបទបញ្ជាមិនឲ្យមានការលក់សំបុត្រចូលទស្សនាក្នុងព្រឹត្តិការណ៍ស៊ីហ្គេម

សម្តេចតេជោ ហ៊ុន សែនសោកសង្រេងចំពោះមរណភាពមនុស្សចុងក្រោយជំនាន់ឪពុកម្តាយសម្តេចមានជម្មាយុ១០២ឆ្នាំ

អ្នកស្លាប់ក្នុងអំពើហិង្សាដោយកាំភ្លើងនៅអាមេរិកលើសពី ៩,៨០០នាក់ក្នុងឆ្នាំ២០២៣

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អាមេរិក​និយាយថា រុស្ស៊ី​នឹង​ផ្ដល់​ស្បៀងអាហារ​ឲ្យ​កូរ៉េខាងជើង​ជា​ថ្នូរ​នឹង​ការបញ្ជូន​អាវុធ​

លោក Donald Trump នឹងត្រូវ​ចោទប្រកាន់​ពីបទ​ប្រើ​លុយ​បិទមាត់​តារា​អាសអាភាស Stormy Daniels

សម្តេចតេជោ ហ៊ុន សែន អញ្ជើញដឹកនាំប្រជុំគណៈរដ្ឋមន្ត្រីពេញអង្គដើម្បីឆ្លងរបៀបវារៈមួយចំនួន

​​សម្តេចតេជោបញ្ជាមិនឱ្យលក់សំបុត្រ​និងប្រកាសបើកទស្សនាដោយសេរីការប្រកួតកីឡាស៊ីហ្គេមនៅកម្ពុជា

[BREAKING NEWS] សម្ដេចតេជោ ហ៊ុន សែន​ ដាក់ចេញបទបញ្ជាមិនឲ្យមានការលក់សំបុត្រចូលទស្សនាក្នុងព្រឹត្តិការណ៍ស៊ីហ្គេម

សម្តេចតេជោ ហ៊ុន សែនសោកសង្រេងចំពោះមរណភាពមនុស្សចុងក្រោយជំនាន់ឪពុកម្តាយសម្តេចមានជម្មាយុ១០២ឆ្នាំ

អ្នកស្លាប់​ក្នុង​អំពើហិង្សា​ដោយ​កាំភ្លើង​នៅ​អាមេរិក​លើស​ពី ​៩,៨០០​នាក់​ក្នុង​ឆ្នាំ​២០២៣

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អាមេរិកនិយាយថា រុស្ស៊ីនឹងផ្ដល់ស្បៀងអាហារឲ្យកូរ៉េខាងជើងជាថ្នូរនឹងការបញ្ជូនអាវុធ

លោក Donald Trump នឹងត្រូវចោទប្រកាន់ពីបទប្រើលុយបិទមាត់តារាអាសអាភាស Stormy Daniels

សម្តេចតេជោបញ្ជាមិនឱ្យលក់សំបុត្រនិងប្រកាសបើកទស្សនាដោយសេរីការប្រកួតកីឡាស៊ីហ្គេមនៅកម្ពុជា

[BREAKING NEWS] សម្ដេចតេជោ ហ៊ុន សែន ដាក់ចេញបទបញ្ជាមិនឲ្យមានការលក់សំបុត្រចូលទស្សនាក្នុងព្រឹត្តិការណ៍ស៊ីហ្គេម

អ្នកស្លាប់ក្នុងអំពើហិង្សាដោយកាំភ្លើងនៅអាមេរិកលើសពី ៩,៨០០នាក់ក្នុងឆ្នាំ២០២៣