BTV NEWS

សម្តេចតេជោ ហ៊ុន សែន ណែនាំដល់មន្ត្រីរក្សាសន្តិសុខសណ្តាប់ធ្នាប់សង្គមឲ្យបានល្អ ពិសេសបទល្មើសអនឡាញត្រូវបង្ក្រាបកុំអោយងើបឡើងវិញអោយសោះ

សម្តេចតេជោ ហ៊ុន សែន ណែនាំដល់មន្ត្រីយកចិត្តទុកដាក់គ្រប់គ្រងនិងមើលថែដល់អតីតយុទ្ធជន និងនិវត្តជននៅតាមមូលដ្ឋាន

សម្តេច ហ៊ុន សែន អញ្ជើញ ជួបសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរអង្គភាពនានាជុំវិញខេត្ត កំពង់ចាម

កម្ពុជា និងលីទុយអានី ប្ដេជ្ញាជំរុញកិច្ចសហប្រតិបត្តិការទ្វេភាគីលើវិស័យសក្តានុពលឱ្យកាន់តែស៊ីជម្រៅ

ព័ត៌មានសំខាន់ៗ

UN៖ មនុស្សរាប់ពាន់លាននាក់ចាំបាច់ត្រូវបញ្ចៀសភាពវឹកវរ និងភាពអត់ឃ្លាន

UN៖ ប្រធានកម្មវិធីស្បៀងអាហារពិភពលោករបស់អង្គការសហប្រជាជាតិ ដែលទទួលបានរង្វាន់ណូបែលបានព្រមានកាលពីថ្ងៃសុក្រថា ប្រសិនបើគ្មានទឹកប្រាក់រាប់ពាន់លានដុល្លារបន្ថែមទៀត ដើម្បីផ្តល់ជំនួយដល់អ្នកអត់ឃ្លាននោះទេ ពិភពលោកនឹងមើលឃើញការធ្វើអន្តោប្រវេសន៍ដ៏ច្រើន ប្រទេសមានអស្ថិរភាព និងការស្រេកឃ្លានរបស់កុមារ និងមនុស្សពេញវ័យក្នុងរយៈពេល ១២ ទៅ ១៨ខែខាងមុខ។ លោក David Beasley បានសរសើរចំពោះមូលនិធិដែលកើនឡើងពីសហរដ្ឋអាមេរិក និងប្រទេសអាល្លឺម៉ង់កាលពីឆ្នាំមុន ហើយបានជំរុញឲ្យប្រទេសចិន បណ្តាប្រទេសឈូងសមុទ្រ មហាសេដ្ឋី និងប្រទេសដទៃទៀតឱ្យបង្កើនពេលវេលា។ នៅក្នុងបទសម្ភាសន៍ មុនពេលដែលលោកប្រគល់តួនាទី របស់អង្គការមនុស្សធម៌ដ៏ធំបំផុតរបស់ពិភពលោក ទៅឲ្យឯកអគ្គរដ្ឋទូតសហរដ្ឋអាមេរិកលោក Cindy McCain នៅសប្តាហ៍ក្រោយ អតីតអភិបាលរដ្ឋ South Carolina បាននិយាយថា លោកមានការព្រួយបារម្ភខ្លាំងដែលកម្មវិធីស្បៀងអាហារពិភពលោក(WFP) នឹងមិនរៃអង្គាសប្រាក់បានប្រហែល ២៣ពាន់លានដុល្លារដែលខ្លួនត្រូវការនៅឆ្នាំនេះដើម្បីជួយនោះទេ តាមការប៉ាន់ប្រមាណមនុស្ស ៣៥០លាននាក់នៅក្នុងប្រទេសចំនួន ៤៩ ដែលត្រូវការស្បៀងអាហារយ៉ាងខ្លាំងនៅដំណាក់កាលនេះ។ លោកបាននិយាយថា កម្មវិធីស្បៀងអាហារពិភពលោក (WFP) គឺស្ថិតនៅក្នុងវិបត្តិស្រដៀងគ្នាកាលពីឆ្នាំមុន ប៉ុន្តែជាភ័ព្វសំណាងដែលលោកអាចបញ្ចុះបញ្ចូលសហរដ្ឋអាមេរិក ឱ្យបង្កើនមូលនិធិពីប្រហែល ៣.៥ពាន់លានដុល្លាររហូតដល់ ៧.៤ពាន់លានដុល្លារ ហើយប្រទេសអាល្លឺម៉ង់បង្កើនការរួមចំណែករបស់ខ្លួនពី ៣៥០លានដុល្លារកាលពីប៉ុន្មានឆ្នាំមុនដល់ ១.៧ពាន់លានដុល្លារអាមេរិក ប៉ុន្តែលោកមិនគិតថា ប្រទេសទាំងពីរនេះនឹងធ្វើវាម្តងទៀតនៅឆ្នាំនេះនោះទេ។ លោកនិយាយថា ប្រទេសផ្សេងទៀតចាំបាច់ត្រូវបង្កើននៅពេលនេះ ដោយចាប់ផ្តើមពីប្រទេសចិនដែលជាប្រទេសមហាអំណាចសេដ្ឋកិច្ចទីពីររបស់ពិភពលោក ដែលបានផ្តល់ឱ្យកម្មវិធីស្បៀងអាហារពិភពលោកត្រឹមតែ ១១លានដុល្លារកាលពីឆ្នាំមុន៕អត្ថបទ៖ ប៊ុនថន

ការចោទប្រកាន់លើលោក Trump បង្កហានិភ័យនយោបាយសម្រាប់លោក Biden

អាមេរិក៖ លោក Joe Biden បាននិយាយម្តងហើយម្តងទៀតថា លោកនឹងប្រឈមតតាំងជាមួយលោក Donald Trump ម្តងទៀតនៅឆ្នាំ២០២៤ ប៉ុន្តែការចោទប្រកាន់លើអតីតគូប្រជែង និងអាចជាអនាគតគូប្រជែងរបស់លោក បានបើកប្រអប់ថ្មីចំពោះហានិភ័យនយោបាយសម្រាប់គណបក្សប្រជាធិបតេយ្យ។ កាលពីថ្ងៃសុក្រ លោក Biden បានឈប់ដើម្បីថ្លែងទៅកាន់អ្នកសារព័ត៌មាន នៅពេលដែលលោកចាកចេញសម្រាប់ដំណើរចុះពិនិត្យ ដើម្បីស្ទង់មើលការខូចខាតដោយព្យុះកួចដ៏មានឥទ្ធិពលនៅក្នុងរដ្ឋ Mississippi។ លោកបានឆ្លើយទៅនឹងសំណួរជាច្រើនដែលបានស្រែកសួរ ប៉ុន្តែលោកមិនបាននិយាយអំពីការចោទប្រកាន់របស់លោក Trump នោះទេ។ សេតវិមានមិនបានចេញសេចក្តីថ្លែងការណ៍ជាផ្លូវការនោះទេ ចាប់តាំងពីការបង្ហាញកាលពីថ្ងៃព្រហស្បតិ៍ថា លោក Trump នឹងក្លាយជាអតីតប្រធានាធិបតីដំបូងគេដែលពុំធ្លាប់មាន ដែលត្រូវប្រឈមមុខនឹងបទចោទប្រកាន់ពីបទព្រហ្មទណ្ឌ ជុំវិញការចំណាយប្រាក់បំបិទមាត់ដល់តារាភាពយន្តអាសអាភាស ក្នុងអំឡុងពេលបោះឆ្នោតឆ្នាំ២០១៦។ លោក Trump បានអះអាងភ្លាមៗថា ការចោទប្រកាន់នេះគឺជាការធ្វើទុក្ខបុកម្នេញផ្នែកនយោបាយ និងជាការជ្រៀតជ្រែកក្នុងការបោះឆ្នោត និងបានចោទប្រកាន់មេធាវីទីក្រុង Manhattan លោក Alvin Bragg ពីការធ្វើការងារដ៏ស្មោកគ្រោករបស់លោក Joe Biden។ លោកស្រី Psaki អតីតអ្នកនាំពាក្យសេតវិមានបានណែនាំសេតវិមានឱ្យនៅស្ងៀម ហើយកុំចូលទៅក្នុងនយោបាយចំពោះរឿងនេះ។ លោក Biden អាយុ ៨០ឆ្នាំជឿជាក់ថា នៅក្នុងការប្រកួតប្រជែងជាមួយលោក Trump ដែលមានអាយុ ៧៦ឆ្នាំ គណបក្សប្រជាធិបតេយ្យនឹងទទួលជ័យជំនះម្តងទៀត ហើយអាយុរបស់លោកនឹងពុំមែនជាឧបសគ្គនោះទេ។ លោក Biden និយាយកាលពីពេលថ្មីៗនេះអំពី លោក Trump ដែលគណបក្សប្រជាធិបតេយ្យបានចាញ់កាលពីឆ្នាំ២០២០ ថា នៅក្នុងការបោះឆ្នោតលើកក្រោយលោកនឹងមានសំណាង ប្រសិនបើខ្ញុំមានអ្នកដ៏ដែលនោះឈរឈ្មោះប្រជែងជាមួយលោក៕អត្ថបទ៖ ប៊ុនថន

អ្នកវិភាគ៖ រដ្ឋអាជ្ញាប្រឈមឧបសគ្គនៅក្នុងសំណុំរឿង «លុយបំបិទមាត់» របស់លោក Trump

អាមេរិក៖ ចំណាត់ការជាប្រវត្តិសាស្ត្រដែលរដ្ឋអាជ្ញាបានធ្វើឡើង កាលពីថ្ងៃព្រហស្បតិ៍ ទី៣០ ខែមីនា ដោយដាក់ការចោទប្រកាន់បទព្រហ្មទណ្ឌលើលោក Donald Trump ជាលើកដំបូង ជាការចោទប្រកាន់មួយដែលបានដាក់ទៅលើអតីតប្រធានាធិបតីសហរដ្ឋអាមេរិក។ អ្នកវិភាគនិយាយថា សេចក្តីសម្រេចរបស់មេធាវីទីក្រុង Manhattan លោក Alvin Bragg ក្នុងការចោទប្រកាន់លោក Trump សម្រាប់ការចំណាយប្រាក់ ដើម្បីបំបិទមាត់ឲ្យតារាភាពយន្តអាសអាភាសនាង Stormy Daniels កាលពីឆ្នាំ២០១៦ នឹងបង្ហាញពីឧបសគ្គដាច់ដោយឡែកផ្សេងទៀត សម្រាប់រដ្ឋអាជ្ញា ដែលនឹងរុករកក្នុងទឹកដែលពុំមានគំនូសតាង ដោយផ្តល់ឱ្យមេធាវីរបស់លោក Trump នូវឱកាសដើម្បីអះអាងចំណុចសំខាន់ៗចំពោះសំណុំរឿងលើលោក Trump។ លោក Trump និងអ្នកគាំទ្ររបស់លោកបានចោទប្រកាន់រួចហើយថា ការចោទប្រកាន់នេះគឺជាហេតុផលនយោបាយ ជាការចោទប្រកាន់ដែលពួកគេអាចធ្វើម្តងទៀតនៅចំពោះមុខចៅក្រម។ លោក David Alan Sklansky សាស្ត្រាចារ្យច្បាប់បាននិយាយថា វាអាចមានការចោទប្រកាន់ប្រភេទនេះនៅក្នុងតុលាការ ព្រោះវាពុំមាននៅក្នុងរដ្ឋធម្មនុញ្ញ សម្រាប់រដ្ឋអាជ្ញាក្នុងការចោទប្រកាន់ដោយផ្អែកលើគណបក្សនយោបាយរបស់ចុងចោទ។ លោក Sklansky បាននិយាយថា ដើម្បីទទួលបានជោគជ័យ មេធាវីការពារក្តីចាំបាច់ត្រូវបញ្ចុះបញ្ចូលចៅក្រមថា ការចោទប្រកាន់លើលោក Trump គឺជារឿងមួយដែលរដ្ឋអាជ្ញាបានជ្រើសរើសមិនប្តឹងចុងចោទដែលមានមុខតំណែងស្រដៀងគ្នា ដែលនឹងជាបន្ទុកដ៏លំបាកសម្រាប់លោក Trump ក្នុងការបំពេញក្នុងសំណុំរឿងនេះ។ លោក Sklansky បាននិយាយថា ច្បាប់នៅទីក្រុងញូវយ៉កធ្វើឱ្យវាក្លាយជាបទព្រហ្មទណ្ឌ ក្នុងការក្លែងបន្លំកំណត់ត្រាពាណិជ្ជកម្ម ដើម្បីបន្ថែម ឬលាក់បាំងបទឧក្រិដ្ឋមួយផ្សេងទៀត។ ការចំណាយប្រាក់ចំនួន ១៣០,០០០ដុល្លារជាអ្វីដែលគេហៅថា ប្រាក់បំបិទមាត់ ដោយមេធាវីរបស់លោក Trump នៅពេលនោះគឺលោក Michael Cohen យកទៅឲ្យនាង Daniels បានស្ថិតនៅក្រោមការស៊ើបអង្កេតអស់រយៈពេលជាច្រើនឆ្នាំមកហើយ មុនពេលការចោទប្រកាន់កាលពីថ្ងៃព្រហស្បតិ៍ ដែលមេធាវី និងជាអតីតរដ្ឋអាជ្ញាលោក Sarah Krissoff ជឿថា អាចផ្តល់ឱ្យមេធាវីការពារក្តីរបស់លោក Trump បើកការស៊ើបអង្កេតកាត់បន្ថយសក្ខីកម្មសាក្សី៕អត្ថបទ៖ ប៊ុនថន

មន្ត្រីគណបក្សសាធារណរដ្ឋផ្ទុះកំហឹង និងប្រញាប់ប្រញាល់ការពារលោក Donald Trump

អាមេរិក៖ ក្រុមមេដឹកនាំគណបក្សសាធារណរដ្ឋនៅក្នុងសភា បានខឹងសម្បារទៅនឹងថ្ងៃដ៏ក្រៀមក្រំមិនធ្លាប់មានក្នុងប្រវត្តិសាស្ត្ររបស់សហរដ្ឋអាមេរិក។ សារព័ត៌មានអភិរក្សនិយមមួយចំនួនបានអំពាវនាវឲ្យមានចំណាត់ការ សម្រាប់មូលដ្ឋានរបស់គណបក្សនេះ។ អ្នកគាំទ្រដ៏លេចធ្លោម្នាក់របស់លោក Donald Trump បានលើកឡើងថា ការលាបពណ៌លើអតីតប្រធានាធិបតីអាចជាការរារាំងយុទ្ធនាការបោះឆ្នោតឆ្នាំ២០២៤។ សូម្បីតែ Ron DeSantis អភិបាលរដ្ឋ Florida ដែលត្រូវបានគេមើលឃើញយ៉ាងទូលំទូលាយថា ជាគូប្រជែងចម្បងរបស់ប្រធានាធិបតីដ៏មានសក្ដានុពលនាំមុខគេរបស់លោក Trump បានប្រញាប់ប្រញាល់ថ្កោលទោសរដ្ឋអាជ្ញាដែលបាននាំយកសំណុំរឿងទៅកាន់តំបន់ Manhattan ដែលនាំឲ្យមានការចោទប្រកាន់ជាប្រវត្តិសាស្ត្ររបស់អតីតប្រធានាធិបតីកាលពីថ្ងៃព្រហស្បតិ៍។ ខណៈមិនបញ្ចេញឈ្មោះលោក Trump លោក DeSantis បាននិយាយថា រដ្ឋ Florida នឹងមិនដើរតួនាទីក្នុងការធ្វើបត្យាប័នលោកទេ។ ទាំងថ្នាក់លើ និងថ្នាក់ក្រោមក្នុងគណបក្សសាធារណរដ្ឋ កំហឹង និងការចោទប្រកាន់ដ៏អំពើអយុត្តិធម៌ បានហូរចេញពីទាំងក្រុមអ្នកគាំទ្រ ទាំងក្រុមអ្នករិះគន់លើអតីតប្រធានាធិបតីរូបនេះ សូម្បីតែមុនពេលបញ្ចេញការចោទប្រកាន់នេះ។ អតីតអនុប្រធានាធិបតីលោក Mike Pence បានប្រាប់ទូរទស្សន៍ CNN ថា ការចោទប្រកាន់មិនធ្លាប់មានលើអតីតប្រធានាធិបតីអាមេរិក លើយុទ្ធនាការបញ្ហាហិរញ្ញវត្ថុគឺជារឿងគួរឲ្យខឹង៕អត្ថបទ៖ សុខមាន

អ្នកសារព័ត៌មាន និងនគរបាលប្រមូលផ្ដុំនៅខាងក្រៅការិយាល័យរដ្ឋអាជ្ញាតំបន់ Manhattan ក្រោយការចោទប្រកាន់លោក Trump

អាមេរិក៖ ក្រុមអ្នកសារព័ត៌មាន និងមន្ត្រីនគរបាលបានប្រមូលផ្ដុំយ៉ាងកុះករ បន្ទាប់ពីលោក Donald Trump ត្រូវបានចោទប្រកាន់ដោយក្រុមមេធាវី Manhattan បន្ទាប់ពីការស៊ើបអង្កេតករណីបង់ប្រាក់បិទមាត់តារាភាពយន្តអាសអាភាសនាង Stormy Daniels។ការចោទប្រកាន់ដែលកើតចេញពីការស៊ើបអង្កេតដឹកនាំដោយមេធាវីតំបន់ Manhattan នៃគណបក្សប្រជាធិបតេយ្យលោក Alvin Bragg មានឡើង ខណៈលោក Trump ព្យាយាមស្វែងរកការតែងតាំងនៅគណបក្សសាធារណរដ្ឋ ដើម្បីប្រកួតប្រជែងដំណែងប្រធានាធិបតីជាថ្មីនៅឆ្នាំ២០២៤។ ការចោទប្រកាន់នេះបានកើតឡើងភ្លាមៗ បន្ទាប់ពីលោក Trump បានអំពាវនាវឲ្យក្រុមអ្នកគាំទ្រផ្ដល់ប្រាក់សម្រាប់ការការពារខាងផ្លូវច្បាប់។យោងតាមយុទ្ធនាការរបស់លោក លោក Trump រៃអង្គាសបានប្រាក់ជាង ២លានដុល្លារអាមេរិកចាប់តាំងពីលោកបានព្យាករណ៍ខុសកាលថ្ងៃទី១៨មីនាថា លោកនឹងត្រូវបានចាប់ខ្លួនក្នុងពេល ៤ថ្ងៃក្រោយ។ ការិយាល័យរបស់លោក Bragg បាននិយាយថា ខ្លួនបានទំនាក់ទំនងទៅកាន់មេធាវីរបស់លោក Trump ហើយ ដើម្បីសម្របស្រួលឲ្យមានការប្រគល់ខ្លួន។ បុគ្គលិកដែលដឹងបញ្ហានេះបាននិយាយថា វាទំនងនឹងកើតឡើងនៅដើមសប្ដាហ៍ក្រោយ៕អត្ថបទ៖ សុខមាន

អ្នកស្លាប់កើនឡើងដល់ ៣៥នាក់ និងរបួស ១៦នាក់ក្នុងគ្រោះថ្នាក់បាក់អណ្ដូងជណ្ដើរវិលនៅឥណ្ឌា

ឥណ្ឌា៖ មន្ត្រីរដ្ឋាភិបាលតំបន់បាននិយាយនៅថ្ងៃសុក្រ ទី៣១ ខែមីនានេះថា អ្នកស្លាប់បានកើនឡើងដល់ ៣៥នាក់ និង ១៦នាក់ផ្សេងទៀតបានរងរបួស បន្ទាប់ពីបាក់ដំបូលនៃអណ្ដូងជណ្ដើរវិលមួយកន្លែងនៅភាគកណ្តាលប្រទេសឥណ្ឌា។ ឧបទ្ទវហេតុនេះបានកើតឡើង ខណៈអ្នកធ្វើពិធីបួងសួងបានមកប្រមូលផ្តុំគ្នានៅវត្តមួយក្នុងក្រុង Indore ដើម្បីប្រារព្ធពិធីបុណ្យសាសនាហិណ្ឌូ Ram Navami កាលពីថ្ងៃព្រហស្បតិ៍។ លោក Ilayaraja T មន្ត្រីជាន់ខ្ពស់រដ្ឋាភិបាលតំបន់បាននិយាយថា យើងបានជួយសង្គ្រោះមនុស្ស ១៨នាក់ ហើយ ៣៥នាក់ត្រូវបានរកឃើញថាស្លាប់ និង ១៦នាក់បានរងរបួស។ ប្រព័ន្ធផ្សព្វផ្សាយក្នុងស្រុកបានរាយការណ៍ថា យ៉ាងហោចណាស់ទាហាន និងបុគ្គលិកសង្គ្រោះ ៧៥នាក់បានធ្វើការពេញមួយថ្ងៃ ដើម្បីយកកម្ទេចកម្ទីចេញដោយប្រើប្រាស់ខ្សែពួរ និងជណ្ដើរ ដើម្បីទាញយកអ្នកដែលបានធ្លាក់ចូលទៅក្នុងអណ្ដូងនោះ៕អត្ថបទ៖ ប៊ុនថន

កម្រងរូបភាពការធ្វើលំហាត់អនុវត្តជាក់ស្តែងលើទីវាល សម្រាប់ការការពារសន្តិសុខ សុវត្ថិភាព ក្នុងព្រឹត្តិការណ៍ប្រកួតកីឡាស៊ីហ្គេម

ក្រុមការងារកម្លាំងឆ្លើយតប នៃអគ្គលេខាធិការដ្ឋានអាជ្ញាធរជាតិ ទប់ស្កាត់អាវុធគីមី នុយក្លេអ៊ែរ ជីវសាស្រ្ត និងវិទ្យុសកម្ម និងមន្រ្តីជំនាញនៃសហភាពអឺរ៉ុប ព្រមទាំងមន្រ្តីមកពីអន្តរក្រសួងពាក់ព័ន្ធ នាព្រឹកថ្ងៃទី៣១ ខែមីនា ឆ្នាំ២០២៣នេះបានចូលរួមបិទវគ្គបំប៉នពិសេស ការធ្វើលំហាត់លើតុ និងលំហាត់អនុវត្តជាក់ស្តែងលើទីវាល សម្រាប់ការការពារសន្តិសុខ សុវត្ថិភាព ក្នុងព្រឹត្តិការណ៍ប្រកួតកីឡាអាស៊ីអាគ្នេយ៍ លើកទី៣២ និងកីឡាជនពិការអាស៊ាន លើកទី១២ ដែលពិធីបិទវគ្គបំប៉នពិសេសនេះធ្វើឡើងក្រោមអធិបតីភាព ឯកឧត្តម នាយឧត្តមសេនីយ៍ បណ្ឌិត ផន ណារ៉ា អគ្គលេខាធិការនៃអគ្គលេខាធិការដ្ឋានអាជា្ញធរជាតិអាវុធគីមី។ខាងក្រោមជាកម្រងរូបភាពការធ្វើលំហាត់អនុវត្តជាក់ស្តែងលើទីវាល សម្រាប់ការការពារសន្តិសុខ សុវត្ថិភាព ក្នុងព្រឹត្តិការណ៍ប្រកួតកីឡាស៊ីហ្គេម៖

ធុងសំរាមឆេះនៅទីក្រុងប៉ារីស ខណៈមនុស្សរាប់រយនាក់តវ៉ាខ្លាំង ខណៈនគរបាលត្រូវប្រើកម្លាំង

បារាំង៖ ធុងសំរាមត្រូវបានដុតនៅកណ្តាលទីក្រុងប៉ារីសកាលពីថ្ងៃព្រហស្បតិ៍ ក្នុងពេលមានបាតុកម្មដោយសន្តិវិធី ចូលរួមដោយមនុស្សរាប់រយនាក់ ប្រឆាំងនឹងអ្វីដែលគេចាត់ទុកថាជាការប្រើកម្លាំងនគរបាលជ្រុលហួសហេតុ ក្នុងអំឡុងពេលរលកនៃការតវ៉ាថ្មីៗនេះនៅក្នុងប្រទេសបារាំង។ ក្រុមអ្នកពន្លត់អគ្គិភ័យបានប្រញាប់ប្រញាល់ពន្លត់ភ្លើង ហើយនគរបាលមួយចំនួនប្រដាប់ដោយអាវុធ បានដឹកនាំប្រតិបត្តិការរហូតដល់ពេលយប់នៅជិតសាលាក្រុងប៉ារីស ជាកន្លែងដែលមនុស្សរាប់រយនាក់ធ្វើការតវ៉ាកាលពីពេលមុន។ ក្នុងអំឡុងពេលនៃការតវ៉ា នគរបាលបានបាញ់ឧស្ម័នបង្ហៀរទឹកភ្នែក ដើម្បីរុញច្រានក្រុមបាតុករមួយចំនួនដែលបានគប់កាំជ្រួចភ្ញី និងវត្ថុផ្សេងទៀតនៅពេលពួកគេឆ្លងកាត់ទីតាំង ដើម្បីចូលទៅជិតតំបន់សំណង់ដែលមានព័ន្ធរបងជុំវិញ។ វីដេអូលើបុស្តិ៍ទូរទស្សន៍បានបង្ហាញឱ្យឃើញ យ៉ាងហោចណាស់រថយន្តនគរបាលពីរគ្រឿងបានឆេះ ហើយ រដ្ឋាភិបាលបានដាក់ពង្រាយនគរបាលជាង ៣.០០០នាក់សម្រាប់បាតុកម្ម។ បាតុករម្នាក់ដែលបានបង្ហាញអត្តសញ្ញាណខ្លួនថា ឈ្មោះ Benjamin បាននិយាយថា លោកមកទីនេះ ព្រោះលោកប្រឆាំងនឹងការបង្ក្រាបរបស់នគរបាលប្រើកម្លាំងខ្លាំងបំផុតក្នុងប៉ុន្មានសប្តាហ៍ថ្មីៗនេះ។ លោកមានការភ្ញាក់ផ្អើលយ៉ាងខ្លាំងចំពោះការបង្ក្រាបនេះដែលបន្តកាន់តែខ្លាំង ហើយដោយការចាប់ខ្លួនដ៏គ្រោះថ្នាក់ក្នុងប៉ុន្មានសប្តាហ៍ថ្មីៗនេះនៅក្នុងទីក្រុងប៉ារីស ដោយបង្កើនវត្តមាននគរបាលយ៉ាងច្រើន។ រដ្ឋាភិបាលចាប់តាំងពីពាក់កណ្តាលខែមករាមក បាននឹងកំពុងប្រឈមការតវ៉ានៅទូទាំងប្រទេសប្រឆាំងផែនការរបស់ខ្លួន ក្នុងការបង្កើនអាយុសោធននិវត្តន៍រហូតដល់ ២ឆ្នាំពីអាយុ ៦២ ដល់ ៦៤ឆ្នាំ។ ក្រុមអ្នកតវ៉ាបានរិះគន់ចំពោះវត្តមានដ៏ច្រើនរបស់នគរបាល ហើយអ្នកមួយចំនួនបានថ្កោលទោសការចាប់ខ្លួនមនុស្សច្រើននាក់៕អត្ថបទ៖ ប៊ុនថន

គណៈរដ្ឋមន្ត្រីអនុម័តទាំងស្រុងគម្រោងវិនិយោគវិស័យថាមពលចំនួន ៥គម្រោង

កិច្ចប្រជុំពេញអង្គគណៈរដ្ឋមន្រ្តី ក្រោមអធិបតីភាពដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា នៅព្រឹកថ្ងៃទី៣១មីនានេះ បានពិភាក្សាលើរបៀបវារៈស្តីពី “សំណើសុំពិនិត្យសម្រេចលើគម្រោងវិនិយោគវិស័យថាមពលចំនួន ៥គម្រោង គឺ គម្រោងវារីអគ្គិសនីស្ទឹងឬស្សីជ្រុំកណ្ដាល និងវារីអគ្គិសនីស្ទឹងវាយថ្មកំបុតផ្គួបគ្នា ១គម្រោង និងគម្រោងស្ថានីយអគ្គិសនីពន្លឺព្រះអាទិត្យ ៤គម្រោង (នៅខេត្តពោធិ៍សាត់ ១គម្រោង ខេត្តកំពង់ឆ្នាំង ១គម្រោង ខេត្តស្វាយរៀង ១គម្រោង និងខេត្តព្រៃវែង ១គម្រោង)។ គម្រោងទាំងនេះត្រូវបានអង្គប្រជុំអនុម័តទាំងស្រុងហើយ។បើតាមឯកឧត្ដម ផៃ ស៊ីផាន រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្ភភាពអ្នកនាំពាក្យរាជរដ្ឋាភិបាល គម្រោងវិនិយោគក្នុងវិស័យអគ្គិសនីថ្មីចំនួន ៥គម្រោងបន្ថែមទៀតគឺ៖ (១)គម្រោងវារីអគ្គិសនី ស្ទឹងឬស្សីជ្រុំកណ្ដាលទំហំ ៧០មេហ្គាវ៉ាត់ និងគម្រោងវារីអគ្គិសនីស្ទឹងវាលថ្មកំបុតអានុភាព ១០០មេហ្គាវ៉ាត់ផ្គួបបញ្ចូលគ្នា (២)គម្រោងស្ថានីយអគ្គិសនីពន្លឺព្រះអាទិត្យ នៅខេត្តពោធិ៍សាត់ ទំហំ១៥០មេហ្គាវ៉ាត់ (៣)គម្រោងស្ថានីយអគ្គិសនីពន្លឺព្រះអាទិត្យ នៅខេត្តកំពង់ឆ្នាំង ទំហំ ៦០មេហ្កាវ៉ាត់ (៤)គម្រោងស្ថានីយ អគ្គិសនីពន្លឺព្រះអាទិត្យ នៅខេត្តស្វាយរៀង ទំហំ ៦០មេហ្កាវ៉ាត់ (៥)គម្រោងស្ថានីយអគ្គិសនីពន្លឺ ព្រះអាទិត្យ នៅខេត្តព្រៃវែង ទំហំ ៨០មេហ្កាវ៉ាត់។ ដើម្បីធានានិរន្តភាព នៃការរៀបចំអភិវឌ្ឍគម្រោង វិស័យថាមពលអគ្គិសនីបន្តទៀត ទៅតាមពេលវេលាដែលបានគ្រោងក្នុងផែនការមេ ធ្វើយ៉ាងណាឱ្យការផ្គត់ផ្គង់ថាមពលមានគ្រប់គ្រាន់។ យោងទៅតាមស្ថានភាពនៃការរៀបចំគម្រោង និងពេលវេលា ដែលត្រូវ ការគម្រោងក្រសួងរ៉ែ និងថាមពល រៀបចំនៅពេលនេះនូវការអភិវឌ្ឍគម្រោងចំនួន ៥ ដែលមាននៅក្នុង កញ្ចប់គម្រោងចំនួន ២កញ្ចប់ ដូចខាងក្រោម ក្នុងចំណោមគម្រោង ៤កញ្ចប់ដែលអភិវឌ្ឍ តាមយន្តការចាស់៖- កញ្ចប់គម្រោងវារីអគ្គិសនីភូមិភាគនិរតី : គម្រោងវារីអគ្គិសនីស្ទឹងឬស្សីជ្រុំកណ្ដាល(៧០ មេហ្កាវ៉ាត់) និងគម្រោងវារីអគ្កិសនីស្ទឹងវាលថ្មកំបុត (១០០មេហ្កាវ៉ាត់)នៅខេត្តកោះកុង ផ្គួបបញ្ចូលគ្នាជាគម្រោងតែមួយ។- កញ្ចប់គម្រោងស្ថានីយពន្លឺព្រះអាទិត្យ : គម្រោងអភិវឌ្ឍស្ថានីយអគ្គិសនីពន្លឺព្រះអាទិត្យ នៅខេត្តពោធិ៍សាត់ ១៥០មេហ្កាវ៉ាត់ ១គម្រោង នៅខេត្តកំពង់ឆ្នាំង ៦០មេហ្កាវ៉ាត់ ១គម្រោង នៅខេត្តស្វាយរៀង ៦០មេហ្កាវ៉ាត់ ១គម្រោង និងខេត្តព្រៃវែង ៨០មេហ្កាវ៉ាត់ ១គម្រោង។ផលប្រយោជន៍នៃការអភិវឌ្ឍគម្រោងទាំង ៥- ទទួលបានអគ្គិសនីពីប្រភពថាមពលស្អាត កាត់បន្ថយការប្រើប្រាស់ឥន្ធនៈដែលបញ្ចេញឧស្ម័នកាបូនច្រើន និងធានារក្សាបាននូវបរិស្ថាន ធនធានធម្មជាតិ និងការប្រែប្រួលអាកាសធាតុ។- ផ្ដល់បន្ថែមប្រភពអគ្គិសនីដោះស្រាយបង្គប់កង្វះខាត តាមពេលវេលាដែលបានសិក្សានៅក្នុងផែនការមផង ជាមួយគ្នានោះ វារីអគ្គិសនីស្ទឹងឬស្សីជ្រុំកណ្តាលដែលមានអាងស្តុកទឹកធំនឹងជួយស្ដុកប្រភពទឹកភ្លៀងនៅរដូវវស្សាទុកនៅក្នុងអាងទឹកនេះ ជួយកាត់បន្ថយមិនឱ្យមានការហៀរទឹកចោលនិងការពិន័យដោយមិនបានផលិតអគ្គិសនីនៅវារីអគ្គិសនីស្ទឹងឬស្សីជ្រុំក្រោមនៅរដូវវស្សា និងស្តុកទឹកនេះទុកសម្រាប់ការផលិតអគ្គិសនីនៅវារីអគ្គិសនីស្ទឹងឬស្សីជ្រុំកណ្តាលនៅរដូវប្រាំង និងបង្ហូរចុះមកឱ្យអាងវារីអគ្គិសនីស្ទឹងឬស្សីជ្រុំក្រោមនៅខាងក្រោម ដើម្បីផលិតអគ្គិសនីបន្ថែមនៅរដូវប្រាំងចំនួន ១២២លានគីឡូវ៉ាត់ម៉ោងក្នុង១ឆ្នាំបន្ថែមទៀត ។- ធានាបានអត្រាថ្លៃប្រភពអគ្គិសនីមួយ ដែលថេរ ២០ឆ្នាំ សម្រាប់គម្រោងថាមពលពន្លឺព្រះអាទិត្យ និង ៤០ឆ្នាំសម្រាប់គម្រោងវារីអគ្គិសនី។- នាំមកនូវបច្ចេកវិទ្យាថ្មី ផ្តល់ការងារជូនប្រជាពលរដ្ឋ ទាំងក្នុងពេលសាងសង់ និងដំណើរការ។- លើមូលដ្ឋាននៃច្បាប់ស្តីពីសារពើពន្ធដែលមានជាធរមាន រាជរដ្ឋាភិបាលនឹងទទួលបានចំណូលពន្ធសរុបប្រមាណ ៣២២ ៨៨០ ៣៨២ដុល្លារអាមេរិកក្នុងរយ:ពេលអាជីវកម្មនៃគម្រោងទាំង ៥ ដោយមិនទាន់គិតបញ្ចូលចំណូលពន្ធមួយចំនួនទៀត ដូចជា ពន្ធលើប្រាក់បៀវត្សរ៍ ពន្ធកាត់ទុកលើការជួលនានា និងពន្ធដោយប្រយោលដ៏ទៃទៀត ព្រមទាំងពន្ធដ៏ទៃទៀតដែលអគ្គិសនីកម្ពុជា និងអ្នកចែកចាយអគ្គិសនីដទៃទៀតត្រូវបង់នៅឡើយ៕

ក្រុមអ្នកគាំទ្ររបស់លោក Donald Trump ប្រមូលផ្ដុំគ្នាគាំទ្រនៅខាងក្រៅគេហដ្ឋាន Mar-a-Lago

អាមេរិក៖ ក្រុមអ្នកគាំទ្ររបស់អតីតប្រធានាធិបតី Donald J. Trump បានប្រមូលផ្ដុំគ្នានៅខាងក្រៅគេហដ្ឋានឆ្នេរសមុទ្រ Mar-a-Lago របស់លោកកាលពីថ្ងៃព្រហស្បតិ៍ ទី៣០មីនា ដើម្បីបង្ហាញការគាំទ្ររបស់ពួកគេចំពោះលោក Trump ក្រោយត្រូវបានរងការចោទប្រកាន់ពីក្រុមមេធាវីរដ្ឋ Manhattan។ ប៉ុន្មានម៉ោងមុខលោក Trump ត្រូវបានចោទប្រកាន់ដោយក្រុមមេធាវីតំបន់ Manhattan ក្រោយការស៊ើបអង្កេតករណីបង់ប្រាក់បំបិទមាត់ឲ្យទៅតារាភាពយន្តអាសអាភាសនាង Stormy Daniels អំឡុងយុទ្ធនាការឆ្នាំ២០១៦។ ក្រុមអ្នកគាំទ្រជាច្រើនបានក្រវីទង់ Trump 2024 និងបើករថយន្តចុចស៊ីផ្លេរដើម្បីបង្ហាញការគាំទ្ររបស់ពួកគេ។ ថ្នាក់ដឹកនាំគណបក្សសាធារណរដ្ឋ មន្ត្រីគណបក្ស និងអ្នកវិភាគនយោបាយបានប្រាប់សារព័ត៌មាន Reuters ថា ការកាត់ទោសអតីតប្រធានាធិបតីគឺមិនធ្លាប់មានក្នុងប្រវត្តិសាស្ត្រអាមេរិក។ ប៉ុន្តែអ្នកគាំទ្ររបស់គាត់ចាត់ទុកទង្វើនេះថា ជាហេតុផលនយោបាយ ហើយអាចនឹងលំបាកសម្រាប់ពួកគេគាំទ្រលោក ក្នុងការស្វែងរកសំឡេងគាំទ្រពីគណៈប្រតិភូបឋមរបស់គណបក្សសាធារណរដ្ឋនៅឆ្នាំ២០២៤៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ប្រធានជំនួយ UN ធ្វើដំណើរទៅកាន់សូម៉ាលី ខណៈកង្វះខាតស្បៀងអាហារ និងមូលនិធិកាន់តែធ្ងន់ធ្ងរ

អង្គភាពអ្នកនាំពាក្យរាជរដ្ឋាភិបាលបន្តបេសកកម្មតម្រង់ទិសស្ដីពី «ប្រសិទ្ធភាពព័ត៌មាន និងការគ្រប់គ្រងសាធារណមតិ»

រូបិយប័ណ្ណរបស់អ៊ីរ៉ង់ធ្លាក់ដល់កម្រិតទាបបំផុត ខណៈបន្តមានបទឈប់បាញ់ផុយស្រួយជាមួយអាមេរិក

ហេតុការណ៍ដេញចាក់នៅតំបន់ជនជាតិជ្វីហ្វទីក្រុងឡុងដ្រ៍ បណ្តាលឲ្យមនុស្ស ២នាក់ រងរបួស

ចិននឹងហាមឃាត់ការលក់យានដ្រូន នៅទីក្រុងប៉េកាំង ដោយសារក្ដីបារម្ភផ្នែកសន្តិសុខ

ផ្កាថ្មប៉ប្រះទឹក Abrolhos របស់ប្រេស៊ីល ធ្លាក់ចុះ ១៥ភាគរយ ក្នុងរយៈពេលជាង ១៨ឆ្នាំ

រុស្ស៊ី៖ ការចាកចេញពី OPECរបស់អារ៉ាប់រួម នឹងបង្កើនផលិតកម្មសកល ធ្វើឲ្យតម្លៃប្រេងធ្លាក់ចុះនៅពេលអនាគត

សង្រ្គាមនៅអ៊ុយក្រែនបង្កើនការប្រើប្រាស់រថពាសដែកផលិតនៅប្រទេសស៊ុយអែត

រុស្ស៊ី៖ ការផ្គត់ផ្គង់យានដ្រូនអឺរ៉ុបដល់អ៊ុយក្រែន អាចមានផលវិបាកមិនអាចព្យាករបាន

សីតុណ្ហភាពកើនឡើងនៅប្រទេសឥណ្ឌា ជំរុញតម្រូវការកង្ហា និងម៉ាស៊ីនត្រជាក់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

UN៖ មនុស្សរាប់ពាន់លាននាក់ចាំបាច់ត្រូវបញ្ចៀសភាពវឹកវរ និងភាពអត់ឃ្លាន

ការចោទប្រកាន់លើលោក Trump បង្កហានិភ័យនយោបាយសម្រាប់លោក Biden

អ្នកវិភាគ៖ រដ្ឋអាជ្ញាប្រឈមឧបសគ្គនៅក្នុងសំណុំរឿង «លុយបំបិទមាត់» របស់លោក Trump

មន្ត្រីគណបក្សសាធារណរដ្ឋផ្ទុះកំហឹង និងប្រញាប់ប្រញាល់ការពារលោក Donald Trump

អ្នកសារព័ត៌មាន និងនគរបាលប្រមូលផ្ដុំនៅខាងក្រៅការិយាល័យរដ្ឋអាជ្ញាតំបន់ Manhattan ក្រោយការចោទប្រកាន់លោក Trump

អ្នកស្លាប់កើនឡើងដល់ ៣៥នាក់ និងរបួស ១៦នាក់ក្នុងគ្រោះថ្នាក់បាក់អណ្ដូងជណ្ដើរវិលនៅឥណ្ឌា

ធុងសំរាមឆេះនៅទីក្រុងប៉ារីស ខណៈមនុស្សរាប់រយនាក់តវ៉ាខ្លាំង ខណៈនគរបាលត្រូវប្រើកម្លាំង

គណៈរដ្ឋមន្ត្រីអនុម័តទាំងស្រុងគម្រោងវិនិយោគវិស័យថាមពលចំនួន ៥គម្រោង

ក្រុមអ្នកគាំទ្ររបស់លោក Donald Trump ប្រមូលផ្ដុំគ្នាគាំទ្រនៅខាងក្រៅគេហដ្ឋាន Mar-a-Lago

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

UN៖ មនុស្ស​រាប់ពាន់​លាន​នាក់​ចាំបាច់​ត្រូវ​បញ្ចៀស​ភាពវឹកវរ និង​ភាពអត់ឃ្លាន

ការចោទប្រកាន់​លើ​លោក Trump បង្ក​ហានិភ័យ​នយោបាយ​សម្រាប់​លោក Biden

អ្នកវិភាគ​៖ រដ្ឋអាជ្ញា​ប្រឈម​ឧបសគ្គ​នៅក្នុង​សំណុំរឿង «​លុយ​បំបិទមាត់​» របស់លោក Trump

មន្ត្រី​គណបក្ស​សាធារណរដ្ឋ​ផ្ទុះ​កំហឹង​ និង​ប្រញាប់ប្រញាល់​ការពារ​លោក Donald Trump

អ្នកស្លាប់​កើនឡើង​ដល់ ​៣៥​នាក់ និង​របួស ​១៦​នាក់​ក្នុង​គ្រោះថ្នាក់​បាក់​អណ្ដូង​ជណ្ដើរ​វិល​នៅ​ឥណ្ឌា​

ធុងសំរាម​ឆេះ​នៅ​ទីក្រុង​ប៉ារីស ខណៈ​មនុស្ស​រាប់​រយ​នាក់​តវ៉ា​ខ្លាំង ខណៈ​នគរបាល​ត្រូវ​ប្រើ​កម្លាំង

គណៈរដ្ឋមន្ត្រីអនុម័តទាំងស្រុងគម្រោងវិនិយោគវិស័យថាមពលចំនួន ៥គម្រោង

ក្រុម​អ្នកគាំទ្រ​របស់លោក Donald Trump ប្រមូលផ្ដុំ​គ្នា​គាំទ្រ​នៅ​ខាងក្រៅ​គេហដ្ឋាន Mar-a-Lago

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

UN៖ មនុស្សរាប់ពាន់លាននាក់ចាំបាច់ត្រូវបញ្ចៀសភាពវឹកវរ និងភាពអត់ឃ្លាន

ការចោទប្រកាន់លើលោក Trump បង្កហានិភ័យនយោបាយសម្រាប់លោក Biden

អ្នកវិភាគ៖ រដ្ឋអាជ្ញាប្រឈមឧបសគ្គនៅក្នុងសំណុំរឿង «លុយបំបិទមាត់» របស់លោក Trump

មន្ត្រីគណបក្សសាធារណរដ្ឋផ្ទុះកំហឹង និងប្រញាប់ប្រញាល់ការពារលោក Donald Trump

អ្នកស្លាប់កើនឡើងដល់ ៣៥នាក់ និងរបួស ១៦នាក់ក្នុងគ្រោះថ្នាក់បាក់អណ្ដូងជណ្ដើរវិលនៅឥណ្ឌា

ធុងសំរាមឆេះនៅទីក្រុងប៉ារីស ខណៈមនុស្សរាប់រយនាក់តវ៉ាខ្លាំង ខណៈនគរបាលត្រូវប្រើកម្លាំង

ក្រុមអ្នកគាំទ្ររបស់លោក Donald Trump ប្រមូលផ្ដុំគ្នាគាំទ្រនៅខាងក្រៅគេហដ្ឋាន Mar-a-Lago