BTV NEWS

សម្តេចតេជោ ហ៊ុន សែន ណែនាំដល់មន្ត្រីរក្សាសន្តិសុខសណ្តាប់ធ្នាប់សង្គមឲ្យបានល្អ ពិសេសបទល្មើសអនឡាញត្រូវបង្ក្រាបកុំអោយងើបឡើងវិញអោយសោះ

សម្តេចតេជោ ហ៊ុន សែន ណែនាំដល់មន្ត្រីយកចិត្តទុកដាក់គ្រប់គ្រងនិងមើលថែដល់អតីតយុទ្ធជន និងនិវត្តជននៅតាមមូលដ្ឋាន

សម្តេច ហ៊ុន សែន អញ្ជើញ ជួបសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរអង្គភាពនានាជុំវិញខេត្ត កំពង់ចាម

កម្ពុជា និងលីទុយអានី ប្ដេជ្ញាជំរុញកិច្ចសហប្រតិបត្តិការទ្វេភាគីលើវិស័យសក្តានុពលឱ្យកាន់តែស៊ីជម្រៅ

ព័ត៌មានសំខាន់ៗ

រាជរដ្ឋាភិបាលបង្កើតគណៈកម្មការរៀបចំក្រុមការងារទេសចរណ៍លើកទី៥១ និង វេទិកាទេសចរណ៍ មេគង្គឆ្នាំ២០២៣នៅសីហនុ

ភ្នំពេញ ៖ រាជរដ្ឋាភិបាលកម្ពុជា ចេញសេចក្តីសម្រេចបង្កើតគណៈកម្មការអន្តរក្រសួងដើម្បីរៀបចំក្រុមការងារទេសចរណ៍លើកទី៥១ និងវេទិកាទេសចរណ៍មេគង្គឆ្នាំ២០២៣ នៅខេត្តព្រះសីហនុ ក្រោមប្រធានបទ «គិតគូរឡើងវិញពីភាពធន់ និងបច្ចេកវិទ្យាក្នុងវិស័យទេសចរណ៍» (Rethink for Resilience and Digitalization)។ចេញសេចក្តីសម្រេចបង្កើតគណៈកម្មការអន្តរក្រសួង ថ្ងៃទី៩ ខែមីនា ឆ្នាំ២០២៣ រាជរដ្ឋាភិបាលកម្ពុជា បានបង្កើតគណៈកម្មការអន្តរក្រសួង ដើម្បីត្រៀមលក្ខណៈកម្ពុជាធ្វើជាម្ចាស់ផ្ទះកិច្ចប្រជុំក្រុមការងារទេសចរណ៍មេគង្គលើកទី៥១ (51st Great Mekong Sub-region Tourism Working Group) និងវេទិកាទេសចរណ៍មេគង្គឆ្នាំ២០២៣ ចាប់ពីថ្ងៃទី២៤ដល់ ២៨ ខែមេសា ឆ្នាំ២០២៣ នៅខេត្តព្រះសីហនុ ក្រោមប្រធានបទ «គិតគូរឡើងវិញពីភាពធន់ និងបច្ចេកវិទ្យាក្នុងវិស័យទេសចរណ៍» (Rethink Resilience and Digitalization)។ យោងតាមសេចក្ដីសម្រេច ឯកឧត្តម ថោង ខុន រដ្ឋមន្ត្រីក្រសួងទេសចរណ៍ គឺជាប្រធាន និងឯកឧត្តម គួច ចំរើន អភិបាលនៃគណៈអភិបាលខេត្តជាអនុប្រធាន និងមានសមាសភាពជាអនុប្រធាន និងសមាជិកមកពីក្រសួងស្ថាប័នពាក់ព័ន្ធ និងកងកម្លាំងប្រដាប់អាវុធសរុបចំនួន ១៣ រូប ដើម្បីដឹកនាំ ចាត់ចែង និងត្រួតពិនិត្យដំណើរការរៀបចំកម្មវិធីខាងលើឲ្យមានប្រសិទ្ធភាព និងទទួលបានជោគជ័យ។ តាមរយៈសេចក្តីសម្រេចខាងលើ រាជរដ្ឋាភិបាល ក៏បានចាត់តាំងឯកឧត្តម ថោង រដ្ឋសក្តិ អគ្គនាយកអភិវឌ្ឍន៍ទេសចរណ៍ និងសហប្រតិបត្តិការអន្តរជាតិ ជាអនុប្រធានអចិន្ត្រៃយ៍ ដើម្បីសម្របសម្រួលកម្មវិធីខាងលើផងដែរ។គួរបញ្ជាក់ថា វេទិកាទេសចរណ៍មេគង្គ គឺជាកម្មវិធីមួយស្ថិតក្នុងក្របខណ្ឌនៃកិច្ចសហប្រតិបត្តិការសេដ្ឋកិច្ចរបស់ប្រទេសមហាអនុតំបន់មេគង្គ (GMS) បានផ្តោតសំខាន់ក្នុងការពង្រឹង និងលើកកម្ពស់ភាពជាដៃគូររដ្ឋ និងឯកជន (PPP) ក្នុងវិស័យទេសចរណ៍ សំដៅអភិវឌ្ឍផលិតផល និងជំរុញការផ្សព្វផ្សាយទេសចរណ៍ប្រទេសមហាអនុតំបន់មេគង្គឲ្យក្លាយជាគោលដៅទាក់ទាញរួមគ្នា និងផ្តល់នូវបទពិសោធន៍ថ្មី និងល្អឯកដល់ភ្ញៀវទេសចរ។ បើតាមក្រសួងទេសចរណ៍ របៀបវារៈសំខាន់ៗក្នុងកម្មវិធីវេទិកាទេសចរណ៍មេគង្គ ឆ្នាំ២០២៣ គ្រោងរៀបចំជាបទបង្ហាញរបស់អ្នកជំនាញអន្តរជាតិលើប្រធានបទចំនួន២ រួមមាន៖ (១) ការគិតគូរឡើងវិញពីវិស័យទេសចរណ៍ (Rethinking Tourism- A Pathway for Building Back Better and Stronger) និង (២) គិតគូរឡើងវិញពីប្រព័ន្ធចំណីអាហារក្នុងវិស័យទេសចរណ៍ (Rethinking Food System- A Lever to Protect the Planet)។ ក្រៅពីនេះកម្មវិធីមានរៀបចំកិច្ចពិភាក្សា (Panelist Discussion) ចំនួន ៣រួមមាន៖ (១) ទេសចរណ៍វ័យឆ្លាត និងគោលដៅទេសចរណ៍វ័យឆ្លាតតាមរយៈបច្ចេកវិទ្យា (Smart Tourism and Smart Destination via Digitalization) (២) គិតគូរឡើងវិញពីវិស័យម្ហូបអាហារ ដើម្បីការពារភពផែនដី (Rethinking Food System- A lever to protect the Planet) និង (៣) ការពង្រឹងមូលធនមនុស្ស ដើម្បីភាពធន់ក្នុងវិស័យទេសចរណ៍ (Advancing Human Capital… Advancing Industry Resilience) ដោយមានមានការចូលរួមពីអ្នកសម្របសម្រួល និងវាគ្មិនជាតិ និងអន្តរជាតិ ដែលមកពីស្ថាបនសាធារណៈ ឯកជន និងអ្នកជំនាញការអន្តរជាតិនានា៕ ដោយ ៖ ដារា

ផ្សារភាគហ៊ុនអាស៊ីធ្លាក់ចុះភ្លាមៗ ក្រោយភាពរំជើបរំជួលនៅធនាគារ Credit Suisse

អាស៊ី៖ ផ្សារភាគហ៊ុននៅតំបន់អាស៊ីបានធ្លាក់ចុះយ៉ាងគំហុកនៅថ្ងៃព្រហស្បតិ៍ ទី១៦មីនានេះ ហើយក្រុមវិនិយោគិនងាកទៅរកសុវត្ថិភាពខាងមាស ប័ណ្ណបំណុល និងប្រាក់ដុល្លារ ខណៈដែលធនាគារ Credit Suisse បានក្លាយជាចំនុចក្ដៅចុងក្រោយបំផុតសម្រាប់ក្ដីបារម្ភលើបញ្ហាសេវាធនាគារ ដែលបណ្ដាលឲ្យទីផ្សារភាគហ៊ុនដាំក្បាលចុះមុនជំនួបរបស់មន្ត្រីធនាគារកណ្ដាលអឺរ៉ុបនៅថ្ងៃនេះ។ សន្ទស្សន៍ភាគហ៊ុនសំខាន់ៗនៅក្នុងប្រទេសជប៉ុន ទីក្រុងហុងកុង និងអូស្ត្រាលីបានធ្លាក់ចុះជាង 1% ខណៈមានការខាតបង់កាន់តែធ្ងន់ធ្ងរនៅក្នុងភាគហ៊ុនធនាគារសកល។ សន្ទស្សន៍ផ្សារភាគហ៊ុន Nikkei 225 របស់ជប៉ុនបានធ្លាក់ចុះ 26,796.67ពិន្ទុនៅព្រឹកថ្ងៃព្រហស្បតិ៍នេះ ក្នុងនោះធនាគារនានាបានធ្លាក់ចុះ 4.15%។ ក្នុងចំណោមទីផ្សារភាគហ៊ុនខាតបង់ធំបំផុតមានក្រុមហ៊ុន Sumitomo Mitsui Trust Holdings Inc បានធ្លាក់ចុះ 6.8% និងធនាគារ Japan Post Bank Co Ltd បានធ្លាក់ 5.5%៕អត្ថបទ៖ សុខមាន

ប្រមុខការពារជាតិរុស្ស៊ី-អាមេរិកពិភាក្សាអំពីការធ្លាក់យានដ្រូននៅសមុទ្រខ្មៅ

អាមេរិក៖ រដ្ឋមន្ត្រីការពារជាតិសហរដ្ឋអាមេរិកលោក Lloyd Austin បានអះអាងកាលពីថ្ងៃពុធថា សហរដ្ឋអាមេរិកនឹងបន្តហោះហើរ និងធ្វើប្រតិបត្តិការគ្រប់ទីកន្លែងដែលច្បាប់អន្តរជាតិអនុញ្ញាត។ បញ្ហានេះកើតមានឡើងបន្ទាប់ពីយានដ្រូនរបស់អាមេរិកបានធ្លាក់ នៅសមុទ្រខ្មៅក្បែរតំបន់គ្រីមៀកាលពីព្រឹកថ្ងៃអង្គារ ដោយសហរដ្ឋអាមេរិកបាននិយាយថា យន្តហោះចម្បាំងរបស់រុស្ស៊ីបានបុកជាមួយយានដ្រូនបណ្តាលឱ្យធ្លាក់។ លោក Austin និយាយថា លោកបានជួបសន្ទនាជាមួយសមភាគីរុស្ស៊ីតាមទូរស័ព្ទ ដើម្បីពិភាក្សាអំពីឧបទ្ទវហេតុនេះ ប៉ុន្តែពុំបានផ្តល់ព័ត៌មានលម្អិតនៃការសន្ទនារបស់ប្រមុខការពារជាតិទាំងពីរនោះទេ។ រដ្ឋមន្ត្រីការពារជាតិរុស្ស៊ីលោក Sergei Shoigu បាននិយាយថា តាមគំនិតផ្តួចផ្តើមរបស់ភាគីអាមេរិក ការសន្ទនាតាមទូរស័ព្ទត្រូវបានធ្វើឡើងរវាងរដ្ឋមន្ត្រីការពារជាតិរុស្ស៊ីលោក Sergei Shoigu និងរដ្ឋមន្ត្រីការពារជាតិអាមេរិកលោក Lloyd Austin។ ការប៉ះទង្គិចគ្នានៅកណ្តាលអាកាសរវាងយានដ្រូនចារកម្មរបស់សហរដ្ឋអាមេរិក និងយន្តហោះចម្បាំងរុស្ស៊ីនៅក្នុងដែនអាកាសអន្តរជាតិ បានជំរុញឱ្យមានការអំពាវនាវដោយផ្ទាល់ដ៏កម្ររវាងមេដឹកនាំយោធានៅទីក្រុងវ៉ាស៊ីនតោន និងទីក្រុងមូស្គូ។ រដ្ឋមន្ត្រីការពារជាតិអាមេរិកលោក Lloyd Austin កាលពីថ្ងៃពុធបាននិយាយថា លោកបានសន្ទនាជាមួយរដ្ឋមន្ត្រីការពារជាតិរុស្ស៊ីអំពីឧបទ្ទវហេតុនេះ ដែលយន្តហោះរុស្ស៊ី Su-27 បានស្ទាក់ចាប់វាយប្រហារ និងធ្វើឱ្យខូចខាតដល់យានដ្រូន MQ-9 Reaper របស់អាមេរិក ដែលបង្ខំឲ្យប្រតិបត្តិករបញ្ជាយានដ្រូនឲ្យធ្លាក់ចូលទៅក្នុងសមុទ្រខ្មៅ។ ទន្ទឹមនឹងនេះរដ្ឋមន្ត្រីការបរទេសរុស្ស៊ីលោក Sergei Lavrov បាននិយាយកាលពីថ្ងៃពុធថា សហរដ្ឋអាមេរិកនៅក្នុងសេចក្តីអត្ថាធិប្បាយទាក់ទងនឹងការធ្លាក់យានដ្រូនយោធារបស់ខ្លួននៅសមុទ្រខ្មៅ គឺមិនអើពើចំពោះការពិតដែលថា រុស្ស៊ីបានបង្កើតការរឹតត្បិតលំហអាកាសនៅក្នុងតំបន់នោះ។ នៅក្នុងបទសម្ភាសន៍តាមទូរទស្សន៍រដ្ឋលោក Lavrov បាននិយាយថា រុស្ស៊ីបានបង្កើតដែនកំណត់លើជើងហោះហើរនៅក្នុងតំបន់សមុទ្រខ្មៅ បន្ទាប់ពីការចាប់ផ្តើមយុទ្ធនាការយោធារបស់រុស្ស៊ីនៅអ៊ុយក្រែន ជាការពិតដែលសហរដ្ឋអាមេរិកបានដឹងយ៉ាងច្បាស់រួចហើយ៕អត្ថបទ៖ ប៊ុនថន

អ្នកនៅរស់ជីវិតពីព្យុះស៊ីក្លូន Freddy នៅម៉ាឡាវីរៀបរាប់ពីបំណាក់ដី ខណៈចំនួនអ្នកស្លាប់កើនដល់ ២២៥នាក់

ម៉ាឡាវី៖ អ្នកនៅរស់ជីវិតក្នុងភូមិមួយនៅភាគខាងត្បូងប្រទេសម៉ាឡាវី កាលពីថ្ងៃពុធបានរំលឹកពីហេតុការណ៍បំណាក់ដីដែលបណ្តាលមកពីព្យុះស៊ីក្លូនត្រូពិក Freddy ដែលបានបោកបក់មកលើលំនៅឋាន ខណៈពលរដ្ឋមួយចំនួនកំពុងដេកលង់លក់។ សាច់ញាតិរបស់ពលរដ្ឋនៅភូមិ Mtauchira ដែលមានទីតាំងនៅក្នុងស្រុក Chiradzulu បានស្វែងរកសមាជិកគ្រួសាររបស់ពួកគេដែលបាត់ខ្លួន ខណៈអ្នកផ្សេងទៀតព្យាយាមយករបស់របររបស់ពួកគេដែលកប់ក្នុងដីល្បាប់។ អ្នកនៅរស់ជីវិតបាននិយាយថា អ្នកដែលព្យាយាមរត់គេចខ្លួនត្រូវបានហូរនាំដោយទឹកជំនន់ និងបានរងរបួសធ្ងន់ធ្ងរដោយការប៉ះទង្គិចជាមួយថ្ម។ នាយកដ្ឋានគ្រប់គ្រងគ្រោះមហន្តរាយរបស់ប្រទេសម៉ាឡាវី បាននិយាយនៅក្នុងសេចក្តីថ្លែងការណ៍ថា ចំនួនអ្នកស្លាប់ពីការវាយបក់លើកទីពីរដោយព្យុះបានកើនឡើងដល់ ២២៥នាក់ និងមនុស្ស ៧០៧នាក់បានរងរបួស ហើយ ៤១នាក់ផ្សេងទៀតកំពុងបាត់ខ្លួន។ ទីភ្នាក់ងារជនភៀសខ្លួនរបស់អង្គការសហប្រជាជាតិ បាននិយាយនៅក្នុងសេចក្តីថ្លែងការណ៍ថា ទីភ្នាក់ងារមានការព្រួយបារម្ភយ៉ាងខ្លាំងចំពោះការបំផ្លិចបំផ្លាញ និងផលប៉ះពាល់ដោយព្យុះស៊ីក្លូនត្រូពិក Freddy ដែលបានធ្វើឲ្យប៉ះពាល់ដល់ពលរដ្ឋជាង ១៦,០០០នាក់នៅទូទាំងស្រុកចំនួន ១០ នៅក្នុងតំបន់ភាគខាងត្បូងប្រទេសម៉ាឡាវី។ យោងតាមទីភ្នាក់ងារគ្រោះមហន្តរាយបានឱ្យដឹងថា នៅក្នុងប្រទេសម៉ូសំប៊ិកដែលនៅជិតខាង មនុស្សយ៉ាងហោចណាស់ ២១នាក់បានស្លាប់គិតត្រឹមថ្ងៃអង្គារ៕អត្ថបទ៖ ប៊ុនថន

សារព័ត៌មាន WSJ៖ ក្រុមនិយ័តករសហព័ន្ធអាមេរិកកំពុងស៊ើបអង្កេតពីមូលហេតុធនាគារ SVB ដួលរលំ

អាមេរិក៖ សារព័ត៌មាន The Wall Street Journal បានរាយការណ៍កាលពីថ្ងៃអង្គារថា គណៈកម្មការភាគហ៊ុន និងអត្រាប្ដូរប្រាក់ និងក្រសួងយុត្តិធម៌សហរដ្ឋអាមេរិក កំពុងស៊ើបអង្កេតពីមូលហេតុដែលធ្វើឲ្យធនាគារ Silicon Valley Bank (SVB) ដួលរលំ បានក្លាយជាធនាគារធំបំផុតទី២ បានដួលរលំនៅក្នុងប្រវត្តិសាស្ត្ររបស់សហរដ្ឋអាមេរិក។ យោងតាមរបាយការណ៍ ការស៊ើបអង្កេតដែលត្រូវបានធ្វើដាច់ដោយឡែកពីគ្នា និងក្នុងដំណាក់កាលដំបូង រួមមានការតាមដានការលក់ភាគហ៊ុនដែលក្រុមនាយកប្រតិបត្តិរបស់ធនាគារ SVB បានធ្វើ មុនពេលការដួលរលំរបស់ធនាគារផ្ដោតលើបច្ចេកវិទ្យាមួយនេះ។ សារព័ត៌មាន WSJ បាននិយាយថា ក្រុមរដ្ឋអាជ្ញា និងនិយ័តករតែងបើកការស៊ើបអង្កេត ក្រោយស្ថាប័នហិរញ្ញវត្ថុ ឬក្រុមហ៊ុនរដ្ឋនានាជួបបញ្ហាធ្ងន់ធ្ងរ ការខាតបង់ដែលនឹកស្មានមិនដល់។ ភាគហ៊ុននៅក្នុងក្រុមហិរញ្ញវត្ថុរបស់ធនាគារ SVB ដែលធ្លាប់បានគ្រប់គ្រងធនាគារនេះបានធ្លាក់ចុះ ៦០% កាលពីសប្ដាហ៍មុន និងត្រូវបានបញ្ឈប់មិនឲ្យជួញដូរចាប់តាំងពីថ្ងៃសុក្រសប្ដាហ៍មុន។ និយ័តករធនាគារនេះបានបង្ហាញថា លោក Daniel Beck ប្រធានផ្នែកគ្រប់គ្រងហិរញ្ញវត្ថុធនាគារ SVB បាននិយាយថា ធនាគារនេះលក់ភាគហ៊ុនចំនួន ២ពាន់របស់ហិរញ្ញវត្ថុធនាគារ SVB កាលពីថ្ងៃទី២៧កុម្ភៈ នៅថ្ងៃតែមួយដែលអគ្គនាយកធនាគារលោក Gregory Becker បានលក់ភាគហ៊ុនចំនួន ១២.៤៥១។ ធនាគារ SVB ត្រូវបានបិទដោយក្រុមប្រតិបត្តិករអាមេរិកកាលពីថ្ងៃសុក្រ បន្ទាប់ពីធនាគារផ្ដល់ប្រាក់កម្ចីផ្ដោតលើបច្ចេកវិទ្យាមួយនេះ បានរាយការណ៍ពីការខាតបង់ដ៏ធំពីការលក់ដែលបណ្ដាលឲ្យអស់ប្រាក់បញ្ញើរបស់ធនាគារ។ វាបានធ្វើឲ្យក្លាយជាការដួលរលំធនាគារធំបំផុតទី២ ក្នុងប្រវត្តិសាស្ត្រអាមេរិក និងយ៉ាងឆាប់រហ័ស ក្រោយការបិទធនាគារ Signature Bank ដែលជាធនាគារផ្ដល់ប្រាក់កម្ចីផ្នែករូបិយប័ណ្ណគ្រីបតូ ឬរូបិយប័ណ្ណឌីជីថលកាលពីថ្ងៃអាទិត្យ៕អត្ថបទ៖ សុខមាន

ទឹកជំនន់បណ្តាលឲ្យមនុស្សយ៉ាងតិច ១០នាក់ស្លាប់នៅភាគអាគ្នេយ៍ប្រទេសទួរគីដែលរងគ្រោះដោយរញ្ជួយដី

ទួរគី៖ ទីភ្នាក់ងារព័ត៌មានរដ្ឋ Anadolu បានរាយការណ៍កាលពីថ្ងៃពុធថា មនុស្សយ៉ាងតិច ១០នាក់បានស្លាប់ បន្ទាប់ពីភ្លៀងធ្លាក់យ៉ាងគំហុកបង្កជាទឹកជំនន់ភ្លាមៗនៅក្នុងខេត្ត Sanliurfa និងខេត្ត Adiyaman ភាគអាគ្នេយ៍ប្រទេសទួរគី។វីដេអូពីប្រព័ន្ធផ្សព្វផ្សាយសង្គម និងបណ្តាញផ្សព្វផ្សាយក្នុងស្រុកបានបង្ហាញទឹកជំនន់បានហូរនាំរថយន្ត និងកម្ទេចកម្ទី ហើយបានជន់លិចបន្ទប់ក្រោមដី និងជាន់ផ្ទាល់ដីនៃអគារមួយចំនួន ដែលបានប្រែក្លាយផ្លូវជាច្រើនកន្លែងទៅជាទន្លេនៅកណ្តាលទីក្រុង Sanliurfa។ អាជ្ញាធរគ្រប់គ្រងគ្រោះមហន្តរាយរបស់ប្រទេសបាននិយាយថា កិច្ចខិតខំប្រឹងប្រែងស្វែងរក និងជួយសង្គ្រោះអ្នកបាត់ខ្លួន និងអ្នកដែលជាប់នៅក្នុងអគារបានបន្ត ដោយក្រុមអ្នកមុជទឹក និងក្រុមប្រើប្រាស់ទូក។ខេត្តដែលមានប្រជាជនប្រមាណ ២.៧លាននាក់ត្រូវបានវាយប្រហារដោយការរញ្ជួយដីកាលពីខែមុន បណ្តាលឲ្យមនុស្សជាង ៤៨,០០០នាក់ស្លាប់នៅក្នុងប្រទេសទួរគី និងបានធ្វើឱ្យមនុស្សរាប់លាននាក់បាត់បង់លំនៅឋាន។ មនុស្សរាប់ពាន់នាក់កំពុងស្នាក់នៅក្នុងតង់ និងផ្ទះកុងតឺន័រ ដែលមួយចំនួនត្រូវបានជន់លិចដោយសារភ្លៀងធ្លាក់ខ្លាំង បន្ទាប់ពីលំនៅឋានរបស់ពួកគេបានរងការខូចខាតដោយរញ្ជួយដី។ កុងតឺន័រមួយដែលមានជនរងគ្រោះដោយរញ្ជួយដីចំនួន ៣នាក់បានហូរទៅតាមទឹកជំនន់ ហើយការស្វែងរកកំពុងបន្តសម្រាប់មនុស្សទាំង ៣នាក់នៅក្នុងទីក្រុង Adiyaman៕អត្ថបទ៖ ប៊ុនថន

ការធ្លាក់ចុះភាគហ៊ុនធនាគារ Credit Suisse បង្កក្ដីបារម្ភជាថ្មីពីវិបត្តិសេវាធនាគារសកល

អឺរ៉ុប៖ ភាគហ៊ុននៅក្នុងធនាគារ Credit Suisse បានដាំក្បាលចុះ និងបានទាញទម្លាក់ធនាគារផ្ដល់ប្រាក់កម្ចីសំខាន់ៗផ្សេងទៀតរបស់សហភាពអឺរ៉ុប ខណៈក្ដីបារម្ភអំពីបញ្ហាកាន់តែធ្ងន់ធ្ងរនៅក្នុងប្រព័ន្ធធនាគារពិភពលោកបានរាលដាល ក្រោយការដួលរលំធនាគារអាមេរិក។ ភាគហ៊ុនធនាគារ Credit Suisse បានធ្លាក់ជាង ១ភាគ៤ នៃតម្លៃជួញដូររបស់ខ្លួនកាលពីថ្ងៃពុធដែលធ្លាក់ចុះកាន់តែខ្លាំង បន្ទាប់ពីម្ចាស់ភាគហ៊ុនធំបំផុតរបស់ធនាគារស្វីស គឺធនាគារជាតិអារ៉ាប៊ីសាអ៊ូឌីតបានប្រាប់សារព័ត៌មាននានាថា ខ្លួននឹងមិនបោះទុនប្រាក់បន្ថែមទៀតចូលក្នុងធនាគារនេះទេ ដែលបង្កឡើងដោយបញ្ហាជាច្រើនជាយូរមកហើយ មុនធនាគារអាមេរិកដួលរលំទៅទៀត។ ភាពរំជើបរំជួលនេះបណ្ដាលឲ្យផ្អាកដោយស្វ័យប្រវត្តិ ក្នុងការជួញដូរភាគហ៊ុនរបស់ធនាគារ Credit Suisse នៅទីផ្សារក្នុងប្រទេសស្វីស និងធ្វើឲ្យរង្គោះរង្គើដល់ធនាគារអឺរ៉ុបដទៃទៀត ខ្លះធ្វើឲ្យធ្លាក់ចុះដល់តួលេខ ២ខ្ទង់។ ភាពចលាចលនេះបានបង្កឲ្យមានក្ដីបារម្ភថ្មីអំពីសុខភាពរបស់ស្ថាប័នហិរញ្ញវត្ថុ ក្រោយការដួលរលំធនាគារ Silicon Valley Bank និងធនាគារ Signature Bank នៅក្នុងសហរដ្ឋអាមេរិក។ ធនាគារ Credit Suisse បាននិយាយនៅថ្ងៃព្រហស្បតិ៍នេះថា ខ្លួននឹងខ្ចីប្រាក់ចំនួន ៥៤ពាន់លានដុល្លារអាមេរិកពីធនាគារកណ្ដាលស្វីស ដើម្បីបង្កើនទុន និងស្ដារទំនុកចិត្តរបស់ក្រុមវិនិយោគិន ក្រោយធ្លាក់ចុះភាគហ៊ុនដែលនាំឲ្យមានក្ដីបារម្ភពីវិបត្តិហិរញ្ញវត្ថុសកល៕អត្ថបទ៖ សុខមាន

ប្រធានាធិបតីស៊ីរីបង្ហាញការគាំទ្រដល់លោក Putin សម្រាប់សង្គ្រាមរបស់រុស្ស៊ីនៅអ៊ុយក្រែន

រុស្ស៊ី៖ លោកប្រធានាធិបតីស៊ីរី Bashar al-Assad កាលពីថ្ងៃពុធបានផ្ដល់ការគាំទ្ររបស់លោកចំពោះលោកប្រធានាធិបតីរុស្ស៊ី Vladimir Putin ក្នុងជម្លោះនៅប្រទេសអ៊ុយក្រែន។ យោងតាមការបកប្រែជាភាសារុស្ស៊ីនៅឯជំនួបផ្សាយតាមទូរទស្សន៍ជាមួយលោក Putin នៅក្នុងវិមានក្រឹមឡាំង លោក Assad បាននិយាយថា ប្រទេសរុស្ស៊ីបានកំពុងប្រយុទ្ធប្រឆាំងនឹងរបបណាស៊ីសបែបថ្មី និងណាស៊ីសចាស់។ដោយពុំបានផ្ដល់ភស្តុតាង លោក Assad បាននិយាយថា លោកខាងលិចបានសាបព្រួសរបបណាស៊ីសចាស់ ហើយពេលនេះកំពុងគាំទ្ររបបមួយនេះ។ ទីក្រុង Kyiv និងលោកខាងលិចនិយាយថា ការចោទប្រកាន់របស់រុស្ស៊ីដែលថា ប្រទេសអ៊ុយក្រែនបានក្លាយជាកន្លែងដ៏កក់ក្ដៅនៃរបបណាស៊ីនិយម និងជំងឺខ្លាចរុស្ស៊ីគឺជាលេសគ្មានមូលដ្ឋាន សម្រាប់ការបង្កសង្គ្រាមឈ្លានពាននៅអ៊ុយក្រែន។លោក Assad បានថ្លែងអំណរគុណដល់លោក Putin សម្រាប់ការគាំទ្រអធិបតេយ្យភាព និងបូរណភាពទឹកដីរបស់ប្រទេសស៊ីរី ដោយគូសបញ្ជាក់ថា ការគាំទ្ររបស់វិមានក្រឹមឡាំងលើស៊ីរីនៅតែរឹងមាំ ទោះកំពុងជាប់ដៃវាយប្រយុទ្ធគ្នានៅក្នុងប្រទេសអ៊ុយក្រែនក៏ដោយ។ ជំនួបរវាងលោក Assad និងលោក Putin នៅទីក្រុង Moscow បានកើតឡើង ខណៈដែលស៊ីរីប្រារព្ធខួប ១២ឆ្នាំចាប់តាំងពីផ្ទុះការបះបោរប្រឆាំងរបបរបស់លោក Assad ចាប់តាំងពីឆ្នាំ២០១១៕អត្ថបទ៖ សុខមាន

កូរ៉េខាងជើងបាញ់មីស៊ីលលើកទី៣ នៅសប្ដាហ៍នេះ មុនជំនួបរវាងមេដឹកនាំកូរ៉េខាងត្បូង និងជប៉ុន

កូរ៉េខាងជើង៖ កូរ៉េខាងជើងបានបាញ់មីស៊ីលបាលីស្ទីក ១គ្រាប់ចូលក្នុងដែនទឹកភាគខាងកើតរបស់ខ្លួន ដែលជាការបាញ់លើកទី៣ ក្នុងសប្ដាហ៍នេះ ប៉ុន្មានម៉ោងមុនប្រធានាធិបតីកូរ៉េខាងត្បូងគ្រោងធ្វើដំណើរទៅកាន់ប្រទេសជប៉ុន សម្រាប់ជំនួបកំពូលទ្វេភាគីលើកដំបូងរវាងប្រទេសទាំង២ ក្នុងរយៈពេល ១២ឆ្នាំមកនេះ ស្របពេលដែលស្ថានភាពនៅក្នុងប្រទេសមានអាវុធនុយក្លេអ៊ែរកូរ៉េខាងជើងគឺជាក្ដីបារម្ភដ៏ធំ។ នាយសេនាធិការចម្រុះកូរ៉េខាងត្បូងបាននិយាយថា ទីក្រុងព្យុងយ៉ាងបានបាញ់នូវអ្វីដែលទំនងជាមីស៊ីលបាលីស្ទីកអន្តរទ្វីប ដែលត្រូវបានហាមប្រាមចូលទៅក្បែរដែនទឹកភាគខាងកើតរបស់ខ្លួន។ សារព័ត៌មាននានាបានរាយការណ៍ថា កូរ៉េខាងជើងបានបាញ់មីស៊ីលបាលីស្ទីករយៈចម្ងាយឆ្ងាយ ១គ្រាប់ចូលទៅសមុទ្ររវាងឧបទ្វីបកូរ៉េ និងប្រទេសជប៉ុននៅថ្ងៃព្រហស្បតិ៍ ទី១៦មីនានេះ។ ប្រទេសជប៉ុនក៏បានតាមដានមីស៊ីលនេះផងដែរ ហើយឆ្មាំសមុទ្របានចេញការព្រមានដល់នាវាទាំងឡាយឲ្យបង្កើនការប្រុងប្រយ័ត្ននៃការធ្លាក់វត្ថុណាមួយ។ ទីភ្នាក់ងារសារព័ត៌មាន Kyodo របស់ជប៉ុនបានរាយការណ៍ថា មីស៊ីលនោះបានហោះចម្ងាយប្រហែល ១ពាន់គីឡូម៉ែត្រ និងឡើងដល់រយៈកម្ពស់អតិបរមា ៦ពាន់គីឡូម៉ែត្ររយៈពេលជាង ៧០នាទី នេះបើយោងតាមក្រសួងការពារជាតិ។ គួរឲ្យដឹងថា កូរ៉េខាងជើងបានបាញ់សាកល្បងមីស៊ីលចំនួន ៣លើកក្នុងសប្ដាហ៍នេះ ស្របពេលសមយុទ្ធយោធាទ្រង់ទ្រាយធំនៅតែបន្តរវាងកូរ៉េខាងត្បូង និងសហរដ្ឋអាមេរិក ដែលទីក្រុងព្យុងយ៉ាងចាត់ទុកថាជាទង្វើអរិភាព និងការសមទុកត្រៀមសម្រាប់ការឈ្លានពាន៕អត្ថបទ៖ សុខមាន

ព្រឹកស្អែក សម្តេចតេជោ ហ៊ុន សែន នឹងអញ្ជើញប្រគល់សញ្ញាបត្រជូននិស្សិតសាកលវិទ្យាល័យបៀលប្រាយជាង ៤ពាន់នាក់

ភ្នំពេញ ៖ នៅព្រឹកថ្ងៃព្រហស្បតិ៍ ទី១៦ ខែមីនា ឆ្នាំ២០២៣ ស្អែកនេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នឹងអញ្ជើញជាអធិបតីភាពក្នុងពិធីប្រគល់សញ្ញាបត្រជូននិស្សិតសាកលវិទ្យាល័យបៀលប្រាយសរុបប្រមាណ ៤,៥៦៦នាក់ នារី ២,០៣២នាក់។ ពិធីប្រគល់សញ្ញាបត្រនេះ ធ្វើឡើងនៅមជ្ឈមណ្ឌលសន្និបាត និងពិព័រណ៍កោះពេជ្រ។និស្សិតទទួលសញ្ញាបត្រនេះ មានកម្រិតបរិញ្ញាបត្ររង បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត។ ពួកគេបានបញ្ចប់ការសិក្សាក្នុងឆ្នាំសិក្សា២០១៩-២០២០, ឆ្នាំសិក្សា២០២០-២០២១, និង ឆ្នាំសិក្សា២០២១-២០២២ មកពីទីតាំងគោលរាជធានីភ្នំពេញ, សាខាខេត្តតាកែវ, សាខាខេត្តស្ទឹងត្រែង, និងសាខាខេត្តរតនគិរី។ និស្សិតទទួលសញ្ញាបត្រទាំងនេះ ក៏មាននិស្សិតជនជាតិដើមភាគតិចចំនួន ៤៦នាក់ នារី ១៨នាក់ផងដែរ។ យោងតាមការស្ទង់មតិ លោកបណ្ឌិត ឌៀប សីហា បានឱ្យដឹងថា និស្សិតត្រូវទទួលសញ្ញាបត្រនេះ អ្នកមានការងារធ្វើ ស្មើនឹង ៩៥.៨៨ភាគរយ ក្នុងនោះ ការងារត្រូវជំនាញសិក្សា ស្មើ ៧៦.៣៦ភាគរយ, ការងារមិនត្រូវជំនាញសិក្សា ស្មើ ១២.៨៤ភាគរយ និងការងារជាអាជីវកម្មផ្ទាល់ខ្លួន ស្មើ ១០.៨១ភាគរយ។

បណ្ដាញសង្គម

ព័ត៌មានថ្មីៗ

វិសាខា ទម្លាក់ ISI ឡើងវគ្គផ្ដាច់ព្រ័ត្រពាន Hun Sen Cup ជាថ្មី ក្រោយខកខាន ២រដូវកាល

នាយក Grab បង្ហាញពីឆន្ទៈចូលរួមជំរុញសេដ្ឋកិច្ចឌីជីថល និងការប្រើថាមពលស្អាតក្នុងប្រព័ន្ធដឹកជញ្ជូន

បឹងកេត វាយបកស្មើព្រះខ័នរាជចុងម៉ោង ក្នុងវគ្គ ១/២ ជើងទី១ នៃពានសម្ដេចតេជោ ហ៊ុន សែន លើកទី១៩

AMRO កោតសរសើរកម្ពុជា លើការគ្រប់គ្រងស្ថិរភាពម៉ាក្រូសេដ្ឋកិច្ចបានល្អ ក្នុងស្ថានភាពមិនប្រាកដប្រជា

ការចុះបញ្ជីស្វាយចន្ទីកំពង់ធំជាម៉ាកសម្គាល់ភូមិសាស្ត្រ (GI) នឹងជួយទាក់ទាញការវិនិយោគកែច្នៃនៅកម្ពុជា

សម្តេចតេជោ ហ៊ុន សែន អនុញ្ញាតឱ្យតំណាងអង្គការយូណេស្កូ ប្រចាំកម្ពុជា ចូលជួបសម្តែងការគួរសម

រដ្ឋមន្រ្ដីក្រសួងបរិស្ថាន អញ្ជើញចូលរួមក្នុងវេទិកាកិច្ចសហប្រតិបត្តិការបរិស្ថានអាស៊ាន-ចិន ឆ្នាំ២០២៦ នៅទីក្រុងសៀងហៃ ប្រទេសចិន

អ៊ុយក្រែន ស្នើសុំឱ្យអ៊ីស្រាអែល រឹបអូសនាវាដឹកគ្រាប់ធញ្ញជាតិ ដែលរុស្ស៊ីបានលួច

អ៊ុយក្រែនថាខ្លួនវាយប្រហារដោយជោគជ័យចូលជ្រៅក្នុងដីរុស្ស៊ី ខណៈរុស្ស៊ីហៅថាជាការដាក់គោលដៅស៊ីវិលកាន់តែខ្លាំង

មន្ទីរបញ្ចកោណ៖ សង្គ្រាមរបស់អាមេរិកនៅអ៊ីរ៉ង់ ចំណាយអស់២៥ពាន់លានដុល្លាររហូតមកដល់ពេលនេះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

រាជរដ្ឋាភិបាលបង្កើតគណៈកម្មការរៀបចំក្រុមការងារទេសចរណ៍លើកទី៥១ និង វេទិកាទេសចរណ៍ មេគង្គឆ្នាំ២០២៣នៅសីហនុ

ផ្សារភាគហ៊ុនអាស៊ីធ្លាក់ចុះភ្លាមៗ ក្រោយភាពរំជើបរំជួលនៅធនាគារ Credit Suisse

ប្រមុខការពារជាតិរុស្ស៊ី-អាមេរិកពិភាក្សាអំពីការធ្លាក់យានដ្រូននៅសមុទ្រខ្មៅ

អ្នកនៅរស់ជីវិតពីព្យុះស៊ីក្លូន Freddy នៅម៉ាឡាវីរៀបរាប់ពីបំណាក់ដី ខណៈចំនួនអ្នកស្លាប់កើនដល់ ២២៥នាក់

សារព័ត៌មាន WSJ៖ ក្រុមនិយ័តករសហព័ន្ធអាមេរិកកំពុងស៊ើបអង្កេតពីមូលហេតុធនាគារ SVB ដួលរលំ

ទឹកជំនន់បណ្តាលឲ្យមនុស្សយ៉ាងតិច ១០នាក់ស្លាប់នៅភាគអាគ្នេយ៍ប្រទេសទួរគីដែលរងគ្រោះដោយរញ្ជួយដី

ការធ្លាក់ចុះភាគហ៊ុនធនាគារ Credit Suisse បង្កក្ដីបារម្ភជាថ្មីពីវិបត្តិសេវាធនាគារសកល

ប្រធានាធិបតីស៊ីរីបង្ហាញការគាំទ្រដល់លោក Putin សម្រាប់សង្គ្រាមរបស់រុស្ស៊ីនៅអ៊ុយក្រែន

កូរ៉េខាងជើងបាញ់មីស៊ីលលើកទី៣ នៅសប្ដាហ៍នេះ មុនជំនួបរវាងមេដឹកនាំកូរ៉េខាងត្បូង និងជប៉ុន

ព្រឹកស្អែក សម្តេចតេជោ ហ៊ុន សែន នឹងអញ្ជើញប្រគល់សញ្ញាបត្រជូននិស្សិតសាកលវិទ្យាល័យបៀលប្រាយជាង ៤ពាន់នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

រាជរដ្ឋាភិបាលបង្កើតគណៈកម្មការរៀបចំក្រុមការងារទេសចរណ៍លើកទី៥១ និង វេទិកាទេសចរណ៍ មេគង្គឆ្នាំ២០២៣នៅសីហនុ

ផ្សារភាគហ៊ុន​អាស៊ី​ធ្លាក់ចុះ​ភ្លាមៗ ក្រោយ​ភាព​រំជើបរំជួល​នៅ​ធនាគារ Credit Suisse

ប្រមុខ​ការពារជាតិ​រុស្ស៊ី-អាមេរិក​ពិភាក្សា​អំពី​ការ​ធ្លាក់​យាន​ដ្រូ​ន​នៅ​សមុទ្រ​ខ្មៅ

សារព័ត៌មាន​ WSJ៖​ ក្រុម​និយ័ត​ករ​សហព័ន្ធ​អាមេរិក​កំពុង​ស៊ើបអង្កេត​ពី​មូលហេតុ​ធនាគារ​ SVB ដួល​រលំ​

ការធ្លាក់ចុះ​ភាគហ៊ុន​ធនាគារ Credit Suisse បង្ក​ក្ដីបារម្ភ​ជាថ្មី​ពី​វិបត្តិ​សេវា​ធនាគារ​សកល

ប្រធានាធិបតី​ស៊ី​រី​បង្ហាញ​ការគាំទ្រ​ដល់​លោក Putin សម្រាប់​សង្គ្រាម​របស់​រុស្ស៊ី​នៅ​អ៊ុយ​ក្រែ​ន​

កូរ៉េខាងជើង​បាញ់​មី​ស៊ី​ល​លើក​ទី​៣​ នៅ​សប្ដាហ៍​នេះ មុន​ជំនួប​រវាង​មេដឹកនាំ​កូរ៉េខាងត្បូង និង​ជប៉ុន​

ព្រឹកស្អែក សម្តេចតេជោ ហ៊ុន សែន នឹងអញ្ជើញប្រគល់សញ្ញាបត្រជូននិស្សិត​សាកលវិទ្យាល័យបៀលប្រាយជាង ៤ពាន់នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ផ្សារភាគហ៊ុនអាស៊ីធ្លាក់ចុះភ្លាមៗ ក្រោយភាពរំជើបរំជួលនៅធនាគារ Credit Suisse

ប្រមុខការពារជាតិរុស្ស៊ី-អាមេរិកពិភាក្សាអំពីការធ្លាក់យានដ្រូននៅសមុទ្រខ្មៅ

សារព័ត៌មាន WSJ៖ ក្រុមនិយ័តករសហព័ន្ធអាមេរិកកំពុងស៊ើបអង្កេតពីមូលហេតុធនាគារ SVB ដួលរលំ

ការធ្លាក់ចុះភាគហ៊ុនធនាគារ Credit Suisse បង្កក្ដីបារម្ភជាថ្មីពីវិបត្តិសេវាធនាគារសកល

ប្រធានាធិបតីស៊ីរីបង្ហាញការគាំទ្រដល់លោក Putin សម្រាប់សង្គ្រាមរបស់រុស្ស៊ីនៅអ៊ុយក្រែន

កូរ៉េខាងជើងបាញ់មីស៊ីលលើកទី៣ នៅសប្ដាហ៍នេះ មុនជំនួបរវាងមេដឹកនាំកូរ៉េខាងត្បូង និងជប៉ុន

ព្រឹកស្អែក សម្តេចតេជោ ហ៊ុន សែន នឹងអញ្ជើញប្រគល់សញ្ញាបត្រជូននិស្សិតសាកលវិទ្យាល័យបៀលប្រាយជាង ៤ពាន់នាក់