BTV NEWS

សម្ដេចធិបតី៖ កម្ពុជាជ្រើសរើសយកយន្តការ UNCLOS ដោយសារថៃលុបចោល MOU ២០០១ ជាឯកតោភាគី

សម្ដេចធិបតី៖ កងទ័ពថៃបានចូលកាន់កាប់ទឹកដីកម្ពុជាយ៉ាងជ្រៅលើសសូម្បីផែនទីឯកតោភាគីគេបានអះអាង

សម្ដេចតេជោ ហ៊ុន សែន ឆ្លៀតវាយកូនគោលនៅថ្ងៃចុងសប្ដាហ៍ ក្រោយខកខានជាង ១ឆ្នាំ

រាជរដ្ឋាភិបាលបង្ហាញលទ្ធផលការងារឆ្នាំ២០២៥ សម្រាប់ការអនុវត្តផែនការយុទ្ធសាស្ត្រអភិវឌ្ឍន៍ជាតិ

ព័ត៌មានសំខាន់ៗ

គេរំពឹងថា លោក Trump អាចនឹងអង្គុយស្ដាប់ការបំភ្លឺបណ្ដឹងស៊ីវិលមួយផ្សេងទៀតនៅសប្ដាហ៍នេះ ក្រោយឡើងសវនាការនៅ New York

អាមេរិក៖ ប្រភពមួយចំនួនបានប្រាប់ទូរទស្សន៍ CNN ថា អតីតប្រធានាធិបតីអាមេរិកលោក Donald Trump ត្រូវគេរំពឹងថានឹងវិលត្រឡប់ទៅកាន់ទីក្រុង New York វិញ ដើម្បីប្រឈមការតតាំងផ្លូវច្បាប់មួយផ្សេងទៀតនៅថ្ងៃព្រហស្បតិ៍សប្ដាហ៍នេះ ពេលនេះជាបណ្ដឹងរដ្ឋប្បវេណីដែលត្រូវបានដាក់ទៅតុលាការដោយរដ្ឋអាជ្ញាក្រុង New York លោក Letitia James។ លោក Trump គ្រោងចូលរួមស្ដាប់សម្ដីសាក្សីបំភ្លឺបណ្ដឹងរដ្ឋប្បវេណីប្រឆាំងលើរូបលោក កូនៗរបស់លោក និងអង្គការ Trump ដោយចោទប្រកាន់ថា ពួកគេជាប់ពាក់ព័ន្ធនឹងគម្រោងដែលបានចំណាយប្រាក់យ៉ាងច្រើន សម្រាប់អតីតប្រធានាធិបតីរូបនេះក្នុងការប្រើដើម្បីផលប្រយោជន៍ផ្ទាល់ខ្លួន។ លោក Trump ធ្លាប់បានអង្គុយស្ដាប់ការបំភ្លឺករណីនេះកាលពីខែសីហា ឆ្នាំ២០២២ នៅពេលរូបលោកបានច្រានចោលមិនព្រមផ្ដល់ចម្លើយ ដោយផ្អែកតាមសិទ្ធិវិសោធនកម្មមាត្រាទី៥ ប្រឆាំងការចោទប្រកាន់លើរូបលោកដល់ទៅជាង ៤០០សំណួរ។ មួយខែក្រោយមក ការិយាល័យរដ្ឋអាជ្ញាបានដាក់បណ្ដឹងដើម្បីព្យាយាមស្វែងរកប្រាក់ ២៥០លានដុល្លារអាមេរិក និងបានហាមប្រាមសមត្ថភាពរបស់លោក Trumps ក្នុងកិច្ចការធុរកិច្ចនៅក្នុងសហរដ្ឋអាមេរិក។ ករណីនេះគ្រោងនឹងជំនុំជម្រះនៅខែតុលា។ លោក Trumps បានទាត់ចោលការចោទប្រកាន់នេះ។ កាលពីសប្ដាហ៍មុន អតីតប្រធានាធិបតីរូបនេះត្រូវបានឡើងសវនាការ និងផ្ដល់ចម្លើយពីភាពគ្មានទោសដែលត្រូវបានចោទប្រកាន់ចំនួន ៣៤ករណីនៅ New York ទាក់ទងនឹងការខ្លែងបន្លំឯកសារធុរកិច្ច ក្រោយការស៊ើបអង្កេតក្នុងសំណុំរឿងបង់ប្រាក់បំបិទមាត់ទៅឲ្យតារាភាពយន្តអាសអាភាសនាង Stormy Daniels៕អត្ថបទ៖ សុខមាន

ទស្សនាកម្រងរូបភាព នៃការរាប់បេះដូងបំបែកកំណត់ត្រាឯតទគ្គកម្មពិភពលោក ក្រោមទិសស្លោក “បេះដូងលោតក្នុងចង្វាក់តែមួយ”

គណៈកម្មការកំណត់ត្រាឯតទគ្គកម្មពិភពលោក ចាប់ផ្តើមដំណើរការត្រួតពិនិត្យ និងការរាប់បេះដូងរបស់កម្ពុជា ក្នុងការបំបែកកំណត់ត្រាពិភពលោក ខណៈដែលពិធីប្រកាសផ្លូវការនឹងចាប់ផ្តើមនៅវេលាម៉ោង៤រសៀលថ្ងៃទី១១ ខែមេសា ឆ្នាំ២០២៣ នៅមុខប្រាសាទអង្គរវត្ត។ការរាប់បេះដូងបំបែកកំណត់ត្រាឯតទគ្គកម្មពិភពលោក ក្រោមទិសស្លោក “បេះដូងលោតក្នុងចង្វាក់តែមួយ” ក្នុងន័យគាំទ្រ លើកទឹកចិត្ត និងបង្ហាញសេចក្ដីស្រឡាញ់ដល់កីឡាករ គ្រូបង្វឹក និងអ្នកគាំទ្រផងដែរ គ្រប់ដំណាក់កាលតាំងពីការត្រៀមប្រកួត ការប្រកួត និងក្រោយការប្រកួត នៃព្រឹត្តិការណ៍កីឡាអាស៊ីអាគ្នេយ៍(SEA Games) និងកីឡាអាស៊ានប៉ារ៉ាហ្គេមឆ្នាំ២០២៣។

សមាជិកសភាគណបក្សប្រជាធិបតេយ្យជំរុញឲ្យប្រធានចៅក្រមស៊ើបអង្កេតដំណើរកម្សាន្តរបស់ចៅក្រម Thomas

អាមេរិក៖ គណបក្សប្រជាធិបតេយ្យនៅក្នុងគណៈកម្មាធិការនីតិកម្មព្រឹទ្ធសភា បានអំពាវនាវដល់ប្រធានចៅក្រមតុលាការកំពូលរបស់សហរដ្ឋអាមេរិកលោក John Roberts កាលពីថ្ងៃចន្ទដើម្បីបើកការស៊ើបអង្កេតលើការទទួលយកការធ្វើដំណើរចំណាយប្រាក់ដ៏ច្រើន ដែលមានការលាក់បាំងដោយចៅក្រមលោក Clarence Thomas និងភរិយារបស់លោកដែលត្រូវបានរ៉ាប់រងការចំណាយ ដោយម្ចាស់ជំនួយធំសមាជិកនៃគណបក្សសាធារណរដ្ឋ។ លិខិតនោះនិយាយថា គណៈកម្មការនេះគ្រោងបើកសវនាការក្នុងពេលប៉ុន្មានថ្ងៃខាងមុខ យោងតាមភាពចាំបាច់ក្នុងការស្ដារទំនុកចិត្តឡើងវិញនៅក្នុងក្រមសីលធម៌តុលាការកំពូល។ ហើយប្រសិនបើតុលាការកំពូលមិនដោះស្រាយបញ្ហានេះដោយខ្លួនឯងទេនោះ គណៈកម្មការនេះនឹងពិចារណាបោះឆ្នោតលើច្បាប់នេះ។ វិធាននេះក៏នឹងត្រូវការជាចាំបាច់ផងដែរ នូវការគាំទ្រពីសភាដឹកនាំដោយគណបក្សសាធារណរដ្ឋ ដើម្បីឲ្យក្លាយជាច្បាប់ពេញលេញ។ សមាជិកព្រឹទ្ធសភាមកពីគណបក្សប្រជាធិបតេយ្យចំនួន ១១រូបបានសរសេរលិខិតផ្ញើទៅកាន់លោក Roberts ថា យើងជំរុញឲ្យលោកធ្វើបែបនេះ តែលោកមិនចាំបាច់រង់ចាំសភាទទួលខុសត្រូវ ចំពោះការស៊ើបអង្កេតរបស់លោកលើការប្រព្រឹត្តដែលបានរាយការណ៍ និងធានាថានឹងមិនអាចឲ្យមានករណីនេះកើតឡើងទៀតឡើយ។ សារព័ត៌មាន ProPublica បានរាយការណ៍ថា លោក Thomas វ័យ ៧៤ឆ្នាំ និងភរិយារបស់លោកឈ្មោះ Virginia បានធ្វើដំណើរតាមនាវា និងយន្តហោះឯកជនរបស់ម្ចាស់ជំនួយគឺលោក Crow ព្រមទាំងស្នាក់នៅរមណីយដ្ឋានឯកជនរបស់លោកនៅភ្នំ Adirondack នៃទីក្រុងញូវយ៉ក។ ដំណើរកម្សាន្តទៅកាន់ប្រទេសឥណ្ឌូនេស៊ីក្នុងឆ្នាំ២០១៩ ដែលអាចចំណាយអស់ជាង ៥០ម៉ឺនដុល្លារ ដើម្បីឲ្យលោក Thomas ជួលយន្តហោះ និងជិះនាវាកម្សាន្តដោយខ្លួនឯង៕អត្ថបទ៖ សុខមាន

សម្តេចតេជោ ហ៊ុន សែន បញ្ចប់មុខតំណែងមន្ត្រីជាន់ខ្ពស់ នៃរដ្ឋលេខាធិការដ្ឋានអាកាសចរស៊ីវិល ដែលអាងអំណាចប្រើប្រាស់អាវុធគំរាមកំហែងអ្នកដទៃ

ភ្នំពេញ៖ សម្តចតេជោ ហ៊ុន សែន នាយករដ្ឋមន្រ្តី តាមរយៈតេឡេក្រាមនៅមុននេះបន្តិច បានចេញអនុក្រឹត្យសម្រេចបញ្ចប់មុខតំណែងលោក បែល វ៉ាន់ដែត ពីអគ្គនាយករង នៃអគ្គនាយកដ្ឋានរដ្ឋបាល និងកិច្ចការទូទៅ នៃរដ្ឋលេខាធិការដ្ឋានអាកាសចរស៊ីវិល បន្ទាប់ពីបុគ្គលរូបនេះ អាងអំណាចហើយបានយកអាវុធទៅគំរាមកំហែងអ្នកទន់ខ្សោយកាលពីកន្លងទៅនេះ។បន្ថែមលើអនុក្រឹត្យនោះសម្តេចតេជោ ហ៊ុន សែន មានប្រសាសន៍ថា “បើតុលាការមិនចាត់ការតាមផ្លូវច្បាប់ទេទុកឲ្យខ្ញុំដាក់វិន័យតាមផ្លូវរដ្ឋសិន។ អាងមានអំណាចប្រើប្រាស់អាវុធគំរាមអ្នកទន់ខ្សោយ”។សម្តេចតេជោ ហ៊ុន សែន ព្រមានថា “នេះជាសារព្រមានចំពោះមន្ត្រីទាំងអស់សូមកុំអាងអំណាចធ្វើបាបអ្នកទន់ខ្សោយ ជាពិសេសសូមកុំប្រើប្រាស់អាវុធខុសច្បាប់”។គួរបញ្ជាក់ថា កាលពីយប់ថ្ងៃទី២៩ ខែមីនា ឆ្នាំ២០២៣កន្លងទៅនេះ បុគ្គល បែល វ៉ាន់ដែត បានយកកាំភ្លើងទៅគំរាមកំហែងដល់បុរសម្នាក់បន្ទាប់ពីមានករណីគ្រោះថ្នាក់ចរាចរណ៍រវាងរថយន្ត រ៉េងរ៉ូវើ ពណ៌ស និងរថយន្ត Ford Ranger ពណ៌ខ្មៅ រហូតធ្វើឲ្យម្ចាស់រថយន្ត រ៉េងរ៉ូវើ ខឹងជិះតាមដល់មុខផ្ទះ និងដកកាំភ្លើងភ្ជង់លើម្ចាស់រថយន្ត Ford Ranger តែម្តង។បន្ទាប់ពីមានហេតុការណ៍កើតឡើងជនរងគ្រោះមានឈ្មោះ ឆៃ វ៉ាន់ម៉ូលីវ័ន្ត ភេទប្រុស អាយុ២៣ឆ្នាំ ជានិស្សិត បានប្តឹងទៅនគរបាលក្នុងមូលដ្ឋាន ទើបនគរបាលខណ្ឌឫស្សីកែវ ស្រាវជ្រាវឃាត់ខ្លួន យកមកសួរនាំនៅនគរបាលខណ្ឌ។ បន្ទាប់ពីឃាត់ខ្លួនជនសង្ស័យ សមត្ថកិច្ចបានដកហូតអាវុធខ្លី១ដើម ម៉ាកGlook ពណ៌ខ្មៅ គ្រាប់១៣គ្រាប់ គ្មានច្បាប់អនុញ្ញាត , រថយន្តមួយគ្រឿងម៉ាក រ៉េងរ៉ូវើ ពណ៌ស ពាក់ស្លាកលេខ ភ្នំពេញ 2BL-0199។ ក្រោយពីចាប់ខ្លួនហើយ ភាគីទាំងពីរបានព្យាយាមសម្របសម្រួលបញ្ចប់វិវាទនៅក្រៅប្រព័ន្ធតុលាការ នៅប៉ុស្តិ៍នគបាលរដ្ឋបាលសង្កាត់ ច្រាំងចំរេះទី២ ខណ្ឌឫស្សីកែវ រាជធានីភ្នំពេញ ប៉ុន្តែមិនព្រមព្រៀងគ្នា ទើបនគរបាលសម្រេចកសាងសំណុំរឿងមកតុលាការ ដើម្បីចាត់ការតាមមនីតិវិធី។ បើតាមព័ត៌មានក្នុងស្រុកបានចុះផ្សាយថា លោកស្រី អ៊ុក រ៉េតគន្ធា ចៅក្រមស៊ើបសួរក្នុងសំណុំរឿងខាងលើនេះ បានដោះលែងជនសង្ស័យឈ្មោះ បែល វ៉ាន់ដែតដោយគ្រាន់តែដាក់ជនសង្ស័យរូបនេះ ឲ្យស្ថិតក្រោមការត្រួតពិនិត្យតាមផ្លូវតុលាការតែប៉ុណ្ណោះ ក្រោយពីលោក លឹម ប៊ុនហេង ព្រះរាជអាជ្ញារងអមសាលាដំបូងរាជធានីភ្នំពេញ បានចោទប្រកាន់ជនសង្ស័យនេះពីបទ គំរាមសម្លាប់ និងបទកាន់កាប់អាវុធដោយគ្មានការអនុញ្ញាត កាលពីព្រឹកថ្ងៃទី៣១ ខែមិនា ឆ្នាំ២០២៣កន្លងទៅនេះ។សម្តេចតេជោ ហ៊ុន សែន បញ្ជាឲ្យរដ្ឋមន្រ្តីក្រសួងយុត្តិធម៌ ធ្វើការជាមួយតុលាការកុំឲ្យជនល្មើស ឈ្មោះ បែល វ៉ាន់ដែត រួចផុតពីសំណាញ់ច្បាប់ និងនៅក្រៅឃុំមុនកាត់ទោសឲ្យសោះ ដើម្បីកុំឲ្យជនល្មើសដែលមានឈ្មោះខាងលើនេះ តាមគំរាមកំហែងដល់អ្នកដទៃទៀត៕(ដោយ៖ បាន ចក់)

ប្រសាសន៍សំខាន់ៗសម្ដេចតេជោ ក្នុងឱកាសសំណេះសំណាល និងពិសារអាហារសាមគ្គី ជាមួយម្ចាស់សហគ្រាសធុនតូច និងមធ្យម

ភ្នំពេញ៖ ប្រសាសន៍សំខាន់ៗរបស់ សម្ដេចតេជោ ហ៊ុន សែន នាយករដ្ឋមន្ដ្រី ក្នុងឱកាសអញ្ជើញជួប ជុំ សំណេះសំណាល និង ទទួលទានអាហារសាមគ្គី ជាមួយម្ចាស់សហគ្រាសធុនតូច និងមធ្យម នារសៀលថ្ងៃទី១០ ខែមេសា ឆ្នាំ២០២៣ នេះ។ខាងក្រោមជាខ្លឹមសារសំខាន់ៗរបស់សម្តេចតេជោ ហ៊ុន សែន ៖សម្តេចតេជោ ហ៊ុន សែន មានប្រសាសន៍ថា កាលពីមុនកម្ពុជាធ្លាប់តែ នាំចូលផលិតផល ជាច្រើន ដើម្បីយកមកប្រើប្រាស់នៅកម្ពុជា ប៉ុន្ដែតាមរយៈសហគ្រាសធុនតូច និងមធ្យម និង សិប្បកម្ម នៅ កម្ពុជា បានធ្វើឱ្យកម្ពុជាអាចផលិតសម្ភារប្រើប្រាស់ដែល ជាផលិតផល ក្នុងស្រុកដោយខ្លួនឯង។សម្ដេចតេជោ ហ៊ុន សែន៖ លើកទឹកចិត្តឱ្យមានការជួបជុំជាមួយមហាគ្រួសារ សហគ្រាសធុនតូច ធុនមធ្យម និង សិប្បកម្ម នៅកម្ពុជានៅឆ្នាំក្រោយៗទៀត ដើម្បីពិភាក្សា ផ្លាស់ប្ដូរយោបល់ និងស្វែងរកដំណោះស្រាយ នានារួមគ្នា។សម្តេចតេជោ ហ៊ុន សែន ថ្លែងថា រាជរដ្ឋាភិបាល តែងតែចាត់ទុក សហគ្រាសធុនតូច និងមធ្យម គឺជាដៃគូដ៏សំខាន់ក្នុងការចូលរួមចំណែកដល់ការអភិវឌ្ឍ និងកំណើនសេដ្ឋកិច្ច សង្គមរបស់កម្ពុជា។សម្ដេចតេជោ ហ៊ុន សែន មានប្រសាសន៍ថា រាជរដ្ឋាភិបាលបានរៀបចំច្បាប់ និង បទបញ្ញត្តិនានា ព្រមទាំងពន្ធគយ ដើម្បីជួយសម្រួលទៅដល់ដំណើរការអាជីវកម្ម នានារបស់សហគ្រាសធុនតូច និងមធ្យ ម។សម្តេចតេជោ ហ៊ុន សែន បានលើកទឹកចិត្តឱ្យសហគ្រិន ក្នុងវិស័យ សហគ្រាសធុនតូច និងមធ្យម និងសិប្បកម្មកម្ពុជា បង្កើនសមត្ថភាព ពង្រឹងភាពប្រកួតប្រជែងរបស់ខ្លួន ជាមួយគ្នានេះសម្ដេចតេជោ ជំរុញឱ្យក្រសួងស្ថាប័ន ដោះស្រាយនូវបញ្ហាប្រឈមនានា និងកាត់បន្ថយថ្លៃនៃការធ្វើធុរកិច្ចសំដៅជំរុញផលិតភាព នងភាពប្រកួតប្រជែងនៅកម្ពុជា។សម្តេចតេជោ ហ៊ុន សែន មានប្រសាសន៍ថា វត្តមានរបស់សហគ្រិន នៃសហគ្រាសធុនតូច និងមធ្យម និងសិប្បកម្មកម្ពុជានាពេលនេះគឺជាបណ្ដុំធនធាន សេដ្ឋកិច្ចក្រៅ ប្រព័ន្ធ របស់ កម្ពុជា។ សម្ដេចតេជោរម្លឹកថា កន្លងទៅមានទស្សនមួយចំនួនបានលើកឡើងថា ពួកគេតាំង ខ្លួនជាសមាគមនៃសេដ្ឋកិច្ចក្រៅប្រព័ន្ធ ប៉ុន្ដែពួកគេមិនដឹងទេថា រាជរដ្ឋាភិបាលកំពុងធ្វើអ្វី នោះគឺការផ្ដល់នូវលទ្ធភាពគ្រប់យ៉ាងដើម្បីគាំទ្រដល់សេដ្ឋកិច្ចក្រៅប្រព័ន្ធនោះឯង។សម្តេចតេជោ ហ៊ុន សែន បញ្ជាក់ថា ក្របខណ្ឌជំនួបជាមួយ សហគ្រាសធុនតូច និងមធ្យម និងសិប្បកម្មកម្ពុជា នាថ្ងៃនេះ គឺជាជំនួបរវាងរដ្ឋាភិបាល និងសេដ្ឋកិច្ចក្រៅប្រព័ន្ធ នេះបើនិយាយឱ្យធំទូលាយ។ ដូច្នេះសម្ដេចតេជោបានជំរុញឱ្យ សហគ្រាសធុនតូច និងមធ្យម និងសិប្បកម្មកម្ពុជា យកចិត្តទុកដាក់ជំរុញការកែច្នៃផលិតផលដែលមានស្រាប់នៅក្នុងប្រទេសកម្ពុជា ជាពិសេស សហគ្រាសធុនតូច និងមធ្យម និងសិប្បកម្មកម្ពុជា ដែលពាក់ព័ន្ធនឹងការកែច្នៃ ចំណីអាហាររបស់កម្ពុជាតែម្ដង។សម្តេចតេជោ ហ៊ុន សែន បានជំរុញដល់ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ សហការជាមួយក្រសួងការងារ និងបណ្ដុះបណ្ដាលវិជ្ជាជីវៈ សមាគមសហគ្រាសធនតូច និងមធ្យម និងមូលនិធិសម្ដេចតេជោ ដើម្បីអភិវឌ្ឍសហគ្រាសធនតូច និងធម្យមនៅកម្ពុជា និងដើម្បីវាយតម្លៃសេចក្ដីត្រូវការ អភិវឌ្ឍសមត្ថភាពជំនាញ សហគ្រាសធនតូច និងធម្យម សម្របតាមតម្រូវការជាក់ស្ដែងដែលសហគ្រាសបាននឹងកំពុងជួបប្រទះ។

សម្តេចតេជោ ហ៊ុន សែន អញ្ជើញសំណេះសំណាល និងពិសារអាហារសាមគ្គី ជាមួយម្ចាស់សហគ្រាសធុនតូច និងមធ្យម

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីអញ្ជើញជួបសំណេះសំណាល និងពិសារ អាហារ សាមគ្គី ជាមួយម្ចាស់សហគ្រាសធុនតូច និងមធ្យម ក៏ដូចជាអ្នកធ្វើធុរកិច្ច នៅកម្ពុជា នៅមជ្ឈមណ្ឌលសន្និបាត និងពិព័រណ៍កោះពេជ្រ នៅរសៀលទី១០ ខែមេសា ឆ្នាំ២០២៣នេះ។ បច្ចុប្បន្ននេះ សហគ្រាសធុនតូច និងមធ្យម និងសិប្បកម្មកម្ពុជា មានចំនួន សរុប ជាង ៧០ម៉ឺនមូលដ្ឋាន ក្នុងនោះវិស័យកម្មន្តសាលមានប្រមាណ ៧ភាគរយ ស្មើ និងជាង ៤ម៉ឺនមូលដ្ឋាន ហើយភាគច្រើន គឺប្រភេទកែច្នៃចំណីអាហារប្រមាណជា ៨០ភាគរយ។ ក្នុងនោះរោងចក្រធុនធំ មានជិត ២ពាន់មូលដ្ឋាន៕

តំណាងរាស្ត្របក្សប្រជាធិបតេយ្យចង់ឲ្យមានការចោទប្រកាន់ចៅក្រមតុលាការកំពូលអាមេរិកលោក Clarence Thomas

អាមេរិក៖ សមាជិកសភាមកពីគណបក្សប្រជាធិបតេយ្យសហរដ្ឋអាមេរិកលោកស្រី Alexandria Ocasio-Cortez បាននិយាយកាលពីថ្ងៃអាទិត្យថា លោកស្រីចង់ឲ្យមានការចោទប្រកាន់ទម្លាក់តំណែងចៅក្រមតុលាការកំពូលលោក Clarence Thomas និងក្រុមទីប្រឹក្សារបស់លោកដែលត្រូវបានស៊ើបអង្កេត ក្រោយសារព័ត៌មានមួយបានហៅដំណើរកម្សាន្ត ដែលលោកបានចំណាយប្រាក់យ៉ាងច្រើនរាប់ទសវត្សរ៍មកហើយ ត្រូវបានឧបត្ថម្ភដោយម្ចាស់ជំនួយម្នាក់មកពីគណបក្សសាធារណរដ្ឋ។ លោកស្រីបានប្រាប់សារព័ត៌មាន CNN នៅក្នុងបទសម្ភាសន៍មួយថា នេះគឺជាទំនួលខុសត្រូវរបស់សភាក្នុងការបញ្ចុះបញ្ចូលថា ការស៊ើបអង្កេតស្ថិតក្នុងទម្រង់នៃការចោទប្រកាន់ទម្លាក់តំណែង។ ប៉ុន្តែលោកស្រីបានទទួលស្គាល់ថា ដំណើរការនេះប្រហែលជាមិនអាចធ្វើទៅបានទេ គណបក្សសាធារណរដ្ឋមានសំឡេងភាគច្រើននៅក្នុងសភា ដែលមិនចង់ចាត់វិធានការប្រឆាំងនឹងចៅក្រមអភិរក្សនិយមរូបនេះ។ លោកស្រី Ocasio-Cortez បាននិយាយថា ពេលវេលានៃទំនាក់ទំនងរបស់លោក Thomas ជាមួយម្ចាស់ជំនួយមកពីគណបក្សសាធារណរដ្ឋ និងជាមហាសេដ្ឋីអចលនទ្រព្យលោក Harlan Crow បានបង្ហាញពីទំនាស់ផលប្រយោជន៍តាំងពីដំបូង បន្ទាប់ពីលោក Thomas បានចាប់ផ្ដើមកាន់តំណែងចៅក្រមតុលាការកំពូលកាលពីឆ្នាំ១៩៩១ មក។ សារព័ត៌មាន ProPublica បានរាយការណ៍កាលពីថ្ងៃព្រហស្បតិ៍សប្ដាហ៍មុនថា លោក Thomas បានទទួលយកការចំណាយដ៏ច្រើនលើដំណើរកម្សាន្តពីលោក Crow ជាច្រើនទសវត្សរ៍មកនេះ ទោះបីជាច្បាប់សហព័ន្ធតម្រូវឲ្យលាតត្រដាងរាល់ការទទួលអំណោយទាំងអស់ក៏ដោយ៕អត្ថបទ៖ សុខមាន

ប្រធានាធិបតីបារាំងនិយាយថា អឺរ៉ុបមិនគួរធ្វើតាមអាមេរិក ឬចិននោះទេលើបញ្ហាកោះតៃវ៉ាន់

បារាំង៖ ប្រធានាធិបតីបារាំងលោក Emmanuel Macron បាននិយាយឡើងវិញនូវការអំពាវនាវរបស់លោក ឱ្យសហភាពអឺរ៉ុបរក្សាគោលនយោបាយការបរទេសឯករាជ្យ នៅក្នុងបទសម្ភាសន៍មួយកាលពីថ្ងៃអាទិត្យ សម្រាប់សារព័ត៌មានពាណិជ្ជកម្មបារាំងប្រចាំថ្ងៃ Les Echo។ លោកបាននិយាយថា យើងមិនចង់ចូលទៅក្នុងប្លុកប្រឆាំងនឹងចង្កោមប្លុក ដោយលើកហេតុផលថា អឺរ៉ុបមិនគួរចូលពាក់ព័ន្ធនៅក្នុងធ្វើឲ្យការបាត់បង់សណ្តាប់ធ្លាប់នៃពិភពលោក និងវិបត្តិដែលពុំមែនជារបស់យើងនោះទេ។ ការលើកឡើងនេះធ្វើឡើង បន្ទាប់ពីដំណើរទស្សនកិច្ចទៅកាន់ប្រទេសចិនរបស់លោក Macron និងមន្ត្រីសហភាពអឺរ៉ុបផ្សេងទៀតដែលបានជួបជាមួយលោក Xi Jinping ប្រធានាធិបតីចិន។ ក្នុងចំណោមបញ្ហាផ្សេងទៀត មេដឹកនាំជាច្រើនបានពិភាក្សាគ្នាអំពីភាពតានតឹងជុំវិញបញ្ហាកោះតៃវ៉ាន់ និងការឈ្លានពានរបស់រុស្ស៊ីមកលើអ៊ុយក្រែន។ លោក Macron បានបញ្ជាក់ថា ការកើនឡើងបញ្ហាលើកោះតៃវ៉ាន់ពុំស្ថិតក្នុងការចាប់អារម្មណ៍របស់សហភាពអឹរ៉ុបឡើយ។ សំណួរដែលត្រូវបានសួរពួកយើងពីសហភាពអឺរ៉ុបមានដូចតទៅ៖ តើវាស្ថិតក្នុងចំណាប់អារម្មណ៍របស់យើងដែរឬទេ សម្រាប់ការបង្កើនល្បឿនលើប្រធានបទកោះតៃវ៉ាន់? ទេ រឿងរ៉ាវដែលអាក្រក់បំផុត យើងជាប្រទេសអឺរ៉ុបអាចធ្វើបានគឺធ្វើជាអ្នកដើរតាមប្រធានបទនេះ និងសម្របខ្លួនទៅនឹងលំនាំរបស់អាមេរិក និងប្រតិកម្មហួសហេតុរបស់ចិន។ ហេតុអ្វីបានជាយើងគួរធ្វើទៅតាមលំនាំដែលអ្នកផ្សេងជ្រើសរើស? ប្រមុខរដ្ឋបារាំងបានបញ្ជាក់លើអ្វីដែលលោកចាត់ទុកថា ជាតម្រូវការសម្រាប់សហភាពអឺរ៉ុបក្នុងការអភិវឌ្ឍ «ស្វ័យភាពជាយុទ្ធសាស្ត្រ» ជាពាក្យប្រើដើម្បីសំដៅលើប្លុកដែលរក្សាបន្ទាត់គោលនយោបាយការបរទេសឯករាជ្យ។ លោក Macron និយាយថា រដ្ឋជាសមាជិករបស់សហភាពអឺរ៉ុបគួរតែបញ្ចៀសការក្លាយជា «បរិវារ» ហើយប្លុកនេះអាចដំណើរការជា «ប៉ូលទីបី» នៅក្នុងភូមិសាស្ត្រនយោបាយ រួមជាមួយសហរដ្ឋអាមេរិក និងចិន។ លោកបានព្រមានប្រឆាំងនឹងការធ្វើតាមគោលនយោបាយការបរទេសរបស់សហរដ្ឋអាមេរិកថាជា «ការបង្ហាញពីភាពភ័យស្លន់ស្លោ»។ ប្រធានាធិបតីបារាំងក៏បានអំពាវនាវឱ្យបង្កើនការចំណាយខាងយោធាដោយនិយាយថា ប្រវត្តិសាស្ត្រកំពុងបង្កើនល្បឿន ហើយសេដ្ឋកិច្ចសង្គ្រាមនៅអឺរ៉ុបចាំបាច់ត្រូវបង្កើនល្បឿនស្របគ្នា៕អត្ថបទ៖ ប៊ុនថន

អាមេរិកស្រាវជ្រាវរកប្រភពលេចធ្លាយព័ត៌មានសម្ងាត់បំផុតផ្នែកចារកម្ម

អាមេរិក៖ យោងតាមសារព័ត៌មាន The New York Times កាលពីថ្ងៃសៅរ៍បានរាយការណ៍ថា ឯកសាររបស់មន្ទីរបញ្ចកោណដែលបានលេចធ្លាយ បង្ហាញពីរបៀបដែលសហរដ្ឋអាមេរិកបានជ្រៀតជ្រែកយ៉ាងជ្រៅទៅក្នុងជម្លោះរុស្ស៊ី-អ៊ុយក្រែន។ក្នុងរយៈពេលប៉ុន្មានថ្ងៃថ្មីៗនេះ រូបភាពថតលើអេក្រង់នៃអ្វីដែលទំនងជាត្រូវបានចាត់ថ្នាក់ថា ជាព័ត៌មានយោធារបស់សហរដ្ឋអាមេរិក និងសម្ព័ន្ធយោធាណាតូអំពីអ៊ុយក្រែន ត្រូវបានរកឃើញនៅលើគេហទំព័រប្រព័ន្ធផ្សព្វផ្សាយសង្គម។ រូបភាពទាំងនោះរួមមានកម្លាំងយោធា និងសណ្ឋានអាវុធរបស់អ៊ុយក្រែន ផែនទីសមរភូមិ អ្នកស្លាប់ និងរបួសពីភាគីទាំងសងខាង និងការស៊ើបការណ៍សម្ងាត់ត្រូវបានសម្គាល់ថា សម្ងាត់បំផុត។ កាលពីថ្ងៃព្រហស្បតិ៍ សារព័ត៌មាន The New York Times បានរាយការណ៍ថា ថ្មីៗនេះមានគេបានបង្ហោះឯកសារសម្ងាត់យោធាមួយចំនួនប្រហែលជាជាង ១០០ឯកសារនៅលើគេហទំព័រប្រព័ន្ធផ្សព្វផ្សាយសង្គមមួយចំនួន ហើយឯកសារទាក់ទងនឹងមជ្ឈិមបូព៌ាក៏បង្ហាញចេញនៅលើបណ្តាញអ៊ីនធឺណិតផងដែរ។ ឯកសារមួយចំនួននៅតែត្រូវបានផ្សព្វផ្សាយ ទោះជារដ្ឋាភិបាលសហរដ្ឋអាមេរិកបានប្រឹងប្រែងលុបវាចោលក៏ដោយ។ ឯកសារមួយចំនួនគឺជារូបភាពនៃផែនទីសមរភូមិដែលមានស្លាកសញ្ញាលម្អិត និងកាលបរិច្ឆេទផ្សេងៗគ្នា។ ពេលវេលានៃរូបថតមានរយៈពេលប្រហែល ៥សប្តាហ៍ដោយមានកាលបរិច្ឆេទចុងក្រោយបំផុតគឺថ្ងៃទី១ ខែមីនា។ឯកសារផ្សេងទៀតមានព័ត៌មាននៃការហ្វឹកហ្វឺនកងទ័ព និងការដឹកជញ្ជូនសព្វាវុធទៅឲ្យអ៊ុយក្រែន ព្រមទាំងអត្រានៃការប្រើប្រាស់គ្រាប់រំសេវរបស់អ៊ុយក្រែនផងដែរ។ ឯកសារមួយដែលត្រូវបានកត់សម្គាល់ថាជាការសម្ងាត់បំផុត បាននិយាយថា ទាហានរុស្ស៊ីពី ១៦,០០០ ទៅ ១៧,៥០០នាក់ត្រូវបានសម្លាប់ ខណៈអ៊ុយក្រែនមានទាហានស្លាប់ជាង ៧១,០០០នាក់គិតត្រឹមថ្ងៃទី១ ខែមីនា។ មន្ទីរបញ្ចកោណបានប៉ាន់ប្រមាណថា រុស្ស៊ីបានបាត់បង់ជីវិតទាហានច្រើនជាងឆ្ងាយ ដោយមានមនុស្សជិត ២០០,០០នាក់បានស្លាប់ និងរងរបួស ខណៈអ៊ុយក្រែនមានមនុស្សស្លាប់ និងរបួសជាង ១០ម៉ឺននាក់។ មន្ទីរបញ្ចកោណបានបើកការស៊ើបអង្កេតលើឯកសារបែកធ្លាយនេះ។ អ្នកនាំពាក្យវិមានក្រឹមឡាំងលោក Dmitry Peskov បាននិយាយថា រុស្ស៊ីពុំមានការសង្ស័យបន្តិចណាឡើយអំពីការចូលរួមដោយផ្ទាល់ ឬដោយប្រយោលរបស់សហរដ្ឋអាមេរិក និងសម្ព័ន្ធយោធាណាតូនៅក្នុងជម្លោះរវាងរុស្ស៊ី និងអ៊ុយក្រែននោះឡើយ៕អត្ថបទ៖ ប៊ុនថន

បាក់ផ្ទាំងទឹកកកនៅតំបន់ភ្នំអាល់ប្រទេសបារាំងបណ្តាលឲ្យមនុស្ស ៤នាក់ស្លាប់

បារាំង៖ រដ្ឋមន្ត្រីក្រសួងមហាផ្ទៃលោក Gerald Darmanin បាននិយាយថា យ៉ាងហោចណាស់មនុស្ស ៤នាក់បានស្លាប់នៅក្នុងការបាក់ផ្ទាំងទឹកកកនៅតំបន់ភ្នំអាល់ ប្រទេសបារាំង។ វាបានកើតឡើងនៅតំបន់ភ្នំទឹកកក Armancette ក្បែរទីក្រុង Mont Blanc ប្រទេសបារាំងភាគអាគ្នេយ៍ ប្រហែលពេលថ្ងៃត្រង់កាលពីថ្ងៃអាទិត្យម៉ោងក្នុងតំបន់។ អាជ្ញាធរតំបន់បានបញ្ជាក់ថា អ្នកស្លាប់ពីរនាក់គឺជាមគ្គុទ្ទេសក៍តំបន់ភ្នំ។ មនុស្សរងរបួសជាច្រើននាក់ត្រូវបានគេបញ្ជូនទៅមន្ទីរពេទ្យ ហើយមនុស្សពីរនាក់ទៀតនៅបាត់ខ្លួននៅឡើយ។ លោក Jean-Luc Mattel អនុប្រធានភូមិ Contamines-Montjoie ដែលនៅក្បែរនោះបាននិយាយថា ការបាក់ផ្ទាំងទឹកកកនេះគឺបណ្តាលមកពីបន្ទះក្រាស់ៗនៃព្រិលបែកចេញពីកំពូលភ្នំ។ ការស្វែងរក និងសត្វសុនខជួយសង្គ្រោះ និងក្រុមជួយសង្គ្រោះនៅលើភ្នំបានធ្វើការពេញមួយថ្ងៃ ដើម្បីព្យាយាមទៅដល់អ្នកដែលជួបគ្រោះថ្នាក់ ដែលទាំងអស់ត្រូវបានគេគិតថាជាអ្នកជិះស្គីនៅជនបទ។ ការស្វែងរកអ្នកបាត់ខ្លួនពីរនាក់ត្រូវបានគេរំពឹងថានឹងបន្តនៅថ្ងៃចន្ទនេះ។ លោក Mattel បាននិយាយថា កម្រិតហានិភ័យកាលពីព្រឹកថ្ងៃអាទិត្យគឺមានស្ថានភាពខ្លាំង ហើយមគ្គុទ្ទេសក៍ទាំងពីរនាក់ជាពលរដ្ឋក្នុងតំបន់ដែលមានបទពិសោធន៍ខ្ពស់។ ប្រធានាធិបតីបារាំងលោក Emmanuel Macron បានសម្តែងការអាណិតអាសូរចំពោះជនរងគ្រោះក្នុងឧបត្តិហេតុនេះ។ មុនពេលកើតហេតុ រមណីយដ្ឋានជិះស្គីក្បែរនោះមានឈ្មោះថា Les Contamines-Montjoie បានបង្ហោះវីដេអូមួយនៅលើប្រព័ន្ធផ្សព្វផ្សាយសង្គម ដែលបង្ហាញពីជញ្ជាំងព្រិលដ៏ធំកំពុងបាក់ធ្លាក់ពីភ្នំ Dômes de Miage ដែលផ្ទាំងទឹកកកជាផ្នែកមួយនោះ។ សាក្សីម្នាក់បានប្រាប់ទូរទស្សន៍បារាំងថា នាងកំពុងឡើងភ្នំនៅពីមុខតំបន់ភ្នំទឹកកក Armancette នៅពេលនោះនាងបានឃើញការបាក់ធ្លាក់ផ្ទាំងទឹកកក ហើយបានយកទូរស័ព្ទរបស់នាងចេញដើម្បីថត៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

លោក Trump ប្រាប់ពីកិច្ចចរចា «ល្អ» ជាមួយអ៊ីរ៉ង់ និងបញ្ជាក់ជាថ្មីពីការគំរាមវាយប្រហារគោលដៅនានា

ក្រុមគ្រួសារអ្នកដំណើរនៃជើងហោះហើរ MH370 ចង់បានការពិត ខណៈតុលាការចិនបើកសវនាការបណ្តឹងឧទ្ធរណ៍

ជប៉ុនស្នើឱ្យអ៊ីរ៉ង់អនុវត្ត «ភាពបត់បែនជាអតិបរិមា» ដើម្បីបន្ថយភាពតានតឹងនៅមជ្ឈិមបូព៌ាឱ្យបានឆាប់

រដ្ឋមន្ត្រីការពារជាតិអ៊ីស្រាអែល៖ យន្តហោះចម្បាំងអាមេរិកហោះចេញពីអ៊ីស្រាអែលទៅវាយប្រហារអ៊ីរ៉ង់

អ៊ូហ្គង់ដាប្រកាសគ្មានជំងឺអេបូឡា បន្ទាប់ពីអ្នកជំងឺចុងក្រោយចេញពីមន្ទីរពេទ្យ

ក្រុមអ្នកសង្កេតការណ៍អាស៊ានប្រចាំប្រទេសកម្ពុជា និង ប្រធានបេសកកម្មក្រុមអ្នកសង្កេតការណ៍អាស៊ាន (HOM AOT) ហ្វីលីពីនប្រចាំកម្ពុជា ធ្វើបទបង្ហាញ «ស្តីពីវឌ្ឍនភាពនៃការងារខណ្ឌសីមា និងបោះបង្គោលព្រំដែនរវាងកម្ពុជានិងថៃ»

កូរ៉េខាងត្បូងចេញការជូនដំណឹងបន្ទាន់ អំពីការសង្ស័យលេចធ្លាយផូស្វ័រ នៅមូលដ្ឋានទ័ពអាកាសអាមេរិក

វិមានក្រឹមឡាំង៖ ការវាយប្រហាររបស់អ៊ុយក្រែន លើនាវាអ៊ីរ៉ង់ គួរត្រូវបានចាត់ទុកថា ជាការវាយប្រហារលើអ៊ីរ៉ង់

រញ្ជួយដីកម្រិត ៥,៧រ៉ិចទ័រ ធ្វើឱ្យញ័រខេត្ត Qinghai របស់ប្រទេសចិន

របាយការណ៍៖ លោក Trump ហាក់កាន់តែទោរទៅរកលោក Zelenskyy ជាងលោក Putin

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សមាជិកសភា​គណបក្ស​ប្រជាធិបតេយ្យ​ជំរុញ​ឲ្យ​ប្រធាន​ចៅក្រម​ស៊ើបអង្កេត​ដំណើរ​កម្សាន្ត​របស់​ចៅក្រម Thomas

ប្រសាសន៍សំខាន់ៗសម្ដេចតេជោ​ ក្នុងឱកាសសំណេះសំណាល និងពិសារអាហារសាមគ្គី ជាមួយម្ចាស់សហគ្រាសធុនតូច និងមធ្យម

សម្តេចតេជោ ហ៊ុន សែន អញ្ជើញសំណេះសំណាល និងពិសារអាហារសាមគ្គី ជាមួយម្ចាស់សហគ្រាសធុនតូច និងមធ្យម

តំណាង​រាស្ត្រ​បក្ស​ប្រជាធិបតេយ្យ​ចង់​ឲ្យ​មានការ​ចោទ​ប្រកាន់​ចៅក្រម​តុលាការ​កំពូល​អាមេរិក​លោក Clarence Thomas

ប្រធានាធិបតី​បារាំង​និយាយថា អឺរ៉ុប​មិនគួរ​ធ្វើតាម​អាមេរិក ឬ​ចិន​នោះទេ​លើ​បញ្ហា​កោះ​តៃវ៉ាន់

អាមេរិក​ស្រាវជ្រាវ​រក​ប្រភព​លេច​ធ្លាយ​ព័ត៌មាន​សម្ងាត់​បំផុត​ផ្នែក​ចារកម្ម​

បាក់​ផ្ទាំង​ទឹកកក​នៅ​តំបន់ភ្នំ​អាល់​ប្រទេស​បារាំង​បណ្តាល​ឲ្យ​មនុស្ស ​៤​នាក់​ស្លាប់