BTV NEWS

សម្តេចតេជោ ហ៊ុន សែន ក្រើនរំលឹកដល់មន្រ្តីរាជការទាំងអស់ឲ្យបន្តយកចិត្តទុកដាក់បំពេញតួនាទីភារកិច្ចបម្រើជាតិ និងប្រជាជនឱ្យបានល្អប្រសើរ

សម្តេចតេជោ ណែនាំដល់មន្ត្រីរាជការ ក្រុមប្រឹក្សាខេត្ត ឃុំ សង្កាត់ បន្តយកចិត្តទុកដាក់បំពេញតួនាទីភារកិច្ចបម្រើជាតិ និងប្រជាជនឱ្យបានល្អប្រសើរ

សម្ដេចតេជោ ហ៊ុន សែន អញ្ជើញជួបសំណេះសំណាលជាមួយសមាជិក សមាជិកា ក្រុមប្រឹក្សាខេត្ត ក្រុង-ស្រុក ឃុំ-សង្កាត់ និងមន្ត្រី នៃមន្ទីរ-អង្គភាពនានា ក្នុងខេត្តកំពង់ស្ពឺ

TOP STORY | ក្រសួងព្រះបរមរាជវាំង៖ ព្រះរាជសុខភាព ព្រះមហាក្សត្រមានភាពប្រសើរជាបណ្តើរៗ ក្រុមគ្រូពេទ្យព្រះបរមរាជានុញ្ញាតថ្វាយព្រះអង្គយាងចេញពីមន្ទីរពេទ្យនៅថ្ងៃនេះ និងបន្តគង់ប្រថាប់នៅព្រះរាជដំណាក់រដ្ឋធានីប៉េកាំង ដើម្បីបន្តតាមដាន

ព័ត៌មានសំខាន់ៗ

រុស្ស៊ីបង្កើនការវាយលុកនៅភាគខាងកើត និងភាគខាងត្បូងប្រទេសអ៊ុយក្រែន

អ៊ុយក្រែន៖ កងកម្លាំងរុស្ស៊ីកំពុងបង្កើនការវាយលុករបស់ពួកគេ ដើម្បីហ៊ុមព័ទ្ធទីក្រុងយុទ្ធសាស្ត្រ Bakhmut ក្នុងបំណងគ្រប់គ្រងតំបន់ Donetsk ភាគខាងកើតប្រទេសអ៊ុយក្រែន។ នាយសេនាធិការនៃកងកម្លាំងប្រដាប់អាវុធអ៊ុយក្រែនបាននិយាយកាលពីថ្ងៃអាទិត្យថា ទាហានរុស្ស៊ីមិនបានបោះបង់ចោលការប៉ុនប៉ងដើម្បីហ៊ុមព័ទ្ធទីក្រុង Bakhmut នោះទេ។ ក្រសួងការពារជាតិរុស្ស៊ីនិយាយកាលពីថ្ងៃអាទិត្យថា កងកម្លាំងរបស់ខ្លួនបានបំផ្លាញទាហានអ៊ុយក្រែន រថពាសដែក និងគោលដៅផ្សេងៗទៀតនៅក្នុងតំបន់ Donetsk។ ក្រសួងនិយាយថា យោធារបស់ខ្លួនបានបាញ់កាំភ្លើងធំទៅលើទីក្រុង Kharkiv ភាគខាងកើត និងទីក្រុង Zaporizhzhia ភាគខាងត្បូង។ ការបាញ់ផ្លោងរបស់រុស្សីទៅលើអគារលំនៅឋានបានបណ្តាលឲ្យជនស៊ីវិលស្លាប់ និងរងរបួសកើនឡើង។ មនុស្ស ១៣នាក់បានស្លាប់បន្ទាប់ពីអគារអឹផាត់មឹនកម្ពស់ ៥ជាន់មួយកន្លែងត្រូវបានបំផ្លាញនៅក្នុងទីក្រុង Zaporizhzhia ហើយមនុស្ស ៣នាក់បានស្លាប់នៅក្នុងការបាញ់ផ្លោងលើលំនៅឋាន ១ខ្នងនៅតំបន់ភាគខាងត្បូងទីក្រុង Kherson កាលពីថ្ងៃសៅរ៍។ ប្រធានការិយាល័យប្រធានាធិបតីអ៊ុយក្រែនលោក Andriy Yermak បានបង្ហោះនៅលើប្រព័ន្ធផ្សព្វផ្សាយសង្គមថា ភេរវកររុស្ស៊ីនៅតែបន្តសម្លាប់ជនស៊ីវិល។ ក្រសួងការពារជាតិអង់គ្លេសបាននិយាយថា រុស្ស៊ីកំពុងប្រឈមនឹងកង្វះការផ្គត់ផ្គង់ផ្នែកយោធានៅអ៊ុយក្រែន៕អត្ថបទ៖ ប៊ុនថន

នគរបាល និងក្រុមបាតុករបន្តប៉ះទង្គិចនៅទីក្រុងអាតែន ក្រោយរថភ្លើងបុកគ្នាសម្លាប់មនុស្សជិត ៦០នាក់

ក្រិក៖ ការប៉ះទង្គិចគ្នាបានផ្ទុះឡើងរវាងនគរបាល និងក្រុមបាតុករនៅកណ្ដាលរដ្ឋធានីអាតែន ប្រទេសក្រិកកាលពីថ្ងៃអាទិត្យ ទី៥មីនា ក្នុងការតវ៉ាជាបន្តបន្ទាប់បង្កឡើងដោយនិស្សិត និងបុគ្គលិកស្ថានីយរថភ្លើងរាប់ពាន់នាក់ ទាក់ទងគ្រោះថ្នាក់រថភ្លើងបុកគ្នាដ៏សាហាវបំផុតក្នុងប្រវត្តិសាស្ត្ររបស់ប្រទេសក្រិក។ នគរបាលបានឆ្លើយតបដោយការបាញ់ឧស្ម័នបង្ហៀរទឹកភ្នែក និងគ្រាប់បែកផ្សែងទៅលើក្រុមអ្នកតវ៉ាមួយក្រុម ដែលបានគប់វត្ថុផ្សេងៗលើនគរបាលបង្ក្រាបកុបកម្ម រួមទាំងគ្រាប់បែកភ្លើង មុនពេលបំបែកជួរទៅកាន់តាមដងផ្លូវនានាក្បែរនោះ។ ការប៉ះទង្គិចនានាក៏បានកើតឡើងផងដែរកាលពីថ្ងៃសុក្ររវាងនគរបាល និងក្រុមអ្នកតវ៉ា។ មនុស្សយ៉ាងហោចណាស់ ៥៧នាក់បានស្លាប់ និងរាប់សិបនាក់រងរបួសកាលពីថ្ងៃអង្គារ ទី២៨ ខែកុម្ភៈ នៅពេលរថភ្លើងដឹកអ្នកដំណើរមួយគ្រឿងដឹកមនុស្សជាង ៣៥០នាក់បានបុកគ្នាពេញទំហឹងជាមួយរថភ្លើងដឹកទំនិញ នៅលើផ្លូវដូចគ្នានៅកណ្ដាលប្រទេសក្រិក។ បន្ទាប់ពីការតវ៉ាកាលពីប៉ុន្មានថ្ងៃកន្លងទៅ នៅទូទាំងប្រទេសមាននិស្សិត បុគ្គលិកស្ថានីយរថភ្លើង និងក្រុមឆ្វេងនិយមប្រមាណ ១ម៉ឺននាក់បានប្រមូលផ្ដុំគ្នានៅក្នុងទីលានចតុរង្គអាតែនកាលពីថ្ងៃអាទិត្យ ដើម្បីបង្ហាញការអាណិតអាសូរចំពោះការបាត់បង់អាយុជីវិត និងទាមទារឲ្យមានស្តង់ដារសុវត្ថិភាពប្រសើរជាងនេះនៅលើបណ្ដាញផ្លូវរថភ្លើង និងជាការព្រមានដល់រដ្ឋាភិបាលចំពោះការព្រងើយកន្តើយនឹងសុវត្ថិភាពផ្លូវដែក៕អត្ថបទ៖ សុខមាន

អ្នកស្លាប់ដោយសារព្យុះរដូវរងានៅអាមេរិកកើនឡើងដល់ ១៣នាក់ និងរាប់ម៉ឺននាក់គ្មានអគ្គិសនីប្រើប្រាស់

អាមេរិក៖ ពលរដ្ឋអាមេរិកជិតកន្លះលាននាក់ចាប់ពីរដ្ឋ Kentucky រហូតដល់រដ្ឋ Michigan គ្មានអគ្គិសនីប្រើប្រាស់កាលពីថ្ងៃអាទិត្យ បន្ទាប់ពីព្យុះព្រិលរដូវរងាដ៏ធំគ្របដណ្ដប់ភាគច្រើននៅភាគខាងជើងសហរដ្ឋអាមេរិក និងបានប៉ះពាល់ដល់តំបន់មួយចំនួននៅភាគខាងត្បូងដោយមានផ្គររន្ទះ និងព្យុះកំបុតត្បូង។ ទីភ្នាក់ងារព្យាករណ៍អាកាសធាតុ AccuWeather បាននិយាយថា អ្នកស្លាប់យ៉ាងហោចណាស់ ១៣នាក់ត្រូវបានរាយការណ៍ថាបណ្ដាលមកពីព្យុះនេះ ដែលបានចាប់ផ្ដើមដោយនាំមកនូវព្រិលកម្រាស់ជាច្រើនហ្វីតនៅតាមតំបន់ភ្នំ និងភាគខាងកើតរដ្ឋ California។ អភិបាលរដ្ឋ Kentucky លោក Andy Beshear បាននិយាយថា មនុស្ស ៥នាក់ត្រូវបានបញ្ជាក់ថាបានស្លាប់នៅក្នុងរដ្ឋ Kentucky ខណៈខ្យល់កម្លាំង ១១២គីឡូម៉ែត្រក្នុងមួយម៉ោងបានបោកបក់រម្លើងដើមឈើ និងបង្គោលភ្លើង និងបំផ្លិចបំផ្លាញលំនៅឋាន និងអគារមួយចំនួន។ យោងតាមគេហទំព័រតាមដានថាមពល poweroutage.us. លំនៅឋាន និងហាងអាជីវកម្មជាង ២២៤.០០០ គ្មានថាមពលអគ្គិសនីប្រើប្រាស់កាលពីថ្ងៃអាទិត្យនៅរដ្ឋ Kentucky។ លំនៅឋាន និងអគារជាង ១១៧.០០០ផ្សេងទៀតគ្មានអគ្គិសនីប្រើប្រាស់នៅក្នុងរដ្ឋ Michigan និងជាង ៣៦.០០០ នៅរដ្ឋ Tennessee។ រដ្ឋ Pennsylvania, Ohio និង West Virginia ក៏កំពុងខ្វះខាតថាមពលអគ្គិសនីប្រើប្រាស់ដែរ៕អត្ថបទ៖ សុខមាន

ទីជម្រកប្រមាណ ២ពាន់កន្លែងត្រូវបានឆេះបំផ្លាញក្នុងជំរំជនភៀសខ្លួនរ៉ូហ៊ីងយ៉ានៅបង់ក្លាដែស

បង់ក្លាដែស៖ មន្ត្រីពន្លត់អគ្គិភ័យ និងអង្គការសហប្រជាជាតិបាននិយាយថា អគ្គិភ័យដ៏ធំមួយបានឆេះបំផ្លាញជំរំជនភៀសខ្លួន ដែលមានជនភៀសខ្លួនរ៉ូហ៊ីងយ៉ាជាច្រើនស្នាក់នៅក្នុងប្រទេសបង់ក្លាដែសភាគខាងត្បូង ធ្វើឲ្យមនុស្សរាប់ពាន់នាក់គ្មានទីជម្រក ប៉ុន្តែពុំបានបណ្ដាលឲ្យនរណាម្នាក់រងរបួស ឬស្លាប់នោះទេ។ ក្រុមមន្ត្រីមកពីអង្គភាពពន្លត់អគ្គិភ័យ Balukhali បានប្រាប់សារព័ត៌មាន Al Jazeera ថា កូនផ្ទះតូចៗយ៉ាងហោចណាស់ ២ពាន់កន្លែងត្រូវបានឆេះបំផ្លាញ ឬខូចខាតដោយសារអគ្គិភ័យដែលបានឆាបឆេះកាលពីថ្ងៃអាទិត្យ ទី៥មីនា។ អគ្គិភ័យនេះបានបំផ្លិចបំផ្លាញជំរំ១១ (Camp 11) ក្នុងតំបន់ Cox’s Bazar ជាស្រុកមួយស្ថិតនៅតាមតំបន់ព្រំដែន ជាទីដែលមានជនភៀសខ្លួនរ៉ូហ៊ីងយ៉ាជាង ១លាននាក់រស់នៅ ភាគច្រើនរត់គេចចេញពីការបង្ក្រាបដឹកនាំដោយយោធា នៅក្នុងសហភាពមីយ៉ាន់ម៉ាកាលពីឆ្នាំ២០១៧។ សេចក្ដីរាយការណ៍ចេញពីទីក្រុង Dhaka អ្នកសារព័ត៌មានរបស់ទីភ្នាក់ងារសារព័ត៌មាន Al Jazeera លោក Tanvir Chowdhury បាននិយាយថា Balukhali គឺជាជំរំមួយក្នុងចំណោមជំរំ ៣២ ក្នុងតំបន់ Cox’s Bazar។ ចំណែកសារព័ត៌មាន Reuters វិញបានដកស្រង់សម្ដីមន្ត្រីនគរបាលក្នុងស្រុកម្នាក់ឈ្មោះ Faruque Ahmed ដោយនិយាយថា ទីជម្រកចំនួន ៣ពាន់កន្លែងត្រូវបានឆេះបំផ្លាញ និងមណ្ឌលសុខភាពបឋមមួយត្រូវបានឆេះគ្មានសល់។ ចំណែកមូលហេតុនៃការឆេះនេះនៅមិនទាន់ដឹងនៅឡើយ៕អត្ថបទ៖ សុខមាន

ចិនបង្កើនកញ្ចប់ថវិកាយោធា ខណៈព្រមានពីការគំរាមកំហែងពីខាងក្រៅកើនឡើង

ចិន៖ ប្រទេសចិនបាននិយាយកាលពីថ្ងៃអាទិត្យថា ការចំណាយខាងយោធារបស់ខ្លួននឹងកើនឡើងដល់ដំណាក់កាលឆាប់រហ័សបំផុតក្នុងរយៈពេល ៤ឆ្នាំ ដោយព្រមានពីការគំរាមកំហែងចេះតែកើនឡើងពីខាងក្រៅ នៅកិច្ចប្រជុំនៅសភាប្រថាប់ត្រារបស់ខ្លួនដែលនឹងផ្ដល់អំណាចដល់លោក Xi Jinping កាន់តំណែងអាណត្តិទី៣ ជាប្រធានាធិបតីរបស់ប្រទេសចិន។ ការបង្កើនកញ្ចប់ថវិកាការពារជាតិធំបំផុតទី២ របស់ពិភពលោកនេះបានកើតឡើង ខណៈទីក្រុងប៉េកាំងបានប្រកាសគោលដៅកំណើនសេដ្ឋកិច្ចប្រមាណ ៥% សម្រាប់ឆ្នាំនេះ មួយក្នុងចំណោមកំណើនទាបបំផុតរបស់ខ្លួនរយៈពេលជាច្រើនទសវត្សរ៍មកនេះ។ កញ្ចប់ថវិកាយោធាដែលបានគ្រោងទុករបស់ប្រទេសនេះ ឆ្នាំនេះបានធ្វើឲ្យការចំណាយខាងវិស័យការពារជាតិឡើងដល់ ១.៥៥កោដិយ័នស្មើ ២២៥ពាន់លានដុល្លារអាមេរិកកើនឡើង ៧.២% និងជាអត្រាកំណើនលឿនបំផុតចាប់តាំងពីឆ្នាំ២០១៩ មក។ កាលពីឆ្នាំមុនប្រទេសនេះបានបង្កើនជាផ្លូវការដល់ ៧.១%។ លោកនាយករដ្ឋមន្ត្រីផុតអាណត្តិ Li Keqiang បានប្រាប់គណៈប្រតិភូនៅសភាជាតិប្រជាជនថា ការប៉ុនប៉ងពីខាងក្រៅក្នុងការដាក់សម្ពាធ និងទប់ទល់ឥទ្ធិពលរបស់ចិនកំពុងកើនឡើង។ លោកបានបន្ថែមថា យោធាត្រូវតែលះបង់ថាមពលឲ្យកាន់តែខ្លាំងក្លាថែមទៀត ដើម្បីហ្វឹកហាត់ក្រោមលក្ខខណ្ឌប្រយុទ្ធ និងពង្រឹងកិច្ចការយោធាគ្រប់គោលដៅ និងដែនដី។ ក្រុមមន្ត្រីអាមេរិកក៏បានព្រមានដដែលៗផងដែរថា ចិនអាចក្រសោបយកកោះតៃវ៉ាន់នៅក្នុងប៉ុន្មានឆ្នាំខាងមុខ។ ចិនបានបង្កើនសកម្មភាពយោធាទ្រង់ទ្រាយធំមិនធ្លាប់មានទាំងក្នុងសមុទ្រ និងអាកាសជុំវិញកោះតៃវ៉ាន់ រួមទាំងការបាញ់មីស៊ីលបាលីស្ទីក៕អត្ថបទ៖ សុខមាន

សម្តេចតេជោ ហ៊ុន សែន អញ្ជើញប្រគល់វិញ្ញាបនបត្រ និងសញ្ញាបត្រ ជូនសិស្ស និស្សិតវិទ្យាស្ថានខ្មែរជំនាន់ថ្មីជិត២ពាន់នាក់

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី អញ្ជើញជាអធិបតីក្នុងពិធីប្រគល់វិញ្ញាបនបត្រ និងសញ្ញាបត្រជូនសិស្ស និស្សិតវិទ្យាស្ថានខ្មែរជំនាន់ថ្មីសរុបជិត២ពាន់នាក់ នៅមជ្ឈមណ្ឌលសន្និបាត និងពិព័រណ៍ជ្រោយចង្វារ បន្ទាប់ពីពួកគេបញ្ចប់ការសិក្សាដោយជោគជ័យពេលកន្លងមក។សិស្ស និស្សិតដែលទទួលសញ្ញាបត្រនៅថ្ងៃស្អែកនេះ រួមមានសិស្សវិជ្ជាជីវៈ និងនិស្សិតជ័យលាភី ថ្នាក់បរិញ្ញាបត្ររង ថ្នាក់បរិញ្ញាបត្រ និងថ្នាក់បរិញ្ញាបត្រជាន់ខ្ពស់ នៃវិទ្យាស្ថានខ្មែរជំនាន់ថ្មី សរុបចំនួន ១,៧២៨នាក់ នារី ៦៨៤នាក់។ សិស្ស និស្សិតទាំងនេះ បានបញ្ចប់ការសិក្សា ក្នុងឆ្នាំសិក្សា២០១៨-២០១៩, ឆ្នាំសិក្សា២០២០-២០២១, និង ឆ្នាំសិក្សា២០២១-២០២២។ ក្នុងនោះមាននិស្សិតអាហារូបករណ៍សម្តេចតេជោ និងសម្ដេចកិត្តិព្រឹទ្ធបណ្ឌិតចំនួន ១៥៣នាក់ផងដែរ។វិទ្យាស្ថានខ្មែរជំនាន់ថ្មី បានបំពេញបេសកកម្មយ៉ាងសកម្ម ក្នុងការចូលរួមចំណែកកសាងធនធានមនុស្ស តាមរយៈការបណ្តុះ បណ្តាលសិស្សវិជ្ជាជីវៈ និងនិស្សិតកម្រិតបរិញ្ញាបត្ររង កម្រិតបរិញ្ញាបត្រ កម្រិត បរិញ្ញាបត្រជាន់ខ្ពស់ ទៅតាមផែនការយុទ្ធសាស្ត្ររបស់ខ្លួន ស្របតាមគោលនយោបាយ និងផែនការយុទ្ធសាស្ត្ររបស់ក្រសួងការងារ និងបណ្តុះបណ្តាលវិជ្ជាជីវៈ ក៏ដូចជាកម្មវិធីនយោបាយជាអាទិភាពរបស់រាជរដ្ឋាភិបាល ក្នុងការអភិវឌ្ឍធនធានមនុស្ស ប្រកបដោយសមត្ថភាព និងគុណភាព ក្នុងគោលដៅអភិវឌ្ឍន៍ប្រកបដោយចីរភាព និងទស្សនវិស័យអភិវឌ្ឍន៍កម្ពុជាឱ្យទៅជាប្រទេសមានប្រាក់ចំណូល មធ្យមកម្រិតខ្ពស់ នៅឆ្នាំ២០៣០៕

សម្ដេចតេជោ បង្ហាញរូបភាពវាយកូនគោល៣លើកផ្សេងៗគ្នា នៅទីកន្លែងតែមួយ និងសួរថា តើខុសគ្នានៅកន្លែងណា?

ភ្នំពេញ៖ នៅព្រឹកថ្ងៃទី០៤ ខែមីនា ឆ្នាំ២០២៣នេះ សម្ដេចតេជោ ហ៊ុន សែន បានអញ្ជើញវាយកូនគោលឡើងវិញ ដោយសម្ដេចបញ្ជាក់ថា ការវាយឡើងវិញនេះគឺបន្ទាប់ពីខកខានអស់រយៈពេល ជិត២ខែមកហើយនោះ។សម្ដេចតេជោ ហ៊ុន សែន បានបង្ហោះតាមរយៈតេឡេក្រាមថា «ថ្ងៃឆ្លៀតវាយកូនគោលដែលខកខានជិត ២ខែហើយ។ ក្បាលពោះធំបន្តិចក្នុងទម្ងន់ ៨៧គីឡូក្រាម។ រីករាយចុងសប្តាហ៍។ ទីលានវាយកូនគោល ប្រទេសយើង។»បន្ទាប់មកសម្ដេចតេជោ បានបង្ហាញនូវរូបភាពជាច្រើនសន្លឹកបន្ថែមទៀត ក្នុងនោះរូបភាពសម្ដេចបានបង្ហាញនូវរូបភាពដែលជាវាយកូនគោល៣លើក នៅលើទីកន្លែងតែមួយ រួមនឹងខែឆ្នាំវាយកូនគោលផងដែរ ហើយសម្ដេចបានលើកជាសំនួរថា តើខុសគ្នានៅកន្លែងណា?សម្ដេចតេជោ សរសេរថា «បង្ហាញរូបភាពវាយកូនគោល៣លើកនៅទីកន្លែងតែមួយ។ ខែធ្នូ២០២២ ខែមករា២០២៣ និង ខែមិនា២០២៣តើខុសគ្នានៅកន្លែងណា?។»

សម្ដេចតេជោ ហ៊ុន សែន៖ «រីករាយចុងសប្ដាហ៍ ឆ្លៀតវាយកូនគោលដែលខកខានជិត២ខែ »

តាមរយៈChannel Telegram ផ្លូវការនៅថ្ងៃទី០៤ ខែមីនា ឆ្នាំ២០២៣នេះ សម្ដេចតេជោ ហ៊ុន សែន បានបង្ហោះរូបភាពរួមនឹងខ្លឹមសារ ថា «ថ្ងៃឆ្លៀតវាយកូនគោលដែលខកខានជិត ២ខែហើយ។ ក្បាលពោះធំបន្តិចក្នុងទម្ងន់ ៨៧គីឡូក្រាម។ រីករាយចុងសប្តាហ៍។ ទីលានវាយកូនគោល ប្រទេសយើង។»

អ៊ីស្រាអែល និងអ៊ីរ៉ង់ខិតជិតសង្គ្រាម ប៉ុន្តែអ្នកជំនាញនិយាយថា ជម្លោះជារឿងដែលអាចបញ្ចៀសបាន

អ៊ីស្រាអែល៖ ភាពតានតឹងកាន់តែខ្លាំងឡើងរវាងអ៊ីរ៉ង់ និងអ៊ីស្រាអែលបាននាំឱ្យប្រទេសទាំង២ ខិតជិតដល់ដំណាក់កាលនៃសង្គ្រាម។ ខណៈអ្នកជំនាញមិនយល់ស្របលើព្រឹត្តិការណ៍ដែលអាចនឹងកើតឡើង នៃជម្លោះយោធារវាងរដ្ឋជ្វីហ្វ និងសាធារណៈរដ្ឋឥស្លាម ដែលពួកគេបានយល់ស្របថា ពេលបច្ចុប្បន្នគឺសម្បូរទៅដោយបញ្ហាដែលអាចកើតមាន។ អ៊ីរ៉ង់អាចនឹងឈានទៅដល់សមត្ថភាពផលិតអាវុធនុយក្លេអ៊ែរ ដែលមន្ត្រីមន្ទីរបញ្ចកោណជាន់ខ្ពស់ម្នាក់បានអះអាងកាលពីដើមសប្តាហ៍នេះថា ទីក្រុងតេអេរ៉ង់មានការរីកចម្រើនគួរឱ្យកត់សម្គាល់ ហើយអាចក្នុងរយៈពេល ១២ថ្ងៃនៃការចម្រាញ់សារធាតុអ៊ុយរ៉ាញ៉ូមបានគ្រប់គ្រាន់សម្រាប់អាវុធនុយក្លេអ៊ែរ។ ជាការឆ្លើយតបអ៊ីស្រាអែលកំពុងត្រៀមសម្រាប់អន្តរាគមន៍យោធា ដើម្បីបញ្ឈប់នូវអ្វីដែលខ្លួន និងប្រទេសលោកខាងលិចជាច្រើនជឿថា អាចជាការអភិវឌ្ឍន៍ដ៏មហន្តរាយដែលគួរតែត្រូវបានរារាំង។ ប៉ុន្តែសង្គ្រាមអាចជាមហន្តរាយផងដែរ។ លោក Bernard Avishai សាស្ត្រាចារ្យរបស់រដ្ឋាភិបាលបានសរសេរយ៉ាងទូលំទូលាយអំពីអ៊ីស្រាអែល ដែលបាននិយាយថា «នេះគឺជាស្ថានភាពដ៏គ្រោះថ្នាក់ខ្លាំង»។ សំណួរដែលត្រូវបានសួរនៅក្នុងទីក្រុងវ៉ាស៊ីនតោន និងរដ្ឋធានីផ្សេងទៀតលើពិភពលោកគឺថា តើគ្រោះថ្នាក់នាពេលបច្ចុប្បន្ននេះពិតជាធំជាងអ្វីដែលបានកើតឡើងកាលពីប៉ុន្មានឆ្នាំថ្មីៗនេះ ឬថាតើការគំរាមកំហែងនៃសង្គ្រាមកំពុងតែហួសហេតុសម្រាប់ការបញ្ចប់នយោបាយឬទេ។ ប៉ុន្តែលោក Bernard Avishai និងអ្នកផ្សេងទៀតបានព្រមានថា ការផ្ញើសារនេះទំនងជាកំពុងកើនឡើងកាន់តែខ្លាំងនូវសង្គ្រាម ខណៈទីក្រុងតេអេរ៉ង់បានបន្តបង្កើនសារធាតុអ៊ុយរ៉ាញ៉ូមដល់កម្រិតកាន់តែច្រើន ហើយអ៊ីស្រាអែលបានឆ្លើយតបដោយការបង្ហាញពីឆន្ទៈកាន់តែខ្លាំង ដើម្បីវាយប្រហាររោងចក្រនុយក្លេអ៊ែរអ៊ីរ៉ង់ដើម្បីបង្អាក់ការងារដែលកំពុងប្រព្រឹត្តទៅនៅទីនោះ ហើយអ៊ីស្រាអែលនឹងត្រូវបញ្ចេញអាវុធដ៏មានឥទ្ធិពលដែលការដាក់ពង្រាយអាចធ្វើឡើងជាសកល៕អត្ថបទ៖ ប៊ុនថន

អ៊ុយក្រែនបង្កើតខ្សែការពារថ្មីនៅភាគខាងលិចទីក្រុង Bakhmut ខណៈពលរដ្ឋចាកចេញពីតំបន់

អ៊ុយក្រែន៖ ខណៈទាហានរុស្ស៊ីបានបង្កើនការវាយលុកមកលើទីក្រុង Bakhmut ភាគខាងកើតប្រទេសអ៊ុយក្រែនកាលពីថ្ងៃព្រហស្បតិ៍ ទី២ ខែមីនា ពលរដ្ឋនៅភូមិក្បែរៗនោះបានភៀសខ្លួនចេញពីលំនៅឋានរបស់ពួកគេ ដោយភ័យខ្លាចការវាយលុករបស់រុស្ស៊ី។ ពលរដ្ឋនៅភូមិ Chasiv Yar ជាភូមិមួយមានចម្ងាយ ១៧គីឡូម៉ែត្រភាគខាងលិចទីក្រុង Bakhmut បាននិយាយថា យើងងត្រូវតែចាកចេញ យើងបានស្នាក់នៅរហូតដល់ចុងក្រោយបំផុត។ យើងចង់រស់នៅទីនេះ ប៉ុន្តែតើយើងត្រូវរស់នៅដោយរបៀបណា? ផ្ទះរបស់អ្នកជិតខាងយើងពេលនេះត្រូវបានបំផ្លាញ ដូច្នេះដល់ពេលដែលយើងត្រូវចាកចេញហើយ។ មន្ត្រីយោធាអ៊ុយក្រែនបាននិយាយកាលពីថ្ងៃព្រហស្បតិ៍ថា សត្រូវកំពុងបន្តរុលចូលទៅកាន់ទីក្រុង Bakhmut កំពុងវាយលុកលើទីក្រុងនេះ។ ក្រោមការវាយប្រហារឥតឈប់ឈរពីទាហានរុស្ស៊ី ដែលស្វែងរកការដណ្តើមយកជ័យជំនះធំលើកដំបូងរបស់ខ្លួនអស់រយៈពេលជាងកន្លះឆ្នាំមកនេះ កងកម្លាំងអ៊ុយក្រែននៅតែព្យាយាមគ្រប់គ្រងលើទីតាំងរបស់ពួកគេក្នុងទីក្រុងដែលរងការបំផ្លាញ។ គ្រឿងចក្រកំពុងជីកលេណដ្ឋានថ្មីនៅភូមិ Chasiv Yar ភាគខាងលិចទីក្រុង Bakhmut ដែលត្រូវបានគេមើលឃើញថា កំពុងជីកលេណដ្ឋានជាផ្នែកនៃខ្សែការពារថ្មី។ មន្ត្រីអ៊ុយក្រែនបាននិយាយថា មីស៊ីលរបស់រុស្ស៊ីបានវាយប្រហារទៅលើអគារកម្ពស់ ៥ជាន់នៅក្នុងទីក្រុង Zaporizhzhia ភាគខាងត្បូងប្រទេសអ៊ុយក្រែនកាលពីព្រឹកថ្ងៃព្រហស្បតិ៍ បណ្តាលឲ្យមនុស្សយ៉ាងហោចណាស់ ៤នាក់ស្លាប់ និងរងរបួសយ៉ាងហោចណាស់ ៨នាក់ ហើយមនុស្ស ៥នាក់បាត់ខ្លួនក្នុងនោះមានកុមារម្នាក់ផងដែរ។ អ្នកឃើញហេតុការណ៍និយាយថា នៅប្រហែលម៉ោង ៣ទៀបភ្លឺនៅតែមានមនុស្សមួយចំនួននៅក្រោមគំនរបាក់បែក។ អង្គភាពសេវាសង្គ្រោះបន្ទាន់របស់រដ្ឋបាននិយាយនៅក្នុងសេចក្តីថ្លែងការណ៍ថា មនុស្ស ១១នាក់ត្រូវបានជួយសង្គ្រោះចេញពីផ្នែកនៃអគារដែលបានបាក់រលំ៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

ប្រទេសចិនអំពាវនាវឲ្យបន្តការដឹកជញ្ជូនតាមច្រកសមុទ្រហ័រមូស ឲ្យបានឆាប់តាមដែលអាចធ្វើទៅបាន

អតីតពលករមកពីថៃជាង ២០នាក់ បាទទួលវិញ្ញាបនបត្របញ្ជាក់ជំនាញ ពីក្រសួងការងារ

របាយការណ៍៖ មូលដ្ឋានយោធាភាគច្រើនរបស់សអាមេរិកនៅមជ្ឈិមបូព៌ា ត្រូវរងការខូចខាត ក្នុងសង្គ្រាមជាមួយអ៊ីរ៉ង់

ទីភ្នាក់ងារជនភៀសខ្លួនUN ព្រមានថាវិបត្តិមជ្ឈិមបូព៌ារារាំងកិច្ចខិតខំប្រឹងប្រែងផ្តល់ជំនួយ

ក្នុងត្រីមាសទី១ ឆ្នាំនេះ កម្ពុជាទទួលបានភ្ញៀវអន្តរជាតិជាង ១លាននាក់ ក្នុងនោះ ភ្ញៀវចិនឈរនៅលំដាប់ទី១

ក្រសួងសុខាភិបាល បើកសន្និសីទប្រចាំឆ្នាំ លើកទី៣ សមាគមគ្រូពេទ្យវះកាត់រោគស្រី្តអង់ដូស្កុបពីកម្ពុជា

ថ្ងៃដ៏បង្ហូរឈាមមួយផ្សេងទៀតនៅខាងត្បូងលីបង់ ក្នុងពេលមានការបាញ់ផ្លោងរបស់អ៊ីស្រាអែល

សម្តេច ម៉ែន សំអន៖ សម្ពោធសមិទ្ធផលនៅ វត្តព្រៃខ្លូតតម្លៃជាង ២៣ម៉ឺនដុល្លារ បង្ហាញពីជំនឿ ការរីកចម្រើននៃសេដ្ឋកិច្ចជាតិ និងប្រាក់ចំណូលរបស់ប្រជាពលរដ្ឋមានការកើនឡើង

ក្រុមសកម្មប្រយុទ្ធ ដណ្តើមយកបានទីក្រុងភាគខាងជើងប្រទេសម៉ាលី ខណៈក្រុមមានទំនាក់ទំនងជាមួយក្រុមអាល់កៃដា បង្កើតចំណុចត្រួតពិនិត្យនៅជិតរដ្ឋធានី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

រុស្ស៊ីបង្កើនការវាយលុកនៅភាគខាងកើត និងភាគខាងត្បូងប្រទេសអ៊ុយក្រែន

នគរបាល និងក្រុមបាតុករបន្តប៉ះទង្គិចនៅទីក្រុងអាតែន ក្រោយរថភ្លើងបុកគ្នាសម្លាប់មនុស្សជិត ៦០នាក់

អ្នកស្លាប់ដោយសារព្យុះរដូវរងានៅអាមេរិកកើនឡើងដល់ ១៣នាក់ និងរាប់ម៉ឺននាក់គ្មានអគ្គិសនីប្រើប្រាស់

ទីជម្រកប្រមាណ ២ពាន់កន្លែងត្រូវបានឆេះបំផ្លាញក្នុងជំរំជនភៀសខ្លួនរ៉ូហ៊ីងយ៉ានៅបង់ក្លាដែស

ចិនបង្កើនកញ្ចប់ថវិកាយោធា ខណៈព្រមានពីការគំរាមកំហែងពីខាងក្រៅកើនឡើង

សម្ដេចតេជោ បង្ហាញរូបភាពវាយកូនគោល៣លើកផ្សេងៗគ្នា នៅទីកន្លែងតែមួយ និងសួរថា តើខុសគ្នានៅកន្លែងណា?

សម្ដេចតេជោ ហ៊ុន សែន៖ «រីករាយចុងសប្ដាហ៍ ឆ្លៀតវាយកូនគោលដែលខកខានជិត២ខែ »

អ៊ីស្រាអែល និងអ៊ីរ៉ង់ខិតជិតសង្គ្រាម ប៉ុន្តែអ្នកជំនាញនិយាយថា ជម្លោះជារឿងដែលអាចបញ្ចៀសបាន

អ៊ុយក្រែនបង្កើតខ្សែការពារថ្មីនៅភាគខាងលិចទីក្រុង Bakhmut ខណៈពលរដ្ឋចាកចេញពីតំបន់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

រុស្ស៊ី​បង្កើន​ការវាយលុក​នៅ​ភាគ​ខាងកើត និង​ភាគខាងត្បូង​ប្រទេស​អ៊ុយ​ក្រែ​ន

ចិន​បង្កើន​កញ្ចប់​ថវិកា​យោធា ខណៈ​ព្រមាន​ពី​ការ​គំរាមកំហែង​ពី​ខាងក្រៅ​កើនឡើង​

សម្ដេចតេជោ បង្ហាញរូបភាពវាយកូនគោល៣លើកផ្សេងៗគ្នា នៅទីកន្លែងតែមួយ និងសួរថា តើខុសគ្នានៅកន្លែងណា?

សម្ដេចតេជោ ហ៊ុន សែន៖ «រីករាយចុងសប្ដាហ៍ ឆ្លៀតវាយកូនគោលដែលខកខានជិត២ខែ »

អ៊ីស្រាអែល និង​អ៊ីរ៉ង់​ខិត​ជិត​សង្គ្រាម ប៉ុន្តែ​អ្នក​ជំនាញ​និយាយ​ថា ជម្លោះ​ជា​រឿង​ដែល​អាច​បញ្ចៀស​បាន

អ៊ុយ​ក្រែ​ន​បង្កើត​ខ្សែការពារ​ថ្មី​នៅ​ភាគ​ខាងលិច​ទីក្រុង Bakhmut ខណៈ​ពលរដ្ឋ​ចាក​ចេញពី​តំបន់​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រុស្ស៊ីបង្កើនការវាយលុកនៅភាគខាងកើត និងភាគខាងត្បូងប្រទេសអ៊ុយក្រែន

ចិនបង្កើនកញ្ចប់ថវិកាយោធា ខណៈព្រមានពីការគំរាមកំហែងពីខាងក្រៅកើនឡើង

អ៊ីស្រាអែល និងអ៊ីរ៉ង់ខិតជិតសង្គ្រាម ប៉ុន្តែអ្នកជំនាញនិយាយថា ជម្លោះជារឿងដែលអាចបញ្ចៀសបាន

អ៊ុយក្រែនបង្កើតខ្សែការពារថ្មីនៅភាគខាងលិចទីក្រុង Bakhmut ខណៈពលរដ្ឋចាកចេញពីតំបន់