BTV NEWS

សម្តេចតេជោ ហ៊ុន សែន ក្រើនរំលឹកដល់មន្រ្តីរាជការទាំងអស់ឲ្យបន្តយកចិត្តទុកដាក់បំពេញតួនាទីភារកិច្ចបម្រើជាតិ និងប្រជាជនឱ្យបានល្អប្រសើរ

សម្តេចតេជោ ណែនាំដល់មន្ត្រីរាជការ ក្រុមប្រឹក្សាខេត្ត ឃុំ សង្កាត់ បន្តយកចិត្តទុកដាក់បំពេញតួនាទីភារកិច្ចបម្រើជាតិ និងប្រជាជនឱ្យបានល្អប្រសើរ

សម្ដេចតេជោ ហ៊ុន សែន អញ្ជើញជួបសំណេះសំណាលជាមួយសមាជិក សមាជិកា ក្រុមប្រឹក្សាខេត្ត ក្រុង-ស្រុក ឃុំ-សង្កាត់ និងមន្ត្រី នៃមន្ទីរ-អង្គភាពនានា ក្នុងខេត្តកំពង់ស្ពឺ

TOP STORY | ក្រសួងព្រះបរមរាជវាំង៖ ព្រះរាជសុខភាព ព្រះមហាក្សត្រមានភាពប្រសើរជាបណ្តើរៗ ក្រុមគ្រូពេទ្យព្រះបរមរាជានុញ្ញាតថ្វាយព្រះអង្គយាងចេញពីមន្ទីរពេទ្យនៅថ្ងៃនេះ និងបន្តគង់ប្រថាប់នៅព្រះរាជដំណាក់រដ្ឋធានីប៉េកាំង ដើម្បីបន្តតាមដាន

ព័ត៌មានសំខាន់ៗ

ជនសង្ស័យទី៦ ត្រូវបានចាប់ខ្លួនជាប់ពាក់ព័ន្ធករណីឃាតកម្មដ៏សាហាវលើតារាបង្ហាញម៉ូដហុងកុង Abby Choi

ហុងកុង៖ នគរបាលទីក្រុងហុងកុងកាលពីថ្ងៃព្រហស្បតិ៍ បានចាប់ខ្លួនបុរសម្នាក់ទៀតនៅក្នុងតំបន់ Sheung Wan ជាស្រុកមួយស្ថិតនៅភាគខាងលិចទីក្រុងហុងកុង ជាប់ពាក់ព័ន្ធករណីឃាតកម្មដ៏សាហាវ និងការកាប់ចិញ្ច្រាំសាកសពរបស់តារាបង្ហាញម៉ូដហុងកុងវ័យ ២៨ឆ្នាំនាង Abby Choi។ យោងតាមនគរបាលក្រុងហុងកុង ពួកគេបានចោទប្រកាន់បុរសវ័យ ៤១ឆ្នាំឈ្មោះ Lin ដែលបម្រើការនៅក្រុមហ៊ុនទូកក្ដោង ពីបទព្យាយាមជួយជនសង្ស័យម្នាក់ក្នុងចំណោមជនសង្ស័យផ្សេងទៀត រត់គេចខ្លួនចេញពីទីក្រុងហុងកុងតាមសមុទ្រក្នុងតម្លៃ ១០ម៉ឺនដុល្លារហុងកុងស្មើ ១ម៉ឺន ៧ពាន់ដុល្លារអាមេរិក។ ក្រុមអាជ្ញាធរបាននិយាយកាលពីថ្ងៃអាទិត្យ ទី៦ កុម្ភៈថា ជនសង្ស័យ ៣នាក់គឺអតីតស្វាមីរបស់នាងលោក Alex Kwong, បងថ្លៃប្រុសឈ្មោះ Anthony និងឪពុកក្មេកនាងឈ្មោះ Kwong Kau ត្រូវបានជាប់ចោទពីបទសម្លាប់នាង Choi និងស្ត្រីវ័យ ៦៣ឆ្នាំម្នាក់ដែលត្រូវជាម្ដាយក្មេករបស់នាងត្រូវបានជាប់ចោទពីបទរារាំងការស៊ើបអង្កេត។ ជនទី៥ ត្រូវបានចាប់ខ្លួននៅថ្ងៃជាមួយគ្នា។ អង្គភាពប្រឆាំងឧក្រិដ្ឋកម្មតំបន់ Kowloon West បាននិយាយកាលពីល្ងាចថ្ងៃព្រហស្បតិ៍ថា នគរបាលបានបញ្ចប់ប្រតិបត្តិការស្វែងរកនៅកន្លែងចាក់សំរាមមួយ ប៉ុន្តែពុំបានរកឃើញបំណែករាងកាយនៃសាកសពរបស់ជនរងគ្រោះទេ។ ក្បាលរបស់នាងត្រូវបានរកឃើញ ២ថ្ងៃ ក្រោយយកទៅធ្វើស៊ុបជាមួយផ្នែកផ្សេងៗនៃរាងកាយ នៅក្នុងឆ្នាំស៊ុបធំមួយនៅក្នុងផ្ទះជួលនៅតំបន់ TaiPo ជាយក្រុងហុងកុង។ ក្រុមមន្ត្រីក៏បានរឹបអូសបានម៉ាស៊ីនកាត់សាច់ រណា និងកាំបិតផងដែរ។ ជនសង្ស័យអតីតស្វាមីឈ្មោះ Kwong ត្រូវបានចាប់ខ្លួននៅតំបន់ Tung Chung លើកោះ Lantau នៅពេលរូបគេព្យាយាមរត់គេចខ្លួនដោយមានប្រាក់ចំនួន ៥០ម៉ឺនដុល្លារហុងកុង និងនាឡិកាដៃប្រណីតមួយចំនួនមានតម្លៃប្រមាណ ៤លានដុល្លារហុងកុង។ នគរបាលនិយាយថា ការស៊ើបអង្កេតមានការលំបាក ព្រោះជនសង្ស័យមិនសហការ។ នគរបាលជឿថា ឃាតកម្មនេះផ្ដើមចេញពីជម្លោះទ្រព្យសម្បត្តិ៕អត្ថបទ៖ សុខមាន

អាមេរិក និងរុស្ស៊ីប៉ះទង្គិចគ្នានៅជំនួប G20 ខណៈលោក Blinken ប្រាប់លោក Lavrov ឲ្យបញ្ចប់សង្គ្រាមនៅអ៊ុយក្រែន

ឥណ្ឌា៖ ប្រមុខការបរទេសអាមេរិកលោក Antony Blinken បានជំរុញឲ្យសមភាគីរុស្ស៊ីរបស់លោកបញ្ចប់សង្គ្រាមអ៊ុយក្រែនក្នុងជំនួបក្រៅកិច្ចពិភាក្សា G20 កាលពីថ្ងៃព្រហស្បតិ៍ ក្នុងជំនួបទល់មុខគ្នាលើកដំបូងចាប់តាំងពីការវាយលុកចូលអ៊ុយក្រែបានចាប់ផ្ដើម។ លោក Blinken និងរដ្ឋមន្ត្រីការបរទេសរុស្ស៊ីលោក Sergei Lavrov បានប៉ះទង្គិចពាក្យសម្ដីគ្នា នៅក្នុងកិច្ចប្រជុំថ្នាក់ប្រមុខការទូតជាន់ខ្ពស់របស់ពិភពលោកនៅក្នុងរដ្ឋធានី New Delhi ដែលបានបរាជ័យក្នុងការឈានដល់សេចក្ដីប្រកាសរួមចុងក្រោយ បន្ទាប់ពីការបដិសេធពីទីក្រុង Moscow និង Beijing។ លោក Blinken បានប្រាប់ក្រុមអ្នកសារព័ត៌មានថា ខ្ញុំបានប្រាប់លោក Lavrov ពីអ្វីដែលខ្ញុំចង់បាន និងបញ្ហាជាច្រើនទៀត ដែលខ្ញុំបាននិយាយនៅក្នុងអង្គការសហប្រជាជាតិកាលពីសប្ដាហ៍មុន និងអ្វីដែលបណ្ដាប្រមុខការទូត G20 បាននិយាយនៅថ្ងៃនេះគឺបញ្ចប់សង្គ្រាមឈា្លនពាននេះ ដែលជាការចូលរួមផ្នែកការទូតដ៏មានអត្ថន័យ ដែលអាចបង្កើតឲ្យមានសន្តិភាពយូរអង្វែង។ យោងតាមក្រុមមន្ត្រីលោកខាងលិច ពេលវេលាដែលលោក Blinken និងលោក Lavrov ស្ថិតក្នុងបន្ទប់ប្រជុំរួមគ្នាគឺនៅជំនួប G20 កោះបាលីប្រទេសឥណ្ឌូនេស៊ីកាលពីខែកក្កដាឆ្នាំមុន ក្រោយមកលោក Lavrov បានដើរចេញ៕អត្ថបទ៖ សុខមាន

រុស្ស៊ីផ្អាកសន្ធិសញ្ញានុយក្លេអ៊ែរ ព្រោះអាមេរិកប្រើជាលេសជួយអ៊ុយក្រែន ហើយថាខ្លួននឹងមិនសាកល្បងនុយក្លេអ៊ែរមុនឡើយ

រុស្ស៊ី៖ អនុរដ្ឋមន្ត្រីការបរទេសរុស្ស៊ីលោក Sergei Ryabkov បាននិយាយកាលពីថ្ងៃព្រហស្បតិ៍ ទី២មីនាថា សហរដ្ឋអាមេរិកបង្ខំឲ្យទីក្រុង Moscow ផ្អាកការចូលរួមរបស់ខ្លួនក្នុងសន្ធិសញ្ញាគ្រប់គ្រងអាវុធនុយក្លេអ៊ែរ New START ព្រោះទីក្រុងវ៉ាស៊ីនតោនកំពុងប្រើប្រាស់សន្ធិសញ្ញានេះ ដើម្បីជួយអ៊ុយក្រែនវាយប្រហារទីតាំងយុទ្ធសាស្ត្ររបស់រុស្ស៊ី។ លោកថា រុស្ស៊ីនឹងមិនសាកល្បងឧបករណ៍នុយក្លេអ៊ែរមុនគេឡើយ ក្រោយការផ្អាកសន្ធិសញ្ញានេះជាមួយសហរដ្ឋអាមេរិក។ ថ្លែងប្រាប់ក្រុមអ្នកសារព័ត៌មាននៅឯបេសកកម្មរុស្ស៊ីក្នុងទីក្រុងហ្សឺណែវ បន្ទាប់ពីសន្និសីទសារព័ត៌មានស្ដីពីការមិនរីកសាយអាវុធ លោក Ryabkov បាននិយាយថា ទីក្រុង Moscow នឹងមិនសាកល្បងអាវុធឡើយ ប្រសិនបើទីក្រុងវ៉ាស៊ីនតោនមិនសាកល្បងដែរនោះ ប៉ុន្តែថា រុស្ស៊ីនៅតែត្រៀមជានិច្ចក្រែងមានហេតុការណ៍អាក្រក់កើតឡើង។ លោក Ryabkov ក៏បានចោទសហរដ្ឋអាមេរិកពីបទផ្ដល់របាយការណ៍ចារកម្ម ស្ដីពីទីតាំងយុទ្ធសាស្ត្រនៅក្នុងប្រទេសរុស្ស៊ីឲ្យទៅអ៊ុយក្រែន ដើម្បីឲ្យពួកគេងាយវាយប្រហារដោយយានដ្រូន។ កាលពីខែធ្នូ មូលដ្ឋានទ័ពអាកាស Engels របស់រុស្ស៊ីនៅជិតទីក្រុង Saratov ដែលជាមូលដ្ឋានរបស់យន្តហោះទម្លាក់គ្រាប់បែកយុទ្ធសាស្ត្រ ដែលមានសមត្ថភាពវាយប្រហារដោយនុយក្លេអ៊ែរ និងចម្ងាយប្រមាណ ៦០០គីឡូម៉ែត្រពីដែនដីអ៊ុយក្រែនត្រូវបានវាយប្រហារដោយយានដ្រូន។ អ៊ុយក្រែនពុំបានអះអាងទទួលខុសត្រូវចំពោះការវាយប្រហារនោះឡើយ ប៉ុន្តែបានសាទរការវាយប្រហារនោះ។ លោក Ryabkov និយាយថា សហរដ្ឋអាមេរិក និងទីក្រុង Kyiv អាចបញ្ចប់ជម្លោះនៅក្នុងប្រទេសអ៊ុយក្រែនបាននៅថ្ងៃស្អែក ប្រសិនបើពួកគេសម្រេចចិត្តត្រូវ៕អត្ថបទ៖ សុខមាន

ក្រុមសង្គ្រោះធ្វើការរហូតដល់យប់ ខណៈអ្នកស្លាប់ដោយរថភ្លើងបុកគ្នានៅប្រទេសក្រិកកើនឡើងដល់ ៥៧នាក់

ក្រិក៖ ក្រុមជួយសង្គ្រោះបានធ្វើការរហូតដល់យប់ថ្ងៃព្រហស្បតិ៍ ដើម្បីបោសសម្អាតបំណែករថភ្លើងដែលបានបុកគ្នានៅក្រុង Larissa។ក្រុមសង្គ្រោះបានប្រើប្រាស់គ្រឿងចក្រជីកកាយ និងដងស្ទូច ដែលត្រូវបានគេមើលឃើញនៅតែបន្តការងាររហូតដល់យប់ថ្ងៃព្រហស្បតិ៍ នៅទីតាំងរថភ្លើងបុកគ្នាដ៏អាក្រក់បំផុតរបស់ប្រទេសក្រិក។ អង្គភាពសេវាសង្គ្រោះបន្ទាន់បាននិយាយកាលពីថ្ងៃព្រហស្បតិ៍ថា ចំនួនអ្នកស្លាប់បានកើនឡើងដល់ ៥៧នាក់ ហើយមនុស្ស ៤៨នាក់រងរបួសផ្សេងទៀតនៅបន្តព្យាបាលនៅមន្ទីរពេទ្យនៅឡើយ ខណៈ ៦នាក់ក្នុងចំណោមអ្នករងរបួសស្ថិតក្នុងស្ថានភាពធ្ងន់ធ្ងរ។ អ្នកនាំពាក្យអង្គភាពពន្លត់អគ្គិភ័យបាននិយាយថា បេសកកម្មស្វែងរក និងជួយសង្គ្រោះនៅកន្លែងកើតហេតុត្រូវបានគេរំពឹងថានឹងកាត់បន្ថយនៅថ្ងៃសុក្រនេះ។ គ្រោះថ្នាក់រថភ្លើងបុកគ្នាបានកើតឡើងកាលពីល្ងាចថ្ងៃអង្គារ នៅពេលដែលរថភ្លើងដឹកអ្នកដំណើរមួយគ្រឿងមានដឹកមនុស្សជាង ៣៥០នាក់នៅលើនោះបានបុកជាមួយរថភ្លើងដឹកទំនិញមួយគ្រឿងផ្សេងទៀតនៅជិតទីក្រុង Larissa ចម្ងាយប្រមាណ ២២០ម៉ាយភាគខាងជើងរដ្ឋធានី Athens ខណៈរថភ្លើងទាំង ២គ្រឿងនេះកំពុងធ្វើដំណើរក្នុងទិសដៅផ្ទុយគ្នានៅលើផ្លូវដែកតែមួយ៕ អត្ថបទ៖ ប៊ុនថន

ជំនួប G20 ថ្នាក់រដ្ឋមន្ត្រីការបរទេសជំរុញកុំឲ្យយកជម្លោះភូមិសាស្ត្រនយោបាយជាចំណាប់ខ្មាំង

ឥណ្ឌា៖ ប្រទេសឥណ្ឌាកំពុងស្វាគមន៍អ្នកតំណាងមកពីប្រទេសចំនួន៤០ រួមទាំងប្រទេសពុំមែនជាសមាជិកប្រទេសមានសេដ្ឋកិច្ចលូតលាស់ទាំង ២០ ឬ G20 និងអង្គការជាច្រើនចាប់ពីថ្ងៃពុធរហូតដល់ថ្ងៃព្រហស្បតិ៍នេះ ខណៈប្រទេសឥណ្ឌាដែលជាម្ចាស់ផ្ទះនៃកិច្ចប្រជុំ G20 កំពុងសង្ឃឹមថា នឹងដើរតួនាទីដ៏សំខាន់ជាប្រទេសកំពុងអភិវឌ្ឍន៍នៅឯជំនួប G20 ថ្នាក់រដ្ឋមន្ត្រីការបរទេស។ ខណៈដែលការពិភាក្សាអំពីជម្លោះយោធារុស្ស៊ី និងអ៊ុយក្រែនទំនងជាគ្របដណ្ដប់ព្រឹត្តិការណ៍នេះ ក្រុមអ្នកជំនាញចិនជឿថាវាក៏ជាពេលវេលាដើម្បីសាកល្បង ថាតើឥណ្ឌាពិតជាអាចដើរតួនាទីនាំមុខគេក្នុងការការពារវេទិកាពហុជាតិ ដែលរៀបចំសម្រាប់កិច្ចសហប្រតិបត្តិការសេដ្ឋកិច្ចកុំឲ្យក្លាយទៅជាចំណាប់ខ្មាំង នៃការប្រឈមដាក់គ្នាខាងភូមិសាស្ត្រនយោបាយបាន ឬយ៉ាងណា។ ជាកិច្ចប្រជុំមួយក្នុងចំណោមកិច្ចប្រជុំ G20 ដ៏សំខាន់បំផុត កិច្ចប្រជុំរដ្ឋមន្ត្រីការបរទេស G20 កំពុងប្រព្រឹត្តទៅ បន្ទាប់ពីការប្រមូលផ្តុំថ្នាក់រដ្ឋមន្ត្រីហិរញ្ញវត្ថុ និងទេសាភិបាលធនាគារកណ្តាលនៃប្រទេសសមាជិក G20 នៅទីក្រុង Bengaluru បានបរាជ័យក្នុងការចេញសេចក្តីថ្លែងការណ៍រួមមួយ ដោយសារតែភាពតានតឹងកាន់តែខ្លាំងរបស់លោកខាងលិចដឹកនាំដោយអាមេរិកជាមួយរុស្ស៊ី ដែលជាភាពស្រអាប់លើកិច្ចសន្ទនាកិច្ចសហប្រតិបត្តិការសេដ្ឋកិច្ចពហុភាគី ដែលគួរតែមានគោលបំណងដោះស្រាយបញ្ហាបន្ទាន់ ដូចជាបញ្ហាបំណុល និងបម្រែបម្រួលអាកាសធាតុ ហើយថែមទាំងជួយសម្រួលដល់ការងើបឡើងវិញក្រោយជំងឺរាតត្បាតផងដែរ។ ប្រទេសឥណ្ឌារងសម្ពាធកាន់តែខ្លាំង ខណៈក្រុមមន្ត្រីឥណ្ឌាមួយចំនួនត្រូវបានដកស្រង់សម្ដីដោយនិយាយថា នៅក្នុងរបាយការណ៍ព័ត៌មានថា ប្រទេសនេះមិនចង់ឲ្យវិបត្តិអ៊ុយក្រែនគ្របដណ្ដប់លើកិច្ចប្រជុំនេះទេ៕អត្ថបទ៖ សុខមាន

ក្រុមអ្នកតវ៉ាបានរិះគន់លោក Netanyahu លើផែនការរដ្ឋាភិបាលសម្រាប់ការផ្លាស់ប្តូរប្រព័ន្ធតុលាការ

អ៊ីស្រាអែល៖ ក្រុមបាតុករអ៊ីស្រាអែលរាប់រយនាក់បានធ្វើបាតុកម្ម នៅខាងក្រៅលំនៅឋានរបស់នាយករដ្ឋមន្ត្រីលោក Benjamin Netanyahu កាលពីថ្ងៃពុធក្នុងអំឡុងពេល «ថ្ងៃនៃការរំខាន» នៅទូទាំងប្រទេស ដែលបង្កើនការតវ៉ាប្រឆាំងផែនការរបស់រដ្ឋាភិបាលក្នុងការផ្លាស់ប្តូរប្រព័ន្ធតុលាការ។ លោក Netanyahu បានបង្កើតរដ្ឋាភិបាលមួយកាលពីពីរខែមុន ដោយសន្យាថាដៃគូចម្រុះរបស់លោកនឹងផ្លាស់ប្តូរប្រព័ន្ធតុលាការ និងពង្រឹងការគ្រប់គ្រងរបស់អ៊ីស្រាអែលលើតំបន់ West Bank ដែលប៉ាឡេស្ទីនសង្ឃឹមថានឹងបង្កើតរដ្ឋឯករាជ្យមួយ។ នៅក្នុងសភា គណៈកម្មាធិការធម្មនុញ្ញ យុត្តិធម៌ និងច្បាប់របស់ការិយាល័យរដ្ឋបាល Knesset បាន ព្រមព្រៀងដំបូងចំពោះសំណើបន្ថែមទៀតចំពោះផែនការ នៅក្នុងការបោះឆ្នោតដែលធ្វើពហិការដោយសមាជិកសភាគណបក្សប្រឆាំង ដែលបាននិយាយថា អ៊ីស្រាអែលនឹងលែងមានលទ្ធិប្រជាធិបតេយ្យ ប្រសិនបើផែនការនេះដំណើរការ។ នៅក្នុងសេចក្តីថ្លែងការណ៍លោក Netanyahu បានប្រៀបប្រដូចបាតុកម្មកាលពីថ្ងៃពុធ ទៅនឹងការផ្ទុះឡើងដោយអ្នកតាំងលំនៅជនជាតិជ្វីហ្វក្នុងសប្តាហ៍នេះនៅក្រុង Huwara ដែនដីប៉ាឡេស្ទីន បន្ទាប់ពីការវាយប្រហារដ៏ឃោឃៅរបស់ជនប៉ាឡេស្ទីន។ នគរបាលបានចាប់ខ្លួនជនសង្ស័យ ១០នាក់ជុំវិញការវាយប្រហារដែលជនប៉ាឡេស្ទីនម្នាក់ត្រូវបានសម្លាប់។ នៅក្នុងរូបភាពដែលមិនត្រូវបានមើលឃើញនៅក្នុងទីក្រុង Tel Aviv អស់រយៈពេលជាច្រើនឆ្នាំមកហើយនោះ នគរបាលបានប្រឈមមុខជាមួយក្រុមបាតុករដែលបំពានមកលើរបាំងការពារ៕អត្ថបទ៖ ប៊ុនថន

អាមេរិកព្យាយាមស្វែងរកការគាំទ្រពីសម្ព័ន្ធមិត្ត ចំពោះលទ្ធភាពដាក់ទណ្ឌកម្មលើចិនជុំវិញសង្គ្រាមអ៊ុយក្រែន

សហរដ្ឋអាមេរិក៖ សារព័ត៌មាន Reuters បានរាយការណ៍ដោយសំអាងដល់ប្រភពពីមន្ត្រីអាមេរិកមិនបញ្ចេញឈ្មោះ ៤នាក់ និងប្រភពផ្សេងៗថា សហរដ្ឋអាមេរិកកំពុងស្វែងរកការគាំទ្រពីសម្ព័ន្ធមិត្តជិតស្និទ្ធរបស់ខ្លួន ចំពោះលទ្ធភាពនៃការដាក់ទណ្ឌកម្មដែលមានការសម្របសម្រួលទៅលើប្រទេសចិន ប្រសិនបើប្រទេសនេះផ្ដល់ជំនួយមិនបម្រើឲ្យសង្គ្រាមដល់ប្រទេសរុស្ស៊ី សម្រាប់ជួយក្នុងសង្គ្រាមរបស់ខ្លួននៅអ៊ុយក្រែន។ ប្រភពមួយចំនួនដែលបានដឹងបញ្ហានេះបានប្រាប់សារព័ត៌មាន Reuters ការប៉ុនប៉ងរបស់រដ្ឋបាលលោក Biden ដើម្បីដាក់សម្ពាធលើការគាំទ្ររបស់ចិនចំពោះរុស្ស៊ី រួមទាំងការប្រាស្រ័យទាក់ទងក្រៅផ្លូវការជាមួយបុគ្គលិក និងកម្រិតការទូត។ ប្រភពទាំងនោះមិនទាន់បញ្ជាក់ច្បាស់ទេថា តើទណ្ឌកម្មប្រភេទណាដែលត្រូវបានដាក់ក្រោមការពិចារណានោះ។ យោងតាមប្រភពមួយដែលបានប្រាប់សារព័ត៌មាន Reuters សហរដ្ឋអាមេរិកបញ្ជាក់ឲ្យបានច្បាស់ នៅក្នុងចំណោមសម្ព័ន្ធមិត្តរបស់ខ្លួនលើការដាក់ទណ្ឌកម្មប្រឆាំងប្រទេសចិន ក្នុងករណីមានការដឹកជញ្ជូនជំនួយណាមួយទៅឲ្យរុស្ស៊ីមែននោះ។ ក្រសួងរតនាគារអាមេរិកមួយក្នុងចំណោមភ្នាក់ងារដែលពិនិត្យមើលទណ្ឌកម្ម បានបដិសេធមិនធ្វើអត្ថាធិប្បាយដល់សារព័ត៌មាន Reuters។ ប្រមុខការបរទេសអាមេរិកលោក Antony Blinken បានព្រមានអ្នកការទូតជាន់ខ្ពស់របស់ចិនលោក Wang Yi ថា បើចិនផ្គត់ផ្គង់ឲ្យរុស្ស៊ីមែននោះ ចិននឹងទទួលរងផលវិបាកធ្ងន់ធ្ងរក្នុងទំនាក់ទំនងប្រទេសទាំង២។ កាលពីថ្ងៃទី២៤ ខែកុម្ភៈប្រធានចារកម្មអាមេរិក CIA លោក Bill Burns បានបញ្ជាក់ក្នុងបទសម្ភាសន៍មួយថា ចិនកំពុងពិចារណាបញ្ជូនជំនួយមិនបម្រើក្នុងសង្គ្រាមឲ្យទៅរុស្ស៊ី ដែលចិននៅតែទាត់ចោលដដែលៗ៕អត្ថបទ៖ សុខមាន

ក្រុមមន្ត្រីអ៊ុយក្រែននិយាយថា កងទ័ពរបស់ខ្លួនអាចនឹងដកថយពីទីក្រុង Bakhmut ខណៈរុស្ស៊ីវាយសន្ធាប់ខ្លាំង

អ៊ុយក្រែន៖ ទីប្រឹក្សាមួយរូបរបស់ប្រធានាធិបតីអ៊ុយក្រែនបាននិយាយកាលពីថ្ងៃពុធថា កងទ័ពអ៊ុយក្រែនអាចដកថយពីមូលដ្ឋានសំខាន់ចុងក្រោយនៃទីក្រុង Bakhmut ដោយលើកឡើងថា រុស្ស៊ីអាចដណ្ដើមយកទីក្រុងដែលបានក្លាយជានិមិត្តរូបនៃការតវ៉ារបស់ទាហានអ៊ុយក្រែន។ វិមានក្រឹមឡាំងបានវាយប្រហារដ៏បង្ហូរឈាមរយៈពេលជាច្រើនខែមកហើយ ដើម្បីដណ្ដើមយកទីក្រុង Bakhmut ដែលជាទីក្រុងផលិតអំបិល និងរ៉ែហ្គីបស៊ូមនៅក្នុងប្រទេសអ៊ុយក្រែនភាគខាងកើត ដែលបានធ្វើឲ្យទីក្រុងនេះក្លាយជាទីក្រុងខ្មោច។ លោក Alexander Rodnyansky ទីប្រឹក្សាសេដ្ឋកិច្ចរបស់ប្រធានាធិបតីអ៊ុយក្រែន Volodymyr Zelenskyy បានប្រាប់សារព័ត៌មាន CNN ថា យោធារបស់យើងកំពុងពិចារណាគ្រប់ជម្រើសទាំងអស់។ ពួកគេបានគ្រប់គ្រងទីក្រុងនេះយូរមកហើយ ប៉ុន្តែក្នុងករណីចាំបាច់ ពួកគេនឹងដកថយ។ យើងនឹងមិនលះបង់ជីវិតប្រជាជនរបស់យើង ចំពោះរឿងឥតបានការនោះទេ។ ទីក្រុង Bakhmut លាតសន្ធឹងនៅក្នុងខេត្តមួយក្នុងចំណោមខេត្តទាំង៤ ដែលរុស្ស៊ីបានដាក់បញ្ចូលក្នុងឧបសម្ព័ន្ធដោយខុសច្បាប់កាលពីរដូវស្លឹកឈើជ្រុះឆ្នាំមុន។ ទីក្រុង Moscow បានគ្រប់គ្រងតែពាក់កណ្ដាលប៉ុណ្ណោះនៃខេត្ត Donetsk។ ដើម្បីដណ្ដើមទឹកដីដែលនៅសល់ពាក់កណ្ដាលទៀតនៃខេត្តនេះ កងកម្លាំងរុស្ស៊ីត្រូវតែឆ្លងកាត់ទីក្រុង Bakhmut ជាមធ្យោបាយតែមួយគត់ចូលទៅកាន់ទីក្រុងធំៗដែលគ្រប់គ្រងដោយអ៊ុយក្រែន ចាប់តាំងពីទាហានអ៊ុយក្រែនដណ្ដើមបានមកវិញនូវទីក្រុង Izium ក្នុងខេត្ត Kharkiv កាលពីខែកញ្ញា៕អត្ថបទ៖ សុខមាន

ចិននិយាយថា ការអះអាងដែលថាវីរុស COVID-19 លេចចេញពីមន្ទីរពិសោធន៍ប៉ះពាល់ដល់មុខមាត់អាមេរិកខ្លួនឯង

ចិន៖ ទីក្រុងប៉េកាំងបានចោទប្រកាន់ទីក្រុងវ៉ាស៊ីនតោនកាលពីថ្ងៃពុធ ទី១មីនាថា ជាការធ្វើឲ្យប៉ះពាល់ដល់មុខមាត់ខ្លួនឯង ក្រោយមន្ត្រីចារកម្មជាន់ខ្ពស់មួយរូបរបស់សហរដ្ឋអាមេរិកនិយាយថា ទីភ្នាក់ងាររបស់លោកជឿថា ជំងឺរាតត្បាតសកល COVID-19 ទំនងបណ្ដាលមកឧបទ្ទវហេតុមន្ទីរពិសោធន៍នៅក្នុងទីក្រុងអ៊ូហាន (Wuhan) ប្រទេសចិន។ លោក Christopher Wray ប្រធានទីភ្នាក់ងារស៊ើបអង្កេតសហព័ន្ធ FBI បានប្រាប់សារព័ត៌មាន Fox News កាលពីថ្ងៃអង្គារថា ពេលនេះទីភ្នាក់ងាររបស់លោកបានវាយតម្លៃលើប្រភពនៃវីរុស COVID-19 ថា វាពិតជាអាចទៅរួចដែលថា វាជាឧបទ្ទវហេតុមន្ទីរពិសោធន៍នៅក្នុងទីក្រុង Wuhan។ ក្រុមមន្ត្រីចិនបានទាត់ចោលយ៉ាងដាច់អហង្ការចំពោះការអះអាងនេះ ដោយហៅការលើកឡើងរបស់សហរដ្ឋអាមេរិកថា ជាយុទ្ធនាការលាបពណ៌ប្រឆាំងទីក្រុងប៉េកាំង។ អ្នកនាំពាក្យក្រសួងការបរទេសចិនលោកស្រី Mao Ning បានប្រាប់សន្និសីទសារព័ត៌មានប្រចាំថ្ងៃកាលពីថ្ងៃពុធថា សហរដ្ឋអាមេរិកបានសើរើជាថ្មីពីទ្រឹស្ដីការលេចចេញពីមន្ទីរពិសោធន៍ ដែលនឹងមិនធ្វើឲ្យខូចកិត្តិយសរបស់ចិនឡើយ ផ្ទុយទៅវិញបានត្រឹមតែធ្វើឲ្យមុខមាត់ខ្លួនឯងធ្លាក់ចុះថែមទៀតតែប៉ុណ្ណោះ។ ការអត្ថាធិប្បាយរបស់លោក Wray បានកើតមានឡើង ក្រោយរបាយការណ៍កាលពីដើមសប្ដាហ៍នេះនិយាយថា ក្រសួងថាមពលអាមេរិកបានបញ្ជាក់ថា ការលេចធ្លាយចេញពីមន្ទីរពិសោធន៍វេជ្ជសាស្ត្ររបស់ចិន ពិតជាទំនងបង្កឲ្យមានការផ្ទុះឆ្លងរាលដាលវីរុស COVID-19 នេះ។ ប៉ុន្តែទីភ្នាក់ងារផ្សេងទៀតនៅក្នុងសហគមន៍ចារកម្មសហរដ្ឋអាមេរិកជឿថា វីរុសនេះលេចចេញដោយឯកឯងនៅលើពិភពលោកនេះ៕អត្ថបទ៖ សុខមាន

នគរបាល និងក្រុមបាតុករប៉ះទង្គិចគ្នានៅទីក្រុង Athens បន្ទាប់ពីបាតុកម្មប្រឆាំងប្រតិបត្តិកររថភ្លើង

ក្រិក៖ ក្រុមអ្នកតវ៉ាបានប៉ះទង្គិចជាមួយនគរបាលនៅទីក្រុង Athens កាលពីថ្ងៃពុធ បន្ទាប់ពីបានធ្វើបាតុកម្មនៅខាងក្រៅការិយាល័យរបស់ប្រតិបត្តិករក្រុមហ៊ុនរថភ្លើង Hellenic Train។នគរបាលបានបានបាញ់ឧស្ម័នបង្ហូរទឹកភ្នែកទៅលើក្រុមអ្នកតវ៉ាគប់ដុំថ្ម ដែលបានដុតភ្លើងបង្កអគ្គិភ័យនៅតាមផ្លូវ។ រថភ្លើងដឹកអ្នកដំណើរប្រទេសក្រិកមួយគ្រឿងបានបុកគ្នា ជាមួយរថភ្លើងដឹកទំនិញមួយគ្រឿងផ្សេងទៀតកាលពីល្ងាចថ្ងៃអង្គារនៅជិតទីក្រុង Larissa ភាគខាងជើងបណ្តាលឲ្យទូរថភ្លើងទាំងអស់ភ្លាត់ចេញពីផ្លូវដែក និងបានក្រឡាប់បណ្តាលមនុស្សយ៉ាងហោចណាស់ ៤៣នាក់ស្លាប់ភាគច្រើនជាសិស្ស។ ក្រុមមន្ត្រីបាននិយាយថា ចំនួនអ្នកស្លាប់ត្រូវបានគេរំពឹងថានឹងកើនឡើងបន្ថែមទៀត ខណៈសីតុណ្ហភាពនៅក្នុងទូរថភ្លើងមួយបានកើនឡើងដល់ ១,៣០០អង្សាសេ បន្ទាប់ពីវាត្រូវបានហ៊ុមព័ទ្ធដោយអណ្តាតភ្លើង។ ក្រុមហ៊ុន Hellenic Train ជាអង្គភាពមួយរបស់ក្រុមហ៊ុនហ្វឺរ៉ូវី ដេឡូស្តាតូ (Ferrovie dello Stato) របស់ប្រទេសអ៊ីតាលី ដែលបានទទួលធ្វើប្រតិបត្តិការដឹកជញ្ជូនអ្នកដំណើរ និងដឹកជញ្ជូនទំនិញបាននិយាយថា ខ្លួនកំពុងធ្វើការជាមួយអាជ្ញាធរស៊ើបអង្កេតគ្រោះថ្នាក់នេះ។មន្ត្រីនគរបាលម្នាក់បាននិយាយថា ប្រធានស្ថានីយក្នុងតំបន់ទទួលបន្ទុកផ្នែកសញ្ញាត្រូវបានចាប់ខ្លួន និងចោទប្រកាន់ពីបទបង្កឱ្យមានមនុស្សស្លាប់ និងរបួសដោយការធ្វេសប្រហែស។ អ្នកនាំពាក្យរដ្ឋាភិបាលម្នាក់និយាយថា រថភ្លើងទាំងពីរគ្រឿងបានកំពុងរត់នៅលើផ្លូវតែមួយជាច្រើនគីឡូម៉ែត្រមុនពេលបុកគ្នា។ រដ្ឋមន្ត្រីក្រសួងដឹកជញ្ជូនលោក Kostas Karamanlis បានដាក់ពាក្យលាលែងពីតំណែងដោយនិយាយថា លោកទទួលខុសត្រូវចំពោះការខកខានជាយូរមកហើយរបស់រដ្ឋ ក្នុងការជួសជុលប្រព័ន្ធផ្លូវដែក។ យោងតាមទិន្នន័យរបស់ក្រុមហ៊ុនរថភ្លើង Hellenic Train បានឱ្យដឹងថា រថភ្លើងដឹកអ្នកដំណើរ ៣៤២នាក់ និងបុគ្គលិក ១០នាក់ ខណៈបុគ្គលិក ២នាក់នៅលើរថភ្លើងដឹកទំនិញ។ មន្ត្រីពន្លត់អគ្គិភ័យនិយាយថា អ្នកដំណើរ ៦៥នាក់ដែលអ្នករងរបួសត្រូវបានបញ្ជូនទៅមន្ទីរពេទ្យ ក្នុងនោះ ៦នាក់កំពុងស្ថិតក្នុងស្ថានភាពធ្ងន់ធ្ងរ៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

លីបង់និយាយថា មនុស្ស ១៣នាក់ បានស្លាប់ នៅក្នុងការវាយប្រហាររបស់អ៊ីស្រាអែលនៅភាគខាងត្បូង

មន្ត្រីយោធាអ៊ីរ៉ង់និយាយថា សង្គ្រាមជាថ្មីជាមួយសហរដ្ឋអាមេរិក ទំនងជាកើតឡើង

នាយករដ្ឋមន្ត្រីអង់គ្លេសនិយាយថា ការដង្ហែក្បួនគាំទ្រប៉ាឡេស្ទីនមួយចំនួន អាចត្រូវបានហាមឃាត់

ការតវ៉ាផ្ទុះឡើងនៅទីក្រុង Pune ប្រទេសឥណ្ឌា ជុំវិញការចោទប្រកាន់ពីបទរំលោភ និងឃាតកម្មលើកុមារីអាយុ ៤ឆ្នាំ

រដ្ឋមន្ត្រីការបរទេសរុស្ស៊ី និងអ៊ីរ៉ង់ ពិភាក្សាអំពីសេរីភាពនៃការធ្វើនាវាចរណ៍ និងកម្មវិធីនុយក្លេអ៊ែររបស់អ៊ីរ៉ង់

របាយការណ៍៖ ការផ្ទុះគ្រាប់បែកដែលនៅសល់ពីការវាយប្រហារ បានសម្លាប់សមាជិកឆ្មាំបដិវត្តន៍អ៊ីរ៉ង់ចំនួន ១៤នាក់

អង្គការ WHO អំពាវនាវឲ្យមានការបញ្ចូលថ្នាំពេទ្យជាបន្ទាន់ទៅកាន់តំបន់ហ្កាហ្សា ដើម្បីកសាងសេវាសុខភាពឡើងវិញ

មេធាវី៖ ជនអន្តោប្រវេសន៍អាហ្វ្រិក ៩នាក់ ត្រូវបានអាមេរិកនិរទេសទៅកាន់ប្រទេសកាមេរូន

លោក TRUMP ពង្រីកទណ្ឌកម្មរបស់សហរដ្ឋអាមេរិកប្រឆាំងរដ្ឋាភិបាលគុយបានិងក្រុមអ្នកគាំទ្រ

អ៊ីស្រាអែលរឹតត្បិតការជួបជុំគ្នានៅជិតព្រំដែនលីបង់ ស្របពេលការវាយប្រហារនៅតែបន្តនៅភាគខាងត្បូងប្រទេសនេះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ជនសង្ស័យទី៦ ត្រូវបានចាប់ខ្លួនជាប់ពាក់ព័ន្ធករណីឃាតកម្មដ៏សាហាវលើតារាបង្ហាញម៉ូដហុងកុង Abby Choi

អាមេរិក និងរុស្ស៊ីប៉ះទង្គិចគ្នានៅជំនួប G20 ខណៈលោក Blinken ប្រាប់លោក Lavrov ឲ្យបញ្ចប់សង្គ្រាមនៅអ៊ុយក្រែន

ក្រុមសង្គ្រោះធ្វើការរហូតដល់យប់ ខណៈអ្នកស្លាប់ដោយរថភ្លើងបុកគ្នានៅប្រទេសក្រិកកើនឡើងដល់ ៥៧នាក់

ជំនួប G20 ថ្នាក់រដ្ឋមន្ត្រីការបរទេសជំរុញកុំឲ្យយកជម្លោះភូមិសាស្ត្រនយោបាយជាចំណាប់ខ្មាំង

ក្រុមអ្នកតវ៉ាបានរិះគន់លោក Netanyahu លើផែនការរដ្ឋាភិបាលសម្រាប់ការផ្លាស់ប្តូរប្រព័ន្ធតុលាការ

អាមេរិកព្យាយាមស្វែងរកការគាំទ្រពីសម្ព័ន្ធមិត្ត ចំពោះលទ្ធភាពដាក់ទណ្ឌកម្មលើចិនជុំវិញសង្គ្រាមអ៊ុយក្រែន

ក្រុមមន្ត្រីអ៊ុយក្រែននិយាយថា កងទ័ពរបស់ខ្លួនអាចនឹងដកថយពីទីក្រុង Bakhmut ខណៈរុស្ស៊ីវាយសន្ធាប់ខ្លាំង

ចិននិយាយថា ការអះអាងដែលថាវីរុស COVID-19 លេចចេញពីមន្ទីរពិសោធន៍ប៉ះពាល់ដល់មុខមាត់អាមេរិកខ្លួនឯង

នគរបាល និងក្រុមបាតុករប៉ះទង្គិចគ្នានៅទីក្រុង Athens បន្ទាប់ពីបាតុកម្មប្រឆាំងប្រតិបត្តិកររថភ្លើង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ជនសង្ស័យ​ទី​៦ ត្រូវបាន​ចាប់ខ្លួន​ជាប់​ពាក់ព័ន្ធ​ករណី​ឃាតកម្ម​ដ៏​សាហាវ​លើ​តារា​បង្ហាញ​ម៉ូដ​ហុងកុង Abby Choi

ជំនួប G20 ថ្នាក់​រដ្ឋមន្ត្រីការបរទេស​ជំរុញ​កុំ​ឲ្យ​យក​ជម្លោះ​ភូមិសាស្ត្រ​នយោបាយ​ជា​ចំណាប់ខ្មាំង​

ក្រុមអ្នកតវ៉ា​បាន​រិះគន់​លោក Netanyahu លើ​ផែនការ​រដ្ឋាភិបាល​សម្រាប់​ការផ្លាស់ប្តូរ​ប្រព័ន្ធតុលាការ

ចិន​និយាយថា ការអះអាង​ដែលថា​វីរុស COVID-19 លេច​ចេញពី​មន្ទីរពិសោធន៍ប៉ះពាល់​ដល់​មុខមាត់​អាមេរិក​ខ្លួនឯង​

នគរបាល និង​ក្រុមបាតុករ​ប៉ះទង្គិច​គ្នា​នៅ​ទីក្រុង Athens បន្ទាប់ពី​បាតុកម្ម​ប្រឆាំង​ប្រតិបត្តិ​ករ​រថភ្លើង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ជនសង្ស័យទី៦ ត្រូវបានចាប់ខ្លួនជាប់ពាក់ព័ន្ធករណីឃាតកម្មដ៏សាហាវលើតារាបង្ហាញម៉ូដហុងកុង Abby Choi

ជំនួប G20 ថ្នាក់រដ្ឋមន្ត្រីការបរទេសជំរុញកុំឲ្យយកជម្លោះភូមិសាស្ត្រនយោបាយជាចំណាប់ខ្មាំង

ក្រុមអ្នកតវ៉ាបានរិះគន់លោក Netanyahu លើផែនការរដ្ឋាភិបាលសម្រាប់ការផ្លាស់ប្តូរប្រព័ន្ធតុលាការ

ចិននិយាយថា ការអះអាងដែលថាវីរុស COVID-19 លេចចេញពីមន្ទីរពិសោធន៍ប៉ះពាល់ដល់មុខមាត់អាមេរិកខ្លួនឯង

នគរបាល និងក្រុមបាតុករប៉ះទង្គិចគ្នានៅទីក្រុង Athens បន្ទាប់ពីបាតុកម្មប្រឆាំងប្រតិបត្តិកររថភ្លើង