BTV NEWS

សម្តេចតេជោ ហ៊ុន សែន ក្រើនរំលឹកដល់មន្រ្តីរាជការទាំងអស់ឲ្យបន្តយកចិត្តទុកដាក់បំពេញតួនាទីភារកិច្ចបម្រើជាតិ និងប្រជាជនឱ្យបានល្អប្រសើរ

សម្តេចតេជោ ណែនាំដល់មន្ត្រីរាជការ ក្រុមប្រឹក្សាខេត្ត ឃុំ សង្កាត់ បន្តយកចិត្តទុកដាក់បំពេញតួនាទីភារកិច្ចបម្រើជាតិ និងប្រជាជនឱ្យបានល្អប្រសើរ

សម្ដេចតេជោ ហ៊ុន សែន អញ្ជើញជួបសំណេះសំណាលជាមួយសមាជិក សមាជិកា ក្រុមប្រឹក្សាខេត្ត ក្រុង-ស្រុក ឃុំ-សង្កាត់ និងមន្ត្រី នៃមន្ទីរ-អង្គភាពនានា ក្នុងខេត្តកំពង់ស្ពឺ

TOP STORY | ក្រសួងព្រះបរមរាជវាំង៖ ព្រះរាជសុខភាព ព្រះមហាក្សត្រមានភាពប្រសើរជាបណ្តើរៗ ក្រុមគ្រូពេទ្យព្រះបរមរាជានុញ្ញាតថ្វាយព្រះអង្គយាងចេញពីមន្ទីរពេទ្យនៅថ្ងៃនេះ និងបន្តគង់ប្រថាប់នៅព្រះរាជដំណាក់រដ្ឋធានីប៉េកាំង ដើម្បីបន្តតាមដាន

ព័ត៌មានសំខាន់ៗ

រុស្ស៊ីនិយាយថា លោក Lavrov និងលោក Wang Yi ពុំបានពិភាក្សាពីផែនការសន្តិភាពរបស់ចិនទេ

រុស្ស៊ី៖ ទីក្រុង Moscow បាននិយាយថា ប្រមុខការទូតរុស្ស៊ីលោក Sergei Lavrov និងប្រធានការិយាល័យកិច្ចការបរទេស នៃគណៈកម្មាធិការមជ្ឈិមបក្សរបស់បក្សកុំហ្មុយនីសរបស់ចិនលោក Wang Yi ពុំបានពិភាក្សាពីផែនការសន្តិភាពរបស់ចិន ក្នុងការដោះស្រាយជម្លោះនៅក្នុងប្រទេសអ៊ុយក្រែនទេ នៅពេលប្រមុខទូតទាំង២ បានជួបគ្នាកាលពីថ្ងៃពុធ ទី២២កុម្ភៈសប្ដាហ៍នេះ។ លោក Wang ជាមន្ត្រីជាន់ខ្ពស់បំផុតរបស់ចិនដែលបានទៅទស្សនកិច្ចប្រទេសរុស្ស៊ីលើកដំបូង ចាប់តាំងពីសង្គ្រាមអ៊ុយក្រែនជិត ១ឆ្នាំមកនេះបានជួបលោកប្រធានាធិបតី Vladimir Putin និងលោក Lavrov ក្នុងជំនួបដាច់ដោយឡែកពីគ្នា ស្របពេលភាពមន្ទិលសង្ស័យថា តើភាគីទាំង២ នឹងពិភាក្សាពីផែនការសន្តិភាពរបស់ចិនសម្រាប់ជម្លោះអ៊ុយក្រែន ឬអត់។ លោក Putin និយាយថា ទំនាក់ទំនងដ៏សំខាន់រវាងរុស្ស៊ី និងចិននឹងធ្វើឲ្យស្ថានភាពអន្តរជាតិមានស្ថិរភាព។ អ្នកនាំពាក្យក្រសួងការបរទេសរុស្ស៊ីលោកស្រី Maria Zakharova បាននិយាយនៅក្នុងសេចក្ដីថ្លែងការណ៍ថា យើងបានដឹងសេចក្ដីថ្លែងការណ៍នានា ចេញដោយក្រុមអ្នកនយោបាយលោកខាងលិចមួយចំនួន និងសារព័ត៌មាននានាទាក់ទងនឹងផែនការសន្តិភាពរបស់ចិន។ តាមធម្មតាពួកគេមួលបង្កាច់រូបភាពពិត។ លោកស្រីបន្ថែមថា ដៃគូចិនបានប្រាប់យើងអំពីទស្សនៈរបស់ពួកគេទៅលើឫសគល់នៃវិបត្តិអ៊ុយក្រែន ព្រមទាំងមធ្យោបាយដោះស្រាយផ្នែកនយោបាយរបស់ខ្លួន។ ពុំមានផែនការណាផ្សេងទៀតទេ។ ប្រទេសរុស្ស៊ីកាលពីថ្ងៃពុធ ខ្លួនបានស្វាគមន៍ប្រទេសចិនដែលទទួលយកតួនាទីកាន់តែសកម្មថែមទៀត ក្នុងកិច្ចខិតខំប្រឹងប្រែងដោះស្រាយជម្លោះនៅអ៊ុយក្រែន និងនិយាយថា ខ្លួនបានផ្ដល់តម្លៃខ្ពស់ចំពោះមធ្យោបាយប្រកបដោយតុល្យភាពរបស់ចិន ដែលក្នុងនោះទីក្រុងប៉េកាំងបានបង្ហាញសញ្ញាពីការត្រៀមខ្លួនទទួលតួនាទីស្ថាបនា៕អត្ថបទ៖ សុខមាន

សម្ព័ន្ធមិត្តអ៊ុយក្រែនប្តេជ្ញាពង្រឹងប្រព័ន្ធការពារ ខណៈលោក Putin ពង្រឹងចំណងមិត្តភាពជាមួយប្រទេសចិន

ប៉ូឡូញ៖ លោកប្រធានាធិបតីអាមេរិក Joe Biden បានជួបមេដឹកនាំសម្ព័ន្ធណាតូ និងសហភាពអឺរ៉ុបនៅក្នុងទីក្រុង Warsaw កាលពីថ្ងៃពុធ ទី២២កុម្ភៈ ស្របពេលសម្ព័ន្ធយោធានេះប្ដេជ្ញាពង្រឹងប្រព័ន្ធការពារពីតំបន់សមុទ្របាល់ទិករហូតដល់សមុទ្រខ្មៅ ខណៈរុស្ស៊ីព្យាយាមផ្សាទំនាក់ទំនងកាន់តែជិតស្និទ្ធជាមួយប្រទេសចិន។ លោក Biden ដែលបច្ចុប្បន្ននេះបានចាកចេញពីរដ្ឋធានីរបស់ប៉ូឡូញ បានចូលរួមជំនួបជាមួយប្រមុខណាតូលោក Jens Stoltenberg និងប្រមុខដឹកនាំបណ្ដាប្រទេសនៅអឺរ៉ុបខាងកើត ដើម្បីប្រមូលការគាំទ្រជួយទីក្រុង Kyiv ជិតមួយឆ្នាំពេញ ក្រោយរុស្ស៊ីបានវាយលុកប្រទេសអ៊ុយក្រែន។ មេដឹកនាំប៊ុលហ្គារី សាធារណរដ្ឋឆែក អេស្តូនី ហុងគ្រី ឡាតវី លីទុយអានី ប៉ូឡូញ រ៉ូម៉ានី និងស្លូវ៉ាគីបានចូលរួមជំនួបនេះ ខណៈមានក្ដីបារម្ភខ្លាំងនៅក្នុងប្រទេសរបស់ខ្លួនថា ជម្លោះនៅអ៊ុយក្រែនអាចហៀរចូលដល់។ ប្រមុខសម្ព័ន្ធណាតូលោក Stoltenberg បានជំរុញសម្ព័ន្ធមិត្តឲ្យបង្កើនជំនួយដល់អ៊ុយក្រែនដោយនិយាយថា យើងមិនអាចបណ្ដោយឲ្យរុស្ស៊ីបន្តបង្កការប៉ះពាល់ដល់សន្តិសុខរបស់សហភាពអឺរ៉ុបទៀតឡើយ។ ស្របពេលជាមួយគ្នានោះដែរលោក Putin បានជួបពិភាក្សាជាមួយប្រធានការិយាល័យកិច្ចការបរទេស នៃគណៈកម្មាធិការមជ្ឈិមបក្សរបស់បក្សកុំហ្មុយនីសរបស់ចិនលោក Wang Yi ដែលកំពុងបំពេញទស្សនកិច្ចនៅទីក្រុង Moscow ក្រោយទីក្រុងវ៉ាស៊ីនតោន និងសម្ព័ន្ធយោធាណាតូបានបង្ហាញក្ដីបារម្ភថា ចិនអាចត្រៀមផ្គត់ផ្គង់អាវុធឲ្យទៅរុស្ស៊ី៕អត្ថបទ៖ សុខមាន

ក្មេងស្រីវ័យជាង ១១ ឆ្នាំម្នាក់ បានស្លាប់ដោយសារជំងឺផ្ដាសាយបក្សី

ភ្នំពេញ÷ នៅយប់ថ្ងៃទី២២ ខែកុម្ភៈ ឆ្នាំ២០២៣ នាយកដ្ឋានប្រយុទ្ធនឹងជំងឺឆ្លង នៃក្រសួងសុខាភិបាល បានឱ្យដឹង ថា មានការរកឃើញករណីជំងឺផ្តាសាយបក្សី H5N1 លើកុមារីអាយុ ១១ ឆ្នាំ ៦ខែ រស់នៅភូមិរលាំង ឃុំ រំលេច ស្រុកស៊ីធរកណ្តាល ខេត្តព្រៃវែង។ប្រភពដដែលឱ្យដឹងទៀតថា កុមារីចាប់ផ្ដើមឈឺនៅថ្ងៃទី១៦ ខែកុម្ភៈ ឆ្នាំ២០២៣ ដោយមានរោគសញ្ញាគ្រុនក្តៅ ៣៩ អង្សា C ព្រមទាំងមានក្អក និងឈឺ-ក។ ក្រោយព្យាបាលនៅមូលដ្ឋានមិនធូរស្រាល ដោ យកុមារីចាប់ផ្ដើមហត់ ក្រុមគ្រួសារក៏បានបញ្ជូនកុមារីនោះ ទៅព្យាបាលនៅមន្ទីរពេទ្យកុមារជាតិនៅភ្នំ ពេញ។នៅថ្ងៃទី២១ ខែកុម្ភៈ ឆ្នាំ២០២៣ គ្រូពេទ្យព្យាបាលបានយកវត្ថុសំណាកផ្ញើទៅវិទ្យាស្ថានជាតិសុខភាពសាធារណ: និងទទួលបានលទ្ធផលនៅថ្ងៃទី២២ ខែកុម្ភ: ឆ្នាំ២០២៣ ដោយបញ្ជាក់ថា មានវិជ្ជមានមេរោ គផ្តាសាយបក្សី H5N1។ ស្ថានភាពជំងឺធ្ងន់ធ្ងររបស់កុមារី បានបណ្ដាលឱ្យកុមារីរូបនោះបាត់បង់ជីវិតទៅហើយ។ នាយកដ្ឋានជំនាញក៏បានអំពាវនាវដល់សាធារណជនទាំងអស់ សូមកុំប៉ះពាល់សត្វឈឺ ឬងាប់ទាំងអ ស់ ទាំងបក្សីស្រុក និងបក្សីព្រៃ។ ក្នុងករណីសង្ស័យមានផ្ទុកជំងឺនេះ សូមពិគ្រោះយោបល់ជាមួយគ្រូពេទ្យ ឬ រាយការណ៍ទៅលេខ ១១៥៕ ដោយ៖ គង់ ឌិន

អ្នកជួយសង្គ្រោះប្រេស៊ីលស្វែងរកជនរងគ្រោះ បន្ទាប់ពីមានភ្លៀងធ្លាក់ខ្លាំង ខណៈអ្នកស្លាប់កើនដល់ ៤៦នាក់

ប្រេស៊ីល៖ ក្រុមអ្នកជួយសង្គ្រោះកំពុងស្វែងរកអ្នកនៅរស់រានមានជីវិតនៅក្នុងតំបន់ Juquehy ទីក្រុង Sao Paulo ក្នុងពេលមានការបំផ្លាញបណ្តាលមកពីភ្លៀងធ្លាក់ខ្លាំង។ លំនៅឋានមួយចំនួនត្រូវបានបំផ្លាញទាំងស្រុងដោយភ្លៀងធ្លាក់ និងបណ្តាលឱ្យបាក់ដី និងដើមឈើបាក់រលំ។ យោងតាមសេចក្តីថ្លែងការណ៍របស់រដ្ឋាភិបាលរដ្ឋបានឲ្យដឹងថា ចំនួនអ្នកស្លាប់បណ្តាលមកពីភ្លៀងធ្លាក់ខ្លាំងដែលបានបំផ្លាញតំបន់ឆ្នេរសមុទ្រនៅរដ្ឋ Sao Paulo ភាគអាគ្នេយ៍របស់ប្រទេសប្រេស៊ីលបានកើនឡើងដល់ ៤៦នាក់កាលពីថ្ងៃអង្គារ។ រដ្ឋាភិបាលបាននិយាយថា មនុស្សជិត ២,៥០០នាក់នៅតែត្រូវបានជម្លៀសចេញ ឬបាត់បង់ផ្ទះសម្បែងនៅភាគអាគ្នេយ៍ប្រទេសប្រេស៊ីល ខណៈការងារជួយសង្គ្រោះកំពុងបន្ត។ រូបភាពពីលើអាកាសបានបង្ហាញអំពីទំហំនៃការខូចខាតនៅតំបន់ឆ្នេរសមុទ្រនៃរដ្ឋ Sao Paulo។ ទីក្រុង Sao Sebastiao បានទទួលរងគ្រោះធ្ងន់ធ្ងរបំផុតដោយមានអ្នកស្លាប់រហូតដល់ ៤៣នាក់។ នៅតំបន់នោះគេបានឃើញលំនៅឋាន និងផ្លូវជាច្រើនកន្លែងត្រូវបានគ្របដណ្ដប់ដោយដីល្បាប់ ខណៈទិដ្ឋភាពពីលើអាកាសបង្ហាញពីកិច្ចខិតខំប្រឹងប្រែងជួយសង្គ្រោះ បន្ទាប់ពីការបំផ្លាញបណ្តាលមកពីបំណាក់ដី។ ទឹកជំនន់ក្នុងរដ្ឋ Sao Paulo ក្បែរឆ្នេរសមុទ្រគឺជាគ្រោះមហន្តរាយចុងក្រោយបង្អស់ ដែលបានកើតឡើងនាពេលថ្មីៗនេះនៅក្នុងប្រទេសប្រេស៊ីល ជាកន្លែងមានសំណង់តូចៗនៅតាមជើងភ្នំ៕អត្ថបទ៖ ប៊ុនថន

លោក Zelenskyy និយាយថា កងកម្លាំងអ៊ុយក្រែនកំពុងគ្រប់គ្រងជួរមុខ ទោះបីមានសម្ពាធខ្លាំងក៏ដោយ

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បាននិយាយកាលពីថ្ងៃអង្គារថា កងកម្លាំងអ៊ុយក្រែនកំពុងរក្សាបានទីតាំងរបស់ពួកគេនៅជួរមុខនៅភាគខាងកើតអ៊ុយក្រែន ទោះបីជាមានសម្ពាធខ្លាំងពីការវាយប្រហាររបស់រុស្ស៊ីជាបន្តបន្ទាប់ក៏ដោយ។ លោក Zelenskyy និយាយថា វាមានសារៈសំខាន់ខ្លាំង ទោះបីជាមានសម្ពាធយ៉ាងខ្លាំងមកលើកងកម្លាំងរបស់យើងក៏ដោយ សមរភូមិជួរមុខពុំបានផ្លាស់ប្តូរនោះទេ។ លោក Zelenskyy អះអាងថា កងកម្លាំងរុស្ស៊ីកំពុងរងការបាត់បង់គួរឱ្យភ្ញាក់ផ្អើលនៅក្នុងការវាយប្រហារឥតឈប់ឈរនៅក្នុងតំបន់ Donetsk និង Luhansk ដែលជាចំណុចសំខាន់នៃការប្រយុទ្ធគ្នា។ ទន្ទឹមនឹងនេះដែរ ប្រធានាធិបតីសហរដ្ឋអាមេរិកលោក Joe Biden ដែលទើបតែបានសន្យាថាគាំទ្រដល់អ៊ុយក្រែន ក្នុងដំណើរទស្សនកិច្ចដោយមិនបានប្រកាសជាមុនមកកាន់ទីក្រុង Kyiv បានស្នាក់នៅក្នុងប្រទេសប៉ូឡូញសម្រាប់កិច្ចខិតខំប្រឹងប្រែងរបស់ប្រទេសលោកខាងលិច ដើម្បីធានាបានថាទីក្រុង Kyiv នឹងឈ្នះសង្គ្រាម៕អត្ថបទ៖ ប៊ុនថន

UN និយាយថា ជនស៊ីវិលអ៊ុយក្រែនស្លាប់ដែលបានកត់ត្រា ៨ពាន់នាក់ ទំនងជាខ្ពស់ជាងនេះរាប់ពាន់នាក់

អ៊ុយក្រែន៖ ការិយាល័យសិទ្ធិមនុស្សអង្គការសហប្រជាជាតិបាននិយាយកាលពីថ្ងៃអង្គារថា ជនស៊ីវិលជាង ៨ពាន់នាក់ត្រូវបានគេកត់ត្រាថាបានស្លាប់នៅអ៊ុយក្រែន ចាប់តាំងពីរុស្ស៊ីបានវាយលុកក្នុងរយៈពេលជិតមួយឆ្នាំមកនេះ ប៉ុន្តែមានពលរដ្ឋរាប់ពាន់នាក់ទៀតត្រូវបានគេគិតថាបានស្លាប់។ អ្នកនាំពាក្យការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធមនុស្ស លោកស្រី Elizabeth Throssell និយាយថា ចំនួនអ្នកស្លាប់ចុងក្រោយបង្ហាញការកើនឡើងយ៉ាងច្រើន ពីចំនួនសរុបដែលបានចេញផ្សាយកាលពីដើមខែនេះ ដែលមានចំនួន ៧.១៩៩នាក់បានស្លាប់ចាប់តាំងពីការវាយលុកពេញលេញរបស់ទីក្រុងមូស្គូកាលពីថ្ងៃទី២៤ ខែកុម្ភៈ ឆ្នាំ២០២២ ហើយភាគច្រើនកើតឡើងនៅតំបន់ដែលមានប្រជាជនរស់នៅច្រើន។ លោកស្រី Matilda Bogner ប្រធានបេសកកម្មសិទ្ធិមនុស្សអង្គការសហប្រជាជាតិនៅអ៊ុយក្រែននិយាយថា លោកស្រីជឿថា ជនស៊ីវិលរាប់ពាន់នាក់ដែលបានស្លាប់ពុំត្រូវបានកត់ត្រាទុកនោះទេ ភាគច្រើននៅភាគខាងត្បូងទីក្រុង Mariupol របស់ប្រទេសអ៊ុយក្រែន ដែលបច្ចុប្បន្ននេះស្ថិតនៅក្រោមការគ្រប់គ្រងរបស់រុស្ស៊ី។ ការសរុបអ្នកស្លាប់របស់អង្គការសហប្រជាជាតិជាផ្លូវការ រួមទាំងជនស៊ីវិលស្លាប់ចំនួន ២០០០នាក់នៅទីក្រុង Mariupol ជាទីក្រុងមានប្រជាជនរស់នៅប្រមាណ ៤៥០.០០០នាក់ មុនពេលរុស្ស៊ីបានឡោមព័ទ្ធរយៈពេល ៣ខែ និងបានបំផ្លាញទីក្រុងនេះ។ រុស្ស៊ីបានបដិសេធថា ពុំបានដាក់គោលដៅទៅលើជនស៊ីវិលនោះទេ ជាអ្វីដែលខ្លួនចាត់ទុកថាជាប្រតិបត្តិការសឹកពិសេស៕អត្ថបទ៖ ប៊ុនថន

ការផ្អាកសន្ធិសញ្ញានុយក្លេអ៊ែររបស់រុស្ស៊ីនឹងនាំឲ្យអាមេរិកធ្លាក់ចូលយុគសម័យថ្មីនៃការគ្រប់គ្រងអាវុធ

រុស្ស៊ី៖ ការផ្អាកសន្ធិសញ្ញានុយក្លេអ៊ែរដ៏សំខាន់ចុងក្រោយរបស់លោកប្រធានាធិបតីរុស្ស៊ី Vladimir Putin ជាមួយសហរដ្ឋអាមេរិក បានកែប្រែប្រទេសទាំង២ ឈានទៅរកយុគសម័យងាយប្រឈមដាក់គ្នាថែមទៀតនៃអាវុធមហាប្រល័យ។ ការផ្អាកសន្ធិសញ្ញា New START នេះកំពុងបង្កក្ដីបារម្ភខ្លាំងនៃការរត់ប្រណាំងអាវុធថ្មី។ យោងតាមក្រុមអ្នកវិភាគផ្នែកសន្តិសុខអន្តរជាតិ ការគំរាមកំហែងនៃជម្លោះអាវុធនុយក្លេអ៊ែរនៅតែមានកម្រិតទាបនៅឡើយ ទោះបីមានសង្គ្រាមនៅអ៊ុយក្រែន ហើយនៅពេលនេះមានការផ្អាកសន្ធិសញ្ញាអាវុធជាយុទ្ធសាស្ត្រថ្មីក៏ដោយ។ ប៉ុន្តែការគំរាមផ្នែកអាវុធនុយក្លេអ៊ែរចុងក្រោយពីវិមានក្រឹមឡាំងនៅពេលនេះ បានបង្កើនក្ដីបារម្ភ និងការព្រួយបារម្ភកាន់តែខ្លាំងជាថ្មីថា ភាពតានតឹងទាំងនេះកំពុងរាលដាលគ្រប់គ្រងលែងបាន។ លោកស្រី Alicia Sanders-Zakre អ្នកសម្របសម្រួលគោលនយោបាយ និងស្រាវជ្រាវនៅក្រុមយុទ្ធនាការលុបបំបាត់នុយក្លេអ៊ែរអន្តរជាតិបាននិយាយថា នេះគឺជាទង្វើគ្រោះថ្នាក់ និងធ្វេសប្រហែសផ្ដើមចេញពីលោក Putin នៅពេលភាពតានតឹងបានហក់ឡើងដល់កម្រិតខ្ពស់បំផុតស្រាប់ទៅហើយនោះ។ លោកស្រីបន្ថែមថា នេះគឺជាការធ្វេសប្រហែស ទង្វើគ្មានការទទួលខុសត្រូវ និងគ្រោះថ្នាក់ចុងក្រោយបំផុតនៃការប្រើវោហារសាស្ត្រនុយក្លេអ៊ែរពីសំណាក់រុស្ស៊ី ដោយអំពាវនាវឲ្យមានការថ្កោលទោសជាសកលលើរាល់ការគំរាមប្រើប្រាស់អាវុធនុយក្លេអ៊ែរណាមួយ៕អត្ថបទ៖ សុខមាន

របាយការណ៍៖ លោក Xi Jinping គ្រោងទៅបំពេញទស្សនកិច្ចនៅរុស្ស៊ីសម្រាប់ជំនួបកំពូលជាមួយលោក Putin

ចិន៖ យោងតាមសារព័ត៌មាន Wall Street Journal ប្រធានាធិបតីចិនលោក Xi Jinping កំពុងត្រៀមទៅបំពេញទស្សនកិច្ចនៅទីក្រុង Moscow សម្រាប់ជំនួបកំពូលជាមួយលោកប្រធានាធិបតីរុស្ស៊ី Vladimir Putin ក្នុងពេលប៉ុន្មានខែខាងមុខនេះ។យោងតាមប្រភពពីក្រុមមនុស្សដឹងផែនការនេះ សារព័ត៌មាននេះបាននិយាយកាលពីថ្ងៃអង្គារថា ជំនួបកំពូលរវាងលោក Xi និងលោក Putin គឺជាផ្នែកមួយនៃកិច្ចខិតខំប្រឹងប្រែងរបស់ចិន ក្នុងការដើរតួនាទីកាន់តែសកម្មក្នុងការបញ្ចប់សង្គ្រាមដែលមានអាយុកាលមួយឆ្នាំមកនេះ និងជាផ្នែកមួយនៃការជំរុញឲ្យមានការចរចាសន្តិភាពចម្រុះភាគី។ ប្រភពខាងលើនេះបានបន្ថែមថា ចិនក៏នឹងប្រើជំនួបកំពូលនេះ ដើម្បីបញ្ជាក់ជាថ្មីនូវការអំពាវនាវផងដែរថា អាវុធនុយក្លេអ៊ែរមិនគួរត្រូវបានប្រើឡើយ។សារព័ត៌មាន Journal បាននិយាយថា ការត្រៀមសម្រាប់ដំណើរនេះគឺជាដំណាក់កាលដំបូង ហើយពេលវេលាជាក់លាក់មិនទាន់ត្រូវបានសម្រេចនៅឡើយទេ ដោយបន្ថែមថា ដំណើររបស់លោក Xi អាចកើតឡើងនៅខែមេសា ឬដើមខែឧសភា នៅពេលដែលរុស្ស៊ីប្រារព្ធទិវាជ័យជម្នះសង្គ្រាមលោកលើកទី២ របស់ខ្លួនលើរបបណាស៊ីអាល្លឺម៉ង់។ អ្នកការទូតជាន់ខ្ពស់ចិនលោក Wang Yi បច្ចុប្បន្នស្ថិតនៅក្នុងទីក្រុង Moscow ហើយត្រូវគេរំពឹងថានឹងជួបប្រមុខការទូតរុស្ស៊ីលោក Sergey Lavrov នៅថ្ងៃពុធនេះ។ ក្នុងដំណើរទស្សនកិច្ចទៅកាន់តំបន់អឺរ៉ុបលោក Wang បានបង្កើនការអំពាវនាវឲ្យមានដំណោះស្រាយបញ្ចប់សង្គ្រាមនៅអ៊ុយក្រែនដោយការចរចា៕អត្ថបទ៖ សុខមាន

លោក Biden កៀរគរសម្ព័ន្ធមិត្តគាំទ្រក្រុងគីវ ខណៈលោក Putin ផ្អាកកិច្ចព្រមព្រៀងនុយក្លេអ៊ែរជាមួយអាមេរិក

ប៉ូឡូញ៖ លោកប្រធានាធិបតីអាមេរិក Joe Biden បានកៀរគរសម្ព័ន្ធមិត្តណាតូនៅក្នុងប្រទេសប៉ូឡូញ ដោយអះអាងផ្ដល់ការគាំទ្រឥតងាករេសម្រាប់ទីក្រុង Kyiv ខណៈសមភាគីរុស្ស៊ីរបស់លោកគឺលោក Vladimir Putin បានប្រកាសផ្អាកតួនាទីរបស់ទីក្រុង Moscow ក្នុងសន្ធិសញ្ញាអាវុធនុយក្លេអ៊ែរជាមួយទីក្រុងវ៉ាស៊ីនតោន។ ក្នុងដំណើរទស្សនកិច្ចដ៏ភ្ញាក់ផ្អើលរបស់លោកទៅកាន់ប្រទេសអ៊ុយក្រែនថ្មីៗនេះ លោក Biden បានប្រើដំណើររបស់លោកកាលពីថ្ងៃអង្គារដើម្បីប្រមូលការគាំទ្រជួយអ៊ុយក្រែន ខណៈសង្គ្រាមនេះបានឈានចូលដល់ឆ្នាំទី២ ដោយគ្មានសញ្ញាបញ្ចប់។ លោក Biden បាននិយាយថា រយៈកាលមួយឆ្នាំមកនេះ ពិភពលោកបាននឹងកំពុងជួយកុំឲ្យទីក្រុង Kyiv ដួលរលំ។ ខ្ញុំអាចរាយការណ៍បានថា ទីក្រុង Kyiv នៅតែខ្លាំង ទីក្រុង Kyiv នៅតែមានមោទនភាព ទីក្រុងនេះនៅតែខ្ពស់ ហើយសំខាន់បំផុតនោះទីក្រុងនេះនៅតែមានសេរីភាព។ ការថ្លែងបែបនេះរបស់លោក Biden កើតឡើង ក្រោយជំនួបជាមួយសម្ព័ន្ធមិត្តណាតូ និងប្រធានាធិបតីប៉ូឡូញលោក Andrzej Duda ដែលអ្នកគាំទ្រដ៏រឹងមាំរបស់លោកខាងលិចចំពោះអ៊ុយក្រែន។ លោក Biden បានប្រកាសថា សម្ព័ន្ធយោធាណាតូរឹងមាំជាងមុន។ នៅក្នុងសុន្ទរកថាដ៏សំខាន់ស្ដីពីសង្គ្រាមនៅអ៊ុយក្រែនមានរយៈពេល ១ម៉ោង និង ៤៥នាទី លោកប្រធានាធិបតីរុស្ស៊ី Vladimir Putin បានប្រកាសថា ប្រទេសរបស់លោកនឹងផ្អាកការចូលរួមរបស់ខ្លួន ក្នុងសន្ធិសញ្ញាអាវុធនុយក្លេអ៊ែរចុងក្រោយជាមួយសហរដ្ឋអាមេរិក។ ទីក្រុង Moscow បាននិយាយកាលពីថ្ងៃអង្គារថា រុស្ស៊ីនឹងបន្តតាមដានការកំណត់ចំនួនក្បាលគ្រាប់នុយក្លេអ៊ែរដែលខ្លួនដាក់ពង្រាយក្រោមសន្ធិសញ្ញា New START ទោះបីមានការសម្រេចចិត្តផ្អាកកិច្ចព្រមព្រៀងក៏ដោយ៕អត្ថបទ៖ សុខមាន

សម្ដេចតេជោនៅតែបញ្ជាក់ថា ច្បាប់វិនិយោគនៅកម្ពុជាអនុញ្ញាតឲ្យអ្នកវិនិយោគបរទេសមកវិនិយោគ១០០%

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជានៅតែបញ្ជាក់ជូនភ្ញៀវបរទេសថា ច្បាប់វិនិយោគនៅកម្ពុជាគឺមានភាពអនុគ្រោះខ្លាំងណាស់ គឺបានអនុញ្ញាតឲ្យអ្នកវិនិយោគបរទេសមកវិនិយោគ ១០០% នៅកម្ពុជាហើយក៏អនុញ្ញាតឲ្យប្រើប្រាស់រូបិយបណ្ណបរទេសសម្រាប់ការបើកប្រាក់ខែជូនកម្មករផងដែរ។សម្តេចតេជោប្រមុខរាជរដ្ឋាភិបាលកម្ពុជា បានអញ្ជើញមានប្រសាសន៍យ៉ាងដូច្នេះ ក្នុងពេលអនុញ្ញាតឱ្យលោក រ៉េមី រីយូ(Rémy Rioux) អគ្គនាយកទីភ្នាក់ងារអភិវឌ្ឍន៍បារាំងចូលជួបសំដែងការគួរសមនិងពិភាក្សាការងារនៅវិមានសន្តិភាពនារសៀលថ្ងៃទី២១កុម្ភ:។ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោនាយករដ្ឋមន្ត្រី បានបញ្ជាក់ប្រាប់ដល់ក្រុមអ្នកសារព័ត៌មានថា លោក Rémy បានគោរពជម្រាបជូនសម្ដេចតេជោថា ដំណើរទស្សនកិច្ចរបស់លោកនិងគណៈប្រតិភូមកកាន់ព្រះរាជាណាចក្រកម្ពុជានៅពេលនេះ គឺដើម្បីចូលរួមខួប៣០ឆ្នាំ នៃវត្តមានរបស់ភ្នាក់ងារអភិវឌ្ឍន៍បារាំងនៅកម្ពុជាហើយដែលភ្នាក់ងារអភិវឌ្ឍន៍បារាំងរយៈពេល៣០ឆ្នាំនេះបានវិនិយោគប្រមាណ១ពាន់លានអឺរ៉ូ។ ទី១. ទៅលើវិស័យវប្បធម៌ ការងារជួសជុលអង្គរវត្ត ជួសជុលផ្សារថ្មី វិស័យទឹកស្អាត វិស័យកសិកម្ម និងវិស័យថាមពល។ទី២.ដាក់ឲ្យដំណើរការការងារដូចបានសន្យាជានយោបាយនៅទីក្រុងប៉ារីសនិងទី៣.សុំការតម្រង់ទិសអំពីសម្ដេចតេជោថាតើចង់ឲ្យភ្នាក់ងារអភិវឌ្ឍន៍បារាំងបន្តធ្វើអ្វីខ្លះទៀតនៅកម្ពុជា។ ឆ្លៀតក្នុងឱកាសនោះដែរ លោក Rémy ក៏បានជម្រាបជូនសម្ដេចតេជោអំពីការបើកសាខាបច្ចេកទេសទៅកម្ពុជា និងបង្កើនជំនួយដល់កម្ពុជាថែមទៀតជាមួយនឹងការជួយកម្ពុជាលើបណ្ដាញអគ្គិសនីសម្រាប់អគ្គិសនីកកើតឡើងវិញ។ជាការឆ្លើយតប សម្ដេចតេជោបានស្នើសុំឲ្យភ្នាក់ងារអភិវឌ្ឍន៍បារាំងបន្តជួយដល់កម្ពុជាលើចំណុចវិស័យអាទិភាពដែលបារាំងបាននឹងកំពុងជួយកម្ពុជាស្រាប់ នោះគឺការអភិវឌ្ឍន៍ធនធានមនុស្សការអភិវឌ្ឍវិស័យទឹកស្អាត ហេដ្ឋារចនាសម្ព័ន្ធ មានដូចជាផ្លូវនិងភ្លើង។ជាមួយគ្នានោះដែរ. សម្ដេចតេជោបានជម្រាបជូនលោករ៉េមី អំពីគោលនយោ បាយកសិកម្មរបស់កម្ពុជា ដែលក្នុងនោះ មានការជំរុញការកែច្នៃស្រូវសម្រាប់ការនាំចេញ ហើយពាក់ព័ន្ធនឹងចំណុចនេះ សម្ដេចបានជម្រាបជូនអំពីកង្វះខាតនូវម៉ាស៊ីនកិនស្រូវ ឃ្លាំងស្តុកស្រូវសម្រាប់ទិញកែច្នៃ និងនាំអង្ករចេញពីកម្ពុជា។សម្តេចបន្តថា គោលនយោបាយវិស័យកសិកម្មកម្ពុជាដែលកម្ពុជាចង់បានគឺឧស្សាហកម្មកែច្នៃសម្រាប់កែច្នៃវត្ថុធាតុដើមដែលកម្ពុជាមានស្រាប់និងឧស្សាហកម្មបច្ចេកវិទ្យា។សម្ដេចតេជោបានបន្ថែមថាច្បាប់វិនិយោគនៅកម្ពុជាគឺមានភាពអនុគ្រោះខ្លាំង គឺអនុញ្ញាតឲ្យអ្នកវិនិយោគបរទេសមកវិនិយោគ ១០០% នៅកម្ពុជាហើយក៏អនុញ្ញាតឲ្យប្រើប្រាស់រូបិយប័ណ្ណបរទេសសម្រាប់ការបើកប្រាក់ខែជូនកម្មករផងដែរ។ក្នុងន័យនេះ សម្ដេចបានលើកទឹកចិត្តឲ្យមានការវិនិយោគលើវិស័យកសិកម្មនិងឧស្សាហកម្មនេះផងដែរ។ជាទីបញ្ចប់ លោករ៉េមីបានគោរពជម្រាបជូនសម្ដេចតេជោថា លោកបានកត់ត្រាទុកនូវរាល់អ្វីដែលសម្ដេចបានចង្អុលបង្ហាញហើយលោកនឹងធ្វើអន្តរាគមន៍លើបញ្ហាទាំងនេះ៕

បណ្ដាញសង្គម

ព័ត៌មានថ្មីៗ

ក្រុមអន្តរាគមន៍បង្ក្រាបបទល្មើសចលនាសត្វ ឃាត់រថយន្តដឹកជ្រូក ១៧០ក្បាលមកពីប្រទេសឡាវ

ជនបរទេស ២,៦៧១នាក់ ត្រូវបានបណ្ដេញចេញពីកម្ពុជាពាក់ព័ន្ធករណី Online Scams និងបទល្មើសព្រហ្មទណ្ឌផ្សេងៗទៀត

គិតត្រឹមចុងខែមីនាឆ្នាំ២០២៦៖ រោងចក្រ សហគ្រាសកើនដល់ជាង ៤ម៉ឺន៧ពាន់ ផ្ដល់ការងាររាប់ម៉ឺនកន្លែង

លីបង់និយាយថា មនុស្ស ១៣នាក់ បានស្លាប់ នៅក្នុងការវាយប្រហាររបស់អ៊ីស្រាអែលនៅភាគខាងត្បូង

មន្ត្រីយោធាអ៊ីរ៉ង់និយាយថា សង្គ្រាមជាថ្មីជាមួយសហរដ្ឋអាមេរិក ទំនងជាកើតឡើង

នាយករដ្ឋមន្ត្រីអង់គ្លេសនិយាយថា ការដង្ហែក្បួនគាំទ្រប៉ាឡេស្ទីនមួយចំនួន អាចត្រូវបានហាមឃាត់

ការតវ៉ាផ្ទុះឡើងនៅទីក្រុង Pune ប្រទេសឥណ្ឌា ជុំវិញការចោទប្រកាន់ពីបទរំលោភ និងឃាតកម្មលើកុមារីអាយុ ៤ឆ្នាំ

រដ្ឋមន្ត្រីការបរទេសរុស្ស៊ី និងអ៊ីរ៉ង់ ពិភាក្សាអំពីសេរីភាពនៃការធ្វើនាវាចរណ៍ និងកម្មវិធីនុយក្លេអ៊ែររបស់អ៊ីរ៉ង់

របាយការណ៍៖ ការផ្ទុះគ្រាប់បែកដែលនៅសល់ពីការវាយប្រហារ បានសម្លាប់សមាជិកឆ្មាំបដិវត្តន៍អ៊ីរ៉ង់ចំនួន ១៤នាក់

អង្គការ WHO អំពាវនាវឲ្យមានការបញ្ចូលថ្នាំពេទ្យជាបន្ទាន់ទៅកាន់តំបន់ហ្កាហ្សា ដើម្បីកសាងសេវាសុខភាពឡើងវិញ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

រុស្ស៊ីនិយាយថា លោក Lavrov និងលោក Wang Yi ពុំបានពិភាក្សាពីផែនការសន្តិភាពរបស់ចិនទេ

សម្ព័ន្ធមិត្តអ៊ុយក្រែនប្តេជ្ញាពង្រឹងប្រព័ន្ធការពារ ខណៈលោក Putin ពង្រឹងចំណងមិត្តភាពជាមួយប្រទេសចិន

ក្មេងស្រីវ័យជាង ១១ ឆ្នាំម្នាក់ បានស្លាប់ដោយសារជំងឺផ្ដាសាយបក្សី

អ្នកជួយសង្គ្រោះប្រេស៊ីលស្វែងរកជនរងគ្រោះ បន្ទាប់ពីមានភ្លៀងធ្លាក់ខ្លាំង ខណៈអ្នកស្លាប់កើនដល់ ៤៦នាក់

លោក Zelenskyy និយាយថា កងកម្លាំងអ៊ុយក្រែនកំពុងគ្រប់គ្រងជួរមុខ ទោះបីមានសម្ពាធខ្លាំងក៏ដោយ

UN និយាយថា ជនស៊ីវិលអ៊ុយក្រែនស្លាប់ដែលបានកត់ត្រា ៨ពាន់នាក់ ទំនងជាខ្ពស់ជាងនេះរាប់ពាន់នាក់

ការផ្អាកសន្ធិសញ្ញានុយក្លេអ៊ែររបស់រុស្ស៊ីនឹងនាំឲ្យអាមេរិកធ្លាក់ចូលយុគសម័យថ្មីនៃការគ្រប់គ្រងអាវុធ

របាយការណ៍៖ លោក Xi Jinping គ្រោងទៅបំពេញទស្សនកិច្ចនៅរុស្ស៊ីសម្រាប់ជំនួបកំពូលជាមួយលោក Putin

លោក Biden កៀរគរសម្ព័ន្ធមិត្តគាំទ្រក្រុងគីវ ខណៈលោក Putin ផ្អាកកិច្ចព្រមព្រៀងនុយក្លេអ៊ែរជាមួយអាមេរិក

សម្ដេចតេជោនៅតែបញ្ជាក់ថា ច្បាប់វិនិយោគនៅកម្ពុជាអនុញ្ញាតឲ្យអ្នកវិនិយោគបរទេសមកវិនិយោគ១០០%

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

រុស្ស៊ី​និយាយថា លោក Lavrov និង​លោក Wang Yi ពុំបាន​ពិភាក្សា​ពី​ផែនការ​សន្តិភាព​របស់​ចិន​ទេ​

ក្មេងស្រីវ័យជាង ១១ ឆ្នាំម្នាក់ បានស្លាប់ដោយសារជំងឺផ្ដាសាយបក្សី

លោក Zelenskyy និយាយថា ​កងកម្លាំង​អ៊ុយ​ក្រែ​ន​កំពុង​គ្រប់គ្រង​ជួរមុខ ទោះបី​មាន​សម្ពាធ​ខ្លាំង​ក៏ដោយ

UN និយាយថា ​ជន​ស៊ីវិល​អ៊ុយ​ក្រែ​ន​ស្លាប់​ដែល​បាន​កត់ត្រា ​៨​ពាន់​នាក់ ទំនងជា​ខ្ពស់ជាង​នេះ​រាប់ពាន់នាក់

របាយការណ៍​៖​ លោក ​Xi Jinping គ្រោង​ទៅ​បំពេញ​ទស្សនកិច្ច​នៅ​រុស្ស៊ី​សម្រាប់​ជំនួប​កំពូល​ជាមួយ​លោក Putin

លោក Biden កៀរគរ​សម្ព័ន្ធមិត្ត​គាំទ្រ​ក្រុង​គី​វ ខណៈ​លោក Putin ផ្អាក​កិច្ចព្រមព្រៀង​នុយក្លេអ៊ែរ​ជាមួយ​អាមេរិក​

សម្ដេច​តេ​ជោនៅតែ​បញ្ជាក់ថា ​ច្បាប់​វិនិយោគ​នៅ​កម្ពុជា​អនុញ្ញាត​ឲ្យ​អ្នកវិនិយោគ​បរទេស​មក​វិនិយោគ​១០០%

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រុស្ស៊ីនិយាយថា លោក Lavrov និងលោក Wang Yi ពុំបានពិភាក្សាពីផែនការសន្តិភាពរបស់ចិនទេ

លោក Zelenskyy និយាយថា កងកម្លាំងអ៊ុយក្រែនកំពុងគ្រប់គ្រងជួរមុខ ទោះបីមានសម្ពាធខ្លាំងក៏ដោយ

UN និយាយថា ជនស៊ីវិលអ៊ុយក្រែនស្លាប់ដែលបានកត់ត្រា ៨ពាន់នាក់ ទំនងជាខ្ពស់ជាងនេះរាប់ពាន់នាក់

របាយការណ៍៖ លោក Xi Jinping គ្រោងទៅបំពេញទស្សនកិច្ចនៅរុស្ស៊ីសម្រាប់ជំនួបកំពូលជាមួយលោក Putin

លោក Biden កៀរគរសម្ព័ន្ធមិត្តគាំទ្រក្រុងគីវ ខណៈលោក Putin ផ្អាកកិច្ចព្រមព្រៀងនុយក្លេអ៊ែរជាមួយអាមេរិក

សម្ដេចតេជោនៅតែបញ្ជាក់ថា ច្បាប់វិនិយោគនៅកម្ពុជាអនុញ្ញាតឲ្យអ្នកវិនិយោគបរទេសមកវិនិយោគ១០០%