BTV NEWS

សម្តេចតេជោ ហ៊ុន សែន ក្រើនរំលឹកដល់មន្រ្តីរាជការទាំងអស់ឲ្យបន្តយកចិត្តទុកដាក់បំពេញតួនាទីភារកិច្ចបម្រើជាតិ និងប្រជាជនឱ្យបានល្អប្រសើរ

សម្តេចតេជោ ណែនាំដល់មន្ត្រីរាជការ ក្រុមប្រឹក្សាខេត្ត ឃុំ សង្កាត់ បន្តយកចិត្តទុកដាក់បំពេញតួនាទីភារកិច្ចបម្រើជាតិ និងប្រជាជនឱ្យបានល្អប្រសើរ

សម្ដេចតេជោ ហ៊ុន សែន អញ្ជើញជួបសំណេះសំណាលជាមួយសមាជិក សមាជិកា ក្រុមប្រឹក្សាខេត្ត ក្រុង-ស្រុក ឃុំ-សង្កាត់ និងមន្ត្រី នៃមន្ទីរ-អង្គភាពនានា ក្នុងខេត្តកំពង់ស្ពឺ

TOP STORY | ក្រសួងព្រះបរមរាជវាំង៖ ព្រះរាជសុខភាព ព្រះមហាក្សត្រមានភាពប្រសើរជាបណ្តើរៗ ក្រុមគ្រូពេទ្យព្រះបរមរាជានុញ្ញាតថ្វាយព្រះអង្គយាងចេញពីមន្ទីរពេទ្យនៅថ្ងៃនេះ និងបន្តគង់ប្រថាប់នៅព្រះរាជដំណាក់រដ្ឋធានីប៉េកាំង ដើម្បីបន្តតាមដាន

ព័ត៌មានសំខាន់ៗ

UN ថ្កោលទោសការវាយលុករបស់រុស្ស៊ីនៅមុនខួប ១ឆ្នាំនៃសង្រ្គាមអ៊ុយក្រែន

អាមេរិក៖ មហាសន្និបាទអង្គការសហប្រជាជាតិនៅក្នុងទីក្រុង New York បានគាំទ្រយ៉ាងច្រើនលើសលប់លើសេចក្ដីសម្រេច ថ្កោលទោសការវាយលុករបស់រុស្ស៊ីលើអ៊ុយក្រែនមួយឆ្នាំមកនេះ។ សេចក្ដីសម្រេចនេះបានអំពាវនាវឲ្យរុស្ស៊ីដកកងទ័ពចេញពីប្រទេសអ៊ុយក្រែន និងបញ្ឈប់ការវាយប្រយុទ្ធ។ ការសម្រេចនេះត្រូវបានគាំទ្រដោយប្រទេសចំនួន ១៤១ ខណៈមានប្រទេស ៣២អនុបវាទ និងប្រទេសចំនួន ៧ រួមទាំងរុស្ស៊ីខ្លួនឯងបោះឆ្នោតប្រឆាំង។ នៅក្នុងទីក្រុងវីយែន ប្រទេសអូទ្រីស ក្រុមគណៈប្រតិភូមួយចំនួនធំបានដើរចេញ អំឡុងការថ្លែងសុន្ទរកថារបស់រុស្ស៊ីនៅសម័យប្រជុំសភានៃអង្គការដើម្បីសន្តិសុខ និងកិច្ចសហប្រតិបត្តិក្នុងតំបន់អឺរ៉ុប។ ការដើរចេញនៅអង្គការដើម្បីសន្តិសុខ និងកិច្ចសហប្រតិបត្តិក្នុងតំបន់អឺរ៉ុប (OSCE) និងការបោះឆ្នោតនៅអង្គការសហប្រជាជាតិបានកើតឡើងមួយថ្ងៃ មុនខួបមួយឆ្នាំនៃការវាយលុក។ ការបោះឆ្នោតនៅអង្គការសហប្រជាជាតិនេះ បានអំពាវនាវឲ្យមានសន្តិសុខកាន់តែឆាប់តាមដែលអាចធ្វើទៅបាន។ សេចក្ដីសម្រេចនេះក៏បានបញ្ជាក់ពីការគាំទ្រជាថ្មីផងដែរ សម្រាប់អធិបតេយ្យភាព និងបូរណភាពទឹកដីរបស់អ៊ុយក្រែន ដោយច្រានចោលការអះអាងរបស់រុស្ស៊ីចំពោះការគ្រប់គ្រងផ្នែកជាច្រើននៅអ៊ុយកក្រែន។ ប្រទេសចិន ឥណ្ឌា អ៊ីរ៉ង់ និងអាហ្វ្រិកខាងត្បូងស្ថិតក្នុងចំណោមប្រទេសចំនួន៣២ ដែលបានបោះឆ្នោតអនុបវាទ៕អត្ថបទ៖ សុខមាន

សម្តេចតេជោ ហ៊ុន សែន អញ្ជើញជាអធិបតីប្រគល់សញ្ញាបត្រ ជូននិស្សិតសាកលវិទ្យាល័យ ភូមិន្ទភ្នំពេញជាង ៧ពាន់នាក់

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជាអធិបតីក្នុងពិធីប្រគល់សញ្ញាបត្រជូននិស្សិត សាកលវិទ្យាល័យ ភូមិន្ទភ្នំពេញជាង ៧ពាន់នាក់ បន្ទាប់ពីពួកគេបានបញ្ចប់ការសិក្សាដោយជោគជ័យ។និស្សិតជ័យលាភីដែលទទួលសញ្ញាបត្រនេះ មានថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ក្នុងឆ្នាំសិក្សា២០១៨-២០១៩ និងឆ្នាំសិក្សា២០១៩-២០២០ សរុបចំនួន ៧,០២១នាក់ នារី ៣,៧០១នាក់។ គិតចាប់តាំងពីឆ្នាំ១៩៨០ មកទល់ឆ្នាំសិក្សា២០១៩-២០២០ និស្សិតបាន បញ្ចប់ការសិក្សាសរុប ៥៤,៧០៦នាក់ (នារី ២០,៧៣៨នាក់)។ ក្នុងនោះមាននិស្សិត អាហារូបករណ៍ សរុប ១៩,៧៨៦នាក់ (នារី ៦,១៦១នាក់) និងនិស្សិតជ័យលាភីអាហារូបករណ៍សម្តេចតេជោ និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន សរុប ៩៧នាក់ (នារី ៦៣ នាក់)៕

ថ្ងៃទី២៤កុម្ភៈនេះជាខួបលើកទី៤៤ឆ្នាំនៃការជួបគ្នាឡើងវិញរវាងសម្ដេចតេជោនិងភរិយាជាមួយនឹងកូនប្រុស

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្រ្ដីនៃកម្ពុជា នៅព្រឹកថ្ងៃទី២៤ ខែកុម្ភៈនេះ បានចេញសារបញ្ជាក់ថា ថ្ងៃនេះ គឺជាខួបលើកទី៤៤ ឆ្នាំនៃការជួបគ្នាឡើងវិញរវាងខ្ញុំ និងសម្ដេចកិត្តិព្រឹទ្ធបណ្ឌិត ជាមួយនិងកូនប្រុសដែលមិនដែលបានស្គាល់មុខគ្នា (២៤កុម្ភៈ ១៩៧៩ ដល់ ២៤ កុម្ភៈ២០២៣) បន្ទាប់ពីការជួបគ្នាចុង ក្រោយនៅថ្ងៃ១៨ មិថុនា ១៩៧៧ មុន ២ ថ្ងៃដែល សម្ដេចចេញដឹកនាំការតស៊ូវាយពួកប៉ុល ពតនៅថ្ងៃ ២០មិថុនា១៩៧៧។សម្ដេចតេជោរម្លឹកថាសម្ដេច និងភរិយា ក៏ដូចជាប្រជាជនកម្ពុជានៅទូរទាំងប្រទេស សុទ្ធតែជួបរឿងប្រហាក់ប្រហែលគ្នានៅក្នុងរបបប៉ុល ពត។សម្ដេចបញ្ជាក់ថា ដើម្បីរម្លឹកដល់រឿងអតីកាល សម្ដេចបានចេញផ្សាយចេញនូវសៀវភៅគូព្រេងមិនព្រាត់ដែលអានដោយកញ្ញា ម៉ង់ ចាន់កញ្ញា តាម channel Telegram នេះ។សម្ដេចតេជោបានបញ្ជាក់ផងដែរថា channel telegram សម្ដេច ក៏នឹងចាក់ផ្សាយផងដែរ នូវខ្សែភាពយន្តភាគរឿងកូនប្រុសក្រោម ពន្លឺព្រះចន្ទពេញបូណ៍មីចាប់ពី២០ មិនា ២០២៣ ខាងមុខគឺផ្សាយក្រោយទូរទស្សន៍បាយ័នក្នុងរង្វង់មួយម៉ោងក្រោយ៕

សម្ដេចតេជោ៖ «រដ្ឋបាលថ្នាក់ក្រោមជាតិ គឺស្ថិតនៅក្រោមរាជរដ្ឋាភិបាល»

ភ្នំពេញ ៖ ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាបានប្រសាសន៍ថា រដ្ឋបាលថ្នាក់ក្រោមជាតិ គឺស្ថិតនៅក្រោមរាជរដ្ឋាភិបាល ហើយក្រសួងមហាផ្ទៃ មានតួនាទីទទួលមើលការខុសត្រូវតែប៉ុណ្ណោះ ដូច្នេះ សម្ដេចស្នើកុំឱ្យមានការភ័ន្តច្រឡំចំពោះការផ្ទេរតួនាទីដល់មន្រ្ដីនៅថ្នាក់ក្រោមជាតិ គឺមិនមែនជាភារកិច្ចរបស់ក្រសួងមហាផ្ទៃឡើយ។ សម្ដេចតេជោ ហ៊ុន សែន បានមានប្រសាសន៍បែបនេះក្នុងឱកាសអញ្ជើញជាអធិបតីក្នុងពិធីបិទសន្និបាតក្រសួងមហាផ្ទៃ ដែលពិធីនេះធ្វើឡើងនៅសណ្ឋាគារសុខា រាជធានីភ្នំពេញ នៅថ្ងៃទី២៣ ខែកុម្ភៈ ឆ្នាំ២០២៣។សម្ដេចតេជោ ហ៊ុន សែន បានអបអរសាទរលើសមិទ្ធផលការងារដែលក្រសួងមហាផ្ទៃសម្រេចបាននាពេលកន្លងមក។ សម្ដេចបានបញ្ជាក់ថា លទ្ធផលដែលក្រសួងមហាផ្ទៃខិតខំ សម្រេចបាន គឺការចូលរួមថែរក្សាស្ថេរភាពនយោបាយ និងសន្ដិភាព និងសន្ដិសុខណ្ដាប់ធ្នាប់នៅក្នុងប្រទេសជាតិបានល្អប្រសើរ។សម្ដេចតេជោ ហ៊ុន សែន បានអបអរសាទរលើសមិទ្ធផលការងារដែលក្រសួងមហាផ្ទៃសម្រេចបាននាពេលកន្លងមក។ សម្ដេចបានបញ្ជាក់ថា លទ្ធផលដែល ក្រសួងមហាផ្ទៃខិតខំ សម្រេចបាន គឺការចូលរួមថែរក្សាស្ថេរភាពនយោបាយ និងសន្ដិភាព និងសន្ដិសុខណ្ដាប់ធ្នាប់នៅក្នុងប្រទេសជាតិបានល្អប្រសើរ។សម្ដេចតេជោបានមានប្រសាសន៍ថាក្នុងឆ្នាំ២០២២ កន្លងទៅ ក្រសួងមហាផ្ទៃ បានខិតខំរៀបចំខិតបទដ្ឋាននានា ក្នុងនោះការអនុវត្ត ការងារកែទម្រង់ មជ្ឈការ និងវិសហមជ្ឈការ ក្រសួងមហាផ្ទៃបានខិតខំសហការជាមួយក្រសួង និងស្ថាប័នពាក់ព័ន្ធ បានសហការគ្នា ផ្ដល់សេវាសាធារណៈយ៉ាងល្អដល់ប្រជាពលរដ្ឋ។សម្ដេចតេជោ ហ៊ុន សែន បញ្ជាក់ថា នៅឆ្នាំ២០២៣នេះ កម្ពុជានឹងមានព្រឹត្តិការណ៍ប្រវត្តិសាស្រ្ដសំខាន់ៗ ដូចជាព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេម ២០២៣ ព្រឹត្តិការណ៍បោះឆ្នោតជាដើម ដូច្នេះសម្ដេចបានឱ្យក្រសួងមហាផ្ទៃត្រូវខិតខំសហការជាមួយភាគីពាក់ព័ន្ធរក្សានូវសុខសុវត្ថិភាព និងសន្ដិសុខសណ្ដាប់ធ្នាប់ សោភ័ណភាព អនាម័យ និងចរារណ៍ឱ្យបានល្អប្រសើរ៕ ដោយ ៖ ដារា

សម្ដេចតេជោឱ្យពិនិត្យការតែងតាំងស្រ្ដីជាភិបាលរងខេត្តឱ្យបានយ៉ាងតិច ២ទៅ ៣នាក់ក្នុង១ខេត្ត

ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានមានប្រសាសន៍ថា ដើម្បីឱ្យសមស្របទៅនឹងគោលនយោបាយ ក៏ដូចជាការប្ដេជ្ញាចិត្តរបស់កម្ពុជា ក្នុងការលើកកម្ពស់សិទ្ធិស្រ្ដីនៅក្នុងសង្គម សម្ដេចឱ្យពិនិត្យឡើងវិញចំពោះការតែងតាំងមន្រ្ដីនៅថ្នាក់ក្រោមជាតិ ជាពិសេសតួនាទីស្រ្ដីជាអភិបាលរងខេត្ត គឺឱ្យមានស្រ្ដីយ៉ាងតិច ២ទៅ ៣នាក់ក្នុង១ខេត្ត។សម្ដេចតេជោ ហ៊ុន សែន បានមានប្រសាសន៍បែបនេះក្នុងឱកាសអញ្ជើញជាអធិបតីក្នុងពិធីបិទសន្និបាតក្រសួងមហាផ្ទៃ ដែលពិធីនេះធ្វើឡើងនៅសណ្ឋាគារសុខា រាជធានីភ្នំពេញ នៅថ្ងៃទី២៣ ខែកុម្ភៈ ឆ្នាំ២០២៣។សម្ដេចតេជោមានប្រសាសន៍ថា បញ្ហាការតែងតាំងមនុស្សនៅឯមូលដ្ឋាននេះ បច្ចុប្បន្នរាជរដ្ឋាភិបាល បានរុញការងារឱ្យទៅថ្នាក់មូលដ្ឋានកាន់តែច្រើនឡើង។ ក្របខណ្ឌថ្នាក់ជាតិ ក៏បានធ្វើវិសោធនកម្មច្បាប់ដើម្បីបែងចែកអាសនៈដល់រាជធានី ខេត្ត និងផ្ដល់ការងាររឹតតែច្រើនដល់ថ្នាក់មូលដ្ឋានផងដែរ។សម្ដេចតេជោពិនិត្យឃើញថា បច្ចុបបន្ននេះការងារថ្នាក់ខេត្ត ថ្នាក់ស្រុក គឺនៅមានស្រ្ដីតិចតួចណាស់ ដូច្នេះសម្ដេចឱ្យមានការតែងតាំងស្រ្ដីជាអភិបាលរងយ៉ាងតិច២ទៅ៣ក្នុង១ខេត្ត។សម្ដេចបញ្ជាក់ថា៖«រដ្ឋាភិបាលបានផ្ដល់អំណាចដើម្បីឱ្យមូលដ្ឋានអាចជ្រើសរើស ប៉ុន្ដែ ការស្នើមកនោះ មិនមានការស្រ្ដីច្រើនឡើយ។ សម្ដេចបញ្ជាក់ថា មន្រ្ដីមូលដ្ឋានមិនគួរមានការខ្វះខាតស្រ្ដីនោះទេ។ គ្រូបង្រៀន សាស្រ្ដាចារ្យ គឺជាមូលដ្ឋានក្នុងការជ្រើសរើសជាអភិបាលរងខេត្ត ដែលការងារនេះអាចផ្លាស់ប្ដូរក្របខណ្ឌបាន»។សម្ដេចតេជោ ហ៊ុន សែនបន្តថា កាជ្រើសរើសមន្រ្ដីនេះ សម្ដេចស្នើឱ្យយកមន្រ្ដីក្របខណ្ឌស្រាប់ ដូចជាសាស្រ្ដាចារ្យ គ្រូបង្រៀន ថ្នាក់បរិញ្ញាបត្រ និងថ្នាក់ទី១២ បូក២ ជាដើម។ សម្ដេចបញ្ជាក់ថា បើចង់ឱ្យមានការលើកតំកើនស្រ្ដីនៅគ្រប់តួនាទី គឺត្រូវតែចូលរួមដោយខ្លួនឯងមន្រ្ដីនៅថ្នាក់មូលដ្ឋាន។ សម្ដេចបញ្ជាក់ថា ការផ្ដល់តួនាទីដល់ស្រ្ដីនេះក៏ត្រូវផ្ដល់ការងារផងដែរ៕ ដោយ ៖ ដារា

សម្តេចអគ្គមហាសេនាបតីតេជោ ហ៊ុន សែន អញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតត្រួតពិនិត្យលទ្ធផលការងារប្រចាំឆ្នាំក្រសួងមហាផ្ទៃ

ភ្នំពេញ៖ នៅរសៀលថ្ងៃទី២៣ ខែកុម្ភៈ ឆ្នាំ២០២៣នេះ សម្តេចតេជោ ហ៊ុន សែន នាយករដ្ឋមន្ត្រី បានអញ្ជើញជាអធិបតី ដ៏ខ្ពង់ខ្ពស់បំផុត ក្នុងពិធីបិទសន្និបាតត្រួតពិនិត្យលទ្ធផលការងារប្រចាំឆ្នាំ២០២២ និងលើកទិសដៅការងារឆ្នាំ២០២៣ របស់ក្រសួងមហាផ្ទៃ ។ពិធីនេះប្រារព្ធធ្វើនៅសណ្ឋាគាររ៉េស៊ីដង់ សុខាភ្នំពេញ ស្ថិតនៅក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ដោយមានការអញ្ជើញចូលរួមពី សម្តេច ឯកឧត្តម លោកជំទាវ ឧបនាយករដ្ឋមន្រ្តី ទេសរដ្ឋមន្រ្តី និងរដ្ឋមន្រ្តីក្រសួងស្ថាប័ននានា ព្រមទាំងថ្នាក់ដឹកនាំរបស់រាជរដ្ឋាភិបាល និងមន្រ្តីជាន់ខ្ពស់ គ្រប់លំដាប់ ថ្នាក់ របស់ក្រសួងមហាផ្ទៃ ក្រុមប្រឹក្សា អភិបាលរាជធានី-ខេត ព្រមទាំងស្នងការដ្ឋាននគរបាលរាជធានី-ខេត្ត ផងដែរ៕

អ៊ីស្រាអែលសម្លាប់ជនប៉ាឡេស្ទីនយ៉ាងតិច ១១នាក់នៅតំបន់ West Bank

អ៊ីស្រាអែល៖ ទាហានអ៊ីស្រាអែលបានឡោមព័ទ្ធអគារមួយកន្លែងក្នុងទីក្រុង Nablus តំបន់ West Bank ដែលត្រូវបានចូលគ្រប់គ្រង ជាភស្តុតាងចំពោះការបំផ្លាញក្នុងការប៉ះទង្គិចគ្នាខ្លាំងដែលបានកើតឡើង។ ក្នុងចំណោមអ្នកស្លាប់មានជនប៉ាឡេស្ទីន មានខ្មាន់កាំភ្លើងយ៉ាងហោចណាស់ ៣នាក់ និងជនស៊ីវិល ៣នាក់ ជាសរុបយ៉ាងហោចណាស់មនុស្ស ១១នាក់បានស្លាប់។ យោងតាមសាក្សី និងពេទ្យយោធាបានឲ្យដឹងថា ជនប៉ាឡេស្ទីនជាង ១០០នាក់ផ្សេងទៀតបានរងរបួស។ យោធាអ៊ីស្រាអែលបាននិយាយថា គ្មានអ្នកស្លាប់ និងរបួសជាជនជាតិអ៊ីស្រាអែលនោះទេ។ ក្រុមសកម្មប្រយុទ្ធប៉ាឡេស្ទីនបានបញ្ជាក់ថា មេបញ្ជាការក្រុមជីហាតអ៊ីស្លាម ២នាក់ត្រូវបានទាហានឡោមព័ទ្ធនៅលំនៅឋាន ដែលនោះបានបង្កឱ្យមានការប្រយុទ្ធគ្នា ហើយមេបញ្ជាការទាំងពីរនាក់ត្រូវបានសម្លាប់។ អ៊ីស្រាអែលបានបង្កើនការវាយឆ្មក់នៅតំបន់ West Bank ជាពិសេសក្រុង Nablus និងតំបន់ Jenin នៅក្បែរនោះក្នុងរយៈពេលមួយឆ្នាំចុងក្រោយនេះ បន្ទាប់ពីការវាយប្រហារនៅតាមដងផ្លូវដោយជនប៉ាឡេស្ទីន នៅក្នុងក្រុងជាច្រើនរបស់ខ្លួន។ ក្រសួងសុខាភិបាលប៉ាឡេស្ទីនបាននិយាយថា ជនប៉ាឡេស្ទីន ៦០នាក់រួមទាំងខ្មាន់កាំភ្លើង និងជនស៊ីវិលបានស្លាប់នៅក្នុងឆ្នាំ២០២៣ នេះ ខណៈអ៊ីស្រាអែលនិយាយថា ជនជាតិអ៊ីស្រាអែល ១០នាក់ និងភ្ញៀវទេសចរអ៊ុយក្រែនម្នាក់បានស្លាប់នៅក្នុងការវាយប្រហាររបស់ប៉ាឡេស្ទីនក្នុងអំឡុងពេលនោះ៕អត្ថបទ៖ ប៊ុនថន

បាញ់ប្រហារនៅរដ្ឋ Florida បណ្តាលឲ្យមនុស្ស ៣នាក់ស្លាប់ រួមទាំងបុគ្គលិកព័ត៌មានទូរទស្សន៍ម្នាក់

អាមេរិក៖ នគរបាលនិយាយថា អ្នករាយការណ៍ព័ត៌មានទូរទស្សន៍នៅទីក្រុង Orlando ម្នាក់ស្ថិតក្នុងចំណោមអ្នកស្លាប់នៅក្នុងការបាញ់ប្រហារនៅរដ្ឋ Florida ដែលបានបណ្តាលឲ្យមនុស្ស ៣នាក់ស្លាប់កាលពីថ្ងៃពុធ ខណៈកំពុងរាយការណ៍ពីការបាញ់ប្រហារមួយ។ អាជ្ញាធរនិយាយថា បុរសឈ្មោះ Keith Melvin Moses អាយុ ១៩ឆ្នាំត្រូវបានចាប់ខ្លួន និងចោទប្រកាន់ពីបទមនុស្សឃាតទាក់ទងនឹងការបាញ់ប្រហារកាលពីព្រឹកថ្ងៃពុធ។ Moses ត្រូវបានគេរំពឹងថានឹងត្រូវបានចោទប្រកាន់នៅក្នុងការបាញ់ប្រហារចំនួន ៤លើកផ្សេងទៀត រួមទាំងការសម្លាប់អ្នកសារព័ត៌មាន Spectrum News 13។ នគរបាលនិយាយថា Moses មានប្រវត្តិឧក្រិដ្ឋកម្មជាយូរមកហើយ ដែលរួមមានការចោទប្រកាន់ពីការប្រើប្រាស់កាំភ្លើង ការវាយប្រហារដោយហិង្សា និងការវាយប្រហារដោយអាវុធ៕អត្ថបទ៖ ប៊ុនថន

ព្យុះព្រិលដ៏ធំបង្ខំឲ្យបិទសាលារៀន និងជើងហោះហើរនៅក្នុងសហរដ្ឋអាមេរិក

អាមេរិក៖ ព្យុះរដូវរងាដ៏ធំបានបោកបក់លើតំបន់វាលទំនាបភាគខាងជើង និងតំបន់ Midwest ដែលមានខ្យល់ និងព្រិលធ្លាក់ខ្លាំងកាលពីថ្ងៃពុធ ដោយបង្ខំឲ្យបិទសាលារៀនរាប់រយកន្លែង ផ្អាកការហោះហើរ និងបង្កការលំបាកក្នុងការធ្វើចរាចរណ៍នៅក្នុងតំបន់មួយចំនួនរបស់សហរដ្ឋអាមេរិក។ មន្ទីរព្យាករណ៍អាកាសធាតុសហរដ្ឋអាមេរិកបាននិយាយថា ពលរដ្ឋអាមេរិកជាង ៥០លាននាក់ស្ថិតក្រោមការណែនាំឲ្យប្រុងប្រយ័ត្នពីអាកាសធាតុកាលពីព្រឹកថ្ងៃពុធ ខណៈព្យុះនេះបានបោកបក់ពាសពេញភាគខាងលិច និងខាងជើងរបស់សហរដ្ឋអាមេរិក និងចូលទៅដល់ភាគខាងកើត។ គេរំពឹងថា ព្រិលកម្រាស់ ៦០សង់ទីម៉ែត្រ និងខ្យល់កម្លាំង ៩៧គីឡូម៉ែត្រក្នុងមួយម៉ោងនឹងកើតមានអំឡុងថ្ងៃព្រហស្បតិ៍នេះ។ យោងតាមគេហទំព័រ Flightaware.com ព្យុះនេះបានរំខានដល់ការហោះហើរពេលព្រឹក។ ជើងហោះហើរចំនួន ៣.៥០០ ត្រូវបានពន្យារពេល ឬលុបចោលនៅទូទាំងប្រទេស។ ក្រុមអ្នកដំណើរនៅក្នុងអាកាសយានដ្ឋាន Chicago’s O’Hare ប្រឈមនឹងការពន្យារពេលជើងហោះហើរ ឬអាចលុបចោលតែម្ដង។ សេវាព្យាករណ៍អាកាសធាតុនិយាយថា ព្យុះនេះក៏បានបង្កឲ្យមានភ្លៀងធ្លាក់ចាប់ពីភាគកណ្ដាលនៃរដ្ឋ Iowa រហូតដល់ទីក្រុង Chicago និងចូលដល់ភាគខាងត្បូងរដ្ឋ Michigan។ ផ្លូវនានាដែលត្រូវបានក្រាលគ្របដោយព្រិល ក៏នឹងបង្កការរំខានដល់ការធ្វើដំណើរផងដែរនៅក្នុងតំបន់ Upper Midwest ទឹកកកបានគ្របដណ្ដប់លើបង្គោលភ្លើង និងបណ្ដាលឲ្យបាក់រលំដើមឈើបង្កឲ្យដាច់ចរន្តអគ្គិសនីកាលពីថ្ងៃពុធ និងនៅថ្ងៃព្រហស្បតិ៍នេះ៕អត្ថបទ៖ សុខមាន

ពលរដ្ឋស៊ីរីជាច្រើនមិនហ៊ានត្រឡប់ទៅលំនៅឋានវិញ ក្រោយការរញ្ជួយដីជាច្រើនលើក

ស៊ីរី៖ មនុស្សរាប់សិបគ្រួសារដែលបានភៀសខ្លួនចេញពីលំនៅឋាន រងការខូចខាតរបស់ពួកគេនៅក្នុងខេត្ត Idlib ក្រោយរញ្ជួយដីដ៏មហន្តរាយវាយប្រហារប្រទេសស៊ីរី និងទួរគី បានរកឃើញជម្រកមួយក្នុងចំណោមកន្លែងជាច្រើននៃអគាររៀបចំពិធីអាពាហ៍ពិពាហ៍ និងក្លឹបហែលទឹករបស់ទីក្រុងនេះ។ ដោយបង្កើតជាជំរំតង់មានពលរដ្ឋចំនួន ២១គ្រួសារបានចូលស្នាក់នៅ ប៉ុន្តែចំនួនអ្នកទៅរស់នៅកាន់តែច្រើនឡើង ក្រោយការរញ្ជួយដីជាថ្មីទៀតកាលពីថ្ងៃចន្ទ ទី២០កុម្ភៈដែលបានវាយប្រហារតំបន់ដដែល។ លោក Mohamed Abu Fayad ជាពលរដ្ឋស៊ីរីម្នាក់ដែលបានភៀសខ្លួនចេញពីសង្គ្រាមពីទីក្រុង Ghouta ខាងកើតទៅកាន់ខេត្ត Idlib បាននិយាយថា ដំបូងមានមនុស្សតែ ២១គ្រួសារទេស្មើនឹង ១១០នាក់ តែដោយសារមានការរញ្ជួយដីថ្មីទៀត អ្នកចូលមករស់នៅទីនេះបានឡើងដល់ ៤២គ្រួសារស្មើនឹង ១៨៥នាក់។ លោកថា ពេលមានមនុស្សកើនឡើងកាន់តែច្រើនធ្វើឲ្យការផ្គត់ផ្គង់ខ្វះខាត។ ការរញ្ជួយដីធ្ងន់ធ្ងរចំនួន ២លើកដែលបានវាយប្រហារប្រទេសទួរគីកាលពីថ្ងៃទី៦កុម្ភៈ ដែលបានអង្រួនប្រទេសជិតខាងគឺស៊ីរីដែលនោះបានបណ្ដាលឲ្យមនុស្សជាង ១លាននាក់បាត់បង់ផ្ទះសម្បែង និងអ្នកស្លាប់ខ្ពស់ជាងចំនួនផ្លូវការដែលបានបញ្ចេញចុងក្រោយប្រមាណ ៤៦.០០០នាក់នៅក្នុងប្រទេសទាំង២។ ២សប្ដាហ៍ក្រោយមកការរញ្ជួយតូចជាងមុនកម្រិត ៦.៣រ៉ិចទ័របានធ្វើឲ្យកក្រើកតំបន់ដដែលដែលបានបណ្ដាលឲ្យមនុស្ស ៦នាក់ស្លាប់ និងជាង ២០០នាក់រងរបួស។ អង្គការសុខភាពពិភពលោកបាននិយាយកាលពីថ្ងៃពុធថា ខ្លួនកំពុងដើរទៅមុខយ៉ាងឆាប់រហ័សជាមួយដៃគូរ ដើម្បីឆ្លៀតឱកាសពីការបន្ធូរបន្ថយទណ្ឌកម្មលើស៊ីរី ឲ្យជំនួយមនុស្សធម៌អាចចូលកាន់តែស្រួលទៅក្នុងប្រទេស ដែលហែកហួរដោយសង្គ្រាមមួយនេះក្រោយការរញ្ជួយដី៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ក្រុមអន្តរាគមន៍បង្ក្រាបបទល្មើសចលនាសត្វ ឃាត់រថយន្តដឹកជ្រូក ១៧០ក្បាលមកពីប្រទេសឡាវ

ជនបរទេស ២,៦៧១នាក់ ត្រូវបានបណ្ដេញចេញពីកម្ពុជាពាក់ព័ន្ធករណី Online Scams និងបទល្មើសព្រហ្មទណ្ឌផ្សេងៗទៀត

គិតត្រឹមចុងខែមីនាឆ្នាំ២០២៦៖ រោងចក្រ សហគ្រាសកើនដល់ជាង ៤ម៉ឺន៧ពាន់ ផ្ដល់ការងាររាប់ម៉ឺនកន្លែង

លីបង់និយាយថា មនុស្ស ១៣នាក់ បានស្លាប់ នៅក្នុងការវាយប្រហាររបស់អ៊ីស្រាអែលនៅភាគខាងត្បូង

មន្ត្រីយោធាអ៊ីរ៉ង់និយាយថា សង្គ្រាមជាថ្មីជាមួយសហរដ្ឋអាមេរិក ទំនងជាកើតឡើង

នាយករដ្ឋមន្ត្រីអង់គ្លេសនិយាយថា ការដង្ហែក្បួនគាំទ្រប៉ាឡេស្ទីនមួយចំនួន អាចត្រូវបានហាមឃាត់

ការតវ៉ាផ្ទុះឡើងនៅទីក្រុង Pune ប្រទេសឥណ្ឌា ជុំវិញការចោទប្រកាន់ពីបទរំលោភ និងឃាតកម្មលើកុមារីអាយុ ៤ឆ្នាំ

រដ្ឋមន្ត្រីការបរទេសរុស្ស៊ី និងអ៊ីរ៉ង់ ពិភាក្សាអំពីសេរីភាពនៃការធ្វើនាវាចរណ៍ និងកម្មវិធីនុយក្លេអ៊ែររបស់អ៊ីរ៉ង់

របាយការណ៍៖ ការផ្ទុះគ្រាប់បែកដែលនៅសល់ពីការវាយប្រហារ បានសម្លាប់សមាជិកឆ្មាំបដិវត្តន៍អ៊ីរ៉ង់ចំនួន ១៤នាក់

អង្គការ WHO អំពាវនាវឲ្យមានការបញ្ចូលថ្នាំពេទ្យជាបន្ទាន់ទៅកាន់តំបន់ហ្កាហ្សា ដើម្បីកសាងសេវាសុខភាពឡើងវិញ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

UN ថ្កោលទោសការវាយលុករបស់រុស្ស៊ីនៅមុនខួប ១ឆ្នាំនៃសង្រ្គាមអ៊ុយក្រែន

សម្តេចតេជោ ហ៊ុន សែន អញ្ជើញជាអធិបតីប្រគល់សញ្ញាបត្រ ជូននិស្សិតសាកលវិទ្យាល័យ ភូមិន្ទភ្នំពេញជាង ៧ពាន់នាក់

ថ្ងៃទី២៤កុម្ភៈនេះជាខួបលើកទី៤៤ឆ្នាំនៃការជួបគ្នាឡើងវិញរវាងសម្ដេចតេជោនិងភរិយាជាមួយនឹងកូនប្រុស

សម្ដេចតេជោ៖ «រដ្ឋបាលថ្នាក់ក្រោមជាតិ គឺស្ថិតនៅក្រោមរាជរដ្ឋាភិបាល»

សម្ដេចតេជោឱ្យពិនិត្យការតែងតាំងស្រ្ដីជាភិបាលរងខេត្តឱ្យបានយ៉ាងតិច ២ទៅ ៣នាក់ក្នុង១ខេត្ត

អ៊ីស្រាអែលសម្លាប់ជនប៉ាឡេស្ទីនយ៉ាងតិច ១១នាក់នៅតំបន់ West Bank

បាញ់ប្រហារនៅរដ្ឋ Florida បណ្តាលឲ្យមនុស្ស ៣នាក់ស្លាប់ រួមទាំងបុគ្គលិកព័ត៌មានទូរទស្សន៍ម្នាក់

ព្យុះព្រិលដ៏ធំបង្ខំឲ្យបិទសាលារៀន និងជើងហោះហើរនៅក្នុងសហរដ្ឋអាមេរិក

ពលរដ្ឋស៊ីរីជាច្រើនមិនហ៊ានត្រឡប់ទៅលំនៅឋានវិញ ក្រោយការរញ្ជួយដីជាច្រើនលើក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

UN ថ្កោលទោសការវាយលុករបស់រុស្ស៊ីនៅមុនខួប ១ឆ្នាំនៃសង្រ្គាមអ៊ុយក្រែន

សម្តេចតេជោ ហ៊ុន សែន អញ្ជើញជាអធិបតីប្រគល់សញ្ញាបត្រ ជូននិស្សិតសាកលវិទ្យាល័យ ភូមិន្ទភ្នំពេញជាង ៧ពាន់នាក់

ថ្ងៃទី២៤កុម្ភៈនេះជាខួបលើកទី៤៤ឆ្នាំនៃការជួបគ្នាឡើងវិញរវាងសម្ដេចតេជោនិងភរិយាជាមួយនឹងកូនប្រុស

សម្ដេចតេជោ៖ «រដ្ឋបាលថ្នាក់ក្រោមជាតិ គឺស្ថិតនៅក្រោមរាជរដ្ឋាភិបាល»

សម្ដេចតេជោឱ្យពិនិត្យការតែងតាំងស្រ្ដីជាភិបាលរងខេត្តឱ្យបានយ៉ាងតិច ២ទៅ ៣នាក់ក្នុង១ខេត្ត

អ៊ីស្រាអែល​សម្លាប់​ជន​ប៉ា​ឡេ​ស្ទី​ន​យ៉ាងតិច​ ១១​នាក់​នៅ​តំបន់ West Bank

បាញ់ប្រហារនៅរដ្ឋ Florida បណ្តាលឲ្យមនុស្ស ៣នាក់ស្លាប់ រួមទាំងបុគ្គលិកព័ត៌មានទូរទស្សន៍ម្នាក់

ព្យុះ​ព្រិល​ដ៏​ធំ​បង្ខំ​ឲ្យ​បិទ​សាលារៀន និង​ជើងហោះហើរ​នៅក្នុង​សហរដ្ឋអាមេរិក​

ពលរដ្ឋ​ស៊ី​រី​ជាច្រើន​មិន​ហ៊ាន​ត្រឡប់​ទៅ​លំនៅឋាន​វិញ ក្រោយ​ការរញ្ជួយ​ដីជាច្រើនលើក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អ៊ីស្រាអែលសម្លាប់ជនប៉ាឡេស្ទីនយ៉ាងតិច ១១នាក់នៅតំបន់ West Bank

ព្យុះព្រិលដ៏ធំបង្ខំឲ្យបិទសាលារៀន និងជើងហោះហើរនៅក្នុងសហរដ្ឋអាមេរិក

ពលរដ្ឋស៊ីរីជាច្រើនមិនហ៊ានត្រឡប់ទៅលំនៅឋានវិញ ក្រោយការរញ្ជួយដីជាច្រើនលើក