BTV NEWS

សម្តេចតេជោ ហ៊ុន សែន ក្រើនរំលឹកដល់មន្រ្តីរាជការទាំងអស់ឲ្យបន្តយកចិត្តទុកដាក់បំពេញតួនាទីភារកិច្ចបម្រើជាតិ និងប្រជាជនឱ្យបានល្អប្រសើរ

សម្តេចតេជោ ណែនាំដល់មន្ត្រីរាជការ ក្រុមប្រឹក្សាខេត្ត ឃុំ សង្កាត់ បន្តយកចិត្តទុកដាក់បំពេញតួនាទីភារកិច្ចបម្រើជាតិ និងប្រជាជនឱ្យបានល្អប្រសើរ

សម្ដេចតេជោ ហ៊ុន សែន អញ្ជើញជួបសំណេះសំណាលជាមួយសមាជិក សមាជិកា ក្រុមប្រឹក្សាខេត្ត ក្រុង-ស្រុក ឃុំ-សង្កាត់ និងមន្ត្រី នៃមន្ទីរ-អង្គភាពនានា ក្នុងខេត្តកំពង់ស្ពឺ

TOP STORY | ក្រសួងព្រះបរមរាជវាំង៖ ព្រះរាជសុខភាព ព្រះមហាក្សត្រមានភាពប្រសើរជាបណ្តើរៗ ក្រុមគ្រូពេទ្យព្រះបរមរាជានុញ្ញាតថ្វាយព្រះអង្គយាងចេញពីមន្ទីរពេទ្យនៅថ្ងៃនេះ និងបន្តគង់ប្រថាប់នៅព្រះរាជដំណាក់រដ្ឋធានីប៉េកាំង ដើម្បីបន្តតាមដាន

ព័ត៌មានសំខាន់ៗ

ប្រធានាធិបតីចិន៖ សហគមន៍វាសនារួមចិន-កម្ពុជានឹងត្រូវបានចារក្នុងទំព័រថ្មី

ភ្នំពេញ៖ ស្ថានទូតចិនប្រចាំកម្ពុជានៅថ្ងៃទី២៥ ខែកុម្ភៈ ឆ្នាំ២០២៣ បានឱ្យដឹងថា កាលពីថ្ងៃទី២៤ ខែកុម្ភៈ ឯកឧត្តម Xi Jinping ប្រធានាធិបតីចិន និងលោកជំទាវ Peng Liyuan បានចូលគាល់ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ និងសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល នៅឯ Yangyuanzhai នៃសណ្ឋាគាររដ្ឋ Diaoyutai។ ប្រភពដដែលបានឱ្យដឹងទៀតថា អំឡុងពេលចូលគាល់ព្រះករុណាព្រះមហាក្សត្រ និងសម្ដេចព្រះមហាក្សត្រីនេះ ឯកឧត្តមប្រធានាធិបតីចិនបានទូលស្វាគមន៍ព្រះករុណាព្រះមហាក្សត្រ និងសម្តេចព្រះមហាក្សត្រី ដែលព្រះអង្គទាំងទ្វេ បានស្ដេចយាងមកកាន់រដ្ឋធានីប៉េកាំងដើម្បីពិនិត្យព្រះរាជសុខភាព។ ឯកឧត្តមប្រធានាធិបតីមានប្រសាសន៍ថា ឯកឧត្តមមានក្តីសោមនស្សជាខ្លាំង ដែលរូបឯកឧត្ដម និងភរិយាបានចូលគាល់ព្រះអង្គទាំងទ្វេម្តងទៀតនាថ្ងៃនេះ។ ឯកឧត្ដមប្រធានាធិបតីបញ្ជាក់បន្ថែមថា ទីនេះគឺជាព្រះរាជដំណាក់របស់ព្រះអង្គទាំងទ្វេ សូមស្វាគមន៍ព្រះអង្គទាំងទ្វេយាងត្រឡប់មកកាន់ព្រះរាជដំណាក់វិញ។ ព្រះអង្គទាំងទ្វេតែងយកព្រះទ័យទុកដាក់លើស្ថានភាពនៅក្នុងប្រទេសចិន រូបឯកឧត្ដមក៏បានដឹងដែរថា សម្ដេចព្រះមហាក្សត្រីតែងសព្វព្រះរាជហឫទ័យ ទតកម្មវិធីព័ត៌មាននៃប្រទេសចិន។ ឯកឧត្ដមប្រធានាធិបតីបន្តថា បន្ទាប់ពីសមាជគណបក្សកុម្មុយនីស្តចិនលើកទី២០ ត្រូវបានរៀបចំរួច ព្រះករុណាព្រះមហាក្សត្របានសព្វព្រះរាជហឫទ័យ ប្រោសព្រះរាជទានព្រះរាជសារអបអរសាទរដល់ឯកឧត្តមផ្ទាល់។ ឯកឧត្តមជឿជាក់ថា សហគមន៍វាសនារួមរវាងចិន និងកម្ពុជានឹងត្រូវបានចារក្នុងទំព័រថ្មី អភិវឌ្ឍកាន់តែល្អប្រសើរឡើង ហើយចំណងមិត្តភាព«ដែកថែប» នឹងទទួលបានការអភិវឌ្ឍជាបន្តបន្ទាប់។ ព្រះករុណាព្រះមហាក្សត្រមានព្រះរាជបន្ទូលថា ព្រះអង្គសូមថ្លែងអំណរគុណយ៉ាងស្មោះជូនចំពោះឯកឧត្តមប្រធានាធិបតីចិន និងលោកជំទាវជាទីរាប់អាន សម្តេចព្រះមហាក្សត្រី និងព្រះអង្គផ្ទាល់មានកិត្តិយសយ៉ាងក្រៃលែង ដែលមានឱកាសជំនួបជាមួយឯកឧត្តមប្រធានាធិបតីចិន និងលោកជំទាវ។ ព្រះអង្គបានថ្លែងអំណរគុណដោយស្មោះ ចំពោះឯកឧត្តមប្រធានាធិបតីចិនដែលតែងផ្តល់ការគាំទ្រ និងជួយដល់ប្រទេសកម្ពុជាអស់រយៈពេលយូរមកហើយ៕អត្ថបទ៖ គង់ ឌិន

ប៉ូឡូញប្រគល់រថក្រោះ Leopard ដំបូងទៅឲ្យអ៊ុយក្រែន

ប៉ូឡូញ៖ ប្រទេសប៉ូឡូញបានប្រគល់រថក្រោះប្រយុទ្ធឡេភឺតជំនាន់ទី២ (Leopard 2) ដំបូងដល់អ៊ុយក្រែនកាលពីថ្ងៃសុក្រ ជាថ្ងៃខួប ១ឆ្នាំនៃការវាយលុកចូលអ៊ុយក្រែនរបស់រុស្ស៊ី។ នាយករដ្ឋមន្ត្រីប៉ូឡូញលោក Mateusz Morawiecki ដែលកំពុងបំពេញទស្សនកិច្ចនៅទីក្រុង Kyiv និងសមភាគីអ៊ុយក្រែនលោក Denys Shmyhal បានពិនិត្យមើលរថក្រោះ Leopard របស់អាល្លឺម៉ង់ចំនួន ៤គ្រឿងសម្រាប់ការដឹកជញ្ជូនដំបូងនៅទីតាំងដែលមិនត្រូវបានបង្ហាញនៅអ៊ុយក្រែន។ លោក Morawiecki បានប្រាប់ក្រុមទាហានអ៊ុយក្រែនដែលមានវត្តមាននៅទីតាំងនោះថា ទាហានយើងបាននាំយករថក្រោះ Leopard 2 ចំនួន ៤គ្រឿងដំបូងពីប្រទេសប៉ូឡូញ ដើម្បីឱ្យអ្នកបណ្តេញចេញទាហានឈ្លានពានរុស្ស៊ី ឱ្យបានកាន់តែឆាប់តាមដែលអាចធ្វើទៅបាន។ នៅក្នុងសន្និសីទសារព័ត៌មានរួមជាមួយប្រធានាធិបតីអ៊ុយក្រែនលោក Volodymyr Zelenskyy លោក Morawiecki បាននិយាយថា ប្រទេសប៉ូឡូញបានប្រគល់រថក្រោះ Leopard ចំនួន ៤គ្រឿងរួចហើយ ហើយបានរៀបចំដើម្បីដឹកជញ្ជូនបន្ថែមទៀតឱ្យបានកាន់តែលឿន។ ការប្តេជ្ញាចិត្តរបស់ទីក្រុងវ៉ាសាវីចំពោះប្រទេសជិតខាងខ្លួន គឺមានសារសំខាន់ក្នុងការបញ្ចុះបញ្ចូលសម្ព័ន្ធមិត្តអឺរ៉ុប ឱ្យជួយផ្តល់អាវុធធុនធ្ងន់ដល់អ៊ុយក្រែនរួមទាំងរថក្រោះ ជាចំណាត់ការមួយដែលប្រឆាំងដោយរដ្ឋាភិបាលមួយចំនួន រួមទាំងទីក្រុងប៊ែរឡាំងរហូតដល់ពេលថ្មីៗនេះ។ ប៉ូឡូញនិយាយកាលពីខែមុនថា ខ្លួនមានបំណងហ្វឹកហាត់សម្រាប់ទាហានអ៊ុយក្រែននៅលើការប្រើប្រាស់រថក្រោះ Leopard 2 រហូតដល់ប្រាំសប្តាហ៍៕អត្ថបទ៖ ប៊ុនថន

FATF បានបញ្ជាក់ជាផ្លូវការថា កម្ពុជាលែងស្ថិតក្នុងបញ្ជីនៃក្រុមប្រទេសខាងលាងលុយកខ្វក់ទៀតហើយ

ភ្នំពេញ៖ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នៅព្រឹកថ្ងៃទី២៥ ខែកុម្ភៈ ឆ្នាំ២០២៣ បានផ្សព្វផ្សាយនៅក្នុងហ្វេសប៊ុកផ្លូវការរបស់សម្ដេចថា បងប្អូនជនរួមជាតិជាទីគោរពស្រលាញ់ក្នុងនាមគណៈកម្មាធិការសម្របសម្រួលថ្នាក់ជាតិប្រឆាំងការសម្អាតប្រាក់ និងហិរញ្ញប្បទានភេរវកម្ម និងហិរញ្ញប្បទានដល់ការរីកសាយភាយអាវុធមហាប្រល័យ(គ.ស.ហ) ខ្ញុំសូមប្រកាសជម្រាបជូនថា ក្រុមការងារហិរញ្ញវត្ថុអន្តរជាតិប្រឆាំងការសម្អាតប្រាក់ហៅកាត់(FATF) បានបង្ហាញព័ត៌មានជាផ្លូវការលើគេហទំព័រ(Website)របស់ខ្លួន ដោយបញ្ជាក់ថា កម្ពុជាលែងស្ថិតនៅក្នុងបញ្ជីប្រផេះទៀតហើយ។ក្រៅពីបង្ហាញនូវព័ត៌មាននេះ សម្ដេចក្រឡាហោមក៏បានបង្ហាញនូវខ្លឹមសារបកប្រែជាភាសារខ្មែរ និងខ្លឹមសារជាភាសាអង់គ្លេសដែលបានបង្ហោះលើគេហទំព័រ FATF ផងដែរ។ ខ្លឹមសារដែលប្រកាសដោយ FATF បានបញ្ជាក់ជាផ្លូវការថា យុត្តាធិការក្រោមការបង្កើនការត្រួតពិនិត្យកំពុងដំណើរការយ៉ាងសកម្មជាមួយ FATF ដើម្បីដោះស្រាយការខ្វះខាតខាងយុទ្ធសាស្ត្រ នៅក្នុងរដ្ឋាភិបាលរបស់ពួកគេក្នុងការប្រយុទ្ធប្រឆាំង និងការសម្អាតប្រាក់ទាក់ទងនឹងហិរញ្ញប្បទានភេរវកម្ម និងហិរញ្ញប្បទានដែលចូលរួមចំណែកដល់ការរីកសាយភាយអាវុធនុយក្លេអ៊ែរ។ ប្រទេសថ្មីៗដែលស្ថិតនៅក្រោមកម្មវត្ថុនៃការបង្កើនការត្រួតពិនិត្យ រួមមានអាហ្វ្រិកខាងត្បូង និងនីហ្សេរីយ៉ា ខណៈប្រទេសកម្ពុជា និងម៉ារ៉ុកលែងជាកម្មវត្ថុនៃការត្រួតពិនិត្យបន្ថែមទៀតដោយ FATF ទៀតហើយ។អង្គការឃ្លាំមើលការលាងលុយ និងឧក្រិដ្ឋកម្មហិរញ្ញវត្ថុអន្តរជាតិហៅកាត់(FATF) ដែលមានមូលដ្ឋាននៅទីក្រុងប៉ារីស ប្រទេសបារាំង បានប្រកាសដកកម្ពុជាជាផ្លូវការចេញពី«បញ្ជីប្រផេះ»នៃក្រុមប្រទេសដែលមានហានិភ័យខាងលាងលុយកខ្វក់កាលពីថ្ងៃទី២៤ ខែកុម្ភៈ ឆ្នាំ២០២៣។ កម្ពុជាធ្លាប់ត្រូវបាន FATF ដាក់ឱ្យស្ថិតនៅក្នុង«បញ្ជីប្រផេះ»នៃក្រុមប្រទេសដែលមានហានិភ័យខាងលាងលុយកខ្វក់រយៈពេល ៤ឆ្នាំជាប់ៗគ្នាចាប់តាំងពីឆ្នាំ២០១៩ មក។ ថ្នាក់ដឹកនាំរាជរដ្ឋាភិបាលកម្ពុជាបានបង្ហាញការប្តេជ្ញាចិត្តជាបន្តបន្ទាប់ ចំពោះការប្រយុទ្ធប្រឆាំងនឹងការសម្អាតប្រាក់ និងហិរញ្ញប្បទានភេរវកម្ម និងហិរញ្ញប្បទានដល់ការរីកសាយភាយអាវុធមហាប្រល័យ។ កាលពីខែកក្កដា ឆ្នាំ២០២០ កម្ពុជាក៏បានចេញច្បាប់ស្តីពីការប្រឆាំងការសម្អាតប្រាក់ និងហិរញ្ញប្បទានភេរវកម្មផងដែរ។ ច្បាប់នេះមានគោលបំណងធានាប្រឆាំងការសម្អាតប្រាក់ និងហិរញ្ញប្បទានភេរវកម្ម ដោយកំណត់អំពីវិធានការត្រួតពិនិត្យ បង្ការ ទប់ស្កាត់ បង្ក្រាប និងលុបបំបាត់ការសម្អាតប្រាក់ និងហិរញ្ញប្បទានភេរវកម្ម៕ ដោយ៖ គង់ ឌិន

ក្រុមយុវជនសង្គមស៊ីវិលអំពាវនាវសារព័ត៌មានដែលប្រកាសឯករាជ្យចូលរួមថ្កោលទោសទណ្ឌិត សម រង្ស៊ី

ភ្នំពេញ៖ ក្រុមយុវជនសង្គមស៊ីវិលនៅថ្ងៃទី២៥ ខែកុម្ភៈ ឆ្នាំ២០២៣នេះ បានចេញលិខិតអំពាវនាវដល់សារព័ត៌មានដែលទទួលជំនួយបរទេសមួយចំនួនដែលតែងតែប្រកាសថា ឯករាជ្យនោះចូលរួមថ្កោលទោសទណ្ឌិត សម រង្ស៊ី ដែលបានប្រមាថយ៉ាងធ្ងន់ធ្ងរដល់ព្រះចេស្តាអង្គព្រះមហាក្សត្រ ជាម្លប់នៃប្រជារាស្ដ្រខ្មែរ។ក្រុមយុវជនសង្គមស៊ីវិលបានអំពាវនាវ ដល់ស្ថាប័នសារព័ត៌មានដែលទទួលជំនួយបរទេស ហើយតែងតែតាំងខ្លួនជាស្ថាប័នឯករាជ្យទាំងនោះ មេត្តាតាមដានព័ត៌មានអំពីទណ្ឌិត សម រង្ស៊ី ដែលបានប្រមាថព្រះចេស្តាអង្គព្រះមហាក្សត្រ ហើយគួរតែចូលរួមថ្កោលទោសទណ្ឌិត សម រង្ស៊ី ជាជាងអង្គុយយកពេលវេលាមានតម្លៃរបស់ខ្លួន មកប្រឌិតវាយប្រហារយុវជនសង្គមស៊ីវិលដែលឈប់គាំទ្រស្ថាប័នខ្លួនទៅវិញ។ ក្រុមយុវជនលើកឡើងថា ការបង្កើតព័ត៌មានតែមួយជ្រុង ហើយប្រឌិតផ្សេងៗ មិនអាចផ្តល់ផលប្រយោជន៍ជូនសង្គមជាតិបានទេ។ ម្យ៉ាងទៀតបែរជាបណ្ដុះការឈឺចាប់ និងភាពអយុត្តិធម៌សម្រាប់ក្រុមយុវជនសង្គមស៊ីវិលទៅវិញ ដោយគ្រាន់តែពួកគេឈប់ចូលរួមប្រឆាំង ឬមានទស្សនៈផ្សេងខុសពីស្ថាប័នព័ត៌មានខ្លួន រួចក៏ចាប់ផ្តើមវាយប្រហារក្រុមយុវជនសង្គមស៊ីវិលទាំងនោះ រូបភាពនេះហាក់បីដូចជាស្ថាប័នព័ត៌មានខាងលើកំពុងធ្វើវិធង្សនាមិនឱ្យយុវជនអង្គការ សមាគមផ្សេងទៀតឲ្យចេះស្រឡាញ់គ្នាក៏ដូចជាធ្វើការរួមគ្នាបាន។ក្រុមយុវជនបានចោទសួរថា តើសារព័ត៌មានទាំងនោះធ្វើក្នុងគោលបំណងអ្វី? យ៉ាងណាមិញការចូលរួមសាងទង្វើល្អផ្សព្វផ្សាយពីសមិទ្ធផលជាតិ និងតម្កល់ឧត្តមប្រយោជន៍ជាតិ គឺប្រសើរជាងការផ្សាយបំបែកបំបាក់ក្រុមយុវជននានា។ ក្រុមយុវជនស្នើទៅសារព័ត៌មានទាំងនោះបញ្ឈប់ការបង្ករឿងរ៉ាវផ្សេងៗ ហើយត្រូវផ្សព្វផ្សាយបង្រួបបង្រួមយុវជនឱ្យចេះស្រឡាញ់គ្នា និងអាចធ្វើការជាមួយគ្នាបានទើបយើងអាចបណ្ដុះស្មារតីអភិវឌ្ឍជាតិប្រកបដោយចីរភាព។ ក្រុមយុវជនលើកឡើងថា ក្នុងនាមជាប្រជានុរាស្ត្រខ្មែរគ្រប់ស្រទាប់វណ្ណៈមានការឈឺចាប់នៅពេលដែលមានអគតិជនម្នាក់ ប្រមាថព្រះមហាក្សត្រជាទីសក្ការៈដ៏ខ្ពង់ខ្ពស់នៃយើង។ ពួកគេអំពាវនាវម្តងហើយម្តងទៀតដល់សារព័ត៌មានដែលអះអាងថា ខ្លួនឯករាជ្យទាំងនោះចូលរួមថ្កោលទោសទណ្ឌិត សម រង្ស៊ី ដើម្បីការពារដល់ព្រះចេស្តាអង្គព្រះមហាក្សត្រ និងជាតិខ្មែរទាំងមូល៕អត្ថបទ៖ វ៉ន ដារ៉ា

ក្រសួងសុខាភិបាលប្រកាសរកឃើញករណីទី២ នៃជំងឺផ្ដាសាយបក្សី H5N1 (ជាឪពុកក្មេងស្រីដែលស្លាប់)

ភ្នំពេញ៖ ក្រសួងសុខាភិបាលប្រកាសរកឃើញករណីទី២ នៃជំងឺផ្តាសាយបក្សីH5N1 នៅខែកុម្ភៈ ឆ្នាំ២០២៣នេះ ក្នុងចំណោមករណីសង្ស័យ១២នាក់ នៅភូមិរលាំង ឃុំរំចេក ស្រុកស៊ីធរកណ្តាល ខេត្តព្រៃវែង គឺជាឪពុកក្មេងស្រីដែលស្លាប់ ដោយសារជំងឺនេះ។

លោក Zelenskyy និយាយថា ស្ថានភាពយោធានៅភាគខាងត្បូងអ៊ុយក្រែនពិតជាគ្រោះថ្នាក់ ខណៈខួប ១ឆ្នាំមកដល់

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy និយាយថា ស្ថានភាពយោធានៅភាគខាងត្បូងប្រទេសអ៊ុយក្រែនពិតជាមានគ្រោះថ្នាក់នៅទីតាំងមួយចំនួន ខណៈស្ថានភាពនៅភាគខាងកើតក៏មានការលំបាកខ្លាំង។ កងកម្លាំងគាំទ្រទីក្រុងមូស្គូបានបាញ់ផ្លោងម្តងទៀតនៅភាគខាងត្បូងទីក្រុង Kherson ដែលពេលនេះបានកាត់ផ្តាច់ថាមពលកម្តៅសម្រាប់ពលរដ្ឋ ៤ម៉ឺននាក់។ លោក Zelenskyy និយាយថា សម្រាប់ភាគខាងត្បូងនៅកន្លែងមួយចំនួនស្ថានភាពមានគ្រោះថ្នាក់ខ្លាំង ប៉ុន្តែកងទ័ពរបស់យើងមានមធ្យោបាយដើម្បីឆ្លើយតបទៅនឹងអ្នកឈ្លានពាន ខណៈមានការវាយប្រហារម្តងហើយម្តងទៀតដោយកងកម្លាំងរុស្ស៊ី ដែលកំពុងព្យាយាមដណ្តើមយកតំបន់ Donetsk និង Luhansk ភាគខាងកើត។ ទន្ទឹមនឹងនេះដែរ ពិធីមួយត្រូវបានរៀបចំឡើងនៅមូលដ្ឋានហ្វឹកហ្វឺននៅជិតទីក្រុង Salisbury ចក្រភពអង់គ្លេស ដើម្បីប្រារព្ធខួបមួយឆ្នាំចាប់តាំងពីរុស្ស៊ីបានឈ្លានពានអ៊ុយក្រែន។ ទាហានអ៊ុយក្រែន និងអង់គ្លេសបានតម្រង់ជួរដើម្បីទទួលពរជ័យពីបុព្វជិតនិកាយអូថូដុក (Orthodox) ជនជាតិអ៊ុយក្រែន។ នៅថ្ងៃសុក្រនេះគឺជាខួប ១ឆ្នាំចាប់តាំងពីការចាប់ផ្តើម ជាអ្វីដែលរុស្ស៊ីបានហៅថា «ប្រតិបត្តិការសឹកពិសេស» នៅក្នុងប្រទេសអ៊ុយក្រែន ខណៈជម្លោះនៅតែបន្តដែលបានឆក់យកជីវិតមនុស្សរាប់ម៉ឺននាក់ ហើយប្រជាជនអ៊ុយក្រែនរាប់លាននាក់ភៀសខ្លួនចេញ៕អត្ថបទ៖ ប៊ុនថន

ទេសរដ្ឋមន្រ្តី លី ធុជ ៖ ២៤ កុម្ភៈ គឺជាថ្ងៃសម្តែងនូវការសោកស្តាយ ចំពោះការបាត់បង់ជីវិត ពិការភាព និងបែកបាក់គ្រួសារ ដោយសារមីន និងសំណល់ជាតិផ្ទុះ

ក្រចេះ៖ ថ្ងៃទី២៤ ខែកុម្ភៈ ឆ្នាំ២០២៣នេះ ក្នុងនាម សម្តេចតេជោ ហ៊ុន សែន នាយករដ្ឋមន្រ្តី និងជាប្រធានអាជ្ញាធរមីន ឯកឧត្តម ទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន បានអញ្ជើញជាអធិបតីភាពក្នុងពិធីប្រារព្ធខួបលើកទី២៤ នៃទិវាជាតិយល់ដឹងអំពីមីន ២៤ កុម្ភៈ ក្រោមប្រធានបទ «យើងរួមគ្នាដើម្បីសហគមន៍គ្មានគ្រោះថ្នាក់ដោយសារមីន និងគ្រាប់មិនទាន់ផ្ទុះ» ប្រព្រឹត្តិទៅនៅវិមាន២ធ្នូ ដែលជាតំបន់ប្រវត្តិសាស្ត្រ នៃការបង្កើតចលនារណសិរ្សសាមគ្គីសង្គ្រោះជាតិ ឈានឆ្ពោះទៅការផ្តួលរំលំរបបប្រល័យពូជសាសន៍ខ្មែរក្រហម។ ពិធីនេះ មានការចូលរួមពីតំណាងក្រសួង-ស្ថាប័ន តំណាងប្រទេសម្ចាស់ជំនួយ តំណាងដៃគូអភិវឌ្ឍន៍ អង្គការជាតិ អន្តរជាតិ ប្រតិបត្តិករសកម្មភាពមីន អាជ្ញាធរដែនដី មន្រ្តីរាជការ កងកម្លាំងប្រដាប់អាវុធ ប្រជាពលរដ្ឋ លោកគ្រូ-អ្នកគ្រូ និងសិស្សានុសិស្សទាំងអស់។ឯកឧត្តម ទេសរដ្ឋមន្រ្តី លី ធុជ បានពាំនាំនូវការសាកសួរសុខទុក្ខយ៉ាងកក់ក្តៅ និងនឹករលឹកជាទីបំផុតពីសំណាក់ សម្តេចតេជោ នាយករដ្ឋមន្រ្តី និងសម្តេចកិត្តិព្រឹទ្ធិបណ្ឌិត ប្រធានកាកបាទក្រហមកម្ពុជា ផ្ញើជូនបងប្អូនប្រជាពលរដ្ឋខេត្តក្រចេះទាំងអស់ និងអង្គពិធីទាំងមូល។ឯកឧត្តម ទេសរដ្ឋមន្រ្តី បានលើកឡើងថា សារលិខិតរបស់ សម្តេចតេជោ នាយករដ្ឋមន្រ្តី ក្នុងឱកាសប្រារព្ធខួបលើកទី២៤ នៃទិវាជាតិយល់ដឹងអំពីមីន ២៤ កុម្ភៈ នេះ ពិតជាបានឆ្លុះបញ្ចាំងឲ្យឃើញកាន់តែច្បាស់អំពីកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ក្នុងការដោះស្រាយបញ្ហាមីន និងសំណល់ជាតិផ្ទុះពីសង្រ្គាម ក៏ដូចជាការទប់ស្កាត់ និងកាត់បន្ថយអត្រាគ្រោះថ្នាក់ដោយសារមីន/គ្រាប់មិនទាន់ផ្ទុះនៅតាមសហគមន៍។រាជរដ្ឋាភិបាលកម្ពុជា ក្រោមការដឹកនាំដ៏ម៉ឺងម៉ាត់បំផុត និងប្រកបដោយទស្សនវិស័យ របស់ សម្តេចតេជោ នាយករដ្ឋមន្រ្តី បានជំរុញឥតឈប់ឈរ ដល់កិច្ចខិតខំប្រឹងប្រែងនៅក្នុងសកម្មភាពមីន ព្រមទាំងបានដាក់ចេញនូវគោលដៅយ៉ាងច្បាស់លាស់ គឺ «កម្ពុជាមួយគ្មានមីនឆ្នាំ២០២៥» និងការដោះស្រាយហានិភ័យដែលនៅសេសសល់ពីសំណល់ជាតិផ្ទុះពីសង្រ្គាមក្រោយឆ្នាំ២០២៥ ដែលក្នុងនោះការដោះស្រាយផលប៉ះពាល់ដោយសារគ្រាប់បែកចង្កោម គឺជាការងារអាទិភាពទី២ដែលត្រូវដោះស្រាយ បន្ទាប់ពីការដោះស្រាយបញ្ហាមីន។ឯកឧត្តមទេសរដ្ឋមន្រ្តី បានគូសបញ្ជាក់បន្ថែមថា កសកម្មភាពអប់រំកាត់បន្ថយគ្រោះថ្នាក់ដោយសារមីន គ្រាប់បែកចង្កោម និងសំណល់ជាតិផ្ទុះពីសង្គ្រាម នៅតែជាកិច្ចការដ៏ចាំបាច់ និងដើរតួនាទីយ៉ាងសំខាន់ ក្នុងការកាត់បន្ថយគ្រោះថ្នាក់ និងផលប៉ះពាល់អវិជ្ជមាន ដោយសារគ្រឿងផ្ទុះទាំងនេះនៅតាមសហគមន៍ ដែលអាជ្ញាធរមីន សហការជាមួយប្រតិបត្តិករសកម្មភាពមីន និងភាគីពាក់ព័ន្ធ តែងតែយកចិត្តទុកដាក់ក្នុងលើកកម្ពស់ឲ្យប្រជាពលរដ្ឋយើងមានការយល់ដឹង និងមានការប្រុងប្រយ័ត្នខ្ពស់។លោកបន្តទៀតថា ដោយយល់ឃើញពីសារៈសំខាន់នេះ និងដើម្បីបន្តលើកកម្ពស់ការអប់រំស្តីពីគ្រោះថ្នាក់ដោយសារមីន គ្រាប់បែកចង្កោម និងសំណល់ជាតិផ្ទុះពីសង្គ្រាម តាមគ្រប់រូបភាព ទើបរាជរដ្ឋាភិបាលកម្ពុជារៀបចំឲ្យមាន ទិវាជាតិយល់ដឹងអំពីមីន ២៤ កុម្ភៈ ដែលបានប្រារព្ធធ្វើជារៀងរាល់ឆ្នាំ ចាប់ពីឆ្នាំ១៩៩៩ មក។ ថ្ងៃ២៤ កុម្ភៈ នេះជា៖- ថ្ងៃ ដែលយើងទាំងអស់គ្នា បានជួបជុំគ្នា ដើម្បីសម្តែងនូវការសោកស្តាយ ការអាណិតអាសូរ និងមានអារម្មណ៍ក្រៀមក្រំ ចំពោះការបាត់បង់ជីវិត ពិការភាព និងបែកបាក់គ្រួសារ ដែលបងប្អូនយើងបានរងគ្រោះដោយសារមីន និងសំណល់ជាតិផ្ទុះពីសង្រ្គាមនៅកម្ពុជា ក៏ដូចជានៅលើពិភពលោកទាំងមូល- ថ្ងៃ ដែលផ្តល់ការលើកទឹកចិត្តឲ្យយើងទាំងអស់គ្នា ធ្វើការបោសសម្អាតមីន និងសំណល់ជាតិផ្ទុះពីសង្រ្គាម ឲ្យអស់ពីទឹកដីកម្ពុជា និងពិភពលោកទាំងមូល- ថ្ងៃ ដែលយើងមានការប្តូរផ្តាច់ និងតាំងចិត្តរួមគ្នា ក្នុងការប្រយុទ្ធប្រឆាំងគ្រាប់មីន និងសំណល់ជាតិផ្ទុះពីសង្រ្គាម និង- ថ្ងៃ ដែលយើងសំណូមពរឲ្យបណ្តាប្រទេស ដែលផលិតគ្រាប់មីន គ្រាប់បែកចង្កោម និងសំណល់ជាតិផ្ទុះពីសង្រ្គាម ឈប់ផលិត និងឈប់ប្រើប្រាស់ទៀត។យើងទាំងអស់គ្នា ត្រូវរួមគ្នា ដើម្បីលប់បំបាត់ចោលឲ្យអស់នូវសោកនាដកម្មដ៏សែនឈឺចាប់ ដោយសារគ្រាប់មីន គ្រាប់បែកចង្កោម និងសំណល់ជាតិផ្ទុះពីសង្រ្គាម ពីទឹកដីកម្ពុជា និងពិភពលោកទាំងមូល។ ការអប់រំកាត់បន្ថយគ្រោះថ្នាក់ដោយសារមីន និងគ្រាប់មិនទាន់ផ្ទុះ គឺជាតួនាទីរបស់យើងទាំងអស់គ្នា៕

ចិនអំពាវនាវឲ្យមានបទឈប់បាញ់ និងការចរចារវាងរុស្ស៊ី-អ៊ុយក្រែន ខណៈសង្គ្រាមចូលដល់ឆ្នាំទី២

ចិន៖ ប្រទេសចិនដែលជាសម្ព័ន្ធមិត្តដ៏ជិតស្និទ្ធរបស់រុស្ស៊ី បានអំពាវនាវឲ្យមានបទឈប់បាញ់រវាងអ៊ុយក្រែន និងទីក្រុង Moscow និងបើកឲ្យមានការចរចាជាផ្នែកមួយនៃសំណើ ១២ចំណុចដើម្បីបញ្ចប់ជម្លោះនេះ។ ផែនការដែលបានបញ្ចេញនៅព្រឹកថ្ងៃព្រហស្បតិ៍នេះ ដោយក្រសួងការបរទេសចិនក៏បានជំរុញឲ្យបញ្ចប់ការដាក់ទណ្ឌកម្មរបស់លោកខាងលិចលើរុស្ស៊ីផងដែរ ជាវិធានការដើម្បីបញ្ជាក់ពីសុវត្ថិភាពនៃទីតាំងនុយក្លេអ៊ែរ ការបង្កើតឲ្យមានច្រករបៀងមនុស្សធម៌សម្រាប់ការជម្លៀសជនស៊ីវិល និងជំហានដើម្បីធានាបាននូវការនាំចេញគ្រាប់ធញ្ញជាតិ ក្រោយការផ្អាកដែលបានបណ្ដាលឲ្យតម្លៃស្បៀងអាហារសកលហក់ឡើងខ្ពស់។ ប្រទេសចិនតែងតែអះអាងមករហូតនូវអព្យាក្រឹត្យភាពរបស់ខ្លួនក្នុងជម្លោះនេះ ប៉ុន្តែពុំបានកំណត់ព្រំដែននៃទំនាក់ទំនងជាមួយរុស្ស៊ីទេ ហើយក៏បានពុំបានរិះគន់រុស្ស៊ីលើការវាយលុកចូលអ៊ុយក្រែនដែរ ខណៈចោទប្រកាន់បណ្ដាប្រទេសលោកខាងលិចពីបទបង្កជម្លោះ និងដុតបញ្ឆេះជម្លោះដោយការផ្ដល់អាវុធជាបន្តបន្ទាប់ឲ្យទៅអ៊ុយក្រែន។ ប្រទេសចិន និងរុស្ស៊ីបានពង្រឹងគោលនយោបាយបរទេសរវាងប្រទេសទាំង២ ដើម្បីប្រឆាំងសណ្ដាប់ធ្នាប់សន្តិសុខអន្តរជាតិសេរីនិយមដឹកនាំដោយសហរដ្ឋអាមេរិក។ អ្នកការទូតជាន់ខ្ពស់ចិនលោក Wang Yi បានបញ្ជាក់ជាថ្មីពីទំនាក់ទំនងរឹងមាំនៃប្រទេសទាំង២ នៅពេលលោកបានជួបលោកប្រធានាធិបតីរុស្ស៊ី Vladimir Putin អំឡុងដំណើរទស្សនកិច្ចទៅកាន់ទីក្រុង Moscow នៅសប្ដាហ៍នេះ៕អត្ថបទ៖ សុខមាន

កូរ៉េខាងជើងបាញ់មីស៊ីលតម្រង់គោលដៅយុទ្ធសាស្ត្រ ខណៈអាមេរិក និងកូរ៉េខាងត្បូងធ្វើសមយុទ្ធវាយប្រហារនុយក្លេអ៊ែរ

កូរ៉េខាងជើង៖ កូរ៉េខាងជើងបាននិយាយនៅថ្ងៃសុក្រនេះថា ខ្លួនធ្វើសមយុទ្ធបាញ់មីស៊ីលតម្រង់គោលដៅយុទ្ធសាស្ត្រដ៏កម្រ ខណៈសហរដ្ឋអាមេរិកបានប្រកាសថា ខ្លួនបានធ្វើលំហាត់សមក្នុងតួនាទីគ្រប់គ្រងគ្រាអាសន្នជាមួយកូរ៉េខាងត្បូង ផ្ដោតលើលទ្ធភាពនៃការប្រើប្រាស់អាវុធនុយក្លេអ៊ែរពីសំណាក់ទីក្រុងព្យុងយ៉ាង។ ការធ្វើសមយុទ្ធមីស៊ីល ដែលទីភ្នាក់ងារសារព័ត៌មានកណ្ដាលផ្លូវការកូរ៉េខាងជើងបាននិយាយថា បានកើតឡើងកាលពីព្រឹកថ្ងៃព្រហស្បតិ៍ដោយបានមើលឃើញមីស៊ីលយុទ្ធសាស្ត្រ Hwasal-2 ចំនួន ៤គ្រាប់ដែលមានសមត្ថភាពវាយប្រហារចំគោលដៅជាក់លាក់នៅក្នុងសមុទ្រជប៉ុន ក្រោយហោះហើររាងកោងចម្ងាយ ២.០០០គីឡូម៉ែត្រ និងហោះហើរ ៨គន្លងរយៈពេល ១៧០នាទី។ សារព័ត៌មាន KCNA បាននិយាយនៅក្នុងរបាយការណ៍មួយថា សមយុទ្ធនេះបានបង្ហាញយ៉ាងច្បាស់ជាថ្មីម្តងទៀត នូវជំហរសង្គ្រាមនៃកម្លាំងប្រយុទ្ធនុយក្លេអ៊ែររបស់កូរ៉េខាងជើង ដែលពង្រឹងនៅក្នុងគ្រប់មធ្យោបាយដែលមានសមត្ថភាពវាយបក ដោយនុយក្លេអ៊ែរដ៏សាហាវរបស់ខ្លួនប្រឆាំងនឹងកងកម្លាំងអរិភាព។ ជាធម្មតាការបាញ់មីស៊ីលរបស់កូរ៉េខាងជើងតែងត្រូវបានតាមដាន និងប្រកាសដោយប្រទេសជប៉ុន កូរ៉េខាងត្បូង និងសហរដ្ឋអាមេរិក។ ប៉ុន្តែចំពោះការបាញ់របស់កូរ៉េខាងជើងលើកចុងក្រោយនេះ ពុំទាន់មានការបញ្ជាក់ភ្លាមៗពីប្រទេសទាំង៣ នេះនៅឡើយទេ៕អត្ថបទ៖ សុខមាន

ក្រុមប្រទេស G7 រៃអង្គាសថវិកា ៣៩ពាន់លានដុល្លារជួយអ៊ុយក្រែនសម្រាប់ឆ្នាំ២០២៣

ឥណ្ឌា៖ លោក Shunichi Suzuki រដ្ឋមន្ត្រីហិរញ្ញវត្ថុជប៉ុននិយាយថា ក្រុមប្រទេស G7 កាលពីថ្ងៃព្រហស្បតិ៍បានរៃអង្គាសការគាំទ្រខាងសេដ្ឋកិច្ចជួយអ៊ុយក្រែនរហូតដល់ ៣៩ពាន់លានដុល្លារអាមេរិកសម្រាប់ឆ្នាំ២០២៣ នេះ និងបានជំរុញឲ្យកម្មវិធីមូលនិធិរូបិយវត្ថុអន្តរជាតិ ឬ IMF ជួយប្រទេសនេះរហូតដល់ដំណាច់ខែមីនា។ការសម្រេចចិត្តនេះបានកើតឡើង បន្ទាប់ពីកិច្ចប្រជុំថ្នាក់រដ្ឋមន្ត្រីហិរញ្ញវត្ថុរបស់ប្លុកនេះ និងទេសាភិបាលធនាគារកណ្ដាល មុនខួបមួយឆ្នាំដំបូងនៃសង្គ្រាមរុស្ស៊ីក្នុងប្រទេសអ៊ុយក្រែន។ ជម្លោះនេះនៅតែបន្តរីករាលដាល ទោះបីរងទណ្ឌកម្មពីបណ្ដាប្រទេសលោកខាងលិច ដើម្បីសម្លាប់កញ្ចប់លុយរបស់រុស្ស៊ីសម្រាប់ជួយដល់ប្រតិបត្តិការសឹកពិសេសរបស់ខ្លួនក៏ដោយ។ អ៊ុយក្រែនកំពុងសង្ឃឹមថានឹងរួមបញ្ចូលកម្មវិធី ១៥ពាន់លានដុល្លារជាមួយមូលនិធិរូបិយវត្ថុអន្តរជាតិ ដែលនឹងគ្របដណ្តប់ជំនួយហិរញ្ញវត្ថុភ្លាមៗ និងការគាំទ្រសម្រាប់កំណែទម្រង់រចនាសម្ព័ន្ធ ដើម្បីគាំទ្រដល់កិច្ចខិតខំប្រឹងប្រែងក្នុងការកសាងឡើងវិញក្រោយជម្លោះ។ប្រទេសជាសមាជិក G7 រួមមានចក្រភពអង់គ្លេស កាណាដា បារាំង អាល្លឺម៉ង់ អ៊ីតាលី ជប៉ុន និងសហរដ្ឋអាមេរិក។ មេដឹកនាំក្រសួងហិរញ្ញវត្ថុទាំងនោះបានជួបជុំគ្នានៅក្នុងទីក្រុង Bengaluru ប្រទេសឥណ្ឌា មុនជំនួបនៃបណ្ដាប្រមុខហិរញ្ញវត្ថុរបស់ប្រទេសជាសមាជិក G20៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ក្រុមអន្តរាគមន៍បង្ក្រាបបទល្មើសចលនាសត្វ ឃាត់រថយន្តដឹកជ្រូក ១៧០ក្បាលមកពីប្រទេសឡាវ

ជនបរទេស ២,៦៧១នាក់ ត្រូវបានបណ្ដេញចេញពីកម្ពុជាពាក់ព័ន្ធករណី Online Scams និងបទល្មើសព្រហ្មទណ្ឌផ្សេងៗទៀត

គិតត្រឹមចុងខែមីនាឆ្នាំ២០២៦៖ រោងចក្រ សហគ្រាសកើនដល់ជាង ៤ម៉ឺន៧ពាន់ ផ្ដល់ការងាររាប់ម៉ឺនកន្លែង

លីបង់និយាយថា មនុស្ស ១៣នាក់ បានស្លាប់ នៅក្នុងការវាយប្រហាររបស់អ៊ីស្រាអែលនៅភាគខាងត្បូង

មន្ត្រីយោធាអ៊ីរ៉ង់និយាយថា សង្គ្រាមជាថ្មីជាមួយសហរដ្ឋអាមេរិក ទំនងជាកើតឡើង

នាយករដ្ឋមន្ត្រីអង់គ្លេសនិយាយថា ការដង្ហែក្បួនគាំទ្រប៉ាឡេស្ទីនមួយចំនួន អាចត្រូវបានហាមឃាត់

ការតវ៉ាផ្ទុះឡើងនៅទីក្រុង Pune ប្រទេសឥណ្ឌា ជុំវិញការចោទប្រកាន់ពីបទរំលោភ និងឃាតកម្មលើកុមារីអាយុ ៤ឆ្នាំ

រដ្ឋមន្ត្រីការបរទេសរុស្ស៊ី និងអ៊ីរ៉ង់ ពិភាក្សាអំពីសេរីភាពនៃការធ្វើនាវាចរណ៍ និងកម្មវិធីនុយក្លេអ៊ែររបស់អ៊ីរ៉ង់

របាយការណ៍៖ ការផ្ទុះគ្រាប់បែកដែលនៅសល់ពីការវាយប្រហារ បានសម្លាប់សមាជិកឆ្មាំបដិវត្តន៍អ៊ីរ៉ង់ចំនួន ១៤នាក់

អង្គការ WHO អំពាវនាវឲ្យមានការបញ្ចូលថ្នាំពេទ្យជាបន្ទាន់ទៅកាន់តំបន់ហ្កាហ្សា ដើម្បីកសាងសេវាសុខភាពឡើងវិញ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ប្រធានាធិបតីចិន៖ សហគមន៍វាសនារួមចិន-កម្ពុជានឹងត្រូវបានចារក្នុងទំព័រថ្មី

ប៉ូឡូញប្រគល់រថក្រោះ Leopard ដំបូងទៅឲ្យអ៊ុយក្រែន

FATF បានបញ្ជាក់ជាផ្លូវការថា កម្ពុជាលែងស្ថិតក្នុងបញ្ជីនៃក្រុមប្រទេសខាងលាងលុយកខ្វក់ទៀតហើយ

ក្រុមយុវជនសង្គមស៊ីវិលអំពាវនាវសារព័ត៌មានដែលប្រកាសឯករាជ្យចូលរួមថ្កោលទោសទណ្ឌិត សម រង្ស៊ី

ក្រសួងសុខាភិបាលប្រកាសរកឃើញករណីទី២ នៃជំងឺផ្ដាសាយបក្សី H5N1 (ជាឪពុកក្មេងស្រីដែលស្លាប់)

លោក Zelenskyy និយាយថា ស្ថានភាពយោធានៅភាគខាងត្បូងអ៊ុយក្រែនពិតជាគ្រោះថ្នាក់ ខណៈខួប ១ឆ្នាំមកដល់

ចិនអំពាវនាវឲ្យមានបទឈប់បាញ់ និងការចរចារវាងរុស្ស៊ី-អ៊ុយក្រែន ខណៈសង្គ្រាមចូលដល់ឆ្នាំទី២

ក្រុមប្រទេស G7 រៃអង្គាសថវិកា ៣៩ពាន់លានដុល្លារជួយអ៊ុយក្រែនសម្រាប់ឆ្នាំ២០២៣

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ប្រធានាធិបតី​ចិន​៖ សហគមន៍​វាសនា​រួម​ចិន​-​កម្ពុជា​នឹងត្រូវ​បាន​ចារ​ក្នុង​ទំព័រ​ថ្មី

ប៉ូឡូញ​ប្រគល់​រថក្រោះ Leopard ដំបូង​ទៅ​ឲ្យ​អ៊ុយ​ក្រែ​ន

FATF បានបញ្ជាក់​ជា​ផ្លូវការ​ថា កម្ពុជា​លែង​ស្ថិតក្នុង​បញ្ជី​នៃ​ក្រុម​ប្រទេស​ខាង​លាងលុយកខ្វក់​ទៀតហើយ

ក្រុមយុវជន​សង្គម​ស៊ីវិល​អំពាវនាវ​សារព័ត៌មាន​ដែល​ប្រកាស​ឯករាជ្យ​ចូលរួម​ថ្កោលទោស​ទណ្ឌិត សម រង្ស៊ី

ក្រសួងសុខាភិបាលប្រកាសរកឃើញករណីទី២ នៃជំងឺផ្ដាសាយបក្សី H5N1 (ជាឪពុកក្មេងស្រីដែលស្លាប់)

លោក Zelenskyy​ និយាយថា ស្ថានភាព​យោធា​នៅ​ភាគខាងត្បូង​អ៊ុយ​ក្រែ​ន​ពិតជា​គ្រោះថ្នាក់ ​ខណៈ​ខួប ​១​ឆ្នាំ​មកដល់​

ក្រុម​ប្រទេស ​G7 រៃអង្គាស​ថវិកា​ ៣៩​ពាន់​លាន​ដុល្លារ​ជួយ​អ៊ុយ​ក្រែ​ន​សម្រាប់​ឆ្នាំ​២០២៣

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រធានាធិបតីចិន៖ សហគមន៍វាសនារួមចិន-កម្ពុជានឹងត្រូវបានចារក្នុងទំព័រថ្មី

ប៉ូឡូញប្រគល់រថក្រោះ Leopard ដំបូងទៅឲ្យអ៊ុយក្រែន

FATF បានបញ្ជាក់ជាផ្លូវការថា កម្ពុជាលែងស្ថិតក្នុងបញ្ជីនៃក្រុមប្រទេសខាងលាងលុយកខ្វក់ទៀតហើយ

ក្រុមយុវជនសង្គមស៊ីវិលអំពាវនាវសារព័ត៌មានដែលប្រកាសឯករាជ្យចូលរួមថ្កោលទោសទណ្ឌិត សម រង្ស៊ី

លោក Zelenskyy និយាយថា ស្ថានភាពយោធានៅភាគខាងត្បូងអ៊ុយក្រែនពិតជាគ្រោះថ្នាក់ ខណៈខួប ១ឆ្នាំមកដល់

ក្រុមប្រទេស G7 រៃអង្គាសថវិកា ៣៩ពាន់លានដុល្លារជួយអ៊ុយក្រែនសម្រាប់ឆ្នាំ២០២៣