BTV NEWS

សម្តេចធិបតី៖ ការធានាសុវត្ថិភាពព័ត៌មាន រក្សាព័ត៌មានសម្ងាត់របស់ជាតិ ក្នុងកាលៈទេសៈនៃវិបត្តិមិនមែនជាការរឹតត្បិតសេរីភាពខាងសារព័ត៌មាននោះទេ

សម្តេចធិបតី៖ការស្ទង់មតិឆ្លុះបញ្ចាំងឱ្យឃើញថាកម្ពុជាកំពុងពង្រឹងវិស័យព័ត៌មាន សេរីព័ត៌មាន និងការអភិវឌ្ឍវិជ្ជាជីវៈ

សម្តេចបវរធិបតីផ្តល់អនុសាសន៍ ៦ចំណុចដល់អ្នកសារព័ត៌មាន និងអ្នកផលិតមាតិកា ក្នុងឱកាសទិវាសេរីភាពសារព័ត៌មាន

សម្តេចតេជោ ហ៊ុន សែន ក្រើនរំលឹកដល់មន្រ្តីរាជការទាំងអស់ឲ្យបន្តយកចិត្តទុកដាក់បំពេញតួនាទីភារកិច្ចបម្រើជាតិ និងប្រជាជនឱ្យបានល្អប្រសើរ

ព័ត៌មានសំខាន់ៗ

សម្តេចតេជោ ហ៊ុន សែន ៖ ក្រិត្យក្រមធម្មជាតិ ឆ្នាំមុនបាត់បង់បងប្រុស ឆ្នាំនេះបាត់បង់ប្អូនថ្លៃស្រី

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី បង្ហោះសារខ្លីតាមរយៈផេកហ្វេសប៊ុកផ្លូវការនៅថ្ងៃនេះ បង្ហាញពីការសោកស្តាយចំពោះមរណភាពរបស់លោកជំទាវ ប៊ុន សុថា ប្អូនស្រីពៅរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងត្រូវជាប្អូនថ្លៃ ដោយបញ្ជាក់ពីខ្លឹមសារថា «ក្រិត្យក្រមធម្មជាតិឆ្នាំមុនបាត់បង់បងប្រុស ឆ្នាំនេះបាត់បង់ប្អូនថ្លៃស្រី។» លោកជំទាវ ប៊ុន សុថា ហៅ ប៊ុន សាមហ៊ឹង ត្រូវជាប្អូនស្រីពៅរបស់ សម្ដេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន បានទទួលមរណភាពនាថ្ងៃសុក្រ ទី០៣ ខែកុម្ភៈ ឆ្នាំ២០២៣នេះ វេលាម៉ោង១៨ និង១៣នាទី ក្នុងជន្មាយុ៦៧ឆ្នាំ ដោយរោគាពាធ។ សពតម្កល់ទុកធ្វើបុណ្យតាមប្រពៃណី នៅផ្ទះលេខ៦៦ ផ្លូវលេខ៥២៨ កែងនឹងផ្លូវលេខ២៨៥ សង្កាត់បឹងកក់ទី១ ខណ្ឌទួលគោ រាជធានីភ្នំពេញ។ សព នឹងដង្ហែទៅបញ្ចុះនៅវត្តបទុមវតី នៅថ្ងៃទី០៧ ខែកុម្ភៈ ឆ្នាំ២០២៣។

រដ្ឋមន្ត្រីការបរទេសរុស្ស៊ីនិយាយថា យើងចង់ឱ្យជម្លោះអ៊ុយក្រែនបញ្ចប់ ប៉ុន្តែកំពុងឆ្លើយតបទៅនឹងលោកខាងលិច

រុស្ស៊ី៖ រដ្ឋមន្ត្រីការបរទេសរុស្ស៊ីលោក Sergei Lavrov បាននិយាយកាលពីថ្ងៃព្រហស្បតិ៍ថា កងកម្លាំងរុស្ស៊ីនឹងឆ្លើយតបទៅនឹងការបញ្ជូនអាវុធរយៈចម្ងាយឆ្ងាយ របស់ប្រទេសលោកខាងលិចទៅកាន់ទីក្រុង Kyiv ដោយព្យាយាមរុញច្រានកងកម្លាំងអ៊ុយក្រែនឱ្យចេញឆ្ងាយពីព្រំដែនរបស់ខ្លួន ដើម្បីបង្កើតតំបន់ការពារសុវត្ថិភាព។ នៅក្នុងបទសម្ភាសន៍នៅលើបណ្តាញទូរទស្សន៍រដ្ឋលោក Lavrov បាននិយាយថា មនុស្សគ្រប់គ្នាចង់ឱ្យជម្លោះនៅអ៊ុយក្រែនដែលទីក្រុងមូស្គូចាត់ទុកថាជា «ប្រតិបត្តិការសឹកពិសេស» ត្រូវបញ្ចប់ ប៉ុន្តែការគាំទ្ររបស់ប្រទេសលោកខាងលិចចំពោះទីក្រុង Kyiv កំពុងដើរតួនាទីយ៉ាងសំខាន់ក្នុងរបៀបដែលរុស្ស៊ីខិតទៅរកយុទ្ធនាការមួយ។ មន្ត្រីអាមេរិកពីររូបបានប្រាប់សារព័ត៌មានរ៉យទ័រកាលពីថ្ងៃអង្គារថា ទីក្រុងវ៉ាស៊ីនតោនកំពុងរៀបចំកញ្ចប់ជំនួយយោធាថ្មីដែលមានតម្លៃ ២.២ពាន់លានដុល្លារ ដែលត្រូវបានគេរំពឹងថានឹងរួមមានទាំងគ្រាប់រ៉ុក្កែតរយៈចម្ងាយឆ្ងាយជាលើកដំបូងផងដែរ។ លោក Lavrov និយាយថា បច្ចុប្បន្ននេះ ប្រសិនបើយើងព្យាយាមផ្លាស់ទីកាំភ្លើងធំរបស់កងកម្លាំងប្រដាប់អាវុធអ៊ុយក្រែនត្រឡប់ទៅឆ្ងាយ មានន័យថា ពួកគេមិនអាចគំរាមកំហែងដល់ទឹកដីរបស់យើងបានទេ អាវុធរយៈចម្ងាយឆ្ងាយកាន់តែច្រើនដែលលោកខាងលិចផ្គត់ផ្គង់ដល់ទីក្រុង Kyiv នោះវានឹងត្រូវចេញឆ្ងាយពីទឹកដី ដែលជាផ្នែកមួយនៃប្រទេសរបស់យើង។ គ្រាប់រ៉ុក្កែតរយៈចម្ងាយឆ្ងាយ នឹងធ្វើឱ្យអ៊ុយក្រែនវាយលុកចូលកាន់តែជ្រៅទៅក្នុងទឹកដីដែលរុស្ស៊ីគ្រប់គ្រង ដែលអ៊ុយក្រែនបាននិយាយថា ខ្លួនមានផែនការដណ្តើមយកទឹកដីទាំងអស់របស់ខ្លួនមកវិញដោយកម្លាំង រួមទាំងឧបសម្ព័ន្ធតំបន់គ្រីមៀ៕អត្ថបទ៖ ប៊ុនថន

ពលរដ្ឋហៃទីសម្រុកទៅកាន់ទីភ្នាក់ងារអន្តោប្រវេសន៍ដែលមើលឃើញកម្មវិធីលើកលែងទោសរបស់អាមេរិក

ហៃទី៖ ប្រជាជនហៃទីដែលមានបំណងចូលទៅកាន់សហរដ្ឋអាមេរិក បានសម្រុកទៅកាន់ទីភ្នាក់ងារអន្តោប្រវេសន៍របស់ប្រទេសហៃទី ដោយសង្ឃឹមថា នឹងទទួលបានអត្ថប្រយោជន៍ពីកម្មវិធីលើកលែងទោសមនុស្សធម៌ថ្មី។ មនុស្សរាប់សិបនាក់បានប្រមូលផ្តុំគ្នា នៅការិយាល័យអន្តោប្រវេសន៍នៅក្នុងទីក្រុងព័រអូប្រាំង (Port-au-Prince) ដោយមានឯកសាររបស់ពួកគេនៅក្នុងដៃដើម្បីដាក់ពាក្យស្នើសុំកម្មវិធីមនុស្សធម៌ ដែលអនុញ្ញាតឱ្យជនអន្តោប្រវេសន៍រហូតដល់ ៣០,០០០នាក់មកពីប្រទេសគុយបា ហៃទី នីការ៉ាហ្គ័រ និងវេណេហ្ស៊ុយអេឡាចូលទៅកាន់សហរដ្ឋអាមេរិក។ កាលពីថ្ងៃទី៥ ខែមករា រដ្ឋបាលរបស់ប្រធានាធិបតីគណបក្សប្រជាធិបតេយ្យលោក Joe Biden បានប្រកាសថា ជនអន្តោប្រវេសន៍មកពីប្រទេសគុយបា ហៃទី និងនីការ៉ាហ្គ័រនឹងត្រូវបានបណ្តេញទៅកាន់ប្រទេសម៉ិកស៊ិក ដោយគ្មានឱកាសស្វែងរកសិទ្ធិជ្រកកោននៅសហរដ្ឋអាមេរិក។ នៅក្រោមកម្មវិធីថ្មីនេះ ជនអន្តោប្រវេសន៍រហូតដល់ ៣០,០០០នាក់មកពីប្រទេសគុយបា ហៃទី នីការ៉ាហ្គ័រ និងវេណេហ្ស៊ុយអេឡាអាចចូលមកសហរដ្ឋអាមេរិកក្នុង ១ខែជាមួយនឹងការលើកលែងទោសមនុស្សធម៌ បណ្តោះអាសន្នរយៈពេលពីរឆ្នាំ។ ពលរដ្ឋម្នាក់ដែលប្រាថ្នាចង់ធ្វើអន្តោប្រវេសន៍ទៅកាន់សហរដ្ឋអាមេរិកបាននិយាយថា លោកបានព្យាយាមអស់រយៈពេល ៣សប្តាហ៍មកហើយដើម្បីដាក់ពាក្យស្នើសុំរបស់លោក។ រដ្ឋបាលសហរដ្ឋអាមេរិកបាននិយាយកាលពីសប្តាហ៍មុនថា ចំនួនជនអន្តោប្រវេសន៍មកពីប្រទេសគុយបា ហៃទី នីការ៉ាហ្គ័រ និងវេណេហ្ស៊ុយអេឡា ដែលបានឆ្លងកាត់ព្រំដែនអាមេរិក-ម៉ិកស៊ិកបានធ្លាក់ចុះយ៉ាងខ្លាំងចាប់តាំងពីខែធ្នូដល់ខែមករា បន្ទាប់ពីមានច្បាប់ថ្មី៕អត្ថបទ៖ ប៊ុនថន

ចិនខឹងសម្បារចំពោះកិច្ចព្រមព្រៀងអាមេរិក-ហ្វីលីពីនលើមូលដ្ឋានកងទ័ព

ចិន៖ សហរដ្ឋអាមេរិក និងប្រទេសហ្វីលីពីនកាលពីថ្ងៃព្រហស្បតិ៍បានប្រកាសថា កងកម្លាំងអាមេរិកនឹងអាចចូលទៅកាន់មូលដ្ឋានយោធាថ្មីចំនួន ៤ នៅក្នុងប្រទេសកោះប៉ាស៊ីហ្វិកដោយពង្រីកទីតាំងដ៏រឹងមាំ ខណៈទីក្រុងវ៉ាស៊ីនតោនកំពុងស្វែងរកការទប់ទល់ជាមួយប្រទេសចិននៅក្នុងតំបន់។ រដ្ឋមន្ត្រីក្រសួងការពារជាតិអាមេរិកលោក Lloyd Austin ស្ថិតនៅទីក្រុងម៉ានីលបានជួបសមភាគីហ្វីលីពីន និងបានសាទរចំពោះកិច្ចព្រមព្រៀងនេះជាវិធានការសន្តិសុខសំខាន់។ យើងបានពិភាក្សាអំពីសកម្មភាពជាក់ស្តែង ដើម្បីដោះស្រាយសកម្មភាពអស្ថិរភាពនៅក្នុងដែនទឹកជុំវិញប្រទេសហ្វីលីពីន រួមទាំងសមុទ្រហ្វីលីពីនភាគខាងលិច។ យើងនៅតែប្តេជ្ញាពង្រឹងសមត្ថភាពទៅវិញទៅមករបស់យើង ដើម្បីទប់ទល់នឹងការវាយប្រហារប្រដាប់អាវុធ។ ចំណាត់ការនេះធ្វើឡើងក្នុងពេលមានការព្រួយបារម្ភកាន់តែខ្លាំងឡើង ជុំវិញការបង្កើនការអះអាងរបស់ចិននៅសមុទ្រចិនខាងត្បូងដែលមានជម្លោះ និងភាពតានតឹងជុំវិញបញ្ហាកោះស្វ័យការពារតៃវ៉ាន់។ អ្នកនាំពាក្យក្រសួងការបរទេសចិនកាល ពីថ្ងៃព្រហស្បតិ៍បាននិយាយប្រឆាំងថា អាមេរិកនឹងត្រូវដាក់កំហុស ចំពោះការកើនឡើងភាពតានតឹងនៅក្នុងតំបន់ និងបាននិយាយថា ការចូលទៅកាន់មូលដ្ឋានកងទ័ពប្រទេសហ្វីលីពីនធ្វើឱ្យប៉ះពាល់ដល់សន្តិភាព និងស្ថិរភាពក្នុងតំបន់។ ដំណើរទស្សនកិច្ចរបស់លោក Austin ទៅកាន់ប្រទេសហ្វីលីពីន បន្ទាប់ពីដំណើរទស្សនកិច្ចទៅកាន់សម្ព័ន្ធមិត្តសំខាន់ ប្រទេសកូរ៉េខាងត្បូង។ នៅសប្តាហ៍នេះកងកម្លាំងសហរដ្ឋអាមេរិក និងកូរ៉េខាងត្បូងបានធ្វើសមយុទ្ធយោធារួមគ្នា ដែលមានយន្តហោះទម្លាក់គ្រាប់បែកធុនធ្ងន់ និងយន្តហោះចម្បាំងបំបាំងកាយ។ សមយុទ្ធទាំងនេះបានបង្កឱ្យមានការថ្កោលទោសយ៉ាងខ្លាំងពីទីក្រុងព្យុងយ៉ាង។ កូរ៉េខាងជើងកាលពីថ្ងៃព្រហស្បតិ៍បាននិយាយថា សមយុទ្ធរបស់អាមេរិកនៅក្នុងតំបន់បានឈានដល់ខ្សែបន្ទាត់ក្រហមខ្លាំង ហើយបានគំរាមបង្វែរឧបទ្វីបទៅជាឃ្លាំងអាវុធសង្គ្រាមដ៏ធំ និងជាតំបន់សង្គ្រាមខ្លាំងជាងមុន៕អត្ថបទ៖ ប៊ុនថន

ប្រមុខការទូតអាមេរិកគ្រោងទៅបំពេញទស្សនកិច្ចនៅប្រទេសចិន ខណៈទំនាក់ទំនងផុយស្រួយ

អាមេរិក៖ នៅពេលដែលរដ្ឋមន្ត្រីការបរទេសអាមេរិកលោក Antony Blinken នឹងជួបសមភាគីចិនរបស់លោកនៅក្នុងទីក្រុងប៉េកាំងនៅសប្ដាហ៍ក្រោយ នឹងមានការមិនឯកភាពគ្នាមួយចំនួនចាប់ពីបញ្ហាចម្រូងចម្រាស រឿងកោះតៃវ៉ាន់រហូតដល់បន្ទះឈីបកុំព្យូទ័រ និងពាណិជ្ជកម្ម។ ប៉ុន្តែលោកទាំង២ នឹងព្យាយាមឆ្លើយសំណួរដូចគ្នា៖ តើមហាអំណាចសេដ្ឋកិច្ចទាំង២ នេះអាចបញ្ចៀសសង្គ្រាមត្រជាក់ថ្មីដោយរបៀបណា?។ ទំនាក់ទំនងរវាងមហាអំណាចទាំង២ បានប្រេះស្រាំជាច្រើនឆ្នាំមកហើយ និងបានធ្លាក់ដល់ចំណុចផុយស្រួយបំផុតក្នុងពេល ១ទសវត្សរ៍មកនេះកាលពីខែសីហាឆ្នាំមុន នៅពេលប្រធានសភាអាមេរិកលោកស្រី Nancy Pelosi បានទៅបំពេញទស្សនកិច្ចនៅកោះតៃវ៉ាន់ ដែលជំរុញឲ្យចិនធ្វើសមយុទ្ធយោធាទ្រង់ទ្រាយធំមិនធ្លាប់មាន នៅជិតកោះស្វ័យគ្រប់គ្រងមួយនេះ។ ចាប់តាំងពីពេលនោះមក រដ្ឋបាលលោកប្រធានាធិបតី Joe Biden បាននិយាយថា ខ្លួនសង្ឃឹមថា នឹងកសាងមូលដ្ឋានសម្រាប់ទំនាក់ទំនង និងធានាបានថា ការប្រកួតប្រជែងនឹងមិនបង្កឲ្យផ្ទុះជាជម្លោះឡើយ។ លោក Biden បានជួបប្រធានាធិបតីចិនលោក Xi Jinping កាលពីខែវិច្ឆិកា ហើយមេដឹកនាំទាំង២ បានប្ដេជ្ញាបង្កើនទំនាក់ទំនងល្អជាមួយគ្នាថែមទៀត។ បញ្ហាកាន់តែស្មុគស្មាញថែមទៀត មន្ទីរបញ្ចកោណបាននិយាយកាលពីថ្ងៃព្រហស្បតិ៍ថា បាឡុងឈ្លបយកការណ៍ដែលសង្ស័យថាជារបស់ចិន បានហោះនៅលើសហរដ្ឋអាមេរិកប៉ុន្មានថ្ងៃមកនេះ ដោយបន្ថែមថា ទីក្រុងវ៉ាស៊ីនតោនកំពុងតាមដាន ព្រោះបាឡុងនេះបានហោះចូលក្នុងដែនអាកាសរបស់សហរដ្ឋអាមេរិក៕អត្ថបទ៖ សុខមាន

លោក គង់ បូរ៉ា ត្រេកអរ ដែលឪពុកលោកសម្រេចចិត្តទាន់ពេលវេលាក្នុងការបញ្ចប់តួនាទីជាឧត្តមទីប្រឹក្សាគណបក្សភ្លើងទៀន

ភ្នំពេញ៖ លោក គង់ បូរ៉ា អតីតតំណាងរាស្រ្តមកពីបក្សជំទាស់ ហើយបច្ចុប្បន្នមានតួនាទីជាអនុរដ្ឋលេខាធិការក្រ សួងមហាផ្ទៃ បានសម្តែងការត្រេកអរយ៉ាងខ្លាំងបន្ទាប់ពីឱពុករបស់លោក គឺលោក គង់ គាំ បានសម្រេចចិត្ត ទាន់ពេលវេលាក្នុងការបញ្ចប់តួនាទីជាឧត្តមទីប្រឹក្សារបស់គណបក្សភ្លើងទៀន ហើយលោករំពឹងថា ពុក និងក្រុមគ្រួសារលោកអាចនឹងមកចូលរួមជីវភាពនយោបាយ ជាមួយគណបក្សប្រជាជនកម្ពុជានាពេលខាងមុខនេះដែរ។ថ្លែងនៅក្នុងកិច្ចសម្ភាសន៍ជាមួយទូរទស្សន៍BTV នាថ្ងៃទី២ ខែកុម្ភៈ ឆ្នាំ២០២៣នេះ លោក គង់ បូរ៉ា បានលើកឡើងថា បន្ទាប់ពីលោកពុករបស់លោក បានដាក់លិខិតបញ្ជាក់ទៅកាន់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជាថា បញ្ចប់តួនាទីគាត់ ជាឧត្តមទីប្រឹក្សាគណបក្សភ្លើងទៀននោះ បានធ្វើឲ្យលោកមានក្តីរំភើបជាខ្លាំង ខណៈលោកជាកូនធ្វើការជាមួយគណបក្សប្រជាជនកម្ពុជា តែបែជាពុក និងបង ប្អូនរបស់ខ្លួនធ្វើសកម្មភាពជំទាស់ទៅវិញនោះ។តាមរយៈកិច្ចសម្ភាសន៍ជាមួយទូរទស្សន៍BTVនេះដែរ លោក គង់ បូរ៉ា ក៏បានថ្លែងអំណរអគុណចំពោះសម្តេចតេជោ ហ៊ុន សែន នាយករដ្ឋមន្រ្តី និងថ្នាក់ដឹកនាំគណបក្សប្រជាជនទាំងអស់ ដែលបានសណ្តោសប្រណីលោក និងក្រុមគ្រួសារលោកជារហូតមកនេះ ជាពិសេសគឺករណីដី និងផ្ទះនៅចំការមន នេះតែម្តង។សូមបញ្ជាក់ថា លោក គង់ គាំ កាលពីថ្ងៃទី២ ខែកុម្ភៈ ឆ្នាំ២០២៣នេះ បានផ្ញើលិខិតថ្លែងអំណរគុណជូនចំពោះ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ចំពោះការមិនបន្តប្តឹងដល់លោក និងភរិយា ទៅកាន់តុលាការទៀត ពាក់ព័ន្ធនឹងករណីដី និងផ្ទះនៅផ្លូវសុធារស សង្កាត់ទន្លេបាសាក់ ខណ្ឌចំការមន ហើយជាមួយនិងការថ្លែងអំណរគុណនេះ លោក គង់ គាំក៏បានប្រកាសលាលែងចេញពីឧត្តមទីប្រឹក្សាគណបក្សភ្លើងទៀតចាប់ពីពេលនេះទៅផងដែរ។នៅក្នុងលិខិតនេះ លោក គង់ គាំ ក៏បានបញ្ជាក់ផងដែរថា លោកសូមទទួលកំហុស និងសូមអភ័យទោសពីសម្តេច ពីថ្នាក់ដឹកនាំគណបក្ស ប្រជាជនកម្ពុជា ដែលយល់ឃើញថាកាយវិការ និងអំពើរបស់លោក ក្នុងសកម្មភាពចុងក្រោយនេះ បានប៉ះពាល់កិត្តិយស និងសេចក្តីថ្លៃថ្នូររបស់ថ្នាក់ដឹកនាំរបស់គណបក្សប្រជាជនកម្ពុជា និងបះពាល់ដល់ភាពសុខសាន្តចំពោះសង្គមជាតិ ក្រោយពិនិត្យហេតុកន្លងមកនេះ និងពិនិត្យពិចារណាពីសណ្តាប់ធ្នាប់ពិភពលោកថ្មី និងបរិយាកាសភូមិសាស្រ្តនយោបាយតំបន់ ពិសេសនយោបាយកម្ពុជា ដែលកំពុងយកចិត្តទុកដាក់ ចំពោះអ្នកនយោបាយបន្តវេន ៕អត្ថបទ៖ បាន ចក់

លោក Putin និយាយថា រុស្ស៊ីកំពុងប្រឈមនឹងរថក្រោះអាល្លឺម៉ង់ជាថ្មី អំឡុងពិធីរំឭកខួបជ័យជម្នះ ៨០ឆ្នាំនៃរបបណាស៊ី

រុស្ស៊ី៖ លោក Vladimir Putin បានប្រៀបប្រដូចការលុកលុយរបស់រុស្ស៊ីចូលអ៊ុយក្រែនថា ជាការវាយប្រយុទ្ធទប់ទល់នឹងពួកណាស៊ីអាល្លឺម៉ង់ក្នុងសុន្ទរកថារំឭកខួប ៨០ឆ្នាំនៃការបញ្ចប់សមរភូមិប្រយុទ្ធ Stalingrad។ ដោយសារតែការសម្រេចចិត្តរបស់អាល្លឺម៉ង់ ក្នុងការបញ្ជូនរថក្រោះឡេភើតទៅកាន់ប្រទេសអ៊ុយក្រែន លោកបានអះអាងថា ប្រវត្តិសាស្ត្រជ្រាំដែលខ្លួនឯង។ លោកនិយាយថា វាមិនគួរឲ្យជឿតែវាជាការពិត យើងកំពុងរងការគំរាមកំហែងជាថ្មីដោយរថក្រោះឡេភើតរបស់អាល្លឺម៉ង់។ អាល្លឺម៉ង់គឺជាប្រទេសមួយក្នុងចំណោមប្រទេសជាច្រើន ដែលកំពុងជួយអ៊ុយក្រែនការពារដែនដីរបស់ខ្លួន។ ប្រទេសរុស្ស៊ីបានបើកការវាយលុកដ៏បង្ហូរឈាមដែលហៅថា ការឈ្លានពានទ្រង់ទ្រាយធំជិត ១ឆ្នាំមកនេះ ដែលជំរុញឲ្យបណ្ដាប្រទេសលោកខាងលិចបញ្ជូនអាវុធ និងជំនួយដល់រដ្ឋាភិបាលក្នុងទីក្រុង Kyiv។ ថ្លែងនៅក្នុងទីក្រុង Volgograd ដែលជាឈ្មោះថ្មីរបស់ទីក្រុង Stalingrad លោក Putin បានបង្ហើបថា លោកអាចស្វែងរកចំណាត់ការលើសពីអាវុធធម្មតា។ មេដឹកនាំរុស្ស៊ីវ័យ ៧០ឆ្នាំរូបនេះបាននិយាយថា អ្នកទាំងឡាយដែលសង្ឃឹមថា នឹងកាច់បំបាក់រុស្ស៊ីនៅលើសមរភូមិនោះគឺគិតខុសហើយ។ វាទំនងថា សង្គ្រាមសម័យទំនើបមួយជាមួយរុស្ស៊ីនឹងខុសប្លែកគ្នាយ៉ាងខ្លាំងសម្រាប់ពួកគេ។ យើងនឹងមិនបញ្ជូនរថក្រោះរបស់យើងទៅកាន់ព្រំដែនរបស់ពួកគេទេ ប៉ុន្តែយើងមានមធ្យោបាយជាច្រើនដើម្បីឆ្លើយតប។ ការឆ្លើយតបដោយប្រើអាវុធរបស់យើងនឹងមិនត្រូវបានកំណត់ទេ។ ដូច្នេះអ្នករាល់គ្នាត្រូវតែយល់។ លោក Putin បានស្ថិតនៅក្នុងទីក្រុង Volgograd របស់រុស្ស៊ី ដើម្បីរំឭកខួបជ័យជម្នះនៃសមរភូមិប្រយុទ្ធ Stalingrad ជាជម្លោះសង្គ្រាមលោកលើកទី២ ដែលបានមើលឃើញទាហានសូវៀតចាប់ខ្លួនទាហានអាល្លឺម៉ង់ជិត ៩១.០០០នាក់ និងធ្វើឲ្យសង្គ្រាមនេះត្រូវបញ្ចប់៕អត្ថបទ៖ សុខមាន

សម្ដេចតេជោ៖ អង្គការមូលនិធិអន្តរជាតិសម្រាប់វិស័យកសិកម្មជាដៃគូល្អជាង ៣០ឆ្នាំមកហើយ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានមានប្រសាសន៍ថា អង្គការមូលនិធិអន្តរជាតិសម្រាប់វិស័យកសិកម្មជាដៃគូដ៏ល្អដែលមានអាយុជាង ៣០ឆ្នាំមកហើយៗ សម្តេច ក៏បានសម្រេចបង្កើនការជួយគាំទ្រដល់មូលនិធិមួយនេះ នូវថវិកាពី ៦០ម៉ឺនទៅ ១លានដុល្លារចាប់ពីឆ្នាំ២០២៥ដល់ឆ្នាំ២០២៨។ក្នុងឱកាសអនុញ្ញាតឱ្យលោកលោកស្រី ច្យូតស្នា ពូរី(Jyotsna Puri) អនុប្រធានមូលនិធិអន្តរជាតិសម្រាប់អភិវឌ្ឍន៍កសិកម្មចូលជួបសំដែងការគួរសម និងពិភាក្សាការងារ នៅវិមានសន្តិភាពនារសៀលថ្ងៃទី២កុម្ភៈនេះ សម្តេចបានលើកឡើងថា អង្គការមូលនិធិអន្តរជាតិសម្រាប់អភិវឌ្ឍន៍វិស័យកសិកម្មនេះជាដៃគូដ៏ល្អ ដែលមានអាយុកាលជាង ៣០ឆ្នាំមកហើយៗមានទស្សនៈដូចគ្នា។នេះបើតាមឯកឧត្តម អ៊ាង សុផល្លែត ជំនួយការផ្ទាល់សម្តេចតេជោ បានបញ្ជាក់ឱ្យដឹង។ ឯកឧត្ដមបន្តថា ក្នុងជំនួបនេះ លោកស្រី ពូរី បានសំដែងនូវការគោរពជូនសម្ដេចតេជោ ចំពោះកិច្ចខិតខំប្រឹងប្រែងរបស់សម្ដេចក្នុងការថែរក្សាសុខសន្តិភាពនិងស្ថេរភាពសង្គម ជាពិសេសក្នុងគ្រាមានកូវីដ-១៩ សម្ដេចតេជោ បានដាក់ចេញនូវយុទ្ធសាស្ត្រ និងវិធីសាស្ត្រទប់ស្កាត់ជំងឺកូវីដ-១៩ បានយ៉ាងមានប្រសិទ្ធភាព ជួយដល់ប្រជាជនដែលបានឆ្លងផុតពីបន្ទាត់ក្រីក្រ ហើយមិនឲ្យធ្លាក់ចុះទៅក្រោមបន្ទាត់ក្រីក្រវិញ ជួយកិច្ចគាំពារសង្គមខាងអាហាររូបត្ថម្ភនិងបានដាក់ចេញនូវកម្មវិធីនយោបាយយ៉ាងល្អសម្រាប់វិស័យកសិកម្មនិងអភិវឌ្ឍន៍ជនបទឱ្យមានអ្នកបច្ចេកទេសកសិកម្មនៅតាមឃុំនិងកម្មវិធីឆ្លើយតប ដើម្បីជំរុញការផលិតកសិផលដែលមានគុណភាពស្របតាមតម្រូវការទីផ្សារ។លោកស្រី ពូរី បានគោរពជម្រាបជូនសម្ដេចតេជោថា អង្គការមូលនិធិអន្តរជាតិសម្រាប់វិស័យកសិកម្មសូមសំដែងនូវការគោរពនិងគាំទ្រចំពោះកិច្ចប្រឹងប្រែងថែរក្សាសន្តិភាព ស្ថេរភាពនិងការអភិវឌ្ឍន៍របស់កម្ពុជាលើវិស័យកសិកម្ម។លោកស្រីពូរី និងជួសមុខឱ្យប្រធានមូលនិធិអន្តរជាតិសម្រាប់វិស័យកសិកម្មនិងប្រតិភូទាំងមូលបានសូមគោរពថ្លែងអំណរគុណចំពោះសម្ដេចតេជោចំពោះការបង្កើនវិភាគទានពី ៦០ម៉ឺន ទៅមួយលានដុល្លារ សម្រាប់ឆ្នាំ២០២៥-២០២៨ ដល់មូលនិធិហើយបានប្ដេជ្ញាចិត្តបន្តគាំទ្រកម្ពុជាលើវិស័យកសិកម្មឲ្យកាន់តែខ្លាំងឡើងកាន់តែធំធាត់ឡើងនិងកសិកម្មមួយប្រកបដោយភាពវ័យឆ្លាត។ជាការឆ្លើយតប សម្ដេចតេជោបានមានប្រសាសន៍ថា អង្គការមូលនិធិអន្តរជាតិសម្រាប់វិស័យកសិកម្មជាដៃគូល្អដែលមានអាយុជាង ៣០ឆ្នាំមកហើយហើយមានទស្សនៈដូចគ្នា។ក្នុងន័យនេះ សម្តេចថា យើងត្រូវបន្តភាពជាដៃគូនេះតទៅទៀត ហើយសម្ដេចបានមានប្រសាសន៍បន្តថាកម្ពុជាផ្ដល់ការយកចិត្តទុកដាក់លើការអភិវឌ្ឍន៍កសិកម្មនិងជនបទគឺចង់ធ្វើយ៉ាងណាឲ្យកសិករ ផលិតហើយទទួលបានផលចំណេញ ចង់រក្សាកុំឱ្យអ្នកឆ្លងផុតបន្ទាត់ភាពក្រីក្រហើយធ្លាក់ចុះទៅវិញ ចង់ជំរុញវិស័យកសិកម្ម កសិ-ពាណិជ្ជកម្មនិងកសិ-ឧស្សាហកម្ម ហើយសម្ដេចបានសម្ដែងនូវសេចក្តីរីករាយសារជាថ្មីម្ដងទៀត ចំពោះភាពជាដៃគូដ៏ល្អជាមួយអង្គការមូលនិធិអន្តរជាតិសម្រាប់វិស័យកសិកម្ម ហើយសម្តេចបានសម្រេចលើកតម្កើងវិភាគទានរបស់កម្ពុជាជួយគាំទ្រដល់មូលនិធិពី ៦០ម៉ឺនទៅមួយលានដុល្លារចាប់ពីឆ្នាំ ២០២៥ ដល់ឆ្នាំ២០២៨៕

UN ជជែកដេញដោលអំពីអនាគតជំនួយដល់ប្រទេសអាហ្វហ្គានីស្ថាន បន្ទាប់ពីបម្រាមលើស្ត្រី

អាហ្វហ្គានីស្ថាន៖ ប្រធានជំនួយរបស់អង្គការសហប្រជាជាតិ និងបណ្តារដ្ឋជាសមាជិកបានជជែកដេញដោលគ្នាកាលពីថ្ងៃពុធ ទី១ ខែកុម្ភៈ អំពីរបៀបបន្តការបញ្ជូនជំនួយទៅកាន់ប្រទេសអាហ្វហ្គានីស្ថាន បន្ទាប់ពីការដាក់បម្រាមលើបុគ្គលិកផ្តល់ជំនួយស្ត្រីភាគច្រើន ត្រូវបានអនុវត្តដោយរដ្ឋបាលក្រុមតាលីបង់កាលពីខែធ្នូ ឆ្នាំ២០២២។ និយាយនៅក្នុងសម័យប្រជុំរបស់អង្គការសហប្រជាជាតិ ដែលមានគោលបំណងផ្តល់ការសង្ខេបដល់បណ្តាប្រទេសនានា ក្នុងដំណើរទស្សនកិច្ចកាលពីពេលថ្មីៗនេះរបស់លោកទៅកាន់ទីក្រុងកាប៊ុល ប្រធានជំនួយរបស់អង្គការសហប្រជាជាតិលោក Martin Griffiths បានធានាថា ទីភ្នាក់ងារមនុស្សធម៌នឹងបន្តធ្វើការនៅក្នុងប្រទេសអាហ្វហ្គានីស្ថាន ខណៈជំរុញឱ្យមានការលើកលែងចំនួនចំពោះបម្រាម។ អគ្គលេខាធិការអង្គការ CARE International លោកស្រី Sofia Sprechmann Sineiro បានជំរុញឱ្យរដ្ឋជាសមាជិក និងម្ចាស់ជំនួយបន្តបញ្ជូនជំនួយទៅប្រទេសអាហ្វហ្គានីស្ថាន ដោយនិយាយថា នេះពុំមែនជាពេលវេលាដើម្បីបង្វែរមូលនិធិទៅកាន់វិបត្តិផ្សេងទៀតនោះទេ។ ទន្ទឹមនឹងនេះតំណាងមកពីសហរដ្ឋអាមេរិក ចក្រភពអង់គ្លេស និងអាល្លឺម៉ង់ដែលជាម្ចាស់ជំនួយមនុស្សធម៌ធំ ស្ថិតក្នុងចំណោមម្ចាស់ជំនួយជាច្រើនទៀតសម្រាប់ប្រទេសអាហ្វហ្គានីស្ថាន បានធានាការគាំទ្ររបស់ពួកគេដល់ប្រទេសនេះ ហើយបានយល់ព្រមបន្តជំរុញអាជ្ញាធរតាលីបង់មិនឱ្យផ្តល់ជំនួយមានលក្ខណៈធម្មតា ដោយគ្មានការចូលរួមរបស់ស្ត្រីនោះទេ។ លោក Griffiths និយាយថា ការលើកលែងមួយចំនួនសម្រាប់បម្រាមលើបុគ្គលិកផ្តល់ជំនួយជាស្ត្រី ត្រូវបានផ្តល់នៅក្នុងផ្នែកសុខភាព និងការអប់រំ ហើយមានការចង្អុលបង្ហាញថា វាអាចមានការលើកលែងក្នុងវិស័យកសិកម្ម។ ទោះយ៉ាងណាការលើកលែងបន្ថែមទៀតគឺត្រូវការដើម្បីការពារជំងឺធ្ងន់ធ្ងរ និងកង្វះអាហារូបត្ថម្ភ អំឡុងពេលមានវិបត្តិមនុស្សធម៌ធ្ងន់ធ្ងរនៅប្រទេសអាហ្វហ្គានីស្ថាន៕អត្ថបទ៖ ប៊ុនថន

អាមេរិក និងកូរ៉េខាងត្បូងធ្វើសមយុទ្ធរួមគ្នាជាមួយយន្តហោះទម្លាក់គ្រាប់បែក B-1B និងយន្តហោះចម្បាំងបំបាំងកាយ

កូរ៉េខាងត្បូង៖ យោងតាមក្រសួងការពារជាតិកូរ៉េខាងត្បូងបានឱ្យដឹងថា សហរដ្ឋអាមេរិក និងកូរ៉េខាងត្បូងបានធ្វើសមយុទ្ធដែនអាកាសរួមគ្នាកាលពីថ្ងៃពុធ ទី១ ខែកុម្ភៈ ជាមួយនឹងយន្តហោះទម្លាក់គ្រាប់បែកធុនធ្ងន់ B-1B របស់អាមេរិក និងយន្តហោះចម្បាំងបំបាំងកាយ F-22 ព្រមទាំងយន្តហោះចម្បាំង F-35 មកពីប្រទេសទាំងពីរ។ សមយុទ្ធដែនអាកាសរួមគ្នាលើកនេះបង្ហាញពីឆន្ទៈ និងសមត្ថភាពរបស់សហរដ្ឋអាមេរិកក្នុងការផ្តល់នូវការទប់ស្កាត់ដ៏រឹងមាំ និងអាចជឿទុកចិត្តប្រឆាំងការគំរាមកំហែងនុយក្លេអ៊ែរ និងមីស៊ីលរបស់កូរ៉េខាងជើង។ ទាហានអាមេរិកជាង ២៨,៥០០នាក់មានមូលដ្ឋាននៅប្រទេសកូរ៉េខាងត្បូង ជាការបន្សល់ទុកនៃសង្គ្រាមកូរ៉េឆ្នាំ១៩៥០-១៩៥៣ ដែលបានបញ្ចប់ដោយបទឈប់បាញ់ច្រើនជាងសន្ធិសញ្ញាសន្តិភាព។ ក្រសួងការបរទេសកូរ៉េខាងជើងនៅថ្ងៃព្រហស្បតិ៍ ទី០២ ខែកុម្ភៈនេះបានឆ្លើយតបថា សមយុទ្ធរួមគ្នាដោយសហរដ្ឋអាមេរិក និងសម្ព័ន្ធមិត្តរបស់ខ្លួនបានរុញច្រានស្ថានការណ៍ក្លាយខ្សែបន្ទាត់ក្រហមដ៏ខ្លាំង និងគំរាមបង្វែរឧបទ្វីបទៅជាឃ្លាំងអាវុធសង្គ្រាមដ៏ធំ និងជាតំបន់សង្គ្រាមដ៏ធ្ងន់ធ្ងរជាងមុន។ អ្នកនាំពាក្យក្រសួងបាននិយាយនៅក្នុងសេចក្តីថ្លែងការណ៍ថា ស្ថានភាពយោធា និងនយោបាយនៅលើឧបទ្វីបកូរ៉េ និងក្នុងតំបន់បានឈានដល់បន្ទាត់ក្រហមខ្លាំង ដោយសារតែការធ្វើសមយុទ្ធប្រឈមមុខដាក់គ្នាដោយយោធា និងសកម្មភាពបង្កហេតុរបស់សហរដ្ឋអាមេរិក និងកងកម្លាំងប្រទេសចំណុះរបស់ខ្លួន។ ទីភ្នាក់ងារ KCNA រាយការណ៍ថា ទីក្រុងព្យុងយ៉ាងមិនចាប់អារម្មណ៍នឹងការសន្ទនានោះទេ ដរាបណាទីក្រុងវ៉ាស៊ីនតោននៅបន្តគោលនយោបាយបង្កហេតុ៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

កូរ៉េខាងជើងច្រានចោលការចោទប្រកាន់របស់អាមេរិកថា ទីក្រុងព្យុងយ៉ាង គឺជាការគំរាមកំហែងតាមប្រព័ន្ធអ៊ីនធឺណិត

ប្រធានាធិបតីគុយបាបរិហារទណ្ឌកម្មថ្មីរបស់សហរដ្ឋអាមេរិកលើប្រទេសរបស់លោក

មនុស្ស ១១នាក់ស្លាប់ ក្នុងហេតុការណ៍ក្រឡាប់រថយន្តក្រុងនៅភាគខាងលិចម៉ិកស៊ិក

ក្រុមមន្រ្តីនិយាយថា សហរដ្ឋអាមេរិកដកទាហាន ៥ពាន់នាក់ចេញពីប្រទេសអាល្លឺម៉ង់

អ្នកនាំពាក្យ៖ កម្មវិធីនយោបាយ និងការអភិវឌ្ឍរបស់កម្ពុជា បាននិងកំពុងដំណើរការទៅមុខជានិច្ច បើទោះបីកម្ពុជារងការឈ្លានពានពីថៃ

ប្រតិភូសភាប្រើភាសាបារាំង ១៧ប្រទេសធ្វើសិក្ខាសាលា អំពីក្របខ័ណ្ឌ និងការប្រើប្រាស់ឌីជីថលក្នុងសភា

ជម្លោះនៅតែកើតមានរវាងក្រុមហេសបូឡា និងអ៊ីស្រាអែលនៅតំបន់ភាគខាងត្បូងលីបង់

លោក Trump និយាយថា មានលទ្ធភាពដែលអាមេរិកអាចចាប់ផ្តើមវាយប្រហារអ៊ីរ៉ង់ម្តងទៀត

មនុស្សយ៉ាងហោច ៩នាក់ស្លាប់ ក្នុងហេតុការណ៍អគ្គិភ័យនៅទីក្រុងញូវដែល្លី ប្រទេសឥណ្ឌា

សហរដ្ឋអាមេរិកអនុម័តលក់អាវុធតម្លៃ ៨,៦ពាន់លានដុល្លារដល់សម្ព័ន្ធមិត្តមជ្ឈិមបូព៌ា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្តេចតេជោ ហ៊ុន សែន ៖ ក្រិត្យក្រមធម្មជាតិ ឆ្នាំមុនបាត់បង់បងប្រុស ឆ្នាំនេះបាត់បង់ប្អូនថ្លៃស្រី

រដ្ឋមន្ត្រីការបរទេសរុស្ស៊ីនិយាយថា យើងចង់ឱ្យជម្លោះអ៊ុយក្រែនបញ្ចប់ ប៉ុន្តែកំពុងឆ្លើយតបទៅនឹងលោកខាងលិច

ពលរដ្ឋហៃទីសម្រុកទៅកាន់ទីភ្នាក់ងារអន្តោប្រវេសន៍ដែលមើលឃើញកម្មវិធីលើកលែងទោសរបស់អាមេរិក

ចិនខឹងសម្បារចំពោះកិច្ចព្រមព្រៀងអាមេរិក-ហ្វីលីពីនលើមូលដ្ឋានកងទ័ព

ប្រមុខការទូតអាមេរិកគ្រោងទៅបំពេញទស្សនកិច្ចនៅប្រទេសចិន ខណៈទំនាក់ទំនងផុយស្រួយ

លោក Putin និយាយថា រុស្ស៊ីកំពុងប្រឈមនឹងរថក្រោះអាល្លឺម៉ង់ជាថ្មី អំឡុងពិធីរំឭកខួបជ័យជម្នះ ៨០ឆ្នាំនៃរបបណាស៊ី

សម្ដេចតេជោ៖ អង្គការមូលនិធិអន្តរជាតិសម្រាប់វិស័យកសិកម្មជាដៃគូល្អជាង ៣០ឆ្នាំមកហើយ

UN ជជែកដេញដោលអំពីអនាគតជំនួយដល់ប្រទេសអាហ្វហ្គានីស្ថាន បន្ទាប់ពីបម្រាមលើស្ត្រី

អាមេរិក និងកូរ៉េខាងត្បូងធ្វើសមយុទ្ធរួមគ្នាជាមួយយន្តហោះទម្លាក់គ្រាប់បែក B-1B និងយន្តហោះចម្បាំងបំបាំងកាយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្តេចតេជោ ហ៊ុន សែន ៖ ក្រិត្យក្រមធម្មជាតិ ឆ្នាំមុនបាត់បង់​បងប្រុស ឆ្នាំនេះបាត់បង់ប្អូនថ្លៃស្រី

ពលរដ្ឋ​ហៃ​ទី​សម្រុក​ទៅកាន់​ទីភ្នាក់ងារ​អន្តោប្រវេសន៍​ដែល​មើល​ឃើញ​កម្មវិធី​លើកលែងទោស​របស់​អាមេរិក

ចិន​ខឹង​សម្បារ​ចំពោះ​កិច្ចព្រមព្រៀង​អាមេរិក​-​ហ្វីលីពីន​លើ​មូលដ្ឋាន​កងទ័ព

ប្រមុខ​ការទូត​អាមេរិក​គ្រោង​ទៅ​បំពេញ​ទស្សនកិច្ច​នៅប្រទេស​ចិន ​ខណៈ​ទំនាក់​ទំនង​ផុយស្រួយ​

សម្ដេច​តេ​ជោ​៖ ​អង្គការ​មូលនិធិ​អន្តរជាតិ​សម្រាប់​វិស័យ​កសិកម្ម​ជា​ដៃគូ​ល្អ​ជាង ៣០​ឆ្នាំ​មកហើយ​

UN ជជែក​ដេញ​ដោល​អំពី​អនាគត​ជំនួយ​ដល់​ប្រទេស​អា​ហ្វ​ហ្គា​នី​ស្ថាន បន្ទាប់ពី​បម្រាម​លើ​ស្ត្រី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សម្តេចតេជោ ហ៊ុន សែន ៖ ក្រិត្យក្រមធម្មជាតិ ឆ្នាំមុនបាត់បង់បងប្រុស ឆ្នាំនេះបាត់បង់ប្អូនថ្លៃស្រី

ពលរដ្ឋហៃទីសម្រុកទៅកាន់ទីភ្នាក់ងារអន្តោប្រវេសន៍ដែលមើលឃើញកម្មវិធីលើកលែងទោសរបស់អាមេរិក

ចិនខឹងសម្បារចំពោះកិច្ចព្រមព្រៀងអាមេរិក-ហ្វីលីពីនលើមូលដ្ឋានកងទ័ព

ប្រមុខការទូតអាមេរិកគ្រោងទៅបំពេញទស្សនកិច្ចនៅប្រទេសចិន ខណៈទំនាក់ទំនងផុយស្រួយ

សម្ដេចតេជោ៖ អង្គការមូលនិធិអន្តរជាតិសម្រាប់វិស័យកសិកម្មជាដៃគូល្អជាង ៣០ឆ្នាំមកហើយ

UN ជជែកដេញដោលអំពីអនាគតជំនួយដល់ប្រទេសអាហ្វហ្គានីស្ថាន បន្ទាប់ពីបម្រាមលើស្ត្រី