BTV NEWS

សម្តេចធិបតី៖ ការធានាសុវត្ថិភាពព័ត៌មាន រក្សាព័ត៌មានសម្ងាត់របស់ជាតិ ក្នុងកាលៈទេសៈនៃវិបត្តិមិនមែនជាការរឹតត្បិតសេរីភាពខាងសារព័ត៌មាននោះទេ

សម្តេចធិបតី៖ការស្ទង់មតិឆ្លុះបញ្ចាំងឱ្យឃើញថាកម្ពុជាកំពុងពង្រឹងវិស័យព័ត៌មាន សេរីព័ត៌មាន និងការអភិវឌ្ឍវិជ្ជាជីវៈ

សម្តេចបវរធិបតីផ្តល់អនុសាសន៍ ៦ចំណុចដល់អ្នកសារព័ត៌មាន និងអ្នកផលិតមាតិកា ក្នុងឱកាសទិវាសេរីភាពសារព័ត៌មាន

សម្តេចតេជោ ហ៊ុន សែន ក្រើនរំលឹកដល់មន្រ្តីរាជការទាំងអស់ឲ្យបន្តយកចិត្តទុកដាក់បំពេញតួនាទីភារកិច្ចបម្រើជាតិ និងប្រជាជនឱ្យបានល្អប្រសើរ

ព័ត៌មានសំខាន់ៗ

លោកខាងលិចកំពុងប្រញាប់ប្រញាល់បញ្ជូនអាវុធឲ្យអ៊ុយក្រែន ប្រជែងនឹងការវាយសន្ធាប់ពីរុស្ស៊ី

អ៊ុយក្រែន៖ អ៊ុយក្រែនបានយកឈ្នះការប្ដេជ្ញាការផ្ដល់គ្រឿងសព្វាវុធថ្មីៗពីលោកខាងលិច ដែលនឹងជួយទប់ទល់ការវាយបកដ៏ខ្លាំងក្លានៅឆ្នាំនេះ ប៉ុន្តែប្រទេសរុស្ស៊ីបានព្យាយាមវាយដណ្ដើមយកវិញជាបណ្ដើៗ នៅក្នុងសង្គ្រាមដែលមានរយៈពេល ៤៩សប្ដាហ៍មកនេះ។ អ៊ុយក្រែនបានប្រឈមនឹងការវាយប្រយុទ្ធគ្នាដ៏ខ្លាំងក្លានៅភាគខាងកើត ជាទីដែលកងទ័ពរុស្ស៊ីដែលបានច្រានចោលការលើកឡើងដែលថា កម្លាំងថ្មីចូលទៅក្នុងសមរភូមិជួរមុខមកពីក្រុមទាហានស៊ីឈ្នួលវ៉េកណាគ្រុប (Wagner Group) កំពុងបង្កើនការវាយសន្ធាប់ថ្មីដណ្ដើមយកដែនដីបន្ថែមទៀត។ ការវាយប្រហារសន្ធាប់បានកើតមានខ្លាំងបំផុតនៅភាគខាងកើតទីក្រុង Bakhmut ជាទីដែលមេបញ្ជាការអង្គភាពទ័ពអ៊ុយក្រែនលោក Denys Yarolavskyi និយាយថា ទាហានរុស្ស៊ីកំពុងវាយសម្រុកខ្លាំងអំឡុងសប្ដាហ៍នេះ។ អ្នកនាំពាក្យកងកម្លាំងនៅភាគខាងកើតរបស់អ៊ុយក្រែនលោក Serhiy Cherevaty បាននិយាយកាលពីថ្ងៃទី៣១ ខែមករាថា សមរភូមិប្រយុទ្ធចំនួន ៤២កន្លែងបានកើតឡើងនៅចម្ងាយ ១៥គីឡូម៉ែត្រនៃទីក្រុង Bakhmut ក្នុងតំបន់ Donetsk។ កងទ័ពរុស្ស៊ីបានបើកការប្រយុទ្ធថ្មីដណ្ដើមយកតំបន់ Vuhledar ជាទីប្រជុំជនមួយស្ថិតនៅចម្ងាយ ៣០គីឡូម៉ែត្រភាគនិរតីនៃទីក្រុង Donetsk គ្រប់គ្រងដោយរុស្ស៊ីកាលពីថ្ងៃទី២៧ ខែមករា ប៉ុន្តែកងទ័ពអ៊ុយក្រែនបានទាត់ចោលពីការវាយដណ្ដើមបានពីសំណាក់រុស្ស៊ី៕អត្ថបទ៖ សុខមាន

លោក គង់ គាំ ប្រកាសបញ្ចប់តួនាទី និងសកម្មភាពជាឧត្តមទីប្រឹក្សាគណបក្សភ្លើងទៀនចាប់ពីពេលនេះតទៅ និងថ្លែងអំណរគុណសម្តេចតេជោ ហ៊ុន សែន

ភ្នំពេញ៖ លោក គង់ គាំ បានប្រកាសបញ្ចប់តួនាទី និងសកម្មភាពជាឧត្តមទីប្រឹក្សាគណបក្សភ្លើងទៀន ចាប់ពីពេលនេះតទៅ ព្រមទាំងគោរពថ្លែងអំណរគុណ សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជានាយករដ្ឋមន្ត្រី នៃព្រះរាជាណាចក្រកម្ពុជា ដែលមិនបន្តប្ដឹងរូបលោក ពាក់ព័ន្ធរឿងដីផ្ទះលេខ៧១ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។តាមរយៈលិខិតថ្លែងអំណរគុណសម្តេចតេជោ ហ៊ុន សែន ចេញផ្សាយនៅព្រឹកថ្ងៃទី០២ ខែកុម្ភៈនេះ លោក គង់ គាំ ក៏ទទួលស្គាល់កំហុស និងសូមអភ័យទោស ពីសម្ដេចតេជោ និងថ្នាក់ដឹកនាំគណបក្សប្រជាជនកម្ពុជា ចំពោះទង្វើរបស់ខ្លួនកន្លងមក ដែលធ្វើឲ្យប៉ះពាល់ដល់កិត្តិយស និងសេចក្ដីថ្លៃថ្នូររបស់ថ្នាក់ដឹកនាំគណបក្សប្រជាជនកម្ពុជា។លោក គង់ គាំ បានប្រកាសដោយមានមោទនភាព ដែលសម្តេចបានយល់ស្រប និងគាំទ្រផងដែរនូវឧត្តមគតិ និង គោលជំហររបស់គណបក្សឆន្ទៈខ្មែរ បង្កើត និងចូលរួមការបោះឆ្នោតនៅឆ្នាំ២០១៨ ដែលក្រោយមក លោកមានឱកាសជាប្រធានកិត្តិយស គឺពិតជាមានឧត្តមគតិ(ប្រឆាំងក្រុមជ្រុលនិយមមានវប្បធម៌ថ្មី (ពិគ្រោះ និង ផ្តល់យោបល់) បន្ទាប់ពីវប្បធម៌សន្ទនាមិនទទួលបានជោគជ័យ។លោក គង់ គាំ និងភរិយា រីករាយ និងដឹងគុណចំពោះសណ្តានចិត្ត រំឭក និងយកចិត្តទុកដាក់ សណ្ដោសដល់កូនប្រុសរបសើលោក គឺលោក គង់ បូរ៉ា ចូលជាសមាជិកគណ បក្សប្រជាជនកម្ពុជា និងជាអនុរដ្ឋលេខាធិការក្រសួងមហាផ្ទៃ ដោយបានផ្ដល់រថយន្តមួយគ្រឿងជា មធ្យោបាយបម្រើការងារ ក្នុងមនោសញ្ចេតនានៃគ្រួសារដ៏កៀកកិតមួយកាលពីគ្រាកម្សត់កម្រ៕

ក្រសួងការងារបារាំង៖ ការដំឡើងអាយុចូលនិវត្តន៍គឺជារឿងមិនអាចចរចាបាន ទោះមានការតវ៉ាធំក៏ដោយ

បារាំង៖ រដ្ឋមន្ត្រីក្រសួងការងារបារាំងលោក Oliver Dussopt បាននិយាយកាលពីថ្ងៃពុធថា ការដំឡើងអាយុចូលនិវត្តន៍រហូតដល់ ៦៤ឆ្នាំគឺជារឿងមិនអាចចរចាបាន មួយថ្ងៃបន្ទាប់ពីមនុស្សជាង ១លាននាក់បានដើរក្បួនតវ៉ាប្រឆាំងវិធានការដែលបានស្នើឡើង ហើយប្រធានសហជីពបានអំពាវនាវឲ្យបន្តការធ្វើកូដកម្មបន្ថែមទៀត។ ការស្ទង់មតិបង្ហាញថា មតិភាគច្រើននៅក្នុងប្រទេសបារាំងប្រឆាំងនឹងការដំឡើងអាយុចូលនិវត្តន៍ពី ៦២ឆ្នាំដល់ ៦៤ឆ្នាំ ជាវិធានការមួយដែលលោកប្រធានាធិបតីបារាំង Emmanuel Macron បានលើកឡើងថា វាជារឿងចាំបាច់ ដើម្បីធានាឲ្យបានលទ្ធភាពជោគជ័យនៃប្រព័ន្ធសោធននិវត្តន៍។ ក្រសួងមហាផ្ទៃបាននិយាយថា មនុស្សសរុបជាង ១លាន ២សែននាក់បានចូលរួមក្បួនតវ៉ាទូទាំងប្រទេសកាលពីថ្ងៃអង្គារ កើនឡើងបន្តិចពីការធ្វើបាតុកម្មទូទាំងប្រទេសលើកដំបូងកាលពីថ្ងៃទី១៩ ខែមករា។ នគរបាលទីក្រុងប៉ារីសក៏បានបាញ់ឧស្ម័នបង្ហៀរទឹកភ្នែកផងដែរ ដើម្បីបំបែកក្រុមបាតុករ ខណៈដែលពួកគេកំពុងដើរក្បួនពាសពេញទីក្រុងនានាទូទាំងប្រទេសបារាំង។ លោក Dussopt បានប្រាប់ទូរទស្សន៍បារាំង France 2 ថា បើយើងមិនដំឡើងឲ្យដល់អាយុ ៦៤ឆ្នាំទេនោះ ប្រព័ន្ធសោធននិវត្តន៍នឹងត្រូវប៉ះពាល់មិនខាន។ អ្វីដែលមិនអាចចរចាបានគឺបញ្ហាដែលអាចនាំឲ្យប៉ះពាល់ប្រព័ន្ធសោធននិវត្តន៍នេះឯង៕អត្ថបទ៖ សុខមាន

លោក គង់ គាំ និងភរិយា គោរពថ្លែងអំណរគុណសម្តេចតេជោ ហ៊ុន សែន និសូមអភ័យទោសសម្តេច និងថ្នាក់ដឹកនាំគណបក្សប្រជាជនកម្ពុជា

ភ្នំពេញ៖ លោក គង់ គាំ និងភរិយា គោរពថ្លែងអំណរគុណ សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា នាយករដ្ឋមន្ត្រី នៃព្រះរាជាណាចក្រកម្ពុជា ដែលមិនបន្តប្ដឹងរូបលោក ពាក់ព័ន្ធរឿងដីផ្ទះលេខ៧១ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។ ជាមួយគ្នានេះលោក គង់ គាំក៏ទទួលស្គាល់កំហុស និងសូមអភ័យទោស ពីសម្ដេចតេជោ និងថ្នាក់ដឹកនាំគណបក្សប្រជាជនកម្ពុជា ចំពោះទង្វើរបស់ខ្លួនកន្លងមកដែលធ្វើឲ្យប៉ះពាល់ដល់កិត្តិយស និងសេចក្ដីថ្លៃថ្នូររបស់ថ្នាក់ដឹកនាំគណបក្សប្រជាជនកម្ពុជា។ ទន្ទឹមនឹងការសុំទោសនេះ លោក គង់ គាំ ក៏ប្រកាសបញ្ចប់តួនាទី និងសកម្មភាពជាឧត្តមទីប្រឹក្សាគណបក្សភ្លើងទៀត ចាប់ពីពេលនេះផងដែរ។

មនុស្សកន្លះលាននាក់ចេញធ្វើកូដកម្មនៅទូទាំងចក្រភពអង់គ្លេស ដោយសារជម្លោះប្រាក់បៀវត្ស និងលក្ខខណ្ឌការងារ

អង់គ្លេស៖ បុគ្គលិកបម្រើការនៅតាមស្ថាប័ននានា ទូទាំងចក្រភពអង់គ្លេសប្រមាណកន្លះលាននាក់ រួមទាំងគ្រូបង្រៀន បុគ្គលិកនៅតាមសាកលវិទ្យាល័យ អ្នកបើកបររថភ្លើង និងមន្ត្រីរាជការដែលបានដើរចេញពីការងារបានចេញធ្វើកូដកម្មកាលពីថ្ងៃពុធ ក្នុងសកម្មភាពដែលទទួលបានការសម្របសម្រួលដ៏ធំបំផុតរយៈពេលជាច្រើនឆ្នាំ ស្របពេលមានជម្លោះជុំវិញការចំណាយសម្រាប់ជីវភាពប្រចាំថ្ងៃ នៅតែមិនទាន់ដោះស្រាយចេញ។ បុគ្គលិកនៅតាមស្ថាប័នរដ្ឋនានា រួមទាំងបុគ្គលិកត្រួតពិនិត្យលិខិតឆ្លងដែននៅតាមអាកាសយានដ្ឋានទូទាំងប្រទេស កំពុងធ្វើកូដកម្មជុំវិញការចំណាយ និងលក្ខខណ្ឌការងារ ខណៈជីវភាពប្រចាំថ្ងៃនៅតែបន្តធ្លាក់ចុះ ក្រោយការហក់ឡើងអតិផរណាខ្ពស់ជាច្រើនឆ្នាំមកនេះ។ សមាជិកគ្រូបង្រៀននៃសហជីពអប់រំជាតិនៅក្នុងចក្រភពអង់គ្លេស និងដែនដី Wales បានដើរចេញពីការជាលើកដំបូងជាច្រើនថ្ងៃមកនេះ ដែលធ្វើឲ្យសាលារៀនចំនួន ២៣.៤០០ ត្រូវបិទទ្វារ។ សហជីពសាកលវិទ្យាល័យ និងមហាវិទ្យាល័យបាននិយាយថា បុគ្គលិកប្រមាណ ៧០.០០០នាក់នៅសាកលវិទ្យាល័យចំនួន ១៥០កន្លែងទូទាំងចក្រភពអង់គ្លេស កំពុងធ្វើកូដកម្មដំបូងក្នុងរយៈពេល ១៨ថ្ងៃពាក់ព័ន្ធជម្លោះជុំវិញការចំណាយលើជីវភាព លក្ខខណ្ឌការងារ និងប្រាក់សោធននិវត្តន៍របស់ពួកគេ ហើយការដើរចេញពីការងាររបស់ពួកគេនឹងប៉ះពាល់ដល់សិស្ស-និស្សិតប្រមាណ ២.៥លាននាក់នៅចន្លោះខែកុម្ភៈនេះរហូតដល់ខែមីនាខាងមុខ។ ជាការឆ្លើយតបអ្នកនាំពាក្យលោកនាយករដ្ឋមន្ត្រីអង់គ្លេស លោក Rishi Sunak បាននិយាយថា ការធ្វើកូដកម្មមិនចូលបម្រើការងារនេះនឹងរំខានដល់ជីវភាពប្រចាំថ្ងៃប្រជាពលរដ្ឋ ហើយការចរចាគឺជាជម្រើសល្អបំផុត ប្រសើរជាងមិនព្រមចូលធ្វើការបែបនេះ៕អត្ថបទ៖ សុខមាន

សម្តេចតេជោ ហ៊ុន សែន អញ្ជើញជួបសំណេះសំណាលជាមួយសិស្សនិទ្ទេសA ជាង១ពាន់នាក់

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៅព្រឹកថ្ងៃទី០២ ខែកុម្ភៈ ឆ្នាំ២០២៣ បានអញ្ជើញជួបសំណេះសំណាល និងផ្ដល់រង្វាន់លើកទឹកចិត្ត ដល់សិស្សនិទ្ទេស A ក្នុងឆ្នាំសិក្សា២០២១-២០២២ សរុបចំនួន១,០៤៩នាក់ ដែលពិធីនេះត្រូវធ្វើឡើងនៅមជ្ឈមណ្ឌលពាណិជ្ជកម្មជ្រោយចង្វារ(OCIC)។គួរបញ្ជាក់ថា ការប្រលងមធ្យមសិក្សាទុតិយភូមិ(បាក់ឌុប)ដែលបានប្រព្រឹត្តទៅកាលពីថ្ងៃទី០៥ ខែធ្នូ ឆ្នាំ២០២២ មានបេក្ខជនប្រលងជាប់មានចំនួន ៩០,៩៥០នាក់ ស្មើនឹងប្រមាណ ៧២.៣៣% នៃបេក្ខជនសរុប។ បេក្ខជនទទួលបាននិទ្ទេស A មានចំនួន ១,០៤៩នាក់, និទ្ទេស B មានចំនួន ៧,២៣២នាក់, និទ្ទេស C មានចំនួន ១៩,០៥៣នាក់, និទ្ទេស D មានចំនួន ៣១,១៦៦នាក់ និងនិទ្ទេស E មានចំនួន ៣២, ៤៥០នាក់។ការផ្តល់កិត្តិយសដ៏ខ្ពង់ខ្ពស់របស់សម្តេចតេជោ ហ៊ុន សែន ក្នុងការជួបសំណេះសំណាលជាមួយសិស្សនិទ្ទេស A ជាការលើកទឹកចិត្តដ៏ធំធេងដល់សិស្សដែលបានប្រឹងប្រែងសិក្សារៀនសូត្រ និងជាការលើកទឹកចិត្តបន្ថែមទៀតឱ្យសិស្សានុសិស្សទាំងអស់ ក៏ដូចជាសិស្សានុសិស្សដែលត្រូវប្រឡងនាឆ្នាំបន្តបន្ទាប់អោយខិតខំប្រឹងប្រែងរៀនសូត្របន្ថែមទៀត។

២ឆ្នាំបន្ទាប់ពីរដ្ឋប្រហារយោធា ជីវិតពលរដ្ឋមីយ៉ាន់ម៉ាបានផ្លាស់ប្តូរយ៉ាងខ្លាំង

មីយ៉ាន់ម៉ា៖ រយៈពេល ២ឆ្នាំចាប់តាំងពីរដ្ឋប្រហារយោធានៅសហភាពមីយ៉ាន់ម៉ា ដែលបានបណ្តេញរដ្ឋាភិបាលជាប់ឆ្នោតរបស់លោកស្រី Aung San Suu Kyi ជីវិតធម្មតារបស់ប្រជាជនជួបភាពស្មុគស្មាញ ខណៈមនុស្សរាប់លាននាក់បានភៀសខ្លួនចេញពីលំនៅឋានរបស់ពួកគេ និងត្រូវបានផ្លាស់ទីលំនៅនៅជុំវិញពិភពលោក។ យុវជនអាយុ ២១ឆ្នាំម្នាក់ឈ្មោះ Aye Chan ជាកម្មកររោងចក្រផលិតមីមុនរដ្ឋប្រហារ លោកបានភ្ញាក់ពីដំណេកនៅថ្ងៃទី១ ខែកុម្ភៈ ឆ្នាំ២០២១ ជាថ្ងៃរដ្ឋប្រហារ ដើម្បីស្វែងរកអ៊ីនធឺណិតដែលត្រូវបានកាត់ផ្តាច់។ នៅព្រឹកថ្ងៃកើតមានរដ្ឋប្រហារលោកភ្ញាក់ឡើងហើយប្រើទូរស័ព្ទ ប៉ុន្តែគ្មានអ៊ីនធឺណិតនោះទេ ដំបូងលោកគិតថា មកពីលោកមិនបានបង់វិក្កយបត្រថ្លៃទូរស័ព្ទរបស់លោក ដូច្នេះលោកបានបញ្ចូលលុយ ប៉ុន្តែវានៅតែមិនដំណើរការ។ សំណួរដំបូងរបស់លោកគឺអ្វីទៅជារដ្ឋប្រហារ ហើយហេតុអ្វីបានជាមានរដ្ឋប្រហារ? ក្រោយមកលោកបានចូលរួមក្នុងការតវ៉ាប្រឆាំងរដ្ឋប្រហារ។ នៅពេលដែលក្រុមអ្នកតវ៉ាចាប់ផ្តើមកាន់អាវុធ លោកបានចូលរួមជាមួយពួកគេ ហើយធ្វើដំណើរទៅហ្វឹកហាត់នៅតំបន់ព្រំដែន។ វាពិតជានឿយហត់ខ្លាំង ហើយលោកស្ទើរតែបោះបង់វាចោល។ អំឡុងការវាយប្រហារដោយយោធាកាលពីឆ្នាំមុន លោកបានបាត់បង់ជើងម្ខាងបន្ទាប់ពីការផ្ទុះគ្រាប់។ ទោះបីជាលោកបាត់បង់ជើងម្ខាងក៏ដោយ ក៏លោកមិនសោកស្តាយចំពោះការចូលរួមតស៊ូនេះដែរ ដោយលោកនិយាយថា ប្រសិនបើលោកជាសះស្បើយ លោកនឹងត្រលប់ទៅធ្វើសង្គ្រាមវិញរហូតដល់ទីបញ្ចប់។ ពលរដ្ឋម្នាក់ទៀតនៅពេលយោធាឡើងកាន់អំណាច នាង Han Lay អាយុ ២៣ឆ្នាំជាតារាម៉ូដែល ដែលត្រៀមចូលរួមការប្រកួតបវរកញ្ញាអន្តរជាតិនៅប្រទេសថៃ។ បន្ទាប់ពីបានចូលរួមក្នុងការតវ៉ាជាមួយមិត្តភក្តិរបស់នាង នាងបានសម្រេចចិត្តប្រើវេទិការបស់នាង ដើម្បីនិយាយអំពីស្ថានភាពនៅក្នុងសហភាពមីយ៉ាន់ម៉ា។ នៅលើឆាក នាងបានទប់ទឹកភ្នែក ខណៈនាងនិយាយអំពីអំពើហិង្សាយោធានៅថ្ងៃដែលក្រុមបាតុករជាង ១៤០នាក់ត្រូវបានសម្លាប់។ វីដេអូនេះត្រូវបានចែកចាយ ហើយបន្ទាប់ពីនោះយោធាមីយ៉ាន់ម៉ាបានចោទប្រកាន់នាងពីបទបះបោរ។ នាងត្រូវបានឃុំខ្លួននៅព្រលានយន្តហោះក្នុងទីក្រុងបាងកកអស់រយៈពេលជាច្រើនថ្ងៃ ដោយសុំអង្វរតាមបណ្តាញសង្គមកុំឲ្យបញ្ជូននាងត្រឡប់ទៅមីយ៉ាន់ម៉ាវិញ។ នាងនិយាយថា នគរបាលមីយ៉ាន់ម៉ាកំពុងនៅអាកាសយានដ្ឋានដើម្បីស្វែងរកជួបនាង ប៉ុន្តែនាងបានបដិសេធ ហើយបានទាក់ទងទៅកាន់ទីភ្នាក់ងារជនភៀសខ្លួនរបស់អង្គការសហប្រជាជាតិ៕អត្ថបទ៖ ប៊ុនថន

អំពើហិង្សាដោយកាំភ្លើងនៅសហរដ្ឋអាមេរិកបានកើនឡើងខ្ពស់បំផុតក្នុងខែដំបូងនៅឆ្នាំ២០២៣ នេះ

អាមេរិក៖ អង្គការឃ្លាំមើលហិង្សាដោយអាវុធ ជាគេហទំព័រតាមដានការបាញ់ប្រហារនៅក្នុងសហរដ្ឋអាមេរិក ដែលបានចាប់ផ្ដើមតាមដានការបាញ់បោះដោយសេរីកាលពីឆ្នាំ២០១៤ បានឲ្យដឹងថា សហរដ្ឋអាមេរិកបានជួបប្រទះការបាញ់ប្រហារធំៗចំនួន ៤៤លើកនៅក្នុងឆ្នាំ២០២៣ នេះគិតត្រឹមថ្ងៃទី២៩ ខែមករាដែលជាឆ្នាំអាក្រក់បំផុត។ កាលពីថ្ងៃទី៣០ ខែមករា មានការបាញ់ប្រហារជាច្រើនបានកើតឡើងនៅក្នុងទឹកដីរដ្ឋ Texas, រដ្ឋ Illinois, រដ្ឋ Alabama របស់សហរដ្ឋអាមេរិក ដែលភាគច្រើននៃជនរងគ្រោះគឺជាកុមារ។ យោងតាមអង្គការ Gun Violence Archive ដដែលមានការបាញ់បោះដោយសេរីចំនួន ៦៤១លើកនៅក្នុងសហរដ្ឋអាមេរិកក្នុងឆ្នាំ២០២២ ជាចំនួនខ្ពស់បំផុតទី២ ក្រោមចំនួន ៦៩០លើកក្នុងឆ្នាំ២០២១។ គ្រាន់តែនៅក្នុងសប្ដាហ៍ដំបូងនៃឆ្នាំថ្មី២០២៣ មានហេតុការណ៍បាញ់ប្រហារធំចំនួន៣ បានកើតឡើងនៅក្នុងរដ្ឋ California សម្លាប់មនុស្សជាង ២០នាក់។ សារព័ត៌មានមួយរបស់សហរដ្ឋអាមេរិកបាននិយាយថា គ្មានទីកន្លែងណាមានសុវត្ថិភាពផុតពីអំពើហិង្សាដោយកាំភ្លើងនោះទេ។ ការចុះផ្សាយនេះបាននិយាយថា មានមនុស្សជាង ១០០នាក់បានស្លាប់ និងជាង ២០០នាក់ផ្សេងទៀតរងរបួសជារៀងរាល់ឆ្នាំនៅក្នុងឧបទ្ទវហេតុជាប់ពាក់ព័ន្ធនឹងអាវុធ។ ការបាញ់បោះដោយសេរីបានក្លាយជាមូលហេតុ ធ្វើឲ្យមានកុមារអាមេរិកជាច្រើនស្ថិតក្នុងចំណោមអ្នកស្លាប់៕អត្ថបទ៖ សុខមាន

អាមេរិកបញ្ជូនយានយន្តប្រយុទ្ធ Bradley ៦០គ្រឿងទៅអ៊ុយក្រែន ខណៈបារាំងបញ្ជូនយាន Caesar បន្ថែម ១២គ្រឿង

អាមេរិក៖ សហរដ្ឋអាមេរិកបានបញ្ជូនយានយន្តប្រយុទ្ធ Bradley ចំនួន ៦០គ្រឿងទៅកាន់ប្រទេសអ៊ុយក្រែន ជាផ្នែកមួយនៃកញ្ចប់សព្វាវុធថ្មីដើម្បីជួយប្រយុទ្ធប្រឆាំងការវាយលុករបស់រុស្ស៊ី។ សហរដ្ឋអាមេរិកបានបញ្ជូនសព្វាវុធ ដែលមានសមត្ថភាពកាន់តែច្រើនទៅកាន់ប្រទេសអ៊ុយក្រែន ខណៈសង្គ្រាមកើនឡើង ហើយតម្រូវការរបស់អ៊ុយក្រែនបានផ្លាស់ប្តូរ ដែលប្រព័ន្ធសព្វាវុធស្មុបន្ថែមទៀតរួមមានទាំងប្រព័ន្ធកាំភ្លើងធំបាញ់រ៉ុក្កែតចល័ត (HIMARS) និងប្រព័ន្ធកាំមីស៊ីលបាញ់ពីដីទៅអាកាសទំនើប (NASAMS) ត្រូវបានដឹកជញ្ជូនទៅកាន់ទីក្រុង Kyiv។ កាលពីថ្មីៗនេះ សហរដ្ឋអាមេរិកបានសន្យាបញ្ជូនប្រព័ន្ធមីស៊ីលប៉ាទ្រីយ៉ូត (Patriot) ដើម្បីទប់ទល់ការវាយប្រហារដោយមីស៊ីល និងយានដ្រូនរបស់រុស្ស៊ី។ Bradley ជារថពាសដែកបំពាក់កាំភ្លើងដ៏មានឥទ្ធិពល ត្រូវបានគេប្រើប្រាស់ជាចម្បងដោយកងទ័ពសហរដ្ឋអាមេរិក ដើម្បីដឹកកងទ័ពនៅជុំវិញសមរភូមិចាប់តាំងពីពាក់កណ្តាលទសវត្សរ៍ឆ្នាំ១៩៨០។ តាមសេចក្តីរាយការណ៍ រដ្ឋបាលប្រធានាធិបតី Joe Biden បានសម្រេចបញ្ជូនរ៉ុក្កែតរយៈចម្ងាយឆ្ងាយទៅកាន់ប្រទេសអ៊ុយក្រែន ដែលនឹងផ្តល់ឲ្យកងកម្លាំងទីក្រុងគីវនូវសមត្ថភាពដើម្បីវាយប្រហារគោលដៅកាន់តែឆ្ងាយ។ កាំភ្លើងធំបាញ់គ្រាប់រ៉ុក្កែតរយៈចម្ងាយឆ្ងាយ GLSDB បាញ់បានក្នុងចម្ងាយ ១៥០គីឡូម៉ែត្រនឹងជាផ្នែកមួយនៃកញ្ចប់ជំនួយយោធានៅពេលខាងមុខ សម្រាប់អ៊ុយក្រែនដែលមានតម្លៃជាង ២ពាន់លានដុល្លារ។ ទន្ទឹមនឹងនេះ រដ្ឋមន្ត្រីក្រសួងការពារជាតិបារាំងលោក Sebastien Lecornu បាននិយាយកាលពីថ្ងៃអង្គារថា ប្រទេសបារាំងនឹងបញ្ជូនយានយន្ត Caesar ចំនួន ១២គ្រឿងបន្ថែមទៀតទៅកាន់ប្រទេសអ៊ុយក្រែន។ លោកបាននិយាយនៅពេលសួរអំពីការផ្គត់ផ្គង់យន្តហោះចម្បាំងទៅឲ្យប្រទេសអ៊ុយក្រែនថា «វាគ្មានបម្រាមអ្វីនោះទេ»។ លោកនិយាយថា ប្រទេសបារាំង និងអ៊ុយក្រែនបានពិភាក្សាអំពីការបណ្តុះបណ្តាល អ្នកបើកយន្តហោះអ៊ុយក្រែនឱ្យបើកយន្តហោះចម្បាំងរបស់បារាំង ប៉ុន្តែមិនទាន់មានការសម្រេចចិត្តណាមួយត្រូវបានធ្វើឡើងនៅឡើយទេ។ លោក Lecornu បានបញ្ជាក់ឡើងវិញនូវជំហររបស់ប្រទេសបារាំង នៅពេលនិយាយអំពីការផ្គត់ផ្គង់អាវុធដល់អ៊ុយក្រែន ដោយនិយាយថា វានឹងមិនធ្វើឱ្យសមត្ថភាពការពារជាតិរបស់បារាំងចុះខ្សោយនោះទេ វានឹងមានប្រយោជន៍ក្នុងការជួយអ៊ុយក្រែនក្នុងជម្លោះជាមួយរុស្ស៊ី ហើយអាវុធនឹងប្រើសម្រាប់តែអ៊ុយក្រែនដើម្បីការពារខ្លួនប៉ុណ្ណោះ៕អត្ថបទ៖ ប៊ុនថន

UN៖ រយៈពេលពីរឆ្នាំបន្ទាប់ពីរដ្ឋប្រហារ មីយ៉ាន់ម៉ានៅតែប្រព្រឹត្តឧក្រិដ្ឋកម្មប្រឆាំងមនុស្សជាតិ

មីយ៉ាន់ម៉ា៖ រយៈពេលពីរឆ្នាំបន្ទាប់ពីរដ្ឋប្រហារយោធាថ្ងៃទី១ ខែកុម្ភៈ ឆ្នាំ២០២១ នៅសហភាពមីយ៉ាន់ម៉ាដែលបានបណ្តេញរដ្ឋាភិបាលជាប់ឆ្នោតរបស់លោកស្រី Aung San Suu Kyi បានបន្សល់ទុកនូវដំណើរជីវិតដ៏ស្មុគស្មាញ។ ក្រុមឃ្លាំមើលជម្លោះដែលមានមូលដ្ឋាននៅសហរដ្ឋអាមេរិក អាក្លេត (Acled) និយាយថា មនុស្សប្រហែល ១៩,០០០នាក់បានស្លាប់កាលពីឆ្នាំមុន ខណៈការបង្ក្រាបលើការតវ៉ា បាននាំឱ្យមនុស្សជាច្រើនចាប់កាន់អាវុធប្រឆាំងយោធា។ យោងតាមអង្គការសហប្រជាជាតិ ដែលបានចោទប្រកាន់យោធាពីឧក្រិដ្ឋកម្មសង្គ្រាម និងឧក្រិដ្ឋកម្មប្រឆាំងមនុស្សជាតិបានឲ្យដឹងថា ប្រជាជនប្រមាណ ១.២លាននាក់បានជម្លៀសខ្លួនចេញពីទីលំនៅ និងជាង ៧០.០០០នាក់បានចាកចេញពីប្រទេស។ យោធាមីយ៉ាន់ម៉ានិយាយថា ខ្លួនកំពុងធ្វើយុទ្ធនាការស្របច្បាប់ប្រឆាំង «ភេរវករ»។ បេសកជនពិសេសរបស់អង្គការសហប្រជាជាតិ ប្រចាំនៅអង្គការសហប្រជាជាតិកាលពីថ្ងៃអង្គារបាននិយាយថា វាចូលដល់ខួប២ឆ្នាំនៃការបរាជ័យរបស់យើងក្នុងនាមសហគមន៍អន្តរជាតិ ក្នុងការដោះស្រាយវិបត្តិនេះដោយប្រសិទ្ធភាព។ លោក Tom Andrews អ្នករាយការណ៍ពិសេសរបស់អង្គការសហប្រជាជាតិ ស្តីពីស្ថានភាពសិទ្ធិមនុស្សនៅសហភាពមីយ៉ាន់ម៉ាបានចេញរបាយការណ៍មួយថា «ខុសច្បាប់» ដែលកំពុងតែពិនិត្យមើលការអះអាងរបស់យោធាមីយ៉ាន់ម៉ា ខណៈរដ្ឋាភិបាលឆ្លើយតបអន្តរជាតិ។ លោកនិយាយថា វាមានសារៈសំខាន់ខ្លាំង ដែលយើងក្នុងនាមសហគមន៍អន្តរជាតិស្វែងយល់ពីតួនាទីដ៏សំខាន់ ពិសេសដែលយើងមានក្នុងការទទួលស្គាល់ភាពស្របច្បាប់ ឬភាពមិនស្របច្បាប់របស់របបយោធា ហើយនោះជាអ្វីដែលរបាយការណ៏បានលើកឡើង។ មានរឿងរ៉ាវបីដែលរបបយោធាត្រូវការទ្រទ្រង់ខ្លួនឯង ត្រូវការថវិកា ត្រូវការអាវុធ និងត្រូវការភាពស្របច្បាប់។ របបយោធានេះពុំមានភាពស្របច្បាប់នោះទេ ក្នុងក្រសែភ្នែកប្រជាជនមីយ៉ាន់ម៉ា៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

កូរ៉េខាងជើងច្រានចោលការចោទប្រកាន់របស់អាមេរិកថា ទីក្រុងព្យុងយ៉ាង គឺជាការគំរាមកំហែងតាមប្រព័ន្ធអ៊ីនធឺណិត

ប្រធានាធិបតីគុយបាបរិហារទណ្ឌកម្មថ្មីរបស់សហរដ្ឋអាមេរិកលើប្រទេសរបស់លោក

មនុស្ស ១១នាក់ស្លាប់ ក្នុងហេតុការណ៍ក្រឡាប់រថយន្តក្រុងនៅភាគខាងលិចម៉ិកស៊ិក

ក្រុមមន្រ្តីនិយាយថា សហរដ្ឋអាមេរិកដកទាហាន ៥ពាន់នាក់ចេញពីប្រទេសអាល្លឺម៉ង់

អ្នកនាំពាក្យ៖ កម្មវិធីនយោបាយ និងការអភិវឌ្ឍរបស់កម្ពុជា បាននិងកំពុងដំណើរការទៅមុខជានិច្ច បើទោះបីកម្ពុជារងការឈ្លានពានពីថៃ

ប្រតិភូសភាប្រើភាសាបារាំង ១៧ប្រទេសធ្វើសិក្ខាសាលា អំពីក្របខ័ណ្ឌ និងការប្រើប្រាស់ឌីជីថលក្នុងសភា

ជម្លោះនៅតែកើតមានរវាងក្រុមហេសបូឡា និងអ៊ីស្រាអែលនៅតំបន់ភាគខាងត្បូងលីបង់

លោក Trump និយាយថា មានលទ្ធភាពដែលអាមេរិកអាចចាប់ផ្តើមវាយប្រហារអ៊ីរ៉ង់ម្តងទៀត

មនុស្សយ៉ាងហោច ៩នាក់ស្លាប់ ក្នុងហេតុការណ៍អគ្គិភ័យនៅទីក្រុងញូវដែល្លី ប្រទេសឥណ្ឌា

សហរដ្ឋអាមេរិកអនុម័តលក់អាវុធតម្លៃ ៨,៦ពាន់លានដុល្លារដល់សម្ព័ន្ធមិត្តមជ្ឈិមបូព៌ា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

លោកខាងលិចកំពុងប្រញាប់ប្រញាល់បញ្ជូនអាវុធឲ្យអ៊ុយក្រែន ប្រជែងនឹងការវាយសន្ធាប់ពីរុស្ស៊ី

ក្រសួងការងារបារាំង៖ ការដំឡើងអាយុចូលនិវត្តន៍គឺជារឿងមិនអាចចរចាបាន ទោះមានការតវ៉ាធំក៏ដោយ

មនុស្សកន្លះលាននាក់ចេញធ្វើកូដកម្មនៅទូទាំងចក្រភពអង់គ្លេស ដោយសារជម្លោះប្រាក់បៀវត្ស និងលក្ខខណ្ឌការងារ

សម្តេចតេជោ ហ៊ុន សែន អញ្ជើញជួបសំណេះសំណាលជាមួយសិស្សនិទ្ទេសA ជាង១ពាន់នាក់

២ឆ្នាំបន្ទាប់ពីរដ្ឋប្រហារយោធា ជីវិតពលរដ្ឋមីយ៉ាន់ម៉ាបានផ្លាស់ប្តូរយ៉ាងខ្លាំង

អំពើហិង្សាដោយកាំភ្លើងនៅសហរដ្ឋអាមេរិកបានកើនឡើងខ្ពស់បំផុតក្នុងខែដំបូងនៅឆ្នាំ២០២៣ នេះ

អាមេរិកបញ្ជូនយានយន្តប្រយុទ្ធ Bradley ៦០គ្រឿងទៅអ៊ុយក្រែន ខណៈបារាំងបញ្ជូនយាន Caesar បន្ថែម ១២គ្រឿង

UN៖ រយៈពេលពីរឆ្នាំបន្ទាប់ពីរដ្ឋប្រហារ មីយ៉ាន់ម៉ានៅតែប្រព្រឹត្តឧក្រិដ្ឋកម្មប្រឆាំងមនុស្សជាតិ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

លោកខាងលិច​កំពុង​ប្រញាប់ប្រញាល់​បញ្ជូន​អាវុធ​ឲ្យ​អ៊ុយ​ក្រែ​ន ប្រជែង​នឹង​ការ​វាយ​សន្ធាប់​ពី​រុស្ស៊ី​

ក្រសួង​ការងារ​បារាំង​៖​ ការដំឡើង​អាយុ​ចូលនិវត្តន៍​គឺជា​រឿង​មិនអាច​ចរចា​បាន ទោះ​មាន​ការតវ៉ា​ធំ​ក៏ដោយ

សម្តេចតេជោ ហ៊ុន សែន អញ្ជើញជួបសំណេះសំណាលជាមួយសិស្សនិទ្ទេសA ជាង១ពាន់នាក់

២​ឆ្នាំ​បន្ទាប់ពី​រដ្ឋប្រហារ​យោធា ជីវិត​ពលរដ្ឋ​មី​យ៉ាន់​ម៉ា​បាន​ផ្លាស់ប្តូរ​យ៉ាងខ្លាំង

អំពើហិង្សា​ដោយ​កាំភ្លើង​នៅ​សហរដ្ឋអាមេរិក​បាន​កើនឡើង​ខ្ពស់បំផុត​ក្នុង​ខែ​ដំបូង​នៅ​ឆ្នាំ​២០២៣​ នេះ

អាមេរិក​បញ្ជូន​យានយន្ត​ប្រយុទ្ធ Bradley ៦០​គ្រឿង​ទៅ​អ៊ុយ​ក្រែ​ន ខណៈ​បារាំង​បញ្ជូន​យាន Caesar បន្ថែម ​១២​គ្រឿង​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លោកខាងលិចកំពុងប្រញាប់ប្រញាល់បញ្ជូនអាវុធឲ្យអ៊ុយក្រែន ប្រជែងនឹងការវាយសន្ធាប់ពីរុស្ស៊ី

ក្រសួងការងារបារាំង៖ ការដំឡើងអាយុចូលនិវត្តន៍គឺជារឿងមិនអាចចរចាបាន ទោះមានការតវ៉ាធំក៏ដោយ

២ឆ្នាំបន្ទាប់ពីរដ្ឋប្រហារយោធា ជីវិតពលរដ្ឋមីយ៉ាន់ម៉ាបានផ្លាស់ប្តូរយ៉ាងខ្លាំង

អំពើហិង្សាដោយកាំភ្លើងនៅសហរដ្ឋអាមេរិកបានកើនឡើងខ្ពស់បំផុតក្នុងខែដំបូងនៅឆ្នាំ២០២៣ នេះ

អាមេរិកបញ្ជូនយានយន្តប្រយុទ្ធ Bradley ៦០គ្រឿងទៅអ៊ុយក្រែន ខណៈបារាំងបញ្ជូនយាន Caesar បន្ថែម ១២គ្រឿង