BTV NEWS

សម្តេចធិបតី៖ ការធានាសុវត្ថិភាពព័ត៌មាន រក្សាព័ត៌មានសម្ងាត់របស់ជាតិ ក្នុងកាលៈទេសៈនៃវិបត្តិមិនមែនជាការរឹតត្បិតសេរីភាពខាងសារព័ត៌មាននោះទេ

សម្តេចធិបតី៖ការស្ទង់មតិឆ្លុះបញ្ចាំងឱ្យឃើញថាកម្ពុជាកំពុងពង្រឹងវិស័យព័ត៌មាន សេរីព័ត៌មាន និងការអភិវឌ្ឍវិជ្ជាជីវៈ

សម្តេចបវរធិបតីផ្តល់អនុសាសន៍ ៦ចំណុចដល់អ្នកសារព័ត៌មាន និងអ្នកផលិតមាតិកា ក្នុងឱកាសទិវាសេរីភាពសារព័ត៌មាន

សម្តេចតេជោ ហ៊ុន សែន ក្រើនរំលឹកដល់មន្រ្តីរាជការទាំងអស់ឲ្យបន្តយកចិត្តទុកដាក់បំពេញតួនាទីភារកិច្ចបម្រើជាតិ និងប្រជាជនឱ្យបានល្អប្រសើរ

ព័ត៌មានសំខាន់ៗ

ប្រទេសប៉ូឡូញព្យាយាមបង្កើតក្រុមចម្រុះដើម្បីបញ្ជូនរថក្រោះ Leopard ទៅឲ្យប្រទេសអ៊ុយក្រែន

ប៉ូឡូញ៖ ប្រទេសប៉ូឡូញបាននិយាយកាលពីថ្ងៃចន្ទ ទី២៣ មករាថា ខ្លួននឹងស្នើសុំការអនុញ្ញាតឲ្យអាល្លឺម៉ង់បញ្ជូនរថក្រោះ Leopard ទៅកាន់អ៊ុយក្រែន ហើយនឹងបញ្ជូនរថក្រោះទាំងនោះថា តើទីក្រុងប៊ែរឡាំងយល់ព្រម ឬអត់ ដរាបណាប្រទេសផ្សេងទៀតបានធ្វើដូចគ្នាផងដែរ។ រដ្ឋាភិបាលក្រុង Kyiv ចង់បានរថក្រោះ Leopard 2 ផលិតដោយអាល្លឺម៉ង់ មួយក្នុងចំណោមរថក្រោះភាគច្រើនដែលត្រូវបានប្រើប្រាស់ដោយលោកខាងលិច ដើម្បីជួយបំបែកខ្សែត្រៀមរបស់រុស្ស៊ី និងដណ្ដើមយកដែនដីរបស់ខ្លួនមកវិញឲ្យបាននៅឆ្នាំនេះ។ ប្រទេសអាល្លឺម៉ង់ដែលត្រូវតែយល់ព្រមលើការនាំចេញឡើងវិញនូវប្រភេទរថក្រោះ Leopard បានបង្ហាញភាពស្ទាក់ស្ទើរ និងការប្រុងប្រយ័ត្នចំពោះទង្វើ ដែលអាចបណ្តាលឲ្យមានភាពតានតឹងកើនឡើងកាន់តែខ្លាំងជាមួយទីក្រុង Moscow ហើយនិយាយថា ប្រទេសសមាជិកសម្ព័ន្ធយោធាណាតូផ្សេងទៀត មិនទាន់បានស្នើសុំជាផ្លូវការឲ្យនាំចេញរថក្រោះទាំងនោះឡើងវិញនៅឡើយទេ។ កាលពីថ្ងៃអាទិត្យ រដ្ឋមន្ត្រីការបរទេសអាល្លឺម៉ង់លោកស្រី Annalena Baerbock បាននិយាយថា អាល្លឺម៉ង់នឹងមិនរារាំងប៉ូឡូញក្នុងការផ្ដល់អាវុធឲ្យអ៊ុយក្រែនទេ ប៉ុន្តែការអំពាវនាវរបស់ទីក្រុងវ៉ាសាវី (Warsaw) ឲ្យបង្កើតក្រុមចម្រុះ ដើម្បីបញ្ជូនអាវុធណាមួយនៅតែមិនទាន់មានច្រកនៅឡើយ។ ប្រភពចំនួន៣ បាននិយាយថា បណ្ដាប្រទេសលោកខាងលិចបានប្ដេជ្ញាផ្ដល់កញ្ចប់ថវិការាប់ពាន់លានដុល្លារអាមេរិក ជាជំនួយយោធាថ្មីដល់អ៊ុយក្រែនក្នុងពេលប៉ុន្មានថ្ងៃថ្មីៗនេះ។ កាលពីថ្ងៃចន្ទបណ្ដារដ្ឋមន្ត្រីការបរទេសសហភាពអឺរ៉ុប បានព្រមព្រៀងបញ្ចេញកញ្ចប់ថវិកាចុងក្រោយរបស់ខ្លួន ដែលមានទំហំទឹកប្រាក់ចំនួន ៥៤៥លានដុល្លារអាមេរិកដល់អ៊ុយក្រែន៕អត្ថបទ៖ សុខមាន

ប៉ាគីស្ថានប្រញាប់ប្រញាល់តភ្ជាប់បណ្ដាញថាមពល ក្រោយដាច់ចរន្តអគ្គិសនីលើកទី២ ក្នុងពេលជាច្រើនខែ

ប៉ាគីស្ថាន៖ ប្រទេសប៉ាគីស្ថានបានធ្លាក់ក្នុងភាពងងឹតកាលពីថ្ងៃចន្ទ ក្រោយការដាច់ចរន្តអគ្គិសនីនៅក្នុងទីក្រុងតូចធំជាច្រើន ដែលបណ្ដាលឲ្យមនុស្សរាប់លាននាក់គ្មានថាមពលអគ្គិសនីប្រើប្រាស់។ អគ្គិសនីត្រូវបានដាច់នៅក្នុងទីក្រុងសំខាន់ៗទាំងអស់រួមទាំងទីក្រុងធំបំផុតការ៉ាជី (Karachi) និងរដ្ឋធានីអ៊ីស្លាម៉ាបាដ (Islamabad) ព្រមទាំងទីក្រុងឡាហ័រ (Lahore) និងទីក្រុងផេសាវ៉ា ( Peshawar)។ រដ្ឋាភិបាលប៉ាគីស្ថានបានចាប់ផ្ដើមតភ្ជាប់ចរន្តអគ្គិសនីឡើងវិញ ដល់ប្រជាពលរដ្ឋរាប់លាននាក់កាលពីថ្ងៃចន្ទ ក្រោយការដាច់បណ្ដាញថាមពល ដែលក្លាយជាការដាច់ចរន្តអគ្គិសនីធំបំផុតមិនធ្លាប់មានរយៈពេលជាង ១២ម៉ោងក្នុងរយៈពេលជាច្រើនខែមកនេះ និងបានបង្ហាញពីហេដ្ឋារចនាសម្ព័ន្ធទន់ខ្សោយ នៃប្រទេសដែលរួមរឹតដោយបំណុលមួយនេះ។ រដ្ឋមន្ត្រីក្រសួងថាមពលលោក Khurrum Dastagir បាននិយាយថា ការដាច់ចរន្តអគ្គិសនីបានកើតឡើងជាញឹកញាប់នៅក្នុងភាគខាងត្បូងនៃប្រទេសប៉ាគីស្ថាន។ មកទល់នឹងយប់មិញនេះបណ្ដាញចរន្តអគ្គិសនីនៅក្នុងតំបន់ជាច្រើន នៅតែពុំទាន់បានតភ្ជាប់ឡើងវិញនៅឡើយទេ។ ប្រទេសប៉ាគីស្ថានតែងរងការដាច់ចរន្តអគ្គិសនីជាញឹកញាប់ ដែលត្រូវបានដាក់ការស្ដីបន្ទោសទៅលើការគ្រប់គ្រងមិនបានល្អ និងកង្វះការវិនិយោគនៅក្នុងវិស័យហេដ្ឋារចនាសម្ព័ន្ធ។ ការដាច់ចរន្តអគ្គិសនីដ៏ធំចុងក្រោយបំផុតបានកើតឡើងកាលពីខែតុលា ដែលត្រូវការពេលជាច្រើនម៉ោងទើបអាចតភ្ជាប់ឡើងវិញបាន៕អត្ថបទ៖ សុខមាន

ប្រជាជនចិនបួងសួងសុំសុខភាពល្អក្នុងថ្ងៃចូលឆ្នាំ ខណៈចំនួនអ្នកស្លាប់ដោយសារ Covid-19 កើនឡើង

ចិន៖ ប្រទេសចិនបានប្រារព្ធពិធីបុណ្យចូលឆ្នាំថ្មីចាប់តាំងពីថ្ងៃអាទិត្យ ដោយមានពលរដ្ឋជាច្រើនបានបួងសួងសុំសុខភាពល្អ បន្ទាប់ពីភាពតានតឹង និងការលំបាកផ្នែកហិរញ្ញវត្ថុរយៈពេល ៣ឆ្នាំដោយសារជំងឺរាតត្បាត ខណៈមន្ត្រីបានរាយការណ៍ថាមានអ្នកស្លាប់ថ្មីជិត ១៣,០០០នាក់ដែលបណ្តាលមកពីវីរុសនេះនៅចន្លោះថ្ងៃទី១៣ ដល់ថ្ងៃទី១៩ ខែមករា។ មនុស្សជាច្រើនជួរលាតសន្ធឹងប្រហែលមួយគីឡូម៉ែត្រនៅខាងក្រៅវិហារ Lama ដ៏ល្បីល្បាញក្នុងទីក្រុងប៉េកាំង ដែលត្រូវបានបិទម្តងហើយម្តងទៀតមុនពេលវិធានការរឹតត្បិតវីរុស COVID-19 បានបញ្ចប់កាលពីដើមខែធ្នូ ដោយមនុស្សរាប់ពាន់នាក់រង់ចាំវេនរបស់ពួកគេ ដើម្បីបួងសួងដល់មនុស្សជាទីស្រលាញ់របស់ខ្លួន។ ហិរញ្ញវត្ថុ ឬជីវិតរបស់មនុស្សគ្រប់គ្នាបានរងផលប៉ះពាល់យ៉ាងខ្លាំង ដោយជំងឺរាតត្បាតរយៈពេលបីឆ្នាំមកនេះ។ អ្នកជំនាញសុខភាពចិននិយាយថា រលកនៃករណីឆ្លងនៅទូទាំងប្រទេសបានឈានដល់កម្រិតខ្ពស់។ ការធ្វើបច្ចុប្បន្នភាពចំនួនអ្នកស្លាប់ពីមជ្ឈមណ្ឌលគ្រប់គ្រង និងបង្ការជំងឺរបស់ប្រទេសចិនធ្វើឡើង ក្នុងពេលមានការសង្ស័យលើតម្លាភាពទិន្នន័យរបស់ទីក្រុងប៉េកាំង ហើយនៅតែមានកម្រិតទាបបំផុតតាមស្តង់ដារពិភពលោក៕អត្ថបទ៖ ប៊ុនថន

អ្នកស្លាប់កើនឡើងដល់ ១៦នាក់ បន្ទាប់ពីការបាក់រលំអគារនៅទីក្រុង Aleppo ប្រទេសស៊ីរី

ស៊ីរី៖ ប្រព័ន្ធផ្សព្វផ្សាយរដ្ឋបានរាយការណ៍ថា មនុស្ស ១៦នាក់ស្លាប់នៅពេលដែលអគារលំនៅឋានមួយកន្លែងបានបាក់រលំនៅក្នុងទីក្រុង Aleppo ភាគខាងជើងប្រទេសស៊ីរីកាលពីថ្ងៃអាទិត្យ ហើយក្រុមអ្នកជួយសង្គ្រោះបានស្វែងរកមនុស្សដែលត្រូវបានគេជឿថា នៅតែមានកប់នៅក្រោមគំនរបាក់បែក។ មន្ត្រីរដ្ឋាភិបាលត្រូវបានដកស្រង់សម្តីដោយសារព័ត៌មានរដ្ឋនិយាយថា អគារកម្ពស់ ៥ជាន់នៅក្នុងសង្កាត់ Sheikh Maksoud ក្នុងទីក្រុងធំទីពីររបស់ប្រទេសស៊ីរីបានបាក់រលំ ដោយសារតែការលេចទឹកដែលធ្វើឱ្យប៉ះពាល់ដល់គ្រឹះអគារ។ វាជាអគារមួយក្នុងចំណោមអគារជាច្រើនដែលបានបាក់រលំ ក្នុងរយៈពេលប៉ុន្មានឆ្នាំចុងក្រោយនេះនៅទីក្រុងAllepo ដែលបានទទួលរងពីការទម្លាក់គ្រាប់បែកពីលើអាកាសរបស់រុស្ស៊ី និងស៊ីរី នៅក្នុងតំបន់ដែលស្ថិតនៅក្រោមការគ្រប់គ្រងរបស់ក្រុមឧទ្ទាម រហូតដល់ក្រុមនេះត្រូវបានបណ្តេញចេញកាលពី ៦ឆ្នាំមុន។ ប្រជាជននិយាយថា ពលរដ្ឋស៊ីរីជាច្រើននាក់ដែលភៀសខ្លួនបានចាកចេញ ក្នុងអំឡុងពេលជម្លោះយូរជាងមួយទសវត្សរ៍ទៅកាន់អគារដែលរងការបំផ្លាញ ខណៈពុំទាន់មានការស្ថាបនាឡើងវិញជាប្រព័ន្ធនៅតំបន់លំនៅឋាន ហើយសេវាកម្មរដ្ឋនៅមានតិចតួច។ ពលរដ្ឋនិយាយថា ការងារជួសជុលអគារដែលរងការបំផ្លាញដោយសង្គ្រាម មានករណីជាច្រើនដែលប្រជាជនក្នុងតំបន់បានធ្វើ និងចំណាយដោយខ្លួនឯង។ រដ្ឋាភិបាលបានបន្ទោសការងើបឡើងវិញយឺត និងការលំបាកពីសង្គ្រាម និងទណ្ឌកម្មប្រទេសលោកខាងលិច៕អត្ថបទ៖ ប៊ុនថន

គណបក្សប្រជាធិបតេយ្យរិះគន់លោក Biden ជុំវិញការរកឃើញឯកសារដែលថា លោកបានលាក់ទុក

អាមេរិក៖ អ្នកតំណាងរាស្ត្រនៅក្នុងគណបក្សរបស់លោកប្រធានាធិបតី Joe Biden ខ្លួនឯងកំពុងរិះគន់កាន់តែខ្លាំងលើលោកប្រធានាធិបតីអាមេរិករូបនេះ ជុំវិញការគ្រប់គ្រងឯកសារសំងាត់រដ្ឋមិនបានត្រឹមត្រូវ បន្ទាប់ពីទីភ្នាក់ងារស៊ើបអង្កេត FBI បានរឹបអូសឯកសារដែលត្រូវបានផ្ទៀងផ្ទាត់រួចបន្ថែមទៀត អំឡុងការឆែកឆេរនៅក្នុងគេហដ្ឋានរបស់លោកក្នុងទីក្រុង Wilmington រដ្ឋ Delaware។ ថ្លែងទៅកាន់កម្មវិធីទូរទស្សន៍ Morning talk shows របស់សហរដ្ឋអាមេរិកកាលពីថ្ងៃអាទិត្យ សមាជិកព្រឹទ្ធសភាចាស់វស្សាមកពីគណបក្សប្រជាធិបតេយ្យលោក Joe Manchin និងលោក Dick Durbin បានស្ដីបន្ទោសមេដឹកនាំបក្សរបស់ខ្លួនចំពោះការបរាជ័យក្នុងការគ្រប់គ្រងឯកសារ ដែលត្រូវបានរកឃើញនៅគេហដ្ឋានរបស់មេបក្សខ្លួន។ ឯកសារទី៤ ត្រូវបានរកឃើញនៅពេលក្រុមអ្នកស៊ើបអង្កេតរបស់ទីភ្នាក់ងារ FBI បានឆែកឆេរឃើញនៅគេហដ្ឋានរបស់ប្រធានាធិបតីកាលពីថ្ងៃសុក្រសប្ដាហ៍មុន។ មេធាវីមួយរូបរបស់លោក Biden បាននិយាយថា ក្រុមអ្នកស៊ើបអង្កេតរបស់ក្រសួងយុត្តិធម៌អាមេរិក បានរកឃើញឯកសារផ្ទៀងផ្ទាត់រួចចំនួន ៦បន្ថែមអំឡុងការឆែកឆេររយៈពេល ១៣ម៉ោងនៅគេហដ្ឋានរបស់លោកប្រធានាធិបតី Joe Biden ក្នុងរដ្ឋ Delaware។ ការរកឃើញនេះបានកើតមានឡើង មួយថ្ងៃបន្ទាប់ពីលោក Biden បានប្រាប់ក្រុមអ្នកសារព័ត៌មានថា លោកគ្មានការសោកស្ដាយឡើយចំពោះការដោះស្រាយស្ថានការណ៍នេះ៕អត្ថបទ៖ សុខមាន

សម្ព័ន្ធមិត្តលោក Putin៖ ការបញ្ជូនអាវុធថ្មីរបស់លោកខាងលិចឲ្យទៅអ៊ុយក្រែននឹងនាំទៅរកមហន្តរាយសកល

រុស្ស៊ី៖ សម្ព័ន្ធមិត្តដ៏ជិតស្និទ្ធមួយរូបរបស់លោកប្រធានាធិបតី Vladimir Putin បាននិយាយកាលពីថ្ងៃអាទិត្យថា ការផ្ដល់អាវុធឲ្យទីក្រុង Kyiv ដែលគំរាមកំហែងដល់អធិបតេយ្យភាពរបស់រុស្ស៊ី នឹងនាំទៅរកមហន្តរាយសកល និងបង្កឲ្យផ្ទុះជម្លោះប្រឆាំងនឹងការប្រើប្រាស់អាវុធមហាប្រល័យ ដែលមិនអាចទទួលយកបាន។ លោក Vyacheslav Volodin ប្រធានសភារុស្ស៊ីបានព្រមានថា ការគាំទ្ររបស់សហរដ្ឋអាមេរិក និងលោកខាងលិចកំពុងដឹកនាំពិភពលោកឈានទៅរកសង្គ្រាមដ៏ធ្ងន់ធ្ងរ។ លោក Volodin បាននិយាយនៅលើបណ្ដាញ Telegram ថា ប្រសិនបើសហរដ្ឋអាមេរិក និងបណ្ដាប្រទេសសមាជិកសម្ព័ន្ធណាតូផ្គត់ផ្គង់អាវុធ ដែលនឹងត្រូវប្រើដើម្បីវាយប្រហារលើទីក្រុងស៊ីវិលនានា និងមានបំណងដណ្ដើមយកទឹកដីរបស់យើង ដូចដែលពួកគេគំរាមមែននោះ នឹងនាំឲ្យមានវិធានការសងសឹកនានាដោយប្រើអាវុធកាន់តែមានឥទ្ធិពលបន្ថែមទៀត។ សម្ព័ន្ធមិត្តលោកខាងលិចបានប្ដេជ្ញាផ្ដល់ជំនួយអាវុធ មានតម្លៃរាប់ពាន់លានដុល្លារអាមេរិកដល់អ៊ុយក្រែនកាលពីសប្ដាហ៍មុន ទោះបីជាពួកគេបានបរាជ័យយ៉ាងណាក្ដី ក្នុងការបញ្ចុះបញ្ចូលប្រទេសអាល្លឺម៉ង់ឲ្យដកសិទ្ធិវ៉េតូលើការផ្ដល់រថក្រោះប្រយុទ្ធលីអូផាត (Leopard) ផលិតដោយអាល្លឺម៉ង់ ដែលត្រូវបានគ្រប់គ្រងដោយប្រទេសជាសមាជិកណាតូ ប៉ុន្តែការផ្ទេរទៅអ៊ុយក្រែនទាមទារការយល់ព្រមពីទីក្រុងប៊ែរឡាំង៕អត្ថបទ៖ សុខមាន

នគរបាលរដ្ឋ California និយាយថា ជនសង្ស័យបាញ់សម្លាប់មនុស្ស ១០នាក់នៅក្លឹបរាំកម្សាន្តថ្ងៃបុណ្យចូលឆ្នាំចិនបាញ់សម្លាប់ខ្លួនឯងនៅក្នុងរថយន្ត

អាមេរិក៖ ការតាមប្រមាញ់ខ្មាន់កាំភ្លើងម្នាក់ដែលបានបើកការបាញ់ប្រហារសម្លាប់មនុស្ស ១០នាក់នៅក្លឹបរាំកម្សាន្តក្នុងទីក្រុង Los Angeles បានបញ្ចប់កាលពីថ្ងៃអាទិត្យ នៅពេលក្រុមអាជ្ញាធររកឃើញជនល្មើសស្លាប់ ដោយសារបាញ់សម្លាប់ខ្លួនឯងនៅក្នុងរថយន្តដែលរូបគេបានបើករត់គេចខ្លួន បន្ទាប់ពីមនុស្សបានរារាំងការប៉ុនប៉ងការបាញ់ប្រហារលើកទី២ របស់ខ្មាន់កាំភ្លើងរូបនេះ។ស្នងការនគរបាលតំបន់ Los Angeles រដ្ឋ California លោក Robert Luna បានកំណត់អត្តសញ្ញាណជនសង្ស័យជាបុរសជនជាតិអាស៊ីវ័យ ៧២ឆ្នាំ ឈ្មោះ Huu Can Tran និងនិយាយថា ពុំមានជនសង្ស័យផ្សេងទៀតនោះទេ។ លោកបានបន្ថែមថា គេនៅមិនទាន់ដឹងច្បាស់នៅឡើយទេពីមូលហេតុ នាំឈានដល់ការបាញ់ប្រហារសម្លាប់មនុស្ស ១០នាក់ និង ១០នាក់រងរបួសអំឡុងថ្ងៃប្រារព្ធពិធីបុណ្យចូលឆ្នាំចិននេះ។ ខ្មាន់កាំភ្លើងម្នាក់បានបើកការបាញ់ប្រហារ ខណៈសហគមន៍ក្នុងតំបន់កំពុងប្រារព្ធពិធីបុណ្យចូលឆ្នាំចិន នៅទីតាំងមួយក្នុងទីក្រុងម៉ុនធើរ៉េ ផាក ដែលអ្នកឃើញហេតុការណ៍និយាយថា ជនល្មើសបានបាញ់ប្រហារដោយមិនរើសមុខ ដោយប្រើប្រាស់អាវុធពាក់កណ្តាលស្វ័យប្រវត្តិមួយដើម។ លោក Luna និយាយថា ក្រុមមន្ត្រីបានឆ្លើយតបទូរស័ព្ទបន្ទាន់នៅម៉ោង 10.22នាទីយប់កាលពីថ្ងៃសៅរ៍ និងបានឃើញមនុស្សសម្រុកចាកចេញពីក្លឹបកម្សាន្តនោះ។ ក្រុមមន្ត្រីបាននិយាយថា ជនរងគ្រោះទាំង ១០នាក់នោះមានស្ត្រី ៥នាក់ និងបុរស ៥នាក់៕អត្ថបទ៖ សុខមាន

សម្តេចតេជោ ហ៊ុន សែន អញ្ជើញជាអធិបតីសំណេះសំណាល និងប្រគល់សញ្ញាបត្រជូននិស្សិត CUS ជិត៧ពាន់នាក់

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានអញ្ជើញជាអធិបតីភាពក្នុងពិធីប្រគល់សញ្ញាបត្រដល់និស្សិតសាកលវិទ្យាល័យឯកទេសនៃកម្ពុជា (CUS) ជិត ៧ពាន់នាក់ ដែលបានបញ្ចប់ការសិក្សាដោយជោគជ័យ នៅព្រឹកថ្ងៃទី២៣ ខែមករា ឆ្នាំ២០២៣នេះ នៅមជ្ឈមណ្ឌលសន្និបាត និងពិព័រណ៍អន្តរជាតិជ្រោយចង្វារ OCIC។និស្សិតជ័យលាភីដែលត្រូវទទួលសញ្ញាបត្រនេះរួមមាន៖ ថ្នាក់បរិញ្ញាបត្ររង ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត ចំនួនសរុប ៦,៧៩១នាក់ នារី ២,៩៤០នាក់ មកពី សាខា (ភ្នំពេញ កំពង់ចាម កំពង់ធំ និងកំពត)។ ក្នុងចំណោមនិស្សិតជ័យលាភីនេះ មាននិស្សិតអាហារូបករណ៍សម្តេចតេជោ និងសម្តេចកិតិ្តព្រឹទ្ធបណ្ឌិត ចំនួន ១៧៨នាក់ នារី ១០៥នាក់ផងដែរ។ក្នុងចំណោមនិស្សិតជ័យលាភីទាំងអស់ អ្នកមានការងារធ្វើ មានចំនួន ៦,៥៦២នាក់ ស្មើនឹងជិត ៩៧ភាគរយ រួមមានកម្រិតបរិញ្ញាបត្ររង ចំនួន ៤០៦នាក់ ស្មើនឹងជាង ៩២ភាគរយ, កម្រិតបរិញ្ញាបត្រ ចំនួន ៤,២៧៩នាក់ ស្មើជាង ៩៦ភាគរយ, កម្រិតបរិញ្ញាបត្រជាន់ខ្ពស់ ចំនួន ១,៨៧៦នាក់ ស្មើនឹងជិត ៩៩ភាគរយ និងកម្រិតបណ្ឌិត ចំនួន ១នាក់ ស្មើ ១០០%៕

មន្ទីរពេទ្យក្នុងទីក្រុងប៉េកាំងប្រឹងប្រែងដើម្បីព្យាបាលអ្នកជំងឺ COVID-19 ទាំងអស់

ចិន៖ មន្ទីរពេទ្យនៅទីក្រុងប៉េកាំងកំពុងប្រឹងប្រែងអស់ពីសមត្ថភាព ដើម្បីពង្រឹងសមត្ថភាពរបស់ពួកគេ និងផ្តល់សេវាកាន់តែប្រសើរដល់អ្នកជំងឺ COVID-19។ នៅក្នុងមន្ទីរពេទ្យ BTCH ក្នុងទីក្រុងប៉េកាំង បុគ្គលិកពេទ្យកំពុងធ្វើការទាំងយប់ទាំងថ្ងៃ ដើម្បីព្យាបាលអ្នកជំងឺនៅក្នុងគ្លីនិកគ្រុនក្តៅផ្នែកសង្គ្រោះបន្ទាន់ និងផ្នែកជំងឺផ្លូវដង្ហើម។ ដើម្បីដោះស្រាយការកើនឡើងករណីឆ្លង មន្ទីរពេទ្យបានបន្ថែមគ្រែសម្រាប់អ្នកជំងឺ ដែលបានបង្កើនបន្ទុកការងាររបស់បុគ្គលិកពេទ្យយ៉ាងច្រើន។ លោក ដុង ជែហុង (Dong Jiahong) ប្រធានមន្ទីរពេទ្យបាននិយាយថា យើងបានពង្រីកបន្ទប់សង្គ្រោះបន្ទាន់ដែលមានទំហំធំជាងមុន ដើម្បីផ្ទុកអ្នកជំងឺ COVID-19 អ្នកជំងឺត្រូវសង្គ្រោះបន្ទាន់ និងអ្នកជំងឺធ្ងន់ធ្ងរបន្ថែមទៀត។ យោងតាមលោកប្រធានមន្ទីរពេទ្យបានឲ្យដឹងថា បុគ្គលិកពេទ្យមានបន្ទុកការងាររបស់ពួកគេដែលបានកើនឡើងពី ២ ទៅ ៣ដងចាប់តាំងពីពាក់កណ្តាលខែធ្នូឆ្នាំមុន។ លោក ស៊ី ហ្សីជី (Xie Zhiyi) ប្រធាននាយកដ្ឋានគ្រប់គ្រងមន្ទីរពេទ្យបាននិយាយថា បុគ្គលិកពេទ្យជាង ១,០០០នាក់ និងជំនួយការពេទ្យរាប់រយនាក់មិនបានព្រងើយកន្តើយឡើយ យើងកំពុងធ្វើការអស់ពីសមត្ថភាព ព្រោះនេះជាកិច្ចការ និងបេសកកម្មរបស់យើង។ ដើម្បីព្យាបាលអ្នកជំងឺដែលរស់នៅក្នុងសហគមន៍ មន្ទីរពេទ្យក៏បានធ្វើការជាមួយមណ្ឌលសុខភាពសហគមន៍ ដែលអាចឱ្យគ្រូពេទ្យគ្រួសារអាចផ្តល់សេវាដល់លំនៅឋានដល់ប្រជាពលរដ្ឋ។ ក្នុងរយៈពេលពីរខែចុងក្រោយនេះ គ្រូពេទ្យគ្រួសារបានផ្តល់សេវាថែទាំតាមលំនៅឋានដល់អ្នកជំងឺ COVID-19 ជាង ៨,៣០០នាក់៕អត្ថបទ៖ ប៊ុនថន

ឯកឧត្តម ហ៊ុន ម៉ាណែត កោតសរសើរ និងវាយតម្លៃខ្ពស់ចំពោះស្នាដៃ និងសមិទ្ធផលការងារក្រុមមេធាវីរាជរដ្ឋាភិបាល និងក្រុមមេធាវីស្ម័គ្រចិត្តសម្តេចតេជោសែន

ភ្នំពេញ៖ ឯកឧត្តម ហ៊ុន ម៉ាណែត តំណាងដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រី បានអញ្ជើញសំណេះសំណាលជាមួយក្រុមមេធាវីរាជរដ្ឋាភិបាល និងក្រុមមេធាវីស្ម័គ្រចិត្តសម្តេចតេជោសែន នាកិច្ចប្រជុំបូកសរុបការងារឆ្នាំ២០២២ និងលើកទិសដៅសម្រាប់ឆ្នាំ២០២៣ នៅថ្ងៃទី២០ ខែមករា ឆ្នាំ២០២៣។ ឯកឧត្តម ហ៊ុន ម៉ាណែត សូមកោតសរសើរ និងវាយតម្លៃខ្ពស់ចំពោះស្នាដៃ និងសមិទ្ធផលការងារជាច្រើនដែលថ្នាក់ដឹកនាំ និងសមាជិក-សមាជិកានៃក្រុមមេធាវីទាំងពីរយន្តការខិតខំសម្រេចបានក្នុងឆ្នាំ២០២២ កន្លងទៅនេះ ដែលសម្រាប់ក្រុមមេធាវីរាជរដ្ឋាភិបាលរួមមានជាអាទិ៍៖ ការពិគ្រោះយោបល់ផ្នែកច្បាប់ជូនរាជរដ្ឋាភិបាល និងក្រសួង-ស្ថាប័នរដ្ឋ ព្រមទាំងការតំណាង និងការជួយការពារក្តីជូនរាជរដ្ឋាភិបាល និងថ្នាក់ដឹកនាំជាន់ខ្ពស់របស់ជាតិ នៅចំពោះមុខគ្រប់ស្ថាប័នមានសមត្ថកិច្ច និងសាលាជម្រះក្តីគ្រប់ជាន់ថ្នាក់ និងសម្រាប់ក្រុមមេធាវីស្ម័គ្រចិត្តសម្តេចតេជោសែនគឺមានដូចជា៖ ការទទួលពិគ្រោះយោបល់, ការតំណាង និងការជួយការពារក្តីដោយឥតយកកម្រៃជូនស្ត្រី-កុមារីងាយរងគ្រោះដែលមានជីវភាពក្រីក្រខ្សត់ខ្សោយ និងខ្វះការការពារសិទ្ធិតាមផ្លូវច្បាប់។ ទាំងអស់នេះពិតជាបានបង្ហាញអំពីតួនាទីដ៏មានសារៈសំខាន់របស់មេធាវី ដែលជាអ្នកវិជ្ជាជីវៈច្បាប់ឯករាជ្យ និងសេរី ក្នុងការចូលរួមចំណែកថែរក្សាសន្តិភាព ស្ថិរភាព និងការអភិវឌ្ឍរបស់ប្រទេសកម្ពុជាក្នុងបរិបទនៃសង្គមប្រជាធិបតេយ្យផ្អែកលើនីតិរដ្ឋ ក៏ដូចជាការពង្រឹងជំនឿទុកចិត្តរបស់ប្រជាពលរដ្ឋមកលើយុត្តិធម៌សង្គម និងការធានាបាននូវភាពសុខដុមរមនាតាមរយៈការសម្របសម្រួលដោះស្រាយទំនាស់ផ្សេងៗ។ ឯកឧត្ដមជំរុញថ្នាក់ដឹកនាំ និងសមាជិក-សមាជិកានៃក្រុមមេធាវីរាជរដ្ឋាភិបាល និងក្រុមមេធាវីស្ម័គ្រចិត្តសម្តេចតេជោសែន បន្តចូលរួមចំណែកជាមួយរាជរដ្ឋាភិបាលក្នុងការរៀបចំនីតិរដ្ឋ, ការកែទម្រង់ច្បាប់ និងប្រព័ន្ធយុត្តិធម៌, ការប្រយុទ្ធប្រឆាំងនឹងអំពើពុករលួយ, ការពង្រឹងយុត្តិធម៌សង្គម និងការពារសិទ្ធិរបស់ប្រជាពលរដ្ឋ ដើម្បីពង្រឹងនិរន្តរភាពនៃការកសាងអភិវឌ្ឍជាតិឱ្យមានមូលដ្ឋានរឹងមាំ ស្របតាមគោលនយោបាយដែលបានដាក់ចេញដោយរាជរដ្ឋាភិបាល ដែលមានសម្តេចតេជោ ជាប្រមុខដឹកនាំ។ឯកឧត្ដមសូមបន្តប្រតិបត្តិ និងប្រកាន់ខ្ជាប់នូវវិធានវិជ្ជាជីវៈមេធាវី ដែលមានចែងនៅក្នុងច្បាប់ស្តីពីលក្ខន្តិកៈមេធាវី, ក្រមសីលធម៌ និងបទបញ្ជាផ្ទៃក្នុងនៃគណៈមេធាវី ក៏ដូចជាសេចក្តីសម្រេចផ្សេងៗរបស់គណៈមេធាវី និងរក្សាឱ្យបាននូវសុចរិតភាព និងភាពស្មោះត្រង់ ដើម្បីលើកតម្កើងឧត្តមប្រយោជន៍នៃយុត្តិធម៌ ព្រមទាំងកិត្តិយស សេចក្តីថ្លៃថ្នូរ និងតម្លៃនៃវិជ្ជាជីវៈមេធាវី ហើយក៏សូមបន្តពង្រឹងសមត្ថភាពចំណេះដឹង និងជំនាញវិជ្ជាជីវៈឱ្យស្របទៅនឹងការវិវឌ្ឍជឿនលឿននៃសង្គម ក៏ដូចជាការសម្របខ្លួននៅនឹងដំណើរសមាហរណកម្ម និងការប្រកួតប្រជែងនៅក្នុងតំបន់ និងសកលលោក។ សូមបន្តចូលរួមចំណែកកសាងសង្គមមួយប្រកបដោយយុត្តិធម៌ សមធម៌ និងសុខដុមរមនា សម្រាប់ទាំងអស់គ្នា ជាពិសេសការបន្តផ្តល់សេវាជំនួយផ្នែកច្បាប់ដោយឥតគិតថ្លៃដល់ប្រជាពលរដ្ឋក្រីក្រខ្វះលទ្ធភាពទទួលបានសេវាផ្លូវច្បាប់ ស្របតាមគោលការណ៍សតិសម្បជញ្ញៈ សីលធម៌វិជ្ជាជីវៈ និងកាតព្វកិច្ចផ្លូវច្បាប់ក្នុងនាមជាមេធាវី និងក្នុងតួនាទីជាមេធាវីស្ម័គ្រចិត្តសម្តេចតេជោសែន៕

បណ្ដាញសង្គម

ព័ត៌មានថ្មីៗ

ការដកខ្លួនដោយឯកតោភាគីរបស់ភាគីថៃចេញពីអនុស្សរណៈឆ្នាំ២០០១ គឺជាការបោះបង់ចោលកិច្ចព្រមព្រៀងគ្នាទ្វេភាគីតែមួយគត់ដែលភាគីទាំងពីរបានពឹងផ្អែក និងប្រើប្រាស់ជាងពីរទសវត្សរ៍កន្លងមក

អ៊ីរ៉ង់៖ អាមេរិកឆ្លើយតបផែនការសន្តិភាព១៤ ចំណុចរបស់ខ្លួន ខណៈលោក Trumpថាមិនអាចទទួលយកបាន

លីគបាល់ទាត់នារី៖ ភ្នំពេញក្រោន និងព្រះខ័នរាជស្វាយរៀងបន្តឈ្នះពីរប្រកួតជាប់គ្នា ឯវិសាខាស្មើបឹងកេត

ទាហានអាមេរិកពីរនាក់ បាត់ខ្លួនក្នុងអំឡុងពេលសមយុទ្ធ African Lion នៅប្រទេសម៉ារ៉ុក

មេបញ្ជាការកងទ័ពជើងទឹក ក្រើនរំលឹកដល់នាវិកទាំងអស់ត្រូវហ៊ានពលីកម្មគ្រប់បែបយ៉ាងដើម្បីការពារជាតិមាតុភូមិ ការពារបូរណភាពទឹកដី និងការពារសេចក្ដីសុខជូនប្រជាជន

ជ័យជំនះរបស់បឹងកេត និងអង្គរថាយហ្គឺរ ធ្វើឱ្យកៅអីលេខពីររបស់ភ្នំពេញក្រោនកាន់តែរង្គោះរង្គើ

ប្រេងធ្លាក់ថ្លៃ ក្រោយលោក Trump ថា អាមេរិកនឹងជួយដោះលែងនាវាដែលជាប់នៅច្រកសមុទ្ទ Hormuz

អ៊ីស្រាអែល គំរាមបន្តសង្គ្រាមនៅហ្កាហ្សាដើម្បីបង្ខំឲ្យមានការរំសាយអាវុធខណៈ «បទឈប់បាញ់» រង្គោះរង្គើ

អធិការបតីអាល្លឺម៉ង់ និយាយសម្រាលពីភាពប្រះឆាជាមួយទីក្រុងវ៉ាស៊ីនតោន ទោះបីជាមានការដកកងទ័ពអាមេរិកក៏ដោយ

យានដ្រូនរបស់អ៊ុយក្រែន វាយប្រហារកំពង់ផែ Primorsk នាវាដឹកប្រេង និងនាវាយោធា របស់រុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ប្រទេសប៉ូឡូញព្យាយាមបង្កើតក្រុមចម្រុះដើម្បីបញ្ជូនរថក្រោះ Leopard ទៅឲ្យប្រទេសអ៊ុយក្រែន

ប៉ាគីស្ថានប្រញាប់ប្រញាល់តភ្ជាប់បណ្ដាញថាមពល ក្រោយដាច់ចរន្តអគ្គិសនីលើកទី២ ក្នុងពេលជាច្រើនខែ

ប្រជាជនចិនបួងសួងសុំសុខភាពល្អក្នុងថ្ងៃចូលឆ្នាំ ខណៈចំនួនអ្នកស្លាប់ដោយសារ Covid-19 កើនឡើង

អ្នកស្លាប់កើនឡើងដល់ ១៦នាក់ បន្ទាប់ពីការបាក់រលំអគារនៅទីក្រុង Aleppo ប្រទេសស៊ីរី

គណបក្សប្រជាធិបតេយ្យរិះគន់លោក Biden ជុំវិញការរកឃើញឯកសារដែលថា លោកបានលាក់ទុក

សម្ព័ន្ធមិត្តលោក Putin៖ ការបញ្ជូនអាវុធថ្មីរបស់លោកខាងលិចឲ្យទៅអ៊ុយក្រែននឹងនាំទៅរកមហន្តរាយសកល

សម្តេចតេជោ ហ៊ុន សែន អញ្ជើញជាអធិបតីសំណេះសំណាល និងប្រគល់សញ្ញាបត្រជូននិស្សិត CUS ជិត៧ពាន់នាក់

មន្ទីរពេទ្យក្នុងទីក្រុងប៉េកាំងប្រឹងប្រែងដើម្បីព្យាបាលអ្នកជំងឺ COVID-19 ទាំងអស់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ប្រទេស​ប៉ូឡូញ​ព្យាយាម​បង្កើត​ក្រុមចម្រុះ​ដើម្បី​បញ្ជូន​រថក្រោះ​ Leopard ទៅ​ឲ្យ​ប្រទេស​អ៊ុយ​ក្រែ​ន​

ប្រជាជន​ចិន​បួងសួង​សុំ​សុខ​ភាព​ល្អ​ក្នុង​ថ្ងៃ​ចូលឆ្នាំ ខណៈ​ចំនួន​អ្នក​ស្លាប់​ដោយសារ Covid-19 កើនឡើង​

អ្នកស្លាប់​កើនឡើង​ដល់​ ១៦​នាក់​ បន្ទាប់ពី​ការបាក់​រលំ​អគារ​នៅ​ទីក្រុង Aleppo ប្រទេស​ស៊ី​រី​

គណបក្ស​ប្រជាធិបតេយ្យ​រិះគន់​លោក Biden ជុំវិញ​ការរកឃើញ​ឯកសារ​ដែលថា លោក​បាន​លាក់ទុក​

សម្តេចតេជោ ហ៊ុន សែន អញ្ជើញជាអធិបតីសំណេះសំណាល និងប្រគល់សញ្ញាបត្រជូននិស្សិត CUS ជិត៧ពាន់នាក់

មន្ទីរពេទ្យ​ក្នុង​ទីក្រុង​ប៉េកាំង​ប្រឹងប្រែង​ដើម្បី​ព្យាបាល​អ្នកជំងឺ COVID-19 ទាំងអស់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រទេសប៉ូឡូញព្យាយាមបង្កើតក្រុមចម្រុះដើម្បីបញ្ជូនរថក្រោះ Leopard ទៅឲ្យប្រទេសអ៊ុយក្រែន

ប្រជាជនចិនបួងសួងសុំសុខភាពល្អក្នុងថ្ងៃចូលឆ្នាំ ខណៈចំនួនអ្នកស្លាប់ដោយសារ Covid-19 កើនឡើង

អ្នកស្លាប់កើនឡើងដល់ ១៦នាក់ បន្ទាប់ពីការបាក់រលំអគារនៅទីក្រុង Aleppo ប្រទេសស៊ីរី

គណបក្សប្រជាធិបតេយ្យរិះគន់លោក Biden ជុំវិញការរកឃើញឯកសារដែលថា លោកបានលាក់ទុក

មន្ទីរពេទ្យក្នុងទីក្រុងប៉េកាំងប្រឹងប្រែងដើម្បីព្យាបាលអ្នកជំងឺ COVID-19 ទាំងអស់