BTV NEWS

សម្តេចធិបតី៖ ការធានាសុវត្ថិភាពព័ត៌មាន រក្សាព័ត៌មានសម្ងាត់របស់ជាតិ ក្នុងកាលៈទេសៈនៃវិបត្តិមិនមែនជាការរឹតត្បិតសេរីភាពខាងសារព័ត៌មាននោះទេ

សម្តេចធិបតី៖ការស្ទង់មតិឆ្លុះបញ្ចាំងឱ្យឃើញថាកម្ពុជាកំពុងពង្រឹងវិស័យព័ត៌មាន សេរីព័ត៌មាន និងការអភិវឌ្ឍវិជ្ជាជីវៈ

សម្តេចបវរធិបតីផ្តល់អនុសាសន៍ ៦ចំណុចដល់អ្នកសារព័ត៌មាន និងអ្នកផលិតមាតិកា ក្នុងឱកាសទិវាសេរីភាពសារព័ត៌មាន

សម្តេចតេជោ ហ៊ុន សែន ក្រើនរំលឹកដល់មន្រ្តីរាជការទាំងអស់ឲ្យបន្តយកចិត្តទុកដាក់បំពេញតួនាទីភារកិច្ចបម្រើជាតិ និងប្រជាជនឱ្យបានល្អប្រសើរ

ព័ត៌មានសំខាន់ៗ

សភាសហរដ្ឋអាមេរិកស្ថិតក្នុងភាពវឹកវរ ក្រោយលោក Kevin McCarthy ចាញ់ការបោះឆ្នោតប្រធានសភា

អាមេរិក៖ មេដឹកនាំក្រុមសាធារណរដ្ឋលោក Kevin McCarthy ទទួលរងបរាជ័យម្តងហើយម្តងទៀត ក្នុងការប៉ុនប៉ងរបស់លោកក្លាយជាប្រធានសភាតំណាងរាស្ត្រសហរដ្ឋអាមេរិក។ សភាលើកវារកាលដោយគ្មានប្រធានកាលពីយប់ថ្ងៃអង្គារ គឺជាលើកដំបូងចាប់តាំងពីឆ្នាំ១៩២៣ ដែលពួកគេមិនអាចជ្រើសរើសមេដឹកនាំបាន ក្រោយការបោះឆ្នោតជុំដំបូង។ ការចាប់ផ្តើមសភាថ្មីត្រូវបានគេសន្មតថា ជាជ័យជំនះមួយសម្រាប់គណបក្សសាធារណរដ្ឋ ខណៈដែលពួកគេគ្រប់គ្រងសភា បន្ទាប់ពីការបោះឆ្នោតកាលពីខែវិច្ឆិកាកន្លងទៅ តែផ្ទុយទៅវិញលោក McCarthy ប្រឈមនឹងការបះបោរពីជួរគណបក្សខ្លួនឯងទៅវិញ ហើយនឹងបង្កើតប្រវត្តិសាស្ត្រសម្រាប់ហេតុផលខុស។ សមាជិកសភាមកពីរដ្ឋ California រូបនេះបានចាញ់ការបោះឆ្នោត ៣លើកជាប់ៗគ្នាសម្រាប់តំណែងប្រធានសភាមកទល់នឹងពេលនេះ ហើយគេនៅពុំទាន់ដឹងច្បាស់នោះទេថា តើអ្វីទៅជាផ្លូវអាចឆ្ពោះទៅរកជ័យជំនះរបស់លោក ពេលដែលសភាវិលត្រឡប់មកជួបជុំគ្នាវិញនៅថ្ងៃពុធនេះ ដើម្បីព្យាយាមសាកល្បងម្តងទៀត។ ពួកគេនៅតែបន្តបោះឆ្នោតបែបនេះរហូតដល់នរណាម្នាក់ឈ្នះសំឡេងភាគច្រើន៕អត្ថបទ៖ សារ៉ាត់

យ៉ាងហោច ៧០ភាគរយនៃពលរដ្ឋ ២៥លាននាក់នៅទីក្រុងសៀងហៃអាចបានឆ្លងជំងឺ COVID-19

សៀងហៃ៖ គ្រូពេទ្យម្នាក់នៅមន្ទីរពេទ្យក្រុងសៀងហៃ បង្ហើបឲ្យដឹងពីគ្រោះអាសន្ននៃការហក់ឡើងខ្ពស់ករណីឆ្លងជំងឺ COVID-19 នៅក្នុងប្រទេសចិន ខណៈដែលលោកប៉ាន់ប្រមាណថា យ៉ាងហោច ៧០ភាគរយនៃពលរដ្ឋក្នុងទីក្រុងមួយនេះបានឆ្លងវីរុស។ លោក Chen Erzhen គឺជាអនុប្រធានមន្ទីរពេទ្យ Ruijin និងជាសមាជិកគណៈក្រុមប្រឹក្សាយោបល់អ្នកជំនាញជំងឺ COVID-19 របស់ទីក្រុងសៀងហៃបានប៉ាន់ប្រមាណថា យ៉ាងហោច ៧០ភាគរយនៃប្រជាពលរដ្ឋ ២៥លាននាក់រស់នៅក្នុងទីក្រុងមួយនេះបានឆ្លងវីរុស បន្ទាប់ពីដកចេញគោលនយោបាយជំងឺ COVID-19 កម្រិតសូន្យនៅប្រទេសចិន។ លោកបាននិយាយប្រាប់កាសែតរដ្ឋចិន People’s Daily ថា បច្ចុប្បន្នការរីករាលដាលឆ្លងវីរុសនៅក្នុងទីក្រុងសៀងហៃមានទំហំធំធេងខ្លាំងណាស់ ហើយវាអាចនឹងឈានដល់ចំនួន ៧០ភាគរយនៃពលរដ្ឋ ពោលគឺជាចំនួនច្រើនជាង ២០ ទៅ ៣០ដងនៃករណីឆ្លងកាលពីខែមេសា និងខែឧសភា។ លោកបន្តថា មន្ទីរពេទ្យរបស់លោកទទួលអ្នកសង្គ្រោះបន្ទាន់រហូតដល់ ១.៦០០នាក់ក្នុង ១ថ្ងៃៗ ពោលគឺកើនឡើងទ្វេដងច្រើនជាងមុនពេលដកចេញវិធានការរឹតត្បិត ហើយរថយន្តគិលានសង្គ្រោះជាង ១០០គ្រឿងធ្វើដំណើរមកដល់មន្ទីរពេទ្យជារៀងរាល់ថ្ងៃ ខណៈដែលពាក់កណ្ដាលនៃអ្នកជំងឺរងហានិភ័យខ្ពស់មានវ័យលើសពី ៦៥ឆ្នាំ៕អត្ថបទ៖ សារ៉ាត់

ក្រុមទីប្រឹក្សាអង្គការសុខភាពពិភពលោកអំពាវនាវឲ្យចិនផ្ដល់ទិន្នន័យពិតប្រាកដនៃវីរុស COVID-19

ចិន៖ ក្រុមទីប្រឹក្សាវិទ្យាសាស្ត្រជាន់ខ្ពស់របស់អង្គការសុខភាពពិភពលោក WHO បាននិយាយថា ពួកគេចង់បានរូបភាពពិតប្រាកដបន្ថែមទៀតអំពីស្ថានភាពវីរុស COVID-19 ពីក្រុមអ្នកជំនាញជាន់ខ្ពស់របស់ចិននៅកិច្ចប្រជុំដ៏សំខាន់មួយកាលពីថ្ងៃអង្គារ ខណៈក្ដីបារម្ភកើនឡើងពីការឆ្លងរាលដាលនៃវីរុសដ៏ឆាប់រហ័ស។ អង្គការសុខភាពពិភពលោកបានអញ្ជើញក្រុមអ្នកវិទ្យាសាស្ត្រចិន ចូលរួមកិច្ចប្រជុំបិទទ្វារដ៏សំខាន់មួយជាមួយក្រុមទីប្រឹក្សាបច្ចេកទេសរបស់ខ្លួន លើការវិវត្តន៍របស់វីរុសកាលពីថ្ងៃអង្គារ ដើម្បីបង្ហាញទិន្នន័យលើវីរុសបម្លែងខ្លួនថ្មីដែលកំពុងរាតត្បាតនៅក្នុងប្រទេសនេះ។ លោកស្រីសាស្ត្រាចារ្យ Marion Koopmans ដែលជាអ្នកជំនាញខាងវីរុសជនជាតិហូឡង់ ដែលប្រចាំការនៅគណៈកម្មាធិការអង្គការសុខភាពពិភពលោកបាននិយាយថា យើងចង់ឃើញរូបភាពជាក់ស្តែងបន្ថែមទៀតអំពីអ្វីដែលកំពុងកើតឡើង។ ថ្លែងទៅកាន់សារព័ត៌មាន Reuters មុនជំនួបនេះ លោកស្រីបាននិយាយថា ចំនួនអ្នកជំងឺចូលសម្រាកនៅមន្ទីរពេទ្យគឺមិនគួរឲ្យទុកបានទេ។ គិតត្រឹមព្រឹកថ្ងៃពុធនេះ ប្រទេសចិនមានអ្នកឆ្លងវីរុស Covid-19 សរុបចំនួន ៤៥២,៥១៧នាក់, ឆ្លងថ្មីចំនួន ៧,៦៨៩នាក់ និងស្លាប់ ៥,២៥៨នាក់៕ អត្ថបទ៖ សុខមាន

សេតវិមាននិយាយថា អាមេរិក និងកូរ៉េខាងត្បូងគ្រោងឆ្លើយតបទៅកាន់ការប្រើប្រាស់នុយក្លេអ៊ែរគ្រប់ពេលវេលា

អាមេរិក៖ សេតវិមានបានព្រមានកាលពីថ្ងៃអង្គារថា ទីក្រុងវ៉ាស៊ីនតោន និងសេអ៊ូលកំពុងមានផែនការឆ្លើយតប ដែលត្រូវបានសម្របសម្រួលប្រកបដោយប្រសិទ្ធភាព បើសិនកូរ៉េខាងជើងប្រើប្រាស់អាវុធនុយក្លេអ៊ែរនោះ។ អ្នកនាំពាក្យក្រុមប្រឹក្សាសន្តិសុខជាតិនៅសេតវិមាននិយាយថា លោកប្រធានាធិបតីកូរ៉េខាងត្បូង Yoon Suk-yeol និងលោកប្រធានាធិបតីអាមេរិក Joe Biden បានចាត់ក្រុមការងាររបស់ខ្លួនធ្វើផែនការ សម្រាប់ការឆ្លើយតបដែលត្រូវបានសម្របសម្រួលប្រកបដោយប្រសិទ្ធភាព ដើម្បីរៀបចំសេណារីយ៉ូ រួមទាំងការប្រើប្រាស់អាវុធនុយក្លេអ៊ែរពីសំណាក់កូរ៉េខាងជើង។ អ្នកនាំពាក្យខាងលើបានថ្លែងបែបនេះ ក្រោយការបង្កការភ័ន្តច្រឡំនៅក្នុងសេចក្ដីរាយការណ៍របស់សារព័ត៌មានជាច្រើន អំពីការឆ្លើយតបរបស់សម្ព័ន្ធមិត្តចំពោះការគំរាមកំហែងណាមួយ ពីទីក្រុងព្យុងយ៉ាង។ កាលពីថ្ងៃចន្ទលោក Biden បាននិយាយថាទេ នៅពេលសួរតើមានការពិភាក្សាណាមួយអំពីសមយុទ្ធនុយក្លេអ៊ែរអាមេរិកជាមួយកូរ៉េខាងត្បូងទេ បន្ទាប់ពីការអត្ថាធិប្បាយថ្មីៗរបស់មេដឹកនាំកូរ៉េខាងត្បូង។ អ្នកនាំពាក្យរូបនេះបានបញ្ជាក់ថា ការធ្វើសមយុទ្ធរួមគ្នាមិនមែនជាជម្រើសទេ ព្រោះកូរ៉េខាងត្បូងពុំមានអាវុធនុយក្លេអ៊ែរខ្លួនឯង៕អត្ថបទ៖ សុខមាន

រុស្ស៊ីស្ដីបន្ទោសលើការប្រើប្រាស់ទូរស័ព្ទដៃដែលនាំឲ្យមានការវាយប្រហារពីអ៊ុយក្រែន ខណៈអ្នកស្លាប់ឡើងដល់ ៨៩នាក់

រុស្ស៊ី៖ ក្រសួងការពារជាតិរុស្ស៊ីនិយាយថា ចំនួនអ្នកស្លាប់ពីការវាយប្រហារដោយអ៊ុយក្រែននៅថ្ងៃឆ្នាំថ្មីលើទីក្រុង Makiivka ស្ថិតនៅក្នុងដែនដីភាគខាងកើតរបស់អ៊ុយក្រែន គ្រប់គ្រងដោយរុស្ស៊ីបានកើនឡើងដល់ ៨៩នាក់។ លោកឧត្ដមសេនីយ៍ Sergei Sevryukov បាននិយាយនៅក្នុងសេចក្ដីថ្លែងការណ៍តាមវីដេអូ ដែលបានបញ្ចេញដោយក្រសួងការពារជាតិរុស្ស៊ីថា ចំនួនអ្នកស្លាប់នៃសមមិត្តរបស់យើងបានកើនឡើងដល់ ៨៩នាក់។ លោកបានបន្ថែមថា សាកសពបន្ថែមទៀតត្រូវបានរកឃើញក្រោមគំនរកម្ទេចថ្មី។ ក្រសួងការពារជាតិរុស្ស៊ីនិយាយថា មូលហេតុចម្បងនាំឲ្យមានការវាយប្រហារ បណ្ដាលមកពីទាហានប្រើប្រាស់ទូរស័ព្ទដៃដោយគ្មានការអនុញ្ញាត។ ក្រសួងដដែលនេះបាននិយាយនៅក្នុងសេចក្តីថ្លែងការណ៍មួយថា វាច្បាស់ហើយថា ហេតុផលចម្បងសម្រាប់អ្វីដែលបានកើតឡើងគឺការបើក និងការប្រើប្រាស់ទូរស័ព្ទដៃផ្ទាល់ខ្លួនដ៏ច្រើន ផ្ទុយពីការហាមឃាត់ដែលធ្វើឲ្យធ្លាក់សេវាដល់អាវុធសត្រូវ។ ក្រុមអ្នកជាតិនិយម និងអ្នកនយោបាយរុស្ស៊ីបានទាមទារឲ្យដាក់ទោសក្រុមមេបញ្ជាការកងទ័ព ដោយចោទប្រកាន់ពួកគេពីបទមិនខ្វល់ខ្វាយពីគ្រោះថ្នាក់ ខណៈកំហឹងពុះពោរខ្លាំងនៅក្នុងប្រទេសរុស្ស៊ីជុំវិញការស្លាប់ដ៏ច្រើន មួយក្នុងចំណោមការវាយប្រហារសម្លាប់រង្គាលបំផុតជាច្រើនក្នុងសង្គ្រាមអ៊ុយក្រែន៕ អត្ថបទ៖ សុខមាន

ក្រុងប៉េកាំងរិះគន់វិធានការរឹតត្បិតលើភ្ញៀវទេសចរចិនថា ជារឿងនយោបាយ

ចិន៖ រដ្ឋាភិបាលចិនបានលើកឡើងថា ការរឹតត្បិតការធ្វើដំណើរដែលត្រូវបានដាក់ដោយប្រទេសមួយចំនួន លើការមកដល់របស់អ្នកដំណើរចិនថា ជាការធ្វើតាមបែបនយោបាយ និងបានព្រមានថាខ្លួនអាចនឹងសងសឹកវិញ។ សហរដ្ឋអាមេរិក ឥណ្ឌា និងចក្រភពអង់គ្លេសស្ថិតក្នុងចំណោមបណ្ដាប្រទេស ដែលបានអនុវត្តន៍ការធ្វើតេស្តជាកាតព្វកិច្ចសម្រាប់ការមកដល់របស់ជនជាតិចិន។ ប្រទេសនេះបានរាយការណ៍ករណីឆ្លងវីរុស Covid -19 ហក់ឡើងខ្ពស់ ក្រោយការបន្ធូរបន្ថយការទប់ស្កាត់ការឆ្លងរាលដាលវីរុសដ៏តឹងរ៉ឹងរបស់ខ្លួន។ ហើយមានក្ដីបារម្ភថាករណីឆ្លង និងស្លាប់មិនត្រូវបានរាយការណ៍ឲ្យបានទូលំទូលាយ។ ការធ្វើបច្ចុប្បន្នភាពនៃករណីឆ្លងវីរុស Covid ប្រចាំថ្ងៃចុងក្រោយកាលពីថ្ងៃទី២៤ ខែធ្នូបានរាយការណ៍មានជាង ៥.០០០នាក់ ប៉ុន្តែក្រុមអ្នកវិភាគមួយចំនួនអះអាងថា ករណីឆ្លងប្រចាំថ្ងៃមានជាង ២លាននាក់រួចទៅហើយ និងអាចកើនឡើងដល់ចំណុចខ្ពស់បំផុតជិត ៤លាននាក់នៅខែនេះ។ ចិនបានប្រកាសថា ខ្លួនបានកំពុងបន្ធូរបន្ថយវិធានការទប់ស្កាត់ការឆ្លងរាលដាលវីរុសចាប់ពីថ្ងៃទី៨ មករា ដែលធ្វើឲ្យប្រទេសមួយចំនួនប្រកាសការធ្វើតេស្តរកវីរុស Covid-19 លើការមកដល់របស់ជនជាតិចិន។ ទោះយ៉ាងណាក៏ដោយអ្នកនាំពាក្យលោកស្រី Mao Ning បាននិយាយថា រដ្ឋាភិបាល “ប្រឆាំងដាច់ខាតចំពោះការប៉ុនប៉ងរៀបចំវិធានការបង្ការ និងគ្រប់គ្រងការរីករាលដាលនៃជំងឺរាតត្បាត សម្រាប់គោលបំណងនយោបាយ ហើយនឹងចាត់វិធានការឆ្លើយតប យោងទៅតាមគោលការណ៍បដិការ ឬការឆ្លើយតបវិញ៕អត្ថបទ៖ សុខមាន

មនុស្សជាច្រើនមកគោរពព្រះសពរបស់អតីតសម្តេចប៉ាប Benedict នៅវិហារ St. Peter's

អ៊ីតាលី៖ មនុស្សរាប់ម៉ឺននាក់បាននាំគ្នាមកកាន់ព្រះវិហារ St. Peter's Basilica កាលពីថ្ងៃចន្ទដើម្បីគោរពវិញ្ញាណក្ខន្ធអតីតសម្តេចប៉ាប Benedict ទី១៦ ដែលព្រះសពរបស់ព្រះអង្គកំពុងដាក់តម្កល់ នៅមុនពិធីបុណ្យព្រះសពក្នុងសប្តាហ៍នេះ។ សម្តេចប៉ាប Benedict ទី១៦ បានសោយទិវង្គតកាលពីថ្ងៃសៅរ៍ក្នុងព្រះជន្មាយុ ៩៥ព្រះវស្សាក្នុងទីអារ៉ាមនៅបូរីវ៉ាទីកង់ដ៏ស្ងប់ស្ងាត់មួយកន្លែង ដែលព្រះអង្គបានគង់នៅចាប់តាំងពីការលាលែងពីតំណែង ដ៏គួរឱ្យភ្ញាក់ផ្អើលក្នុងឆ្នាំ២០១៣។ ព្រះសពរបស់សម្តេចប៉ាប Benedict ត្រូវបានដង្ហែនៅមុនពេលព្រឹកព្រលឹម តាមសួនច្បារបូរីវ៉ាទីកង់ពីទីអារ៉ាមទៅកាន់កន្លែងមួយ នៅមុខទីសក្ការៈសំខាន់នៃព្រះវិហារធំបំផុតរបស់គ្រឹស្តសាសនា។ នាយករដ្ឋមន្ត្រីអ៊ីតាលីលោកស្រី Giorgia Meloni និងប្រធានាធិបតីលោក Sergio Matarella ក៏បានចូលរួមជាមួយហ្វូងមនុស្សកាន់ទុក្ខនៅក្នុងព្រះវិហារ Saint Peter's Basilica កាលពីថ្ងៃចន្ទ ខណៈពួកគេបានគោរពដល់អតីតសម្តេចប៉ាប Benedict ទី១៦។ នាយករដ្ឋមន្ត្រី និងប្រធានាធិបតីបានចូលរួមដាច់ដោយឡែកពីគ្នាក្នុងពិធីតម្កល់ព្រះសព។ មេដឹកនាំទាំង២ បានចំណាយពេលមួយសន្ទុះនៅស្ងៀមគោរពវិញ្ញាណក្ខន្ធ មុនពេលស្វាគមន៍ និងចាប់ដៃអ្នកកាន់ទុក្ខផ្សេងទៀតពេលចេញដំណើរ៕អត្ថបទ៖ ប៊ុនថន

លោក Biden និយាយថា សហរដ្ឋអាមេរិកមិនពិភាក្សាអំពីសមយុទ្ធនុយក្លេអ៊ែរជាមួយកូរ៉េខាងត្បូងទេ

អាមេរិក៖ ប្រធានាធិបតីសហរដ្ឋអាមេរិកលោក Joe Biden បាននិយាយកាលពីថ្ងៃចន្ទថា សហរដ្ឋអាមេរិកនឹងមិនពិភាក្សាអំពីសមយុទ្ធនុយក្លេអ៊ែររួមជាមួយប្រទេសកូរ៉េខាងត្បូងនោះទេ ដោយលោក Joe Biden បាននិយាយកាលពីថ្ងៃចន្ទ គឺផ្ទុយពីការនិយាយលើកឡើងរបស់សមភាគីកូរ៉េខាងត្បូង ខណៈភាពតានតឹងកំពុងផ្ទុះឡើងជាមួយប្រទេសកូរ៉េខាងជើង។ ប្រធានាធិបតីកូរ៉េខាងត្បូងលោក Yoon Suk-yeol បាននិយាយថា ទីក្រុងសេអ៊ូល និងទីក្រុងវ៉ាស៊ីនតោននឹងពិភាក្សាគ្នាអំពីសមយុទ្ធរួម ដែលអាចធ្វើទៅបានដោយប្រើប្រាស់នុយក្លេអ៊ែររបស់សហរដ្ឋអាមេរិក ខណៈមេដឹកនាំកូរ៉េខាងជើងលោក Kim Jong Un បានចាត់ទុកកូរ៉េខាងត្បូងថាជាសត្រូវដែលពុំមានការសង្ស័យ។ លោក Biden និយាយនៅពេលត្រូវបានសួរដោយអ្នកសារព័ត៌មាននៅសេតវិមានថា តើលោកនឹងពិភាក្សាអំពីសមយុទ្ធនុយក្លេអ៊ែររួមជាមួយកូរ៉េខាងត្បូងដែរឬទេ លោកបានឆ្លើយថាទេ។ លោកទើបតែត្រលប់មកពីវិស្សមកាលនៅកោះ Virgin សហរដ្ឋអាមេរិក ជាកន្លែងដែលលោកត្រូវបានអមដំណើរដោយទីប្រឹក្សាសន្តិសុខជាតិលោក Jake Sullivan។ ការអត្ថាធិប្បាយរបស់លោក Yoon នៅក្នុងបទសម្ភាសន៍មួយដែលបានចេញផ្សាយកាលពីថ្ងៃចន្ទ បន្ទាប់ពីការអំពាវនាវរបស់លោកសម្រាប់ «ការត្រៀមសម្រាប់សង្គ្រាម» ជាមួយនឹងសមត្ថភាពដ៏លើសលប់ បន្ទាប់ពីមួយឆ្នាំនៃការសាកល្បងមីស៊ីលរបស់កូរ៉េខាងជើងដ៏ច្រើនបំផុតក្នុងកំណត់ត្រា និងការឈ្លានពានចូលដោយយានដ្រូនរបស់កូរ៉េខាងជើង មកក្នុងប្រទេសកូរ៉េខាងត្បូងកាលពីសប្តាហ៍មុន។ លោក Yoon បាននិយាយថា អាវុធនុយក្លេអ៊ែរជាកម្មសិទ្ធិរបស់សហរដ្ឋអាមេរិក ប៉ុន្តែការធ្វើផែនការ ការចែករំលែកព័ត៌មាន សមយុទ្ធ និងការបណ្តុះបណ្តាលនឹងធ្វើឡើងរួមគ្នាដោយកូរ៉េខាងត្បូង និងសហរដ្ឋអាមេរិក។ លោក Yoon និយាយថា ការធ្វើផែនការ និងសមយុទ្ធរួម មានបំណងអនុវត្តឱ្យកាន់តែមានប្រសិទ្ធភាពនូវការរារាំងបន្ថែមរបស់សហរដ្ឋអាមេរិក ហើយថាទីក្រុងវ៉ាស៊ីនតោនក៏មានភាពវិជ្ជមានផងដែរអំពីគំនិតនេះ។ ពាក្យថា «ការរារាំងបន្ថែម» មានន័យថា សមត្ថភាពរបស់យោធាអាមេរិក ជាពិសេសកងកម្លាំងនុយក្លេអ៊ែររបស់ខ្លួន នឹងទប់ស្កាត់ការវាយប្រហារមកលើសម្ព័ន្ធមិត្តរបស់សហរដ្ឋអាមេរិក៕អត្ថបទ៖ ប៊ុនថន

ចំនួនអ្នកស្លាប់ដោយសារទឹកជំនន់ និងបំណាក់ដីនៅហ្វីលីពីនកើនឡើងដល់ ៥១នាក់

ហ្វីលីពីន៖ ក្រុមមន្ត្រីបាននិយាយកាលពីថ្ងៃចន្ទថា ចំនួនអ្នកស្លាប់ដោយសារទឹកជំនន់ និងបំណាក់ដីកាលពីពេលថ្មីៗនេះនៅទូទាំងប្រទេសហ្វីលីពីន ដែលងាយរងគ្រោះដោយគ្រោះមហន្តរាយបានកើនឡើងដល់ ៥១នាក់ ខណៈអាជ្ញាធរបានចែកចាយកញ្ចប់អាហារដល់សហគមន៍ដែលរងគ្រោះខ្លាំងបំផុត។ យោងតាមទីភ្នាក់ងារគ្រោះមហន្តរាយជាតិបានឱ្យដឹងថា ចំនួនអ្នកស្លាប់អាចកើនឡើងបន្ថែមទៀត ខណៈក្រុមអ្នកជួយសង្គ្រោះស្វែងរកមនុស្ស ១៩នាក់ទៀតដែលនៅបាត់ខ្លួនជាងមួយសប្តាហ៍មកហើយ បន្ទាប់ពីភ្លៀងធ្លាក់ខ្លាំងបានវាយប្រហារតំបន់ភាគកណ្តាល និងភាគខាងត្បូងកាលពីចុងសប្តាហ៍នៅថ្ងៃបុណ្យណូអែល។ អាកាសធាតុអាក្រក់បានវាយប្រហារ ខណៈប្រទេសដែលមានប្រជាជនភាគច្រើនកាន់សាសនាកាតូលិកចំនួន ១១០លាននាក់បានរៀបចំថ្ងៃបុណ្យណូអែលរយៈពេលយូរ។ មនុស្សជាង ២៧០.០០០នាក់ត្រូវស្វែងរកទីជម្រកសង្គ្រោះបន្ទាន់ ខណៈភ្លៀងធ្លាក់ជន់លិចភូមិជនបទបណ្តាលឲ្យលំនៅឋានជាង ៤.៥០០ខ្នងរងការខូចខាត ឬបំផ្លាញ និងបំផ្លាញដំណាំជាង ៧.០០០ ហិកតា។ ជំនួសឱ្យការប្រារព្ធពិធីណូអែល ប្រជាជនរាប់ពាន់គ្រួសារត្រូវបានមើលឃើញថា ពួកគេកំពុងសម្អាតលំនៅឋាន និងហាង បន្ទាប់ពីទឹកជំនន់បានស្រកចុះ។ អ្នកស្លាប់ភាគច្រើនគឺនៅក្នុងខេត្ត Misamis Occidental នៅលើកោះ Mindanao ភាគខាងត្បូង ដែលមនុស្ស ១៩នាក់បានស្លាប់ដោយសារលង់ទឹក ឬបាក់ដីដោយសារទឹកភ្លៀង។ ប្រទេសហ្វីលីពីនស្ថិតក្នុងចំណាត់ថ្នាក់ក្នុងចំណោមប្រទេសដែលងាយរងគ្រោះបំផុត ចំពោះផលប៉ះពាល់នៃបម្រែបម្រួលអាកាសធាតុ ហើយអ្នកវិទ្យាសាស្ត្របានព្រមានថា ព្យុះកំពុងមានឥទ្ធិពលកាន់តែខ្លាំងនៅពេលដែលពិភពលោកកាន់តែឡើងកម្តៅ៕អត្ថបទ៖ ប៊ុនថន

លោក Zelensky និយាយថា រុស្ស៊ីគ្រោងបំបាក់អ៊ុយក្រែនតាមរយៈយុទ្ធនាការវាយប្រហារអូសបន្លាយ

អ៊ុយក្រែន៖ លោកប្រធានាធិបតីអ៊ុយក្រែននិយាយថា រុស្ស៊ីកំពុងមានផែនការយុទ្ធនាការអូសបន្លាយនៃការវាយប្រហារដោយយានដ្រូន ដើម្បីបំបាក់អ៊ុយក្រែន។ លោក Volodymyr Zelensky និយាយថា លោកបានទទួលរបាយការណ៍ពីទីភ្នាក់ងារចារកម្មដែលលើកឡើងថា ទីក្រុង Moscow នឹងបើកការវាយប្រហារដោយប្រើយានដ្រូន Shahed បង្កើតឡើងដោយអ៊ីរ៉ង់។ របាយការណ៍នេះមានឡើង បន្ទាប់ពីអ៊ុយក្រែនបើកការវាយប្រហារដោយរ៉ូកែត ដែលខ្លួននិយាយថាបានសម្លាប់ទាហានរុស្ស៊ីរាប់រយនាក់នៅក្នុងតំបន់ Donbas។ នៅក្នុងការទទួលស្គាល់ដ៏កម្រមួយនៃការបរាជ័យក្នុងសមរភូមិ រុស្ស៊ីបាននិយាយថា ការវាយប្រហារនោះបានសម្លាប់ទាហានរបស់ខ្លួនចំនួន ៦៣នាក់។ ថ្លែងក្នុងសុន្ទរកថាពេលយប់របស់លោកនៅក្នុងរដ្ឋធានី លោក Zelensky បាននិយាយថា រុស្ស៊ីមានផែនការវាយបំបាក់អ៊ុយក្រែនដោយរលកអូសបន្លាយនៃការវាយប្រហារដោយយានដ្រូន។ លោកថា យើងត្រូវតែធានាឲ្យបាន ហើយយើងនឹងធ្វើគ្រប់យ៉ាង ដើម្បីធ្វើឲ្យគោលដៅរបស់ក្រុមភេរវករបរាជ័យ ដូចជាផែនការផ្សេងទៀតដែរ។ ការវាយប្រហារដោយយានដ្រូនរបស់រុស្ស៊ីលើអ៊ុយក្រែន ទំនងជាបានកើនឡើងក្នុងរយៈពេលប៉ុន្មានថ្ងៃថ្មីៗនេះ ខណៈទីក្រុង Moscow បើកការវាយប្រហារលើទីក្រុងជាច្រើន និងស្ថានីយថាមពលទូទាំងប្រទេសកាលពី ៣យប់កន្លងទៅ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

អ៊ីតាលីស៊ើបអង្កេតការឃុំខ្លួនសកម្មជនកងនាវាជំនួយ ពីសំណាក់អ៊ីស្រាអែល

បងប្រុស៖ ម្ចាស់ពានរង្វាន់ណូបែល លោកស្រី Mohammadi ត្រូវការការព្យាបាលបេះដូងបន្ទាន់ នៅអ៊ីរ៉ង់

អារ៉ាប់រួម បញ្ជាក់ថា អ៊ីរ៉ង់បានបាញ់យានដ្រូនទៅលើនាវាដឹកប្រេង នៅច្រកសមុទ្រ Hormuz

បេសកជនក្រុមប្រឹក្សាសន្តិភាពរបស់លោក Trump នឹងពិភាក្សាជាមួយមន្ត្រីអ៊ីស្រាអែល ពាក់ព័ន្ធការរឹតបន្តឹង នៅហ្កាហ្សា

រុស្ស៊ីនឹងឆ្លើយតបយ៉ាងខ្លាំងក្លា ចំពោះការបណ្តេញអ្នកការទូតដោយអូទ្រីស

អ៊ីរ៉ង់ជំរុញឲ្យនាវាជៀងវាងការចូលទៅក្នុងច្រកសមុទ្រហ័រមូស ដោយគ្មានការអនុញ្ញាតពីទីក្រុងតេអេរ៉ង់

សម្ដេច ម៉ែន សំអន គាំទ្រផ្សារផលិតផលខ្មែខេត្តកំពង់ចាម ដើម្បីបង្កើនផលិតភាពផលិតផលក្នុងស្រុក បង្កើនប្រាក់ចំណូល និងលើកស្ទួយជីវភាពប្រជាជន និងជំរុញអភិវឌ្ឍន៍សេដ្ឋកិច្ច-សង្គមឲ្យកាន់តែប្រសើរឡើង

ក្រសួងយុត្តិធម៌រៀបចំ កម្មវិធីជិះកង់អង្គរ លើកទី៤ ដើម្បីរៃអង្គាសថវិកាជូន មន្ទីរពេទ្យជ័យវរ្ម័នទី៧ (គន្ធបុប្ផាទី៣)

មេបញ្ជាការកងពលតូចដឹកជញ្ជូនលេខ៩៩ប្រាប់ដល់កងទ័ពក្នុងកងពលទាំងអស់បន្តភារៈកិច្ចជូនជាតិមាតុភូមិដោយភាពអត់ធ្មត់ និងមោះមុត

រដ្ឋមន្ត្រីការប្រទេសកម្ពុជាបង្ហាញការត្រៀមខ្លួនរួចជាស្រេច ក្នុងការធ្វើការយ៉ាងជិតស្និទ្ធជាមួយឯកអគ្គរដ្ឋទូតអាមេរិកថ្មី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សភាសហរដ្ឋអាមេរិកស្ថិតក្នុងភាពវឹកវរ ក្រោយលោក Kevin McCarthy ចាញ់ការបោះឆ្នោតប្រធានសភា

យ៉ាងហោច ៧០ភាគរយនៃពលរដ្ឋ ២៥លាននាក់នៅទីក្រុងសៀងហៃអាចបានឆ្លងជំងឺ COVID-19

ក្រុមទីប្រឹក្សាអង្គការសុខភាពពិភពលោកអំពាវនាវឲ្យចិនផ្ដល់ទិន្នន័យពិតប្រាកដនៃវីរុស COVID-19

សេតវិមាននិយាយថា អាមេរិក និងកូរ៉េខាងត្បូងគ្រោងឆ្លើយតបទៅកាន់ការប្រើប្រាស់នុយក្លេអ៊ែរគ្រប់ពេលវេលា

ក្រុងប៉េកាំងរិះគន់វិធានការរឹតត្បិតលើភ្ញៀវទេសចរចិនថា ជារឿងនយោបាយ

មនុស្សជាច្រើនមកគោរពព្រះសពរបស់អតីតសម្តេចប៉ាប Benedict នៅវិហារ St. Peter's

លោក Biden និយាយថា សហរដ្ឋអាមេរិកមិនពិភាក្សាអំពីសមយុទ្ធនុយក្លេអ៊ែរជាមួយកូរ៉េខាងត្បូងទេ

ចំនួនអ្នកស្លាប់ដោយសារទឹកជំនន់ និងបំណាក់ដីនៅហ្វីលីពីនកើនឡើងដល់ ៥១នាក់

លោក Zelensky និយាយថា រុស្ស៊ីគ្រោងបំបាក់អ៊ុយក្រែនតាមរយៈយុទ្ធនាការវាយប្រហារអូសបន្លាយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សភា​សហរដ្ឋអាមេរិក​ស្ថិត​ក្នុង​ភាព​វឹកវរ ក្រោយ​លោក Kevin McCarthy​ ចាញ់​ការបោះឆ្នោត​ប្រធាន​សភា

យ៉ាង​ហោច ៧០​ភាគរយ​នៃ​ពលរដ្ឋ ២៥​លាន​នាក់​នៅ​ទីក្រុង​សៀង​ហៃ​អាច​បាន​ឆ្លង​ជំងឺ COVID-19

ក្រុមទី​ប្រឹក្សា​អង្គការ​សុខភាព​ពិភពលោក​អំពាវនាវ​ឲ្យ​ចិន​ផ្ដល់​ទិន្នន័យ​ពិតប្រាកដ​នៃ​វីរុស COVID-19

ក្រុង​ប៉េកាំង​រិះគន់​វិធានការ​រឹតត្បិត​លើ​ភ្ញៀវ​ទេសចរ​ចិន​ថា ជា​រឿង​នយោបាយ

មនុស្ស​ជាច្រើន​មក​គោរព​ព្រះ​សព​របស់​អតីត​សម្តេច​ប៉ាប Benedict នៅ​វិហារ St. Peter's

លោក Biden និយាយថា សហរដ្ឋអាមេរិក​មិន​ពិភាក្សា​អំពី​សមយុទ្ធ​នុយក្លេអ៊ែរ​ជាមួយ​កូរ៉េខាងត្បូង​ទេ

ចំនួន​អ្នកស្លាប់​ដោយសារ​ទឹកជំនន់ និង​បំណាក់​ដី​នៅ​ហ្វីលីពីន​កើន​ឡើង​ដល់ ៥១​នាក់

លោក Zelensky និយាយថា រុស្ស៊ី​គ្រោង​បំបាក់​អ៊ុយ​ក្រែ​ន​តាមរយៈ​យុទ្ធនាការ​វាយប្រហារ​អូស​បន្លាយ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សភាសហរដ្ឋអាមេរិកស្ថិតក្នុងភាពវឹកវរ ក្រោយលោក Kevin McCarthy ចាញ់ការបោះឆ្នោតប្រធានសភា

យ៉ាងហោច ៧០ភាគរយនៃពលរដ្ឋ ២៥លាននាក់នៅទីក្រុងសៀងហៃអាចបានឆ្លងជំងឺ COVID-19

ក្រុមទីប្រឹក្សាអង្គការសុខភាពពិភពលោកអំពាវនាវឲ្យចិនផ្ដល់ទិន្នន័យពិតប្រាកដនៃវីរុស COVID-19

ក្រុងប៉េកាំងរិះគន់វិធានការរឹតត្បិតលើភ្ញៀវទេសចរចិនថា ជារឿងនយោបាយ

មនុស្សជាច្រើនមកគោរពព្រះសពរបស់អតីតសម្តេចប៉ាប Benedict នៅវិហារ St. Peter's

លោក Biden និយាយថា សហរដ្ឋអាមេរិកមិនពិភាក្សាអំពីសមយុទ្ធនុយក្លេអ៊ែរជាមួយកូរ៉េខាងត្បូងទេ

ចំនួនអ្នកស្លាប់ដោយសារទឹកជំនន់ និងបំណាក់ដីនៅហ្វីលីពីនកើនឡើងដល់ ៥១នាក់

លោក Zelensky និយាយថា រុស្ស៊ីគ្រោងបំបាក់អ៊ុយក្រែនតាមរយៈយុទ្ធនាការវាយប្រហារអូសបន្លាយ