BTV NEWS

សម្ដេចអគ្គមហាសេនាបតីតេជោ ហ៊ុន សែន អញ្ជើញដង្ហែព្រះមហាក្សត្រ ក្នុងព្រះរាជពិធីពន្លត់ទៀនជ័យ នៃទិវាបុណ្យឯករាជ្យជាតិ ៩ វិច្ឆិកា ខួបលើកទី៧៣

សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត រួមនឹងក្រុមគ្រួសារ អញ្ជើញធ្វើបុណ្យទក្ខិណានុប្បទានខួបគម្រប់ ៥០ឆ្នាំ និងដារពិស្តារឧទ្ទិសមហាកុសលជូនវិញ្ញាណក្ខន្ធជូន កុមារា ហ៊ុន កំសត់

ការរៀបចំការប្រកួតកីឡាជាតិ ជាការត្រៀម កម្ពុជាធ្វើជាម្ចាស់ផ្ទះរៀបចំ ការប្រកួតកីឡាអន្តរជាតិចំនួន៣

នាយកប្រតិបត្តិអង្គការ HFHI កោតសរសើរគោលនយោបាយអភិវឌ្ឍលំនៅដ្ឋានរបស់កម្ពុជា

ព័ត៌មានសំខាន់ៗ

លោក Biden មកដល់រដ្ឋធានី Warsaw ប្រទេសប៉ូឡូញ បន្ទាប់ពីជួបលោក Zelenskyy នៅក្រុង Kyiv

ប៉ូឡូញ៖ ប្រធានាធិបតីសហរដ្ឋអាមេរិកលោក Joe Biden បានមកដល់រដ្ឋធានី Warsaw ប្រទេសប៉ូឡូញ បន្ទាប់ពីបានធ្វើទស្សនកិច្ចដ៏ភ្ញាក់ផ្អើលមួយទៅកាន់ប្រទេសអ៊ុយក្រែន។ លោក Biden ត្រូវបានស្វាគមន៍ដោយគណៈប្រតិភូ រួមមានរដ្ឋមន្ត្រីការបរទេសលោក Marcin Przydacz និងឯកអគ្គរដ្ឋទូតសហរដ្ឋអាមេរិកប្រចាំប្រទេសប៉ូឡូញលោក Mark Brzezinski។ កាលពីពេលព្រឹកថ្ងៃចន្ទលោក Biden បានធ្វើដំណើរជុំវិញរដ្ឋធានី Kyiv របស់អ៊ុយក្រែន ក្នុងដំណើរទស្សនកិច្ចដែលពុំមានការប្រកាសជាមុន ដោយសន្យាថានឹងឈរនៅជាមួយអ៊ុយក្រែនឱ្យបានយូរតាមដែលអ៊ុយក្រែនត្រូវការ និងជាដំណើរទស្សនកិច្ចមុនខួប ១ឆ្នាំនៃការវាយលុករបស់រុស្ស៊ីលើអ៊ុយក្រែន។ លោកប្រធានាធិបតីបានជិះយន្តហោះទៅកាន់មូលដ្ឋានទ័ពអាកាស Ramstein របស់សហរដ្ឋអាមេរិកក្នុងប្រទេសអាល្លឺម៉ង់ ហើយលោកបានបន្តដំណើរទៅកាន់ក្រុង Rzeszow ភាគអាគ្នេយ៍ប្រទេសប៉ូឡូញ។ បន្ទាប់ពីធ្វើដំណើររយៈពេលមួយម៉ោង លោកបានទៅដល់ទីក្រុង Przemysl ជាទីក្រុងមួយនៅតាមបណ្តោយព្រំដែនប្រទេសប៉ូឡូញ-អ៊ុយក្រែន ហើយបន្ទាប់មកលោក Biden បានឡើងលើរថភ្លើង និងបានធ្វើដំណើរ ១០ម៉ោងទៅកាន់ទីក្រុង Kiev។ លោក Joe Biden បានសន្យាផ្តល់ជំនួយយោធាថ្មីសម្រាប់អ៊ុយក្រែនមានតម្លៃ ៥០០លានដុល្លារក្នុងអំឡុងពេលដំណើរទស្សនកិច្ចដ៏ភ្ញាក់ផ្អើលទៅកាន់ទីក្រុង Kyiv។ នៅក្នុងដំណើរបង្ហាញពីសាមគ្គីភាពជាមួយទីក្រុង Kyiv លោក Biden និយាយថា ទណ្ឌកម្មបន្ថែមនឹងត្រូវប្រកាសនៅសប្តាហ៍នេះលើមន្ត្រីជាន់ខ្ពស់រុស្ស៊ី និងក្រុមហ៊ុនជាច្រើនដែលព្យាយាមគេចពីការដាក់ទណ្ឌកម្ម ដើម្បីគាំទ្រម៉ាស៊ីនសង្គ្រាមរបស់រុស្ស៊ី។ កញ្ចប់ជំនួយយោធានឹងរួមបញ្ចូលទាំងគ្រាប់កាំភ្លើងធំ ប្រព័ន្ធប្រឆាំងរថពាសដែក និងរ៉ាដាតាមដានដែនអាកាស។ ប្រធានាធិបតីសហរដ្ឋអាមេរិកលោក Joe Biden បានមកដល់រដ្ឋធានី Warsaw ប្រទេសប៉ូឡូញវិញកាលពីល្ងាចថ្ងៃចន្ទ។ លោក Biden គ្រោងនឹងជួបជាមួយប្រធានាធិបតីប៉ូឡូញលោក Andrzej Duda រួមជាមួយមេដឹកនាំប្រទេសដទៃទៀតនៅស្លាបខាងកើតរបស់សម្ព័ន្ធយោធាណាតូ ខណៈនៅទីក្រុង Warsaw ដើម្បីប្រារព្ធខួប ១ឆ្នាំនៃការវាយលុករបស់រុស្ស៊ីលើអ៊ុយក្រែន៕អត្ថបទ៖ ប៊ុនថន

ចិនផ្ទុះកំហឹងក្រោយអាមេរិកព្រមានប្រឆាំងការផ្ដល់អាវុធឲ្យរុស្ស៊ី ហើយថាអាមេរិកគ្មានសិទ្ធិបញ្ជាចិនឡើយ

ចិន៖ ទំនាក់ទំនងការទូតរវាងសហរដ្ឋអាមេរិក និងប្រទេសចិនកាន់តែដុនដាប់ខ្លាំងថែមទៀតកាលពីថ្ងៃចន្ទ ក្រោយក្រសួងកិច្ចការបរទេសរបស់ចិនទាត់ចោលការលើកឡើងរបស់រដ្ឋបាលលោក Biden ដែលថា ខ្លួនមានព័ត៌មានថា ចិនកំពុងពិចារណាបញ្ជូនអាវុធ និងគ្រាប់រំសេវឲ្យរុស្ស៊ីដើម្បីជួយក្នុងសង្គ្រាមនៅអ៊ុយក្រែន។ ប្រមុខការទូតអាមេរិកលោក Antony Blinken បានដាក់ការចោទប្រកាន់នេះកាលពីថ្ងៃអាទិត្យនៅក្នុងបទសម្ភាសន៍តាមទូរទស្សន៍ CBS ជាទីដែលលោកនិយាយថា ក្រុមហ៊ុនរបស់ប្រទេសចិនបានផ្គត់ផ្គង់ឲ្យរុស្ស៊ី នូវជំនួយគ្រឿងយុទ្ធោបករណ៍មិនបម្រើក្នុងសង្គ្រាម និងអាចមានការបញ្ជូនទៅបន្ថែមទៀតក្នុងពេលឆាប់ៗ។ លោក Blinken បាននិយាយថា ក្ដីបារម្ភដែលយើងមាននៅពេលនេះគឺអាស្រ័យលើព័ត៌មានដែលយើងមាន ដែលបញ្ជាក់ថា ពួកគេកំពុងពិចារណាផ្ដល់ការគាំទ្រខាងគ្រឿងយុទ្ធោបករណ៍ដែលមិនបម្រើក្នុងសង្គ្រាម ហើយបានបញ្ជាក់ឲ្យច្បាស់ទៅកាន់ពួកគេថា បញ្ហានោះនឹងនាំឲ្យមានរឿងធ្ងន់ធ្ងរសម្រាប់យើង និងទំនាក់ទំនងរបស់យើង។ នៅពេលសួរ តើជំនួយគ្រឿងយុទ្ធោបករណ៍មិនបម្រើក្នុងការធ្វើសង្គ្រាម ដែលចិនអាចនឹងបញ្ជូនឲ្យនោះគឺជាអ្វី លោក Blinken ឆ្លើយថាគឺអាវុធ។ ការអត្ថាធិប្បាយនោះបានធ្វើឲ្យផ្ទុះកំហឹងពីប្រទេសចិនកាលពីចន្ទ។ ទីក្រុងប៉េកាំងបានទាត់ចោលការអះអាងអាមេរិកថា ជាសម្ដីគ្មានមូលដ្ឋានខុសពីការពិត ដែលថា ចិនពិចារណាបញ្ជូនអាវុធឲ្យរុស្ស៊ីជួយក្នុងសង្គ្រាមអ៊ុយក្រែន ខណៈដែលចិនអំពាវនាវដដែលៗឲ្យមានការសន្ទនាបញ្ចប់ជម្លោះ។ អ្នកនាំពាក្យក្រសួងការបរទេសចិនលោក Wang Wenbin បាននិយាយថា មិនមែនចិនឡើយគឺសហរដ្ឋអាមេរិកទៅវិញទេ ដែលកំពុងតែបញ្ជូនអាវុធហូរដូចទឹកចូលក្នុងសមរភូមិ។ សហរដ្ឋអាមេរិកគ្មានសិទ្ធិបញ្ជាឲ្យចិនធ្វើនេះ ធ្វើនោះឡើយ។ យើងមិនដែលគាំទ្រឲ្យលើកចុងអាវុធដាក់គ្នា ឬការបង្ខិតបង្ខំនោះទេ ហើយសហរដ្ឋអាមេរិកកំពុងព្យាយាមដាក់សម្ពាធលើទំនាក់ទំនងរបស់យើងជាមួយរុស្ស៊ី៕អត្ថបទ៖ សុខមាន

ប្រមុខការទូតកម្ពុជា នឹងអញ្ជើញបំពេញទស្សនកិច្ចផ្លូវការនៅថៃក្នុងសប្តាហ៍នេះ

ភ្នំពេញ៖ ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តី ការបរទេស និងសហប្រតិបត្តិការអន្តរជាតិ នឹងអញ្ជើញបំពេញទស្សនកិច្ចផ្លូវការនៅប្រទេសថៃ នៅថ្ងៃទី២៣-២៤ ខែកុម្ភៈ ឆ្នាំ២០២៣ តបតាមការអញ្ជើញរបស់ ឯកឧត្តម ដន ប្រាម៉ាត់វីណៃ ឧបនាយករដ្ឋមន្រ្តី រដ្ឋមន្រ្តី ការបរទេសនៃព្រះរាជាណាចក្រថៃ។ឯកឧត្តមឧបនាយករដ្ឋមន្រ្តីទាំងពីរ នឹងមានជំនួបទ្វេភាគីដើម្បីពិភាក្សាអំពីទំនាក់ទំនងទ្វេភាគីដ៏ល្អប្រសើរ និងកិច្ចសហប្រតិបត្តិការកំពុងលូតលាស់លើគ្រប់វិស័យដូចជា៖ វិស័យពាណិជ្ជកម្ម វិនិយោគ ទេសចរណ៍ ការងារ ការតភ្ជាប់ អប់រំ សុខាភិបាល និងវប្បធម៌។ល។

ការរញ្ជួយដីថ្មីនៅព្រំដែនទួរគី-ស៊ីរីសម្លាប់មនុស្ស ៣នាក់ និងជាង ២០០នាក់រងរបួស ២សប្ដាហ៍ក្រោយគ្រោះមហន្តរាយ

ទួរគី៖ ក្រុមអាជ្ញាធរបាននិយាយថា ការរញ្ជួយដីថ្មីកម្រិត ៦.៤រ៉ិចទ័រកាលពីថ្ងៃចន្ទបានសម្លាប់មនុស្ស ៣នាក់ និងជាង ២០០នាក់រងរបួសនៅក្នុងតំបន់មួយចំនួននៅប្រទេសទួរគី រយៈពេល ២សប្ដាហ៍ក្រោយការរញ្ជួយដីដ៏ធំដែលបានសម្លាប់មនុស្សរាប់ម៉ឺននាក់។ អគារមួយចំនួនបានបាក់រលំបណ្ដាលឲ្យមនុស្សមួយចំនួនជាប់ក្រោមកម្ទេចថ្ម ខណៈមនុស្សរងរបួសជាច្រើនក៏ត្រូវបានរាយការណ៍ផងដែរនៅក្នុងប្រទេសជិតខាងស៊ីរី។ ការរញ្ជួយដីកាលពីថ្ងៃចន្ទត្រូវបានអង្រួននៅចំកណ្ដាលទីក្រុងដេហ្វ នី (Defne) ក្នុងខេត្ត Hatay របស់ប្រទេសទួរគី ជាទីដែលបានជួបគ្រោះរញ្ជួយដីធ្ងន់ធ្ងរបំផុតកម្រិត ៧.៨រ៉ិចទ័រដែលបានវាយប្រហារកាលពីថ្ងៃទី៦ កុម្ភៈ ២សប្ដាហ៍មុន។ ការរញ្ជួយដីនេះក៏បានអង្រួនក្នុងប្រទេសស៊ីរី ប្រទេសហ្ស៊កដានី ប្រទេសកោះហ្ស៊ីប អ៊ីស្រាអែល និងជាយប្រទេសអេហ្ស៊ីបផងដែរ ហើយក្រោយមកមានការរញ្ជួយទី២ កម្រិត ៥.៨រ៉ិចទ័របានកើតឡើងទៀត។ រដ្ឋមន្ត្រីក្រសួងមហាផ្ទៃទួរគីលោក Suleyman Soylu បាននិយាយថា មនុស្ស ៣នាក់បានស្លាប់ និង ២១២នាក់បានរងរបួស។ កិច្ចខិតខំប្រឹងប្រែងស្វែងរក និងជួយសង្គ្រោះកំពុងធ្វើលើអគារ៣ ដែលបានបាក់រលំ ជាទីដែលមានមនុស្ស ៦នាក់ត្រូវគេជឿថាបានជាប់នៅទីនោះ។ ទីភ្នាក់ងារសារព័ត៌មានរដ្ឋរបស់ស៊ីរី SANA បានរាយការណ៍ថា មនុស្ស ៦នាក់រងរបួសនៅក្នុងទីក្រុង Aleppo ដោយសារបំណែកថ្មធ្លាក់ចំ។ ចំណែកក្រុមអ្នកសង្គ្រោះមួក.ស. ដែលជាអង្គការការពារជនស៊ីវិលនៅប្រទេសស៊ីរីភាគពាយ័ព្យ បានរាយការណ៍ថាមានមនុស្សជាង ១៣០នាក់រងរបួស ភាគច្រើនមិនបានគំរាមកំហែងដល់អាយុជីវិតទេ។ គួររម្លឹកថា ការរញ្ជួយដីកាលពីថ្ងៃទី៦កុម្ភៈបានសម្លាប់មនុស្សជាង ៤៥.០០០នាក់នៅក្នុងប្រទេសទាំង២ ភាគច្រើននៅក្នុងប្រទេសទួរគី ជាទីដែលមានមនុស្សជាង ១លាននាក់កំពុងស្នាក់នៅក្នុងជំរំបណ្ដោះអាសន្ន។ ក្រុមអាជ្ញាធរទួរគីបានកត់ត្រារលករញ្ជួយជាង ៦.០០០លើកចាប់តាំងពីការរញ្ជួយដ៏ធ្ងន់ធ្ងរ ២សប្ដាហ៍មុន៕អត្ថបទ៖ សុខមាន

លោក Zelenskyy និយាយថា សណ្ដាប់ធ្នាប់ពិភពលោកអាស្រ័យទៅលើសង្គ្រាមនៅក្នុងប្រទេសអ៊ុយក្រែន

អ៊ុយក្រែន៖ លោកប្រធានាធិបតីអ៊ុយក្រែន Volodymyr Zelensky បាននិយាយកាលពីថ្ងៃចន្ទថា សណ្ដាប់ធ្នាប់ពិភពលោកអាស្រ័យទៅលើវិធានការ ហើយមនុស្សជាតិអាស្រ័យលើថា តើស្ថានភាពសង្គ្រាមនឹងវិវឌ្ឍន៍ទៅមុខបែបណានៅក្នុងប្រទេសអ៊ុយក្រែន។ លោក Zelensky បាននិយាយនៅក្នុងសន្ទរកថាទាំងយប់ បន្ទាប់ពីដំណើរទស្សនកិច្ចដ៏ភ្ញាក់ផ្អើលរបស់លោកប្រធានាធិបតីអាមេរិក Joe Biden ទៅកាន់ទីក្រុង Kyiv ថា នៅពេលនេះ និងនៅទីនេះ នៅក្នុងប្រទេសអ៊ុយក្រែន ដែលអនាគតរបស់សណ្ដាប់ធ្នាប់ពិភពលោកទាំងមូល អាស្រ័យលើវិធានការ មនុស្សជាតិ និងសមត្ថភាពនៃការព្យាករណ៍កំពុងត្រូវបានសម្រេចចិត្ត។ លោក Zelensky បាននិយាយថា ផ្នែកការពារជាតិ និងតម្រូវការចាំបាច់ផ្សេងទៀត សម្រាប់ការបញ្ចប់ការវាយលុករបស់រុស្ស៊ីនៅឆ្នាំនេះត្រូវបានដឹងច្បាស់រួចហើយ រួមទាំងដៃគូរបស់ប្រទេសអ៊ុយក្រែនផង។ លោកថា បញ្ហាទាំងអស់នេះត្រូវតែដោះស្រាយ នៅថ្ងៃនេះខ្ញុំបានមើលឃើញដំណោះស្រាយពីលោកប្រធានាធិបតី Biden និងសហរដ្ឋអាមេរិក៕អត្ថបទ៖ សុខមាន

អ្នកការទូតជាន់ខ្ពស់ចិនមកដល់ទីក្រុងមូស្គូ សម្រាប់កិច្ចពិភាក្សាជុំវិញបញ្ហានៅអ៊ុយក្រែន

រុស្ស៊ី៖ សារព័ត៌មានរុស្ស៊ី Kommersant បានរាយការណ៍ថា អ្នកការទូតជាន់ខ្ពស់ចិនលោក Wang Yi កំពុងស្ថិតនៅក្នុងទីក្រុងមូស្គូ សម្រាប់កិច្ចពិភាក្សាលើផែនការសន្តិភាពដែលអាចកើតមានសម្រាប់អ៊ុយក្រែន។ សារព័ត៌មានបានរាយការណ៍ថា គោលបំណងចម្បងនៃដំណើរទស្សនកិច្ចរបស់លោក Wang គឺដើម្បីបង្កើនតួនាទីរបស់ទីក្រុងប៉េកាំងនៅក្នុងដំណោះស្រាយសន្តិភាព។ អ្នកនាំពាក្យវិមានក្រឹមឡាំងលោក Dmitry Peskov និយាយថា លោកមិនបានដាក់ចេញនូវជំនួបរវាងលោក Wang និងប្រធានាធិបតីរុស្ស៊ីលោក Vladimir Putin នោះទេ។ លោកបាននិយាយថា របៀបវារៈគឺច្បាស់លាស់ និងទូលំទូលាយ ហើយមានបញ្ហាជាច្រើនដែលត្រូវពិភាក្សា។ រដ្ឋមន្ត្រីការបរទេសសហរដ្ឋអាមេរិកលោក Antony Blinken និយាយថា លោកមានការព្រួយបារម្ភចំពោះការគាំទ្រដែលអាចកើតមានរបស់ទីក្រុងប៉េកាំង ចំពោះការវាយលុករបស់រុស្ស៊ីលើអ៊ុយក្រែន នៅពេលលោកបានជួបលោក Wang Yi កាលពីថ្ងៃសៅរ៍នៅក្រៅសន្និសីទសន្តិសុខក្នុងទីក្រុង Munich ប្រទេសអាល្លឺម៉ង់៕អត្ថបទ៖ ប៊ុនថន

សម្តេចតេជោ ហ៊ុន សែន វាយតម្លៃលទ្ធផលដ៏ប្រសើរដែល ក្រុមប្រឹក្សាជាតិកម្ពុជាដើម្បីស្រ្តីសម្រេចបានក្នុងឆ្នាំ២០២២

ភ្នំពេញ៖ នៅវិមានសន្តិភាព នាព្រឹកថ្ងៃទី ២១ ខែកុម្ភៈ ឆ្នាំ២០២៣នេះ សម្តេចតេជោហ៊ុន សែន នាយករដ្ឋមន្ត្រីកម្ពុជា និងជាអនុប្រធានកិត្តិយសនៃក្រុមប្រឹក្សាជាតិកម្ពុជាដើម្បីស្ត្រី បានអញ្ជើញជាអធិបតីក្នុងកិច្ចប្រជុំបូកសរុបលទ្ធផលការងារឆ្នាំ ២០២២ របស់ក្រុមប្រឹក្សាជាតិកម្ពុជាដើម្បីស្រ្តី ដែលកិច្ចប្រជុំនេះមានវត្តមានស្ត្រីជាតំណាងមកពីបណ្តាស្ថាប័ន អង្គភាពជាង៦០០នាក់។សម្តេចបានថ្លែងកោតសរសើរ និងវាយតម្លៃខ្ពស់ចំពោះការខិតខំប្រឹងប្រែងរបស់ក្រុមប្រឹក្សាជាតិកម្ពុជាដើម្បីស្ត្រី ដែលបានរួមចំណែកយ៉ាងសកម្មក្នុងការកសាង និងអភិវឌ្ឍសង្គមជាតិ។ សម្តេចតេជោ ហ៊ុន សែន បានបន្តថា បច្ចុប្បន្ន ស្ត្រី បានចូលរួមចំណែកក្នុងកិច្ចការងារជាច្រើនវិស័យ។លោកជំទាវកិត្តិបណ្ឌិត អុឹង កន្ថាផាវី ប្រធានក្រុមប្រឹក្សាជាតិកម្ពុជាដើម្បីស្ត្រី និងជារដ្ឋមន្ត្រីក្រសួងកិច្ចការនារីបានគោរពរាយការណ៍ ដោយសង្ខេបអំពីលទ្ធផលការងារសម្រេចបានក្នុងឆ្នាំ២០២២ របស់ក្រសួង ស្ថាប័ន អាជ្ញាធរគ្រប់លំដាប់ថ្នាក់ ក្នុងនោះប្រតិភូក្រុមប្រឹក្សាជាតិកម្ពុជាដើម្បីស្ត្រីចំនួន ១២ រូប បានចូលក្រាបបង្គំគាល់ថ្វាយព្រះពរជ័យក្នុងឱកាស ព្រះរាជពិធីចម្រើនព្រះជន្មគម្រប់ ៨៦ ព្រះវស្សា យាងចូល ៨៧ព្រះវស្សា សម្តេចព្រះមហាក្សតី ព្រះវររាជមាតាជាតិខ្មែរ ព្រះប្រធានកិត្តិយសនៃក្រុមប្រឹក្សាជាតិកម្ពុជាដើម្បីស្ត្រី និងទូលថ្វាយរបាយ ការណ៍លទ្ធផលការងារឆ្នាំ២០២១ និងផែនការសកម្មភាពឆ្នាំ២០២២ និងអនុសាសន៍ ១២ ចំណុច របស់ សម្ដេចតេជោនាយករដ្ឋមន្ត្រី ដែលបានដាក់ចេញឱ្យអនុវត្តឆ្នាំ២០២២ ដោយព្រះអង្គបានកោតសរសើរចំពោះលទ្ធផលដែលសម្រេចបានក្រោមការដឹកនាំដ៏ឈ្លាសវៃរបស់ សម្ដេច តេជោនាយករដ្ឋមន្ត្រី និងជាអនុប្រធានកិត្តិយស កស.ក.ជ. ដែលបានឧបត្ថម្ភគាំទ្រដ៏រឹងមាំក្នុងការ ជំរុញសកម្មភាពការងាររបស់ ក.ជ.ក.ស ឱ្យទទួលសមិទ្ធផលជាបន្តបន្ទាប់ ក្នុងការលើកកម្ពស់សិទ្ធិ សេរីភាព សេចក្តីថ្លៃថ្នូរ តួនាទីរបស់ស្ត្រី និងមានជីវភាពរស់នៅកាន់តែប្រសើរ។របាយការណ៍ក៏បានបង្ហាញអំពីលទ្ធផលដែលសម្រេចជាច្រើនទៀតនៅលើវិស័យផ្សេងៗ ជាពិសេសការអភិវឌ្ឍសមត្ថភាពស្ត្រីជាថ្នាក់ដឹកនាំនៅថ្នាក់ជាតិ និងថ្នាក់ក្រោមជាតិ ការអភិវឌ្ឍសមត្ថភាពដល់ស្ត្រីជាថ្នាក់ដឹកនាំ និងមន្ត្រីរាជការជានារី នៅថ្នាក់ជាតិ ត្រូវបានយកចិត្តទុកដាក់ខ្ពស់ដោយថ្នាក់ដឹកនាំស្ថាប័ន ហើយក្រសួងកិច្ចការនារី បានរៀបចំកម្មវិធីអភិវឌ្ឍន៍សមត្ថភាពមន្ត្រីកិច្ចការនារីក្នុងការអនុវត្តការងារ ការស្វែងរកការគាំទ្រមតិ ការបញ្ជ្រាបយេនឌ័រ និងបរិយាបន្ន សីលធម៌សង្គម និងភាពជាអ្នកដឹកនាំ និងដាក់បញ្ចូលទៅក្នុងកម្មវិធីវិនិយោគ ឃុំ សង្កាត់ និងសមាហរណកម្មផែនការឃុំ សង្កាត់ ថ្នាក់ ក្រុង ស្រុក ខណ្ឌ។លោកជំទាវបន្តថា៖នៅឆ្នាំ២០២២ មន្ត្រីរាជការស្ត្រី មានចំនួន ៦៨២២ នាក់ នៃមន្ត្រីរាជការសរុប ២៨៥៤២នាក់ បានទទួលការពង្រឹងសមត្ថភាពលើចំណេះដឹង និងជំនាញផ្សេងៗ ទាំងនៅក្នុងប្រទេស និងក្រៅប្រទេស។ក្នុងវិស័យសេដ្ឋកិច្ចនៅកម្ពុជា ស្ត្រីបានក្លាយជាកម្លាំងចលករដែលបានរួមចំណែកជំរុញកំណើនសេដ្ឋកិច្ច ជាតិ និងការអភិវឌ្ឍសង្គម។ កម្លាំងពលកម្មស្រ្តីមានប្រមាណ ៨៤ % ហើយស្រ្តីប្រមាណ ៦១% ជាម្ចាស់អាជីកម្ម ឬ អ្នកធ្វើធុរកិច្ច ដែលជាអត្រាខ្ពស់ក្នុងតំបន់។នៅឆ្នាំ២០២២ ស្ត្រីជាម្ចាស់ក្រុមហ៊ុន មានកើនឡើងចន្លោះពី ២០%ទៅ ២២% និងស្ត្រីជាម្ចាស់សហគ្រាសកើនពីចន្លោះពី ៣០% ទៅ ៣២%។ទោះជាយ៉ាងណា លោកជំទាវបញ្ជាក់ថា៖ទន្ទឹមនឹងលទ្ធផលសម្រេចបាននេះ នៅមានបញ្ហាប្រឈម និងកង្វល់មួយចំនួនដែលត្រូវបន្តរួមគ្នាដោះស្រាយ តាមរយះយន្តការបញ្ជ្រាបយេនឌ័រនៅថ្នាក់ជាតិ និងក្រោមជាតិ កិច្ចការពារសិទ្ធិស្ត្រី តម្រូវឱ្យមានការអភិវឌ្ឍធនធានមនុស្ស និងការធ្វើទំនើបកម្មស្ថាប័ន ពង្រីកវិសាល ភាពការងារ ដើម្បីឆ្លើយតបទៅការវិវត្តន៍ថ្មីៗ និងបញ្ហារបស់ស្ត្រី និងក្មេងស្រី មានជាអាទិ៍ បទពិសោធន៍ ចំណេះដឹង ជំនាញ ទីផ្សារការងារ និងមុខរបរ និងសុវត្ថិភាពពាក់ព័ន្ធបច្ចេកវិទ្យាឌីជីថលដើម។លោកជំទាវបានថ្លែងអំណរគុណដ៏ជ្រាលជ្រៅជូនចំពោះ សម្តេចតេជោនាយករដ្ឋមន្ត្រីនិងជាអនុប្រធានកិត្តិយសនៃក្រុមប្រឹក្សាជាតិកម្ពុជាដើម្បីស្ត្រី ដែលបានផ្តល់អាទិភាពខ្ពស់ក្នុងការជំរុញ និងលើកកម្ពស់សមភាពយេនឌ័រ និងស្ថានភាពស្រ្តីលើគ្រប់វិស័យ និងគ្រប់កម្រិត ក្នុងការអនុវត្តច្បាប់ គោលនយោបាយ និងវិធានការនានា តាមរយៈយន្តការថ្នាក់ជាតិ និងថ្នាក់ក្រោមជាតិ ជាពិសេស សម្តេចតេជោនាយករដ្ឋមន្ត្រី ដែលជានិច្ចកាលតែងផ្តល់នូវការគាំទ្រយ៉ាងពេញទំហឹងទាំងស្មារតី និងថវិកាដល់ដំណើរការសកម្មភាពរបស់ក្រុមប្រឹក្សាជាតិកម្ពុជាដើម្បីស្ត្រី ឱ្យសម្រេចបាននូវវឌ្ឍនភាពជាទីមោទនៈ ក្រោមសុខសន្តិភាពជាតិ។សូមជំរាបជូនថា«ក្រុមប្រឹក្សាជាតិកម្ពុជាដើម្បីស្ត្រី»បានបង្កើតឡើងតាំងពីឆ្នាំ២០០៦មកហើយតែងតែបានបើកកិច្ចប្រជុំជាទៀងទាត់រៀងរាល់មួយឆ្នាំម្តង ៕(ដោយ៖ មុត សុទ្ធ)

កូរ៉េខាងត្បូងអះអាងថានឹងខិតខំជំរុញទំនាក់ទំនងជាមួយកម្ពុជាឱ្យកាន់តែរឹងមាំឡើងថែមទៀត

ភ្នំពេញ ៖ នៅវិមានសន្តិភាពរសៀលថ្ងៃទី២០កុម្ភ: ក្នុងពេលអនុញ្ញាតឱ្យឯកឧត្តម Park Jung wook ឯកអគ្គរដ្ឋទូតថ្មីនៃសាធារណរដ្ឋកូរ៉េ ចូលជួបសំដែងការគួរសមនិងពិភាក្សាការងារ ជាមួយសម្តេចតេជោ ហ៊ុន សែន នាយករដ្ឋមន្ត្រីកម្ពុជា ឯកឧត្តម Park បានអះអាងថានឹងខិតខំជំរុញទំនាក់ទំនងជាមួយកម្ពុជាឱ្យកាន់តែរឹងមាំឡើងថែមទៀត។ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោបានឱ្យដឹងថា នៅក្នុងជំនួបនេះឯកឧត្តម. Park បានគោរពជម្រាបជូនសម្ដេចតេជោថា ឯកឧត្តមគឺពិតជាមានកិត្តិយសណាស់ដែលត្រូវបានតែងតាំងជាឯកអគ្គរដ្ឋទូតវិសាមញ្ញនិងពេញសមត្ថភាពរបស់កូរ៉េមកកាន់ព្រះរាជាណាចក្រកម្ពុជាហើយឯកឧត្តមនឹងខិតខំប្រឹងប្រែងឲ្យអស់ពីសមត្ថភាពដើម្បីជំរុញទំនាក់ទំនងរវាងប្រទេសទាំងពីរឱ្យកាន់តែរឹងមាំឡើងថែមទៀត។ឯកឧត្តមបានគោរពពាំនាំនូវការផ្ដាំផ្ញើសួរសុខទុក្ខអំពីឯកឧត្តមប្រធានាធិបតីកូរ៉េជូនចំពោះសម្ដេចតេជោហើយក៏បានគោរពជម្រាបជូនសម្ដេចតេជោថា ៖ ឯកឧត្តមបានសិក្សាស្វែងយល់អំពីសកម្មភាពរបស់សម្ដេចតេជោក្នុងការបង្កើតទំនាក់ទំនងការទូតរវាងប្រទេសទាំងពីរ ក៏ដូចជាការរីកចម្រើនជាលំដាប់នៃទំនាក់ទំនងរវាងប្រទេសទាំងពីរ។ឯកឧត្តម Park ក៏បានសូមគោរពសម្ដែងនូវការគោរពជូនចំពោះសម្ដេចតេជោឯកឧត្តមបានមានប្រសាសន៍បន្តថា៖ទំនាក់ទំនងទ្វេភាគីរវាងកម្ពុជានិងកូរ៉េមានការរីកចម្រើនជាលំដាប់ បើទោះបីជាមានជំងឺកូវីដ១៩ ក៏ដោយ ទំហំពាណិជ្ជកម្មរវាងប្រទេសទាំងពីរបានកើនឡើងដល់១ពាន់លានដុល្លារកាលពីឆ្នាំទៅ ហើយកូរ៉េគឺជាអ្នកវិនិយោគលំដាប់លេខ២នៅកម្ពុជាជាមួយកិច្ចព្រមព្រៀងពាណិជ្ជកម្មរវាងប្រទេសទាំងពីរជាមួយនឹងច្បាប់វិនិយោគថ្មីដែលមិនយកពន្ធត្រួតគ្នានិងមានវិនិយោគមកកាន់កម្ពុជាកាន់តែច្រើនឡើងថែមទៀត។ឯកឧត្តមបានបន្ថែមថា៖រដ្ឋាភិបាលកូរ៉េបានផ្ដល់ជំនួយODAមកកម្ពុជាច្រើនជាងគេ រួមទាំងជំនួយសម្រាប់ការសាងសង់ស្ពានឆ្លងកាត់ទន្លេសាបឆ្ពោះទៅជ្រោយចង្វារនិងឆ្លងកាត់ទន្លេមេគង្គឆ្ពោះទៅត្រើយម្ខាងទៀតដែលនឹងជួយក្នុងការធ្វើដំណើរនិងសេដ្ឋកិច្ចកម្ពុជា។ជាមួយគ្នានោះដែរ ឯកឧត្តមក៏បានគោរពជម្រាបជូនសម្ដេចតេជោអំពីក្តីបារម្ភនៃការបាញ់កាំជ្រួចរបស់កូរ៉េខាងជើងដែលជាការគំរាមកំហែងដល់សន្តិភាពនៅឧបទ្វីបកូរ៉េផងនិងពិភពលោកផង។ជាការឆ្លើយតប សម្ដេចតេជោ បានសម្ដែងនូវការស្វាគមន៍និងអបអរសាទរជូនចំពោះឯកឧត្តមPark ដែលត្រូវបានតែងតាំងជាឯកអគ្គរដ្ឋទូតវិសាមញ្ញនិងពេញសមត្ថភាពរបស់កូរ៉េខាងត្បូងប្រចាំកម្ពុជានិងបានថ្លែងអំណរគុណជូនចំពោះឯកឧត្តមParkផងដែរ ចំពោះការពាំនាំការផ្ដាំផ្ញើសួរសុខទុក្ខអំពីប្រធានាធិបតីកូរ៉េនិងការប្ដេជ្ញាចិត្តក្នុងការពង្រីកពង្រឹងទំនាក់ទំនងរវាងប្រទេសទាំងពីរ។សម្ដេចបានជម្រាបជូនឯកឧត្តមPark អំពីដំណើរនៃការចាប់ផ្ដើមទំនាក់ទំនងការទូតរវាងប្រទេសទាំងពីរហើយសម្ដេចបានយល់ស្របជាមួយនឹងការវាយតម្លៃអំពីទំនាក់ទំនងនៃប្រទេសទាំងពីរដែលបន្តរីកចម្រើនជាលំដាប់។សម្ដេចតេជោបានឆ្លៀតឱកាសថ្លែងអំណរគុណជូនចំពោះរដ្ឋាភិបាលនិងប្រជាជនកូរ៉េដែលបានជួយដល់កម្ពុជាបើទោះបីជាមានការរីករាលកូវីដ១៩ក៏ដោយក៏កូរ៉េមិនបិទការហោះហើរមកកាន់កម្ពុជាឡើយ។នេះសបញ្ជាក់ឲ្យឃើញថា ទោះបីក្នុងកាលៈទេសៈណាក៏ដោយក៏កូរ៉េមិនផ្លាស់ប្តូរឥរិយាបទចំពោះកម្ពុជាដែរ។ជាមួយគ្នានេះ សម្ដេចក៏បានថ្លែងអំណរគុណជូនចំពោះរដ្ឋាភិបាលកូរ៉េដែលបានអនុញ្ញាតឲ្យពលករកម្ពុជាបានទៅធ្វើការនៅកូរ៉េទទួលបានប្រាក់ខែនិងជំនាញត្រឡប់មកកម្ពុជាវិញ។សម្តេចអរគុណចំពោះជំនួយរបស់កូរ៉េក្នុងការកសាងស្ពានឆ្លងកាត់ទន្លេសាប ឆ្ពោះទៅជ្រោយចង្វារនិងឆ្លងកាត់ទន្លេមេគង្គ ឆ្ពោះទៅកាន់ត្រើយម្ខាងទៀត។ចំពោះបញ្ហាកូរ៉េខាងជើងសម្ដេចតេជោ ហ៊ុន សែន បានជម្រាបជូនឯកឧត្តមPark ថា៖កម្ពុជាថ្កោលទោសកូរ៉េខាងជើងដែលធ្វើការបាញ់មីស៊ីលម្ដងហើយម្ដងទៀតរួមទាំងការបាញ់កាលពីព្រឹកមិញផង ដែលជាការរំលោភសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ បង្កើតនូវភាពតានតឹងនិងគំរាមកំហែងដល់សន្តិភាពទាំងនៅឧបទ្វីបកូរ៉េនិងនៅលើពិភពលោក៕

សម្តេចតេជោ ហ៊ុន សែន ចង់ឱ្យមានសាកលវិទ្យាល័យនិងវិនិយោគិនពីចក្រភពអង់គ្លេស

ភ្នំពេញ ៖សម្ដេចតេជោ ហ៊ុន សែន នាយករដ្ឋមន្ត្រីកម្ពុជាបានបង្ហាញពីបំណងចង់ឲ្យមានសាកលវិទ្យាល័យរបស់ចក្រភពអង់គ្លេសនៅកម្ពុជាជាមួយនឹងការលើកទឹកចិត្តឲ្យមានការជំរុញវិនិយោគិនពីចក្រភពអង់គ្លេសមកកម្ពុជាកាន់តែច្រើន។នេះជាការលើកឡើងរបស់សម្ដេចតេជោ ហ៊ុន សែន ក្នុងពេលដែលសម្ដេចបានអនុញ្ញាតឱ្យឯកឧត្ដម Dominic Williams ឯកអគ្គរាជទូតថ្មីនៃចក្រភពអង់គ្លេស ចូលជួបសំដែងការគួរសមនិងពិភាក្សាការងារនៅវិមានសន្តិភាពនារសៀលថ្ងៃទី២០កុម្ភៈ។ ឯកឧត្ដម អ៊ាង សុផល្លែត ជំនួយការផ្ទាល់សម្ដេចតេជោនាយករដ្ឋមន្ត្រីបានបញ្ជាក់ឱ្យដឹងថានៅក្នុងជំនួបនេះ ជាបឋម ឯកឧត្ដម Dominic បានគោរពសុំការអនុញ្ញាតពីសម្ដេចតេជោនិយាយជាភាសាខ្មែរដើម្បីសម្ដែងនូវការគោរពជូនចំពោះសម្ដេចតេជោនិងប្រជាជនកម្ពុជាក្នុងឱកាសដែលឯកឧត្ដមមកបំពេញបេសកកម្មការទូតនៅព្រះរាជាណាចក្រកម្ពុជា។ឯកឧត្ដមបានជម្រាបជូនសម្ដេចតេជោថា ៖ ឯកឧត្ដមបានមកកាន់ព្រះរាជាណាចក្រកម្ពុជាធ្វើទស្សនកិច្ចនៅកម្ពុជាកាលពីឆ្នាំ២០១០ ។ នៅពេលនេះ ឯកឧត្ដមបានឃើញការរីកចម្រើនយ៉ាងឆាប់រហ័សរបស់កម្ពុជាហើយក៏បានគោរពសម្ដែងនូវការគោរពលើភាពជាអ្នកដឹកនាំរបស់សម្ដេចតេជោនោះទី១.ក្នុងការនាំមកជូនកម្ពុជានូវសុខសន្តិភាពនិងស្ថេរភាព,ទី២ ទប់ស្កាត់ការរីករាលដាលជំងឺកូវីដ-១៩ បើកប្រទេសនិងបើកសេដ្ឋកិច្ចឡើងវិញបានយ៉ាងជោគជ័យ,ទី៣. គ្រប់គ្រងសេដ្ឋកិច្ចកម្ពុជាបានយ៉ាងល្អ,ទី៤.ដឹកនាំកិច្ចប្រជុំកំពូលអាស៊ាននិងកិច្ចប្រជុំកំពូលពាក់ព័ន្ធទទួលបានជោគជ័យយ៉ាងត្រចះត្រចង់និងទី៥. ការយកចិត្តទុកដាក់របស់សម្ដេច លើការដោះមីននិងនាំកម្ពុជាទៅជាប្រទេសគ្មានមីននៅឆ្នាំ ២០២៥។ឯកឧត្ដម Dominic បានគោរពជម្រាបជូនសម្ដេចតេជោបន្ថែមថា៖ មហិច្ឆតារបស់ឯកឧត្ដមគឺនៅពីក្រោយកម្ពុជាជួយកម្ពុជាលើវិស័យសេដ្ឋកិច្ច ពាណិជ្ជកម្ម វិនិយោគ អប់រំ ហិរញ្ញវត្ថុ ហេដ្ឋារចនាសម្ព័ន្ធ ថាមពលកើតឡើងវិញបរិស្ថាននិងវិស័យដទៃទៀតក្នុងគោលដៅពង្រីកពង្រឹងទំនាក់ទំនងរវាងប្រទេសទាំងពីរឲ្យកាន់តែស៊ីជម្រៅនិងខ្លាំងឡើង។សម្ដេចតេជោ ហ៊ុន សែន បានស្វាគមន៍និងអបអរសាទរជូនចំពោះឯកឧត្តម Dominic ដែលបានតែងតាំងជាឯកអគ្គរាជទូតវិសាមញ្ញនិងពេញសមត្ថភាពនៃចក្រភពអង់គ្លេសប្រចាំព្រះរាជាណាចក្រកម្ពុជា។សម្ដេចបានថ្លែងអំណរគុណឯកឧត្ដម Dominic ចំពោះពាក្យពេចន៍ដ៏ល្អនិងស្ងើចសរសើរឯកឧត្ដមដែលបាននិយាយភាសាខ្មែរបានយ៉ាងច្បាស់ល្អហើយសម្ដេចក៏បានថ្លែងអំណរគុណជូនចំពោះចក្រភពអង់គ្លេសដែលបានជួយកម្ពុជាលើការដោះមីន។សម្ដេចតេជោបានបន្តថា ៖កម្ពុជាបានរងនូវសោកនាដកម្មរយៈពេលជាង៤០ ឆ្នាំមកហើយដោយសារគ្រាប់មីន ហើយនៅពេលនេះកម្ពុជាកំពុងតែប្រើប្រាស់ធនធានយ៉ាងច្រើន ជាមួយនឹងធនធានរបស់សប្បុរសជន ក៏ដូចជាដៃគូ ដើម្បីដោះមីនធ្វើយ៉ាងណាឲ្យកម្ពុជាក្លាយជាប្រទេសគ្មានមីននៅឆ្នាំ ២០២៥។ឆ្លៀតឱកាសនោះដែរ សម្ដេចក៏បានបញ្ជាក់ជូនឯកឧត្តម Dominic នូវបំណងចង់ឲ្យមានសាកលវិទ្យាល័យចក្រភពអង់គ្លេសនៅកម្ពុជាជាមួយនឹងការលើកទឹកចិត្តឲ្យមានការជំរុញវិនិយោគិនពីចក្រអង់គ្លេសមកកម្ពុជាកាន់តែច្រើនថែមទៀត។ជាទីបញ្ចប់សម្ដេចតេជោបានជូនពរឲ្យឯកឧត្តមDominic ឯកអគ្គរាជទូតថ្មីចក្រភពអង់គ្លេសបំពេញបេសកកម្មកាទូតនៅកម្ពុជាបានទទួលជោគជ័យ៕

មនុស្សរាប់សិបនាក់ស្លាប់ ខណៈព្យុះបង្កជាទឹកជំនន់ និងបំណាក់ដីវាយប្រហារទីក្រុងមួយចំនួននៅប្រេស៊ីល

ប្រេស៊ីល៖ ក្រុមអាជ្ញាធរនៅក្នុងរដ្ឋ Sao Paulo នៃប្រទេសប្រេស៊ីលបាននិយាយថា មនុស្សយ៉ាងហោចណាស់ ៣៦នាក់បានស្លាប់ដោយសារទឹកជំនន់ និងបំណាក់ដីដ៏ធ្ងន់ធ្ងរ ដោយបង្ខំឲ្យទីក្រុងមួយចំនួនលុបចោលការប្រារព្ធពិធីបុណ្យ Carnival ប្រចាំឆ្នាំ។ ក្រុមមន្ត្រីនិយាយថា ភ្លៀងធា្លក់ខ្លាំងបង្កជាទឹកជំនន់ និងបំណាក់ដីនៅក្នុងតំបន់ឆ្នេរសមុទ្រនៃរដ្ឋ Sao Paulo ភាគខាងត្បូងរបស់ប្រទេសប្រេស៊ីលបានសម្លាប់មនុស្ស ៣៦នាក់ ហើយក្រុមមន្ត្រីបាននិយាយកាលពីយប់ថ្ងៃអាទិត្យថា ចំនួនអ្នកស្លាប់អាចកើនឡើងថែមទៀត។ រដ្ឋាភិបាលបាននិយាយនៅក្នុងសេចក្ដីថ្លែងការណ៍ថា អ្នកស្លាប់ចំនួន ៣៥នាក់ត្រូវបានរាយការណ៍នៅតាមបណ្ដោយឆ្នេរសមុទ្រភាគខាងជើងរបស់រដ្ឋនេះ ហើយជនរងគ្រោះម្នាក់ទៀតត្រូវបានរាយការណ៍ក្បែរទីក្រុង Ubatuba។ ក្រុមអ្នកសង្គ្រោះបន្តស្វែងរកជនរងគ្រោះ តភ្ជាប់សហគមន៍ដែលត្រូវបានដាច់ការទាក់ទង និងសម្អាតផ្លូវ ហើយផ្លូវមួយចំនួននៅតែត្រូវបានបិទនៅឡើយ បណ្ដាលឲ្យអ្នកទេសចរមួយចំនួនដែលបានធ្វើដំណើរទៅប្រទេសប្រេស៊ីល ដើម្បីប្រារព្ធពិធីបុណ្យ Carnival ជាប់នៅទីនោះ។ ការព្យាករណ៍អាកាសធាតុបង្ហាញថា ភ្លៀងធ្លាក់ខ្លាំងនៅបន្តនៅក្នុងតំបន់ឆ្នេរសមុទ្ររបស់រដ្ឋ Sao Paulo ដែលជំរុញឲ្យអង្គភាពការពារជនស៊ីវិល និងក្រុមអ្នកសង្គ្រោះមកពីផ្នែកពន្លត់អគ្គិភ័យបង្ហាញក្ដីបារម្ភថា អ្នកស្លាប់អាចនឹងកើនឡើងថែមទៀត៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ចិន៖ អាមេរិកកំពុងប្រើប្រាស់ការអះអាងចារកម្ម ពាក់ព័ន្ធនាយកប្រតិបត្តិ Nvidia ជាលេសស «បិទខ្ទប់» បច្ចេកវិទ្យា

បារាំង៖ សហភាពអឺរ៉ុប នឹងអនុម័តទណ្ឌកម្មបន្ថែមលើរុស្ស៊ី នៅថ្ងៃចន្ទ

អ្នកសម្របសម្រួល (L.O) គណៈប្រតិភូ ហ្វ្រង់កូហ្វូនី ពេញចិត្តចំពោះការងារ ដោយនឹងព្យាយាមធ្វើឱ្យបានល្អដើម្បីមុខមាត់កម្ពុជា

ប្រធានាធិបតីកូរ៉េខាងត្បូង លោក Lee នឹងធ្វើទស្សនកិច្ចនៅហ្វីលីពីន និងចូលរួមកិច្ចប្រជុំកំពូល APEC នៅចិន

អ៊ីរ៉ង់៖ នាវាដឹកប្រេង ២គ្រឿងផ្ទុកប្រេងជាង ៤លានបារ៉ែល មានអគ្គិភ័យ នៅច្រកសមុទ្រ Hormuz

អ៊ីរ៉ង់ ធ្វើបច្ចុប្បន្នភាពបញ្ជីគោលដៅយោធាសម្រាប់សង្គ្រាមដែលអាចកើតមាននៅពេលអនាគត

ការប្រយុទ្ធគ្នាកាន់តែខ្លាំងនៅយេម៉ែន ខណៈក្រុមហ៊ូទី ច្រានចោលថាមិនបានកំណត់គោលដៅលើទីក្រុងមេកា

អគ្គនាយកដ្ឋានអត្តសញ្ញាណកម្មបើកកិច្ចប្រជុំស្តីពីការដោះស្រាយបញ្ជាកំហុសទិន្នន័យលើឯកសារអត្តសញ្ញាណប្រជាពលរដ្ឋ

អ៊ីរ៉ង់ ព្រមានសងសឹកកាន់តែខ្លាំង ខណៈមានសេចក្តីរាយការណ៍ថា អ៊ីស្រាអែលត្រៀមវាយប្រហារ

ទីក្រុងឌែលី ទប់ទល់វិបត្តិបំពុលបរិស្ថានខណៈខ្យល់និងទឹកមានសារធាតុពុលបង្កហានិភ័យសុខភាព

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

លោក Biden មកដល់រដ្ឋធានី Warsaw ប្រទេសប៉ូឡូញ បន្ទាប់ពីជួបលោក Zelenskyy នៅក្រុង Kyiv

ចិនផ្ទុះកំហឹងក្រោយអាមេរិកព្រមានប្រឆាំងការផ្ដល់អាវុធឲ្យរុស្ស៊ី ហើយថាអាមេរិកគ្មានសិទ្ធិបញ្ជាចិនឡើយ

ប្រមុខការទូតកម្ពុជា នឹងអញ្ជើញបំពេញទស្សនកិច្ចផ្លូវការនៅថៃក្នុងសប្តាហ៍នេះ

ការរញ្ជួយដីថ្មីនៅព្រំដែនទួរគី-ស៊ីរីសម្លាប់មនុស្ស ៣នាក់ និងជាង ២០០នាក់រងរបួស ២សប្ដាហ៍ក្រោយគ្រោះមហន្តរាយ

លោក Zelenskyy និយាយថា សណ្ដាប់ធ្នាប់ពិភពលោកអាស្រ័យទៅលើសង្គ្រាមនៅក្នុងប្រទេសអ៊ុយក្រែន

អ្នកការទូតជាន់ខ្ពស់ចិនមកដល់ទីក្រុងមូស្គូ សម្រាប់កិច្ចពិភាក្សាជុំវិញបញ្ហានៅអ៊ុយក្រែន

កូរ៉េខាងត្បូងអះអាងថានឹងខិតខំជំរុញទំនាក់ទំនងជាមួយកម្ពុជាឱ្យកាន់តែរឹងមាំឡើងថែមទៀត

សម្តេចតេជោ ហ៊ុន សែន ចង់ឱ្យមានសាកលវិទ្យាល័យនិងវិនិយោគិនពីចក្រភពអង់គ្លេស

មនុស្សរាប់សិបនាក់ស្លាប់ ខណៈព្យុះបង្កជាទឹកជំនន់ និងបំណាក់ដីវាយប្រហារទីក្រុងមួយចំនួននៅប្រេស៊ីល

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

លោក Biden មកដល់​រដ្ឋធានី Warsaw ប្រទេស​ប៉ូឡូញ ​បន្ទាប់ពី​ជួប​លោក Zelenskyy នៅ​ក្រុង Kyiv

ប្រមុខការទូតកម្ពុជា នឹងអញ្ជើញបំពេញទស្សនកិច្ចផ្លូវការនៅថៃក្នុងសប្តាហ៍នេះ

លោក Zelenskyy និយាយថា សណ្ដាប់ធ្នាប់​ពិភពលោក​អាស្រ័យទៅលើ​សង្គ្រាម​នៅក្នុង​ប្រទេស​អ៊ុយ​ក្រែ​ន

អ្នកការទូតជាន់ខ្ពស់ចិនមកដល់ទីក្រុងមូស្គូ សម្រាប់កិច្ចពិភាក្សាជុំវិញបញ្ហានៅអ៊ុយក្រែន

កូរ៉េខាងត្បូងអះអាងថានឹងខិតខំជំរុញទំនាក់ទំនងជាមួយកម្ពុជាឱ្យកាន់តែរឹងមាំឡើងថែមទៀត

សម្តេចតេជោ ហ៊ុន សែន ចង់​ឱ្យ​មានសាកលវិទ្យាល័យនិងវិនិយោគិនពីចក្រភពអង់គ្លេស

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លោក Biden មកដល់រដ្ឋធានី Warsaw ប្រទេសប៉ូឡូញ បន្ទាប់ពីជួបលោក Zelenskyy នៅក្រុង Kyiv

លោក Zelenskyy និយាយថា សណ្ដាប់ធ្នាប់ពិភពលោកអាស្រ័យទៅលើសង្គ្រាមនៅក្នុងប្រទេសអ៊ុយក្រែន

សម្តេចតេជោ ហ៊ុន សែន ចង់ឱ្យមានសាកលវិទ្យាល័យនិងវិនិយោគិនពីចក្រភពអង់គ្លេស