BTV NEWS

សម្តេចធិបតី នាយករដ្ឋមន្ត្រី ទទួលជួបពិភាក្សាការងារទ្វេភាគី ជាមួយឯកឧត្តមប្រធានាធិបតីរវ៉ាន់ដា

ប្រធានាធិបតី រវ៉ាន់ដា មើលឃើញថា ប្រទេសកម្ពុជាជាប្រទេសមួយដ៏អស្ចារ្យ មានការអភិវឌ្ឍយ៉ាងខ្លាំង

សម្ដេចអគ្គមហាសេនាបតីតេជោ ហ៊ុន សែន អញ្ជើញដង្ហែព្រះមហាក្សត្រ ក្នុងព្រះរាជពិធីពន្លត់ទៀនជ័យ នៃទិវាបុណ្យឯករាជ្យជាតិ ៩ វិច្ឆិកា ខួបលើកទី៧៣

សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត រួមនឹងក្រុមគ្រួសារ អញ្ជើញធ្វើបុណ្យទក្ខិណានុប្បទានខួបគម្រប់ ៥០ឆ្នាំ និងដារពិស្តារឧទ្ទិសមហាកុសលជូនវិញ្ញាណក្ខន្ធជូន កុមារា ហ៊ុន កំសត់

ព័ត៌មានសំខាន់ៗ

របាយការណ៍គាំទ្រដោយអាមេរិកនិយាយថា រុស្ស៊ីឃុំឃាំងកុមារអ៊ុយក្រែន ៦ពាន់នាក់សម្រាប់ការអប់រំឡើងវិញ

អ៊ុយក្រែន៖ យោងតាមរបាយការណ៍គាំទ្រដោយសហរដ្ឋអាមេរិក ដែលបានចេញផ្សាយកាលពីថ្ងៃអង្គារបាននិយាយថា រុស្ស៊ីបានឃុំឃាំងកុមារអ៊ុយក្រែនយ៉ាងហោចណាស់ ៦,០០០នាក់ ក្នុងទីតាំងជាច្រើនក្នុងតំបន់គ្រីមៀគ្រប់គ្រងដោយរុស្ស៊ី និងប្រទេសរុស្ស៊ី ដែលគោលបំណងចម្បងទំនងជាការអប់រំឡើងវិញផ្នែកនយោបាយ។របាយការណ៍និយាយថា ក្រុមអ្នកស្រាវជ្រាវនៅសាកលវិទ្យាល័យ Yale បានកំណត់អត្តសញ្ញាណយ៉ាងហោចណាស់ ជំរំចំនួន ៤៣កន្លែង និងទីតាំងផ្សេងទៀតដែលកុមារអ៊ុយក្រែនត្រូវបានឃុំខ្លួន ជាផ្នែកនៃបណ្តាញជាប្រព័ន្ធក្នុងទ្រង់ទ្រាយធំធ្វើប្រតិបត្តិការដោយទីក្រុងមូស្គូ ចាប់តាំងពីការវាយលុកចូលអ៊ុយក្រែនកាលពីខែកុម្ភៈ ឆ្នាំ២០២២។ កុមារទាំងនោះរាប់បញ្ចូលទាំងអ្នកដែលមានឪពុកម្តាយ ឬអាណាព្យាបាលគ្រួសារច្បាស់លាស់ ជាអ្នកដែលរុស្ស៊ីចាត់ទុកថាជាកុមារកំព្រា និងជាអ្នកដែលត្រូវបានឃុំឃាំងមិនច្បាស់លាស់ដោយសារសង្គ្រាម។ អ្នកស្រាវជ្រាវម្នាក់នៅសាកលវិទ្យាល័យ Yale និយាយថា កុមារមានវ័យក្មេងជាងគេបំផុតត្រូវបានគេកំណត់អត្តសញ្ញាណ នៅក្នុងកម្មវិធីរបស់រុស្ស៊ីមានអាយុទើបតែ ៤ខែ ហើយជំរំមួយចំនួនកំពុងផ្តល់ការបណ្តុះបណ្តាលយោធាដល់កុមារអាយុក្រោម ១៤ឆ្នាំ ប៉ុន្តែក្រុមអ្នកស្រាវជ្រាវពុំបានរកឃើញភស្តុតាង ដែលកុមារទាំងនោះត្រូវបានដាក់ពង្រាយនៅក្នុងការប្រយុទ្ធនោះទេ។ ស្ថានទូតរុស្ស៊ីនៅទីក្រុងវ៉ាស៊ីនតោនមិនបានឆ្លើយតបភ្លាមៗ ចំពោះសំណើសុំការអត្ថាធិប្បាយលើរបាយការណ៍នេះឡើយ ហើយទីក្រុងមូស្គូបានបដិសេធចេតនាកំណត់គោលដៅលើជនស៊ីវិល ជាអ្វីដែលខ្លួនចាត់ទុកថាជាប្រតិបត្តិការសឹកពិសេសនៅក្នុងប្រទេសអ៊ុយក្រែន។ រដ្ឋអាជ្ញាអ៊ុយក្រែនបាននិយាយថា ពួកគេកំពុងពិនិត្យមើលការចោទប្រកាន់លើការនិរទេសកុមារដោយបង្ខំ ជាផ្នែកនៃកិច្ចខិតខំប្រឹងប្រែងដើម្បីប្រមូលការចោទប្រកាន់ពីបទប្រល័យពូជសាសន៍ប្រឆាំងរុស្ស៊ី៕អត្ថបទ៖ ប៊ុនថន

លោក Xi Jinping និយាយថា ចិនប្រឆាំងកងកម្លាំងខាងក្រៅដែលបំផ្លាញសន្តិសុខក្នុងប្រទេសអ៊ីរ៉ង់

ចិន៖ ប្រធានាធិបតីចិនលោក Xi Jinping បាននិយាយក្នុងអំឡុងជំនួបជាមួយសមភាគីអ៊ីរ៉ង់លោក Ebrahim Raisi កាលពីថ្ងៃអង្គារថា រដ្ឋាភិបាលចិនប្រឆាំងដាច់ខាតចំពោះការជ្រៀតជ្រែករបស់កងកម្លាំងខាងក្រៅ នៅក្នុងកិច្ចការក្នុងតំបន់របស់ប្រទេសអ៊ីរ៉ង់ ព្រមទាំងការប៉ុនប៉ងធ្វើឱ្យអន្តរាយដល់សន្តិសុខ និងស្ថិរភាពនៅក្នុងប្រទេសនេះ។ ទូរទស្សន៍កណ្តាលរដ្ឋចិនបានដកស្រង់សម្តីលោក Xi Jinping ថា យើងប្រឆាំងកងកម្លាំងខាងក្រៅដែលចូលជ្រៀតជ្រែកក្នុងកិច្ចការផ្ទៃក្នុងរបស់ប្រទេសអ៊ីរ៉ង់ និងធ្វើឱ្យប៉ះពាល់ដល់សន្តិសុខ និងស្ថិរភាពរបស់ប្រទេស ហើយយើងមានបំណងបន្តការគាំទ្រគ្នាទៅវិញទៅមកយ៉ាងរឹងមាំលើផលប្រយោជន៍សំខាន់ៗ។ លោក Xi បានបង្ហាញការគាំទ្រប្រទេសអ៊ីរ៉ង់ ខណៈទីក្រុងតេអេរ៉ង់ព្យាយាមពង្រីកទំនាក់ទំនងជាមួយទីក្រុងប៉េកាំង និងទីក្រុងមូស្គូ ដើម្បីចេញពីការដាក់ទណ្ឌកម្មរបស់ប្រទេសលោកខាងលិច ជុំវិញការផលិតនុយក្លេអ៊ែររបស់ប្រទេសនេះ។ យោងតាមប្រធានាធិបតីចិនបាននិយាយថា ប្រទេសចិនមានបំណងពង្រីកកិច្ចសហប្រតិបត្តិការជាក់ស្តែង ជាមួយប្រទេសអ៊ីរ៉ង់ក្នុងវិស័យដូចជា កសិកម្ម ឧស្សាហកម្ម និងការសាងសង់ហេដ្ឋារចនាសម្ព័ន្ធ។ ប្រធានាធិបតីអ៊ីរ៉ង់កំពុងបំពេញទស្សនកិច្ចជាផ្លូវការនៅប្រទេសចិនចាប់ពីថ្ងៃទី១៤ ដល់ថ្ងៃទី១៦ ខែកុម្ភៈ តាមការអញ្ជើញរបស់ប្រធានាធិបតីចិនលោក Xi Jinping។ លោក Raisi ត្រូវបានអមដំណើរដោយគណៈប្រតិភូ ដែលរួមមានសមាជិករដ្ឋាភិបាលជាច្រើនរូបរួមមានរដ្ឋមន្ត្រីការបរទេស រដ្ឋមន្ត្រីហិរញ្ញវត្ថុ និងសេដ្ឋកិច្ច រដ្ឋមន្ត្រីក្រសួងប្រេង និងទេសាភិបាលធនាគារកណ្តាលអ៊ីរ៉ង់៕អត្ថបទ៖ ប៊ុនថន

WHO ព្រួយបារម្ភអំពីហានិភ័យនៃការផ្ទុះឡើងជំងឺឆ្លងតាមទឹក បន្ទាប់ពីរញ្ជួយដីនៅទួរគី និងស៊ីរី

ទួរគី៖ អង្គការសុខភាពពិភពលោក (WHO) កាលពីថ្ងៃអង្គារបានព្រមានពីហានិភ័យនៃជំងឺឆ្លងតាមរយៈទឹក និងការផ្ទុះឡើងជំងឺនៅក្នុងប្រទេសទួរគី និងស៊ីរី បន្ទាប់ពីការរញ្ជួយដីដ៏មានឥទ្ធិពលកាលពីសប្តាហ៍មុន ដែលបានវាយប្រហារនៅក្នុងប្រទេសទាំងពីរ។ លោក Hans Kluge នាយកប្រចាំតំបន់សម្រាប់សហភាពអឺរ៉ុប របស់អង្គការសុខភាពពិភពលោក (WHO) បាននិយាយទៅកាន់សន្និសីទសារព័ត៌មានថា ចាប់តាំងពីសោកនាដកម្មដ៏អាក្រក់នេះមានការព្រួយបារម្ភកាន់តែខ្លាំង អំពីបញ្ហាសុខភាពដែលកំពុងកើតមានទាក់ទងទៅនឹងអាកាសធាតុត្រជាក់ អនាម័យ និងការរាលដាលជំងឺឆ្លង។ ការរញ្ជួយដីដែលមានចំនួនអ្នកស្លាប់រួមបញ្ចូលគ្នានៅក្នុងប្រទេសទួរគី និងស៊ីរីបានកើនឡើងជាង ៤ម៉ឺននាក់ និងបានបំផ្លាញទីក្រុងនានានៅក្នុងប្រទេសទាំង២ បណ្តាលឲ្យអ្នករស់រានមានជីវិតបាត់បង់លំនៅឋាន និងរស់នៅក្នុងភាពត្រជាក់ខ្លាំង ដែលមួយចំនួនដេកនៅលើគំនរបាក់បែកនៃកម្ទេចថ្ម។ មនុស្សជាង ១៥៨,០០០នាក់បានជម្លៀសចេញពីតំបន់ដ៏ធំនៅភាគខាងត្បូងប្រទេសទួរគី ដែលរងគ្រោះដោយការរញ្ជួយដីនេះ។ តំណាងអង្គការសុខភាពពិភពលោកប្រចាំប្រទេសទួរគីនិយាយថា ការបំផ្លាញធ្ងន់ធ្ងរដល់ប្រព័ន្ធផ្គត់ផ្គង់ទឹក និងអនាម័យគឺជាការព្រួយបារម្ភខ្លាំង ហើយវាបង្កើនហានិភ័យនៃជំងឺដែលឆ្លងតាមរយៈទឹក និងការផ្ទុះឡើងជំងឺឆ្លង។ វាមិនត្រឹមតែជាជំងឺដែលឆ្លងតាមទឹកប៉ុណ្ណោះទេ ប៉ុន្តែក៏មានជំងឺគ្រុនផ្តាសាយតាមរដូវកាល និងជំងឺ Covid ផងដែរ។ លោក Hans Kluge និយាយថា មនុស្ស ២៦លាននាក់ទាំងនៅក្នុងប្រទេសទួរគី និងស៊ីរីត្រូវការជំនួយមនុស្សធម៌ ហើយមនុស្ស ១លាននាក់នៅក្នុងប្រទេសទួរគីបានបាត់បង់លំនៅឋានរបស់ពួកគេ។ អង្គការសុខភាពពិភពលោក(WHO) បានចាប់ផ្តើមការអំពាវនាវរកជំនួយចំនួន ៤៣លានដុល្លារ ប៉ុន្តែលោក Kluge រំពឹងថា តួលេខនេះនឹងកើនឡើងយ៉ាងហោចណាស់ ២ដងក្នុងរយៈពេលប៉ុន្មានថ្ងៃខាងមុខ៕អត្ថបទ៖ ប៊ុនថន

សម្តេចវិបុលសេនាភក្តី សាយ ឈុំ ប្រមុខរដ្ឋស្តីទី ជួបពិភាក្សាជាមួយប្រធានាធិបតីអាល្លឺម៉ង់ផ្តោតលើកិច្ចសហប្រតិបត្តិការ ទ្វេភាគី និងពហុភាគី

ភ្នំពេញ៖ នាព្រឹកថ្ងៃទី១៥ ខែកុម្ភៈ ឆ្នាំ២០២៣ វេលាម៉ោង០៩:០០នាទី នៅវិមានព្រឹទ្ធសភា សម្តេចវិបុលសេនាភក្តី សាយ ឈុំ ប្រមុខរដ្ឋស្តីទី នៃព្រះរាជាណាចក្រកម្ពុជា បានអញ្ជើញទទួលបដិសណ្ឋារកិច្ច និងជួបសវនាការជាមួយឯកឧត្តមបណ្ឌិត ហ្វ្រាំង វ៉ាល់ធ័រ ឆ្តែនម៉ៃយ័រ (Frank-Walter Steinmeier) ប្រធានាធិបតី នៃសាធារណរដ្ឋសហព័ន្ធអាល្លឺម៉ង់ ក្នុងឱកាសនៃដំណើរទស្សនកិច្ចជាផ្លូវការរបស់ឯកឧត្តមប្រធានាធិបតី និងលោកជំទាវ ព្រមទាំងគណៈប្រតិភូទនៅលើទឹកដីនៃព្រះរាជាណាចក្រកម្ពុជា។ក្នុងព្រះបរមនាម ព្រះករុណាជាអម្ចាស់ជីវិតលើត្បូង ព្រះមហាក្សត្រនៃព្រះរាជាណាចក្រកម្ពុជា ព្រឹទ្ធសភា រដ្ឋសភា រាជរដ្ឋាភិបាល និងប្រជាជនកម្ពុជា ព្រមទាំងខ្លួនសម្តេចផ្ទាល់ និងភរិយា សម្តេចវិបុលសេនាភក្តី សាយ ឈុំ បានសម្តែងនូវសេចក្តីសោមនស្សរីករាយចំពោះដំណើរទស្សនកិច្ចជាផ្លូវការរបស់ឯកឧត្តមប្រធានាធិបតី និងលោក-ជំទាវ ព្រមទាំងគណៈប្រតិភូនៅលើទឹកដីនៃព្រះរាជាណាចក្រកម្ពុជា។សម្តេចប្រមុខរដ្ឋស្តីទីបានពាំនាំនូវព្រះរាជបណ្តាំសួរសុខទុក្ខដោយសេចក្តីគោរព ស្រឡាញ់រាប់អានដ៏ជ្រាលជ្រៅបំផុតពី ព្រះករុណាជាអម្ចាស់ជីវិតលើត្បូង ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈ ដ៏ខ្ពង់ខ្ពស់បំផុត ជូនឯកឧត្តមប្រធានាធិបតី និងលោកជំទាវ។សម្តេចប្រមុខរដ្ឋស្តីទីបានគូសបញ្ជាក់ថា ដំណើរទស្សនកិច្ចរបស់ឯកឧត្តមប្រធានាធិបតីនៅព្រះរាជាណា-ចក្រកម្ពុជា មានសារៈសំខាន់និងអត្ថន័យជាប្រវត្តិសាស្រ្ត ឆ្លុះបញ្ចាំងពីការយកចិត្តទុកដាក់ថែរក្សាពូនជ្រំចំណងមិត្តភាព និងកិច្ចសហប្រតិបត្តិការដ៏ល្អរវាងប្រទេសទាំងពីរ។ សម្តេចមានជំនឿជឿជាក់ថា ប្រទេសទាំងពីរបន្តយកចិត្តទុកដាក់ពង្រឹងពង្រីកបន្ថែមទៀតនូវទំនាក់ទំនងទ្វេភាគី និងពហុភាគី ដើម្បីនាំមកនូវផលប្រយោជន៍ដ៏ធំធេងទៅវិញទៅមកសម្រាប់ប្រជាជន និងប្រទេសទាំងពីរនៅពេលអនាគត។ក្នុងឱកាសនោះ ឯកឧត្តមបណ្ឌិត ហ្វ្រាំង វ៉ាល់ធ័រ ឆ្តែនម៉ៃយ័រ ប្រធានាធិបតីអាល្លឺម៉ង់ បានសម្តែងនូវការអរគុណចំពោះសម្តេចវិបុលសេនាភក្តី សាយ ឈុំ ប្រមុខរដ្ឋស្តីទី នៃព្រះរាជាណាចក្រកម្ពុជា ដែលទទួលបដិ-សណ្ឋារកិច្ចយ៉ាងកក់ក្តៅដល់ប្រតិភូគណៈប្រតិភូនៃសាធារណរដ្ឋសហព័ន្ធអាល្លឺម៉ង់ នៅលើទឹកដីនៃព្រះរាជាណា-ចក្រកម្ពុជា។ ឯកឧត្តមប្រធានាធិបតីបានជម្រាបជូនសម្តេចប្រមុខរដ្ឋស្តីទីជ្រាបថា នេះគឺលើកទី១ដែលឯកឧត្តមបានមកបំពេញទស្សនកិច្ចនៅព្រះរាជាណាចក្រកម្ពុជា។ ឯកឧត្តមបានចាត់ទុកដំណើរទស្សនកិច្ចរបស់គណៈប្រតិភូនាឱកាសនេះ គឺជាសក្ខីកម្មបង្ហាញអំពីទំនាក់ទំនងមិត្តភាព និងកិច្ចសហប្រតិបត្តិការដ៏ល្អរវាងប្រជាជន និងប្រទេសទាំងពីរ។ឯកឧត្តមប្រធានាធិបតី បានវាយតម្លៃខ្ពស់ចំពោះការរីកចម្រើនយ៉ាងឆាប់រហ័សរបស់ប្រទេសកម្ពុជា ជាមួយ នឹងភាពសម្បួរបែបនៃវប្បធម៌ ជាពិសេសប្រទេសកម្ពុជាបានដាក់ចេញនូវគោលនយោបាយប្រព័ន្ធការពារសុខុមាល- ភាពសង្គម ធ្វើការកែលម្អសេដ្ឋកិច្ចឲ្យមានស្ថិរភាពក្នុងរយៈពេលជាងពីរទសវត្សរ៍ចុងក្រោយនេះ។ ឯកឧត្តមបានជម្រាបជូនសម្តេចប្រមុខរដ្ឋស្តីទីអំពីដំណើរទស្សនកិច្ចរបស់គណៈប្រតិភូនៅខេត្តសៀមរាប ដែលបានឃើញអំពីស្លាកស្នាមនៃសង្គ្រាមស៊ីវិលរាបសិបឆ្នាំដែលបានបន្សល់ទុកនៅប្រទេសកម្ពុជា និងការអញ្ជើញទៅទស្សនកិច្ចនៅទីតាំងប្រតិបត្តិការដោះមីនរបស់អង្គការ HALO Trust ព្រមទាំងការអភិរក្សសម្បត្តិវប្បធម៌នៅតំបន់អង្គរ។ឯកឧត្តមប្រធានាធិបតីបានគូសបញ្ជាក់ថា តាមរយៈដំណើរទស្សនកិច្ចរបស់គណៈប្រតិភូនាពេលនេះ បង្ហាញអំពីការពង្រឹងពង្រីកទំនាក់ទំនង និងកិច្ចសហប្រតិបត្តិការដែលមានស្រាប់ក្នុងពេលបច្ចុប្បន្ន ក៏ដូចជាការបន្តកិច្ចសហការប្រតិបត្តិការនៅពេលអនាគត។ជាមួយគ្នានោះ សម្តេចប្រមុខរដ្ឋស្តីទីបានវាយតម្លៃខ្ពស់ និងពេញចិត្តជាខ្លាំងចំពោះទំនាក់ទំនង និងកិច្ចសហប្រតិបត្តិការដ៏ល្អរវាងប្រទេសទាំងពីរ។ ទន្ទឹមនឹងនេះ ប្រទេសទាំងពីរបាននិងកំពុងបន្តរីកចម្រើនទំនាក់ទំនងផ្នែកនយោបាយ សេដ្ឋកិច្ច ពាណិជ្ជកម្ម សុខាភិបាល វប្បធម៌ អប់រំ និងការផ្លាស់ប្តូររវាងប្រជាជននិងប្រជាជន។សម្តេចប្រមុខរដ្ឋស្តីទី បានកត់សម្គាល់ដោយសេចក្តីពេញចិត្តចំពោះទំហំពាណិជ្ជកម្មរវាងប្រទេសទាំងពីរ ដែលមានកំណើនជាលំដាប់ ក្នុងនោះសាធារណរដ្ឋសហព័ន្ធអាល្លឺម៉ង់ គឺជាប្រទេសឈរលំដាប់ថ្នាក់ទី១ ដែលមានទំហំពាណិជ្ជកម្មធំជាងគេជាមួយកម្ពុជាក្នុងចំណោមបណ្តាប្រទេសនៅសហភាពអឺរ៉ុប ក្នុងឆ្នាំ២០២២ មាន កំណើនចំនួន ៤% បើធៀបនឹងឆ្នាំ២០១៩ មុនពេលមានជំងឺកូវីដ-១៩។ក្នុងនាមរាជរដ្ឋាភិបាលកម្ពុជា សម្តេចប្រមុខរដ្ឋស្តីទីបានថ្លែងអំណរគុណចំពោះ រដ្ឋាភិបាលអាល្លឺម៉ង់ ដែលបានផ្តល់ជំនួយកិច្ចសហប្រតិបត្តិការអភិវឌ្ឍ ហិរញ្ញប្ប ទានសម្បទាន ហិរញ្ញប្បទានឥតសំណង ក្នុងវិស័យអាទិភាពជាច្រើនចាប់តាំងពីឆ្នាំ១៩៩៤ មក រួមមាន៖ វិស័យអប់រំ, សុខាភិបាលនិងគាំពារសង្គម, ការអភិវឌ្ឍប្រកបដោយចីរភាព, អភិបាលកិច្ច, វប្បធម៌, ការកាត់បន្ថយភាពក្រីក្រ និងការបោសសម្អាតមីន។ ការគាំទ្រដ៏ថ្លៃថ្លារបស់រដ្ឋាភិបាលអាល្លឺម៉ង់ បានរួមចំណែកដ៏សំខាន់ក្នុងការអភិវឌ្ឍសង្គម-សេដ្ឋកិច្ចកម្ពុជាមានការរីកចម្រើនជាបន្តបន្ទាប់។ព្រមជាមួយគ្នានោះ ថ្នាក់ដឹកនាំទាំងពីរក៏បានធ្វើការផ្លាស់ប្តូរយោបល់ទស្សនគ្នាទៅវិញទៅមកលើបញ្ហាតំបន់ និងអន្តរជាតិផងដែរ។សម្តេចប្រមុខរដ្ឋស្តីទីបានប្រសិទ្ធពរជូនឯកឧត្តមប្រធានាធិបតី និងលោកជំទាវ ព្រមទាំងគណៈប្រតិភូសូមមានសុខភាពល្អ និងទទួលបាននូវមហាជោគជ័យ ក្នុងដំណើរបំពេញទស្សនកិច្ចជាផ្លូវការនៅព្រះរាជាណាចក្រកម្ពុជា៕

ប្រធានាធិបតីអាល្លឺម៉ង់ពេញចិត្តនិងកោតសរសើរកម្ពុជាក្រោមការដឹកនាំរបស់សម្តេចតេជោ

ភ្នំពេញ ៖ក្នុងឱកាសអញ្ជើញមកបំពេញទស្សនកិច្ចនៅកម្ពុជា ព្រឹកថ្ងៃទី១៥កុម្ភ: ឯកឧត្តម ហ្វ្រាំង វ៉ាល់ធ័រ ស្តែនម៉ៃយ័រ (Frank-Walter Steinmeier)ប្រធានាធិបតីនៃសាធារណរដ្ឋសហព័ន្ធអាល្លឺម៉ង់បង្ហាញការពេញចិត្តនិងកោតសរសើរការរីកចម្រើនក្រោមការដឹកនាំរបស់សម្តេចតេជោ ។ក្រោយបញ្ចប់នៃជំនួប ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោបានប្រាប់ដល់ក្រុមអ្នកសារព័ត៌មានថា ៖ឯកឧត្តម ហ្វ្រាំង វ៉ាល់ធ័រ បានថ្លែងអំណរគុណជូនចំពោះសម្ដេចតេជោសម្រាប់ការទទួលបដិសណ្ឋារកិច្ចយ៉ាងកក់ក្តៅនិងបានជម្រាបជូនសម្ដេចតេជោថា៖ឯកឧត្តមពិតជាមានកិត្តិយសណាស់ដែលបានមកបំពេញទស្សនកិច្ចនៅកម្ពុជា នៃសាធារណៈរដ្ឋសហព័ន្ធអាល្លឺម៉ង់ដែលបានមកធ្វើទស្សនកិច្ចនៅកម្ពុជា។ឯកឧត្តម ហ្វ្រាំង វ៉ាល់ធ័រ បានសម្ដែងនូវការគោរពជូនចំពោះសម្ដេចតេជោក្នុងនាមជាអ្នកដឹកនាំបានដឹកនាំប្រទេសពីបាតដៃទទេ កាត់បន្ថយភាពក្រីក្រ ទប់ស្កាត់ជំងឺកូវីដ១៩ អំពីការឆ្លងរីករាលដាលរហូតដល់បើកប្រទេស បើកសេដ្ឋកិច្ចឡើងវិញ និងជាពិសេសការដឹកនាំកិច្ចប្រជុំកំពូលអាស៊ាននិងកិច្ចប្រជុំកំពូលពាក់ព័ន្ធបានយ៉ាងជោគជ័យ ទោះបីស្ថិតក្នុងស្ថានភាពដែលពិភពលោកនៅប្រឈមនិងជំងឺកូវីដ១៩ និងកំពុងប្រឈមនឹងការប្រែប្រួលភូមិសាស្រ្តនយោបាយ ហើយសម្តេចបានដឹកនាំកម្ពុជាឲ្យទៅជាប្រទេសនាំមុខមួយនៅក្នុងតំបន់។ក្នុងឱកាសនោះដែរ ឯកឧត្តមបានជម្រាបជូនសម្ដេចតេជោផងដែរ អំពីមហិច្ឆតារបស់អាល្លឺម៉ង់ ក្នុងការប្រយុទ្ធប្រឆាំងនឹងការប្រែប្រួលអាកាសធាតុនិងមានបំណងពង្រីកនិងពង្រឹងកិច្ចសហប្រតិបត្តិការជាមួយកម្ពុជា។ជាការឆ្លើយតប សម្ដេចតេជោបានថ្លែងអំណរគុណឯកឧត្តម ហ្វ្រាំង វ៉ាល់ធ័រ សម្រាប់ការវាយតម្លៃដ៏ល្អពីកម្ពុជា ហើយក៏បានថ្លែងអំណរគុណជូនចំពោះឯកឧត្តម ហ្វ្រាំង វ៉ាល់ធ័រ ប្រជាជន រដ្ឋាភិបាលអាឡឺម៉ង់ ចំពោះការជួយដល់កម្ពុជាលើវិស័យដោះមីន វិស័យវប្បធម៌និងវិស័យដទៃទៀត ។សម្ដេចក៏បានជម្រាបជូនឯកឧត្តម ហ្វ្រាំង អំពីស្ថានភាពមីននៅកម្ពុជាដែលត្រូវដោះឲ្យអស់នៅឆ្នាំ២០២៥ និងដំណើរការជួយដោះមីននៅប្រទេសមួយចំនួនក្រោមឆ័ត្រអង្គការសហប្រជាជាតិ រួមជាមួយការជួយបង្ហាត់កងទ័ពអ៊ុយក្រែនលើការដោះមីនដែលជាការងារមនុស្សធម៌កុំឲ្យសត្រូវកំបាំងមុខនេះបង្កបញ្ហាដល់ជស្លូតត្រង់។ដោយឡែកពាក់ព័ន្ធនឹងប្រាងប្រាសាទសម្ដេចតេជោបានមានប្រសាសន៍ថា កម្ពុជាមានប្រាង្គប្រាសាទច្រើនដែលជាសម្បត្តិបេតិកភណ្ឌពិភពលោក ដែលនេះជាមោទនភាពណាស់ ប៉ុន្តែវាក៏ជាបន្ទុកមួយផងដែរសម្រាប់ការជួសជុលនិងថែរក្សា។ក្នុងន័យនេះ សម្ដេចបានសម្ដែងនូវការពេញចិត្តចំពោះការជួយរបស់សហព័ន្ធអាល្លឺម៉ង់ក្នុងរយៈពេល២៥ឆ្នាំ។សម្ដេចក៏បានសំដែងនូវការរីករាយនិងជំរុញកិច្ចសហប្រតិបត្តិការលើវិស័យបម្រែបម្រួលអាកាសធាតុថាមពលជាពិសេស លើវិស័យវិនិយោគ ពាណិជ្ជកម្មរវាងប្រទេសទាំងពីរ៕

លោក Zelenskiy ស្រែកដង្ហោយឲ្យពន្លឿនជំនួយពីសម្ព័ន្ធមិត្ត ខណៈរុស្ស៊ីវាយសម្រុកខ្លាំងនៅភាគខាងកើត

អ៊ុយក្រែន៖ លោកប្រធានាធិបតីអ៊ុយក្រែន Volodymyr Zelenskiy បានជំរុញដល់ក្រុមសម្ព័ន្ធមិត្តបង្កើនជំនួយយោធាឲ្យបានលឿន ខណៈបណ្ដារដ្ឋមន្ត្រីការពារជាតិសម្ព័ន្ធយោធាណាតូបានជួបប្រជុំគ្នា ហើយរុស្ស៊ីបង្កើនការវាយប្រហារយ៉ាងសន្ធាប់នៅខ្សែត្រៀមជួរមុខភាគខាងកើត ដែលទំនងជាការត្រៀមវាយប្រហារថ្មី។ ភាគច្រើននៃកាំភ្លើងធំរបស់រុស្ស៊ីត្រូវបានបាញ់សំដៅលើទីក្រុង Bakhmut ជាទីក្រុងរងការបំផ្លិចបំផ្លាញដោយគ្រាប់បែកនៅក្នុងខេត្ត Donetsk និងជាគោលដៅសំខាន់សម្រាប់លោកប្រធានាធិបតី Vladimir Putin។ ទាហានអ៊ុយក្រែននៅទីនោះបានត្រៀមជាមុនក្នុងករណីមានការវាយប្រយុទ្ធគ្នានៅតាមផ្លូវ។ ការដណ្ដើមបានទីក្រុង Bakhmut នឹងផ្ដល់ភាពងាយស្រួលសម្រាប់រុស្ស៊ីរុលទៅមុខលើទីក្រុងធំ២ ក្នុងខេត្ត Donetsk គឺទីក្រុង Kramatorsk និង Sloviansk និងផ្ដល់ជ័យជម្នះឲ្យទីក្រុង Moscow បន្ទាប់ពីការដកថយក្នុងសមរភូមិប្រយុទ្ធជាច្រើនខែ ក្រោយការលុកលុយកាលពីថ្ងៃទី២៤ ខែកុម្ភៈឆ្នាំមុន។ ក្រុមរដ្ឋមន្ត្រីការពារជាតិសម្ព័ន្ធយោធាណាតូបានជួបគ្នានៅក្នុងទីក្រុង Brussels កាលពីថ្ងៃអង្គារដើម្បីពិភាក្សាពីស្ថានភាពសង្គ្រាម និងឃ្លាំងអាវុធ។ នៅក្នុងសន្ទរកថាពេលល្ងាច លោក Zelenskiy បាននិយាយថា រុស្ស៊ីកំពុងអន្ទះសាសម្រេចគោលដៅខ្លាំងណាស់ មុនពេលអ៊ុយក្រែន និងក្រុមសម្ព័ន្ធមិត្តអាចប្រមូលកម្លាំងវាយបក។ លោកថា ព្រោះតែហេតុនេះទើបត្រូវពន្លឿនការផ្ដល់អាវុធឲ្យបានលឿនបំផុត។ ប្រមុខសម្ព័ន្ធណាតូលោក Jens Stoltenberg បាននិយាយថា លោក Putin កំពុងត្រៀមសង្គ្រាមថ្មីបន្តទៀតទាំងតាមអាកាស និងថ្មើរជើង៕អត្ថបទ៖ សុខមាន

អាមេរិកសង្ស័យថា វត្ថុមិនស្គាល់អត្តសញ្ញាណ ៣ ដែលខ្លួនបានបាញ់ទម្លាក់មិនមែនជាបាឡុងចារកម្មរបស់ចិន

អាមេរិក៖ សេតវិមានបាននិយាយថា ពុំមានការបញ្ជាក់ថា វត្ថុហោះទាំង៣ ដែលបានបាញ់កម្ទេចនៅលើអាកាសកាលពីចុងសប្ដាហ៍មុនដោយយោធាអាមេរិក ត្រូវបានជាប់ពាក់ព័ន្ធនឹងការឈ្លបយកការណ៍របស់ចិននោះទេ។ អ្នកនាំពាក្យសេតវិមានលោក John Kirby បាននិយាយថា វត្ថុទាំងនោះអាចទាក់ទងនឹងពាណិជ្ជកម្ម ឬក្រុមអង្គភាពស្រាវជ្រាវ ដូច្នេះវាមិនមែនជាបាឡុងចារកម្មរបស់ចិន។ ក្រុមមន្ត្រីសហរដ្ឋអាមេរិក និងកាណាដាពុំទាន់បានកំណត់ទីតាំង ឬរកឃើញបំណែកពីយានទាំង៣ ដែលត្រូវបានបាញ់ទម្លាក់នៅឡើយទេ។ កាលពីថ្មីៗនេះ ទីក្រុងប៉េកាំងបានចោទសហរដ្ឋអាមេរិកពីបទបញ្ចេញប្រតិកម្មជ្រុលហួសហេតុ។ ប្រទេសចិនបានទាត់ចោលមួយក្នុងចំណោមបាឡុងរបស់ខ្លួន ដែលត្រូវបានបាញ់កម្ទេចដោយយន្តហោះចម្បាំងអាមេរិកកាលពីដើមខែនេះ នៅក្បែរឆ្នេរសមុទ្ររដ្ឋ South Carolina ដែលថា ខ្លួនប្រើប្រាស់សម្រាប់ការឈ្លបយកការណ៍ ដោយនិយាយថា យាននេះគឺប្រើសម្រាប់ការតាមដានអាកាសធាតុ ដែលត្រូវបានរសាត់តាមកម្លាំងខ្យល់។ នៅសន្និសីទសារព័ត៌មានប្រចាំថ្ងៃកាលពីថ្ងៃអង្គារ លោក Kirby និយាយថា វាពិតជាលំបាកក្នុងការកំណត់គោលបំណង ឬប្រភពនៃវត្ថុហោះទាំង៣ នោះ លុះត្រាតែរកឃើញបំណែក និងឆ្លងកាត់ការវិភាគ៕អត្ថបទ៖ សុខមាន

សម្តេចតេជោ ហ៊ុន សែន ត្រៀមគ្រែពេទ្យចំនួន ១០០-២០០គ្រែ នៅមន្ទីរពេទ្យជាតិតេជោសន្តិភាពសម្រាប់ព្យាបាលរបួសកីឡាករ-កីឡាការិនី ដោយឥតគិតថ្លៃ

ភ្នំពេញ៖ សម្ដេចតេជោ បានប្រកាសនៅលើហ្វេសប៊ុក និងតេឡេក្រាមផ្លូវការនាថ្ងៃទី១៥ ខែកុម្ភៈនេះថា បងប្អូនកីឡាករកីឡាការិនី! កន្លងមកបងប្អូនកីឡាករ កីឡាការិនីមួយ ចំនួនបានរងរបួសដោយការប្រកួតពិសេសកីឡាបាល់ទាត់ និងប្រដាល់។ ក្រោយត្រូវរបួសបងប្អូនជួបការលំបាក ក្នុងការព្យាបាលនៅតាមមន្ទីរពេទ្យរដ្ឋ និងឯកជនដោយរាប់ទាំងការលំបាកលើថវិកា លើការព្យាបាលផង ដែលជាញឹកញាប់សម្តេចកិត្តិព្រឹទ្ធបណ្ឌិត និងសម្ដេចផ្ទាល់បានផ្តល់នូវការឧបត្ថម្ភសម្រាប់ការព្យាបាលចំពោះកីឡាករប្រដាល់មួយចំនួនផងដែរ។ សម្ដេចបានមានប្រសាសន៍ថា ដោយមើលឃើញនូវការលំបាកបែបនេះ នៅព្រឹកនេះ (ថ្ងៃទី១៥ ខែកុម្ភៈ ឆ្នាំ២០២៣) សម្ដេចបានពិភាក្សាជាមួយ ឯកឧត្តម ម៉ម ប៊ុនហេង រដ្ឋមន្រ្ដីក្រសួងសុខាភិបាល និងលោកជំទាវ យក់ សម្បត្តិ រដ្ឋលេខាធិកាក្រសួងសុខាភិបាល ដើម្បីរៀបចំទីកន្លែងសម្រាប់ព្យាបាលកីឡាករ កីឡាការិនី នៅមន្ទីរពេទ្យជាតិតេជោសន្តិភាព ដែលសម្ដេចបានបញ្ជាឱ្យរៀបចំ គ្រែពី ១០០ ទៅ ២០០ គ្រែ។សម្ដេចតេជោមានប្រសាសន៍ បញ្ជាក់ថា ការព្យាបាលមិនតម្រូវឱ្យមានការបង់ប្រាក់ និងត្រូវមានឯកទេសគ្រប់គ្រាន់ស្របតាមស្ថានភាពរបួសរបស់ កីឡាករកីឡាការិនី។សម្ដេចតេជោបានបញ្ជាឱ្យ ក្រសួងសុខាភិបាលរៀបចំឱ្យបានឆាប់ដែល និងអាចចូលរួមផងដែរដល់ការប្រកួតស៊ីហ្គេមនាពេលខាងមុខ។ សម្ដេចតេជោមានប្រសាសន៍ថា សូមកីឡាករ កីឡាការិនីទទួលយកនូវ សេវាព្យាបាលនៅមន្ទីរពេទ្យនេះដោយការពេញចិត្ត៕

អ៊ុយក្រែនប្រឈមនឹងសត្រូវចំនួន ២ គឺរុស្ស៊ី និងអំពើពុករលួយ

អ៊ុយក្រែន៖ រយៈពេលជិតមួយឆ្នាំនៃសង្គ្រាមរវាងរុស្ស៊ី និងអ៊ុយក្រែន មនុស្សរាប់ពាន់នាក់បានស្លាប់ និងជិត ១៧.៦លាននាក់បានភៀសខ្លួនទាំងនៅក្នុង និងក្រៅប្រទេស ដោយសារស្ថានភាពធ្ងន់ធ្ងរដែលត្រូវការជំនួយមនុស្សធម៌ចាំបាច់។ ខណៈដែលរដ្ឋាភិបាលអ៊ុយក្រែននៅតែកំពុងបន្តជាប់ដៃប្រយុទ្ធជាមួយរុស្ស៊ី ទីក្រុង Kyiv ក៏នៅតែកំពុងប្រឈមនឹងសត្រូវដ៏ធំមួយផ្សេងទៀតផងដងដែរ នោះគឺអំពើពុករលួយដែលកំពុងស៊ីរូងយ៉ាងជ្រៅនៅក្នុងប្រទេសនេះ។ អំឡុងប៉ុន្មានសប្ដាហ៍កន្លងទៅក្រុមអាជ្ញាធរអ៊ុយក្រែន បានឆ្មក់ចូលផ្ទះរបស់អតីតរដ្ឋមន្ត្រីក្រសួងមហាផ្ទៃ និងមន្ត្រីជាន់ខ្ពស់មួយចំនួនទៀតដោយចោទពីបទទទួលសំណូក។ លោក Oleksii Reznikov រដ្ឋមន្ត្រីការពារជាតិប្រទេសនេះក៏ត្រូវបានគ្រោងដាក់អ្នកថ្មីជំនួសដែរ ក្រោយក្រុមអ្នកសារព័ត៌មាន និងសកម្មជនបានរកឃើញថា ក្រសួងការពារជាតិបានទិញចំណីអាហារឲ្យកងទ័ពក្នុងតម្លៃខ្ពស់បំផុត។ ខណៈសហរដ្ឋអាមេរិក សហភាពអឺរ៉ុប និងសម្ព័ន្ធយោធាណាតូបានសន្យាបន្តជួយដល់អ៊ុយក្រែន ក្រុមអ្នកនយោបាយ និងមន្ត្រីយោធាមួយចំនួននៅក្នុងបណ្ដាប្រទេសលោកខាងលិច បានចង្អុលទៅកាន់អំពើពុករលួយនៅក្នុងប្រទេសនេះ និងបានចោទសួរថា តើអ៊ុយក្រែនមានលក្ខណល្អសមស្របក្នុងការទទួលបានជំនួយដែរ ឬអត់?។ លោកប្រធានាធិបតីអ៊ុយក្រែន Volodymyr Zelenskyy ជាបុគ្គលដែលបានដឹងច្បាស់ទាំងការរិះគន់ពីលោកខាងលិច ទាំងសារៈសំខាន់នៃការរក្សាលំហូរជំនួយ បានដោះស្រាយអំពើពុករលួយអំឡុងសុន្ទរកថាកាលពីខែមករា។ លោកថា ខ្ញុំចង់ជម្រះរឿងនេះឲ្យបានច្បាស់ គឺអ៊ុយក្រែននឹងលែងឲ្យអតីតកាលវិលត្រឡប់មកវិញទៀតហើយ៕អត្ថបទ៖ សុខមាន

BREAKING NEWS សម្ដេចតេជោ ហ៊ុន សែន សម្រេចផ្ដល់ក្របខណ្ឌរដ្ឋ សម្រាប់បុគ្គលិកវិទ្យុ VOD ដែលមានបំណងចង់ចូលបំរើកិច្ចការរដ្ឋ

ភ្នំពេញ ៖ សម្ដេចតេជោ ហ៊ុន សែន នាយរដ្ឋមន្រ្ដីនៃព្រះរាជាណាចក្រកម្ពុជា បានប្រកាសផ្ដល់ក្របខណ្ឌរដ្ឋដល់បុគ្គលិកវិទ្យុ វីអូឌី ដែលមានបំណងចង់ចូលបម្រើការងាររដ្ឋ ក្រោយពីវិទ្យុនេះត្រូវបានបិទដោយកំហុសថ្នាក់ដឹកនាំនិងគ្មានឱកាសបើកឡើងវិញ។សម្ដេចតេជោ ហ៊ុន សែន បានសរសេរនៅលើហ្វេសប៊ុកនារសៀលថ្ងៃទី១៤ ខែកុម្ភៈនេះ ក្រោយពីដំណើរទស្សនកិច្ចនៅប្រទេសឡាវមកដល់កម្ពុជាវិញថា ដោយសារតែវិទ្យុវីអូឌីត្រូវបានបិទ និងគ្មានឱកាសបើកឡើងវិញ និងដោយគិតទៅដល់ជីវភាពបុគ្គលិកដែលបាត់បង់ការងារធ្វើដោយកំហុសមេដឹកនាំ សម្ដេចសម្រេចផ្តល់ក្របខ័ណ្ឌរដ្ឋសម្រាប់បងប្អូនដែលមានបំណងចូលបំរើកិច្ចការរដ្ឋ។សម្ដេចតេជោបានមានប្រសាសន៍ថា សូមបងប្អូនធ្វើទំនាក់ទំនងជាមួយក្រសួងមុខងារសាធារណៈដើម្បីដាក់ពាក្យសុំធ្វើការ។សម្ដេចតេជោបញ្ជាក់ថា រដ្ឋមន្ត្រីក្រសួងមុខងារសាធារណៈត្រូវទទួលយកពាក្យសុំនិងបែងចែកទៅតាមក្រសួងនានាស្របតាមមុខជំនាញ និងត្រូវសុំការសម្រេចចុងក្រោយពីសម្ដេចតេជោដោយផ្ទាល់។សម្ដេចតេជោបានបញ្ជាក់ថា សូមអ្នកដទៃកុំលូកលាន់កិច្ចការផ្ទៃក្នុងរបស់កម្ពុជា ហើយសម្ដេចបានបញ្ជាក់ថានឹងគ្មានការផ្លាស់ប្តូរការសម្រេចចិត្តរបស់របស់សម្ដេចនោះឡើយ។សម្ដេចបានបន្ថែមថា ជនបរទេសគ្មានសិទ្ធមកបង្គាប់បញ្ជាឲ្យកម្ពុជា ធ្វើនេះ ឬធ្វើនោះតាមការចង់បានរបស់ពួកគេឡើយ ព្រោះនេះជាកិច្ចការផ្ទៃក្នុងរបស់កម្ពុជា។ សម្ដេចតេជោបញ្ជាក់ថា ការបិទចោលវិទ្យុដែលគ្មានក្រមសីលធម៌មួយវាមិនធ្វើឲ្យស្លាប់នូវសេរីភាពសារព័ត៌មាននៅកម្ពុជានោះឡើយតែផ្ទុយទៅវិញ វានឹងជួយដល់ការអនុវត្តច្បាប់ និងពង្រឹងក្រមសីលធម៌ វិជ្ជាជីវៈសារព័ត៌មាននៅកម្ពុជាថែមទៀតផង៕អត្ថបទ៖ វ៉ន ដារ៉ា

បណ្ដាញសង្គម

ព័ត៌មានថ្មីៗ

ការវិនិយោគផ្លូវនៅជនបទ ជាការឆ្លើយតបទៅនិងការស់នៅដ៏ចាំបាច់របស់ប្រជាជន

រាជធានីភ្នំពេញរៀបចំកិច្ចពិភាក្សាថ្នាក់ដឹកនាំរាជធានី រដ្ឋធានី ទីក្រុង ខេត្ត និងអង្គភាពជាសមាជិកសមាគម AIMF តាមរយៈសន្និសីទកម្រិតអភិបាល និងតំណាងអាជ្ញាធរមូលដ្ឋានស្តីពី ទំនាក់ទំនងការទូតរវាងទីក្រុង ដើម្បីសន្តិភាព និងការអភិវឌ្ឍមូលដ្ឋាន

ទីក្រុងឌែលី វ៉ាដាច់ទីក្រុងឡាហ័រ ក្លាយជាទីក្រុងមានការបំពុលខ្យល់ខ្លាំងបំផុតក្នុងពិភពលោក

របាយការណ៍៖ ក្រុងវ៉ាស៊ីនតោនទាមទារឱ្យជប៉ុនបង្កើនការចំណាយ ៣ដង ដល់ ១៩ពាន់លានដុល្លារ លើកងទ័ពអាមេរិក

ការកាត់មូលនិធិទីភ្នាក់ងារ UNRWA ធ្វើឱ្យជនភៀសខ្លួនប៉ាឡេស្ទីននៅលីបង់កាន់តែលំបាកខ្លាំង

របាយការណ៍៖ រុស្ស៊ីទាមទារឱ្យហ្វាំងឡង់ចាកចេញពីអង្គការណាតូ អំឡុងកិច្ចចរចា នៅអារ៉ាប់រួម

សម្តេចប្រធានរដ្ឋសភា ស្នើប្រធានាធិបតី រវ៉ាន់ដា លើកកម្ពស់ផលប្រយោជន៍ប្រជាពលរដ្ឋប្រទេសទាំងពីរ តាមរយៈការបង្កើនកិច្ចសហប្រតិបត្តិការរដ្ឋសភា ពាណិជ្ជកម្ម និងទេសចរណ៍

ប្រទេសអ៊ីរ៉ង់ បង្ហាញមីស៊ីលនិងយានដ្រូនផលិតក្នុងស្រុក នៅទីក្រុងតេអេរ៉ង់

ការងារស្ថាបនា ការស្តារ ការថែទាំ និងការកែលម្អ ហេដ្ឋារចនាសម្ព័ន្ធផ្លូវជនបទ បានជំរុញចលនាសេដ្ឋកិច្ចនៅជនបទឱ្យកាន់តែ រីកចម្រើន

រដ្ឋមន្ត្រីការបរទេសអង់ហ្គោឡា អញ្ជើញមកដល់កម្ពុជា ដើម្បីចូលរួមកិច្ចប្រជុំកំពូលហ្វ្រង់កូហ្វូនី លើកទី២០

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

របាយការណ៍គាំទ្រដោយអាមេរិកនិយាយថា រុស្ស៊ីឃុំឃាំងកុមារអ៊ុយក្រែន ៦ពាន់នាក់សម្រាប់ការអប់រំឡើងវិញ

លោក Xi Jinping និយាយថា ចិនប្រឆាំងកងកម្លាំងខាងក្រៅដែលបំផ្លាញសន្តិសុខក្នុងប្រទេសអ៊ីរ៉ង់

WHO ព្រួយបារម្ភអំពីហានិភ័យនៃការផ្ទុះឡើងជំងឺឆ្លងតាមទឹក បន្ទាប់ពីរញ្ជួយដីនៅទួរគី និងស៊ីរី

ប្រធានាធិបតីអាល្លឺម៉ង់ពេញចិត្តនិងកោតសរសើរកម្ពុជាក្រោមការដឹកនាំរបស់សម្តេចតេជោ

លោក Zelenskiy ស្រែកដង្ហោយឲ្យពន្លឿនជំនួយពីសម្ព័ន្ធមិត្ត ខណៈរុស្ស៊ីវាយសម្រុកខ្លាំងនៅភាគខាងកើត

អាមេរិកសង្ស័យថា វត្ថុមិនស្គាល់អត្តសញ្ញាណ ៣ ដែលខ្លួនបានបាញ់ទម្លាក់មិនមែនជាបាឡុងចារកម្មរបស់ចិន

អ៊ុយក្រែនប្រឈមនឹងសត្រូវចំនួន ២ គឺរុស្ស៊ី និងអំពើពុករលួយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

លោក Xi Jinping និយាយថា ចិន​ប្រឆាំង​កងកម្លាំង​ខាងក្រៅ​ដែល​បំផ្លាញ​សន្តិសុខ​ក្នុងប្រទេស​អ៊ីរ៉ង់

WHO ព្រួយបារម្ភ​អំពី​ហានិភ័យ​នៃ​ការផ្ទុះ​ឡើង​ជំងឺ​ឆ្លងតាម​ទឹក បន្ទាប់ពី​រញ្ជួយ​ដី​នៅ​ទួរគី ​និង​ស៊ី​រី​

ប្រធានាធិបតីអាល្លឺម៉ង់ពេញចិត្តនិងកោតសរសើរកម្ពុជាក្រោមការដឹកនាំរបស់សម្តេចតេជោ

អ៊ុយ​ក្រែ​ន​ប្រឈម​នឹង​សត្រូវ​ចំនួន ​២ គឺ​រុស្ស៊ី និង​អំពើពុករលួយ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លោក Xi Jinping និយាយថា ចិនប្រឆាំងកងកម្លាំងខាងក្រៅដែលបំផ្លាញសន្តិសុខក្នុងប្រទេសអ៊ីរ៉ង់

WHO ព្រួយបារម្ភអំពីហានិភ័យនៃការផ្ទុះឡើងជំងឺឆ្លងតាមទឹក បន្ទាប់ពីរញ្ជួយដីនៅទួរគី និងស៊ីរី

អ៊ុយក្រែនប្រឈមនឹងសត្រូវចំនួន ២ គឺរុស្ស៊ី និងអំពើពុករលួយ