BTV NEWS

សម្តេចធិបតីនឹងដឹកនាំគណៈប្រតិភូជាន់ខ្ពស់អញ្ជើញចូលរួមកិច្ចប្រជុំកំពូលអាស៊ាន លើកទី៤៨ នៅកោះសេប៊ូ សាធារណរដ្ឋហ្វីលីពីន

សម្តេចធិបតី៖ ការធានាសុវត្ថិភាពព័ត៌មាន រក្សាព័ត៌មានសម្ងាត់របស់ជាតិ ក្នុងកាលៈទេសៈនៃវិបត្តិមិនមែនជាការរឹតត្បិតសេរីភាពខាងសារព័ត៌មាននោះទេ

សម្តេចធិបតី៖ការស្ទង់មតិឆ្លុះបញ្ចាំងឱ្យឃើញថាកម្ពុជាកំពុងពង្រឹងវិស័យព័ត៌មាន សេរីព័ត៌មាន និងការអភិវឌ្ឍវិជ្ជាជីវៈ

សម្តេចបវរធិបតីផ្តល់អនុសាសន៍ ៦ចំណុចដល់អ្នកសារព័ត៌មាន និងអ្នកផលិតមាតិកា ក្នុងឱកាសទិវាសេរីភាពសារព័ត៌មាន

ព័ត៌មានសំខាន់ៗ

អាមេរិក អឺរ៉ុប និង NATO ជំរុញឱ្យមានការអត់ធ្មត់ ខណៈច្រកព្រំដែនប្រទេសស៊ែប៊ី-កូសូវ៉ូបិទ

កូសូវ៉ូ៖ សហរដ្ឋអាមេរិក សម្ព័ន្ធយោធាណាតូ និងសហភាពអឺរ៉ុបបានជំរុញឱ្យមានការអត់ធ្មត់ខ្លាំងនៅភាគខាងជើងសាធារណៈរដ្ឋកូសូវ៉ូ ខណៈអាជ្ញាធរបានបិទច្រកឆ្លងកាត់នៅព្រំដែនទីបីកាលពីថ្ងៃពុធ ហើយភាពតានតឹងបានកើនឡើងជាមួយប្រជាជនស៊ែប៊ីក្នុងតំបន់ជុំវិញឯករាជ្យភាពឆ្នាំ២០០៨។អស់រយៈពេលជាង ២០ឆ្នាំមកហើយ ប្រទេសកូសូវ៉ូគឺជាប្រភពនៃភាពតានតឹងរវាងប្រទេសលោកខាងលិច ដែលគាំទ្រឯករាជ្យភាពរបស់ប្រទេសនេះ ហើយរុស្ស៊ីបានគាំទ្រប្រទេសស៊ែប៊ីក្នុងកិច្ចខិតខំប្រឹងប្រែងរបស់ខ្លួន ដើម្បីរារាំងសមាជិកភាពរបស់កូសូវ៉ូពីអង្គការអន្តរជាតិ រួមទាំងអង្គការសហប្រជាជាតិ។ សហភាពអឺរ៉ុប និងសហរដ្ឋអាមេរិកបាននិយាយនៅក្នុងសេចក្តីថ្លែងការណ៍រួមថា យើងអំពាវនាវឱ្យអ្នកគ្រប់គ្នាអនុវត្តការអត់ធ្មត់ខ្លាំង មានចំណាត់ការបន្ទាន់ ដើម្បីកាត់បន្ថយស្ថានការណ៍ដោយគ្មានលក្ខខណ្ឌ និងជៀសវាងពីការបង្កហេតុ ការគំរាមកំហែង ឬការបំភិតបំភ័យ។បេសកកម្មរបស់សម្ព័ន្ធយោធាណាតូនៅកូសូវ៉ូបាននិយាយថា ខ្លួនគាំទ្រការសន្ទនារវាងភាគីទាំងអស់ដើម្បីកាត់បន្ថយភាពតានតឹង ដែលរួមមានទាំងការបិទផ្លូវរបស់ប្រទេសស៊ែប៊ីដោយរថយន្តដឹកទំនិញ និងរថយន្តធុនធ្ងន់ផ្សេងទៀត និងការប៉ះទង្គិចគ្នាដោយហិង្សាជាមួយនគរបាល។ ប្រទេសស៊ែប៊ីបានដាក់កងទ័ពរបស់ខ្លួនលើការប្រុងប្រយ័ត្នខ្ពស់បំផុតកាលពីថ្ងៃចន្ទ។ ចំណែកវិមានក្រឹមឡាំងវិញបានបដិសេធការអះអាងរបស់ប្រទេសកូសូវ៉ូថា រុស្ស៊ីកំពុងផ្តល់ឥទ្ធិពលដល់ប្រទេសស៊ែប៊ីដើម្បីធ្វើឱ្យមានអស្ថិរភាពប្រទេសកូសូវ៉ូ ដោយនិយាយថា ស៊ែប៊ីកំពុងការពារសិទ្ធិជនជាតិភាគតិចស៊ែប៊ី៕អត្ថបទ៖ ប៊ុនថន

ការវាយប្រហាររបស់រុស្សីធ្វើឲ្យបុគ្គលិកមន្ទីរពេទ្យសម្ភពទីក្រុង Kherson និងម្តាយតក់ស្លុត

អ៊ុយក្រែន៖ ម្តាយទើបសម្រាលកូន និងបុគ្គលិកនៃមន្ទីរពេទ្យសម្ភពនៅទីក្រុង Kherson តក់ស្លុតកាលពីថ្ងៃពុធ បន្ទាប់ពីអ្វីដែលនាយសេនាធិការរងរបស់ប្រធានាធិបតីអ៊ុយក្រែនបានចាត់ទុកថា ជាការបាញ់ផ្លោងរបស់រុស្ស៊ីមកលើអគារសម្ភពមន្ទីរពេទ្យ។ លោក Kyrylo Tymoshenko នាយសេនាធិការរងរបស់លោក Zelenskiy បាននិយាយនៅលើបណ្តាញ Telegram ថា គ្មាននរណាម្នាក់រងរបួសនោះទេ ហើយបុគ្គលិក និងអ្នកជំងឺត្រូវបានផ្លាស់ប្តូរទៅកាន់ទីជម្រកបណ្តោះអាសន្ន។ ប្រធានមន្ទីរពេទ្យសម្ភពបានបញ្ជាក់ប្រាប់សារព័ត៌មានរ៉យទ័រថា ស្ត្រីមានផ្ទៃពោះត្រូវបានគេនាំទៅកាន់ទីជម្រកគេចពីគ្រាប់បែក។ លោកស្រី Leonid Remyha និយាយថា បន្ទាប់ពីការវាយប្រហារ ការផ្ទុះជាច្រើនបានចាប់ផ្តើម យើងក៏បានផ្លាស់ប្តូរស្ត្រីមានផ្ទៃពោះភ្លាមៗទៅកាន់ជាន់ក្រោមដី។ ផ្នែកមួយចំនួននៃអគារមើលទៅរងការបំផ្លាញខ្លាំង ដោយទ្វារ និងបង្អួចបានបាក់បែក។ លោកស្រី Tymoshenko បានឱ្យដឹងថា នៅពេលផ្ទុះនោះមានស្ត្រី ៥នាក់ដែលទើបសម្រាលកូន និងបុគ្គលិកច្រើននាក់នៅក្នុងមន្ទីរពេទ្យ។ ស្ត្រីម្នាក់ក្នុងចំណោមស្ត្រីទាំង ៥នាក់បានទទួលការវះកាត់កន្លះម៉ោងមុនពេលការវាយប្រហារ។ យោធាអ៊ុយក្រែននិយាយថា កងកម្លាំងរុស្ស៊ីបានបង្កើនការវាយប្រហារដោយកាំភ្លើងត្បាល់ និងកាំភ្លើងធំទៅលើទីក្រុង Kherson ដែលទើបរំដោះបាននៅភាគខាងត្បូងប្រទេសអ៊ុយក្រែនកាលពីថ្ងៃពុធ ខណៈដែលកំពុងដាក់សម្ពាធឥតឈប់ឈរនៅសមរភូមិក្នុងតំបន់ភាគខាងកើតប្រទេស។ នាយសេនាធិការកងកម្លាំងប្រដាប់អាវុធអ៊ុយក្រែន និយាយនៅក្នុងរបាយការណ៍របស់ខ្លួនថា ប្រទេសរុស្ស៊ីបានបាញ់មីស៊ីលចំនួន ៣៣គ្រាប់ទៅកាន់គោលដៅស៊ីវិលក្នុងទីក្រុង Kherson ក្នុងរយៈពេល ២៤ម៉ោងរហូតដល់ថ្ងៃពុធ។ កងកម្លាំងរុស្ស៊ីបានបោះបង់ចោលទីក្រុង Kherson កាលពីខែមុន ដែលទីក្រុងនេះមានទីតាំងនៅតាមដងទន្លេ Dnipro និងបម្រើជាច្រកចូលទៅកាន់តំបន់គ្រីមៀភ្ជាប់ឧបសម្ព័ន្ធរបស់រុស្ស៊ី ដែលមានសារៈសំខាន់ជាយុទ្ធសាស្ត្រ។ អ៊ុយក្រែននិយាយថា ការវាយប្រហាររបស់រុស្ស៊ីបណ្តាលឲ្យមនុស្សយ៉ាងហោចណាស់ ១០នាក់ស្លាប់ និងរបួស ៥៨នាក់នៅក្នុងទីក្រុង Kherson កាលពីថ្ងៃសៅរ៍សប្តាហ៍មុន៕អត្ថបទ៖ ប៊ុនថន

រដ្ឋបាលលោក Joe Biden គំរាមក្រុមហ៊ុនអាកាសចរណ៍ដោយសារការលុបចោលជើងហោះហើរ ខណៈមានព្យុះព្រិល

អាមេរិក៖ ប្រធានាធិបតីអាមេរិកលោក Joe Biden បានគំរាមឲ្យក្រុមហ៊ុនអាកាសចរណ៍នានាចេញមុខទទួលខុសត្រូវ ជុំវិញការពន្យារពេល និងលុបចោលជើងហោះហើរ ស្របពេលរដ្ឋមន្ត្រីដឹកជញ្ជូនលោក Pete Buttigieg បានលើកឡើងចំឈ្មោះក្រុមហ៊ុន Southwest Airlines។ ទោះជាយ៉ាងណាក៏ដោយរដ្ឋបាលរបស់លោក Biden ត្រូវបានចោទប្រកាន់ថាបានរួមចំណែកដល់បញ្ហានេះ។ ដោយមានជាងពាក់កណ្តាលនៃទ្វីបអាមេរិកដែលរងផលប៉ះពាល់ ដោយព្យុះស៊ីក្លូនរដូវរងាដ៏ធ្ងន់ធ្ងរ យ៉ាងហោចណាស់ជើងហោះហើរចំនួន ៣.១០០ ត្រូវបានលុបចោលនៅទូទាំងប្រទេសកាលពីថ្ងៃអាទិត្យ និងជើងហោះហើរ ចំនួន ៦ .៨០០បន្ថែមទៀតត្រូវបានពន្យារពេល។ ការពន្យារពេល និងការលុបចោលជើងហោះហើរនៅតែមានចំនួនរាប់ពាន់កាលពីថ្ងៃចន្ទ ប៉ុន្តែគិតត្រឹមថ្ងៃពុធ ក្រុមហ៊ុនអាកាសចរណ៍មួយនៅតែតស៊ូ ជាពិសេសក្នុងការបន្តសេវាកម្មធម្មតានោះគឺក្រុមហ៊ុន Southwest ដែលជាក្រុមហ៊ុនអាកាសចរណ៍មានតម្លៃទាប។ យោងតាមក្រុមហ៊ុន FlightAware ដែលជាគេហទំព័រតាមដានជើងហោះហើរ ជើងហោះហើររបស់ក្រុមហ៊ុនអាកាសចរណ៍ Southwest ប្រមាណ ២.៥០៩ជើង ឬ ៦២ % នៃសេវាកម្មដែលបានគ្រោងទុករបស់ក្រុមហ៊ុនអាកាសចរណ៍ ត្រូវបានលុបចោលកាលពីរសៀលថ្ងៃពុធ។ ក្រុមហ៊ុនអាកាសចរណ៍នេះបានលុបចោលជើងហោះហើរជាង ១៤.៥០០ជើងចាប់តាំងពីថ្ងៃសុក្រសប្ដាហ៍មុនមក។ គិតមកដល់ថ្ងៃព្រហស្បតិ៍នេះ ចំនួនអ្នកស្លាប់ដោយសារព្យុះព្រិលនៅក្នុងរដ្ឋចំនួន៨ របស់សហរដ្ឋអាមេរិកបានកើនឡើងដល់ ៦២នាក់៕អត្ថបទ៖ សុខមាន

រុស្ស៊ីបង្កើនការវាយប្រហារដោយកាំភ្លើងធំទៅលើតំបន់ Kherson និងភាគខាងកើតរបស់អ៊ុយក្រែន

អ៊ុយក្រែន៖ យោធាអ៊ុយក្រែននិយាយថា កងកម្លាំងរុស្ស៊ីបានបង្កើនការវាយប្រហារដោយកាំភ្លើងត្បាល់ និងកាំភ្លើងធំទៅលើទីក្រុង Kherson ដែលទើបរំដោះបានថ្មីៗនៅក្នុងភាគខាងត្បូងអ៊ុយក្រែនកាលពីថ្ងៃពុធ ទី២៨ ខែធ្នូ ខណៈដែលក៏កំពុងបង្កើនសម្ពាធផងដែរនៅតាមសមរភូមិជួរមុខនានានៅភាគខាងកើត។ មេបញ្ជាការកងកម្លាំងប្រដាប់អាវុធអ៊ុយក្រែន បាននិយាយនៅក្នុងរបាយការណ៍ពេលព្រឹករបស់ខ្លួនថា រុស្ស៊ីបានបាញ់មីស៊ីលចំនួន ៣៣គ្រាប់ចេញពីជើងទម្របាញ់រ៉ូកែតពហុជំនាញ ទៅលើគោលដៅជនស៊ីវិលនៅក្នុងតំបន់ Kherson ក្នុងរយៈពេល ២៤ម៉ោងកាលពីព្រឹកថ្ងៃពុធ តែរុស្ស៊ីបានច្រានចោលការចោទប្រកាន់ដែលថា ខ្លួនបានដាក់គោលដៅលើជនស៊ីវិលនោះ។ ការវាយប្រយុទ្ធគ្នាដ៏ខ្លាំងក្លាក៏បានបន្តផងដែរនៅជុំវិញទីក្រុង Bakhmut គ្រប់គ្រងដោយអ៊ុយក្រែន ដែលពេលនេះរងការបំផ្លិចបំផ្លាញយ៉ាងធ្ងន់ធ្ងរនៅក្នុងខេត្ត Donetsk ភាគខាងកើត និងរហូតដល់ភាគខាងជើងជុំវិញទីក្រុង Svatove និងទីក្រុង Kreminna ក្នុងខេត្ត Luhansk ជាទីដែលកងកម្លាំងអ៊ុយក្រែនកំពុងព្យាយាមវាយបំបែកខ្សែត្រៀមរបស់រុស្ស៊ី។ ពន្លឺនៃការចរចាបញ្ចប់សង្គ្រាមនៅតែមិនទាន់មានរហូតមកដល់ខែទី១១ ទៅហើយនោះ។ វិមានក្រឹមឡាំងកាលពីថ្ងៃពុធបានទាត់ចោលផែនការសន្តិភាព ១០ចំណុចរបស់លោកប្រធានាធិបតីអ៊ុយក្រែន Volodymyr Zelenskiy ដោយនិយាយថា សំណើបញ្ចប់សង្គ្រាមនៅអ៊ុយក្រែនត្រូវតែរាប់បញ្ចូល នូវអ្វីដែលខ្លួនហៅថាការពិតរបស់បច្ចុប្បន្ននៃតំបន់ទាំង៤ របស់អ៊ុយក្រែនដែលបានដាក់បញ្ចូលជាឧបសម្ព័ន្ធរបស់រុស្ស៊ី៕ អត្ថបទ៖ សុខមាន

មន្ទីរពេទ្យនានាទូទាំងប្រទេសចិនរងសម្ពាធខ្លាំង ខណៈវីរុស COVID-19 ឆ្លងរាលដាលខ្លាំងខ្វះការគ្រប់គ្រង

ចិន៖ មន្ទីរពេទ្យជាច្រើនរបស់ប្រទេសចិនស្ថិតក្រោមសម្ពាធខ្លាំងកាលពីថ្ងៃពុធ ទី២៨ ខែធ្នូ ខណៈរលកនៃការឆ្លងរាលដាលវីរុស COVID-19 កំពុងហក់ឡើងខ្លាំង បានប៉ះពាល់ដល់ធនធាននានានៅក្នុងប្រទេសដ៏ធំចុងក្រោយមួយនេះ ក្នុងការចាត់ទុកវីរុសនេះថាជាការឆ្លងតែក្នុងតំបន់ ឬក្នុងប្រទេសមួយប៉ុណ្ណោះ។ នៅក្នុងការផ្លាស់ប្ដូរគោលនយោបាយដ៏តក់ក្រហល់ ប្រទេសចិនកាលពីដើមខែនេះបានចាប់ផ្ដើមរំលាយចោល ពេលវេលារឹតត្បិតដ៏តឹងរ៉ឹងបំផុតនៃការបិទខ្ទប់ និងការពង្រីកការធ្វើតេស្ត ដើម្បីបញ្ចៀសការប៉ះពាល់សេដ្ឋកិច្ចដ៏ធំរបស់ខ្លួន សម្រាប់ការបើកប្រទេសឡើងវិញទាំងស្រុងនៅឆ្នាំក្រោយ។ យោងតាមក្រុមអ្នកជំនាញសុខភាពអន្តរជាតិ វិធានការដែលមានឡើង ក្រោយការតវ៉ាដ៏ធំនានាជាច្រើនថ្ងៃប្រឆាំងការរឹតត្បិតទាំងឡាយ មានន័យថាវីរុស COVID-19 កំពុងឆ្លងរាលដាលខ្លាំងខ្វះការគ្រប់គ្រង និងទំនងជាកំពុងឆ្លងដល់មនុស្សរាប់លាននាក់ក្នុងមួយថ្ងៃ។ ការឆ្លងខ្លាំងនៅរដូវរងាមុនការចូលមកដល់នៃពិធីបុណ្យចូលឆ្នាំចិននៅខែក្រោយ ដែលពលរដ្ឋចិនរាប់លាននាក់សង្ឃឹមថា នឹងធ្វើដំណើរទៅកាន់ស្រុកកំណើតរបស់ពួកគេដើម្បីជួបជុំសាច់ញាតិ។ ក្រុមអាជ្ញាធរចិនបានទទួលស្គាល់ពីការផ្ទុះរាលដាលខ្លាំងមិនអាចតាមដានបាននៅពេលនេះ និងពិបាកក្នុងការកំណត់ចំនួនអ្នកស្លាប់ដោយសារវីរុស COVID-19៕អត្ថបទ៖ សុខមាន

ប្រទេសមួយចំនួនបានដាក់ការរឹតត្បិតលើអ្នកដំណើរមកពីប្រទេសចិនដោយតម្រូវឲ្យធ្វើតេស្តរកវីរុស COVID-19

ចិន៖ សហរដ្ឋអាមេរិកក្លាយជាប្រទេសចុងក្រោយ ដែលបានកំណត់ឲ្យមានការធ្វើតេស្តរកវីរុស Covid-19 ជាកាតាព្វកិច្ចលើអ្នកដំណើរមកពីប្រទេសចិន បន្ទាប់ពីទីក្រុងប៉េកាំងបានប្រកាសបើកព្រំដែនឡើងវិញនៅសប្ដាហ៍ក្រោយ។ វិធានការកាន់តែតឹងរ៉ឹងទាំងនេះក៏ត្រូវបានអនុវត្តន៍ផងដែរនៅក្នុងប្រទេសអ៊ីតាលី ជប៉ុន ម៉ាឡេស៊ី កោះតៃវ៉ាន់ និងប្រទេសឥណ្ឌា។ បន្ទាប់ពីការរឹតត្បិតជិត ៣ឆ្នាំ ប្រទេសចិននឹងអនុញ្ញាតឲ្យពលរដ្ឋរបស់ខ្លួនធ្វើដំណើរកាន់តែងាយស្រួល ចេញពីប្រទេសទៅកាន់បរទេសចាប់ពីថ្ងៃទី៨ ខែមករា ឆ្នាំ២០២៣ ខាងមុខនេះ។ ក្នុងពេលជាមួយគ្នានេះដែរ ប្រទេសនេះ កំពុងប្រឈមករណីឆ្លងវីរុស Covid ខ្លាំង ដែលនាំឲ្យមានក្ដីបារម្ភខ្លាំងក្នុងចំណោមប្រទេសមួយចំនួន។ ទោះយ៉ាងណាក៏ដោយ ទីក្រុងប៉េកាំងបាននិយាយវិធានការទប់ស្កាត់ការឆ្លងរាលដាលវីរុសកូរ៉ូណា គួរតែត្រូវបានផ្ដោតលើមូលដ្ឋានវិទ្យាសាស្ត្រ និងបានចោទប្រកាន់ប្រទេស និងសារព័ត៌មានមួយចំនួនពីបទបំប៉ោងស្ថានភាពលើសពីការពិត។ យ៉ាងណាក្ដី រដ្ឋាភិបាលចក្រភពអង់គ្លេសបាននិយាយថា ខ្លួនពុំមានផែនការណែនាំឲ្យមានការធ្វើតេស្តជាថ្មី ឬតម្រូវការផ្សេងៗក្នុងការចូលមកកាន់ប្រទេសនេះពីអ្នកដំណើរទាំងឡាយនោះទេ៕អត្ថបទ៖ សុខមាន

នាវាទេសចរណ៍ខ្នាតយក្សមួយ ចូលចតនៅកំពង់ផែក្រុងព្រះសីហនុ ទស្សនកិច្ចវឌ្ឍនភាពខេត្ដព្រះសីហនុ

ព្រះសីហនុ៖ នាយប៉ុស្តិ៍នគរបាលច្រកទ្វារកំពង់ផែអន្តរជាតិខេត្តព្រះសីហនុ បានឱ្យដឹងថា នាវាទេសចរណ៍មួយគ្រឿង ឈ្មោះ SEABOURN ENCORE សញ្ជាតិ BAHAMAS ដែលមាននាវិកសរុបចំនួន ៤៣២នាក់ (ស្រី៩៣) ដឹកភ្ញៀវទេសចរចម្រុះ ជាតិសាសន៍ (៥០សញ្ជាតិ) និងមានភ្ញៀវសរុបចំនួន ៣៩៥នាក់ (ស្រី២០០) បានធ្វើដំណើរពីប្រទេសថៃ ចូលមកសុំចត នៅកំពង់ផែស្វយ័តអន្ដរជាតិក្រុងព្រះសីហនុ ថ្ងៃទី២៩ ខែធ្នូ ឆ្នាំ២០២២ ដើម្បីធ្វើទសនកិច្ចនៅក្រុងព្រះសីហនុ ហើយនាវានេះ នឹងចាកចេញទៅវិញបន្ដឆ្ពោះទៅប្រទេសវៀតណាម នៅថ្ងៃដដែលនេះ៕

លោកឧត្តមសេនីយ៍ឯក ហ៊ុន ម៉ាណែត ទទួលទីតាំងអតីតសាលាក្តីខ្មែរក្រហម មកក្រោមការគ្រប់គ្រងរបស់បញ្ជាការដ្ឋានកងទ័ពជើងគោកវិញ

ភ្នំពេញ៖ លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក អញ្ជេីញចូលរួមក្នុងពិធីផ្ទេរ-ទទួលទីតាំងអតីតសាលាក្តីខ្មែរក្រហម មកក្រោមការគ្រប់គ្រងរបស់បញ្ជាការដ្ឋានកងទ័ពជើងគោក កាលពីថ្ងៃទី២៨ ខែធ្នូ ឆ្នាំ២០២២។ លោកឧត្តមសេនីយ៍ឯក ហ៊ុន ម៉ាណែត បានថ្លែងថា ព្រឹត្តិការណ៍ក្នុងថ្ងៃនេះ មិនមានអត្ថន័យត្រឹមតែជាការផ្ទេរ-ទទួលអគារប៉ុណ្ណោះទេ ប៉ុន្តែគឺជាសក្ខីភាពនៃការបិទបញ្ចប់ទាំងស្រុងនៃដំណើរការរបស់សាលាក្តីខ្មែរក្រហម ដោយប្រែក្លាយពីទីកន្លែងផ្តល់យុត្តិធម៌ទៅជាទីកន្លែងសម្រាប់បន្តការងារការពារជាតិវិញ បន្ទាប់ពីរាជរដ្ឋាភិបាលបានប្រគល់មួយផ្នែកនៃទីតាំងយោធានេះ សម្រាប់បម្រើឱ្យដំណើរការកាត់ក្តីខ្មែរក្រហមចាប់តាំងពីឆ្នាំ២០០៦មក៕

លោក អ៊ុំ រាត្រី៖ មកទល់ម៉ោងនេះអគ្គិភ័យនៅតែបន្តឆាបឆេះ ហើយទំហំនៃការខូចខាតនៅមិនទាន់ប៉ាន់ប្រមាណនៅឡើយទេ

បន្ទាយមានជ័យ៖ លោក អ៊ុំ រាត្រី អភិបាលខេត្តបន្ទាយមានជ័យបានឱ្យដឹងថា ហេតុការណ៍អគ្គិភ័យឆាបឆេះអគារក្រុមហ៊ុនក្រេនដាយមេនរីសត Royal G Club ទីតាំងភូមិប៉ោយប៉ែត សង្កាត់ប៉ោយប៉ែត ខេត្តបន្ទាយមានជ័យ តាំងពីកណ្តាលអាធ្រាតយប់ថ្ងៃទី២៩ ខែធ្នូ ឆ្នាំ២០២២ រហូតមកដល់ពេលនេះ គណៈកម្មាធិការគ្រប់គ្រងគ្រោះមហន្តរាយខេត្តបន្ទាយមានជ័យ ប្រើប្រាស់កម្លាំងសរុបកំពុងដុតដៃជើងធ្វើការសង្គ្រោះ និងគ្រប់គ្រងស្ថានការ។លោកបន្តថា មកដល់ម៉ោងនេះ អគ្គិភ័យនៅតែបន្តឆាបឆេះ ហើយទំហំនៃការខូចខាតនៅមិនទាន់ប៉ាន់ប្រមាណបាននៅឡើយ៕

សម្តេចតេជោ ហ៊ុនសែន ផ្ញើសារអបអរសាទរខួប២៤ឆ្នាំ នៃការបញ្ចប់សង្គ្រាមនៅកម្ពុជាក្រោមនយោបាយ ឈ្នះ-ឈ្នះ

ភ្នំពេញ៖ សម្តេចតេជោ ហ៊ុនសែន នាយរដ្ឋមន្ត្រី នៃកម្ពុជា បានផ្ញើសារអបអរសាទរខួប២៤ឆ្នាំ នៃការបញ្ចប់សង្គ្រាមនៅកម្ពុជាក្រោមនយោបាយ ឈ្នះ-ឈ្នះ។ សម្តេចតេជោ ហ៊ុន សែន មានប្រសាសន៍ថា នៅថ្ងៃទី២៩ ខែធ្នូ ឆ្នាំ២០២២នេះ គឺជាខួប២៤ឆ្នាំហើយ នៃការបញ្ចប់សង្គ្រាមនៅកម្ពុជា ក្រោមនយោបាយ ឈ្នះ-ឈ្នះ (២៩ ធ្នូ ១៩៩៨-២៩ ធ្នូ ២០២២) ដែលកម្ពុជារកបាននូវសុខសន្តិភាពពេញលេញ និងមានការឯកភាពជាតិទាំងស្រុងជាប្រវត្តិសាស្ត្រ។ការបិទបញ្ចប់សង្គ្រាមហែកហួរ និងការបែកបាក់ជាតិនេះ បានកើតមានឡើងតាមរយៈនយោបាយឈ្នះ-ឈ្នះ របស់សម្តេចតេជោ ហ៊ុន សែន ដែលជាស្ថាបនិក។នយោបាយ ឈ្នះ-ឈ្នះ គឺជាយុទ្ធសាស្ត្រគោលការណ៍ទាំងឡាយណា ដែលបាននាំមកនូវការធានា ដល់សន្តិសុខសង្គម ការបង្រួបបង្រួមជាតិ ឯកភាពជាតិ សនិ្តភាព ការធានាដល់បូរណភាពដែនដី អធិបតេយ្យ និងការអភិវឌ្ឍសេដ្ឋកិច្ច នយោបាយសង្គមប្រកបដោយចីរភាព៕

បណ្ដាញសង្គម

ព័ត៌មានថ្មីៗ

តំបន់អាស៊ី កំពុងទប់ទល់នឹងការកើនឡើង និងផលប៉ះពាល់ផ្សេងៗគ្នានៃវិបត្តិថាមពលបង្កឡើងដោយសង្គ្រាមអ៊ីរ៉ង់

នាវាបោសសម្អាតគ្រាប់មីនអាល្លឺម៉ង់ ចេញពីកំពង់ផែដើម្បីត្រៀមនៅសមុទ្រមេឌីទែរ៉ាណេ ប្រសិនបើត្រូវការនៅច្រកសមុទ្រ Hormuz

អភិបាលខេត្តចំនួន៤ រួមគ្នាពង្រឹងយន្ដការក្នុងកិច្ចការពារតំបន់ការពារធម្មជាតិ «ព្រៃឡង់» ឱ្យកាន់តែរឹងមាំ និងមានប្រសិទ្ធភាព !

ស្រ្តីឈ្មោះ ព្រឿន សាក់ឡែន ជាអ្នកនាំទុរេនថៃមកចូលខ្មែរត្រូវបានឃាត់ខ្លួន ខណៈសមត្ថកិច្ចខេត្តបាត់ដំបងកំពុងស្រាវជ្រាវរកអ្នកពាក់ព័ន្ធដើម្បីចាត់វិធានការច្បាប់

រដ្ឋសភាកម្ពុជា ជូនដំណឹងដល់ភាគីសភាអឺរ៉ុប អំពីការផ្តល់សច្ចាប័នលើអនុសញ្ញាអង្គការសហប្រជាជាតិ ស្តីពីនីតិសមុទ្ររបស់កម្ពុជា

អារ៉ាប់រួម៖ ប្រព័ន្ធការពារដែនអាកាសស្ទាក់ចាប់មីស៊ីល និងយានដ្រូន ខណៈជើងហោះហើរត្រូវបង្វែរទិសដៅ

អ៊ុយក្រែន និងរុស្ស៊ី ប្រកាសបទឈប់បាញ់ដាច់ដោយឡែកពីគ្នាចន្លោះថ្ងៃទី៨ និងទី៩ ខែឧសភា

បង្ក្រាបកន្លែង Online Scam នៅបឹងកេងកង សង្គ្រោះជនជាតិជប៉ុន និងឃាត់ខ្លួនជនបរទេស ១៦នាក់

ប្រេងឡើងថ្លៃ ៦% ខណៈអ៊ីរ៉ង់ដុតបំផ្លាញកំពង់ផែប្រេងរបស់អារ៉ាប់រួម និងវាយប្រហារនាវានៅច្រកសមុទ្រ Hormuz

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អាមេរិក អឺរ៉ុប និង NATO ជំរុញឱ្យមានការអត់ធ្មត់ ខណៈច្រកព្រំដែនប្រទេសស៊ែប៊ី-កូសូវ៉ូបិទ

ការវាយប្រហាររបស់រុស្សីធ្វើឲ្យបុគ្គលិកមន្ទីរពេទ្យសម្ភពទីក្រុង Kherson និងម្តាយតក់ស្លុត

រដ្ឋបាលលោក Joe Biden គំរាមក្រុមហ៊ុនអាកាសចរណ៍ដោយសារការលុបចោលជើងហោះហើរ ខណៈមានព្យុះព្រិល

រុស្ស៊ីបង្កើនការវាយប្រហារដោយកាំភ្លើងធំទៅលើតំបន់ Kherson និងភាគខាងកើតរបស់អ៊ុយក្រែន

មន្ទីរពេទ្យនានាទូទាំងប្រទេសចិនរងសម្ពាធខ្លាំង ខណៈវីរុស COVID-19 ឆ្លងរាលដាលខ្លាំងខ្វះការគ្រប់គ្រង

ប្រទេសមួយចំនួនបានដាក់ការរឹតត្បិតលើអ្នកដំណើរមកពីប្រទេសចិនដោយតម្រូវឲ្យធ្វើតេស្តរកវីរុស COVID-19

នាវាទេសចរណ៍ខ្នាតយក្សមួយ ចូលចតនៅកំពង់ផែក្រុងព្រះសីហនុ ទស្សនកិច្ចវឌ្ឍនភាពខេត្ដព្រះសីហនុ

លោក អ៊ុំ រាត្រី៖ មកទល់ម៉ោងនេះអគ្គិភ័យនៅតែបន្តឆាបឆេះ ហើយទំហំនៃការខូចខាតនៅមិនទាន់ប៉ាន់ប្រមាណនៅឡើយទេ

សម្តេចតេជោ ហ៊ុនសែន ផ្ញើសារអបអរសាទរខួប២៤ឆ្នាំ នៃការបញ្ចប់សង្គ្រាមនៅកម្ពុជាក្រោមនយោបាយ ឈ្នះ-ឈ្នះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អាមេរិក អឺរ៉ុប និង ​NATO ជំរុញឱ្យមាន​ការអត់ធ្មត់ ខណៈ​ច្រកព្រំដែន​ប្រទេស​ស៊ែ​ប៊ី​-​កូ​សូ​វ៉ូ​បិទ​

ការវាយប្រហារ​របស់​រុស្សី​ធ្វើ​ឲ្យ​បុគ្គលិក​មន្ទីរពេទ្យ​សម្ភព​ទីក្រុង ​Kherson និង​ម្តាយ​តក់ស្លុត

រដ្ឋបាល​លោក Joe Biden គំរាម​ក្រុមហ៊ុន​អាកាសចរណ៍​ដោយសារ​ការលុបចោល​ជើង​ហោះហើរ ខណៈ​មាន​ព្យុះ​ព្រិល​

រុស្ស៊ី​បង្កើន​ការវាយប្រហារ​ដោយ​កាំភ្លើង​ធំ​ទៅលើ​តំបន់ Kherson និង​ភាគ​ខាងកើត​របស់​អ៊ុយ​ក្រែ​ន​

មន្ទីរពេទ្យ​នានា​ទូទាំងប្រទេស​ចិនរង​សម្ពាធ​ខ្លាំង ខណៈ​វីរុស COVID-19 ឆ្លង​រាលដាល​ខ្លាំង​ខ្វះ​ការគ្រប់គ្រង​

នាវាទេសចរណ៍ខ្នាតយក្សមួយ ចូលចតនៅកំពង់ផែក្រុងព្រះសីហនុ ទស្សនកិច្ចវឌ្ឍនភាពខេត្ដព្រះសីហនុ

លោក អ៊ុំ រាត្រី៖ មកទល់ម៉ោងនេះអគ្គិភ័យនៅតែបន្តឆាបឆេះ ហើយទំហំនៃការខូចខាតនៅមិនទាន់ប៉ាន់ប្រមាណនៅឡើយទេ

សម្តេចតេជោ ហ៊ុន​សែន ផ្ញើសារអបអរសាទរខួប២៤ឆ្នាំ នៃការបញ្ចប់សង្គ្រាមនៅកម្ពុជាក្រោមនយោបាយ ឈ្នះ-ឈ្នះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អាមេរិក អឺរ៉ុប និង NATO ជំរុញឱ្យមានការអត់ធ្មត់ ខណៈច្រកព្រំដែនប្រទេសស៊ែប៊ី-កូសូវ៉ូបិទ

ការវាយប្រហាររបស់រុស្សីធ្វើឲ្យបុគ្គលិកមន្ទីរពេទ្យសម្ភពទីក្រុង Kherson និងម្តាយតក់ស្លុត

រដ្ឋបាលលោក Joe Biden គំរាមក្រុមហ៊ុនអាកាសចរណ៍ដោយសារការលុបចោលជើងហោះហើរ ខណៈមានព្យុះព្រិល

រុស្ស៊ីបង្កើនការវាយប្រហារដោយកាំភ្លើងធំទៅលើតំបន់ Kherson និងភាគខាងកើតរបស់អ៊ុយក្រែន

មន្ទីរពេទ្យនានាទូទាំងប្រទេសចិនរងសម្ពាធខ្លាំង ខណៈវីរុស COVID-19 ឆ្លងរាលដាលខ្លាំងខ្វះការគ្រប់គ្រង

សម្តេចតេជោ ហ៊ុនសែន ផ្ញើសារអបអរសាទរខួប២៤ឆ្នាំ នៃការបញ្ចប់សង្គ្រាមនៅកម្ពុជាក្រោមនយោបាយ ឈ្នះ-ឈ្នះ