BTV NEWS

សម្តេចធិបតីនឹងដឹកនាំគណៈប្រតិភូជាន់ខ្ពស់អញ្ជើញចូលរួមកិច្ចប្រជុំកំពូលអាស៊ាន លើកទី៤៨ នៅកោះសេប៊ូ សាធារណរដ្ឋហ្វីលីពីន

សម្តេចធិបតី៖ ការធានាសុវត្ថិភាពព័ត៌មាន រក្សាព័ត៌មានសម្ងាត់របស់ជាតិ ក្នុងកាលៈទេសៈនៃវិបត្តិមិនមែនជាការរឹតត្បិតសេរីភាពខាងសារព័ត៌មាននោះទេ

សម្តេចធិបតី៖ការស្ទង់មតិឆ្លុះបញ្ចាំងឱ្យឃើញថាកម្ពុជាកំពុងពង្រឹងវិស័យព័ត៌មាន សេរីព័ត៌មាន និងការអភិវឌ្ឍវិជ្ជាជីវៈ

សម្តេចបវរធិបតីផ្តល់អនុសាសន៍ ៦ចំណុចដល់អ្នកសារព័ត៌មាន និងអ្នកផលិតមាតិកា ក្នុងឱកាសទិវាសេរីភាពសារព័ត៌មាន

ព័ត៌មានសំខាន់ៗ

សម្តេចតេជោ ហ៊ុន សែន ជំរុញឱ្យបន្តដោះស្រាយបញ្ហាទំនាស់ដីធ្លីក្រៅប្រព័ន្ធតុលាការតាមមូលដ្ឋានឱ្យកាន់តែមានប្រសិទ្ធភាពខ្ពស់

ភ្នំពេញ៖ សម្ដេចតេជោ ហ៊ុន សែន បានជំរុញឱ្យបន្តដោះស្រាយបញ្ហាទំនាស់ដីធ្លីនៅក្រៅប្រព័ន្ធតុលាការ នៅតាមមូលដ្ឋានឱ្យបាន កាន់តែមានប្រសិទ្ធភាពខ្ពស់។ថ្លែងក្នុងពិធីបិទសន្និបាតក្រសួងរៀបចំដែនដី នគររូបនីយកម្ម និងសំណង់ នៅរសៀលថ្ងៃទី២៧ ខែធ្នូ ឆ្នាំ២០២២នេះ សម្ដេចតេជោ ហ៊ុន សែន បានផ្តល់អនុសាសន៍ដល់ក្រសួងរៀបចដែនដី នគរូបនីយកម្ម និងសំណង់ ត្រូវពង្រឹងប្រសិទ្ធភាពលើការងារជំនាញរបស់ខ្លួន និងមន្ត្រីជំនាញ ត្រូវបន្តអនុវត្តចុះបញ្ជីដីធ្លីទាំងអស់ ដើម្បីធានានូវសុវត្ថិភាពនៃការកាន់កាប់ដីធ្លី។សម្ដេចតេជោ ហ៊ុន សែន មានប្រសាសន៍ថា «ការងារកែទម្រង់ដីធ្លី បានធ្វើឱ្យជម្លោះដីធ្លីធ្លាក់ចុះគួរឱ្យកត់សម្គាល់»។ សម្តេចក៏បានផ្តល់អនុសាសន៍ដល់ឯកឧត្តមឧបនាយករដ្ឋមន្ត្រីជា សុផារ៉ា ឱ្យពង្រឹងប្រសិទ្ធភាពការងារជំនាញរបស់ក្រសួងដែនដី មន្ត្រីជំនាញ ត្រូវបន្តអនុវត្តចុះបញ្ជីដីធ្លីទាំងអស់ ដើម្បីធានានូវសុវត្ថិភាពនៃការកាន់កាប់ដីធ្លី៕

សម្ដេចតេជោ ហ៊ុន សែន អញ្ជើញជាអធិបតីបិទសន្និបាតក្រសួងរៀបចំដែនដី នគររូបនីយកម្ម និងសំណង់

ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់នៅក្នុងពិធីបិទសន្និបាតបូកសរុបលទ្ធផលការងារឆ្នាំ២០២២ និងលើកទិសដៅការងារឆ្នាំ២០២៣ របស់ក្រសួងរៀបចំដែនដីនគររូបនីយកម្ម និងសំណង់ នៅរសៀលថ្ងៃទី២៧ ខែធ្នូ ឆ្នាំ២០២២នេះ។ពិធីបិទសន្និបាតនេះ ធ្វើឡើងនៅទីស្តីការក្រសួងរៀបចំដែនដី នគររូបនីយកម្ម និងសំណង់។ក្រៅពីអញ្ជើញបិទសន្និបាតបូកសរុបការងារ របស់ក្រសួង សម្តេចតេជោ ហ៊ុន សែន ក៏នឹងអញ្ជើញកាត់ខ្សែបូរសម្ពោធដាក់ឱ្យប្រើប្រាស់អគារ មន្ទីរ ពិសោធន៍ ជាតិ សំណង់ របស់ក្រសួងដែលមានតម្លៃប្រមាណ ៣លានដុល្លារ ទើបសាងសង់បញ្ចប់កាលពីពេលថ្មីៗនេះផងដែរ៕

កាំភ្លើងធំអ៊ុយក្រែនដាក់គោលដៅទីតាំងរបស់រុស្ស៊ី ខណៈលោក Zelenskiy និយាយថា ស្ថានភាពនៅសមរភូមិពិបាក

អ៊ុយក្រែន៖ កងពលតូចកាំភ្លើងធំរបស់អ៊ុយក្រែនបានបាញ់ផ្លោងចេញពីទីក្រុង Bakhmut កាលពីថ្ងៃចន្ទដាក់គោលដៅលើទីតាំងរបស់រុស្ស៊ីនៅជុំវិញទីក្រុងសមរភូមិតំបន់ Donbas។ ចាប់តាំងពីខែសីហាមក កងកម្លាំងរុស្ស៊ីបានជាប់គាំងនៅក្នុងការប្រយុទ្ធ និងបន្តប្រយុទ្ធយកទីក្រុង Bakhmut ជាទីក្រុងឧស្សាហកម្មក្នុងតំបន់ Donetsk ដែលមានប្រជាជនមុនសង្គ្រាមប្រមាណ ៧០,០០០នាក់។ ទីក្រុងភាគខាងកើតរបស់អ៊ុយក្រែនមួយនេះ បានក្លាយជាគោលដៅនៃការប៉ុនប៉ងរបស់រុស្ស៊ី ដើម្បីរុលចូលទៅមុខក្នុងការប្រយុទ្ធដែលបានបណ្តាលឲ្យទាហានរាប់ពាន់នាក់ស្លាប់។ ទីប្រឹក្សាប្រធានាធិបតីអ៊ុយក្រែនលោក Volodymyr Zelenskyy បានចោទប្រកាន់រុស្ស៊ីកាលពីថ្ងៃសៅរ៍ពីការធ្វើឲ្យទីក្រុង Bakhmut រងទុក្ខលំបាកខ្លាំង ដោយរិះគន់អ្នកដែលអំពាវនាវឱ្យទីក្រុង Kyiv ស្វែងរកការចរចាសន្តិភាពជាមួយរុស្ស៊ី។ ប្រធានាធិបតីអ៊ុយក្រែនលោក Volodymyr Zelenskyy បាននិយាយកាលពីថ្ងៃចន្ទថា ស្ថានភាពនៅសមរភូមិតំបន់ Donbas ជួបការលំបាក និងរងទុក្ខខ្លាំង ហើយតម្រូវឱ្យមានភាពខ្លាំង និងការផ្តោតការយកចិត្តទុកដាក់ទាំងអស់របស់ប្រទេស។ លោក Zelenskyy បាននិយាយថា ជាដំបូងគឺបញ្ហានៅសមរភូមិទីក្រុង Bakhmut, Kreminna និងទីក្រុងផ្សេងទៀតនៅក្នុងតំបន់ Donbas ដែលត្រូវការភាពខ្លាំង និងការផ្តោតការយកចិត្តទុកដាក់។ អ្នកដណ្តើមចូលគ្រប់គ្រងកំពុងដាក់ពង្រាយធនធានទាំងអស់ដែលមានសម្រាប់ពួកគេ ហើយទាំងនេះគឺជាធនធានដ៏សន្ធឹកសន្ធាប់ដើម្បីរុលទៅមុខចូលទីក្រុងមួយចំនួនទៀត។ លោកនិយាយថា ការខ្វះអគ្គិសនីនៅតែបន្តមានសម្រាប់មនុស្សជិត ៩លាននាក់ដែលគ្មានអគ្គិសនីប្រើប្រាស់។ បុគ្គលិកអគ្គិសនីបានជួសជុលបណ្តាញអគ្គិសនី បន្ទាប់ពីការវាយប្រហាររបស់រុស្ស៊ីម្តងហើយម្តងទៀត ដែលបានភ្ជាប់បណ្តាញជាច្រើនឡើងវិញក្នុងឱកាសបុណ្យណូអែល ប៉ុន្តែបញ្ហានៅតែមាន៕អត្ថបទ៖ ប៊ុនថន

ទូកដឹកជនភៀសខ្លួនរ៉ូហ៊ីងយ៉ាប្រមាណ ១៨០នាក់មកដល់ប្រទេសឥណ្ឌូនេស៊ី

ឥណ្ឌូនេស៊ី៖ ទូកដឹកជនភៀសខ្លួនរ៉ូហ៊ីងយ៉ា ១៨៥នាក់បានមកដល់ឆ្នេរសមុទ្រនៅទីក្រុងអាឆេ (Aceh) ប្រទេសឥណ្ឌូនេស៊ីកាលពីថ្ងៃចន្ទ មួយថ្ងៃបន្ទាប់ពីទូកមួយគ្រឿងផ្សេងទៀតដឹកជនជាតិរ៉ូហ៊ីងយ៉ា ៥៧នាក់បានមកដល់ខេត្តនេះ បន្ទាប់ពីបានអណ្តែតជិតមួយខែនៅលើសមុទ្រ។ ទូកពីរគ្រឿងផ្សេងទៀតដែលដឹកជនជាតិរ៉ូហ៊ីងយ៉ាសរុប ២៣០នាក់បានចូលចតនៅខេត្តអាឆេ (Aceh) កាលពីខែមុន ខណៈកងទ័ពជើងទឹករបស់ប្រទេសស្រីលង្កាបានជួយសង្គ្រោះជនជាតិរ៉ូហ៊ីងយ៉ា ១០៤នាក់ក្នុងខែនេះ។ ក្រុមសិទ្ធិមនុស្សបានប៉ាន់ប្រមាណថា ចំនួនប្រជាជនរ៉ូហ៊ីងយ៉ាដែលចាកចេញពីប្រទេសបង់ក្លាដែស តាមទូកនៅឆ្នាំនេះបានកើនឡើងជាង ៥ដងធៀបនឹងឆ្នាំមុនមានចំនួនដល់ជិត ២,៤០០នាក់។ វាមិនច្បាស់នោះទេថា តើការដកវិធានការរឹតត្បិតវីរុស COVID-19 នៅក្នុងតំបន់អាស៊ីអាគ្នេយ៍ដែលជាគោលដៅពេញចិត្ត បានបណ្តាលឱ្យមនុស្សជាច្រើនប្រញាប់ប្រញាល់មកកាន់តំបន់នេះ។ ជនជាតិរ៉ូហ៊ីងយ៉ាជិត ១លាននាក់មកពីសហភាពមីយ៉ាន់ម៉ា កំពុងរស់នៅកន្លែងដែលមានមនុស្សច្រើនក្នុងប្រទេសបង់ក្លាដែសដែលភាគច្រើនជាជនមូស្លីម រួមទាំងរាប់ម៉ឺននាក់ដែលបានភៀសខ្លួនចេញពីប្រទេសកំណើតរបស់ពួកគេ បន្ទាប់ពីយោធារបស់ប្រទេសបានបង្ក្រាបដ៏ឃោរឃៅកាលពីឆ្នាំ២០១៧។ នៅសហភាពមីយ៉ាន់ម៉ាដែលភាគច្រើនកាន់សាសនាព្រះពុទ្ធ ជនជាតិរ៉ូហ៊ីងយ៉ាត្រូវបានបដិសេធមិនផ្តល់សញ្ជាតិ ហើយត្រូវបានគេមើលឃើញថា ជាជនអន្តោប្រវេសន៍ខុសច្បាប់មកពីអាស៊ីខាងត្បូង៕អត្ថបទ៖ ប៊ុនថន

អង្គការសហប្រជាជាតិជួបក្រុមតាលីបង់ និងជំរុញឲ្យកែប្រែបម្រាមមិនឲ្យស្ដ្រីធ្វើការក្នុងអង្គការក្រៅរដ្ឋាភិបាល

អាហ្វហ្គានីស្ថាន៖ យោងតាមសេចក្ដីថ្លែងការណ៍កាលពីថ្ងៃចន្ទ ប្រធានស្ដីទីនៃបេសកកម្មរបស់អង្គការសហប្រជាជាតិប្រចាំនៅប្រទេសអាហ្វហ្គានីស្ថាន បានប្រាប់រដ្ឋមន្ត្រីសេដ្ឋកិច្ចស្ដីទីរបស់រដ្ឋបាលតាលីបង់ ឲ្យកែប្រែការសម្រេចក្នុងការហាមប្រាមស្ត្រីមិនឲ្យចូលបម្រើ នៅតាមបណ្ដាអង្គការក្រៅរដ្ឋាភិបាលអំឡុងកិច្ចប្រជុំ។ បេសកកម្មផ្ដល់ជំនួយសម្រាប់អាហ្វហ្គានីស្ថានហៅកាត់ថា UNAMA បាននិយាយក្នុងសេចក្ដីថ្លែងការណ៍ថា ជនជាតិអាហ្វហ្គានីស្ថានរាប់លាននាក់ត្រូវការជំនួយមនុស្សធម៌ ហើយការដកបម្រាមនេះគឺជារឿងសំខាន់ ដោយបន្ថែមថា ប្រធានស្ដីទី និងជាអ្នកសម្របសម្រួលជំនួយមនុស្សធម៌ របស់បេសកកម្មផ្ដល់ជំនួយសម្រាប់អាហ្វហ្គានីស្ថានលោក Ramiz Alakbarov បានជួបរដ្ឋមន្ត្រីសេដ្ឋកិច្ចរបស់ក្រុមតាលីបង់គឺលោក Mohammad Hanif។ ក្រសួងសេដ្ឋកិច្ចអាហ្វហ្គានីស្ថានបានបញ្ជាឲ្យអង្គការក្រៅរដ្ឋាភិបាលនានា ក្នុងស្រុក និងបរទេសមិនឲ្យទទួលយកស្ត្រីធ្វើជាបុគ្គលិករហូតមានការជូនដំណឹងបន្ថែម។ បទបញ្ជានានាពុំបានដាក់ជូនដោយផ្ទាល់ទៅអង្គការសហប្រជាជាតិជាតិទេ ប៉ុន្តែភាគច្រើននៃកម្មវិធីរបស់ខ្លួនត្រូវបានអនុវត្តន៍ដោយអង្គការក្រៅរដ្ឋាភិបាល ដែលបានដាក់គោលទៅលើបទបញ្ជានោះ។ កាលពីចុងសប្ដាហ៍មុននេះ សហភាពអឺរ៉ុប សហរដ្ឋអាមេរិក និងប្រទេសជាច្រើនលើពិភពលោកបានថ្កោលទោសក្រុមតាលីបង់ ចំពោះបម្រាមមិនឲ្យស្ត្រីចូលបម្រើការងារតាមស្ថាប័នអង្គការក្រៅរដ្ឋាភិបាលនានា នៅក្នុងប្រទេសអាហ្វហ្គានីស្ថាន និងបាននិយាយថា បម្រាមនេះប៉ះពាល់ដល់ដំណើរការផ្ដល់ជំនួយក្នុងប្រទេសនេះ។ ជាមួយគ្នានោះក្រុមមន្ត្រីមកពីអង្គការសហប្រជាជាតិ និងអង្គការក្រៅរដ្ឋាភិបាលរាប់សិបស្ថាប័នបានជួបពិភាក្សាគ្នា អំពីស្ថានភាពនេះក្នុងទីក្រុងកាប៊ុលប្រទេសអាហ្វហ្គានីស្ថាន៕ អត្ថបទ៖ សុខមាន

ប្រធានាធិបតី Xi ជំរុញឱ្យមានវិធានការការពារអាយុជីវិត ខណៈប្រទេសចិនប្រយុទ្ធរលក COVID-19

ចិន៖ ប្រធានាធិបតីចិនលោក Xi Jinping កាលពីថ្ងៃចន្ទបានជំរុញឱ្យក្រុមមន្ត្រីចាត់វិធានការដើម្បីការពារអាយុជីវិត នៅក្នុងសុន្ទរកថាជាសាធារណៈលើកដំបូងរបស់លោកស្តីពីជំងឺ COVID-19 ចាប់តាំងពីទីក្រុងប៉េកាំងបានបន្ធូរបន្ថយវិធានការទប់ស្កាត់យ៉ាងខ្លាំងនៅក្នុងខែនេះ។ ដោយភាគច្រើនបានកាត់ផ្តាច់ចេញពីពិភពលោកទាំងមូលក្នុងអំឡុងពេលជំងឺរាតត្បាត ពេលនេះប្រទេសចិនកំពុងជួបប្រទះការកើនឡើងករណីឆ្លងវីរុសច្រើនបំផុត បន្ទាប់ពីបានដកចេញវិធានការរឹតត្បិតភ្លាមៗដែលបានធ្វើឲ្យប៉ះពាល់ដល់សេដ្ឋកិច្ច។ ការសិក្សាបានប៉ាន់ប្រមាណថា មនុស្សប្រហែល ១លាននាក់អាចស្លាប់ក្នុងរយៈពេលពីរទៅបីខែខាងមុខនេះ។ បច្ចុប្បន្នប្រជាជនជាច្រើនកំពុងប្រឈមនឹងការខ្វះខាតថ្នាំពេទ្យ ខណៈអគារពេទ្យសង្គ្រោះបន្ទាន់ចង្អៀតដោយលំហូរនៃអ្នកជំងឺវ័យចំណាស់ដែលមិនបានចាក់វ៉ាក់សាំង។ យោងតាមទូរទស្សន៍រដ្ឋ CCTV បានឲ្យដឹងថា លោក Xi បាននិយាយនៅក្នុងការណែនាំថា ពេលបច្ចុប្បន្ននេះការបង្ការ និងគ្រប់គ្រងវីរុស COVID-19 នៅក្នុងប្រទេសចិនកំពុងប្រឈមមុខនឹងស្ថានភាពថ្មី និងភារកិច្ចថ្មី។ លោក Xi និយាយថា យើងគួតែចាប់ផ្តើមយុទ្ធនាការសុខភាពជាតិ ក្នុងមធ្យោបាយមានទិសដៅ ពង្រឹងបណ្តាញការពារសហគមន៍សម្រាប់ការបង្ការ និងគ្រប់គ្រងជំងឺរាតត្បាត និងការពារជីវិតមនុស្ស សុវត្ថិភាព និងសុខភាពប្រកបដោយប្រសិទ្ធភាព។ មន្ទីរពេទ្យ និងទីបូជាសពនៅទូទាំងប្រទេសបាននឹងកំពុងពេញទៅដោយអ្នកជំងឺ និងជនរងគ្រោះជំងឺ COVID-19 ខណៈគណៈកម្មការសុខភាពជាតិរបស់ប្រទេសចិនកាលពីថ្ងៃអាទិត្យបានប្រកាសថា ខ្លួននឹងបញ្ឈប់ការចេញផ្សាយស្ថិតិនៃករណីឆ្លងឆ្លង និងអ្នកស្លាប់ប្រចាំថ្ងៃនៅទូទាំងប្រទេស។ ទីក្រុងប៉េកាំងបានទទួលស្គាល់ថា ទំហំនៃការផ្ទុះឡើងវីរុសគឺមិនអាចធ្វើទៅបានក្នុងការតាមដាន បន្ទាប់ពីបញ្ចប់ការធ្វើតេស្តទ្រង់ទ្រាយធំជាកាតព្វកិច្ច ដោយសារប្រជាជនពុំប្រកាសលទ្ធផលតេស្តជាកាតព្វកិច្ចដល់អាជ្ញាធរ៕អត្ថបទ៖ ប៊ុនថន

មនុស្ស ១៣នាក់ស្លាប់ក្នុងគ្រោះជំនន់ទឹកភ្លៀង ខណៈរំខានដល់ការប្រារព្ធពិធីបុណ្យណូអែលនៅហ្វីលីពីន

ហ្វីលីពីន៖ ក្រុមអាជ្ញាធរហ្វីលីពីនកាលពីថ្ងៃចន្ទបានរាយការណ៍ថា មនុស្សយ៉ាងហោចណាស់ ១៣នាក់បានស្លាប់ដោយសារទឹកជំនន់បណ្ដាលមកពីភ្លៀងធ្លាក់ខ្លាំងនៅក្នុងខេត្តមួយចំនួនភាគខាងត្បូង ខណៈការប្រារព្ធពិធីបុណ្យណូអែលត្រូវបានរំខាន សម្រាប់មនុស្សរាប់ពាន់នាក់ដែលត្រូវបានបង្ខំឲ្យជម្លៀសចេញពីលំនៅឋាន។រូបភាពនៅតាមបណ្ដាញសង្គមបង្ហាញពីក្រុមបុគ្គលិកសង្គ្រោះ កំពុងជួយប្រជាពលរដ្ឋចេញពីទឹកជំនន់ជម្រៅត្រឹមទ្រូង បង្កឡើងដោយភ្លៀងធ្លាក់ខ្លាំង ២ថ្ងៃជាប់គ្នានៅភាគកណ្ដាល និងខាងត្បូងប្រទេសហ្វីលីពីន។ ក្នុងការសរុបចំនួនជនរងគ្រោះចុងក្រោយរបស់ខ្លួន ទីភ្នាក់ងារគ្រោះមហន្តរាយជាតិបានរាយការណ៍អ្នកស្លាប់ចំនួន ១៣នាក់ភាគច្រើនបានស្លាប់ដោយសារលង់ទឹក ខណៈមនុស្ស ២៣នាក់នៅតែបាត់ខ្លួននៅឡើយ។ ក្នុងចំណោមអ្នកស្លាប់ទាំងនោះភាគច្រើនរស់នៅតាមតំបន់ភ្នំ និងខេត្ត Misamis Occidental ស្ថិតនៅតំបន់ឆ្នេរសមុទ្រ។ទិន្នន័យពីក្រសួងសុខុមាលភាពសង្គមបានបង្ហាញកាលពីថ្ងៃចន្ទថា មនុស្សជិត ៤៦.០០០នាក់កំពុងស្នាក់នៅក្នុងមជ្ឈមណ្ឌលបណ្ដោះអាសន្ន។ ប្រជាពលរដ្ឋម្នាក់រស់នៅក្នុងខេត្ត Misamis Occidental បានប្រាប់វិទ្យុ DZRH ថា យើងត្រូវការអាហារ។ ផ្ទះសម្បែង និងសត្វចិញ្ចឹមរបស់យើងហូរកួចទៅតាមទឹកជំនន់អស់ហើយ គ្មានសល់អ្វីទេ សូម្បីតែសម្លៀកបំពាក់៕អត្ថបទ៖ សុខមាន

អ្នកស្លាប់ដោយសារព្រិលធ្លាក់ខ្លាំងនៅជប៉ុនកើនឡើងដល់ ១៧នាក់ និង ៩៣នាក់រងរបួស

ជប៉ុន៖ មនុស្សចំនួន ១៧នាក់នៅក្នុងប្រទេសជប៉ុនបានស្លាប់ និង ៩៣នាក់រងរបួសដោយសារព្រិលធ្លាក់ខ្លាំង។ ចំនួននេះទទួលបានពីទីភ្នាក់ងារពន្លត់អគ្គិភ័យ និងគ្រប់គ្រងគ្រោះមហន្តរាយជាតិរបស់ជប៉ុនកាលពីព្រឹកថ្ងៃចន្ទ។ កាលពីថ្ងៃសៅរ៍ចុងសប្ដាហ៍កន្លងទៅនេះ អ្នកស្លាប់មានត្រឹមតែ ១១នាក់ប៉ុណ្ណោះ។ ក្រុមមន្ត្រីបានព្រមានពលរដ្ឋឲ្យបង្កើនការប្រុងប្រយ័ត្ន ខណៈកំពុងកាយព្រិលចេញពីលំនៅឋានរបស់ពួកគេ។ អ្នកស្លាប់ថ្មីៗភាគច្រើនបានកើតឡើងនៅពេលមនុស្សធ្លាក់ ពេលកំពុងកាយព្រិលចេញពីដំបូលផ្ទះរបស់ពួកគេ។ ក្នុងចំណោមអ្នកស្លាប់រួមស្ត្រីចំណាស់វ័យប្រហែល ៧០ឆ្នាំដែលត្រូវបានប្រទះឃើញក្រោមគំនរព្រិលនៅផ្ទះរបស់គាត់ក្នុងទីក្រុង Nagai ស្ថិតចំងាយប្រមាណ ១៨០ម៉ាយល៍ភាគខាងជើងទីក្រុង Tokyo។ ព្រិលបានធ្លាក់ខ្លាំងនៅផ្នែកភាគខាងជើងប្រទេសនេះ ដែលបានប៉ះពាល់ដល់ស្ថានីយបញ្ជូនថាមពលអគ្គិសនីមួយ ដោយកាត់ផ្ដាច់ការផ្គត់ផ្គង់ដល់អ្នកប្រើប្រាស់ប្រមាណ ២០.០០០គ្រួសារពុំមានថាមពលអគ្គិសនីនៅព្រឹកថ្ងៃបុណ្យ Christmas។ មន្ត្រីនិយាយថា ក្រោយមកនៅថ្ងៃដដែល ពលរដ្ឋភាគច្រើនត្រូវបានក្រុមអាជ្ញាធរតភ្ជាប់បណ្ដាញអគ្គិសនីឡើងវិញ៕អត្ថបទ៖ សុខមាន

ចំនួនអ្នកស្លាប់ឡើងដល់ ៥៧នាក់ ខណៈសីតុណ្ហភាពត្រជាក់ និងព្រិលធ្លាក់ខ្លាំងវាយប្រហារសហរដ្ឋអាមេរិក

អាមេរិក៖ ក្រុមមន្ត្រីបាននិយាយកាលពីថ្ងៃចន្ទថា ព្យុះព្រិលដ៏ធ្ងន់ធ្ងរមិនធ្លាប់មានបានសម្លាប់មនុស្សយ៉ាងហោចណាស់ ៥៧នាក់នៅសហរដ្ឋអាមេរិក រួមទាំង ២៧នាក់នៅតំបន់ Erie ភាគខាងលិចរដ្ឋ New York។ អភិបាលតំបន់លោក Mark Poloncarz បាននិយាយនៅសន្និសីទសារព័ត៌មានថា គេរំពឹងថាចំនួនអ្នកស្លាប់ដោយសារព្យុះព្រិលដ៏ខ្លាំងក្លានេះអាចនឹងកើនឡើងថែមទៀត ខណៈព្រិលនៅតែបន្តគ្របដណ្ដប់តំបន់ Erie ដែលបណ្ដាលឲ្យផ្លូវនានានៅក្នុងតំបន់ជាច្រើនមិនអាចធ្វើដំណើរឆ្លងកាត់បាន រួមទាំងភាគច្រើននៅក្នុងទីក្រុង Buffalo។ អភិបាលរដ្ឋ New York និយាយថា ព្យុះព្រិលរដូវរងាដ៏ធ្ងន់ធ្ងរជាប្រវត្តិសាស្ត្រនេះ បានបោកបក់ពាសពេញអាមេរិកខាងជើង និងប្រែទីក្រុង Buffalo ដូចជាតំបន់សង្គ្រាម។ យោងតាមសារព័ត៌មាន NBC News ដោយបោកបក់ចេញពីតំបន់ Great Lakes ជិតប្រទេសកាណាដារហូតដល់តំបន់ Rio Grande ស្ថិតនៅតាមព្រំដែនម៉ិកស៊ិក ព្រិលនេះបានសម្លាប់មនុស្សយ៉ាងហោចណាស់ ៥៧នាក់គិតត្រឹមព្រឹកថ្ងៃចន្ទ។ ចំនួនអ្នកស្លាប់ត្រូវបានកត់ត្រានៅក្នុងរដ្ឋចំនួន ១២ ដូចជារដ្ឋ Colorado, Illinois, Kansas, Kentucky, Michigan, Missouri, Nebraska, New York, Ohio, Oklahoma, Tennessee និងរដ្ឋ Wisconsin៕ អត្ថបទ៖ សុខមាន

សម្តេចកិត្តិព្រឹទ្ធបណ្ឌិត អញ្ជើញសំណេះសំណាល និងបំពាក់គ្រឿងឥស្សរិយយសជូននិវត្តជនកាកបាទក្រហមកម្ពុជា

ភ្នំពេញ៖ នៅល្ងាចថ្ងៃចន្ទ ទី២៦ ខែធ្នូ ឆ្នាំ២០២២នេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា អញ្ជើញជួបសំណេះសំណាល សួរសុខទុក្ខ និងបំពាក់គ្រឿងឥស្សរិយយសជូននិវត្តន៍ជន-មន្ត្រីកាកបាទក្រហមកម្ពុជា ដែលធ្លាប់បានបម្រើការងារមនុស្សធម៌យ៉ាងសកម្មជាមួយកាកបាទក្រហមកម្ពុជា នាពេលកន្លងមក។ពិធីនេះប្រព្រឹត្តទៅនៅទីស្នាក់ការកណ្តាលកាកបាទក្រហមកម្ពុជា ដោយមានការអញ្ជើញចូលរួមពីសំណាក់ សម្ដេចចៅហ្វាវាំង វរវៀងជ័យ អធិបតីស្រឹង្គារ គង់ សំអុល អនុប្រធានអចិន្រ្តៃយ៍ លោកជំទាវ ឯកឧត្តម អនុប្រធាន អគ្គហេរញ្ញិក សមាជិកគណៈកម្មាធិការកណ្តាល និវត្តន៍ជន និងក្រុមប្រតិបត្តិសរុបប្រមាណ ៨០នាក់។ក្នុងឱកាសនោះ សម្តេចកិត្តិព្រឹទ្ធបណ្ឌិត បានថ្លែងដោយក្តីសោមនស្សរីករាយដោយបានជួបសំណេះសំណាលសួរសុខទុក្ខ ជាមួយនិវត្តន៍ជន និងមន្ត្រីកាកបាទក្រហមកម្ពុជាទាំងអស់។ សម្តេចកិត្តិព្រឹទ្ធបណ្ឌិត បានថ្លែងអំណរគុណយ៉ាងជ្រាលជ្រៅបំផុតប្រកបដោយមោទកភាពយ៉ាងក្រៃលែងចំពោះបងប្អូននិវត្តន៍ជនទាំងអស់ ដែលបានពលិកម្មគ្រប់បែបយ៉ាង ខិតខំប្រឹងប្រែងអស់ពីកម្លាំងកាយចិត្តបំពេញការងារមនុស្សធម៌ជាមួយកាកបាទក្រហមកម្ពុជាតាំងពីដើមរហូតមក ដែលអ្នកខ្លះបានបំពេញការងារមុនពេលសម្តេចកិត្តិព្រឹទ្ធបណ្ឌិត ធ្វើជាប្រធានកាកបាទក្រហមកម្ពុជាមកម្លេះ។សមិទ្ធផល ស្នាដៃ និងជោគជ័យ តាំងពីដើម រហូតដល់បច្ចុប្បន្ន ក៏ដូចជាទៅអនាគត គឺបានដោយសារការចូលរួមពីបងប្អូននិវត្តន៍ជន និងមន្ត្រី អ្នកស្ម័គ្រចិត្ត យុវជនកាកបាទក្រហមកម្ពុជាយេីងទាំងអស់ ដែលបាននិងកំពុងជួយសម្រាលការលំបាកដល់បងប្អូនប្រជាពលរដ្ឋងាយរងគ្រោះបំផុត និងរងគ្រោះដោយគ្រោះមហន្តរាយផ្សេងៗ ដូចជាគ្រោះទឹកជំនន់ ខ្យល់កន្ត្រាក់ ភ្លើងឆេះផ្ទះ។ល។ ជាពិសេសបានរួមចំណែកធ្វើឱ្យកាកបាទក្រហមកម្ពុជា មានឈ្មោះល្បីរន្ទឺ ខ្ពស់មុខខ្ពស់មាត់លើឆាកអន្តរជាតិ។ជាចុងក្រោយ សម្តេចកិត្តិព្រឹទ្ធបណ្ឌិត បានជូនពរដល់និវត្តន៍ជន គណៈកម្មាធិការកណ្តាល មន្ត្រី អ្នកស្ម័គ្រចិត្ត យុវជនកាកបាទក្រហមកម្ពុជាទាំងអស់ ជាពិសេសក្នុងឱកាសបុណ្យចូលឆ្នាំថ្មីឆ្នាំសកល២០២៣ សូមមានសុខភាពល្អ ជោគជ័យគ្រប់ភារកិច្ច និងជួបប្រទះតែនឹងព្រះពុទ្ធពរទាំង៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

បណ្ដាញសង្គម

ព័ត៌មានថ្មីៗ

មនុស្ស១០នាក់ស្លាប់នៅប៉ាគីស្ថាន ខណៈទីក្រុងការ៉ាជីរបស់ប្រទេសនេះកំពុងទប់ទល់នឹងថ្ងៃក្ដៅបំផុតក្នុងពេល៨ឆ្នាំ

កម្ពុជាកំពុងរៀបចំក្របខណ្ឌនៃការអភិវឌ្ឍ និងការគ្រប់គ្រងមណ្ឌលអាជីវកម្មកំពង់ផែទន្លេភ្ជាប់ទៅសមុទ្រ

គំនូរនៅលើផ្លូវ និងជញ្ជាំងនៅទីក្រុង Rio បង្ហាញពីការគាំទ្រលើទឹកដីក្រុមជម្រើសជាតិប្រេស៊ីល

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញជាអធិបតីក្នុងសន្និបាតបូកសរុបលទ្ធផលការងារ និងលើកទិសដៅបន្តរបស់គណៈកម្មាធិការជាតិលើកកម្ពស់សីលធម៌សង្គម តម្លៃស្ត្រី និងគ្រួសារខ្មែរ

អង្គភាពសេវាសម្ងាត់និយាយថា មន្ត្រីរបស់ខ្លួនបានបាញ់ជនសង្ស័យប្រដាប់អាវុធនៅជិតសេតវិមាន

អ្នកចាំទីវ័យចំណាស់ដល់ ៧០ ឆ្នាំនៅតែអាចបង្ហាញខ្លួនការប្រកួតផ្លូវការបាននៅអេស្ប៉ាញ

ការជម្លៀសត្រូវបានគ្រោងទុក ខណៈការផ្ទុះឡើងវីរុស Hanta ធ្វើឲ្យជាប់មនុស្ស១៥០នាក់នៅលើនាវាទេសចរណ៍នៅអាហ្វ្រិកខាងលិច

ស្ថានទូតអាមេរិកប្រចាំនៅអារ៉ាប់រួម ចេញការព្រមានអំពី «ការគំរាមកំហែងតាមអាកាសដ៏ខ្លាំងក្លា»

សេវាតាមដាននាវាដឹកប្រេង៖ អ៊ីរ៉ង់អាចប្រើប្រាស់ការនាំចេញប្រេងដែលផ្លូវទឹកត្រូវបានបិទសម្រាប់ការប្រើប្រាស់ក្នុងស្រុក

អធិការបតីអាល្លឺម៉ង់៖ អ៊ីរ៉ង់ ត្រូវតែបញ្ឈប់ការយកពិភពលោកធ្វើជាចំណាប់ខ្មាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្ដេចតេជោ ហ៊ុន សែន អញ្ជើញជាអធិបតីបិទសន្និបាតក្រសួងរៀបចំដែនដី នគររូបនីយកម្ម និងសំណង់

កាំភ្លើងធំអ៊ុយក្រែនដាក់គោលដៅទីតាំងរបស់រុស្ស៊ី ខណៈលោក Zelenskiy និយាយថា ស្ថានភាពនៅសមរភូមិពិបាក

ទូកដឹកជនភៀសខ្លួនរ៉ូហ៊ីងយ៉ាប្រមាណ ១៨០នាក់មកដល់ប្រទេសឥណ្ឌូនេស៊ី

ប្រធានាធិបតី Xi ជំរុញឱ្យមានវិធានការការពារអាយុជីវិត ខណៈប្រទេសចិនប្រយុទ្ធរលក COVID-19

មនុស្ស ១៣នាក់ស្លាប់ក្នុងគ្រោះជំនន់ទឹកភ្លៀង ខណៈរំខានដល់ការប្រារព្ធពិធីបុណ្យណូអែលនៅហ្វីលីពីន

អ្នកស្លាប់ដោយសារព្រិលធ្លាក់ខ្លាំងនៅជប៉ុនកើនឡើងដល់ ១៧នាក់ និង ៩៣នាក់រងរបួស

ចំនួនអ្នកស្លាប់ឡើងដល់ ៥៧នាក់ ខណៈសីតុណ្ហភាពត្រជាក់ និងព្រិលធ្លាក់ខ្លាំងវាយប្រហារសហរដ្ឋអាមេរិក

សម្តេចកិត្តិព្រឹទ្ធបណ្ឌិត អញ្ជើញសំណេះសំណាល និងបំពាក់គ្រឿងឥស្សរិយយសជូននិវត្តជនកាកបាទក្រហមកម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្ដេចតេជោ ហ៊ុន សែន អញ្ជើញជាអធិបតីបិទសន្និបាតក្រសួងរៀបចំដែនដី នគររូបនីយកម្ម និងសំណង់

កាំភ្លើង​ធំ​អ៊ុយ​ក្រែ​ន​ដាក់​គោលដៅ​ទីតាំង​របស់​រុស្ស៊ី ខណៈ​លោក Zelenskiy និយាយថា ​ស្ថានភាព​នៅ​សមរភូមិ​ពិបាក​

ទូក​ដឹក​ជនភៀសខ្លួន​រ៉ូ​ហ៊ីង​យ៉ា​ប្រមាណ ​១៨០​នាក់​មកដល់​ប្រទេស​ឥណ្ឌូនេស៊ី

ប្រធានាធិបតី Xi ជំរុញឱ្យមាន​វិធាន​ការការពារ​អាយុជីវិត ខណៈ​ប្រទេស​ចិន​ប្រយុទ្ធ​រលក​ COVID-19

អ្នកស្លាប់​ដោយសារ​ព្រិល​ធ្លាក់​ខ្លាំង​នៅ​ជប៉ុន​កើនឡើង​ដល់​ ១៧នាក់ និង ​៩៣​នាក់​រងរបួស​

សម្តេចកិត្តិព្រឹទ្ធបណ្ឌិត អញ្ជើញសំណេះសំណាល និងបំពាក់គ្រឿងឥស្សរិយយសជូននិវត្តជនកាកបាទក្រហមកម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កាំភ្លើងធំអ៊ុយក្រែនដាក់គោលដៅទីតាំងរបស់រុស្ស៊ី ខណៈលោក Zelenskiy និយាយថា ស្ថានភាពនៅសមរភូមិពិបាក

ទូកដឹកជនភៀសខ្លួនរ៉ូហ៊ីងយ៉ាប្រមាណ ១៨០នាក់មកដល់ប្រទេសឥណ្ឌូនេស៊ី

ប្រធានាធិបតី Xi ជំរុញឱ្យមានវិធានការការពារអាយុជីវិត ខណៈប្រទេសចិនប្រយុទ្ធរលក COVID-19

អ្នកស្លាប់ដោយសារព្រិលធ្លាក់ខ្លាំងនៅជប៉ុនកើនឡើងដល់ ១៧នាក់ និង ៩៣នាក់រងរបួស