BTV NEWS

សម្ដេចធិបតី៖ កម្ពុជា នឹងប្រើយន្តការនៃការផ្សះផ្សារដោយចាប់បង្ខំ ដោះស្រាយដែនសមុទ្រត្រួតគ្នាកម្ពុជា-ថៃ

សម្តេចធិបតីនឹងដឹកនាំគណៈប្រតិភូជាន់ខ្ពស់អញ្ជើញចូលរួមកិច្ចប្រជុំកំពូលអាស៊ាន លើកទី៤៨ នៅកោះសេប៊ូ សាធារណរដ្ឋហ្វីលីពីន

សម្តេចធិបតី៖ ការធានាសុវត្ថិភាពព័ត៌មាន រក្សាព័ត៌មានសម្ងាត់របស់ជាតិ ក្នុងកាលៈទេសៈនៃវិបត្តិមិនមែនជាការរឹតត្បិតសេរីភាពខាងសារព័ត៌មាននោះទេ

សម្តេចធិបតី៖ការស្ទង់មតិឆ្លុះបញ្ចាំងឱ្យឃើញថាកម្ពុជាកំពុងពង្រឹងវិស័យព័ត៌មាន សេរីព័ត៌មាន និងការអភិវឌ្ឍវិជ្ជាជីវៈ

ព័ត៌មានសំខាន់ៗ

សម្ដេចតេជោ ហ៊ុន សែន អញ្ជើញដឹកនាំគណៈប្រតិភូជាន់ខ្ពស់ចាកចេញពីទីក្រុងព្រុចសែលមកកាន់មាតុប្រទេសវិញ

ភ្នំពេញ ៖ នៅម៉ោង៩.០០នាទីព្រឹក ថ្ងៃទី១៥ ខែធ្នូ ២០២២ ម៉ោងនៅទីក្រុងព្រុចសែល ប្រទេសបែលហ្ស៊ិកត្រូវនឹងម៉ោង១៥.០០នាទីរសៀលម៉ោងនៅទីក្រុងភ្នំពេញ ប្រទេសកម្ពុជា សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញដឹកនាំគណៈប្រតិភូជាន់ខ្ពស់កម្ពុជាចាកចេញពីទីក្រុងព្រុចសែល ប្រទេសបែលហ្សិក មកកាន់មាតុប្រទេសវិញហើយ បន្ទាប់ពីបានអញ្ជើញបំពេញការងាររយៈពេល៥ថ្ងៃនៅតំបន់អឺរ៉ុប។ វត្តមានមន្ត្រីថ្នាក់ដឹកនាំជូនដំណើរ សម្ដេចតេជោ នាយករដ្ឋមន្ត្រី និងគណៈប្រតិភូនៅអាកាសយានដ្ឋានអន្តរជាតិទីក្រុងព្រុចសែល មានថ្នាក់ដឹកនាំសហភាពអឺរ៉ុប ឯកអគ្គរាជទូតកម្ពុជាប្រចាំនៅប្រទេសបែលហ្សិក និងមន្ត្រីថ្នាក់ដឹកនាំសំខាន់ៗជាច្រើនទៀត។ សូមជម្រាបថា សម្ដេចតេជោ នាយករដ្ឋមន្ត្រី បានអញ្ជើញមកកាន់តំបន់អឺរ៉ុប គឺដើម្បីធ្វើជាសហប្រធាននៃកិច្ចប្រជុំកំពូលរំលឹកខួបអនុស្សាវរីយ៍អាស៊ាន-សហភាពអឺរ៉ុប និងដើម្បីអបអរសាទរខួប៥៤ ឆ្នាំ នៃទំនាក់ទំនងដៃគូសន្ទនាអាស៊ាន-សហភាពអឺរ៉ុប ដែលកិច្ចប្រជុំនេះបានធ្វើឡើងកាលថ្ងៃទី១៤ ខែធ្នូ ឆ្នាំ២០២២ម្សិលមិញ នៅទីក្រុងព្រុចសែល។ ក្រៅពីអញ្ជើញចូលរួមក្នុងកិច្ចប្រជុំនេះ សម្ដេចតេជោ ក៏មានជំនួបជាមួយថ្នាក់ដឹកនាំសំខាន់ៗជាច្រើនទៀតផងដែរ៕

ប្រទេសចិនដកមន្ត្រីស្ថានកុងស៊ុល ៦នាក់ចេញពីចក្រភពអង់គ្លេស ក្រោយមានការតវ៉ា

អង់គ្លេស៖ រដ្ឋមន្ត្រីការបរទេសអង់គ្លេសបាននិយាយថា ប្រទេសចិនបានដកមន្ត្រីចំនួន ៦នាក់ចេញពីចក្រភពអង់គ្លេស រួមមានទាំងអគ្គកុងស៊ុលម្នាក់ដែលនគរបាលចង់សាកសួរ ជុំវិញអំពើហិង្សាលើក្រុមបាតុករនៅស្ថានកុងស៊ុលចិននៅទីក្រុង Manchester កាលពីខែតុលា។ រដ្ឋមន្ត្រីការបរទេសអង់គ្លេសលោក James Cleverly បាននិយាយកាលពីថ្ងៃពុធថា រដ្ឋាភិបាលចិនបានដកមន្ត្រីដែលទទួលខុសត្រូវចំពោះឧប្បត្តិហេតុកាលពីខែតុលា ដែលបាតុករម្នាក់ទំនងជាត្រូវបានទាញចូលទៅខាងក្នុងបរិវេណស្ថានកុងស៊ុលចិន និងត្រូវបានវាយដំ។ ឧបទ្ទវហេតុនេះបានកើតឡើង អំឡុងពេលមានការប៉ះទង្គិចគ្នានៅក្នុងបាតុកម្មគាំទ្រលទ្ធិប្រជាធិបតេយ្យនៅខាងក្រៅស្ថានកុងស៊ុល ជាកន្លែងដែលបដា និងផ្ទាំងពាក្យសរសេរប្រឆាំងបក្សកុម្មុយនិស្តចិនដែលកំពុងកាន់អំណាច និងប្រឆាំងប្រធានាធិបតីលោក Xi Jinping ត្រូវបានគេមើលឃើញ។លោក Cleverly បាននិយាយថា មន្ត្រីការទូតចំនួន ៦នាក់ត្រូវបានស្នើសុំឱ្យលើកលែងអភ័យឯកសិទ្ធិការទូតរបស់ពួកគេ ជាផ្នែកមួយនៃការសាកសួរដោយនគរបាលទីក្រុង Greater Manchester ដោយថ្ងៃផុតកំណត់នៅថ្ងៃពុធ ប៉ុន្តែពេលនេះប្រទេសចិនបានដកមន្ត្រីទាំងនោះរួមទាំងអគ្គកុងស៊ុល។ ស្ថានទូតចិនក្នុងចក្រភពអង់គ្លេសនិយាយលើគេហទំព័ររបស់ខ្លួនថា អគ្គកុងស៊ុលក្នុងទីក្រុង Manchester បានបញ្ចប់អាណត្តិរបស់លោក ហើយត្រូវត្រលប់មកប្រទេសចិនវិញ ដែលនេះជាការប្តូរវេនធម្មតារបស់មន្ត្រីកុងស៊ុលចិន៕អត្ថបទ៖ ប៊ុនថន

ពលរដ្ឋទីក្រុង Kyiv មានអារម្មណ៍មិនអស់ចិត្តចំពោះការវាយប្រហារដោយយានដ្រូនរបស់រុស្ស៊ី ប៉ុន្តែនៅតែផ្គើន

អ៊ុយក្រែន៖ ការវាយប្រហារដោយយានដ្រូនរបស់រុស្សីកាលពីព្រឹកថ្ងៃពុធ បានធ្វើឲ្យពលរដ្ឋទីក្រុង Kyiv មិនអស់ចិត្ត ប៉ុន្តែពុំបានប៉ះពាល់ដល់ជំហររបស់ពួកគេចំពោះសង្គ្រាមនោះទេ។ យានដ្រូនមួយគ្រឿងបានវាយកម្ទេចដំបូលអគារមួយកន្លែងនៅភាគកណ្តាលទីក្រុង Kyiv ប៉ុន្តែមន្ត្រីទីក្រុងបាននិយាយថា ប្រព័ន្ធការការពារដែនអាកាសបានការពារការបំផ្លាញធ្ងន់ធ្ងរ។ ពលរដ្ឋម្នាក់កំពុងត្រៀមខ្លួនដើម្បីធ្វើការ បាននិយាយថា លោកបានឃើញពន្លឺដ៏ភ្លឺនៃគ្រាប់ផ្ទុះ ហើយកញ្ចក់រថយន្តរបស់លោកត្រូវបានគេមើលឃើញបែកខ្ទេច ប៉ុន្តែទោះបីជាមានបញ្ហានេះក៏ដោយលោកនៅតែផ្គើនមិនព្រមចាកចេញ។ រុស្ស៊ីមានបំណងឲ្យយើងរស់នៅដោយគ្មានអគ្គិសនីប្រើប្រាស់ ធ្វើឱ្យមនុស្សគ្រប់គ្នារងទុក្ខលំបាក។ អ្នកនាំពាក្យកងទ័ពអាកាសអ៊ុយក្រែនលោក Yuriy Ihnat បាននិយាយថា ការវាយប្រហារនេះមានបំណងធ្វើឲ្យទីក្រុងងងឹត ដើម្បីធ្វើឱ្យវាពិបាកក្នុងការបាញ់ទម្លាក់យានដ្រូន ប៉ុន្តែប្រព័ន្ធការពារដែនអាកាសរបស់អ៊ុយក្រែនមានប្រសិទ្ធភាព៕អត្ថបទ៖ ប៊ុនថន

ប្រធានអង្គការសុខភាពពិភពលោកសង្ឃឹមថា ជំងឺCOVID-19 នឹងលែងជាភាពអាសន្ននៅឆ្នាំក្រោយទៀតហើយ

WHO៖ ប្រធានអង្គការសុខភាពពិភពលោក លោក Tedros Adhanom Ghebreyesus បាននិយាយកាលពីថ្ងៃពុធថា លោកសង្ឃឹមថា ជំងឺរាតត្បាត COVID-19 នឹងលែងត្រូវបានចាត់ទុកថា ជាភាពអាសន្នសកលទៀតហើយនៅឆ្នាំក្រោយ។ ស្ថាប័នអង្គការសុខភាពពិភពលោក(WHO) ជួបប្រជុំរៀងរាល់ពីរទៅបីខែម្តងដើម្បីសម្រេចថា តើវីរុសកូរ៉ូណាថ្មីដែលបានលេចឡើងកាលពី ៣ឆ្នាំមុននៅទីក្រុង Wuhan ប្រទេសចិន និងបានសម្លាប់មនុស្សជាង ៦.៦លាននាក់នៅតែបង្ហាញឱ្យភាពអាសន្នសុខភាពសាធារណៈ នៃការព្រួយបារម្ភអន្តរជាតិដែរឬទេ។ នៅពេលសួរអំពីលក្ខខណ្ឌដែលត្រូវការ សម្រាប់ការបញ្ចប់ភាពអាសន្នសុខភាពសាធារណៈនៃការព្រួយបារម្ភអន្តរជាតិ អ្នកជំនាញជាន់ខ្ពស់ជំងឺរាតត្បាតរបស់អង្គការសុខភាពពិភពលោក លោកស្រី Maria Van Kerkhove បាននិយាយថា «មានការងារច្រើនទៀតដែលត្រូវធ្វើបន្ត»។ នាយកផ្នែកសង្គ្រោះបន្ទាន់របស់អង្គការសុខភាពពិភពលោក លោក Mike Ryan បាននិយាយអំពីបញ្ហាដូចគ្នានេះថា ប្រសិនបើមានចំនួនប្រជាជនច្រើនដែលមិនទាន់បានចាក់វ៉ាក់សាំង ពិភពលោកនៅតែមានការងារជាច្រើនដែលត្រូវធ្វើបន្តទៀត។ លោក Ryan និយាយថា ការឆ្លងជំងឺ COVID-19 កំពុងផ្ទុះឡើងនៅក្នុងប្រទេសចិន មុនពេលការសម្រេចចិត្តរបស់រដ្ឋាភិបាលក្នុងការបោះបង់ចោលគោលនយោបាយ «គ្មាន COVID» ដ៏តឹងរឹងរបស់ខ្លួន។ ការអត្ថាធិប្បាយរបស់នាយកផ្នែកសង្គ្រោះបន្ទាន់របស់អង្គការ WHO ធ្វើឡើងនៅពេលដែលលោកបានព្រមានអំពីតម្រូវការក្នុងការបង្កើនការចាក់វ៉ាក់សាំង នៅក្នុងប្រទេសមានសេដ្ឋកិច្ចលំដាប់ទី២ របស់ពិភពលោក។ លោកនិយាយថា នៅពេលនេះ ប្រទេសចិនបានដកវិធានការរឹតត្បិត ហើយភ្លាមៗជំងឺនេះពុំអាចគ្រប់គ្រងបាននោះទេ។ ទីក្រុងប៉េកាំងបានចាប់ផ្តើមងាកចេញពីគោលនយោបាយ «គ្មាន COVID» បន្ទាប់ពីការតវ៉ាប្រឆាំងការទប់ស្កាត់ដែលបានធ្វើឲ្យប៉ះពាល់ដល់សេដ្ឋកិច្ច ដែលដឹកនាំដោយប្រធានាធិបតីលោក Xi Jinping។ ការបន្ធូរបន្ថយវិធានការរឹតត្បិតភ្លាមៗ បានបង្កឱ្យមានការតម្រង់ជួរដ៏វែងនៅខាងក្រៅគ្លីនិក ព្យាបាលជំងឺគ្រុនក្តៅក្នុងសញ្ញាគួរឱ្យព្រួយបារម្ភថា រលកនៃការឆ្លងកំពុងកើនឡើង ទោះបីជាចំនួនផ្លូវការនៃករណីថ្មីមាននិន្នាការទាប ដោយសារអាជ្ញាធរបានបន្ធូរបន្ថយការធ្វើតេស្តឡើងវិញ៕អត្ថបទ៖ ប៊ុនថន

មនុស្សកាន់តែច្រើនកំពុងស្លាប់នៅសូម៉ាលី ខណៈគ្រោះមហន្តរាយស្បៀងអាហារកាន់តែធ្ងន់ធ្ងរខ្លាំង

សូម៉ាលី៖ យោងតាមអ្នកវិភាគរបស់ទីភ្នាក់ងារអង្គការសហប្រជាជាតិ និងក្រុមផ្ដល់ជំនួយផ្សេងៗ ជនជាតិសូម៉ាលីជាង ២០០.០០០នាក់កំពុងរងគ្រោះដោយសារកង្វះស្បៀងអាហារធ្ងន់ធ្ងរបំផុត និងមនុស្សកាន់តែច្រើនទៀតកំពុងស្លាប់ដោយសារភាពអត់ឃ្លាន ដែលចំនួនអាចនឹងកើនឡើងដល់ជាង ៧០០.០០០នាក់នៅឆ្នាំក្រោយ។ការចាត់ថ្នាក់ដំណាក់កាលសន្តិសុខស្បៀងចម្រុះ (IPC) ដែលកំណត់ស្តង់ដារសកលសម្រាប់កំណត់ភាពធ្ងន់ធ្ងរនៃវិបត្តិអាហារបាននិយាយថា កម្រិតធ្ងន់ធ្ងរបំផុតរបស់ខ្លួនគឺ "គ្រោះទុរ្ភិក្សដំណាក់កាលទី៥ របស់ IPC" ត្រូវបានលុបចោលជាបណ្តោះអាសន្ន ប៉ុន្តែបញ្ហាផ្សេងៗទៀតកាន់តែធ្ងន់ធ្ងរទៅៗ។ លោក Jens Laerke អ្នកនាំពាក្យការិយាល័យមនុស្សធម៌របស់អង្គការសហប្រជាជាតិ (OCHA) បាននិយាយថា គ្រោះទុរ្ភិក្សនៅតែបន្តកើតមាន ប៉ុន្តែគ្មាននរណាដឹងថា តើវានឹងបន្តយូរប៉ុណ្ណាទៀតនោះទេ។លោកប្រាប់សន្និសីទសារព័ត៌មាននៅទីក្រុង Geneva បន្ទាប់ពីការចាត់ថ្នាក់ដំណាក់កាលសន្តិសុខស្បៀងចម្រុះចុងក្រោយនៅសូម៉ាលីថា មនុស្សកាន់តែច្រើនឡើងកំពុងស្លាប់ ដោយសារតែភាពអត់ឃ្លានដោយគ្មានការសង្ស័យ ប៉ុន្តែខ្ញុំមិនអាចកំណត់ចំនួនបានទេ។ គ្រោះរាំងស្ងួតរយៈពេល ២ឆ្នាំបានបំផ្លិចបំផ្លាញដំណាំ និងសត្វចិញ្ចឹមទូទាំងតំបន់ដាច់ស្រយាលនៃប្រទេសនៅទ្វីបអាហ្វ្រិក ខណៈដែលតម្លៃស្បៀងអាហារនាំចូលបានកើនឡើងខ្ពស់ ដោយសារតែសង្គ្រាមនៅអ៊ុយក្រែន៕អត្ថបទ៖ សុខមាន

អង្គការសហប្រជាជាតិរារាំងរបបសឹកសហភាពមីយ៉ាន់ម៉ាមិនឲ្យមានកៅអីនៅអង្គការសហប្រជាជាតិ

UN៖ គណៈកម្មការជាន់ខ្ពស់មួយរបស់អង្គការសហប្រជាជាតិ បានរារាំងជាថ្មីទៀតលើយោធារបបសឹកសហភាពមីយ៉ាន់ម៉ា ដែលបានដណ្ដើមអំណាចក្នុងរដ្ឋប្រហារកាលពីខែកុម្ភៈ ឆ្នាំ២០២១ មិនឲ្យទទួលបានកៅអីរបស់ប្រទេសនេះនៅអង្គការសហប្រជាជាតិ។ នេះបើយោងតាមក្រុមអ្នកការទូត និងសិទ្ធិមនុស្សមីយ៉ាន់ម៉ា។អ្នកការទូត ២រូបដែលសុំមិនបញ្ចេញឈ្មោះបានប្រាប់ទីភ្នាក់ងារសារព័ត៌មាន AP ថា គណៈកម្មការសាតាំងរបស់មហាសន្និបាតអង្គការនេះ បានពន្យារពេលលើសំណើរបស់យោធានេះក្នុងការគ្រប់គ្រងកៅអីរបស់ខ្លួន។ ក្រុមអ្នកឃ្លាំមើលសិទ្ធិមនុស្សមីយ៉ាន់ម៉ាបាននិយាយនៅក្នុងសេចក្ដីថ្លែងការណ៍ថា ខ្លួនបានក៏បានដឹងពីក្រុមអ្នកការទូតផងដែរថា គណៈកម្មការដែលបានចាប់ផ្ដើមកិច្ចប្រជុំកាលពីថ្ងៃទី២៩ ខែវិច្ឆិកា បានច្រានចោលការតំណាងរបស់ក្រុមឧត្ដមសេនីយ៍ទាំងនោះនៅអង្គការនេះ។នាយកក្រុមសិទ្ធិមនុស្សនេះលោក Chris Gunness បាននិយាយថា សកម្មភាពនេះគឺជាចំណាត់ការដ៏សំខាន់ដែលមានចំនុចពិសេសផ្នែកការទូត និងជានិមិត្តរូប ស្របពេលដែលមេដឹកនាំរដ្ឋប្រហារខុសច្បាប់កំពុងព្យាយាម ឲ្យមានការទទួលស្គាល់ជាអន្តរជាតិ។ គេរំពឹងថា សេចក្ដីប្រកាសផ្លូវការនឹងត្រូវធ្វើឡើងនៅថ្ងៃសុក្រសប្ដាហ៍នេះ។ ការសម្រេចចិត្តនេះមានន័យថា លោក Kyaw Moe Tun ដែលត្រូវបានតែងតាំងជាឯកអគ្គរដ្ឋទូតរបស់សហភាពមីយ៉ាន់ម៉ាប្រចាំនៅអង្គការសហប្រជាជាតិ ដែលត្រូវបានជ្រើសរើសដោយរដ្ឋាភិបាលស៊ីវិលរបស់លោកស្រី Aung San Suu Kyi នឹងបន្តកាន់តំណែងនេះ៕អត្ថបទ៖ សុខមាន

សម្តេចតេជោ ហ៊ុន សែន សម្តែងសុទិដ្ឋិនិយមថា ទំនាក់ទំនងរវាងអាស៊ាន និងអឺរ៉ុបនឹងផ្តល់ប្រយោជន៍គ្នាទៅវិញទៅមកកាន់តែខ្លាំង

សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងជាប្រធានអាស៊ានប្តូរវេន ឆ្នាំ២០២២នេះ បានសម្តែងសុទិដ្ឋិនិយមថា អាស៊ាន និងសហភាពអឺរ៉ុបនឹងផ្តល់ផលប្រយោជន៍ទៅគ្នាទៅវិញទៅមកកាន់តែខ្លាំង បើទោះបីជាតំបន់ទាំងពីរស្ថិតនៅឆ្ងាយពីគ្នាយ៉ាងណាក៏ដោយ។ថ្លែងនៅក្នុងសន្និសីទសារព័ត៌មានរួមគ្នា នៃកិច្ចប្រជុំរំលឹកខួបអនុស្សាវរីយ៍អាស៊ាន-សហភាពអឺរ៉ុប និងអបអរសាទរខួប៤៥ឆ្នាំ នៃដៃគូសន្ទនាអាស៊ាន-សហគមន៍អឺរ៉ុប នៅទីក្រុងព្រុចសែល នៃប្រទេសបែលហ្ស៉ិក នាថ្ងៃទី១៤ ខែធ្នូ ឆ្នាំ២០២២នេះ សម្តេចតេជោ ហ៊ុន សែន បានលើកឡើងថា កិច្ចសន្ទនានារវាងថ្នាក់ដឹកនាំតំបន់អាស៊ាន និងអឺរ៉ុបនាពេលនេះ បានលើកឡើងអំពីប្រធានបទជាច្រើន ដែលមានការពាក់ព័ន្ធនៃតំបន់ទាំងប្រកបដោយការបើកចំហរ និងស្មោះត្រង់បំផុតនោះ។យ៉ាងណាក៏ដោយនៅក្នុងសន្និសីទរួមគ្នានោះដែរ សម្តេចតេជោ ហ៊ុន សែន នាយករដ្ឋមន្រ្តី និងក្នុងនាមជាប្រធានអាស៊ានឆ្នាំ២០២២នេះ ក៏បានប្រាប់ដល់ភាគីអឺរ៉ុបផងដែរថា អាស៊ានមិនមែនជាតំបន់គ្រាន់ តែទន្ទឹងរង់ចាំអ្វីៗដែលត្រូវជួយពីសហភាពអឺរ៉ុបនោះទេ ប៉ុន្តែអាស៊ានត្រូវឃើញក្នុងការបំពេញឲ្យគ្នាទៅវិញ ទៅមករវាងសេដ្ឋកិច្ចនៃតំបន់ទាំងពីរ ពោលគឺកិច្ចព្រមព្រៀងពាណិជ្ជកម្មសេរីនេះតែម្តង។ជាមួយគ្នានោះដែរ សម្តេចតេជោ ហ៊ុន សែន ប្រធានអាស៊ានក៏បានបញ្ជាក់ទៅកាន់សហភាពអឺរ៉ុប ផងដែរ ទាក់ទងនឹងកិច្ចព្រមព្រៀងពាណិជ្ជកម្មសេរី សហភាពអឺរ៉ុបគប្បីកុំយកបញ្ហានយោបាយមកនិយាយ ខណៈអឺរ៉ុបបានលើកឡើងអំពីបញ្ហានៅប្រទេសមីយ៉ាន់ម៉ាថាអាចនឹងមានការរាំងស្ទះចំពោះកិច្ចព្រមព្រៀងពាណិជ្ជកម្មសេរីរវាងតំបន់ទាំងពីរនោះ។ សម្តេចតេជោ ហ៊ុន សែន បានសង្កត់ធ្ងន់ទៀតថា ដូចអ្វីដែលប្រធានាធិបតីនៃប្រទេសឥណ្ឌូនេស៊ី បានលើករួចមកហើយថា ភាពជាដៃគូត្រូវតែស្មើភាព មិនអាចយកច្បាប់របស់ផ្នែកមួយទៅដាក់ផ្នែកមួយនោះទេ។ ចំណុចនេះត្រូវតែរំលឹក ហើយភាគីទាំងពីរ(អាស៊ាន-អឺរ៉ុប)ត្រូវតែស្មើភាពគ្នា ដើម្បីអនុវត្តន៍ឲ្យបានឆាប់រហ័ស ដោយមិនអាចផ្អែកលើសភាពការណ៍នៅប្រទេសមីយ៉ាន់ម៉ា ឬប្រទេសណាមួយ ហើយបែជារំខានទៅដល់កិច្ចខិតខំប្រឹងប្រែង ជាមួយនឹងការបង្កើតឲ្យមានកិច្ចព្រមព្រៀងពាណិជ្ជកម្មសេរីរវាងតំបន់ទាំង ពីរនោះទេ។ទាក់ទងនឹងបញ្ហាសិទ្ធិមនុស្ស និងបញ្ហាផ្សេងៗទៀត សម្តេចតេជោ ហ៊ុន សែន ប្រធានអាស៊ានប្តូរវេនឆ្នាំ២០២២នេះ ក៏បានចោទ សួរទៅកាន់សហភាពអឺរ៉ុបផងដែរថា« តើEUបានចុះហត្ថលេខា ជាមួយប្រទេសណាខ្លះនៅក្នុងតំបន់អាស៊ាន? ហើយថាតើបណ្តាសិទ្ធិមនុស្សនៅក្នុងប្រទេសនោះវាយ៉ាងម៉េច?។ វាពិតណាស់ចំណុចទាំងនេះវាមិនមែនអ្វីៗសុទ្ធតែត្រូវគ្នាទាំងអស់នោះទេ ប៉ុន្តែយើងមានចំណុចរួម មួយគឺតម្រង់ទៅរកគោលដៅនៃការតភ្ជាប់ និងផ្សារភ្ជាប់រវាងតំបន់ទាំងពីរ ហើយជាសេដ្ឋកិច្ចបំពេញឲ្យគ្នា ទៅវិញទៅមក ហើយសង្ឃឹមថាចំណុចនេះគឺជាចំណុចដាស់តឿនអាស៊ានឲ្យខិតខំប្រឹងប្រែងដើម្បីឲ្យងើបឈរឡើងធ្វើជាដៃគូស្មើភាព និងស្មើសិទ្ធិជាមួយនឹងសហភាពអឺរ៉ុប»៕ អត្ថបទ៖ បាន ចក់

អង្គការសុខភាពពិភពលោកនិយាយថា ការហក់ឡើងករណីឆ្លងវីរុស Covid-19 នៅចិនដោយសារបន្ធូរបន្ថយវិធានការទប់ស្កាត់

WHO៖ នាយកអង្គការសុខភាពពិភពលោកបាននិយាយកាលពីថ្ងៃពុធថា ការឆ្លងវីរុស COVID-19 កំពុងកើនឡើងខ្លាំងនៅក្នុងប្រទេស មុនពេលការសម្រេចចិត្តរបស់រដ្ឋាភិបាល ក្នុងការដកគោលនយោបាយរឹតត្បិតការឆ្លងវីរុស ឬ "zero-COVID" ដោយលើកឡើងថា ផ្ទុយទៅវិញការដកនេះ បែរជាបណ្ដាលឲ្យមានករណីឆ្លងកើនឡើងទៅវិញ។ ការអត្ថាធិប្បាយដោយនាយកគ្រាអាសន្នសុខភាពសាធារណៈ របស់អង្គការសុខភាពពិភពលោក លោក Mike Ryan មានឡើង ខណៈលោកបានព្រមានពីភាពចាំបាច់ក្នុងការបង្កើនការចាក់វ៉ាក់សាំង នៅក្នុងប្រទេសមហាអំណាចសេដ្ឋកិច្ចលេខ២ របស់ពិភពលោកមួយនេះ។ ថ្លែងនៅឯសន្និសីទសារព័ត៌មាន លោកបាននិយាយថា វីរុសនេះកំពុងរាលដាលយ៉ាងខ្លាំងនៅក្នុងប្រទេសនេះ មុនពេលការដកវិធានការរឹតត្បិតការចម្លងវីរុសនេះទៅទៀត។ លោកថា វីរុសនេះបានឆ្លងរាលដាលយ៉ាងឆាប់រហ័ស ព្រោះខ្ញុំជឿថា វិធានការគ្រប់គ្រងវីរុសនេះដោយខ្លួនឯងពុំមានប្រសិទ្ធភាពបញ្ឈប់ជំងឺនេះបានទេ។ ហើយខ្ញុំជឿថា ប្រទេសចិនបានសម្រេចចិត្តជាយុទ្ធសាស្ត្រថា ចំណាត់ការនេះ លែងជាជម្រើសល្អបំផុតទៀតហើយ។ គួររម្លឹកថា ទីក្រុងប៉េកាំងបានបោះបង់ចោលគោលនយោបាយគ្មានវីរុស ឬ "zero-COVID ដែលចុះហត្ថលេខាដោយលោកប្រធានាធិបតីចិន Xi Jinping នៅខែនេះ បន្ទាប់ពីការតវ៉ាដ៏រំជើបរំជួលប្រឆាំងនឹងវិធានការរឹតត្បិតនេះ៕អត្ថបទ៖ សុខមាន

ពលរដ្ឋចិនសម្រុកទិញទំនិញទាំងស្លន់ស្លោ ខណៈការខ្វះខាតអំឡុងបន្ធូរបន្ថយវិធានការរឹតត្បិត COVID-19

ចិន៖ ប្រទេសចិនកំពុងប្រឈមបញ្ហាជាច្រើនដូចជាកង្វះខាតទំនិញក្នុងស្តុក បន្ទាប់ពីបានបន្ធូរបន្ថយគោលនយោបាយរឹតត្បិតការឆ្លងរាលដាលវីរុស COVID-19 ដ៏តឹងរ៉ឹងបំផុតកាលពីសប្ដាហ៍មុន។ ប្រជាពលរដ្ឋកំពុងប្រញាប់ប្រញាល់ទៅទិញថ្នាំពេទ្យ ដូចជាអ៊ីប៊ុយប្រូហ្វេន ថ្នាំផ្ដាសាយ និងឧបករណ៍តេស្តរកវីរុស Covid ស្របពេលមានសេចក្ដីរាយការណ៍ពីកង្វះថ្នាំពេទ្យ និងទំនិញផ្សេងៗ។ ផលិតផលជាច្រើនសម្រាប់ប្រើជាថ្នាំព្យាបាលជំងឺនៅក្នុងស្រុក ពេលនេះមិនមានលក់ទូលំទូលាយនៅតាម online រួមទាំងផ្លែក្រូចឆ្មា ផ្លែប៉េសកំប៉ុង សំបូរដោយវីតាមីនស៊ី និងទឹកមានសារធាតុសូយ្យូម និងក្លរ។ នៅក្នុងប្រទេសចិន និងតំបន់ផ្សេងទៀតនៅលើពិភពលោក គេតែងតែបានមើលឃើញមនុស្សចែករំលែករូបភាពតាមបណ្ដាញសង្គម បង្ហាញពីរានដាក់ទំនិញទទេស្អាតនៅតាមផ្សារទំនើបនានានៅក្នុងទីក្រុងសំខាន់ៗ មុនការចេញបញ្ជាដ៏តឹងរ៉ឹងឲ្យប្រជាពលរដ្ឋស្នាក់នៅក្នុងផ្ទះ។ប៉ុន្តែពេលនេះ ប្រទេសនេះបានបន្ធូរបន្ថយវិធានការដាក់ខ្លួនឯងឲ្យនៅដាច់ដោយឡែក និងការធ្វើតេស្ត ដោយអនុញ្ញាតឲ្យពលរដ្ឋដាក់ខ្លួនឯងឲ្យនៅដាច់ដោយឡែកនៅផ្ទះ និងតេស្តរកវីរុសខ្លួនឯង ប្រជាពលរដ្ឋបាននាំគ្នាសម្រុកទៅទិញថ្នាំពេទ្យជាការត្រៀមសម្រាប់រលកនៃរដូវរងា។ រដ្ឋាភិបាលក្នុងតំបន់ត្រូវបានជំរុញឲ្យបង្កើនចំនួនបន្ទប់សង្គ្រោះបន្ទាន់ និងបើកមន្ទីរពេទ្យព្យាបាលជំងឺគ្រុនក្ដៅបន្ថែមនៅដំណាច់ខែនេះ ជាការត្រៀមលក្ខខណៈសម្រាប់រលកនៃការឆ្លងផ្សេងៗទៀត៕អត្ថបទ៖ សុខមាន

សម្តេចតេជោ៖ អាស៊ាន និងសហភាពអឺរ៉ុបត្រូវតែធ្វើការជាមួយគ្នាស្អិតរមួត ដើម្បីធានាសណ្ដាប់ធ្នាប់អន្តរជាតិ

សម្តេចតេជោ ហ៊ុន សែន នាយករដ្ឋមន្ត្រីកម្ពុជា និងជាប្រធានអាស៊ានឆ្នាំ២០២២ បានលើកឡើងថា សម្រាប់ដំណើរឆ្ពោះទៅមុខ អាស៊ាន និង សហភាពអឺរ៉ុប ត្រូវតែធ្វើការជាមួយគ្នាយ៉ាងស្អិតរមួត ដើម្បីធានាសណ្តាប់ធ្នាប់អន្តរជាតិ ដែលផ្អែកលើច្បាប់ ប្រកបដោយបរិយាបន្ន, ភាពបើកចំហ, តម្លាភាព និង ការផ្តល់ផលប្រយោជន៍ដល់គ្នាទៅវិញទៅមក។សម្តេចតេជោបានលើកឡើងយ៉ាងដូច្នេះ ក្នុងឱកាសថ្លែងបើកកិច្ចប្រជុំពេញអង្គនៃកិច្ចប្រជុំ កំពូលរំលឹកខួបអនុស្សាវរីយ៍អាស៊ាន-សហភាពអឺរ៉ុបនៅទីក្រុងព្រុចស៊ែល ប្រទេសប៊ែលហ្សិក កាលពីថ្ងៃទី១៤ធ្នូម្សិលមិញនេះ។សម្តេចថ្លែងថា ក្នុងនាមជាប្លុកតំបន់ពីរ ដែល ផ្អែកលើច្បាប់ និង មានការទទួលខុសត្រូវ, អាស៊ាន និងសហភាពអឺរ៉ុប ត្រូវប្រឹងប្រែងឱ្យអស់លទ្ធភាព ដើម្បីការពារ និង លើកកម្ពស់ធម្មនុញ្ញអង្គការសហប្រជាជាតិ និង ច្បាប់, បទដ្ឋាន និង គោលការណ៍ ដែលត្រូវបានទទួលស្គាល់ជាសកល ហើយសម្តេចក៏បានកត់សម្គាល់ផ្ទាល់ខ្លួន ពីបទពិសោធនៃករណីជម្លោះ ដែលបានអូសបន្លាយ និងបង្កជាសោកនាដកម្ម នៅកម្ពុជា ដែលសម្តេចមិនដែលជឿថា យើងអាចសម្រេចបាននូវសន្តិភាព តាមរយៈ ការធ្វើសង្គ្រាម ឬ ការគំរាមបង្កសង្គ្រាម នោះឡើយ ។សម្តេចបានមានប្រសាសន៍ថា ស្មារតី, មនសិការ និង បំណងប្រាថ្នារួម ចំពោះសន្តិភាព និង វិបុលភាព ក្នុងតំបន់ទាំងពីរ បាននាំមកនូវការបង្កើតនូវភាពជាដៃគូយុទ្ធសាស្ត្រ ប្រកបដោយភាពជោគជ័យ ជាមួយនឹង ផែនការសកម្មភាព ឆ្នាំ ២០២៣-២០២៧ ដែលមានភាពច្បាស់លាស់ និង គ្របដណ្តប់យ៉ាងទូលំ- ទូលាយ ទៅលើផ្នែកជាច្រើននៃកិច្ចសហប្រតិបត្តិការ ក្រោមសសរស្ដម្ភទាំងបីរបស់អាស៊ាន ។ ជា មួយគ្នានេះ, សម្តេចបានកត់ស្គាល់នូវវឌ្ឍនភាពដ៏ល្អប្រសើរ នៃការអនុវត្ត ផែនការសកម្មភាព ឆ្នាំ ២០១៨- ២០២២ ។សម្តេចថ្លែងថា ប្រាកដណាស់, កិច្ចប្រជុំកំពូលរំលឹកខួបអនុស្សាវរីយ៍នាពេលនេះ ត្រូវបានរៀបចំឡើងក្នុងពេលដែលពហុភាគីនិយម បាន និង កំពុង ទទួលរងនូវសម្ពាធយ៉ាងធ្ងន់ធ្ងរ ។ អ្វីដែលគួរឱ្យព្រួយបារម្ភ ជាងនេះទៀតនោះគឺ សន្តិភាពសកល ក៏បាន និង កំពុង ទទួលរងនូវការគំរាមកំហែង ដោយសកម្ម- ភាពរបស់រដ្ឋមួយចំនួន ដែលបំពានដោយបើកចំហ លើច្បាប់, បទដ្ឋាន និង គោលការណ៍អន្តរជាតិ ដែលត្រូវបានទទួលស្គាល់ជាសកល ។សម្តេចបានបង្ហាញទំនុកចិត្តថា កិច្ចពិភាក្សានៅក្នុងថ្ងៃនេះ នឹងអនុញ្ញាតឱ្យការផ្លាស់ប្ដូរនូវស្មារតីរួម ឱ្យទៅជាចក្ខុវិស័យ ប្រកបដោយភាពជាក់ស្តែងនិយម ដែលនឹងផ្តល់អត្ថប្រយោជន៍ដល់ តំបន់ទាំង២និង ពិភពលោកទាំងមូល សម្រាប់រយៈពេលជាច្រើនទសវត្សរ៍ទៅមុខ៕ អត្ថបទ៖ មុត សុទ្ធ

បណ្ដាញសង្គម

ព័ត៌មានថ្មីៗ

សិស្សសាលាអារ៉ាប់រួមនៅទីក្រុងឌូបៃ វិលត្រឡប់ទៅរៀនតាមអនឡាញ ក្រោយការវាយប្រហាររបស់អ៊ីរ៉ង់

ភរិយាសកម្មជនកងនាវាហ្កាហ្សានិយាយថា ស្វាមីរបស់ពួកគេដែលឃាត់ខ្លួនដោយអ៊ីស្រាអែល ត្រូវបានគេធ្វើទារុណកម្ម

នាយករដ្ឋមន្ត្រីរ៉ូម៉ានីត្រូវបានទម្លាក់ពីតំណែង ដោយការបោះឆ្នោតដកសេចក្ដីទុកចិត្ត

អារ៉ាប់រួមរឹតបន្តឹងដែនអាកាស ក្រោយមានការវាយប្រហារដោយមីស៊ីល និងយានដ្រូនរបស់អ៊ីរ៉ង់

ប្រមុខមន្ទីរបញ្ចកោណ៖ អាមេរិកមិនស្វែងរកការប្រយុទ្ធ ដោយប្រតិបត្តិការបណ្តោះអាសន្ន ដើម្បីការពារនាវាទេ

កូនប្រុសរបស់លោកស្រី អ៊ុងសាន ស៊ូជី ជំរុញឲ្យរដ្ឋាភិបាលមីយ៉ាន់ម៉ាផ្តល់ «ភស្តុតាងពីការមានជីវិត»

ចិន៖ ទណ្ឌកម្មកាន់តែទូលំទូលាយរបស់សហរដ្ឋអាមេរិក លើគុយបា គឺ «ខុសច្បាប់»

រដ្ឋមន្ត្រីការបរទេសអ៊ីរ៉ង់ ចេញដំណើរទៅទីក្រុងប៉េកាំង សម្រាប់កិច្ចពិភាក្សាជាមួយចិន

អ៊ុយក្រែនអះអាងថា មនុស្ស ៣នាក់ រងរបួស ក្នុងការវាយប្រហារយានដ្រូនរុស្ស៊ីលើមជ្ឈមណ្ឌលទីក្រុង Chernihiv

‎អនុប្រធាន សមាគមអតីតយុទ្ធជន អញ្ជើញប្រគល់ផ្ទះជូនគ្រួសារសមាជិកពលីមានជីវភាពខ្វះខាត ក្នុងខេត្តកំពង់ចាម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្ដេចតេជោ ហ៊ុន សែន អញ្ជើញដឹកនាំគណៈប្រតិភូជាន់ខ្ពស់ចាកចេញពីទីក្រុងព្រុចសែលមកកាន់មាតុប្រទេសវិញ

ប្រទេសចិនដកមន្ត្រីស្ថានកុងស៊ុល ៦នាក់ចេញពីចក្រភពអង់គ្លេស ក្រោយមានការតវ៉ា

ពលរដ្ឋទីក្រុង Kyiv មានអារម្មណ៍មិនអស់ចិត្តចំពោះការវាយប្រហារដោយយានដ្រូនរបស់រុស្ស៊ី ប៉ុន្តែនៅតែផ្គើន

ប្រធានអង្គការសុខភាពពិភពលោកសង្ឃឹមថា ជំងឺCOVID-19 នឹងលែងជាភាពអាសន្ននៅឆ្នាំក្រោយទៀតហើយ

មនុស្សកាន់តែច្រើនកំពុងស្លាប់នៅសូម៉ាលី ខណៈគ្រោះមហន្តរាយស្បៀងអាហារកាន់តែធ្ងន់ធ្ងរខ្លាំង

អង្គការសហប្រជាជាតិរារាំងរបបសឹកសហភាពមីយ៉ាន់ម៉ាមិនឲ្យមានកៅអីនៅអង្គការសហប្រជាជាតិ

អង្គការសុខភាពពិភពលោកនិយាយថា ការហក់ឡើងករណីឆ្លងវីរុស Covid-19 នៅចិនដោយសារបន្ធូរបន្ថយវិធានការទប់ស្កាត់

ពលរដ្ឋចិនសម្រុកទិញទំនិញទាំងស្លន់ស្លោ ខណៈការខ្វះខាតអំឡុងបន្ធូរបន្ថយវិធានការរឹតត្បិត COVID-19

សម្តេចតេជោ៖ អាស៊ាន និងសហភាពអឺរ៉ុបត្រូវតែធ្វើការជាមួយគ្នាស្អិតរមួត ដើម្បីធានាសណ្ដាប់ធ្នាប់អន្តរជាតិ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្ដេចតេជោ ហ៊ុន សែន អញ្ជើញដឹកនាំគណៈប្រតិភូជាន់ខ្ពស់ចាកចេញពីទីក្រុងព្រុចសែលមកកាន់មាតុប្រទេសវិញ

ប្រទេស​ចិន​ដក​មន្ត្រី​ស្ថាន​កុងស៊ុល ៦​នាក់​ចេញពី​ចក្រភព​អង់គ្លេស ក្រោយ​មានការ​តវ៉ា

ប្រធានអង្គការ​សុខភាព​ពិភពលោក​សង្ឃឹម​ថា ជំងឺCOVID-19 នឹង​លែង​ជា​ភាព​អាសន្ន​នៅ​ឆ្នាំ​ក្រោយ​​ទៀត​ហើយ

មនុស្ស​កាន់តែច្រើន​កំពុង​ស្លាប់​នៅ​សូ​ម៉ាលី ខណៈ​គ្រោះ​មហន្តរាយ​ស្បៀងអាហារ​កាន់តែ​ធ្ងន់ធ្ងរ​ខ្លាំង​

អង្គការសហប្រជាជាតិ​រារាំង​របប​សឹក​សហភាព​មី​យ៉ាន់​ម៉ា​មិន​ឲ្យ​មាន​កៅអី​នៅ​អង្គការ​សហប្រជាជាតិ​

ពលរដ្ឋ​ចិន​សម្រុក​ទិញ​ទំនិញ​ទាំង​ស្លន់ស្លោ​ ខណៈ​ការខ្វះខាត​អំឡុង​បន្ធូរបន្ថយ​វិធានការ​រឹតត្បិត​ COVID-19

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រទេសចិនដកមន្ត្រីស្ថានកុងស៊ុល ៦នាក់ចេញពីចក្រភពអង់គ្លេស ក្រោយមានការតវ៉ា

ប្រធានអង្គការសុខភាពពិភពលោកសង្ឃឹមថា ជំងឺCOVID-19 នឹងលែងជាភាពអាសន្ននៅឆ្នាំក្រោយទៀតហើយ

មនុស្សកាន់តែច្រើនកំពុងស្លាប់នៅសូម៉ាលី ខណៈគ្រោះមហន្តរាយស្បៀងអាហារកាន់តែធ្ងន់ធ្ងរខ្លាំង

អង្គការសហប្រជាជាតិរារាំងរបបសឹកសហភាពមីយ៉ាន់ម៉ាមិនឲ្យមានកៅអីនៅអង្គការសហប្រជាជាតិ

ពលរដ្ឋចិនសម្រុកទិញទំនិញទាំងស្លន់ស្លោ ខណៈការខ្វះខាតអំឡុងបន្ធូរបន្ថយវិធានការរឹតត្បិត COVID-19