BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

សម្ដេចធិបតី៖ កម្ពុជាជ្រើសរើសយកយន្តការ UNCLOS ដោយសារថៃលុបចោល MOU ២០០១ ជាឯកតោភាគី

ព័ត៌មានសំខាន់ៗ

រុស្ស៊ីបង្កើនការវាយលុកលើទីក្រុងសំបូរដោយអំបិលរបស់អ៊ុយក្រែន និងសមរភូមិភាគខាងកើត

រុស្ស៊ី៖ ប្រទេសរុស្ស៊ីបានបង្កើនការវាយប្រហារដ៏ខ្លាំងក្លា ដឹកនាំដោយកងជីវពលកិច្ចសន្យារបស់ក្រុមហ៊ុនទាហានស៊ីឈ្នួល Wagner មកលើទីក្រុង Soledar នៅភាគខាងកើតប្រទេសអ៊ុយក្រែន ដោយត្រូវបានចាត់ទុកជាស្ថានភាពលំបាកមួយសម្រាប់កងកម្លាំងដែលកំពុងវាយរុញច្រានរលក នៃការវាយប្រហារនៅជុំវិញទីក្រុងសំបូរដោយអំបិល និងសមរភូមិនៅក្បែរនោះ។ទីក្រុង Soledar នៅក្នុងតំបន់ឧស្សាហកម្ម Donbas ស្ថិតនៅចម្ងាយពីរបីម៉ាយពីទីក្រុង Bakhmut ជាកន្លែងដែលកងទ័ពមកពីភាគីទាំង២ បាននឹងកំពុងបាត់បង់យ៉ាងច្រើននៅក្នុងសង្គ្រាមលេណដ្ឋានដ៏ខ្លាំងក្លាបំផុតមួយ ចាប់តាំងពីរុស្ស៊ីបានឈ្លានពានអ៊ុយក្រែនជិត ១១ខែមកនេះ។ អនុរដ្ឋមន្ត្រីការពារជាតិអ៊ុយក្រែនលោកស្រី Hanna Malyar បាននិយាយនៅលើបណ្តាញ Telegram ថា កងកម្លាំងអ៊ុយក្រែនបានវាយរុញច្រានក្នុងការប៉ុនប៉ងដើម្បីដណ្តើមយកទីក្រុង ប៉ុន្តែអង្គភាពទាហានស៊ីឈ្នួល Wagner មួយចំនួនធំបានត្រឡប់មកវិញយ៉ាងឆាប់រហ័ស ដោយបានដាក់ពង្រាយយុទ្ធសាស្ត្រថ្មីៗ និងទាហានជាច្រើនទៀតជាមួយនឹងកាំភ្លើងធំ៕ អត្ថបទ៖ ប៊ុនថន

នគរបាលនិយាយថា កុមារអាយុ ៦ឆ្នាំដែលបាញ់គ្រូបង្រៀនរបស់ខ្លួនប្រើកាំភ្លើងរបស់ម្តាយដែលបានទិញ

អាមេរិក៖ អ្នកគ្រូបង្រៀនម្នាក់ឈ្មោះ Abby Zwerner ត្រូវបានបាញ់ បន្ទាប់ពីមានជម្លោះជាមួយសិស្សអាយុ ៦ឆ្នាំម្នាក់។ នគរបាលនិយាយថា ក្មេងអាយុ ៦ឆ្នាំម្នាក់បានប្រើប្រាស់កាំភ្លើងដែលទិញដោយស្របច្បាប់របស់ម្តាយគាត់ ដើម្បីបាញ់គ្រូបង្រៀនរបស់ខ្លួននៅសាលារៀនមួយនៅរដ្ឋ Virginia សហរដ្ឋអាមេរិក។ នៅក្នុងសន្និសីទសារព័ត៌មានកាលពីថ្ងៃចន្ទ នគរបាលរដ្ឋ Virginia បាននិយាយថា កុមាររូបនេះបាននាំយកកាំភ្លើងខ្លីទៅសាលារៀនដាក់នៅក្នុងកាបូបស្ពាយរបស់គាត់។ ក្មេងប្រុសនេះមានចេតនាបាញ់អ្នកគ្រូបង្រៀនរបស់ខ្លួនឈ្មោះ Abby Zwerner ក្នុងថ្នាក់កាលពីថ្ងៃសុក្រ។ នគរបាលនិយាយថា នាងបានចាត់ចែងនាំសិស្សរបស់នាងទៅកាន់ទីសុវត្ថិភាព មុនពេលហៅរកជំនួយសម្រាប់ខ្លួននាង។ អ្នកគ្រូ Zwerner អាយុ ២៥ឆ្នាំកំពុងសម្រាកព្យាបាលនៅមន្ទីរពេទ្យក្នុងស្ថានភាពមានស្ថេរភាព។ អធិការនគរបាលលោក Steve Drew បាននិយាយថា អ្នកគ្រូ Zwerner បានសួរលោកម្តងហើយម្តងទៀតអំពីសុខុមាលភាពសិស្សរបស់នាង ដែលនៅក្នុងថ្នាក់រៀននៅពេលមានការបាញ់ប្រហារ។ នគរបាលបានទទួលការហៅទូរស័ព្ទពីគ្រូបង្រៀនម្នាក់ ដែលត្រូវបានបាញ់ឲ្យរងរបួសធ្ងន់កាលពីថ្ងៃសុក្រនៅសាលាបឋមសិក្សា Richneck។ ពេលចូលទៅក្នុងថ្នាក់រៀន គេបានប្រទះឃើញសិស្សអាយុ ៦ឆ្នាំម្នាក់ត្រូវបុគ្គលិកសាលាឃាត់ទុក។ នគរបាលនិយាយថា ការបាញ់ប្រហារនេះមិនមែនជាការចៃដន្យនោះទេគឺជាចេតនា ហើយវាបានកើតឡើងខណៈពេលដែលអ្នកគ្រូ Zwerner កំពុងបង្រៀន។ នគរបាលបានរកឃើញកាំភ្លើងខ្លីមួយដើមនៅក្នុងថ្នាក់រៀននៅជិតតុសិស្ស រួមជាមួយកាបូបស្ពាយរបស់គាត់ និងទូរស័ព្ទដៃមួយគ្រឿង។ អធិការនគរបាលនិយាយថា នគរបាលបានកំណត់តាមរយៈការសាកសួរម្តាយរបស់ក្មេងប្រុសថា កាំភ្លើងនេះត្រូវបានទិញដោយស្របច្បាប់ និងរក្សាទុកនៅក្នុងផ្ទះរបស់គាត់។ ក្រុមមន្ត្រីបាននិយាយថា ខណៈដែលសាលារៀនមានសិស្សប្រហែល ៥៥០នាក់មានឧបករណ៍ស្វែងរកដែកដែលសិស្សត្រូវបានត្រួតពិនិត្យ ប៉ុន្តែពុំមែនគ្រប់កុមារទាំងអស់ត្រូវបានត្រួតពិនិត្យនោះទេ៕អត្ថបទ៖ ប៊ុនថន

នាយករដ្ឋមន្ត្រីថៃដែលកាន់អំណាចយូរបង្ហើបពីបំណងការបោះឆ្នោតមួយអាណត្តិទៀតក្រោមបក្សបង្កើតថ្មី

ថៃ៖ មេដឹកនាំដែលកាន់អំណាចយូររបស់ប្រទេសថៃលោក Prayuth Chan-ocha កាលពីថ្ងៃចន្ទបានប្តេជ្ញាបន្តការងាររបស់លោកក្នុងការដឹកនាំប្រទេស ជាផ្នែកនៃគណបក្សនយោបាយថ្មី ដោយបានបង្ហើបពីបំណងដើម្បីបន្តធ្វើជានាយករដ្ឋមន្ត្រីបន្ទាប់ពីការបោះឆ្នោតនៅឆ្នាំនេះ។ លោក Prayuth បានថ្លែងប្រាប់អ្នកគាំទ្រ ១០,០០០នាក់នៅក្នុងពិធីបើកសម្ពោធគណបក្សថ្មី United Thai Nation ថា មូលហេតុដែលលោកឈរនៅទីនេះនៅថ្ងៃនេះ គឺដោយសារលោកគោរពលទ្ធិប្រជាធិបតេយ្យប្រទេសថៃ។ លោកមកថ្ងៃនេះមិនមែនដោយសារលោកចង់បានអំណាចនោះទេ ប៉ុន្តែដោយសារតែប្រទេសថៃត្រូវតែបន្តទៅមុខ តើនេះជារឿងត្រឹមត្រូវដែរទេ?។ ឧត្ដមសេនីយ៍ចូលនិវត្តន៍អាយុ ៦៨ឆ្នាំដែលបានកាន់អំណាចចាប់តាំងពីដឹកនាំរដ្ឋប្រហារក្នុងឆ្នាំ២០១៤ កាលពីដើមខែមុនបាននិយាយថា លោកត្រៀមខ្លួនដើម្បីបន្តទៅមុខទៀត ទោះបីជារដ្ឋធម្មនុញ្ញបានកំណត់លោកឱ្យត្រឹមតែរយៈពេល ២ឆ្នាំបន្ថែមទៀតក៏ដោយ។ បច្ចុប្បន្នលោក Prayuth កំពុងស្វែងរកការបោះឆ្នោតស្ទង់មតិ លើជម្រើសកំពូលសម្រាប់នាយករដ្ឋមន្ត្រីបន្ទាប់។ យោងតាមរដ្ឋធម្មនុញ្ញបានឲ្យដឹងថា ការបោះឆ្នោតត្រូវតែធ្វើឡើងនៅត្រឹមខែឧសភាឆ្នាំនេះ។ គណបក្សថ្មីដែលដឹកនាំដោយឥស្សរៈជន ចេញមកពីការបង្កើតតាមបែបអភិរក្សនិយមរបស់ប្រទេសនេះ នៅពុំទាន់ប្រកាសបេក្ខជនជានាយករដ្ឋមន្ត្រីនៅឡើយ៕អត្ថបទ៖ ប៊ុនថន

មនុស្សរាប់សិបនាក់តវ៉ានៅខាងក្រៅពន្ធនាគារក្នុងបំណងបញ្ឈប់ការប្រហារជីវិតបាតុករប្រឆាំងរដ្ឋាភិបាល ២នាក់

អ៊ីរ៉ង់៖ មនុស្សរាប់សិបនាក់បានធ្វើបាតុកម្មនៅខាងក្រៅពន្ធនាគារក្នុងប្រទេសអ៊ីរ៉ង់កាលពីពេលយប់ ក្នុងពេលមានសេចក្តីរាយការណ៍ថា អាជ្ញាធរកំពុងរៀបចំប្រហារជីវិតបាតុករប្រឆាំងរដ្ឋាភិបាលពីរនាក់ផ្សេងទៀត។ សកម្មជនគណបក្សប្រឆាំងបានបង្ហោះវីដេអូ បង្ហាញពីមនុស្សជាច្រើនស្រែកពាក្យស្លោកនៅមុខពន្ធនាគារ Rajai Shahr ក្នុងទីក្រុង Karaj។ ម្តាយរបស់លោក Mohammad Ghobadlou ជាមនុស្សម្នាក់ក្នុងចំណោមមនុស្ស ២នាក់ដែលប្រឈមនឹងការប្រហារជីវិត បានអំពាវនាវឱ្យមានការលើកលែងទោសនៅក្នុងការប្រមូលផ្តុំគ្នានេះ។ កាលពីថ្ងៃសៅរ៍ បាតុករពីរនាក់មុនត្រូវបានព្យួរកដែលជំរុញឱ្យមានការថ្កោលទោសពីអន្តរជាតិ។ ការិយាល័យសិទ្ធិមនុស្សអង្គការសហប្រជាជាតិ បានប្រឆាំងជំទាស់ចំពោះការប្រហារជីវិតដ៏គួរឲ្យភ័យខ្លាចលើលោក Mohammad Mahdi Karami និងលោក Seyed Mohammad Hosseini ដែលស្ថាប័ននេះបាននិយាយថា បានអនុវត្តតាមការកាត់ទោសមិនយុត្តិធម៌ដោយផ្អែកលើការសារភាពដោយបង្ខំ។ តុលាការបដិវត្តន៍បានរកឃើញថា បុរសទាំង ២នាក់នេះមានទោសពីបទចោទប្រកាន់ថា ពួកគេជាប់ពាក់ព័ន្ធក្នុងការសម្លាប់សមាជិកកងកម្លាំងយោធាប៉ារ៉ា Basij នៅទីក្រុង Karaj កាលពីខែវិច្ឆិកា។ បុរសទាំងពីរនាក់បានបដិសេធការចោទប្រកាន់នេះ និងបាននិយាយថា ពួកគេត្រូវបានគេធ្វើទារុណកម្ម។ ពួកគេគឺជាមនុស្សទី៣ និងទី៤ ដែលត្រូវបានប្រហារជីវិតទាក់ទងនឹងការតវ៉ាដែលបានផ្ទុះឡើងនៅក្នុងខែកញ្ញា បន្ទាប់ពីការស្លាប់ស្ត្រីម្នាក់នៅក្នុងមន្ទីរឃុំឃាំងដែលត្រូវបានឃុំខ្លួនដោយនគរបាលសីលធម៌ពីបទស្លៀកពាក់ និងប្រើប្រាស់កន្សែងគ្របមិនបានសមរម្យ៕អត្ថបទ៖ ប៊ុនថន

ប្រមុខ UN និយាយថា អ្នកគាំទ្រលោក Bolsonaro ដែលវាយលុកចូលនៅរដ្ឋធានីប្រេស៊ីលនឹងត្រូវទទួលខុសត្រូវ

ប្រេស៊ីល៖ អគ្គលេខាធិការអង្គការសហប្រជាជាតិលោក Antonio Guterres បាននិយាយកាលពីថ្ងៃចន្ទថា អ្នកដែលបំពានច្បាប់ក្នុងអំឡុងពេលកុបកម្មកាលពីថ្ងៃអាទិត្យ នឹងទទួលរងនូវផលវិបាកនៃច្បាប់។ លោកគិតថា ច្បាប់គួរតែត្រូវបានគោរព ហើយនៅពេលដែលវាមិនត្រូវបានគោរពនោះ អ្នកបំពានច្បាប់នឹងទទួលរងផលវិបាកចំពោះច្បាប់។ លោកអគ្គលេខាធិការនិយាយថា យើងរស់នៅក្នុងប្រទេសប្រេស៊ីល ដូចជាប្រទេសប្រជាធិបតេយ្យជាច្រើនទៀតនៅក្រោមនីតិរដ្ឋ ហើយអ្វីដែលសំខាន់គឺនីតិរដ្ឋដំណើរការ ហើយលទ្ធិប្រជាធិបតេយ្យដើរទៅមុខ។ លោក Guterres បានប្រាប់អ្នកយកព័ត៌មាននៅទីក្រុងហ្សឺណែវ មួយថ្ងៃបន្ទាប់ពីក្រុមអ្នកគាំទ្រអតីតប្រធានាធិបតីលោក Jair Bolsonaro បានសម្រុកចូល និងវាយបំផ្លាញស្ថាប័នចំនួនបីរបស់រដ្ឋាភិបាលក្នុងរដ្ឋធានី Brasilia ដែលទីបំផុតពួកគេត្រូវបានកម្លាំងសន្តិសុខរារាំង។ ការវាយប្រហារកាលពីថ្ងៃអាទិត្យ គឺជាការវាយប្រហារដ៏អាក្រក់បំផុតលើស្ថាប័នរដ្ឋរបស់ប្រទេសប្រេស៊ីល ចាប់តាំងពីការវិលត្រឡប់មកកាន់លទ្ធិប្រជាធិបតេយ្យក្នុងទសវត្សរ៍ឆ្នាំ១៩៨០។ កាលព្រឹកថ្ងៃចន្ទ នគរបាលប្រដាប់ដោយអាវុធធុនធ្ងន់មួយចំនួនជិះសេះ បានតម្រង់ជួរនៅមុខជំរំមួយកន្លែងនៅខាងក្រៅទីបញ្ជាការកងទ័ព ជាកន្លែងដែលអ្នកគាំទ្រក្រុមស្តាំនិយមជ្រុលរបស់លោក Bolsonaro បានបង្កើតជំរ។ ក្រោយមកក្រុមបាតុករត្រូវបានទាហានបោសសម្អាត។ លោក Lula បានដាក់កំហុសលើលោក Bolsonaro ចំពោះការញុះញង់អ្នកគាំទ្ររបស់លោក បន្ទាប់ពីយុទ្ធនាការនៃការចោទប្រកាន់ដោយគ្មានមូលដ្ឋាន អំពីការក្លែងបន្លំការបោះឆ្នោតបន្ទាប់ពីការបញ្ចប់ការគ្រប់គ្រងរបស់លោក៕អត្ថបទ៖ ប៊ុនថន

មនុស្សប្រមាណ ១,៥០០នាក់ត្រូវបានឃុំខ្លួន បន្ទាប់ពីការសម្រុកចូលអគាររដ្ឋាភិបាល

ប្រេស៊ីល៖ អ្នកគាំទ្រអតីតប្រធានាធិបតីលោក Jair Bolsonaro ប្រមាណ ១,៥០០នាក់ត្រូវបានឃុំខ្លួន បន្ទាប់ពីការសម្រុកចូលកាន់កាប់សភាប្រទេសប្រេស៊ីល វិមានប្រធានាធិបតី និងតុលាការកំពូល។ ចំណាត់ការនេះកើតឡើងនៅពេលដែលលោក Bolsonaro ត្រូវបានបញ្ជូនទៅកាន់មន្ទីរពេទ្យក្នុងរដ្ឋ Florida បន្ទាប់ពីការបរាជ័យក្នុងការបោះឆ្នោតរបស់ប្រទេសកាលពីខែតុលា។ ដោយបង្ហោះនៅលើបណ្តាញ Instagram លោកស្រី Michelle Bolsonaro ភរិយារបស់អតីតប្រធានាធិបតីបានសរសេរថា លោក Jair Bolsonaro កំពុងស្ថិតក្រោមការតាមដានជំងឺនៅមន្ទីរពេទ្យ។ លោកស្រីបានពន្យល់ថា អការៈមិនស្រួលក្នុងពោះរបស់លោកគឺទាក់ទងទៅនឹងរបួសពីស្នាមរបួសដែលលោកបានទទួលរង ក្នុងអំឡុងពេលបាតុកម្មនយោបាយឆ្នាំ២០១៨។ នគរបាលបានចាប់ផ្តើមរុះរើតង់នៅជំរំមួយកន្លែង នៅខាងក្រៅទីបញ្ជាការកណ្តាលកងទ័ពរបស់ទីក្រុង Brasilia ជាកន្លែងដែលអ្នកគាំទ្រលោក Bolsonaro តាំងទីលំនៅបន្ទាប់ពីការវាយលុកចូលវិមានកាពីតូល។ បុគ្គលចំនួន ១,២០០នាក់ត្រូវបានឃុំខ្លួននៅថ្ងៃចន្ទ រួមជាមួយនឹងបុគ្គលចំនួន ៣០០នាក់ផ្សេងទៀតដែលត្រូវបានឃុំខ្លួនកាលពីថ្ងៃអាទិត្យ នាំមកនូវចំនួនមនុស្សសរុបដែលត្រូវឃុំខ្លួនមានរហូតដល់ ១,៥០០នាក់។ រដ្ឋមន្ត្រីក្រសួងយុត្តិធម៌លោក Flavio Dino បាននិយាយក្នុងសន្និសីទសារព័ត៌មានកាលពីថ្ងៃចន្ទថា ការចាប់ខ្លួនធ្វើឡើង ២ប្រភេទ៖ មាន ការចាប់ខ្លួនបណ្តោះអាសន្នដើម្បីស៊ើបអង្កេត និងការចាប់ខ្លួនទប់ស្កាត់ជាមុន ដើម្បីធានាបានសណ្តាប់ធ្នាប់សាធារណៈ។ ក្រុមអ្នកតវ៉ាកំពុងស្វែងរកអន្តរាគមន៍ពីយោធា ដើម្បីស្ដារការគ្រប់គ្រងរបស់លោក Bolsonaro ស្តាំនិយមឲ្យឡើងកាន់អំណាចឡើងវិញ ឬបណ្តេញលោក Luiz Inacio Lula da Silva ដែលទើបនឹងឡើងកាន់អំណាចថ្មី ដែលបានឈ្នះការបោះឆ្នោតដោយសំឡេងត្រឹមតែ ៥០.៩% ប៉ុណ្ណោះ។ ក្រុមបាតុកររាប់ពាន់នាក់ដែលភាគច្រើនមានទង់ជាតិប្រេស៊ីល ពណ៌លឿង និងបៃតងបានចាកចេញពីសភា វិមានប្រធានាធិបតី តុលាការកំពូល និងក្រសួងនានាក្នុងស្ថានភាពបំផ្លិចបំផ្លាញ៕អត្ថបទ៖ ប៊ុនថន

មនុស្ស ៣៨នាក់ស្លាប់ និងប្រហែល ៨០នាក់រងរបួសនៅប្រទេសសេណេហ្គាល់ បន្ទាប់ពីរថយន្តក្រុងបុកគ្នា

សេណេហ្គាល់៖ មន្ត្រីក្នុងតំបន់ និងប្រធានាធិបតីលោក Macky Sall បាននិយាយនៅក្នុងសេចក្តីថ្លែងការណ៍ថា មនុស្ស ៣៨នាក់ស្លាប់ និងប្រហែល ៨០នាក់បានរងរបួសនៅប្រទេសសេណេហ្គាល់ភាគកណ្តាល បន្ទាប់ពីរថយន្តក្រុងពីរគ្រឿងបានបុកគ្នាកាលពីថ្ងៃអាទិត្យ។ ឧបទ្ទវហេតុរថយន្តក្រុងបុកគ្នានេះជាហេតុការណ៍មានមនុស្សច្រើនបំផុតស្លាប់ នៅក្នុងការចងចាំនាពេលថ្មីៗនេះរបស់ប្រទេសអាហ្វ្រិកខាងលិច។ លោក Sall បាននិយាយនៅលើបណ្តាញ Twitter ថា លោកមានការសោកស្ដាយយ៉ាងខ្លាំងចំពោះឧបទ្ទវហេតុនេះ ហើយបានប្រកាសពីការកាន់ទុក្ខរយៈពេល ៣ថ្ងៃដោយចាប់ផ្តើមពីថ្ងៃចន្ទនេះ។ សេចក្តីថ្លែងការណ៍របស់រដ្ឋអាជ្ញាក្នុងតំបន់បាននិយាយថា គ្រោះថ្នាក់នេះបានកើតឡើង បន្ទាប់ពីកង់រថយន្តមួយដែលដឹកអ្នកដំណើរបានផ្ទុះ និងរេរថយន្តទៅលើផ្លូវនៃរថយន្តក្រុង ១គ្រឿងទៀតដែលធ្វើដំណើរក្នុងទិសដៅផ្ទុយគ្នា។ វីដេអូពីកន្លែងកើតហេតុដែលត្រូវបានគេចែកចាយតាមបណ្ដាញអ៊ីនធឺណិត បានបង្ហាញឲ្យឃើញរថយន្តក្រុងពណ៌ស ២គ្រឿងដែលផ្នែកខាងមុខរបស់វាបានបុកគ្នា ខណៈកម្ទេចកំទីបានរាយពាសពេញលើផ្លូវតូចចង្អៀត។ គ្រោះថ្នាក់ចរាចរណ៍គឺជារឿងធម្មតានៅក្នុងប្រទេសសេណេហ្គាល់ ដែលរថយន្តដឹកទំនិញធំៗ និងរថយន្តក្រុងជារឿយៗមានអាយុកាលច្រើនទសវត្សរ៍ និងផ្ទុកលើសទម្ងន់។ កាលពីឆ្នាំ២០១៧ រថយន្តក្រុងពីរគ្រឿងបានបុកគ្នាបណ្តាលឲ្យមនុស្ស ២៥នាក់ស្លាប់ រួមទាំងអ្នកដំណើរមួយចំនួនធ្វើដំណើរទៅចូលរួមក្នុងពិធីបុណ្យសាសនា៕អត្ថបទ៖ ប៊ុនថន

ប្រទេសជប៉ុនមើលឃើញចំនួនអ្នកស្លាប់ជាង ៤០០នាក់ក្នុងមួយថ្ងៃដោយសារជំងឺ COVID-19

ជប៉ុន៖ អាជ្ញាធរសុខាភិបាលរបស់ប្រទេសជប៉ុនកំពុងរាយការណ៍ថា មានអ្នកស្លាប់ដោយសារជំងឺ Covid-19 ជាង ៤០០នាក់ដែលបានស្លាប់ក្នុងមួយថ្ងៃៗ។ ការរាប់ចំនួនអ្នកស្លាប់កាលពីថ្ងៃអាទិត្យបានធ្លាក់ចុះបន្តិច ពីតួលេខសម្រាប់ប៉ុន្មានថ្ងៃថ្មីៗនេះ។ ប៉ុន្តែអ្នកជំនាញព្រមានថា ស្ថានភាពអាចនឹងកាន់តែធ្ងន់ធ្ងរទៅៗនៅក្នុងប៉ុន្មានសប្តាហ៍ខាងមុខ។ មន្ត្រីសុខាភិបាលទូទាំងប្រទេសបានបញ្ជាក់ពីអ្នកស្លាប់ចំនួន ៤០៧នាក់ដែលជាប់ទាក់ទងនឹងជំងឺនេះកាលពីថ្ងៃអាទិត្យ។ ខេត្ត Aichi ភាគកណ្តាលមានចំនួនភាគច្រើនបំផុតក្នុងចំណោមខេត្តចំនួន ៤៧ របស់ប្រទេសជប៉ុន ដែលមានអ្នកស្លាប់ ៤៤នាក់ ហើយនៅទីក្រុងតូក្យូមនុស្ស ៣០នាក់បានស្លាប់។ ជនរងគ្រោះភាគច្រើនមានអាយុលើសពី ៧០ឆ្នាំ។ អ្នកផ្តល់សេវាថែទាំតាមលំនៅឋាននៅទីក្រុងតូក្យូបាននិយាយថា ជនងាយរងគ្រោះត្រូវការជំនួយបន្ថែម។ អ្នកផ្តល់សេវានិយាយថា ស្ថានភាពអ្នកជំងឺកាន់តែធ្ងន់ធ្ងរក្នុងរយៈពេលដ៏ខ្លី។ អ្នកទាំងនេះមានជំងឺប្រឈមហានិភ័យកាន់តែច្រើន ហើយចំនួននៃករណីឆ្លងវីរុសក៏កំពុងកើនឡើងនៅក្នុងលំនៅឋានអ្នកចូលនិវត្តន៍។ អ្នកផ្តល់សេវានិយាយថា ក្នុងចំណោមស្ថាប័នប្រមាណ ១១០ ដែលលោកបានបញ្ជូនគិលានុបដ្ឋាយិកាទៅ មានជិតពាក់កណ្តាលបានផ្ទុះឡើងករណីឆ្លងកាលពីពេលថ្មីៗនេះ។ អ្នកជំនាញនៅមន្ទីរពេទ្យសាកលវិទ្យាល័យ Tokyo Medical University Hospital បាននិយាយថា អាជ្ញាធរពិតជាពុំមានរូបភាពត្រឹមត្រូវនៃចំនួនសរុបនោះទេ។ លោក Hamada Atsuo សាស្ត្រាចារ្យនៅមន្ទីរពេទ្យបាននិយាយថា ចំនួនករណីឆ្លងប្រចាំថ្ងៃមិនបានកើនលើសពីចំនួនផ្លូវការនៃរលកឆ្លងចុងក្រោយកាលពីរដូវក្តៅនោះទេ។ ប៉ុន្តែវាទំនងជាចំនួនពិតប្រាកដដែលខ្ពស់ជាងច្រើននៃកម្រិតខ្ពស់មុនៗ នោះហើយជាមូលហេតុដែលយើងមើលឃើញ ចំនួនអ្នកស្លាប់ឈានដល់កំណត់ត្រា។ លោក Hamada កំពុងអំពាវនាវឱ្យប្រជាជនទូទាំងប្រទេសយកចិត្តទុកដាក់បន្ថែមទៀត ដើម្បីជៀសវាងភាពលើសលប់នៃប្រព័ន្ធវេជ្ជសាស្ត្រ៕អត្ថបទ៖ ប៊ុនថន

មេដឹកនាំពិភពលោកថ្កោលទោសការវាយប្រហារលើអគាររដ្ឋាភិបាលប្រទេសប្រេស៊ីល

ប្រេស៊ីល៖ អ្នកគាំទ្រអតីតប្រធានាធិបតីស្តាំនិយមប្រេស៊ីលលោក Jair Bolsonaro កាលពីថ្ងៃអាទិត្យបានសម្រុកចូលតុលាការកំពូលរបស់ប្រទេស និងអគាររដ្ឋសភា ហើយឡោមព័ទ្ធវិមានប្រធានាធិបតីក្នុងទីក្រុង Brasilia។ ប្រធានាធិបតីសហរដ្ឋអាមេរិកលោក JOE BIDEN និយាយថា លោកថ្កោលទោសចំពោះការរំលោភបំពានលើលទ្ធិប្រជាធិបតេយ្យ និងលើការផ្ទេរអំណាចដោយសន្តិវិធីនៅក្នុងប្រទេសប្រេស៊ីល។ ស្ថាប័នប្រជាធិបតេយ្យរបស់ប្រទេសប្រេស៊ីលមានការគាំទ្រយ៉ាងពេញលេញរបស់យើង ហើយឆន្ទៈរបស់ប្រជាជនប្រេស៊ីលមិនត្រូវបានបំផ្លាញឡើយ។ រដ្ឋមន្ត្រីការបរទេសសហរដ្ឋអាមេរិកលោក ANTONY BLINKEN និយាយថា យើងថ្កោលទោសការវាយប្រហារលើវិមានប្រធានាធិបតីប្រេស៊ីល សភា និងតុលាការកំពូល។ ការប្រើអំពើហិង្សាដើម្បីវាយប្រហារស្ថាប័នប្រជាធិបតេយ្យគឺពុំអាចទទួលយកបានឡើយ យើងចូលរួមជាមួយលោក Lula ក្នុងការជំរុញឱ្យបញ្ចប់សកម្មភាពទាំងនេះជាបន្ទាន់។ សហរដ្ឋអាមេរិកថ្កោលទោសរាល់កិច្ចខិតខំប្រឹងប្រែង ដើម្បីបំផ្លាញលទ្ធិប្រជាធិបតេយ្យនៅប្រេស៊ីល។ លទ្ធិប្រជាធិបតេយ្យរបស់ប្រទេសប្រេស៊ីល នឹងមិនរង្គោះរង្គើដោយអំពើហិង្សានោះទេ។ អគ្គលេខាធិការអង្គការសហប្រជាជាតិ លោក ANTONIO GUTERRES និយាយថា លោកថ្កោលទោសចំពោះការវាយប្រហារនេះទៅលើស្ថាប័នប្រជាធិបតេយ្យរបស់ប្រទេសប្រេស៊ីល។ ឆន្ទៈរបស់ប្រជាជនប្រេស៊ីល និងស្ថាប័នរបស់ប្រទេសត្រូវតែគោរព។ លោក JOSEP BORRELL ប្រធានគោលនយោបាយការបរទេសរបស់សហភាពអឺរ៉ុបនិយាយថា លោកមានការរន្ធត់ចិត្តចំពោះអំពើហិង្សា និងការចូលកាន់កាប់ដោយខុសច្បាប់នូវទីស្នាក់ការរដ្ឋាភិបាលទីក្រុង Brasilia ដោយក្រុមជ្រុលនិយមហិង្សា។ អ្នកគាំទ្រអតីតប្រធានាធិបតីប្រេស៊ីលលោក Jair Bolsonaro បានទម្លាយការបិទផ្លូវដែលបង្កើតឡើងដោយកងកម្លាំងសន្តិសុខ និងបានសម្រុកចូលក្រសួងនានា និងអគារសភាក្នុងទីក្រុង Brasilia កាលពីថ្ងៃអាទិត្យម្សិលមិញ។ ក្រុមបាតុករច្រើននាក់បានជំទាស់នឹងលទ្ធផលនៃការបោះឆ្នោតកាលពីថ្ងៃទី៣០ ខែតុលា ដែលអ្នកឆ្វេងនិយមលោក Luiz Inacio Lula da Silva បានទទួលជ័យជំនះលើលោក Bolsonaro។ អតីតប្រធានាធិបតីរូបនេះបានចោទសួរម្តងហើយម្តងទៀត ដោយគ្មានភស្តុតាង ភាពជឿជាក់នៃប្រព័ន្ធបោះឆ្នោតតាមប្រព័ន្ធអេឡិចត្រូនិករបស់ប្រទេស ហើយអ្នកគាំទ្រភាគច្រើនរបស់លោកបានជឿលើលោក៕អត្ថបទ៖ ប៊ុនថន

ក្រុមមន្ត្រីចិនរំពឹងថា ករណីឆ្លងវីរុស COVID-19 នឹងហក់ឡើងដល់ចំណុចកំពូលនៅក្នុងទីក្រុងតូចៗ

ចិន៖ ក្រុមមន្ត្រីមកពីគណៈកម្មការសុខភាពជាតិចិននិយាយថា ការទាមទារសម្រាប់វិធានការបន្ទាន់ និងការហក់ឡើងខ្ពស់នៃករណីឆ្លងវីរុស COVID-19 ដ៏ធ្ងន់ធ្ងរទំនងជានឹងកើនឡើងដល់ចំណុចកំពូលនៅក្នុងទីក្រុងតូចៗ និងមធ្យម ព្រមទាំងតំបន់ជនបទនានា ដោយសារតែការធ្វើដំណើរក្នុងឱកាសពិធីបុណ្យចូលឆ្នាំប្រពៃណីចិននាពេលខាងមុខ។ កាលពីថ្ងៃអាទិត្យ ទី៨ មករា ទូរទស្សន៍រដ្ឋចិន CCTV បានចេញផ្សាយបទសម្ភាសន៍មួយជាមួយលោកស្រី Jiao Yahui មន្ត្រីមួយរូបមកពីគណៈកម្មការសុខភាពជាតិដែលបាននិយាយថា តម្រូវការសម្រាប់គ្រាអាសន្ន និងការថែទាំដ៏ចាំបាច់នៅក្នុងទីក្រុងធំបំផុតរបស់ចិនទំនងបានឡើងដល់ចំណុចកំពូលហើយ ប៉ុន្តែការធ្វើដំណើរអំឡុងពិធីបុណ្យនិទាឃៈរដូវប្រចាំឆ្នាំ អាចរុញឲ្យករណីឆ្លងហក់ឡើងខ្ពស់នៅក្នុងទីក្រុងតូចៗ និងតំបន់ជនបទនានា។ លោកស្រីនិយាយថា ចំនួន ៨០% នៃគ្រែសង្គ្រោះបន្ទាន់នៅបន្ទប់ ICU នៅក្នុងមន្ទីរពេទ្យធំលំដាប់ទី១ និងទី២ ត្រូវបានប្រើអស់ប្រមាណ ៥៤% កាលពីថ្ងៃទី២៥ ខែធ្នូ ដោយបន្ថែមថា សេវាផ្ដល់ឱសថរបស់ប្រទេសនេះក្នុងការព្យាបាលវីរុស COVID-19 កំពុងប្រឈមនឹងហានិភ័យធ្ងន់ធ្ងរមិនធ្លាប់មាន។ ក្រុមមន្ត្រីសុខភាពបានថ្លែងនៅសន្និសីទសារព័ត៌មានមួយថា ពួកគេនឹងមិនច្រានចោលលទ្ធភាពនៃការចាត់វិធានការបន្ទាន់ទប់ស្កាត់ការឆ្លងរាលដាលវីរុស COVID-19 នានានោះទេ ដូចជាការផ្អាកសកម្មភាពទ្រង់ទ្រាយធំដែលមិនចាំបាច់ និងអាជីវកម្មកម្សាន្តធំៗ ដើម្បីទប់ទល់ការផ្ទុះរាលដាលវីរុសទ្រង់ទ្រាយធំ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ក្មេងទំនើងដែលបង្កហិង្សា និងអះអាងថាខ្លួនជាកូនខ្លាមេ០៧ ត្រូវបានអាវុធហត្ថបញ្ជូនដល់ដំណាក់កាលអយ្យការហើយ

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

អ្នកស្វែងរកការងារជាង ១០០នាក់ ទទួលបានលទ្ធផលល្អក្នុងវេទិកាការងារ និងកិច្ចសម្ភាសន៍ការងាររបស់ NEA

អង្គការមជ្ឈមណ្ឌលវប្បធម៌ខ្មែរកម្ពុជាក្រោម ចុះចែក និងផ្តល់សម្ភារៈសិក្សាដល់សិស្សមានជីវភាពខ្វះខាត និងកុមារកំព្រាចំនួន ៥៤នាក់នៅភូមិគោកឃ្លាង សង្កាត់គោកឃ្លាង ខណ្ឌសែនសុខ

កម្មវិធីបណ្តុះបណ្តាលជំនាញ ១,៥លាននាក់ ជួយឱ្យយុវជនក្រីក្រ និងពលរដ្ឋជាង ២ពាន់នាក់នៅតាកែវ មានជំនាញ និងចំណូលសមរម្យ

មន្រ្តីឧទ្យានុរក្ស ប្តេជ្ញាការពារបេតិកភណ្ឌធម្មជាតិដ៏មានតម្លៃរបស់កម្ពុជាឱ្យនៅស្ថិតស្ថេរគង់វង្ស

ចេះគុនខ្មែរ និងឃីកបុកស៊ីង ចំណេញលើចំណេញ និងងាយបត់បែនតាមស្ថានការណ៍

កាកបាទក្រហមកម្ពុជាប្រគល់ផ្ទះ១ខ្នងដល់គ្រួសារកងទ័ពជួរមុខ ដែលមានជីវភាពខ្វះខាតនៅខេត្តកំពង់ស្ពឺ

នាយករដ្ឋមន្ត្រីនេប៉ាល់ជំរុញឱ្យមានភាពស្ងប់ស្ងាត់ ខណៈមនុស្សបីនាក់ស្លាប់ក្រោយភាពចលាចលក្រុមកាន់សាសនាហិណ្ឌូ និងមូស្លីម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

រុស្ស៊ីបង្កើនការវាយលុកលើទីក្រុងសំបូរដោយអំបិលរបស់អ៊ុយក្រែន និងសមរភូមិភាគខាងកើត

នគរបាលនិយាយថា កុមារអាយុ ៦ឆ្នាំដែលបាញ់គ្រូបង្រៀនរបស់ខ្លួនប្រើកាំភ្លើងរបស់ម្តាយដែលបានទិញ

នាយករដ្ឋមន្ត្រីថៃដែលកាន់អំណាចយូរបង្ហើបពីបំណងការបោះឆ្នោតមួយអាណត្តិទៀតក្រោមបក្សបង្កើតថ្មី

មនុស្សរាប់សិបនាក់តវ៉ានៅខាងក្រៅពន្ធនាគារក្នុងបំណងបញ្ឈប់ការប្រហារជីវិតបាតុករប្រឆាំងរដ្ឋាភិបាល ២នាក់

ប្រមុខ UN និយាយថា អ្នកគាំទ្រលោក Bolsonaro ដែលវាយលុកចូលនៅរដ្ឋធានីប្រេស៊ីលនឹងត្រូវទទួលខុសត្រូវ

មនុស្សប្រមាណ ១,៥០០នាក់ត្រូវបានឃុំខ្លួន បន្ទាប់ពីការសម្រុកចូលអគាររដ្ឋាភិបាល

មនុស្ស ៣៨នាក់ស្លាប់ និងប្រហែល ៨០នាក់រងរបួសនៅប្រទេសសេណេហ្គាល់ បន្ទាប់ពីរថយន្តក្រុងបុកគ្នា

ប្រទេសជប៉ុនមើលឃើញចំនួនអ្នកស្លាប់ជាង ៤០០នាក់ក្នុងមួយថ្ងៃដោយសារជំងឺ COVID-19

មេដឹកនាំពិភពលោកថ្កោលទោសការវាយប្រហារលើអគាររដ្ឋាភិបាលប្រទេសប្រេស៊ីល

ក្រុមមន្ត្រីចិនរំពឹងថា ករណីឆ្លងវីរុស COVID-19 នឹងហក់ឡើងដល់ចំណុចកំពូលនៅក្នុងទីក្រុងតូចៗ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

រុស្ស៊ី​បង្កើន​ការ​វាយលុក​លើ​ទីក្រុង​សំបូរ​ដោយ​អំបិល​របស់​អ៊ុយ​ក្រែ​ន និង​សមរ​ភូមិភាគ​ខាងកើត​

ប្រមុខ​ UN និយាយថា អ្នកគាំទ្រ​លោក Bolsonaro ដែល​វាយលុក​ចូល​នៅ​រដ្ឋធានី​ប្រេ​ស៊ី​ល​នឹង​ត្រូវ​ទទួលខុសត្រូវ​

មនុស្ស​ប្រមាណ ១,៥០០​នាក់​ត្រូវបាន​ឃុំខ្លួន​ បន្ទាប់ពី​ការ​សម្រុកចូល​អគារ​រដ្ឋាភិបាល​

មនុស្ស ៣៨​នាក់​ស្លាប់ និង​ប្រហែល ​៨០​នាក់​រងរបួស​នៅ​ប្រទេស​សេ​ណេ​ហ្គា​ល់ បន្ទាប់ពី​រថយន្តក្រុងបុក​គ្នា

ប្រទេស​ជប៉ុន​មើលឃើញ​ចំនួន​អ្នកស្លាប់​ជាង ​៤០០​នាក់​ក្នុង​មួយថ្ងៃ​ដោយសារ​ជំងឺ COVID-19

មេដឹកនាំ​ពិភពលោក​ថ្កោលទោស​ការវាយប្រហា​រលើ​អគារ​រដ្ឋាភិបាល​ប្រទេស​ប្រេ​ស៊ី​ល

ក្រុមមន្ត្រី​ចិន​រំពឹងថា​ ករណី​ឆ្លង​វីរុស COVID-19 នឹង​ហក់​ឡើង​ដល់​ចំណុចកំពូល​នៅក្នុង​ទីក្រុង​តូចៗ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រុស្ស៊ីបង្កើនការវាយលុកលើទីក្រុងសំបូរដោយអំបិលរបស់អ៊ុយក្រែន និងសមរភូមិភាគខាងកើត

ប្រមុខ UN និយាយថា អ្នកគាំទ្រលោក Bolsonaro ដែលវាយលុកចូលនៅរដ្ឋធានីប្រេស៊ីលនឹងត្រូវទទួលខុសត្រូវ

មនុស្សប្រមាណ ១,៥០០នាក់ត្រូវបានឃុំខ្លួន បន្ទាប់ពីការសម្រុកចូលអគាររដ្ឋាភិបាល

មនុស្ស ៣៨នាក់ស្លាប់ និងប្រហែល ៨០នាក់រងរបួសនៅប្រទេសសេណេហ្គាល់ បន្ទាប់ពីរថយន្តក្រុងបុកគ្នា

ប្រទេសជប៉ុនមើលឃើញចំនួនអ្នកស្លាប់ជាង ៤០០នាក់ក្នុងមួយថ្ងៃដោយសារជំងឺ COVID-19

មេដឹកនាំពិភពលោកថ្កោលទោសការវាយប្រហារលើអគាររដ្ឋាភិបាលប្រទេសប្រេស៊ីល

ក្រុមមន្ត្រីចិនរំពឹងថា ករណីឆ្លងវីរុស COVID-19 នឹងហក់ឡើងដល់ចំណុចកំពូលនៅក្នុងទីក្រុងតូចៗ