BTV NEWS

សម្តេចតេជោ ហ៊ុន សែន ទទួលជួបពិភាក្សាការងារជាមួយឯកឧត្តមប្រធានាធិបតីឡាវ

កម្ពុជា-សាធារណរដ្ឋម៉ាសេដ្វានខាងជើង ឯកភាពជំរុញកិច្ចសហប្រតិបត្តិការទ្វេភាគី

កម្ពុជា-រវ៉ាន់ដា ឯកភាពពង្រឹង និងពង្រីកកិច្ចសហប្រតិបត្តិការទ្វេភាគីឱ្យកាន់តែទូលំទូលាយ

សម្តេចធិបតី នាយករដ្ឋមន្ត្រី ទទួលជួបពិភាក្សាការងារទ្វេភាគី ជាមួយឯកឧត្តមប្រធានាធិបតីរវ៉ាន់ដា

ព័ត៌មានសំខាន់ៗ

លោក លឺ ឡាយស្រេង អញ្ជើញគោរពវិញ្ញាណក្ខន្ធលោកជំទាវ ប៊ុន សុថា

ភ្នំពេញ៖ លោក លឺ ឡាយស្រេង អតីតមន្រ្តីជាន់ខ្ពស់ នៃគណបក្សហ៊្វុនស៊ិនប៉ិច បានអញ្ជើញគោរពវិញ្ញាណក្ខន្ធលោកជំទាវ ប៊ុន សុថា ភរិយាឯកឧត្តម តាន់ បញ្ញាវុធ ដែលត្រូវជាប្អូនស្រីបង្កើតរបស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នៅរសៀលថ្ងៃទី៥ ខែកុម្ភៈ ឆ្នាំ២០២៣នេះ៕

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើលិខិតថ្លែងអំណរគុណប្រធានគណបក្សភ្លើងទៀន ដែលបានផ្ញើលិខិតចូលរួមរំលែកទុក្ខចំពោះមរណភាពលោកជំទាវ ប៊ុន សុថា

ភ្នំពេញ៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើលិខិតថ្លែងអំណរគុណដល់លោក ទាវ វណ្ណុល ប្រធានគណបក្សភ្លើងទៀន ដែលបានផ្ញើលិខិតចូលរួមរំលែកទុក្ខ ចំពោះមរណភាពលោកជំទាវ ប៊ុន សុថា ប្អូនស្រីបង្កើតរបស់សម្តេច។

ប្រតិភូជាថ្នាក់ដឹកនាំគណបក្សភ្លើងទៀន ចូលគោរពវិញ្ញាណក្ខន្ធលោកជំទាវ ប៊ុន សុថា

ភ្នំពេញ៖ លោក ចេប គឹមអ៊ាង អនុប្រធានគណបក្សភ្លើងទៀន នៅរសៀលថ្ងៃទី៥ ខែកុម្ភៈ ឆ្នាំ២០២៣នេះ បានដឹកនាំប្រតិភូជាថ្នាក់ដឹកនាំគណបក្សភ្លើងទៀន ចូលគោរពវិញ្ញាណក្ខន្ធលោកជំទាវ ប៊ុន សុថា ភរិយាឯកឧត្តម តាន់ បញ្ញាវុធ ដែលត្រូវជាប្អូនស្រីបង្កើតរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន។

លោក ញឹក ប៊ុនឆៃ ប្រធានគណបក្សខ្មែររួបរួមជាតិ គោរពវិញ្ញាណក្ខន្ធលោកជំទាវ ប៊ុន សុថា

ភ្នំពេញ៖ លោក ញឹក ប៊ុនឆៃ ប្រធានគណបក្សខ្មែររួបរួមជាតិ នៅរសៀលថ្ងៃទី៥ ខែកុម្ភៈ ឆ្នាំ២០២៣នេះ បានចូលគោរពវិញ្ញាណក្ខន្ធលោកជំទាវ ប៊ុន សុថា ភរិយាឯកឧត្តម តាន់ បញ្ញាវុធ ដែលត្រូវជាប្អូនស្រីបង្កើតរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន។

ឧត្តមសេនីយ៍ឯក ហ៊ុន ម៉ាណែត ជួបពិភាក្សាការងារជាមួយអគ្គលេខាធិការក្រសួងការពារជាតិឥណ្ឌា

ឥណ្ឌា៖ ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក នៅថ្ងៃទី៣ ខែកុម្ភៈ ឆ្នាំ២០២៣ បានអញ្ជើញចូលជួបសម្តែងការគួរសម និងពិភាក្សាការងារមួយចំនួនជាមួយលោក ជីរីដា អារ៉ាម៉ានី (Giridhar Aramane) អគ្គលេខាធិការនៃក្រសួងការពារជាតិឥណ្ឌា ក្នុងឱកាសនៃដំណើរបំពេញទស្សនកិច្ចផ្លូវការនៅរដ្ឋធានីញ៉ូដេលី សាធារណរដ្ឋឥណ្ឌា។ ថ្លែងនៅក្នុងជំនួបនោះលោក ជីរីដា អារ៉ាម៉ានី បានសម្តែងនូវការស្វាគមន៍ចំពោះដំណើរទស្សនកិច្ចរបស់ឧត្តមសេនីយ៍ឯក ហ៊ុន ម៉ាណែត និងគណៈប្រតិភូមកកាន់ប្រទេសឥណ្ឌា ស្របពេលដែលចំណងមិត្តភាពជាប្រពៃណីកម្ពុជា-ឥណ្ឌាបានរក្សានូវការផ្សារភ្ជាប់យ៉ាងជិតស្និទ្ធ ហើយទំនាក់ទំនងកិច្ចសហប្រតិបត្តិការទ្វេភាគីលើគ្រប់វិស័យ ក៏កំពុងមានវឌ្ឍនភាពរីកចម្រើនជាលំដាប់គួរឱ្យកត់សម្គាល់ ជាពិសេសទំនាក់ទំនងផ្នែកវប្បធម៌ សេដ្ឋកិច្ច និងបន្តរហូតមកដល់ផ្នែកយោធា។ ឆ្លើយតបទៅតាមការលើកឡើងរបស់លោក ជីរីដា អារ៉ាម៉ានី ឧត្តមសេនីយ៍ឯក ហ៊ុន ម៉ាណែត បានថ្លែងអំណរគុណចំពោះបដិសណ្ឋារកិច្ចស្វាគមន៍យ៉ាងកក់ក្តៅ ដែលបានផ្តល់ជូនគណៈប្រតិភូកងទ័ពជើងគោកនៃកងយោធពលខេមរភូមិន្ទ ដែលពិតជាបានស្តែងឱ្យឃើញអំពីឆន្ទៈ និងការប្តេជ្ញាចិត្តរួមគ្នាក្នុងការបន្តថែរក្សាចំណងមិត្តភាព និងជំរុញកិច្ចសហប្រតិបត្តិការឱ្យបានជិតស្និទ្ធ និងមានកម្រិតខ្ពស់ឡើង ដើម្បីរួមចំណែកក្នុងការពង្រឹងទំនាក់ទំនងរវាងប្រទេស និងប្រជាជនទាំងពីរកម្ពុជា-ឥណ្ឌាឱ្យកាន់តែរឹងមាំ និងយូរអង្វែង។ នៅក្នុងកិច្ចជំនួបនោះភាគីទាំងពីរ ក៏បានវាយតម្លៃខ្ពស់ចំពោះទំនាក់ទំនងយោធាទ្វេភាគី ដែលបានបោះជំហានរីកចម្រើនទៅមុខ ដោយសម្រេចបាននូវលទ្ធផលផ្លែផ្កាជាច្រើនគួរជាទីមោទនៈ ហើយក៏បានបង្កលក្ខណៈដល់ការផ្សារភ្ជាប់ទំនាក់ទំនងកាន់តែប្រសើរ និងមានកម្រិតខ្ពស់ឡើងរវាងកងទ័ពជើងគោកនៃប្រទេសទាំងពីរផងដែរ ដូចដែលស្តើងឡើងតាមរយៈគម្រោងនៃការចុះហត្ថលេខា លើឯកសារលក្ខខណ្ឌស្តីពីកិច្ចសហប្រតិបត្តិការរវាងកងទ័ពជើងគោកទាំងពីរ ក្នុងក្របខ័ណ្ឌនៃដំណើរទស្សនកិច្ចនេះ។ ក្រៅពីនេះ ថ្នាក់ដឹកនាំទាំងពីរក៏បានផ្លាស់ប្តូរមតិលើបញ្ហាតំបន់ និងអន្តរជាតិមួយចំនួន ដោយបានគូសបញ្ជាក់អំពីសារៈសំខាន់នៃការកសាងទំនុកចិត្តទៅវិញទៅមក ព្រមជាមួយនឹងសុឆន្ទៈនៃការពង្រឹងកិច្ចសហប្រតិបត្តិការទ្វេភាគី និងពហុភាគី សំដៅធានាបាននូវសន្តិភាព ស្ថិរភាព និងការអភិវឌ្ឍ ដែលជាគោលបំណងរួម។សូមបញ្ជាក់ថា ដំណើរទស្សនកិច្ចរបស់ឯកឧត្តម ឧត្តមសេនីយ៍ឯក ហ៊ុន ម៉ាណែត គឺជាដំណើរទស្សនកិច្ចផ្លូវការដំបូងបង្អស់របស់មេបញ្ជាការកងទ័ពជើងគោកកម្ពុជា ទៅកាន់សាធារណរដ្ឋឥណ្ឌា ក្រោមគំនិតផ្តួចផ្តើមរបស់ឯកឧត្តមអនុប្រធានាធិបតីឥណ្ឌា និងឯកឧត្តមនាយករដ្ឋមន្ត្រីឥណ្ឌា ក្នុងជំនួបពិភាក្សាជាមួយនឹងសម្តេចតេជោ ហ៊ុន សែន ក្នុងឆ្នាំ២០២២ កន្លងទៅ ដើម្បីជាការអបអរសាទរខួបលើកទី៧០ នៃការបង្កើតចំណងការទូតផ្លូវការរវាងប្រទេសទាំងពីរ៕អត្ថបទ៖ បាន ចក់

ឯកឧត្តម ឧត្តមសេនីយ៍ឯក ហ៊ុន ម៉ាណែត អញ្ជើញចូលជួបសម្តែងការគួរសមជាមួយនឹងទីប្រឹក្សារងសន្តិសុខជាតិឥណ្ឌា

នារសៀលថ្ងៃទី០៣ ខែកុម្ភៈ ឆ្នាំ២០២៣ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក បានអញ្ជើញចូលជួបសម្តែងការគួរសមជាមួយនឹងឯកឧត្តម វីក្រម មីស្រ៊ី (Vikram Misri) ទីប្រឹក្សារងសន្តិសុខជាតិនៃសាធារណរដ្ឋឥណ្ឌា ក្នុងឱកាសដែលលោកឧត្តមសេនីយ៍កំពុងដឹកនាំគណៈប្រតិភូជាន់ខ្ពស់កងទ័ពជើងគោកនៃកងយោធពលខេមរភូមិន្ទ ក្នុងដំណើរបំពេញទស្សនកិច្ចផ្លូវការនៅរដ្ឋធានីញ៉ូដេលី សាធារណរដ្ឋឥណ្ឌា។ ក្នុងជំនួបនេះ ឯកឧត្តម វីក្រម មីស្រ៊ី បានសម្តែងក្តីរីករាយស្វាគមន៍ចំពោះការមកដល់ប្រទេសឥណ្ឌា របស់គណៈប្រតិភូកងទ័ពជើងគោកនៃកងយោធពលខេមរភូមិន្ទ ដែលជាផ្នែកមួយនៃសកម្មភាពផ្លាស់ប្តូរទស្សនកិច្ចថ្នាក់ដឹកនាំជាន់ខ្ពស់រវាងប្រទេសទាំងពីរ ដើម្បីអបអរសាទរខួបលើកទី៧០ នៃការបង្កើតចំណងការទូតផ្លូវការនៅក្នុងឆ្នាំ១៩៥២។ ឯកឧត្តម ទីប្រឹក្សារងសន្តិសុខជាតិឥណ្ឌាបានវាយតម្លៃខ្ពស់ ចំពោះការរីកចម្រើនជាលំដាប់នៃទំនាក់ទំនងរវាងប្រទេស និងប្រជាជនទាំងពីរ និងបានបញ្ជាក់ផងដែរអំពីការគាំទ្ររបស់ប្រទេសឥណ្ឌា ចំពោះទិសដៅនៃការបង្កើនកិច្ចសហប្រតិបត្តិការទ្វេភាគី និងការផ្សារភ្ជាប់ទំនាក់ទំនងឱ្យកាន់តែជិតស្និទ្ធក្នុងវិស័យសេដ្ឋកិច្ច, វប្បធម៌, បច្ចេកវិទ្យាឌីជីថល និងការពារជាតិ។ ជាការឆ្លើយតប ឧត្តមសេនីយ៍ឯក ហ៊ុន ម៉ាណែត បានថ្លែងអំណរគុណចំពោះការឧបត្ថម្ភគាំទ្ររបស់ប្រទេសឥណ្ឌាក្នុងរយៈកាលកន្លងមក ជាពិសេសក្នុងគ្រាលំបាក ដែលពិតជាបានឆ្លុះបញ្ចាំងអំពីមិត្តភាពដ៏ស្មោះត្រង់ដោយមិនអាចបំភ្លេចបាន។ លោកឧត្តមសេនីយ៍ ក៏បានបង្ហាញនូវក្តីរីករាយចំពោះការគាំទ្ររបស់ឯកឧត្តម ទីប្រឹក្សារងសន្តិសុខជាតិ លើការលើកកម្ពស់កិច្ចសហប្រតិបត្តិការផ្នែកយោធារវាងប្រទេសទាំងពីរជានិយាយជារួម និងនិយាយដោយឡែកក្នុងកម្រិតកងទ័ពជើងគោក ដែលកំពុងមានវឌ្ឍនភាពជឿនលឿន តាមរយៈការសម្រេចបាននូវការចុះហត្ថលេខាលើឯកសារលក្ខខណ្ឌស្តីពីកិច្ចសហប្រតិបត្តិការ (TOR) រវាងកងទ័ពជើងគោកនៃប្រទេសទាំងពីរក្នុងក្របខ័ណ្ឌនៃដំណើរទស្សនកិច្ចនេះ។

ពិធីបុណ្យសព លោកជំទាវ ប៊ុន សុថា ប្រព្រឹត្តិទៅតាមប្រពៃណីសាសនា

ឯកឧត្តម តាន់ បញ្ញាវុធ ត្រូវជាស្វាមី លោកស្រី កូវ សុវណ្ណារិទ្ធ ព្រមទាំងបុត្រ ត្រូវជាកូន និងចៅ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងសម្តេចអគ្គមហាសេនាបតីតេជោ ហ៊ុន សែន ព្រមទាំងបុត្រ ត្រូវជាបង បងថ្លៃ និងក្មួយ ឯកឧត្តម គ្រី ទូច និងលោកជំទាវ ទ្រី ង៉ូវណាំ ព្រមទាំងបុត្រ ត្រូវជាបង បងថ្លៃ និងក្មួយ លោកស្រី ប៊ុន សាមលេន និងលោក គីម ទូច ព្រមទាំងបុត្រ ត្រូវជាបង បងថ្លៃ និងក្មួយ មានទុកជាទម្ងន់ដោយលោកជំទាវ ប៊ុន សុថា ហៅ ប៊ុន សាមហ៊ឹង បានទទួលមរណភាព កាលពីថ្ងៃសុក្រ ១៣កើត ខែមាឃ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី៣ ខែកុម្ភៈ ឆ្នាំ២០២៣ វេលាម៉ោង១៨និង១៣នាទី ក្នុងជន្មាយុ៦៧ឆ្នាំ ដោយរោគាពាធ។សពលោកជំទាវ ប៊ុន សុថា បានតម្កល់ធ្វើបុណ្យទក្ខិណានុប្បទានដារបង្សុកូលតាមប្រពៃណីព្រះពុទ្ធសាសនា រយៈពេល ៤យប់៥ថ្ងៃ នៅភូមិគ្រឹៈលេខ៦៦ ផ្លូវលេខ៥២៨ កែងផ្លូវលេខ២៨៥ សង្កាត់បឹងកក់ទី១ ខណ្ឌទួលគោក រាជធានីភ្នំពេញ។នៅព្រឹកថ្ងៃ១៤កើត ខែមាឃ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី៤ ខែកុម្ភៈ ឆ្នាំ២០២៣ សម្តេច ឯកឧត្តម លោកជំទាវ ត្រូវជាស្វាមី កូន ចៅ បង បងថ្លៃ ក្មួយៗទាំងអស់ បានមូលមតិជាឯកច្ឆន្ទ និមន្តសម្តេចព្រះសង្ឃនាយករងទី១ សម្តេចព្រះសង្ឃនាយករងទី២ នៃព្រះរាជាណាចក្រកម្ពុជា សម្តេចព្រះរាជាគណៈ និងព្រះសង្ឃ ៩ព្រះអង្គ ធ្វើបទនមសិកាព្រះរតនត្រ័យ សមាទានសិល៍ ជូនកុសលដល់វិញ្ញាណក្ខន្ធសព លោកជំទាវ ប៊ុន សុថា ដែលបានលាចាកលោកយើងនេះ ទៅកាន់លោកខាងមុខ។នៅរសៀលថ្ងៃដដែលនោះដែរ សម្តេច ឯកឧត្តម លោកជំទាវ ជាឥស្សរជនជាន់ខ្ពស់តំណាងនៅតាមក្រសួង ស្ថាប័នមួយចំនួន បានអញ្ជើញនាំយកគោរោនផ្កា គោរពវិញ្ញាណក្ខន្ធសព លោកជំទាវឧបាសិកា ប៊ុន សុថា ដោយក្តីស្រណោះអាឡោះអាល័យ។គណៈប្រតិភូជាន់ខ្ពស់ដែលបានអញ្ជើញចូលរួមគោរពវិញ្ញាណក្ខន្ធសព នារសៀលនេះរួមមាន សម្តេចវិបុលភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា —លោកជំទាវសឹង្កហបណ្ឌិត ម៉ែន សំអន ឧបនាយករដ្ឋមន្រ្តី និងជារដ្ឋមន្រ្តីក្រសួងទំនាក់ទំនងព្រឹទ្ធសភា រដ្ឋសភា និងអធិការកិច្ច - គណៈប្រតិភូក្រសួងអប់រំ យុវជន និងកីឡា ដឹកនាំដោយឯកឧត្តមបណ្ឌិតសុភាចារ្យ ហង់ ជួនណារ៉ុន រដ្ឋមន្រ្តីក្រសួងអប់រំ យុវជន និងកីឡា។ - គណៈប្រតិភូក្រុមប្រឹក្សាធម្មនុញ្ញ ដឹកនាំដោយ ឯកឧត្តមនិតិកោសលកិត្តិបណ្ឌិត អ៊ឹម ឈុនលឹម ប្រធានក្រុមប្រឹក្សាធម្មនុញ្ញ។ - ប្រតិភូក្រសួងព្រះបរមរាជវាំង ដឹកនាំដោយសម្តេចចៅហ្វារាំងវរវៀងជ័យអធិបតីស្រីង្គា គង់ សំអុល ឧបនាយករដ្ឋមន្រ្តី និងជារដ្ឋមន្រ្តីក្រសួងព្រះបរមរាជវាំង និងជាព្រះរាជតំណាងដ៏ខ្ពង់ខ្ពស់បំផុត របស់ព្រះករុណា ព្រះមបាទសម្តេចព្រះនរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចព្រះមហាវិររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត។ គណៈប្រតិភូកាកបាទក្រហមកម្ពុជា ដឹកនាំដោយលោកជំទាវ ឃួន សុដារី តំណាងកាកបាទក្រហមកម្ពុជា។ គណៈប្រតិភូក្រសួងមហាផ្ទៃ ដឹកនាំដោយសម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ។គណៈប្រតិភូទាំងអស់ បានសំដែងនូវការសោកស្តាយ និងចូលរួមរំលែកមរណទុក្ខជាមួយក្រុមគ្រួសារ នៃសព និងឧទ្ទិសសូមឲ្យវិញ្ញាណក្ខន្ធលោកជំទាវ ប៊ុន សុថា បានទៅកាន់សុគិភពកុំបីឃ្លៀងឃ្លាតឡើយ។នៅក្នុងពិធីគោរពវិញ្ញាណក្ខន្ធជាផ្លូវការនោះដែរ សម្តេច ឯកឧត្តម លោកជំទាវ ឥស្សរជនជាន់ខ្ពស់តំណាងគ្រប់ស្ថាប័ននានារបស់ព្រះរាជាណាចក្រកម្ពុជា បានសរសេរលើសៀវភៅចូលរួមមរណទុក្ខ និងផ្ញើសារចូលរួមរំលែកទុក្ខដ៏ក្រោមក្រំបំផុត ដោយបានចាត់ទុកថា ការទទួលមរណភាពរបស់លោកជំទាវ ប៊ុន សុថា មិនគ្រាន់តែជាការបាត់បង់មាតា ជីដូន ជាទីគោរពស្រឡាញ់ប្រកប ដោយព្រហ្មវិហារធម៌ គុណធម៌ និងកិត្តិគុណរបស់គ្រួសារប៉ុណ្ណោះទេ ប៉ុន្តែជាការបាត់បង់នូវពុទ្ធបរិស័ទ ដែលមានសទ្ធាជ្រះថ្លាដ៏មោះមុតឧត្តុង្គឧត្តមជាទីគោរពស្រឡាញ់ នៃញាតិមិត្តជិតឆ្ងាយ។នៅក្នុងឱកាសដ៏ក្រៀមក្រំនេះ នារសៀលថ្ងៃទី ៤ កុម្ភៈ ឆ្នាំ២០២៣ នេះ សម្តេចចៅហ្វាវាំង គង់ សំអុល ឧបនាយករដ្ឋមន្រ្តី តំណាងដ៏ខ្ពង់ខ្ពស់បំផុតព្រះករុណាព្រះមហាក្សត្រនៃព្រះរាជាណាចក្រកម្ពុជា បានប្រោសព្រះរាជទាននូវគ្រឿងឥស្សរិយយសមុនីសារាភ័ណ្ឌ ថ្នាក់ មហាសេរីវឌ្ឍន៍ ជាកិច្ចបច្ឆាមរណៈ ចំពោះលោកជំទាវ ប៊ុន សុថា ជូនដល់ក្រុមគ្រួសារ នៃសពផងដែរ។តាមជីវប្រវត្តិសង្ខេប លោកជំទាវ ប៊ុន សុថា កើតនៅថ្ងៃសុក្រ ៨កើត ខែផល្គុន ឆ្នាំរកា អដ្ឋស័ក ពុទ្ធសករាជ២៥០០ ត្រូវនឹងថ្ងៃទី៨ ខែមីនា ឆ្នាំ១៩៥៧ ក្នុងគ្រួសារកសិករ នៅភូមិទី២ ឃុំរកាខ្នុរ ស្រុងក្រូចឆ្មារ ខេត្តត្បូងឃ្មុំ ដែលមានបិតានាម លីន គ្រី មាតានាម ប៊ុន ស៊ាងលី។ លោកជំទាវឧបាសិកា ប៊ុន សុថា ជាបុត្រីទី៥ និងជាកូនពៅ ក្នុងចំណោមបងប្អូន៥នាក់ ក្នុងនោះមានប្រុស២រូប និងស្រី៣រូប៕

សម្ដេចតេជោ ហ៊ុន សែន បង្ហោះរូបភាព ៣សន្លឹក រួមនឹងខ្លឹមសារថា...

នៅរសៀលថ្ងៃទី០៤ ខែកុម្ភៈ ឆ្នាំ២០២៣នេះ សម្ដេចតេជោ ហ៊ុន សែន បានបង្ហោះរូបភាព ៣សន្លឹក រួមនឹងខ្លឹមសារថា “ ឆ្នាំមុន បងប្រុសទីពីរមរណភាព ក្នុងពេលបងប្រុសទីមួយកំពុងឈឺធ្ងន់មិនអាចផ្តល់ដំណឹងឲ្យគាត់ដឹងបាន។ ឆ្នាំនេះ ប្អូនស្រីពៅចែកឋាន ក្នុងពេលបងស្រីទីមួយកំពុងព្យាបាលជំងឺមិនដឹងថា តើគាត់អាចចូលរួមបុណ្យសពប្អូនស្រីពៅបានឬអត់?។”

ព្រះមហាក្សត្រ ប្រោសព្រះរាជទានគ្រឿងឥស្សរិយយសមុនីសារាភ័ណ្ឌ ថ្នាក់ មហាសេរីវឌ្ឍន៍ ជាកិច្ចបច្ឆាមរណៈ ចំពោះលោកជំទាវ ប៊ុន សុថា ដែលបានទទួលមរណភាព

ភ្នំពេញ៖ ព្រះករុណា ព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ទ្រង់បានប្រោសព្រះរាជទាន គ្រឿងឥស្សរិយយស មុនីសារាភ័ណ្ឌ ថ្នាក់ មហាសេរីវឌ្ឍន៍ ជាកិច្ចបច្ឆាមរណៈ ចំពោះលោកជំទាវ ប៊ុន សុថា ដែលបានទទួលមរណភាព។សូមជម្រាបជូនថា លោកជំទាវ ប៊ុន សុថា ហៅ ប៊ុន សាមហ៊ឹង ត្រូវជាប្អូនស្រីពៅរបស់ សម្ដេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន បានទទួលមរណភាពនាថ្ងៃសុក្រ ទី០៣ ខែកុម្ភៈ ឆ្នាំ២០២៣ វេលាម៉ោង១៨ និង១៣នាទី ក្នុងជន្មាយុ៦៧ឆ្នាំ ដោយរោគាពាធ។ សពតម្កល់ទុកធ្វើបុណ្យតាមប្រពៃណី នៅផ្ទះលេខ៦៦ ផ្លូវលេខ៥២៨ កែងនឹងផ្លូវលេខ២៨៥ សង្កាត់បឹងកក់ទី១ ខណ្ឌទួលគោក រាជធានីភ្នំពេញ។ សព នឹងដង្ហែទៅបញ្ចុះនៅវត្តបទុមវតី នៅថ្ងៃទី០៧ ខែកុម្ភៈ ឆ្នាំ២០២៣។

លោក Blinken និយាយថា បាឡុងចារកម្មចិនជាការបំពានយ៉ាងច្បាស់លាស់ដែលលោកត្រូវផ្អាកដំណើរទស្សនកិច្ចទៅចិន

រដ្ឋមន្ត្រីការបរទេសសហរដ្ឋអាមេរិក លោក Antony Blinken បាននិយាយថា ដំណើរទស្សនកិច្ចរបស់លោកទៅកាន់ប្រទេសចិនត្រូវបានផ្អាក ជាដំណើរទស្សនកិច្ចដែលត្រូវបានគេរំពឹងថាចាប់ផ្តើមនៅថ្ងៃសុក្រ ខណៈបាឡុងចារកម្មចិនដែលសង្ស័យបានហោះអណ្តែតលើសហរដ្ឋអាមេរិក។ លោក BLINKEN និយាយដោយមើលឃើញពីសកម្មភាពមិនអាចទទួលយកបានរបស់ប្រទេសចិន លោកបានផ្អាកដំណើរទស្សនកិច្ចដែលបានគ្រោងទុកនៅចុងសប្តាហ៍នេះទៅកាន់ប្រទេសចិន។ ក្រសួងការពារជាតិបានប្រកាសថា ក្រសួងបានរកឃើញ និងកំពុងតាមដានបាឡុងស៊ើបការណ៍មានរយៈកម្ពស់ខ្ពស់ ដែលនៅតែមាននៅលើសហរដ្ឋអាមេរិក។ យើងជឿថា នេះគឺជាបាឡុងស៊ើបការណ៍របស់ ចិន។ វត្តមានបាឡុងស៊ើបការណ៍នៅក្នុងដែនអាកាសសហរដ្ឋអាមេរិក គឺជាការបំពានយ៉ាងច្បាស់លាស់លើដែនអធិបតេយ្យភាព និងច្បាប់អន្តរជាតិរបស់សហរដ្ឋអាមេរិក ដែលវាជាទង្វើមិនទទួលខុសត្រូវ ហើយការសម្រេចចិត្តរបស់ប្រទេសចិនក្នុងចំណាត់ការនេះនៅមុនថ្ងៃនៃដំណើរទស្សនកិច្ចដែលបានគ្រោងទុករបស់លោក គឺធ្វើឱ្យប៉ះពាល់ដល់ខ្លឹមសារសំខាន់ៗចំពោះកិច្ចពិភាក្សាដែលយើងបានត្រៀមទុករួចហើយ។ ក្រុមមន្ត្រីបាននិយាយថា មេដឹកនាំយោធាបានពិចារណាពីការបាញ់ទម្លាក់បាឡុងនេះនៅលើរដ្ឋ Montana កាលពីថ្ងៃពុធ ប៉ុន្តែបានបដិសេធដោយសារតែហានិភ័យសុវត្ថិភាពពីការធ្លាក់កម្ទេចកម្ទី។ ប្រទេសចិនបានសម្តែងការសោកស្ដាយចំពោះអ្វីដែលខ្លួនចាត់ទុកថា នាវាអាកាសស៊ីវិលបានរេចូលទឹកដីសហរដ្ឋអាមេរិកបន្ទាប់ពីត្រូវបានបង្ហោះចេញ។ លោក Blinken និយាយថាលោកនឹងមិនកំណត់កាលបរិច្ឆេទថាតើលោកនឹងទៅប្រទេសចិននៅពេលណានោះទេ ហើយការផ្តោតសំខាន់គឺលើការដោះស្រាយឧប្បត្តិហេតុបច្ចុប្បន្ន។ អ្វីដែលសំខាន់បំផុតនាពេលនេះ គឺបាឡុងស៊ើបការណ៍នេះ ត្រូវតែយកចេញពីដែនអាកាសរបស់យើង។ ការផ្អាកនៃការធ្វើដំណើរទស្សនកិច្ចនេះគឺជាការប៉ះទង្គិចដល់ភាគីទាំងសងខាងដែលបានមើលឃើញថាវាជាឱកាសហួសពេលដើម្បីធ្វើឲ្យមានស្ថេរភាពទំនាក់ទំនងដែលកាន់តែប្រេះស្រាំជាមួយប្រទេសចិន។

បណ្ដាញសង្គម

ព័ត៌មានថ្មីៗ

កម្ពុជា-ឡាវ ប្តេជ្ញាបន្តពង្រឹងកិច្ចសហប្រតិបត្តិការសភា និងត្រៀមបន្តសុពលភាព MOU ឆ្នាំ២០២៧

អ្នកសារព័ត៌មានបារាំង ចាប់អារម្មណ៍ សកម្មភាពស្និទ្ធស្នាលរបស់ ប្រធានាធិបតីបារាំង ហើយសង្ឃឹម កម្ពុជានឹងទទួលផលវិជ្ជមានច្រើន

ពិព័រណ៍ FrancoTech ចាប់ផ្ដើមបើក ជំរុញម្ចាស់អាជីវកម្មថ្មីៗមានឱកាសចាប់ដៃគូជាតិ-អន្តរជាតិ

ប្រធានាធិបតីតូហ្គោ អញ្ជើញមកដល់អាកាសយានដ្ឋានអន្តរជាតិតេជោ ដើម្បីចូលរួមកិច្ចប្រជុំកំពូលហ្វ្រង់កូហ្វូនី លើកទី២០ នៅកម្ពុជា

សម្ដេចតេជោ៖ កម្ពុជា និងវៀតណាមមានប្រវត្តិជាអ្នកជិតខាងល្អ តែងតែជួយគ្នាទៅវិញទៅមក ខណៈវត្តមានមកកាន់កម្ពុជាពេលនេះជាការផ្ដល់តម្លៃចំពោះទំនាក់ទំនងជាមួយកម្ពុជាក៏ដូចជាសហគមន៍ហ្វ្រង់កូហ្វូនី

សម្តេចតេជោ ជំរុញបញ្ចប់បោះបង្គោលព្រំដែន កម្ពុជា-ឡាវ ខណៈប្រទេសទាំង២ សហការគ្នាយ៉ាងសកម្ម

សម្ដេចតេជោចាត់ទុកវត្តមានប្រធានរដ្ឋឡាវមកកាន់កម្ពុជា បានផ្ដល់តម្លៃដល់ទំនាក់ទំនងជាមួយកម្ពុជា និងសហគមន៍ហ្វ្រង់កូហ្វូនី

កម្ពុជា និងសាធារណរដ្ឋកូរ៉េ ប្តេជ្ញាបន្តជំរុញទំនាក់ទំនងភាពជាដៃគូយុទ្ធសាស្ត្រជាមួយគ្នាឱ្យកាន់តែរីកចម្រើន

ធុរជននិយាយភាសាបារាំងមើលឃើញសក្ដានុពលវិនិយោគនៅកម្ពុជាបន្ទាប់ពីមានជំនួបសហគ្រិនហ្រ្វង់កូហ្វូនី

កម្ពុជាសូមស្វាគមន៍យ៉ាងកក់ក្តៅចំពោះវត្តមានឯកឧត្តម អេម៉ានុយអែល ម៉ាក្រុង (Emmanuel Macron) ប្រធានាធិបតីបារាំង មកកាន់ព្រះរាជាណាចក្រកម្ពុជា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

លោក លឺ ឡាយស្រេង អញ្ជើញគោរពវិញ្ញាណក្ខន្ធលោកជំទាវ ប៊ុន សុថា

ប្រតិភូជាថ្នាក់ដឹកនាំគណបក្សភ្លើងទៀន ចូលគោរពវិញ្ញាណក្ខន្ធលោកជំទាវ ប៊ុន សុថា

លោក ញឹក ប៊ុនឆៃ ប្រធានគណបក្សខ្មែររួបរួមជាតិ គោរពវិញ្ញាណក្ខន្ធលោកជំទាវ ប៊ុន សុថា

ឧត្តមសេនីយ៍ឯក ហ៊ុន ម៉ាណែត ជួបពិភាក្សាការងារជាមួយអគ្គលេខាធិការក្រសួងការពារជាតិឥណ្ឌា

ឯកឧត្តម ឧត្តមសេនីយ៍ឯក ហ៊ុន ម៉ាណែត អញ្ជើញចូលជួបសម្តែងការគួរសមជាមួយនឹងទីប្រឹក្សារងសន្តិសុខជាតិឥណ្ឌា

ពិធីបុណ្យសព លោកជំទាវ ប៊ុន សុថា ប្រព្រឹត្តិទៅតាមប្រពៃណីសាសនា

សម្ដេចតេជោ ហ៊ុន សែន បង្ហោះរូបភាព ៣សន្លឹក រួមនឹងខ្លឹមសារថា...

លោក Blinken និយាយថា បាឡុងចារកម្មចិនជាការបំពានយ៉ាងច្បាស់លាស់ដែលលោកត្រូវផ្អាកដំណើរទស្សនកិច្ចទៅចិន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

លោក​ លឺ ឡាយស្រេង អញ្ជើញគោរពវិញ្ញាណក្ខន្ធលោកជំទាវ ប៊ុន សុថា

ប្រតិភូជាថ្នាក់ដឹកនាំគណបក្សភ្លើងទៀន ចូលគោរពវិញ្ញាណក្ខន្ធលោកជំទាវ ប៊ុន សុថា

លោក ញឹក ប៊ុនឆៃ ប្រធានគណបក្សខ្មែររួបរួមជាតិ គោរពវិញ្ញាណក្ខន្ធលោកជំទាវ ប៊ុន សុថា

ឧ​ត្ត​ម​សេនីយ៍​ឯក ហ៊ុន ម៉ា​ណែ​ត​ ជួបពិភាក្សា​ការងារ​ជាមួយ​អគ្គលេខាធិការ​ក្រសួងការពារជាតិ​ឥណ្ឌា​

ពិធីបុណ្យសព លោកជំទាវ ប៊ុន សុថា ប្រព្រឹត្តិទៅតាមប្រពៃណីសាសនា

សម្ដេចតេជោ ហ៊ុន សែន បង្ហោះរូបភាព ៣សន្លឹក រួមនឹងខ្លឹមសារថា...

លោក Blinken និយាយថា បាឡុងចារកម្មចិនជាការបំពានយ៉ាងច្បាស់លាស់ដែលលោកត្រូវផ្អាកដំណើរទស្សនកិច្ចទៅចិន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លោក លឺ ឡាយស្រេង អញ្ជើញគោរពវិញ្ញាណក្ខន្ធលោកជំទាវ ប៊ុន សុថា

ឧត្តមសេនីយ៍ឯក ហ៊ុន ម៉ាណែត ជួបពិភាក្សាការងារជាមួយអគ្គលេខាធិការក្រសួងការពារជាតិឥណ្ឌា