BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

សម្ដេចធិបតី៖ កម្ពុជាជ្រើសរើសយកយន្តការ UNCLOS ដោយសារថៃលុបចោល MOU ២០០១ ជាឯកតោភាគី

ព័ត៌មានសំខាន់ៗ

ប្រមុខសម្ព័ន្ធយោធា NATO និយាយថា យើងមិនគួរមើលស្រាលលើរុស្ស៊ីនោះទេ

បែលហ្សិក៖ អគ្គលេខាធិការអង្គការ NATO លោក Jens Stoltenberg កាលពីថ្ងៃអង្គារបាននិយាយថា រុស្ស៊ីកំពុងកេណ្ឌកងទ័ពបន្ថែមទៀតសម្រាប់សង្គ្រាមនៅអ៊ុយក្រែន ហើយមិនគួរមើលស្រាលលើប្រទេសនេះឡើយ។ ថ្លែងនៅក្នុងសន្និសីទសារព័ត៌មានជាមួយមេដឹកនាំសហភាពអឺរ៉ុបលោកស្រី Ursula von der Leyen និងលោក Charles Michel លោក Stoltenberg បានអំពាវនាវឱ្យសមាជិកនៃសម្ព័ន្ធយោធា និងសហភាពអឺរ៉ុបត្រៀមខ្លួនសម្រាប់ការធ្វើដំណើរដ៏វែងឆ្ងាយ។ លោកស្រី Von der Leyen បាននិយាយថា សហភាពអឺរ៉ុបនឹងដាក់ទណ្ឌកម្មថ្មីលើប្រទេសបេឡារុស ខណៈដែលខ្លួនបន្តដាក់សម្ពាធលើទីក្រុងមូស្គូដើម្បីបញ្ចប់ជម្លោះ និងបន្ថែមវិធានការដល់ប្រទេសទាំងឡាយណាដែលគាំទ្ររុស្ស៊ី។ នៅក្នុងការឆ្លើយតបទៅនឹងសំណួរ អំពីការផ្គត់ផ្គង់រថក្រោះប្រយុទ្ធរបស់ប្រទេសលោកខាងលិច រួមទាំងរថក្រោះ Leopard 2 ដល់ប្រទេសអ៊ុយក្រែន លោកស្រី Ursula von der Leyen បាននិយាយថា អ៊ុយក្រែនគួរតែទទួលបានយុទ្ធោបករណ៍ចាំបាច់ទាំងអស់ដែលពួកគេត្រូវការ។ លោក Stoltenberg និយាយថា លោកស្វាគមន៍ការសម្រេចចិត្តរបស់សហរដ្ឋអាមេរិក អាល្លឺម៉ង់ បារាំង ក្នុងការផ្តល់យានយន្តយោធា។ ប្រទេសរុស្ស៊ីបានចាប់ផ្តើមនូវអ្វីដែលខ្លួនចាត់ទុកថា «ប្រតិបត្តិការសឹកពិសេស» នៅក្នុងប្រទេសអ៊ុយក្រែនកាលពីថ្ងៃទី២៤ ខែកុម្ភៈឆ្នាំមុន ដោយលើកឡើងពីការគំរាមកំហែងដល់សន្តិសុខផ្ទាល់ខ្លួន និងតម្រូវការដើម្បីការពាររុស្ស៊ី។ អ៊ុយក្រែន និងសម្ព័ន្ធមិត្តបានចោទទីក្រុងមូស្គូ ពីសង្គ្រាមមិនបង្ករឿងក្នុងការដណ្តើមយកទឹកដី។ បណ្តាមេដឹកនាំសម្ព័ន្ធយោធា NATO និងសហភាពអឺរ៉ុបបានជួបប្រជុំគ្នានៅទីក្រុងព្រុចសែល ដើម្បីចុះហត្ថលេខាលើសេចក្តីប្រកាសរួមស្តីពីកិច្ចសហប្រតិបត្តិការអឺរ៉ុប-NATO កាលពីថ្ងៃអង្គារ៕អត្ថបទ៖ ប៊ុនថន

UN និយាយថា ទោសប្រហារជីវិតរបស់អ៊ីរ៉ង់ជាការសម្លាប់ដែលដាក់ទណ្ឌកម្មដោយរដ្ឋ

អ៊ីរ៉ង់៖ អ្នកនាំពាក្យរបស់ប្រធានសិទ្ធិមនុស្សអង្គការសហប្រជាជាតិបាននិយាយកាលពីថ្ងៃអង្គារថា ទោសប្រហារជីវិតកំពុងត្រូវបានយកមកធ្វើជាអាវុធដោយរដ្ឋាភិបាលអ៊ីរ៉ង់ ដើម្បីធ្វើឲ្យមានការភ័យខ្លាចដល់ប្រជាជន និងលុបបំបាត់ការប្រឆាំង ដោយនិយាយថា ទោសប្រហារជីវិតនេះគឺជាការសម្លាប់ដែលដាក់ទណ្ឌកម្មដោយរដ្ឋ។ អ្នកនាំពាក្យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស លោកស្រី Ravina Shamdasani បាននិយាយថា ការប្រើជាអាវុធនៃនីតិវិធីព្រហ្មទណ្ឌដើម្បីកាត់ទោសប្រជាជន សម្រាប់ការអនុវត្តសិទ្ធិជាមូលដ្ឋានរបស់ពួកគេ ដូចជាអ្នកដែលចូលរួម ឬរៀបចំបាតុកម្ម ស្មើនឹងការសម្លាប់ដោយការដាក់ទណ្ឌកម្មរបស់រដ្ឋ ហើយទោសប្រហារជីវិតនេះរំលោភច្បាប់សិទ្ធិមនុស្សអន្តរជាតិ។ ទីភ្នាក់ងារសារព័ត៌មាន Mizan បានរាយការណ៍ថា តុលាការរបស់ប្រទេសអ៊ីរ៉ង់បានកាត់ទោសប្រហារជីវិតអ្នកតវ៉ាប្រឆាំងរដ្ឋាភិបាលបីនាក់ទៀត ដោយបានបំពានទៅនឹងការរិះគន់ពីអន្តរជាតិកាន់តែខ្លាំងឡើងចំពោះការបង្ក្រាបលើក្រុមបាតុករ។ ប្រទេសអ៊ីរ៉ង់បានព្យួរកបុរស ២នាក់ផ្សេងទៀតកាលពីថ្ងៃសៅរ៍ ដែលម្នាក់ក្នុងចំណោមពួកគេជាជើងឯកការ៉ាតេទទួលពានរង្វាន់ជាតិជាច្រើន នៅក្នុងការប៉ុនប៉ងរបស់ខ្លួនដើម្បីលុបបំបាត់ការធ្វើបាតុកម្ម ដែលបានថយចុះចាប់តាំងពីប្រទេសនេះបានចាប់ផ្តើម អនុវត្តទោសប្រហារជីវិតក្នុងរយៈច្រើនសប្តាហ៍នៃការចាប់ខ្លួន។ សារព័ត៌មាន Mizan រាយការណ៍ថា លោក Saleh Mirhashemi, Majid Kazemi និងលោក Saeid Yaghoubi ត្រូវបានកាត់ទោសពីបទបានសម្លាប់សមាជិកកងជីវពល Basij ស្ម័គ្រចិត្ត ក្នុងអំឡុងពេលតវ៉ាប្រឆាំងរដ្ឋាភិបាលនៅទីក្រុង Isfahan ភាគកណ្តាល ដែលអាចប្តឹងឧទ្ធរណ៍ប្រឆាំងសាលក្រមរបស់ពួកគេ។ កងកម្លាំង Basij ដែលមានទំនាក់ទំនងជាមួយកងឆ្មាំបដិវត្តន៍ឥស្សរជន បានឈានមុខក្នុងការបង្ក្រាបរដ្ឋលើភាពចលាចល ដែលបង្កឡើងដោយការស្លាប់របស់នាង Mahsa Amini អាយុ ២២ឆ្នាំ ខណៈស្ថិតនៅក្នុងមន្ទីរឃុំឃាំងរបស់នគរបាលសីលធម៌ របស់ប្រទេសអ៊ីរ៉ង់កាលពីថ្ងៃទី១៦ ខែកញ្ញា។អត្ថបទ៖ ប៊ុនថន

ផ្កាយដុះកន្ទុយបៃតងនឹងបង្ហាញខ្លួននៅលើផ្ទៃមេឃពេលរាត្រីជាលើកដំបូងក្នុងរយៈពេល ៥០.០០០ឆ្នាំ

ពិភពលោក៖ ដោយត្រូវបានរកឃើញកាលពីថ្ងៃទី២ ខែមីនា ឆ្នាំ២០២២ ដោយតារាវិទូដោយប្រើកាមេរ៉ាស្ទង់ដ៏ធំរបស់ទីភ្នាក់ងារ Zwicky Transient Facility នៅឯមជ្ឈមណ្ឌលស្រាវជ្រាវតារាសាស្ត្រ Palomar Observatory ក្នុងតំបន់ San Diego រដ្ឋ California ផ្កាយដុះកន្ទុយនឹងខិតជិតព្រះអាទិត្យបំផុតនៅថ្ងៃទី១២ ខែមករាស្អែកនេះ នេះបើយោងតាមអង្គការណាសា។យោងតាមអង្គការមិនស្វែងរកប្រាក់ចំណេញ The Planetary Society ដោយត្រូវបានគេដាក់ឈ្មោះថា C/2022 E3 (ZTF) ផ្កាយដុះកន្ទុយមានគន្លងជុំវិញព្រះអាទិត្យ ដែលឆ្លងកាត់តំបន់ខាងក្រៅនៃប្រព័ន្ធព្រះអាទិត្យ ជាមូលហេតុដែលវាត្រូវចំណាយពេលធ្វើដំណើរដ៏វែងឆ្ងាយបែបនេះ ហើយយូរទៀតដើម្បីវិលជុំវិញផែនដីម្តងទៀត។ សង្គមភព។ យោងតាមសារព័ត៌មាន EarthSky ក្រុមតារាសាស្ត្រនៅអឌ្ឍគោលខាងជើងដែលកំពុងប្រើប្រាស់តេឡេស្កុប និងកែវយឹត គួរតែមើលទៅឲ្យទាបនៅលើជើងមេឃភាគឦសានមុនពាក់កណ្តាលអាធ្រាត្រ ដើម្បីមើលផ្កាយដុះកន្ទុយនេះនៅថ្ងៃទី១២ ខែមករាស្អែកនេះ។យោងតាមសារព័ត៌មាន EarthSky ផ្កាយដែលជះពន្លឺជាប្រចាំ ខណៈដែលវាចូលមកជិតព្រះអាទិត្យនឹងធ្វើដំណើរមកជិតផែនដីបំផុត ដែលហៀបនឹងឆ្លងគន្លងផែនដីចន្លោះថ្ងៃទី១ ខែកុម្ភៈដល់ថ្ងៃទី២ ខែកុម្ភៈ ចម្ងាយប្រហែល ២៦លានម៉ាយល៍ ឬស្មើ ៤២លានគីឡូម៉ែត្រ។ ខណៈដែលផ្កាយដុះកន្ទុយនៅជិតផែនដី ក្រុមអ្នកសង្កេតការណ៍នឹងអាចមើលឃើញវានៅជិតផ្កាយភ្លឺ Polaris ដែលហៅថាផ្កាយខាងជើង ឬ North Star ហើយវាគួរតែអាចមើលឃើញនៅពេលល្ងាច៕អត្ថបទ៖ សុខមាន

ព្រឹទ្ធសភាប្រេស៊ីលអនុម័តការធ្វើអន្តរាគមន៍សហព័ន្ធនៅទីក្រុង Brasilia បន្ទាប់ពីកុបកម្ម

ប្រេស៊ីល៖ ព្រឹទ្ធសភារបស់ប្រទេសប្រេស៊ីលកាលពីថ្ងៃអង្គារ បានអនុម័តលើអន្តរាគមន៍សហព័ន្ធនៅក្នុងទីក្រុង Brasilia បន្ទាប់ពីទីក្រុងនេះត្រូវបានវាយលុកចូល ដោយក្រុមអ្នកគាំទ្រអតីតប្រធានាធិបតីស្តាំនិយមលោក Jair Bolsonaro ដែលបានសម្រុកចូលសភាប្រទេស វិមានប្រធានាធិបតី និងតុលាការកំពូល។ អន្តរាគមន៍ផ្នែកសន្តិសុខត្រូវបានចេញបញ្ជាដោយប្រធានាធិបតីប្រេស៊ីលលោក Luiz Inacio Lula da Silva បន្ទាប់ពីកុបកម្មកាលពីថ្ងៃអាទិត្យ ប៉ុន្តែនៅតែរង់ចាំភ្លើងខៀវពីសភា។ សភាជាន់ទាបបានអនុម័តជាឯកច្ឆន្ទលើអន្តរាគមន៍នេះកាលពីល្ងាចថ្ងៃចន្ទរួចហើយ។ ប្រធានព្រឹទ្ធសភាលោក Rodrigo Pacheco បានចាត់ទុកសកម្មភាពនេះថាជា «ឧក្រិដ្ឋកម្ម» និងបាននិយាយថា អ្នកទាំងឡាយដែលពាក់ព័ន្ធក្នុងការបំផ្លាញសភា កំពុងត្រូវបានកំណត់អត្តសញ្ញាណ។ នគរបាលប្រេស៊ីលបានសួរចម្លើយក្រុមបាតុករប្រហែល ១០០០នាក់កាលពីថ្ងៃអង្គារ។ វីដេអូដែលបានថតកាលពីថ្ងៃអង្គារបង្ហាញពីការបំផ្លាញ ដែលបានធ្វើឡើងនៅតុលាការសហព័ន្ធកំពូលប្រទេសប្រេស៊ីល ដោយអ្នកគាំទ្រអតីតប្រធានាធិបតីស្តាំនិយមលោក Jair Bolsonaro បានសម្រុកចូល និងវាយកម្ទេចអគារកាលពីថ្ងៃអាទិត្យ។ កញ្ចក់បែក ហើយគ្រឿងសង្ហារឹមដែលបានបំផ្លាញនៅរាយប៉ាយពេញជាន់ នៃអគារតុលាការក្នុងរដ្ឋធានី Brasilia ពីរថ្ងៃបន្ទាប់ពីក្រុមកុបកម្មបានវាយលុកចូលដ៏អាក្រក់បំផុតមកលើស្ថាប័នរដ្ឋ ចាប់តាំងពីប្រទេសនេះបានវិលត្រឡប់មករកលទ្ធិប្រជាធិបតេយ្យក្នុងទសវត្សរ៍ឆ្នាំ១៩៨០។ មនុស្សប្រមាណ ៦០០នាក់ត្រូវបានដោះលែងបន្ទាប់ពីឃុំខ្លួន សម្រាប់ការពាក់ព័ន្ធដែលសង្ស័យក្នុងការសម្រុកចូលអគាររដ្ឋាភិបាលប្រេស៊ីល។ ស្ត្រី កុមារ និងមនុស្សចាស់ត្រូវបានដោះលែងកាលពីថ្ងៃអង្គារ ក្នុងចំណោមមនុស្ស ១៥០០នាក់នៅក្នុងមន្ទីរឃុំឃាំង៕អត្ថបទ៖ ប៊ុនថន

សម្តេចតេជោ ហ៊ុន សែន សម្រេចលុបចោល ស.ជ.ណ ពាក់ព័ន្ធលោកស្រី សៀង ចាន់ហេង សិន រង់ចាំការសម្រេចពេលក្រោយទៀត

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានសម្រេចលុបចោ ស.ជ.ណ លេខ១៨មយ ចុះថ្ងៃទី៥ ខែមករា ឆ្នាំ ២០២៣ ចាប់ពីម៉ោងនេះតទៅពាក់ព័ន្ធលោកស្រី សៀង ចាន់ហេង។យោងតាមសារសម្តេចតេជោ ហ៊ុន សែន ចេញផ្សាយនៅតាមFacebookផ្លូវការសម្តេចនៅមុននេះបន្តិចថា «១ថ្ងៃនេះ មានការផ្សាយយ៉ាងព្រោងព្រាត នូវ ស.ជ.ណទាក់ទងជាមួយលោកស្រី សៀង ចាន់ហេង តាមសំណើរ របស់សម្តេច ស ខេង និងការសម្រេចរបស់ខ្ញុំ(សម្តេចតេជោ ហ៊ុន សែន )កាលពីថ្ងៃ២៩ ខែធ្នូ ឆ្នាំ២០២២។ នៅថ្ងៃទី៩ ខែមករា ឆ្នាំ២០២៣ តាមសំណើររបស់លោកស្រី សៀង ចាន់ហេង ខ្ញុំបានប្រគល់ជូនឯកឧត្តម ជា សុផារ៉ា ផ្តល់មតិដែលឯកសារនេះមិនត្រូវបានផ្សព្វផ្សាយទេ។ ដើម្បីបញ្ចប់នូវភាពមិនច្បាស់លាស់ មុនពេលឯកឧត្តមជា សុផារ៉ាផ្តល់មតិ ខ្ញុំសម្រេចលុបចោល ស.ជ.ណ លេខ១៨មយ ចុះថ្ងៃទី៥ ខែមករា ឆ្នាំ២០២៣ ចាប់ពីម៉ោងនេះតទៅ។ ការសម្រេចយ៉ាងណាទៀត នឹងធ្វើក្រោយពេលឯកឧត្តមជា សុផារ៉ាផ្តល់មតិ»៕

សម្តេចតេជោ លើកទឹកចិត្តឱ្យតួគីជំរុញវិនិយោគលើវិស័យកសិកម្មមកកម្ពុជា

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី១១ ខែមករា ឆ្នាំ២០២៣នេះ ក៏បានអនុញ្ញាតឱ្យឯកឧត្តម វ៉ាហ៊ីត គីរីសស៊ី (Vahit Kirisci) រដ្ឋមន្ត្រីក្រសួងកសិកម្ម រុក្ខាប្រមាញ់ តួកគី ចូលជួបសម្តែងការគួរសម និងពិភាក្សាការងារផងដែរ។ក្នុងជំនួបនៅវិមានសន្តិភាពនេះដែរ បើតាមឯឧ អ៊ាង សុផល្លែត ជំនួយការសម្តេចតេជោថា ឯកឧត្តមវ៉ាហ៊ីត បានគោរពពាំនាំនូវការផ្ដាំផ្ញើសួរសុខទុក្ខពីឯកឧត្តមប្រធានាធិបតីតួគីជូនចំពោះសម្ដេចតេជោ ហើយក៏បានសូមសំដែងនូវការអបអរសាទរជូនចំពោះសម្ដេចតេជោ ចំពោះប្រជាជនកម្ពុជាទាំងមូលដែលទទួលបានជោគជ័យយ៉ាងត្រចះត្រចង់អំពីការរៀបចំនិងដឹកនាំកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធកន្លងមក។ឯកឧត្តម ក៏បានគោរពជម្រាបជូនសម្ដេចតេជោថា៖ ដំណើរទស្សនកិច្ចរបស់ឯកឧត្តមនៅពេលនេះ គឺដើម្បីពង្រីកនូវកិច្ចសហប្រតិបត្តិការរវាងប្រទេសទាំងពីរលើគ្រប់វិស័យ ជាពិសេសជំរុញការអនុវត្តលើកិច្ចសហប្រតិបត្តិការដែលបានចុះហត្ថលេខាកន្លងមក។ឯកឧត្តម បានជម្រាបជូនសម្ដេចតេជោផងដែរថា ប្រទេសទាំងពីរកម្ពុជា តួគី គឺមានសក្តានុពលយ៉ាងច្រើនដែលអាចធ្វើកិច្ចសហប្រតិបត្តិការ និងជំរុញទំហំពាណិជ្ជកម្មរវាងប្រទេសទាំងពីរឲ្យបានកើនឡើង១ពាន់លានដុល្លារក្នុងមួយឆ្នាំ ក្នុងនោះរួមមានវិស័យកសិកម្ម ការកែច្នៃផលិតផលកសិកម្មសម្រាប់ការនាំចេញ រួមមានវិស័យវារីវប្បកម្ម វិស័យគ្រឿងយន្តកសិកម្ម វិស័យសំណង់វិស័យ វិស័យអាយធី វិស័យកែច្នៃម្ហូបអាហារ និងអាហារ ហាឡាល់ វិស័យអប់រំ ការផ្ដល់អាហារូបករណ៍ឲ្យនិស្សិតកម្ពុជាបានទៅបន្តការសិក្សានៅប្រទេសតួគី ការហោះហើរត្រង់ពីប្រទេសតួគីមកកម្ពុជានិងវិស័យជាច្រើនទៀត។ជាការឆ្លើយតប សម្ដេចតេជោ បានថ្លែងអំណរគុណចំពោះការផ្ដាំផ្ញើសួរសុខទុក្ខអំពីឯកឧត្តមប្រធានាធិបតី តួគី និងបានផ្ដាំផ្ញើសួរសុខទុក្ខចំពោះឯកឧត្តមប្រធានាធិបតីវិញផងដែរ ហើយសម្ដេចក៏បានថ្លែងអំណរគុណចំពោះការអបអរសាទររបស់ឯកឧត្ដមចំពោះជោគជ័យភាពជាម្ចាស់ផ្ទះដែលកម្ពុជាបានដឹកនាំកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធបានយ៉ាងជោគជ័យ។សម្តេច ក៏បានលើកទឹកចិត្តឲ្យមានការជំរុញកិច្ចសហប្រតិបត្តិការលើវិស័យដែលជាសក្តានុពលដូចដែលឯកឧត្តមបានលើកឡើងខាងលើហើយក៏បានផ្ដល់អនុសាសន៍ជូនឯកឧត្តម វ៉ាហ៊ីតថា គប្បីណាជំរុញឱ្យមានអ្នកវិនិយោគតួគីមកវិនិយោគនៅប្រទេសកម្ពុជាតាមរយៈការដាក់ម៉ាស៊ីនកែច្នៃ សង់ឃ្លាំងស្តុកនិងរៀបចំបណ្ដាញទិញផលិតផលកសិកម្មពីកសិករកម្ពុជាយកមកកែច្នៃ ដើម្បីនាំចេញទៅទីផ្សារប្រទេសតួគីផង និងទីផ្សារដទៃទៀតផង។សម្តេចថា កម្ពុជាមានវត្ថុធាតុដើមច្រើនដែលរួមមានដូចជាស្វាយចន្ទី ដំឡូង កៅស៊ូ ស្រូវដែលអាចកែច្នៃសម្រាប់ការនាំចេញ ហើយជាមួយគ្នានោះដែរ គប្បីណាពិចារណាឱ្យមានកិច្ចព្រមព្រៀងមិនមានការយកពន្ធត្រួតគ្នាដើម្បីជាការសម្រួលនិងលើកទឹកចិត្តដល់វិនិយោគរវាងប្រទេសទាំងពីរ៕

ចិនចាត់វិធានការដំបូងដាក់ទោសបណ្ដាប្រទេសដែលតម្រូវឲ្យអ្នកដំណើរចិនធ្វើតេស្តរកវីរុស COVID-19 ជាចាំបាច់

ចិន៖ សារព័ត៌មាន AP បានរាយការណ៍ថា ប្រទេសចិនកាលពីថ្ងៃអង្គារ ទី១០ មករា បានផ្អាកទិដ្ឋាការលើជនជាតិកូរ៉េខាងត្បូង និងជប៉ុនក្នុងការចូលមកប្រទេសរបស់ខ្លួនសម្រាប់ដំណើរទេសចរណ៍ ឬធ្វើពាណិជ្ជកម្ម ជាការសងសឹកទៅនឹងការតម្រូវឲ្យធ្វើតេស្តរកវីរុស COVID-19 របស់ប្រទេសទាំង២ លើអ្នកដំណើរជនជាតិចិន។ ដោយពុំបានផ្ដល់ព័ត៌មានលម្អិត ទោះយ៉ាងណាក៏ដោយប្រទេសចិនបានគំរាមសងសឹកលើបណ្ដាប្រទេស ដែលតម្រូវឲ្យអ្នកដំណើរចេញពីប្រទេសចិនត្រូវបង្ហាញលទ្ធផលតេស្តអវិជ្ជមានរយៈពេល ៤៨ម៉ោងមុនចេញដំណើរ។ វិធានការនេះពុំបានបញ្ឈប់ប្រទេសជាង ១០ ដែលអនុវត្តិតាមសហរដ្ឋអាមេរិកបានឡើយ ដែលតម្រូវឲ្យគ្រប់អ្នកដំណើរជនជាតិចិនទាំងអស់ធ្វើតេស្ត ក្រោយប្រទេសចិនដកវិធានការរឹតត្បិតដ៏តឹងរ៉ឹងទាក់ទងនឹងការទប់ស្កាត់វីរុស COVID-19 ជាលើកដំបូងចាប់តាំងពីជំងឺរាតត្បាតសកលនេះបានផ្ទុះឡើង។ ការបញ្ចប់ការរឹតបន្តឹងនេះបានក្លាយជាដើមចមនាំឲ្យមានករណីឆ្លងថ្មីហក់ឡើងខ្ពស់។ អង្គការសុខភាពពិភពលោក និងបណ្ដាប្រទេសមួយចំនួនបានចោទប្រកាន់ប្រទេសចិនថា បានលាក់បាំងទិន្នន័យការផ្ទុះរាលដាលវីរុសក្នុងប្រទេសរបស់ខ្លួន។ ការតម្រូវឲ្យធ្វើតេស្តនេះក្នុងគោលបំណងស្វែងរកវីរុសបំប្លែងខ្លួនថ្មីៗ ចម្លងដោយអ្នកដំណើរ។ ដោយឡែកកាលពីថ្ងៃអង្គារ ប្រធានអង្គការសុខភាពពិភពលោកប្រចាំទ្វីបអឺរ៉ុបបាននិយាយថា ការឆ្លងខ្លាំងនៅប្រទេសចិនទំនងជាពុំប៉ះពាល់ខ្លាំងលើអឺរ៉ុបទេ ទោះបីជាលោកបានព្រមានកុំឲ្យប្រទេសនានាភ្លេចខ្លួនក៏ដោយ៕អត្ថបទ៖ សុខមាន

ប្រេស៊ីលបញ្ជាឲ្យចាប់ខ្លួនក្រុមមន្ត្រីជាន់ខ្ពស់ពាក់ព័ន្ធការសម្រុកចូលអគាររដ្ឋាភិបាលសំខាន់ៗក្នុងរដ្ឋធានី Brasília

ប្រេស៊ីល៖ ក្រុមអាជ្ញាធរតុលាការប្រេស៊ីលបានបញ្ជាឲ្យចាប់ខ្លួនក្រុមមន្ត្រីសាធារណៈជាន់ខ្ពស់ ក្រោយក្រុមកុបករបានសម្រុកចូលអគារសំខាន់ៗរបស់រដ្ឋាភិបាលនៅក្នុងរដ្ឋធានី Brasília។ សារព័ត៌មានក្នុងស្រុកបានរាយការណ៍ថា មន្ត្រីមួយរូបដែលជាអតីតមេបញ្ជាការនគរបាលយោធាត្រូវបានចាប់ខ្លួន។ ការិយាល័យរដ្ឋអាជ្ញាបាននិយាយថា ក្រុមមន្ត្រីដែលរួមទាំងអតីតប្រធានសន្តិសុខសាធារណៈរបស់រដ្ឋធានី Brasília លោក Anderson Torres និងអ្នកផ្សេងទៀតទទួលខុសត្រូវចំពោះសកម្មភាពនានា និងការធ្វេសប្រហែលដែលបណ្ដាលឲ្យមានកុបកម្មកើតឡើង។ យ៉ាងណាក៏ដោយលោក Torres បានទាត់ចោលការពាក់ព័ន្ធរបស់ខ្លួនក្នុងអំពើកុបកម្មទាំងនេះ។ លោក Colonel Fábio Augusto មេបញ្ជាការនគរបាលត្រូវបានបណ្ដេញចេញពីតួនាទី ក្រោយក្រុមអ្នកគាំទ្រអតីតប្រធានាធិបតីលោក Jair Bolsonaro បានសម្រុកចូលក្នុងអគាររដ្ឋសភា វិមានប្រធានាធិបតី និងតុលាការកំពូល។ គួររម្លឹកថា អំពើកុបកម្មនេះបានកើតឡើងមួយសប្ដាហ៍ ក្រោយលោកប្រធានាធិបតីថ្មី Luiz Inácio Lula da Silva ដែលត្រូវគេស្គាល់ថា Lula បានស្បថចូលកាន់តំណែង។ មនុស្សប្រមាណ ១.៥០០នាក់ត្រូវបានចាប់ខ្លួន និងនាំទៅកាន់ប៉ុស្តិ៍នគរបាលក្រោយកុបកម្ម ដែលក្រុមមន្ត្រីនិយាយថា មនុស្សជិត ៦០០នាក់ត្រូវបាននាំទៅកាន់ទីតាំងផ្សេងៗ ជាទីដែលក្រុមមន្ត្រីនគរបាលបានចោទប្រកាន់ពួកគេជាផ្លូវការក្នុងរយៈពេល ៥ថ្ងៃកន្លងទៅ៕ អត្ថបទ៖ សុខមាន

អង្គការសុខភាពពិភពលោកជំរុញអ្នកដំណើរឲ្យពាក់ម៉ាស ខណៈវីរុស COVID បំប្លែងថ្មីកំពុងឆ្លងរាលដាល

WHO៖ ក្រុមមន្ត្រីអង្គការសុខភាពពិភពលោក (WHO) បាននិយាយកាលពីថ្ងៃអង្គារថា ប្រទេសនានាគួរតែពិចារណាស្នើឲ្យអ្នកដំណើរពាក់ម៉ាស ក្នុងពេលធ្វើដំណើរតាមយន្តហោះរយៈពេលច្រើនម៉ោង ខណៈមានការឆ្លងរាលដាលដ៏ឆាប់រហ័សនៃសាខាវីរុសវីរុស COVID-19 បំប្លែងខ្លួនថ្មី Omicron ចុងក្រោយបំផុតនៅសហរដ្ឋអាមេរិក។ ក្រុមមន្ត្រីអង្គការសុខភាពពិភពលោក និងអឺរ៉ុបបាននិយាយនៅឯសន្និសីទសារព័ត៌មានមួយថា នៅអឺរ៉ុប វីរុស COVID បំប្លែងថ្មី XBB.1.5 ត្រូវបានរកឃើញមានចំនួនតិចតួច ប៉ុន្តែចំនួនករណីឆ្លងកំពុងកើនឡើង។ លោកស្រី Catherine Smallwood មន្ត្រីជាន់ខ្ពស់ផ្នែកគ្រាអាសន្នប្រចាំទ្វីបអឺរ៉ុប របស់អង្គការសុខភាពពិភពលោកបាននិយាយថា អ្នកដំណើរគួរតែត្រូវបានផ្ដល់ការណែនាំឲ្យពាក់ម៉ាស ទប់ស្កាត់ហានីភ័យខ្ពស់នៃការឆ្លងរាលដាលវីរុសដូចជា៖ ការធ្វើដំណើរតាមជើងហោះហើររយៈពេលច្រើនម៉ោង ដោយលោកស្រីបន្ថែមថា ប្រកាសនេះគួរតែត្រូវចេញអនុសាសន៍ទៅលើអ្នកដំណើរដែលបានមកដល់ពីគ្រប់ទីកន្លែង ជាទីដែលមានការឆ្លងរាលដាលនៃវីរុស COVID-19។មន្ទីរពេទ្យនៅទូទាំងប្រទេសឥណ្ឌាបានត្រៀមគ្រឿងបរិក្ខារទប់ស្កាត់វីរុសកូរ៉ូណា ខណៈក្រុមមន្ត្រីរដ្ឋាភិបាលបាននិយាយថា ប្រទេសនេះបានរកឃើញវត្តមាននៃសាខាវីរុសបំប្លែងខ្លួនថ្មី Omicronទាំងអស់នៅក្នុងសហគមន៍ បន្ទាប់ពីការធ្វើតេស្តលើសំណាកជាង ៣០០ ចាប់តាំងពីចុងខែធ្នូឆ្នាំមុន។ ក្រុមមន្ត្រីសុខាភិបាលបាននិយាយថា វីរុសបំប្លែងខ្លួនថ្មី XBB.1.5 ដែលជាសាខានៃវីរុសបំប្លែងខ្លួនថ្មី Omicron អាចមានសមត្ថភាពឆ្លងរាលដាលខ្លាំងត្រូវបានរកឃើញ ក្នុងនោះប្រមាណ ២៧.៦% នៃករណីឆ្លងវីរុស COVID-19 មាននៅក្នុងសហរដ្ឋអាមេរិករយៈពេលមួយសប្ដាហ៍ដែលបានបញ្ចប់កាលពីថ្ងៃទី៧ ខែមករា៕អត្ថបទ៖ សុខមាន

សម្តេចតេជោ ហ៊ុន សែន អនុញ្ញាតឱ្យប្រតិភូក្រុមការងារត្រួតពិនិត្យរួមនៃក្រុមប្រទេសប៉ាស៊ីហ្វិក ចូលជួបសំដែងការគួរសម និងពិភាក្សាការងារ

ភ្នំពេញ៖ ប្រតិភូក្រុមការងារត្រួតពិនិត្យរួមនៃក្រុមប្រទេសប៉ាស៊ីហ្វិក អំពីកិច្ចសហប្រតិបត្តិការអន្តរជាតិ នៅព្រឹកថ្ងៃទី១១ ខែមករា ឆ្នាំ២០២៣នេះ ត្រូវបានសម្តេចតេជោ ហ៊ុន សែន នាយករដ្ឋមន្ត្រីកម្ពុជា អនុញ្ញាតឱ្យចូលជួបសំដែងការគួរសម និងពិភាក្សាការងារមួយចំនួននៅវិមានសន្តិភាព ទីស្តីការនាយករដ្ឋមន្ត្រី។ឯកឧត្តម អ៊ាង សុផល្លែត ជំនួយការផ្ទាល់សម្ដេចតេជោបានឱ្យដឹងនៅក្រោយជំនួបថា ក្នុងជំនួបនេះ លោកស្រី ម៉ាលីន បានសម្ដែងនូវសេចក្ដីរីករាយ ដោយបានដឹកនាំប្រតិភូមកកាន់កម្ពុជា។ លោកស្រី ម៉ាលីន បានសម្ដែងនូវការអបអរសាទរចំពោះសម្ដេចតេជោ ដែលបានចាត់វិធានការទប់ស្កាត់ការរីករាលដាលជំងឺកូវីដ-១៩ បានយ៉ាងជោគជ័យ ដោយបានបើកប្រទេសជាតិ និងបើកសេដ្ឋកិច្ចឡើងវិញ។លោកស្រី ម៉ាលីន ក៏បានគោរពវាយតម្លៃខ្ពស់ចំពោះការប្ដេជ្ញាចិត្តរបស់កម្ពុជា ហើយបានលើកទឹកចិត្តកម្ពុជាឲ្យនាំមុខប្រទេសដទៃទៀតលើវិស័យហិរញ្ញប្បទានបៃតង និងការអភិវឌ្ឍន៍បៃតង។ជាការឆ្លើយតប សម្ដេចតេជោ ហ៊ុន សែន បានស្វាគមន៍ចំពោះលោកស្រី ម៉ាលីន និងប្រតិភូទាំងមូលមកកាន់ព្រះរាជាណាចក្រកម្ពុជានាពេលនេះ។សម្ដេចតេជោនាយករដ្ឋមន្ត្រី បានជម្រាបជូនប្រតិភូទាំងមូលអំពីយុទ្ធសាស្ត្រទប់ស្កាត់ការរីករាលជំងឺកូវីដ-១៩ និងបានជម្រាបជូនប្រតិភូទាំងមូលផងដែរ អំពីកិច្ចផ្ដួចផ្ដើមការអភិវឌ្ឍបៃតង ដែលរាជរដ្ឋាភិបាលកម្ពុជាបានផ្ដួចផ្ដើមឡើងនៅក្នុងកិច្ចប្រជុំកំពូលអាស៊ាននាកន្លងមកនេះ៕

បណ្ដាញសង្គម

ព័ត៌មានថ្មីៗ

អ្នកស្វែងរកការងារជាង ១០០នាក់ ទទួលបានលទ្ធផលល្អក្នុងវេទិកាការងារ និងកិច្ចសម្ភាសន៍ការងាររបស់ NEA

អង្គការមជ្ឈមណ្ឌលវប្បធម៌ខ្មែរកម្ពុជាក្រោម ចុះចែក និងផ្តល់សម្ភារៈសិក្សាដល់សិស្សមានជីវភាពខ្វះខាត និងកុមារកំព្រាចំនួន ៥៤នាក់នៅភូមិគោកឃ្លាង សង្កាត់គោកឃ្លាង ខណ្ឌសែនសុខ

កម្មវិធីបណ្តុះបណ្តាលជំនាញ ១,៥លាននាក់ ជួយឱ្យយុវជនក្រីក្រ និងពលរដ្ឋជាង ២ពាន់នាក់នៅតាកែវ មានជំនាញ និងចំណូលសមរម្យ

មន្រ្តីឧទ្យានុរក្ស ប្តេជ្ញាការពារបេតិកភណ្ឌធម្មជាតិដ៏មានតម្លៃរបស់កម្ពុជាឱ្យនៅស្ថិតស្ថេរគង់វង្ស

ចេះគុនខ្មែរ និងឃីកបុកស៊ីង ចំណេញលើចំណេញ និងងាយបត់បែនតាមស្ថានការណ៍

កាកបាទក្រហមកម្ពុជាប្រគល់ផ្ទះ១ខ្នងដល់គ្រួសារកងទ័ពជួរមុខ ដែលមានជីវភាពខ្វះខាតនៅខេត្តកំពង់ស្ពឺ

នាយករដ្ឋមន្ត្រីនេប៉ាល់ជំរុញឱ្យមានភាពស្ងប់ស្ងាត់ ខណៈមនុស្សបីនាក់ស្លាប់ក្រោយភាពចលាចលក្រុមកាន់សាសនាហិណ្ឌូ និងមូស្លីម

អ្នករាយការណ៍ពិសេស UN ប្រចាំកម្ពុជា ធ្វើទស្សនកិច្ចទៅកាន់ជំរុំជនភៀសសឹកក្នុងខេត្តបន្ទាយមានជ័យ ឃើញផ្ទាល់គ្រួសារដែលរងផលប៉ះពាល់ដោយសារជម្លោះតាមព្រំដែន

សម្ទុះភ្ញៀវទេសចរចិន និងភ្ញៀវទេសចរក្នុងស្រុក នៅតែនាំមុខវិស័យទេសចរណ៍កម្ពុជា

យុវជនក្រីក្រ និងពលរដ្ឋជិត៤ពាន់នាក់នៅកោះកុង មានជំនាញ និងចំណូលសមរម្យ តាមរយៈកម្មវិធីបណ្តុះបណ្តាលជំនាញ ១,៥លាននាក់របស់សម្ដេចធិបតី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ប្រមុខសម្ព័ន្ធយោធា NATO និយាយថា យើងមិនគួរមើលស្រាលលើរុស្ស៊ីនោះទេ

UN និយាយថា ទោសប្រហារជីវិតរបស់អ៊ីរ៉ង់ជាការសម្លាប់ដែលដាក់ទណ្ឌកម្មដោយរដ្ឋ

ផ្កាយដុះកន្ទុយបៃតងនឹងបង្ហាញខ្លួននៅលើផ្ទៃមេឃពេលរាត្រីជាលើកដំបូងក្នុងរយៈពេល ៥០.០០០ឆ្នាំ

ព្រឹទ្ធសភាប្រេស៊ីលអនុម័តការធ្វើអន្តរាគមន៍សហព័ន្ធនៅទីក្រុង Brasilia បន្ទាប់ពីកុបកម្ម

សម្តេចតេជោ ហ៊ុន សែន សម្រេចលុបចោល ស.ជ.ណ ពាក់ព័ន្ធលោកស្រី សៀង ចាន់ហេង សិន រង់ចាំការសម្រេចពេលក្រោយទៀត

សម្តេចតេជោ លើកទឹកចិត្តឱ្យតួគីជំរុញវិនិយោគលើវិស័យកសិកម្មមកកម្ពុជា

ចិនចាត់វិធានការដំបូងដាក់ទោសបណ្ដាប្រទេសដែលតម្រូវឲ្យអ្នកដំណើរចិនធ្វើតេស្តរកវីរុស COVID-19 ជាចាំបាច់

អង្គការសុខភាពពិភពលោកជំរុញអ្នកដំណើរឲ្យពាក់ម៉ាស ខណៈវីរុស COVID បំប្លែងថ្មីកំពុងឆ្លងរាលដាល

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ប្រមុខ​សម្ព័ន្ធ​យោធា NATO និយាយថា យើង​មិនគួរ​មើលស្រាល​លើ​រុស្ស៊ី​នោះទេ

UN និយាយថា ​ទោស​ប្រហារជីវិត​របស់​អ៊ីរ៉ង់​ជាការ​សម្លាប់​ដែល​ដាក់ទណ្ឌកម្ម​ដោយ​រដ្ឋ

ផ្កាយដុះកន្ទុយ​បៃតង​នឹង​បង្ហាញខ្លួន​នៅលើ​ផ្ទៃមេឃ​ពេល​រាត្រី​ជា​លើកដំបូង​ក្នុង​រយៈពេល ៥០.០០០ឆ្នាំ

ព្រឹទ្ធសភា​ប្រេ​ស៊ី​ល​អនុម័ត​ការធ្វើអន្តរាគមន៍​សហ​ព័ន្ធ​នៅ​ទីក្រុង Brasilia បន្ទាប់ពី​កុបកម្ម

សម្តេចតេជោ ហ៊ុន សែន សម្រេចលុបចោល ស.ជ.ណ ពាក់ព័ន្ធលោកស្រី សៀង ចាន់ហេង សិន រង់ចាំការសម្រេចពេលក្រោយទៀត

សម្តេចតេជោ លើកទឹកចិត្តឱ្យតួគីជំរុញវិនិយោគលើវិស័យកសិកម្មមកកម្ពុជា

អង្គការ​សុខភាព​ពិភពលោក​ជំរុញ​អ្នកដំណើរ​ឲ្យ​ពាក់​ម៉ាស ខណៈ​វីរុស ​COVID បំប្លែង​ថ្មី​កំពុង​ឆ្លង​រាលដាល​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រមុខសម្ព័ន្ធយោធា NATO និយាយថា យើងមិនគួរមើលស្រាលលើរុស្ស៊ីនោះទេ

UN និយាយថា ទោសប្រហារជីវិតរបស់អ៊ីរ៉ង់ជាការសម្លាប់ដែលដាក់ទណ្ឌកម្មដោយរដ្ឋ

ផ្កាយដុះកន្ទុយបៃតងនឹងបង្ហាញខ្លួននៅលើផ្ទៃមេឃពេលរាត្រីជាលើកដំបូងក្នុងរយៈពេល ៥០.០០០ឆ្នាំ

ព្រឹទ្ធសភាប្រេស៊ីលអនុម័តការធ្វើអន្តរាគមន៍សហព័ន្ធនៅទីក្រុង Brasilia បន្ទាប់ពីកុបកម្ម

អង្គការសុខភាពពិភពលោកជំរុញអ្នកដំណើរឲ្យពាក់ម៉ាស ខណៈវីរុស COVID បំប្លែងថ្មីកំពុងឆ្លងរាលដាល