BTV NEWS

សម្ដេចធិបតី៖ កម្ពុជា នឹងប្រើយន្តការនៃការផ្សះផ្សារដោយចាប់បង្ខំ ដោះស្រាយដែនសមុទ្រត្រួតគ្នាកម្ពុជា-ថៃ

សម្តេចធិបតីនឹងដឹកនាំគណៈប្រតិភូជាន់ខ្ពស់អញ្ជើញចូលរួមកិច្ចប្រជុំកំពូលអាស៊ាន លើកទី៤៨ នៅកោះសេប៊ូ សាធារណរដ្ឋហ្វីលីពីន

សម្តេចធិបតី៖ ការធានាសុវត្ថិភាពព័ត៌មាន រក្សាព័ត៌មានសម្ងាត់របស់ជាតិ ក្នុងកាលៈទេសៈនៃវិបត្តិមិនមែនជាការរឹតត្បិតសេរីភាពខាងសារព័ត៌មាននោះទេ

សម្តេចធិបតី៖ការស្ទង់មតិឆ្លុះបញ្ចាំងឱ្យឃើញថាកម្ពុជាកំពុងពង្រឹងវិស័យព័ត៌មាន សេរីព័ត៌មាន និងការអភិវឌ្ឍវិជ្ជាជីវៈ

ព័ត៌មានសំខាន់ៗ

លោក Emmanuel Macron បញ្ជាក់ពីការផ្ដល់ការធានាសន្តិសុខជាថ្មីដល់រុស្ស៊ី ដើម្បីបញ្ចប់ជម្លោះជាមួយអ៊ុយក្រែន

បារាំង៖ លោកប្រធានាធិបតីបារាំង Emmanuel Macron បានបញ្ជាក់ជាថ្មីពីជំនឿចិត្តរបស់លោកថា ជម្លោះនៅក្នុងប្រទេសអ៊ុយក្រែននឹងត្រូវបានដោះស្រាយ តាមរយៈការចរចាដោយជៀសមិនផុត ហើយថា ពិសេសលោកខាងលិច និងសម្ព័ន្ធយោធាណាតូ នឹងត្រូវតែផ្ដល់ការធានាសន្តិសុខមិនមែនសម្រាប់តែទីក្រុង Kiev ប៉ុណ្ណោះទេគឺទីក្រុង Moscow ផងដែរដើម្បីធានាបានសន្តិភាពយូរអង្វែង។ កាលពីថ្ងៃអង្គារ ទី២០ ខែធ្នូសប្ដាហ៍នេះលោក Macron បាននិយាយនៅក្នុងបទសម្ភាសន៍ជាមួយប្រព័ន្ធផ្សព្វផ្សាយ TF1 និង LCI ថា ថ្ងៃនៃសន្តិភាពនឹងត្រូវបានដោះស្រាយតាមរយៈការពិភាក្សា។ ជាលើកដំបូង និងអាទិភាពមុនគេបង្អស់សម្រាប់ការធានាដល់អ៊ុយក្រែនសម្រាប់បូរណភាពទឹកដីរបស់ខ្លួន និងសម្រាប់សន្តិសុខស្ថិតឋេររបស់ខ្លួន។ ប៉ុន្តែក៏ត្រូវតែមានសម្រាប់រុស្ស៊ីផងដែរ ជាយន្តការដែលនឹងនាំទៅរកបទឈប់បាញ់ និងសន្ធិសញ្ញាសន្តិភាព។មេដឹកនាំបារាំងរូបនេះបានបញ្ចេញទស្សនៈជាលើកដំបូង នៃការផ្ដល់ការធានសន្តិសុខឲ្យរុស្ស៊ីកាលពីដើមខែនេះ ដោយលើកឡើងថា មួយក្នុងចំណោមចំណុចសំខាន់ៗជាច្រើន ដែលសម្ព័ន្ធយោធាណាតូត្រូវតែដោះស្រាយគឺក្ដីកង្វល់របស់រុស្ស៊ី ដែលថា ប្លុកយោធានេះបានរំកិលខ្លួនចូលទៅជិតមាត់ទ្វារផ្ទះរបស់ខ្លួន និងការដាក់ពង្រាយអាវុធដែលអាចគំរាមកំហែងដល់រុស្ស៊ី។ ការអត្ថាធិប្បាយរបស់លោកបានបង្កឲ្យមានការរិះគន់ជាច្រើន មិនត្រឹមតែពីទីក្រុង Kiev ប៉ុណ្ណោះទេ ថែមទាំងពីបណ្ដាមេដឹកនាំសហភាពអឺរ៉ុបដូចជាប៉ូឡូញ ស្លូវ៉ាគី និងរដ្ឋនៅតំបន់បាល់ទិកផងដែរ៕អត្ថបទ៖ សុខមាន

ពិភពលោកបារម្ភពីរលកថ្មីនៃការផ្ទុះវីរុស COVID-19 របស់ចិន និងរកមធ្យោបាយជួយលោក Xi Jinping

ចិន៖ ក្រុមមន្ត្រី និងអ្នកជំនាញសុខភាពសកលនៅខាងក្រៅប្រទេសចិន កំពុងតាមដានយ៉ាងអន្ទះសារអំពីការឆ្លងរាលដាលវីរុស COVID-19 ដែលកំពុងកើនឡើងនៅក្នុងប្រទេសនេះ ដោយបារម្ភថាប្រជាជន ១.៤ពាន់លាននាក់ពុំត្រូវបានចាក់វ៉ាក់សាំងគ្រប់គ្រាន់ និងអាចថា ពុំមានសម្ភារៈសុខាភិបាលដើម្បីព្យាបាលរលកនៃអ្នកជំងឺ ដែលគេរំពឹងថានឹងមានមនុស្សជាង ១លាននាក់ស្លាប់រហូតដល់ឆ្នាំ២០២៣។ ប្រទេសចិនត្រូវបានរាយការណ៍អ្នកស្លាប់ដោយសារវីរុសនេះចំនួន ៥នាក់ផ្សេងទៀតកាលពីថ្ងៃអង្គារ ក្រោយមានអ្នកស្លាប់ ២នាក់កាលពីថ្មីៗនេះ ដែលមានអ្នកស្លាប់ដំបូងត្រូវបានរាយការណ៍ក្នុងពេលប៉ុន្មានសប្ដាហ៍នេះ។ ក្រុមមន្ត្រីសហរដ្ឋអាមេរិក និងសហភាពអឺរ៉ុបកំពុងព្យាយាមរកមធ្យោបាយថា តើពួកគេអាចជួយសម្រាលវិបត្តិដែលពួកគេបារម្ភថានឹងប៉ះពាល់ដល់សេដ្ឋកិច្ចសកល និងការរអាក់រអួលខ្សែរសង្វាក់ផ្គត់ផ្គង់សាជីវកម្ម ដែលធ្វើឲ្យមានការព្រួយបារម្ភដោយសារតែការផ្ទុះឡើងថ្មីៗនៃវីរុសម្លែងខ្លួនដោយរបៀបណា។ កាលពីថ្ងៃអង្គារ សហរដ្ឋអាមេរិកបានស្នើសុំផ្ដល់វ៉ាក់សាំងឲ្យប្រទេសចិន ដើម្បីទប់ស្កាត់ការហក់ឡើងនៃវីរុស COVID-19 ដោយនិយាយថា ការទប់ស្កាត់ការផ្ទុះរាលដាលវីរុសនេះ គឺជាផលប្រយោជន៍របស់ពិភពលោក។ អ្នកជំនាញផ្នែកសុខភាពមកពីប្រទេសក្រៅប្រទេសចិន ដែលបានព្យាយាមតាមរយៈរលករបស់ខ្លួននិយាយថា ការរៀបចំប្រព័ន្ធថែទាំសុខភាពជាមុន ការប្រមូលទិន្នន័យត្រឹមត្រូវ និងចែករំលែក និងការទំនាក់ទំនងបើកចំហ សុទ្ធតែមានសារៈសំខាន់ក្នុងការប្រយុទ្ធប្រឆាំងនឹងការឆ្លងវីរុស COVID-19។ ពួកគេនិយាយថា ធាតុទាំងនោះទំនងដូចជាខ្វះខាតក្នុងប្រទេសចិន៕អត្ថបទ៖ សុខមាន

មេដឹកនាំអឺរ៉ុបខាងជើងសន្យាបន្តគាំទ្រដល់អ៊ុយក្រែន

អឺរ៉ុបខាងជើង៖ មេដឹកនាំនៃបណ្តាប្រទេសអឺរ៉ុបខាងជើងចំនួន ១០ប្រទេសបាននិយាយថា ពួកគេនឹងបន្តការគាំទ្រដល់អ៊ុយក្រែនប្រឆាំងការឈ្លានពានរបស់រុស្ស៊ី ខណៈមេដឹកនាំទាំងនេះបានចាប់ផ្តើមកិច្ចប្រជុំនៃកងកម្លាំងបេសកកម្មរួម ដឹកនាំដោយចក្រភពអង់គ្លេស (JEF) នៅទីក្រុង Riga។ ប្រធានាធិបតីអ៊ុយក្រែនលោក Volodymyr Zelenskiy បានស្នើឱ្យមេដឹកនាំនៅក្នុងសុន្ទរកថាតាមវីដេអូមួយ ឲ្យផ្គត់ផ្គង់ប្រព័ន្ធសព្វាវុធឲ្យបានច្រើនដើម្បីជួយបញ្ចប់ជម្លោះដ៏ឃោរឃៅរបស់អឺរ៉ុប ចាប់តាំងពីសង្គ្រាមលោកលើកទី២ ឱ្យបានឆាប់។ នាយករដ្ឋមន្ត្រីអង់គ្លេសលោក Rishi Sunak បានស្វាគមន៍លោក Zelenskiy សម្រាប់ការដាក់ចេញនូវជំនួយបន្ថែមទៀតដែលដោយអ៊ុយក្រែនត្រូវការ ហើយបាននិយាយថា មេដឹកនាំនឹងពិភាក្សាអំពីវិធីដើម្បីផ្តល់ជំនួយ។ ថ្លែងនៅមុនពេលកិច្ចប្រជុំ រដ្ឋមន្ត្រីការពារជាតិហូឡង់លោក Kajsa Ollongren បាននិយាយថា ការគាំទ្រពីប្រទេសទាំង ១០ នឹងមានជាដរាបណាសម្រាប់តម្រូវការរបស់អ៊ុយក្រែន។ កិច្ចប្រជុំនៃកងកម្លាំងបេសកកម្មរួមដឹកនាំដោយចក្រភពអង់គ្លេស ត្រូវបានរៀបចំដើម្បីឆ្លើយតបយ៉ាងឆាប់រហ័សចំពោះវិបត្តិនៅអឺរ៉ុបខាងជើង ហើយត្រូវបានបង្កើតឡើងដោយប្រទេសដាណឺម៉ាក អេស្តូនី ហ្វាំងឡង់ អ៊ីស្លង់ ឡាតវី លីទុយអានី ហូឡង់ ន័រវេស ស៊ុយអែត និងចក្រភពអង់គ្លេស៕អត្ថបទ៖ ប៊ុនថន

ក្រសួងការបរទេសអាមេរិកនិយាយថា ចំនួនអ្នកស្លាប់ដោយជំងឺ COVID-19 នៅចិនគឺជាក្តីបារម្ភសម្រាប់ពិភពលោក

អាមេរិក៖ អ្នកនាំពាក្យក្រសួងការបរទេសអាមេរិកលោក Ned Price បាននិយាយកាលពីថ្ងៃចន្ទថា សហរដ្ឋអាមេរិកសង្ឃឹមថា ប្រទេសចិនអាចដោះស្រាយការផ្ទុះឡើងជំងឺ COVID-19 នាពេលបច្ចុប្បន្ននេះ ខណៈចំនួនអ្នកស្លាប់ដោយសារជំងឺនេះគឺជាក្តីបារម្ភសម្រាប់ពិភពលោកទាំងមូល ដោយសារតែទំហំសេដ្ឋកិច្ចរបស់ប្រទេសចិន។ ក្នុងអំឡុងសន្និសីទសារព័ត៌មានលោក Price បាននិយាយថា ភាពខ្លាំងរបស់ប្រទេសចិនក្នុងការប្រយុទ្ធប្រឆាំងជំងឺ COVID-19 គឺល្អប្រសើរសម្រាប់ពិភពលោកទាំងមូល។ ប្រទេសចិនបានរាយការណ៍ពីចំនួនអ្នកស្លាប់ដែលទាក់ទងនឹងជំងឺ COVID-19 លើកដំបូងរបស់ខ្លួនកាលពីថ្ងៃចន្ទ ក្នុងពេលមានការកើនឡើងការសង្ស័យលើចំនួនផ្លូវការ ដែលកំពុងប្រមូលចំនួនអ្នកឆ្លងជំងឺនៅក្នុងទីក្រុង បន្ទាប់ពីរដ្ឋាភិបាលបានបន្ធូរបន្ថយការគ្រប់គ្រងប្រឆាំងវីរុសនេះយ៉ាងតឹងរ៉ឹង។ចំនួនអ្នកស្លាប់ ២នាក់កាលពីថ្ងៃចន្ទគឺជាករណីដំបូង ដែលត្រូវបានរាយការណ៍ដោយគណៈកម្មការសុខភាពជាតិ ចាប់តាំងពីថ្ងៃទី៣ ខែធ្នូ មានរយៈពេលជាច្រើនថ្ងៃមុនពេលទីក្រុងប៉េកាំងបានប្រកាសថា ខ្លួនកំពុងដកចេញវិធានការទប់ស្កាត់ ដែលបានទប់ស្កាត់ករណីឆ្លងវីរុសយ៉ាងទូលំទូលាយក្នុងរយៈពេល ៣ឆ្នាំមកនេះ ប៉ុន្តែបានបណ្តាលឱ្យមានការតវ៉ាលើវិធានការបិទខ្ទប់រីករាលដាលកាលពីខែមុន៕អត្ថបទ៖ ប៊ុនថន

អាមេរិកចោទ UN ថា បានបន្ទន់តាមការគំរាមពីរុស្ស៊ីជុំវិញការស៊ើបអង្កេតយានដ្រូនអ៊ីរ៉ង់

អាមេរិក៖ សហរដ្ឋអាមេរិកបានចោទប្រកាន់អគ្គលេខាធិការអង្គការសហប្រជាជាតិលោក Antonio Guterres ថា «ទំនងជាបន្ទន់ទៅតាមគំរាមកំហែងរបស់រុស្ស៊ី» និងពុំបានបញ្ជូនមន្ត្រីទៅកាន់ប្រទេសអ៊ុយក្រែន ដើម្បីត្រួតពិនិត្យយានដ្រូនប្រើប្រាស់ដោយរុស្ស៊ីនោះទេ ដែលទីក្រុងវ៉ាស៊ីនតោន និងប្រទេសដទៃនិយាយថា ត្រូវបានផ្គត់ផ្គង់ដោយប្រទេសអ៊ីរ៉ង់។ រុស្ស៊ីបានបដិសេធថា កងកម្លាំងរបស់ខ្លួនពុំបានប្រើប្រាស់យានដ្រូនរបស់អ៊ីរ៉ង់នៅអ៊ុយក្រែននោះទេ ហើយបានអះអាងថា ពុំមានការចាត់តាំងសម្រាប់មន្ត្រីអង្គការសហប្រជាជាតិ ដើម្បីធ្វើដំណើរទៅកាន់ទីក្រុង Kyiv ដើម្បីស៊ើបអង្កេតប្រភពដើមនៃយានដ្រូននោះទេ។ ប្រទេសអ៊ីរ៉ង់បានទទួលស្គាល់ថា ខ្លួនបានផ្គត់ផ្គង់យានដ្រូនដល់ទីក្រុងមូស្គូ ប៉ុន្តែបាននិយាយថា យានទាំងនោះត្រូវបានបញ្ជូនមុនពេលប្រទេសរុស្ស៊ី វាយលុកលើប្រទេសជិតខាងរបស់ខ្លួនកាលពីខែកុម្ភៈ។ ចក្រភពអង់គ្លេស បារាំង អាល្លឺម៉ង់ អាមេរិក និងអ៊ុយក្រែនបាននិយាយថា ការផ្គត់ផ្គង់យានដ្រូនដែលផលិតដោយអ៊ីរ៉ង់ផ្តល់ទៅឲ្យប្រទេសរុស្ស៊ី រំលោភលើសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិឆ្នាំ ២០១៥ ដែលកំណត់កិច្ចព្រមព្រៀងនុយក្លេអ៊ែរអ៊ីរ៉ង់ ហើយប្រទេសទាំងនេះចង់ឱ្យលោក Guterres បញ្ជូនមន្ត្រីទៅកាន់ទីក្រុង Kyiv ដើម្បីស៊ើបអង្កេត។ ឯកអគ្គរដ្ឋទូតរងរបស់សហរដ្ឋអាមេរិកលោក Robert Wood បាននិយាយនៅក្នុងកិច្ចប្រជុំក្រុមប្រឹក្សាសន្តិសុខកាលពីថ្ងៃចន្ទ ស្តីពីសេចក្តីសម្រេចកិច្ចព្រមព្រៀងនុយក្លេអ៊ែរអ៊ីរ៉ង់ឆ្នាំ២០១៥ ថា យើងសោកស្តាយដែលអង្គការសហប្រជាជាតិពុំបានឈានទៅរកការអនុវត្តន៍លើការស៊ើបអង្កេត នៃការរំលោភបំពានដែលត្រូវបានរាយការណ៍។ លោក Wood និយាយថា យើងមានការខកចិត្តដែលស្ថាប័ននេះ ទំនងជាព្រមទទួលយកការគំរាមកំហែងរបស់រុស្ស៊ី មិនបានអនុវត្តការចាត់តាំងដើម្បីស៊ើបអង្កេត។ នៅក្នុងរបាយការណ៍ទៅកាន់ក្រុមប្រឹក្សាកាលពីដើមខែនេះ លោក Guterres បាននិយាយថា មន្ត្រីអង្គការសហប្រជាជាតិកំពុងពិនិត្យមើលព័ត៌មានដែលមាន ហើយការរកឃើញណាមួយនឹងត្រូវបានរាយការណ៍ទៅក្រុមប្រឹក្សាក្នុងពេលសមស្រប។ លោក Guterres និយាយថា ការចោទប្រកាន់របស់ប្រទេសលោកខាងលិចដែលថា អ៊ីរ៉ង់បានផ្គត់ផ្គង់ឲ្យរុស្ស៊ីនូវយានដ្រូនប្រើនៅក្នុងប្រទេសអ៊ុយក្រែន កំពុងត្រូវបានពិនិត្យនៅក្នុងរូបភាពទូលំទូលាយ នៃអ្វីគ្រប់យ៉ាងដែលយើងកំពុងធ្វើនៅក្នុងបរិបទនៃសង្គ្រាម ដើម្បីកំណត់ថា តើនៅពេលណាដែលយើងគួរតែបញ្ជូនមន្ត្រីទៅកាន់ទីក្រុង Kyiv៕អត្ថបទ៖ ប៊ុនថន

លោក Putin និយាយថា ស្ថានភាពនៅក្នុងតំបន់ដែលបានដាក់ចូលឧបសម្ព័ន្ធនៅអ៊ុយក្រែនជួបការលំបាកខ្លាំង

រុស្ស៊ី៖ លោកប្រធានាធិបតី Vladimir Putin និយាយថា ស្ថានភាពនៅក្នុងតំបន់ទាំង៤ របស់អ៊ុយក្រែនដែលទីក្រុង Moscow បានប្រកាសថា ជាផ្នែករបស់រុស្ស៊ីជួបការលំបាកខ្លាំង ខណៈទីក្រុង Kyiv បានអំពាវនាវជាថ្មីសុំអាវុធបន្ថែម ក្រោយយានដ្រូនរុស្ស៊ីវាយប្រហារដាក់គោលដៅលើថាមពលរបស់ខ្លួន។ ក្នុងការអត្ថាធិប្បាយធ្វើឡើងកាលពីថ្ងៃចន្ទនៃទិវាសេវាសន្តិសុខ ដែលត្រូវបានប្រារព្ធយ៉ាងទូលំទូលាយ លោក Putin ក៏បានបញ្ជាឲ្យពង្រឹងកម្លាំងនៅតាមព្រំដែនរបស់រុស្ស៊ីផងដែរ និងបានណែនាំអង្គភាពសេវាពិសេសឲ្យបន្តការគ្រប់គ្រងសង្គមកាន់តែល្អប្រសើរ និងធានាសុវត្ថិភាពពលរដ្ឋក្នុងតំបន់នៅអ៊ុយក្រែនដែលរុស្ស៊ីគ្រប់គ្រង។ កាលពីខែកញ្ញា លោក Putin បានដាក់ដែនដីមួយចំនួនរបស់អ៊ុយក្រែនស្មើ ១៥% នៃប្រទេសនោះនៅក្នុងពិធីដ៏ធំមួយក្នុងវិមានក្រឹមឡាំង ប៉ុន្តែនៅដើមខែនេះលោកបាននិយាយថា សង្គ្រាមនេះអាចបន្តរយៈពេលយូរទៀត។ លោកនិយាយកាលពីល្ងាចថ្ងៃចន្ទក្នុងការអត្ថាធិប្បាយនានា បកប្រែដោយសារព័ត៌មាន Reuters ថា ចំពោះក្រុមទីភ្នាក់ងារសន្តិសុខរុស្ស៊ីនៅក្នុងប្រទេសអ៊ុយក្រែន ពិតមែនហើយ ពេលនេះអ្នកទាំងអស់គ្នាកំពុងជួបការលំបាក។ ស្ថានភាពនៅក្នុងតំបន់សាធារណរដ្ឋប្រជាមានិត Donetsk និង Luhansk ក្នុងតំបន់ Kherson និង Zaporizhzhia ពិតជាជួបការលំបាកខ្លាំង។ លោកប្រធានាធិបតី Volodymyr Zelenskiy បាននិយាយក្នុងសុន្ទរកថាពេលល្ងាចរបស់លោកថា អាវុធ គ្រាប់កាំភ្លើងធំ និងសមត្ថភាពការពារជាតិថ្មី គឺជាអ្វីគ្រប់យ៉ាងដែលនឹងផ្ដល់ឲ្យយើងនូវសមត្ថភាពពន្លឿនការបញ្ចប់សង្គ្រាមនេះ៕អត្ថបទ៖ សុខមាន

កូរ៉េខាងជើងនិយាយថា ទណ្ឌកម្មនឹងមិនអាចរារាំងការអភិវឌ្ឍន៍មីស៊ីលរបស់ខ្លួនបានឡើយ

កូរ៉េខាងជើង៖ សារព័ត៌មាន KCNA របស់កូរ៉េខាងជើងបាននិយាយថា ថ្ងៃអង្គារនេះកូរ៉េខាងជើងបានរិះគន់កូរ៉េខាងត្បូង ចំពោះការបំផ្លិចបំផ្លាញការអភិវឌ្ឍន៍អាវុធរបស់ខ្លួន ដោយនិយាយថា ការដាក់ទណ្ឌកម្មបន្ថែមនឹងមិនបញ្ឈប់កម្មវិធីមីស៊ីលរបស់ខ្លួនបានទេ។ លោកស្រី Kim Yo Jong ដែលជាប្អូនស្រីដ៏មានឥទ្ធិពលរបស់មេដឹកនាំកូរ៉េខាងជើងលោក Kim Jong Un បាននិយាយថា ការផ្ដួចផ្ដើមរបស់ប្រទេសឯកាមួយនេះក្នុងការអភិវឌ្ឍន៍ផ្កាយរណបឈ្លបយកការណ៍ គឺជាចំណុចអាទិភាពទាក់ទងដោយផ្ទាល់ដល់សន្តិសុខរបស់យើង។ លោកស្រីបាននិយាយនៅក្នុងសេចក្ដីថ្លែងការណ៍ ធ្វើឡើងដោយទីភ្នាក់ងារសារព័ត៌មាន KCNA ថា កូរ៉េខាងត្បូងនឹងយំហើមភ្នែកដោយសារតែកិច្ចសហប្រតិបត្តិការអន្តរជាតិមួយចំនួន និងព្យាយាមដាក់ទណ្ឌកម្មបន្ថែមមកលើយើង។ ប៉ុន្តែដោយមានសិទ្ធិរស់រានមានជីវិត និងការអភិវឌ្ឍន៍របស់យើងត្រូវបានរងការគំរាមកំហែង ហេតុអ្វីត្រូវខ្លាចទណ្ឌកម្មដែលយើងបានឃើញដដែលៗ ហើយក៏មិនមែនជាលើកទី១ ដែរ ដូច្នេះហេតុអ្វីនឹងត្រូវបញ្ឈប់យើងបាន។ ការថ្លែងរបស់លោកស្រីបានកើតឡើង ២ថ្ងៃប៉ុណ្ណោះបន្ទាប់ពីទីក្រុង Pyongyang បានបាញ់មីស៊ីលបាលីស្ទីករយៈចម្ងាយមធ្យម ២គ្រាប់ដែលខ្លួនបានហៅថា ជាការសាកល្បងដ៏សំខាន់សម្រាប់ការអភិវឌ្ឍន៍ផ្កាយរណបឈ្លបយកការណ៍។ កូរ៉េខាងជើងនៅថ្ងៃអង្គារនេះក៏បានរិះគន់យុទ្ធសាស្ត្រសន្តិសុខថ្មីរបស់ជប៉ុនផងដែរថា ជាការផ្ដាស់ប្ដូរជាមូលដ្ឋានលើបរិស្ថានសន្តិសុខក្នុងតំបន់ និងបានព្រមានថា ខ្លួននឹងបង្ហាញថា ជម្រើសដែលជាសកម្មភាពមិនច្បាស់លាស់របស់ជប៉ុន ខុស និងគ្រោះថ្នាក់យ៉ាងណា៕អត្ថបទ៖ សុខមាន

បណ្តាប្រទេសសហភាពអឺរ៉ុបឯកភាពលើការទប់តម្លៃឧស្ម័ន ដើម្បីប្រយុទ្ធប្រឆាំងនឹងវិបត្តិថាមពល

អឺរ៉ុប៖ បណ្ដារដ្ឋមន្ត្រីថាមពលរបស់សហភាពអឺរ៉ុបកាលពីថ្ងៃចន្ទ បានឯកភាពលើការទប់តម្លៃឧស្ម័ន បន្ទាប់ពីការជជែកពិភាក្សាជាច្រើនសប្ដាហ៍លើវិធានការបន្ទាន់ ដែលបានផ្ទុះភាពចម្រូងចម្រាសទូទាំងប្លុកនេះ ខណៈព្យាយាមប្រយុទ្ធប្រឆាំងនឹងវិបត្តិថាមពល។ ការកំណត់តម្លៃនេះគឺជាការប៉ុនប៉ងចុងក្រោយបំផុតរបស់សហភាពអឺរ៉ុប ក្នុងការបន្ទាបតម្លៃឧស្ម័នដែលបានរុញដោលឲ្យមានការចំណាយខ្ពស់ជាងមុខលើថាមពល និងរុញឲ្យមានអតិផរណាខ្ពស់បំផុតនៅឆ្នាំនេះ បន្ទាប់ពីប្រទេសរុស្ស៊ីកាត់ផ្ដាច់ការបញ្ជូនឧស្ម័នរបស់ខ្លួនភាគច្រើនទៅឲ្យអឺរ៉ុប។ រដ្ឋមន្ត្រីបានព្រមព្រៀងគ្នាទប់តម្លៃ ប្រសិនបើតម្លៃលើសពី ១៨០អឺរ៉ូ (២៨៥ដុល្លារ) ក្នុងមួយមេហ្គាវ៉ាត់ម៉ោងសម្រាប់រយៈពេល 3ថ្ងៃនៅលើកិច្ចសន្យាទើបផុតកំណត់នៃមជ្ឈមណ្ឌលឧស្ម័នហូឡង់ (TTF) ដែលបម្រើជាស្តង់ដារអឺរ៉ុប។ តម្លៃរបស់មជ្ឈមណ្ឌលឧស្ម័នហូឡង់ក៏មានតម្លៃ ៣៥អឺរ៉ូក្នុងមួយមេហ្គាវ៉ាត់ម៉ោងផងដែរខ្ពស់ជាងតម្លៃ យោងដោយផ្អែកលើការវាយតម្លៃតម្លៃឧស្ម័នធម្មជាតិរាវ (LNG) ដែលមានស្រាប់សម្រាប់រយៈពេលបីថ្ងៃ។លោក Jozef Sikela រដ្ឋមន្ត្រីក្រសួងឧស្សាហកម្មសាធារណរដ្ឋឆែក ដែលកាន់តំណែងជាប្រធានប្ដូរវេណសហភាពអឺរ៉ុបបាននិយាយថា យើងទទួលបានជោគជ័យក្នុងការស្វែងរកកិច្ចព្រមព្រៀង ដែលនឹងធ្វើជារបាំងជួយពលរដ្ឋគេចចេញពីការហក់ឡើងខ្ពស់កប់ពពកនៃតម្លៃថាមពល។ ការកំណត់តម្លៃនេះអាចចាប់ផ្ដើមពីថ្ងទី១៥ ខែកុម្ភៈ ឆ្នាំ២០២៣។ កិច្ចព្រមព្រៀងនេះនឹងត្រូវបានអនុម័តជាផ្លូវការ ដោយប្រទេសទាំងនោះជាលាយលក្ខណ៍អក្ស ក្រោយចូលជាធរមាន៕អត្ថបទ៖ សុខមាន

សម្ដេចតេជោ ហ៊ុន សែន អនុញ្ញាតឲ្យអគ្គនាយកសហព័ន្ធសន្តិភាពសកលចូលជួបសម្ដែងការគួរសម និងពិភាក្សាការងារ

នៅវិមានសន្តិភាព នាព្រឹកថ្ងៃទី២០ ខែធ្នូ ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឲ្យលោកបណ្ឌិត យ៉ុន យ៉ុងហូ អគ្គនាយកសហព័ន្ធសន្តិភាពសកល ចូលសម្ដែងការគួរសម និងពិភាក្សាការងារ ។

ការកើនឡើងជំងឺ Covid-19 នៅប្រទេសចិនបណ្តាលឲ្យសាលារៀនមួយចំនួនត្រឡប់ទៅរៀនតាម Online វិញ

ចិន៖ សាលារៀនជាច្រើននៅក្នុងទីក្រុងសៀងហៃប្រទេសចិន និងតំបន់ផ្សេងៗទៀតកំពុងប្តូរត្រឡប់ទៅការបង្រៀនតាមប្រព័ន្ធអ៊ីនធឺណិតវិញ ក្នុងពេលមានការកើនឡើងករណីឆ្លងវីរុសកូរ៉ូណា។ សាលារៀនជាច្រើនបាននឹងកំពុងបន្តថ្នាក់រៀនដោយផ្ទាល់ បន្ទាប់ពីរដ្ឋាភិបាលចិនបានបន្ធូរបន្ថយវិធានការប្រយុទ្ធប្រឆាំងករណីឆ្លងដ៏តឹងរ៉ឹងរបស់ខ្លួនកាលពីថ្ងៃទី៧ ខែធ្នូ។ ប៉ុន្តែមន្ត្រីទីក្រុងសៀងហៃបាននិយាយថា សាលារៀនទាំងអស់នៅក្នុងទីក្រុងគួរតែត្រលប់មកបង្រៀនតាមប្រព័ន្ធអ៊ីនធឺណិតវិញចាប់ពីថ្ងៃចន្ទនេះតទៅ ដើម្បីសុខុមាលភាពរបស់សិស្ស និងគ្រូបង្រៀនរបស់ពួកគេ។ សាលាអនុវិទ្យាល័យ និងវិទ្យាល័យជាករណីលើកលែង។សាលាបង្រៀនភាសាជប៉ុនក្នុងទីក្រុងសៀងហៃ បានដំណើរការត្រលប់ទៅបង្រៀនតាមប្រព័ន្ធ Online វិញហើយកាលពីថ្ងៃពុធសប្តាហ៍មុន បន្ទាប់ពីកុមារ និងគ្រូបង្រៀនមួយចំនួនបានធ្វើតេស្តវិជ្ជមានវីរុសកូរ៉ូណា។ សាលារៀននៅទីក្រុង Nanjing ខេត្តJiangsu ក៏នឹងត្រលប់ទៅបង្រៀនតាមប្រព័ន្ធអ៊ីនធឺណេតវិញចាប់ពីថ្ងៃច័ន្ទនេះដែរ ដោយលើកលែងតែសិស្សវិទ្យាល័យ៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

សិស្សសាលាអារ៉ាប់រួមនៅទីក្រុងឌូបៃ វិលត្រឡប់ទៅរៀនតាមអនឡាញ ក្រោយការវាយប្រហាររបស់អ៊ីរ៉ង់

ភរិយាសកម្មជនកងនាវាហ្កាហ្សានិយាយថា ស្វាមីរបស់ពួកគេដែលឃាត់ខ្លួនដោយអ៊ីស្រាអែល ត្រូវបានគេធ្វើទារុណកម្ម

នាយករដ្ឋមន្ត្រីរ៉ូម៉ានីត្រូវបានទម្លាក់ពីតំណែង ដោយការបោះឆ្នោតដកសេចក្ដីទុកចិត្ត

អារ៉ាប់រួមរឹតបន្តឹងដែនអាកាស ក្រោយមានការវាយប្រហារដោយមីស៊ីល និងយានដ្រូនរបស់អ៊ីរ៉ង់

ប្រមុខមន្ទីរបញ្ចកោណ៖ អាមេរិកមិនស្វែងរកការប្រយុទ្ធ ដោយប្រតិបត្តិការបណ្តោះអាសន្ន ដើម្បីការពារនាវាទេ

កូនប្រុសរបស់លោកស្រី អ៊ុងសាន ស៊ូជី ជំរុញឲ្យរដ្ឋាភិបាលមីយ៉ាន់ម៉ាផ្តល់ «ភស្តុតាងពីការមានជីវិត»

ចិន៖ ទណ្ឌកម្មកាន់តែទូលំទូលាយរបស់សហរដ្ឋអាមេរិក លើគុយបា គឺ «ខុសច្បាប់»

រដ្ឋមន្ត្រីការបរទេសអ៊ីរ៉ង់ ចេញដំណើរទៅទីក្រុងប៉េកាំង សម្រាប់កិច្ចពិភាក្សាជាមួយចិន

អ៊ុយក្រែនអះអាងថា មនុស្ស ៣នាក់ រងរបួស ក្នុងការវាយប្រហារយានដ្រូនរុស្ស៊ីលើមជ្ឈមណ្ឌលទីក្រុង Chernihiv

‎អនុប្រធាន សមាគមអតីតយុទ្ធជន អញ្ជើញប្រគល់ផ្ទះជូនគ្រួសារសមាជិកពលីមានជីវភាពខ្វះខាត ក្នុងខេត្តកំពង់ចាម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

លោក Emmanuel Macron បញ្ជាក់ពីការផ្ដល់ការធានាសន្តិសុខជាថ្មីដល់រុស្ស៊ី ដើម្បីបញ្ចប់ជម្លោះជាមួយអ៊ុយក្រែន

ពិភពលោកបារម្ភពីរលកថ្មីនៃការផ្ទុះវីរុស COVID-19 របស់ចិន និងរកមធ្យោបាយជួយលោក Xi Jinping

មេដឹកនាំអឺរ៉ុបខាងជើងសន្យាបន្តគាំទ្រដល់អ៊ុយក្រែន

ក្រសួងការបរទេសអាមេរិកនិយាយថា ចំនួនអ្នកស្លាប់ដោយជំងឺ COVID-19 នៅចិនគឺជាក្តីបារម្ភសម្រាប់ពិភពលោក

អាមេរិកចោទ UN ថា បានបន្ទន់តាមការគំរាមពីរុស្ស៊ីជុំវិញការស៊ើបអង្កេតយានដ្រូនអ៊ីរ៉ង់

លោក Putin និយាយថា ស្ថានភាពនៅក្នុងតំបន់ដែលបានដាក់ចូលឧបសម្ព័ន្ធនៅអ៊ុយក្រែនជួបការលំបាកខ្លាំង

កូរ៉េខាងជើងនិយាយថា ទណ្ឌកម្មនឹងមិនអាចរារាំងការអភិវឌ្ឍន៍មីស៊ីលរបស់ខ្លួនបានឡើយ

បណ្តាប្រទេសសហភាពអឺរ៉ុបឯកភាពលើការទប់តម្លៃឧស្ម័ន ដើម្បីប្រយុទ្ធប្រឆាំងនឹងវិបត្តិថាមពល

សម្ដេចតេជោ ហ៊ុន សែន អនុញ្ញាតឲ្យអគ្គនាយកសហព័ន្ធសន្តិភាពសកលចូលជួបសម្ដែងការគួរសម និងពិភាក្សាការងារ

ការកើនឡើងជំងឺ Covid-19 នៅប្រទេសចិនបណ្តាលឲ្យសាលារៀនមួយចំនួនត្រឡប់ទៅរៀនតាម Online វិញ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ពិភពលោក​បារម្ភ​ពី​រលក​ថ្មី​នៃ​ការ​ផ្ទុះ​វីរុស COVID-19 របស់​ចិន និង​រក​មធ្យោបាយ​ជួយ​លោក Xi Jinping

មេដឹកនាំ​អឺរ៉ុប​ខាងជើង​សន្យា​បន្ត​គាំទ្រ​ដល់​អ៊ុយ​ក្រែ​ន​

ក្រសួងការបរទេស​អាមេរិក​និយាយថា ចំនួន​អ្នកស្លាប់​ដោយ​ជំងឺ COVID-19 នៅ​ចិន​គឺជា​ក្តីបារម្ភ​សម្រាប់​ពិភពលោក

អាមេរិក​ចោទ UN ថា​ បាន​បន្ទន់​តាម​ការ​គំរាម​ពី​រុស្ស៊ី​ជុំវិញ​ការស៊ើបអង្កេត​យាន​ដ្រូ​ន​អ៊ីរ៉ង់​

លោក Putin និយាយថា ស្ថានភាព​នៅក្នុង​តំបន់​ដែល​បាន​ដាក់ចូល​ឧបសម្ព័ន្ធ​នៅ​អ៊ុយ​ក្រែ​ន​ជួប​ការ​លំបាក​ខ្លាំង

កូរ៉េខាងជើង​និយាយថា ទណ្ឌកម្ម​នឹងមិន​អាច​រារាំង​ការអភិវឌ្ឍន៍​មី​ស៊ី​ល​របស់ខ្លួន​បានឡើយ​

បណ្តា​ប្រទេស​សហភាព​អឺរ៉ុប​ឯកភាព​លើ​ការ​ទប់​តម្លៃ​ឧស្ម័ន ដើម្បី​ប្រយុទ្ធ​ប្រឆាំងនឹង​វិបត្តិ​ថាមពល​

សម្ដេចតេជោ ហ៊ុន សែន អនុញ្ញាតឲ្យអគ្គនាយកសហព័ន្ធសន្តិភាពសកល​ចូលជួបសម្ដែងការគួរសម និងពិភាក្សាការងារ

ការកើនឡើង​ជំងឺ Covid-19 នៅ​ប្រទេស​ចិន​បណ្តាល​ឲ្យ​សាលារៀន​មួយចំនួន​ត្រឡប់​ទៅ​រៀន​តាម ​Online វិញ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ពិភពលោកបារម្ភពីរលកថ្មីនៃការផ្ទុះវីរុស COVID-19 របស់ចិន និងរកមធ្យោបាយជួយលោក Xi Jinping

មេដឹកនាំអឺរ៉ុបខាងជើងសន្យាបន្តគាំទ្រដល់អ៊ុយក្រែន

ក្រសួងការបរទេសអាមេរិកនិយាយថា ចំនួនអ្នកស្លាប់ដោយជំងឺ COVID-19 នៅចិនគឺជាក្តីបារម្ភសម្រាប់ពិភពលោក

អាមេរិកចោទ UN ថា បានបន្ទន់តាមការគំរាមពីរុស្ស៊ីជុំវិញការស៊ើបអង្កេតយានដ្រូនអ៊ីរ៉ង់

លោក Putin និយាយថា ស្ថានភាពនៅក្នុងតំបន់ដែលបានដាក់ចូលឧបសម្ព័ន្ធនៅអ៊ុយក្រែនជួបការលំបាកខ្លាំង

កូរ៉េខាងជើងនិយាយថា ទណ្ឌកម្មនឹងមិនអាចរារាំងការអភិវឌ្ឍន៍មីស៊ីលរបស់ខ្លួនបានឡើយ

បណ្តាប្រទេសសហភាពអឺរ៉ុបឯកភាពលើការទប់តម្លៃឧស្ម័ន ដើម្បីប្រយុទ្ធប្រឆាំងនឹងវិបត្តិថាមពល

សម្ដេចតេជោ ហ៊ុន សែន អនុញ្ញាតឲ្យអគ្គនាយកសហព័ន្ធសន្តិភាពសកលចូលជួបសម្ដែងការគួរសម និងពិភាក្សាការងារ

ការកើនឡើងជំងឺ Covid-19 នៅប្រទេសចិនបណ្តាលឲ្យសាលារៀនមួយចំនួនត្រឡប់ទៅរៀនតាម Online វិញ