BTV NEWS

សម្ដេចធិបតី៖ កម្ពុជា នឹងប្រើយន្តការនៃការផ្សះផ្សារដោយចាប់បង្ខំ ដោះស្រាយដែនសមុទ្រត្រួតគ្នាកម្ពុជា-ថៃ

សម្តេចធិបតីនឹងដឹកនាំគណៈប្រតិភូជាន់ខ្ពស់អញ្ជើញចូលរួមកិច្ចប្រជុំកំពូលអាស៊ាន លើកទី៤៨ នៅកោះសេប៊ូ សាធារណរដ្ឋហ្វីលីពីន

សម្តេចធិបតី៖ ការធានាសុវត្ថិភាពព័ត៌មាន រក្សាព័ត៌មានសម្ងាត់របស់ជាតិ ក្នុងកាលៈទេសៈនៃវិបត្តិមិនមែនជាការរឹតត្បិតសេរីភាពខាងសារព័ត៌មាននោះទេ

សម្តេចធិបតី៖ការស្ទង់មតិឆ្លុះបញ្ចាំងឱ្យឃើញថាកម្ពុជាកំពុងពង្រឹងវិស័យព័ត៌មាន សេរីព័ត៌មាន និងការអភិវឌ្ឍវិជ្ជាជីវៈ

ព័ត៌មានសំខាន់ៗ

សម្ដេចតេជោ ហ៊ុន សែន អញ្ជើញធ្វើដំណើរដល់ទីក្រុងព្រុចសែលប្រកបដោយសុវត្ថិភាព

ភ្នំពេញ ៖ នៅម៉ោង ៩.៣០នាទីព្រឹក ម៉ោងនៅព្រុចសែល ប្រទេសប៊ែលហ្ស៉ិក ថ្ងៃទី១២ ខែធ្នូ ឆ្នាំ២០២២នេះ ត្រូវនឹងម៉ោង៣: ៣០នាទីរសៀលម៉ោងនៅទីក្រុងភ្នំពេញ ប្រទេសកម្ពុជា សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញដឹកនាំគណៈប្រតិភូទៅដល់ទីក្រុងព្រុចសែល ប្រទេសបែលហ្ស៊ិក ប្រកបដោយសុវត្ថិភាពហើយ។ វត្តមានរបស់សម្ដេចតេជោ ហ៊ុន សែន នៅអាកាសយានដ្ឋានអន្តរជាតិព្រុចសែល ត្រូវបានធ្វើគារវកិច្ចស្វាគមន៍យ៉ាងកក់ក្តៅជាទីបំផុតពីសំណាក់ តំណាងអគ្គលេខាធិការនៃក្រុមប្រឹក្សាសហភាពអឺរ៉ុប ,ឯកអគ្គរាជទូតកម្ពុជា ប្រចាំប្រទេសបែលហ្ស៊ិក និងមន្ត្រីពាក់ព័ន្ធជាច្រើនទៀត។ សូមជម្រាបថា ធ្វើដំណើរអញ្ជើញរបស់សម្ដេចតេជោ នាយករដ្ឋមន្ត្រី ទៅកាន់តំបន់អឺរ៉ុប គឺដើម្បីធ្វើជាសហប្រធាននៃកិច្ចប្រជុំកំពូលរំលឹកខួបអនុស្សាវរីយ៍អាស៊ាន-សហភាពអឺរ៉ុប និងដើម្បីអបអរសាទរខួប៥៤ ឆ្នាំ នៃទំនាក់ទំនងដៃគូសន្ទនាអាស៊ាន-សហភាពអឺរ៉ុប ដែលកិច្ចប្រជុំនេះត្រូវធ្វើឡើងនៅថ្ងៃទី១៤ ខែធ្នូ ឆ្នាំ២០២២ នៅទីក្រុងព្រុចសែល។ បើតាមការឲ្យដឹងពីក្រសួងការបរទេស និងសហប្រតិបត្តិការអន្តរជាតិបានឲ្យដឹងថា នៅមុនពេលអញ្ជើញចូលរួមកិច្ចប្រជុំកំពូលរំលឹកខួប សម្តេចតេជោនាយករដ្ឋមន្ត្រី ហ៊ុន សែន នឹងអញ្ជើញទៅបំពេញទស្សនកិច្ចការងារនៅសាធារណរដ្ឋបារាំង ក្នុងនោះ ឯកឧត្តម អេម៉ានូអែល ម៉ាក្រុង ប្រធានាធិបតីនៃសាធារណរដ្ឋបារាំង នឹងទទួលស្វាគមន៍សម្តេចតេជោនាយករដ្ឋមន្រ្តី នៅវិមានអេលីហ្សេ (Élysée Palace) ហើយនឹងរៀបចំអាហារការងារពេលល្ងាចជាកិត្តិយសជូន សម្តេចតេជោផងដែរ៕

ប៉ាគីស្ថាននិយាយថា កងកម្លាំងអាហ្វហ្គានីស្ថានសម្លាប់ជនស៊ីវិល ៦នាក់ដោយការបាញ់ផ្លោងឆ្លងព្រំដែន

ប៉ាគីស្ថាន៖ កងទ័ពប៉ាគីស្ថានបាននិយាយថា ការបាញ់កាំភ្លើង និងផ្លោងកាំភ្លើងធំធ្វើឡើងដោយកងកម្លាំងព្រំដែនអាហ្វហ្គានីស្ថានបានបណ្តាលឲ្យជនស៊ីវិល ៦នាក់ស្លាប់នៅក្នុងការបាញ់ឆ្លងព្រំដែនប្រទេសប៉ាគីស្ថានកាលពីថ្ងៃអាទិត្យ ហើយមនុស្ស ១៧នាក់ផ្សេងទៀតបានរងរបួស។ កងទ័ពនិយាយក្នុងសេចក្តីថ្លែងការណ៍ថា កងទ័ពប៉ាគីស្ថានបានសងសឹកវិញនៅព្រំដែនដែលឆ្លងកាត់ខេត្ត Balochistan ភាគនិរតី។ លោក Noor Ahmad មន្ត្រីអាហ្វហ្គានីស្ថាននៅខេត្ត Kandahar បានប្រាប់សារព័ត៌មានរ៉យទ័រថា ឧប្បត្តិហេតុនេះបានកើតឡើងដោយចៃដន្យ ហើយស្ថានភាពបានវិលត្រឡប់មករកភាពធម្មតាវិញ បន្ទាប់ពីភាគីទាំងពីរបានជួបប្រជុំគ្នា។ ប្រភពសន្តិសុខអាហ្វហ្គានីស្ថានបាននិយាយថា ការប៉ះទង្គិចនេះបានចាប់ផ្តើមបន្ទាប់ពីកងកម្លាំងប៉ាគីស្ថាន បានទាមទារឱ្យកងកម្លាំងអាហ្វហ្គានីស្ថានបញ្ឈប់ការសាងសង់ប៉ុស្តិ៍ត្រួតពិនិត្យថ្មី នៅលើព្រំដែនរបស់ពួកគេ។សេចក្តីថ្លែងការណ៍របស់កងទ័ពប៉ាគីស្ថានបានចាត់ទុកឧប្បត្តិហេតុនេះថា ជាការឈ្លានពានហួសព្រំដែន។ មន្ត្រីទាំងសងខាងបាននិយាយថា ការឆ្លងកាត់ព្រំដែនអាហ្វហ្គានីស្ថានដ៏មមាញឹកនៅតំបន់ Chaman ដែលត្រូវបានប្រើសម្រាប់ពាណិជ្ជកម្ម និងច្រកឆ្លងកាត់ត្រូវបានបិទរយៈពេលច្រើនម៉ោង មុនពេលបើកឡើងវិញ៕អត្ថបទ៖ ប៊ុនថន

កំពង់ផែ Odesa របស់អ៊ុយក្រែនផ្អាកដំណើរការ បន្ទាប់ពីការវាយប្រហារដោយយានដ្រូនរបស់រុស្ស៊ី

អ៊ុយក្រែន៖ កំពង់ផែ Odesa របស់ប្រទេសអ៊ុយក្រែនបានផ្អាកដំណើរការកាលពីថ្ងៃអាទិត្យ បន្ទាប់ពីការវាយប្រហារចុងក្រោយរបស់រុស្ស៊ីលើប្រព័ន្ធថាមពលក្នុងតំបន់។ យោងតាមលោក Mykola Solsky រដ្ឋមន្ត្រីក្រសួងកសិកម្មបាននិយាយថា ពាណិជ្ជករគ្រាប់ធញ្ញជាតិមិនត្រូវបានគេរំពឹងថានឹងបញ្ឈប់ការនាំចេញនោះទេ។ ប្រធានាធិបតីអ៊ុយក្រែនលោក Volodymyr Zelenskyy និយាយថាវាបានកើតឡើង ខណៈប្រជាជនជាង ១,៥លាននាក់នៅទីក្រុង Odesa ភាគខាងត្បូងគ្មានថាមពលប្រើប្រាស់ បន្ទាប់ពីយានដ្រូនរបស់រុស្ស៊ីបានវាយប្រហារលើរោងចក្រថាមពលចំនួនពីរកន្លែង។ ពាណិជ្ជករគ្រាប់ធញ្ញជាតិបានបន្តការដឹកជញ្ជូនតាមរយៈកំពង់ផែពីរផ្សេងទៀត។ ចាប់តាំងពីខែតុលាមក ទីក្រុងមូស្គូបានដាក់គោលដៅលើហេដ្ឋារចនាសម្ព័ន្ធថាមពលរបស់អ៊ុយក្រែន ដោយការបាញ់មីស៊ីល និងប្រើប្រាស់យានដ្រូនវាយប្រហារជាបន្តបន្ទាប់។អាជ្ញាធរតំបន់ក្នុងទីក្រុង Odesa និយាយថា អគ្គិសនីសម្រាប់ប្រជាជនក្នុងទីក្រុងនេះនឹងត្រូវបានស្តារឡើងវិញជាបណ្តើរៗ ខណៈការស្តារឡើងវិញបណ្តាញពេញលេញអាចចំណាយពេលពី ២ ទៅ ៣ខែ។ អ៊ុយក្រែនស្ថិតក្នុងចំណោមប្រទេសផលិត និងនាំចេញពោត និងស្រូវសាលីធំបំផុតរបស់ពិភពលោក ប៉ុន្តែការនាំចេញរបស់ប្រទេសនេះបានធ្លាក់ចុះខ្លាំងដោយសារតែការវាយលុករបស់រុស្ស៊ី៕អត្ថបទ៖ ប៊ុនថន

ប្រទេសចិននៅតែប្រុងប្រយ័ត្នវីរុសកូរ៉ូណា បន្ទាប់ពីវិធានការរឹតត្បិតត្រូវបានបន្ធូរបន្ថយ

ចិន៖ ប្រជាជននៅប្រទេសចិននៅតែមានការប្រុងប្រយ័ត្នចំពោះការឆ្លងវីរុសកូរ៉ូណា ទោះបីជារដ្ឋាភិបាលបានបន្ធូរបន្ថយគោលនយោបាយ «គ្មាន Covid» ដ៏តឹងរ៉ឹងរបស់ខ្លួនកាលពីសប្តាហ៍មុនក៏ដោយ។ ប្រព័ន្ធផ្សព្វផ្សាយក្នុងតំបន់និយាយថា ចំនួនមធ្យមនៃការស្នើសុំរថយន្តសង្គ្រោះបន្ទាន់នៅទីក្រុងប៉េកាំង បានកើនឡើងដល់ ៦ដង។ អាជ្ញាធរតំបន់កំពុងជំរុញឱ្យអ្នកជំងឺគ្មានរោគសញ្ញា និងអ្នកទាំងឡាយណាដែលមានរោគសញ្ញាស្រាល ឱ្យចៀសវាងកុំស្នើសុំរថយន្តសង្គ្រោះបន្ទាន់។ នៅភាគកណ្តាលទីក្រុងប៉េកាំង កាលពីថ្ងៃអាទិត្យអ្នកថ្មើរជើង ឬរថយន្តមួយចំនួនអាចត្រូវបានមើលឃើញ ដែលជាការបង្ហាញថា មនុស្សជាច្រើនទៀតនៅមានការស្ទាក់ស្ទើរដែលត្រូវចេញទៅក្រៅ ដោយសារតែការភ័យខ្លាចនៃការឆ្លងវីរុសនេះ។អាជ្ញាធរកំពុងបន្ធូរបន្ថយដ៏ឆាប់រហ័សជុំវិញការព្រួយបារម្ភចំពោះហានិភ័យនៃការឆ្លង ដែលត្រូវបានផ្សព្វផ្សាយដោយគោលនយោបាយ «គ្មាន Covid»។ ប្រព័ន្ធផ្សព្វផ្សាយគ្រប់គ្រងដោយរដ្ឋរបស់ប្រទេសចិន បានចេញផ្សាយបទសម្ភាសន៍ជាមួយអ្នកជំនាញខាងជំងឺឆ្លងដែលបានបញ្ជាក់ថា ប្រមាណ ៩៩% នៃអ្នកដែលឆ្លងវីរុសបំប្លែងថ្មី Omicron នឹងជាសះស្បើយឡើងវិញក្នុងរយៈពេល ៧ថ្ងៃ៕អត្ថបទ៖ ប៊ុនថន

កម្ពុជារកឃើញករណីឆ្លងថ្មីជំងឺកូវីដ-១៩ចំនួន ២៥នាក់ ក្នុងរបាយការណ៍ចេញផ្សាយនៅថ្ងៃទី១២ ខែធ្នូនេះ

ភ្នំពេញ៖ ក្រសួងសុខាភិបាលប្រកាសរកឃើញករណីឆ្លងថ្មីជំងឺកូវីដ-១៩ចំនួន ២៥នាក់(សុទ្ធតែជាប្រភេទ អូមីក្រុង), ជាសះស្បើយចំនួន ២៣នាក់ និងគ្មានករណីស្លាប់ថ្មីទេ នៅថ្ងៃទី១២ ខែធ្នូ ឆ្នាំ២០២២នេះ។គួរបញ្ជាក់ថា មកទល់ពេលនេះ កម្ពុជាមានករណីឆ្លងជំងឺកូវីដ-១៩ សរុបចំនួន ១៣៨.២៧៦នាក់, ជាសះស្បើយសរុបចំនួន ១៣៥.១០៧ និងករណីស្លាប់សរុបចំនួន ៣.០៥៦នាក់។

សហភាពអឺរ៉ុបត្រូវការធនធានបន្ថែមទៀតដើម្បីជួយអ៊ុយក្រែន ខណៈឃ្លាំងអាវុធរបស់ខ្លួនអស់

អឺរ៉ុប៖ អ្នកការទូតជាន់ខ្ពស់របស់ប្លុកអឺរ៉ុបលោក Josep Borrell បាននិយាយថា សមាជិកសហភាពអឺរ៉ុបត្រូវតែផ្ដល់ធនធានបន្ថែមទៀត ដើម្បីពង្រឹងសមត្ថភាពយោធារបស់ខ្លួនក្នុងការធានា ដល់លំហូរអាវុធដែលនឹងបន្តជួយដល់អ៊ុយក្រែន លុះត្រាតែឈ្នះរុស្ស៊ី ដោយលោកទទួលស្គាល់ថា ការត្រៀមលក្ខណៈមិនបានគ្រប់គ្រាន់ បានជំរុញឲ្យឃ្លាំងអាវុធរបស់រដ្ឋជាសមាជិកត្រូវកាត់ផ្ដាច់ស្ទើទាំងអស់។ លោកបានសរសេរនៅក្នុងប្លុកដែលបានបង្ហោះកាលពីថ្ងៃអាទិត្យថា យើងបានផ្ដល់គ្រឿងសព្វាវុធដល់អ៊ុយក្រែន ប៉ុន្តែ យើងបានដឹងហើយថា ឃ្លាំងអាវុធយោធារបស់យើងបានអស់ហើយ។ យើងគួរតែអាចបន្តផ្ដល់ឲ្យអ៊ុយក្រែនថែមទៀត ជាចាំបាច់ដើម្បីយកឈ្នះរុស្ស៊ី។ លោកបានពិពណ៌នាថា ស្ថានភាពបច្ចុប្បន្នជំរុញឲ្យយើងអំពាវនាវបង្កើនសមត្ថភាពខាងយោធារបស់ខ្លួន ដោយបញ្ជាក់ឡើងវិញនៅក្នុងការវិនិច្ឆ័យរបស់លោកកាលពីសប្ដាហ៍មុនថា សហភាពអឺរ៉ុបកំពុងខ្វះខាតសមត្ថភាពការពារខ្លួនយ៉ាងខ្លាំង។ខណៈទទួលស្គាល់ថា អ្នកមិនមែនធ្វើសង្គ្រាមជាមួយក្រដាស់ប្រាក់ទេ និងទទួលស្គាល់ថា នៅមានផ្លូវវែងឆ្ងាយរវាងការបែងចែកប្រាក់ និងការអភិវឌ្ឍន៍សមត្ថភាពជាក់ស្ដែង និងប្រតិបត្តិការដោយប្រើមនុស្ស លោក Borrell បានកោតសរសើរការពិតដែលថា ការចំណាយប្រាក់របស់សហភាពអឺរ៉ុបលើការការពារបានកើនឡើងជាង ២០០ពាន់លានអឺរ៉ូក្នុងឆ្នាំ២០២១ ជាលើកដំបូង៕អត្ថបទ៖ សុខមាន

សំណុំរឿងគ្រោះថ្នាក់ចរាចរណ៍នៅស្ពានជ្រោយចង្វារស្លាប់ទារកម្នាក់ត្រូវបានបញ្ជូនទៅដល់តុលាការ

ភ្នំពេញ៖ នៅព្រឹកថ្ងៃទី១២ ខែធ្នូ ឆ្នាំ២០២២ លោក ប្លង់ សុផល ព្រះរាជអាជ្ញារង និងជាអ្នកនាំពាក្យអយ្យការអមសាលាដំបូងរាជធានីភ្នំពេញបានឲ្យដឹងថា សំណុំរឿងពាក់ព័ន្ធករណីគ្រោះថ្នាក់ចរាចរណ៍នៅលើស្ពានជ្រោយចង្វារ បានបញ្ជូនមកដល់អយ្យការហេីយ តំណាងអយ្យការបាន និងកំពុងស៊េីបអង្កេតលេីករណីនេះរួចហេីយ ។គួរបញ្ជាក់ផងដែរ កាលពីវេលាម៉ោង២រំលងអាធ្រាតឈានចូលថ្ងៃទី ០៥ ខែធ្នូ ឆ្នាំ២០២២ នៅចំណុចលើស្ពានអាកាសជ្រោយចង្វារ (មិត្តភាពកម្ពុជា-ជប៉ុន) ស្ថិតក្នុងសង្កាត់ជ្រោយចង្វារ ខណ្ឌជ្រោយចង្វារ មានករណី គ្រោះថ្នាក់ចរាចរណ៍ដែលបង្កឡើងដោយបុរសម្នាក់ បើកបររថយន្តម៉ាកលុចស៊ីស nx200t ពាក់ស្លាកលេខភ្នំពេញ 2BB-9989 បានបុកពីក្រោយម៉ូតូមួយគ្រឿងម៉ាកហុងដា ស្កូបពី ពណ៌ស ពាក់ស្លាកលេខ កណ្ដាល 1B-9978 បណ្ដាលឱ្យមនុស្សបីនាក់រងរបួសធ្ងន់ ក្នុងនោះមានទារកទើបអាយុ៦០ថ្ងៃម្នាក់។ បន្ទាប់ពីកើតហេតុម្ចាស់រថយន្តបានព្យាយាមបើករថយន្តគេចចេញពីកន្លែងកើតហេតុ រហូតត្រូវបានកម្លាំងសមត្ថកិច្ចដេញឃាត់បាន។ក្នុងករណីនេះផងដែរ ដោយមានភាគីរងគ្រោះមានទារកអាយុទើបតែ ៦០ថ្ងៃរងរបួសធ្ងន់ ដែលទើបទទួលមរណភាពកាលពីយប់ថ្ងៃទី ១២ ខែធ្នូ ឆ្នាំ ២០២២នេះផង ។ ចំណែកម្ដាយទារកកំពុងសម្រាកព្យាបាលនៅមន្ទីរពេទ្យ និងបុរសម្នាក់ទៀតដែលជិះម៉ូតូឌុប ម្ដាយ-កូន ក៏កំពុងសម្រាកនៅមន្ទីរពេទ្យផងដែរ៕(អត្ថបទ៖ កុម្ភៈ)

រដ្ឋមន្ត្រីការបរទេសអារ៉ាប៊ីសាអ៊ូឌីតនិយាយថា តំបន់នេះនឹងដើរចូលដំណាក់កាលគ្រោះថ្នាក់ខ្លាំង បើអ៊ីរ៉ង់មាននុយក្លេអ៊ែរ

អារ៉ាប៊ីសាអ៊ូឌីត៖ រដ្ឋមន្ត្រីការបរទេសអារ៉ាប៊ីសាអ៊ូឌីតបានព្រមានកាលពីថ្ងៃអាទិត្យថា តំបន់នេះនឹងដើរចូលក្នុងដំណាក់កាលគ្រោះថ្នាក់ខ្លាំង បើកិច្ចព្រមព្រៀងនុយក្លេអ៊ែរជាមួយអ៊ីរ៉ង់មិនអាចសម្រេចបានទេនោះ។ យោងតាមកាសែត Gazette របស់អារ៉ាប៊ីសាអ៊ូឌីតលោក Faisal bin Farhan បាននិយាយនៅក្នុងព្រឹត្តិការណ៍មួយនៅទីក្រុង Abu Dhabi ថា លោកហ៊ានភ្នាល់ ប្រសិនបើអ៊ីរ៉ង់ទទួលបានអាវុធនុយក្លេអ៊ែរប្រតិបត្តិការ។ លោកបាននិយាយថា បណ្ដាប្រទេសជិតខាងរបស់អ៊ីរ៉ង់នឹងត្រូវធ្វើដើម្បីពង្រឹងសន្តិសុខរបស់ពួកគេ ប្រសិនបើទីក្រុងតេអេរ៉ង់ទទួលបានអាវុធនុយក្លេអ៊ែរ។ អ្នកការទូតជាន់ខ្ពស់របស់អារ៉ាប៊ីសាអ៊ូឌីតរូបនេះបាននិយាយថា យើងកំពុងស្ថិតក្នុងដំណាក់កាលគ្រោះថ្នាក់នៅក្នុងតំបន់នេះ ហើយអ្នកអាចរំពឹងថា រដ្ឋនានាក្នុងតំបន់នឹងត្រូវតែសម្លឹងរកវិធីណា ដែលពួកគេអាចធានាសន្តិសុខរបស់ខ្លួនឯងបាន។ដោយលើកឡើងថា សុចនាករណ៍នានានៅពេលបច្ចុប្បន្នមិនល្អ លោក Farhan បាននិយាយថា បណ្ដារដ្ឋនៅជិតខាងអ៊ីរ៉ង់ចាំបាច់ត្រូវការការធានាជាក់ស្តែងបន្ថែមទៀត ដើម្បីជឿថា អ៊ីរ៉ង់មិនមានបំណងទទួលបានអាវុធនុយក្លេអ៊ែរនោះទេ។ ខណៈដែលការប៉ុនប៉ងនានា ក្នុងការស្រោចស្រង់កិច្ចព្រមព្រៀងនុយក្លេអ៊ែរអ៊ីរ៉ង់នៅមិនទាន់ចេញជាផ្លែផ្កា សម្ពាធលោកខាងលិចកំពុងកៀបកាន់តែខ្លាំងជុំវិញការបង្ក្រាបរបស់ទីក្រុងតេអេរ៉ង់ ប្រឆាំងនឹងការតវ៉ា និងទំនាក់ទំនងដែលកំពុងរីកដុះដាលជាមួយរុស្ស៊ី៕អត្ថបទ៖ សុខមាន

វិមានក្រឹមឡាំងនិយាយថា ការបរាជ័យកិច្ចព្រមព្រៀងទីក្រុង Minsk នាំឲ្យរុស្ស៊ីវាយប្រហារចូលអ៊ុយក្រែន

រុស្ស៊ី៖ ទីភ្នាក់ងារសារព័ត៌មាននានារបស់រុស្ស៊ី បានដកស្រង់សម្ដីអ្នកនាំពាក្យវិមានក្រឹមឡាំងដោយនិយាយកាលពីថ្ងៃអាទិត្យថា ការដែលរុស្ស៊ីបានបើកការវាយលុកជាអ្វីដែលខ្លួនហៅថា ជាប្រតិបត្តិការសឹកពិសេសនៅអ៊ុយក្រែន ដោយសារតែក្ដីបារម្ភជុំវិញកិច្ចព្រមព្រៀងសន្តិភាពរវាងទីក្រុង Kyiv និងក្រុមបំបែកខ្លួនគាំទ្ររុស្ស៊ីត្រូវបានបរាជ័យ។ លោកប្រធានាធិបតី Vladimir Putin នៅសប្ដាហ៍នេះបានបង្ហាញក្ដីបារម្ភពីការបរាជ័យ ក្នុងការអនុវត្តន៍កិច្ចព្រមព្រៀងបទឈប់បាញ់ទីក្រុង Minsk និងកិច្ចព្រមព្រៀងកំណែទម្រង់រដ្ឋធម្មនុញ្ញរវាងទីក្រុង Kyiv និងក្រុមបំបែកខ្លួនគាំទ្រដោយរុស្ស៊ីក្នុងភាគខាងកើតអ៊ុយក្រែន ដែលបានសម្របសម្រួលក្នុងឆ្នាំ២០១៤ និង២០១៥ ដោយប្រទេសរុស្ស៊ី បារាំង និងអាល្លឺម៉ង់នៅពេលចាប់ផ្ដើមផ្ទុះជម្លោះជាមួយអ៊ុយក្រែន។ ទាំងរុស្ស៊ី ទាំងអ៊ុយក្រែនបានចោទប្រកាន់គ្នាពីបិទបំពានកិច្ចព្រមព្រៀងនោះ។នៅពេលត្រូវបានសួរដោយអ្នកសារព័ត៌មានថា តើរុស្ស៊ីយល់ថា ខ្លួនត្រូវបានគេបញ្ឆោតជុំវិញកិច្ចព្រមព្រៀងទីក្រុង Minsk ដែរឬអត់ អ្នកនាំពាក្យលោក Dmitry Peskov បាននិយាយថា ហួសពេលហើយ។ ទីភ្នាក់ងារព័ត៌មាន TASS បានដកស្រង់សម្តីលោក Peskov ដោយនិយាយថា ជាថ្មីម្តងទៀតលោកប្រធានាធិបតី Putin និងអ្នកតំណាងផ្សេងទៀតរបស់យើងបានបន្តនិយាយរឿងនេះជានិច្ច។ ប៉ុន្តែបញ្ហានេះមិនត្រូវបានអើពើដោយក្រុមអ្នកចូលរួមផ្សេងទៀតនៃដំណើរការចរចានេះទេ។ នេះគឺសុទ្ធតែជាបុព្វហេតុនៃប្រតិបត្តិការសឹកពិសេសនេះ៕អត្ថបទ៖ សុខមាន

សម្តេចតេជោ ហ៊ុន សែន អញ្ជើញទៅចូលរួម និងធ្វើជាសហប្រធានកិច្ចប្រជុំកំពូលរំលឹកខួបអនុស្សាវរីយ៍អាស៊ាន-សហភាពអឺរ៉ុប លើកទី៤៥

ភ្នំពេញ៖ នៅយប់ថ្ងៃទី១១ធ្នូនេះ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានអាស៊ានឆ្នាំ២០២២ បានដឹកនាំគណៈប្រតិភូជាន់ខ្ពស់អញ្ជើញទៅចូលរួម និងធ្វើជាសហប្រធានកិច្ចប្រជុំកំពូលរំលឹកខួបអនុស្សាវរីយ៍អាស៊ាន-សហភាពអឺរ៉ុប ដើម្បីអបអរសាទរខួប លើកទី៤៥ នៃទំនាក់ទំនងដៃគូសន្ទនាអាស៊ាន-សហភាពអឺរ៉ុប ជាមួយឯកឧត្ដម ឆាល មីសែល ប្រធានក្រុមប្រឹក្សា អឺរ៉ុប នាថ្ងៃទី១៤ ខែធ្នូ ឆ្នាំ២០២២ នៅទីក្រុងព្រុចសែល ប្រទេសបែលហ្សិក។អញ្ជើញអមដំណើរ សម្តេចតេជោនាយករដ្ឋមន្ត្រី ហ៊ុន សែន ក្នុងឱកាសនោះ រួមមាន ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា និងមន្ត្រីជាន់ខ្ពស់រាជរដ្ឋាភិបាលផ្សេងទៀតផងដែរ។បើតាមសេចក្តីប្រកាសព័ត៌មានរបស់ការបរទេសនិងសហប្រតិបត្តិការអន្តរជាតិបានឱ្យដឹងថាកិច្ចប្រជុំពេញអង្គនៃជំនួបកំពូលរំលឹកខួបនេះ នឹងពិនិត្យឡើងវិញនូវកិច្ចសហប្រតិបត្តិការអាស៊ាន-សហភាពអឺរ៉ុប នាពេលបច្ចុប្បន្ន និងកំណត់ទិសដៅអនាគត សម្រាប់ទំនាក់ទំនងអាស៊ាន-សហភាពអឺរ៉ុប។ ថ្នាក់ដឹកនាំរំពឹងថានឹងផ្តោតការពិភាក្សាទៅលើវិធីដើម្បីពង្រឹងសេដ្ឋកិច្ច និងទំនាក់ទំនងរវាង ប្រជាជននិងប្រជាជន ការផ្លាស់ប្តូរឌីជីថល ការតភ្ជាប់ ការធានាបាននូវការផ្លាស់ប្តូរបៃតង ថាមពល និងសន្តិសុខស្បៀង និងការអភិវឌ្ឍប្រកបដោយចីរភាព។ ថ្នាក់ដឹកនាំ ក៏នឹងផ្លាស់ប្តូរទស្សនៈគ្នាលើ បញ្ហាតំបន់ និងអន្តរជាតិ ដែលជាការព្រួយបារម្ភ និងការចាប់អារម្មណ៍រួមផងដែរ។អំឡុងពេលនៃកិច្ចប្រជុំកំពូលរំលឹកខួបនេះ ព្រឹត្តិការណ៍អមជាច្រើននឹងត្រូវបានរៀបចំឡើង រួមមាន អាហារថ្ងៃត្រង់តុមូល កិច្ចប្រជុំកំពូលធុរកិច្ចអាស៊ាន-សហភាពអឺរ៉ុបលើកទី១០ កិច្ចប្រជុំកំពូលយុវជន អាស៊ាន-សហភាពអឺរ៉ុប និងការអបអរសាទរកិច្ចសហប្រតិបត្តិការប្រជាជនអាស៊ាន-សហភាពអឺរ៉ុប ស្តីពីឧត្តមសិក្សា។នៅមុនពេលអញ្ជើញចូលរួមកិច្ចប្រជុំកំពូលរំលឹកខួប សម្តេចតេជោនាយករដ្ឋមន្ត្រី ហ៊ុន សែន អញ្ជើញទៅបំពេញទស្សនកិច្ចការងារនៅសាធារណរដ្ឋបារាំង ឯកឧត្តម អេម៉ានុអែល ម៉ាក្រុង ប្រធានាធិបតី នៃសាធារណរដ្ឋបារាំង នឹងទទួលស្វាគមន៍សម្ដេចតេជោនាយករដ្ឋមន្ត្រី នៅវិមានអេលីហ្សេ(Élysée Palace) ហើយនឹងរៀបចំអាហារការងារពេលល្ងាច ជាកិត្តិយសជូន សម្តេចតេជោ។ សម្តេចតេជោ ក៏នឹងអញ្ជើញចូលរួមក្នុងសន្និសីទស្ដីពីការគាំទ្រភាពធន់នៃប្រជាជនអ៊ុយក្រែន ជួប ប្រជុំជាមួយក្រុមប្រឹក្សាសហគ្រាសកម្ពុជា-បារាំង និងជំនួបជាមួយតំណាងក្រុមហ៊ុន Vinci Airport។ អំឡុងពេលស្នាក់នៅទីក្រុងព្រុចសែល សម្តេចតេជោនាយករដ្ឋមន្រ្តី រំពឹងថានឹងមានជំនួបពិភាក្សា ទ្វេភាគីជាមួយថ្នាក់ដឹកនាំអឺរ៉ុបមួយចំនួន។ សម្តេចតេជោ ក៏នឹងមានកម្មវិធីពិសាអាហារការងាពេល ព្រឹកជាមួយ ឯកឧត្តម ផាម មិញជិញ នាយករដ្ឋមន្ត្រី នៃសាធារណរដ្ឋសង្គមនិយមវៀតណាម និង ឯកឧត្តម ផនខាំ វិផាវ៉ាន់ នាយករដ្ឋមន្ត្រី នៃសាធារណរដ្ឋប្រជាធិបតេយ្យប្រជាមានិតឡាវ។ សម្តេចតេជោនាយករដ្ឋមន្ត្រី ហ៊ុន សែន ក៏នឹងជួបសំណេះសំណាលជាមួយបងប្អូនជនរួមជាតិខ្មែរ ដែលកំពុងរស់នៅអឺរ៉ុប ផងដែរ៕ អត្ថបទ៖ មុត សុទ្ធ

បណ្ដាញសង្គម

ព័ត៌មានថ្មីៗ

លោក Trump ផ្អាកកិច្ចខិតខំប្រឹងប្រែងអមការពារនាវានៅច្រកសមុទ្រ Hormuz ដោយលើកឡើងពីវឌ្ឍនភាពនៃការចរចា

សិស្សសាលាអារ៉ាប់រួមនៅទីក្រុងឌូបៃ វិលត្រឡប់ទៅរៀនតាមអនឡាញ ក្រោយការវាយប្រហាររបស់អ៊ីរ៉ង់

ភរិយាសកម្មជនកងនាវាហ្កាហ្សានិយាយថា ស្វាមីរបស់ពួកគេដែលឃាត់ខ្លួនដោយអ៊ីស្រាអែល ត្រូវបានគេធ្វើទារុណកម្ម

នាយករដ្ឋមន្ត្រីរ៉ូម៉ានីត្រូវបានទម្លាក់ពីតំណែង ដោយការបោះឆ្នោតដកសេចក្ដីទុកចិត្ត

អារ៉ាប់រួមរឹតបន្តឹងដែនអាកាស ក្រោយមានការវាយប្រហារដោយមីស៊ីល និងយានដ្រូនរបស់អ៊ីរ៉ង់

ប្រមុខមន្ទីរបញ្ចកោណ៖ អាមេរិកមិនស្វែងរកការប្រយុទ្ធ ដោយប្រតិបត្តិការបណ្តោះអាសន្ន ដើម្បីការពារនាវាទេ

កូនប្រុសរបស់លោកស្រី អ៊ុងសាន ស៊ូជី ជំរុញឲ្យរដ្ឋាភិបាលមីយ៉ាន់ម៉ាផ្តល់ «ភស្តុតាងពីការមានជីវិត»

ចិន៖ ទណ្ឌកម្មកាន់តែទូលំទូលាយរបស់សហរដ្ឋអាមេរិក លើគុយបា គឺ «ខុសច្បាប់»

រដ្ឋមន្ត្រីការបរទេសអ៊ីរ៉ង់ ចេញដំណើរទៅទីក្រុងប៉េកាំង សម្រាប់កិច្ចពិភាក្សាជាមួយចិន

អ៊ុយក្រែនអះអាងថា មនុស្ស ៣នាក់ រងរបួស ក្នុងការវាយប្រហារយានដ្រូនរុស្ស៊ីលើមជ្ឈមណ្ឌលទីក្រុង Chernihiv

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្ដេចតេជោ ហ៊ុន សែន អញ្ជើញធ្វើដំណើរដល់ទីក្រុងព្រុចសែលប្រកបដោយសុវត្ថិភាព

ប៉ាគីស្ថាននិយាយថា កងកម្លាំងអាហ្វហ្គានីស្ថានសម្លាប់ជនស៊ីវិល ៦នាក់ដោយការបាញ់ផ្លោងឆ្លងព្រំដែន

កំពង់ផែ Odesa របស់អ៊ុយក្រែនផ្អាកដំណើរការ បន្ទាប់ពីការវាយប្រហារដោយយានដ្រូនរបស់រុស្ស៊ី

ប្រទេសចិននៅតែប្រុងប្រយ័ត្នវីរុសកូរ៉ូណា បន្ទាប់ពីវិធានការរឹតត្បិតត្រូវបានបន្ធូរបន្ថយ

កម្ពុជារកឃើញករណីឆ្លងថ្មីជំងឺកូវីដ-១៩ចំនួន ២៥នាក់ ក្នុងរបាយការណ៍ចេញផ្សាយនៅថ្ងៃទី១២ ខែធ្នូនេះ

សហភាពអឺរ៉ុបត្រូវការធនធានបន្ថែមទៀតដើម្បីជួយអ៊ុយក្រែន ខណៈឃ្លាំងអាវុធរបស់ខ្លួនអស់

សំណុំរឿងគ្រោះថ្នាក់ចរាចរណ៍នៅស្ពានជ្រោយចង្វារស្លាប់ទារកម្នាក់ត្រូវបានបញ្ជូនទៅដល់តុលាការ

វិមានក្រឹមឡាំងនិយាយថា ការបរាជ័យកិច្ចព្រមព្រៀងទីក្រុង Minsk នាំឲ្យរុស្ស៊ីវាយប្រហារចូលអ៊ុយក្រែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្ដេចតេជោ ហ៊ុន សែន អញ្ជើញធ្វើដំណើរដល់ទីក្រុងព្រុចសែលប្រកបដោយសុវត្ថិភាព

កំពង់ផែ Odesa របស់​អ៊ុយ​ក្រែ​ន​ផ្អាក​ដំណើរការ​ បន្ទាប់ពី​ការវាយប្រហារ​ដោយ​យាន​ដ្រូ​ន​របស់​រុស្ស៊ី

ប្រទេស​ចិន​នៅតែ​ប្រុងប្រយ័ត្ន​វីរុស​កូ​រ៉ូ​ណា បន្ទាប់ពី​វិធានការ​រឹតត្បិត​ត្រូវបាន​បន្ធូរបន្ថយ​

កម្ពុជារកឃើញករណីឆ្លងថ្មីជំងឺកូវីដ-១៩ចំនួន ២៥នាក់ ក្នុងរបាយការណ៍ចេញផ្សាយនៅថ្ងៃទី១២ ខែធ្នូនេះ

សហភាព​អឺរ៉ុប​ត្រូវការ​ធនធាន​បន្ថែមទៀត​ដើម្បី​ជួយ​អ៊ុយ​ក្រែ​ន ខណៈ​ឃ្លាំង​អាវុធ​របស់ខ្លួន​អស់​

សំណុំរឿងគ្រោះថ្នាក់ចរាចរណ៍នៅស្ពានជ្រោយចង្វារស្លាប់ទារកម្នាក់ត្រូវបានបញ្ជូនទៅដល់តុលាការ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កំពង់ផែ Odesa របស់អ៊ុយក្រែនផ្អាកដំណើរការ បន្ទាប់ពីការវាយប្រហារដោយយានដ្រូនរបស់រុស្ស៊ី

ប្រទេសចិននៅតែប្រុងប្រយ័ត្នវីរុសកូរ៉ូណា បន្ទាប់ពីវិធានការរឹតត្បិតត្រូវបានបន្ធូរបន្ថយ

សហភាពអឺរ៉ុបត្រូវការធនធានបន្ថែមទៀតដើម្បីជួយអ៊ុយក្រែន ខណៈឃ្លាំងអាវុធរបស់ខ្លួនអស់