BTV NEWS

សម្តេចតេជោ ហ៊ុន សែន ទទួលជួបពិភាក្សាការងារជាមួយឯកឧត្តមប្រធានាធិបតីឡាវ

កម្ពុជា-សាធារណរដ្ឋម៉ាសេដ្វានខាងជើង ឯកភាពជំរុញកិច្ចសហប្រតិបត្តិការទ្វេភាគី

កម្ពុជា-រវ៉ាន់ដា ឯកភាពពង្រឹង និងពង្រីកកិច្ចសហប្រតិបត្តិការទ្វេភាគីឱ្យកាន់តែទូលំទូលាយ

សម្តេចធិបតី នាយករដ្ឋមន្ត្រី ទទួលជួបពិភាក្សាការងារទ្វេភាគី ជាមួយឯកឧត្តមប្រធានាធិបតីរវ៉ាន់ដា

ព័ត៌មានសំខាន់ៗ

ស្ថានភាពអាកាសធាតុធ្ងន់ធ្ងររំខានដល់ការធ្វើដំណើរក្នុងឱកាសចូលឆ្នាំចិននៅកូរ៉េខាងត្បូង

កូរ៉េខាងត្បូង៖ ព្រិលធ្លាក់ក្រាស់ៗ និងខ្យល់ខ្លាំងបានប៉ះពាល់ដល់តំបន់ភាគខាងត្បូងរបស់ប្រទេសកូរ៉េខាងត្បូង រួមទាំងទីក្រុងក្វាងជូ (Gwangju) កាលពីថ្ងៃអង្គារ ទី២៤មករា រំខានដល់ការធ្វើដំណើរនៅថ្ងៃចុងក្រោយនៃថ្ងៃឈប់សម្រាកបុណ្យចូលឆ្នាំចិន។ យោងតាមទីភ្នាក់ងារសារព័ត៌មាន Yonhap ក្រុមអាជ្ញាធរអាកាសធាតុបានចេញការប្រកាសអាសន្នពីរលកត្រជាក់ភាគច្រើននៅក្នុងប្រទេសនេះ ដោយនៅពេលព្រឹកសីតុណ្ហភាពបានធ្លាក់ចុះដល់ -16.4អង្សាសេនៅក្នុងទីក្រុងសេអ៊ូល និងរហូតដល់ -25.5អង្សាសេនៅក្នុងស្រុកឆេអូវ៉ុន (Cheorwon) ភាគខាងជើង។ អ្នកនាំពាក្យអាកាសយានដ្ឋានមួយបានប្រាប់សារព័ត៌មាន Reuters ថា ជើងហោះហើរក្នុងស្រុកទាំងអស់ ៤៦៦ជើង និងជើងហោះហើរអន្តរជាតិចំនួន ១០ជើងទៀតដែលគ្រោងហោះហើរទៅ និងមកពីអាកាសយានដ្ឋានអន្តរជាតិជេជូ (Jeju) ត្រូវបានលុបចោល។ ចំណែកក្រុមហ៊ុនអាកាសចរណ៍ Korean Air Lines បានបញ្ជាក់ថា ខ្លួនបានលុបចោលជើងហោះហើរ ៨៨ នៃជើងហោះហើរប្រចាំថ្ងៃរបស់ខ្លួនទាំងក្នុង និងក្រៅកោះមួយនេះកាលពីថ្ងៃអង្គារ គឺជាថ្ងៃចុងក្រោយនៃការឈប់សម្រាកពិធីបុណ្យចូលឆ្នាំចិន ជាពេលវេលាមួយក្នុងចំណោមថ្ងៃឈប់សម្រាកធំបំផុតចំនួន ២ របស់កូរ៉េខាងត្បូង៕អត្ថបទ៖ សុខមាន

អាកាសធាតុត្រជាក់បណ្តាលឲ្យមនុស្សយ៉ាងហោចណាស់ ១២៤នាក់ស្លាប់នៅអាហ្វហ្គានីស្ថាន

អាហ្វហ្គានីស្ថាន៖ ក្រុមមន្ត្រីតាលីបង់បាននិយាយថា យ៉ាងហោចណាស់មនុស្ស ១២៤នាក់ស្លាប់នៅក្នុងសីតុណ្ហភាពត្រជាក់ខ្លាំងនៅប្រទេសអាហ្វហ្គានីស្ថាន។ អ្នកនាំពាក្យក្រសួងគ្រប់គ្រងគ្រោះមហន្តរាយបាននិយាយថា សត្វពាហនៈប្រមាណ ៧ម៉ឺនក្បាលបានងាប់នៅក្នុងរដូវរងា ដែលត្រជាក់ខ្លាំងបំផុតក្នុងរយៈពេលមួយទសវត្សរ៍កន្លងទៅនេះ។ ទីភ្នាក់ងារជំនួយជាច្រើនបានផ្អាកប្រតិបត្តិការជាច្រើនសប្តាហ៍កន្លងទៅនេះ បន្ទាប់ពីក្រុមតាលីបង់បានហាមប្រាមស្ត្រីអាហ្វហ្គានីស្ថាន មិនឱ្យធ្វើការនៅអង្គការក្រៅរដ្ឋាភិបាល។ រដ្ឋមន្ត្រីក្រុមតាលីបង់ម្នាក់និយាយថា ទោះបីជាមានអ្នកស្លាប់ក៏ដោយក៏បទបញ្ជានឹងមិនត្រូវបានផ្លាស់ប្តូរឡើយ។ រដ្ឋមន្ត្រីស្តីទីក្រសួងគ្រប់គ្រងគ្រោះមហន្តរាយលោក Mullah Mohammad Abbas Akhund បានប្រាប់សារព័ត៌មាន BBC ថា តំបន់ជាច្រើននៃប្រទេសអាហ្វហ្គានីស្ថានបច្ចុប្បន្ន ត្រូវបានកាត់ផ្តាច់ទាំងស្រុងដោយការធ្លាក់ព្រិល។ ឧទ្ធម្ភាគចក្រយោធាត្រូវបានបញ្ជូនទៅជួយសង្គ្រោះ ប៉ុន្តែមិនអាចចុះចតបាននៅតំបន់ភ្នំភាគច្រើន។ រដ្ឋមន្ត្រីស្តីទីបាននិយាយថា ការព្យាករណ៍សម្រាប់រយៈពេល ១០ថ្ងៃបន្ទាប់បង្ហាញថា សីតុណ្ហភាពនឹងមានកម្តៅល្មម។ ប៉ុន្តែលោកនៅតែព្រួយបារម្ភអំពីការកើនឡើងចំនួនអ្នកស្លាប់ជនជាតិអាហ្វហ្គានីស្ថាន និងសត្វចិញ្ចឹមរបស់ពួកគេ។ លោក Mullah Akhund និយាយថា ភាគច្រើននៃអ្នកដែលបានបាត់បង់ជីវិតដោយសារភាពត្រជាក់ ដូចជាអ្នកគង្វាល ឬអ្នករស់នៅក្នុងតំបន់ជនបទ។ ពួកគេពុំមានលទ្ធភាពទទួលបានការថែទាំសុខភាពនោះទេ។ យើងព្រួយបារម្ភអំពីអ្នកដែលរស់នៅក្នុងតំបន់ភ្នំ ខណៈផ្លូវភាគច្រើនដែលឆ្លងកាត់ភ្នំត្រូវបានបិទដោយសារតែព្រិល។ រថយន្តបានជាប់គាំងនៅទីនោះ ហើយអ្នកដំណើរបានស្លាប់ក្នុងសីតុណ្ហភាពត្រជាក់៕អត្ថបទ៖ ប៊ុនថន

ប្រទេសចិនត្រូវបានរងការប៉ះពាល់ដោយសីតុណ្ហភាពត្រជាក់បំផុតមិនធ្លាប់មាន

ចិន៖ ប្រព័ន្ធផ្សព្វផ្សាយរដ្ឋចិនបានរាយការណ៍កាលពីថ្ងៃអង្គារ ទី២៤មករាថា ទីក្រុង Mohe ភាគខាងជើងរបស់ប្រទេសចិន បានរងការប៉ះពាល់ពីសីតុណ្ហភាពត្រជាក់បំផុតមិនធ្លាប់មាន។ យោងតាមប្រព័ន្ធផ្សព្វផ្សាយរដ្ឋ CCTV ទីក្រុង Mohe ដែលព្រំដែនជាប់ជាមួយរុស្ស៊ីនៅភាគខាងជើង បានកត់ត្រាសីតុណ្ហភាពត្រជាក់ប្រហែល -53អង្សាសេ ជាការចុះត្រជាក់មិនធ្លាប់មានដែលកាលពីឆ្នាំ១៩៦៩ សីតុណ្ហភាពចុះត្រជាក់ដល់ -52.3អង្សាសេ។ ការកត់ត្រាពីសីតុណ្ហភាពត្រជាក់បំផុតនេះ ត្រូវបានធ្វើឡើងនៅស្ថានីយព្យាករណ៍អាកាសធាតុក្នុងទីប្រជុំជន Amur នៃទីក្រុង Mohe ក្នុងខេត្ត Heilongjiang ដែលក្លាយជាសីតុណ្ហភាពត្រជាក់បំផុតដែលធ្លាប់បានកត់ត្រានៅក្នុងខេត្តនេះ និងការចុះទាបបំផុតដែលត្រូវបានតាមដានដោយប្រព័ន្ធឧតុនិយមចិន។ ទីក្រុង Mohe តែងត្រូវបានសំដៅដល់ទីក្រុងតំបន់អាកទិករបស់ចិន និងមួយក្នុងចំណោមតំបន់មួយចំនួននៅក្នុងប្រទេសនេះ ដែលងាយរងផលប៉ះពាល់ដោយបម្រែបម្រួលអាកាសធាតុ។ រដូវរងាក្នុងទីក្រុងនេះចាប់ផ្ដើមពីពាក់កណ្ដាលខែតុលា និងបន្តរហូតដល់ចុងខែមេសា ហើយសីតុណ្ហភាពជាមធ្យមអាចស្ថិតនៅក្រោមសូន្យមានរយៈពេល ៨ខែជារៀងរាល់ឆ្នាំ៕អត្ថបទ៖ សុខមាន

សម្តេចតេជោ ហ៊ុន សែន អនុញ្ញាតឱ្យរដ្ឋមន្ត្រីប្រតិភូអមរដ្ឋមន្ត្រីនៃក្រសួងអឺរ៉ុប និងការបរទេសបារាំង ចូលជួបសម្តែងការគួរសម និងពិភាក្សាការងារ

ភ្នំពេញ៖ សម្តេចតេជោ ហ៊ុន សែន នៅព្រឹកថ្ងៃទី២៥ ខែមករា ឆ្នាំ២០២៣នេះ បានអនុញ្ញាតឱ្យលោក អូលីវៀ បិច Olivier Becht រដ្ឋមន្ត្រី ប្រតិភូអមរដ្ឋមន្ត្រីនៃក្រសួងអឺរ៉ុប និងការបរទេសបារាំង ទទួលបន្ទុកពាណិជ្ជកម្មក្រៅប្រទេស ចូលជួបសម្តែងការគួរសម និងពិភាក្សាការងារ។លោក អូលីវៀ ប៊ិច (Olivier Becht) រដ្ឋមន្ត្រីប្រតិភូនៃក្រសួងអឺរ៉ុប និងការបរទេសបារាំងទទួលបន្ទុកពាណិជ្ជកម្មក្រៅប្រទេស ការទាក់ទាញវិនិយោគិន និងជនជាតិបារាំងនៅបរទេស បានអញ្ជើញមកបំពេញទស្សនកិច្ចនៅ ប្រទេសកម្ពុជា ចាប់ពីថ្ងៃទី ២៤-២៥ ខែមករា ឆ្នាំ២០២៣នេះ ក្នុងគោលដៅពង្រឹងកិច្ចសហប្រតិបត្តិការសេដ្ឋកិច្ចរវាងប្រទេសបារាំងនិងកម្ពុជា។ ដំណើរទស្សនកិច្ចនេះធ្វើឡើងបន្ទាប់ជំនួបរវាងសម្តេចតេជោនាយករដ្ឋមន្រ្តី ហ៊ុន សែន និងលោកប្រធានាធិបតីបារាំង អេម៉ានុយអ៊ែល ម៉ាក្រុង នៅទីក្រុងប៉ារីស៍ កាលពីថ្ងៃទី១៣ ខែធ្នូ ឆ្នាំ២០២២កន្លងទៅ។ ដំណើរទស្សនកិច្ចរសប់លោក អូលីវៀ ប៊ិច នៅប្រទេសកម្ពុជា ក៏មានការអមដំណើរដោយគណៈប្រតិភូធុរជនដឹកនាំដោយសហព័ន្ធធុរកិច្ចបារាំង MEDEF International និង Business France ផងដែរ។ បន្ទាប់ពីជួបពិភាក្សាការងារជាមួយ សម្តេបអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា លោក អូលីវៀ ប៊ិច ក៏នឹងជួបពិភាក្សាការងារជាមួយថ្នាក់ដឹកនាំនយោបាយកម្ពុជាជាច្រើនរូបទៀតដូចជា ឯកឧត្តម ប៉ាន សូរស័ក្ដិ រដ្ឋមន្ត្រីក្រសួង ពាណិជ្ជកម្ម និងឯកឧត្តម សុខ ចិន្តាសោភា រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គលេខាធិការក្រុមប្រឹក្សាអភិវឌ្ឍន៍កម្ពុជាផងដែរ។ នេះបើតាមសេចក្ដីប្រកាសព័ត៌មានរបស់ស្ថានទូតបារាំងប្រចាំកម្ពុជា។ ស្ថានទូតបារាំងបញ្ជាក់ថា ដំណើរទស្សនកិច្ចនេះ បានបង្ហាញពីការប្ដេជ្ញាចិត្តកាន់តែខ្លាំងឡើងៗរបស់ប្រទេសបារាំងនៅតំបន់អាស៊ាន ដែលធ្លុះបញ្ចាំងឱ្យឃើញតាមរយៈការចូលរួមរបស់លោកប្រធានាធិបតីបារាំងក្នុងកិច្ចប្រជុំកំពូលប្រទេស G20 កាលពីចុងឆ្នាំ ២០២២ នៅកោះបាលី និងកិច្ចប្រជុំសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក (APEC) នៅទីក្រុងបាងកក៕

លោក Zelenskyy រុះរើគណៈរដ្ឋមន្ត្រីអ៊ុយក្រែនជុំវិញអំពើពុករលួយ ខណៈប្រទេសមានសង្គ្រាម

អ៊ុយក្រែន៖ ការលាលែងចេញពីតំណែង ការបណ្តេញចេញពីតំណែង និងការតែងតាំងឡើងវិញជាបន្តបន្ទាប់ បានធ្វើឲ្យកក្រើករដ្ឋាភិបាលរបស់អ៊ុយក្រែនកាលពីថ្ងៃចន្ទ និងថ្ងៃអង្គារ ខណៈលោកប្រធានាធិបតីអ៊ុយក្រែន Volodymyr Zelenskyy និងបណ្ដាមេដឹកនាំផ្សេងទៀតបានបញ្ជាក់ពីការរុះរើតំណែងជាន់ខ្ពស់ជាច្រើន។ការិយាល័យទំនាក់ទំនងសម្រាប់គណៈរដ្ឋមន្ត្រីអ៊ុយក្រែន បានជូនដំណឹងដល់សភារបស់ប្រទេសថា ខ្លួនបានបណ្តេញអនុរដ្ឋមន្ត្រីចំនួន ៦រូប និងអ្នកគ្រប់គ្រងតំបន់ចំនួន ៥ សម្រាប់ហេតុផលដែលមិនត្រូវបានបង្ហាញ។ អំឡុងសុន្ទរកថាពេលយប់កាលពីថ្ងៃចន្ទលោក Zelenskyy និយាយថា យើងបានសម្រេចចិត្តដោះដូរបុគ្គលិករួចទៅហើយ ដោយអ្នកខ្លះត្រូវធ្វើនៅថ្ងៃនេះ និងខ្លះទៀតត្រូវធ្វើនៅថ្ងៃស្អែក ដោយផ្តោតលើមន្ត្រីថ្នាក់តំបន់ផ្សេងៗនៅក្នុងក្រសួងនានា និងគណៈកម្មការរដ្ឋាភិបាលកណ្ដាលក្នុងតំបន់ និងប្រព័ន្ធអនុវត្តច្បាប់។ អ្នកនាំពាក្យក្រសួងការបរទេសអាមេរិកលោក Ned Price បាននិយាយកាលពីថ្ងៃអង្គារថា សហរដ្ឋអាមេរិកបានស្វាគមន៍ចំណាត់ការដ៏ឆាប់រហ័សរបស់លោក Zelenskyy ដោយបន្ថែមថា ពលរដ្ឋអ៊ុយក្រែនចង់បានអភិបាលកិច្ចល្អនៅក្នុងប្រទេស។ លោក Price បាននិយាយថា សហរដ្ឋអាមេរិកពុំបានដឹងថា ជំនួយរបស់ខ្លួនត្រូវបានពាក់ព័ន្ធនឹងការចោទប្រកាន់អំពើពុករលួយបែបនេះសោះ ប៉ុន្តែនៅតែបន្តតាមដានយ៉ាងយកចិត្តទុកដាក់។លោក Viacheslav Shapovalov បានដាក់លិខិតលាលែងពីតំណែងសរសេរដោយដៃ មួយថ្ងៃបន្ទាប់ពីមានរបាយការណ៍ថ្មីដែលបានចោទប្រកាន់ការិយាល័យរបស់លោក ទាក់ទងអំពើពុករលួយ។ របាយការណ៍នេះបានចោទប្រកាន់លោក Shapovalov ពីបទប្រើប្រាស់ជំនួយយោធាទិញចំណីអាហារ និងសំលៀកបំពាក់រដូវរងាដែលមានតម្លៃលើសទីផ្សារ។ លោក Oleksiï Simonenko រដ្ឋអាជ្ញារងអ៊ុយក្រែនបានលាលែងពីតំណែងក្រោយបណ្តាញព័ត៌មានផ្សាយថា លោកបានលួចទៅដើរកម្សាន្តនៅអេស្ប៉ាញ ស្របពេលប្រទេសកំពុងផ្ទុះសង្គ្រាម ផ្ទុយនឹងច្បាប់ហាមឃាត់មិនឲ្យមនុស្សប្រុសពេញកម្លាំងប្រយុទ្ធចាកចេញពីប្រទេស៕អត្ថបទ៖ សុខមាន

សម្តេចតេជោ ហ៊ុន សែន ស្វាមន៍ការរាប់ថយក្រោយ១០០ថ្ងៃ នៃព្រឹត្តិការណ៍ស៊ីហ្គេមលើកទី៣២ ដែលកម្ពុជាត្រូវធ្វើជាម្ចាស់ផ្ទះ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីបានប្រកាសថា នៅថ្ងៃទី២៥ ខែមករា ឆ្នាំ២០២៣នេះ កម្ពុជាចាប់ផ្តើមយុទ្ធនាការជាតិរាប់ថយក្រោយ១០០ថ្ងៃ សម្រាប់ព្រឹត្តិការណ៍ស៊ីហ្គេមលើកទី៣២(32nd SEA Games) និងអាស៊ានប៉ារ៉ាហ្គេមលើកទី១២ (12th ASEAN Para Games) ដែលកម្ពុជាធ្វើជាម្ចាស់ផ្ទះក្នុងឆ្នាំ២០២៣នេះ។ ១០០ថ្ងៃចុងក្រោយនេះ ជាពេលវេលាដែលយើងត្រូវបំពេញបន្ថែមឲ្យសព្វគ្រប់ពេញលេញបន្ថែមទៀត ទាំងការរៀបចំបដិសណ្ឋារកិច្ចដល់គណៈប្រតិភូកីឡាទាំងឡាយ ដែលចូលមកប្រកួតក្នុងប្រទេសរបស់យើង ដើម្បីអោយកម្ពុជាយើងទទួលបាននូវភាពជោគជ័យក្នុងការធ្វើជាម្ចាស់ផ្ទះនេះ៕

សហភាពអឺរ៉ុបអនុម័តជំនួយយោធាបន្ថែមដល់អ៊ុយក្រែន និងដាក់ទណ្ឌកម្មលើអ៊ីរ៉ង់

អឺរ៉ុប៖ រដ្ឋមន្ត្រីការបរទេសសហភាពអឺរ៉ុបបានព្រមព្រៀងគ្នាកាលពីថ្ងៃចន្ទ ដើម្បីបែងចែកប្រាក់ ៥០០លានអឺរ៉ូទៀតសម្រាប់ជំនួយយោធានៅអ៊ុយក្រែន និងដាក់ទណ្ឌកម្មលើមន្ត្រី និងអង្គការអ៊ីរ៉ង់ជាង ៣០ ដែលត្រូវបានដាក់កំហុសចំពោះការបង្ក្រាបដ៏ឃោរឃៅលើក្រុមបាតុករ។ កិច្ចព្រមព្រៀងស្តីពីការផ្តល់ជំនួយលើកទីប្រាំពីរដល់អ៊ុយក្រែន បានធ្វើឡើងនៅពេលដែលរដ្ឋមន្ត្រីការបរទេសទាំង ២៧ប្រទេសរបស់សហភាពអឺរ៉ុបបានជួបប្រជុំគ្នានៅទីក្រុងប្រ៊ុចសែល បន្ទាប់ពីបណ្តាប្រទេសលោកខាងលិចបរាជ័យកាលពីសប្តាហ៍មុន ក្នុងការព្រមព្រៀងលើការបញ្ជូនរថក្រោះប្រយុទ្ធទៅកាន់ទីក្រុង Kyiv ប៉ុន្តែបានសន្យាផ្តល់ការគាំទ្រជំនួយរាប់ពាន់លានដុល្លារ។ ប្រធានគោលនយោបាយការបរទេសសហភាពអឺរ៉ុបលោក Josep Borrell បាននិយាយថា រដ្ឋមន្ត្រីការបរទេសបានអនុម័តកញ្ចប់ជំនួយ ៥០០លានអឺរ៉ូរួមជាមួយនឹង ៤៥លានបន្ថែមទៀតសម្រាប់ឧបករណ៍ និងសម្រាប់បេសកកម្មហ្វឹកហ្វឺនយោធារបស់សហភាពអឺរ៉ុបផ្តល់ឲ្យអ៊ុយក្រែន។ លោកនិយាយថា អាល្លឺម៉ង់បានបញ្ជាក់ក្នុងអំឡុងកិច្ចប្រជុំថា ខ្លួននឹងមិនហាមឃាត់ប្រទេសដែលទិញរថក្រោះ Leopard របស់ខ្លួនដើម្បីបញ្ជូនទៅឲ្យអ៊ុយក្រែនឡើយ។ រថក្រោះ Leopard របស់អាល្លឺម៉ង់ត្រូវបានគេមើលឃើញយ៉ាងទូលំទូលាយថា សាកសមបំផុតសម្រាប់អ៊ុយក្រែន ប៉ុន្តែទីក្រុងប៊ែកឡាំងត្រូវតែអនុញ្ញាតឱ្យលក់ ប៉ុន្តែប្រទេសពុំទាន់សម្រេចឲ្យធ្វើដូច្នេះនៅឡើយ។ លើបញ្ហាប្រទេសអ៊ីរ៉ង់ លោក Borrell បាននិយាយថា ទណ្ឌកម្មនឹងកំណត់គោលដៅអង្គភាព និងមន្ត្រីជាន់ខ្ពស់នៃកងឆ្មាំបដិវត្តន៍អ៊ីស្លាម។ អ្នកដែលជាគោលដៅមិនអាចធ្វើដំណើរទៅសហភាពអឺរ៉ុបបានទេ ហើយទ្រព្យសម្បត្តិដែលពួកគេមាននៅសហភាពអឺរ៉ុបអាចត្រូវបានបង្កក។ ទំនាក់ទំនងរវាងសហភាពអឺរ៉ុប និងទីក្រុងតេអេរ៉ង់បានធ្លាក់ចុះក្នុងអំឡុងកិច្ចខិតខំប្រឹងប្រែងដែលជាប់គាំង ក្នុងការស្តារឡើងវិញនូវកិច្ចពិភាក្សាស្តីពីកម្មវិធីនុយក្លេអ៊ែរ៕អត្ថបទ៖ ប៊ុនថន

ប្រមុខការពារជាតិរុស្ស៊ីនិយាយថា រុស្ស៊ី និងលោកខាងលិចកាន់តែខិតជិតសង្គ្រាមមែនទែនហើយ

រុស្ស៊ី៖ លោក Sergey Lavrov រដ្ឋមន្ត្រីការបរទេសរុស្ស៊ីបាននិយាយកាលពីថ្ងៃចន្ទថា ស្ថានភាពបច្ចុប្បន្ននៅក្នុងប្រទេសអ៊ុយក្រែនបង្ហាញថា ជម្លោះរវាងរុស្ស៊ី និងលោកខាងលិចអាចត្រូវបានលែងចាត់ទុកជាសង្គ្រាមកូនកាត់ទៀតហើយ ផ្ទុយទៅវិញវាកំពុងខិតចូលកាន់តែជិតក្លាយជាសង្គ្រាមពិតប្រាកដ។ ថ្លែងនៅសន្និសីទសារព័ត៌មាន ក្រោយជំនួបជាមួយសមភាគីអាហ្វ្រិកខាងត្បូងលោកស្រី Naledi Pandor លោក Lavrov ក៏បានគូសបញ្ជាក់ផងដែរថា ជម្លោះដែលជិតក្លាយជាសង្គ្រាមមែនទែននេះ គឺជាអ្វីមួយដែលលោកខាងលិចបានកំពុងត្រៀមជាយូរមកហើយដើម្បីទប់ទល់នឹងរុស្ស៊ី។ ប្រមុខការទូតរូបនេះបានអះអាងថា មហាអំណាចលោកខាងលិចកំពុងព្យាយាមបំផ្លាញគ្រប់យ៉ាងរបស់រុស្ស៊ី ចាប់ពីភាសារហូតដល់វប្បធម៌ដែលមាននៅក្នុងប្រទេសអ៊ុយក្រែនជាច្រើនសតវត្សរ៍មកនេះ ដោយហាមមិនឲ្យពលរដ្ឋនិយាយភាសាកំណើតរបស់ពួកគេ។ លោក Lavrov បានចង្អុលបង្ហាញថា ការអនុវត្តន៍បែបនេះបានក្លាយជារឿងធម្មតានៅទូទាំងប្រទេសអ៊ុយក្រែន ចាប់តាំងពីអតីតប្រធានាធិបតីលោក Pyotr Poroshenko និងមេដឹកនាំបច្ចុប្បន្ន Vlodimir Zelensky ដែលមេដឹកនាំទាំង២ នោះបានក្លាយជាប្រធានាធិបតីឈ្លក់នឹងសង្គ្រាម។ លោកក៏បានចោទប្រកាន់លោកខាងលិចពីបទបិទភ្នែកបិទត្រចៀកចំពោះការពិតដែលថា កងកម្លាំងរបស់ទីក្រុង Kiev នៅតែបន្តជ្រើសរើសគោលដៅ និងបើកការវាយប្រហារបំភិតបំភ័យជនស៊ីវិល។ លោកខាងលិចដឹងច្បាស់ណាស់ថា របបអ៊ុយក្រែនបានទម្លាក់គ្រាប់បែកទៅលើទីក្រុងតូច ធំ ដោយប្រើអាវុធផ្គត់ផ្គង់ដោយលោកខាងលិច៕អត្ថបទ៖ សុខមាន

ការបាញ់ប្រហារថ្មីធ្វើឱ្យកក្រើករដ្ឋកាលីហ្វ័រញ៉ា ខណៈនគរបាលស៊ើបអង្កេតឃាតកម្មនៅក្លឹបរាំ

អាមេរិក៖ មនុស្ស ៧នាក់ស្លាប់ដោយសារការបាញ់ប្រហារថ្មីមួយទៀត ដែលបានធ្វើឱ្យកក្រើករដ្ឋកាលីហ្វ័រញ៉ាកាលពីថ្ងៃចន្ទ ដែលមានរយៈពេលមិនដល់ ៤៨ម៉ោងផង បន្ទាប់ពីបុរសអាយុ ៧២ឆ្នាំម្នាក់បានបាញ់សម្លាប់មនុស្ស ១១នាក់នៅក្នុងពេលប្រារព្ធពិធីបុណ្យចូលឆ្នាំថ្មីនៅក្នុងក្លឹបរាំក្នុងទីក្រុង Los Angeles។ លោកស្រី Christina Corpus អធិការតំបន់ San Mateo បាននិយាយថា មនុស្ស ៧នាក់បានស្លាប់ និងម្នាក់រងរបួសនៅក្នុងការបាញ់ប្រហារ ២លើក ហើយពលរដ្ឋនៅសហគមន៍ Half Moon Bay អាយុ ៦៧ឆ្នាំម្នាក់ឈ្មោះ Zhao Chunli ត្រូវបានចាប់ខ្លួននាំទៅកាន់មន្ទីរឃុំឃាំង។ ខណៈសោកនាដកម្មថ្មីបានកើតឡើង ក្រុមអ្នកស៊ើបអង្កេតនៅតែបន្តស៊ើបអង្កេត ពីអ្វីដែលបានជំរុញឱ្យជនអន្តោប្រវេសន៍អាស៊ីវ័យចំណាស់ម្នាក់ បាញ់សម្លាប់មនុស្សចំនួន ១១នាក់ដែលបានប្រមូលផ្តុំគ្នានៅក្នុងការប្រារព្ធពិធីនៅក្លឹបរាំកម្សាន្តមួយនៅជាយក្រុង មុនពេលសម្លាប់ខ្លួនឯង។ ជនសង្ស័យឈ្មោះ Huu Can Tran បានប្រើប្រាស់កាំភ្លើងខ្លីពាក់កណ្ដាលស្វ័យប្រវត្តិ នៅក្នុងការផ្ទុះអាវុធនៅតំបន់ឧទ្យាន Monterey Park កាលពីយប់ថ្ងៃសៅរ៍ដោយបានសម្លាប់បុរស និងស្ត្រីក្នុងវ័យ ៥០ឆ្នាំ, ៦០ឆ្នាំ និង ៧០ឆ្នាំ៕អត្ថបទ៖ ប៊ុនថន

នគរបាលប៉េរូបាញ់ឧស្ម័នបង្ហៀរទឹកភ្នែកបំបែកក្រុមបាតុករប្រឆាំងរដ្ឋាភិបាល ខណៈវិបត្តិនយោបាយនៅតែបន្ត

ប៉េរូ៖ នគរបាលបង្ក្រាបកុបកម្មបានបាញ់ឧស្ម័នបង្ហៀរទឹកភ្នែក ដើម្បីបំបែកក្រុមបាតុករប្រឆាំងរដ្ឋាភិបាលក្នុងការរំជើបរំជួលថ្មីនៅក្នុងរដ្ឋធានីរបស់ប្រទេសប៉េរូ ហើយរដ្ឋមន្ត្រីក្រសួងមហារផ្ទៃរបស់ប្រទេសនេះបាននិយាយថា មកទល់នឹងពេលនេះពុំទាន់មើលឃើញពីសញ្ញាធូរស្រាល នៃភាពចលាចលក្នុងប្រទេសនៅឡើយទេ។ ក្រុមបាតុកររាប់រយនាក់បានដើរក្បួនតវ៉ានៅកណ្ដាលរដ្ឋធានីលីម៉ាកាលពីថ្ងៃចន្ទ ដើម្បីទាមទារឲ្យលោកស្រីប្រធានាធិបតី Dina Boluarte ចុះចេញពីតំណែង ដោយក្រុមបាតុករមួយចំនួនបានស្រែកថា ឃាតក Dina រហូតទាល់តែនគរបាលបាញ់ឧស្ម័នបង្ហៀរទឹកភ្នែក។ វិបត្តិនេះបង្កឡើងដោយការទម្លាក់ប្រធានាធិបតីឆ្វេងនិយម និងជនជាតិដើមភាគតិចលោក Pedro Castillo ចេញពីតំណែងកាលពីដើមខែមុន ភាគច្រើនកើតចេញពីការមិនស្មើភាពគ្នារវាងឥស្សរជនក្នុងទីក្រុងរបស់ប្រទេសប៉េរូ និងជនជាតិដើមភាគតិចជនបទក្រីក្រនៅតំបន់ភ្នំអង្គ (Andean) ភាគខាងត្បូង ដែលបានមើលឃើញលោកម្នាក់ក្នុងចំណោមមនុស្សជាច្រើន ដែលគិតតែពីប្រយោជន៍ខ្លួនឯង។ ភាពរំជើបរំជួលនេះបានបណ្ដាលឲ្យមនុស្ស ៤៦នាក់ស្លាប់នៅក្នុងប្រទេសអាមេរិកខាងត្បូងមួយនេះ។ នគរបាលប៉េរូបានចាប់ខ្លួនមនុស្សជាង ២០០នាក់ដោយចោទប្រកាន់ពីបទព្យាយាមចូលដោយខុសច្បាប់ ទៅក្នុងបរិវេណសាកលវិទ្យាល័យដ៏ធំមួយក្នុងទីក្រុងលីម៉ា។ បន្ទាប់ពីការប្រមូលផ្ដុំដ៏ធំកាលពីសប្ដាហ៍មុនក្នុងរដ្ឋធានីលីម៉ា គម្រោងជួបជុំមួយទៀតគ្រោងធ្វើឡើងនៅថ្ងៃអង្គារនេះ ដោយក្រុមបាតុករទាមទារឲ្យលោកស្រីប្រធានាធិបតី Boluarte ចុះចេញពីតំណែង ទោះបីជាក្រុមអាជ្ញាធរបានប្រកាសឲ្យដាក់រដ្ឋក្នុងគ្រាអាសន្នក៏ដោយ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

កម្ពុជា-ឡាវ ប្តេជ្ញាបន្តពង្រឹងកិច្ចសហប្រតិបត្តិការសភា និងត្រៀមបន្តសុពលភាព MOU ឆ្នាំ២០២៧

អ្នកសារព័ត៌មានបារាំង ចាប់អារម្មណ៍ សកម្មភាពស្និទ្ធស្នាលរបស់ ប្រធានាធិបតីបារាំង ហើយសង្ឃឹម កម្ពុជានឹងទទួលផលវិជ្ជមានច្រើន

ពិព័រណ៍ FrancoTech ចាប់ផ្ដើមបើក ជំរុញម្ចាស់អាជីវកម្មថ្មីៗមានឱកាសចាប់ដៃគូជាតិ-អន្តរជាតិ

ប្រធានាធិបតីតូហ្គោ អញ្ជើញមកដល់អាកាសយានដ្ឋានអន្តរជាតិតេជោ ដើម្បីចូលរួមកិច្ចប្រជុំកំពូលហ្វ្រង់កូហ្វូនី លើកទី២០ នៅកម្ពុជា

សម្ដេចតេជោ៖ កម្ពុជា និងវៀតណាមមានប្រវត្តិជាអ្នកជិតខាងល្អ តែងតែជួយគ្នាទៅវិញទៅមក ខណៈវត្តមានមកកាន់កម្ពុជាពេលនេះជាការផ្ដល់តម្លៃចំពោះទំនាក់ទំនងជាមួយកម្ពុជាក៏ដូចជាសហគមន៍ហ្វ្រង់កូហ្វូនី

សម្តេចតេជោ ជំរុញបញ្ចប់បោះបង្គោលព្រំដែន កម្ពុជា-ឡាវ ខណៈប្រទេសទាំង២ សហការគ្នាយ៉ាងសកម្ម

សម្ដេចតេជោចាត់ទុកវត្តមានប្រធានរដ្ឋឡាវមកកាន់កម្ពុជា បានផ្ដល់តម្លៃដល់ទំនាក់ទំនងជាមួយកម្ពុជា និងសហគមន៍ហ្វ្រង់កូហ្វូនី

កម្ពុជា និងសាធារណរដ្ឋកូរ៉េ ប្តេជ្ញាបន្តជំរុញទំនាក់ទំនងភាពជាដៃគូយុទ្ធសាស្ត្រជាមួយគ្នាឱ្យកាន់តែរីកចម្រើន

ធុរជននិយាយភាសាបារាំងមើលឃើញសក្ដានុពលវិនិយោគនៅកម្ពុជាបន្ទាប់ពីមានជំនួបសហគ្រិនហ្រ្វង់កូហ្វូនី

កម្ពុជាសូមស្វាគមន៍យ៉ាងកក់ក្តៅចំពោះវត្តមានឯកឧត្តម អេម៉ានុយអែល ម៉ាក្រុង (Emmanuel Macron) ប្រធានាធិបតីបារាំង មកកាន់ព្រះរាជាណាចក្រកម្ពុជា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ស្ថានភាពអាកាសធាតុធ្ងន់ធ្ងររំខានដល់ការធ្វើដំណើរក្នុងឱកាសចូលឆ្នាំចិននៅកូរ៉េខាងត្បូង

អាកាសធាតុត្រជាក់បណ្តាលឲ្យមនុស្សយ៉ាងហោចណាស់ ១២៤នាក់ស្លាប់នៅអាហ្វហ្គានីស្ថាន

ប្រទេសចិនត្រូវបានរងការប៉ះពាល់ដោយសីតុណ្ហភាពត្រជាក់បំផុតមិនធ្លាប់មាន

លោក Zelenskyy រុះរើគណៈរដ្ឋមន្ត្រីអ៊ុយក្រែនជុំវិញអំពើពុករលួយ ខណៈប្រទេសមានសង្គ្រាម

សហភាពអឺរ៉ុបអនុម័តជំនួយយោធាបន្ថែមដល់អ៊ុយក្រែន និងដាក់ទណ្ឌកម្មលើអ៊ីរ៉ង់

ប្រមុខការពារជាតិរុស្ស៊ីនិយាយថា រុស្ស៊ី និងលោកខាងលិចកាន់តែខិតជិតសង្គ្រាមមែនទែនហើយ

ការបាញ់ប្រហារថ្មីធ្វើឱ្យកក្រើករដ្ឋកាលីហ្វ័រញ៉ា ខណៈនគរបាលស៊ើបអង្កេតឃាតកម្មនៅក្លឹបរាំ

នគរបាលប៉េរូបាញ់ឧស្ម័នបង្ហៀរទឹកភ្នែកបំបែកក្រុមបាតុករប្រឆាំងរដ្ឋាភិបាល ខណៈវិបត្តិនយោបាយនៅតែបន្ត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ស្ថានភាព​អាកាសធាតុ​ធ្ងន់ធ្ងរ​រំខាន​ដល់​ការធ្វើដំណើរ​ក្នុងឱកាស​ចូលឆ្នាំ​ចិន​នៅ​កូរ៉េខាងត្បូង

អាកាសធាតុ​ត្រជាក់​បណ្តាល​ឲ្យ​មនុស្ស​យ៉ាងហោចណាស់ ១២៤​នាក់​ស្លាប់​នៅ​អា​ហ្វ​ហ្គា​នី​ស្ថាន

ប្រទេស​ចិន​ត្រូវបាន​រង​ការប៉ះពាល់​ដោយ​សីតុណ្ហភាព​ត្រជាក់​បំផុត​មិន​ធ្លាប់មាន

លោក Zelenskyy រុះរើ​គណៈរដ្ឋមន្ត្រី​​អ៊ុយ​ក្រែ​ន​ជុំវិញ​អំពើពុករលួយ​ ខណៈ​ប្រទេស​មាន​សង្គ្រាម​

សហភាព​អឺរ៉ុប​អនុម័ត​ជំនួយ​យោធា​បន្ថែម​ដល់​អ៊ុយ​ក្រែ​ន និង​ដាក់ទណ្ឌកម្ម​លើ​អ៊ីរ៉ង់

ប្រមុខ​ការពារជាតិ​រុស្ស៊ីនិយាយថា រុស្ស៊ី និង​លោកខាងលិច​កាន់តែ​ខិតជិត​សង្គ្រាម​មែនទែន​ហើយ​

ការបាញ់ប្រហារ​ថ្មី​ធ្វើឱ្យ​កក្រើក​រដ្ឋ​កាលីហ្វ័រ​ញ៉ា ខណៈ​នគរបាល​ស៊ើបអង្កេត​ឃាតកម្ម​នៅ​ក្លឹប​រាំ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ស្ថានភាពអាកាសធាតុធ្ងន់ធ្ងររំខានដល់ការធ្វើដំណើរក្នុងឱកាសចូលឆ្នាំចិននៅកូរ៉េខាងត្បូង

អាកាសធាតុត្រជាក់បណ្តាលឲ្យមនុស្សយ៉ាងហោចណាស់ ១២៤នាក់ស្លាប់នៅអាហ្វហ្គានីស្ថាន

ប្រទេសចិនត្រូវបានរងការប៉ះពាល់ដោយសីតុណ្ហភាពត្រជាក់បំផុតមិនធ្លាប់មាន

លោក Zelenskyy រុះរើគណៈរដ្ឋមន្ត្រីអ៊ុយក្រែនជុំវិញអំពើពុករលួយ ខណៈប្រទេសមានសង្គ្រាម

សហភាពអឺរ៉ុបអនុម័តជំនួយយោធាបន្ថែមដល់អ៊ុយក្រែន និងដាក់ទណ្ឌកម្មលើអ៊ីរ៉ង់

ប្រមុខការពារជាតិរុស្ស៊ីនិយាយថា រុស្ស៊ី និងលោកខាងលិចកាន់តែខិតជិតសង្គ្រាមមែនទែនហើយ

ការបាញ់ប្រហារថ្មីធ្វើឱ្យកក្រើករដ្ឋកាលីហ្វ័រញ៉ា ខណៈនគរបាលស៊ើបអង្កេតឃាតកម្មនៅក្លឹបរាំ