BTV NEWS

សម្ដេចធិបតី៖ កម្ពុជា នឹងប្រើយន្តការនៃការផ្សះផ្សារដោយចាប់បង្ខំ ដោះស្រាយដែនសមុទ្រត្រួតគ្នាកម្ពុជា-ថៃ

សម្តេចធិបតីនឹងដឹកនាំគណៈប្រតិភូជាន់ខ្ពស់អញ្ជើញចូលរួមកិច្ចប្រជុំកំពូលអាស៊ាន លើកទី៤៨ នៅកោះសេប៊ូ សាធារណរដ្ឋហ្វីលីពីន

សម្តេចធិបតី៖ ការធានាសុវត្ថិភាពព័ត៌មាន រក្សាព័ត៌មានសម្ងាត់របស់ជាតិ ក្នុងកាលៈទេសៈនៃវិបត្តិមិនមែនជាការរឹតត្បិតសេរីភាពខាងសារព័ត៌មាននោះទេ

សម្តេចធិបតី៖ការស្ទង់មតិឆ្លុះបញ្ចាំងឱ្យឃើញថាកម្ពុជាកំពុងពង្រឹងវិស័យព័ត៌មាន សេរីព័ត៌មាន និងការអភិវឌ្ឍវិជ្ជាជីវៈ

ព័ត៌មានសំខាន់ៗ

គណៈកម្មការសហភាពអឺរ៉ុបស្នើកញ្ចប់ទណ្ឌកម្មទី៩ ដាក់លើរុស្ស៊ី

អឺរ៉ុប៖ គណៈកម្មការអឺរ៉ុបកាលពីថ្ងៃពុធបានស្នើកញ្ចប់ទណ្ឌកម្មទី៩ ដាក់ទៅលើរុស្ស៊ីជុំវិញការវាយលុកនៅអ៊ុយក្រែន ដែលនឹងរួមមានទាំងបុគ្គល និងអង្គភាពជិត ២០០បន្ថែមទៀតចូលក្នុងបញ្ជីទណ្ឌកម្មរបស់សហភាពអឺរ៉ុប។ ប្រធានគណៈកម្មការអឺរ៉ុបលោកស្រី Ursula von der Leyen បាននិយាយថា គណៈកម្មការគាំទ្រការដាក់ទណ្ឌកម្មថ្មីលើធនាគាររុស្ស៊ីចំនួន ៣បន្ថែមទៀត និងការត្រួតពិនិត្យ និងការរឹតបន្តឹងការនាំចេញ ជាពិសេសសម្រាប់ទំនិញប្រើប្រាស់បាន ២យ៉ាងដូចជាសារធាតុគីមីសំខាន់ៗ សារធាតុពុលផ្តាច់ជីវិត គ្រឿងអេឡិចត្រូនិក និងគ្រឿងបច្ចេកវិទ្យាព័ត៌មាន។ លោកស្រីនិយាយនៅក្នុងសេចក្តីថ្លែងការណ៍តាមវីដេអូថា រុស្ស៊ីបន្តនាំមកនូវការស្លាប់ និងការបំផ្លាញដល់អ៊ុយក្រែន ហើយកំពុងកំណត់គោលដៅលើជនស៊ីវិល និងហេដ្ឋារចនាសម្ព័ន្ធស៊ីវិលដោយចេតនា ដែលកំពុងព្យាយាមធ្វើឱ្យប្រទេសនេះជាប់គាំងនៅដើមរដូវរងានេះ។លោកស្រីនិយាយថា កញ្ចប់ទណ្ឌកម្មចំនួន ៨ ដែលសហភាពអឺរ៉ុបបានណែនាំរហូតមកដល់ពេលនេះ គឺវាបានប៉ះពាល់ខ្លាំងរួចទៅហើយ ហើយបច្ចុប្បន្នប្លុកនេះមានបំណងបង្កើនសម្ពាធលើរុស្ស៊ី ដោយកញ្ចប់ទណ្ឌកម្មទី៩។ ការដាក់ទណ្ឌកម្មតម្រូវឱ្យមានការគាំទ្រជាឯកច្ឆន្ទពីរដ្ឋសមាជិកទាំង ២៧ប្រទេសរបស់ប្លុកនេះ ប៉ុន្តែវិធានការភាគច្រើនដែលបានស្នើឡើងក្នុងកញ្ចប់ចំនួន ៨ ដំបូងត្រូវបានអនុម័តដោយតំណាងក្រុមប្រឹក្សាអឺរ៉ុបក្នុងរយៈពេលច្រើនសប្តាហ៍ ទោះបីជាមួយចំនួនត្រូវបានទម្លាក់ចោល ឬមានប្រសិទ្ធភាពតិចតួចក៏ដោយ៕អត្ថបទ៖ ប៊ុនថន

ប្រធានាធិបតីចិនធ្វើទស្សនកិច្ចទៅកាន់អារ៉ាប៊ីសាអ៊ូឌីត ខណៈក្រុងរីយ៉ាដស្ថិតក្រោមការពិនិត្យរបស់សហរដ្ឋអាមេរិក

អារ៉ាប៊ីសាអូឌីត៖ ប្រធានាធិបតីចិនលោក Xi Jinping បានមកដល់ទីក្រុង Riyadh ប្រទេសអារ៉ាប៊ីសាអ៊ូឌីត ដើម្បីចូលរួមកិច្ចប្រជុំកំពូលរដ្ឋចិន-អារ៉ាប់ និងកិច្ចប្រជុំកំពូលក្រុមប្រឹក្សាសហប្រតិបត្តិការឈូងសមុទ្រចិន (GCC) និងបំពេញទស្សនកិច្ចផ្លូវរដ្ឋនៅប្រទេសអារ៉ាប៊ីសាអ៊ូឌីត តាមការអញ្ជើញរបស់មហាក្សត្រ Salman bin Abdulaziz Al។ យន្តហោះពិសេសរបស់លោកប្រធានាធិបតី Xi ត្រូវបានអមដំណើរដោយយន្តហោះចម្បាំងចំនួន 4គ្រឿងមកពីកងកម្លាំងទ័ពអាកាស Royal Saudi Air Force បន្ទាប់ពីយន្តហោះបានចូលដល់ដែនអាកាសរបស់ប្រទេសអារ៉ាប៊ីសាអ៊ូឌីត និងដោយយន្តហោះចំនួន 6គ្រឿងផ្សេងទៀតមកពីអង្គភាព Royal Aerobatic បន្ទាប់ពីយន្តហោះបានចូលដល់ដែនអាកាសទីក្រុង Riyadh។ លោក Xi និយាយថា ក្នុងរយៈពេល 32ឆ្នាំកន្លងទៅនេះចាប់តាំងពីការបង្កើតទំនាក់ទំនងការទូតរវាងចិន និងអារ៉ាប៊ីសាអ៊ូឌីត ភាគីទាំងពីរបានពង្រឹងការជឿទុកចិត្តគ្នាទៅវិញទៅមកជាយុទ្ធសាស្ត្រ ដោយមានកិច្ចសហប្រតិបត្តិការជាក់ស្តែងប្រកបដោយផ្លែផ្កាក្នុងវិស័យផ្សេងៗ។ លោក Xi និយាយថា ក្នុងដំណើរទស្សនកិច្ចនេះ លោកនឹងមានការផ្លាស់ប្តូរទស្សនៈដ៏ស៊ីជម្រៅជាមួយមហាក្សត្រ Salman និងព្រះអង្គម្ចាស់ Mohammed bin Salman Al Saud ស្តីពីទំនាក់ទំនងទ្វេភាគី និងបញ្ហាអន្តរជាតិ និងតំបន់ដែលមានចាប់អារម្មណ៍រួមគ្នាសម្រាប់ទំនាក់ទំនងចិន-អារ៉ាប៊ីសាអ៊ូឌីត។ប្រធានាធិបតីចិននិយាយថា លោកទន្ទឹងរង់ចាំចូលរួមកិច្ចប្រជុំកំពូលរដ្ឋចិន-អារ៉ាប់ និងកិច្ចប្រជុំកំពូលក្រុមប្រឹក្សាសហប្រតិបត្តិការឈូងសមុទ្រចិន (GCC) ហើយត្រៀមធ្វើការរួមគ្នាជាមួយមេដឹកនាំនៃរដ្ឋអារ៉ាប់ និងប្រទេស GCC។ ការ ជួបប្រជុំគ្នារវាងមហាអំណាចហិរញ្ញវត្ថុទូទាំងពិភពលោក និងតំបន់ឈូងសមុទ្រធ្វើឡើង ខណៈទំនាក់ទំនងរបស់ប្រទេសអារ៉ាប៊ីសាអ៊ូឌីតជាមួយទីក្រុងវ៉ាស៊ីនតោនមានភាពតានតឹង ដោយការរិះគន់របស់សហរដ្ឋអាមេរិកលើឯកសារសិទ្ធិមនុស្សរបស់ទីក្រុងរីយ៉ាដ និងការជួយរបស់អារ៉ាប៊ីសាអ៊ូឌីតសម្រាប់ការទប់ស្កាត់ទិន្នផលប្រេង មុនការបោះឆ្នោតពាក់កណ្តាលអាណត្តិកាលពីខែវិច្ឆិកា៕អត្ថបទ៖ ប៊ុនថន

លោក Putin និយាយថា រុស្សីអាចនឹងប្រយុទ្ធនៅអ៊ុយក្រែនរយៈពេលយូរទៀត

រុស្ស៊ី៖ ក្នុងពេលមានការដកកងទ័ពថយដ៏សំខាន់នៅលើសមរភូមិ ប្រធានាធិបតីរុស្ស៊ីលោក Vladimir Putin កាលពីថ្ងៃពុធបានទទួលស្គាល់ជាសាធារណៈថា កងទ័ពរបស់លោកអាចនឹងប្រយុទ្ធនៅអ៊ុយក្រែនក្នុងរយៈពេលយូរទៀត។ នៅក្នុងកិច្ចប្រជុំផ្សាយតាមទូរទស្សន៍ជាមួយក្រុមប្រឹក្សាសិទ្ធិមនុស្សរបស់លោក លោក Putin បាននិយាយថា ការសម្រេចបានលទ្ធផលពីអ្វីដែលរុស្ស៊ីហៅថា ជាប្រតិបត្តិការសឹកពិសេសរបស់ខ្លួននៅអ៊ុយក្រែនអាចជា «ដំណើរដ៏វែងឆ្ងាយ»។ ប៉ុន្តែលោក Putin បាននិយាយថា លោកពុំបានមើលឃើញហេតុផល ដើម្បីកែណ្ឌទាហានបន្ថែមទៀតនោះទេគឺនៅមិនទាន់មានឡើយ។ នៅក្នុងលក្ខខណ្ឌទាំងនេះ ការនិយាយអំពីកិច្ចខិតខំប្រឹងប្រែងកែណ្ឌទាហានបន្ថែមមួយចំនួនពុំមានហេតុផលនោះទេ។ វាមិនចាំបាច់សម្រាប់រដ្ឋ និងក្រសួងការពារជាតិ។ទាហានបម្រុងចំនួន ៣សែននាក់ត្រូវបានកែណ្ឌកាលពីក្នុងខែកញ្ញា និងខែតុលា ជាការកែណ្ឌកងទ័ពលើកដំបូងរបស់ប្រទេសចាប់តាំងពីសង្គ្រាមលោកលើកទី2 ដែលបណ្តាលឱ្យមានការខកចិត្តយ៉ាងខ្លាំង និងភាពវឹកវរនៅក្នុងសង្គមរបស់រុស្ស៊ី។ លោក Putin បានប្រើប្រាស់ព្រឹត្តិការណ៍ផ្សាយតាមទូរទស្សន៍កាលពីថ្ងៃពុធ ដើម្បីព្រមានប្រទេសលោកខាងលិចថា រុស្ស៊ីនឹងការពារខ្លួនតាមគ្រប់មធ្យោបាយ។ លោកនិយាយថា ហានិភ័យនៃសង្គ្រាមនុយក្លេអ៊ែរកំពុងកើនឡើង ហើយរុស្ស៊ីបានមើលឃើញឃ្លាំងអាវុធរបស់ខ្លួន ជាមធ្យោបាយមួយដើម្បីសងសឹក ប៉ុន្តែពុំមែនជាការវាយប្រហារមុននោះទេ។យើងមិនបានឆោតល្ងង់នោះទេ យើងយល់ថាអាវុធនុយក្លេអ៊ែរជាអ្វី។ យើងមានមធ្យោបាយទាំងនេះ ហើយពួកវាកាន់តែជឿនលឿន និងកាន់តែទំនើបជាងនេះទៅទៀត នៅក្នុងប្រទេសមានអាវុធនុយក្លេអ៊ែរផ្សេងទៀត វាជាការពិត។ លោក Putin កម្រនឹងពិភាក្សាអំពីភាពយូរអង្វែងនៃសង្គ្រាម ទោះបីជាលោកមានអំនួតកាលពីខែកក្កដាថា រុស្ស៊ីទើបតែចាប់ផ្តើមក៏ដោយ។ សម្រាប់ប្រជាជនអ៊ុយក្រែន បន្ទាប់ពីសង្គ្រាមជិត 10ខែការភ័យខ្លាចកំពុងកើនឡើង ខណៈរដូវរងាបានចូលមកដល់ ហើយការវាយប្រហារតាមអាកាសកាន់តែកើនឡើង៕អត្ថបទ៖ ប៊ុនថន

អាល្លឺម៉ង់ចាប់ខ្លួនជនសង្ស័យ ២៥នាក់ពីបទរៀបផែនការធ្វើរដ្ឋប្រហារស្តាំនិយមជ្រុល

អាល្លឺម៉ង់៖ ប្រទេសអាល្លឺម៉ង់បានចាប់ខ្លួនមនុស្សចំនួន ២៥នាក់ពីបទសង្ស័យថាបានរៀបចំផែនការផ្តួលរំលំរដ្ឋាភិបាល និងដណ្តើមអំណាចនៅក្នុងរដ្ឋប្រហារស្តាំនិយមជ្រុល។ រដ្ឋអាជ្ញាបាននិយាយថា ក្រុមនេះត្រូវបានបំផុសគំនិតដោយទ្រឹស្តីឃុបឃិតរដ្ឋដ៏ជ្រៅ។ ជនសង្ស័យម្នាក់ដែលចាត់ទុកខ្លួនឯងថា ព្រះអង្គម្ចាស់ Heinrich មកពីអតីតរាជវាំង Reuss ត្រូវបានគេមើលឃើញថា ជាមេដឹកនាំដែលត្រូវបានរៀបចំសម្រាប់រដ្ឋនាពេលអនាគត។ របបរាជានិយមរបស់ប្រទេសអាល្លឺម៉ង់ត្រូវបានបំបាត់ចោលមួយសតវត្សរ៍មកហើយ។ រដ្ឋអាជ្ញានិយាយថា លោកបានទាក់ទងមន្ត្រីរុស្ស៊ីដោយមានផែនការបង្កើតបទបញ្ជាថ្មី ប៉ុន្តែពុំមានភស្តុតាងនៃការឆ្លើយតបជាវិជ្ជមាននោះទេ។ អង្គភាពសេវាចារកម្មយោធាបាននិយាយថា សមាជិកផ្សេងទៀតរួមមានទាហានបម្រុងជាច្រើននាក់ និងទាហានសកម្មនៅក្នុងទីបញ្ជាការកងកម្លាំងពិសេស។ អ្នករៀបចំផែនការត្រូវបានគេសង្ស័យថា កំពុងបង្កើតផែនការជាក់ស្តែងដើម្បីសម្រុកចូលសភា Bundestag ជាមួយក្រុមប្រដាប់អាវុធមួយចំនួនតូចចាប់តាំងពីចុងខែវិច្ឆិកា ឆ្នាំ2021 មកម្ល៉េះ។រដ្ឋអាជ្ញានិយាយថា ក្រុមនេះផ្តោតលើការជ្រើសរើសសមាជិកយោធា និងនគរបាល ហើយត្រូវបានគេសង្ស័យថា បានរៀបចំសម្រាប់ការវាយប្រហារប្រដាប់ដោយអាវុធ តាមរយៈការស្តុកទុកយុទ្ធោបករណ៍យោធា និងការហ្វឹកហាត់។ ការចាប់ខ្លួននេះត្រូវបានធ្វើឡើងកាលពីថ្ងៃពុធ ក្នុងការវាយឆ្មក់នៅទូទាំងប្រទេស។ នគរបាល និងកងកម្លាំងសន្តិសុខជាង ៣ពាន់នាក់មកពីរដ្ឋសហព័ន្ធអាល្លឺម៉ង់ចំនួន 11 បានចូលរួម ដោយជនសង្ស័យត្រូវបានចាប់ខ្លួនផងដែរនៅក្នុងប្រទេសអូទ្រីស និងអ៊ីតាលី៕អត្ថបទ៖ ប៊ុនថន

បញ្ហាកោះតៃវ៉ាន់នឹងនៅតែជាប្រធានបទដ៏ចម្រូងចម្រាសនៃទំនាក់ទំនងរវាងចិន-អាមេរិកក្នុងឆ្នាំ២០២៣

ចិន៖ បញ្ហាកោះតៃវ៉ាន់នឹងនៅតែជាចំណុចខ្ទាស់នៃទំនាក់ទំនងរវាងប្រទេសចិន និងសហរដ្ឋអាមេរិកក្នុងឆ្នាំ២០២៣ ខាងមុខ។ ដំណើរទស្សនកិច្ចរបស់ប្រធានសភាអាមេរិកលោកស្រី Nancy Pelosi ទៅកាន់កោះតៃវ៉ាន់កាលពីខែសីហា បានរុញដោលការគំរាមកំហែងខាងយោធាហក់ឡើងដល់កម្រិតខ្ពស់បំផុត ក្នុងរយៈពេលជាច្រើនឆ្នាំមកនេះ។ ចិនយល់ឃើញថា វាជាការគាំទ្ររបស់អាមេរិកឲ្យកោះតៃវ៉ាន់ប្រកាសឯករាជ្យ និងបានបង្កើតល្បែងសង្គ្រាមជិតកោះនេះ រួមទាំងការបាញ់មីស៊ីលជាច្រើនគ្រាប់រំលងទីក្រុងតៃប៉ិជាលើកដំបូងមិនធ្លាប់មាន។ កោះតៃវ៉ាន់ដែលទីក្រុងប៉េកាំង អះអាងថាជាដែនអធិបតេយ្យភាពរបស់ខ្លួន និយាយថា កោះនេះនឹងការពារខ្លួន ប្រសិនបើមានការវាយប្រហារណាមួយពីចិន។ ក្នុងករណីមានសង្គ្រាមណាមួយផ្ទុះឡើងលើកោះតៃវ៉ាន់ ដែនដីផលិតបន្ទះឈីបកុំព្យូទ័រពាក់កណ្ដាលចម្លងដ៏សំខាន់មួយនេះនឹងធ្វើឲ្យរង្គោះរង្គើដល់សេដ្ឋកិច្ចសកល ហើយនឹងទាញសហរដ្ឋអាមេរិក និងសម្ព័ន្ធមិត្តរបស់ខ្លួនចូលក្នុងការប្រឈមដោយផ្ទាល់ជាមួយប្រទេសចិន។ចិនមើលឃើញកោះតៃវ៉ាន់ថា ជាបញ្ហាដ៏សំខាន់ និងរំជើបរំជួលបំផុតក្នុងទំនាក់ទំនងរបស់ខ្លួនជាមួយអាមេរិក ជាសារមួយរបស់លោកប្រធានាធិបតីចិន Xi Jinping ដែលបានបញ្ជាក់ជាថ្មីទៅកាន់ប្រធានាធិបតីអាមេរិកលោក Joe Biden នៅពេលដែលមេដឹកនាំទាំង២ បានជួបគ្នាកាលពីខែវិច្ឆិកានៅកោះបាលីប្រទេសឥណ្ឌូនេស៊ី៕អត្ថបទ៖ សុខមាន

ក្រសួងប្រៃសណីយ៍សហការជាមួយក្រុមហ៊ុន Meta រៀបចំវគ្គបណ្តុះបណ្តាលស្តីពី “តម្លាភាពនៃការផ្សាយពាណិជ្ជកម្មតាមប្រព័ន្ធទំនាក់ទំនងសង្គមពាក់ព័ន្ធនឹងនយោបាយនិងការបោះឆ្នោត”

ភ្នំពេញ៖ ក្រសួងប្រៃសណីយ៍ និងទូរគមនាគមន៍ បានសហការជាមួយក្រុមហ៊ុន Meta រៀបចំវគ្គបណ្តុះបណ្តាល ស្តីពី “តម្លាភាពនៃការផ្សាយពាណិជ្ជកម្មតាមប្រព័ន្ធទំនាក់ទំនងសង្គមពាក់ព័ន្ធ និងនយោបាយ និងការបោះឆ្នោត” ក្រោមអធិបតីភាព ឯកឧត្តម យ៉ិនទៀង ពុទ្ធិរ៉ា រដ្ឋលេខាធិការក្រសួងប្រៃសណីយ៍ និងទូរគមនាគមន៍ និងលោកបណ្ឌិត ហេង ភក្ដី អ្នកគ្រប់គ្រងគោលនយោបាយសាធារណៈនៃក្រុមហ៊ុន Meta និងមានការចូលរួមពីសមាជិកខុទ្ទកាល័យនិងជំនួយការថ្នាក់ដឹកនាំក្រសួង-ស្ថាប័នទាំងអស់របស់រាជរដ្ឋាភិបាល នៅថ្ងៃទី៧ ខែធ្នូ ឆ្នាំ២០២២។ វគ្គបណ្តុះបណ្តាលនេះមានគោលបំណងផ្សព្វផ្សាយគន្លឹះ និងចំណេះដឹងបន្ថែមលើការប្រើប្រាស់ប្រព័ន្ធទំនាក់ទំនងសង្គម Facebook និង Instagram ជាពិសេសលើគោលការណ៍ផ្សាយពាណិជ្ជកម្មថ្មីរបស់ក្រុមហ៊ុន Meta ក្នុងការផ្តល់ព័ត៌មាន និងការទំនាក់ទំនងជាមួយពលរដ្ឋ ក៏ដូចជារបៀបរបបនៃការផ្សាយពាណិជ្ជកម្មពាក់ព័ន្ធនឹងនយោបាយនិងការបោះឆ្នោតតាមរយៈប្រព័ន្ធទំនាក់ទំនងសង្គមទាំងពីរ ដែលតម្រូវឱ្យមានការចុះឈ្មោះនិងបញ្ជាក់អត្តសញ្ញាណរបស់ស្ថាប័ន ឫបុគ្គលជាមុនផងដែរ។ឯកឧត្តម យ៉ិនទៀង ពុទ្ធិរ៉ា រដ្ឋលេខាធិការ ក្រសួងប្រៃសណីយ៍និងទូរគមនាគមន៍ បានលើកឡើងថាវគ្គបណ្ដុះបណ្ដាលនេះពិតជាមានសារៈសំខាន់សម្រាប់អ្នកចូលរួមទាំងអស់គ្នា ក្នុងនាមជាតំណាងក្រសួង-ស្ថាប័នដែលត្រូវទំនាក់ទំនងជាមួយប្រជាពលរដ្ឋ ដោយសីលធម៌ តម្លាភាព និងសុចរិតភាព ដើម្បីធ្វើឱ្យសេវាសាធារណៈប្រសើរឡើង ជាពិសេសនៅក្នុងកាលៈទេសៈដែលយើងត្រូវផ្សព្វផ្សាយប្រធានបទ ទាក់ទងនឹង នយោបាយ និងសង្គម។វគ្គបណ្តុះបណ្តាលខាងលើនេះបានផ្តោតសំខាន់ទៅលើចំនុចមួយចំនួនមានដូចជា ១/ការប្រើប្រាស់ Facebook និង Instagram ប្រកបដោយប្រសិទ្ធភាពដើម្បីទំនាក់ទំនងជាមួយពលរដ្ឋ ២/ ទិដ្ឋភាពទូទៅនៃការផ្សាយពាណិជ្ជកម្មពាក់ព័ន្ធនឹងសារនយោបាយនិងការបោះឆ្នោត និង ៣/ឧបករណ៍តម្លាភាពនៃការផ្សាយពាណិជ្ជកម្ម និងដំណើរការស្នើសុំការអនុញ្ញតការផ្សាយពាណិជ្ជកម្មពាក់ព័ន្ធនឹងសារនយោបាយ និងការបោះឆ្នោត៕(ប្រភព៖ ក្រសួងប្រៃសណីយ៍ និងទូរគមនាគមន៍)

លោក Putin ព្រមានពីការកើនឡើងហានីភ័យនៃគ្រោះថ្នាក់នុយក្លេអ៊ែរ ប៉ុន្តែរុស្ស៊ីមិនល្ងង់ប្រើមុនឡើយ

រុស្ស៊ី៖ លោកប្រធានាធិបតីរុស្ស៊ី Vladimir Putin បាននិយាយថា ការគំរាមនៃសង្គ្រាមនុយក្លេអ៊ែរកំពុងកើនឡើង ប៉ុន្តែរុស្ស៊ីមិនល្ងង់ ហើយក៏នឹងមិនប្រើអាវុធនុយក្លេអ៊ែររបស់ខ្លួនមុនឡើយ។ លោកបានទទូចថា ប្រទេសរបស់លោកនឹងប្រើអាវុធមហាប្រល័យនេះ ឆ្លើយតបទៅនឹងការវាយប្រហារណាមួយមកលើរុស្ស៊ីមុនប៉ុណ្ណោះ។ ថ្លែងនៅឯកិច្ចប្រជុំក្រុមប្រឹក្សាសិទ្ធិមនុស្សប្រចាំឆ្នាំរបស់រុស្ស៊ី លោកក៏បាននិយាយផងដែរថា សង្គ្រាមនៅក្នុងប្រទេសអ៊ុយក្រែនអាចអូសបន្លាយយូរថែមទៀត។ លទ្ធភាពនៃការប្រើប្រាស់អាវុធនុយក្លេអ៊ែររបស់រុស្ស៊ី ស្ថិតក្រោមការតាមដានដែលចេះតែកើនឡើង ចាប់តាំងពីប្រទេសនេះបានវាយលុកចូលអ៊ុយក្រែនកាលពីខែកុម្ភៈ។ លោក Putin បានព្រមាន ខណៈលោកកំពុងនិយាយពីការរំពឹង នៃការផ្ទុះសង្គ្រាមនុយក្លេអ៊ែរតាមវីដេអូចេញពីទីក្រុង Moscow ថា ការគំរាមកំហែងបែបនេះកំពុងរីកកាន់តែធំ វានឹងក្លាយជាកំហុសក្នុងការលាក់បាំងរឿងនេះ។ប៉ុន្តែលោកបានអះអាងថា រុស្ស៊ីនឹងមិនស្ថិតក្រោមសម្ពាធណាមួយ ដល់ថ្នាក់ប្រើអាវុធប្រទេសនេះមុននោះឡើយ ហើយក៏នឹងមិនគំរាមកំហែងនរណាម្នាក់ដោយឃ្លាំងអាវុធនុយក្លេអ៊ែរបស់ខ្លួននោះដែរ។ លោកបញ្ជាក់ថា យើងមិនល្ងង់ទេ យើងដឹងថាអាវុតនុយក្លេអ៊ែរគឺជាអ្វី ដោយលោកបន្ថែមថា យើងមិនចេះតែហៅអាវុធប្រភេទនេះដូចជាឡាមនោះទេ៕អត្ថបទ៖ សុខមាន

ទីអារាមសម្រាប់ប្រជាពលរដ្ឋតំបន់អភិវឌ្ឍន៍រុនតាឯកធ្វើបុណ្យទាន ចាប់ផ្តើមសាងសង់ហើយ

សៀមរាប៖ ឯកឧត្តម សៀង ណាំ តំណាងរាស្ដ្រខេត្ដសៀមរាប តំណាងដ៏ខ្ពង់ខ្ពស់សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី៨ ខែធ្នូឆ្នាំ ២០២២នេះ បានអញ្ជើញបញ្ចុះបឋមសិលាកសាងព្រះវិហារវត្ដធម្មជាតិរុនតាឯក ស្ថិតនៅភូមិតានី ស្រុកបន្ទាយស្រី ខេត្តសៀមរាប ។ឯកឧត្តមអ្នកឧកញ៉ា សៀង ណាំ មានប្រសាសន៍ថា ដើម្បីដោះស្រាយនូវកិច្ចការទាំងនេះ សម្ដេចនាយករដ្ឋមន្ត្រី ក៏ដូចជាសប្បុរសជននានា បានបង្កើតឲ្យមានហេដ្ឋារចនាសម្ព័ន្ធនានា ក្នុងតំបន់បន់អភិវឌ្ឍន៍ធម្មជាតិរុនតាឯក រួមមាន៖ ផ្លូវ ប្រព័ន្ធភ្លើង សាលារៀន ផ្សារសហគមន៍ ហើយនៅថ្ងៃនេះ យើងបាននឹងកំពុងរៀបចំពិធីបញ្ចុះបឋមសិលាកសាងព្រះវិហារថ្មីនៃទីអារាមវត្តធម្មជាតិរុនតាឯក។គួរបញ្ជាក់ថា ព្រះវិហារថ្មីដែលបាន នឹងកំពុងរៀបចំពិធីបញ្ចុះបឋមសិលាកសាងនាពេលនេះ នឹងក្លាយជាសមិទ្ធផលថ្មីមួយដែលផុសចេញពីសន្ដាននូវចិត្តដ៏ប្រពៃថ្លៃថ្លារបស់សម្ដេចអគ្គមហាសេនាបតីតេជោ ហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា ដែលបញ្ជាក់ឲ្យឃើញការរីកចម្រើននៃវិស័យពុទ្ធចក្រក្នុងខេត្តសៀមរាបមួយកម្រិតទៀត៕

ADB ផ្តល់ជំនួយថ្មីសំខាន់ដល់វិស័យជលផលសមុទ្ររបស់កម្ពុជា

ភ្នំពេញ៖ ធនាគារអភិវឌ្ឍន៍អាស៊ី(ADB) បានអនុម័តកញ្ចប់ហិរញ្ញប្បទាន ៧៣លានដុល្លារ ដើម្បីបង្កើនភាពធន់នឹងអាកាសធាតុ និងនិរន្តរភាពនៃជលផល តំបន់ ឆ្នេរ និងសមុទ្រក្នុងប្រទេសកម្ពុជា។គម្រោងជលផលតំបន់ឆ្នេរ និងសមុទ្រប្រកបដោយនិរន្តរភាព នឹងត្រូវបានផ្តល់ហិរញ្ញប្បទានជា ប្រាក់ កម្ចីចំនួន ៤១ លានដុល្លារពី ADB ជំនួយឥតសំណងចំនួន ២២ លានដុល្លារពីមូលនិធិអភិវឌ្ឍន៍អាស៊ី របស់ ADB និងប្រាក់កម្ចីចំនួន ១០ លានដុល្លារពីមូលនិធិហេដ្ឋារចនាសម្ព័ន្ធអាស៊ាន ក្រោមកញ្ចប់ជំនួយ ASEAN Catalytic Green Finance Facility (ACGF) របស់វា។ ទីភ្នាក់ងារបារាំងដើម្បីអភិវឌ្ឍន៍ (Agence Française de Développement) ក៏នឹងផ្តល់ជាសហហិរញ្ញប្បទានប្រមាណ ២0 លានដុល្លារ ដែលនឹងត្រូវគ្រប់គ្រងដោយ ADB ផងដែរ។ ។លោក Alvin Lopez អ្នកឯកទេសជាន់ខ្ពស់ផ្នែកធនធានធម្មជាតិ និងកសិកម្មរបស់ ADB ប្រចាំ តំបន់ អាស៊ីអាគ្នេយ៍មានប្រសាសន៍ថា «គម្រោងនេះគឺជាការវិនិយោគដ៏សំខាន់លើកដំបូងរបស់ ADB លើ វិស័យ ជលផលសមុទ្រ ហើយក៏ជាជំហានដ៏សំខាន់មួយនៃផែនការសកម្មភាពសម្រាប់មហាសមុទ្រប្រកប ដោយ ផាសុខភាព និងសេដ្ឋកិច្ចពណ៌ខៀវប្រកបដោយនិរន្តរភាព។ វាឆ្លើយតបទៅនឹងយុទ្ធសាស្ត្រសំខាន់ៗ មួយចំនួនរបស់រាជរដ្ឋាភិបាល រួមមាន ក្របខ័ណ្ឌផែនការយុទ្ធសាស្រ្តសម្រាប់វិស័យជលផល ២០១៥-២០២៤ និងសេចក្តីថ្លែងការណ៍របស់រាជរដ្ឋាភិបាលស្ពីពីគោលការណ៍គន្លឹះក្នុងការគ្រប់គ្រងជលផល សមុទ្រនៅក្នុងព្រះរាជាណាចក្រកម្ពុជា (២០១៩)សម្រាប់ការគ្រប់គ្រង អភិរក្ស និង អភិវឌ្ឍធនធាន ជល ផល សមុទ្រប្រកបដោយនិរន្តរភាព។អនុវិស័យជលផលគឺជាធាតុផ្សំដ៏សំខាន់នៃសេដ្ឋកិច្ចរបស់ប្រទេសកម្ពុជា ដែលស្មើនឹង ៨% ទៅ ១០% នៃ ផលទុនជាតិសរុប របស់ប្រទេស។ ជលផលសមុទ្រមាន ១៣% នៃអនុវិស័យ ជលផលប៉ុន្តែការ នេសាទលើសកម្រិត និងហានិភ័យអាកាសធាតុ និងគ្រោះមហន្តរាយបាននាំឱ្យមានការថយចុះយ៉ាងខ្លាំង នៃបរិមាណត្រី ដែលបានជះឥទ្ធិពលដល់សហគមន៍ និងអាជីវកម្មនៅតាមឆ្នេរសមុទ្រ ហើយបណ្តាលឱ្យ តម្លៃត្រីកើនឡើង។គម្រោងនេះនឹងពង្រឹងវិស័យជលផលសមុទ្ររបស់កម្ពុជា និងគាំទ្រដល់ការរួមចំណែករបស់វា ដល់ បរិមាណត្រីទូទៅ ក៏ដូចជាដល់ប្រព័ន្ធអេកូឡូស៊ី ក្នុងឈូងសមុទ្រថៃ។ វានឹងជួយឱ្យខេត្តជាប់មាត់ សមុទ្រ ចំនួនបួនរបស់កម្ពុជាគឺ កំពត កែប កោះកុង និង ព្រះសីហនុ ឈានចេញពីការធ្លាក់ចុះយ៉ាងគំហុកនៃ វិស័យ ជលផល លើកកម្ពស់ការចិញ្ចឹមត្រីសមុទ្រដោយនិរន្តរភាព និងលើកកម្ពស់ទីតាំងប្រមូលទុកផល នេសាទ ដើម្បីកែលម្អសុវត្ថិភាពអាហារសមុទ្រ។ មានការរំពឹងថា នៅក្រោមគម្រោងនេះជលផលក្បែរឆ្នេរ សមុទ្រប្រហែល ៤០% នឹងត្រូវបានបង្កើតឡើងវិញទៅជាសហគ្រាសប្រកបដោយផលិតភាព និង និរន្តរភាព។គម្រោងនេះនឹងជំរុញការអភិវឌ្ឍវិស័យឯកជនដោយបើកឱ្យសហគមន៍ឆ្នេរ និងអាជីវកម្មខ្នាតតូច ធ្វើពិពិធកម្មជីវភាពរស់នៅរបស់ពួកគាត់ ទទួលយកកាអនុវត្តប្រកបដោយនិរន្តរភាព និងរីកចម្រើនទៅជា សហគ្រាសរស់រវើក។ វាក៏នឹងគាំទ្រដល់ការពង្រឹងសេដ្ឋកិច្ចរបស់ស្ត្រី តាមរយៈការបង្កើនការចូលរួមរបស់ ស្ត្រីនៅក្នុងសហគ្រាសខ្នាតតូច និងមធ្យម។ ជាទូទៅ គម្រោងនេះនឹងផ្តល់អត្ថប្រយោជន៍ដល់ អង្គការ សហគមន៍នេសាទចំនួន ២៥ និងសមាជិកនៃតំបន់ការពារសហគមន៍ចំនួន ១៥ ដែលមានចំនួនជិត ២0.000គ្រួសារ ក៏ដូចជាសហគមន៍ឆ្នេរសមុទ្រទាំងមូលដែលមានប្រជាជនប្រហែល ២00,000 នាក់។ ជំនួយរបស់ ADB ក្រោមគម្រោងគាំទ្រដល់កំណើន និងយុទ្ធសាស្ត្រអភិវឌ្ឍន៍សំខាន់ៗ មួយចំនួន របស់រដ្ឋាភិបាលកម្ពុជា រួមទាំងផែនការស្តារឡើងវិញក្រោយការរាតត្បាតនៃជំងឺកូវីដ១៩ និងរបាយការណ៍ បច្ចុប្បន្នភាពការចូលរួមចំណែករបស់ជាតិ ដើម្បីអនុវត្តអនុសញ្ញាក្របខ័ណ្ឌសហប្រជាជាតិស្តីពីការប្រែ ប្រួល អាកាសធាតុ ដែលកំណត់ភាពធន់នឹងអាកាសធាតុសម្រាប់ជលផលធម្មជាតិ និងការស្ដារឡើង វិញនូវអេកូឡូស៊ីតំបន់ឆ្នេរជាអាទិភាពជាតិសម្រាប់ការសម្របខ្លួន។ គម្រោងនេះស្របទៅនឹងយុទ្ធសាស្ត្រ ភាពជាដៃគូប្រចាំប្រទេសរបស់ ADB ឆ្នាំ ២០១៩-២០២៣ សម្រាប់កម្ពុជា។ធនាគារអភិវឌ្ឍន៍អាស៊ី ប្តេជ្ញាថានឹងសម្រេចឱ្យបាននូវ វិបុលភាព បរិយាប័ន្ន ភាពធន់ និង និរន្តរភាព ក្នុងតំបន់អាស៊ីនិងប៉ាស៊ីហ្វិក ស្របជាមួយនឹងការខិតខំប្រឹងប្រែង ដើម្បីលុបបំបាត់ភាពក្រីក្រ ខ្លាំង។ បង្កើត ឡើងនៅឆ្នាំ ១៩៦៦ ធនាគារនេះគ្រប់គ្រងដោយសមាជិកចំនួន ៦៨ ប្រទេស ដែលក្នុងនោះ មាន ៤៩ ប្រទេស មកពីតំបន់អាស៊ីនិងប៉ាស៊ីហ្វិក៕

យោធាអាមេរិកនឹងបង្កើនវត្តមានកងកម្លាំងទម្លាក់គ្រាប់បែកប្តូរវេននៅអូស្ត្រាលី

អាមេរិក៖ រដ្ឋមន្ត្រីការពារជាតិសហរដ្ឋអាមេរិកលោក Lloyd Austin បានប្រកាសកាលពីថ្ងៃអង្គារ បន្ទាប់ពីកិច្ចពិភាក្សាប្រចាំឆ្នាំរវាងសម្ព័ន្ធមិត្តទាំងពីរថា សហរដ្ឋអាមេរិកនឹងបង្កើនវត្តមានកងកម្លាំងប្តូរវេនរបស់ខ្លួននៅក្នុងប្រទេសអូស្ត្រាលី រួមទាំងយន្តហោះទម្លាក់គ្រាប់បែក និងយន្តហោះចម្បាំង។ ទីក្រុងវ៉ាស៊ីនតោនមើលឃើញថា ទីក្រុងកង់បេរ៉ាជាដៃគូដ៏សំខាន់ក្នុងកិច្ចខិតខំប្រឹងប្រែងរបស់ខ្លួន ក្នុងការរុញច្រានប្រឆាំងប្រទេសចិននៅតំបន់ឥណ្ឌូ-ប៉ាស៊ីហ្វិក ហើយអ្នកវិភាគបាននិយាយថា ប្រទេសអូស្ត្រាលីអាចមានតួនាទីដឹកជញ្ជូនដ៏សំខាន់ក្នុងការការពារកោះតៃវ៉ាន់ ប្រឆាំងចំណាត់ការណាមួយរបស់ទីក្រុងប៉េកាំងដើម្បីដណ្តើមយកកោះយុទ្ធសាស្ត្រ និងស្វ័យការពារមួយនេះ។ លោក Austin ពុំបានផ្តល់ព័ត៌មានលម្អិតថា នៅពេលណានឹងបង្កើនការប្តូរវេន ឬថា តើចំនួនកងទ័ព នាវា និងយន្តហោះប៉ុន្មានគ្រឿងដែលនឹងចូលរួមនោះទេ។ លោកនិយាយថា ប្រទេសទាំងពីរបានព្រមព្រៀងអញ្ជើញប្រទេសជប៉ុន ឱ្យធ្វើសមាហរណកម្មទៅក្នុងគំនិតផ្តួចផ្តើមនៃកម្លាំងរបស់យើង នៅក្នុងប្រទេសអូស្ត្រាលី។ ដែនដីភាគខាងជើងរបស់ប្រទេសអូស្ត្រាលី គឺជាទីតាំងទទួលសម្រាប់ការសហការយោធាជាញឹកញាប់ជាមួយសហរដ្ឋអាមេរិក។កងម៉ារីនសហរដ្ឋអាមេរិករាប់ពាន់នាក់បានប្តូរវេន នៅជុំវិញទឹកដីនេះជារៀងរាល់ឆ្នាំសម្រាប់ការហ្វឹកហ្វឺន និងសមយុទ្ធរួមគ្នាដែលបានចាប់ផ្តើមនៅក្រោមអតីតប្រធានាធិបតី Barack Obama។ យោងតាមប្រភពដឹងពីបញ្ហាបានប្រាប់សារព័ត៌មាន Reuters ថា សហរដ្ឋអាមេរិកមានផែនការដាក់ពង្រាយយន្តហោះទម្លាក់គ្រាប់បែក B-52 ដែលមានសមត្ថភាពបំពាក់នុយក្លេអ៊ែររហូតដល់ ៦គ្រឿងទៅកាន់មូលដ្ឋានទ័ពអាកាសនៅភាគខាងជើងប្រទេសអូស្ត្រាលី ក្នុងពេលមានភាពតានតឹងកាន់តែខ្លាំងជាមួយប្រទេសចិន។ កាលពីឆ្នាំមុន សហរដ្ឋអាមេរិក អង់គ្លេស និងអូស្ត្រាលីបានបង្កើតកិច្ចព្រមព្រៀងសន្តិសុខមួយដែលមានឈ្មោះថា AUKUS ដែលនឹងផ្តល់ឱ្យអូស្ត្រាលីនូវបច្ចេកវិទ្យាក្នុងការដាក់ពង្រាយនាវាមុជទឹកដើរដោយថាមពលនុយក្លេអែរ ដែលធ្វើឲ្យប្រទេសចិនព្រួយបារម្ភ៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

ប្រេងធ្លាក់ថ្លៃជាង២ដុល្លារ ក្រោយលោក Trump ផ្អាកការបើកច្រកសមុទ្រ Hormuz ដើម្បីស្វែងរកកិច្ចព្រមព្រៀង

ផែនការរបស់អាមេរិកក្នុងការដំឡើងពន្ធរថយន្តអឺរ៉ុបដល់២៥% នឹងប៉ះពាល់បំផុតដល់ទីផ្សារទំនើប

អេស្ប៉ាញ នឹងទទួលនាវាទេសចរណ៍ដែលអ្នកដំណើរឆ្លងវីរុស Hanta នៅកោះ Canary

រុស្ស៊ីវាយប្រហារអ៊ុយក្រែនសម្លាប់មនុស្សច្រើននាក់ ខណៈកំពុងស្វែងរកបទឈប់បាញ់នៅថ្ងៃទិវាជ័យជម្នះរបស់ខ្លួន

ប្រមុខការទូតអាមេរិក៖ លោក Trump និងលោក Xi ទំនងជានឹងពិភាក្សាពីបញ្ហាកោះតៃវ៉ាន់នៅសប្តាហ៍ក្រោយ

លោក Trump ផ្អាកកិច្ចខិតខំប្រឹងប្រែងអមការពារនាវានៅច្រកសមុទ្រ Hormuz ដោយលើកឡើងពីវឌ្ឍនភាពនៃការចរចា

សិស្សសាលាអារ៉ាប់រួមនៅទីក្រុងឌូបៃ វិលត្រឡប់ទៅរៀនតាមអនឡាញ ក្រោយការវាយប្រហាររបស់អ៊ីរ៉ង់

ភរិយាសកម្មជនកងនាវាហ្កាហ្សានិយាយថា ស្វាមីរបស់ពួកគេដែលឃាត់ខ្លួនដោយអ៊ីស្រាអែល ត្រូវបានគេធ្វើទារុណកម្ម

នាយករដ្ឋមន្ត្រីរ៉ូម៉ានីត្រូវបានទម្លាក់ពីតំណែង ដោយការបោះឆ្នោតដកសេចក្ដីទុកចិត្ត

អារ៉ាប់រួមរឹតបន្តឹងដែនអាកាស ក្រោយមានការវាយប្រហារដោយមីស៊ីល និងយានដ្រូនរបស់អ៊ីរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

គណៈកម្មការសហភាពអឺរ៉ុបស្នើកញ្ចប់ទណ្ឌកម្មទី៩ ដាក់លើរុស្ស៊ី

លោក Putin និយាយថា រុស្សីអាចនឹងប្រយុទ្ធនៅអ៊ុយក្រែនរយៈពេលយូរទៀត

អាល្លឺម៉ង់ចាប់ខ្លួនជនសង្ស័យ ២៥នាក់ពីបទរៀបផែនការធ្វើរដ្ឋប្រហារស្តាំនិយមជ្រុល

បញ្ហាកោះតៃវ៉ាន់នឹងនៅតែជាប្រធានបទដ៏ចម្រូងចម្រាសនៃទំនាក់ទំនងរវាងចិន-អាមេរិកក្នុងឆ្នាំ២០២៣

លោក Putin ព្រមានពីការកើនឡើងហានីភ័យនៃគ្រោះថ្នាក់នុយក្លេអ៊ែរ ប៉ុន្តែរុស្ស៊ីមិនល្ងង់ប្រើមុនឡើយ

ទីអារាមសម្រាប់ប្រជាពលរដ្ឋតំបន់អភិវឌ្ឍន៍រុនតាឯកធ្វើបុណ្យទាន ចាប់ផ្តើមសាងសង់ហើយ

ADB ផ្តល់ជំនួយថ្មីសំខាន់ដល់វិស័យជលផលសមុទ្ររបស់កម្ពុជា

យោធាអាមេរិកនឹងបង្កើនវត្តមានកងកម្លាំងទម្លាក់គ្រាប់បែកប្តូរវេននៅអូស្ត្រាលី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

គណៈកម្មការ​សហភាព​អឺរ៉ុប​ស្នើ​កញ្ចប់​ទណ្ឌកម្ម​ទី​៩ ដាក់​លើ​រុស្ស៊ី​

លោក Putin និយាយថា រុស្សី​អាច​នឹង​ប្រយុទ្ធ​នៅ​អ៊ុយ​ក្រែ​ន​រយៈពេល​យូរ​ទៀត​

អាល្លឺម៉ង់ចាប់ខ្លួន​ជនសង្ស័យ ​២៥​នាក់ពីបទរៀប​ផែន​ការធ្វើ​រដ្ឋប្រហារ​ស្តាំនិយម​ជ្រុល​

លោក Putin ព្រមាន​ពី​ការកើនឡើង​ហានីភ័យ​នៃ​គ្រោះថ្នាក់​នុយក្លេអ៊ែរ ប៉ុន្តែ​រុស្ស៊ី​មិន​ល្ងង់​ប្រើ​មុន​ឡើយ​

ទីអារាមសម្រាប់ប្រជាពលរដ្ឋតំបន់អភិវឌ្ឍន៍រុនតាឯកធ្វើបុណ្យទាន ចាប់ផ្តើមសាងសង់ហើយ

ADB ផ្តល់ជំនួយថ្មីសំខាន់ដល់វិស័យជលផលសមុទ្ររបស់កម្ពុជា

យោធា​អាមេរិក​នឹង​បង្កើន​វត្តមាន​កងកម្លាំង​ទម្លាក់​គ្រាប់បែក​ប្តូរ​វេន​នៅ​អូស្ត្រាលី​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

គណៈកម្មការសហភាពអឺរ៉ុបស្នើកញ្ចប់ទណ្ឌកម្មទី៩ ដាក់លើរុស្ស៊ី

លោក Putin និយាយថា រុស្សីអាចនឹងប្រយុទ្ធនៅអ៊ុយក្រែនរយៈពេលយូរទៀត

អាល្លឺម៉ង់ចាប់ខ្លួនជនសង្ស័យ ២៥នាក់ពីបទរៀបផែនការធ្វើរដ្ឋប្រហារស្តាំនិយមជ្រុល

លោក Putin ព្រមានពីការកើនឡើងហានីភ័យនៃគ្រោះថ្នាក់នុយក្លេអ៊ែរ ប៉ុន្តែរុស្ស៊ីមិនល្ងង់ប្រើមុនឡើយ

យោធាអាមេរិកនឹងបង្កើនវត្តមានកងកម្លាំងទម្លាក់គ្រាប់បែកប្តូរវេននៅអូស្ត្រាលី