កម្ពុជា-សិង្ហបុរី បន្ដពង្រឹងទំនាក់ទំនង និងកិច្ចសហប្រតិបត្តិការទ្វេភាគីឱ្យកាន់តែរឹងមាំ​ និង​ ស៊ីជម្រៅ​
កម្ពុជា-អូស្ត្រាលី ប្ដេជ្ញាពង្រឹងកិច្ចសហប្រតិបត្តិការដែលមានស្រាប់ និងស្វែងរកកាលានុវត្តភាពថ្មីៗបន្ថែមទៀត
សម្ដេចតេជោ៖ កម្ពុជានឹងនិយាយលើវេទិកាអន្តរជាតិកាន់តែខ្លាំងជាងមុនថែមទៀត បើថៃមិនអនុវត្តកិច្ចព្រមព្រៀង
សម្តេចធិបតី ហ៊ុន ម៉ាណែត ជួបពិភាក្សាការងារទ្វេភាគី ជាមួយ ឯកឧត្តមនាយករដ្ឋមន្ត្រីសិង្ហបុរី នៅហ្វីលីពីន

ព័ត៌មានសំខាន់ៗ

សម្តេចតេជោ ហ៊ុន សែន អញ្ជើញទទួលពានរង្វាន់សមិទ្ធផលពេញមួយជីវិតរបស់មេដឹកនាំឆ្នើម

2022/12/19 02:55:35 pm        826
ភ្នំពេញ៖ នៅព្រឹកថ្ងៃទី១៩ ខែធ្នូ ឆ្នាំ២០២២នេះសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញទទួលពានរង្វាន់ «សមិទ្ធផលពេញមួយជីវិតរបស់មេដឹកនាំឆ្នើម» ដែលពិធីប្រគល់ និងទទួលពានរង្វាន់សមិទ្ធផលពេញមួយជីវិតរបស់មេដឹកនាំឆ្នើមនេះ នៅវិមានសន្តិភាព។ពានរង្វាន់សមិទ្ធផលពេញមួយជីវិតរបស់មេដឹកនាំឆ្នើម ត្រូវបានប្រគល់ជូនដោយវិទ្យាស្ថានយុទ្ធសាស្ត្រសម្រាប់តំបន់អាស៊ី-ប៉ាស៊ីហ្វិក (KSI)។ វិទ្យាស្ថាន KSI មានមូលដ្ឋាននៅក្នុងប្រទេសម៉ាឡេស៊ី។ វិទ្យាស្ថាននេះ គឺជាស្ថាប័នឯករាជ្យ មិនរកប្រាក់ចំណេញ និងជាស្ថាប័នតភ្ជាប់រវាងរដ្ឋាភិបាល ធុរកិច្ច និងសង្គមស៊ីវិល ដើម្បីប្រែក្លាយគំនិតផ្តួចផ្តើមនានា ឱ្យទៅជាផលសម្រេចដែលមានឥទ្ធិពល។ គោលដៅចម្បងរបស់វិទ្យាស្ថាន គឺការកសាងប្រទេសឱ្យកាន់តែប្រសើរឡើងនៅទូទាំងតំបន់អាស៊ីប៉ាស៊ីហ្វិក។ វិទ្យាស្ថាន KSI ជាអ្នកចាត់ចែងរៀបចំឈានមុខនៃសន្និសីទ និងវេទិកាដែលមានឥទ្ធិពល និងប្រកបដោយនវានុវត្តន៍ ដោយមានការចូលរួមពីសំណាក់អ្នករៀបចំគោលនយោបាយ ប្រធានក្រុមធុរកិច្ច និងអ្នកដឹកនាំអង្គការក្រៅរដ្ឋាភិបាលជាង ៣ពាន់នាក់ តាមរយៈព្រឹត្តិការណ៍កម្រិតខ្ពស់ជាង៦០ចាប់តាំងពីចុងឆ្នាំ២០១៨មក។ បច្ចុប្បន្ន KSI គឺជាលេខាធិការសម្រាប់ក្លឹបសេដ្ឋកិច្ចដ៏ល្បីល្បាញនៃទីក្រុងគូឡាឡាំពូ ក្លឹបសេដ្ឋកិច្ចអាស៊ាន (AEC) និងវេទិកាសន្ទនា Rakyat។វិទ្យាស្ថានតែងធ្វើការវាយតម្លៃ និងផ្តល់នូវពានរង្វាន់ក្នុងភាពជា អ្នកដឹកនាំ ដល់មេដឹកនាំប្រទេស អ្នកជំនួញ និងអង្គការសង្គមស៊ីវិលលើសមិទ្ធផលការងាររបស់ពួកគេ។ ការសម្រេចផ្តល់ពានរង្វាន់ «សមិទ្ធផលពេញមួយជីវិតរបស់មេដឹកនាំឆ្នើម» ជូនសម្តេចតេជោនាយករដ្ឋមន្ត្រីកម្ពុជា បានធ្វើឡើងបន្ទាប់ពីវិទ្យាស្ថាន បានសិក្សា និងវាយតម្លៃយ៉ាងល្អិតល្អន់ ទៅលើលក្ខណៈសម្បត្តិនៃការដឹកនាំ និងសមិទ្ធផលទាំងឡាយ ដែលកើតចេញពីការដឹកនាំរបស់សម្តេចតេជោ ហ៊ុន សែន។វិទ្យាស្ថាន បានកត់សម្គាល់ពីភាពប៉ិនប្រសព្វ ឈ្លាសវៃ និងពោរពេញដោយឆន្ទៈមនសិការ ភក្តីភាពយ៉ាងមុតមាំចំពោះជាតិ និងប្រជាជន ហើយបានធ្វើពលីកម្មដោយមិនចេះនឿយហត់ ដើម្បីនាំមកនូវសុខសន្តិភាព ភាពក្សេមក្សាន្ត វឌ្ឍនភាព ភាពរីកចម្រើន និងវិបុលភាពសម្រាប់ជាតិ និងប្រជាជាតិកម្ពុជា។វិទ្យាស្ថាន ក៏បានកត់សម្គាល់ពីភាពដឹកនាំរបស់សម្តេចេជោ ក្នុងការយកឈ្នះលើវិបត្តិជំងឺកូវីដ១៩ រក្សាបានអាយុជីវិតប្រជាពលរដ្ឋ និងនាំប្រទេសងើបចេញពីវិបត្តិសេដ្ឋកិច្ចបណ្តាលមកពីការរាតត្បាតជំងឺកូវីដ១៩ បានយ៉ាងឆាប់រហ័ស។ បន្ថែមពីលើភាពជោគជ័យដ៏ត្រចះត្រចង់មួយទៀត ដែលវិទ្យាស្ថានបានកត់សម្គាល់ដែរនោះ គឺភាពជាប្រធានអាស៊ាន របស់សម្តេចតេជោនៅក្នុងឆ្នាំ២០២២ ធ្វើឱ្យអាស៊ានក្លាយទៅជាវេទិកាប្រកបដោយសក្តានុពល ក្នុងការជជែកដើម្បីដោះស្រាយវិបត្តិនានារបស់ពិភពលោក បើទោះបីបញ្ហាមានច្រើន និងក្តៅៗមិនធ្លាប់មានក្នុងប្រវត្តិសាស្ត្ររបស់អាស៊ានយ៉ាងណាក្តី៕

អង្គការ​សហប្រជាជាតិ​សង្ឃឹមលើ​ការ​ទម្លាយ​ភាពទាល់ច្រក​នៃ​ការនាំចេញ​ជី​របស់​រុស្ស៊ី​

2022/12/16 10:18:57 pm        126
​UN៖ មន្ត្រី​ជាន់ខ្ពស់​របស់​អង្គការសហប្រជាជាតិ​បាន​បង្ហាញ​សុទិដ្ឋិនិយម​ថា នឹង​មាន​ការ​ទម្លាយ​ភាព​ទាល់ច្រក​ក្នុង​ការចរចា​ ដើម្បី​សម្រួល​ដល់​ការនាំចេញ​ផលិតផល​ជី​របស់​ប្រទេស​រុស្ស៊ី​។​កិច្ចព្រមព្រៀង​សម្រាប់​ការបន្ត​កិច្ចព្រមព្រៀង​នាំចេញ​គ្រាប់​ធញ្ញជាតិ​នៅ​សមុទ្រ​ខ្មៅ ត្រូវបាន​ព្រម​ព្រៀង​ក្នុង​ខែវិច្ឆិកា ទោះបីជា​រុស្ស៊ី​បាន​ត្អូញត្អែរ​ពី​ការ​ព្រួយបារម្ភ​របស់ខ្លួន ​អំពី​ការនាំចេញ​ផលិត​ផល​ជី​ពុំ​ទាន់​ត្រូវ​បាន​ដោះស្រាយ​ក៏ដោយ​។​ អគ្គលេខាធិការ​នៃ​សន្និសីទ​អង្គការ​សហប្រជាជាតិ​ស្តីពី​ពាណិជ្ជកម្ម និង​ការអភិវឌ្ឍន៍ លោកស្រី Rebeca Grynspan ដែល​ទទួលបន្ទុក​ផ្នែក​ជី​ក្នុង​កិច្ចព្រមព្រៀង​នេះ​បាន​និយាយថា លោកស្រី​បាន​ផ្តោតលើ​ការ​ជម្នះ​លើ​ឧបសគ្គដែល​នៅ សល់​ចាប់​តាំង​ពី​ការ​បន្ត​ថ្មី​។​ លោកស្រី​និយាយ​នៅ​ក្នុង​ទីក្រុង​ហ្សឺ​ណែវ ប្រទេស​ស្វី​ស​ថា លោកស្រី​មាន​សុទិដ្ឋិនិយម​យ៉ាង​ប្រុង​ប្រយ័ត្ន​ថា យើង​អាចមាន​ភាព​រីកចម្រើន​ដ៏​សំខាន់​ក្នុងពេល​ឆាប់ៗ​នេះ​។​អ្នកតំណាង​ប្រទេស​រុស្ស៊ី និង​អ៊ុយ​ក្រែ​ន​កាលពី​ពេលមុន​បាន​ពិភាក្សា​គ្នា ដែល​អនុញ្ញាត​ឱ្យ​រុស្ស៊ី​បន្ត​ការ​នាំចេញ​សារធាតុ​អា​ម៉ូ​ញាក់​ប្រើប្រាស់​សម្រាប់​ផលិត​ជី ​ជា​ថ្នូរ​នឹង​ការដោះដូរ​ឈ្លើយសឹក​ដែល​នឹង​ដោះ​លែង​ឈ្លើយសឹក​អ៊ុយ​ក្រែ​ន និង​រុស្ស៊ី​ក្នុង​ចំនួន​ដ៏​ច្រើន​។​ ប្រធាន​គណៈកម្មាធិការ​កាកបាទ​ក្រហម​អន្តរជាតិ (ICRC) បាន​និយាយ​កាលពី​ថ្ងៃ​ពុធ​ថា កិច្ចព្រមព្រៀង​ដោះដូរ​ឈ្លើយសឹក​សង្គ្រាម​ដ៏​សំខាន់​ គឺជា​លទ្ធភាព​អាច​កើតមានឡើង​បាន​ក្នុង​ជម្លោះ​អ៊ុយ​ក្រែ​ន​-​រុស្ស៊ី​៕អត្ថបទ៖ ប៊ុនថន

លោក Biden ប្រកាស​ការគាំទ្រ​សហរដ្ឋអាមេរិក​ចំពោះ​សហភាព​អាហ្វ្រិក​ចូល​ជា​សមាជិក ​G20

2022/12/16 09:41:23 pm        932
​អាមេរិក៖ ប្រធានាធិបតី​សហរដ្ឋអាមេរិកលោក Joe Biden កាល​ថ្ងៃ​ព្រហស្បតិ៍បានប្រកាសថា លោក​នឹង​គាំទ្រ​សហ​ភាព​អាហ្វ្រិកចូលរួម​ជា​សមាជិក​អចិន្ត្រៃយ៍ជាមួយ​ក្រុម​ប្រទេស​សេដ្ឋកិច្ច​ធំៗ G20 ជា​ផ្នែក​នៃ​កិច្ចខិតខំ​ប្រឹងប្រែង​រប​ស់​ទីក្រុង​វ៉ាស៊ីនតោន ក្នុងការ​ពង្រឹង​ទំនាក់ទំនង​ឡើងវិញ​ជាមួយ​តំបន់​នេះ​។ លោក Biden ដែល​ថ្លែង​នៅក្នុង​ព្រឹត្តិការណ៍​កិច្ចប្រជុំ​កំពូល​មេដឹកនាំ​អាមេរិក​-​អាហ្វ្រិកបាន​និយាយថា សហរដ្ឋ​អាមេរិក​កំពុង​សម្លឹង​រកមើល​ការបង្កើន​កិច្ចសហប្រតិបត្តិការ​លើ​គ្រប់​វិស័យ​។​ លោក Biden បាន​និយាយថា ទ្វីបអាហ្វ្រិក​មាន​កៅអី​នៅ​គ្រប់​បន្ទប់ ជា​កន្លែង​ដែល​បញ្ហា​ប្រឈម​ជាសកល​កំពុង​ត្រូវបាន​ពិភាក្សា និង​នៅ​គ្រប់​ស្ថាប័ន​ដែល​ការពិភា​ក្សា​​កំពុង​ប្រព្រឹត្តទៅ​។ បច្ចុប្បន្នប្រទេស​អាហ្វ្រិក​ខាងត្បូង​គឺជា​សមាជិក G20 តែមួយគត់​មកពី​ទ្វីបអាហ្វ្រិក ដែល​សហ​ភាព​អាហ្វ្រិក​មាន​សមាជិករ​ហូ​តដល់ ​៥៥​ប្រទេស។ មេដឹកនាំ​ទ្វីបអាហ្វ្រិក​មកពី​សហភាព​អាហ្វ្រិក និង​ប្រទេស​ចំនួន ៤៩ បាន​ជួប​ប្រជុំគ្នា​ក្នុង​សប្តាហ៍​នេះ​នៅ​ទីក្រុង​វ៉ាស៊ីនតោន សម្រាប់​កិច្ចប្រជុំ​កំពូល​រយៈពេល​ ៣​ថ្ងៃ​ដែល​បាន​ចាប់ផ្តើម​កាលពី​ថ្ងៃ​អង្គារ​ ដោយ​ផ្តោតលើ​បម្រែបម្រួល​អាកាសធាតុ សន្តិសុខ​ស្បៀង ភាពជា​ដៃគូ​ពាណិជ្ជកម្ម និង​បញ្ហា​ផ្សេងៗ​ទៀត​។​​ការ​​លើកឡើង​របស់លោក Biden និង​កិច្ចប្រជុំ​កំពូល​នេះមាន​គោលបំណង​ដាក់​សហរដ្ឋ​អាមេរិក​ជា​ដៃគូ​ សម្រាប់​បណ្តា​ប្រទេស​នៅ​អាហ្វ្រិក​ក្នុងពេល​មានការ​ប្រកួតប្រជែង​ជាមួយ​ប្រទេស​ចិន ដែល​បាន​ព្យាយាម​ពង្រីក​ឥទ្ធិពល​របស់ខ្លួន​។ ពាណិជ្ជកម្ម​ចិន​ជាមួយ​ទ្វីបអាហ្វ្រិក​មាន​ទំហំ​ប្រហែល​ ៤​ដង​នៃ​ទំហំ​ពាណិជ្ជកម្ម​ជាមួយ​សហរដ្ឋអាមេរិក ហើយ​ទីក្រុង​ប៉េកាំង​បានក្លាយ​ជា​អ្នកផ្តល់​ប្រាក់​ដ៏​សំខាន់​ដោយបាន​ផ្តល់​ប្រាក់កម្ចី​មានតម្លៃ​ទាប​ជាង៕អត្ថបទ៖ ប៊ុនថន

គ្មាន​បទ​ឈប់​បាញ់​នោះ​ទេ ក្នុងពេល​មានការ​បាញ់​ផ្លោង​នៅ​អ៊ុយ​ក្រែ​ន​ដែល​គ្រប់គ្រង​ដោយ​រុស្ស៊ី​

2022/12/16 09:24:49 pm        683
​រុស្ស៊ី៖ យោងតាម​មន្ត្រី​ដែល​ត្រូវបាន​លើក​បន្តុប​ដោយ​ទីក្រុង​មូ​ស្គូ​បាន​និយាយថា កងកម្លាំង​អ៊ុយ​ក្រែ​ន​បានចាប់ផ្តើម​ការវាយលុក​ដោយ​ការបាញ់​ផ្លោង​យ៉ាងខ្លាំងបំផុត ​នៅ​ភាគ​ខាងកើត​ប្រទេស​អ៊ុយ​ក្រែ​ន​ដែល​បាន​ចូល​គ្រប់គ្រង​ដោយ​រុស្ស៊ី​។ ​​ការវាយប្រហារ​បានកើត​ឡើង ខណៈ​ភាគី​ទាំងសងខាង​បាន​ច្រានចោល​បទ​ឈប់​បាញ់​នៅ​ថ្ងៃបុណ្យ Christmas ក្នុង​សង្គ្រាម​ដែល​បានអូសបន្លាយ​ជិត​ ១០​ខែ​។ អភិបាលក្រុង Donetsk ដែល​គាំទ្រ​ដោយរុស្ស៊ី​បាន​និយាយថា គ្រាប់​រ៉ុក្កែត​របស់​អ៊ុយ​ក្រែ​ន​ចំនួន ៤០​គ្រាប់ត្រូវបាន​បាញ់​ចេញពី​រ៉ុក្កែត Grad កាលពី​ពេលព្រឹក​ព្រលឹម​។​ កងកម្លាំង​រុស្ស៊ីក៏បាន​បន្ត​ការបាញ់​ផ្លោង និង​ការវាយ​ប្រហារ​តាម​អាកាស​នៅតាម​ខ្សែបន្ទាត់​ព្រំដែន​ភាគ​ខាងកើត​។ ការប្រយុទ្ធ​គ្នា​នៅតែ​បន្ត​ផ្ទុះឡើង​យ៉ាងខ្លាំង​នៅ​ភាគ​ខាងកើត និង​ភាគខាងត្បូង​របស់​អ៊ុយ​ក្រែ​ន​។ កង​ទ័ព​អ៊ុយ​ក្រែ​ន បាន​និយាយថា រុស្ស៊ី​កំពុង​ធ្វើ​ឲ្យ​កាន់តែ​ជ្រៅ​ក្នុង​សង្គ្រាម​ដ៏​យូរ និង​នៅតែ​ចង់​ដណ្តើម​យក​ប្រទេស​ទាំងមូល​។​ វិមាន​ក្រឹម​ឡាំង​ដឹងថា វា​ពុំ​អាចទៅរួច​នោះទេ​ក្នុងការ​សម្រេចបាន​ជ័យជម្នះ​ក្នុង​សង្គ្រាម ដូច្នេះហើយ​កំពុង​ស្វែងរក​ការ​បង្វែរ​ជម្លោះ​ ទៅជា​ការប្រឈមមុខ​ដាក់​គ្នា​ដោយ​ប្រដាប់​អាវុធ​ដែល​អូសបន្លាយ​ពេល សំដៅ​ដល់​ភាព​ហត់នឿយ​របស់​អ៊ុយ​ក្រែ​ន និង​ដៃគូ​៕អត្ថបទ៖ ប៊ុនថន

លោក Putin និយាយថា រុស្ស៊ី​នឹង​ប្រឆាំង​ទណ្ឌកម្ម​ដោយ​ការផ្លាស់ប្តូរ​លំហូរ​ពាណិជ្ជ​កម្ម និង​ថាមពល​

2022/12/16 07:25:05 pm        630
​រុស្ស៊ី៖ ប្រធានាធិបតី​រុស្ស៊ី​លោក Vladimir Putin បាន​និយាយ​កាលពី​ថ្ងៃ​ព្រហស្បតិ៍​ថា រុស្ស៊ី​នឹង​ពង្រីក​កិច្ចសហប្រតិបត្តិការ​ពាណិជ្ជកម្ម​ជាមួយ​ដៃគូ​ថ្មីៗ រួមទាំង​ការបង្កើន​ការនាំចេញ​ឧស្ម័ន​យ៉ាងច្រើន​ទៅកាន់​ប្រទេស​ចិន ដើម្បី​ទប់ទល់​ទណ្ឌកម្ម​របស់​ប្រទេស​លោកខាងលិច​។ នៅពេលដែល​ការចំណាយ​លើ​អ្វីដែល​ទីក្រុង​មូ​ស្គូ​ចាត់ទុកថា​ជា «​ប្រតិបត្តិការ​សឹក​ពិសេស​» របស់ខ្លួន​នៅក្នុង​ប្រទេស​អ៊ុយ​ក្រែ​ន ដែល​កំពុងតែ​ប្រមូលយក​មូលនិធិ​សម្រាប់​ផ្នែក​សុខភាព និង​ការសិក្សាអប់រំ លោក​Putin បាន​សន្យា​ទៅកាន់​ប្រជាជន​រុស្ស៊ី​នៅក្នុង​សុន្ទរកថា​តាម​ទូរទស្សន៍​ស្តីពី​សេដ្ឋកិច្ច​ថា ប្រាក់​សោធន​និវត្តន៍ និង​ប្រាក់​ឈ្នួល​អប្បបរមា​នឹង​បន្ត​តំឡើង​។ លោក​និយាយថា រុស្ស៊ី​នឹង​អភិវឌ្ឍ​ទំនាក់ទំនង​សេដ្ឋកិច្ច​របស់ខ្លួន​ជាមួយ​ដៃគូ​នៅ​អាស៊ី អាហ្វ្រិក និង​អាមេរិក​ឡាទីន ដើម្បី​ផ្គើន​ទៅនឹង​កិច្ចខិតខំ​ប្រឹងប្រែង​រប​ស់​ប្រទេស​លោកខាងលិច​ ក្នុង​ការដាក់​រុស្ស៊ី​ឲ្យ​នៅឯ​កោ​ផ្នែក​សេដ្ឋកិច្ច​។​ ​លោក​និយាយថា យើង​នឹង​ដក​ការ​រឹតត្បិត​លើ​ផ្នែក​ភស្តុភារ និង​ហិរញ្ញវត្ថុ ហើយ​លោក​បាន​រំលឹក​ឡើង​ថា តាមរយៈ​ការដាក់ទណ្ឌកម្ម បណ្តា​ប្រទេស​លោកខាងលិច​កំពុង​ព្យាយាម​រុញច្រាន​ប្រទេស​រុស្ស៊ី​ ទៅ​ក្រៅ​ការអភិវឌ្ឍន៍ពិភពលោក​។ ការលក់​ថាមពល​រប​ស់​រុស្ស៊ី​ទៅ​ឲ្យ​សហភាព​អឺរ៉ុបបាន​ធ្លាក់ចុះ​យ៉ាងខ្លាំង​ ចាប់តាំងពី​ការចាប់ផ្តើមប្រតិបត្តិការ​សឹក​របស់ខ្លួន​ក្នុងប្រទេស​អ៊ុយ​ក្រែ​ន ខណៈ​សហភាព​អឺរ៉ុប​បាន​កាត់​ការពឹង​ផ្អែកលើ​ទីក្រុង​មូ​ស្គូ និង​បិទ​បំពង់​បង្ហូរ​ឧស្ម័ន​របស់​រុស្ស៊ី​នៅក្រោម​សមុទ្រ​បាល់​ទិ​ក​។​ ​លោក Putin និយាយថា សេដ្ឋកិច្ច​របស់​រុស្ស៊ី​ត្រូវបាន​គេ​រំពឹងថា​នឹង​ធ្លាក់ចុះ ២.៥% នៅ​ឆ្នាំ២០២២ ដោយ​ទទួលស្គាល់​ការលំបាក​មួយចំនួន ប៉ុន្តែ​និយាយ​ឡើងវិញ​នូវ​ការធ្លាក់ចុះ​ដូចគ្នា​ ដែលសេដ្ឋកិច្ច​ប្រទេស​លោកខាងលិច​បានទទួល​ឥទ្ធិពល​ក្នុង​ទម្រង់​នៃ​ការកើនឡើង​អតិផរណា​ បណ្តាលមកពី​ការដាក់ទណ្ឌកម្ម​ផ្ទាល់ខ្លួន​របស់​ពួកគេ​។ ដោយ​មិនមាន​ការបញ្ចប់​ចំពោះ​ជម្លោះ​រុស្ស៊ី​នៅ​អ៊ុយ​ក្រែ​ន ទីក្រុង​មូ​ស្គូ​បានបញ្ជាក់​ពី​ផែនការ​ចំណាយ​ជិត​មួយ​ភាគបី​នៃ​ថវិកា​ឆ្នាំក្រោយ​លើ​វិស័យ​ការពារជាតិ និង​សន្តិសុខ​ក្នុងប្រទេស ខណៈ​កាត់​ថវិកា​សម្រាប់​សាលារៀន មន្ទីរពេទ្យ និង​ផ្លូវថ្នល់៕អត្ថបទ៖ ប៊ុនថន

UPDATE៖ មនុស្ស​ជាង ​១០​នាក់​ស្លាប់ និង ៥១​នាក់​នៅ​បាត់​ខ្លួន បន្ទាប់ពី​បំណាក់​ដី​នៅ​ម៉ាឡេស៊ី​

2022/12/16 06:46:03 pm        491
​​ម៉ាឡេស៊ី៖ ទីភ្នាក់ងារ​គ្រប់គ្រង​គ្រោះ​មហន្តរាយ​ជាតិ​របស់​ម៉ាឡេស៊ី​បាន​និយាយ​ថា មនុស្ស​ជាង​ ១០​នាក់​បាន​ស្លាប់ និង​ជាង ​៥០​នាក់​នៅ​បាត់​ខ្លួន បន្ទាប់ពី​បំណាក់​ដី​បាន​វាយប្រហារ​ទីតាំង​បោះ​ជំរំ​ក្បែរ​តំបន់ Genting Highlands ក្នុង​រដ្ឋ Selangor នៅ​ជាយ​រដ្ឋធានី​គូ​ឡា​ឡំ​ពួរនៅ​ព្រឹក​ថ្ងៃ​សុក្រ​នេះ ហើយ​កិច្ច​ខិតខំ​ប្រឹងប្រែង​ស្វែងរក​កំពុង​បន្ត​។ ​នាយកដ្ឋាន​ពន្លត់​អគ្គិភ័យ​របស់​ម៉ាឡេស៊ី​បាន​និយាយ​ថា​ មនុស្ស​សរុប​ ៧៩​នាក់​បាន​ជាប់​នៅ​ក្នុង​បំណាក់​ដី​ដែល​បាន​កើតឡើង​នៅ​ទីតាំង​បោះជំរំ។ ទីភ្នាក់ងារសារព័ត៌មាន Bernama បាន​រាយការណ៍​ថា កុមារ​ម្នាក់​ស្ថិត​ក្នុងចំណោម​អ្នក​ស្លាប់​។​ នាយក​នាយកដ្ឋាន​ពន្លត់​អគ្គិភ័យ និង​ជួយ​សង្គ្រោះ​រដ្ឋ Selangor លោក Norazam Khamis បាន​និយាយ​ថា ក្រុម​អ្នក​ពន្លត់​អគ្គិភ័យ​បាន​ចាប់ផ្តើម​មកដល់​កន្លែង​កើត​ហេតុ​នៅ​ម៉ោង​ប្រហែល ៣​ទៀបភ្លឺ បន្ទាប់ពី​បាន​ទទួល​ការ​ហៅ​ទូរស័ព្ទ​។ លោក​បាន​និយាយ​ថា បេសកកម្ម​ស្វែងរក និង​ជួយសង្គ្រោះ​ជនរងគ្រោះ​កំពុង​ត្រូវ​បាន​អនុវត្ត​ដោយ​ក្រុម​សង្គ្រោះ និង​ប្រតិបត្តិការ​យុទ្ធសាស្ត្រ​ពិសេសរបស់​ប្រទេស​ម៉ាឡេស៊ី​។ នាយករដ្ឋមន្ត្រី​ម៉ាឡេស៊ីលោក Anwar Ibrahim និយាយ​ថា​ លោក​មានការ​តក់ស្លុត​អំពី​ឧប្បត្តិ​ហេតុនេះ​។ លោក​បាន​ស្នើ​ឲ្យ​ប្រតិបត្តិ​ការស្វែងរក​ និង​ជួយសង្គ្រោះ​ធ្វើឡើង​ដោយ​ប្រុងប្រយ័ត្ន ​និង​តាម​វិធិ​សាស្ត្រ​ជា​ប្រព័ន្ធធ្វើឡើង​ដោយ​ស្ថាប័ន​រដ្ឋាភិបាល​៕អត្ថបទ៖ ប៊ុនថន

ប្រមុខ​សិទ្ធិមនុស្ស​អង្គការសហប្រជាជាតិ​ព្រមាន​ពី​ស្ថានភាព​ធ្ងន់ធ្ងរ​នៅ​អ៊ុយ​ក្រែ​ន បើ​ការវាយប្រហារ​នៅតែ​បន្ត

2022/12/16 06:23:06 pm        472
​UN៖ ឧត្ដមស្នងការ​ទទួល​បន្ទុក​សិទ្ធិមនុស្ស​របស់​អង្គការសហប្រជាជាតិ លោក Volker Turk បាន​និយាយ​កាលពី​ថ្ងៃ​ព្រហស្បតិ៍​ថា ការវាយប្រហារ​នានា​លើ​ហេដ្ឋារចនាសម្ព័ន្ធ​របស់​អ៊ុយ​ក្រែ​ន អាច​រុញ​ឲ្យ​ធ្លាក់​ក្នុងស្ថានភាព​ធ្ងន់ធ្ងរ​លើ​ស្ថានភាព​មនុស្សធម៌ ​និង​បណ្ដាល​ឲ្យ​មានការ​ជម្លៀស​ចេញពី​ប្រទេស​បន្ថែមទៀត​។ ​ការវាយប្រហារ​របស់​រុស្ស៊ី​លើ​ហេដ្ឋារចនាសម្ព័ន្ធ​ថាមពល​របស់​អ៊ុយ​ក្រែ​ន បាន​បណ្ដាល​ឲ្យ​មនុស្ស​រាប់លាន​នាក់​គ្មាន​ម៉ាស៊ីនកំដៅ គ្មាន​ទឹកស្អាត ឬអគ្គិសនី ខណៈ​សីតុណ្ហភាព​បាន​ចុះ​ត្រជាក់​ខ្លាំង ​ហើយ​ពេលនេះ​មនុស្ស​ចំនួន ​១៨​លាននាក់​ត្រូវ​រស់នៅ​ពឹង​ផ្អែកលើ​ជំនួយ​មនុស្សធម៌​។ ​ទីក្រុង Moscow និយាយ​ដដែលៗ​ថា ការវាយប្រហារ​នានា​មិនបាន​ដាក់​គោលដៅ​លើ​ជន​ស៊ីវិល​ទេ ហើយ​នេះ​គឺជា​មធ្យោបាយ​ក្នុងការ​កាត់បន្ថយ​សម​ត្ថ​ភាព​ប្រយុទ្ធ​របស់​អ៊ុយ​ក្រែ​ន និង​ជំរុញ​ឲ្យ​ចូល​តុ​ចរចា។ ​ចំណែក​ទីក្រុង Kyiv វិញ​និយាយថា ការវាយប្រហារ​ទាំងនោះ​គឺជា​ឧក្រិដ្ឋកម្ម​សង្គ្រាម​។ ក្រុម​ឃ្លាំមើល​សិទ្ធិមនុស្ស​ក្នុងស្រុកបាន​អះអាងថា ជន​ស៊ីវិល​ជាង​ ៤.៥០០​នាក់​បាន​ស្លាប់ និង​ប្រមាណ​ ៤.០០០​នាក់រងរបួស​ចាប់តាំងពី​ពាក់កណ្ដាល​ខែកុម្ភៈ​មក​៕អត្ថបទ៖ សុខមាន

លោក Putin ចោទប្រកាន់​សហភាព​អឺរ៉ុប​ថា លះបង់​គ្រប់យ៉ាង​សម្រាប់​តែ​ផ្គាប់ចិត្ត​ចៅហ្វាយនាយ​អាមេរិក​

2022/12/16 05:36:43 pm        529
​រុស្ស៊ី៖ លោក​ប្រធានាធិបតី​រុស្ស៊ី Vladimir Putin បាន​និយាយ​កាលពី​ថ្ងៃ​ព្រហស្បតិ៍​ថា បញ្ហា​សេដ្ឋកិច្ច​នា​ពេល​បច្ចុប្បន្ន​នៅ​ក្នុង​សហភាព​អឺរ៉ុប និង​ឥរិយាបទ​អមិត្ត ដែល​ត្រូវ​បានបង្ហាញ​ដោយ​សហរដ្ឋ​អាមេរិក​ចំពោះ​សហភាព​អឺរ៉ុប គឺជា​ផលវិបាក​ដោយផ្ទាល់​នៃ​ភាព​កម្សោយ​បង្ហាញ​ចេញដោយ​ក្រុម​មេដឹកនាំ​សហភាព​អឺរ៉ុប​។ ​លោក Putin បាន​និយាយថា សព្វថ្ងៃនេះ​ដៃគូ​សំខាន់​របស់​សហភាព​អឺរ៉ុប​គឺ​សហរដ្ឋអាមេរិក កំពុង​បន្ត​គោលនយោបាយ​ដែល​ដឹកនាំ​ដោយ​ផ្ទាល់​ទៅ​រក​ការរំសាយ​ឧស្សាហកម្ម​របស់​អឺរ៉ុប​។​ ពួកគេ​ថែម​ទាំង​ព្យាយាម​ត្អូញត្អែរ​អំពី​រឿង​នោះ​ ទៅកាន់​ចៅហ្វាយនាយ​អាមេរិក​របស់​គេ​ទៀតផង​។ ពេលខ្លះ​សូម្បីតែ​មានការ​អាក់​អន់​ចិត្ត​ពួកគេ​សួរ​ថា ហេតុអ្វី​បានជា​អ្នកធ្វើ​បែបនេះ​ដាក់​ពួក​យើង​? ខ្ញុំ​ចង់​សួរ​ថា តើ​អ្នក​រំពឹង​ចង់បាន​អី​? តើ​មាន​អ្វី​កើតឡើង​ចំពោះ​អ្នក​ដែល​អនុញ្ញាត​ឲ្យ​ជូត​ជើង​ពួកគេ​?។​កាលពី​ដើមខែ​នេះ ប្រធាន​គណៈកម្មការ​អឺរ៉ុប​លោកស្រី Ursula von der Leyen បានលើកឡើង​ពី​ក្ដីបារម្ភលើ​គោលនយោបាយ​សេដ្ឋកិច្ច​របស់​សហរដ្ឋ​អាមេរិក ដោយ​ជំរុញ​ឲ្យ​សហភាព​អឺរ៉ុបចាត់វិធានការ ប្រសិនបើ​ខ្លួន​ចង់​អាច​ប្រកួតប្រជែង​ជាមួយ​ឧស្សាហកម្ម​បៃតង​ដែល​ឧបត្ថម្ភ​ធន​ដោយ​រដ្ឋាភិបាល​សហរដ្ឋ​អាមេរិក​។ លោក Putin បាន​គូសបញ្ជាក់ថា វិបត្តិ​សេដ្ឋកិច្ច​នៅក្នុង​សហភាព​អឺរ៉ុប​បណ្ដាលមកពី​ស្នាដៃ​ខ្លួនឯង ព្រោះតែ​ដាក់​គោលដៅ​លើ​រុស្ស៊ី ដោយ​ការដាក់ទណ្ឌកម្ម​យ៉ាង​សន្ធឹកសន្ធាប់​ជុំវិញ​ជម្លោះ​អ៊ុយ​ក្រែ​ន​៕អត្ថបទ៖ សុខមាន

អាកាសធាតុនៅកម្ពុជាអាចចុះត្រជាក់ខ្លាំងនៅតំបន់ភ្នំ និងខ្ពង់រាបភាគឦសាន ពីថ្ងៃទី១៨-២០ ខែធ្នូ

2022/12/16 05:29:16 pm        445
ភ្នំពេញ៖ ក្រសួងធនធានទឹក និងឧតុនិយមប្រកាសថា ពីថ្ងៃទី១៨-២០ ខែធ្នូ ឆ្នាំ២០២២ អាកាសធាតុអាចចុះត្រជាក់ខ្លាំង ជាពិសេសបណ្តាខេត្តនៅតំបន់ភ្នំ និងជាប់ជួរភ្នំដងរែក និងខ្ពង់រាបភាគឦសាននៃប្រទេសកម្ពុជា។

សហភាព​អឺរ៉ុប​បាន​អនុម័ត​កញ្ចប់​ទណ្ឌ​កម្ម​ទី​៩ ប្រឆាំង​នឹង​រុស្ស៊ី​

2022/12/16 05:24:07 pm        464
​អឺរ៉ុប៖ ក្រុម​ឯកអគ្គរដ្ឋទូត​សហភាព​អឺរ៉ុប ​កាលពី​ល្ងាច​ថ្ងៃ​ព្រហស្បតិ៍បាន​អនុម័ត​ទណ្ឌកម្ម​កញ្ចប់​ទី​៩ ​ប្រឆាំង​ប្រទេស​រុស្ស៊ី ខណៈ​ក្រុម​មេដឹកនាំ​ទាំងនោះ​បាន​បើកភ្លើង​ខៀវ​ ផ្ដល់​កញ្ចប់​ជំនួយ​ចំនួន​ ១៨​ពាន់​លាន​អឺរ៉ូ​ដល់​អ៊ុយ​ក្រែ​ន​។ ​កញ្ចប់​ទណ្ឌកម្ម​ថ្មី​នេះ​ត្រូវ​បាន​រៀបចំ​ដោយ​ក្រុម​ឯកអគ្គរដ្ឋទូត នៅ​ខាងក្រៅ​កិច្ចប្រជុំ​កំពូល​មេដឹកនាំ​សហភាព​អឺរ៉ុប​ក្នុង​ទីក្រុង Brussels​។ អត្ថបទ​ចុងក្រោយ​មិនទាន់​ត្រូវ​បាន​បញ្ចេញ​ទេ ខណៈ​រង់ចាំ​ការ​បញ្ជូន និង​អនុម័ត​ជា​ផ្លូវការ​ពី​រដ្ឋាភិបាល​សហភាព​អឺរ៉ុប​ទាំងអស់ ប៉ុន្តែ​គេ​រំពឹងថា​នឹងត្រូវ​ផ្សព្វ​ផ្សាយ​ជា​សាធារណៈ​នៅ​ថ្ងៃ​សុក្រ​នេះ​។ សំណើ​របស់​គណៈកម្មកា​រ​ដែល​បាន​បញ្ចេញ​កាលពី​សប្ដាហ៍​មុន បានគ្រោង​ដាក់​លើ​បុគ្គល​ជនជាតិ​រុស្ស៊ី​ជាង​ ២០០​នាក់ និង​អង្គភាព​បន្ថែមទៀត​ដោយ​ការបង្ក​ទ្រព្យសម្បត្តិ និង​បម្រាម​ធ្វើដំណើរ​។ អ្នក​ទាំងនោះ​រួមមានក្រុមមន្ត្រី​រដ្ឋាភិបាល តំណាង​រាស្ត្រ អភិបាល​ប្រចាំ​តំបន់ គណបក្ស​នយោបាយ និង​អង្គភាព​នានា​រួមទាំង​កង​កម្លាំង​ប្រដាប់​អាវុធ​ផង​ដែរ​។ បុគ្គល និង​អង្គភាព​ទាំងនោះ​នឹង​ជាប់​ទណ្ឌកម្ម រួមជាមួយ​បុគ្គល​ចំនួន ១.២៤១​នាក់ និង​អង្គភាព​ ១១៨ ដែល​ត្រូវ​បាន​ជាប់​ក្នុង​បញ្ជីខ្មៅ​រួចទៅហើយ​។ ​កញ្ចប់​ទណ្ឌ​កម្មនេះក៏បាន​ដាក់​គោលដៅ​លើ​ក្រសួង​ឧស្សាហកម្ម​ ការពារជាតិ​រុស្ស៊ី ធនាគារ​របស់​រុស្ស៊ី​បន្ថែមទៀត និង​វិស័យ​រ៉ែ ព្រមទាំង​ការគ្រប់គ្រង​ការនាំចេញ​ដែល​បានគ្រោង​ទុកលើ​ផលិតផល​នានា ដូចជាសារធាតុ​គីមី សារធាតុ​ធ្វើ​ឲ្យ​វង្វេងស្មារតី គ្រឿង​អេឡិចត្រូនិក​ និង​សមាសធាតុ IT ដែល​អាច​ត្រូវបាន​ប្រើប្រាស់​ដោយ​កងកម្លាំងប្រដាប់អាវុធ ព្រមទាំង​សមាសធាតុ​សម្រាប់​យាន​ដ្រូ​ន​ប្រយុទ្ធ​ជាដើម​។​ លោក​ប្រធានាធិបតី Volodymyr Zelenskiy កាលពី​ល្ងាច​ថ្ងៃ​ព្រហស្បតិ៍​ក៏បាន​ជំរុញ​ឲ្យ​បណ្ដា​មេដឹកនាំ​សហភាព​អឺរ៉ុប ​អនុម័ត​ជំនួយ​ដល់​ប្រទេស​របស់លោក​ផងដែរ ខណៈដែល​សង្គ្រាម​បាន​ឈានចូល​ជិត​ ១០​ខែ​៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

កម្ពុជា-សិង្ហបុរី បន្ដពង្រឹងទំនាក់ទំនង និងកិច្ចសហប្រតិបត្តិការទ្វេភាគីឱ្យកាន់តែរឹងមាំ​ និង​ ស៊ីជម្រៅ​
11/17/2026 11:11 PM
កម្ពុជា-អូស្ត្រាលី ប្ដេជ្ញាពង្រឹងកិច្ចសហប្រតិបត្តិការដែលមានស្រាប់ និងស្វែងរកកាលានុវត្តភាពថ្មីៗបន្ថែមទៀត
11/17/2026 10:11 PM
សម្ដេចតេជោ ឆ្លើយតប អគ្គលេខាធិការហ្វ្រង់កូហ្វូនី៖ មោទនភាពសម្រាប់កម្ពុជា មានឱកាសរៀបចំនូវកិច្ចប្រជុំកំពូល ដោយជោគជ័យ
11/17/2026 08:11 PM
មន្ទីរពេទ្យព្រះអង្គឌួង ទទួលសម្ភារៈបរិក្ខាចក្ខុរោគសម្រាប់ចែកបន្តដល់មន្ទីរពេទ្យជាសម្ព័ន្ធមេត្រីភាពដើម្បីលើកកម្ពស់គុណភាពថែទាំភ្នែកកាន់តែប្រសើរ
11/17/2026 08:11 PM
កម្ពុជា-សហរដ្ឋអាមេរិក បន្តពង្រឹងភាពជាដៃគូក្នុងការប្រយុទ្ធនឹងជំងឺរបេង ដើម្បីឈានទៅលុបបំបាត់ជំងឺរបេងត្រឹមឆ្នាំ២០៣០
11/17/2026 08:11 PM
សម្ដេចតេជោ ជំរុញឱ្យ កម្ពុជា-ឡាវ បន្តកិច្ចសហប្រតិបត្តិការ ជាពិសេស ធានាព្រំដែនមាន សន្តិភាព ស្ថេរភាព និងសុវត្ថិភាព
11/17/2026 08:11 PM
សម្ដេចតេជោ ឯកភាពឱ្យ កម្ពុជា-ម៉ាឡេស៊ី ពង្រឹងកិច្ចសហប្រតិបត្តិការ វិស័យសេដ្ឋកិច្ច ពាណិជ្ជកម្ម ការវិនិយោគ
11/17/2026 08:11 PM
សម្ដេចតេជោ៖ កម្ពុជានឹងនិយាយលើវេទិកាអន្តរជាតិកាន់តែខ្លាំងជាងមុនថែមទៀត បើថៃមិនអនុវត្តកិច្ចព្រមព្រៀង
11/17/2026 08:11 PM
សម្តេចរដ្ឋសភាធិបតី ឃួន សុដារី៖ ការកសាងសង្គមមួយដែលប្រកបដោយសន្តិភាព ភាពធន់ និងយកប្រជាជនជាស្នូល ទាមទារឱ្យមានការរួមចំណែកពីស្ត្រី
11/17/2026 07:11 PM
អ៊ីរ៉ង់កំណត់គោលដៅលើបារ៉ែន ខណៈភាពតាន​តឹង​​ នៅតំបន់​មជ្ឈិមបូព៌ា ឡើងកម្ដៅ​ជាថ្មី
11/17/2026 07:11 PM