BTV NEWS

កម្ពុជា និងសហរដ្ឋអាម៉េរិក ប្ដេជ្ញាបន្តពង្រឹងកិច្ចសហប្រតិបត្តិការទ្វេភាគី ឱ្យកាន់តែស៊ីជម្រៅ

សម្ដេចធិបតី៖«ការស្វែងរកសន្ដិភាព និងថែរក្សាសន្ដិភាពមិនអាចសុំអ្នកណាក្រៅពីយើងខ្លាំងខ្លួនឯងទេ»

សម្ដេចធិបតី៖កម្ពុជារៀបចំច្បាប់ស្ដីពីកាតព្វកិច្ចយោធាដោយផ្អែកលើភាពចាំបាច់នៃបរិការណ៍ជាក់ស្ដែងថ្មី

សម្ដេចធិបតី៖ការអនុវត្តច្បាប់កាតព្វកិច្ចយោធាបានផ្ដល់អត្ថប្រយោជន៍លើវិស័យការពារជាតិ, ចំពោះយុវជនខ្មែរ និងគ្រួសារ និងសម្រាប់សង្គមជាតិទាំងមូល

ព័ត៌មានសំខាន់ៗ

សម្តេចតេជោ ហ៊ុន សែន អញ្ជើញជួបសន្ទនាកំពូលទ្វេភាគីជាមួយនាយករដ្ឋមន្រ្តីកាណាដា

នៅរសៀលថ្ងៃទី១២ ខែវិច្ឆិកា ឆ្នាំ ២០២២ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានទទួលជួបសន្ទនាកំពូលទ្វេភាគីជាមួយឯកឧត្តមចាស្ទីន ទ្រូដូ(Justin Trudeau) នាយករដ្ឋមន្ត្រី នៃប្រទេសកាណាដា។ ក្នុងជំនួបកំពូលនោះ ឯកឧត្តមចាស្ទីន ទ្រូដូ មានប្រសាសន៍គោរពអំណរគុណជូនចំពោះ សម្ដេចតេជោនាយករដ្ឋមន្រ្តី ចំពោះការទទួល និងអញ្ជើញឯកឧត្តមមកចូលរួមកិច្ចប្រជុំកំពូលអាស៊ាន នៅព្រះរាជាណាចក្រកម្ពុជានាពេលនេះ និងសូមគោរពវាយតម្លៃខ្ពស់ចំពោះវិធានការដែលសម្ដេចតេជោប្រកាន់យកចំពោះការឈ្លានពានរបស់រុស្ស៊ីលើប្រទេសអ៊ុយក្រែន និងវិធានការដើម្បីជួយមីយ៉ាន់ម៉ាឲ្យវិលត្រឡប់មកស្ថានភាពដើមវិញ។ ឯកឧត្តម ទ្រូឌូ បានគូបញ្ជាក់ថា អាស៊ាន និងកាណាដា រួមទាំងប្រទេសកម្ពុជា គឺមានសក្ដានុពលខ្លាំងសម្រាប់កិច្ចសហប្រតិបត្តិការលើវិស័យជាច្រើន ចំពោះទំនាក់ទំនងទ្វេភាគីជាមួយកម្ពុជា ស្ថិតនៅចំណុចកណ្ដាលនៃកិច្ចសហប្រតិបត្តិការរយៈពេលវែង ពិសេសទំនាក់ទំនងលើវិស័យពាណិជ្ជកម្មការទូត អប់រំ ការប្រែប្រួលអាកាសធាតុជាដើម។ សម្ដេចតេជោបានស្វាគមន៍ចំពោះកិច្ចសហប្រតិបត្តិការទាំងក្របខ័ណ្ឌអាស៊ាន ទាំងក្នុងក្របខណ្ឌទ្វេភាគី។ ឆ្លៀតក្នុងឱកាសនោះដែរ សម្ដេចតេជោ បានជម្រាបជូនឯកឧត្តម ទ្រូឌូ អំពីកិច្ចសហប្រតិបត្តិការរវាងកម្ពុជា និងជប៉ុនក្នុងការជួយដល់ប្រទេសអ៊ុយក្រែនលើការដោះមីនផងដែរ៕

ប្រជុំកំពូលនៅកម្ពុជា អាម៉េរិកបានដំឡើងកម្រិតកិច្ចសហប្រតិបត្តិការគ្រប់ជ្រុងជ្រោយជាមួយអាស៊ាន

ភ្នំពេញ ៖ អាស៊ាន-អាម៉េរិក បានដំឡើងកម្រិតកិច្ចសហប្រតិបត្តិការ ទៅជាកិច្ចសហប្រតិបត្តិការគ្រប់ជ្រុងជ្រោយអាស៊ាន-អាម៉េរិកជាមួយគ្នា។ នេះបើតាមឯកឧត្ដម គង់ ភោគ អ្នកនាំពាក្យកិច្ចប្រជុំកំពូលអាស៊ាន និង កិច្ចប្រជុំកំពូលពាក់ព័ន្ធថ្លែងក្នុងសន្និសីទស្ដីពីលទ្ធផលនៃកិច្ចប្រជុំកំពូលអាស៊ាន និងកិច្ចប្រជុំកំពូលពា ក់ព័ន្ធនៅថ្ងៃទី១២ ខែវិច្ឆិកា ឆ្នាំ២០២២។ក្នុងកិច្ចប្រជុំកំពូលរវាងអាស៊ាន និងអាម៉េរិក នៅថ្ងៃទី១២ ខែវិច្ឆិកា ឆ្នាំ២០២២នេះ ប្រធានាធិបតីអាម៉េរិ ក ឯកឧត្ដម ចូ បៃដិន បានបញ្ជាក់បន្ថែមថា កិច្ចប្រជុំកំពូលអាស៊ាន-អាម៉េរិក នៅពេលនេះ ជាការបើកសករាជថ្មី នូវភាពជាដៃគូយុទ្ធសាស្ត្រគ្រប់ជ្រុងជ្រោយរវាងអាស៊ាន និងអាម៉េរិក។ ឯកឧត្ដម ចូ បៃដិន បន្ថែមថា អាម៉េរិកកំពុងរង់ចាំធ្វើការ ដើម្បីសហការជាមួយអាស៊ាន ដើម្បីដោះស្រា យបញ្ហាក្នុងតំបន់ ដែលមានដូចជា វិបត្តិនៅមីយ៉ាន់ម៉ា និងបញ្ហាសមុទ្រចិនខាងត្បូងជាដើម។មានប្រសាសន៍ក្នុងកិច្ចប្រជុំកំពូលរវាងអាស៊ាន និងអាម៉េរិក នៅថ្ងៃនេះដែរ សម្ដេចអគ្គមហាសេនាបតី តេជោ ហ៊ុន សែន នាយករដ្ឋមន្ត្រី និងជាប្រធានអាស៊ាន ក៏បានបញ្ជាក់ដែរថា ថ្នាក់ដឹកនាំអាស៊ានទាំងអស់បានប្ដេជ្ញាចិត្តពង្រឹងទំនាក់ទំនងជាមួយអាម៉េរិក ទៅជាភាពជាដៃគូយុទ្ធសាស្ត្រគ្រប់ជ្រុងជ្រោយអាស៊ាន-អាម៉េរិក។នៅឆ្នាំ២០២៣ ឆ្នាំក្រោយ រដ្ឋបាលឯកឧត្ដមប្រធានាធិបតី នឹងស្នើទឹកប្រាក់ក្នុងទំហំប្រមាណហាសិបលានដុល្លារ សម្រាប់ផ្ដល់ដល់តំបន់អាស៊ាន។ក្នុងកិច្ចប្រជុំកំពូលរវាងអាស៊ាន និងអាម៉េរិក នៅថ្ងៃនេះដែរ ឯកឧត្ដម ចូ បៃដិន ក៏បានថ្លែងអំណរគុណដល់កម្ពុជា ដែលបានធ្វើជាប្រធានសម្របសម្រួលនៃកិច្ចប្រជុំកំពូលអាស៊ាន-អាម៉េរិក នៅពេលនេះ៕ដោយ៖ គង់ ឌិន

សាធារណជនចាប់អារម្មណ៍ខ្លាំងលើរូបភាពចំនួនពីររបស់ ចូ បៃដិន និងសម្តេចតេជោ ហ៊ុន សែន

ភ្នំពេញ ៖ សាធារណជនបានចាប់អារម្មណ៍យ៉ាងខ្លាំងនូវរូបភាពពីរទិដ្ឋភាព។រូបភាពបង្ហាញពីភាពជិតស្និទ្ធ រាក់ទាក់ និងស្នាមញញឹម។ ចំណែករូបភាព១សន្លឹកទៀតក៏ត្រូវបានបង្ហោះចែកចាយយ៉ាងច្រើនដែរនោះគឺ លោកប្រធានាធិបតីអាម៉េរិក ចូ បៃដិន ក្នុងទឹកមុខញញឹមពព្រាយ ថត Selfie ជាមួយមន្ត្រី ក្រុមការងារ និងអ្នកសារព័ត៌មានដែលចូលរួមក្នុងព្រឹត្តិការណ៍កិច្ចប្រជុំកំពូលអាស៊ាននៅកម្ពុជា នាថ្ងៃទី១២ វិច្ឆិកា នេះ។

កិច្ចប្រជុំកំពូលអាស៊ាន-កាណាដា ចាប់ផ្តើមដំណើរការហើយ

ភ្នំពេញ៖ កិច្ចប្រជុំកំពូលអាស៊ាន-កាណាដា ចាប់ផ្តើមដំណើរការ នៅល្ងាចថ្ងៃទី១២ ខែវិច្ឆិកា ឆ្នាំ២០២២នេះ ដឹកនាំដោយសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងជាប្រធានអាស៊ាន, បណ្តាមេដឹកនាំ នៃប្រទេសសមាជិកអាស៊ាន និងឯកឧត្តម ហ្សូសស្តាំង ទ្រុយដូ នាយករដ្ឋមន្រ្តីកាណាដា នៅសណ្ឋាគារសុខាភ្នំពេញ។

បណ្តុំរូបភាពកិច្ចប្រជុំកំពូលអាស៊ាន-អាម៉េរិក លើកទី១០

ភ្នំពេញ៖ កិច្ចប្រជុំកំពូលអាស៊ាន-អាម៉េរិក លើកទី១០ ចាប់ផ្តើមដំណើរការ នៅល្ងាចថ្ងៃទី១២ ខែវិច្ឆិកា ឆ្នាំ២០២២នេះ ដឹកនាំដោយសម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា និងជាប្រធានអាស៊ាន, បណ្តាមេដឹកនាំ នៃប្រទេសសមាជិកអាស៊ាន និងឯកឧត្តម ចូ បៃដិន ប្រធានាធិបតីអាម៉េរិក នៅសណ្ឋាគារសុខាភ្នំពេញ។ខាងក្រោមនេះជាបណ្តុំរូបភាពល្អៗ ក្នុងកិច្ចប្រជុំកំពូលអាស៊ាន-អាម៉េរិក លើកទី១០។

សម្ដេចតេជោ៖ អាមេរិកដើរតួនាទីយ៉ាងសំខាន់ណាស់ ក្នុងការស្ដារឡើងវិញនៃតំបន់អាស៊ាន ចេញពីវិបត្តិជំងឺកូវីដ-១៩

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានអាស៊ានឆ្នាំ២០២២ បានថ្លែងថា សហរដ្ឋអាមេរិក បាននឹងកំពុងដើរតួនាទីយ៉ាងសំខាន់ណាស់ ក្នុងការជួយស្ដារឡើងវិញ នៃប្រទេសក្នុងតំបន់អាស៊ាន ចេញពីវិបត្តិនៃជំងឺកូវីដ-១៩ រួមទាំងជួយដោះស្រាយបញ្ហាជាច្រើនទៀត ។ ក្នុងកិច្ចប្រជុំអាស៊ាន-អាមេរិក លើកទី១០ នៅថ្ងៃទី១២ ខែវិច្ឆិកា ឆ្នាំ២០២២ សម្ដេចតេជោនាយករដ្ឋមន្ត្រី មានប្រសាសន៍ថា សហរដ្ឋអាមេរិក ដែលមានលោក ចូ បៃដិន ជាប្រធានាធិបតី ប្ដេជ្ញាចិត្តគាំទ្រមកលើមជ្ឈភាពអាស៊ាន និងនវាបណកម្មតំបន់ ដែលផ្អែកលើច្បាប់ ដោយសម្ដេចផ្ទាល់ចាត់ទុកថា ពិតជាមានសារសំខាន់ សម្រាប់ការរក្សាសន្តិភាព និងស្ថិរភាពនៅក្នុងតំបន់ ។ សម្ដេចតេជោ បានបន្តថា ទន្ទឹមនឹងនេះ ការគាំទ្រ និងការចូលរួមរបស់សហរដ្ឋអាមេរិក នៅក្នុងដំណើរការ នៃការកសាងសហគមន៍អាស៊ាន ពិតជាមានសារសំខាន់ ជាពិសេសក្នុងបរិការណ៍ នៃការជំរុញការស្ដារអាស៊ានឡើងវិញ ចេញពីវិបត្តិកូវីដ-១៩ ការពង្រឹងភាពធន់នៅក្នុងតំបន់ ព្រមទាំងការដោះស្រាយបញ្ហាប្រឈមចម្បងៗ រួមមានការប្រែប្រួលអាកាសធាតុ សន្តិសុខស្បៀងអាហារ និងថាមពលជាដើម ។ ប្រធានអាស៊ានឆ្នាំ២០២២ បានបន្ថែមថា ក្នុងកិច្ចពិភាក្សានៃកិច្ចប្រជុំកំពូលអាស៊ាន-អាមេរិក នៅទីក្រុងវ៉ាស៊ិនតោននាពេលកន្លងទៅ ថ្នាក់ដឹកនាំអាស៊ានសម្ដែងនូវការប្ដេជ្ញាចិត្ត ក្នុងការពង្រឹងទំនាក់ទំនង រវាងអាស៊ាន-អាមេរិក ទៅជាដៃគូយុទ្ធសាស្ត្រគ្រប់ជ្រុងជ្រោយ ដូចត្រូវបានរំលេចនៅក្នុងសេចក្តីថ្លែងការណ៍ចក្ខុវិស័យរួម នៃកិច្ចប្រជុំកំពូលពិសេស អាស៊ាន-អាមេរិក ដើម្បីរំលែកខួបលើកទី៤៥ឆ្នាំ នៃទំនាក់ទំនងដៃគូសន្ទនា អាស៊ាន-អាមេរិក ។ សម្ដេចតេជោ ហ៊ុន សែន បានរំពឹងថា កិច្ចប្រជុំកំពូលអាស៊ាន-អាមេរិក លើកទី១០នេះ នឹងមានការផ្លាស់ប្តូរមតិយោបល់ល្អៗ ហើយជឿជាក់ថា ស្មារតីរួមគ្នាធ្វើទាំងពីរភាគី នឹងអាចនាំមកនូវលទ្ធផលជាក់ស្ដែង សម្រាប់ការពង្រឹងបន្ថែមទៀតនូវចំណងមិត្តភាពអាស៊ាន-អាមេរិក ក្នុងរយៈពេលជាច្រើនឆ្នាំទៅខាងមុខទៀត ៕ អត្ថបទ ៖ បាន សុខរិទ្ធិ

ឯកឧត្ដម ចូ បៃដិន អរគុណកម្ពុជា ចំពោះសេចក្តីថ្លែងការណ៍យ៉ាងច្បាស់លាស់ ពីការឈ្លានពានរបស់រុស្ស៊ី លើអ៊ុយក្រែន

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី និងជាប្រធានអាស៊ាន អញ្ជើញជួបពិភាក្សាការងារទ្វេភាគីជាមួយ ឯកឧត្ដម Joe Biden ប្រធានាធិបតីអាម៉េរិក នៅសណ្ឋាគារសុខាភ្នំពេញ។ក្នុងជំនួបកំពូលទ្វេភាគីនោះ បើតាមប្រសាសន៍របស់ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោ ថ្លែងបានអ្នកសារព័ត៌មានថា ឯកឧត្តម ចូ បៃដិន បានថ្លែងអំណរគុណជូនចំពោះសម្ដេចតេជោ ដែលបានផ្ញើសារយ៉ាងច្បាស់ចំពោះការឈ្លានពានរបស់រុស្ស៊ីទៅលើប្រទេសអ៊ុយក្រែន។ ឯកឧត្តម ចូ បៃដិន បានជម្រាបជូនសម្ដេចតេជោថា សហគមន៍អាស៊ាន គឺមានសារៈសំខាន់ណាស់ចំពោះសហរដ្ឋអាមេរិក ជាពិសេសចំពោះរដ្ឋបាលរបស់ឯកឧត្តមផ្ទាល់តែម្ដង ហើយសហរដ្ឋអាមេរិកគាំទ្រ មជ្ឍភាពអាស៊ាន។ឯកឧត្តម ចូ បៃដិន ក៏បានវាយតម្លៃខ្ពស់ចំពោះវិធានការរបស់កម្ពុជា ជាប្រធានអាស៊ានក្នុងការប្រឹងប្រែងដោះស្រាយបញ្ហានៅប្រទេសមីយ៉ាន់ម៉ា ដើម្បីឲ្យវិលត្រឡប់មកស្ថានភាពដើមវិញ។ជាការឆ្លើយតប សម្ដេចតេជោ ក៏បានថ្លែងអំណរគុណចំពោះឯកឧត្តម ចូ បៃដិន ដែលបានធ្វើដំណើមកចូលរួមក្នុងកិច្ចប្រជុំកំពូលនៅរាជធានីភ្នំពេញ ដែលនេះសបញ្ជាក់ឲ្យឃើញ នូវការយកចិត្តទុកដាក់របស់សហរដ្ឋអាមេរិកចំពោះអាស៊ាន។សម្ដេចតេជោ ឆ្លៀតក្នុងឱកាសនោះដែរ ក៏បានជម្រាប ជូនឯកឧត្តម ចូ បៃដិន អំពីកិច្ចសហប្រតិបត្តិការជាមួយជប៉ុន លើការជួយឲ្យប្រទេសអ៊ុយក្រែនក្នុងការដោះមីន និងប្រឆាំងការប្រើប្រាស់ពាក្យសំដីគំរាមកំហែង និងការប្រើប្រាស់នុយក្លេអ៊ែរ។ក្នុងឱកាសនេះដែរ សម្ដេចតេជោ ក៏បានថ្លែងអំណរគុណដល់សហរដ្ឋអាមេរិក ដែលបានបញ្ជូនវត្ថុបុរាណត្រឡប់មកកម្ពុជាវិញ។ សម្តេចតេជោបានមានប្រសាសន៍ថាសហរដ្ឋអាមេរិក ជាប្រទេសនាំមុខលំដាប់លេខ១ ក្នុងការបញ្ជូនវត្ថុបុរាណត្រឡប់មកកម្ពុជាវិញ៕

កិច្ចប្រជុំកំពូលអាស៊ាន-អាម៉េរិក លើកទី១០ ចាប់ផ្តើមដំណើរការហើយ

សម្ដេចតេជោ៖ ជប៉ុនជាដៃគូដ៏ស្មោះស្ម័គ្ររបស់អាស៊ាន ក្រោមចក្ខុវិស័យមួយ អត្តសញ្ញាណមួយ និងអនាគតតែមួយ

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានអាស៊ានឆ្នាំ ២០២២ បានថ្លែងថា ប្រទេសជប៉ុនជាដៃគូដ៏ស្មោះត្រង់របស់អាស៊ាន ក្រោមកិច្ចសហប្រតិបត្តិការ ចក្ខុវិស័យមួយ អត្តសញ្ញាណមួយ និងអនាគតតែមួយ ខណៈនៅឆ្នាំក្រោយភាគីទាំងពីរ នឹងបើកកិច្ចប្រជុំកំពូលរំលឹក ខួប៥០ឆ្នាំ ទំនាក់ទំនងមិត្តភាព និងកិច្ចសហប្រតិបត្តិការជាមួយគ្នា នាទីក្រុងតូក្យូ ។ក្នុងឱកាសបើកកិច្ចប្រជុំអាស៊ាន-ជប៉ុន លើកទី២៥ នៅថ្ងៃទី១២ ខែវិច្ឆិកា ឆ្នាំ២០២២ សម្ដេចតេជោ នាយករដ្ឋមន្ត្រី មានប្រសាសន៍ថា ក្នុងក្របខណ្ឌនៃកិច្ចសហប្រតិបត្តិការរវាងអាស៊ាន-ជប៉ុន គឺជាដៃគូមួយ ដ៏សំខាន់ រឹងមាំ និងយូរអង្វែង ភាគជាដៃគូដែលចេញពីបេះដូងរបស់អាស៊ាន-ជប៉ុន ក្នុងរយៈជិត ៥ទសវត្ស កន្លងមកនេះ បាននាំមកនូវភាពជោគជ័យដ៏ធំធេង និងដ៏ត្រចះត្រចង់លើគ្រប់វិស័យ ដែលបានចូលរួម ចំណែកយ៉ាងសំខាន់ ក្នុងការលើកកម្ពស់គុណភាពជីវិតរបស់ប្រជាជន នៃតំបន់ទាំងពីរ ។សម្ដេចតេជោ បានវាយតម្លៃខ្ពស់ ចំពោះវឌ្ឍនភាពជាក់ស្ដែង នៃការអនុវត្ត ការកែសម្រួល ការអនុវត្តសេចក្តី ប្រកាសចក្ខុវិស័យ ស្តីពីមិត្តភាព និងកិច្ចសហប្រតិបត្តិការអាស៊ាន-ជប៉ុន ចក្ខុវិស័យមួយ អត្តសញ្ញាណមួយ និងអនាគតតែមួយ ។គួរបញ្ជាក់ថា កិច្ចប្រជុំអាស៊ាន-ជប៉ុន លើកទី២៥ គឺមានការអញ្ជើញចូលរួមពីថ្នាក់ដឹកនាំកំពូលអាស៊ាន ចំនួន៩ប្រទេស លើកលែងតែមីយ៉ាន់ម៉ា ហើយភាគីជប៉ុន ដឹកនាំដោយឯកឧត្តម ហ្វូមីអូ គីស៊ីដា នាយករដ្ឋមន្ត្រីជប៉ុន ៕ អត្ថបទ ៖ បាន សុខរិទ្ធិ

សម្តេចតេជោ ហ៊ុន សែន នឹងអញ្ជើញចូលរួមកិច្ចប្រជុំកំពូល G20 និងកិច្ចសន្ទនាក្រៅផ្លូវការរបស់មេដឹកនាំ APEC ពីថ្ងៃទី១៥-១៨ ខែវិច្ឆិកា

ភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា អមដំណើរដោយ ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម និង ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ ព្រមទាំងមន្ត្រីជាន់ខ្ពស់ រាជរដ្ឋាភិបាល ផ្សេងទៀត នឹងអញ្ជើញចូលរួម កិច្ចប្រជុំកំពូល G20 និងកិច្ចសន្ទនាក្រៅផ្លូវការរបស់មេដឹកនាំ APEC ពីថ្ងៃទី១៥-១៨ ខែវិច្ឆិកា ឆ្នាំ២០២២។

បណ្ដាញសង្គម

ព័ត៌មានថ្មីៗ

អ្នកការទូតចិននិយាយថា ទីក្រុងប៉េកាំង ខកចិត្តយ៉ាងខ្លាំងចំពោះផែនការរឹតបន្តឹងការវិនិយោគរបស់អឺរ៉ុប

បារាំង បានបិទខ្ទប់មនុស្ស១.៧០០នាក់ នៅលើនាវាទេសចរណ៍ បន្ទាប់ពីបុរសអាយុ៩២ឆ្នាំម្នាក់បានស្លាប់

ការបាញ់ស្រោចដោយយានដ្រូនចំនួន៨០០គ្រឿងនៅពេលថ្ងៃរបស់រុស្ស៊ី សម្លាប់មនុស្សច្រើននាក់នៅអ៊ុយក្រែន

អារ៉ាប់រួមបដិសេធដែលថាលោក Netanyahu បានទៅទស្សនកិច្ចដោយសម្ងាត់អំឡុងសង្គ្រាមអាមេរិក-អ៊ីស្រាអែលខណៈអ៊ីរ៉ង់ព្រមាន

លោក Trump និងលោក Xi ត្រៀមពិភាក្សានៅទីក្រុងប៉េកាំង ស្ដីពីពាណិជ្ជកម្ម ខណៈសង្គ្រាមអ៊ីរ៉ង់ស្ថិតក្នុងរបៀបវារៈ

សម្តេចតេជោ ហ៊ុន សែន ជួបសំណេះសំណាលជាមួយក្រុមប្រឹក្សានិងមន្ត្រីនៃមន្ទីរ-អង្គភាពនានាជុំវិញខេត្តស្វាយរៀង

កម្ពុជា បដិសេធ និងចាត់ទុកជាការមួលបង្កាច់ចំពោះការផ្សាយរបស់សារព័ត៌មានថៃចោទប្រកាន់កម្ពុជាថា បានបាញ់ចំនួន ១១គ្រាប់ នៅទីតាំងច្រកអន្តរជាតិអូស្មាច់

[UPDATE] លោក Trump ធ្វើដំណើរទៅដល់ទីក្រុងប៉េកំាង សម្រាប់ជំនួបកំពូលជាមួយប្រធានធិបតីចិន

ស្រ្តីជាម្តាយប៉ាឡេស្ទីនសោកសៅចំពោះការរំឭកដល់ការចងចាំដ៏ជូរចត់នៃសង្រ្គាមនៅតំបន់ហ្កាហ្សា

អង្គការណាតូអញ្ជើញកាតា អារ៉ាប់រួម បារ៉ែន និងគូវ៉ែត ចូលរួមកិច្ចប្រជុំកំពូល Ankara

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877