កម្ពុជា-សិង្ហបុរី បន្ដពង្រឹងទំនាក់ទំនង និងកិច្ចសហប្រតិបត្តិការទ្វេភាគីឱ្យកាន់តែរឹងមាំ​ និង​ ស៊ីជម្រៅ​
កម្ពុជា-អូស្ត្រាលី ប្ដេជ្ញាពង្រឹងកិច្ចសហប្រតិបត្តិការដែលមានស្រាប់ និងស្វែងរកកាលានុវត្តភាពថ្មីៗបន្ថែមទៀត
សម្ដេចតេជោ៖ កម្ពុជានឹងនិយាយលើវេទិកាអន្តរជាតិកាន់តែខ្លាំងជាងមុនថែមទៀត បើថៃមិនអនុវត្តកិច្ចព្រមព្រៀង
សម្តេចធិបតី ហ៊ុន ម៉ាណែត ជួបពិភាក្សាការងារទ្វេភាគី ជាមួយ ឯកឧត្តមនាយករដ្ឋមន្ត្រីសិង្ហបុរី នៅហ្វីលីពីន

ព័ត៌មានសំខាន់ៗ

កងទ័ព​ឥណ្ឌា និង​ចិន​រងរបួស​ក្នុងការ​ប៉ះទង្គិច​នៅ​ព្រំដែន

2022/12/13 09:27:05 pm        625
​ឥណ្ឌា៖ ទាហាន​​ឥណ្ឌា និង​ចិន​បាន​ប៉ះទង្គិច​គ្នា​នៅក្នុង​តំបន់ Tawang រដ្ឋ Arunachal Pradesh ប្រទេស​ឥណ្ឌា បណ្តាលឱ្យ​ទាហាន​មួយចំនួន​រងរបួស​ស្រាល​នៃ​ភាគី​ទាំងសងខាង​។​ អ្នកនាំពាក្យ​ក្រសួងការបរទេស​ឥណ្ឌាពុំបាន​ឆ្លើយតប​ភ្លាមៗ ​ចំពោះ​សំណើសុំ​ការអត្ថាធិប្បាយ​នោះ​ទេ​។ លោក Shivali Deshpande អ្នកជំនាញ​ក្រសួងការពារជាតិ និង​ជា​អតីតមន្ត្រី​កងទ័ពអាកាស​ឥណ្ឌាបាន​និយាយ​កាលពី​ថ្ងៃ​ចន្ទ​ថា មាន​ភាព​តានតឹង​នៅតាម​ព្រំដែន ហើយ​ភាព​តានតឹង​នេះ​ត្រូវតែ​ដោះស្រាយ បើ​ពុំ​ដូច្នេះ​ទេប្រទេស​ចិន​នឹងត្រូវ​ប្រឈម​ផលវិបាក​ជាច្រើន​។ កងទ័ព​​ឥណ្ឌា និង​ចិនកាលពី​ខែមិថុនា ឆ្នាំ២០២០ បាន​ប៉ះទង្គិច​គ្នា​នៅ​សមរភូមិ​នៅ​ជ្រលង​ភ្នំ Galwan ក្នុង​តំបន់ Ladakh នៅជាប់​គ្នា​តំបន់​ខ្ពង់រាប​ទី​បេ​គ្រប់គ្រង​ដោយ​ប្រទេស​ចិន ដែល​ការប៉ះទង្គិច​គ្នា​កាលពី​ពេលនោះ​បណ្តាលឱ្យ​ទាហាន​ឥណ្ឌា ​២០​នាក់​ស្លាប់ ខណៈ​ទាហាន​ចិន​មិនបាន​បញ្ចេញ​ចំនួន​អ្នកស្លាប់ ​ឬ​រងរបួស​។​​ប្រទេស​ឥណ្ឌា និង​ចិនមាន​ព្រំដែន​រួម​ប្រវែង ៣,៨០០គីឡូម៉ែត្រមិនបាន​កំណត់ ដែល​កងទ័ព​របស់​ពួកគេ​កាលពី​ពេលមុន​បាន​ប្រកាន់ខ្ជាប់​នូវ​ពិធីសារ​យូរអង្វែង ដើម្បី​បញ្ចៀស​ការប្រើប្រាស់​អាវុធ​ណាមួយ​នៅតាម​ព្រំដែន ​ដែល​ត្រូវបាន​គេ​ស្គាល់​ថា​ជា​បន្ទាត់​ព្រំដែន​នៃ​ការគ្រប់គ្រង​ជាក់ស្តែង៕អត្ថបទ៖ ប៊ុនថន

ប្រធាន​ក្រុមប្រឹក្សា​ជនភៀសខ្លួន​ន័​រ​វែ​ស​រំពឹងថា ​នឹងមាន​ជនជាតិ​អ៊ុយ​ក្រែ​ន​រាប់ម៉ឺន​នាក់​ទៀត​ចាក​ចេញពី​ប្រទេស​

2022/12/13 07:04:58 pm        259
​ន័រវែស៖ ប្រធាន​ក្រុមប្រឹក្សា​ជនភៀសខ្លួន​ន័​រ​វែ​ស (NRC) បាន​និយាយ​កាលពី​ថ្ងៃ​ចន្ទ​ថា លោក​រំពឹង​ថា​នឹង​មាន​រលក​ថ្មី​មួយទៀត​នៃ​ជនភៀសខ្លួន​រាប់​ម៉ឺន​នាក់​ មកពី​ប្រទេស​អ៊ុយ​ក្រែ​ន​មកកាន់​អឺរ៉ុប​នៅ​អំឡុង​រដូវរងា ដោយសារតែ​ស្ថាន​ភាព​ធ្ងន់ធ្ងរ​ពិបាក​ទ្រាំ​។ ​ការវាយប្រហារ​របស់​រុស្ស៊ី​លើ​ហេដ្ឋារចនាសម្ព័ន្ធ​អគ្គិសនី​របស់​អ៊ុយ​ក្រែ​ន បាន​បណ្ដាល​ឲ្យ​មនុស្ស​រាប់​លាន​នាក់​គ្មាន​ម៉ាស៊ីនកំដៅ គ្មាន​ទឹកស្អាត ឬ​ថាមពល​អគ្គិសនី​ប្រើប្រាស់ ខណៈ​សីតុណ្ហភាព​ចុះ​ត្រជាក់​ខ្លាំង​។ ទីក្រុង Moscow និយាយ​ថា ការវាយប្រហារ​នានារ​បស់​ខ្លួន​ពុំបាន​ដាក់​គោលដៅ​លើ​ជន​ស៊ីវិល​ទេ និង​ជា​មធ្យោបាយ​ដើម្បី​កាត់បន្ថយ​សមត្ថភាព​របស់​អ៊ុយ​ក្រែ​ន​ក្នុង​ការ​ប្រយុទ្ធ និង​ជំរុញ​ឲ្យ​មាន​ការចរចា។ ទីក្រុង Kyiv និយាយ​ថា ​ការវាយប្រហារ​ទាំងនោះ​គឺជា​ឧក្រិដ្ឋកម្ម​សង្គ្រាម​។ ​លោក Jan Egeland បាន​ប្រាប់​សារព័ត៌មាន Reuters តាម​ទូរស័ព្ទ បន្ទាប់ពី​វិលត្រឡប់​មកពី​អ៊ុយ​ក្រែ​ន​នៅ​ដើមខែ​នេះ​ថា ​គ្មាន​នរណា​ម្នាក់​ដឹង​ទេ​ថា​នឹងមាន​ចំនួន​ប៉ុន្មាន ប៉ុន្តែ​នឹង​មាន​រាប់ម៉ឺន​នាក់​ទៀត​ដែល​នឹង​ចាក​ចេញពី​អ៊ុយ​ក្រែ​ន ខណៈ​ការ​ទម្លាក់​គ្រាប់បែក​ដ៏​គួរ​ឲ្យ​ខ្លាច​ និង​ខុសច្បាប់​ទៅលើ​ហេដ្ឋារចនាសម្ព័ន្ធ​ស៊ីវិល​ ដែល​ធ្វើ​ឲ្យ​ជីវិត​របស់​ពួកគេ​ជួប​ការ​លំបាក​ខ្លាំង​នៅ​ក្នុង​តំបន់​ជាច្រើន​។​​លោ​កថា​ ហេតុនេះ​ទើប​លោក​បារម្ភ​ថា វិបត្តិ​នៅ​អឺរ៉ុប​នឹង​ផុង​កាន់តែ​ជ្រៅ​ ហើយ​ថា​នឹង​គ្របដណ្ដប់​លើ​វិបត្តិ​នានា​នៅក្នុង​តំបន់​ផ្សេងទៀត​នៃ​ពិភពលោក​។ ​អង្គការសហប្រជាជាតិ​និយាយ​ថា​ មនុស្ស​ប្រមាណ ​១៨​លាន​នាក់ ​ឬ ៤០% នៃ​ចំនួន​ប្រជាជន​សរុប​អ៊ុយ​ក្រែ​ន​កំពុង​ពឹង​ផ្អែកលើ​ជំនួយ។ ចំណែក​មនុស្ស​ប្រមាណ ៧​លាន ​៨​សែន​នាក់​ផ្សេងទៀត​បាន​ចាក​ចេញពី​ប្រទេស​ទៅកាន់​ប្រទេស​នានា​របស់​អឺរ៉ុប​៕អត្ថបទ៖ សុខមាន

មនុស្ស​ ៦​នាក់​រួមទាំង​មន្ត្រីនគរបាល​ ២​នាក់​ស្លាប់​ក្នុង​ហេតុការណ៍​បាញ់ប្រហារ​នៅ​រដ្ឋ Queensland ប្រទេស​អូស្ត្រាលី​

2022/12/13 06:32:56 pm        341
​អូស្ត្រាលី៖ មនុស្ស​ ៦​នាក់​រួមទាំង​មន្ត្រីនគរបាល ​២​នាក់​ត្រូវបាន​បាញ់សម្លាប់ ក្រោយ​ករណី​សង្ស័យ​ថា​ជាការ​វាយប្រហារ​​ភ្លាមៗ​មួយ​បានកើត​ឡើង​នៅ​តំបន់​ជនបទ​ក្នុងប្រទេស​អូស្ត្រាលី​។ ​នគរបាល​បាន​និយាយថា ពួកគេ​បាន​កំពុង​ស្វែងរក​អ្នក​បាត់​ខ្លួន​នៅក្នុង​តំបន់ Wieambilla ចំងាយ ២៧០គីឡូម៉ែត្រ​ភាគ​ខាងលិច​ទីក្រុង Brisbane​ រដ្ឋ Queensland នៅពេល​ពួកគេ​បាន​បាញ់​ត​គ្នា​។ ​ក្រុម​អាជ្ញាធរ​បាន​និយាយថា បន្ទាប់ពី​ការឡោមព័ទ្ធ​ដ៏​យូរជន​សង្ស័យ ​៣​នាក់ត្រូវបាន​នគរបាល​បាញ់​សម្លាប់​។ ចំណែក​មូលហេតុ​នាំ​ឲ្យ​ឈានដល់​ការបាញ់ប្រហារ​នេះ គេ​នៅ​មិនទាន់​ដឹង​ច្បាស់​នៅឡើយ​ទេ​។ ​លោកនាយក​រដ្ឋមន្ត្រី Anthony Albanese បាន​ហៅ​សកម្មភាព​នេះ​ថា ​ជា​ថ្ងៃ​ដ៏​រន្ធត់​សម្រាប់​ប្រទេស​អូស្ត្រាលី​។​ ​នគរបាល​និយាយថា ​មនុស្ស ៣​នាក់រួមទាំង​ស្ត្រី​ម្នាក់​ត្រូវបាន​បាញ់​ស្លាប់ ក្រោយ​ក្រុមមន្ត្រី​ជំនាញ​ និង​ការជួយ​គាំទ្រ​ពីលើ​អាកា​សបាន​ឆ្លើយតប​ទៅ​នឹង​ស្ថានភាព​ឡោមព័ទ្ធ​នេះ​។​ដំបូងមានការ​បញ្ជូន​ក្រុមមន្ត្រី​នគរបាល​រដ្ឋ Queensland ​ចំនួន ​៤​នាក់​ទៅកាន់​កន្លែងកើតហេតុ​នៅ​រសៀល​ថ្ងៃ​ចន្ទ ម៉ោង​ក្នុងស្រុក បន្ទាប់ពី​មាន​សំណើ​ពី​នគរបាល​រដ្ឋ New South Wales។ ​នគរបាល​និយាយថា មន្ត្រី​ ២​នាក់​ម្នាក់​ឈ្មោះ Constables Matthew Arnold វ័យ ២៦ឆ្នាំ និង​ម្នាក់ទៀត​ឈ្មោះ Rachel McCrow វ័យ​ ២៩​ឆ្នាំត្រូវបាន​បាញ់សម្លាប់ ខណៈ​ពួកគេ​បាន​ទៅដល់​កន្លែងកើតហេតុ។ ​មន្ត្រី​ម្នាក់ទៀតបាន​រងរបួស​ដោយ​គ្រាប់កាំភ្លើង និង​មន្ត្រី​ទី​៤ បានគេច​ខ្លួន៕អត្ថបទ៖ សុខមាន

សហភាព​អឺរ៉ុប​ដាក់ទណ្ឌកម្ម​ថ្មី​លើ​អ៊ីរ៉ង់​ជុំវិញ​ការបង្ក្រាប​ក្រុមអ្នកតវ៉ា ​និង​ការលក់​យាន​ដ្រូ​ន​ឲ្យ​រុស្ស៊ី​

2022/12/13 05:44:25 pm        327
​អឺរ៉ុប៖ ក្រុម​រដ្ឋមន្ត្រី​នៃ​ក្រសួងការបរទេស​សហ​ភាព​អឺរ៉ុប បាន​ដាក់​ទណ្ឌកម្ម​ថ្មី​លើ​ក្រុម​មេដឹកនាំ​សាសនា​អ៊ីរ៉ង់ ក្រុម​មន្ត្រី​ជាន់ខ្ពស់ និង​បុគ្គលិក​សារព័ត៌មាន​រដ្ឋ​សំខាន់ៗ​ ជុំវិញ​ការ​បង្ក្រាប​ថ្មីៗ​លើ​ការ​តវ៉ា​នានា​ប្រឆាំង​រដ្ឋបាល និង​ការ​ផ្គត់ផ្គង់​យាន​ដ្រូ​ន​ឲ្យ​រុស្ស៊ី​សម្រាប់​ការប្រើប្រាស់​ក្នុង​ប្រទេស​អ៊ុយ​ក្រែ​ន។​ ​បុគ្គល​ចំនួន​ ២០​នាក់ និង​អង្គភាព​មួយ​ត្រូវ​បាន​ជាប់​ទណ្ឌកម្ម​កាល​ពី​ថ្ងៃ​ចន្ទ​ជុំវិញ​ការ​រំលោភ​សិទ្ធិមនុស្ស ចំណែក​បុគ្គល ​៤​នាក់​ទៀត ​និង​អង្គភាព​ជាច្រើន​ទៀត​ត្រូវ​បាន​ដាក់ទណ្ឌកម្ម​បន្ថែម​ជុំវិញ​ការ​លក់​យាន​ដ្រូ​ន។​ ទណ្ឌកម្ម​ទាំងនោះ​រាប់បញ្ចូល​ទាំង​ការ​បង្កក​ទ្រព្យសម្បត្តិ និង​បម្រាម​ធ្វើដំណើរ​ចូល​ទៅ​សហភាព​អឺរ៉ុប​។ កាលពី​ថ្ងៃ​ចន្ទ​អ៊ីរ៉ង់​បាន​ប្រហារជីវិត​បុរស​ទី​២ ដែល​ត្រូវ​បាន​ចាប់ខ្លួន​អំឡុង​ការ​តវ៉ា​ទូទាំង​ប្រទេស ​ដោយ​ការ​ចង​ព្យួរ​ជា​សាធារណរដ្ឋ​ពី​ដង​សន្ទូច​សំណង ​ជាការ​ព្រមាន​ដ៏​ខ្លាំងក្លា​ដល់​ក្រុម​អ្នក​តវ៉ា​ផ្សេងទៀត​។​ប្រជាជន​អ៊ីរ៉ង់​បាន​តវ៉ា​ប្រឆាំង​ការ​រឹតត្បិត​របស់​រដ្ឋាភិបាល​ លើ​ជីវិត​រស់នៅ​ប្រចាំថ្ងៃ​របស់​ពួកគេ​ចាប់​តាំង​ពី​ចុងខែ​កញ្ញា​មក ក្រោយ​ការ​ស្លាប់​របស់ស្ត្រី​វ័យ ​២២​ឆ្នាំ​នាង Mahsa Amini ដែល​ត្រូវ​បាន​ចាប់ខ្លួន​ពី​បទ​បំពាន​ការ​ស្លៀកពាក់​ដ៏​តឹងរ៉ឹង​របស់​សាធារណរដ្ឋ​អ៊ីស្លាម​នេះ​៕អត្ថបទ៖ សុខមាន

សមាជិក​សហភាព​អឺរ៉ុប​មួយចំនួន​សម្តែង​ក្តីបារម្ភ​ជា​ផ្លូវការ​ចំពោះ​បារាំង​ ជុំវិញ​ការអត្ថាធិប្បាយ​របស់លោក Macron ពាក់ព័ន្ធ​នឹង​រុស្ស៊ី​

2022/12/13 05:19:33 pm        530
​អឺរ៉ុប៖ ក្រុម​អ្នកការទូត​បាន​និយាយ​ថា រដ្ឋ​មួយ​ចំនួន​នៅ​តំបន់​បាល់​ទិ​ក និង​ប្រទេស​ជា​សមាជិក​របស់​សហភាព​អឺរ៉ុប​បាន​បង្ហាញ​ក្ដី​បារម្ភ ​ចំពោះ​ការ​ធ្វើ​អត្ថាធិប្បាយ​ពី​សំណាក់​ប្រធានាធិបតី​បារាំង​លោក Emmanuel Macron ពាក់ព័ន្ធ​នឹង​ការធានា​សន្តិសុខ​ឲ្យ​រុស្ស៊ី និង​បាន​ពន្យល់​ពី​ជំហរ​របស់​ខ្លួន​ចំពោះ​ប្រទេស​បារាំង​កាលពី​ថ្ងៃ​ចន្ទ​។​ ​នៅ​ក្នុង​កិច្ច​សម្ភាសន៍​មួយ​ជាមួយ​ទូរទស្សន៍​បារាំង TF1 កាលពី​ថ្ងៃទី​៣​ ខែ​ធ្នូ លោក Macron បាន​និយាយ​ថា ​សហភាព​អឺរ៉ុប​ចាំបាច់​ត្រូវ​ត្រៀម​ស្ថាបត្យកម្ម​សន្តិសុខ​នា​ពេល​អនាគត​របស់​ខ្លួន​ និង​គិតគូរ​ផង​ដែរ​ថា​ត្រូវ​ផ្ដល់​ការធានា​​ដល់​រុស្ស៊ី​បែប​ណា ​នៅ​ថ្ងៃ​ដែល​ប្រ​ទេស​នេះ​ត្រឡប់​ទៅកាន់​តុ​ចរចា​។ ការ​អត្ថាធិប្បាយ​ទាំងនោះ​ត្រូវ​បាន​ស្តីបន្ទោស​ភ្លាមៗ​ដោយ​ប្រទេស​អ៊ុយ​ក្រែ​ន និង​បណ្ដា​រដ្ឋ​នៅ​តំបន់​បាល់​ទិ​ក ខណៈ​ដែល​ប្រធានាធិបតី និង​ក្រសួងការបរទេស​បារាំង​បាន​ព្យាយាម​និយាយ​សម្រាល​បញ្ហា​កំហឹង​ ទំនងជា​នឹង​មិន​រសាយ​នៅ​ក្នុង​ចំណោម​រដ្ឋ​មួយ​ចំនួន​ក្នុង​ប្លុក​នេះ​ទេ​។ ​សាធារ​ណរដ្ឋ​ឆែកដែល​ជា​ប្រធាន​ក្រុមប្រឹក្សា​សហភាព​អឺរ៉ុប បាន​ជួយ​រៀបចំ​ការ​គាំទ្រ​សម្រាប់​តំណាង​ការទូត​ផ្លូវ​ការ ដែល​ត្រូវ​គេ​ស្គាល់​ថា​ជា​អ្នក​ផ្ដួចផ្ដើម​គំនិត​។​អ្នកការទូត​ពីរ​រូប​បាន​និយាយថា ក្រុម​អ្នកគាំទ្រ​នៃ​គំនិត​ផ្ដួចផ្ដើម​រួមមាន​រដ្ឋ​បាល់​ទិ​ក អេ​ស្តូ​នី ឡា​ត​វី និង​លី​ទុយ​អា​នី រួម​ជាមួយ​ប៉ូឡូញ និង​ស្លូ​វ៉ា​គី​។ សារព័ត៌មាន​មិន​អាច​កំណត់​បានទេ​ថា ​តើ​មាន​ប្រទេស​សរុប​ចំនួន​ប៉ុន្មាន​បាន​គាំទ្រ​ចលនា​នេះ ឬ​ថា​តើ​ប្រទេស​ឆែក​បាន​គាំទ្រ​គំនិត​នេះ​ដែរ ​ឬ​យ៉ាងណា​។ រដ្ឋមន្ត្រីការបរទេស​បារាំង ឆែក និង​ស្លូ​វ៉ា​គី មិន​អាច​ឆ្លើយ​តប​សុំ​ការ​អត្ថាធិប្បាយ​ភ្លាមៗ​បានទេ។ ចំណែក​ក្រសួងការបរទេស​ប៉ូឡូញ​វិញ ក៏​មិន​អាច​សុំ​ការ​អត្ថាធិប្បាយ​បាន​ដែរ​៕អត្ថបទ៖ សុខមាន

សម្ដេចតេជោ ហ៊ុន សែន អញ្ជើញដឹកនាំគណៈប្រតិភូដល់ ទីក្រុងប៉ារីស ប្រទេសបារាំង

2022/12/13 04:36:58 pm        408
នៅយប់រំលងអាធ្រាត ម៉ោង ១.៤៥នាទី ម៉ោងនៅទីក្រុងប៉ារីស ប្រទេសបារាំង ត្រូវនឹងម៉ោង ៧.៤៥នាទាទីព្រឹក ម៉ោងនៅរាជធានីភ្នំពេញ ថ្ងៃទី១៣ ខែធ្នូ ឆ្នាំ២០២២ សម្តេច​អគ្គ​មហា​សេនា​បតី​តេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានបន្តដឹក​នាំ​គណៈ​ប្រតិភូ​តាម​ជើង​យន្ត​ហោះពិសេស ទៅដល់ អាកាសយានដ្ឋានអន្តរជាតិ Paris Charles de Gaulle ទីក្រុងប៉ារីស បន្ទាប់ពីសម្ដេចតេជោ បានអញ្ជើញសំណេះសំណាលជាមួយ បងប្អូនសហគមន៍ខ្មែរ នៅ​ក្នុង​ទីក្រុងព្រុចស៊ែល ប្រទេសប៊ែលហ្ស៉ិករួចមក។ ការអញ្ជើញដល់របស់ សម្ដេចតេជោ នាយករដ្ឋមន្ត្រី និងគណៈប្រតិភូ គឺត្រូវបាន​ទទួល​ស្វាគមន៍​យ៉ាង​កក់​ក្ដៅ​ពីមន្ត្រីជាន់ខ្ពស់របស់បារាំង និង មន្ត្រីការទូតកម្ពុជា ប្រចាំនៅបាំរាំងជាច្រើនរូប។តាមកម្មវិធីគ្រោងទុក ក្នុងពេលបំពេញទស្សនកិច្ចនៅក្នុងប្រទេសបារាំង សម្ដេចតេជោ ក៏នឹងអញ្ជើញចូលរួមសន្និសីទគាំទ្រភាពធន់នៃប្រជាជនអ៊ុយក្រែន កិច្ចប្រជុំក្រុមប្រឹក្សាសហគ្រាសកម្ពុជា-បារាំង និងពិធីលៀងសាយភោជន៍ ជូនសម្ដេចតេជោ និងគណប្រតិភូ ដែលរៀបចំឡើងដោយប្រធានាធិបតីបារាំង៕

ប្រសាសន៍សំខាន់ៗសម្តេចតេជោ ហ៊ុន សែន ក្នុងជំនួប​សំណេះសំណាល​ជាមួយ​ប្រជាពលរដ្ឋ​ខ្មែរ​រស់នៅតំបន់អឺរ៉ុប ប្រមាណជាង២ពាន់នាក់

2022/12/13 04:26:20 pm        1009
នៅល្ងាចថ្ងៃទី១២ ខែធ្នូ ឆ្នាំ ២០២២ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានជួបសំណេះសំណាលជាមួយ​ប្រជាពលរដ្ឋខ្មែរ​រស់​នៅប​ណ្ដាប្រ​ទេស​ជាច្រើ​ននៅតំបន់អឺរ៉ុបប្រមាណជាង ២ពាន់នាក់ នៅទីក្រុងព្រុចសែល ប្រទេសបែលហ្សិក។ ជំនួប​នេះ​ធ្វើឡើង​ក្នុង​ឱកាស​ដែល​សម្ដេច​អញ្ជើញ​ធ្វើ​ជា​សហប្រធាន​ក្នុង​កិច្ច​ប្រជុំ​ខួប​អនុស្សាវរីយ៍​អាស៊ាន-សហភាពអឺរ៉ុប ដែលត្រូវធ្វើឡើងនៅទីក្រុងព្រុចសែល នៅថ្ងៃទី១៤ធ្នូខាងមុខនេះ។  ខាងក្រោមនេះជាប្រសាសន៍សំខាន់ៗរបស់សម្ដេចតេជោក្នុងជំនួបសំណេះសំណាល៖ -សម្ដេចតេជោថ្លែងអំណរគុណចំពោះព្រះសង្ឃ និងពលរដ្ឋខ្មែរនៅអឺរ៉ុប ដែល​ឆ្លៀត​ពេល​ដ៏​មមាញឹក មកទទួលស្វាគមន៍សម្ដេច ទោះមានធាតុអាកាសត្រជាក់ខ្លាំងក្ដី។-សម្ដេចតេជោអញ្ជើញជួបសំណេះសំណាលសួរសុខទុក្ខ ជាមួយពលរដ្ឋខ្មែរនៅអឺរ៉ុប ជាង​ពីរ​ពាន់នាក់។-សម្ដេចតេជោ អ្នកចង់មកជួបសម្ដេច ក៏មក មិនមកក៏បាន គឺមិនមានការគាបសង្កត់នោះទេ។ វាជា​សិទ្ធិរបស់ពលរដ្ឋម្នាក់ៗ។-សម្ដេចតេជោ មានចម្ងល់ចំពោះការលើកឡើងរបស់បុគ្គលមួយចំនួនដែលថា​ អ្នក​មក​ជួប​សម្ដេច​សុទ្ធ​​តែ​ជាអាយ៉ង។-សម្ដេចតេជោចាប់អារម្មណ៍ចំពោះនិស្សិតខ្មែរដែលកំពុងសិក្សានៅស្វីស និងហុងគ្រី ដែល​លើក​ឡើង​ថា ពួកគេមកជួបសម្ដេច គឺមិនមានការគាបសង្កត់នោះទេ។-សម្ដេចតេជោថ្លែងអំណរគុណចំពោះពលរដ្ឋខ្មែរនៅអឺរ៉ុប ដែលប្រកាសគាំទ្រ និង​ស្វាគមន៍​បេសកកម្ម​សម្ដេចអញ្ជើញទៅបំពេញបេសកកម្មនៅអឺរ៉ុប។- សម្ដេចតេជោថ្លែងអំណរគុណជាថ្មីចំពោះពលរដ្ឋខ្មែរ ដែលបានធ្វើដំណើរមកពីចម្ងាយ ដែល​ស្ថិត​នៅ​ក្រោមធាតុអាកាសដ៏ត្រជាក់ ដែលមានតាំងពីពលរដ្ឋវ័យចាស់ ជនពិការ រួមទាំងកុមារផង មក​ជួប​សម្ដេច។- សម្ដេចតេជោ៖ ទោះបីពលរដ្ឋខ្មែរទៅដល់ប្រទេសណាក៏ដោយ ទីណាក៏ដោយ វិញ្ញាណជា​ខ្មែរ​នៅ​តែ​ជាខ្មែរ។-សម្ដេចតេជោសោកស្ដាយចំពោះពលរដ្ឋខ្មែរមួយចំនួនដែលរស់នៅក្រៅប្រទេស ហើយបាត់បង់ជីវិត ដោយសារជំងឺកូវីដ-១៩។-សម្ដេចតេជោ៖ ទោះកម្ពុជាក្រ តែរដ្ឋាភិបាលនៅតែចំណាយទុន ដើម្បីទិញវ៉ាក់សាំងយកមកចាក់ ដើម្បីការពារអាយុជីវិតពលរដ្ឋ។-សម្ដេចតេជោ៖ បើពឹងលើជំនួយ គឺមិនអាចចាក់វ៉ាក់សាំង ដើម្បីការពារអាយុជីវិតពលរដ្ឋ ឱ្យបានទាន់ពេលនោះទេ គឺមានតែទិញដោយថវិកាផ្ទាល់ប៉ុណ្ណោះទើបបានលឿន។-សម្ដេចតេជោ៖ អំឡុងកូវីដ មានសិស្ស និស្សិតនៅកម្ពុជាជិតបួនលាននាក់ ត្រូវសិក្សាតាមអនឡាញ។-សម្ដេចតេជោ៖ ការសិក្សាតាមអនឡាញ ជាការវិវឌ្ឍថ្មីមួយ នៃការប្រើប្រាស់​ប្រព័ន្ធ​បច្ចេកវិទ្យា​ឌីជីថលនៅកម្ពុជា។-សម្ដេចតេជោ៖ អំឡុងរងវិបត្តិកូវីដធ្ងន់ធ្ងរ រដ្ឋាភិបាលចំណាយថវិកាប្រមាណ ជាងពីរពាន់លាន ដុល្លារ ដើម្បីទប់ស្កាត់កូវីដ និងជួយដល់ពលរដ្ឋ។- សម្ដេចតេជោ៖ ខ្ញុំនៅសល់សិទ្ធិជាប្រធានអាស៊ាន ១៨ ថ្ងៃទៀត។-សម្ដេចតេជោ នឹងជួបជាមួយប្រធានាធិបតីបារាំង ឯកឧត្ដម អេម៉ាណូអែល ម៉ាក្រុង នៅថ្ងៃស្អែក។-សម្ដេចតេជោ៖ ប្រការដែលប្រមុខរដ្ឋ ប្រមុខរដ្ឋាភិបាលនានាអញ្ជើញទៅចូលរួមកិច្ចប្រជុំកំពូល អាស៊ាន និងកិច្ចប្រជុំកំពូលពាក់ព័ន្ធនៅកម្ពុជាបាន គឺអាស្រ័យលើកត្តា ២៖ ទី១. គឺការគ្រប់គ្រងជំងឺកូវីដបានល្អ និងទី២.កម្ពុជាជាប្រទេសមានសុខសន្តិភាព និងមិនមានការគំរាមកំហែងពីអំពើភេរវកម្ម។-សម្ដេចតេជោ៖ កម្ពុជាកំពុងសាងសង់មន្ទីរពេទ្យព្យាបាលជំងឺកូវីដ ដែលអាចដាក់បានប្រមាណមួយម៉ឺនគ្រែ។-សម្ដេចតេជោ៖ វិបត្តិកូវីដ បានធ្វើឱ្យសមត្ថភាពគ្រូពេទ្យកម្ពុជា កាន់តែរីកចម្រើន។-សម្ដេចតេជោ៖ រដ្ឋធម្មនុញ្ញកម្ពុជា មិនអនុញ្ញាតឱ្យនាយករដ្ឋមន្ត្រី ប្រកាសរំលាយសភាបោះឆ្នោត មុនអាណត្តិបាននោះទេ។-សម្ដេចតេជោបានរំលេចនូវបញ្ហា ៣ សំខាន់ជូនពលរដ្ឋខ្មែរនៅក្រៅប្រទេសបានជ្រាបនោះគឺ ទី១.ការប្រយុទ្ធនឹងជំងឺកូវីដ-១៩។ ទី២.ការចាត់តាំងការបោះឆ្នោតឃុំ/សង្កាត់បានល្អ។ ទី៣.គឺការប្រ ជុំអាស៊ានដែលពោរពេញទៅដោយភាពស្មុគស្មាញ តែកម្ពុជាបានបំពេញតួនាទីបានល្អជាទីបំផុត។-សម្ដេចតេជោ៖ ខ្ញុំសូមនិយាយដោយមោទកភាពថា មន្ត្រីកម្ពុជាមានសមត្ថភាពគ្រប់គ្រាន់នៅក្នុង ការបំពេញការងារជាលក្ខណៈអន្តរជាតិ ដូចករណីប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធ ជាដើម។-សម្ដេចតេជោ៖ វិបត្តិនៅមីយ៉ាន់ម៉ា ចំណាយពេលតិចបំផុត ៥ ឆ្នាំទៀត ទើបអាចដោះស្រាយបាន។-សម្ដេចតេជោ៖ បញ្ហាកូវីដមិនទាន់ចប់នៅឡើយទេ យើងត្រូវត្រៀមសម្រាប់ដោះស្រាយ ទាំងបញ្ហាសុខាភិបាល និងសេដ្ឋកិច្ច។-សម្ដេចតេជោ៖ សង្គ្រាមនៅអ៊ុយក្រែន ឥឡូវនេះមិនមែនជាសង្គ្រាមរវាងរុស្ស៊ី និងអ៊ុយក្រែនទៀតនោះឡើយ បច្ចុប្បន្នវាគឺជាសង្គ្រាមរវាង រុស្ស៊ី និងអឺរ៉ុប(ណាតូ) តែម្ដង។-សម្ដេចតេជោ៖ រដ្ឋាភិបាលមិនអនុញ្ញាតឱ្យដំឡើងថ្លៃអគ្គិសនីជាដាច់ខាត ទោះបីតម្លៃប្រេងឡើងថ្លៃយ៉ាងណាក៏ដោយ។-សម្ដេចតេជោ៖ រាជរដ្ឋាភិបាល នឹងដំឡើងប្រាក់ខែជូនមន្ត្រីរាជការ និងកងកម្លាំងគ្រប់ប្រភេទ ព្រមទាំងមន្ត្រីចូលនិវត្តន៍ ចាប់ពីខែមករា ឆ្នាំ២០២៣ តទៅ។-សម្ដេចតេជោ៖ អ្នកយកត្រកូល ហ៊ុន ជាសត្រូវ ជាការគិតខុស។ ត្រកូល ហ៊ុន សម្លាប់មិនអស់ទេ។ ត្រកូល ហ៊ុន ពោរពេញដោយបញ្ញវន្ត។ ត្រកូល ហ៊ុន ពលរដ្ឋស្រលាញ់រាប់អានខ្លាំងណាស់។-សម្ដេចតេជោ៖ ខ្ញុំស្ដាយបំផុត ដែលគណបក្សប្រឆាំងនៅស្រុកខ្មែរល្ងង់ពេក។ ប៉ុន្តែទុកឱ្យល្ងង់ចុះ ដើម្បីឱ្យចាញ់រហូត។-សម្ដេចតេជោ៖ យើងនឹងត្រូវកសាងស្ពានចំនួន ៣ ទៀតនៅពេលខាងមុខនេះ។ ស្ពានទី១ ឆ្លងកាត់ទន្លេមេគង្គទៅក្រចេះ ឬ ឆ្លងពីក្រចេះ មកកំពង់ធំ។ ស្ពានទី២ ឆ្លងពីផ្សារចាស់កាត់ទន្លេសាប ចុះនៅជ្រោយ ចង្វា ចេញពីជ្រោយចង្វា ទៅអរិយក្សត្រ។ ស្ពានទី៣ តភ្ជាប់ពីផ្លូវជាតិលេខ១ ទៅល្វាឯម ដើម្បីតភ្ជាប់ផ្លូវ ល្បឿនលឿន ទៅព្រំដែនវៀតណាម។-សម្ដេចតេជោ៖ កាលពីឆ្នាំ២០០៨ ខ្ញុំបានជួយជាថវិកា ដើម្បីឱ្យគណបក្សរបស់សម្ដេចក្រុមព្រះ បានចូលរួមបោះឆ្នោត។-សម្ដេចតេជោ៖ ហេតុអ្វីបានជាអាល្លឺម៉ង់ ដែលចាក់ឫសដោយប្រព័ន្ធប្រជាធិបតេយ្យ តាំងពីក្រោយ សង្គ្រាមលោកលើកទី២ បែរជាមានការប៉ុនប៉ងធ្វើរដ្ឋប្រហារ ហើយមានការចាប់ខ្លួនក្រុមប៉ុនប៉ងធ្វើ រដ្ឋប្រហារនោះទៅវិញ?-សម្ដេចតេជោ៖ ការនាំចេញរបស់កម្ពុជាមកអឺរ៉ុប កើនប្រមាណ ១៨ ភាគរយ គិតជាទឹកប្រាក់មាន ទំហំជាងបួនពាន់លានដុល្លារ។-សម្ដេចតេជោ៖ សូមកុំមើលកម្ពុជា ត្រឹមជាកម្ពុជា សូមមើលកម្ពុជាឱ្យឆ្ងាយជាងហ្នឹង សូមមើលកម្ពុជាក្នុងនាមអាស៊ាន។-សម្ដេចតេជោ៖ ក្នុងចំណោមអាស៊ាន ១០ ប្រទេស មានតែស៊ុលតង់ព្រុយណេ និងសម្ដេចតេជោ ប៉ុណ្ណោះដែលកាន់ញញួរប្រធានអាស៊ាន ៣ ដង។-សម្ដេចតេជោ៖ កម្ពុជា ត្រូវខិតខំទប់ស្កាត់ឱ្យខាងតែបាននូវចលនាជ្រុលនិយម ទាំងជ្រុលនិយម ឆ្វេង និងជ្រុលនិយមស្ដាំ។-សម្ដេចតេជោនាំយកក្រមា និងប្រក្រតិទិនខ្មែរ ជាវត្ថុអនុស្សាវរីយ៍ជូនពលរដ្ឋខ្មែរ ដែលកំពុងរស់នៅ និងរៀនសូត្រនៅអឺរ៉ុប។

សម្តេចតេជោហួសចិត្តក្រុមប្រឆាំងដែលចោទពលរដ្ឋខ្មែររស់នៅតំបន់អឺរ៉ុបមកជួបសម្តេចថាជាការជួញដូរ

2022/12/13 03:48:48 pm        375
ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានសម្តែងការហួសចិត្ត និងសោកស្តាយយ៉ាងខ្លាំងចំពោះក្រុមប្រឆាំងជ្រុលនិយមនៅក្រៅប្រទេស ដែលបានចោទប្រកាន់បងប្អូនប្រជាពលរដ្ឋខ្មែរដែលកំពុងសិក្សា និងរស់នៅក្នុងតំបន់អឺរ៉ុបមកជួបសម្តេច គឺជាការជួញដូរ ឬក៏ជួលជាដើម។ក្នុងឱកាសដែលសម្តេចអញ្ជើញសំណេះសំណាលជាមួយប្រជាពលខ្មែរជិត ២ពាន់នាក់ នៅទ្វីបអឺរ៉ុប នាថ្ងៃទី១២ ខែធ្នូ ឆ្នាំ២០២២នេះ សម្តេចតេជោ ហ៊ុន សែន បានសង្កត់ធ្ងន់ថា ការចោទប្រជាពលរដ្ឋខ្មែរនៅក្រៅប្រទេស ដែលមកទទួលស្វាគមន៍ និងគាំទ្រសម្តេចនៅទីក្រុងព្រុចសែលថា ជាការទិញដូរ ឬជួលនោះ គឺជាការប្រមាថយ៉ាងធ្ងន់ធ្ងរ ឬបំពានសិទ្ធិពលរដ្ឋ ខណៈបងប្អូនប្រជាពលរដ្ឋ ដែលកំពុងរស់នៅប្រទេសប្រកាន់នូវលទ្ធិប្រជាធិបតេយ្យ។សម្តេចតេជោ ហ៊ុន សែន ក៏បានសម្តែងការសោកស្តាយ ដែលក្រុមប្រឆាំងមួយចំនួនធ្លាប់នៅក្នុងប្រទេសកម្ពុជា ហើយមករស់នៅក្រៅប្រទេស តែងវាយប្រហារថា នរណាដែលមកចូលរួមជាមួយគណបក្សប្រជាជន ឬក៏មកជួបសម្តេចនោះ គឺអាយ៉ងទាំងអស់ ឬយួនទាំងអស់។ យ៉ាងណាក៏ដោយសម្តេចតេជោបានបញ្ជាក់ថា ការលើកឡើងរបស់ក្រុមប្រឆាំងទាំងនោះ គឺជាទម្លាប់ដ៏អាក្រក់របស់ពួកគេទៅហើយ ហើយការចោទប្រកាន់របស់ក្រុមជ្រុលនិយមទាំងនោះ ក៏មិនមែនជាលើកទីមួយដែរ។ជាមួយគ្នានោះដែរ សម្តេចតេជោ ហ៊ុន សែន ក៏បានផ្តាំផ្ញើទៅក្រុមប្រឆាំងប៉ុន្មាននាក់ដែលកំពុងរស់ នៅប្រទេសបារាំង ហើយប៉ុនប៉ងធ្វើបាតុកម្មប្រឆាំងនឹងដំណើរទស្សនកិច្ចរបស់សម្តេចនៅបារាំងនាថ្ងៃទី ១៤ ខែធ្នូ ឆ្នាំ២០២២នេះផងដែរថា ការប្រមូលផ្តុំរបស់ក្រុមប្រឆាំងទាំងនោះមានមនុស្សប៉ុន្មាននាក់ ខណៈវត្តមានបងប្អូនប្រជាពលរដ្ឋមកទទួលស្វាគមន៍សម្តេចរហូតដល់ជិត ២០០០នាក់។ ក្នុងឱកាសសំណេះសំណាលជាមួយបងប្អូនពលរដ្ឋខ្មែរនៅតំបន់អឺរ៉ុបនោះ សម្តេចតេជោ ហ៊ុន សែន ក៏បានលើកឡើងអំពីក្រុមប្រឆាំង ដែលចង់កម្ចាត់ត្រកូលហ៊ុនផងដែរ។ ដោយសម្តេចបានលើកឡើងបែបចំអកថា អ្នកដែលចង់កម្ចាត់ត្រកូលហ៊ុន ទោះបីជា៥០០ជាតិទៀត មិនទាន់ធ្វើអ្វីដល់សម្តេចបានផង៕(ដោយ​៖ បាន ចក់)

ក្រសួងវប្បធម៌ប្រារព្ធពិធីបួងសួងដើម្បីរៀបចំមហាព្រឹត្តិការណ៍វប្បធម៌ «រាត្រីចងចាំ» លើទឹកដីអង្គរ

2022/12/13 03:40:47 pm        304
មហាព្រឹត្តិការណ៍វប្បធម៌ដ៏អស្ចារ្យ «រាត្រីចងចាំ» និងព្រឹត្តិការណ៍រំលឹកគុណអង្គរ នឹង​ត្រូវ​រៀបចំ​ធ្វើនៅថ្ងៃទី ១៤-១៦ ខែធ្នូ ខាងមុខនេះ នៅបរិវេណប្រាសាទអង្គរតូច ខេត្តសៀមរាប។ នៅ​មុន​មួយ​ថ្ងៃ​នៃការចាប់ផ្ដើមកម្មវិធី ក្រសួងវប្បធម៌ និងវិចិត្រសិល្បៈ បានរៀបចំពិធីបួងសួង នៅ​បរិវេណ​ខាង​ក្រោយប្រាសាទអង្គរតូច ដោយមានការចូលរួមពីលោកជំទាវរដ្ឋមន្រ្តី ភឿង សកុណា ព្រទ្ធាចារ្យផ្នែកវប្បធម៌ និងសិល្បករ សិល្បការិនី ព្រមទាំង នាដកា ជាច្រើននាក់។ លោកជំទាវ ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ នាព្រឹកថ្ងៃអង្គារ៍ ទី ១៣ ខែធ្នូ ឆ្នាំ ២០២២ បានអញ្ជើញជាអធិបតីក្នុងពិធីបួងសួងនៅបរិវេណខាងក្រោយប្រាសាទអង្គរវត្ត (អង្គរតូច) ដើម្បីរៀបចំមហាព្រឹត្តិការណ៍វប្បធម៌ដ៏អស្ចារ្យ «រាត្រីចងចាំ» លើ​ទឹក​ដី​អង្គរ​នៃ​ខេត្ត​សៀមរាប អបអរសាទរខួប ៣០ឆ្នាំនៃ​ការដាក់​បញ្ចូល​តំបន់​រមណីយ​ដ្ឋាន​អង្គរ​ជា​សម្បត្តិ​បេតិកភណ្ឌ​វប្បធម៌រូបីនៃពិភពលោក។ មហាព្រឹត្តិការណ៍ទស្សនីយភាពសិល្ប: វប្បធម៌ដ៏អស្ចារ្យ បង្ហាញជូននូវបេតិកភណ្ឌវប្បធម៌រូបី និង​អរូបី ទស្សនីយភាពសិល្ប:ជាច្រើនទម្រង់ព្រមទាំងមានសម្តែងជូនទស្សនិកជនបានទស្សនា ដោយ​មាន​ការចូលរួមពីសិល្បករសិល្បការិនីជិត៣០០នាក់។ ព្រមជាមួយគ្នានេះដែរ អាជ្ញាធរជាតិអប្សរា ក៏បានរៀបចំនូវពិធីរំលឹកគុណអង្គរ ក្នុង​គោល​បំណង​រំលឹក​គុណអង្គព្រះមហាក្សត្រគ្រប់ព្រះអង្គ និងបុព្វការីជនដែលលោកបានកសាង និងថែ​រក្សា​ប្រាសាទ​ទាំង​អស់នៅក្នុងរមណីយដ្ឋានអង្គរ ដោយបានផ្តល់​អត្ថ​ប្រយោជន៍​ជា​ច្រើន​ដល់​ជាតិ​មាតុ​ភូមិ​តាំង​ពីដើមរហូតដល់សព្វថ្ងៃ។ ពិធីរំលឹកគុណអង្គរលើកទី២ នាឆ្នាំ ២០២២ នេះ នឹងប្រព្រឹត្តទៅចំនួន៣ថ្ងៃ ចាប់ពីថ្ងៃទី ១៤-១៦ ខែ​ធ្នូ ឆ្នាំ២០២២ ដែលមានកម្មវិធីសាសនា ស្ដង់ពិព័ណ៌ និងការ​សម្ដែង​សិល្បៈ​បុរាណ​នៅ​ពេល​រាត្រី ដែលអនុញ្ញាតឱ្យបងប្អូនប្រជាពលរដ្ឋ ភ្ញៀវទេសចរជាតិ និងអន្តរជាតិ អាច​ចូល​រួម​ទស្សនា​កម្សាន្ត​ដោយ​ក្ដីរីករាយ៕(អត្ថបទ៖ ចេន សុជាតា , រូបភាព៖ ប៉ាន់ បូនី)

កម្រងរូបភាពសម្តេចតេជោ ហ៊ុន សែន អញ្ជើញជួបសំណេះសំណាលជាមួយប្រជាពលរដ្ឋខ្មែររស់នៅតំបន់អឺរ៉ុប

2022/12/13 02:22:42 pm        328
ភ្នំពេញ៖ នៅល្ងាចថ្ងៃទី១២ ខែធ្នូ ឆ្នាំ ២០២២ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានជួបសំណេះសំណាលជាមួយប្រជាពលរដ្ឋខ្មែររស់នៅបណ្ដាប្រទេសជាច្រើននៅតំបន់អឺរ៉ុបប្រមាណជាង២ពាន់នាក់ នៅទីក្រុងព្រុចសែល ប្រទេសបែលហ្សិក។ជំនួបនេះធ្វើឡើងក្នុងឱកាសដែលសម្ដេចអញ្ជើញធ្វើជាសហប្រធានក្នុងកិច្ចប្រជុំខួបអនុស្សាវរីយ៍អាស៊ាន-សហភាពអឺរ៉ុប ដែលត្រូវធ្វើឡើងនៅទីក្រុងព្រុចសែល នៅថ្ងៃទី១៤ធ្នូខាងមុខនេះ។ខាងក្រោមនេះជាកម្រងរូបភាពសម្តេចតេជោ ហ៊ុន សែន អញ្ជើញជួបសំណេះសំណាលជាមួយប្រជាពលរដ្ឋខ្មែររស់នៅតំបន់អឺរ៉ុប៖

បណ្ដាញសង្គម

ព័ត៌មានថ្មីៗ

កម្ពុជា-សិង្ហបុរី បន្ដពង្រឹងទំនាក់ទំនង និងកិច្ចសហប្រតិបត្តិការទ្វេភាគីឱ្យកាន់តែរឹងមាំ​ និង​ ស៊ីជម្រៅ​
11/17/2026 11:11 PM
កម្ពុជា-អូស្ត្រាលី ប្ដេជ្ញាពង្រឹងកិច្ចសហប្រតិបត្តិការដែលមានស្រាប់ និងស្វែងរកកាលានុវត្តភាពថ្មីៗបន្ថែមទៀត
11/17/2026 10:11 PM
សម្ដេចតេជោ ឆ្លើយតប អគ្គលេខាធិការហ្វ្រង់កូហ្វូនី៖ មោទនភាពសម្រាប់កម្ពុជា មានឱកាសរៀបចំនូវកិច្ចប្រជុំកំពូល ដោយជោគជ័យ
11/17/2026 08:11 PM
មន្ទីរពេទ្យព្រះអង្គឌួង ទទួលសម្ភារៈបរិក្ខាចក្ខុរោគសម្រាប់ចែកបន្តដល់មន្ទីរពេទ្យជាសម្ព័ន្ធមេត្រីភាពដើម្បីលើកកម្ពស់គុណភាពថែទាំភ្នែកកាន់តែប្រសើរ
11/17/2026 08:11 PM
កម្ពុជា-សហរដ្ឋអាមេរិក បន្តពង្រឹងភាពជាដៃគូក្នុងការប្រយុទ្ធនឹងជំងឺរបេង ដើម្បីឈានទៅលុបបំបាត់ជំងឺរបេងត្រឹមឆ្នាំ២០៣០
11/17/2026 08:11 PM
សម្ដេចតេជោ ជំរុញឱ្យ កម្ពុជា-ឡាវ បន្តកិច្ចសហប្រតិបត្តិការ ជាពិសេស ធានាព្រំដែនមាន សន្តិភាព ស្ថេរភាព និងសុវត្ថិភាព
11/17/2026 08:11 PM
សម្ដេចតេជោ ឯកភាពឱ្យ កម្ពុជា-ម៉ាឡេស៊ី ពង្រឹងកិច្ចសហប្រតិបត្តិការ វិស័យសេដ្ឋកិច្ច ពាណិជ្ជកម្ម ការវិនិយោគ
11/17/2026 08:11 PM
សម្ដេចតេជោ៖ កម្ពុជានឹងនិយាយលើវេទិកាអន្តរជាតិកាន់តែខ្លាំងជាងមុនថែមទៀត បើថៃមិនអនុវត្តកិច្ចព្រមព្រៀង
11/17/2026 08:11 PM
សម្តេចរដ្ឋសភាធិបតី ឃួន សុដារី៖ ការកសាងសង្គមមួយដែលប្រកបដោយសន្តិភាព ភាពធន់ និងយកប្រជាជនជាស្នូល ទាមទារឱ្យមានការរួមចំណែកពីស្ត្រី
11/17/2026 07:11 PM
អ៊ីរ៉ង់កំណត់គោលដៅលើបារ៉ែន ខណៈភាពតាន​តឹង​​ នៅតំបន់​មជ្ឈិមបូព៌ា ឡើងកម្ដៅ​ជាថ្មី
11/17/2026 07:11 PM