BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

សម្ដេចធិបតី៖ កម្ពុជាជ្រើសរើសយកយន្តការ UNCLOS ដោយសារថៃលុបចោល MOU ២០០១ ជាឯកតោភាគី

ព័ត៌មានសំខាន់ៗ

កិច្ចប្រជុំរដ្ឋមន្ត្រីការពារជាតិអាស៊ាន-បូក ចាប់ផ្ដើមពិភាក្សាគ្នាលើបញ្ហាសន្តិសុខតំបន់ និងសកល

សៀមរាប៖ សម្តេចពិជ័យសេនា ទៀ បាញ់ រដ្ឋមន្រ្តីក្រសួងការពារជាតិកម្ពុជា បានដឹកនាំកិច្ចប្រជុំរដ្ឋមន្ត្រីការពារជាតិអាស៊ាន-បូក លេីកទី៩ នៅព្រឹកថ្ងៃទី ២៣ ខែវិច្ឆិកា ឆ្នាំ២០២២នេះ នៅសណ្ឋាគារសុខា ខេត្តសៀមរាប។ កិច្ចប្រជុំនេះ ពិភាក្សាគ្នាផ្តោតលើបញ្ហាសន្តិសុខតំបន់ និងសកល ជាពិសេសការលេីកកម្ពស់យន្តការពហុភាគីនិយមក្នុងវិស័យការពារជាតិ។

កុមារឥណ្ឌូនេស៊ីរាប់រយនាក់ត្រូវបានសម្រាកព្យាបាលនៅមន្ទីរពេទ្យ ក្រោយរញ្ជួយដី

ឥណ្ឌូនេស៊ី៖ ជនរងគ្រោះក្មេងៗនៃគ្រោះរញ្ជួយដីក្នុងខេត្តជ្វាខាងលិចរបស់ប្រទេសឥណ្ឌូនេស៊ី កំពុងត្រូវបានសម្រាកព្យាបាលនៅមន្ទីរមួយកាលពីថ្ងៃអង្គារ មួយថ្ងៃក្រោយគ្រោះរញ្ជួយដីឆក់យកជីវិតមនុស្សយ៉ាងហោចណាស់ ២៦៨នាក់ក្នុងខេត្តដ៏ពេញនិយមបំផុតរបស់ប្រទេសនេះ។ ការរញ្ជួយដីកម្រិត ៥.៦រ៉ិចទ័របានវាយប្រហារប្រទេសឥណ្ឌូនេស៊ីកាលពីរសៀលថ្ងៃចន្ទ ទី២១ វិច្ឆិកា បណ្ដាលឲ្យខូចខាតធ្ងន់ធ្ងរលើទីប្រជុំជន Cianjur នៅចម្ងាយ ៧៥គីឡូម៉ែត្រភាគអាគ្នេយ៍រដ្ឋធានីចាកាតា។ កំពុងអង្គុយនៅក្នុងមន្ទីរពេទ្យក្បែរកូនស្រីរបស់ខ្លួនអ្នកស្រី Siti Fatimah បាននិយាយថា នៅពេលខ្ញុំប្រាប់កូនស្រីរបស់ខ្ញុំ Fitri ឲ្យទៅលាងដៃពេលទទួលទាហានអាហាររួច ហើយពេលកូនស្រីរបស់ខ្ញុំកំពុងដើរទៅបន្ទប់ទឹក ប៉ុន្មាននាទីក្រោយមកក៏រញ្ជួយដីបានកើតឡើង ហើយខ្លាំងទៀតផង។ជញ្ជាំងផ្ទះបានបាក់ធ្លាក់សង្កត់ត្រឹម ក កូនស្រី ខ្ញុំឃើញតែក្បាលប៉ុណ្ណោះ ហើយទឹកក្ដៅក្នុងបំពង់បានកំពុបលើខ្លួន និងជើងធ្វើឲ្យរលាកដោយសារតែជញ្ជាំងរលំលើ។ កិច្ចខិតខំប្រឹងប្រែងជួយសង្គ្រោះមានភាពស្មុគស្មាញ ដោយសារការដាច់ចរន្តអគ្គិសនីនៅក្នុងតំបន់មួយចំនួន និងមានរលករញ្ជួយចំនួន ១៤៥លើក ដែលក្រុមមន្ត្រីបានចេញការព្រមានថា អាចនឹងមានបំណាក់ដីបន្ថែមទៀតក្នុងពេលប៉ុន្មានសប្ដាហ៍ខាងមុខ៕ អត្ថបទ៖ សុខមាន

សម្ដេចតេជោ៖ ដើម្បីឲ្យតំបន់មានសន្តិសុខ អាស៊ានត្រូវពង្រឹងកិច្ចសហប្រតិបត្តិការសន្តិសុខ និងការពារជាតិ

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានអាស៊ានឆ្នាំ២០២២ បានថ្លែងថា ដើម្បីឲ្យក្នុងតំបន់អាស៊ាន មានសន្តិសុខប្រកបដោយភាពសុខ ដុម ប្រទេសជាសមាជិកទាំងអស់ ត្រូវពង្រឹងនូវកិច្ចសហប្រតិបត្តិការសន្តិសុខ និងការពារជាតិ ដែលផ្អែកលើការជឿទុកចិត្ត និងប្រជាជនជាស្នូល ។ក្នុងឱកាសអញ្ជើញជាអធិបតី បើកកិច្ចប្រជុំរដ្ឋមន្ត្រីការពារជាតិអាស៊ាន-បូក លើកទី៩ ( 9th ADMM-Plus) សម្ដេចតេជោនាយករដ្ឋមន្ត្រី មានប្រសាសន៍ថា មូលបទកិច្ចប្រជុំឆ្នាំនេះ គឺផ្ដោតសំខាន់ទៅលើសន្តិសុខប្រកបដោយភាពសុខដុម ដែលនេះជាគំនិតថ្មីមួយ សម្រាប់តំបន់នេះ ដោយយើងត្រូវទទួលស្គាល់ និងរំលេចអំពីសារសំខាន នៃការអាស្រ័យគ្នាទៅវិញទៅមក សម្រាប់សន្តិភាព និងស្ថិរភាព ។សម្ដេចតេជោ បានបន្តថា ជាការកត់សម្គាល់ ភាពផ្សារភ្ជាប់ ការអាស្រ័យគ្នាទៅវិញទៅមក និងសន្តិសុខប្រកបដោយកិច្ចសហប្រតិបត្តិការ បានក្លាយជាមូលដ្ឋានគ្រឹះនៃសន្តិភាព និងស្ថិរភាពនៅក្នុងតំបន់អាស៊ី-ប៉ាស៊ីហ្វិក ។ប្រធានអាស៊ានឆ្នាំ២០២២ បានសង្កត់ធ្ងន់ថា ទំនាក់ទំនង និងកិច្ចពិភាក្សាគ្នា ដោយបើកចំហ ស្មោះត្រង់ និងប្រកបដោយបរិយាបន្ន គឺជាមាគ៌ាឆ្ពោះទៅរកការបំបាត់ភាពតានតឹង ការបង្ការជម្លោះនាពេលអនាគត និងការកសាង “សន្តិសុខប្រកបដោយភាពសុខដុម” ដោយផ្អែកលើការគោរពគ្នា ការយោគយល់គ្នា ការជឿទុកចិត្តគ្នា និងការគោរពប្រយោជន៍គ្នាទៅវិញទៅមក ដោយយើងត្រូវរួមគ្នាដោះស្រាយបញ្ហាប្រឈម នៃសន្តិសុខជាប្រពៃណី និងមិនមែនជាប្រពៃណីរបស់យើង៕ អត្ថបទ៖ បាន សុខរិទ្ធិ

ចំនួនអ្នកស្លាប់ក្នុងគ្រោះរញ្ជួយដីនៅឥណ្ឌូនេស៊ីឡើងដល់ ២៦៨នាក់ ខណៈការស្វែងរកនៅតែបន្ត

ឥណ្ឌូនេស៊ី៖ ក្រុមអ្នកជួយសង្គ្រោះនៅក្នុងប្រទេសឥណ្ឌូនេស៊ីកំពុងធ្វើការរហូតដល់យប់ទី២ ដើម្បីព្យាយាមស្វែងរកអ្នកនៅរស់រានមានជីវិតដែលបានជាប់ក្រោមកម្ទេចថ្ម ក្រោយគ្រោះរញ្ជួយដីក្នុងខេត្តជ្វាខាងលិច។ ក្រុមមន្ត្រីបានកំណត់ចំនួនអ្នកស្លាប់សរុបឡើងដល់ ២៦៨នាក់ភាគច្រើននៃជនរងគ្រោះជាកុមារ និង ១៥១នាក់នៅតែបន្តបាត់ខ្លួន ព្រមទាំងជាង ១.០០០នាក់បានរងរបួស។ ផ្លូវដែលរងការខូចខាត និងការប៉ះពាល់ដ៏ធំធេងកំពុងបង្កការលំបាកក្នុងការចូលទៅជួយសង្គ្រោះជនរងគ្រោះ។ ទីភ្នាក់ងារសម្រាលគ្រោះមហន្តរាយជាតិបាននិយាយថា លំនៅឋានចំនួន ២២.០០០ខ្នងត្រូវបានបំផ្លាញ និងមនុស្សជាង ៥៨.០០០នាក់ត្រូវបានបញ្ជូនទៅកាន់ជម្រកបណ្ដោះអាសន្នក្នុងទីតាំងមួយចំនួននៅតំបន់នោះ។គ្រោះរញ្ជួយដីកម្រិត ៥.៦រ៉ិចទ័របានអង្រួនតំបន់ភ្នំកាលពីថ្ងៃចន្ទ បណ្ដាលឲ្យមានបំណាក់ដីគ្របសង្កតភូមិឋាននានាទាំងមូលជិតទីប្រជុំជន Cianjur របស់ខេត្តជ្វាខាងលិច។ អ្នកតំណាងទីភ្នាក់ងារជាតិស្វែងរក និងជួយសង្គ្រោះក៏បានបញ្ជាក់ផងដែរថា ភាគច្រើននៃអ្នកស្លាប់គឺជាក្មេងៗ ព្រោះនៅម៉ោង ១រសៀលក្មេងៗទាំងនោះនៅសាលារៀននៅឡើយ៕អត្ថបទ៖ សុខមាន

សម្ដេចតេជោ ចែករំលែកបទពិសោធន៍ ៣ចំណុច អំពីដំណើរការសន្តិភាពនៅកម្ពុជា ក្នុងកិច្ចប្រជុំ ADMM-Plus លើកទី៩

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានអាស៊ានឆ្នាំ២០២២ បានចែករំលែកនូវបទពិសោធន៍សង្ខេបចំនួន ៣ចំណុច នៅក្នុងកិច្ចប្រជុំរដ្ឋមន្ត្រីការពារជាតិអាស៊ាន-បូក លើកទី៩ ( 9th ADMM-Plus) អំពីដំណើរការសន្តិភាពនៅក្នុងប្រទេសកម្ពុជា ។ ក្នុងឱកាសអញ្ជើញបើកកិច្ចប្រជុំ ADMM-Plus នៅថ្ងៃទី២៣ ខែវិច្ឆិកា ឆ្នាំ២០២២ នាខេត្តសៀមរាប សម្ដេចតេជោនាយករដ្ឋមន្ត្រី បានមានប្រសាសន៍ថា កម្ពុជាក្នុងនាមជាជនរងគ្រោះ នៃសង្គ្រាមស៊ីវិលបីទសវត្សរ៍ មានបទពិសោធមួយចំនួន ដើម្បីចែករំលែកជាមួយប្រទេសដទៃទៀត ក្នុងការធ្វើឲ្យមានសន្តិភាព កសាងសន្តិភាព រក្សាសន្តិភាព និងកសាងប្រទេសជាតិនៅក្រោយសង្គ្រាម ។សម្ដេចតេជោបន្តថា ដោយបានរៀនសូត្រអំពីដំណើរការសន្តិភាពនៅកម្ពុជា ជាពិសេសក្រោមគោលនយោបាយ ឈ្នះ ឈ្នះ នៅទសវត្សរ៍ឆ្នាំ១៩៩០ សូមសង្ខេបចំនួន៣ចំណុច ពាក់ព័ន្ធដំណើរការសន្តិភាពនៅកម្ពុជា មានទី១. ត្រូវតែរក្សាទ្វាឲ្យបើកចំហជានិច្ច សម្រាប់កិច្ចពិភាក្សានយោបាយ និងការចរចាប្រកបដោយបរិយាបន្ន, ទី២. ត្រូវធានានូវសុវត្ថិភាព យុត្តិធម៌ និងសុខុមាលភាពរបស់គ្រប់ភាគីទាំងអស់ និងទី៣. ត្រូវមានភាពម្ចាស់ការ ខណៈដែលកំពុងទទួលខុសត្រូវលើដំណើរការសន្តិភាព ។ ភាពជាម្ចាស់នៃប្រទេសជាតិ គឺពិតជាសំខាន់ណាស់ ចំពោះការចរចាសន្តិភាព។ប្រធានអាស៊ានឆ្នាំ២០២២ បានរំលឹកថា កាលពី១០ឆ្នាំមុន សម្ដេចក៏ធ្លាប់បានស្នើឲ្យមាន តំបន់ដែលគ្មានសង្គ្រាមស៊ីវិល ឬតំបន់ដែលគ្មានជម្លោះ នៅក្នុងតំបន់អាស៊ីអាគ្នេយ៍ ។ នៅពេលនោះ គ្មានរដ្ឋសមាជិកអាស៊ានណាមួយ បានគិតអំពីការកើតសង្គ្រាមឡើងវិញ នៃសង្គ្រាមស៊ីវិលនៅក្នុងតំបន់នោះទេ ។សម្ដេចតេជោ ហ៊ុន សែន បានគូសបញ្ជាក់ថា ប៉ុន្តែបច្ចុប្បន្ននេះ មីយ៉ាន់ម៉ា កំពុងរំកិលទៅរកសង្គ្រាមស៊ីវិល ដោយនៅផ្នែកខ្លះ នៃប្រទេសមីយ៉ាន់ម៉ា សង្គ្រាមស៊ីវិលបានកើតឡើងទៅហើយ ៕ អត្ថបទ៖ បាន សុខរិទ្ធិ

វិមានក្រឹមឡាំងជំរុញឲ្យមានការឆ្លើយតបជាសកលជុំវិញការបាញ់ផ្លោងនៅរោងចក្រនុយក្លេអ៊ែរ Zaporizhzhia

រុស្ស៊ី៖ វិមានក្រឹមឡាំងបាននិយាយកាលពីថ្ងៃចន្ទថា ខ្លួនមានការព្រួយបារម្ភដោយការបាញ់ផ្លោងជាថ្មីនៅរោងចក្រថាមពលនុយក្លេអ៊ែរ Zaporizhzhia កាលពីចុងសប្តាហ៍ និងបានអំពាវនាវឱ្យប្រទេសនានាប្រើប្រាស់ឥទ្ធិពលរបស់ពួកគេ ដើម្បីជួយបញ្ចប់ការវាយប្រហារលើស្ថានីយ៍ថាមពលនុយក្លេអ៊ែរធំបំផុតរបស់អឺរ៉ុប។ រោងចក្រថាមពលនុយក្លេអ៊ែរ Zaporizhzhia នៅប្រទេសអ៊ុយក្រែនដែលស្ថិតក្រោមការគ្រប់គ្រងរបស់រុស្ស៊ី ត្រូវបានធ្វើឲ្យរង្គោះរង្គើរដោយការបាញ់ផ្លោងកាលពីថ្ងៃអាទិត្យ បណ្តាលឲ្យមានការថ្កោលទោសពីអង្គការឃ្លាំមើលនុយក្លេអ៊ែររបស់អង្គការសហប្រជាជាតិ ដែលបាននិយាយថា ការវាយប្រហារបែបនេះបង្កហានីភ័យគ្រោះមហន្តរាយធំ។ អ្នកនាំពាក្យវិមានក្រឹមឡាំងបាននិយាយថា យើងបានអំពាវនាវឱ្យប្រទេសទាំងអស់លើពិភពលោកប្រើប្រាស់ឥទ្ធិពលរបស់ពួកគេ ដូច្នេះកងកម្លាំងប្រដាប់អាវុធអ៊ុយក្រែននឹងបញ្ឈប់ការបាញ់ផ្លោង។ការបាញ់ផ្លោងម្តងហើយម្តងទៀតនៅរោងចក្រនៅភាគខាងត្បូងប្រទេសអ៊ុយក្រែន បានបង្កើនការព្រួយបារម្ភអំពីសក្តានុពលនៃគ្រោះថ្នាក់ធ្ងន់ធ្ងរដែលមានចម្ងាយត្រឹមតែ ៥០០គីឡូម៉ែត្រពីទីតាំងគ្រោះថ្នាក់នុយក្លេអ៊ែរដ៏អាក្រក់បំផុតរបស់ពិភពលោក ជាគ្រោះមហន្តរាយនៅរោងចក្រ Chornobyl កាលពីឆ្នាំ១៩៨៦៕អត្ថបទ៖ ប៊ុនថន

ប្រមុខសម្ព័ន្ធយោធាណាតូ៖ ជំរុញឲ្យបញ្ជូនអាវុធបន្ថែមឲ្យអ៊ុយក្រែន មុនការចរចាសន្តិភាព

អ៊ុយក្រែន៖ ប្រមុខសម្ព័ន្ធយោធាណាតូលោក Jens Stoltenberg និយាយថា ជម្លោះរវាងអ៊ុយក្រែន និងរុស្ស៊ីទំនងជានឹងបញ្ចប់បានតាមរយៈការចរចា ជាមូលហេតុដែលទីក្រុង Kiev ចាំបាច់ត្រូវការអាវុធបន្ថែមទៀត។ លោក Stoltenberg បាននិយាយនៅក្នុងសុន្ទរកថារបស់លោកនៅឯសម័យប្រជុំប្រចាំឆ្នាំ នៃសន្និបាតសភារបស់សម្ព័ន្ធយោធាណាតូលើកទី៦៨ ក្នុងទីក្រុង Madrid កាលពីថ្ងៃចន្ទថា យើងទាំងអស់គ្នាចង់ឲ្យសង្គ្រាមនេះបញ្ចប់ ដោយបន្ថែមថា បញ្ហានៅត្រង់ថា តើសហរដ្ឋអាមេរិកដែលដឹកនាំប្លុកយោធានេះ ត្រូវបញ្ចប់ជម្លោះនេះដោយរបៀបណា។ ប្រមុខអង្គការណាតូបានលើកឡើងថា យើងត្រូវតែដឹងថា សង្គ្រាមនេះទំនងនឹងបញ្ចប់តាមដំណាក់កាលមួយចំនួននៅតុចរចា។ ប៉ុន្តែយើងក៏ត្រូវតែដឹងផងដែរថា លទ្ធផលនៃការចរចាទាំងនោះអាស្រ័យលើកម្លាំងនៅលើសមរភូមិប្រយុទ្ធ។ លោកថា ដូច្នេះប្រសិនបើយើងចង់បានលទ្ធផលដែលអ៊ុយក្រែនអាចទទួលយកបាន ជាមធ្យោបាយល្អបំផុតនៃការសម្រេចបានគឺការផ្ដល់ការគាំទ្រខាងយោធាដល់អ៊ុយក្រែន។លោកថា សមាជិកណាតូទាំងអស់ត្រូវតែត្រៀមគាំទ្រអ៊ុយក្រែន សម្រាប់ជម្លោះអូសបន្លាយរយៈពេលវែង ដោយជំរុញឲ្យក្រុមតំណាងរាស្ត្របន្តការតស៊ូមតិ សម្រាប់ជំនួយបន្ថែមទៀតដល់អ៊ុយក្រែន។ ប៉ុន្តែប្រមុខសម្ព័ន្ធយោធាណាតូរូបនេះបានលើកឡើងថា លោកខាងលិចនឹងត្រូវតែសងយ៉ាងច្រើនចំពោះភាពរឹងរូសរបស់ខ្លួន ប្រសិនបើរុស្ស៊ីឈ្នះសង្គ្រាមក្នុងប្រទេសអ៊ុយក្រែន ព្រោះវានឹងក្លាយជាសញ្ញាចំពោះរបបអាជ្ញាធរផ្សេងទៀត ដែលពួកគេអាចសម្រេចបានគោលដៅដោយប្រើកម្លាំង ដែលនឹងបង្កគ្រោះថ្នាក់កាន់តែខ្លាំងថែមទៀតដល់ពិភពលោក៕អត្ថបទ៖ សុខមាន

ទួរគីនិយាយថា ក្រុមសកម្មប្រយុទ្ធ ១៨៤នាក់ត្រូវបានសម្លាប់ក្នុងប្រតិបត្តិការនៅស៊ីរី

ទួរគី៖ ក្រសួងការពារជាតិទួរគីបាននិយាយថា ក្រុមសកម្មប្រយុទ្ធ ១៨៤នាក់ត្រូវបានសម្លាប់ក្នុងប្រតិបត្តិការកាលពីថ្ងៃអាទិត្យ និងថ្ងៃច័ន្ទ។ ក្រសួងនិយាយថា ប្រតិបត្តិការនេះរួមមានការវាយប្រហារតាមអាកាស និងអាវុធបាញ់នៅលើដី។ ប្រទេសទួរគីនិយាយថា ប្រតិបត្តិការកាលពីចុងសប្តាហ៍របស់ខ្លួនគឺជាការសងសឹក ចំពោះការវាយប្រហារដោយគ្រាប់បែកនៅទីក្រុងអ៊ីស្តង់ប៊ុលកាលពីសប្តាហ៍មុន ដែលបានបណ្តាលឲ្យមនុស្ស ៦នាក់ស្លាប់ ដែលអាជ្ញាធរបានដាក់កំហុសលើក្រុមសកម្មប្រយុទ្ធឃឺដ។ កងកម្លាំងប្រជាធិបតេយ្យស៊ីរី (SDF) ដែលដឹកនាំដោយគណបក្សពលករឃឺដ(PKK) និង YPG បានបដិសេធការជាប់ពាក់ព័ន្ធក្នុងការបំផ្ទុះគ្រាប់បែកកាលពីថ្ងៃទី១៣ ខែវិច្ឆិកានៅលើផ្លូវថ្មើរជើងដ៏មមាញឹកមួយកន្លែង។ប្រទេសទួរគីនិយាយថា កងជីវពលឃឺដបានសម្លាប់មនុស្ស ២នាក់នៅក្នុងការវាយប្រហារដោយកាំភ្លើងធំពីភាគខាងជើងប្រទេសស៊ីរីកាលពីថ្ងៃចន្ទ ជាការបង្កើនការសងសឹកឆ្លងព្រំដែន បន្ទាប់ពីប្រតិបត្តិការតាមអាកាសរបស់ប្រទេសទួរគីកាលពីចុងសប្តាហ៍ និងការវាយប្រហារដោយគ្រាប់បែកដ៏ឃោឃៅ នៅទីក្រុងអ៊ីស្តង់ប៊ុលកាលពីមួយសប្តាហ៍កន្លងទៅនេះ។ កងកម្លាំងប្រដាប់អាវុធរបស់ទួរគីបាននិយាយថា ខ្លួនកំពុងឆ្លើយតប ហើយមន្ត្រីសន្តិសុខជាន់ខ្ពស់ម្នាក់បាននិយាយថា យន្តហោះរបស់ទួរគីបានចាប់ផ្តើមវាយលុកលើគោលដៅជាច្រើនកន្លែង នៅភាគខាងជើងប្រទេសស៊ីរី៕អត្ថបទ៖ សុខមាន

អគ្គិភ័យបណ្តាលឲ្យមនុស្ស ៣៦នាក់ស្លាប់ក្នុងទីក្រុង Anyang ប្រទេសចិន

ចិន៖ ប្រព័ន្ធផ្សព្វផ្សាយរដ្ឋបានរាយការណ៍នៅថ្ងៃអង្គារនេះថា អគ្គិភ័យនៅរោងចក្រមួយកន្លែងក្នុងទីក្រុង Anyang ខេត្ត Henan ប្រទេសចិនបានបណ្តាលឲ្យមនុស្ស ៣៦នាក់ស្លាប់ និង ២នាក់ផ្សេងទៀតរងរបួស។ វីដេអូ CCTV របស់រដ្ឋបានបង្ហាញឱ្យឃើញពីអគ្គិភ័យឆាបឆេះយ៉ាងសន្ធោសន្ធៅ ដោយមានផ្សែងខ្មៅពេញផ្ទៃអាកាស ហើយក្រុមអ្នកពន្លត់អគ្គីភ័យកំពុងប្រឹងប្រែងពន្លត់ភ្លើង។ យោងតាមប្រព័ន្ធផ្សព្វផ្សាយក្នុងស្រុកបានឱ្យរាយការណ៍ថា អគ្គិភ័យបានឆាបឆេះនៅក្រុមហ៊ុន Kaixinda Trading Co Ltd ក្នុងសង្កាត់ Wenfeng ឬតំបន់បច្ចេកវិទ្យាខ្ពស់ក្នុងទីក្រុង Anyang ហើយក្រុមអ្នកពន្លត់អគ្គិភ័យបានបញ្ជូនរថយន្តចំនួន ៦៣គ្រឿងទៅកាន់កន្លែងកើតហេតុ។អគ្គិភ័យត្រូវបានគ្រប់គ្រងមិនឲ្យរាលដាលនៅម៉ោង ៨យប់ថ្ងៃចន្ទម៉ោងក្នុងតំបន់ ហើយបានរលត់ទាំងស្រុងនៅម៉ោង ១១យប់។ ទូរទស្សន៍ CCTV បានរាយការណ៍ថា គិតត្រឹមព្រឹកថ្ងៃអង្គារ ទី២២ ខែវិច្ឆិកានេះ មនុស្ស ៣៦នាក់ត្រូវបានរាយការណ៍ថាបានស្លាប់ និង ២នាក់ត្រូវបានបញ្ជូនទៅមន្ទីរពេទ្យដើម្បីព្យាបាលរបួស ហើយមនុស្សពីរនាក់ផ្សេងទៀតនៅបាត់ខ្លួន៕អត្ថបទ៖ ប៊ុនថន

អង្គការសុខភាពពិភពលោកព្រមានថា ពលរដ្ឋអ៊ុយក្រែនប្រឈមការគំរាមកំហែងដល់អាយុជីវិតក្នុងរដូវរងា

អ៊ុយក្រែន៖ អង្គការសុខភាពពិភពលោកបានព្រមានថា ប្រជាពលរដ្ឋរាប់លាននាក់ក្នុងប្រទេសអ៊ុយក្រែន ប្រឈមនឹងការគំរាមកំហែងដល់អាយុជីវិតក្នុងរដូវរងានៅឆ្នាំនេះ ខណៈរុស្ស៊ីបន្តបាញ់ស្រោចលើហេដ្ឋារចនាសម្ព័ន្ធថាមពលរបស់ប្រទេសនេះ ស្របពេលសីតុណ្ហភាពចុះត្រជាក់។ ក្នុងរយៈពេលប៉ុន្មានសប្ដាហ៍ថ្មីៗនេះ ប្រទេសរុស្ស៊ីបានដាក់គោលដៅលើហេដ្ឋារចនាសម្ព័ន្ធថាមពល ក្នុងការវាយប្រហារដោយមីស៊ីល រួមទាំងស្ថានីយទឹក និងអគ្គិសនី បណ្ដាលឲ្យលំនៅឋានទូទាំងប្រទេសគ្មានអគ្គិសនីប្រើប្រាស់ ខណៈរដូវរងាជិតចូលមកដល់ ដែលជាការដាក់បន្ទុកលើវិបត្តិសុខភាពកាន់តែធ្ងន់ធ្ងរបន្ថែមទៀត។ លោក Hans Henri P Kluge ប្រធានអង្គការសុខភាពពិភពលោកប្រចាំតំបន់អឺរ៉ុបបាននិយាយថា ពាក់កណ្ដាលនៃហេដ្ឋារចនាសម្ព័ន្ធថាមពលរបស់អ៊ុយក្រែនត្រូវបានរងការខូចខាត ឬបំផ្លាញ។ បញ្ហានេះបានប៉ះពាល់រួចទៅហើយដល់ប្រព័ន្ធសុខភាព និងសុខភាពរបស់ប្រជាពលរដ្ឋ។លោកបានព្រមាននៅសន្និសីទសារព័ត៌មានមួយក្នុងទីក្រុង Kyiv ថា រដូវរងានេះនឹងក្លាយជាឱកាសក្នុងការស្រោចស្រង់ជីវិតមនុស្សដោយបន្ថែមថា ពលរដ្ឋអ៊ុយក្រែន ១០លាននាក់បច្ចុប្បន្នគ្មានអគ្គិសនីប្រើប្រាស់ទេ។ អង្គការសុខភាពពិភពលោកបានព្យាករណ៍ថា ពលរដ្ឋអ៊ុយក្រែនប្រមាណ ៣លាននាក់អាចចាកចេញពីលំនៅឋានរបស់ខ្លួនស្វែងរកកន្លែងកក់ក្ដៅ និងសុវត្ថិភាព។ សីតុណ្ហភាពត្រូវគេព្យាករណ៍ថានឹងធ្លាក់ចុះរហូតដល់ដក ២០អង្សាសេនៅតំបន់ជាច្រើនក្នុងប្រទេសនេះ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង

ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ

ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ

ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ

សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា

រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ

អគារស្នាក់ការគណបក្សប្រជាជនកម្ពុជាឃុំត្រប់ ស្រុកបាធាយ ត្រូវបានសម្ពោធដាក់ឲ្យប្រើប្រាស់ជាផ្លូវការ

នាយករដ្ឋមន្ត្រីកាតា និងមេដឹកនាំក្រុមហាម៉ាស ពិភាក្សាតាមទូរស័ព្ទអំពីការអនុវត្តបទឈប់បាញ់នៅតំបន់ហ្កាហ្សា

កូរ៉េខាងជើងថា ផែនការផ្គត់ផ្គង់ប្រេងឥន្ធនៈរបស់ NATO បង្ហាញថា សម្ព័ន្ធយោធានេះកំពុងត្រៀមរៀបចំធ្វើសង្គ្រាម

របាយការណ៍៖ សហរដ្ឋអាមេរិក និងអ៊ីស្រាអែលមានផែនវាយប្រហារលើគោលដៅពាក់ព័ន្ធនឹងថាមពលនៅអ៊ីរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

កិច្ចប្រជុំរដ្ឋមន្ត្រីការពារជាតិអាស៊ាន-បូក ចាប់ផ្ដើមពិភាក្សាគ្នាលើបញ្ហាសន្តិសុខតំបន់ និងសកល

កុមារឥណ្ឌូនេស៊ីរាប់រយនាក់ត្រូវបានសម្រាកព្យាបាលនៅមន្ទីរពេទ្យ ក្រោយរញ្ជួយដី

សម្ដេចតេជោ៖ ដើម្បីឲ្យតំបន់មានសន្តិសុខ អាស៊ានត្រូវពង្រឹងកិច្ចសហប្រតិបត្តិការសន្តិសុខ និងការពារជាតិ

ចំនួនអ្នកស្លាប់ក្នុងគ្រោះរញ្ជួយដីនៅឥណ្ឌូនេស៊ីឡើងដល់ ២៦៨នាក់ ខណៈការស្វែងរកនៅតែបន្ត

សម្ដេចតេជោ ចែករំលែកបទពិសោធន៍ ៣ចំណុច អំពីដំណើរការសន្តិភាពនៅកម្ពុជា ក្នុងកិច្ចប្រជុំ ADMM-Plus លើកទី៩

វិមានក្រឹមឡាំងជំរុញឲ្យមានការឆ្លើយតបជាសកលជុំវិញការបាញ់ផ្លោងនៅរោងចក្រនុយក្លេអ៊ែរ Zaporizhzhia

ប្រមុខសម្ព័ន្ធយោធាណាតូ៖ ជំរុញឲ្យបញ្ជូនអាវុធបន្ថែមឲ្យអ៊ុយក្រែន មុនការចរចាសន្តិភាព

ទួរគីនិយាយថា ក្រុមសកម្មប្រយុទ្ធ ១៨៤នាក់ត្រូវបានសម្លាប់ក្នុងប្រតិបត្តិការនៅស៊ីរី

អគ្គិភ័យបណ្តាលឲ្យមនុស្ស ៣៦នាក់ស្លាប់ក្នុងទីក្រុង Anyang ប្រទេសចិន

អង្គការសុខភាពពិភពលោកព្រមានថា ពលរដ្ឋអ៊ុយក្រែនប្រឈមការគំរាមកំហែងដល់អាយុជីវិតក្នុងរដូវរងា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

កិច្ចប្រជុំរដ្ឋមន្ត្រីការពារជាតិអាស៊ាន-បូក ចាប់ផ្ដើមពិភាក្សាគ្នាលើបញ្ហាសន្តិសុខតំបន់ និងសកល

កុមារ​ឥណ្ឌូនេស៊ី​រាប់រយ​នាក់​ត្រូវបាន​សម្រាក​ព្យាបាល​នៅ​មន្ទីរពេទ្យ ក្រោយ​រញ្ជួយ​ដី​

សម្ដេចតេជោ៖ ដើម្បីឲ្យតំបន់មានសន្តិសុខ អាស៊ានត្រូវពង្រឹងកិច្ចសហប្រតិបត្តិការសន្តិសុខ និងការពារជាតិ

​ចំនួន​អ្នកស្លាប់​ក្នុង​គ្រោះ​រញ្ជួយ​ដី​នៅ​ឥណ្ឌូនេស៊ីឡើងដល់ ​២៦៨​នាក់​ ខណៈការស្វែងរក​នៅតែ​បន្ត​

សម្ដេចតេជោ ចែករំលែកបទពិសោធន៍ ៣ចំណុច អំពីដំណើរការសន្តិភាពនៅកម្ពុជា ក្នុងកិច្ចប្រជុំ ADMM-Plus លើកទី៩

វិមាន​ក្រឹម​ឡាំង​ជំរុញឲ្យមាន​ការឆ្លើយ​តប​ជា​សកល​ជុំវិញ​ការបាញ់​ផ្លោង​នៅ​រោងចក្រ​នុយក្លេអ៊ែរ Zaporizhzhia

ប្រមុខ​សម្ព័ន្ធ​យោធា​ណា​តូ៖ ​ជំរុញ​ឲ្យ​បញ្ជូន​អាវុធ​បន្ថែម​ឲ្យ​អ៊ុយក្រែន មុន​ការចរចា​សន្តិភាព​

ទួរគី​និយាយថា ក្រុម​សកម្មប្រយុទ្ធ ១៨៤​នាក់​ត្រូវ​បាន​សម្លាប់​ក្នុង​ប្រតិបត្តិការ​នៅ​ស៊ី​រី

អគ្គិភ័យ​បណ្តាល​ឲ្យ​មនុស្ស ៣៦​នាក់​ស្លាប់​ក្នុង​ទីក្រុង Anyang ប្រទេស​ចិន

អង្គការ​សុខភាព​ពិភពលោក​ព្រមាន​ថា ពលរដ្ឋ​អ៊ុយ​ក្រែ​ន​ប្រឈម​ការគំរាមកំហែង​ដល់​អាយុជីវិត​ក្នុង​រដូវរងា​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កុមារឥណ្ឌូនេស៊ីរាប់រយនាក់ត្រូវបានសម្រាកព្យាបាលនៅមន្ទីរពេទ្យ ក្រោយរញ្ជួយដី

ចំនួនអ្នកស្លាប់ក្នុងគ្រោះរញ្ជួយដីនៅឥណ្ឌូនេស៊ីឡើងដល់ ២៦៨នាក់ ខណៈការស្វែងរកនៅតែបន្ត

វិមានក្រឹមឡាំងជំរុញឲ្យមានការឆ្លើយតបជាសកលជុំវិញការបាញ់ផ្លោងនៅរោងចក្រនុយក្លេអ៊ែរ Zaporizhzhia

ប្រមុខសម្ព័ន្ធយោធាណាតូ៖ ជំរុញឲ្យបញ្ជូនអាវុធបន្ថែមឲ្យអ៊ុយក្រែន មុនការចរចាសន្តិភាព

ទួរគីនិយាយថា ក្រុមសកម្មប្រយុទ្ធ ១៨៤នាក់ត្រូវបានសម្លាប់ក្នុងប្រតិបត្តិការនៅស៊ីរី

អគ្គិភ័យបណ្តាលឲ្យមនុស្ស ៣៦នាក់ស្លាប់ក្នុងទីក្រុង Anyang ប្រទេសចិន

អង្គការសុខភាពពិភពលោកព្រមានថា ពលរដ្ឋអ៊ុយក្រែនប្រឈមការគំរាមកំហែងដល់អាយុជីវិតក្នុងរដូវរងា