BTV NEWS

កម្ពុជា និងសហរដ្ឋអាម៉េរិក ប្ដេជ្ញាបន្តពង្រឹងកិច្ចសហប្រតិបត្តិការទ្វេភាគី ឱ្យកាន់តែស៊ីជម្រៅ

សម្ដេចធិបតី៖«ការស្វែងរកសន្ដិភាព និងថែរក្សាសន្ដិភាពមិនអាចសុំអ្នកណាក្រៅពីយើងខ្លាំងខ្លួនឯងទេ»

សម្ដេចធិបតី៖កម្ពុជារៀបចំច្បាប់ស្ដីពីកាតព្វកិច្ចយោធាដោយផ្អែកលើភាពចាំបាច់នៃបរិការណ៍ជាក់ស្ដែងថ្មី

សម្ដេចធិបតី៖ការអនុវត្តច្បាប់កាតព្វកិច្ចយោធាបានផ្ដល់អត្ថប្រយោជន៍លើវិស័យការពារជាតិ, ចំពោះយុវជនខ្មែរ និងគ្រួសារ និងសម្រាប់សង្គមជាតិទាំងមូល

ព័ត៌មានសំខាន់ៗ

សម្តេចតេជោ៖ អេកម៉ិច និង CLMV គួរបង្កើនកិច្ចសហប្រតិបត្តិការអភិវឌ្ឍសហគមន៍និង អេកូទេសចរណ៍

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានផ្តល់អនុសាសន៍ឱ្យប្រទេសសមាជិកអេកម៉ិច និងCLMV គួរបង្កើនកិច្ចសហប្រតិបត្តិការលើការអភិវឌ្ឍ ទេសចរណ៍ជនបទ សហគមន៍ និងអេកូទេសចរណ៍ឲ្យក្លាយជា ឆ្អឹងខ្នងនៃការអភិវឌ្ឍ វិស័យទេសចរណ៍ប្រកបដោយភាពធន់ និងចីរភាព។តាមរយៈសារលិខិតស្វាគមន៍របស់សម្តេចសម្រាប់ បើកកិច្ចប្រជុំរដ្ឋមន្ត្រីទេសចរណ៍អេកម៉ិច (ACMECS) លើកទី៥ និងកិច្ចប្រជុំរដ្ឋមន្ត្រីទេសចរណ៍ CLMV លើកទី៦ដែលប្រារព្ធនៅខេត្តសៀមរាប នាព្រឹកថ្ងៃទី៣វិច្ឆិកានេះ ជាមួយនឹងបង្ហាញមោទនភាព ដែលកម្ពុជាបានទទួលធ្វើជាម្ចាស់ផ្ទះរៀបចំកិច្ចប្រជុំអន្តរជាតិធំៗ ជាច្រើន បន្ទាប់ពីការប្រកាសបើកប្រទេសឡើងវិញ ចាប់ពីចុងឆ្នាំ២០២១ មកសម្តេចក៏បានយកឱកាសចែករំលែកនូវការគិតគូរមួយចំនួន ដល់កិច្ចប្រជុំរដ្ឋមន្ត្រីទេសចរណ៍អេកម៉ិក និង CLMV ថា៖គួរបង្កើនកិច្ចសហប្រតិបត្តិការលើការអភិវឌ្ឍផលិតផលថ្មីៗ ការបំពេញឲ្យគ្នា ទៅវិញទៅមក និងផ្ដល់នូវភាពសំបូរបែបដល់ទេសចរ ស្របតាមការប្រែប្រួលនិន្នាកាទេសចរណ៍ ក្រោយវិបត្តិកូវីដ-១៩។សម្ដេចតេជោនាយករដ្ឋមន្ត្រីបានមានប្រសាសន៍ថា ក្នុងបរិបទឌីជីថលូបនីយកម្ម ប្រទេសអេកម៉ិក និង CLMV គួរជំរុញការផ្លាស់ប្ដូរបទពិសោធន៍ លើ ដំណើរការបរិវត្តកម្មឌីជីថលក្នុងវិស័យទេសចរណ៍ ក្នុងនោះគួរដកពិសោធន៍គ្នាទៅវិញ ទៅមក លើការអនុវត្តកម្មវិធីអក្ខរកម្មឌីជីថលក្នុងវិស័យទេសចរណ៍ ការអភិវឌ្ឍជំនាញឌីជីថល ក៏ដូចជា ការប្រើប្រាស់បច្ចេកវិទ្យាឌីជីថល ក្នុងការបង្កើនផលិតភាព និងឧត្តមភាពប្រកួតប្រជែង។អេកម៉ិក និងCLMV គួរគិតគូរជំរុញលំហូរទេសចរផ្ទៃក្នុងតំបន់អាម៉ិក (ACMECS-Intra Traveler) និង លំហូរទេសចរផ្ទៃក្នុងតំបន់ CLMV (CLMV-Intra Traveler) ដោយត្រូវគិតគូរ ផងដែរ លើការបង្កើនការតភ្ជាប់ផ្លូវគោក ផ្លូវអាកាស និងផ្លូវទឹក បន្ថែមទៀត ព្រមទាំងជំរុញ ទេសចរណ៍បើកបរដោយខ្លួនឯង (Self-Driving Tour)។ សម្រាប់ការទាក់ទាញទេសចរពី ប្រទេសទី៣ សម្តេចបានគាំទ្រឲ្យបន្តផ្សព្វផ្សាយក្រោមយុទ្ធនាការ "ប្រទេសប្រាំ គោលដៅទេសចរណ៍ តែមួយ” និង "ប្រទេសបួន គោលដៅទេសចរណ៍តែមួយ”។ដើម្បីសម្របសម្រួលការអនុវត្តផែនការសកម្មភាពទេសចរណ៍អេកម៉ិក និង CLMV ដែលបាន ដាក់ចុះ សម្តេចក៏បានគាំទ្រនូវការគិតគូរបង្កើតឲ្យមានយន្តការស្ថាប័នទេសចរណ៍អេកម៉ិក និង CLMV ដែលអាចជាលេខាធិការដ្ឋាន ឬរចនាសម្ព័ន្ធណាមួយ ហើយកម្ពុជាមានសេចក្តីរីករាយក្នុងការទទួលធ្វើជាម្ចាស់ផ្ទះ៕

កូរ៉េខាងជើងបាញ់មីស៊ីលបាលីស្ទិករំលងជប៉ុនដែលតម្រូវឲ្យមានការប្រកាសឲ្យពលរដ្ឋរត់ចូលក្នុងជម្រកសុវត្ថិភាព

កូរ៉េខាងជើង៖ កូរ៉េខាងជើងបានបាញ់មីស៊ីលបាលីស្ទិកជាច្រើនគ្រាប់នៅថ្ងៃព្រហស្បតិ៍នេះ រួមទាំងមួយគ្រាប់ដែលបានធ្វើឲ្យមានការប្រកាសអាសន្នឲ្យពលរដ្ឋក្នុងតំបន់មួយចំនួននៃភាគកណ្ដាល និងខាងជើងប្រទេសជប៉ុនរត់ចូលក្នុងជម្រកសុវត្ថិភាព ជាការបាញ់សាកល្បងមីស៊ីលដ៏ច្រើនបំផុតក្នុងរយៈពេល ១ឆ្នាំដោយប្រទេសអាវុធនុយក្លេអ៊ែរកូរ៉េខាងជើង។ នាយករដ្ឋមន្ត្រីជប៉ុនបានថ្លែងប្រាប់ក្រុមអ្នកសារព័ត៌មានថា មួយក្នុងចំណោមមីស៊ីលដែលកូរ៉េខាងជើងបានបាញ់នៅព្រឹកថ្ងៃព្រហស្បតិ៍នេះ អាចជាមីស៊ីលបាលីស្ទិកអន្តរទ្វីប (ICBM)។ ចំណែកយោធាកូរ៉េខាងត្បូងបានឲ្យដឹងថា កូរ៉េខាងជើងបានបាញ់មីស៊ីល ៣គ្រាប់នៅព្រឹកថ្ងៃព្រហស្បតិ៍នេះ ក្នុងនោះមួយគ្រាប់ទំនងជាមីស៊ីលបាលីស្ទិកអន្តរទ្វីប (ICBM) និង ២គ្រាប់ទៀតអាចជាមីស៊ីលរយៈចម្ងាយខ្លី។ ការបាញ់ទាំងនេះមានឡើងមួយថ្ងៃ បន្ទាប់ពីកូរ៉េខាងជើងបានបាញ់មីស៊ីលយ៉ាងហោចណាស់ ២៣គ្រាប់ជាចំនួនច្រើនបំផុតក្នុងរយៈពេលតែមួយថ្ងៃ រួមទាំងមួយគ្រាប់ដែលបានធ្លាក់ក្បែរឆ្នេរសមុទ្រកូរ៉េខាងត្បូងជាលើកដំបូង។ប្រជាពលរដ្ឋក្នុងខេត្ត Miyagi, Yamagata និងខេត្ត Niigata ក្នុងភាគខាងជើងជប៉ុន ត្រូវបានព្រមាននៅថ្ងៃព្រហស្បតិ៍នេះឲ្យពលរដ្ឋរត់ចូលក្នុងជម្រកសុវត្ថិភាព នេះបើយោងតាមប្រព័ន្ធផ្សព្វផ្សាយការប្រកាសអាសន្នរបស់ជប៉ុន។ ការព្រមាននេះបាននិយាយថា មីស៊ីលមួយគ្រាប់បានហោះរំលងលើប្រទេសជប៉ុន។ ក្រោយមកក្រសួងការពារជាតិជប៉ុនបាននិយាយថា មីស៊ីលពុំបានហោះរំលងទឹកដីរបស់ប្រទេសជប៉ុនទេ។ ប្រព័ន្ធផ្សព្វផ្សាយ FNN បានរាយការណ៍ដោយសំអាងប្រភពនានាពីរដ្ឋាភិបាលថា រយៈពេលប្រមាណ ២៥នាទីបន្ទាប់ពីការបាញ់លើកដំបូងត្រូវបានរាយការណ៍។ ឆ្មាំសមុទ្រជប៉ុនបាននិយាយថា មីស៊ីលមួយគ្រាប់បានធ្លាក់។ មីស៊ីលនេះបានធ្លាក់នៅក្នុងមហាសមុទ្រប៉ាស៊ីហ្វិកចម្ងាយ ១,១០០គីឡូម៉ែត្រភាគខាងកើតប្រទេសជប៉ុន៕អត្ថបទ៖ សុខមាន

មេដឹកនាំពិភពលោកព្យាយាមសង្គ្រោះកិច្ចព្រមព្រៀងនាំចេញគ្រាប់ធញ្ញជាតិអ៊ុយក្រែន-រុស្ស៊ី

អ៊ុយក្រែន៖ មេដឹកនាំពិភពលោកកំពុងព្យាយាមសង្គ្រោះកិច្ចព្រមព្រៀង ដែលនឹងនាំចេញស្បៀងអាហារដល់ប្រទេសដែលត្រូវការច្រើនបំផុត។ ក្រុមមេដឹកនាំកំពុងជំរុញឱ្យប្រធានាធិបតីរុស្ស៊ីលោក Vladimir Putin បន្តការដឹកជញ្ជូនគ្រាប់ធញ្ញជាតិឡើងវិញចេញពីកំពង់ផែសមុទ្រខ្មៅ។ កាលពីថ្ងៃសៅរ៍ ប្រទេសរុស្ស៊ីបានដកខ្លួនចេញពីកិច្ចព្រមព្រៀង ដែលសម្របសម្រួលដោយប្រទេសទួរគី និងអង្គការសហប្រជាជាតិ។ រុស្ស៊ីនិយាយថា យានដ្រូនរបស់អ៊ុយក្រែនបានវាយប្រហារក្បួននាវារបស់ពួកគេ នៅក្នុងកំពង់ផែ Sevastopol តំបន់គ្រីមៀ។ ពួកគេបានរិះគន់អ៊ុយក្រែន ចំពោះការធ្វើឲ្យនាវាដឹកគ្រាប់ធញ្ញជាតិ និងនាវាអមរបស់រុស្ស៊ីស្ថិតក្នុងហានិភ័យ។ ប្រធានាធិបតីទួរគីលោក Recep Tayyip Erdogan បានទូរស័ព្ទទៅកាន់លោក Putin កាលពីថ្ងៃអង្គារ និងបានស្នើឱ្យលោកដកចេញការសម្រេចចិត្តរបស់លោកវិញ។ លោកPutin និយាយថា លោកនឹងពិចារណានៅពេលដែលការស៊ើបអង្កេតលើការវាយប្រហារដោយយានដ្រូនត្រូវបានបញ្ចប់។ប្រធានាធិបតីទួរគីលោក Tayyip Erdogan បាននិយាយ បន្ទាប់ពីរុស្ស៊ីបានផ្អាកការចូលរួមរបស់ខ្លួននៅក្នុងគំនិតផ្តួចផ្តើមនាំចេញគ្រាប់ធញ្ញជាតិថា ប្រទេសទួរគីនឹងបន្តកិច្ចប្រឹងប្រែង សម្រាប់កិច្ចព្រមព្រៀងនាំចេញគ្រាប់ធញ្ញជាតិនៅសមុទ្រខ្មៅ ទោះបីជារុស្ស៊ីស្ទាក់ស្ទើរក៏ដោយ។ ក្នុងពេលរុស្ស៊ីមានអាកប្បកិរិយាស្ទាក់ស្ទើរ យើងនឹងបន្តការខិតខំប្រឹងប្រែងយ៉ាងមុតមាំក្នុងការបម្រើមនុស្សជាតិ។ រដ្ឋមន្ត្រីការបរទេសទួរគីលោក Mevlut Cavusoglu និយាយនៅទីក្រុងអង់ការ៉ាថា ត្រូវតែមានចំណាត់ការជាក់ស្តែង ដើម្បីដកចេញរបាំងលើការនាំចេញគ្រាប់ធញ្ញជាតិ និងជីពីប្រទេសរុស្ស៊ី និងអ៊ុយក្រែន។លោកនិយាយថា ពិភពលោកទាំងមូលត្រូវការទំនិញទាំងនេះ។ លោក Cavusoglu និយាយថា លោក Erdogan បានធ្វើការអំពាវនាវទៅកាន់ប្រធានាធិបតីអ៊ុយក្រែនលោក Volodymyr Zelenskyy ដោយលោក Zelenskyy បានជឿជាក់លើអ្នកចរចាពីប្រទេសទួរគី និងអង្គការសហប្រជាជាតិថា នឹងអាចធ្វើឲ្យស្ថានភាពល្អប្រសើរ៕អត្ថបទ៖ ប៊ុនថន

អតីតនាយករដ្ឋមន្ត្រីអ៊ីស្រាអែលលោក Netanyahu និយាយថា ក្រុមរបស់លោកជិតឈានដល់ជ័យជម្នះក្នុងការបោះឆ្នោតហើយ

អ៊ីស្រាអែល៖ អតីតនាយករដ្ឋមន្ត្រីអ៊ីស្រាអែលលោក Benjamin Netanyahu បាននិយាយនៅថ្ងៃពុធនេះថា សម្ព័ន្ធភាពស្ដាំនិយមរបស់លោកជិតឈានដល់ជ័យជម្នះដ៏ធំធេងក្នុងការបោះឆ្នោត បន្ទាប់ពីការស្ទង់មតិក្រោយការបោះឆ្នោតបានព្យាករណ៍ថា ក្រុមចម្រុះរបស់លោកទទួលបានសំឡេងភាគច្រើនស្ដួចស្ដើងក្នុងសភា ដែលជាការបើកផ្លូវសម្រាប់ការវិលត្រឡប់មកកាន់តំណែងជាថ្មីរបស់លោក។ លោក Netanyahu បានប្រាប់ក្រុមអ្នកគាំទ្រទាំងទឹកមុខញញឹម នៅទីស្នាក់ការបោះឆ្នោតរបស់លោកនៅក្នុងទីក្រុង Jerusalem ថា យើងបានឈ្នះការបោះឆ្នោតផ្ដល់ទំនុកចិត្តដ៏ច្រើនសម្បើមពីប្រជាជនអ៊ីស្រាអែល។ លោកបានប្រាប់ក្រុមមនុស្សដែលកំពុងសាទររូបលោកថា យើងជិតឈានដល់ជ័យជម្នះដ៏ធំហើយ។ ដោយមានការគាំទ្រខ្លាំងពីសម្ព័ន្ធមិត្តស្តាំនិយមជ្រុលរបស់លោក លោក Netanyahu ស្ថិតក្រោមការកាត់ក្តីពីបទពុករលួយដែលលោកបានបដិសេធនោះ កំពុងតែស្ថិតក្នុងដំណើរឆ្ពោះទៅកាន់អំណាចជាថ្មី នេះបើយោងតាមការស្ទង់មតិក្រោយការបោះឆ្នោត របស់ទូរទស្សន៍អ៊ីស្រាអែលកាលពីល្ងាចថ្ងៃអង្គារ ថ្ងៃទី១ ខែវិច្ឆិកា ដែលបានព្យាករណ៍ពីប្លុករបស់លោកក្នុងចំណោមគណបក្សចំនួន៤ ដែលទទួលបានអាសនៈចំនួន ៦២ ក្នុងចំណោមអាសនៈចំនួន ១២០ របស់សភា។លទ្ធផលចុងក្រោយមិនត្រូវបានរំពឹងទុកទេរហូតដល់ចុងសប្ដាហ៍នេះ។ ការកាន់អំណាចរយៈពេល ១២ឆ្នាំរបស់លោក Netanyahu បានបញ្ចប់កាលពីខែមិថុនា ឆ្នាំ២០២១ នៅពេលអ្នកនិយមកណ្ដាលលោក Yair Lapid បានគ្រប់គ្រងសម្ព័ន្ធភាពដ៏ផុយស្រួយនៃប្លុកអ្នកសេរីនិយម ស្តាំនិយម និងគណបក្សអារ៉ាប់ជាលើកដំបូង និងដែលបានដឹកនាំប្រទេសមួយឆ្នាំក្នុងការគ្រប់គ្រងរបស់ខ្លួន៕អត្ថបទ៖ សុខមាន

នាយករដ្ឋមន្ត្រីឥណ្ឌាពិនិត្យទីតាំងបាក់ស្ពាន និងបានជួបជនរងគ្រោះ

ឥណ្ឌា៖ នាយករដ្ឋមន្ត្រីឥណ្ឌាលោក Narendra Modi បានទាមទារឲ្យចងចាំនូវបទពិសោធន៍ ខណៈលោកបានចុះពិនិត្យកន្លែងបាក់ស្ពានដែលបានបណ្តាលឲ្យមនុស្ស ១៣៥នាក់ស្លាប់ និងបានជួបជាមួយអ្នករងរបួសមួយចំនួននៅមន្ទីរពេទ្យកាលពីថ្ងៃអង្គារ។ ស្ពានយោលសម័យអាណានិគមឆ្លងកាត់ទន្លេ Macchchhu ត្រូវបានប្រមូលផ្តុំទៅដោយអ្នកទស្សនាជាច្រើននៅពេលដែលស្ពាននេះបានបាក់។ មនុស្សជាច្រើនបានស្ថិតក្នុងទីក្រុងដើម្បីប្រារព្ធពិធីបុណ្យ Diwali និង Chhath Puja នៅពេលដែលស្ពានបានបាក់នៅល្ងាចថ្ងៃអាទិត្យ ដោយបានធ្វើឲ្យមនុស្សច្រើននាក់ធ្លាក់ចូលទឹកទន្លេរប្រហែល ១០ម៉ែត្រ។រដ្ឋាភិបាលរដ្ឋបាននិយាយនៅក្នុងសេចក្តីថ្លែងការណ៍ថា មនុស្ស ១៥២នាក់ត្រូវបានធូស្រាល និងបានចេញពីមន្ទីរពេទ្យ ខណៈ ១៧នាក់កំពុងនៅទទួលការព្យាបាល។ នគរបាលឥណ្ឌាបានចាប់ខ្លួនមនុស្ស ៩នាក់កាលពីថ្ងៃចន្ទដោយចោទប្រកាន់ពីបទមនុស្សឃាត។ អ្នកដែលត្រូវបានចាប់ខ្លួននោះ រួមមានអ្នកលក់សំបុត្រដែលត្រូវបានចោទប្រកាន់ថា បានអនុញ្ញាតឱ្យមនុស្សច្រើនហួសហេតុឡើងលើស្ពាន និងអ្នកម៉ៅការដែលទទួលបន្ទុកជួសជុលស្ពាន៕អត្ថបទ៖ ប៊ុនថន

ប្រជាជនកូរ៉េខាងត្បូងកាន់មរណទុក្ខនៅកន្លែងគោរពវិញ្ញាណក្ខន្ធ និងបានរិះគន់ការឆ្លើយតបរបស់នគរបាល

កូរ៉េខាងត្បូង៖ ក្រុមអ្នកកាន់មរណទុក្ខដែលមួយចំនួនបានយំ ខណៈពួកគេគោរពវិញ្ញាណក្ខន្ធជនរងគ្រោះនៃការរត់ជាន់គ្នាអំឡុងពិធីបុណ្យ Halloween ដែលបានបណ្តាលឲ្យមនុស្ស ១៥៦នាក់ស្លាប់នៅក្នុងសង្កាត់ Itaewon ទីក្រុងសេអ៊ូល។ជនរងគ្រោះភាគច្រើនគឺជាប្រជាជនមានវ័យចន្លោះ ២០ឆ្នាំ ដែលបានសម្រុកចូលមកតាមផ្លូវតូចចង្អៀតមួយ ដែលពិធិបុណ្យ Halloween ត្រូវបានធ្វើឡើងបន្ទាប់ពីវិធានការរឹត្បិតជំងឺកូរ៉ូណា ដែលបានផ្អាកពិធីបុណ្យជាប្រពៃណីនេះរយៈពេល ២ឆ្នាំកន្លងមក។ ប្រជាជនមួយចំនួនបានរិះគន់នគរបាល សម្រាប់ការគ្រប់គ្រងមិនបានគ្រប់គ្រាន់លើប្រជាជនដ៏ច្រើន មុនពេលហេតុការណ៍រត់ជាន់គ្នាកើតឡើង។ កំណើនអ្នកស្លាប់ដោយការរត់ជាន់គ្នាបានកើនឡើងដល់ ១៥៦នាក់ និង ១៥១នាក់ផ្សេងទៀតបានរងរបួស ដែលក្នុងចំណោមនេះ ២៩នាក់ស្ថិតក្នុងស្ថានភាពធ្ងន់ធ្ងរ ហើយជាមួយគ្នានេះក៏មានជនបរទេសយ៉ាងហោចណាស់ ២៦នាក់មកពី ១៤ប្រទេសស្ថិតក្នុងចំណោមអ្នកស្លាប់៕អត្ថបទ៖ ប៊ុនថន

តុលាការប្រេស៊ីលបញ្ជាឲ្យនគរបាលបោសសម្អាតការតវ៉ាបិទផ្លូវពីសំណាក់ក្រុមអ្នកបើករថយន្តដឹកទំនិញគាំទ្រលោក Bolsonaro

ប្រេស៊ីល៖ នគរបាលបានបាញ់ឧស្ម័នបង្ហៀរទឹកភ្នែក លើក្រុមអ្នកគាំទ្រលោកប្រធានាធិបតីប្រេស៊ីល Jair Bolsonaro ដែលបានចាញ់ការបោះឆ្នោត បន្ទាប់ពីពួកគេបានបិទផ្លូវសំខាន់មួយទៅកាន់អាកាសយានដ្ឋានអន្តរជាតិ Guarulhos របស់ទីក្រុង Sao Paulo កាលពីថ្ងៃអង្គារ។ ក្រុមអ្នកតវ៉ាគាំទ្រលោក Bolsonaro បានបិទផ្លូវដោយបង្កើតគំនរកង់រថយន្ត នៅលើផ្លូវហាយវ៉េមួយនៅក្នុងតំបន់ Vrzae Grande នៃរដ្ឋ Mato Grosso state ដែលជារដ្ឋផលិតគ្រាប់ធញ្ញជាតិដ៏សំខាន់មួយ។ នគរបាលប្រេស៊ីលបានចាប់ផ្ដើមបំបែកការតវ៉ារាប់រយកន្លែង បង្កើតឡើងដោយក្រុមអ្នកគាំទ្រលោក Jair Bolsonaro បោសសម្អាតផ្លូវហាយវ៉េ និងផ្លូវផ្សេងៗដែលត្រូវបានបិទទូទាំងប្រទេស ក្នុងការតវ៉ាទៅនឹងការបរាជ័យរបស់លោកប្រធានាធិបតីរូបនេះ នៅក្នុងការបោះឆ្នោតសកលដ៏សំខាន់មួយនេះ។លោក Bolsonaro បានចាញ់ការបោះឆ្នោតដ៏ប្រកៀកប្រកិតជាមួយលោក Luiz Inácio Lula da Silva ប៉ុន្តែលោកពុំទាន់ទទួលយកការបរាជ័យ ឬចេញសេចក្ដីថ្លែងការណ៍ណាមួយអំពីការបរាជ័យ ឬការផ្ទេរអំណាចនៅឡើយ។ ទោះយ៉ាងក៏ដោយក្រុមអ្នកគាំទ្ររបស់លោកបានតវ៉ាថា មានការលួចបន្លំសន្លឹកឆ្នោត ទោះបីមិនអាចផ្ដល់ភស្តុតាងនៃការប្រព្រឹត្តខុសណាមួយក៏ដោយ និងបានដុតកង់រថយន្ត និងចតរថយន្តពាសពេញផ្លូវហាយវ៉េកាលពីថ្ងៃចន្ទ បង្កឲ្យមានភាពចលាចល៕អត្ថបទ៖ សុខមាន

ក្រុមមន្ត្រីលោកខាងលិច៖ អ៊ីរ៉ង់កំពុងត្រៀមបញ្ជូនអាវុធបន្ថែមឲ្យរុស្ស៊ី រួមទាំងមីស៊ីលបាលីស្ទីកដើម្បីប្រើនៅអ៊ុយក្រែន

អឺរ៉ុប៖ ក្រុមមន្ត្រីមកពីប្រទេសមួយនៅលោកខាងលិច ដែលបានតាមដានយ៉ាងយកចិត្តទុកដាក់លើកម្មវិធីអាវុធរបស់អ៊ីរ៉ង់ បានប្រាប់សារព័ត៌មាន CNN ថា អ៊ីរ៉ង់កំពុងត្រៀមបញ្ជូនអាវុធប្រមាណ ១,០០០ប្រភេទរួមទាំងមីស៊ីលរយៈបាលីស្ទីករយៈចម្ងាយខ្លីបាញ់ពីដីទៅដី និងយានដ្រូនវាយប្រហារបន្ថែមទៀតទៅឲ្យរុស្ស៊ីប្រើប្រាស់ក្នុងសង្គ្រាមរបស់ខ្លួននៅអ៊ុយក្រែន។ ការដឹកជញ្ជូននឹងត្រូវបានតាមដានយ៉ាងយកចិត្តទុកដាក់បំផុត ព្រោះនឹងក្លាយជាជំហានដំបូងរបស់អ៊ីរ៉ង់ដែលបញ្ជូនមីស៊ីលបាញ់ស៊ីបគោលដៅដ៏ទំនើបទៅឲ្យរុស្ស៊ី ដែលអាចជួយបង្កើនសមត្ថភាពនៅសមរភូមិរបស់វិមានក្រឹមឡាំង។ ក្រុមមន្ត្រីទាំងនោះនិយាយថា ការបញ្ជូនអាវុធចុងក្រោយពីអ៊ីរ៉ង់ទៅកាន់រុស្ស៊ី បានរួមបញ្ចូលទាំងយានដ្រូនចំនួន ៤៥០គ្រឿងដែលរុស្ស៊ីបានប្រើប្រាស់បំផ្លិចបំផ្លាញក្នុងប្រទេសអ៊ុយក្រែនរួចទៅហើយ។ ក្រុមមន្ត្រីអ៊ុយក្រែនបាននិយាយកាលពីសប្ដាហ៍មុនថា ពួកគេបានបាញ់ទម្លាក់យានដ្រូនអ៊ីរ៉ង់ជាង ៣០០គ្រឿង។ការបញ្ជូនអាវុធវគ្គថ្មីដែលត្រូវគេរំពឹងទុកនេះ នឹងបង្ហាញពីសន្ទុះខ្លាំងនៃការគាំទ្ររបស់អ៊ីរ៉ង់ ចំពោះកិច្ចខិតខំប្រឹងប្រែងសម្រាប់សង្គ្រាមរបស់រុស្ស៊ី។ ខណៈពេលមិនទាន់ដឹងច្បាស់ថា ពេលណាអាវុធទាំងនោះនឹងបានទៅដល់រុស្ស៊ី ក្រុមមន្ត្រីជឿជាក់ថា អាវុធទាំងនោះពិតជានឹងត្រូវបានបញ្ជូនទៅមុនដំណាច់ឆ្នាំនេះ។ ក្នុងរយៈពេលប៉ុន្មានសប្ដាហ៍ថ្មីៗនេះ យានដ្រូនរបស់អ៊ីរ៉ង់ទាំងនេះត្រូវបានប្រើប្រាស់ ដាក់គោលដៅលើហេដ្ឋារចនាសម្ព័ន្ធសំខាន់ៗនៅក្នុងប្រទេសអ៊ុយក្រែន៕ អត្ថបទ៖ សុខមាន

សម្តេចតេជោ ចែករំលែកទស្សនៈផ្ទាល់ ៤ចំណុច ដើម្បីឱ្យដៃគូទាំងអស់ទាញយកប្រយោជន៍ពីអាសិបជាអតិបរមា

ភ្នំពេញ៖ នៅសណ្ឋាគារសូហ្វីតែលភ្នំពេញនាព្រឹកថ្ងៃទី២វិច្ឆិកានេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានផ្តល់កិត្តិយសដ៏ឧត្តុង្គឧត្តម បើកវេទិកាពិគ្រោះ យោបល់កម្រិតខ្ពស់ក្នុងឱកាសខួបអនុស្សាវរីយ៍១០ឆ្នាំ ស្តីពីកិច្ច ព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់(អាសិប) និងការប្រកាសជាផ្លូវការនៃសៀវភៅស្ដីពីក្របខណ្ឌ សម្រាប់ការធ្វើសមាហរណកម្មតំបន់របស់វិទ្យាស្ថានស្រាវជ្រាវសេដ្ឋកិច្ចអាស៊ាននិងអាស៊ីបូព៌ា(ERIA) ផងដែរ។ សម្ដេចបានរម្លឹកថា អាសិប ត្រូវបានប្រកាសឲ្យចាប់ផ្ដើមចរចា កាលពីឆ្នាំ២០១២នៅរាជធានីភ្នំពេញ ក្នុងឱកាស នៃកិច្ចប្រជុំកំពូលអាស៊ានលើកទី២១ ដែលកម្ពុជាជាប្រធានអាស៊ាន។ដើម្បីបង្កើនប្រសិទ្ធភាពនៃការទាញយកអត្ថប្រយោជន៍ពីកិច្ចព្រមព្រៀងអាសិបសម្ដេចតេជោ ហ៊ុន សែន បានចែករំលែកនូវទស្សនៈផ្ទាល់ខ្លួនមួយចំនួន ដូចខាក្រោម៖ ទី១-កាគីសមាជិក និង ភាគីហត្ថលេខីនៃកិច្ចព្រមព្រៀងអាសិបទាំងអស់ ជាពិសេសភាគី សមាជិកដែលជាប្រទេសអភិវឌ្ឍន៍តិចតួច គួរបង្កើនកិច្ចសហការនិងគាំទ្រគ្នាទៅវិញទៅមក ក្នុង ការអនុវត្តកិច្ចព្រមព្រៀងអាសិបនេះឱ្យបានពេញលេញ ដើម្បីទាញយកអត្ថប្រយោជន៍ ឱ្យបានជា អតិបរមា ដើម្បីសម្រេចបាននូវគោលបំណងនេះ លេខាធិការដ្ឋានអាសិបគួរតែត្រូវបង្កើតឡើងឱ្យ កាន់តែឆាប់តាមតែអាចធ្វើទៅបាន ដោយត្រូវពិចារណាលើគ្រប់ទិដ្ឋភាព និងលក្ខខណ្ឌចាំបាច់នានា សំដៅធានាបានអព្យាក្រឹត្យភាព ឯករាជ្យភាព កាលានុវត្តភាពសម្រាប់ការអភិវឌ្ឍ និងការចូលរួមក្នុង ការធ្វើសមាហរណកម្មតំបន់។ ក្នុងទិសដៅនេះ ខ្ញុំសូមបញ្ជាក់ជាថ្មីផងដែរថា កម្ពុជានៅតែមានចំណាប់អារម្មណ៍ក្នុងការទទួលតាំងលេខាធិការដ្ឋានអាសិបនៅទីក្រុងភ្នំពេញ និងត្រៀមខ្លួនជាស្រេច ក្នុងការផ្តល់ការគាំទ្រនិងសម្បទានចាំបាច់នានា។ទី២-ខ្ញុំសូមលើកទឹកចិត្តយ៉ាងទទូចឱ្យភាគីសមាជិកនិងភាគីហត្ថលេខីទាំងអស់នៃ អាសិប ចាប់ផ្តើមពិភាក្សាលើនីតិវិធីសម្រាប់ការស្នើសុំចូលជាសមាជិកនៃកិច្ចព្រមព្រៀងបន្ថែមទៀតឱ្យបានឆាប់តាមតែអាចធ្វើទៅបាន ដោយកិច្ចព្រមព្រៀងរបស់យើងនឹងអនុញ្ញាតឱ្យមានការស្នើសុំចូលជាសមាជិកជាបន្តនៅក្នុងអំឡុងឆ្នាំក្រោយនេះ ។ទី៣-កម្ពុជាសូមស្វាគមន៍ចំពោះការផ្តល់ជំនួយហិរញ្ញវត្ថុពីបណ្តាភាគីសមាជិកនិងភាគី ហត្ថលេខីនៃអាសិបសំដៅគាំទ្រនិងលើកកម្ពស់ប្រសិទ្ធភាពនៃការអនុវត្តកិច្ចព្រមព្រៀងនេះ ជាពិសេសសម្រាប់ភាគីសមាជិកជាប្រទេសអភិវឌ្ឍន៍តិចតួចរួមទាំងកម្ពុជា និងសូមអំពាវនាវដល់សមាជិកទាំងអស់នៃអាសិបពនឿនការពិភាក្សាលើយន្តការនៃការប្រើប្រាស់កិច្ចសហប្រតិបត្តិការសេដ្ឋកិច្ចនិងបច្ចេកទេសនេះឱ្យបានឆាប់ចែករំលែកឧត្តមានុវត្តន៍ក្នុងការអនុវត្តកិច្ចព្រមព្រៀងពាណិជ្ជកម្មសេរីនានា ដើម្បីប្រែក្លាយកិច្ចព្រមព្រៀងអាសិបនេះឱ្យទៅជាយន្តការរួមមួយដែលគាំទ្រការអភិវឌ្ឍសេដ្ឋកិច្ចតំបន់ ប្រកបដោយចីរភាព ភាពធន់រឹងមាំ និងបរិយាប័ន្ន។ទី៤-វិស័យឯកជនជាក្បាលម៉ាស៊ីននៃកំណើនសេដ្ឋកិច្ច និងតួអង្គសំខាន់ក្នុងការធានា និងបង្កើនប្រសិទ្ធភាពក្នុងការអនុវត្តកិច្ចព្រមព្រៀងនេះដោយវិស័យឯកជនជាអ្នកអនុវត្តផ្ទាល់។ ហេតុដូចនេះ យើងត្រូវបង្កើនការចូលរួម តាមរយៈការពង្រឹងសមត្ថភាពសកម្មភាពលើកកម្ពស់ការយល់ដឹង និងវេទិកាពិគ្រោះយោបល់ជាមួយវិស័យឯកជន ដែលនឹងអាចក្លាយជាក្របខណ្ឌ ដើម្បីពិភាក្សាផ្លាស់ប្តូរយោបល់ និងស្វែងយល់អំពីបញ្ហាប្រឈម និងកាលានុវត្តភាពនានា។ សម្ដេចបានលើកទឹកចិត្តយ៉ាងទទូច ឱ្យភាគីសមាជិក និងភាគីហត្ថលេខីទាំងអស់ នៃអាសិប ចាប់ផ្តើមពិភាក្សាលើនីតិវិធី សម្រាប់ការស្នើសុំចូលជាសមាជិកនៃកិច្ចព្រមព្រៀងបន្ថែមទៀត ឱ្យបានឆាប់តាមតែអាចធ្វើទៅបាន ដោយកិច្ចព្រមព្រៀងរបស់យើងនឹងអនុញ្ញាតឱ្យមានការស្នើសុំ ចូលជាសមាជិកជាបន្តនៅក្នុងអំឡុងឆ្នាំក្រោយនេះ ។សម្ដេចបានបញ្ជាក់ថា កម្ពុជាសូមស្វាគមន៍ចំពោះការផ្តល់ជំនួយហិរញ្ញវត្ថុពីបណ្តាភាគីសមាជិក និង ភាគី ហត្ថលេខី នៃអាសិប សំដៅគាំទ្រ និងលើកកម្ពស់ប្រសិទ្ធភាព នៃការអនុវត្តកិច្ចព្រមព្រៀងនេះ ជាពិសេសសម្រាប់ភាគីសមាជិកជាប្រទេសអភិវឌ្ឍន៍តិចតួចរួមទាំងកម្ពុជា និងសូមអំពាវនាវដល់ សមាជិកទាំងអស់នៃអាសិប ពន្លឿនការពិភាក្សាលើយន្តការ នៃការប្រើប្រាស់កិច្ចសហប្រតិបត្តិការ សេដ្ឋកិច្ចនិងបច្ចេកទេសនេះ ឱ្យបានឆាប់ ចែករំលែកឧត្តមានុវត្តន៍ ក្នុងការអនុវត្តកិច្ចព្រមព្រៀង ពាណិជ្ជកម្មសេរីនានា ដើម្បីប្រែក្លាយកិច្ចព្រមព្រៀងអាសិបនេះឱ្យទៅជាយន្តការរួមមួយ ដែល គាំទ្រការអភិវឌ្ឍសេដ្ឋកិច្ចតំបន់ ប្រកបដោយចីរភាព ភាពធន់រឹងមាំ និងបរិយាប័ន្ន។សម្ដេចបន្តថា វិស័យឯកជន ជាក្បាលម៉ាស៊ីននៃកំណើនសេដ្ឋកិច្ច និងតួអង្គសំខាន់ក្នុងការធានា និង បង្កើនប្រសិទ្ធភាពក្នុងការអនុវត្តកិច្ចព្រមព្រៀងនេះដោយវិស័យឯកជនជាអ្នកអនុវត្តផ្ទាល់ ។ ហេតុដូចនេះ យើងត្រូវបង្កើនការចូលរួម តាមរយៈការពង្រឹងសមត្ថភាព សកម្មភាពលើកកម្ពស់ការយល់ដឹង និងវេទិកាពិគ្រោះយោបល់ ជាមួយវិស័យឯកជន ដែលនឹងអាចក្លាយជាក្របខណ្ឌ ដើម្បីពិភាក្សា ផ្លាស់ប្តូរយោបល់ និងស្វែងយល់អំពីបញ្ហាប្រឈម និងកាលានុវត្តភាពនានា ។គួរបញ្ជាក់ថា កិច្ចព្រមព្រៀងអាសិប បានចូលជាធរមាននៅដើមឆ្នាំ២០២២នេះ បន្ទាប់ពីឆ្លងកាត់ដំណាក់កាលដ៏ស្មុគស្មាញ ក្នុងការចរចាជាច្រើន ចាប់តាំងពីបានចាប់ផ្តើមចរចាក្នុងឆ្នាំ២០១២ នៅរាជធានីភ្នំពេញ នៃព្រះរាជាណាចក្រកម្ពុជា ក្រោមការដឹកនាំរបស់កម្ពុជាដែលជាប្រធានអាស៊ាន ។អាសិបគឺជាកិច្ចព្រមព្រៀងពាណិជ្ជកម្មសេរីដ៏ធំបំផុតលើពិភពលោកដែលគ្របដណ្តប់ជិត៣០% នៃផលិតផលសរុបក្នុងស្រុកពិភពលោក នឹងចំនួនប្រជាជន ព្រមទាំងទំហំពាណិជ្ជកម្មរបស់ពិភពលោក។វេទិកាជាន់ខ្ពស់នាពេលនេះ ក៏រួមបញ្ចូលផងដែរនូវការដាក់ឱ្យប្រើប្រាស់សៀវភៅទី២ របស់ ERIA ស្ដីពីកិច្ចព្រម ព្រៀងអាសិប ក្រោមមូលបទ “ ថាមវន្តនៃអាស៊ីបូព៌ា និងកិច្ចព្រមព្រៀងភាពជាគូសេដ្ឋកិច្ចគ្រប់ជ្រុងជ្រោយអាសិប៖ ក្របខ័ណ្ឌសម្រាប់សមាហរណកម្មក្នុងតំបន់ ដែលសៀវភៅទី១ ត្រូវបានដាក់ឱ្យប្រើប្រាស់កាលពីដើមឆ្នាំ២០២២នេះ នៅទីក្រុងភ្នំពេញ។ ERIAក៏ទើបតែបញ្ចប់កំណែលើកទី៣ ស្ដីពីផែនការអភិវឌ្ឍអាស៊ីគ្រប់ជ្រុងជ្រោយ Comprehensive Asia Development Plan, CADP 3.0 ដែលត្រូវបានលើកយកមកពិភាក្សាផងដែរអំពីតួនាទីនៃកិច្ចព្រមព្រៀងអាសិប ដែលដើរតួយ៉ាងសំខាន់ក្នុងសមាហរណកម្មសេដ្ឋកិច្ចតំបន់អាស៊ីបូព៌ា។នៅក្នុងវេទិកានេះ រដ្ឋមន្ត្រីពាណិជ្ជកម្មកម្ពុជាក៏មានសុទិដ្ឋិនិយមចំពោះសក្ដានុពលនៃផែនការអភិវឌ្ឍអាស៊ីគ្រប់ជ្រុងជ្រោយ CADP 3.0 ដែលរួមចំណែកដល់ការសម្រេចបាននូវសេដ្ឋកិច្ចរួមបញ្ចូលគ្នាប្រកប ដោយភាពច្នៃប្រឌិត មានលក្ខណៈរួមគ្នា និងនិរន្តរភាពសេដ្ឋកិច្ចក្នុងតំបន់ ហើយការសិក្សា ដែលធ្វើឡើងដោយ ERIA នឹងផ្តល់ អត្ថប្រយោជន៍ដល់ភាគីពាក់ព័ន្ធទាំងអស់ដើម្បីអាចទទួលបានអត្ថប្រយោជន៍ជាអតិបរមាពីកិច្ចព្រមព្រៀងអាសិប៕ អត្ថបទ៖ មុត សុទ្ធ

កូរ៉េខាងជើងបាញ់មីស៊ីលជាង ១០គ្រាប់ ដែលជំរុញឲ្យកូរ៉េខាងត្បូងចេញការព្រមានការវាយឆ្មក់តាមអាកាស

កូរ៉េខាងត្បូង៖ កូរ៉េខាងត្បូងនិយាយថា កូរ៉េខាងជើងបានបាញ់មីស៊ីលសរុបជាង ១០គ្រាប់ក្បែរឆ្នេរសមុទ្រភាគខាងកើត និងភាគខាងលិចរបស់ខ្លួន។ យោធាកូរ៉េខាងត្បូងបានឲ្យដឹងថា មីស៊ីលជាច្រើនប្រភេទបានហោះទៅកាន់តំបន់ឆ្នេរសមុទ្រភាគខាងកើត និងខាងលិចរបស់ឧបទ្វីបកូរ៉េ ប៉ុន្តែពុំបានផ្ដល់ព័ត៌មានលម្អិតបន្ថែមទៀតទេ។ នាយសេនាធិការចម្រុះកូរ៉េខាងត្បូងបាននិយាយនៅក្នុងសេចក្ដីថ្លែងការណ៍ថា កូរ៉េខាងជើងបានបាញ់មីស៊ីលជាច្រើនគ្រាប់ចេញពីតំបន់ឆ្នេរសមុទ្រ Wonsan ភាគខាងកើតរបស់ខ្លួននៅព្រឹកថ្ងៃពុធនេះ។ នៅពេលមុននេះ យោធាកូរ៉េខាងត្បូងបាននិយាយថា ខ្លួនបានតាមដានមីស៊ីលបាលីស្ទីករយៈចម្ងាយខ្លីចំនួន ៣គ្រាប់ដែលបានបាញ់ចេញពីតំបន់ឆ្នេរសមុទ្រភាគខាងកើតរបស់ឧបទ្វីបនេះ។ មួយគ្រាប់ក្នុងចំណោមមីស៊ីលទាំងនោះបានធ្លាក់ជិតព្រំដែនកូរ៉េទាំង២ ដែលជំរុញឲ្យកូរ៉េខាងត្បូងចេញការព្រមានវាយឆ្មក់តាមដែនអាកាស នៅលើកោះមួយក្នុងចំណោមកោះជាច្រើនរបស់ខ្លួន។ការបាញ់ជាច្រើនគ្រាប់នេះមានឡើងប៉ុន្មានម៉ោង ក្រោយកូរ៉េខាងជើងចេញការគំរាមខ្លាំងៗក្នុងការប្រើប្រាស់អាវុធនុយក្លេអ៊ែរ ដើម្បីធ្វើឲ្យសហរដ្ឋអាមេរិក និងកូរ៉េខាងត្បូងទូទាត់សងការខូចខាតធ្ងន់ធ្ងរបំផុតក្នុងប្រវត្តិសាស្ត្រ ដែលជាការផ្ទុះឡើងភាពតានតឹងនៃវោហារសាស្ត្រដ៏ក្កៅគគុក ដាក់គោលដៅលើសកម្មភាពសមយុទ្ធទ្រង់ទ្រាយធំដែលនៅតែបន្ត រវាងគូប្រជែងរបស់ខ្លួនគឺសហរដ្ឋអាមេរិក និងកូរ៉េខាងត្បូង៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

សម្ដេចធិបតីអញ្ជើញជួបពិភាក្សាការងារជាមួយរដ្ឋមន្ត្រីក្រសួងសន្តិសុខសាធារណៈឡាវ

នាយករដ្ឋមន្ត្រីអង់គ្លេស ព្រមានពីភាពវឹកវរក្នុងគណបក្ស ស្របពេលមានការរំពឹងទុកពីការផ្លាស់ប្តូរមេដឹកនាំ

យោធាអ៊ីរ៉ង់៖ ការគ្រប់គ្រងច្រកសមុទ្រ Hormuz នឹងនាំមកនូវប្រាក់ចំណូលសេដ្ឋកិច្ចដ៏សំខាន់

លោក Xi ប្រាប់លោក Trump ថា ប្រទេសចិន និងអាមេរិកគួរតែជា«ដៃគូ មិនមែនជាគូប្រជែង» ទេ

កម្ពុជាឃាត់ខ្លួនជនជាតិថៃម្នាក់ ក្រោយចូលជ្រៅក្នុងទឹកដីកម្ពុជាដោយខុសច្បាប់ ខណៈកំពុងសម្របសម្រួលតាមយន្តការទំនាក់ទំនងព្រំដែនឈរលើគោលការណ៍មនុស្សធម៌ ដើម្បីបញ្ជូនខ្លូនទៅវិញ

សម្តេចតេជោ ស្នើឱ្យពិនិត្យដកមន្រ្តីកាំកុងត្រូល ខេត្តបាត់ដំបងដែលកុហករឿងទុរេននាំចូល ដើម្បីជាសារព្រមានមន្រ្តីទាំងអស់កុំឲ្យពូកែកុហកថ្នាក់លើ និងប្រជាជន

សម្ដេចតេជោ ហ៊ុន សែន ចាត់ទុកជាលទ្ធផលមិនអាចបន្ទោស ក្រោយទស្សនាចប់ជំនួបផ្ដាច់ព្រ័ត្ររវាងព្រះខ័នរាជ និងKuwait SC

លោក Trump ប្រាប់លោក Xi ថា ទំនាក់ទំនងអាមេរិកជាមួយចិននឹង«ប្រសើរជាងពេលណាៗទាំងអស់»

អ្នកការទូតចិននិយាយថា ទីក្រុងប៉េកាំង ខកចិត្តយ៉ាងខ្លាំងចំពោះផែនការរឹតបន្តឹងការវិនិយោគរបស់អឺរ៉ុប

បារាំង បានបិទខ្ទប់មនុស្ស១.៧០០នាក់ នៅលើនាវាទេសចរណ៍ បន្ទាប់ពីបុរសអាយុ៩២ឆ្នាំម្នាក់បានស្លាប់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្តេចតេជោ៖ អេកម៉ិច និង CLMV គួរបង្កើនកិច្ចសហប្រតិបត្តិការអភិវឌ្ឍសហគមន៍និង អេកូទេសចរណ៍

កូរ៉េខាងជើងបាញ់មីស៊ីលបាលីស្ទិករំលងជប៉ុនដែលតម្រូវឲ្យមានការប្រកាសឲ្យពលរដ្ឋរត់ចូលក្នុងជម្រកសុវត្ថិភាព

មេដឹកនាំពិភពលោកព្យាយាមសង្គ្រោះកិច្ចព្រមព្រៀងនាំចេញគ្រាប់ធញ្ញជាតិអ៊ុយក្រែន-រុស្ស៊ី

អតីតនាយករដ្ឋមន្ត្រីអ៊ីស្រាអែលលោក Netanyahu និយាយថា ក្រុមរបស់លោកជិតឈានដល់ជ័យជម្នះក្នុងការបោះឆ្នោតហើយ

នាយករដ្ឋមន្ត្រីឥណ្ឌាពិនិត្យទីតាំងបាក់ស្ពាន និងបានជួបជនរងគ្រោះ

ប្រជាជនកូរ៉េខាងត្បូងកាន់មរណទុក្ខនៅកន្លែងគោរពវិញ្ញាណក្ខន្ធ និងបានរិះគន់ការឆ្លើយតបរបស់នគរបាល

តុលាការប្រេស៊ីលបញ្ជាឲ្យនគរបាលបោសសម្អាតការតវ៉ាបិទផ្លូវពីសំណាក់ក្រុមអ្នកបើករថយន្តដឹកទំនិញគាំទ្រលោក Bolsonaro

សម្តេចតេជោ ចែករំលែកទស្សនៈផ្ទាល់ ៤ចំណុច ដើម្បីឱ្យដៃគូទាំងអស់ទាញយកប្រយោជន៍ពីអាសិបជាអតិបរមា

កូរ៉េខាងជើងបាញ់មីស៊ីលជាង ១០គ្រាប់ ដែលជំរុញឲ្យកូរ៉េខាងត្បូងចេញការព្រមានការវាយឆ្មក់តាមអាកាស

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្តេចតេជោ៖ អេកម៉ិច និង CLMV គួរបង្កើនកិច្ចសហប្រតិបត្តិការអភិវឌ្ឍសហគមន៍និង អេកូទេសចរណ៍

មេដឹកនាំ​ពិភពលោក​ព្យាយាម​សង្គ្រោះ​កិច្ចព្រមព្រៀង​នាំចេញ​គ្រាប់​ធញ្ញជាតិ​អ៊ុយ​ក្រែ​ន​-​រុស្ស៊ី​

នាយករដ្ឋមន្ត្រី​ឥណ្ឌា​ពិនិត្យ​ទីតាំង​បាក់​ស្ពាន និង​បាន​ជួប​ជនរងគ្រោះ​

សម្តេចតេជោ ចែករំលែកទស្សនៈផ្ទាល់ ៤ចំណុច ដើម្បីឱ្យដៃគូទាំង​អស់​ទាញយក​ប្រយោជន៍​ពី​អាសិប​ជាអតិបរមា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មេដឹកនាំពិភពលោកព្យាយាមសង្គ្រោះកិច្ចព្រមព្រៀងនាំចេញគ្រាប់ធញ្ញជាតិអ៊ុយក្រែន-រុស្ស៊ី

នាយករដ្ឋមន្ត្រីឥណ្ឌាពិនិត្យទីតាំងបាក់ស្ពាន និងបានជួបជនរងគ្រោះ

សម្តេចតេជោ ចែករំលែកទស្សនៈផ្ទាល់ ៤ចំណុច ដើម្បីឱ្យដៃគូទាំងអស់ទាញយកប្រយោជន៍ពីអាសិបជាអតិបរមា