កម្ពុជា-សិង្ហបុរី បន្ដពង្រឹងទំនាក់ទំនង និងកិច្ចសហប្រតិបត្តិការទ្វេភាគីឱ្យកាន់តែរឹងមាំ​ និង​ ស៊ីជម្រៅ​
កម្ពុជា-អូស្ត្រាលី ប្ដេជ្ញាពង្រឹងកិច្ចសហប្រតិបត្តិការដែលមានស្រាប់ និងស្វែងរកកាលានុវត្តភាពថ្មីៗបន្ថែមទៀត
សម្ដេចតេជោ៖ កម្ពុជានឹងនិយាយលើវេទិកាអន្តរជាតិកាន់តែខ្លាំងជាងមុនថែមទៀត បើថៃមិនអនុវត្តកិច្ចព្រមព្រៀង
សម្តេចធិបតី ហ៊ុន ម៉ាណែត ជួបពិភាក្សាការងារទ្វេភាគី ជាមួយ ឯកឧត្តមនាយករដ្ឋមន្ត្រីសិង្ហបុរី នៅហ្វីលីពីន

ព័ត៌មានសំខាន់ៗ

សម្ដេចតេជោ ហ៊ុន សែន អញ្ជើញជួបសំណេះសំណាលជាមួយមន្ត្រីគណបក្សរាជធានីភ្នំពេញ

2022/11/26 04:11:57 pm        855
ភ្នំពេញ៖ នៅព្រឹកថ្ងៃសៅរ៍ ទី២៦ ខែវិច្ឆិកា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា បានអញ្ជើញជួបសំណេះសំណាលជាមួយ មន្ត្រីគណបក្សប្រជាជនកម្ពុជាចំនួនប្រមាណជាង៣ពាន់នាក់ នៅក្នុងរាជធានីភ្នំពេញ ដែលបានធ្វើឡើងនៅវិមាន៧មករា។ តាមរបាយការណ៍របស់ ឯកឧត្តម ឃួង ស្រេង ប្រធានគណបក្សរាជធានីភ្នំពេញ បានលើកឡើងថា ការអញ្ជើញសំណេះសំណាលរបស់សម្ដេចតេជោ នាពេលនេះគឺបាន បង្ហាញឱ្យឃើញពីការយកចិត្តទុកដាក់ខ្ពស់ ចំពោះសុខទុក្ខ សមាជិក សមាជិកាគណបក្សប្រជាជនកម្ពុជាក្នុងរាជធានីភ្នំពេញ ។ ឯកឧត្តមក៏បានជម្រាបសម្តេចតេជោ និងអង្គពិធីអំពីសភាពការណ៍រួមរបស់ រាជធានីភ្នំពេញ រួមមានការងារសន្តិសុខ សណ្តាប់សាធារណៈ របាយការណ៍ពាក់ព័ន្ធមន្ត្រីរាជការ និងការងារអភិវឌ្ឍនៅក្នុងរាជធានីភ្នំពេញ។ ពាក់ព័ន្ធការងារសន្តិសុខ និងសណ្តាប់ធ្នាប់សាធារណៈ ឯកឧត្តម ឃួង ស្រេង បានគូសបញ្ជាក់ថា អាជ្ញាធររាជធានីភ្នំពេញបានយកចិត្តទុកដាក់ រក្សា ការពារ និងពង្រឹងជាប្រចាំហើយជារួម ធានាបាននូវសន្តិសុខ និងសុវត្ថិភាពល្អប្រសើរជូនប្រជាពលរដ្ឋ។ ទន្ទឹមនេះ រដ្ឋបាលគ្រប់ថ្នាក់ក្នុងរាជធានីភ្នំពេញ បាននឹងកំពុងចូលរួមសហការក្នុងការបង្កលក្ខណៈល្អប្រសើរ ។ សម្តេចតេជោ ហ៊ុន សែន បានបង្ហាញនូវក្តីរីករាយ ដែលបានជួបសំណេះសំណាលជាមួយ សមាជិក សមាជិកាគណបក្ស ថ្នាក់ភូមិ សង្កាត់ ខណ្ឌ ចំណុះរាជធានីភ្នំពេញ រួមជាមួយថ្នាក់ដឹកនាំគណបក្សក្នុងស្ថាប័ន ក្រសួងមួយចំនួនទៀតនៅក្នុងថ្ងៃនេះ។ សម្តេចតេជោ ហ៊ុន សែន បានថ្លែងអបអរសាទរចំពោះក្រុមប្រឹក្សាឃុំ/សង្កាត់ ក្នុងរាជធានីភ្នំពេញទាំងអស់ ដែលទទួលបានការគាំទ្រពីប្រជាពលរដ្ឋ តាមរយៈការបោះឆ្នោត ឃុំ សង្កាត់ កន្លងទៅនេះ។ សម្តេចតេជោ ហ៊ុន សែន ក៏បានកោតសរសើរ និងវាយតម្លៃខ្ពស់ចំពោះមន្ត្រីរាជការ និងកងកម្លាំងប្រដាប់អាវុធទាំងអស់ ដែលបានប្រឹងប្រែងរក្សាស្ថិរភាពនយោបាយ សន្តិសុខ សណ្ដាប់ធ្នាប់សង្គមបានល្អ ការរួមគ្នាទប់ស្កាត់ការរីករាលដាលជំងឺកូវីដ១៩ ទប់ស្កាត់បាននូវទង្វើបង្កចលាចលនានាក្នុងសង្គម។ នៅក្នុងពិធីសំណេះសំណាលនេះដែរ សម្ដេចតេជោ ក៏បានលើកឡើងនូវសមិទ្ធិផលធំៗមួយចំនួនគួរអោយកត់សម្គាល់របស់រាជរដ្ឋាភិបាល ដែលដឹកនាំដោយគណបក្រប្រជាជនកម្ពុជាបានធ្វើរួមាន ការក្សាបានស្ថិរភាពនយោបាយ សន្តិសុខ សណ្ដាប់ធ្នាប់សង្គម ភាពជោគជ័យនៃការប្រយុទ្ធទប់ស្កាត់ជម្ងឺកូវីដ១៩ ជាពិសេសគឺការដាក់ចេញនូវយុទ្ធសាស្ត្រវ៉ាក់សាំងស្រោចជូនប្រជាពលរដ្ឋដែលបានបង្កើតភាពស៊ាំបានយ៉ាងល្អ ការរក្សាកំណើនសេដ្ឋកិច្ច ការគ្រប់គ្រងដោះស្រាយឆ្លើយតបទៅនឹងគ្រោះមហន្តរាយបានទាន់ពេលវេលា ពិសេសគឺពេលគ្រោះទឹកជំនន់បានកើតឡើង ការគ្រប់គ្រងដំណើរការនៃការបោះឆ្នោតបានយ៉ាងល្អនាពេលកន្លងទៅ លើសពីនេះការអនុវត្តការទូតឯករាជ្យផ្អែកដោយច្បាប់ ពាក់ព័ន្ធនឹងការបោះឆ្នោតនៅអង្គការសហប្រជាជាតិលើបញ្ហា រុស្ស៉ី-អ៊ុយក្រែន និងភាពជោគជ័យយ៉ាងត្រចះត្រចង់ក្នុងនាមជាម្ចាស់ផ្ទះនៃការរៀបចំកិច្ចប្រជុំកំពូលអាស៊ាន២០២២នៅកម្ពុជា ។ សម្តេចតេជោ ហ៊ុន សែន បានក្រើនរំលឹកដល់ សមាជិក សមាជិកា គណបក្សទាំងអស់ដែលមានតួនាទីនៅរាជរដ្ឋាភិបាលត្រូវបន្តយកចិត្តទុកដាក់បំពេញតួនាទីភារកិច្ចបម្រើជាតិ និងប្រជាជន ជាពិសេសបន្តយកចិត្តទុកដាក់រក្សា សន្តិសុខ សណ្ដាប់ធ្នាប់ សង្គម ដោយអនុវត្តគោលនយោបាយភូមិ ឃុំ មានសុវត្ថិភាព រួមមាន ការបង្ក្រាបនូវបទល្មើសផ្សេងៗ ដូចជា ចោរឆក់ ចោរប្លន់ និងការជួញដូរគ្រឿងញៀនជាដើម ដើម្បីផ្តល់ភាពកក់ក្តៅ និងធានាដល់សុវត្ថិភាពនៃការរស់នៅ របស់ប្រជាពលរដ្ឋ។ ទន្ទឹមនេះ ត្រូវយកចិត្តទុកដាក់ផ្តល់នូវសេវាសាធារណៈ រួមមានសេវាតម្រូវការចាំបាច់ទាំងឡាយ និងសេវាសំណូមពរនានា ជូនប្រជាពលរដ្ឋ អោយបានលឿន និងមានប្រសិទ្ធិភាព ហើយត្រូវខិតខំបំបាត់អោយអស់នូវភាពអសកម្មនានា។ អាជ្ញាធរត្រូវយកចិត្តទុក ដាក់ដោះស្រាយជម្លោះដីធ្លីជូនប្រជាពលរដ្ឋអោយបានរហ័ស និងមានប្រសិទ្ធិភាព ផ្តល់នូវសេវាចាំបាច់នានាជូនប្រជាពលរដ្ឋឱ្យបានលឿន រហ័ស ចៀសវាងបង្កនូវបញ្ហានានា។ ត្រូវរួមគ្នាបន្តការទប់ស្កាត់ជម្ងឺកូវីដ១៩ និងជម្ងឺរាតត្បាតនានា យកចិត្តទុកដាក់ដោះស្រាយបញ្ហាលក់ដូររបស់ប្រជាជនដែឡកើតមានឡើងនៅតាមផ្សារ បញ្ហាចរាចរណ៍ បញ្ហាទឹក ភ្លើង ។ល។ លើសពីនេះសម្ដចតេជោ បានជម្រុញអោយមានការខិតខំដោះស្រាយបញ្ហាជម្លោះរវាង កម្មករ ជាមួយរោងចក្រ ឬ បុគ្គលិកក្រុមហ៊ុន ជាមួយ ក្រុមហ៊ុន និងលើកទឹកចិត្តអោយអាជ្ញាធរព្យាយាមដោះស្រាយបញ្ហាជម្លោះរបស់ប្រជាពលរដ្ឋតាមបែបក្រៅប្រព័ន្ធតុលាការ។ សម្តេចតេជោ ហ៊ុន សែន ក៏បានកោតសរសើរដល់ ថ្នាក់ដឹកនាំ សមាជិក សមាជិកាគណបក្សទាំងអស់ ដែលបានរួមសហការគ្នា ធ្វើកិច្ចការអភិវឌ្ឍនៅក្នុងរាជធានីភ្នំពេញបានយ៉ាងល្អ ទទួលបាននូវការការរីកចម្រើនជាបន្តបន្ទាប់មក៕

ប្រធានសភាឡាវកោតសរសើរកម្ពុជាក្នុងការដឹកនាំកិច្ចប្រជុំកំពូលនានាបានយ៉ាងជោគជ័យ

2022/11/26 02:35:33 am        80
ភ្នំពេញ ៖ក្នុងឱកាសអញ្ជើញមកចូលរួមកិច្ចប្រជុំអាយប៉ានៅកម្ពុជា ឯឧ សាយ សំផនភូមិវិហាន (Saysomphone PHOMVIHANE) ប្រធានរដ្ឋសភានៃសាធារណរដ្ឋប្រជាធិបតេយ្យប្រជាមានិតឡាវ ​ក៏ត្រូវ​បានសម្តេចតេជោ ហ៊ុន សែន នាយករដ្ឋ​មន្ត្រីកម្ពុជា​ទទួលជួបសវនាការនៅវិមានសន្តិភាពនាល្ងាចថ្ងៃទី២៥វិច្ឆិកានេះផងដែរ។ឯកឧត្ដម សាយ សំផនភូមិវិហាន បាន សូមគោរពសម្ដែងនូវការអបអរសាទរ ចំពោះការរីកចម្រើនរបស់កម្ពុជា​ការទប់ស្កាត់​ជំងឺកូវីដ១៩បានយ៉ាងជោគជ័យ ជាពិសេសកម្ពុជាបាន​រៀបចំនិងដឹកនាំកិច្ចប្រជុំកំពូលអាស៊ានកិច្ចប្រជុំកំពូលពាក់ព័ន្ធនិងកិច្ចប្រជុំ អាយប៉ា ទទួលបានជោគជ័យយ៉ាងធំធេង។ឯកឧត្តមបានសម្ដែងនូវសេចក្តីរីករាយចំពោះលទ្ធផលនៃកិច្ចប្រជុំអាយប៉ាលើកទី៤៣ ដែលបានសម្រេច ជំរុញឲ្យមានសន្តិភាព ស្ថេរភាពនិងការអភិវឌ្ឍប្រកបដោយចីរភាព។ជាមួយគ្នានោះដែរ ឯកឧត្តម​ភូមិវិហានក៏បានសំដែងនូវការពេញចិត្តជាមួយទំនាក់ទំនងកិច្ចសហប្រតិបត្តិការរវាង​ប្រទេសទាំងពីរ​ដែលមានការរីកចម្រើនជាលំដាប់ហើយក៏បានគោរពថ្លែងអំណរគុណក្នុងនាមបក្សនិងក្នុង​នាមរដ្ឋជូន​ចំពោះសម្ដេចតេជោ រាជរដ្ឋាភិបាលកម្ពុជាដែលបានផ្ដល់ថវិកា ផ្តល់វ៉ាក់សាំងប្រឆាំងជំងឺកូវីដ១៩ និងរថយន្តដឹកវ៉ាក់សាំងជួយ​ដល់ប្រទេសឡាវទប់ស្កាត់​ការរីករាលជំងឺកូវីដ១៩បានយ៉ាងជោគជ័យ។ជាការឆ្លើយតប សម្ដេចតេជោបានថ្លែងអំណរគុណជូនចំពោះឯកឧត្តម ភូមិវិហាន ដែលបានមកចូលរួម​កិច្ចប្រជុំអាយប៉ាដោយ​ផ្ទាល់ដែលសបញ្ចាំងនូវការគាំទ្រ ដែលធ្វើឲ្យកិច្ចប្រជុំទទួលបានជោគជ័យ។ឆ្លៀតក្នុងឱកាសនោះដែរ សម្ដេចតេជោក៏បានជម្រាបជូនឯកឧត្តមភូមិវិហាន​អំពីយុទ្ធសាស្ត្រផ្ការីក​ដែលកម្ពុជាបាន​ដាក់ចុះអនុវត្ត​ក្នុងការទប់ស្កាត់ការរីករាលដាលជំងឺកូវីដ១៩៕

នាយករដ្ឋមន្ត្រី​ម៉ាឡេស៊ី​លោក Anwar Ibrahim សន្យា​ឯកភាព​ទាំងស្រុង​ បន្ទាប់ពី​ទុក្ខ​លំបាក​ច្រើន​ទសវត្សរ៍

2022/11/25 08:58:54 pm        1027
​ម៉ាឡេស៊ី៖ លោក Anwar Ibrahim នាយករដ្ឋមន្ត្រី​ថ្មី​ប្រទេស​ម៉ាឡេស៊ីបាន​សន្យា​ធ្វើ​ឲ្យ​មាន​ឯកភាពគ្នា​ទាំងស្រុង បន្ទាប់ពី​លោក​បាន​ស្បថ​ចូលកាន់​តំណែង​ជា​នាយករដ្ឋមន្ត្រី​កាលពី​ថ្ងៃ​ព្រហស្បតិ៍ ដោយ​បញ្ចប់​ដំណើរ​នយោបាយ​រយៈពេល ៣​ទសវត្សរ៍ចេញពី​មនុស្ស​ជំនិត​របស់​មេដឹកនាំ​ជើងចាស់លោក Mahathir Mohamad មកជា​មេដឹកនាំ​ការតវ៉ា ជា​អ្នកទោសដែល​ត្រូវបាន​កាត់ទោស​ពីបទ​រួមភេទ​ជាមួយ​ភេទ​ដូចគ្នា ​និង​ជា​មេដឹកនាំ​គណបក្សប្រឆាំង​។ ​លោក Anwar អាយុ 75ឆ្នាំបាន​ប្តេជ្ញា​ប្រយុទ្ធប្រឆាំង​អំពើពុករលួយ និង​ផ្តោតលើ​សេដ្ឋកិច្ច ខណៈ​កំពុង​ប្រកាន់​ភ្ជាប់​សាសនា​ឥស្លាម ជា​សាសនា​ផ្លូវការ​របស់​ប្រទេស​ដែលមាន​ជនជាតិភាគតិច​ច្រើន និង​ការពារ​សិទ្ធិ​ពិសេស​របស់​ជន​ជាតិភាគតិច​ម៉ាឡេស៊ី​។ លោក Anwar បាន​បាន​ថ្លែង​ទៅកាន់​អ្នកសារព័ត៌មាន​ថា បន្ទាប់ពី​ការជួប​ប្រទះ​បញ្ហា និង​ទុក្ខលំបាក​ជាច្រើន​ទសវត្សរ៍ ព្រះ​បាន​ផ្តល់ឱកាស​ពិសេស​សម្រាប់​យើង និង​សម្រាប់​លោកដើម្បី​ដឹកនាំ​ប្រទេស​នេះ​។​​ការតែងតាំង​របស់លោក Anwar បានបញ្ចប់​រយៈពេល​ ៥​ថ្ងៃ​នៃ​វិបត្តិ​ក្រោយ​ការបោះឆ្នោត​ដែល​មិន​ធ្លាប់មាន​ពីមុនមក ប៉ុន្តែ​អាច​នាំឱ្យមាន​អស្ថិរភាព​បន្ថែមទៀត​ ជាមួយ​គូប្រជែង​របស់លោក​គឺ​អតីត​នាយករដ្ឋមន្ត្រីលោក Muhyiddin Yassin ជាការ​ប្រជែង​ឱ្យ​លោក​បង្ហាញ​សំឡេង​ភាគច្រើន​របស់លោក​នៅក្នុង​សភា​។ លោក Anwar ចូលកាន់​តំណែង​ក្នុងពេល​ដ៏​លំបាក​មួយដែល​សេដ្ឋកិច្ច​កំពុង​ធ្លាក់ចុះ ហើយ​ប្រទេស​នេះ​ត្រូវបាន​បែងចែក​បន្ទាប់ពី​ការបោះឆ្នោត​ដ៏​តឹងតែង​៕អត្ថបទ៖ ប៊ុនថន

សភាកម្ពុជា និងសភាឡាវ ចុះហត្ថលេខាលើកិច្ចសហប្រតិបត្តិការកាន់តែទូលំទូលាយទ្វេភាគី និង​នៅលើ​វេទិកាសភាអន្តរជាតិ

2022/11/25 06:18:04 pm        615
ភ្នំពេញ៖ សម្តេចពញាចក្រី ហេង សំរិន ប្រធានរដ្ឋសភាកម្ពុជា និងឯកឧត្តមបណ្ឌិត សាយ សំភូន ភូមវិហាន ប្រធានរដ្ឋសភាឡាវ អញ្ជើញ​ចុះហត្ថលេខា​លើ​កិច្ច​សហប្រតិបត្តិការ​កាន់​តែទូលំ​ទូលាយ​ទ្វេភាគី និងនៅលើវេទិកាសភាអន្តរជាតិ។បន្ទាប់ពីបាន​អញ្ជើញចូលរួមមហាសន្និបាតអាយប៉ាលើកទី៤៣ ដែលសភាកម្ពុជាធ្វើ​ជា​ម្ចាស់​ផ្ទះ​រួច​មក ឯកឧត្តមបណ្ឌិត សាយ សំភូន ភូមវិហាន (Saysomphone PHOMVIHANE) ប្រធាន​រដ្ឋសភា នៃសាធារណរដ្ឋប្រជាធិបតេយ្យប្រជាមានិតឡាវ នៅថ្ងៃទី២៥ ខែវិច្ឆិកា ឆ្នាំ២០២២ បាន​បន្ត​ដឹក​នាំ​គណៈប្រតិភូបំពេញទស្សនកិច្ចនៅកម្ពុជា តបតាមការអញ្ជើញរបស់សម្តេចពញាចក្រី ហេង សំរិន ប្រធានរដ្ឋសភា ដើម្បីជួប​ពិភាក្សា​ការងារ​ទ្វេភាគី​ក្នុង​ការ​ជំរុញ​លើក​កម្ពស់​ទំនាក់​ទំនង​រដ្ឋសភា រដ្ឋាភិបាល និងប្រជាពលរដ្ឋប្រទេសទាំងពីរឱ្យកាន់តែរឹងមាំ។នាឱកាស​នោះ ភាគីទាំង២ បានអញ្ជើញក្នុងពិធីចុះហត្ថលេខាលើអនុស្សរណៈយោគយល់ (MoU) រវាងរដ្ឋសភាប្រទេសទាំងពីរ រវាងអគ្គលេខាធិការដ្ឋានរដ្ឋសភាកម្ពុជា និងឡាវ ក្នុង​ការ​ពង្រឹង​​​ពង្រីកកិច្ចសហប្រតិបត្តិការប្រទេសទាំងពីរឱ្យកាន់តែទូលំទូលាយឡើង នៅគ្រប់កម្រិត ទាំង​ក្របខណ្ឌទ្វេភាគីនិងពហុភាគីនៅលើវេទិកាអន្តរសភានានា សំដៅ​បម្រើ​ដល់​ផល​ប្រយោជន៍​ប្រទេស​ទំាង​សងខាង ស្របតាមសភាពការណ៍ជាក់ស្តែង។បើតាម​ជំនួបទ្វេភាគី ឯកឧត្តមបណ្ឌិត សាយ សំភូន ភូមវិហាន បានកោតសរសើរ និង​វាយ​តម្លៃ​ខ្ពស់​ចំពោះជោគជ័យនៅក្នុងការរៀបចំកិច្ចកំពូលអាស៊ានលើកទី៤០ និង៤១ ព្រមទំាង​កិច្ច​ប្រជុំ​ពាក់ព័ន្ធ និងមហាសន្និបាតអន្តរសភាអាស៊ាន(AIPA) លើកទី៤៣ ដែលកម្ពុជាធ្វើជាម្ចាស់រៀបចំ ដែល​ធ្វើ​ឱ្យកិត្យានុភាពរបស់កម្ពុជាកាន់តែរន្ទឺឡើងនៅលើឆាកអន្តរជាតិ។ ឯកឧត្តមប្រធានរដ្ឋសភាឡាវ បញ្ជាក់ថា ជោគជ័យរបស់កម្ពុជានាពេលនេះ ជាមេរៀន និង​បទ​ពិសោធន៍​សំខាន់មួយ សម្រាប់ការរៀបចំកិច្ចប្រជុំកំពូលអាស៊ាន និងមហា​សន្និបាត​អាយប៉ា​ លើកទី៤៥ របស់ប្រទេសឡាវ នៅក្នុងឆ្នាំ២០២៤ខាងមុខ។ ទន្ទឹម​គ្នានេះ សម្តេចប្រធានរដ្ឋសភា មានសេចក្តីសោមនស្សរីករាយ ជាខ្លាំង​ដែល​ឯកឧត្តម​ប្រធាន​រដ្ឋសភា និងគណៈប្រតិភូជាន់ខ្ពស់ បានមកបំពេញទស្សនកិច្ចជាផ្លូវការ និងមិត្តភាពនៅម្ពុជា និង​ចូល​រួម​មហាសន្និបាតអាយប៉ាលើកទី៤៣ ដែលសភាកម្ពុជាធ្វើជាម្ចាស់ផ្ទះ។ សម្តេច​ប្រធានរដ្ឋសភា បានចាត់ទុកការផ្លាស់ប្តូរដំណើរទស្សនកិច្ចរវាងថ្នាក់ដឹកនាំប្រទេសទាំងពីរ កម្ពុជា-ឡាវ ទាំងក្នុងក្របខណ្ឌនីតិប្បញ្ញត្តិ និងនីតិប្រតិបត្តិ នឹងរួម​ចំណែក​បន្ថែម​ទៀត​ដល់​ការ​ពង្រឹង និងលើកកម្ពស់ទំនាក់ទំនង ចំណងមិត្តភាព សាមគ្គីភាពជាប្រពៃណី និង​កិច្ច​សហប្រតិបត្តិការ​លើ​គ្រប់វិស័យ ដែលមានជាង៦០ឆ្នាំមកនេះ កាន់តែរឹងមាំទ្វេដងថែមទៀត។បន្ថែម​លើសពីនេះ ភាគីទាំងពីរ បានសន្យាថា​នឹង​ខិតខំ​ជំរុញ​កិច្ច​សហប្រតិបត្តិការ​រវាង​រដ្ឋ​ និង​ប្រជាជន​ប្រទេស​ទាំងពីរ ឱ្យកាន់តែរឹងមាំនិងសកម្មឡើងទៀតនៅលើគ្រប់វិស័យ។ នៅ​ក្នុង​ជំនួបទ្វេភាគីនេះ ប្រធានរដ្ឋសភាប្រទេសទំាងពីរបាន ផ្លាស់ប្តូរ​ព័ត៌មាន​គ្នាទៅ​វិញ​ទៅ​មក​លើ​ស្ថានការណ៍នយោបាយ សង្គម សេដ្ឋកិច្ច ពិសេសអំពីរដ្ឋសភាទាំងពីរទៅវិញទៅមក។ប្រធាន​រដ្ឋសភាប្រទេសទាំងពីរបានគាំទ្រចំពោះ វឌ្ឍនភាព នៃកិច្ច​សហប្រតិបត្តិការ​រវាង​រដ្ឋាភិបាល នៃ​ប្រទេសទាំងពីរ ដែលបានឈានដល់កម្រិត “ភាព​ជា​ដៃគូ​យុទ្ធសាស្រ្ត​គ្រប់​ជ្រុង​ជ្រោយ និងយូរអង្វែង” ដោយបានផ្តល់ផលប្រយោជន៍ឱ្យគ្នាទៅវិញទៅមក។ ឆ្លៀត​ក្នុង​ឱកាស​នោះដែរ សម្តេចប្រធានរដ្ឋសភា បានទទួលសំណើរបស់ឯកឧត្តមបណ្ឌិត សាយ សំភូន ភូមវិហាន អញ្ជើញចូលរួមកិច្ចប្រជុំកំពូលរវាងប្រធានរដ្ឋសភាឡាវ តំបន់អភិវឌ្ឍន៍ត្រីកោណ (CLV) ដែលរដ្ឋសភាឡាវនឹងធ្វើជាម្ចាស់ផ្ទះនៅឆ្នាំ២០២៣ខាងមុខផងដែរ។ អត្ថបទ៖ សេក ឧត្តម

ប្រមុខ​សិទ្ធិមនុស្ស ​UN និយាយថា​ វិបត្តិ​ពេញបន្ទុក​កំពុង​បន្ត​នៅ​អ៊ីរ៉ង់ ខណៈ​ការបង្ក្រាប​លើ​ក្រុម​បាតុករ​

2022/11/25 06:17:43 pm        692
​អ៊ីរ៉ង់៖ យោងតាម​ប្រមុខ​ឧត្ដមស្នងការ​សិទ្ធិមនុស្ស​របស់​អង្គការសហប្រជាជាតិ​លោក Volker Turk ប្រទេស​អ៊ីរ៉ង់​កំពុង​ធ្លាក់​ក្នុង​វិបត្តិ​សិទ្ធិមនុស្ស​ពេញបន្ទុក ខណៈ​ក្រុម​អាជ្ញាធរ​បាន​បង្ក្រាប​លើ​ក្រុម​អ្នកប្រឆាំង​នឹង​របប​នេះ។ ​លោក Turk បាន​អំពាវនាវ​ឲ្យ​មានដំណើរ​ការស៊ើបអង្កេត​ប្រកបដោយ​ឯករាជ្យ មិន​លម្អៀង និង​តម្លាភាពក្នុងករណី​រំលោភសិទ្ធិ​មនុស្សក្នុងប្រទេស​អ៊ីរ៉ង់ អំឡុង​សម័យប្រជុំ​ពិសេស​នៃ​ក្រុមប្រឹក្សា​សិទ្ធិមនុស្ស​ របស់​អង្គការសហប្រជាជាតិកាលពី​ថ្ងៃ​ព្រហស្បតិ៍​។ ​សាធារណរដ្ឋ​អ៊ីស្លាម​មួយ​នេះបាន​គ្របដណ្ដប់ ​ដោយ​រលក​នៃ​ការតវ៉ា​ប្រឆាំង​រដ្ឋាភិបាលបង្កឡើង​ដោយសារ​ការស្លាប់​ស្ត្រី​វ័យក្មេង​ជនជាតិ​ឃឺ​ដ​អ៊ីរ៉ង់​វ័យ ​២២​ឆ្នាំ នាង Mahsa Amini ដែល​ត្រូវ​​បាន​ឃាត់ខ្លួន​ដោយ​នគរបាល​សីលធម៌​កាលពី​ខែកញ្ញា ​ពីបទប្រើ​ក្រណាត់​គ្រប​ក្បាល​ពុំបាន​ត្រឹមត្រូវ​។​លោក Turk បាន​ប្រាប់​រដ្ឋ​ជា​សមាជិក​ក្រុមប្រឹក្សា​ ៤៧​ប្រទេសក្នុង​ទីក្រុង​ហ្សឺ​ណែវថា កងកម្លាំង​សន្តិសុខ​ត្រូវបាន​រាយការណ៍​ថា​ បាន​ឆ្លើយតប​ការតវ៉ា​ដោយ​ការប្រើ​អាវុធ​ប្រឆាំងនឹង​ក្រុមអ្នកតវ៉ា​គ្មាន​អាវុធ​ក្នុង​ដៃ និង​ក្រុម​អ្នក​ឈរ​មើល​ហេតុការណ៍​ដែល​ពុំបាន​បង្ក​ការ​គំរាម​អ្វី​សោះ​។ ​យោងតាម​លោក Turk មនុស្ស​ជាង​ ១៤.០០០​នាក់រួមទាំង​កុមារត្រូវបាន​ចាប់ខ្លួនពាក់ព័ន្ធ​នឹង​ការតវ៉ា​។ លោ​កថា​ បច្ចុប្បន្នមនុស្ស​យ៉ាងហោចណាស់​ ១២​នាក់ប្រឈម​ការ​កាត់ទោស​ប្រហារជីវិត និង ​៦​នាក់បាន​ទទួលទោស​ប្រហារជីវិត​រួចទៅហើយ​។ ​ក្រុម​ឃ្លាំមើល​សិទ្ធិមនុស្ស​និយាយថា មនុស្ស​យ៉ាងហោចណាស់ ៣២៦​នាក់​បាន​ស្លាប់ក្នុងការ​តវ៉ា​នៅ​អ៊ីរ៉ង់​៕អត្ថបទ៖ សុខមាន

សហភាព​អឺរ៉ុប​ត្រៀម​កញ្ចប់​ទណ្ឌកម្ម​ទី​៩​ ដាក់​លើ​រុស្ស៊ី​

2022/11/25 05:47:41 pm        713
​អឺរ៉ុប៖ ប្រធាន​គណៈកម្មការ​សហ​ភាព​អឺរ៉ុប​លោកស្រី Ursula von der Leyen​ បាន​និយាយ​កាលពី​ថ្ងៃ​ព្រហស្បតិ៍​ថា សហភាព​អឺរ៉ុប​កំពុង​ត្រៀម​កញ្ចប់​ទណ្ឌកម្ម​ទី​៩ ដាក់​លើ​រុស្ស៊ី។​ ​នៅ​ក្នុង​សុន្ទរកថាអំឡុង​ដំណើរ​ទស្សនកិច្ចរបស់​លោក​ស្រី​ទៅកាន់​រដ្ឋធានី Helsinki របស់​ប្រទេស​ហ្វាំ​ង​ឡង់ លោកស្រី Leyen បាន​និយាយ​ថា យើង​កំពុង​ប្រឹងប្រែង​ណាស់​ក្នុង​ការ​ដាក់​សម្ពាធ​លើ​រុស្ស៊ី ដើម្បី​ធ្វើ​ឲ្យ​ប៉ះពាល់​ដល់​សមត្ថភាព​សង្គ្រាម​របស់​ប្រទេស​នេះ​នៅ​ក្នុង​ទឹកដី​អ៊ុយ​ក្រែ​ន​។ ​លោកស្រី​បាន​បន្ថែម​ថា សហភាព​អឺរ៉ុបរួម​ជាមួយ​ប្រទេស​ជា​សមាជិក G7 និង​ដៃ​គូរ​សំខាន់ៗ​ផ្សេងទៀតនឹង​អនុម័ត​ឆាប់ៗ​លើ​ការកំណត់​តម្លៃ​ជាស​កល​លើ​ប្រេង​របស់​រុស្ស៊ី។ ដោយ​បន្ថែមថា ​យើង​នឹងមិន​សម្រាក​ទេ រហូត​ទាល់តែ​អ៊ុយ​ក្រែ​ន​ឈ្នះ​លោក​ប្រធានាធិបតីរុស្ស៊ី Vladimir Putin និង​សង្គ្រាម​ខុសច្បាប់ ​និង​ឃោរឃៅ​របស់លោក​។ដោយ​កំពុង​ទាក់ទាញ​ការចាប់អារម្មណ៍​ចំពោះ​ការពិត​ដែលថា​ ប្រជាពលរដ្ឋ​អ៊ុយ​ក្រែ​នបាន​អត់ធ្មត់​រស់នៅក្នុង​ស្ថានភាព​ដ៏​លំបាក ព្រោះតែ​ការវាយប្រហារ​របស់​រុស្ស៊ីលើ​ហេដ្ឋារចនាសម្ព័ន្ធ​របស់​ប្រទេស​នេះ ដែល​បណ្ដាល​ឲ្យ​គ្មាន​ទឹកស្អាត និង​អគ្គិសនី​ប្រើប្រាស់​ធ្ងន់ធ្ងរ លោកស្រី Leyen លើកឡើងថា ​លោក Putin ត្រូវតែ​ទទួលខុសត្រូវ​ចំពោះ​រឿងនេះ​។ ​លោកស្រី​ថា ទារក ឪពុក​ម្ដាយ និង​ជីដូន​ជីតា​របស់​ពួកគេ​កំពុង​រងា​នៅ​ក្នុង​ភាព​ងងឹត ហើយ​ខ្ញុំ​ថ្កោល​ទោស​យ៉ាង​ដាច់​អហង្ការ​ចំពោះ​ការវាយប្រហារ​ដ៏​ឃោរឃៅ​នេះ។ ប៉ុន្តែ​ខ្ញុំ​ក៏បាន​ដឹង​ដែរ​ថា មិត្ត​ភ័ក្ត្រ​ដ៏​ច្រើន​របស់​អ៊ុយ​ក្រែ​ននឹង​ពុះពារ​ឆ្លង​ផុត​សោកនាដកម្ម​នេះ ពួកគេ​មាន​សមត្ថភាព​ខ្លាំងក្លា​៕អត្ថបទ៖ សុខមាន

វិមាន​ក្រឹម​ឡាំង​៖ មេដឹកនាំ​អ៊ុយ​ក្រែ​នអាច​បញ្ចប់​ការរង​ទុក្ខ​បាន​ដោយ​បំពេញ​តាម​តម្រូវការ​របស់​រុស្ស៊ី​

2022/11/25 05:23:00 pm        548
​រុស្ស៊ី៖ វិមាន​ក្រឹម​ឡាំង​កាលពី​ថ្ងៃ​ព្រហស្បតិ៍​ ទី​២៤​ វិច្ឆិកា បាន​ទាត់ចោល​ការចោទប្រកាន់​ដែល​ថា ការ​វាយប្រហារ​របស់​ខ្លួន​ដាក់​គោលដៅ​លើ​បណ្ដាញ​ផ្គត់ផ្គង់​អគ្គិសនី​របស់​អ៊ុយ​ក្រែ​ន ប៉ុន្តែ​បាន​និយាយ​ថា ​ទីក្រុង Kyiv អាច​បញ្ចប់​ការ​រង​ទុក្ខ​របស់​ប្រជាពលរដ្ឋ​ខ្លួន ​ដោយ​បំពេញ​តាម​ការ​ទាមទារ​របស់​រុស្ស៊ី​ក្នុង​ការ​ដោះស្រាយ​ជម្លោះ​នេះ។ ​ការ​បាញ់​ផ្លោង​មី​ស៊ី​ល​ដដែលៗ​ទៅលើ​ហេដ្ឋារចនាសម្ព័ន្ធ​ថាមពល ​ទូទាំង​អ៊ុយ​ក្រែ​ន​កាលពី​ប៉ុន្មាន​សប្ដាហ៍​មុន បាន​បង្ខំ​ឲ្យ​មនុស្ស​រាប់​លាន​នាក់​គ្មាន​អគ្គិសនី​ប្រើប្រាស់ គ្មាន​ទឹក​ស្អាត ឬ​គ្មាន​ម៉ាស៊ីន​កំដៅ​រយៈពេល​ច្រើន​ម៉ោង ​ឬ​ច្រើន​ថ្ងៃ ស្រប​ពេល​សីតុណ្ហភាព​ត្រជាក់​នៅ​ខាងក្រៅ​បាន​ធ្លាក់​ចុះ​ទាប​ជាង​កម្រិត​មធ្យម​។ ប៉ុន្តែ​អ្នកនាំពាក្យ​វិមាន​ក្រឹម​ឡាំង​លោក Dmitry Peskov បាន​ប្រាប់​ក្រុម​អ្នកយក​សារព័ត៌មាន​ថា ពុំ​មាន​ការវាយប្រហារ​ដាក់​គោលដៅ​លើ​សង្គម​ឡើយ ហើយក៏​ពុំបាន​ផ្ដោត​ជាពិសេស​ណាមួយ​ដែរ​។​លោ​កថា​ គោលដៅ​នានា​ដែល​ជាប់​ពាក់ព័ន្ធ​ដោយ​ផ្ទាល់ ​ឬ​ដោយ​ប្រយោល​ចំពោះ​យោធា​គឺជា​មុខ​ព្រួញ​នៃ​ការវាយប្រហារ​របស់​យើង។ លោក Peskov ត្រូវ​បាន​សួរ​ថា​ តើ​ការ​រង​ទុក្ខ​របស់​ជន​ស៊ីវិល​អ៊ុយ​ក្រែ​ន អាច​ផ្សះផ្សា​ជាមួយ​គោលជំហរ​របស់​លោក​ប្រធានាធិបតី Vladimir Putin ដោយ​របៀប​ណា។ លោក Putin ធ្លាប់​បាន​និយាយ​ហើយ​ថា ​រុស្ស៊ី​គ្មាន​បំណង​បំផ្លាញ​អ៊ុយ​ក្រែ​ន ឬ​ប្រជាពលរដ្ឋ​របស់​ប្រទេស​នេះ​ដែរ​៕អត្ថបទ៖ សុខមាន

មេដឹកនាំ​បក្ស​ប្រឆាំង​លោក Anwar Ibrahim ត្រូវ​បាន​តែង​តាំង​ជា​នាយករដ្ឋមន្ត្រី​ទី​១០ ​របស់​ម៉ាឡេស៊ី​

2022/11/24 09:48:17 pm        858
​ម៉ាឡេស៊ី៖ នៅ​ថ្ងៃ​ព្រហស្បតិ៍​នេះ​មេដឹកនាំ​បក្ស​ប្រឆាំង​លោក Anwar Ibrahim ត្រូវបានតែងតាំង​ជានា​យក​រដ្ឋមន្ត្រី​ថ្មីរបស់​ប្រទេស​ម៉ាឡេស៊ី ក្រោយ​រយៈពេល​ជាច្រើន​ថ្ងៃ​នៃ​ភាពទាល់ច្រក​ក្រោយ​ការ​បោះ​ឆ្នោត។​ មេដឹកនាំ​ថ្មី​រូបនេះ​ត្រូវ​បាន​តែងតាំង​ដោយ​ព្រះមហាក្សត្រ Sultan Abdullah បន្ទាប់​ការបោះឆ្នោត​កាល​ពី​ចុង​សប្តាហ៍​កន្លងទៅ ​ពុំ​អាច​បង្កើត​រដ្ឋាភិបាល​ថ្មី​បាន។​ មិន​ថា ​លោក Anwar ឬ​អតីត​នាយករដ្ឋមន្ត្រី Muhyiddin Yassin ទេ ពួកគេ​សុទ្ធតែ​ឈ្នះ​សំឡេង​ភាគច្រើន​ត្រូវ​ការ​បង្កើត​រដ្ឋាភិបាល​ថ្មី។ ​លោក Anwar​ នឹង​ធ្វើ​សច្ចាប្រណិធាន​មុខ​ព្រះមហាក្សត្រ​នៅ​វេលា​ម៉ោង ៥​ល្ងាច​ម៉ោង​ក្នុងស្រុក​ត្រូវ​នឹង​ម៉ោង ៩​ម៉ោង​សកល​ថ្ងៃ​ព្រហស្បតិ៍​នេះ។​ ព្រះបរមរាជវាំង​បាន​និយាយ​នៅក្នុង​សេចក្តីថ្លែងការណ៍​ថា ដោយ​ផ្អែកលើ​ច្បាប់​ធម្មនុញ្ញ ព្រះមហាក្សត្រ​សម្រេច​តែង​តាំងលោក Anwar Ibrahim ជា​នាយក​រដ្ឋមន្ត្រី​លើក​ទី១០ របស់​ម៉ាឡេស៊ី។​ គណបក្ស Pakatan Harapan (PH)​ របស់​លោក Anwar ដែល​បាន​ឈ្នះ​ចំណែក​ធំ​បំផុត​នៃ​អាសនៈ​នៅ​ការ​បោះ​ឆ្នោត​កាលពី​ថ្ងៃ​សៅរ៍ ពុំ​មាន​អាសនៈ​គ្រប់គ្រាន់​សម្រាប់​ខ្លួនឯង​ឲ្យ​បង្កើត​រដ្ឋាភិបាល​បាន​នោះ​ទេ ហើយ​គេ​ក៏​ពុំ​ទាន់​ដឹង​ច្បាស់​ភ្លាមៗ​នោះ​ដែរ​ថា ​តើ​គណបក្ស​មួយ​ណាដែល​លោក​នឹងចូលរួម​ជាមួយ ​ដើម្បី​បង្កើត​រដ្ឋាភិបាលចម្រុះ​ថ្មី។​ការតែងតាំង​ជា​នាយករដ្ឋមន្ត្រី​របស់​លោក Anwar វ័យ ៧៥​ឆ្នាំ​គឺជា​ការ​បំពេញ​ក្តី​ស្រមៃ​រយៈពេល​ច្រើន​ទសវត្សរ៍​របស់​លោក​ផង​ដែរ ក្នុង​ការ​ក្លាយ​ជា​មេដឹកនាំ​ម៉ាឡេស៊ី។​ កាលពី​ដំបូង​ឡើយ​លោក Anwar ធ្លាប់​ជា​ឧបនាយករដ្ឋមន្ត្រី​ម៉ាឡេស៊ី​អំឡុង​ទសវត្សរ៍​ឆ្នាំ១៩៩០ ប៉ុន្តែ​លោក​ត្រូវ​បាន​គេ​ទម្លាក់​ចេញពី​តំណែង​វិញ ពាក់ព័ន្ធ​នឹង​ករណី​ចោទប្រកាន់​ពីបទ​ស្រលាញ់​ភេទ​ដូច​គ្នា ក្រោម​ការដឹកនាំ​របស់​អតីត​នាយក​រដ្ឋមន្ត្រី Mahathir Mohamad​ គឺជា​ការចោទប្រកាន់​មួយ​ដែល​លោក​អះ​អាង​ថា វា​ផ្តើម​ចេញពី​រឿង​នយោបាយ៕អត្ថបទ៖ សុខមាន

មនុស្ស​ម្នាក់​ស្លាប់ និងជាង ២០នាក់​របួស​ក្នុង​ការ​បំផ្ទុះ ២លើក​នៅ​ទីក្រុង​ហ្សេរុយសាឡឹម

2022/11/24 09:31:44 pm        700
​អ៊ីស្រាអែល៖ នគរបាល​​អ៊ីស្រាអែល​និយាយថា ការផ្ទុះ​ ២លើក​ដាច់ដោយឡែក​ពីគ្នា​នៅ​ទីក្រុង​ហ្សេ​រុយ​សា​ឡឹម ​បណ្តាល​ឲ្យ​ជនជាតិ​អ៊ីស្រាអែល​ម្នាក់​ស្លាប់ និង​រងរបួស​ជាង ២០​នាក់​។ គ្មាន​ក្រុម​ណា​អះអាង​ទទួលខុសត្រូវ​នៅឡើយ​ទេ ប៉ុន្តែ​ក្រុម​អ៊ីស្លាម​ប៉ា​ឡេ​ស្ទី​ន Hamas បានចេញ​សេចក្តីថ្លែងការណ៍​សាទរ​ការ​បំផ្ទុះ​នេះ​។ ការផ្ទុះ​លើកដំបូង​បានកើត​ឡើង​នៅ​ព្រឹក​ថ្ងៃ​ពុធ​នៅ​ចំណតរថយន្ត​ក្រុង​មួយកន្លែង ​ក្នុង​តំបន់​ដែលមាន​ប្រជាជន​អ៊ីស្រា​អែល​ជាច្រើន​រស់នៅ​។ ​ការផ្ទុះ​លើក​ទី​២ ត្រូវបាន​បំផ្ទុះ​នៅ​ ៣០​នាទី​ក្រោយពី​ការ​បំផ្ទុះ​លើក​ទី​១ នៅ​ផ្នែក​ផ្សេង​នៃ​ទីក្រុង​ហ្សេ​រុយ​សា​ឡឹម​។ សារព័ត៌មាន​ក្នុងស្រុក​រាយការណ៍​ថា គ្រឿងផ្ទុះ​នោះ​មាន​ផ្ទុក​ដោយ​ដែកគោល និង​វត្ថុ​ផ្សេងៗ​ទៀត​។ ក្រុម Hamas បានចាត់ទុក​អ្វីដែល​បានកើត​ឡើង​នៅ​ទីក្រុង​ហ្សេ​រុយ​សា​ឡឹម​ថា ​ជា​លទ្ធផល​នៃ​ការចូល​គ្រប់គ្រង​របស់​អ៊ីស្រាអែល​។ការវាយប្រហារ​ដោយ​គ្រាប់បែក​បានក្លាយ​ជា​រឿង​ដ៏​កម្រ​នៅ​ទីក្រុង​ហ្សេ​រុយ​សា​ឡឹម ​ក្នុង​រយៈពេល​ប៉ុន្មាន​ឆ្នាំ​ចុង​ក្រោយនេះ​។ ឧបទ្ទវ​ហេតុនេះ​កើតឡើង​នៅពេលដែល​កិច្ចពិភាក្សា​ចម្រុះ​ កំពុងដំណើរការ​សម្រាប់​អតីត​នាយករដ្ឋមន្ត្រីលោក Benjamin Netanyahu ដើម្បី​បង្កើត​រដ្ឋាភិបាល​ក្រោយ​ការបោះឆ្នោតជាតិ​នៅ​ថ្ងៃទី១​ ខែវិច្ឆិកា​៕អត្ថបទ៖ ប៊ុនថន

BREAKING NEWS!! មេដឹកនាំបក្សប្រឆាំងប្រទេសម៉ាឡេស៊ី លោក Anwar Ibrahim ត្រូវបានតែងតាំងជានាយករដ្ឋមន្ត្រីថ្មីម៉ាឡេស៊ី

2022/11/24 08:23:39 pm        490
លោក Anwar Ibrahim មេដឹកនាំបក្សប្រឆាំងប្រទេសម៉ាឡេស៊ី ត្រូវបានតែងតាំងជានាយករដ្ឋមន្ត្រីថ្មីម៉ាឡេស៊ី។លោក Anwar Ibrahim ជារដ្ឋបុរសម៉ាឡេស៊ី យូរអង្វែងមកហើយ គឺជានាយករដ្ឋមន្ត្រីថ្មី របស់ ប្រទេសបន្ទាប់ពីរាជវាំងរបស់ប្រទេសនៅអាស៊ីអាគ្នេយ៍មួយនេះបានប្រកាសនៅថ្ងៃព្រហស្បតិ៍នេះ ដោយបញ្ចប់ភាពជាប់គាំងការបោះឆ្នោតដែលបានអូសបន្លាយពេល។ បន្ទាប់ពីកិច្ចប្រជុំជាមួយអ្នកគ្រប់គ្រងរដ្ឋ និងស្របជាមួយរដ្ឋធម្មនុញ្ញម៉ាឡេស៊ី ព្រះមហាក្សត្រ បានតែងតាំងលោក Anwar Ibrahim ជានាយករដ្ឋមន្ត្រីទី១០របស់ប្រទេសនេះ។

បណ្ដាញសង្គម

ព័ត៌មានថ្មីៗ

កម្ពុជា-សិង្ហបុរី បន្ដពង្រឹងទំនាក់ទំនង និងកិច្ចសហប្រតិបត្តិការទ្វេភាគីឱ្យកាន់តែរឹងមាំ​ និង​ ស៊ីជម្រៅ​
11/17/2026 11:11 PM
កម្ពុជា-អូស្ត្រាលី ប្ដេជ្ញាពង្រឹងកិច្ចសហប្រតិបត្តិការដែលមានស្រាប់ និងស្វែងរកកាលានុវត្តភាពថ្មីៗបន្ថែមទៀត
11/17/2026 10:11 PM
សម្ដេចតេជោ ឆ្លើយតប អគ្គលេខាធិការហ្វ្រង់កូហ្វូនី៖ មោទនភាពសម្រាប់កម្ពុជា មានឱកាសរៀបចំនូវកិច្ចប្រជុំកំពូល ដោយជោគជ័យ
11/17/2026 08:11 PM
មន្ទីរពេទ្យព្រះអង្គឌួង ទទួលសម្ភារៈបរិក្ខាចក្ខុរោគសម្រាប់ចែកបន្តដល់មន្ទីរពេទ្យជាសម្ព័ន្ធមេត្រីភាពដើម្បីលើកកម្ពស់គុណភាពថែទាំភ្នែកកាន់តែប្រសើរ
11/17/2026 08:11 PM
កម្ពុជា-សហរដ្ឋអាមេរិក បន្តពង្រឹងភាពជាដៃគូក្នុងការប្រយុទ្ធនឹងជំងឺរបេង ដើម្បីឈានទៅលុបបំបាត់ជំងឺរបេងត្រឹមឆ្នាំ២០៣០
11/17/2026 08:11 PM
សម្ដេចតេជោ ជំរុញឱ្យ កម្ពុជា-ឡាវ បន្តកិច្ចសហប្រតិបត្តិការ ជាពិសេស ធានាព្រំដែនមាន សន្តិភាព ស្ថេរភាព និងសុវត្ថិភាព
11/17/2026 08:11 PM
សម្ដេចតេជោ ឯកភាពឱ្យ កម្ពុជា-ម៉ាឡេស៊ី ពង្រឹងកិច្ចសហប្រតិបត្តិការ វិស័យសេដ្ឋកិច្ច ពាណិជ្ជកម្ម ការវិនិយោគ
11/17/2026 08:11 PM
សម្ដេចតេជោ៖ កម្ពុជានឹងនិយាយលើវេទិកាអន្តរជាតិកាន់តែខ្លាំងជាងមុនថែមទៀត បើថៃមិនអនុវត្តកិច្ចព្រមព្រៀង
11/17/2026 08:11 PM
សម្តេចរដ្ឋសភាធិបតី ឃួន សុដារី៖ ការកសាងសង្គមមួយដែលប្រកបដោយសន្តិភាព ភាពធន់ និងយកប្រជាជនជាស្នូល ទាមទារឱ្យមានការរួមចំណែកពីស្ត្រី
11/17/2026 07:11 PM
អ៊ីរ៉ង់កំណត់គោលដៅលើបារ៉ែន ខណៈភាពតាន​តឹង​​ នៅតំបន់​មជ្ឈិមបូព៌ា ឡើងកម្ដៅ​ជាថ្មី
11/17/2026 07:11 PM