BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

សម្ដេចធិបតី៖ កម្ពុជាជ្រើសរើសយកយន្តការ UNCLOS ដោយសារថៃលុបចោល MOU ២០០១ ជាឯកតោភាគី

ព័ត៌មានសំខាន់ៗ

លោក Sunak៖ អង់គ្លេសប្រឈមមុខផ្នែកសេដ្ឋកិច្ចយ៉ាងខ្លាំង ខណៈលោកក្លាយជានាយករដ្ឋមន្ត្រី

អង់គ្លេស៖ លោក Rishi Sunak ដែលក្លាយជានាយករដ្ឋមន្ត្រីអង់គ្លេស បានសន្យាបម្រើប្រទេសដោយភាពសុចរិតភាព និងស្មោះត្រង់ដោយលោកនឹងធ្វើការដើម្បីប្រជាជនអង់គ្លេស។ លោក Sunak បាននិយាយថា អង់គ្លេសបានប្រឈមមុខនឹងបញ្ហាសេដ្ឋកិច្ចយ៉ាងខ្លាំង ដោយពេលនេះយើងត្រូវការស្ថិរភាព និងសាមគ្គីភាព ហើយលោកនឹងធ្វើឱ្យវាក្លាយជាអាទិភាពបំផុត របស់លោកក្នុងការនាំយកគណបក្ស និងប្រទេសរួមគ្នា ព្រោះនោះគឺជាមធ្យោបាយតែមួយគត់ ដែលយើងនឹងយកឈ្នះលើបញ្ហាប្រឈមទាំងឡាយ។ ពេលនេះលោក Sunak ត្រូវបានព្រះមហាក្សត្រ Charles III ស្នើឲ្យបង្កើតរដ្ឋាភិបាល។ លោកនឹងក្លាយជានាយករដ្ឋមន្ត្រីនៅក្នុងការប្រគល់តំណែងបន្តពីលោកស្រី Liz Truss នៅថ្ងៃច័ន្ទនេះ។ជ័យជម្នះរបស់លោក Sunak គឺជាប្រវត្តិសាស្ត្រ ដែលលោកគឺជានាយករដ្ឋមន្ត្រីអង់គ្លេសដំបូងគេនៃមរតកអាស៊ីខាងត្បូង ជាអ្នកកាន់សាសនាហិណ្ឌូដំបូងគេក្នុងការចូលកាន់តំណែង និងជានាយករដ្ឋមន្ត្រីវ័យក្មេងជាងគេក្នុងរយៈពេល 200ឆ្នាំមកនេះ។ បញ្ហាប្រឈមរបស់លោកមានទំហំធំធេង ខណៈលោកព្យាយាមបង្រួបបង្រួមគណបក្សដែលធ្លាក់ចុះការគាំទ្រ និងបែកបាក់ ដែលមានសន្ទុះទាបជាងគណបក្សប្រឆាំងក្នុងការស្ទង់មតិ និងព្យាយាមជ្រោងសេដ្ឋកិច្ចឡើងវិញបន្ទាប់ពីការជួបប្រទះការបរាជ័យ និងរយៈពេលកាន់តំណែងរយៈពេលខ្លីរបស់លោកស្រី Truss នៅក្នុងសេដ្ឋកិច្ចបែបសេរីនិយម៕អត្ថបទ៖ ប៊ុនថន

មនុស្ស ១៣នាក់ស្លាប់បន្ទាប់ពីអគ្គិភ័យឆេះទូកនៅប្រទេសឥណ្ឌូនេស៊ី

ឥណ្ឌូនេស៊ី៖ មន្ត្រីដឹកជញ្ជូនបាននិយាយថា យ៉ាងហោចណាស់មនុស្ស ១៣នាក់ស្លាប់បន្ទាប់ពីទូកមួយគ្រឿងផ្ទុកមនុស្សរាប់រយនាក់បានឆេះ នៅភាគខាងកើតប្រទេសឥណ្ឌូនេស៊ីកាលពីថ្ងៃចន្ទ។ ទូក KM Express Cantika 77 បានផ្ទុះឆេះបញ្ចេញអណ្ដាតភ្លើងនៅឆ្នេរសមុទ្រកោះទីម័រក្នុងខេត្ត East Nusa Tenggara បណ្តាលឱ្យអ្នកដំណើរដែលអស់សង្ឃឹមលោតចេញពីលើទូក។ លោក Isyak Nuka ប្រធានទីភ្នាក់ងារដឹកជញ្ជូនខេត្ត East Nusa Tenggara បាននិយាយថា ប្រតិបត្តិការស្វែងរក និងជួយសង្គ្រោះបានសង្គ្រោះមនុស្ស ២៤១នាក់ក្នុងចំណោមអ្នកដំណើរ និងនាវិក ២៥៤នាក់។ លោក Nuka និយាយថា មនុស្ស ១៣នាក់បានស្លាប់ ខណៈ ២៤១នាក់ផ្សេងទៀតត្រូវបានសង្គ្រោះ ប៉ុន្តែមិនបានបញ្ជាក់ពីមូលហេតុនៃអគ្គិភ័យឆេះទូកនេះនោះទេ។ ប្រធានទីភ្នាក់ងារស្វែងរក និងជួយសង្គ្រោះក្នុងតំបន់និយាយថា ផ្នែកខាងលើរបស់ទូកបានឆាបឆេះ ខណៈទូកធ្វើដំណើរពីទីរួមខេត្ត Kupang ទៅក្រុង Kalabahi នៅលើកោះ Alor។ អាជ្ញាធរបានបញ្ជូនទូកសង្គ្រោះចំនួនបីគ្រឿង ហើយអ្នកនេសាទក្នុងតំបន់បានចេញទូកជាច្រើនគ្រឿង ដើម្បីជួយក្នុងការស្វែងរកជនរងគ្រោះ។លោក Isyak Nuka ប្រធានទីភ្នាក់ងារដឹកជញ្ជូននិយាយថា អ្នកនៅរស់រានមានជីវិតមួយចំនួនត្រូវបានបញ្ជូនទៅព្យាបាលនៅមន្ទីរពេទ្យ ដោយមានភាពតក់ស្លុត ហើយអ្នកស្លាប់នឹងត្រូវបានបញ្ជូនទៅមន្ទីរពេទ្យនគរបាលក្រុង Kupang ដើម្បីកំណត់អត្តសញ្ញាណ។ មន្ត្រី និយាយថា ទូកនេះអាចផ្ទុកមនុស្សបានចំនួនរហូត ២៥០នាក់។ ឧបទ្ទវហេតុតាមសមុទ្រគឺជារឿងធម្មតា នៅប្រជុំកោះនៅអាស៊ីអាគ្នេយ៍មួយនេះដែលមានកោះប្រមាណ ១៧,០០០ ជាកន្លែងដែលស្តង់ដារសុវត្ថិភាពជារឿយៗមានភាពធូររលុង។ កាលពីឆ្នាំ2018 មនុស្សជាង ១៥០នាក់បានលង់ទឹកស្លាប់នៅពេលដែលនាវាចម្លងមួយគ្រឿងបានលិច នៅក្នុងបឹងមួយក្នុងចំណោមបឹងជ្រៅបំផុតរបស់ពិភពលោកនៅកោះស៊ូម៉ាត្រា៕អត្ថបទ៖ ប៊ុនថន

ការប្រារព្ធខួប ១០០ព្រះវស្សា នៃទិវាប្រសូតរបស់ព្រះបរមរតនកោដ្ឋ គឺរំលឹកដល់ព្រះរាជបូនីយកិច្ចរបស់ព្រះអង្គ

សម្តេចរាជបុត្រីព្រះអនុជ នរោត្តម អរុណរស្មី ឧត្តមប្រឹក្សាផ្ទាល់ព្រះមហាក្សត្រ និងជាស្ថាបនិកមូលនិធិមុទិតា និងលោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា ហើយក៏ជាអ្នកផ្តួចផ្តើមរៀបចំពិធីបុណ្យ និងប្រារព្ធខួប១០០ព្រះវស្សា នៃទិវាប្រសូតរបស់ព្រះបរមរតនកោដ្ឋ បានមានបន្ទូល និងថ្លែងថា ការដែលធ្វើខួបគម្រប់ ១០០ព្រះវស្សា នៃទិវាប្រសូតរបស់ ព្រះករុណា ព្រះមហាវីរក្សត្រ ព្រះបរមរតនកោដ្ឋដ៏អធិកអធមនាថ្ងៃទី៣១ ខែតុលាខាងមុខនេះ គឺដើម្បីរំលឹកដល់ព្រះរាជបូនីយកិច្ចរបស់ព្រះអង្គ ជាពិសេស ស្នាព្រះហស្ថព្រះអង្គដែលដណ្តើមបានឯករាជ្យពីកណ្តាប់ដៃអណានិគមនិយមបារាំងនេះតែម្តង។ មានបន្ទូលនៅក្នុងកិច្ចសម្ភាសន៍ជាមួយទូរទស្សន៍ជាតិកម្ពុជា ទាក់ទង និងការរៀបចំព្រះរាជកម្មវិធី«១០០ព្រះវស្សា នៃព្រះបិតាឯករាជ្យជាតិ» នៅថ្ងៃទី៣១ ខែតុលា ឆ្នាំ២០២២ នាសាលមហោស្រពចតុម្មុខមង្គល សម្តេចរាជបុត្រីព្រះអនុជ នរោត្តម អរុណរស្មី បានលើកឡើងថា ការសហការគ្នារវាងមូលនិធិមុទិតា និងសហភាពសហព័ន្ធយុវជនកម្ពុជា ដើម្បីរៀបចំខួប១០០ព្រះវស្សា នៃការប្រសូតរបស់អតីតព្រះ មហាវីរៈក្សត្រនេះ គឺដើម្បីរំលឹកដល់ព្រះគុណបំណាច់របស់ព្រះអង្គ ប្រាប់ដល់ក្មេងៗជំនាន់ក្រោយ អំពីស្នាព្រះហស្ថជាច្រើនរបស់ព្រះអង្គដែលបានសន្សល់ទុករហូតដល់សព្វថ្ងៃនេះ។ នៅក្នុងកិច្ចសម្ភាសន៍ទាក់ទងនឹងកម្មវិធីខាងលើនេះដែរ លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា លើកឡើងថា ការរៀបចំព្រះរាជកម្មវិធី«១០០ព្រះវស្សា នៃព្រះបិតាឯករាជ្យជាតិខ្មែរ»នេះ គឺជាការបង្ហាញនូវកតញ្ញូកតវេទីចំពោះព្រះបិតាឯករាជ្យខ្មែរ ដែលព្រះអង្គបានកសាងមក ទុកឲ្យពួក យើង ដែលជាមនុស្សជំនាន់ក្រោយនេះ។ សូមបញ្ជាក់ថា មូលនិធិមុទិតា និង ស.ស.យ.ក. បានចូលរួមជាមួយរាជរដ្ឋាភិបាល និងស្ថាប័នជាតិនានា ដើម្បីសហការរៀបចំ ព្រះរាជកម្មវិធី «១០០ព្រះវស្សា នៃព្រះបិតាឯករាជ្យជាតិ» ក្រោមព្រះរាជាធិបតីដ៏ខ្ពស់ខ្ពស់ជាទីបំផុតរបស់ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និង សម្តេចព្រះមហាក្សត្រី នរោត្តម មុនីនាថ សីហនុ ព្រះវររាជ មាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល នៅថ្ងៃទី៣១ ខែតុលា ឆ្នាំ២០២២ នៅសាលមហោស្រព ចតុម្មុខមង្គល វេលាម៉ោង០៥ និង៣០នាទី រសៀល ដែលត្រូវជាខួបគម្រប់ ១០០ព្រះវស្សានៃទិវាប្រសូតរបស់ ព្រះករុណា ព្រះមហាវីរក្សត្រ ព្រះបរមរតនកោដ្ឋ។ ទស្សនីយភាពនៃព្រះរាជកម្មវិធី«១០០ព្រះវស្សា នៃព្រះបិតាឯករាជ្យជាតិ» នេះ ក៏នឹងមានការសម្តែងសិល្បៈ ទស្សនីយភាព របាំថ្វាយព្រះពរ និងចម្រៀងដែលជាស្នាព្រះហស្ថព្រះរាជនិពន្ធរបស់ ព្រះករុណា ព្រះមហាវីរក្សត្រ ព្រះបរមរតនកោដ្ឋ ដែលបានបង្កប់នូវអត្ថន័យអត្ថន័យ និងកម្រងអនុស្សាវរីយ៍ ដ៏សែនជ្រាលជ្រៅរបស់ព្រះអង្គផងដែរ៕ អត្ថបទ៖ បាន ចក់

របាយការណ៍៖ មនុស្ស ៨០នាក់ស្លាប់ក្នុងការវាយឆ្មក់តាមអាកាសលើក្រុមឧទ្ទាមកាជីននៅមីយ៉ាន់ម៉ា

មីយ៉ាន់ម៉ា៖ របាយការណ៍ជាច្រើននិយាយថា ការវាយឆ្មក់ដាក់គោលដៅលើក្រុមមួយក្នុងចំណោមក្រុមបះបោរ ជនជាតិភាគតិចធំបំផុតជាច្រើនរបស់សហភាពមីយ៉ាន់ម៉ា បានសម្លាប់មនុស្សយ៉ាងហោចណាស់ ៨០នាក់ និងបណ្ដាលឲ្យមនុស្សប្រមាណ ១០០នាក់ផ្សេងទៀតរងរបួស។ចំនួនអ្នកស្លាប់ត្រូវបានផ្ដល់ឲ្យទូរទស្សន៍ BBC ដោយលោកវរសេនីយ៍ឯក Naw Bu អ្នកនាំពាក្យកងទ័ពឯករាជកាជីន (Kachin)។ សាក្សីជាច្រើននៅរដ្ឋកាជីនភាគខាងជើងសហភាពមីយ៉ាន់ម៉ានិយាយថា យន្តហោះបានទម្លាក់គ្រាប់បែក ៣គ្រាប់លើកន្លែងប្រគំតន្ត្រីមួយរៀបចំដោយក្រុមកងទ័ពឯករាជកាជីនក្នុងភូមិ Kansi។ ក្រុមអ្នកភូមិនិយាយថា ពុំមានការព្រមានជាមុនទេ មុនការវាយឆ្មក់នេះ។ ការប្រគំតន្ត្រីនៅក្នុងភូមិ Kansi គឺជាការប្រារព្ធខួបលើកទី ៦២ឆ្នាំនៃយុទ្ធនាការកងទ័ពរបស់ក្រុមឧទ្ទាមសម្រាប់ស្វយ័តភាព។សាក្សីជាច្រើនបានរាយការណ៍ថា មានការផ្ទុះ ៣កន្លែងធំៗនៅម៉ោងប្រហែល 20:30នាទីម៉ោងក្នុងស្រុកកាលពីថ្ងអាទិត្យ។ គ្រាប់បែកទាំងនោះបានបំផ្លិចបំផ្លាញអគារជាច្រើននៅមូលដ្ឋាននោះ និងបានបណ្ដាលឲ្យមនុស្សស្លាប់របួសយ៉ាងច្រើន នៅក្នុងចំណោមអ្នកមើលព្រឹត្តិការណ៍ប្រគំតន្ត្រីនោះ។ ក្នុងចំណោមអ្នកស្លាប់ទាំងនោះត្រូវគេជឿថា មានតារាចម្រៀងដ៏ល្បីល្បាញចំនួន ៤នាក់របស់រដ្ឋកាជីនផងដែរ៕អត្ថបទ៖ សុខមាន

តើនាយករដ្ឋមន្ត្រីហិណ្ឌូដំបូងរបស់អង់គ្លេស ជាមេដឹកនាំឈាមជ័រអាស៊ីដំបូង Rishi Sunak ជានរណា?

អង់គ្លេស៖ លោក Rishi Sunak បានក្លាយជានាយករដ្ឋមន្ត្រីហិណ្ឌូដំបូងរបស់ចក្រភពអង់គ្លេស ជាមេដឹកនាំឈាមជ័រអាស៊ីដំបូង និងក្មេងជាងគេបំផុតក្នុងរយៈពេលជាង ២០០ឆ្នាំដោយលោកមានអាយុត្រឹមតែ ៤២ឆ្នាំប៉ុណ្ណោះ។ លោក Sunak បានកើតនៅក្នុងទីក្រុង Southampton ឪពុកម្ដាយមានដើមកំណើតឥណ្ឌានៅរដ្ឋ Punjab ដែលបានធ្វើអន្តោប្រវេសន៍ពីអាហ្វ្រិកខាងកើតទៅចក្រភពអង់គ្លេសក្នុងទសវត្សរ៍ឆ្នាំ1960។ លោកបានទទួលការអប់រំនៅមហាវិទ្យាល័យ Winchester និងសិក្សាទស្សនវិជ្ជា នយោបាយ និងសេដ្ឋកិច្ច (PPE) នៅមហាវិទ្យាល័យ Lincoln, Oxford និងបានបញ្ចប់ការសិក្សាផ្នែកបរិញ្ញាបត្រជាន់ខ្ពស់រដ្ឋបាលពាណិជ្ជសាស្ត្រ ពីសាកលវិទ្យាល័យ Stanford ក្នុងរដ្ឋ California ក្នុងនាមជានិស្សិតមិនមែនជនជាតិអាមេរិក។ លោក Sunak ត្រូវបានជ្រើសរើសជាសមាជិកសភាប្រចាំមណ្ឌល Richmond ក្នុងតំបន់ North Yorkshire ក្នុងការបោះឆ្នោតសកលឆ្នាំ2015 ដោយបានផ្ដួលលោក William Hague។ លោក Sunak បានគាំទ្រការបញ្ចប់សមាជិកភាពពីសហភាពអឺរ៉ុប ឬ Brexit ក្នុងឆ្នាំ2016។ បន្ទាប់ពីអតីតនាយករដ្ឋមន្ត្រីលោកស្រី Theresa May លាលែងពីតំណែង លោក Sunak បានគាំទ្រយុទ្ធនាការរបស់លោក Boris Johnson ក្លាយជាមេដឹកនាំគណបក្សអភិរក្សនិយម។ បន្ទាប់ពីលោក Johnson ត្រូវបានជ្រើសរើស និងតែងតាំងជានាយករដ្ឋមន្ត្រី លោកបានតែងតាំង Sunak ជារដ្ឋមន្ត្រីរតនាគារ។ លោក Sunak បានជំនួសលោក Sajid Javid ជារដ្ឋមន្ត្រីក្រសួងហិរញ្ញវត្ថុ បន្ទាប់ពីការលាលែងរបស់លោកនៅក្នុងការរុះរើគណៈរដ្ឋមន្ត្រីខែកុម្ភៈ ឆ្នាំ2020។លោកបានលាលែងពីតំណែងជារដ្ឋមន្ត្រីក្រសួងហិរញ្ញវត្ថុនៅថ្ងៃទី៥ ខែកក្កដា ឆ្នាំ2022 ក្រោយមកលោក Johnson ក៏បានលាលែងពីតំណែង ស្របពេលជួបវិបត្តិក្នុងរដ្ឋាភិបាល។ លោក Sunak បានឈរឈ្មោះក្នុងការបោះឆ្នោតជ្រើសរើសមេដឹកនាំគណបក្សអភិរក្ស ដើម្បីជំនួសលោក Johnson ហើយបានចាញ់លោកស្រី Liz Truss ក្នុងការបោះឆ្នោតក្នុងបក្ស។ បន្ទាប់ពីការលាលែងពីតំណែងរបស់លោកស្រី Truss ខណៈមានវិបត្តិរដ្ឋាភិបាលមួយផ្សេងទៀត លោក Sunak ត្រូវបានបោះឆ្នោតជ្រើសរើសដោយមិនមានការជំទាស់ ក្នុងឋានៈជាមេដឹកនាំនៃគណបក្សអភិរក្សនិយម ហើយត្រូវបានក្លាយជានាយករដ្ឋមន្ត្រីអង់គ្លេសដំបូងគេមានឈាមជ័រអាស៊ីខាងត្បូង និងជានាយករដ្ឋមន្ត្រីដែលមិនមែនជាជនជាតិស្បែកសដំបូងគេ របស់ចក្រភពអង់គ្លេសនៅក្នុងរយៈពេល ៣០១ឆ្នាំក្នុងប្រវត្តិសាស្ត្រ៕អត្ថបទ៖ សុខមាន

មនុស្ស ៣នាក់ស្លាប់ និង ៧នាក់របួសក្នុងការបាញ់ប្រហារនៅសាលារៀនក្នុងរដ្ឋ Missouri សហរដ្ឋអាមេរិក

អាមេរិក៖ មនុស្សយ៉ាងហោចណាស់ ៣នាក់រួមទាំងជនសង្ស័យម្នាក់បានស្លាប់ និង ៧នាក់ផ្សេងទៀតរងរបួស បន្ទាប់ពីការបាញ់ប្រហារនៅវិទ្យាល័យមួយក្នុងទីក្រុង St Louis រដ្ឋ Missouri សហរដ្ឋអាមេរិក។ក្មាន់កាំភ្លើងខាងលើបានចូលទៅក្នុងវិទ្យាល័យ Central Visual & Performing Arts ភ្លាមៗបន្ទាប់ពីម៉ោង 09:00 ម៉ោងនៅសហរដ្ឋអាមេរិកកាលពីថ្ងៃចន្ទ។ ទ្វារទាំងអស់របស់អគារសាលារៀនត្រូវបានចាក់សោរ ហើយមិនត្រូវបានបញ្ជាក់ច្បាស់ភ្លាមៗទេថា តើជនសង្ស័យនោះអាចចូលទៅក្នុងបានដោយរបៀបណា។ សាក្សីជាច្រើនបាននិយាយថា មានមនុស្សជាច្រើនត្រូវបានជួយសង្គ្រោះ បន្ទាប់ពីអាវុធរបស់ក្មាន់កាំភ្លើងបានគាំងពេលកំពុងបាញ់ប្រហារ។សាលារដ្ឋជាច្រើននៅទីក្រុង St Louis និយាយថា នគរបាលបានបញ្ឈប់ក្មាន់កាំភ្លើងយ៉ាងឆាប់រហ័ស។ ជនសង្ស័យដែលត្រូវបាននគរបាលកំណត់អត្តសញ្ញាណមានវ័យ ១៩ឆ្នាំជាអតីតសិស្សវិទ្យាល័យនេះ បានបាញ់តបតគ្នាជាមួយនគរបាល ហើយក្រោយមកបានស្លាប់ដោយសាររបួស។ គេនៅមិនទាន់ដឹងច្បាស់ទេពីមូលហេតុដែលនាំឲ្យជនល្មើសសម្រេចចិត្ត បើកការវាយប្រហារលើវិទ្យាល័យដែលមានសិស្សប្រមាណ ៤០០នាក់មួយនេះ៕អត្ថបទ៖ សុខមាន

សម្ដេចតេជោ៖ កម្ពុជានៅតែមានលទ្ធភាពដោះស្រាយបញ្ហាគ្រោះមហន្តរាយ និងពុំមានក្ស័យធន

សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងថា រាជរដ្ឋាភិបាលកម្ពុជា ពុំមានក្ស័យធន ក្នុងការដោះស្រាយបញ្ហាគ្រោះមហន្តរាយ ដល់ពលរដ្ឋរងគ្រោះនោះទេ ហើយការទទួលបាននូវស្បៀងអាហារជាបន្តបន្ទាប់ ពីសប្បុរសជននានា មិនមែនជាការរាយអង្គាស ដូចការចោទប្រកាន់របស់ពួកប្រឆាំងនោះដែរ ។ក្នុងពិធីចែកស្បៀងអាហារ និងពូជស្រូវ ដល់ប្រជាពលរដ្ឋរងគ្រោះដោយទឹកជំនន់ជាង ៥ពាន់គ្រួសារ នៅខេត្តពោធិ៍សាត់ នាថ្ងៃទី២៥ ខែតុលា ឆ្នាំ២០២២ សម្ដេតេជោនាយករដ្ឋមន្ត្រី បានថ្លែងអំណរគុណ ដល់ព្រះសង្ឃ សប្បុរសជននានា ដែលបានចូលរួមនូវស្បៀងអាហារ សម្រាប់ចែកជូនប្រជាពលរដ្ឋរងគ្រោះដោយសារទឹកជំនន់ នៅឆ្នាំ២០២២នេះ ដែលសម្ដេចបានចាត់ទុកថា នេះជាប្រពៃណីរបស់ពលរដ្ឋខ្មែរ ដែលតែងតែជួយគ្នាក្នុងគ្រាលំបាក ។សម្ដេចតេជោ បានបន្តថា សម្រាប់ការទទួលនូវស្បៀងអាហារ ពីសប្បុរសជន ជាការចូលរួមដោយទឹកចិត្តសប្បុរសធម៌ មិនមានការរាយអង្គាស ដូចការចោទប្រកាន់របស់ពួកប្រឆាំង មកលើរាជរដ្ឋាភិបាល ។ក្នុងឱកាសនេះ សម្ដេចតេជោ ហ៊ុន សែន ក៏បានប្រកាសពីការចូលរួមបន្ថែមពីសប្បុរសជន ដែលបានចូលរួមនូវអង្ករចំនួន ៥០០តោន ចំពោះរាជរដ្ឋាភិបាល ហើយសម្ដេចបានបែងចែកអង្ករទាំងអស់នោះទៅខេត្តពោធិ៍សាត់ បន្ទាយមានជ័យ កំពង់ធំ ព្រៃវែង និងកំពង់ឆ្នាំង សម្រាប់ចែកជូនប្រជាពលរដ្ឋរងគ្រោះដោយទឹកជំនន់ ។គួរបញ្ជាក់ថា សម្ដេចតេជោនាយករដ្ឋមន្ត្រីបានអញ្ជើញជាអធិបតី ចែកស្បៀងអាហារ និងស្រូវពូជ ដល់ពលរដ្ឋរងគ្រោះដោយទឹកជំនន់ រួចរាល់ហើយ នៅខេត្តបន្ទាយមានជ័យ បាត់ដំបង និងខេត្តពោធិ៍សាត់ និងគ្រោងបន្តចែកពលរដ្ឋនៅខេត្តកំពង់ឆ្នាំង ព្រៃវែង និងខេត្តកំពង់ធំ ៕ អត្ថបទ៖ បាន សុខរិទ្ធិ

សម្តេចតេជោ៖ អ្នកពោធិ៍សាត់សូមបន្តបោះឆ្នោត ជូនគណបក្សប្រជាជនកម្ពុជានៅឆ្នាំ២០២៣ជាបន្តទៀត

សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានថ្លែងការអរគុណដល់ប្រជាពលរដ្ឋខេត្តពោធិ៍សាត់ដែលកន្លងមកបានបោះឆ្នោតជូនគណបក្សប្រជាជនកម្ពុជាយ៉ាងភ្លូកទឹកភ្លូកដី និយាយដោយឡែក និងជារួមប្រជាពលរដ្ឋកម្ពុជានៅទូទងប្រទេស ហើយសម្ដេចក៏សង្ឃឹមជឿជាក់ថា ប្រជាពលរដ្ឋនៅខេត្តពោធិ៍សាត់ក៏ដូចជាប្រជាពលរដ្ឋទូទាំងប្រទេសនឹងបន្តគាំទ្រគណបក្សប្រជាជនកម្ពុជា ។សម្តេចតេជោ ហ៊ុន សែន នាយករដ្ឋមន្ត្រីបានអំពាវនាវទៅកាន់ពលរដ្ឋយ៉ាងដូច្នេះ ខណៈ អញ្ជើញចុះជួបសំណេះសំណាល ចែកស្រូវពូជ និងស្បៀងជូនពលរដ្ឋរងគ្រោះដោយទឹកជំនន់នៅខេត្តពោធិ៍សាត់ជាង ៥០០០គ្រួសារ នៅព្រឹកថ្ងៃទី២៥ខែតុលា ឆ្នាំ២០២២នេះ។សម្តេចបញ្ជាក់ថា គណបក្សប្រជាជនកម្ពុជាមិនដែលចោលប្រជាជនម្តងណាទេ ដូច្នេះសូមបន្តបោះឆ្នោតជូនគណបក្សប្រជាជនកម្ពុជានៅឆ្នាំ២០២៣ខាងមុខជានេះបន្តទៀត។សម្តេចតេជោ ហ៊ុន សែន បានបន្តផ្តាំផ្ញើ ថ្លែងអំណរគុណជូនប្រជាពលរដ្ឋទាំងអស់ដែលបានគាំទ្របោះឆ្នោតជូនគណបក្សប្រជាជនកម្ពុជាកន្លងមក និងសូមបន្តគាំទ្រ តទៅទៀត។ សម្តេចបញ្ជាក់ថា អត្រាអ្នកបោះឆ្នោតជូនគណបក្សប្រជាជនកម្ពុជានៅខេត្តពោធិ៍សាត់មានអត្រាខ្ពស់ណាស់រហូតដល់ជាង៩៣% ហើយសង្ឃឹមថា៩៣%ដែលបោះជ្រើសរើសក្រុមប្រឹក្សាឃុំសង្កាត់កន្លងទៅនឹងនៅតែបន្តបោះសម្រាប់ការបោះឆ្នោតជ្រើសតាំងតំណាងរាស្ត្រនៅពេលខាងមុខ។ សម្តេចមានប្រសាសន៍ថា បើទោះបីជាពួកបក្សប្រឆាំងថាសម្តេចដើរឃោសនាបោះឆ្នោត ប៉ុន្តែសម្តេចថាបើបងប្អូនធ្លាប់បានបោះឆ្នោតឆ្នោតជូនហើយ អ៊ីចឹងសូមបន្តបោះទៀតទៅ មិនខុសអីទេ ព្រោះច្បាស់ណាស់ថាការដែលគេថាមុខដដែលៗនោះ គឺពិតណាស់ ,មុខដដែលៗនេះហើយដែលបានយកអង្ករ យកស្រូវពូជមកចែកជូនប្រជាពលរដ្ឋពេលមានគ្រោះមហន្តរាយផ្សេងៗ ខណៈមុខពួកប្រឆាំងមិនដឹងនៅឯណា ពោលគឺចាំតែដល់ខែបោះឆ្នោតទើបមករកសន្លឹកឆ្នោត។ សម្តេចថា គេថាអ្នកកាន់អំណាចមុខដដែលៗ ប៉ុន្តែពួកបក្សប្រឆាំងក៏មុខដដែលៗដូចគ្នា៕ អត្ថបទ៖ មុត សុទ្ធ

សម្តេចតេជោ ហ៊ុន សែន អំពាវនាវដល់បងប្អូនឲ្យចាកចេញពីគណបក្សមួយ ដែលកំពុងផ្សារភ្ជាប់ជាមួយជនក្បត់ជាតិ ដែលប្រមាថព្រះមហាក្សត្រ

សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានធ្វើការអំពាវនាវដល់បងប្អូនប្រជាពលរដ្ឋមួយចំនួន ឲ្យចាកចេញជាបន្ទាន់ពីគណបក្សនយោបាយមួយ ដែលកំពុងផ្សារភ្ជាប់ជាមួយជនក្បត់ជាតិបីជំនាន់ សម រង្ស៊ី ដែលប្រមាថយ៉ាងធ្ងន់ធ្ងរបំផុតលើព្រះមហាក្សត្រជាទីគោរពសក្ការៈដ៏ខ្ពង់ខ្ពស់បំផុត នៃយើងថា «មិនមានមនសិកាជាតិ និងក្បត់ជាតិ» ជាដើមនោះ។ ថ្លែងនៅក្នុងឱកាសអញ្ជើញចែកស្រូវពូជជូនដល់បងប្អូនប្រជាកសិករប្រមាណ ៥,១៤៥គ្រួសារ រងគ្រោះដោយសារគ្រោះទឹកជំនន់ នៅខេត្តពោធិ៍សាត់ នាព្រឹកថ្ងៃទី២៥ ខែតុលា ឆ្នាំ២០២២នេះ សម្តេចតេជោ ហ៊ុន សែន បានលើកឡើងថា នាប៉ុន្មានថ្ងៃមកនេះជនក្បត់ជាតិបីជំនាន់ (ទណ្ឌិតសម រង្ស៊ី) មិនត្រឹមតែជេរប្រមាថសម្តេចប៉ុណ្ណោះទេ តែជនក្បត់ជាតិរូបនេះបានប្រមាថយ៉ាងធ្ងន់ធ្ងរដល់អង្គព្រះមហាក្សត្រជាទីគោរពសក្ការៈ នៃយើងទាំងអស់គ្នាទៀត ខណៈការប្រមាថនេះត្រូវបានប្រជាពលរដ្ឋ មន្រ្តីរាជការ កងកម្លាំង ប្រដាប់អាវុធ បណ្តាគណបក្សនយោបាយផ្សេងៗកំពុងធ្វើការថ្កោលទោសយ៉ាងដាច់អហង្ការផងដែរ។សូមបញ្ជាក់ថា ក្រោយពីជនក្បត់ជាតិបីជំនាន់ សម រង្ស៊ី បានចេញវិដេអូឃ្លីបប្រមាថយ៉ាងធ្ងន់ធ្ងរបំផុតលើព្រះចេស្តា ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ដែលជាទីគោរពសក្ការៈដ៏ខ្ពង់ខ្ពស់បំផុតរបស់ប្រជាជាតិខ្មែរទូទាំងនគរថា «មិនមានមនសិកា»ជាតិ និង«ក្បត់ជាតិ»នោះ បងប្អូនប្រជាពលរដ្ឋ មន្រ្តីរាជការ កងកម្លាំងប្រដាប់អាវុធគ្រប់ប្រភេទ រួមទាំង បណ្តាគណបក្សនយោបាយមួយចំនួនបាន ចេញសេចក្តីថ្លែងការណ៍ និងញត្តិថ្កោលទោសយ៉ាងដាច់អហង្ការចំពោះជនក្បត់ជាតិបីជំនាន់នេះ។បងប្អូនប្រជាពលរដ្ឋ ក៏បានអំពាវនាវឱ្យអាជ្ញាធរមានសមត្ថកិច្ចចាត់វិធានការច្បាប់ឱ្យបានម៉ឺងម៉ាត់ជាទីបំផុតទៅលើទណ្ឌិតជាប់ទោសក្បត់ជាតិ សម រង្ស៊ី ព្រមទាំងបក្សពួក ដែលហ៊ានប្រព្រឹត្តអំពើប្រមាថដ៏ធ្ងន់ធ្ងរបំផុតដែលប្រជារាស្ត្រខ្មែរទូទាំងនគរមិនអាចអត់ឱនឱ្យបានជាដាច់ខាត។ សម្តេចតេជោ ហ៊ុន សែន ក៏បានប្រកាសយ៉ាងដាច់ហង្ការផងដែរថា សម្តេចត្រូវតែកំចាត់ចោលឲ្យ ខាងតែបានចំពោះជនក្បត់ជាតិបីជំនាន់ និងបក្សពួក មិនថាកាលៈទេសៈណានោះឡើយ ដែលព្យាយាមបំផ្លិតបំផ្លាញសុខសន្តិភាពដែលកំពុងមានសព្វថ្ងៃ និងបានជេរប្រមាថដល់អង្គព្រះមហាក្សត្រដែលជាទីគោរពសក្ការៈដ៏ខ្ពង់ខ្ពស់បំផុតរបស់ប្រជាជាតិខ្មែរទាំងអស់នៅទូទាំងប្រទេសនោះ៕ អត្ថបទ៖ បាន ចក់

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីផ្ដល់ស្រូវពូជជូនកសិកររងគ្រោះដោយសារទឹកជំនន់ នៅខេត្តពោធិ៍សាត់

ភ្នំពេញ៖ នៅព្រឹកថ្ងៃទី២៥ ខែតុលា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាបានអញ្ជើញផ្តល់ស្រូវពូជប្រមាណ ៥១៤,៥០០គីឡូក្រាម ជូនកសិករប្រមាណ ៥,១៤៥គ្រួសារ រងគ្រោះដោយសារគ្រោះទឹកជំនន់ នៅខេត្តពោធិ៍សាត់។ សូមជម្រាបថា ខេត្តពោធិ៍សាត់ បានជួបនូវទឹកជំនន់ ដែលបង្កឱ្យប៉ះពាល់ភូមិសាស្រ្ត ៧ក្រុង/ស្រុក, ប៉ះពាល់ប្រជាពលរដ្ឋសរុបចំនួន ១៣,៧៧៥គ្រួសារ ស្មើនឹងចំនួន ៦,៧០៩ខ្នងផ្ទះ។ ជម្លៀសប្រជាជនរយៈពេលខ្លីទៅកាន់ទីទួលសុវត្ថិភាពចំនួន ១៧៤គ្រួសារ។ ក្នុងនោះ លង់ទឹកស្លាប់ចំនួន ៤នាក់។ ទឹកជំនន់នៅពោធិ៍សាត់ ក៏បានបង្កឱ្យប៉ះពាល់សាលារៀនចំនួន២៥កន្លែង មណ្ឌលសុខភាពចំនួន ២កន្លែង, ប៉ះពាល់វត្តអារាម និងវិហារសាសនាចំនួន ១៦កន្លែង, ប៉ះពាល់ផ្លូវកៅស៊ូចំនួន ៣,០៥០ម៉ែត្រ,ប៉ះពាល់ផ្លូវគ្រួសក្រហមចំនួន ៩២,១១៥ម៉ែត្រ, ប៉ះពាល់អណ្តូងទឹកចំនួន ៩៦កន្លែង ស្រះទឹកចំនួន ៦៦កន្លែង បង្គន់ចំនួន ២,៣១១កន្លែង។គ្រោះទឹកជំនន់នៅពោធិ៍សាត់ បានបង្កឱ្យប៉ះពាល់ដំណាំស្រូវចំនួន ១៩,៥៩៦ហិកតា ខូចខាតស្រូវចំនួន ៩,៣២១ហិកតា។ ក្នុងនោះផ្ទៃដីអាចស្តារឡើងវិញបានចំនួន ៦,៦៦៨ហិកតា, ប៉ះពាល់ដំណាំកសិ-ឧស្សាហកម្មចំនួន ៣,០៤៧ហិកតា និងដំណាំរួមផ្សំចំនួន ៣,២០៩ហិកតា។ ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន៖ - សម្តេចតេជោ ហ៊ុន សែន នៅតែសម្តែងសមានទុក្ខ និងសោកស្តាយបំផុត ចំពោះហេតុយការណ៍ស្លាប់បាត់បង់ជីវិតសិស្សសាលាចំនួន ១១នាក់ ដោយលិចទូក-ដចម្លង នៅឃុំកំពង់ភ្នំ ស្រុកលើដែក ខេត្តកណ្តាល កាលពីពេលថ្មីៗនេះ ដែលជាផ្នែកមួយនៃមហន្តរាយដោយទឹកជំនន់ផងដែរ។- សម្តេចតេជោ ហ៊ុន សែន ប្រកាសថា រាជរដ្ឋាភិបាល មិនបានព្រងើយកន្តើយ ចំពោះទុក្ខលំបាករបស់ប្រជាពលរដ្ឋនោះទេ ជាពិសេសប្រជាពលរដ្ឋដែលរងគ្រោះដោយទឹកជំនន់ និងមហន្តរាយធម្មជាតិ ជាយថាហេតុណាមួយ ដែលយើងមិននឹកស្មានដល់។- សម្តេចតេជោ ហ៊ុន សែន ប្រកាសថ្លែងអំណរគុណ និងកោតសរសើរ ដល់ឯកឧត្តមនាយកឧត្តមសេនីយ៍ គន់ គីម អនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្តរាយ ដែលបានចុះអន្តរាគមន៍ជាបន្ទាន់ ជាមួយរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ក្នុងការដោះស្រាយបញ្ហាប្រជាពលរដ្ឋរងគ្រោះដោយទឹកជំនន់។- សម្តេចតេជោ ហ៊ុន សែន បានពាំនាំព្រះរាជបន្ទូលផ្តាំផ្ញើ សាកសួរសុខទុក្ខពីព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចម៉ែ ជូនដល់ប្រជាពលរដ្ឋរងគ្រោះដោយទឹកជំនន់នៅខេត្តពោធិ៍សាត់។- សម្តេចតេជោ ហ៊ុន សែន ប្រកាសថា ថ្មីៗនេះសម្តេចទើបបានទទួលជំនួយជាអង្ករចំនួន ៧០០តោនបន្ថែមទៀត ពីសប្បុរសជនក្នុងស្រុក ដោយសម្តេចបានចែកចែកទៅកាន់បណ្តាខេត្តនានា ដែលមានប្រជាពលរដ្ឋរងគ្រោះដោយទឹកជំនន់ ហើយអ្នកដែលទទួលបន្ទុកក្នុងការដឹកជញ្ជូន និងចែងចែក គឺឯកឧត្តម នាយកឧត្តមសេនីយ៍ គន់ គីម អនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្តរាយ។- សម្តេចតេជោ ហ៊ុន សែន ប្រកាសថ្លែងអំណរគុណដល់ប្រជាពលរដ្ឋខេត្តពោធិ៍សាត់ ដែលជឿជាក់លើការដឹកនាំរបស់សម្តេច ដោយបានបោះឆ្នោតជូនគណបក្សប្រជាជនកម្ពុជា ឈ្នះភ្លូកទឹកភ្លូកដី ក្នុងពេលបោះឆ្នោតជ្រើសរើសក្រុមប្រឹក្សាឃុំ-សង្កាត់។សម្តេចតេជោ ហ៊ុន សែន ជឿជាក់ថា «ប្រជាពលរដ្ឋខេត្តពោធិ៍សាត់ នៅតែបន្តបោះឆ្នោតជូនគណបក្សប្រជាជនកម្ពុជាគ្រប់ការបោះឆ្នោតនាពេលបន្តបន្ទាប់នៅពេលក្រោយ»។- សម្តេចតេជោ ហ៊ុន សែន ប្រកាសថា គណបក្សប្រជាជនកម្ពុជា ជាគណបក្សរបស់ប្រជាជនខ្មែរ ដើម្បីប្រជាពលរដ្ឋខ្មែរ។ សម្តេចបញ្ជាក់ថា «យើងមិនទុកឱ្យប្រជាពលរដ្ឋណាម្នាក់ស្លាប់ ឬរងភាពលំបាកលំបិន ដោយយើងមិនបានដឹង និងមិនបានដោះស្រាយឡើយ»។- សម្តេចតេជោ ហ៊ុន សែន ប្រកាសថា មកទល់ពេលនេះ មានរយៈពេល ៥ថ្ងៃហើយ ដែលកម្ពុជាមិនមានករណីឆ្លងថ្មីដោយជំងឺកូវីដ-១៩ ហើយមានរយៈពេលច្រើនខែហើយ ដែលកម្ពុជាមិនមានករណីស្លាប់ថ្មីដោយជំងឺកូវីដ-១៩ ដែលជាភាពជោគជ័យ នៃវិធានការសុខាភិបាល និងប្រសិទ្ធភាព នៃគុណភាពវ៉ាក់សាំងកូវីដ-១៩។- សម្តេចតេជោ ហ៊ុន សែន នៅតែបន្តអំពាវនាវដល់ប្រជាពលរដ្ឋឱ្យបន្តមានវិធានការការពារខ្លួន ពីការឆ្លង និងចម្លងកូវីដ-១៩ ដោយអនុវត្តន៍វិធានការ ៣ការពារ និង៣កុំ ព្រមទាំងនាំគ្នាទៅចាក់វ៉ាក់សាំងកូវីដ-១៩ទាំងដូសមូលដ្ឋា និងដូសជំរុញឱ្យបានគ្រប់ៗគ្នា តាមការណែនាំរបស់គ្រូពេទ្យ។- សម្តេចតេជោ ហ៊ុនសែន ប្រកាសថ្កោលទោសដាច់អហង្ការបំផុតចំពោះទណ្ឌិតជាប់ទោសក្បត់ជាតិ សម រង្ស៊ី ដែលប្រមាថយ៉ាងធ្ងន់ធ្ងរបំផុតលើព្រះចេស្តា ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុតថា«មិនមានមនសិកាជាតិ និងក្បត់ជាតិ»។- សម្តេចតេជោ ហ៊ុន សែន ប្រកាសថ្លែងអំណរគុណដល់ អាជ្ញាធរ និងកងកម្លាំងប្រដាប់អាវុធ ក្នុងខេត្តពោធិ៍សាត់ បានធ្វើសកម្មភាពសស្រាក់សស្រាំចុះជួយជម្លៀសប្រជាពលរដ្ឋចេញពីការជន់លិច និងជួយដោះស្រាយបញ្ហាផ្សេងៗជាបន្តបន្ទាប់។- សម្តេចតេជោ ហ៊ុន សែន ប្រកាសដល់ប្រជាពលរដ្ឋឱ្យរួមគ្នាការពារសន្តិភាព ដែលយើងរកបានដោយលំបាក។ សម្តេចបញ្ជាក់ថា «មានសន្តិភាព ទើបយើងមានការអភិវឌ្ឍន៍ដូចសព្វថ្ងៃនេះ»។- សម្តេចតេជោ ហ៊ុន សែន បានប្រកាសដល់ប្រជាពលរដ្ឋខេត្តពោធិ៍សាត់ដែលបានបោះឆ្នោតជូនគណបក្សប្រជាជនកម្ពុជា សូមបន្តបោះឆ្នោតជូនគណបក្សប្រជាជនថែមទៀត នូវការបោះឆ្នោតនាពេលក្រោយៗទៀត។សង្កថាសម្តេចតេជោ ហ៊ុន សែន ចប់នៅវេលាម៉ោង០៧ និង៥៤នាទី

បណ្ដាញសង្គម

ព័ត៌មានថ្មីៗ

សម្តេច ម៉ែន សំអន អញ្ជើញដឹកនាំកិច្ចប្រជុំគណៈបញ្ជាការយុទ្ធនាការបោះឆ្នោត គណៈកម្មាធិការបក្សខេត្តស្វាយរៀង

រដ្ឋបាលខេត្តពោធិ៍សាត់ផ្សព្វផ្សាយលក្ខន្តិកៈស្ដីពីគ្រូបង្រៀនជូនលោកគ្រូអ្នកគ្រូជាង ៥០០នាក់

មន្រ្តីសុខាភិបាលខេត្តតាកែវ អំពាវនាវឱ្យចូលរួមទប់ស្កាត់ការរីករាលដាលជំងឺអេដស៍ ខណៈអ្នកឆ្លងកើនឡើង

អនុប្រធានក្រុមការងារគណបក្សចុះជួយខេត្តស្វាយរៀងណែនាំមន្ត្រីបក្សត្រូវធ្វើគំរូដឹកនាំ និងអភិវឌ្ឍមូលដ្ឋាន

មន្ត្រីក្រសួងអប់រំ៖ ការសិក្សាមធ្យមសិក្សាជាស្ពានភ្ជាប់ផ្លូវជីវិត និងជាគ្រឹះសំខាន់សម្រាប់ការសិក្សាជាន់ខ្ពស់

ពលរដ្ឋភៀសសឹកចាប់ឆ្នោតជ្រើសរើសតូបលក់ដូរ នៅភូមិរង់ចាំ ជំហានដំបូងប្រមាណជា ៣០០តូប

តំណាងរាស្ត្រខេត្តត្បូងឃ្មុំ ជួបសំណេះសំណាលជាមួយអាជ្ញាធរមូលដ្ឋាន និងនិវត្តជនក្នុងស្រុកពញាក្រែក

មន្ទីរអប់រំរាជធានីភ្នំពេញប្រារព្ធខួបលើកទី២៧ ទិវាអន្តរជាតិសម្រាប់យុវជន ១២សីហា ឆ្នាំ២០២៦

មនុស្សបីនាក់ស្លាប់ បន្ទាប់ពីការបំផ្ទុះគ្រាប់បែកនៅភោជនីយដ្ឋានមួយក្នុងទីក្រុងមូស្គូ ប្រទេសរុស្ស៊ី

កម្ពុជា-ឥណ្ឌូនេស៊ី សហការបើកសន្និសីទវេជ្ជសាស្ត្របេះដូងអន្តរជាតិលើកទី៣ ឆ្នាំ២០២៦

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

លោក Sunak៖ អង់គ្លេសប្រឈមមុខផ្នែកសេដ្ឋកិច្ចយ៉ាងខ្លាំង ខណៈលោកក្លាយជានាយករដ្ឋមន្ត្រី

មនុស្ស ១៣នាក់ស្លាប់បន្ទាប់ពីអគ្គិភ័យឆេះទូកនៅប្រទេសឥណ្ឌូនេស៊ី

ការប្រារព្ធខួប ១០០ព្រះវស្សា នៃទិវាប្រសូតរបស់ព្រះបរមរតនកោដ្ឋ គឺរំលឹកដល់ព្រះរាជបូនីយកិច្ចរបស់ព្រះអង្គ

របាយការណ៍៖ មនុស្ស ៨០នាក់ស្លាប់ក្នុងការវាយឆ្មក់តាមអាកាសលើក្រុមឧទ្ទាមកាជីននៅមីយ៉ាន់ម៉ា

តើនាយករដ្ឋមន្ត្រីហិណ្ឌូដំបូងរបស់អង់គ្លេស ជាមេដឹកនាំឈាមជ័រអាស៊ីដំបូង Rishi Sunak ជានរណា?

មនុស្ស ៣នាក់ស្លាប់ និង ៧នាក់របួសក្នុងការបាញ់ប្រហារនៅសាលារៀនក្នុងរដ្ឋ Missouri សហរដ្ឋអាមេរិក

សម្ដេចតេជោ៖ កម្ពុជានៅតែមានលទ្ធភាពដោះស្រាយបញ្ហាគ្រោះមហន្តរាយ និងពុំមានក្ស័យធន

សម្តេចតេជោ៖ អ្នកពោធិ៍សាត់សូមបន្តបោះឆ្នោត ជូនគណបក្សប្រជាជនកម្ពុជានៅឆ្នាំ២០២៣ជាបន្តទៀត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

លោក Sunak៖ អង់គ្លេសប្រឈមមុខផ្នែកសេដ្ឋកិច្ចយ៉ាងខ្លាំង ខណៈលោកក្លាយជានាយករដ្ឋមន្ត្រី

មនុស្ស​ ១៣​នាក់​ស្លាប់​បន្ទាប់ពី​អគ្គិភ័យ​ឆេះ​ទូក​នៅ​ប្រទេស​ឥណ្ឌូនេស៊ី

ការប្រារព្ធខួប ១០០ព្រះវស្សា នៃទិវាប្រសូតរបស់ព្រះបរមរតនកោដ្ឋ គឺរំលឹកដល់​ព្រះរាជបូនីយកិច្ច​របស់ព្រះអង្គ

តើ​នាយករដ្ឋមន្ត្រី​ហិណ្ឌូ​ដំបូង​របស់​អង់គ្លេស ជា​មេដឹកនាំ​ឈាមជ័រ​អាស៊ី​ដំបូង Rishi Sunak​ ជា​នរណា​?

មនុស្ស​ ៣​នាក់​ស្លាប់ និង​ ៧​នាក់​របួស​ក្នុងការ​បាញ់ប្រហារ​នៅ​សាលារៀន​ក្នុង​រដ្ឋ Missouri សហរដ្ឋអាមេរិក

សម្ដេចតេជោ៖ កម្ពុជានៅតែមានលទ្ធភាពដោះស្រាយបញ្ហាគ្រោះមហន្តរាយ និងពុំមានក្ស័យធន

សម្តេចតេជោ៖ អ្នកពោធិ៍សាត់សូមបន្តបោះឆ្នោត ជូនគណបក្សប្រជាជន​កម្ពុជា​នៅ​ឆ្នាំ​២០២៣​ជា​បន្តទៀត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មនុស្ស ១៣នាក់ស្លាប់បន្ទាប់ពីអគ្គិភ័យឆេះទូកនៅប្រទេសឥណ្ឌូនេស៊ី

ការប្រារព្ធខួប ១០០ព្រះវស្សា នៃទិវាប្រសូតរបស់ព្រះបរមរតនកោដ្ឋ គឺរំលឹកដល់ព្រះរាជបូនីយកិច្ចរបស់ព្រះអង្គ

តើនាយករដ្ឋមន្ត្រីហិណ្ឌូដំបូងរបស់អង់គ្លេស ជាមេដឹកនាំឈាមជ័រអាស៊ីដំបូង Rishi Sunak ជានរណា?

មនុស្ស ៣នាក់ស្លាប់ និង ៧នាក់របួសក្នុងការបាញ់ប្រហារនៅសាលារៀនក្នុងរដ្ឋ Missouri សហរដ្ឋអាមេរិក

សម្តេចតេជោ៖ អ្នកពោធិ៍សាត់សូមបន្តបោះឆ្នោត ជូនគណបក្សប្រជាជនកម្ពុជានៅឆ្នាំ២០២៣ជាបន្តទៀត