BTV NEWS

សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ

សម្ដេចតេជោ ហ៊ុន សែន៖«២០ មិថុនា ១៩៧៧ ជីវិតរបស់ខ្ញុំ និងភរិយាពេលនោះជួបជាមួយគ្រោះថ្នាក់ និងលំបាកវេទនាខ្លាំងណាស់»

កាកបាទក្រហមកម្ពុជា ទទួលថវិកាពីសមាគមឧកញ៉ាកម្ពុជាចំនួន ១,០០៩,៩៩៩ ដុល្លារ អាមេរិក ក្នុងទិវា ៨ឧសភា ២០២៦

TOP STORY | សម្ដេចតេជោ ហ៊ុន សែន៖ «ពេលណាព្រំដែនគោកកម្ពុជា-ថៃនៅតែបន្តបិទ គ្រប់មុខទំនិញទាំងអស់ដែលនាំចូលឆ្លងកាត់ព្រំដែនគោកគឺទំនិញខុសច្បាប់ ជាទំនិញរត់ពន្ធ ជាទំនិញបំផ្លាញជាតិ និងប្រមាថជាតិ

ព័ត៌មានសំខាន់ៗ

ទេសរដ្ឋមន្ត្រីគន់ គីម៖ ប្រតិបត្តិការរបស់ក្រុមរុករកត្រូវបានបិទបញ្ចប់ ខណៈសពជនរងគ្រោះបានរកឃើញអស់ហើយ

Breaking News៖ ឯកឧត្តមទេសរដ្ឋមន្ត្រី គន់ គីម អនុប្រធានទី១ នៃគណ:កម្មាធិការជាតិគ្រប់គ្រងគ្រោះមហន្តរាយ បញ្ជាក់ប្រាប់BTVមុនបន្តិចថា សពជនរងគ្រោះចុងក្រោយក្នុងករណីលិចទូកដចម្លង ត្រូវបានរកឃេីញនៅមុននេះបន្តិច ហេីយរង្វង់ប្រតិបត្តិការរបស់ក្រុមរុករកត្រូវបានបិទបញ្ចប់នៅព្រឹកព្រលឹមថ្ងៃទី១៥ ខែតុលា ឆ្នាំ២០២២នេះ។

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចូលរួមរំលែកទុក្ខ និងចាត់មន្ត្រីនាំយកបច្ច័យ-សម្ភារចូលបុណ្យជូនដល់គ្រួសារកុមាររងគ្រោះ(លិចទូកដរទទឹង)នៅស្រុកលើកដែក ខេត្តកណ្តាល

កណ្ដាល ៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជានៅល្ងាចថ្ងៃសុក្រ ទី១៤ ខែតុលា ឆ្នាំ២០២២នេះ បានចាត់ឱ្យលោកជំទាវ ពុំ ចន្ទីនីអគ្គលេខាធិការកាកបាទក្រហមកម្ពុជា និងសហការីចូលរួមរំលែកទុក្ខដ៏ក្រៀមក្រំបំផុតជាមួយក្រុមគ្រួសារសពកុមាររងគ្រោះក្នុងឧប្បទ្ទវហេតុ (លិចទូកដរទទឹង)កាលពីល្ងាចថ្ងៃព្រហស្បតិ៍ ទី ១៣ ខែតុលា ឆ្នាំ២០២២ ស្ថិតនៅភូមិកោះចំរើន ឃុំកំពង់ភ្នំ ស្រុកលើកដែក ខេត្តកណ្តាល សពកុមាររងគ្រោះទាំងអស់បានធ្វេីបុណ្យ និងបូជានៅក្នុងវត្តកំពង់ភ្នំក្នុង ស្ថិតក្នុងស្រុកលេីកដែក ខេត្តកណ្តាល ។ស្ថិតក្នុងវេលាដ៏សោកសង្រេងនេះ លោកជំទាវ អគ្គលេខាធិការ បានពាំនាំនូវការរំលែកទុក្ខដ៏ក្រៀមក្រំបំផុតពី សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលបានផ្តាំផ្ញេីចូលរួមសម្តែងនូវសមានទុក្ខដ៏ក្រៀមក្រំ និងសោកស្តាយយ៉ាងក្រៃលែងបំផុត ប្រកបដោយសេចកី្តសង្វេគអាណិតអាសូរជាពន់ពេកជាមួយក្រុមគ្រួសារសព និងសាច់ញាតិទាំងអស់ ដែលបានបាត់បង់កូនៗ ក្មួយៗ និងចៅៗជាទីស្រឡាញ់នៅក្នុងហេតុការណ៍ដ៏សោកសៅនេះនិងសូមឧទ្ទិសបួងសួងឱ្យដួងវិញ្ញាណក្ខន្ធអ្នកដែលបានបាត់បង់ជីវិតទាំងអស់ បានទៅកាន់សុគតិភពកុំបីឃ្លៀងឃ្លាតឡើយ ព្រមទាំងសូមជូនពរដល់ក្មេងៗជនរងគ្រោះទាំងអស់ដែលរួចផុតជីវិតពីការស្លាប់។សូមឆាប់ជាសះស្បើយ ដើម្បីវិលទៅបន្តការសិក្សារៀនសូត្រ រស់នៅជាប្រក្រតីវិញ។ជាមួយគ្នានេះ កាកបាទក្រហមកម្ពុជាបាននាំយកគ្រឿងឧបភោគបរិភោគ និងបច្ច័យសម្រាប់ចូលបុណ្យសពទាំង១១ (រួមទាំងសព ១ ដែលកំពុងស្វែងរក) ដោយក្នុងគ្រួសារនីមួយៗរួមមាន ៖ អង្ករ ១០០គីឡូក្រាម, មី ៥កេស, ត្រីខ ៥០កំប៉ុង , ទឹកក្រូច ៥កេស និងថវិកា ៥លានរៀល ៕

រុស្ស៊ីនិយាយថា អ៊ុយក្រែនបានបាញ់ផ្លោងនៅតំបន់ព្រំដែន ខណៈមីស៊ីលរុស្ស៊ីវាយប្រហារភូមិនៅអ៊ុយក្រែន

រុស្ស៊ី៖ ទូរទស្សន៍រដ្ឋរុស្ស៊ីបានចេញផ្សាយវីដេអូជាអ្វីដែលក្រុមមន្ត្រីបាននិយាយថា ជាការវាយប្រហារដោយមីស៊ីលរបស់កងកម្លាំងអ៊ុយក្រែនទៅលើទីក្រុង Belgorod ជិតព្រំដែនរួមរបស់ប្រទេសទាំងពីរ។ វីដេអូបានបង្ហាញពីអគារលំនៅឋានខ្ពស់មួយកន្លែង រថយន្តដែលរងការបំផ្លាញ និងពលរដ្ឋភៀសខ្លួនចេញពីប្លុកលំនៅឋានទៅកាន់សណ្ឋាគារមួយ។ អភិបាលក្រុង Belgorod និយាយថា អគារនេះត្រូវបានវាយប្រហារដោយការបាញ់ផ្លោងរបស់អ៊ុយក្រែន។ យោងតាមការរាយការណ៍របស់ទូរទស្សន៍និយាយថា បំណែកនៃមីស៊ីលបានធ្លាក់នៅលើដំបូលផ្ទះប្លុកអគារលំនៅឋាន។ កម្ទេចកម្ទីបេតុងបានបាក់ធ្លាក់មកបណ្តាលឲ្យខូចខាតរថយន្ត ២គ្រឿងដែលចតនៅក្បែរនោះ។ ជាមួយគ្នានេះរុស្ស៊ីបានបង្កើនការបាញ់ផ្លោង និងទម្លាក់គ្រាប់បែកមកលើតំបន់ជនស៊ីវិលរបស់អ៊ុយក្រែនក្នុងប៉ុន្មានសប្តាហ៍ថ្មីៗនេះ ខណៈយោធារបស់ខ្លួនបានបាត់បង់ទឹកដី នៅក្នុងតំបន់ដណ្តើមយកបានជាច្រើនកន្លែងដែលប្រធានាធិបតីលោក Vladimir Putin បានទាមទារដោយខុសច្បាប់ជាទឹកដីរបស់រុស្ស៊ី។ភូមិ Velyka Kostromka ជាភូមិតូចមួយក្នុងតំបន់ Dnipropetrovsk ជាប់ព្រំដែនជាមួយទីក្រុង Kherson ដែលរុស្ស៊ីបានចូលកាន់កាប់សាលារៀនមួយកន្លែងត្រូវបានបំផ្លាញ អំឡុងពេលមានការវាយប្រហាររបស់រុស្ស៊ីកាលពីថ្ងៃអង្គារ។ មន្ត្រីអ៊ុយក្រែន និងអ្នកវិភាគយោធានិយាយថា ការវាយលុករបស់ទីក្រុង Kyiv នៅក្នុងតំបន់ដែលត្រូវបានចូលកាន់កាប់នៅភាគខាងត្បូង និងភាគខាងកើតរបស់ប្រទេសបានថយចុះ ទោះបីជាអ៊ុយក្រែនដណ្តើមបានទីក្រុង និងភូមិចំនួនប្រាំនៅក្នុងតំបន់ Kherson មកវិញកាលពីថ្ងៃពុធក៏ដោយ។ កងទ័ពរុស្ស៊ីបាននឹងកំពុងពង្រឹងនៅសមរភូមិ និងរៀបចំក្រុមឡើងវិញបន្ទាប់ពីជោគជ័យរបស់អ៊ុយក្រែន ដែលបានបង្ខំឱ្យកងកម្លាំងអ៊ុយក្រែនបន្ធូរបន្ថយការរុលចូលទៅមុខរបស់ពួកគេ៕អត្ថបទ៖ ប៊ុនថន

រុស្ស៊ី និងអ៊ុយក្រែនដោះដូរឈ្លើយសឹក ៤០នាក់ក្នុងការដោះដូរថ្មី

អ៊ុយក្រែន៖ ទីក្រុងមូស្គូ និងទីក្រុងគីវបាននិយាយកាលពីថ្ងៃព្រហស្បតិ៍ថា ភាគីទាំងពីរបានដោះដូរឈ្លើយសឹក ២០នាក់ក្នុងភាគីម្ខាងៗជាការដោះដូរឈ្លើយសឹកថ្មីមួយទៀតរបស់ពួកគេ។ ជំនួយការប្រធានាធិបតីអ៊ុយក្រែនលោក Andriy Yermak បាននិយាយនៅលើបណ្តាញ Telegram ថា ការដោះដូរឈ្លើយសឹកមួយផ្សេងទៀតគឺជាពេលវេលាដ៏រីករាយមួយទៀត។ យើងបានដោះលែងមនុស្ស ២០នាក់។ លោក Yermak និយាយថា ពួកគេជាទាហានអ៊ុយក្រែន ១៤នាក់ ដែល ៤នាក់ជាសមាជិកការពារទឹកដី ម្នាក់ជាសមាជិកឆ្មាំជាតិ និងម្នាក់ទៀតជាសមាជិកនៃកងទ័ពជើងទឹកអ៊ុយក្រែន។ មានមនុស្សមួយចំនួនទៀតដែលរុស្ស៊ីបានឃុំខ្លួននៅក្នុងពន្ធនាគារ Olenivka និងនៅក្នុងតំបន់ Zaporizhzhia និងតំបន់ Kherson ដែលបានចូលកាន់កាប់បណ្តោះអាសន្ន។ លោក Yermak បានបង្ហោះរូបថត និងវីដេអូខ្លីបង្ហាញឈ្លើយសឹកដែលត្រូវបានដោះលែងក្នុងឯកសណ្ឋានយោធាកំពុងអង្គុយនៅលើរថយន្តក្រុង ដោយនិយាយថា ទាហានដែលត្រូវបានដោះលែងកំពុងទទួលការពិនិត្យសុខភាព។ក្រសួងការពារជាតិរុស្ស៊ីបាននិយាយនៅក្នុងសេចក្តីថ្លែងការណ៍មួយនៅលើបណ្តាញ Telegram ថា ទាហានរុស្ស៊ីចំនួន ២០នាក់បានវិលត្រឡប់ពីទឹកដីអ៊ុយក្រែនដែលគ្រប់គ្រងដោយទីក្រុង Kyiv ហើយកំពុងទទួលបានជំនួយផ្នែកវេជ្ជសាស្ត្រ និងជំនួយផ្លូវចិត្តដែលពួកគេត្រូវការ។ រុស្ស៊ី និងអ៊ុយក្រែនបានដោះដូរឈ្លើយសឹកចុងក្រោយកាលពីថ្ងៃអង្គារ ដោយទីក្រុង Kyiv និយាយថា ទាហានរបស់ខ្លួន ៣២នាក់ត្រូវបានដោះលែង៕អត្ថបទ៖ ប៊ុនថន

ជប៉ុននិយាយថា កូរ៉េខាងជើងបាញ់មីស៊ីលយ៉ាងហោចណាស់ ១គ្រាប់នៅព្រឹកថ្ងៃសុក្រនេះ

ជប៉ុន៖ រដ្ឋមន្ត្រីការពារជាតិជប៉ុននិយាយថា កូរ៉េខាងជើងបានបាញ់មីស៊ីលបាលីស្ទិកយ៉ាងហោចណាស់ ១គ្រាប់ទៅកាន់ភាគខាងកើតនៅព្រឹកថ្ងៃសុក្រនេះ។ រដ្ឋមន្ត្រីលោក Hamada Yasukazu បាននិយាយថា មីស៊ីលនេះត្រូវបានបាញ់នៅម៉ោងប្រហែល ១ និង ៤៧នាទីរំលងអាធ្រាត្រម៉ោងនៅប្រទេសជប៉ុនពីតំបន់ក្បែរទីក្រុងព្យុងយ៉ាង។ លោកបាននិយាយថា វាត្រូវបានគេជឿថា បានធ្លាក់ចូលទៅក្នុងសមុទ្រជប៉ុនភាគខាងកើតឧបទ្វីបកូរ៉េ នៅក្រៅតំបន់សេដ្ឋកិច្ចផ្តាច់មុខរបស់ប្រទេសជប៉ុន។ លោក Hamada និយាយថា ក្រសួងប៉ាន់ប្រមាណថា មីស៊ីលបានឡើងដល់រយៈកម្ពស់ប្រហែល ៥០គីឡូម៉ែត្រ និងហោះក្នុងចម្ងាយប្រហែល ៦៥០គីឡូម៉ែត្រ ប៉ុន្តែពុំមានរបាយការណ៍នៃការខូចខាតដល់នាវា ឬយន្តហោះរបស់ជប៉ុននោះទេ។ លោក Hamada និយាយថា សកម្មភាពរបស់កូរ៉េខាងជើង រួមទាំងការបាញ់មីស៊ីលជាបន្តបន្ទាប់ និងការបង្កហេតុដែលកំពុងកើនឡើងដោយឯកតោភាគី បានគំរាមដល់សន្តិភាព និងសន្តិសុខរបស់ប្រទេសជប៉ុន ព្រមទាំងសហគមន៍អន្តរជាតិ ហើយប្រទេសជប៉ុនមិនអាចអត់ឱនឱ្យបាននោះទេ។ ជប៉ុនបានដាក់បណ្តឹងតវ៉ាជាមួយកូរ៉េខាងជើង តាមរយៈស្ថានទូតរបស់ខ្លួនក្នុងទីក្រុងប៉េកាំង។លោក Hamada និយាយថា ការកំណត់យ៉ាងច្បាស់ពីចេតនា នៃការបាញ់មីស៊ីលរបស់កូរ៉េខាងជើងគឺជាការពិបាក។ ប៉ុន្តែលោកបានបញ្ជាក់ថា ទីក្រុងព្យុងយ៉ាងបានអះអាងថា ខ្លួនចាំបាច់ត្រូវមានការទប់ស្កាត់ដោយនុយក្លេអ៊ែរ ដើម្បីការពារការគំរាមកំហែងរបស់សហរដ្ឋអាមេរិក។ នេះអាចជាមូលហេតុដែលប្រទេសនេះកំពុងផ្តោតលើការអភិវឌ្ឍមីស៊ីលបាលីស្ទិក និងធ្វើឲ្យប្រសើរឡើងសមត្ថភាពប្រតិបត្តិការ ជាវិធីសាស្ត្រដឹកជញ្ជូនអាវុធនុយក្លេអ៊ែរ។ ការបាញ់មីស៊ីលនៅថ្ងៃសុក្រនេះគឺជាហេតុការណ៍លើកទី២៧ ក្នុងឆ្នាំនេះ។ ប្រធានាធិបតីកូរ៉េខាងត្បូងលោក Yoon Suk Yeol និយាយនៅថ្ងៃសុក្រនេះថា ការបង្កហេតុដោយោធាកូរ៉េខាងជើងកាលពីយប់មិញ បានបំពានលើកិច្ចព្រមព្រៀងយោធាអន្តរកូរ៉េកាលពីខែកញ្ញា ឆ្នាំ២០១៨៕អត្ថបទ៖ ប៊ុនថន

នគរបាលអ៊ីស្រាអែលប្រើកាំភ្លើងគ្រាប់ពិតក្នុងពេលប៉ះទង្គិចជាមួយក្រុមអ្នកតវ៉ាប៉ាឡេស្ទីននៅក្រុង Jerusalem

អ៊ីស្រាអែល៖ ក្រុមទាហានអ៊ីស្រាអែលបានបាញ់ឧស្ម័នបង្ហៀរទឹកភ្នែក ទៅលើក្រុមជនជាតិប៉ាឡេស្ទីនដែលកំពុងតដៃដោយគប់ដុំថ្មនៅក្នុងជំរំ Shuafat ក្បែរទីក្រុង Jerusalem នៅសប្ដាហ៍នេះ។ គេមើលឃើញក្រុមអ្នកតវ៉ាកំពុងគប់ដុំថ្ម និងគ្រាប់បែកភ្លើង និងដុតបំពួកភ្លើង ស្របពេលកងកម្លាំងសន្តិសុខបានបាញ់គ្រាប់កាំភ្លើងជ័រ និងឧស្ម័នបង្ហៀរទឹកភ្នែក។ នគរបាលអ៊ីស្រាអែលបានប្រើកាំភ្លើងគ្រាប់ពិត ក្នុងអំឡុងពេលប្រឈមជាមួយក្រុមអ្នកតវ៉ាប៉ាឡេស្ទីនរាប់រយនាក់។ នគរបាលអ៊ីស្រាអែលបាននឹងកំពុងធ្វើប្រតិបត្តិការក្នុងជំរំជនភៀសខ្លួន Shuafat នៅប៉ែកខាងកើតទីក្រុង Jerusalem ដើម្បីតាមរកជនសង្ស័យក្នុងការវាយប្រហារដោយអាវុធ នៅប៉ុស្តិ៍ត្រួតពិនិត្យមួយកន្លែងកាលពីថ្ងៃសៅរ៍ចុងសប្ដាហ៍មុន ដែលបានបណ្ដាលឲ្យទាហានម្នាក់ស្លាប់។ភាពរំជើបរំជួលខ្លាំងបំផុតមិនធ្លាប់មានក្នុងរយៈពេលជាច្រើនខែមកនេះបានផ្ទុះឡើង បន្ទាប់ពីបុរសប្រដាប់ដោយអាវុធម្នាក់បានបាញ់សម្លាប់ទាហានអ៊ីស្រាអែលម្នាក់ និងបណ្ដាលឲ្យមនុស្ស ៣នាក់រងរបួសនៅប៉ុស្តិ៍ត្រួតពិនិត្យផ្លូវបំបែកក្នុងជំរំ Shuafat កាលពីថ្ងៃសៅរ៍៕អត្ថបទ៖ សុខមាន

រុស្ស៊ីនឹងជម្លៀសជនស៊ីវិលចេញពីតំបន់ដែលខ្លួនគ្រប់គ្រង Kherson ខណៈអ៊ុយក្រែនវាយរុលទៅមុខ

រុស្ស៊ី៖ មេដឹកនាំលើកបន្តុបដោយរុស្ស៊ីនៅក្នុងតំបន់ Kherson ភាគខាងត្បូងរបស់អ៊ុយក្រែន លោក Vladimir Saldo បានអំពាវនាវឲ្យជនស៊ីវិលចាកចេញ ដោយសារតែការវាយប្រហារដោយគ្រាប់រ៉ូកែតរាល់ថ្ងៃ ពីសំណាក់កងកម្លាំងអ៊ុយក្រែនដែលកំពុងវាយរុលទៅមុខ។ លោកបានជំរុញពួកគេឲ្យជួយសង្គ្រោះជីវិតខ្លួនឯង តាមរយៈការធ្វើដំណើរទៅកាន់ប្រទេសរុស្ស៊ី សម្រាប់ការសម្រាកកម្សាន្ត និងការសិក្សា និងបានស្នើសុំជំនួយពីទីក្រុង Moscow។ ក្រោយមកការអំពាវនាវរបស់លោក ត្រូវបានជួយជំរុញបន្តដោយឧបនាយករដ្ឋមន្ត្រីរុស្ស៊ីលោក Marat Khusnullin នៅក្នុងសារនៅតាមទូរទស្សន៍រដ្ឋ។ អ៊ុយក្រែនបានច្រានចោលការចោទប្រកាន់ដែលថា ខ្លួនបានដាក់គោលដៅលើជនស៊ីវិលរបស់ខ្លួន។ ទាហានរបស់ខ្លួនដែលទើបដណ្ដើមបានមកវិញនូវតំបន់មួយចំនួននៃភាគពាយ័ព្យក្នុងតំបន់ Kherson កំពុងចូលជិតដល់ក្នុងទីក្រុង Kherson ហើយ។លោក Khusnullin ដែលមានភារកិច្ចទទួលខុសត្រូវពិសេស សម្រាប់ប្រទេសរុស្ស៊ីភាគខាងត្បូង និងឧបទ្វីប Crimea បាននិយាយថា រដ្ឋាភិបាលបានសម្រេចរៀបចំជំនួយ សម្រាប់ការចាកចេញរបស់ប្រជាពលរដ្ឋនៃតំបន់ Kherson ទៅកាន់តំបន់ផ្សេងៗរបស់ប្រទេសនេះ។ យើងនឹងផ្ដល់ឲ្យពលរដ្ឋគ្រប់គ្នានូវការស្នាក់នៅដោយឥតគិតថ្លៃ និងរបស់ចាំបាច់គ្រប់បែបយ៉ាង។ យោងតាមទីភ្នាក់ងារសារព័ត៌មានរដ្ឋរុស្ស៊ី Tass អភិបាលតំបន់ Rostov លោក Vasily Golubev បាននិយាយថា ក្រុមពលរដ្ឋដំបូងចេញពីតំបន់ Kherson នឹងមកដល់តំបន់ Rosto របស់រុស្ស៊ីនៅថ្ងៃសុក្រនេះ៕អត្ថបទ៖ សុខមាន

រយៈពេល ៥ឆ្នាំ កម្ពុជាបណ្ដេញចេញជនបរទេសខុសច្បាប់ ទៅស្រុកកំណើតវិញជាង ១ម៉ឺននាក់

ភ្នំពេញ៖ រយៈពេល៥ឆ្នាំ គឺចាប់ពីឆ្នាំ២០១៨-២០២២ អាជ្ញាធរកម្ពុជា បានបណ្ដេញចេញជនបរទេសស្នាក់នៅ និងធ្វើការខុសច្បាប់នៅកម្ពុជាជាង ១ម៉ឺននាក់ ក្នុងចំណោមនោះត្រឹមរយៈពេល៩ខែ ឆ្នាំ២០២២ ត្រូវបានបណ្ដេញចេញមានរហូតដល់ជាង ៣ .៥០០នាក់ ។នៅក្នុងសន្និសីទសារព័ត៌មានស្តីពី សមិទ្ធផលសម្រេចបានរយៈពេល ៥ឆ្នាំ របស់ក្រសួងមហាផ្ទៃ រៀបចំដោយអង្គភាពអ្នកនាំពាក្យរាជរដ្ឋាភិបាល នៅថ្ងៃទី១៤ ខែតុលា ឆ្នាំ២០២២ ឯកឧត្តម ខៀវ សុភ័ក្ត្រ អ្នកនាំពាក្យក្រសួង មានប្រសាសន៍ថា ចំពោះការងារអន្តោរប្រវេសន៍ ក្រសួងមហាផ្ទៃបានកំណត់យុទ្ធសាស្ត្រសំខាន់ៗចំនួន៣ ក្នុងការគ្រប់គ្រងជនបរទេស ក្នុងនោះទី១. ទប់ស្កាត់ម៉ឺងម៉ាត់ មិនឲ្យមានកំណើនបន្ថែមនូវជនបរទេស ស្នាក់នៅបែបអន្តោប្រវេសន៍ ដោយផ្ដើមចេញពីការ ចុះធ្វើជំរឿនជនបរទេសអន្តោរប្រវេសន៍ឡើងវិញ, ទី២. យកចិត្តទុកដាក់ជុំវិញដោះស្រាយបញ្ហាជនបរទេស ដែលមានវត្តមានក្នុងប្រទេស ឲ្យស្ថិតនៅក្រោមដំបូលនៃច្បាប់ និងទី៣. គ្រប់គ្រងហ្មត់ចត់ការស្នាក់នៅបណ្ដោះអាសន្ន របស់ជនបរទេសមិនមែនអន្តោប្រវេសន៍ ។ ឯកឧត្តមបានបន្តថា ការទប់ស្កាត់ការចេញចូលខុសច្បាប់ និងការអនុវត្តនីតិវិធីចំពោះបទល្មើសអន្តោប្រវេសន៍ ក្នុងរយៈពេល៥ឆ្នាំ គឺអាជ្ញាធរកម្ពុជា បានផ្អាកដំណើរមិនឲ្យចេញចូល និងបញ្ជូនទៅប្រទេសដើមវិញនូវជនបរទេសចំនួនជាង ៣ពាន់នាក់ និងបានបណ្ដេញចេញ ក្រោយពីស្រាវជ្រាវបង្ក្រាបបទល្មើសអន្តោប្រវេសន៍ (ក្នុងប្រទេស) មានចំនួនជាង ១១.០០០នាក់ និងមានជាច្រើនសញ្ជាតិ ។ ឯកឧត្តម ខៀវ សុភ័ក្ត្រ បានបន្ថែមថា ក្នុងរយៈពេលដូចគ្នានេះ កម្ពុជាបានផ្ដល់នូវទិដ្ឋាការចូលកម្ពុជាដល់ជនបរទេស មានចំនួនជាង ៦លាន ៤ម៉ឺននាក់, ទិដ្ឋាការចេញចំនួនជាង ២ម៉ឺននាក់ និងបន្តរយៈពេលស្នាក់នៅចំនួនជាង ២លាននាក់ ។ អ្នកនាំពាក្យក្រសួងមហាផ្ទៃ បានបន្តទៀតថា សម្រាប់អ្នកចេញចូលកម្ពុជា ជាលក្ខណៈអន្តរជាតិ ក្នុងនោះជនបរទេសចូលចំនួនជាង១៤លាន ៦សែននាក់ និងចេញចំនួនជាង១៤លាន ៧សែននាក់ ។ សម្រាប់ពលរដ្ឋខ្មែរវិញ បានចូលក្នុងប្រទេសមានចំនួនជាង៤លាន ៥សែននាក់ និងចេញជាង ៤លាន ៩សែននាក់ ៕(បាន សុខរិទ្ធិ)

រដ្ឋចំនួន ៣ របស់អូស្ត្រាលីចេញបញ្ជាឲ្យពលរដ្ឋជម្លៀសចេញពីលំនៅឋាន ក្រោយភ្លៀងធ្លាក់ខ្លាំងបង្កជាទឹកជំនន់

អូស្ត្រាលី៖ សហគមន៍ជាច្រើននៅក្នុងរដ្ឋចំនួន ៣ របស់អូស្ត្រាលីត្រូវបានបញ្ជាឲ្យជម្លៀស ខណៈភ្លៀងធ្លាក់ខ្លាំងបង្កឲ្យមានទឹកជំនន់ធ្ងន់ធ្ងរ។ ផ្នែកមួយចំនួនរបស់ប្រទេសនេះបានទទួលទឹកភ្លៀងច្រើនជាងកម្រិតមធ្យម ៣ដងនៅខែតុលានេះក្នុងរយៈពេលត្រឹមតែ ២៤ម៉ោងប៉ុណ្ណោះ។ លំនៅឋានយ៉ាងហោចណាស់ ៥០០ខ្នងត្រូវបានទឹកជន់លិច មនុស្សម្នាក់ស្លាប់ និងម្នាក់បាត់ខ្លួន ខណៈគ្រោះមហន្តរាយនេះនៅតែបន្ត។ ការជន់លិចដ៏ធ្ងន់ធ្ងរនៅទូទាំងប្រទេសអូស្ត្រាលី ដែលបានបង្កឡើងដោយបាតុភូតអាកាសធាតុឡានីញ៉ា (La Niña) បានសម្លាប់មនុស្សជាង ២០នាក់នៅឆ្នាំនេះ។ Victoria ដែលជារដ្ឋមានប្រជាជនច្រើនបំផុតទី២ របស់ប្រទេសអូស្ត្រាលីត្រូវបានរងគ្រោះធ្ងន់ធ្ងរបំផុតនៅសប្ដាហ៍នេះ។សហគមន៍មួយចំនួនត្រូវបានបញ្ជាឲ្យជម្លៀស រួមទាំងមួយចំនួនក្នុងទីក្រុងMelbourne។ ទឹកជំនន់បានជន់លិចពាសពេញផ្លូវ បានបង្ខំឲ្យបិទសាលារៀន និងកាត់ផ្ដាច់ចរន្តអគ្គិសនីនៅតាមលំនៅឋាន និងហាងអាជីវកម្មប្រមាណ ៣,០០០ខ្នង និងហាង៕អត្ថបទ៖ សុខមាន

វិមានក្រឹមឡាំងអះអាងថា គោលបំណងរបស់ខ្លួននៅអ៊ុយក្រែនអាចសម្រេចបានតាមរយៈការចរចា

រុស្ស៊ី៖ អ្នកនាំពាក្យវិមានក្រឹមឡាំងលោក Dmitry Peskov ត្រូវបានដកស្រង់សម្ដីដោយនិយាយកាលពីថ្ងៃព្រហស្បតិ៍ថា គោលបំណងនៃប្រតិបត្តិការសឹកពិសេសរបស់ទីក្រុង Moscow នៅក្នុងប្រទេសអ៊ុយក្រែនមិនផ្លាស់ប្ដូរទេ ប៉ុន្តែអាចសម្រេចបានតាមរយៈការចរចា។ ការអត្ថាធិប្បាយទៅកាន់កាសែតរុស្ស៊ី Izvestia គឺជាលើកចុងក្រោយក្នុងសេចក្ដីថ្លែងការណ៍ជាបន្តបន្ទាប់នៅសប្ដាហ៍នេះ ដោយសង្កត់ធ្ងន់ពីការបើកឲ្យមានការចរចារបស់ទីក្រុង Moscow គឺជាការផ្លាស់ប្ដូរសំឡេង ក្រោយពេលបរាជ័យដ៏អាម៉ាស់ជាបន្តបន្ទាប់សម្រាប់កងកម្លាំងរុស្ស៊ីក្នុងសមរភូមិ ខណៈសង្គ្រាមក្នុងប្រទេសអ៊ុយក្រែនឈានចូលជិតបញ្ចប់ខែទី៨។ លោក Peskov ត្រូវបានដកស្រង់សម្ដីដោយនិយាយថា គោលដៅមិនផ្លាស់ប្ដូរឡើយ ប្រតិបត្តិការសឹកពិសេសនៅតែបន្ត វានឹងបន្តដើម្បីសម្រេចបានគោលដៅរបស់យើង ប៉ុន្តែយើងបានបញ្ជាក់ដដែលៗថា យើងនៅតែបើកទ្វារចរចាដើម្បីសម្រេចបំណងរបស់យើង។លោក Peskov បានបន្ថែមថា យ៉ាងណាក៏ដោយលោកពុំបានមើលឃើញក្ដីសង្ឃឹមណាមួយ សម្រាប់ការចរចាជាមួយលោកខាងលិចទេក្នុងពេលខាងមុខដ៏ខ្លីនេះ ដោយសារឥរិយាបទអរិភាពរបស់ខ្លួនចំពោះប្រទេសរុស្ស៊ី៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

សហគមន៍ទុរេនបែកអន្លូង ស្រុកស្ទឹងត្រង់បានចុះបញ្ជីម៉ាកសមូហភាព និងមាន QR Code ត្រឹមត្រូវ

ស.ស.យ.ក បន្តចុះអប់រំនិស្យិតដោយផ្សារភ្ជាប់ព្រះពុទ្ធសាសនាទៅនឹងការរស់នៅថ្លៃថ្នូរ

សមាគមអតីតយុទ្ធជន កំពង់ឆ្នាំង ប្រគល់ថវិកាបេឡាមរណៈសង្គ្រោះ ១២លានរៀល ជូនសមាជិក ៣គ្រួសារ

សំណុំរឿងសាច់បង្កកជាង ២០០តោន នាំមកពីថៃចូលដល់ដៃតុលាការហើយ

ការខូចខាតធ្ងន់ធ្ងរ បានកើតឡើងនៅទីក្រុងភាគខាងត្បូង Tyre ប្រទេសលីបង់ ក្រោយការវាយប្រហាររបស់អ៊ីស្រាអែល

អ៊ីស្រាអែលសម្លាប់មនុស្ស ៣នាក់នៅហ្កាហ្សា ធ្វើឲ្យចំនួនមនុស្សស្លាប់ក្រោយបទឈប់បាញ់កើនឡើងដល់ ៩៨៣នាក់

កងទ័ពអាកាស ៥នាក់ស្លាប់ ក្នុងហេតុការណ៍ធ្លាក់យន្តហោះយោធានៅរដ្ឋ Assam ប្រទេសឥណ្ឌា

UN៖ ការផ្តោតសំខាន់គឺបញ្ចប់សង្រ្គាមអ៊ុយក្រែន មិនមែនវិធីដែលសង្រ្គាមចាប់ផ្តើមនោះទេ

សន្ទុះថ្មីមានសម្រាប់មាគ៌ាអ៊ុយក្រែនឆ្ពោះទៅរកសមាជិកភាព EU

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ទេសរដ្ឋមន្ត្រីគន់ គីម៖ ប្រតិបត្តិការរបស់ក្រុមរុករកត្រូវបានបិទបញ្ចប់ ខណៈសពជនរងគ្រោះបានរកឃើញអស់ហើយ

រុស្ស៊ីនិយាយថា អ៊ុយក្រែនបានបាញ់ផ្លោងនៅតំបន់ព្រំដែន ខណៈមីស៊ីលរុស្ស៊ីវាយប្រហារភូមិនៅអ៊ុយក្រែន

រុស្ស៊ី និងអ៊ុយក្រែនដោះដូរឈ្លើយសឹក ៤០នាក់ក្នុងការដោះដូរថ្មី

ជប៉ុននិយាយថា កូរ៉េខាងជើងបាញ់មីស៊ីលយ៉ាងហោចណាស់ ១គ្រាប់នៅព្រឹកថ្ងៃសុក្រនេះ

នគរបាលអ៊ីស្រាអែលប្រើកាំភ្លើងគ្រាប់ពិតក្នុងពេលប៉ះទង្គិចជាមួយក្រុមអ្នកតវ៉ាប៉ាឡេស្ទីននៅក្រុង Jerusalem

រុស្ស៊ីនឹងជម្លៀសជនស៊ីវិលចេញពីតំបន់ដែលខ្លួនគ្រប់គ្រង Kherson ខណៈអ៊ុយក្រែនវាយរុលទៅមុខ

រយៈពេល ៥ឆ្នាំ កម្ពុជាបណ្ដេញចេញជនបរទេសខុសច្បាប់ ទៅស្រុកកំណើតវិញជាង ១ម៉ឺននាក់

រដ្ឋចំនួន ៣ របស់អូស្ត្រាលីចេញបញ្ជាឲ្យពលរដ្ឋជម្លៀសចេញពីលំនៅឋាន ក្រោយភ្លៀងធ្លាក់ខ្លាំងបង្កជាទឹកជំនន់

វិមានក្រឹមឡាំងអះអាងថា គោលបំណងរបស់ខ្លួននៅអ៊ុយក្រែនអាចសម្រេចបានតាមរយៈការចរចា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ទេសរដ្ឋមន្ត្រីគន់​ គីម៖ ប្រតិ​បត្តិការរបស់ក្រុមរុករកត្រូវបានបិទបញ្ចប់ ខណៈសពជនរងគ្រោះបានរកឃើញអស់ហើយ

រុស្ស៊ី និង​អ៊ុយ​ក្រែ​ន​ដោះដូរ​ឈ្លើយសឹក​ ៤០​នាក់​ក្នុង​ការ​ដោះដូរ​ថ្មី​

ជប៉ុន​និយាយ​ថា​ កូរ៉េខាងជើង​បាញ់​មី​ស៊ី​ល​យ៉ាងហោចណាស់ ​១​គ្រាប់​នៅ​ព្រឹក​ថ្ងៃ​សុក្រ​នេះ

រុស្ស៊ី​នឹង​ជម្លៀស​ជន​ស៊ីវិល​ចេញពី​តំបន់​ដែល​ខ្លួន​គ្រប់គ្រង Kherson ខណៈ​អ៊ុយ​ក្រែ​ន​វាយ​រុលទៅមុខ​

រយៈពេល ៥ឆ្នាំ កម្ពុជាបណ្ដេញចេញជនបរទេសខុសច្បាប់ ទៅស្រុកកំណើតវិញជាង ១ម៉ឺននាក់

វិមាន​ក្រឹម​ឡាំង​អះអាងថា​ គោលបំណង​របស់​ខ្លួន​នៅ​អ៊ុយ​ក្រែ​ន​អាច​សម្រេច​បាន​តាម​រយៈ​ការចរចា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ទេសរដ្ឋមន្ត្រីគន់ គីម៖ ប្រតិបត្តិការរបស់ក្រុមរុករកត្រូវបានបិទបញ្ចប់ ខណៈសពជនរងគ្រោះបានរកឃើញអស់ហើយ

រុស្ស៊ី និងអ៊ុយក្រែនដោះដូរឈ្លើយសឹក ៤០នាក់ក្នុងការដោះដូរថ្មី

ជប៉ុននិយាយថា កូរ៉េខាងជើងបាញ់មីស៊ីលយ៉ាងហោចណាស់ ១គ្រាប់នៅព្រឹកថ្ងៃសុក្រនេះ

រុស្ស៊ីនឹងជម្លៀសជនស៊ីវិលចេញពីតំបន់ដែលខ្លួនគ្រប់គ្រង Kherson ខណៈអ៊ុយក្រែនវាយរុលទៅមុខ

វិមានក្រឹមឡាំងអះអាងថា គោលបំណងរបស់ខ្លួននៅអ៊ុយក្រែនអាចសម្រេចបានតាមរយៈការចរចា