BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

សម្ដេចធិបតី៖ កម្ពុជាជ្រើសរើសយកយន្តការ UNCLOS ដោយសារថៃលុបចោល MOU ២០០១ ជាឯកតោភាគី

ព័ត៌មានសំខាន់ៗ

មេដឹកនាំបេឡារុសនិយាយថា ពុំមានសង្គ្រាមទេ យើងមិនត្រូវការវាឡើយ

បេឡារុស៖ ប្រធានាធិបតីបេឡារុសលោក Alexander Lukashenko បាននិយាយកាលពីថ្ងៃសុក្រថា កងទ័ពរបស់ប្រទេសលោកនឹងមិនធ្វើសង្គ្រាមជាមួយអ៊ុយក្រែនទេ។ លោក Lukashenko បាននិយាយនៅកន្លែងហ្វឹកហ្វឺនយោធាក្នុងតំបន់ Brest ថា បច្ចុប្បន្ននេះមិនមានសង្គ្រាមទេ យើងមិនត្រូវការវាឡើយ។ ការថ្លែងរបស់មេដឹកនាំបេឡារុសផ្តាច់ការរូបនេះបានធ្វើឡើង បន្ទាប់ពីការមកដល់របស់ទាហានរុស្ស៊ីរាប់ពាន់នាក់ក្នុងប្រទេស។ លោក Lukashenko និងប្រធានាធិបតីរុស្ស៊ីលោក Vladimir Putin កាលពីពេលមុនបានព្រមព្រៀងគ្នា ដើម្បីបង្កើតការដាក់ពង្រាយកងទ័ពប្រចាំតំបន់រួមគ្នា។ នេះមានន័យថា ទាហានរុស្ស៊ី ៩.០០០នាក់នឹងត្រូវដាក់ពង្រាយក្នុងប្រទេសបេឡារុស ខណៈរថក្រោះ ១៧០គ្រឿង និងរថពាសដែក ២០០គ្រឿងនឹងមកដល់ក្នុងប្រទេសបេឡារុស។រុស្ស៊ីបានប្រើប្រាស់ប្រទេសបេឡារុសដែលជាសម្ព័ន្ធមិត្តដ៏យូរអង្វែង ជាទីតាំងចាប់ផ្តើមបញ្ជូនកងទ័ព និងមីស៊ីលចូលកាន់ប្រទេសអ៊ុយក្រែន។ អ្នកវិភាគបានលើកឡើងថា ប្រសិនបើយោធាតិច និងគ្មានបទពិសោធន៍របស់ប្រទេសបេឡារុស ធ្លាប់ចូលរួមក្នុងប្រតិបត្តិការសឹកពិសេសរបស់រុស្ស៊ីនោះ កងទ័ពបន្ថែមអាចជួយទីក្រុងមូស្គូកាត់ផ្តាច់ច្រករបៀងដឹកជញ្ជូនសំខាន់ៗមួយចំនួន ប៉ុន្តែទំនងជានឹងមិនបង្កើនសមត្ថភាពរបស់លោក Putin យ៉ាងខ្លាំងនៅលើសមរភូមិនោះទេ៕អត្ថបទ៖ ប៊ុនថន

អ្នកគាំទ្រលោក Johnson លើកឡើងការវិលត្រឡប់មកកាន់តំណែងវិញដែលអាចធ្វើទៅបាន

អង់គ្លេស៖ ប្រជាជននៅក្នុងមណ្ឌលបោះឆ្នោតមួយរបស់អតីតនាយករដ្ឋមន្ត្រីអង់គ្លេសលោក Boris Johnson បានបង្ហាញប្រតិកម្មចម្រុះកាលពីថ្ងៃសុក្រ ខណៈលោកក្លាយជាអ្នកនាំមុខម្នាក់ដើម្បីបន្តតំណែងពីលោកស្រី Liz Truss ដែលជាការវិលត្រឡប់មកកាន់តំណែងរបស់លោកវិញ។ សមាជិកសភាអង់គ្លេសជាច្រើននាក់រួមទាំងលោក Johnson បានកំពុងព្យាយាមស្វែងរកការគាំទ្រ មុនពេលការប្រកួតប្រជែងដើម្បីជំនួសលោកស្រី Truss ជាមេដឹកនាំរបស់ចក្រភពអង់គ្លេស។ លោកស្រី Truss បានលាលែងពីតំណែងកាលពីថ្ងៃព្រហស្បតិ៍ បន្ទាប់ពីកាន់តំណែងបានត្រឹមតែ ៤៥ថ្ងៃដោយទទួលស្គាល់ថា លោកស្រីមិនអាចផ្តល់ផែនការសេដ្ឋកិច្ចកាត់បន្ថយពន្ធរបស់លោកស្រីបានទេ។ លោកស្រីបានបន្តតំណែងពីលោក Johnson ដែលត្រូវបានបណ្តេញចេញពីតំណែងកាលពីដើមឆ្នាំនេះ ជុំវិញរឿងអាស្រូវជាបន្តបន្ទាប់។ ការតែងតាំងមេដឹកនាំថ្មីនឹងបិទនៅរសៀលថ្ងៃច័ន្ទ ហើយបេក្ខជនត្រូវការហត្ថលេខាពី ១០០នាក់ក្នុងចំណោមសមាជិកសភាគណបក្សអភិរក្សនិយមចំនួន ៣៥៧នាក់៕អត្ថបទ៖ ប៊ុនថន

សម្តេចតេជោ ហ៊ុន សែន ផ្តល់ការព្យាបាលដល់កុមារី កើតជំងឺអូទីហ្សឹមកម្រិតធ្ងន់ធ្ងរ ម្នាក់ នៅខេត្តសៀមរាប

ក្រោយចប់ពិធីសំណេះសំណាលជាមួយបងប្អូនប្រជាពលរដ្ឋចំនួន៣,២០០គ្រួសារ ដែលបានផ្លាស់ប្ដូរទីលំនៅពីតំបន់រមណីយដ្ឋានអង្គរ មកកាន់តំបន់ពាក់ស្នែង នៅព្រឹកមិញនេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានជួយសម្រាលទុក្ខលំបាកក្នុងជីវភាពដល់ស្ត្រីម្នាក់ដែលមានកូនស្រីកើតជំងឺអូទីហ្សឹមកម្រិតធ្ងន់ធ្ងរ។ដោយក្តីអាណិតអាសូរជាពន់ពេក ខណៈដែលស្ត្រីជាម្ដាយបានពរកូនទាំងមានជំងឺនេះមកចូលរួមក្នុងកម្មវិធីនោះ សម្តេចតេជោនាយករដ្ឋមន្ត្រី ក៏បានឲ្យលោកជំទាវ យក់ សម្បត្តិ រដ្ឋលេខាធិការ ក្រសួងសុខាភិបាល ចាត់ចែងភ្លាមៗក្នុងការបញ្ជូនកុមារីមានជំងឺទៅព្យាបាលនៅមន្ទីរពេទ្យគន្ធបុប្ផា ព្រមទាំងបានផ្តល់ជាថវិកាមួយចំនួនធំ សម្រាប់ដោះស្រាយជីវភាពផងដែរ។កុមារី កើតជំងឺអូទីហ្សឹមកម្រិតធ្ងន់ធ្ងរនេះ មានឈ្មោះ ដន គ្រីស្ទីនរ៉ូសាណា អាយុ ៩ឆ្នាំ ។ ម្តាយកុមារីរូបនេះឱ្យដឹងថា កូនរបស់គាត់ ពេលមានអាយុ ១ខែ ៣ថ្ងៃ មានអាការៈមិនប្រក្រតី ហើយម្តាយបាននាំទៅទទួលសេវាព្យាបាលនៅមន្ទីរពេទ្យគន្ធបុប្ផាសៀមរាប តែមិនបានប្រសើរ ដល់កុមារអាយុរហូតដល់ ២ឆ្នាំ ទើបទៅទទួលសេវាព្យាបាលនៅកុមារអង្គរ។លោកជំទាវ យក់ សម្បត្តិ បានបញ្ជាក់ថា ក្រុមគ្រូពេទ្យនឹងខិតខំជួយសង្គ្រោះជីវិតកុមារីរូបនេះឱ្យអស់ពីលទ្ធភាព៕

ទណ្ឌកម្មរបស់អង្គការសហប្រជាជាតិកំណត់គោលដៅលើអ្នកដឹកនាំក្រុមជនអន្ធពាលហៃទី

ហៃទី៖ ក្រុមប្រឹក្សាសន្តិសុខអង្គការសហប្រជាជាតិ បានអនុម័តជាឯកច្ឆ័ន្ទសេចក្តីសម្រេចកាលពីថ្ងៃសុក្រ ដោយទាមទារឱ្យបញ្ចប់ជាបន្ទាន់អំពើហិង្សា និងសកម្មភាពឧក្រិដ្ឋកម្មនៅក្នុងប្រទេសហៃទី និងដាក់ទណ្ឌកម្មលើអ្នកដឹកនាំក្រុមជនអន្ធពាលដ៏មានឥទ្ធិពលម្នាក់។ សហរដ្ឋអាមេរិក និងម៉ិកស៊ិកដែលបានធ្វើពង្រាងសេចក្តីសម្រេចមាន ១០ទំព័របានពន្យារពេលការបោះឆ្នោត ដូច្នេះពួកគេអាចកែសម្រួលសេចក្តីពង្រាងដោយសង្ឃឹមថា នឹងទទួលបានការគាំទ្របន្ថែមទៀតពីសមាជិកក្រុមប្រឹក្សា។ ឯកអគ្គរដ្ឋទូតសហរដ្ឋអាមេរិកលោកស្រី Linda Thomas-Greenfield បាននិយាយភ្លាមៗបន្ទាប់ពីការបោះឆ្នោតថា សេចក្តីសម្រេចនេះគឺជាចម្លើយដំបូងសម្រាប់អំពាវនាវរកជំនួយពីប្រជាជនហៃទី។ អគ្គលេខាធិការអង្គការសហប្រជាជាតិលោក Antonio Guterres បានប្រាប់អំពីជម្រើសដើម្បីជួយនគរបាលជាតិរបស់ប្រទេសហៃទី ប្រយុទ្ធប្រឆាំងអំពើហិង្សាក្នុងកម្រិតខ្ពស់។ ដំណោះស្រាយទី២ ដែលនៅតែកំពុងដំណើរការកាលពីល្ងាចថ្ងៃព្រហស្បតិ៍ នឹងត្រូវដោះស្រាយបញ្ហាការប្រយុទ្ធប្រឆាំងអំពើហិង្សាក្នុងប្រទេសហៃទី។សេចក្តីសម្រេចនឹងអនុញ្ញាតឱ្យកងកម្លាំងអន្តរជាតិជួយពង្រឹងសន្តិសុខក្នុងប្រទេស ប្រសិនបើមានការព្រមព្រៀង។ ដំណោះស្រាយទណ្ឌកម្មបានដាក់ឈ្មោះជនជាតិហៃទីម្នាក់លោក Jimmy Barbecue Cherizier ដែលក្រុមរបស់លោកបានបិទស្ថានីយប្រេងឥន្ធនៈដ៏សំខាន់ ដែលនាំឱ្យមានការខ្វះប្រេងឥន្ធនៈយ៉ាងខ្លាំង។ លោក Cherizier ជាអតីតមន្ត្រីនគរបាលបានដឹកនាំសម្ព័ន្ធភាពក្រុមជនអន្ធពាល ដែលគេស្គាល់ថាជាគ្រួសារ G9 និងសម្ព័ន្ធមិត្តនឹងត្រូវរងបម្រាមធ្វើដំណើរ ការបង្កកទ្រព្យសម្បត្តិ និងការហាមឃាត់អាវុធ ប្រសិនបើសេចក្តីសម្រេចត្រូវអនុម័ត៕អត្ថបទ៖ ប៊ុនថន

អំពើហិង្សាកើតមានឡើង បន្ទាប់ពីអតីតនាយករដ្ឋមន្ត្រីប៉ាគីស្ថានត្រូវបានដកហូតសិទ្ធិបោះឆ្នោត

ប៉ាគីស្ថាន៖ ក្រុមមន្ត្រីបាននិយាយថា គណៈកម្មាធិការរៀបចំការបោះឆ្នោតរបស់ប៉ាគីស្ថាន កាលពីថ្ងៃសុក្របានដកសិទ្ធិអតីតនាយករដ្ឋមន្ត្រីលោក Imran Khan មិនឲ្យកាន់តំណែងសាធារណៈរយៈពេលប្រាំឆ្នាំបន្ទាប់ពីបានរកឃើញថា លោកបានលក់សម្បត្តិរដ្ឋដោយខុសច្បាប់ និងលាក់បាំងទ្រព្យសម្បត្តិក្នុងនាមជានាយករដ្ឋមន្ត្រី។ អ្នកគាំទ្រលោក Imran Khan ដែលខឹងសម្បារាប់ពាន់នាក់បានប្រមូលផ្តុំគ្នាកាលពីថ្ងៃសុក្រ នៅខាងក្រៅទីស្នាក់ការគណៈកម្មាការក្នុងរដ្ឋធានី Islamabad ដោយស្រែកប្រឆាំងសេចក្តីសម្រេចរបស់គណៈកម្មការ។ កងកម្លាំងសន្តិសុខ និងទាហានប៉ារ៉ាបានបិទបរិវេណនៅគណៈកម្មការរៀបចំការបោះឆ្នោត ដោយរារាំងហ្វូងមនុស្សមិនឱ្យចូលទៅខាងក្នុង។ រដ្ឋាភិបាលបានពង្រាយកម្លាំងសន្តិសុខបន្ថែមទៀតក្នុងទីក្រុង Islamabad ដើម្បីរក្សាច្បាប់ និងសណ្តាប់ធ្នាប់។ ការដាក់ពង្រាយកងកម្លាំងនេះធ្វើឡើងប៉ុន្មានថ្ងៃមុនពេលលោក Khan ត្រូវបានគេរំពឹងថានឹងប្រកាសបាតុកម្មមួយទៀតនៅទីក្រុង Islamabad ដើម្បីបង្ខំឱ្យរដ្ឋាភិបាលរបស់នាយករដ្ឋមន្ត្រីលោក Shahbaz Sharif រៀបចំការបោះឆ្នោតបន្ទាន់។ចំណាត់ការនេះទំនងជាធ្វើឱ្យមានភាពវឹកវរ ផ្នែកនយោបាយកាន់តែខ្លាំងនៅក្នុងប្រទេសឥស្លាមក្រីក្រមួយនេះ ដែលកំពុងតស៊ូក្នុងបញ្ហាសេដ្ឋកិច្ចដែលកំពុងកើនឡើង ដូចជាកង្វះស្បៀងអាហារ និងផលវិបាកនៃទឹកជំនន់ដែលមិនធ្លាប់មានពីមុនមកក្នុងរដូវក្តៅនេះ ដែលបណ្តាលឲ្យមនុស្ស ១,៧២៥នាក់ស្លាប់ ជម្លៀសមនុស្សរាប់សែននាក់ និងបង្កឱ្យមានជំងឺគ្រុនចាញ់ និងជំងឺផ្សេងទៀតដែលទាក់ទងនឹងទឹកជំនន់។ ការប្រកាសរបស់គណៈកម្មការធ្វើឡើងនៅពេលដែលលោក Khan ដែលត្រូវបានបណ្តេញចេញពីការបោះឆ្នោតដកសេចក្តីទុកចិត្ត នៅក្នុងសភាកាលពីខែមេសា បាននឹងកំពុងប្រមូលផ្តុំអ្នកគាំទ្រប្រឆាំងរដ្ឋាភិបាលថ្មី និងអំពាវនាវឱ្យមានការបោះឆ្នោតមុនកាលកំណត់៕អត្ថបទ៖ ប៊ុនថន

ប្រមុខ UN ធ្វើទស្សនកិច្ចនៅវៀតណាមក្នុងខួបទី៤៥ នៃការចូលជាសមាជិកអង្គការសហប្រជាជាតិ

វៀតណាម៖ អគ្គលេខាធិកាអង្គការសហប្រជាជាតិលោក Antonio Guterres បានមកដល់ប្រទេសវៀតណាមកាលពីថ្ងៃសុក្រ ជាទីដែលលោកបានជួបជាមួយប្រធានរដ្ឋវៀតណាមលោក Nguyen Xuan Phuc និងជួបជាមួយអគ្គលេខាបក្សកុម្មុយនិស្តលោក Nguyen Phu Trong។ លោកអគ្គលេខាធិការបានចូលរួមនៅក្នុងពិធីរំលឹកខួបលើកទី៤៥ នៃសមាជិកភាពរបស់ប្រទេសវៀតណាមនៅអង្គការសហប្រជាជាតិ។ នៅក្នុងសុន្ទរកថាលោកអគ្គលេខាធិការបាននិយាយថា យើងត្រូវការយុត្តិធម៌ សាមគ្គីភាព និងកិច្ចសហប្រតិបត្តិការកាន់តែខ្លាំង ហើយគ្មានកន្លែងណាដែលយើងត្រូវការវាកាន់តែច្រើនជាងនេះនោះទេ ព្រមទាំងនៅក្នុងការប្រយុទ្ធប្រឆាំងវិបត្តិអាកាសធាតុរបស់យើង។លោកអគ្គលេខាធិការបានបញ្ជាក់លើតម្រូវការ ដើម្បីធានាបានការគោរពសេរីភាពជាមូលដ្ឋាន រួមទាំងសេរីភាពនៃការបញ្ចេញមតិ និងសមាគម ដើម្បីការពារសង្គមស៊ីវិលដែលកំពុងធ្វើការ នាំមកនូវសិទ្ធិទាំងនេះដល់អាយុជីវិត និងធានាឱ្យមានការចូលរួមពេញលេញរបស់ពួកគេពីអ្នកសារព័ត៌មាន និងអ្នកការពារសិទ្ធិមនុស្សរហូតដល់អ្នកគាំទ្រផ្នែកបរិស្ថាន។ លោកអគ្គលេខាធិការនិយាយថា អង្គការសហប្រជាជាតិទន្ទឹងរង់ចាំការពង្រឹងការងាររបស់ខ្លួន ជាមួយប្រទេសវៀតណាមដើម្បីសន្តិភាព ការអភិវឌ្ឍន៍ប្រកបដោយចីរភាព ព្រមទាំងសិទ្ធិមនុស្សសម្រាប់ទាំងអស់គ្នា៕អត្ថបទ៖ ប៊ុនថន

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីជួបសំណេះសំណាលជាមួយប្រជាពលរដ្ឋ ដែលស្ម័គ្រចិត្តរើលំនៅឋានចេញពីរមណីយដ្ឋានអង្គរ

នៅព្រឹកថ្ងៃទី២២តុលានេះ សម្តេចតេជោ ហ៊ុន សែន នាយករដ្ឋមន្ត្រី បានបន្តអញ្ជើញជួបសំណេះសំណាលជាមួយ ប្រជាពលរដ្ឋប្រមាណ ៣,២០០គ្រួសារបន្ថែមទៀត ដែលជាអ្នកស្ម័គ្រចិត្តរើលំនៅឋានចេញពីរមណីយដ្ឋានអង្គរ ទៅរស់នៅតំបន់ពាក់ស្នែង ភូមិពាក់ស្នែងថ្មី ឃុំពាក់ស្នែង ស្រុកអង្គរធំ ខេត្តសៀមរាប។ តំបន់អភិវឌ្ឍន៍ពាក់ស្នែងមានចម្ងាយប្រមាណជា ២០គីឡូម៉ែត្រ ពីតំបន់អង្គរ ជាកន្លែងថ្មីមួយទៀតបន្ទាប់ពីតំបន់អភិវឌ្ឍន៍រុនតាឯក ដែលរាជរដ្ឋាភិបាលរៀបចំបង្កើតជាភូមិឋាន និងបែងចែកដីធ្លីជូនប្រជាពលរដ្ឋស្ម័គ្រចិត្តរើចេញពីរមណីយដ្ឋានអង្គរ និងតំបន់គ្រប់គ្រងដោយអាជ្ញាធរជាតិអប្សរា។ ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន៖ - សម្តេចតេជោ ហ៊ុន សែន មានប្រសាសន៍ថា ពីអតីតកាលតំបន់ពាក់ស្នែងសម្តេចធ្លាប់លឺឈ្មោះ និងល្បីរន្ទឺជាតំបន់អតីតសមរភូមិក្តៅ តែពេលនេះពាក់ស្នែងបានក្លាយជាតំបន់អភិវឌ្ឍន៍ និងជាអនាគតតំបន់រដ្ឋបាលស្រុកអង្គរធំ។- សម្តេចតេជោ ហ៊ុន សែន បានបញ្ជាក់ថា ការគិតគូររបស់រាជរដ្ឋាភិបាល លើប្រជាពលរដ្ឋនៅតំបន់អភិវឌ្ឍន៍ពាក់ស្នែង គឺទទួលបានដូចគ្នានឹងប្រជាពលរដ្ឋដែលតាំងលំនៅឋានថ្មីនៅតំបន់រុនតាឯកផងដែរ។- សម្តេចតេជោ ហ៊ុន សែន ជឿជាក់ថា ប្រជាពលរដ្ឋរស់នៅតំបន់អភិវឌ្ឍន៍ពាក់ស្នែង នឹងបោះឆ្នោតជូនគណបក្សប្រជាជនកម្ពុជា ដើម្បីរក្សាបាននូវសុខសន្តិភាព និងការអភិវឌ្ឍលើគ្រប់វិស័យ។ត្រង់ចំណុចនេះ សម្តេចបញ្ជាក់ថា «មិនមែនជាការឃោសនាមុនបោះឆ្នោតទេ វានេះជាសច្ចធម៌មួយ»។- សម្តេចតេជោ ហ៊ុន សែន បញ្ជាក់ថា ពាក់ស្នែងជាតំបន់ប្រវត្តិសាស្ត្រពាក់ព័ន្ធនឹងក្សត្រមួយអង្គព្រះនាម «តាត្រសក់ផ្អែម» ដែលជាក្សត្រកើតចេញពីសាមញ្ញជន។ សម្តេចបញ្ជាក់ថា «បើការស្រាវជ្រាវនោះពិត ដូចការអះអាងមែន តំបន់ពាក់ស្នែងនាពេលនេះ នឹងក្លាយជាតំបន់ដ៏ល្អប្រពៃមួយ អំណោយផលគ្រប់តម្រូវការ»។- សម្តេចតេជោ ហ៊ុន សែន ប្រកាសថា តំបន់អភិវឌ្ឍន៍ពាក់ស្នែង នឹងត្រូវត្រៀមបម្រុងទុកដីសម្រាប់ការកសាងទីអារាម ដូចនៅតំបន់អភិវឌ្ឍន៍រុនតាឯកផងដែរ ដើម្បីឱ្យប្រជាពលរដ្ឋបានធ្វើបុណ្យធ្វើទាន និងកម្មវិធីបែបសាសនានានាផងដែរ។- សម្តេចតេជោ ហ៊ុនសែន ប្រកាសថា ការចូលរួមរបស់សប្បុរសជនចូលរួមផ្តល់ថវិកាកសាងវត្ត និងសមិទ្ធផលនានាក្នុងទីអារាមវត្តនៅតំបន់អភិវឌ្ឍន៍រុនតាឯក បានច្រើនលើសការគ្រោងទុក ដែលផ្តល់ភាពងាយស្រួល សម្រាប់ការចំណាយតាមតម្រូវការជាក់ស្តែង។- សម្តេចតេជោ ហ៊ុន សែន ប្រកាសឯកភាពលើសំណើរកងវិស្វកម្មសម្តេចតេជោ ហ៊ុនសែន សៀមរាប ក្នុងការស្តារ -ស្ថាបនាផ្លូវប៉េតុងសសៃដែក ,ផ្លូវក្រាលក្រួសក្រហម, មណ្ឌលសុខភាព,របង,សាលាបឋមសិក្សា ,អនុវិទ្យាល័យ,វិទ្យាល័យ,ទីលានបាលទាត់ ,ផ្សារសហគមន៍ និងសមិទ្ធផលនានា បម្រើឱ្យសេចក្តីត្រូវការប្រជាពលរដ្ឋតំបន់អភិវឌ្ឍន៍ពាក់ស្នែង។- សម្តេចតេជោ ហ៊ុន សែន ប្រកាសបញ្ចេញអង្ករ ២០០តោន អំណោយអ្នកឧកញ៉ាទ្រីភាព និងថវិកាសប្បុរជននានាប្រមាណ ១៥ម៉ឺនដុល្លារអាមេរិក ផ្តល់ជូនប្រជាពលរដ្ឋរងគ្រោះដោយទឹកជំនន់នៅខេត្តកំពង់ធំ ហើយសម្តេចក៏គ្រោងជួបសំណេះសំណាល និងផ្តល់ស្រូវពូជដល់ប្រជាពលរដ្ឋនៅកំពង់ធំ បន្ទាប់ពីពីសម្តេចចប់បេសកកម្មការងារនៅកំពង់ឆ្នាំង។- សម្តេចតេជោ ហ៊ុន សែន ប្រកាសផ្តល់អង្ករ និងថវិកា ដល់ខេត្តបន្ទាយមានជ័យ ,ឧត្តរមានជ័យ និងប៉ៃលិន ដែលរងគ្រោះដោយជំនន់ និងប្រកាសឱ្យរដ្ឋបាលខេត្តទាំងនោះ ព្រមទាំងផ្នែកពាក់ព័ន្ធផ្តល់ជូនប្រជាពលរដ្ឋឱ្យបានឆាប់រហ័ស កុំចាំសម្តេចទៅដល់។- សម្តេចតេជោ ហ៊ុន សែន ប្រកាសជាថ្មីដល់ប្រជាពលរដ្ឋដែលយល់ព្រមរុះរើលំនៅឋានចេញពីតំបន់រមណីយដ្ឋានអង្គរ មកតំបន់អភិវឌ្ឍន៍ពាក់ស្នែង ត្រូវឈរលើគោលការណ៍នាយករដ្ឋមន្ត្រីចំនួន២ គឺ៖ ទីតាំងថ្មីត្រូវបានឈូសឆាយរួចរាល់ និងមានអ្នកដឹកជញ្ជូនមកកាន់កន្លែងថ្មីត្រឹមត្រូវ។- សម្តេចតេជោ ហ៊ុន សែន ប្រកាសថា តំបន់អភិវឌ្ឍន៍ពាក់ស្នែង មិនមែនជាដីសង្គមកិច្ចទេ។ សម្តេចប្រកាសផ្តល់ប័ណ្ណកម្មសិទ្ធិ(ប័ណ្ណរឹង)ដល់ប្រជាពលរដ្ឋទាំងអស់នៅតំបន់អភិវឌ្ឍន៍ពាក់ស្នែង ដើម្បីឱ្យប្រជាពលរដ្ឋយកទៅប្រើប្រាស់តាមលទ្ធភាពដែលអាចធ្វើទៅបានដូចជា៖ កម្ចីធនាគារជាដើម។- សម្តេចតេជោ ហ៊ុន សែន ប្រកាសផ្តល់ការតភ្ជាប់ចរន្តអគ្គិសនីដល់របងផ្ទះប្រជាពលរដ្ឋដោយឥតគិតថ្លៃ ដល់ប្រជាពលរដ្ឋរស់នៅតំបន់អភិវឌ្ឍន៍ពាក់ស្នែង(ទាំងអ្នកប្រើកម្លាំង-អំពែ តូច និងធំ) ។ ការផ្តល់ជូននេះ ធ្វើឱ្យប្រជាពលរដ្ឋចំណេញយ៉ាងច្រើន។- សម្តេចតេជោ ហ៊ុន សែន ប្រកាសថា ប្រជាពលរដ្ឋទាំងអស់រស់នៅតំបន់អភិវឌ្ឍន៍ពាក់ស្នែង ទោះមានកម្រិតជីវភាពបែបណាក៏ដោយ នឹងបានទទួលប័ណ្ណក្រីក្រប្រភេទ-១ ដែលត្រូវផ្តល់ជូនតាមអត្រាអ្នករស់នៅទីប្រជុំជនដូចៗគ្នា។- សម្តេចតេជោ ហ៊ុន សែន ប្រកាសថា សាលាស្រុកអង្គរធំ ដែលកំពុងស្ថិតនៅតំបន់១ នៃរមណីយដ្ឋានអង្គរ នឹងត្រូវរុះរើមកកាន់ទីតាំងថ្មី នៅតំបន់អភិវឌ្ឍន៍ពាក់ស្នែង ដោយរាជរដ្ឋាភិបាលបានផ្តល់ផ្ទៃដីបម្រុងទុកសម្រាប់សាងសង់អគាររដ្ឋបាលស្រុកថ្មីនេះ។- សម្តេចតេជោ ហ៊ុន សែន ប្រកាសថា ប្រជាពលរដ្ឋដែលរស់នៅតំបន់អភិវឌ្ឍន៍ពាក់ស្នែង នឹងទទួលបានចរន្តអគ្គិសនីគ្រប់គ្រាន់, ទឹកស្អាត,ប្រព័ន្ធទូរស័ព្ទ, Internet និងបណ្តាញតភ្ជាប់ផ្សេងៗទៀត ដើម្បីបំពេញតម្រូវការ នៃការរស់នៅរបស់ប្រជាពលរដ្ឋ។- សម្តេចតេជោ ហ៊ុន សែន ប្រកាសថា គ្មានគណបក្សនយោបាយណាមួយនៅកម្ពុជា ដែលរស់នៅជាមួយគ្នា យូរ និងស្រុះស្រួលគ្នាដូចគណបក្សប្រជាជននោះទេ។- សម្តេចតេជោ ហ៊ុន សែន ប្រកាសជាថ្មីថា ប្រជាពលរដ្ឋទាំងអស់រស់នៅតំបន់អភិវឌ្ឍន៍ពាក់ស្នែង ដែលទទួលបានប័ណ្ណក្រីក្រប្រភេទ-១ នឹងត្រូវគាំពារផ្តល់ជូនដោយរដ្ឋរយៈពេល ១០ឆ្នាំ នឹងបើកតាមប្រព័ន្ធធនាគារ(វីង)។- សម្តេចតេជោ ហ៊ុន សែន ប្រកាសដាក់កម្មវិធីចុះជួបសំណេះសំណាលជាមួយប្រជាពលរដ្ឋនៅតំបន់អភិវឌ្ឍន៍ពាក់ស្នែង និងរុនតាឯកអាចមួយឆ្នាំម្តង ទោះជាពេលក្រោយ សម្តេចស្ថិតនៅក្នុងតំណែងជានាយករដ្ឋ ឬអត់ក៏ដោយ និងបានផ្តាំផ្ញើដល់ប្រជាពលរដ្ឋពេលបានឃើញសម្តេចមកជួប សូមហៅសម្តេចចូលលេងផ្ទះផង។សង្កថាសម្តេចតេជោ ហ៊ុន សែន ចប់នៅវេលាម៉ោង០៩ និង៤៥នាទី

សម្តេចតេជោ ហ៊ុន សែន បានហៅការចាកចេញរបស់ពលរដ្ឋពីរមណីយដ្ឋានអង្គរជាការចាកចេញដ៏វៃឆ្លាត

ភ្នំពេញ៖ ក្នុងបេសកកម្មស្នាក់នៅខេត្តសៀមរាប ព្រឹកថ្ងៃទី២២ តុលានេះ សម្តេចតេជោ ហ៊ុន សែន នាយករដ្ឋមន្ត្រី បានអញ្ជើញបន្តជួបសំណេះ សំណាលជាមួយប្រជាពលរដ្ឋចំនួន ៣២០០គ្រួសារដែលបានស្ម័គ្រចិត្តរើលំនៅដ្ឋានចេញពីតំបន់រមណីយដ្ឋានអង្គរមកនៅតំបន់ពាក់ស្នែង ក្នុងស្រុកអង្គរធំ។ក្នុងពិធីសំណេះសំណាលនេះ សម្តេចតេជោ បានរម្លឹកពីអតីតកាលដែលតំបន់ពាក់ស្នែងក៏ជាសមរភូមិដែរ ប៉ុន្តែឥឡូវនេះបានក្លាយទៅជាតំបន់អភិវឌ្ឍដោយបានស្នើឱ្យក្រុមការងារទាំងអស់ខិតខំរៀបចំឱ្យបានឆាប់រហ័ស ដើម្បីផ្តល់ជូនបងប្អូនបានមករស់នៅផ្លាស់ប្តូររើលំនៅដ្ឋានពីតំបន់រមណីយដ្ឋានអង្គរមកតំបន់អភិវឌ្ឍពាក់ស្នែងនេះ។សម្តេចបានហៅការចាកចេញរបស់បងប្អូនពីតំបន់អាទិភាពរមណីយដ្ឋានអង្គរទៅរស់នៅតំបន់អភិវឌ្ឍនេះ ជាការសម្រេចចិត្តដ៏វៃឆ្លាត ដើម្បីទទួលបាននូវកម្មសិទ្ធិដ៏ស្របច្បាប់។សម្តេចតេជោ នាយករដ្ឋមន្ត្រីបានអរគុណចំពោះការយោគយល់របស់ប្រជាពលរដ្ឋយើងដែលមានការយោគយល់ដល់រាជរដ្ឋាភិបាលលើគោលនយោបាយផ្លាស់ប្តូរទីលំនៅរបស់ប្រជាពលរដ្ឋពីតំបន់រមណីយដ្ឋានអង្គរ មករស់នៅតំបន់ពាក់ស្នែងនេះដែលនេះជាការយោគយល់ដល់ជាតិយើងទាំងមូល។សូមបញ្ជាក់ផងដែរថា ប្រជាពលរដ្ឋដែលស្ម័គ្រចិត្តរើលំនៅដ្ឋានចេញពីតំបន់រមណីយដ្ឋានអង្គរទៅរស់នៅតំបន់អភិវឌ្ឍន៍ពាក់ស្នែង ក៏ទទួលបានគោលនយោបាយឧបត្ថម្ភនានាដូចនឹងប្រជាពលរដ្ឋរស់នៅតំបន់អភិវឌ្ឍនរុនតាឯកផងដែរ។ គោលនយោបាយនោះ មានដូចជាការទទួលបានដីទំហំ ២០ម៉ែត្រ x៣០ម៉ែត្រ, ទទួលបានបណ្ណក្រីក្រកម្រិត១ រួមទាំងហេដ្ឋារចនាសម្ព័ន្ធនានា ឧបត្ថម្ភ គាំទ្ររយៈពេល១០ឆ្នាំ ការទទួលបានបណ្ណសមធម៌សម្រាប់ស្ត្រីចាប់ពីពេលមានផ្ទៃពោះ រហូតដល់កូនអាយុ២ឆ្នាំនិង បានផ្តល់អំណោយជាស្បៀងអាហារ សម្ភារៈប្រើប្រាស់ និងថវិកា ១លាន ៤០ម៉ឺនរៀល ព្រមទាំងសង្កសីចំនួន ៣០សន្លឹកសម្រាប់ធ្វើផ្ទះ។សម្តេចតេជោ ហ៊ុន សែន ក៏បានណែនាំឱ្យធ្វើបណ្ណកម្មសិទ្ធិដីធ្លីជូនពលរដ្ឋទាំងអស់នេះទាំងនៅតំបន់អភិវឌ្ឍន៍រុនតាឯក និងតំបន់អភិវឌ្ឍន៍ពាក់ស្នែងនេះ៕

សម្តេចតេជោ ហ៊ុន សែន បន្តជួបសំណេះសំណាល ជាមួយពលរដ្ឋស្ម័គ្រចិត្តរើចេញ ពីតំបន់រមណីយដ្ឋានអង្គរ ទៅរស់នៅតំបន់ពាក់ស្នែង

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានបន្តអញ្ជើញជួបសំណេះសំណាលជាមួយ ប្រជាពលរដ្ឋប្រមាណ ៣,២០០គ្រួសារបន្ថែមទៀត ដែលជាអ្នកស្ម័គ្រចិត្តរើលំនៅឋានចេញពីរមណីយដ្ឋានអង្គរ ទៅរស់នៅតំបន់ពាក់ស្នែង នៅព្រឹកថ្ងៃទី២២ ខែតុលា ឆ្នាំ២០២២នេះ។តំបន់អភិវឌ្ឍន៍ពាក់ស្នែង ស្ថិតនៅក្នុងឃុំពាក់ស្នែង ស្រុកអង្គរធំ ខេត្តសៀមរាប។ តំបន់អភិវឌ្ឍន៍ពាក់ស្នែង ជាកន្លែងថ្មីមួយទៀតបន្ទាប់ពីតំបន់អភិវឌ្ឍន៍រុនតាឯក ដែលរាជរដ្ឋាភិបាលរៀបចំបង្កើតជាភូមិឋាន និងបែងចែកដីធ្លីជូនប្រជាពលរដ្ឋស្ម័គ្រចិត្តរើចេញពីរមណីយដ្ឋានអង្គរ និងតំបន់គ្រប់គ្រងដោយអាជ្ញាធរជាតិអប្សរា។តំបន់អភិវឌ្ឍន៍ពាក់ស្នែងមានចម្ងាយប្រមាណជា ២០គីឡូម៉ែត្រ ពីតំបន់អង្គរ។ រាជរដ្ឋាភិបាលនឹងកសាងហេដ្ឋារចនាសម្ព័ន្ធនានាមិនខុសពីតំបន់អភិវឌ្ឍន៍រុនតាឯកនោះឡើយ ដើម្បីគាំទ្រដល់ការរស់នៅរបស់ប្រជាពលរដ្ឋ៕

សម្តេចតេជោ ហ៊ុន សែនថ្លែងអំណរគុណដល់សប្បុរសជនបានចូលរួមកសាងវត្តរុនតាឯក ខេត្តសៀមរាប

សៀមរាប ៖ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានបង្ហាញបញ្ជីរាយនាមសប្បុរសជន ដែលចូលរួមឧបត្ថម្ភ ដើម្បីកសាងហេដ្ឋារចនាសម្ព័ន្ធ និងវត្តអារាមនៅតំបន់អភិវឌ្ឍ រុនតាឯក ខេត្តសៀមរាប ដែលរហូតមកដល់ពេលវេលានេះគឺមានចំនួន១លាន៥១ម៉ឺនដុល្លារហើយនោះ។ ឈ្មោះដែលសប្បុរសជនបានចូលរួមកសាងរួមមាន៖១)សម្តេចតេជោ ហ៊ុន សែន និង សម្ដេចកិត្តិព្រឹទ្ធបណ្ឌិត ១០ម៉ឺន២)ឯកឧត្ដម ជា សុផារ៉ា ១០ម៉ឺន៣)ឯកឧត្ដម ជា វណ្ណដេត ២០ម៉ឺន៤) អ្នកឧកញ៉ា ឃុន សៀ ៣០ម៉ឺន៥)ក្រុមហ៊ុន ជីប ម៉ុង ២០ម៉ឺន៦៖ លោកឧកញ៉ា ថៃ ជាហួត ១០ម៉ឺន៧៖ លោកឧកញ៉ា ឡាយ ប៊ុនប៉ា ១០ម៉ឺន៨៖ ឯកឧត្ដម ស៊ុន ចាន់ថុល ១ម៉ឺនដុល្លារ៩៖ អ្នកឧកញ៉ា គិត ម៉េង ២០ម៉ឺន១០)ក្រុមហ៊ុន ដែលខម ៥ម៉ឺនដុល្លារ១១)ក្រុមហ៊ុន សៀន សាន ៥ម៉ឺនដុល្លារ១២)លោកឧកញ៉ា ពៅ ឥសាន និង លោកឧកញ៉ា ពៅ សាពីន ៥ម៉ឺនដុល្លារ១៣)ក្រុមហ៊ុន ខ្សាច់ ស ៥ម៉ឺនដុល្លារសម្តេចតេជោហ៊ុន សែន សូមអរគុណសម្ដេច ឯកឧត្ដម លោកជំទាវ អ្នកឧកញ៉ា លោកឧកញ៉ា ក្រុមហ៊ុន សហគ្រាសតូច ធំ ទាំងអស់ ដែលតែងតែបានចូលរួមយ៉ាងសកម្មជាមួយ រាជរដ្ឋាភិបាល ក្នុងការងារសប្បុរសធម៌ ក៏ដូចជាការងារកសាង អភិវឌ្ឍន៍ប្រទេសជាតិ៕

បណ្ដាញសង្គម

ព័ត៌មានថ្មីៗ

ក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចុះពិនិត្យ ពិគ្រោះ ព្យាបាលជំងឺ ជូនប្រជាពលរដ្ឋក្នុងសង្កាត់ពញាពន់

សម្តេច ម៉ែន សំអន អញ្ជើញដឹកនាំកិច្ចប្រជុំគណៈបញ្ជាការយុទ្ធនាការបោះឆ្នោត គណៈកម្មាធិការបក្សខេត្តស្វាយរៀង

រដ្ឋបាលខេត្តពោធិ៍សាត់ផ្សព្វផ្សាយលក្ខន្តិកៈស្ដីពីគ្រូបង្រៀនជូនលោកគ្រូអ្នកគ្រូជាង ៥០០នាក់

មន្រ្តីសុខាភិបាលខេត្តតាកែវ អំពាវនាវឱ្យចូលរួមទប់ស្កាត់ការរីករាលដាលជំងឺអេដស៍ ខណៈអ្នកឆ្លងកើនឡើង

អនុប្រធានក្រុមការងារគណបក្សចុះជួយខេត្តស្វាយរៀងណែនាំមន្ត្រីបក្សត្រូវធ្វើគំរូដឹកនាំ និងអភិវឌ្ឍមូលដ្ឋាន

មន្ត្រីក្រសួងអប់រំ៖ ការសិក្សាមធ្យមសិក្សាជាស្ពានភ្ជាប់ផ្លូវជីវិត និងជាគ្រឹះសំខាន់សម្រាប់ការសិក្សាជាន់ខ្ពស់

ពលរដ្ឋភៀសសឹកចាប់ឆ្នោតជ្រើសរើសតូបលក់ដូរ នៅភូមិរង់ចាំ ជំហានដំបូងប្រមាណជា ៣០០តូប

តំណាងរាស្ត្រខេត្តត្បូងឃ្មុំ ជួបសំណេះសំណាលជាមួយអាជ្ញាធរមូលដ្ឋាន និងនិវត្តជនក្នុងស្រុកពញាក្រែក

មន្ទីរអប់រំរាជធានីភ្នំពេញប្រារព្ធខួបលើកទី២៧ ទិវាអន្តរជាតិសម្រាប់យុវជន ១២សីហា ឆ្នាំ២០២៦

មនុស្សបីនាក់ស្លាប់ បន្ទាប់ពីការបំផ្ទុះគ្រាប់បែកនៅភោជនីយដ្ឋានមួយក្នុងទីក្រុងមូស្គូ ប្រទេសរុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

មេដឹកនាំបេឡារុសនិយាយថា ពុំមានសង្គ្រាមទេ យើងមិនត្រូវការវាឡើយ

អ្នកគាំទ្រលោក Johnson លើកឡើងការវិលត្រឡប់មកកាន់តំណែងវិញដែលអាចធ្វើទៅបាន

សម្តេចតេជោ ហ៊ុន សែន ផ្តល់ការព្យាបាលដល់កុមារី កើតជំងឺអូទីហ្សឹមកម្រិតធ្ងន់ធ្ងរ ម្នាក់ នៅខេត្តសៀមរាប

ទណ្ឌកម្មរបស់អង្គការសហប្រជាជាតិកំណត់គោលដៅលើអ្នកដឹកនាំក្រុមជនអន្ធពាលហៃទី

អំពើហិង្សាកើតមានឡើង បន្ទាប់ពីអតីតនាយករដ្ឋមន្ត្រីប៉ាគីស្ថានត្រូវបានដកហូតសិទ្ធិបោះឆ្នោត

ប្រមុខ UN ធ្វើទស្សនកិច្ចនៅវៀតណាមក្នុងខួបទី៤៥ នៃការចូលជាសមាជិកអង្គការសហប្រជាជាតិ

សម្តេចតេជោ ហ៊ុន សែន បានហៅការចាកចេញរបស់ពលរដ្ឋពីរមណីយដ្ឋានអង្គរជាការចាកចេញដ៏វៃឆ្លាត

សម្តេចតេជោ ហ៊ុន សែនថ្លែងអំណរគុណដល់សប្បុរសជនបានចូលរួមកសាងវត្តរុនតាឯក ខេត្តសៀមរាប

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

មេដឹកនាំ​បេឡា​រុស​និយាយថា ពុំមាន​សង្គ្រាម​ទេ យើង​មិន​ត្រូវការ​វា​ឡើយ

អ្នកគាំទ្រ​លោក Johnson លើកឡើង​ការវិលត្រឡប់​មកកាន់​តំណែង​វិញ​ដែល​អាចធ្វើ​ទៅបាន​

សម្តេចតេជោ ហ៊ុន សែន​ ផ្តល់ការព្យាបាលដល់កុមារី កើតជំងឺអូទីហ្សឹមកម្រិតធ្ងន់ធ្ងរ ម្នាក់ នៅខេត្តសៀមរាប

ទណ្ឌកម្ម​របស់​អង្គការសហប្រជាជាតិ​កំណត់​គោលដៅលើ​អ្នកដឹកនាំ​ក្រុម​ជន​អន្ធពាល​ហៃ​ទី​

អំពើ​ហិង្សា​កើតមានឡើង ​បន្ទាប់ពី​អតីត​នាយករដ្ឋមន្ត្រី​ប៉ា​គី​ស្ថាន​ត្រូវ​បាន​ដកហូត​សិទ្ធិ​បោះឆ្នោត​

ប្រមុខ​ UN ធ្វើ​ទស្សនកិច្ច​នៅវៀតណាម​ក្នុង​ខួប​ទី​៤៥ នៃ​ការ​ចូល​ជា​សមាជិក​អង្គការសហប្រជាជាតិ​

សម្តេចតេជោ ហ៊ុន សែន បានហៅការចាកចេញរបស់ពលរដ្ឋពីរមណីយដ្ឋានអង្គរជាការចាកចេញដ៏វៃឆ្លាត

សម្តេចតេជោ ហ៊ុន សែនថ្លែងអំណរគុណដល់សប្បុរសជនបានចូលរួមកសាងវត្តរុនតាឯក ខេត្តសៀមរាប

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មេដឹកនាំបេឡារុសនិយាយថា ពុំមានសង្គ្រាមទេ យើងមិនត្រូវការវាឡើយ

អ្នកគាំទ្រលោក Johnson លើកឡើងការវិលត្រឡប់មកកាន់តំណែងវិញដែលអាចធ្វើទៅបាន

សម្តេចតេជោ ហ៊ុន សែន ផ្តល់ការព្យាបាលដល់កុមារី កើតជំងឺអូទីហ្សឹមកម្រិតធ្ងន់ធ្ងរ ម្នាក់ នៅខេត្តសៀមរាប

ទណ្ឌកម្មរបស់អង្គការសហប្រជាជាតិកំណត់គោលដៅលើអ្នកដឹកនាំក្រុមជនអន្ធពាលហៃទី

អំពើហិង្សាកើតមានឡើង បន្ទាប់ពីអតីតនាយករដ្ឋមន្ត្រីប៉ាគីស្ថានត្រូវបានដកហូតសិទ្ធិបោះឆ្នោត

ប្រមុខ UN ធ្វើទស្សនកិច្ចនៅវៀតណាមក្នុងខួបទី៤៥ នៃការចូលជាសមាជិកអង្គការសហប្រជាជាតិ