BTV NEWS

សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ

សម្ដេចតេជោ ហ៊ុន សែន៖«២០ មិថុនា ១៩៧៧ ជីវិតរបស់ខ្ញុំ និងភរិយាពេលនោះជួបជាមួយគ្រោះថ្នាក់ និងលំបាកវេទនាខ្លាំងណាស់»

កាកបាទក្រហមកម្ពុជា ទទួលថវិកាពីសមាគមឧកញ៉ាកម្ពុជាចំនួន ១,០០៩,៩៩៩ ដុល្លារ អាមេរិក ក្នុងទិវា ៨ឧសភា ២០២៦

TOP STORY | សម្ដេចតេជោ ហ៊ុន សែន៖ «ពេលណាព្រំដែនគោកកម្ពុជា-ថៃនៅតែបន្តបិទ គ្រប់មុខទំនិញទាំងអស់ដែលនាំចូលឆ្លងកាត់ព្រំដែនគោកគឺទំនិញខុសច្បាប់ ជាទំនិញរត់ពន្ធ ជាទំនិញបំផ្លាញជាតិ និងប្រមាថជាតិ

ព័ត៌មានសំខាន់ៗ

សម្ដេចតេជោ ហ៊ុន សែន បញ្ជាឱ្យស្ថាប័នពាក់ព័ន្ធពង្រីកប្រព័ន្ធស្បៀង ឆ្លើយតបគ្រោះមហន្តរាយ

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី បានជំរុញស្ថាប័នពាក់ព័ន្ធ ត្រូវពង្រឹង និងពង្រីកប្រព័ន្ធស្បៀង ដើម្បីឆ្លើយតបបញ្ហាគ្រោះមហន្តរាយ ដែលកម្ពុជាបាន និងកំពុងជួបប្រទះស្ទើរជារៀងរាល់ឆ្នាំ ។យោងតាមសារលិខិត ក្នុងឱកាសទិវាជាតិគ្រប់គ្រងគ្រោះមហន្តរាយ១៣ តុលា ឆ្នាំ២០២២នេះ ក្រោមមូលបទ “រួមគ្នាដើម្បីលើកកម្ពស់តុល្យការសកម្មភាពមូលដ្ឋានីយកម្ម សម្រាប់ភាពធន់ នឹងគ្រោះមហន្តរាយ” សម្ដេចតេជោនាយករដ្ឋមន្ត្រី មានប្រសាសន៍ថា រហូតមកដល់ពេលនេះ ពិភពលោកកំពុងទទួលឥទ្ធិពល នៃការប្រែប្រួលអាកាសធាតុ បណ្ដាលឲ្យកើតមានគ្រោះមហន្តរាយធំៗជាច្រើន ខណៈកម្ពុជាស្ទើរជារៀងរាល់ឆ្នាំ បានរងប៉ះពាល់ពីទឹកជំនន់ រាំងស្ងួត ខ្យល់កន្ត្រាក់ រន្ទះបាញ់ បាក់ច្រាំងទន្លេ និងគ្រោះមហន្តរាយផ្សេងៗទៀត ។ដើម្បីឲ្យស្របតាមទស្សនវិស័យ នៃនយោបាយឈ្នះ ឈ្នះ! គឺឈ្នះសេដ្ឋកិច្ច ឈ្នះគ្រោះមហន្តរាយ សម្ដេចតេជោ បានអំពាវនាវពលរដ្ឋបន្តអនុវត្ត ៣កុំ ៣ការពារ និងចាក់វ៉ាក់សាំងឲ្យបានគ្រប់ដូស, ស្ថាប័នពាក់ព័ន្ធត្រូវបន្តពង្រឹងសមត្ថភាព លើការយល់ដឹងអំពីហានិភ័យគ្រោះហន្តរាយ ដាក់តាមដានមុខសញ្ញាគ្រោះថ្នាក់ ព័ត៌មានព្យាករណ៍ និងប្រកាសព័ត៌មានជាមុនអំពីហេតុការណ៍ និងគ្រោះថ្នាក់ដែលអាចកើត មានដោយគ្រោះហន្តរាយ ។សម្ដេចតេជោនាយករដ្ឋមន្ត្រី បន្ថែមថា “ក្រសួងសេដ្ឋកិច្ច និងហិរញ្ញវត្ថុ ក្រសួងកសិកម្ម រុក្ខាប្រមាញ់ និងនេសាទ និងគណៈកម្មាធិការជាតិគ្រប់គ្រងគ្រោះមហន្តរាយ បន្តពង្រឹង និងពង្រីកប្រព័ន្ធស្បៀងបម្រុងកម្ពុជា ដើម្បីធានាថាប្រជាជនរងគ្រោះ នឹងត្រូវបានដោះស្រាយបញ្ហាសន្តិសុខស្បៀង មានគ្រាប់ពូជសម្រាប់ស្តារការដាំដុះ និងមានសាច់ប្រាក់ បម្រុងដើម្បីដោះស្រាយតម្រូវការផ្សេងៗទៀត ដែលមិនមែនជាស្បៀងនិងគ្រាប់ពូជ” ។សម្ដេចតេជោ ហ៊ុន សែន បានជំរុញឲ្យមានភាពម្ចាស់ការ ធ្វើសកម្មភាពកាត់បន្ថយហានិភ័យគ្រោះមហន្តរាយ, សម្រាប់វិនិយោគិន ធុរជន ម្ចាស់សហគ្រាស...[]...សូមវិភាជទុនបង្កើតប្រព័ន្ធការពារគ្រោះថ្នាក់ការងារ រៀបចំហេដ្ឋារចនាសម្ព័ន្ធធន់ បង្កើតទីសុវត្ថិភាព។ ចំណែកគណៈកម្មាធិការជាតិគ្រប់គ្រងគ្រោះមហន្តរាយ ត្រូវសម្របសម្រួលដឹកនាំការរៀបចំគោលនយោបាយ ជាតិស្តីពីកិច្ចទទួលខុសត្រូវផ្នែកសង្គម នៅក្នុងការគ្រប់គ្រងគ្រោះមហន្តរាយ ។ នាយករដ្ឋមន្ត្រី បានបន្តទៀតថា ក្រសួង ស្ថានប័នពាក់ព័ន្ធ ត្រូវសហការជាមួយគណៈកម្មាធិការជាតិគ្រប់គ្រងគ្រោះមហន្តរាយ រួមជាមួយជំនាញ ដៃគូវិនិយោគ និងដៃគូអភិវឌ្ឍន បង្កើនសមត្ថភាព លើការងាគ្រប់គ្រងគ្រោះមហន្តរាយ ហើយត្រូវត្រួតពិនិត្យ និងរៀបចំផែនការត្រៀមបម្រុងរបស់ខ្លួន និងត្រូវត្រៀមបម្រុងនូវធនធាន មធ្យោបាយ និងសម្ភារៈក្នុងការជួយសង្រ្គោះពេលមានគ្រោះមហន្តរាយផ្តល់ការ ឧបត្ថម្ភគាំទ្រដល់ប្រជាជនដែលរងគ្រោះ និងស្តារឡើងវិញក្រោយគ្រោះមហន្តរាយ នៅក្នុងដែនសមត្ថកិច្ច នៃវិស័យរបស់ខ្លួន ៕ (ដោយ៖ បាន សុខរិទ្ធិ)

មន្ត្រីជាន់ខ្ពស់ទីក្រុង Kiev និយាយថា រុស្ស៊ីបានផ្លាស់ប្ដូរវិធីសាស្ត្រសង្គ្រាមរបស់ខ្លួននៅក្នុងប្រទេសអ៊ុយក្រែន

អ៊ុយក្រែន៖ រដ្ឋមន្ត្រីក្រសួងថាមពលអ៊ុយក្រែនលោក German Galushchenko បានប្រាប់ទូរទស្សន៍ CNN ថា ប្រហែល ៣០% នៃហេដ្ឋារចនាសម្ព័ន្ធរបស់អ៊ុយក្រែនត្រូវបានបំផ្លិចបំផ្លាញ បន្ទាប់ពីការវាយប្រហារ ២ថ្ងៃជាប់ៗគ្នាដោយមីស៊ីលរបស់រុស្ស៊ី។ ទីក្រុង Moscow បានហៅការវាយប្រហារកាលពីថ្ងៃចន្ទ និងថ្ងៃអង្គារថា ជាការឆ្លើយតបទៅនឹងការវាយប្រហារភេរវកម្មរបស់អ៊ុយក្រែនមកលើទឹកដីរុស្ស៊ី។ យោងតាមបណ្តាញព័ត៌មានសហរដ្ឋអាមេរិក មន្ត្រីជាន់ខ្ពស់អ៊ុយក្រែនរូបនេះបាននិយាយកាលពីថ្ងៃអង្គារថា វាជាលើកដំបូងហើយចាប់តាំងពីការចាប់ផ្តើមនៃសង្គ្រាម ដែលបានជួបប្រទះការវាយប្រហារទ្រង់ទ្រាយធំរបស់រុស្ស៊ីលើហេដ្ឋារចនាសម្ព័ន្ធរបស់ប្រទេសលោក។ លោកបានវាយតម្លៃថា អឺរ៉ុបក៏បានរងផលប៉ះពាល់ដែរដោយសារសង្គ្រាមតំណាងនេះ ព្រោះទីក្រុង Kiev បានផ្អាកការនាំចេញថាមពលអគ្គិសនី។ លោក Galushchenko បានបញ្ជាក់ថា អ៊ុយក្រែនជួយបណ្ដាប្រទេសនៅអឺរ៉ុបដើម្បីសង្គ្រោះលើការផ្គត់ផ្គង់ឧស្ម័ន និងធ្យូងថ្មរបស់រុស្ស៊ី និងចង់តភ្ជាប់វិញឲ្យបានឆាប់ពីប្រភពផ្សេងទៀត។មេបញ្ជាការកងទ័ពទើបត្រូវបានតែងតាំងថ្មីនៃកងកម្លាំងរុស្ស៊ីក្នុងប្រទេសអ៊ុយក្រែន លោក Sergey Surovikin កំពុងព្យាយាមបង្ហាញលទ្ធផលឲ្យបានលឿនដល់លោក Vladimir Putin ដោយការវាយប្រហារលើហេដ្ឋារចនាសម្ព័ន្ធសំខាន់ៗរបស់អ៊ុយក្រែន ខណៈដែលប្រធានចារកម្មនៃក្រសួងការពារជាតិរុស្ស៊ីបានរាយការណ៍ថា នេះគឺជារបៀបបំពេញការងាររបស់មេបញ្ជាការថ្មីរូបនេះ៕អត្ថបទ៖ សុខមាន

សម្តេចតេជោ ហ៊ុន សែន ៖ អាស៊ានជាសហគមន៍ពហុវប្បធម៌ ដែលតម្រូវឱ្យយើងរួមគ្នាខិតខំ ក្នុងភាពចម្រុះ សំដៅសម្រេចបាននូវការយល់ដឹងឱ្យកាន់តែទូលំទូលាយជាងមុន

ភ្នំពេញ៖ សម្តេចតេជោ ហ៊ុន សែន មានប្រសាសន៍ថា អាស៊ាន គឺជាសហគមន៍ពហុវប្បធម៌ ដែលតម្រូវឱ្យយើងរួមគ្នាខិតខំ ក្នុងភាពចម្រុះ សំដៅសម្រេចបាននូវការយល់ដឹងឱ្យកាន់តែទូលំទូលាយជាងមុន ក្នុងចំណោមប្រជាជាតិរបស់យើង ជាពិសេសយុវជនអាស៊ាន ដើម្បីលើកកម្ពស់ភាពធន់ និងការយល់គ្នាទៅវិញទៅមក។ថ្លែងក្នុងពិធីបើកកិច្ចប្រជុំក្រុមប្រឹក្សាសហគមន៍ សង្គម វប្បធម៌អាស៊ានលើកទី២៨ នៅសណ្ឋាគារសុខាភ្នំពេញ នាព្រឹកថ្ងៃទី១៣ ខែតុលា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី និងជាប្រធានអាស៊ាន ប្រកាសថា ដើម្បីសម្រេចបាន «ចក្ខុវិស័យមួយ,អត្តសញ្ញាណមួយ និងសហគមន៍មួយ» ក្នុងនាមប្រធានអាស៊ាន ឆ្នាំ២០២២នេះ កម្ពុជាបានកំណត់មូលបទ «អាស៊ានរួមធ្វើ៖ ដោះស្រាយបញ្ហាប្រឈមជាមួយគ្នា»។សម្តេចតេជោ ហ៊ុន សែន បន្តថា ដោយសារការរួមគ្នា, ការទទួលបានជោគជ័យលើការគ្រប់គ្រងជំងឺកូវីដ-១៩ បានផ្តល់ឱកាសឱ្យយើងទាំងអស់គ្នា(អាស៊ាន)អាចចាប់ផ្តើមឡើងវិញ នូវដំណើរការសេដ្ឋកិច្ច និងសង្គមពេញលេញ ព្រមទាំងជំរុញអនុវត្តយុទ្ធសាស្ត្រានានា សម្រាប់ស្តារសេដ្ឋកិច្ច និងសង្គមឡើងវិញ។សម្តេចតេជោ ហ៊ុន សែន ប្រកាសថា ដើម្បីស្តារសេដ្ឋកិច្ចសង្គមតំបន់អាស៊ាន ប្រកបដោយភាពធន់ និងចីរភាព អាស៊ានចាំបាច់ត្រូវពង្រឹងកិច្ចសហប្រតិបត្តិការ និងបង្កើនការយកចិត្តទុកដាក់លើការគាំពារ និងអភិវឌ្ឍមូលធនមនុស្សតាមរយៈ ការធ្វើឌីជីថលូបនីយកម្ម,ការអភិវឌ្ឍសុខភាពសាធារណៈ និងប្រព័ន្ធគាំពារសង្គម និងពង្រឹងវិស័យអប់រំ និងជំនាញ។សម្តេចតេជោ ហ៊ុន សែន បញ្ជាក់ថា ការបន្តពង្រឹងការផ្សារភ្ជាប់រវាងប្រជាជន និងប្រជាជន គឺជាកិច្ចការអភិភាពដ៏សំខាន់មួយ ដែលនឹងជួយលើកកម្ពស់ការយល់ដឹងពីគុណតម្លៃ និងអត្តសញ្ញាណអាស៊ាន ក្នុងស្រទាប់យុវជន ព្រមទាំងពង្រឹងតួនាទីយុវជនក្នុងការចូលរួមកសាងសហគមន៍អាស៊ានប្រកបដោយការទទួលខុសត្រូវ៕

មហាសន្និបាតអង្គការសហប្រជាជាតិថ្កោលទោសការដាក់ដែនដីអ៊ុយក្រែនទៅក្នុងឧបសម្ព័ន្ធរបស់រុស្ស៊ី

UN៖ មហាសន្និបាតអង្គការសហប្រជាជាតិថ្កោលទោស ការប៉ុនប៉ងការបញ្ចូលក្នុងឧបសម្ព័ន្ធដោយខុសច្បាប់របស់រុស្ស៊ីនៃតំបន់ចំនួន៤ របស់អ៊ុយក្រែនដោយសំឡេងគាំទ្រ ១៤៣ ទល់នឹង ៥។ មហាសន្និបាតអង្គការសហប្រជាជាតិបានបោះឆ្នោត ថ្កោលទោសការប៉ុនប៉ងដាក់បញ្ចូលទៅក្នុងឧបសម្ព័ន្ធដោយខុសច្បាប់នៃតំបន់ចំនួន៤ ដែលត្រូវបានគ្រប់គ្រងដោយផ្នែកនៅក្នុងប្រទេសអ៊ុយក្រែន និងបានជំរុញបណ្ដាប្រទេសកុំឲ្យទទួលស្គាល់សកម្មភាពនេះ។ ក្នុងការបោះឆ្នោតកាលពីថ្ងៃពុធដោយមានសំឡេង ៣ភាគ៤ នៃសមាជិកមហាសន្និបាតចំនួន ១៩៣ប្រទេស ក្នុងនោះមាន ១៤៣ប្រទេសបានគាំទ្រសេចក្ដីសម្រេចមួយ ដែលបានបញ្ជាក់ឡើងវិញផងដែរពីអធិបតេយ្យភាព ឯករាជ្យ ឯកភាព និងបូរណភាពទឹកដីរបស់អ៊ុយក្រែននៅក្នុងព្រំដែន ដែលត្រូវបានទទួលស្គាល់ជាអន្តរជាតិ។ប្រទេសចំនួន៤ ដែលបានចូលរួមជាមួយរុស្ស៊ី ក្នុងការបោះឆ្នោតប្រឆាំងនឹងសេចក្ដីសម្រេចនេះមានស៊ីរី, នីការ៉ាហ្គ័រ, កូរ៉េខាងជើង និងបេឡារុស។ ប្រទេសចំនួន ៣៥ទៀតអនុបវាទរួមមានចិន, ឥណ្ឌា, អាហ្វ្រិកខាងត្បូង និងប៉ាគីស្ថានផងដែរ ហើយប្រទេសនៅសល់ផ្សេងទៀតពុំបានបោះទេ៕អត្ថបទ៖ សុខមាន

រដ្ឋសភានឹងប្រជុំបោះឆ្នោតផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ នៅព្រឹកថ្ងៃទី១៤ ខែតុលា ស្អែកនេះ

ភ្នំពេញ៖ គណៈកម្មាធិការអចិន្ត្រៃយ៍រដ្ឋសភា បានបើកកិច្ចប្រជុំក្រោមអធិបតីភាព សម្ដេចអគ្គមហាពញាចក្រី ហេង សំរិន ប្រធានរដ្ឋសភា នាព្រឹកថ្ងៃព្រហស្បតិ៍ ទី១៣ ខែតុលា ឆ្នាំ២០២២ នៅសាលប្រជុំគណៈកម្មាធិការអចិន្រ្តៃយ៍រដ្ឋសភា។ អង្គប្រជុំបានធ្វើការពិភាក្សា និងអនុម័តយល់ព្រម សំណើសុំបោះឆ្នោតផ្តល់សេចក្តីទុកចិត្តលើការបំពេញបន្ថែមសមាសភាពសមាជិកនៃរាជរដ្ឋាភិបាលដល់ ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ដើម្បីដាក់ជូនរដ្ឋសភាបោះឆ្នោតផ្តល់សេចក្តីទុកចិត្ត ក្នុងសម័យប្រជុំរដ្ឋសភានាពេលខាងមុខ។អង្គប្រជុំក៏បានអនុម័តកាលបរិច្ឆេទ បន្តសម័យប្រជុំរដ្ឋសភា លើកទី៨ នីតិកាលទី៦ នៅព្រឹកថ្ងៃសុក្រ ៤រោច ខែអស្សុជ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៤ ខែតុលា ឆ្នាំ២០២២ វេលាម៉ោង ៨:០០នាទី ដោយមានរបៀបវារៈ ការបោះឆ្នោតផ្តល់សេចក្តីទុកចិត្ត លើការបំពេញបន្ថែមសមាសភាពសមាជិកនៃរាជរដ្ឋាភិបាលដល់ ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ៕

សម្តេចតេជោ ហ៊ុន សែន អញ្ជើញជាអធិបតី បើកកិច្ចប្រជុំក្រុមប្រឹក្សា សហគមន៍ សង្គម វប្បធម៌អាស៊ានលើកទី២៨

ភ្នំពេញ៖ នៅព្រឹកថ្ងៃទី១៣ ខែតុលា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានអាស៊ាន បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីបើកកិច្ចប្រជុំក្រុមប្រឹក្សាសហគមន៍ សង្គម វប្បធម៌អាស៊ានលើកទី២៨ ដែលកិច្ចប្រជុំនេះ ធ្វើឡើងនៅសណ្ឋាគារ សុខាភ្នំពេញ។ កិច្ចប្រជុំនេះមានការអញ្ជើញចូលរួមពីសំណាក់រដ្ឋមន្ត្រីសហគមន៍សង្គម វប្បធម៌អាស៊ាន អគ្គលេខាធិការអាស៊ាន រដ្ឋមន្ត្រីស្ថាប័នក្រោមវិស័យសហគមន៍សង្គម វប្បធម៌អាស៊ាន ឧត្តមមន្ត្រីសហគមន៍សង្គមវប្បធម៌អាស៊ាន ឧត្តមមន្ត្រីវិស័យក្រោមសហគមន៍សង្គម វប្បធម៌អាស៊ាន អគ្គលេខាធិការរងអាស៊ាន តំណាងអចិន្ត្រៃយ៍សហគមន៍សង្គម វប្បធម៌អាស៊ាន ប្រតិភូអម និងមន្ត្រីពាក់ព័ន្ធជាច្រើនរូបទៀត។ខាងក្រោមនេះជាសន្ទរកថាទាំងស្រុងរបស់សម្តេចតេជោ ហ៊ុន សែន ៖

សម្តេចតេជោ៖កម្ពុជា កំណត់ និង ជំរុញការលើកតម្កើង ស្រ្តីជាឆ្អឹងខ្នង នៃការអភិវឌ្ឍសង្គម-សេដ្ឋកិច្ចជាតិ

ភ្នំពេញ ៖ ថ្លែងក្នុងពិធីបើក កិច្ចប្រជុំកំពូលស្រ្តីអាស៊ាន លើកទី ២ ក្រោមប្រធានបទ “ការកសាងអនាគតប្រកបដោយចីរភាព បរិយាបន្ន និង កាន់តែរឹងមាំ ៖ បំផុសសហគ្រិនភាពរបស់ស្ត្រីនៅក្នុងអាស៊ាន” នៅវិមានសន្តិភាពរសៀលថ្ងៃទី១២តុលានេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជានិងជាប្រធានអាស៊ានឆ្នាំ២០២២បានថ្លែងថា៖រាជរដ្ឋាភិបាលកម្ពុជា បានកំណត់ និង ជំរុញការលើកតម្កើង ស្រ្តីជាឆ្អឹងខ្នង នៃការអភិវឌ្ឍសង្គម-សេដ្ឋកិច្ចជាតិ ។សម្តេចបានលើកឡើងថា៖អាស៊ាន គឺជាតំបន់ ដែលមានសក្តានុពលសេដ្ឋកិច្ចខ្ពស់ និង ការអភិវឌ្ឍយ៉ាងឆាប់រហ័ស ជាពិសេសដោយសារការចូលរួមដ៏សកម្មរបស់ស្ត្រី ។ សេដ្ឋកិច្ចនៃបណ្តាប្រទេសក្នុងអាស៊ាន ពឹងផ្អែកខ្លាំង លើសហគ្រាសធុនមីក្រូ, តូច និង មធ្យម ដែលដឹកនាំដោយស្ត្រី ។ ជាក់ស្ដែង, កម្ពុជាមានសហគ្រាស ធុនមីក្រូ, តូច និង មធ្យម រហូតដល់ទៅ ៩៨% នៃចំនួនសហគ្រាសសរុប ដែលបានចូលរួមចំណែក ដល់សេដ្ឋកិច្ចជាតិ ប្រមាណ ៥៨% និង បានផ្តល់ការងារប្រមាណ ៧៣% នៃការងារសរុប ។ ក្នុងនោះ ស្ត្រី គឺជាអ្នកបង្កើត និង គ្រប់គ្រងប្រមាណ ៦១% នៃចំនួនសរុប នៃសហគ្រាសធុនមីក្រូ, តូច និង មធ្យម ។ ការណ៍នេះ បានធ្វើឱ្យរាជរដ្ឋាភិបាលកម្ពុជា កំណត់ និង ជំរុញការលើកតម្កើង ស្រ្តីជាឆ្អឹងខ្នង នៃការអភិវឌ្ឍសង្គម-សេដ្ឋកិច្ចជាតិ តាមរយៈការបង្កើនការវិនិយោគលើសមភាពយេនឌ័រ និង ការលើក កម្ពស់តួនាទីរបស់ស្ត្រី នៅក្នុងកិច្ចអភិវឌ្ឍនៅគ្រប់វិស័យ និង គ្រប់កម្រិត ។ ក្នុងក្របខណ្ឌអាស៊ាន ទាំងបច្ចុប្បន្ន និង ទៅអនាគត, ស្ត្រី នឹងបន្តដើរតួនាទីជាតួអង្គដ៏សំខាន់ ជាពិសេសក្នុងការស្ដារ និង ជំរុញកំណើនសេដ្ឋកិច្ចអាស៊ានឡើងវិញ ប្រកបដោយចីរភាព បរិយាបន្ន និង ភាពរឹងមាំ ។ ការណ៍នេះ ទាមទារឱ្យមានការរួមសាមគ្គី និងសហការគ្នាបង្កើតប្រព័ន្ធអេកូឡូស៊ី ដែលអំណោយផលដល់ការរីកលូតលាស់របស់សហគ្រិន និងការចូលរួមសហការដោះស្រាយ បញ្ហាប្រឈមផ្សេងៗ ។សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ផ្តល់អនុសាសន៍ក្នុងការដោះស្រាយនូវបញ្ហាប្រឈម ក៏ដូចជាបំផុសសក្កានុពលសហគ្រិនស្ត្រីនិងបង្កភាពងាយស្រួលក្នុងការចសប់យកកាលានុវត្តភាព និងសក្កានុពលថ្មីៗនានា ដោយអោយគួរពិនិត្យ និងផ្តល់ការយកចិត្តទុកដាក់លើកិច្ចការមួយចំនួនដូចជា១. រៀបចំប្រព័ន្ធអេកូឡូស៊ី (Ecosystem) ដែើឆ្លើយតបទៅនឹងតម្រូវការរបស់សហគ្រាសធុន មីក្រូ តូច និងមធ្យម និងសហគ្រិនស្ត្រី រួមទាំងការកែលំអ នូវក្របខណ្ឌគតិយុត្ត និងផ្នត់គំនិតសង្គម ដែលរារាំងដល់សក្កានុពលរបស់ស្ត្រីក្នុងវិស័យសេដ្ឋកិច្ច។២. ផ្តោតការយកចិត្តទុកដាក់លើការអភិវឌ្ឍអនធសនមនុស្ស តាមរយៈកម្មវិធីលើកកម្ពស់ជំនាញ(Upskilling) និងបណ្តុះបណ្តាលជំនាញថ្មី(Re-skilling) ដល់ស្ត្រី និងក្មេងស្រី រួមទាំងកម្មវិធីអប់រំផ្នែកវិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា(STEM)។៣. លើកកម្ពស់បរិយាបន្នហិរញ្ញាវត្ថុ និងឌីជីថល សម្រាប់ស្ត្រីនិងក្មេងស្រី តាមរយៈការផ្តល់ចំណេះដឹងផ្នែកហិរញ្ញាវត្ថុ និងឌីជីថល( Financial and Digital Literacy) និងការសម្រួលលទ្ធភាពទទួលឥណទាន ទីផ្សារ និងព័ត៌មាន ក្នុងការចាប់ផ្តើមនិងអភិវឌ្ឍអាជីវកម្ម។ ៤. ពង្រីកវិសាលភាពគ្របដណ្តប់នៃប្រព័ន្ធគាំពារសង្គម វិធានការគោលនយោបាយនានា ផ្នែកគាំពារសុខភាពគ្រួសារ និងការឆ្លើយតបលើការងារថែទាំគ្រួសារ និងការងារផ្ទះរបស់ស្ត្រី ព្រមទាំងការវិនិយោគសាធារណៈ លើវិស័យសេវាថែទាំ និងសុខុមាភាពសង្គម។ អនុសាសន៍នេះក៏ស្របភាពជាក់ស្តែង សម្តេចតេជោ ហ៊ុន សែន លើកឡើងថា សហគ្រិនភាពរបស់ស្ត្រីនៅក្នុងំបន់អាស៊ាន បាននឹងកំពុងប្រឈមនឹងឧបសគ្គជាច្រើន ក្នុងការអភិវឌ្ឍ និងការគ្រប់គ្រងសហគ្រាស ជាពិសេសនៅតាមតំបន់ទីជនបទ។ ម្យ៉ាងវិញទៀត ស្ត្រីភាគច្រើនចាប់ផ្តើមដំណើរការអាជីវកម្មនៅកម្រិតមីក្រូ , កម្រិតតូចៗ និងស្ថិតនៅក្រៅប្រព័ន្ធ ដោយភាគច្រើនលើសលប់មិនទាន់បានចុះបញ្ជីអាជីវកម្មផ្លូវការនៅឡើយ ដែលអាច់បង្កឲ្យមានការលំបាកដល់រាជរដ្ឋាភិបាល ក្នុងការកំណត់ និងផ្តល់ការគាំទ្រតាមការចាំបាច់។សម្តេចបន្តថា៖កិច្ចប្រជុំកំពូលស្ត្រីអាស៊ាន លើកទី ២ ដែលមានការអញ្ជើញចូលរួមពីសំណាក់ថ្នាក់ដឹកនាំកំពូល នៃបណ្តាប្រទេសអាស៊ាន និង ប្រទេសជាដៃគូ គឺជាសក្ខីភាព ដែលឆ្លុះបញ្ចាំងឱ្យឃើញពីការប្តេជ្ញាចិត្ត ដ៏មុតមាំ ក្នុងការរួមសាមគ្គី និង សហការគ្នាលើកកម្ពស់សហគ្រិនភាពរបស់ស្ត្រី ។ ជាក់ស្តែង, នៅក្នុង កិច្ចប្រជុំនាថ្ងៃនេះ, យើងនឹងពិភាក្សា និងផ្តល់យោបល់លើការរៀបចំ សេចក្ដីថ្លែងការណ៍ ស្តីពីការ ក សាងអនាគតប្រកបដោយចីរភាព បរិយាបន្ន និង កាន់តែរឹងមាំ ៖ បំផុសសហគ្រិនភាពរបស់ស្ត្រីនៅក្នុង អាស៊ាន។ សម្តេចសង្ឃឹមថា ថ្នាក់ដឹកនាំនៃបណ្តាប្រទេសអាស៊ាន និង ប្រទេសជាដៃគូ ទាំងអស់ នឹងផ្តល់ ការគាំទ្រដល់សេចក្ដីថ្លែងការណ៍នេះ ៕

សម្តេចតេជោ ហ៊ុន សែន ៖ កម្ពុជាកំណត់ និងជំរុញការលើកតម្កើងស្ត្រីជាឆ្អឹងខ្នងនៃការអភិវឌ្ឍសង្គម-សេដ្ឋកិច្ចជាតិ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី និងប្រធានអាស៊ាន បានបញ្ជាក់ថា រាជរដ្ឋាភិបាលកម្ពុជាកំណត់ និង ជំរុញការលើកតម្កើងស្ត្រីជាឆ្អឹងខ្នងនៃការអភិវឌ្ឍសង្គម-សេដ្ឋកិច្ចជាតិ។ថ្លែងក្នុងឱកាសបើក កិច្ចប្រជុំកំពូលស្ត្រីអាស៊ានលើកទី២(2nd ASEAN WOMEN LEADERS’ SUMMIT 2022) ធ្វើឡើងដោយផ្ទាល់ និងតាមរយៈប្រព័ន្ធវីដេអូនៅវិមានសន្តិភាពនារៀលថ្ងៃទី១២ខែតុលា ឆ្នាំ២០២២នេះសម្តេចតេជោ ហ៊ុន សែន បានបញ្ជាក់ថា តាមរយៈការបង្កើនការវិនិយោគលើសមភាពយេនឌ័រ និងការលើកកម្ពស់តួនាទីស្ត្រី នៅក្នុងកិច្ចអភិវឌ្ឍនៅគ្រប់វិស័យនិងគ្រប់កម្រិត គឺជាកិច្ចការចាំបាច់ ខណៈដែលនៅកម្ពុជា ស្ត្រីជាអ្នកបង្កើត និងគ្រប់គ្រងប្រមាណ ៦១ភាគរយ នៃចំនួនសរុប នៃសហគ្រាសធុនមីក្រូ , តូច និងមធ្យម។សម្តេចតេជោ ហ៊ុន សែន បានបញ្ជាក់ថា ក្នុងក្រខណ្ឌអាស៊ានពេលបច្ចុប្បន្ន និងអនាគត ស្ត្រីនឹងដើរតួនាទីជាតួអង្គដ៏សំខាន់ ជាពិសេសការស្តារ និងជំរុញកំណើនសេដ្ឋកិច្ចអាស៊ានឡើងវិញ ប្រកបដោយចីរភាព បរិយាបន្ន និងភាពរឹងមាំ៕

សុន្ទរកថាទាំងស្រុងរបស់សម្ដេចតេជោ ហ៊ុន សែន ថ្លែងបើកកិច្ចប្រជុំកំពូលស្ត្រីអាស៊ានលើកទី២ ធ្វើឡើងដោយផ្ទាល់ និងតាមរយៈប្រព័ន្ធវីដេអូ នៅវិមានសន្តិភាព

ភ្នំពេញ៖ សុន្ទរកថាទាំងស្រុងរបស់សម្ដេចតេជោ ហ៊ុន សែន នាយករដ្ឋមន្ត្រី និងជាប្រធានអាស៊ាន ក្នុង ឱកាសបើក កិច្ចប្រជុំកំពូលស្ត្រីអាស៊ានលើកទី២(2nd ASEAN WOMEN LEADERS’ SUMMIT 2022) ធ្វើឡើងដោយផ្ទាល់ និងតាមរយៈប្រព័ន្ធវីដេអូ នៅវិមានសន្តិភាព។

យោធាមីយ៉ាន់ម៉ាកាត់ទោសលោកស្រី Suu Kyi ឲ្យជាប់ពន្ធនាគារ ៣ឆ្នាំទៀតពីបទទទួលសំណូក

មីយ៉ាន់ម៉ា៖ ប្រភពមួយដែលដឹងច្បាស់អំពីបញ្ហាបាននិយាយថា តុលាការសហភាពមីយ៉ាន់ម៉ាដែលគ្រប់គ្រងដោយយោធានៅថ្ងៃពុធនេះ បានកាត់ទោសមេដឹកនាំដែលត្រូវបានទម្លាក់ពីតំណែងលោកស្រី Aung San Suu Kyi ឲ្យជាប់ពន្ធនាគាររយៈពេល ៣ឆ្នាំបន្ថែមទៀតដោយចោទប្រកាន់ពីបទពុករលួយ។ លោកស្រី Suu Kyi អាយុ ៧៧ឆ្នាំជាមេដឹកនាំប្រឆាំងរបបយោធា ប្រឈមមុខនឹងការចោទប្រកាន់យ៉ាងហោចណាស់ ១៨ករណី មានចាប់ពីអំពើពុករលួយរហូតដល់ការរំលោភលើការបោះឆ្នោត ដែលមានរយៈពេលជាប់ទោសអតិបរមារួមបញ្ចូលគ្នាជិត ១៩០ឆ្នាំ។ លោកស្រី Aung San Suu Kyi បានចាត់ទុកការចោទប្រកាន់មកលើលោកស្រីថា មិនសមហេតុផល និងបានបដិសេធរាល់ការប្រព្រឹត្តខុស។ លោកស្រីកំពុងត្រូវបានឃុំខ្លួនក្នុងរដ្ឋធានី Naypyitaw។ ប្រភពព័ត៌មានបាននិយាយថា ការចោទប្រកាន់ចុងក្រោយលើលោកស្រី Aung San Suu Kyi គឺទាក់ទងទៅនឹងការទទួលយកសំណូកពីពាណិជ្ជករម្នាក់។លោកស្រី Suu Kyi ត្រូវបានកាត់ទោសឱ្យជាប់ពន្ធនាគាររយៈពេល ៣ឆ្នាំលើបទចោទប្រកាន់ចំនួន ២ ដើម្បីអនុវត្តទោសក្នុងពេលដំណាលគ្នា។ ក្រុមប្រឆាំងយោធានិយាយថា ការចោទប្រកាន់លើលោកស្រី Suu Kyi មានគោលបំណងរារាំងលោកស្រីមិនឲ្យចូលរួមក្នុងឆាកនយោបាយជាថ្មីម្តងទៀត ឬព្យាយាមប្រឆាំងការកាន់កាប់អំណាចរបស់យោធាចាប់តាំងពីរដ្ឋប្រហារកាលពីឆ្នាំមុន។ របបសឹកមីយ៉ាន់ម៉ាទទូចថា តុលាការមីយ៉ាន់ម៉ាគឺឯករាជ្យ ហើយអ្នកទាំងឡាយណាដែលត្រូវបានចាប់ខ្លួនកំពុងទទួលបានដំណើរការត្រឹមត្រូវ៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់តំណាងនាំយកទេយ្យវត្ថុ និងបច្ច័យ ថ្វាយប្រគេនសម្ដេចព្រះមហាសង្ឃរាជ នន្ទ ង៉ែត

ករណីនាំសាច់បង្កកមកពីថៃជាង២០០តោន : តំណាងអយ្យការចោទប្រកាន់ជនសង្ស័យ ២នាក់

ក្រសួងបរិស្ថានគាំទ្រសហគមន៍តំបន់ការពារធម្មជាតិនៅកម្ពុជា ចូលរួមការពារនិងអភិរក្សធនធានធម្មជាតិ និងលើកកម្ពស់ជីវភាពប្រជាពលរដ្ឋនៅតាមសហគមន៍

អ៊ីរ៉ង់៖ បុណ្យសពអតីតមេដឹកនាំកំពូល នឹងចាប់ផ្តើមនៅថ្ងៃទី ៤ ខែកក្កដា ហើយបញ្ចប់ជាមួយការបញ្ចុះសពនៅថ្ងៃទី ៩ខែកក្កដា

សហគមន៍ទុរេនបែកអន្លូង ស្រុកស្ទឹងត្រង់បានចុះបញ្ជីម៉ាកសមូហភាព និងមាន QR Code ត្រឹមត្រូវ

ស.ស.យ.ក បន្តចុះអប់រំនិស្យិតដោយផ្សារភ្ជាប់ព្រះពុទ្ធសាសនាទៅនឹងការរស់នៅថ្លៃថ្នូរ

សមាគមអតីតយុទ្ធជន កំពង់ឆ្នាំង ប្រគល់ថវិកាបេឡាមរណៈសង្គ្រោះ ១២លានរៀល ជូនសមាជិក ៣គ្រួសារ

សំណុំរឿងសាច់បង្កកជាង ២០០តោន នាំមកពីថៃចូលដល់ដៃតុលាការហើយ

ការខូចខាតធ្ងន់ធ្ងរ បានកើតឡើងនៅទីក្រុងភាគខាងត្បូង Tyre ប្រទេសលីបង់ ក្រោយការវាយប្រហាររបស់អ៊ីស្រាអែល

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្ដេចតេជោ ហ៊ុន សែន បញ្ជាឱ្យស្ថាប័នពាក់ព័ន្ធពង្រីកប្រព័ន្ធស្បៀង ឆ្លើយតបគ្រោះមហន្តរាយ

មហាសន្និបាតអង្គការសហប្រជាជាតិថ្កោលទោសការដាក់ដែនដីអ៊ុយក្រែនទៅក្នុងឧបសម្ព័ន្ធរបស់រុស្ស៊ី

សម្តេចតេជោ ហ៊ុន សែន អញ្ជើញជាអធិបតី បើកកិច្ចប្រជុំក្រុមប្រឹក្សា សហគមន៍ សង្គម វប្បធម៌អាស៊ានលើកទី២៨

សម្តេចតេជោ៖កម្ពុជា កំណត់ និង ជំរុញការលើកតម្កើង ស្រ្តីជាឆ្អឹងខ្នង នៃការអភិវឌ្ឍសង្គម-សេដ្ឋកិច្ចជាតិ

សម្តេចតេជោ ហ៊ុន សែន ៖ កម្ពុជាកំណត់ និងជំរុញការលើកតម្កើងស្ត្រីជាឆ្អឹងខ្នងនៃការអភិវឌ្ឍសង្គម-សេដ្ឋកិច្ចជាតិ

យោធាមីយ៉ាន់ម៉ាកាត់ទោសលោកស្រី Suu Kyi ឲ្យជាប់ពន្ធនាគារ ៣ឆ្នាំទៀតពីបទទទួលសំណូក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្ដេចតេជោ ហ៊ុន សែន បញ្ជាឱ្យស្ថាប័នពាក់ព័ន្ធពង្រីកប្រព័ន្ធស្បៀង ឆ្លើយតបគ្រោះមហន្តរាយ

សម្តេចតេជោ ហ៊ុន សែន អញ្ជើញជាអធិបតី បើកកិច្ចប្រជុំក្រុមប្រឹក្សា សហគមន៍ សង្គម វប្បធម៌អាស៊ានលើកទី២៨

សម្តេចតេជោ៖កម្ពុជា កំណត់ និង ជំរុញការលើកតម្កើង ស្រ្តីជាឆ្អឹងខ្នង នៃការអភិវឌ្ឍសង្គម-សេដ្ឋកិច្ចជាតិ

យោធា​មី​យ៉ាន់​ម៉ា​កាត់ទោស​លោកស្រី Suu Kyi ឲ្យ​ជាប់ពន្ធនាគារ​ ៣​ឆ្នាំ​ទៀត​ពីបទ​ទទួល​សំណូក​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

យោធាមីយ៉ាន់ម៉ាកាត់ទោសលោកស្រី Suu Kyi ឲ្យជាប់ពន្ធនាគារ ៣ឆ្នាំទៀតពីបទទទួលសំណូក