BTV NEWS

សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ

សម្ដេចតេជោ ហ៊ុន សែន៖«២០ មិថុនា ១៩៧៧ ជីវិតរបស់ខ្ញុំ និងភរិយាពេលនោះជួបជាមួយគ្រោះថ្នាក់ និងលំបាកវេទនាខ្លាំងណាស់»

កាកបាទក្រហមកម្ពុជា ទទួលថវិកាពីសមាគមឧកញ៉ាកម្ពុជាចំនួន ១,០០៩,៩៩៩ ដុល្លារ អាមេរិក ក្នុងទិវា ៨ឧសភា ២០២៦

TOP STORY | សម្ដេចតេជោ ហ៊ុន សែន៖ «ពេលណាព្រំដែនគោកកម្ពុជា-ថៃនៅតែបន្តបិទ គ្រប់មុខទំនិញទាំងអស់ដែលនាំចូលឆ្លងកាត់ព្រំដែនគោកគឺទំនិញខុសច្បាប់ ជាទំនិញរត់ពន្ធ ជាទំនិញបំផ្លាញជាតិ និងប្រមាថជាតិ

ព័ត៌មានសំខាន់ៗ

កូរ៉េខាងត្បូង និងអាមេរិកធ្វើសមយុទ្ធបាញ់មីស៊ីលតវ៉ាទៅនឹងការបាញ់មីស៊ីលរបស់កូរ៉េខាងជើង

កូរ៉េខាងត្បូង៖ យោធាកូរ៉េខាងត្បូង និងសហរដ្ឋអាមេរិកបានបាញ់មីស៊ីលពីផ្ទៃដីទៅផ្ទៃដី នៅព្រឹកថ្ងៃពុធនេះម៉ោងក្នុងតំបន់ ដើម្បីឆ្លើយតបទៅនឹងការបង្កហេតុដោយការបាញ់មីស៊ីលបាលីស្ទីកចុងក្រោយបំផុត របស់ប្រទេសកូរ៉េខាងជើង។ ក្រសួងការពារជាតិកូរ៉េខាងត្បូងបាននិយាយថា យោធាបានបាញ់ប្រព័ន្ធមីស៊ីលនៃយុទ្ធវិធីកងទ័ព (ATACMS) សរុបចំនួន ៤គ្រាប់ចូលទៅកាន់សមុទ្រខាងកើត។ យោធានិយាយថា សមយុទ្ធបាញ់គ្រាប់ពិតនេះគឺមានគោលបំណង បង្ហាញពីសមត្ថភាពវាយប្រហារស៊ីបគោលដៅប្រឆាំងកូរ៉េខាងជើង។ កូរ៉េខាងជើងបានសាកល្បងសព្វាវុធរយៈចម្ងាយឆ្ងាយបំផុតរបស់ខ្លួនមិនធ្លាប់មានកាលពីថ្ងៃអង្គារ ជាមីស៊ីលបាលីស្ទីកមានសមត្ថភាពបំពាក់ក្បាលគ្រាប់នុយក្លេអ៊ែរដែលបានហោះលើប្រទេសជប៉ុន ហើយអាចទៅដល់ដែនដីកោះហ្គាំសមុទ្រប៉ាស៊ីហ្វិករបស់សហរដ្ឋអាមេរិក និងហួសពីនេះ ដោយបង្ខំឱ្យរដ្ឋាភិបាលជប៉ុនចេញការប្រកាសជូនដំណឹងអំពីការជម្លៀស និងផ្អាកសេវារថភ្លើង។អ្នកជំនាញមួយចំនួនបាននិយាយថា ការបាញ់មីស៊ីលរបស់កូរ៉េខាងជើងគឺជាការបង្ហាញអាវុធបង្កហេតុបំផុតរបស់ខ្លួននៅឆ្នាំនេះ ខណៈប្រទេសនេះជំរុញឱ្យបង្កើតឃ្លាំងអាវុធនុយក្លេអ៊ែរពេញលេញ មានសមត្ថភាពអាចគំរាមដល់ដីគោករបស់សហរដ្ឋអាមេរិក និងសម្ព័ន្ធមិត្ត។ ជាមួយគ្នានេះកងកម្លាំងទ័ពអាកាសកូរ៉េខាងត្បូង និងសហរដ្ឋអាមេរិកបានធ្វើសមយុទ្ធដែនអាកាសកាលពីថ្ងៃអង្គារ ដើម្បីឆ្លើយតបទៅនឹងការបាញ់មីស៊ីលបាលីស្ទីកចុងក្រោយបំផុត របស់កូរ៉េខាងជើង។ នាយសេនាធិការចម្រុះបាននិយាយថា យន្តហោះចម្បាំង F-15K ចំនួន ៤គ្រឿងរបស់កូរ៉េខាងត្បូង និងយន្តហោះ F-16 ចំនួន ៤គ្រឿងរបស់សហរដ្ឋអាមេរិកបានចូលរួមក្នុងសមយុទ្ធនេះ។ នៅក្នុងសមយុទ្ធទម្លាក់គ្រាប់បែក យន្តហោះចម្បាំង F-15K បានទម្លាក់គ្រាប់បែក JDAM ចំនួន ២គ្រាប់នៅលើគោលដៅមួយនៅលើកោះ Jikdo ដែលគ្មានមនុស្សរស់នៅនៅសមុទ្រភាគខាងលិច៕អត្ថបទ៖ ប៊ុនថន

រុស្ស៊ីបាត់បង់ដែនដីកាន់តែច្រើននៅអ៊ុយក្រែន ក្រោយការដណ្ដើមបាន ខណៈព្យាយាមដាក់បញ្ចូលជាឧបសម្ព័ន្ធ

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskiy បាននិយាយថា យោធារបស់ប្រទេសលោកបានវាយរុលទៅមុខយ៉ាងឆាប់រហ័សប្រឆាំងនឹងកងកម្លាំងរុស្ស៊ី និងបានរំដោះទីប្រជុំជនរាប់សិបកន្លែងក្នុងភាគខាងត្បូង និងខាងកើតកាលពីសប្ដាហ៍មុន។ ខណៈលោកប្រធានាធិបតី Vladimir Putin បានបាត់បង់ដែនដីកាន់តែច្រើន ដែលលោកកំពុងព្យាយាមដាក់បញ្ចូលក្នុងឧបសម្ព័ន្ធ រដ្ឋាភិបាលរបស់លោកកាលពីថ្ងៃអង្គារបានព្យាយាម បញ្ចប់ការប្រកាសរបស់ខ្លួនសម្រាប់តំបន់៤ របស់អ៊ុយក្រែន ដោយបច្ចុប្បន្ននេះពុំមានតំបន់ណាមួយត្រូវបានគ្រប់គ្រងទាំងស្រុង ដោយទាហានរុស្ស៊ីទៀតទេ។ សភាជាន់ខ្ពស់នៃអង្គនិតិបញ្ញត្តិរបស់រុស្ស៊ីដែលជាក្រុមប្រឹក្សាសហព័ន្ធ កាលពីថ្ងៃអង្គារបានអនុម័តសេចក្ដីសម្រេចក្នុងការដាក់បញ្ចូលជាឧបសម្ព័ន្ធ នៃដែនដីរបស់អ៊ុយក្រែនមានតំបន់ Donetsk Kherson Luhansk និង Zaporizhzhia ដែលជាការផ្គើនទៅនឹងច្បាប់អន្តរជាតិ និងមានឡើងមួយថ្ងៃបន្ទាប់ពីសភាជាន់ទាបបានអនុម័តដូចគ្នានេះ។ ទោះយ៉ាងណាក៏ដោយយោធាទីក្រុង Kyiv នៅតែបន្តវាយរុលទៅមុខ ចូលក្នុងតំបន់មួយចំនួនដែលពេលនេះរុស្ស៊ីអះអាងថា ជាដែនដីរបស់ខ្លួន៕អត្ថបទ៖ សុខមាន

ប៉ាគីស្ថានអស់ថវិកាសម្រាប់ស្រោចស្រង់ប្រទេសក្រោយទឹកជំនន់ ខណៈ UN ស្នើជំនួយបន្ថែម

ប៉ាគីស្ថាន៖ រដ្ឋមន្ត្រីទទួលបន្ទុកបម្រែបម្រួលអាកាសធាតុរបស់ប្រទេសប៉ាគីស្ថាន បាននិយាយកាលពីថ្ងៃអង្គារថា ប្រទេសនេះអស់ថវិកាសម្រាប់ចំណាយលើការស្រោចស្រង់ប្រទេសឡើងវិញ ពីទឹកជំនន់ដ៏មហន្តរាយនាពេលថ្មីៗនេះ ដោយជំរុញឲ្យមានជំនួយអន្តរជាតិបន្ទាន់នៅអង្គការសហប្រជាជាតិ ខណៈមូលនិធិចាំបាច់របស់ប្រទេសនេះត្រូវបានបង្កើនដល់ចំនួន ៥ដង។ អង្គការសហប្រជាជាតិបានអំពាវនាវឲ្យមានការផ្ដល់ជំនួយមនុស្សធម៌បន្ថែម សម្រាប់ការចំណាយលើស ៥ដងរបស់របស់ប៉ាគីស្ថានរហូតដល់ ៨១៦លានដុល្លារអាមេរិក ពីកញ្ចប់ថវិកាដែលធ្លាប់ចំណាយត្រឹមតែ ១៦០លានដុល្លារអាមេរិក ខណៈជំងឺកើតចេញពីទឹក និងក្ដីបារម្ភពីភាពអត់ឃ្លានបង្កឲ្យមានគ្រោះថ្នាក់ថ្មីទៀត បន្ទាប់ពីទឹកជំនន់ដ៏មហន្តរាយមិនធ្លាប់មានរយៈពេលប៉ុន្មានសប្ដាហ៍មកនេះ បណ្ដាលមកពីបម្រែបម្រួលអាកាសធាតុ។ មនុស្សជាង ៧លាននាក់ត្រូវបានជម្លៀសចេញពីលំនៅឋាន។រដ្ឋមន្ត្រីក្រសួងសេដ្ឋកិច្ចប៉ាគីស្ថានលោក Ayaz Sadiq បានប្រាប់កិច្ចប្រជុំនៅអង្គការសហប្រជាជាតិថា ប្រទេសនេះនឹងត្រូវការពេលជាច្រើនឆ្នាំទៀតដើម្បីស្ថាបនាឡើងវិញ និងជួយស្ដារកាយនីតិសម្បទាដល់មនុស្សរាប់លាននាក់ ដែលលំនៅឋានរបស់ពួកគេត្រូវបានបំផ្លាញដោយសារទឹកជំនន់។ ទឹកជំនន់បណ្ដាលមកពីភ្លៀងមូសុងខុសពីធម្មតា និងការរលាយដុំទឹកកក បានជន់លិចផ្ទៃដីដ៏ធំរបស់ប្រទេសស្ថិតនៅតំបន់អាស៊ីខាងត្បូងមួយនេះ និងបានសម្លាប់មនុស្សជិត ១,៧០០នាក់ភាគច្រើនជាស្ត្រី និងកុមារ៕អត្ថបទ៖ សុខមាន

CIA មិនជឿថា លោក Putin ត្រៀមប្រើអាវុធនុយក្លេអ៊ែរនៅក្នុងប្រទេសអ៊ុយក្រែនទេ

អាមេរិក៖ ប្រធានទីភ្នាក់ងារចារកម្មកណ្ដាលអាមេរិក CIA លោក William Burns បាននិយាយក្នុងបទសម្ភាសន៍មួយកាលពីថ្ងៃអាទិត្យថា ទីភ្នាក់ងារនេះមិនជឿថា បច្ចុប្បន្ននេះលោកប្រធានាធិបតីរុស្ស៊ី Vladimir Putin កំពុងត្រៀមដាក់ពង្រាយអាវុធនុយក្លេអ៊ែរនៅក្នុងប្រទេសអ៊ុយក្រែនទេ។ លោក Burns បានប្រាប់លោកស្រី Norah O'Donnell អ្នកសម្របសម្រួលកម្មវិធីព័ត៌មានពេលល្ងាចរបស់ទូរទស្សន៍ CBS ថា យើងត្រូវតែប្រុងប្រយ័ត្នឲ្យបានច្រើនរាល់ការព្រមាននានា ដែលធ្វើឲ្យអ្វីៗប្រឈមហានិភ័យខ្លាំង។ ទោះយ៉ាងណាក៏ដោយលោកបានទទួលស្គាល់ថា យើងមិនបានមើលឃើញភស្តុតាងជាក់ស្ដែងណាមួយនៅឡើយទេ នៅពេលបច្ចុប្បន្ននេះនៅក្នុងសហគមន៍ចារកម្មអាមេរិកថា លោក Putin កំពុងបោះជំហានទៅកាន់តែជិតក្នុងការប្រើប្រាស់ជាក់លាក់ ឬថាមានការគំរាមដែលនឹងអាចមានឡើង នៃការប្រើប្រាស់អាវុធនុយក្លេអ៊ែរតាកទិក។នៅពេលសួរថា តើមេដឹកនាំរុស្សីបាននិយាយគំរាមមែនទេ នៅពេលនិយាយអំពីការត្រៀមខ្លួនក្នុងការប្រើគ្រប់មធ្យោបាយដែលខ្លួនមាន ប្រសិនបើបូរណភាពទឹកដីរបស់ប្រទេសនេះត្រូវរងការគំរាមនោះ លោក Burns បាននិយាយថា វាពិបាកនិយាយណាស់នៅចំណុចនេះ។ នាយក CIA បានហៅវោហារសាស្ត្រពីលោក Putin និងមន្ត្រីជាន់ខ្ពស់ផ្សេងទៀតថា ខ្វះការពិចារណា និងទទួលខុសត្រូវខ្ពស់។ លោកក៏បានលើកឡើងផងដែរថា វាអាស្រ័យលើក្រុមអ្នកបង្កើតគោលនយោបាយរបស់សហរដ្ឋអាមេរិក ក្នុងការទំនាក់ទំនងជាមួយទីក្រុង Moscow ដែលការសម្រេចចិត្តបែបនេះនឹងមានផលវិបាកធ្ងន់ធ្ងរ៕អត្ថបទ៖ សុខមាន

IMF៖ ប្រទេសប្រមាណ២០ អាចត្រូវការជំនួយសង្គ្រោះបន្ទាន់ដើម្បីដោះស្រាយវិបត្តិស្បៀងអាហារ

អាហ្វ្រិក៖ មូលនិធិរូបិយវត្ថុអន្តរជាតិ IMF បាននិយាយកាលពីថ្ងៃចន្ទថា ប្រទេសប្រមាណ ២០ ភាគច្រើននៅក្នុងទ្វីបអាហ្វ្រិកអាចត្រូវការជំនួយសង្គ្រោះបន្ទាន់ ដើម្បីទប់ទល់នឹងវិបត្តិស្បៀងអាហារសកល។ ថ្លែងនៅសន្និសីទសារព័ត៌មានមួយក្នុងប្រទេសអារ៉ាប៊ីសាអ៊ូឌីត ប្រធានគ្រប់គ្រងមូលនិធិ IMF លោកស្រី Kristalina Georgieva ក៏បាននិយាយផងដែរថា មនុស្ស ១៤១លាននាក់ទូទាំងពិភពអារ៉ាប់ត្រូវបានប្រឈមអសន្តិសុខស្បៀង។ IMF កាលពីថ្ងៃព្រហស្បតិ៍បានអនុម័តកម្មវិធីកម្ចីស្បៀងអាហារថ្មី ក្រោមកិច្ចសន្យាហិរញ្ញវត្ថុគ្រាអាសន្នដែលមានស្រាប់ ក្នុងការជួយដល់បណ្ដាប្រទេសងាយរងគ្រោះដោះស្រាយកង្វះស្បៀងអាហារ និងការហក់ឡើងខ្ពស់នៃតម្លៃទំនិញដោយសង្គ្រាមរុស្ស៊ីនៅអ៊ុយក្រែន។ លោកស្រី Georgieva បាននិយាយថា ប្រទេសចំនួន៤៨ នៅជុំវិញពិភពលោកបានប្រឈមខ្លាំងចំពោះវិបត្តិស្បៀងអាហារនេះ។ លោកស្រី Georgieva លើកឡើងថា ក្នុងចំណោមប្រទេស៤៨ មានប្រហែល ១០ ទៅ ២០ប្រទេសទំនងជាកំពុងត្រូវបានស្នើសុំជំនួយសង្គ្រោះបន្ទាន់ ដោយបន្ថែមថា ភាគច្រើននៃប្រទេសទាំងនោះស្ថិតក្នុងអនុតំបន់សាហារ៉ានៃទ្វីបអាហ្វ្រិក៕អត្ថបទ៖ សុខមាន

អំពើហិង្សាផ្ទុះឡើង ខណៈប្រជាជនហៃទីប្រមូលផ្ដុំគ្នាទាមទារឲ្យនាយករដ្ឋមន្ត្រីលាលែងពីតំណែង

ហៃទី៖ អំពើហិង្សាបានផ្ទុះឡើងអំឡុងពេលបាតុកម្មនៅទីក្រុងព័រអូប្រាំងកាលពីថ្ងៃចន្ទ ខណៈមនុស្សរាប់ពាន់នាក់បានចេញដើរតាមផ្លូវតវ៉ា ដើម្បីទាមទារឱ្យនាយករដ្ឋមន្ត្រីរបស់ប្រទេសហៃទីលោក Ariel Henry ចុះចេញពីតំណែង។ អ្នកសារព័ត៌មាន AP ម្នាក់បានឃើញមនុស្សយ៉ាងហោចណាស់ ២នាក់បានរងរបួសដោយគ្រាប់កាំភ្លើង ដែលយោងទៅតាមក្រុមអ្នកតវ៉ានិយាយថា ត្រូវបានបាញ់ដោយនគរបាលដែលព្យាយាមបំបែកការហែក្បួនតវ៉ា។ ដោយមានការខកចិត្តជាមួយនឹងកង្វះប្រេងឥន្ធនៈ និងអំពើហិង្សារាលដាលដែលបានធ្វើឱ្យទីក្រុងនេះជាប់គាំងអស់ជាច្រើនសប្តាហ៍ ប្រជាជនហៃទីកំពុងទាមទារឱ្យនាយករដ្ឋមន្ត្រីចុះចេញពីតំណែង។ កាលពីដើមខែកញ្ញា ក្រុមជនអន្ធពាលដ៏មានឥទ្ធិពលមួយក្រុមរបស់ប្រទេសហៃទី បានបិទផ្លូវចូលទៅកាន់ស្ថានីយប្រេងឥន្ធនៈដ៏ធំបំផុតរបស់ប្រទេសនេះ ដោយប្រកាសថា ខ្លួនមិនដកថយឡើយរហូតដល់លោក Henry លាលែងពីតំណែង។ ប្រេងសាំងអាចរកបានតែនៅលើទីផ្សារងងឹតតែប៉ុណ្ណោះក្នុងតម្លៃថ្លៃរហូតដល់ ៣០ដុល្លារក្នុងមួយហ្គាឡុង។ ភាពខ្វះខាត និងការខាតបង់ច្រើនបានបង្ខំឱ្យអាជីវកម្មជាច្រើនត្រូវបិទទ្វារ រួមទាំងមន្ទីរពេទ្យ ក្រុមហ៊ុនផលិតទឹក និងសេវាកម្មសំខាន់ៗ ខណៈដែលអាជ្ញាធរសុខាភិបាលបានប្រកាសកាលពីថ្ងៃអាទិត្យថា ខ្លួនបានរកឃើញករណីជំងឺអាសន្នរោគចំនួន ៨ករណី។ ការចំណាយក្នុងជីវភាពរស់នៅកើនឡើងខ្ពស់ បានជំរុញឱ្យប្រជាជនហៃទីជាច្រើនធ្លាក់ចូលក្នុងភាពក្រីក្រ និងភាពអត់ឃ្លាន។ អ្នកតវ៉ានិយាយថា យើងគ្មានអាហារបរិភោគគ្រប់គ្រាន់ទេ ហើយពួកគេមិនយល់ពីការទាមទាររបស់យើងឡើយ។ ប្រទេសហៃទីបានកើតមានអស្ថិរភាពកាន់តែខ្លាំងឡើងមិនធ្លាប់មាន ចាប់តាំងពីការធ្វើឃាតប្រធានាធិបតីលោក Jovenel Moïse កាលពីថ្ងៃទី៧ ខែកក្កដា ឆ្នាំ២០២១ ដែលភាពវឹកវរបង្កឡើងដោយក្រុមជនអន្ធពាល ខណៈរដ្ឋបាលរបស់លោក Henry នៅតែពុំមានកាលបរិច្ឆេទសម្រាប់ការបោះឆ្នោតទូទៅ ដែលគ្រោងធ្វើឡើងចាប់តាំងពីឆ្នាំមុន៕អត្ថបទ៖ ប៊ុនថន

ស្នងការនគរបាលឥណ្ឌូនេស៊ីម្នាក់ និងមន្ត្រីជាន់ខ្ពស់ ៩នាក់ត្រូវបានដកចេញពីមុខតំណែង

ឥណ្ឌូនេស៊ី៖ ក្រុមមន្ត្រីបាននិយាយថា ស្នងការនគរបាលឥណ្ឌូនេស៊ីម្នាក់ និងមន្ត្រីជាន់ខ្ពស់ ៩នាក់ត្រូវបានដកចេញពីមុខតំណែងកាលពីថ្ងៃចន្ទ ហើយមន្ត្រី ១៨នាក់ផ្សេងទៀតកំពុងត្រូវបានស៊ើបអង្កេត សម្រាប់ការទទួលខុសត្រូវក្នុងការបាញ់ឧស្ម័នបង្ហូរទឹកភ្នែកនៅខាងក្នុងពហុកីឡដ្ឋាន ដែលបានបង្កឱ្យមានការរត់ជាន់គ្នាបណ្តាលឲ្យមនុស្សយ៉ាងហោចណាស់ ១២៥នាក់ស្លាប់។ សមាជិកគ្រួសារដែលមានទុក្ខព្រួយបានព្យាយាមស្វែងយល់ ពីការបាត់បង់មនុស្សជាទីស្រលាញ់របស់ពួកគេ ដែលអ្នកស្លាប់រួមមានទាំងកុមារចំនួន ៣២នាក់នៅក្នុងការប្រកួតបាល់ទាត់នៅទីក្រុង Malang កោះជ្វាខាងកើត ដែលបានមកចូលរួមដោយក្រុមអ្នកគាំទ្រក្រុម Arema FC នៅក្នុងតំបន់។ អ្នករៀបចំកម្មវិធីបានហាមឃាត់ក្រុមអ្នកគាំទ្រក្រុម Persebaya Surabaya ដោយសារតែប្រទេសឥណ្ឌូនេស៊ីមានប្រវត្តិនៃការប្រកួតបាល់ទាត់ដ៏ហិង្សា។ ហេតុការណ៍មនុស្សរត់ជាន់គ្នាកាលពីយប់ថ្ងៃសៅរ៍ បានបណ្តាលឲ្យមនុស្សស្លាប់ច្រើនបំផុតមិនធ្លាប់មាននៅក្នុងព្រឹត្តិការណ៍កីឡា៕អត្ថបទ៖ ប៊ុនថន

អ្នកស្លាប់ដោយសារព្យុះសង្ឃរា Ian នៅសហរដ្ឋអាមេរិកបានកើនឡើងដល់ ១០៣នាក់

អាមេរិក៖ មនុស្សជាង ១០០នាក់ត្រូវគេរាយការណ៍ថាបានស្លាប់នៅក្នុងសហរដ្ឋអាមេរិក ៥ថ្ងៃបន្ទាប់ពីព្យុះសង្ឃរា Ian បានវាយប្រហារតំបន់ឆ្នេរភាគខាងលិចនៃរដ្ឋ Florida ជាព្យុះដ៏មានឥទ្ធិពលកម្រិតទី៤។ មន្ត្រីក្នុងតំបន់ Lee County Sheriff លោក Carmine Marceno បានប្រកាសកាលពីថ្ងៃចន្ទថា ពេលនេះមនុស្សស្លាប់ចំនួន ៥៤នាក់ត្រូវបានបញ្ជាក់នៅក្នុងតំបន់នោះ ខណៈដែលចំនួនអ្នកស្លាប់សរុបនៅក្នុងរដ្ឋ Florida កើនឡើងដល់ ៩៩នាក់គិតត្រឹមយប់ថ្ងៃចន្ទ។ ទិន្នន័យពីសារព័ត៌មាន CBS News ខ្ពស់ជាងរបាយការណ៍ផ្លូវការរដ្ឋ Florida ព្រោះករណីមួយចំនួនក្រុមមន្ត្រីប្រចាំតំបន់កំពុងបញ្ជាក់ថា មានការស្លាប់បន្ថែមទៀតលឿនជាងការបញ្ជាក់ពីក្រុមមន្ត្រីរដ្ឋ។ចំនួនអ្នកស្លាប់ពាក់ព័ន្ធនឹងព្យុះកម្រិតទី៤ នេះត្រូវបានរាយការណ៍នៅក្នុងរដ្ឋ North Carolina ដែលនាំឲ្យអ្នកស្លាប់សរុបនៅសហរដ្ឋអាមេរិកកើនឡើងដល់ ១០៣នាក់។ លំនៅឋាន និងហាងលក់ទំនិញប្រមាណ ៦០ម៉ឺនកន្លែងក្នុងរដ្ឋ Florida នៅតែមិនទាន់មានអគ្គិសនីប្រើប្រាស់នៅឡើយកាលពីព្រឹកថ្ងៃចន្ទ ថយចុះពីចំនួនខ្ពស់បំផុត ២.៦លានខ្នងផ្ទះ និងហាងអាជីវកម្មផ្សេងៗ៕អត្ថបទ៖ សុខមាន

អាមេរិកនឹងបញ្ជូនប្រព័ន្ធបាញ់គ្រាប់រ៉ុក្កែតចល័តទៅឲ្យអ៊ុយក្រែនជាកញ្ចប់ជំនួយ ៦២៥លានដុល្លារ

អាមេរិក៖ កញ្ចប់ជំនួយសន្តិសុខបន្ទាប់របស់រដ្ឋបាលលោក Joe Biden សម្រាប់ប្រទេសអ៊ុយក្រែន ត្រូវបានគេរំពឹងថានឹងរួមបញ្ចូលប្រព័ន្ធបាញ់គ្រាប់រ៉ុក្កែតសមត្ថភាពខ្ពស់ (HIMARS) ចំនួន ៤គ្រឿង, គ្រាប់រំសេវ, គ្រាប់មីន និងរថយន្តប្រឆាំងគ្រាប់មីន ជាកញ្ចប់ថវិកាជំនួយចំនួន ៦២៥លានដុល្លារអាមេរិក។កញ្ចប់ជំនួយនេះត្រូវបានគេរំពឹងថានឹងត្រូវប្រកាសនៅថ្ងៃអង្គារនេះ ដែលជាកញ្ចប់ជំនួយដំបូងចាប់តាំងពីរុស្ស៊ីប្រកាសដាក់បញ្ចូលជាឧបសម្ព័ន្ធទឹកដីរបស់អ៊ុយក្រែន។ ការប្រកាសដាក់បញ្ចូលជាឧបសម្ព័ន្ធរបស់រុស្ស៊ីបានធ្វើតាមអ្វីដែលខ្លួនចាត់ទុកថា ជាការបោះឆ្នោតប្រជាមតិក្នុងតំបន់របស់អ៊ុយក្រែន ដែលរុស្ស៊ីបានចូលកាន់កាប់។ រដ្ឋាភិបាលប្រទេសលោកខាងលិច និងទីក្រុង Kyiv បាននិយាយថា ការបោះឆ្នោតនេះបានបំពានច្បាប់អន្តរជាតិ ហើយជាការបង្ខិតបង្ខំ។ប្រព័ន្ធបាញ់រ៉ុក្កែត HIMARS ទាំង ៤គ្រឿង និងគ្រាប់រ៉ុក្កែតដែលពាក់ព័ន្ធ យានយន្តប្រឆាំងគ្រាប់មីនចំនួន ២០០គ្រឿង, គ្រាប់កាំភ្លើងសម្រាប់កាំភ្លើងធំ និងគ្រាប់មីនអាចបញ្ជូនទៅឲ្យអ៊ុយក្រែននៅរយៈពេលប៉ុន្មានថ្ងៃខាងមុខនេះ។ នេះគឺជាកញ្ចប់ជំនួយដំបូងនៃឆ្នាំសារពើពន្ធឆ្នាំ២០២៣ របស់រដ្ឋាភិបាលសហរដ្ឋអាមេរិក។ កាលពីសប្តាហ៍មុន សហរដ្ឋអាមេរិកបានបង្ហាញកញ្ចប់ជំនួយសព្វាវុធចំនួន ១.១ពាន់លានដុល្លារសម្រាប់ប្រទេសអ៊ុយក្រែន ដែលរួមមានប្រព័ន្ធបាញ់គ្រាប់រ៉ុក្កែត HIMARS ចំនួន ១៨គ្រឿងរួមជាមួយគ្រាប់រំសេវ យានដ្រូន និងប្រព័ន្ធរ៉ាដា៕អត្ថបទ៖ ប៊ុនថន

មេដឹកនាំកំពូលអ៊ីរ៉ង់ស្ដីបន្ទោសអាមេរិក និងអ៊ីស្រាអែលថា ជាអ្នកនៅពីក្រោយការតវ៉ាដ៏រំជើបរំជួល

អ៊ីរ៉ង់៖ មេដឹកនាំកំពូលអ៊ីរ៉ង់បានស្ដីបន្ទោសសហរដ្ឋអាមេរិក និងអ៊ីស្រាអែលចំពោះការតវ៉ាកំពុងរាលដាលពេញប្រទេស ក្រោយការស្លាប់ស្ត្រីម្នាក់ក្នុងពេលឃាត់ខ្លួនសាកសួររបស់នគរបាល។ ការអត្ថាធិប្បាយជាសាធារណៈលើកដំបូងរបស់លោកលើភាពរំជើបរំជួលនេះ លោក Ayatollah Ali Khamenei បាននិយាយថា អំពើកុបកម្មនានាត្រូវបានបង្កឡើងដោយក្រុមសត្រូវដ៏ជូរចត់ និងសម្ព័ន្ធមិត្តខ្លួនរបស់អ៊ីរ៉ង់។ ការតវ៉ាទាំងនេះគឺជាការប្រឈមធំបំផុត ចំពោះរបបដឹកនាំរបស់លោករយៈពេលមួយទសវត្សរ៍មកនេះ ហើយលោកបានជំរុញដល់កងកម្លាំងសន្តិសុខត្រៀម សម្រាប់បញ្ហាកាន់តែច្រើនថែមទៀត។ សហរដ្ឋអាមេរិកនិយាយថា ខ្លួនតក់ស្លុតចំពោះការឆ្លើយតបដោយហិង្សាលើការតវ៉ាទាំងនេះ។ លោកប្រធានាធិបតី Joe Biden បានចេញសេចក្ដីថ្លែងការណ៍មួយដោយនិយាយថា លោកបារម្ភយ៉ាងខ្លាំងអំពីរបាយការណ៍នៃការបង្ក្រាបកាន់តែចាស់ដៃ លើក្រុមអ្នកតវ៉ាដោយស្ងៀមស្ងាត់។ ក្រុមឃ្លាំមើលសិទ្ធិមនុស្សមានមូលដ្ឋាននៅប្រទេសន័រវ៉ែហ្សបាននិយាយថា ចំនួនអ្នកស្លាប់ដោយសារការតវ៉ាជាច្រើនសប្ដាហ៍មកនេះនៅក្នុងប្រទេសអ៊ីរ៉ង់ ជុំវិញការស្លាប់ស្ត្រីវ័យ ២២ឆ្នាំម្នាក់ក្នុងពេលនគរបាលឃាត់ខ្លួនកាលពីថ្ងៃទី១៦ កញ្ញាបានឡើងដល់ ៩២នាក់៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់តំណាងនាំយកទេយ្យវត្ថុ និងបច្ច័យ ថ្វាយប្រគេនសម្ដេចព្រះមហាសង្ឃរាជ នន្ទ ង៉ែត

ករណីនាំសាច់បង្កកមកពីថៃជាង២០០តោន : តំណាងអយ្យការចោទប្រកាន់ជនសង្ស័យ ២នាក់

ក្រសួងបរិស្ថានគាំទ្រសហគមន៍តំបន់ការពារធម្មជាតិនៅកម្ពុជា ចូលរួមការពារនិងអភិរក្សធនធានធម្មជាតិ និងលើកកម្ពស់ជីវភាពប្រជាពលរដ្ឋនៅតាមសហគមន៍

អ៊ីរ៉ង់៖ បុណ្យសពអតីតមេដឹកនាំកំពូល នឹងចាប់ផ្តើមនៅថ្ងៃទី ៤ ខែកក្កដា ហើយបញ្ចប់ជាមួយការបញ្ចុះសពនៅថ្ងៃទី ៩ខែកក្កដា

សហគមន៍ទុរេនបែកអន្លូង ស្រុកស្ទឹងត្រង់បានចុះបញ្ជីម៉ាកសមូហភាព និងមាន QR Code ត្រឹមត្រូវ

ស.ស.យ.ក បន្តចុះអប់រំនិស្យិតដោយផ្សារភ្ជាប់ព្រះពុទ្ធសាសនាទៅនឹងការរស់នៅថ្លៃថ្នូរ

សមាគមអតីតយុទ្ធជន កំពង់ឆ្នាំង ប្រគល់ថវិកាបេឡាមរណៈសង្គ្រោះ ១២លានរៀល ជូនសមាជិក ៣គ្រួសារ

សំណុំរឿងសាច់បង្កកជាង ២០០តោន នាំមកពីថៃចូលដល់ដៃតុលាការហើយ

ការខូចខាតធ្ងន់ធ្ងរ បានកើតឡើងនៅទីក្រុងភាគខាងត្បូង Tyre ប្រទេសលីបង់ ក្រោយការវាយប្រហាររបស់អ៊ីស្រាអែល

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

កូរ៉េខាងត្បូង និងអាមេរិកធ្វើសមយុទ្ធបាញ់មីស៊ីលតវ៉ាទៅនឹងការបាញ់មីស៊ីលរបស់កូរ៉េខាងជើង

រុស្ស៊ីបាត់បង់ដែនដីកាន់តែច្រើននៅអ៊ុយក្រែន ក្រោយការដណ្ដើមបាន ខណៈព្យាយាមដាក់បញ្ចូលជាឧបសម្ព័ន្ធ

ប៉ាគីស្ថានអស់ថវិកាសម្រាប់ស្រោចស្រង់ប្រទេសក្រោយទឹកជំនន់ ខណៈ UN ស្នើជំនួយបន្ថែម

CIA មិនជឿថា លោក Putin ត្រៀមប្រើអាវុធនុយក្លេអ៊ែរនៅក្នុងប្រទេសអ៊ុយក្រែនទេ

IMF៖ ប្រទេសប្រមាណ២០ អាចត្រូវការជំនួយសង្គ្រោះបន្ទាន់ដើម្បីដោះស្រាយវិបត្តិស្បៀងអាហារ

អំពើហិង្សាផ្ទុះឡើង ខណៈប្រជាជនហៃទីប្រមូលផ្ដុំគ្នាទាមទារឲ្យនាយករដ្ឋមន្ត្រីលាលែងពីតំណែង

ស្នងការនគរបាលឥណ្ឌូនេស៊ីម្នាក់ និងមន្ត្រីជាន់ខ្ពស់ ៩នាក់ត្រូវបានដកចេញពីមុខតំណែង

អ្នកស្លាប់ដោយសារព្យុះសង្ឃរា Ian នៅសហរដ្ឋអាមេរិកបានកើនឡើងដល់ ១០៣នាក់

អាមេរិកនឹងបញ្ជូនប្រព័ន្ធបាញ់គ្រាប់រ៉ុក្កែតចល័តទៅឲ្យអ៊ុយក្រែនជាកញ្ចប់ជំនួយ ៦២៥លានដុល្លារ

មេដឹកនាំកំពូលអ៊ីរ៉ង់ស្ដីបន្ទោសអាមេរិក និងអ៊ីស្រាអែលថា ជាអ្នកនៅពីក្រោយការតវ៉ាដ៏រំជើបរំជួល

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

កូរ៉េខាងត្បូង និងអាមេរិក​ធ្វើ​សមយុទ្ធ​បាញ់​មីស៊ីល​តវ៉ា​ទៅ​នឹង​ការបាញ់​មីស៊ីល​របស់​កូរ៉េខាងជើង

ប៉ា​គី​ស្ថាន​អស់​ថវិកា​សម្រាប់​ស្រោចស្រង់​ប្រទេស​ក្រោយ​ទឹកជំនន់ ខណៈ UN ស្នើ​ជំនួយ​បន្ថែម​

CIA មិន​ជឿ​ថា លោក Putin ត្រៀម​ប្រើ​អាវុធ​នុយក្លេអ៊ែរ​នៅ​ក្នុង​ប្រទេស​អ៊ុយ​ក្រែ​ន​ទេ

IMF៖ ប្រទេស​ប្រមាណ​២០ អាច​ត្រូវការ​ជំនួយ​សង្គ្រោះ​បន្ទាន់​ដើម្បី​ដោះស្រាយ​វិបត្តិ​ស្បៀងអាហារ​

អំពើ​ហិង្សា​ផ្ទុះ​ឡើង ខណៈ​ប្រជាជន​ហៃ​ទី​ប្រមូល​ផ្ដុំ​គ្នា​ទាមទារ​ឲ្យ​នាយករដ្ឋមន្ត្រី​លាលែង​ពី​តំណែង

ស្នងការ​នគរបាល​ឥណ្ឌូនេស៊ី​ម្នាក់ និង​មន្ត្រី​ជាន់ខ្ពស់​ ៩​នាក់​ត្រូវបាន​ដកចេញ​ពីមុខ​តំណែង

អ្នកស្លាប់​ដោយសារ​ព្យុះសង្ឃរា Ian នៅ​សហរដ្ឋអាមេរិកបាន​កើន​ឡើងដល់ ​១០៣​នាក់​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កូរ៉េខាងត្បូង និងអាមេរិកធ្វើសមយុទ្ធបាញ់មីស៊ីលតវ៉ាទៅនឹងការបាញ់មីស៊ីលរបស់កូរ៉េខាងជើង

ប៉ាគីស្ថានអស់ថវិកាសម្រាប់ស្រោចស្រង់ប្រទេសក្រោយទឹកជំនន់ ខណៈ UN ស្នើជំនួយបន្ថែម

CIA មិនជឿថា លោក Putin ត្រៀមប្រើអាវុធនុយក្លេអ៊ែរនៅក្នុងប្រទេសអ៊ុយក្រែនទេ

IMF៖ ប្រទេសប្រមាណ២០ អាចត្រូវការជំនួយសង្គ្រោះបន្ទាន់ដើម្បីដោះស្រាយវិបត្តិស្បៀងអាហារ

អំពើហិង្សាផ្ទុះឡើង ខណៈប្រជាជនហៃទីប្រមូលផ្ដុំគ្នាទាមទារឲ្យនាយករដ្ឋមន្ត្រីលាលែងពីតំណែង

ស្នងការនគរបាលឥណ្ឌូនេស៊ីម្នាក់ និងមន្ត្រីជាន់ខ្ពស់ ៩នាក់ត្រូវបានដកចេញពីមុខតំណែង

អ្នកស្លាប់ដោយសារព្យុះសង្ឃរា Ian នៅសហរដ្ឋអាមេរិកបានកើនឡើងដល់ ១០៣នាក់