BTV NEWS

សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ

សម្ដេចតេជោ ហ៊ុន សែន៖«២០ មិថុនា ១៩៧៧ ជីវិតរបស់ខ្ញុំ និងភរិយាពេលនោះជួបជាមួយគ្រោះថ្នាក់ និងលំបាកវេទនាខ្លាំងណាស់»

កាកបាទក្រហមកម្ពុជា ទទួលថវិកាពីសមាគមឧកញ៉ាកម្ពុជាចំនួន ១,០០៩,៩៩៩ ដុល្លារ អាមេរិក ក្នុងទិវា ៨ឧសភា ២០២៦

TOP STORY | សម្ដេចតេជោ ហ៊ុន សែន៖ «ពេលណាព្រំដែនគោកកម្ពុជា-ថៃនៅតែបន្តបិទ គ្រប់មុខទំនិញទាំងអស់ដែលនាំចូលឆ្លងកាត់ព្រំដែនគោកគឺទំនិញខុសច្បាប់ ជាទំនិញរត់ពន្ធ ជាទំនិញបំផ្លាញជាតិ និងប្រមាថជាតិ

ព័ត៌មានសំខាន់ៗ

កងកម្លាំងអ៊ុយក្រែនវាយរុលចូលភាគខាងត្បូងឆ្លុះបញ្ចាំងពីជ័យជម្នះក្នុងភាគខាងកើត

អ៊ុយក្រែន៖ កងកម្លាំងអ៊ុយក្រែនសម្រេចបានជ័យជម្នះធំបំផុតរបស់ខ្លួន នៅក្នុងភាគខាងត្បូងរបស់ប្រទេសនេះចាប់តាំងពីរុស្ស៊ីវាយប្រហារ ដោយឆ្លងកាត់ខ្សែបន្ទាត់មួយចំនួនរបស់រុស្ស៊ីកាលពីថ្ងៃចន្ទ និងកំពុងរុលចូលទៅមុខតាមបណ្ដោយទន្លេ Dnieper ដណ្ដើមបានភូមិមួយចំនួននៅតាមផ្លូវ និងកំពុងគំរាមដល់បណ្ដាញផ្គត់ផ្គង់សម្រាប់ទាហានរុស្ស៊ីរាប់ពាន់នាក់។ ការវាយរុលទៅមុខរបស់អ៊ុយក្រែនដាក់គោលដៅលើបណ្ដាញផ្គត់ផ្គង់ សម្រាប់ទាហានរុស្ស៊ីប្រមាណ ២៥,០០០នាក់នៅត្រើយទន្លេ Dnieper ភាគខាងលិច។ អ៊ុយក្រែនបានបំផ្លាញស្ពានសំខាន់ៗរួចទៅហើយ ដោយបង្ខំឲ្យកងកម្លាំងរុស្ស៊ីប្រើស្ពានឆ្លងកាត់បណ្ដោះអាសន្ន។ ការវាយប្រហារដ៏សន្ធាប់ទៅលើតំបន់ជាប់មាត់ទន្លេនេះ អាចកាត់ផ្ដាច់ពួកគេទាំងស្រុង។ ទីក្រុង Kyiv បានផ្ដល់ព័ត៌មានតិចតួចអំពីការដណ្ដើមបានទឹកដីក្នុងភាគខាងត្បូង ប៉ុន្តែប្រភពនានាពីរុស្ស៊ីទទួលស្គាល់ថា ទាហានអ៊ុយក្រែនបានវាយរុលចូលរាប់សិបគីឡូម៉ែត្រនៅច្រាំងទន្លេភាគខាងលិច ដោយដណ្ដើមបានភូមិមួយចំនួននៅតាមផ្លូវនោះ។ការវាយរុលទៅមុខនេះឆ្លុះបញ្ចាំងពីជ័យជម្នះរបស់អ៊ុយក្រែននាពេលថ្មីៗ នៅក្នុងភាគខាងកើតប្រឆាំងនឹងរុស្ស៊ី ស្របពេលដែលទីក្រុង Moscow បានព្យាយាមបង្កើនហានិភ័យដោយការដាក់បញ្ចូលដែនដីនេះជាឧបសម្ព័ន្ធ ការបញ្ជាឲ្យកេណ្ឌកម្លាំងទ័ព និងគំរាមសងសឹកដោយប្រើអាវុធនុយក្លេអ៊ែរ៕អត្ថបទ៖ សុខមាន

សម្តេចតេជោ ហ៊ុន សែន ៖ យើងមានភាពទន់ខ្សោយផ្នែកកីឡាក៏ដោយចុះ តែមិនត្រូវមានភាពទន់ខ្សោយសីលធម៌ផ្នែកគ្រប់គ្រងកីឡាទេ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជាបានថ្លែងថា ខណៈវិស័យកីឡានៅក្នុងទ្វីបអាស៊ីកំពុងទន់ខ្សោយហើយនោះ ហេតុអ្វីក្រមសីលធម៌ នៃការគ្រប់គ្រងកីឡាមានភាពទន់ខ្សោយបន្ថែមទៀត? ជាក់ស្តែងដូចហេតុការណ៍ដែលបានកើតឡើងនៅក្នុងការប្រកួតបាលទាត់មួយ នៅប្រទេសឥណ្ឌូនេស៊ី កាលពីកន្លងទៅថ្មីៗនេះយ៉ាងដូច្នេះដែរ។សម្តេចតេជោ ហ៊ុន សែន បានបញ្ជាក់ថា ដោយខ្វះក្រមសីលធម៌ បានណ្តាលឲ្យមានសោកនាដកម្ម ប្រើហិង្សា និងរត់ជាន់គ្នាដោយបានធ្វើឲ្យមនុស្សស្លាប់ជាច្រើននាក់។ ថ្លែងក្នុងពិធីបើកមហាសន្និបាតក្រុមប្រឹក្សាអូឡាំពិកអាស៊ី (OCA) លើកទី៤១ ដែលប្រារព្ធធ្វើឡើងនៅសណ្ឋាគារសុខាភ្នំពេញ នាព្រឹកថ្ងៃទី៤ ខែតុលា ឆ្នាំ២០២២នេះ សម្តេចតេជោ ហ៊ុន សែន បានលើកឡើងថា សម្តេចពិតជាមានការងឿងឆ្ងល់ចំពោះវិស័យកីឡានៅតំបន់ស៊ីមានភាពទន់ខ្សោយជាងទ្វីបអាមេរិកឡាទីន និងអឺរ៉ុប ជាពិសេសកីឡាបាលទាត់តែម្តង ខណៈប្រជាជននៅតំបន់អាស៊ីមានច្រើនជាងតំបន់អឺរ៉ុបទៅទៀត។ជាមួយគ្នានោះដែរ សម្តេចតេជោ ហ៊ុន សែន ក៏បានលើកឡើងផងដែរថា ខណៈវិស័យកីឡានៅតំបន់អាស៊ីយើងទាំងមូលមានភាពទន់ខ្សោយហើយនោះ ហេតុអ្វីក្រុមសីលធម៌ នៃការគ្រប់គ្រងកីឡាវាមាន ភាពទន់ខ្សោយដែរ។ ដូច្នេះសម្តេចតេជោ ហ៊ុន សែន អំពាវនាវឲ្យប្រទេសជាសមាជិកទាំងអស់គប្បីពង្រឹង នូវក្រមសីលធម៌នៃការគ្រប់គ្រងកីឡានេះឲ្យល្អ ដោយជៀសវាងឲ្យបាននូវការប្រើប្រាស់អំពើហិង្សាដាក់គ្នា៕(ដោយ៖ បាន ចក់)

កូរ៉េខាងជើងបាញ់មីស៊ីលបាលីស្ទីករំលងប្រទេសជប៉ុនធ្លាក់ចូលមហាសមុទ្រប៉ាស៊ីហ្វិក

កូរ៉េខាងជើង៖ កូរ៉េខាងជើងបានបាញ់មីស៊ីលបាលីស្ទីក ១គ្រាប់រំលងប្រទេសជប៉ុន ដែលជាការបាញ់លើកទី៥ ក្នុងរយៈពេល ១០ថ្ងៃ ស្របពេលមានការរំពឹងទុកថា ប្រទេសនេះកំពុងត្រៀមបាញ់សាកល្បងអាវុធនុយក្លេអ៊ែររបស់ខ្លួន ជាលើកដំបូងក្នុងរយៈពេល ៥ឆ្នាំ។ មីស៊ីលដែលត្រូវបានតាមដានដោយឆ្មាំសមុទ្រជប៉ុន និងនាយសេនាធិការចម្រុះរបស់កូរ៉េខាងត្បូង បានជំរុញឲ្យចេញស៊ីរ៉ែនព្រមាននៅក្នុងប្រទេសជប៉ុនភាគខាងជើង ដោយណែនាំឲ្យប្រជាពលរដ្ឋស្នាក់នៅក្នុងផ្ទះ។ សេវារថភ្លើងសាធារណៈនៅក្នុងកោះ Hokkaido ភាគឦសាន និងតំបន់ Aomori ត្រូវបានផ្អាកបណ្ដោះអាសន្ន។ សារព័ត៌មាន Yonhap បានរាយការណ៍ថា លោកនាយករដ្ឋមន្ត្រីជប៉ុន Fumio Kishida បានថ្កោលទោសនូវអ្វីដែលលោកបានហៅថា ជាទង្វើសាហាវឃោរឃៅ ខណៈប្រធានាធិបតីកូរ៉េខាងត្បូងលោក Yoon Suk-yeol បានព្រមានពីការឆ្លើយតបប្រកបដោយការតាំងចិត្តខ្ពស់ ក្រោយការបាញ់សាកល្បងនេះ។មេដឹកនាំទាំង២ បានកោះប្រជុំក្រុមប្រឹក្សាសន្តិសុខជាតិជាការឆ្លើយតបទៅនឹងការបាញ់នេះ។ ប្រព័ន្ធផ្សព្វផ្សាយរដ្ឋរបស់ជប៉ុន NHK បាននិយាយថា មីស៊ីលនេះបានហោះចម្ងាយ ៤,០០០គីឡូម៉ែត្រ ឡើងដល់រយៈកម្ពស់ ១,០០០គីឡូម៉ែត្រ មុនធ្លាក់ចូលមហាសមុទ្រប៉ាស៊ីហ្វិក ក្រោយហោះឡើងលើអាកាសរយៈពេល ២២នាទី។ មីស៊ីលនេះត្រូវបានបាញ់ចេញពីភាគខាងជើងជិតព្រំដែនជាប់ជាមួយប្រទេសចិន៕អត្ថបទ៖ សុខមាន

សម្តេចតេជោ ហ៊ុន សែន អញ្ជើញជាអធិបតីបើកមហាសន្និបាតក្រុមប្រឹក្សាអូឡាំពិកអាស៊ីលើកទី៤១

ភ្នំពេញ៖ នៅព្រឹកថ្ងៃទី៤ ខែតុលា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីបើកមហាសន្និបាតក្រុមប្រឹក្សាអូឡាំពិកអាស៊ី (OCA) លើកទី៤១ ដែលប្រារព្ធធ្វើឡើងនៅសណ្ឋាគារសុខា ភ្នំពេញ។មហាសន្និបាតក្រុមប្រឹក្សាអូឡាំពិកអាស៊ី គឺជាព្រឹត្តិការណ៍ដ៏មានសារៈសំខាន់សម្រាប់ការជជែកពិភាក្សាលើព្រឹត្តិការណ៍កីឡាអូឡាំពិកអាស៊ី ហើយត្រូវបានធ្វើឡើងជារៀងរាល់ឆ្នាំ។ មហាសន្និបាតក្រុមប្រឹក្សាអូឡាំពិកអាស៊ី មានប្រតិភូផ្នែកកីឡាប្រមាណ ៣៣៦រូប មកពី ៥៥ប្រទេសជុំវិញពិភពលោក។ ក្នុងនោះមានប្រតិភូមកពីបណ្តាប្រទេសក្រុមប្រឹក្សាអូឡាំពិកអាស៊ី ចំនួន ៤៥ប្រទេស ព្រមទាំងប្រទេសចលនាអូឡាំពិកអន្តរជាតិ ចូលរួមសង្កេតការណ៍ប្រមាណ ១០ប្រទេសទៀត។ ក្រៅពីនោះ ក៏មានប្រតិភូថ្នាក់ដឹកនាំគណៈកម្មាធិការអូឡាំពិកអន្តរជាតិមួយចំនួនទៀតផងដែរ។សម្តេចតេជោ ហ៊ុន សែន ពិតជារីករាយដោយបានអញ្ជើញចូលរួមក្នុងពិធីបើកមហាសន្និបាតក្រុមប្រឹក្សាអូឡាំពិកអាស៊ីដ៍មានសារៈ សំខាន់នេះ។សម្តេចតេជោបានស្វាគមន៍ព្រះអង្គម្ចាស់ទាយាទ ព្រះអង្គម្ចាស់ ឯកឧត្តមប្រធានក្រុមប្រឹក្សាអូឡាំពិកអាស៊ី និងសមាជិក សមាជិកាដែលបានអញ្ជើញមកចូលរួមក្នុងមហាសន្និបាតក្រុម ប្រឹក្សាអូឡាំពិកអាស៊ីលើកទី ៤១ នៅព្រះរាជាណាចក្រកម្ពុជានាពេលនេះ។សម្តេចតេជោក៏សូមថ្លែងអំណរគុណក្រុមប្រឹក្សាអូឡាំពិកអាស៊ី ដែលបានផ្តល់សេចក្តីទុកចិត្ត និងគាំទ្រកម្ពុជាធ្វើជាម្ចាស់ផ្ទះរៀបចំ មហាសន្និបាតក្រុមប្រឹក្សាអូឡាំពិកអាស៊ីលើកទី ៤១ នេះ នៅព្រះរាជាណាចក្រកម្ពុជា។សម្តេចតេជោនាយករដ្ឋមន្ត្រីបានមានប្រសាសន៍ថា ក្នុងឆ្នាំ ២០២២ នេះ គឺជាពេលវេលាមួយដ៏សមស្រប និងមានសារៈ សំខាន់សម្រាប់កម្ពុជា ក្នុងការផ្លាស់ប្ដូរយោបល់ និងការដក ស្រង់នូវបទពិសោធន៍ជាក់ស្តែង ព្រមទាំងធាតុចូលល្អៗដែល នឹងទទួលបានតាមរយៈការធ្វើបទបង្ហាញដោយអ្នកជំនាញន វិស័យកីឡានិងកិច្ចពិភាក្សាពាក់ព័ន្ធនឹងវិស័យនេះ ពីព្រោះនៅឆ្នាំ ២០២៣ កម្ពុជាត្រូវបានផ្ដល់ការគាំទ្រធ្វើជាប្រធានក្រុម ប្រឹក្សាកីឡាស៊ីហ្គេម និងអាស៊ានប៉ារ៉ាហ្គេម ហើយនឹងរៀបចំការ ប្រកួតកីឡាកម្រិតអន្តរជាតិដ៍ធំនេះនៅព្រះរាជាណាចក្រកម្ពុជា។ឆ្នាំនេះ គឺជាឆ្នាំដ៏មមាញឹក និងមានសារៈសំខាន់សម្រាប់ ព្រះរាជាណាចក្រកម្ពុជា ក្នុងនាមជាប្រធានប្តូរវេន អាស៊ានកម្ពុជា មានការតាំងចិត្តខ្ពស់ឈរលើគោលការណ៍កិច្ចសហប្រតិបត្តិ ការសន្តិសហវិជ្ជមាននិងស្មើមុខស្មើមាត់ រួមចំណែកដោះស្រាយរាល់បញ្ហាប្រឈមនានា ដែលអាចកើតឡើងជាយថាហេតុនៅ ក្នុងតំបន់ ដើម្បីធានាសុខសន្តិភាព សុខដុមនីយកម្ម និងភាព ជាដៃគូគ្រប់ជ្រុងជ្រោយ សំដៅជំរុញល្បឿន និងចីរភាពនៃការ អភិវឌ្ឍសម្រាប់ជោតវាសនា សន្តិសុខតំបន់ ការអភិវឌ្ឍ និង វិបុលភាពរួម ។ដើម្បីរួមចំណែកដល់ការលើកកម្ពស់វិស័យ កីឡា និងការត្រៀមខ្លួនបានល្អ ក្នុងរៀបចំព្រឹត្តិការណ៍កីឡាដ៏ធំ ឱ្យទទួលបានជោគជ័យខ្ពស់ សម្តេចតេជោ ហ៊ុន សែន បានផ្ដល់ការលើកទឹកចិត្តជាចំណុចគន្លឹះមួយចំនួនដូចខាងក្រោម: ១- សម្តេចសូមលើកទឹកចិត្តឱ្យមានកិច្ចពិភាក្សា និងចែករំលែកនូវ ឧត្តមានុវត្តន៍ល្អៗនៅក្នុងមហាសន្និបាតនេះ ពាក់ព័ន្ធទៅនឹង ការរៀបចំព្រឹត្តិការណ៍កីឡាធំៗ ការគ្រប់គ្រង និងការអភិវឌ្ឍ បច្ចេកទេសកីឡា ដើម្បីធ្វើឱ្យវិស័យកីឡាកាន់តែប្រសើរក្នុង តំបន់អាស៊ីយើងនេះ។២- សូមក្រុមប្រឹក្សាអូឡាំពិកអាស៊ីបង្កើនការធ្វើពិធកម្ម សកម្មភាពកីឡាឱ្យបានកាន់តែច្រើនទៀត នៅតាមបណ្ដាប្រទេស សមាជិក ដើម្បីលើកកម្ពស់វិស័យកីឡានៅតំបន់អាស៊ី និងបង្កើន ការផ្សារភ្ជាប់វិស័យកីឡាទៅនឹងវិស័យសេដ្ឋកិច្ច ជាពិសេស ទេសចរណ៍កីឡា ដែលត្រូវបានចាត់ទុកជាប្រភេទទេសចរណ៍ បៃតង ដើម្បីពង្រឹងមិត្តភាព សាមគ្គីភាពដែលរួមចំណែកដល់ ការកសាងសុខសន្តិភាពប្រកបដោយចីរភាពក្នុងតំបន់។៣- គណៈកម្មាធិការជាតិអូឡាំពិកកម្ពុជា ជាពិសេស គណៈកម្មាធិការជាតិរៀបចំការប្រកួតកីឡាស៊ីហ្គេម និងអាស៊ាន ប៉ារ៉ាហ្គេម ឆ្នាំ ២០២៣ ត្រូវបង្កើនកិច្ចសហការទាំងបច្ចេកទេស និងបទពិសោធន៍ជាមួយក្រុមប្រឹក្សាអូឡាំពិកអាស៊ី គណៈ កម្មាធិការជាតិអូឡាំពិកនៃប្រទេសសមាជិក ក្រុមប្រឹក្សាសហព័ន្ធកីឡាអាស៊ីអាគ្នេយ៍ ក្រុមប្រឹក្សាសហព័ន្ធកីឡាអាស៊ានប៉ារ៉ និងស្ថាប័នកីឡាអន្តរជាតិក្នុងការបណ្តុះបណ្តាល និងការអភិវឌ្ឍ កម្រិតបច្ចេកទេសកីឡាដល់អត្តពលិកកម្ពុជាឱ្យបានដល់កម្រិត ដែលអាចធ្វើទៅបាន ដើម្បីឱ្យអត្តពលិកកម្ពុជាអាចចូលរួម កាន់តែទូលំទូលាយ ក្នុងព្រឹត្តិការណ៍អន្តរជាតិនានានៅថ្ងៃ អនាគត។៤- អំពាវនាវដល់បណ្តាប្រទេសសមាជិកនៃ ក្រុមប្រឹក្សាអូឡាំពិកអាស៊ីមេត្តាផ្តល់នូវការគាំទ្រក្នុងគ្រប់ទម្រង់ តាមដែលអាចធ្វើទៅបាន ដើម្បីឱ្យការរៀបចំការប្រកួតកីឡា ស៊ីហ្គេម និងអាស៊ានប៉ារ៉ាហ្គេម ឆ្នាំ ២០២៣ នៅព្រះរាជាណា ចក្រកម្ពុជាទទួលបានជោគជ័យខ្ពស់៕

តុលាការរុស្ស៊ីអនុម័តការដាក់បញ្ចូលតំបន់របស់អ៊ុយក្រែន ខណៈទាហានជ្រើសរើសថ្មីត្រូវបានបណ្តុះបណ្តាល

រុស្ស៊ី៖ ទូរទស្សន៍រដ្ឋរុស្ស៊ីបានរាយការណ៍ថា តុលាការធម្មនុញ្ញរបស់រុស្ស៊ីកាលពីថ្ងៃអាទិត្យបានទទួលស្គាល់ ការដាក់បញ្ចូលតំបន់របស់អ៊ុយក្រែនចំនួន៤ ក្នុងរដ្ឋធម្មនុញ្ញ។ ប្រធានតុលាការធម្មនុញ្ញរុស្ស៊ីលោក Valery Zorkin បានប្រាប់ប្រព័ន្ធផ្សព្វផ្សាយរុស្ស៊ីថា ថ្ងៃនេះតុលាការធម្មនុញ្ញបានអនុម័តសេចក្តីសម្រេចចំនួន៤ ដែលបានអនុម័តលើកិច្ចព្រមព្រៀងពាក់ព័ន្ធរបស់សហព័ន្ធរុស្ស៊ី ជាមួយសាធារណរដ្ឋចំនួនពីរគឺ Donetsk និង Luhansk ព្រមទាំងតំបន់ Kherson និង Zaporizhzhia។ សភាជាន់ទាបរបស់សភារុស្ស៊ីត្រូវបានគេរំពឹងថា នឹងពិចារណាលើសេចក្តីព្រាងច្បាប់ស្តីពីការដាក់បញ្ចូលតំបន់ទាំង៤ នៅថ្ងៃចន្ទនេះ។ ប្រធានក្រុមប្រឹក្សាសហព័ន្ធរុស្ស៊ីដែលជាសភាជាន់ខ្ពស់បាននិយាយថា ស្ថាប័ននេះទំនងជានឹងបោះឆ្នោតលើច្បាប់ដាក់បញ្ចូលនៅថ្ងៃអង្គារ។ ជាមួយគ្នានេះទាហានកេណ្ឌថ្មីបានចាប់ផ្តើមហ្វឹកហាត់ នៅតំបន់រៀនបាញ់កាំភ្លើងរបស់យោធាផ្សេងៗគ្នា បន្ទាប់ពីប្រធានាធិបតីរុស្ស៊ីលោក វ្ល៉ាឌីមៀ ពូទីន បានប្រកាសពីការកេណ្ឌទាហានបម្រុងមួយផ្នែកកាលពីសប្តាហ៍មុន។ទូរទស្សន៍រដ្ឋរុស្ស៊ីបានបង្ហាញទាហានបម្រុងបាញ់កាំភ្លើង Giatsint-B 152មីល្លីម៉ែត្រនៅមូលដ្ឋានយោធាក្នុងតំបន់ Kaliningrad និងបើករថក្រោះ T90M នៅតំបន់គ្រីមៀ។ វិមានក្រឹមឡាំងបាននិយាយថា ខ្លួនមានផែនការកេណ្ឌមនុស្សចំនួន ៣សែននាក់ ប៉ុន្តែប្រព័ន្ធផ្សព្វផ្សាយរុស្ស៊ីបានរាយការណ៍ថា ចំនួននេះអាចកើនឡើងដល់ ១,២លាននាក់ ជាការអះអាងដែលមន្ត្រីរុស្ស៊ីបានបដិសេធ។ ក្រសួងការពារជាតិរុស្ស៊ីបានសន្យា ចំពោះតែទាហានបម្រុងដែលមានបទពិសោធន៍ប្រយុទ្ធ ឬការងារពាក់ព័ន្ធតែប៉ុណ្ណោះ ប៉ុន្តែយោងតាមរបាយការណ៍ប្រព័ន្ធផ្សព្វផ្សាយជាច្រើន និងក្រុមអ្នកស៊ូមតិសិទ្ធិមនុស្សបាននិយាយថា ក្រុមបុរសដែលមិនពេញលក្ខណៈវិនិច្ឆ័យក៏កំពុងត្រូវបានកេណ្ឌផងដែរ៕អត្ថបទ៖ ប៊ុនថន

ជំងឺអាសន្នរោគបណ្តាលឲ្យមនុស្សយ៉ាងហោចណាស់ ៧នាក់ស្លាប់នៅហៃទី

ហៃទី៖ ប្រទេសហៃទីកាលពីថ្ងៃអាទិត្យបាននិយាយថា មនុស្សយ៉ាងហោចណាស់ ៧នាក់បានស្លាប់ដោយសារជំងឺអាសន្នរោគ ដែលបានត្រឡប់មកវិញដ៏គួរឱ្យភ្ញាក់ផ្អើលនៃជំងឺដែលកើតមានឡើង ខណៈប្រទេសនេះត្រូវបានជាប់គាំងដោយសារការរារាំងរបស់ក្រុមជនអន្ធពាល ដែលបានបង្កឱ្យមានការខ្វះប្រេងឥន្ធនៈ និងទឹកស្អាតប្រើប្រាស់។ ជំងឺនេះបានបណ្តាលឲ្យមនុស្សប្រហែល ១០,០០០នាក់ស្លាប់ចាប់តាំងពីការផ្ទុះឡើងក្នុងឆ្នាំ២០១០ ដែលត្រូវបានដាក់កំហុសលើកងកម្លាំងរក្សាសន្តិភាពអង្គការសហប្រជាជាតិ។ អង្គការសុខភាពប្រចាំទ្វីបអាមេរិក Pan American កាលពីឆ្នាំ២០២០ បាននិយាយថា ប្រទេសហៃទីបានឆ្លងកាត់រយៈពេលមួយឆ្នាំមកហើយ គ្មានករណីជំងឺអាសន្នរោគត្រូវបានបញ្ជាក់នោះទេ។ លោក Laure Adrien អគ្គនាយកក្រសួងសុខាភិបាលបាននិយាយក្នុងសន្និសីទសារព័ត៌មានថា យោងតាមព័ត៌មានដែលយើងទទួលបាន ចំនួនអ្នកស្លាប់មានប្រហែលពី ៧ ទៅ ៨នាក់ ហើយមន្ត្រីកំពុងព្យាយាមដើម្បីទទួលបានព័ត៌មានពីមន្ទីរពេទ្យជាច្រើនទៀត។ ក្រសួងសុខាភិបាលបានបញ្ជាក់មួយករណីនៅក្នុងទីក្រុងព័រអូប្រាំង ហើយមានករណីសង្ស័យនៅក្រុង Cite Soleil នៅក្រៅរដ្ឋធានី ជាទីតាំងនៃសង្គ្រាមដណ្តើមដែនដីដ៏សាហាវរបស់ក្រុមជនអន្ធពាលកាលពីខែកក្កដា។ក្រុមជនអន្ធពាលបានបិទច្រកកំពង់ផែងនាំចូលប្រេងដ៏សំខាន់របស់ប្រទេស បណ្តាលឲ្យមានការតវ៉ាជុំវិញការប្រកាសដំឡើងថ្លៃប្រេងឥន្ធនៈ។ មន្ទីរពេទ្យជាច្រើនកន្លែងបានបិទ ឬកាត់បន្ថយប្រតិបត្តិការដោយសារការខ្វះប្រេងឥន្ធនៈសម្រាប់ម៉ាស៊ីនភ្លើង។ ក្រុមហ៊ុន Caribbean Bottling Company ជាក្រុមហ៊ុនផ្គត់ផ្គង់ទឹកដបដ៏សំខាន់បាននិយាយកាលពីថ្ងៃអាទិត្យថា ក្រុមហ៊ុនមិនអាចបន្តផលិត និងចែកចាយទឹកបានទៀតទេ ព្រោះវាអស់ប្រេងម៉ាស៊ូត ដែលមានសារៈសំខាន់ចំពោះសង្វាក់ផ្គត់ផ្គង់របស់ក្រុមហ៊ុន។ ជំងឺអាសន្នរោគនេះជាធម្មតាឆ្លងតាមរយៈទឹកកខ្វក់ មានន័យថា ទឹកស្អាតគឺមានសារៈសំខាន់សម្រាប់ការពារការរីករាលដាលជំងឺនេះ៕អត្ថបទ៖ ប៊ុនថន

ត្រាក់ទ័រសណ្តោងមួយគ្រឿងក្រឡាប់នៅប្រទេសឥណ្ឌាបណ្ដាលឲ្យមនុស្ស ២៦នាក់ស្លាប់

ឥណ្ឌា៖ ក្រុមមន្ត្រីបាននិយាយកាលពីថ្ងៃអាទិត្យថា ត្រាក់ទ័រសណ្តោងរ៉ឺម៉កមួយគ្រឿងរបស់កសិដ្ឋានមានដឹកមនុស្សច្រើននាក់បានក្រឡាប់ និងធ្លាក់ចូលទៅក្នុងស្រះទឹកមួយ នៅភាគខាងជើងប្រទេសឥណ្ឌាបណ្តាលឲ្យមនុស្ស ២៦នាក់ស្លាប់ដែលភាគច្រើនជាស្ត្រី និងកុមារ។ស្នងការនគរបាលលោក Tej Swaroop Singh បាននិយាយថា ត្រាក់ទ័រសណ្តោងនេះមានដឹកមនុស្សប្រមាណ ៤០នាក់ត្រឡប់មកពីពិធីមួយនៅព្រះវិហារហិណ្ឌូក្នុងតំបន់ក្បែរនោះ ហើយអ្នកស្លាប់ភាគច្រើនគឺដោយសារលង់ទឹក។ យ៉ាងហោចណាស់មនុស្ស ១០នាក់ផ្សេងទៀតបានរងរបួសនៅក្នុងឧបទ្ទវហេតុនៅក្នុងតំបន់ Ghatampur ទីក្រុងKanpur ចម្ងាយប្រហែល ១០០គីឡូម៉ែត្រពីរដ្ឋ Uttar Pradesh។ មូលហេតុនៃគ្រោះថ្នាក់នេះកំពុងស្ថិតក្រោមការស៊ើបអង្កេត។នាយករដ្ឋមន្ត្រីលោក Narendra Modi បានសរសេរលើបណ្តាញ Twitter នូវសាររំលែកទុក្ខថា «មានទុក្ខដោយឧប្បត្តហេតុត្រាក់ទ័រសណ្តោងនៅទីក្រុង Kanpur។ អារម្មណ៍របស់ខ្ញុំនៅជាមួយអ្នកទាំងអស់គ្នាដែលបានបាត់បង់មនុស្សជិតស្និទ្ធ និងជាទីស្រឡាញ់ ហើយលោកបានបន់ស្រន់ដល់អ្នករងរបួសឲ្យឆាប់ជាសះស្បើយ»។ វាជាឧបទ្ទវហេតុលើកទី២ ក្នុងរយៈពេលបីថ្ងៃចុងក្រោយនេះ ដែលត្រាក់ទ័រដឹកមនុស្សក្រឡាប់បណ្តាលឲ្យមនុស្សយ៉ាងតិច ១២នាក់ស្លាប់។ ឥណ្ឌាជាប្រទេសដែលមានអត្រាមរណៈភាពតាមដងផ្លូវខ្ពស់បំផុតនៅលើពិភពលោក ដោយមានមនុស្សរាប់សែននាក់បានស្លាប់ និងរងរបួសជារៀងរាល់ឆ្នាំ។ គ្រោះថ្នាក់ភាគច្រើនត្រូវបានដាក់កំហុសលើការបើកបរមិនប្រុងប្រយ័ត្ន ការថែទាំផ្លូវមិនល្អ និងយានយន្តចាស់ៗ៕អត្ថបទ៖ ប៊ុនថន

សម្ព័ន្ធមិត្តលោក Putin ផ្ដល់យោបល់ឲ្យរុស្ស៊ីប្រើអាវុធនុយក្លេអ៊ែរខ្នាតតូចនៅក្នុងសង្គ្រាមអ៊ុយក្រែន

រុស្ស៊ី៖ មេដឹកនាំក្រុមឆេតឈ្នី (Chechen) លោក Ramzan Kadyrov កាលពីចុងសប្ដាហ៍នេះបានជំរុញទីក្រុង Moscow ឲ្យពិចារណាការដាក់ពង្រាយអាវុធនុយក្លេអ៊ែរខ្នាតតូចនៅក្នុងប្រទេសអ៊ុយក្រែន បន្ទាប់ពីកងកម្លាំងរុស្ស៊ីបានដកថយពីទីក្រុង Lyman។ នៅក្នុងការបង្ហោះសារលើបណ្ដាញ Telegram លោក Kadyrov បាននិយាយថា លោកជឿថា វិធានការមានប្រសិទ្ធភាពជាច្រើនគួរតែត្រូវបានអនុវត្តន៍ ស្របតាមការប្រកាសច្បាប់អាជ្ញាសឹកនៅតាមតំបន់ព្រំដែន និងការប្រើប្រាស់អាវុធនុយក្លេអ៊ែរខ្នាតដែលមានកម្លាំងត្រឹម ១០គីឡូតោន។ លោក Kadyrov គឺជាសម្ព័ន្ធមិត្តជិតស្និទ្ធរបស់ប្រធានាធិបតីរុស្ស៊ីលោក Vladimir Putin ដែលបានតែងតាំងលោកឲ្យគ្រប់គ្រងតំបន់ឆេតឈ្នី (Chechnya) ក្នុងឆ្នាំ២០០៧។ ការអត្ថាធិប្បាយរបស់លោកមានឡើង បន្ទាប់ពីរុស្ស៊ីបាត់បង់មូលដ្ឋានរឹងមាំនៃទីក្រុង Lyman ក្នុងភាគខាងកើតអ៊ុយក្រែន ក្រោយការវាយបកដ៏ខ្លាំងក្លាពីកងកម្លាំងអ៊ុយក្រែន។ រុស្ស៊ីមានឃ្លាំងអាវុធបរមាណូធំជាងគេបំផុតក្នុងពិភពលោក រួមទាំងអាវុធនុយក្លេអ៊ែរតាកទិកដែលបានផលិតឡើងសម្រាប់ប្រឆាំងសត្រូវ៕អត្ថបទ៖ សុខមាន

សម្ដេចតេជោ ហ៊ុន សែន ៖ ការផ្តល់បណ្ណក្រីក្រជូនពលរដ្ឋនៅរុនតាឯក ជាគោលនយោបាយ មិនមែនជាការឃោសនាបោះឆ្នោតទេ

ភ្នំពេញ៖ សម្ដេចតេជោតេជោ ហ៊ុន សែន នាយករដ្ឋមន្ដ្រី មានប្រសាសន៍ថា ការផ្ដល់បណ្ណក្រីក្រជូនដល់បងប្អូនប្រជាពលរដ្ឋនៅភូមិរុនតាឯក ស្រុកបន្ទាយស្រី ខេត្តសៀមរាប គឺជាគោលនយោបាយ របស់រាជរដ្ឋាភិបាល មិនជាការឃោសនាបោះឆ្នោតនោះឡើយ ខណៈការផ្តល់នេះគឺដើម្បីលើកកម្ពស់ជីវ ភាពរបស់ពលរដ្ឋពីសំណាក់រាជរដ្ឋាភិបាល។ ថ្លែងនៅក្នុងឱកាសអញ្ជើញចែកសញ្ញាបត្រ ដល់និស្សិតវិទ្យាស្ថានវ៉ាន់ដា ជិត៤ពាន់នាក់ នាព្រឹកថ្ងៃ ទី៣ ខែតុលា ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្រ្ តីបានបញ្ជាក់ថា មានបុគ្គលមួយចំនួនតូច បានរិះគន់សម្តេច ជុំវិញការផ្ដល់បណ្ណក្រីក្រជូនប្រជាពលរដ្ឋនៅតំបន់រុនតាឯក ប្រៀបដូចការឃោសនាបោះឆ្នោតមុនរយៈពេលកំណត់ដែលផ្ទុយនឹងច្បាប់។ សូមរំលឹកថា កាលពីថ្ងៃទី១ ខែតុលា កន្លងទៅថ្មីៗនេះ ក្នុងពិធីជួបសំណេះសំណាលជាមួយប្រជាពលរដ្ឋ ២,៧៥១គ្រួសារផ្សេងទៀត ដែលបានស្ម័គ្រចិត្តរើលំនៅឋាន និងសំណង់ផ្សេងៗចេញពីតំបន់រមណីយដ្ឋានអង្គរ និងតំបន់ ស្ថិតក្រោមការគ្រប់គ្រងរបស់អាជ្ញាធរជាតិអប្សរា សម្ដេចសម្រេចប្រគល់បណ្ណសមធម៌(បណ្ណក្រីក្រប្រភេទ១)ជូនដល់ប្រជាពលរដ្ឋទាំងអស់ដែលមករស់នៅភូមិរុនតាឯក ស្ថិតក្នុងស្រុកបន្ទាយស្រី ខេត្តសៀមរាប ដោយមិនចាំបាច់គិតពីស្ថានភាពជីវភាព។សម្តេចនាយករដ្ឋមន្ត្រី បានបញ្ជាក់ថា ប្រជាពលរដ្ឋដែលបានកាន់បណ្ណក្រីក្រប្រភេទទី២ ដែលបានរុះរើមករស់នៅតំបន់រុនតាឯក ត្រូវប្តូរយកបណ្ណសមធម៌ (បណ្ឌក្រីក្រប្រភេទ១) ទាំងអស់គ្នា ខណៈចំណូលដែលទទួលបានពីបណ្ណក្រីក្រប្រភេទ១ នឹងក្លាយជាផ្នែកមួយជួយគាំទ្រដល់ការលំបាករបស់ប្រជាពលរដ្ឋបានមួយកម្រិត៕(ដោយ៖ បាន ចក់)

ផ្ទុះអំពើហិង្សាក្រោយការប្រកួតបាល់ទាត់នៅឥណ្ឌូនេស៊ីរត់ជាន់គ្នាស្លាប់ជាង ១២០នាក់

បាល់ទាត់៖ អំពើហិង្សាមួយបានផ្ទុះឡើង ក្រោយការប្រកួតបាល់ទាត់មួយនៅប្រទេសឥណ្ឌូនេស៊ី ធ្វើឱ្យមន្ត្រីនគរបាលបង្ខំចិត្តបាញ់ឧស្ម័នបង្ហូរទឹកភ្នែក និងមានមនុស្សស្លាប់ដល់ទៅ ១២៥នាក់ដោយសាររត់ជាន់គ្នា។ មានការប៉ះទង្គិចរវាងអ្នកគាំទ្រក្រុមពីរជួបគ្នានៅកីឡដ្ឋាន Kanjuruhan នៅទីក្រុង Malang City ភាគខាងកើតខេត្ត Java ដែលបញ្ចប់ទៅដោយ Persebaya Surabaya យកឈ្នះ Arema Malang ៣-២ នៃការប្រកួតក្របខណ្ឌលីគ កំពូលឥណ្ឌូនេស៊ី Indonesian Premier League។ អំពើហិង្សាបានផ្ទុះឡើងភ្លាមៗក្រោយការប្រកួតបានបញ្ចប់កាលពីយប់ថ្ងៃសៅរ៍ ដែលធ្វើឱ្យមានការបាញ់ឧស្ម័នបង្ហូរទឹកភ្នែកពីមន្ត្រីនគរបាលដើម្បីបំបែក ហើយមនុស្សរាប់រយនាក់ព្យាយាមរកផ្លូវរត់ចេញពីកីឡដ្ឋាន ដែលបណ្តាលឱ្យមានការជាន់គ្នាស្លាប់ៗភ្លាមៗនៅនឹងកន្លែងចំនួន ៣៤នាក់។មនុស្សជាង ៣០០នាក់ត្រូវបានបញ្ជូនទៅមន្ទីរពេទ្យក្បែរកីឡដ្ឋាន តែអកុសលក៏មានអ្នកស្លាប់ជាបន្តបន្ទាប់ទៀតអំឡុងពេលដឹកជញ្ជូនទៅមន្ទីរពេទុ្យ និងនៅមន្ទីរពេទ្យសរុប ១២៥នាក់។ បើតាមការឱ្យដឹងពីមន្ត្រីនៅក្នុងតំបន់ថា ចំនួនអ្នកស្លាប់អាចនឹងមានការកើនឡើនបន្តបន្ទាប់ទៀតលើអ្នករងគ្រោះប្រមាណជា ១៨០នាក់ដែលភាគច្រើនស្ថិតក្នុងស្ថានភាពគ្រោះថ្នាក់៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់តំណាងនាំយកទេយ្យវត្ថុ និងបច្ច័យ ថ្វាយប្រគេនសម្ដេចព្រះមហាសង្ឃរាជ នន្ទ ង៉ែត

ករណីនាំសាច់បង្កកមកពីថៃជាង២០០តោន : តំណាងអយ្យការចោទប្រកាន់ជនសង្ស័យ ២នាក់

ក្រសួងបរិស្ថានគាំទ្រសហគមន៍តំបន់ការពារធម្មជាតិនៅកម្ពុជា ចូលរួមការពារនិងអភិរក្សធនធានធម្មជាតិ និងលើកកម្ពស់ជីវភាពប្រជាពលរដ្ឋនៅតាមសហគមន៍

អ៊ីរ៉ង់៖ បុណ្យសពអតីតមេដឹកនាំកំពូល នឹងចាប់ផ្តើមនៅថ្ងៃទី ៤ ខែកក្កដា ហើយបញ្ចប់ជាមួយការបញ្ចុះសពនៅថ្ងៃទី ៩ខែកក្កដា

សហគមន៍ទុរេនបែកអន្លូង ស្រុកស្ទឹងត្រង់បានចុះបញ្ជីម៉ាកសមូហភាព និងមាន QR Code ត្រឹមត្រូវ

ស.ស.យ.ក បន្តចុះអប់រំនិស្យិតដោយផ្សារភ្ជាប់ព្រះពុទ្ធសាសនាទៅនឹងការរស់នៅថ្លៃថ្នូរ

សមាគមអតីតយុទ្ធជន កំពង់ឆ្នាំង ប្រគល់ថវិកាបេឡាមរណៈសង្គ្រោះ ១២លានរៀល ជូនសមាជិក ៣គ្រួសារ

សំណុំរឿងសាច់បង្កកជាង ២០០តោន នាំមកពីថៃចូលដល់ដៃតុលាការហើយ

ការខូចខាតធ្ងន់ធ្ងរ បានកើតឡើងនៅទីក្រុងភាគខាងត្បូង Tyre ប្រទេសលីបង់ ក្រោយការវាយប្រហាររបស់អ៊ីស្រាអែល

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

កងកម្លាំងអ៊ុយក្រែនវាយរុលចូលភាគខាងត្បូងឆ្លុះបញ្ចាំងពីជ័យជម្នះក្នុងភាគខាងកើត

កូរ៉េខាងជើងបាញ់មីស៊ីលបាលីស្ទីករំលងប្រទេសជប៉ុនធ្លាក់ចូលមហាសមុទ្រប៉ាស៊ីហ្វិក

សម្តេចតេជោ ហ៊ុន សែន អញ្ជើញជាអធិបតីបើកមហាសន្និបាតក្រុមប្រឹក្សាអូឡាំពិកអាស៊ីលើកទី៤១

តុលាការរុស្ស៊ីអនុម័តការដាក់បញ្ចូលតំបន់របស់អ៊ុយក្រែន ខណៈទាហានជ្រើសរើសថ្មីត្រូវបានបណ្តុះបណ្តាល

ជំងឺអាសន្នរោគបណ្តាលឲ្យមនុស្សយ៉ាងហោចណាស់ ៧នាក់ស្លាប់នៅហៃទី

ត្រាក់ទ័រសណ្តោងមួយគ្រឿងក្រឡាប់នៅប្រទេសឥណ្ឌាបណ្ដាលឲ្យមនុស្ស ២៦នាក់ស្លាប់

សម្ព័ន្ធមិត្តលោក Putin ផ្ដល់យោបល់ឲ្យរុស្ស៊ីប្រើអាវុធនុយក្លេអ៊ែរខ្នាតតូចនៅក្នុងសង្គ្រាមអ៊ុយក្រែន

សម្ដេចតេជោ ហ៊ុន សែន ៖ ការផ្តល់បណ្ណក្រីក្រជូនពលរដ្ឋនៅរុនតាឯក ជាគោលនយោបាយ មិនមែនជាការឃោសនាបោះឆ្នោតទេ

ផ្ទុះអំពើហិង្សាក្រោយការប្រកួតបាល់ទាត់នៅឥណ្ឌូនេស៊ីរត់ជាន់គ្នាស្លាប់ជាង ១២០នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

កងកម្លាំង​អ៊ុយ​ក្រែ​ន​វាយ​រុលចូល​ភាគខាងត្បូងឆ្លុះបញ្ចាំង​ពី​ជ័យជម្នះ​ក្នុង​ភាគ​ខាងកើត​

កូរ៉េខាងជើង​បាញ់​មី​ស៊ី​ល​បាលី​ស្ទីក​រំលង​ប្រទេស​ជប៉ុន​ធ្លាក់​ចូល​មហាសមុទ្រ​ប៉ាស៊ីហ្វិក

សម្តេចតេជោ ហ៊ុន សែន អញ្ជើញជាអធិបតីបើកមហាសន្និបាតក្រុមប្រឹក្សាអូឡាំពិកអាស៊ីលើកទី៤១

ជំងឺ​អាសន្នរោគ​បណ្តាល​ឲ្យ​មនុស្ស​យ៉ាង​ហោចណាស់ ៧​​នាក់​ស្លាប់​នៅ​ហៃ​ទី

ត្រាក់ទ័រ​សណ្តោង​មួយ​គ្រឿង​ក្រឡាប់​នៅ​ប្រទេស​ឥណ្ឌា​បណ្ដាល​ឲ្យ​មនុស្ស​ ២៦​នាក់​ស្លាប់

សម្ដេចតេជោ ហ៊ុន សែន ៖ ការផ្តល់បណ្ណក្រីក្រជូនពលរដ្ឋនៅរុនតាឯក ជាគោលនយោបាយ មិនមែនជាការឃោសនាបោះឆ្នោតទេ

ផ្ទុះ​អំពើ​ហិង្សា​ក្រោយ​ការប្រកួត​បាល់ទាត់​នៅ​ឥណ្ឌូនេស៊ី​រត់​ជាន់គ្នា​ស្លាប់ជាង ១២០​នាក់​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កងកម្លាំងអ៊ុយក្រែនវាយរុលចូលភាគខាងត្បូងឆ្លុះបញ្ចាំងពីជ័យជម្នះក្នុងភាគខាងកើត

កូរ៉េខាងជើងបាញ់មីស៊ីលបាលីស្ទីករំលងប្រទេសជប៉ុនធ្លាក់ចូលមហាសមុទ្រប៉ាស៊ីហ្វិក

ជំងឺអាសន្នរោគបណ្តាលឲ្យមនុស្សយ៉ាងហោចណាស់ ៧នាក់ស្លាប់នៅហៃទី

ត្រាក់ទ័រសណ្តោងមួយគ្រឿងក្រឡាប់នៅប្រទេសឥណ្ឌាបណ្ដាលឲ្យមនុស្ស ២៦នាក់ស្លាប់

ផ្ទុះអំពើហិង្សាក្រោយការប្រកួតបាល់ទាត់នៅឥណ្ឌូនេស៊ីរត់ជាន់គ្នាស្លាប់ជាង ១២០នាក់