BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

សម្ដេចធិបតី៖ កម្ពុជាជ្រើសរើសយកយន្តការ UNCLOS ដោយសារថៃលុបចោល MOU ២០០១ ជាឯកតោភាគី

ព័ត៌មានសំខាន់ៗ

យោធាមីយ៉ាន់ម៉ាកាត់ទោសលោកស្រី Suu Kyi ឲ្យជាប់ពន្ធនាគារ ៣ឆ្នាំទៀតពីបទទទួលសំណូក

មីយ៉ាន់ម៉ា៖ ប្រភពមួយដែលដឹងច្បាស់អំពីបញ្ហាបាននិយាយថា តុលាការសហភាពមីយ៉ាន់ម៉ាដែលគ្រប់គ្រងដោយយោធានៅថ្ងៃពុធនេះ បានកាត់ទោសមេដឹកនាំដែលត្រូវបានទម្លាក់ពីតំណែងលោកស្រី Aung San Suu Kyi ឲ្យជាប់ពន្ធនាគាររយៈពេល ៣ឆ្នាំបន្ថែមទៀតដោយចោទប្រកាន់ពីបទពុករលួយ។ លោកស្រី Suu Kyi អាយុ ៧៧ឆ្នាំជាមេដឹកនាំប្រឆាំងរបបយោធា ប្រឈមមុខនឹងការចោទប្រកាន់យ៉ាងហោចណាស់ ១៨ករណី មានចាប់ពីអំពើពុករលួយរហូតដល់ការរំលោភលើការបោះឆ្នោត ដែលមានរយៈពេលជាប់ទោសអតិបរមារួមបញ្ចូលគ្នាជិត ១៩០ឆ្នាំ។ លោកស្រី Aung San Suu Kyi បានចាត់ទុកការចោទប្រកាន់មកលើលោកស្រីថា មិនសមហេតុផល និងបានបដិសេធរាល់ការប្រព្រឹត្តខុស។ លោកស្រីកំពុងត្រូវបានឃុំខ្លួនក្នុងរដ្ឋធានី Naypyitaw។ ប្រភពព័ត៌មានបាននិយាយថា ការចោទប្រកាន់ចុងក្រោយលើលោកស្រី Aung San Suu Kyi គឺទាក់ទងទៅនឹងការទទួលយកសំណូកពីពាណិជ្ជករម្នាក់។លោកស្រី Suu Kyi ត្រូវបានកាត់ទោសឱ្យជាប់ពន្ធនាគាររយៈពេល ៣ឆ្នាំលើបទចោទប្រកាន់ចំនួន ២ ដើម្បីអនុវត្តទោសក្នុងពេលដំណាលគ្នា។ ក្រុមប្រឆាំងយោធានិយាយថា ការចោទប្រកាន់លើលោកស្រី Suu Kyi មានគោលបំណងរារាំងលោកស្រីមិនឲ្យចូលរួមក្នុងឆាកនយោបាយជាថ្មីម្តងទៀត ឬព្យាយាមប្រឆាំងការកាន់កាប់អំណាចរបស់យោធាចាប់តាំងពីរដ្ឋប្រហារកាលពីឆ្នាំមុន។ របបសឹកមីយ៉ាន់ម៉ាទទូចថា តុលាការមីយ៉ាន់ម៉ាគឺឯករាជ្យ ហើយអ្នកទាំងឡាយណាដែលត្រូវបានចាប់ខ្លួនកំពុងទទួលបានដំណើរការត្រឹមត្រូវ៕អត្ថបទ៖ ប៊ុនថន

សាកសពត្រូវបានគេយកចេញពីកន្លែងបញ្ចុះសពដ៏ធំនៅទីក្រុង Lyman ប្រទេសអ៊ុយក្រែន

អ៊ុយក្រែន៖ បុគ្គលិកបានគាស់យកចេញសាកសពជាច្រើនរុំដោយប្លាស្ទិកខ្មៅ ពីកន្លែងបញ្ចុះសពដ៏ធំមួយក្នុងទីក្រុង Lyman កាលពីថ្ងៃអង្គារ ខណៈអាជ្ញាធរអ៊ុយក្រែនបានប្រមូលភស្តុតាងពីរយៈពេលជាង ៤ខែដែលទីក្រុងនៅភាគខាងកើតបានស្ថិតនៅក្រោមការកាន់កាប់របស់រុស្ស៊ី។ សាកសពរុំដោយប្លាស្ទិកចំនួន ១០នាក់បានដាក់នៅក្បែរលេណដ្ឋានមួយ ហើយអាជ្ញាធរនិយាយថា សាកសពចំនួន ៣២នាក់ត្រូវបានគេធ្វើកោសល្យវិច័យរហូតមកដល់ពេលនេះ។ រដ្ឋបាលយោធាក្នុងតំបន់ Donetsk លោក Pavlo Kyrylenko បាននិយាយនៅក្នុងទីក្រុង Lyman កាលពីថ្ងៃអង្គារថា សាកសពទាំងនោះគឺជាទាហានអ៊ុយក្រែនដែលត្រូវបានកប់រួមគ្នានៅក្នុងផ្នូរដ៏ធំមួយ។ អាជ្ញាធរបាននិយាយថា កុមារមួយចំនួនត្រូវបានគេរកឃើញក្នុងចំណោមអ្នកស្លាប់ ហើយជនរងគ្រោះភាគច្រើនទំនងជាបានស្លាប់ដោយសារការបាញ់ផ្លោង ដែលបានវាយប្រហារមកលើទីក្រុងក្នុងរយៈពេលជាច្រើនខែមកនេះ។ ពួកគេមានការប្រុងប្រយ័ត្នក្នុងការនិយាយថា តើសាកសពណាមួយដែលត្រូវបានកប់នោះបង្ហាញសញ្ញាថា ត្រូវបានប្រហារជីវិត ឬទទួលរងការធ្វើទារុណកម្ម ដោយគ្រាន់តែបញ្ជាក់ថា ការស៊ើបអង្កេតនៅតែស្ថិតក្នុងដំណាក់កាលដំបូងនៅឡើយ។ទីក្រុង Lyman ត្រូវបានដណ្តើមយកមកវិញដោយកងកម្លាំងអ៊ុយក្រែនកាលពីចុងខែកញ្ញា ជាផ្នែកមួយនៃការវាយលុកដ៏ឆាប់រហ័សរបស់អ៊ុយក្រែន ដែលបានដណ្តើមយកមកវិញនូវទឹកដីដ៏ធំនៃទីក្រុង Kharkiv, Donetsk និង Kherson ពីការគ្រប់គ្រងរបស់រុស្ស៊ី។ ពេលនេះអាជ្ញាធរអ៊ុយក្រែនកំពុងធ្វើការ ដើម្បីស្ដារហេដ្ឋារចនាសម្ព័ន្ធក្នុងតំបន់ និងស៊ើបអង្កេតពីរបៀបដែលជនស៊ីវិលរស់នៅ និងស្លាប់ក្នុងអំឡុងពេលកាន់កាប់របស់រុស្ស៊ី៕អត្ថបទ៖ ប៊ុនថន

រុស្ស៊ីបន្តវាយប្រហារនៅទូទាំងប្រទេសអ៊ុយក្រែន

រុស្ស៊ី៖ ក្រសួងការពារជាតិរុស្ស៊ីបានរាយការណ៍អំឡុងសន្និសីទសារព័ត៌មានថា ការវាយប្រហារថ្មីដោយមីស៊ីលដាក់គោលដៅលើទីបញ្ជាការយោធាអ៊ុយក្រែន និងទីតាំងគ្រប់គ្រងច្រើនកន្លែង ព្រមទាំងហេដ្ឋារចនាសម្ព័ន្ធថាមពលរបស់ប្រទេសត្រូវបានធ្វើឡើង។ យោធាបានអះអាងថា ការវាយប្រហារបានបាញ់ចំលើគោលដៅដែលបានប៉ុនប៉ង។ យោងតាមមន្ត្រីក្នុងតំបន់បាននិយាយថា ការវាយប្រហារនេះបានបំផ្លាញបន្ថែមទៀត ដល់ប្រព័ន្ធផ្គត់ផ្គង់ថាមពលនៅក្នុងទីក្រុងជាច្រើន។ ពលរដ្ឋនៅក្នុងរដ្ឋធានី Kyiv របស់អ៊ុយក្រែនបានភ័យរន្ធ ប៉ុន្តែនៅតែជម្នះ បន្ទាប់ពីទីក្រុងនេះបានរងការវាយប្រហាររបស់រុស្ស៊ីម្តងហើយម្តងទៀត។ មនុស្ស ១៩នាក់បានស្លាប់ និង ១០៥នាក់បានរងរបួសនៅក្នុងការវាយប្រហារដោយមីស៊ីលរបស់រុស្ស៊ីកាលពីថ្ងៃចន្ទ ដែលបានវាយប្រហារហេដ្ឋារចនាសម្ព័ន្ធសំខាន់ៗ និងទីតាំងលំនៅឋាននៅក្នុងទីក្រុង និងតំបន់ចំនួន ១២ផ្សេងទៀត។អភិបាលក្រុងលោក Vitali Klitschko បាននិយាយថា យ៉ាងហោចណាស់ ៥នាក់ក្នុងចំណោមជនរងគ្រោះនៅក្នុងទីក្រុង Kyiv។ ពលរដ្ឋរស់នៅក្នុងទីក្រុង Kyiv និយាយថា នេះមិនអាចប្រៀបធៀបជាមួយអ្វីបាននោះទេ។ វាជាភាពអស់សង្ឃឹមដែលពុំមានទីបញ្ចប់។ រុស្ស៊ីបន្តវាយប្រហារមកលើយើង ពួកគេបន្តធ្វើឱ្យយើងភ័យខ្លាច។ យ៉ាងហោចណាស់មនុស្សម្នាក់ស្លាប់ក្នុងទីក្រុង Zaporizhzhia កាលពីថ្ងៃអង្គារ បន្ទាប់ការវាយប្រហារដោយមីស៊ីលជុំថ្មីរបស់រុស្ស៊ី លើទីក្រុងភាគខាងត្បូងរបស់អ៊ុយក្រែនសម្រាប់រយៈពេល ៣ថ្ងៃជាប់គ្នា៕អត្ថបទ៖ ប៊ុនថន

សម្តេចតេជោ ហ៊ុន សែន នឹងអញ្ជើញជាអធិបតីបើកកិច្ចប្រជុំកំពូលអាស៊ាន ស្ដីពីស្ត្រីលើកទី២ នៅរសៀលនេះ

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី និងជាប្រធានអាស៊ាន នឹងអញ្ជើញជាអធិបតីភាពដ៏ខ្ពង់ខ្ពស់នៅក្នុងពិធីបើកកិច្ចប្រជុំកំពូលអាស៊ានស្ដីពីស្ត្រីលើកទី២ នៅរសៀលថ្ងៃទី១២ ខែតុលា ឆ្នាំ២០២២នេះ។ កិច្ចប្រជុំនេះ ធ្វើឡើងដោយផ្ទាល់ផង និងតាមរយៈប្រព័ន្ធវីដេអូផង នៅវិមានសន្តិភាព នៃទីស្ដីការនាយករដ្ឋមន្ត្រី។ កិច្ចប្រជុំកំពូលស្ត្រីអាស៊ានលើកទី២ ធ្វើឡើងក្រោមប្រធានបទ «ការកសាងអនាគតប្រកបដោយចីរភាព បរិយាប័ន្ន និងកាន់តែរឹងមាំ៖បំផុសសហគ្រិនស្ត្រីនៅក្នុងអាស៊ាន»។ កិច្ចប្រជុំនេះ នឹងមានអ្នកចូលរួមដោយផ្ទាល់មានប្រមាណ ៣០០នាក់ និងតាមប្រព័ន្ធវីដេអូប្រមាណ ៥០០នាក់។ក្នុងកិច្ចប្រជុំកំពូលអាស៊ាន ស្ដីពីស្ត្រីលើកទី២នេះ សម្តេចតេជោ ហ៊ុន សែន នឹងថ្លែងសុន្ទរកថាគន្លឹះបើក និងបិទកិច្ចប្រជុំ។ ក្រៅពីនោះ ក៏មានបទអន្តរាគមន៍ពីវាគ្មិនពិសេសៗផងដែរ៕

ការប្រកួតជជែកដេញដោលយុវជនអាស៊ាន លើកទី១ បានឈានដល់វគ្គផ្ដាច់ព្រ័ត្រ

ភ្នំពេញ៖ ការជជែកដេញដោលយុវជនអាស៊ាន បានឈានដល់វគ្គផ្ដាច់ព្រ័ត្រនៅថ្ងៃទី ១២ ខែតុលា ឆ្នាំ ២០២២នេះ។ វគ្គផ្ដាច់ព្រ័ត្រនេះ ជាការប្រកួតរវាងក្រុមមកពីប្រទេសម៉ាឡេស៊ី និងក្រុមកម្ពុជា លើប្រធានបទ “ This house believes that increasing foreign direct investment would ultimately solve the problem of nutrient deficiency”។ ព្រឹត្តិការណ៍ប្រកួតវគ្គផ្ដាច់ព្រ័តនេះ គឺរៀបចំនៅសាលមជ្ឈមណ្ឌលម៉ានីនៃអាគារ Kampus រាជធានីភ្នំពេញ។ការជជែកដេញដោលយុវជនអាស៊ានឆ្នាំ ២០២២ ដែលរៀបចំឡើងតាំងពីសប្ដាហ៍ទី ១ ខែ ឧសភា បានឈានមកដល់វគ្គផ្ដាច់ព្រ័តនៅថ្ងៃទី ១២ ខែតុលា ឆ្នាំ២០២២។ វគ្គផ្ដាច់ព្រ័តនេះ គឺជាការជួបគ្នារវាង យុវជនមកពីប្រទេសម៉ាឡេស៊ី ជាក្រុមស្រប និងយុវជនកម្ពុជា ជាក្រុមបដិសេធ។វគ្គផ្ដាច់ព្រ័តនេះ ធ្វើឡើងក្រោមប្រធានបទ “ This house believes that increasing foreign direct investment would ultimately solve the problem of nutrient deficiency”។ ប្រធានបទនេះមានន័យជាភាសាខ្មែរ «ដោយជឿជាក់ថា ការបង្កើនការវិនិយោគផ្ទាល់ពីបរទេស នឹងចូលរួមដោះស្រាយបញ្ហាកង្វះអាហារូបត្ថម្ភ»។វគ្គផ្ដាច់ព្រ័ត ត្រូវបានរៀបចំដោយផ្ទាល់នៅ The Many Centre នៃអាគារKampus រាជធានីភ្នំពេញ ខណៈវគ្គជម្រុះកន្លងមក រៀបចំឡើងតាមប្រព័ន្ធអនឡាញ តែប៉ុណ្ណោះ។ព្រឹត្តិការណ៍ដ៏សំខាន់នេះ រៀបចំឡើងក្រោមវត្តមាន ឯកឧត្តមបណ្ឌិតសភាចារ្យ ហង់ ជួនណារ៉ុន រដ្ឋមន្រ្តីក្រសួងអប់រំ យុវជន និងកីឡា។ វគ្គផ្ដាច់ព្រ័តនេះ ជាព្រឹត្តិការណ៍ដែលមានមានភាពស្វិតស្វាញជាខ្លាំង ព្រោះក្រុមទាំងពីរសុទ្ធតែជាជើងខ្លាំង ឆ្លងកាត់ការជម្រុះជាច្រើនទើបឈានដល់វគ្គផ្ដាច់ព្រ័តនេះ។ ក្នុងការប្រកួតនេះ គឺកំណត់ពេលវេលាជាក់លាក់ ដោយកំណត់រយ:ពេល ១ម៉ោងនិង ២០នាទី សម្រាប់គ្រប់សកម្មភាព ទាំងការលើកឡើងគំនិត អំណះអំណាង ការចោទសំណួរ ការឆ្លើយតប។ សម្រាប់ក្រុមទាំងពីរ ក្នុងការប្រកួតនេះ គឺពោពេញដោយថាមពល ពោពេញដោយសមត្ថភាព ដោយក្រុមទាំងពីរបានធ្វើការសិក្សាស្រាវជ្រាវ និងមានអំណះអំណាងរៀងខ្លួន ដើម្បីគាំទ្រនូវអ្វីដែលក្រុមពួកគេបានលើកឡើង។ ចំពោះគណ:មេប្រយោគវិញ គឺសុទ្ធតែជំនាញ មានទាំងជនបរទេស និងកម្ពុជា ដែលពួកគាត់ជាអ្នកជំនាញលើវិស័យ សុខភាព និងសេដ្ឋកិច្ច មកពីស្ថាប័នផ្សេងៗគ្នា។ ចំពោះលទ្ធផលនៃការប្រកួតនេះ ពុំទាន់ត្រូវបានប្រកាសភ្លាមៗនោះទេ។ លទ្ធផលនឹងត្រូវប្រកាស ថ្ងៃទី ១៣ ខែតុលាឆ្នាំ ២០២២ ស្អែកនេះ។ក្រោយបញ្ចប់ការ ប្រកួតឯកឧត្តម ហង់ ជួនណារ៉ុន រដ្ឋមន្រ្តី ក្រសួងអប់រំ ក៏បានអបអរសាទរចំពោះក្រុមទាំងពីរផងដែរ។ ឯកឧត្តមលើកឡើងថា ក្រុមទាំងពីរពិតជាមានសមត្ថភាពទាំងការស្រាវជ្រាវស្វែងរកទិន្នន័យ និងសមត្ថភាពនិយាយជាសាធារណ:។ ឯកឧត្តមបន្តថា នេះជាការផ្ដល់វេទិកាអោយយុវជន ចូលរួមក្នុងការដោះស្រាយបញ្ហា ព្រោះយុវជនជាអ្នកដឹកនាំបន្តវេន ហេតុដូចនេះសម្លេងរបស់យុវជនគឺមានសារ:សំខាន់ជាខ្លាំង។ ឯកឧត្តមក៏បានបញ្ជាក់ដែរថា ការជជែកដេញដោលនេះ គឺលើសពីការប្រកួតប្រជែង តែវាជាការភ្ជាប់ទំនាក់ទំនង។ កម្មវិធីជជែកដេញដោលយុវជនអាស៊ានឆ្នាំ ២០២២នេះរៀបចំឡើងក្នុងគោលបំណងសំខាន់មួយចំនួន ក្នុងនោះរួមមាន លើកកម្ពស់ការយល់ដឹងរបស់យុវជនទាក់ទងនឹង គុណតម្លៃអាស៊ាន បញ្ហាប្រឈម និង ឱកាស ហើយផ្តល់វេទិកាជូនដល់យុវជនក្នុងការបញ្ចេញមតិពីក្តីកង្វល់ និង ដំណោះស្រាយ។ លើសពីនេះ គឺដើម្បីបណ្តុះអ្នកដឹកនាំវ័យក្មេងក្នុងអាស៊ាន តាមរយៈ ការរៀនសូត្រ និង អភិវឌ្ឍជំនាញនិយាយជាសាធារណៈ ការត្រិះរិះពិចារណា ផ្លាស់ប្តូរទស្សនៈ និងចំណេះដឹងទៅវិញទៅមក និងលើកកម្ពស់ការផ្សារភ្ជាប់ទំនាក់ទំនង រវាងយុវជន និងយុវជន ហើយកសាងទំនាក់ទំនងយ៉ាងរឹងមាំ ជាមួយវិស័យសាធារណៈ វិស័យឯកជន និងប្រជាពលរដ្ឋ និងធ្វើការផ្លាស់ប្តូរដំណើរការនៃការរៀបចំគោលនយោបាយដោយបញ្ចូលនូវក្តីកង្វល់ ផ្តល់ធាតុចូល របស់យុវជន និងដំណោះស្រាយ ពង្រឹងស្មារតីអាស៊ាន ដើម្បីចូលរួមចំណែកសម្រេចឱ្យបាននូវទស្សនៈវិស័យរបស់អាស៊ាន៕ (ដោយ៖ គឹមហុក)

លោក Putin ជួបប្រធាន IAEA ពិភាក្សាអំពីសុវត្ថិភាពនុយក្លេអ៊ែរ និងរោងចក្រនុយក្លេអ៊ែរ Zaporizhzhia

រុស្ស៊ី៖ ប្រធានាធិបតីរុស្ស៊ីលោក Vladimir Putin បានជួបពិភាក្សាជាមួយប្រធានទីភ្នាក់ងារថាមពលអាតូមិកអន្តរជាតិ(IAEA) លោក Rafael Grossi ក្នុងទីក្រុង St. Petersburg កាលពីថ្ងៃអង្គារ។ លោក Putin បានស្វាគមន៍ប្រធានទីភ្នាក់ងារ IAEA និងបាននិយាយថា យើងបើកចំហចំពោះការសន្ទនា ហើយរីករាយដែលបានជួបលោក Grossi។ លោក Grossi និយាយថា លោកទន្ទឹងរង់ចាំពិភាក្សាអំពីបញ្ហាសុវត្ថិភាពនុយក្លេអ៊ែរ រួមទាំងរោងចក្រថាមពលនុយក្លេអ៊ែរ Zaporizhzhia។ ជំនួបរវាងអគ្គនាយកទីភ្នាក់ងារ IAEA ជាមួយប្រធានាធិបតីរុស្ស៊ី ជាផ្នែកមួយនៃកិច្ចខិតខំប្រឹងប្រែងរបស់ទីភ្នាក់ងារ IAEA ក្នុងការទប់ស្កាត់គ្រោះថ្នាក់នុយក្លេអ៊ែរ ក្នុងអំឡុងពេលជម្លោះយោធានាពេលបច្ចុប្បន្ននៅប្រទេសអ៊ុយក្រែន ដោយបានបញ្ជាក់លើតម្រូវការបន្ទាន់ដើម្បីបង្កើតតំបន់ការពារសុវត្ថិភាព និងសន្តិសុខនៅជុំវិញរោងចក្រថាមពលនុយក្លេអ៊ែរ Zaporizhzhya។ កាលពីសប្តាហ៍មុនលោក Grossi បានជួបជាមួយប្រធានាធិបតីអ៊ុយក្រែនលោក Volodymyr Zelensky ក្នុងទីក្រុង Kyiv ហើយពួកគេនឹងជួបគ្នាម្តងទៀតនៅទីនោះនៅចុងសប្តាហ៍នេះ បន្ទាប់ពីកិច្ចពិភាក្សាជាមួយលោកប្រធានាធិបតី Putin។ក្នុងរយៈពេលប៉ុន្មានសប្តាហ៍ថ្មីៗនេះ អគ្គនាយកទីភ្នាក់ងារលោក Grossi បានចូលរួមក្នុងការពិភាក្សាដ៏តានតឹងជាមួយទាំងអ៊ុយក្រែន និងសហព័ន្ធរុស្ស៊ី ដើម្បីឲ្យមានកិច្ចព្រមព្រៀង និងអនុវត្តតំបន់ការពារឱ្យបានឆាប់តាមដែលអាចធ្វើទៅបាន ដោយមើលឃើញពីការបាញ់ផ្លោងនៅទីនោះ ឬនៅក្បែររោងចក្រថាមពលនុយក្លេអ៊ែរដ៏ធំបំផុតរបស់អឺរ៉ុប។ លោក Grossi និយាយថា ស្ថានភាពនៅក្នុងតំបន់ជុំវិញរោងចក្រថាមពលនុយក្លេអ៊ែរ Zaporizhzhya និងទីកន្លែងផ្សេងទៀតមានគ្រោះថ្នាក់កាន់តែខ្លាំងឡើង ជួបបញ្ហាប្រឈមកាន់តែខ្លាំងដោយការវាយប្រហាររបស់យោធាញឹកញាប់ ដែលអាចគំរាមកំហែងដល់សុវត្ថិភាព និងសន្តិសុខនុយក្លេអ៊ែរ៕អត្ថបទ៖ ប៊ុនថន

លោក Biden និយាយថា លោក Putin គណនាខុសទាំងស្រុងពីសមត្ថភាពរបស់រុស្ស៊ីក្នុងការចូលកាន់កាប់អ៊ុយក្រែន

អាមេរិក៖ លោក Joe Biden បាននិយាយថា លោកជឿថា លោក Vladimir Putin គឺជាតួអង្គមានការពិចារណាលើហេតុផល ដែលបានយល់ខុសយ៉ាងធ្ងន់ធ្ងរក្នុងការកាន់កាប់អ៊ុយក្រែន។ លោកប្រធានាធិបតីអាមេរិករូបនេះបានប្រាប់សារព័ត៌មាន CNN ក្នុងការអត្ថាធិប្បាយដែលបានចេញផ្សាយមុនកិច្ចសម្ភាសន៍តាមទូរទស្សន៍ដ៏កម្រកាលពីថ្ងៃអង្គារថា លោកជឿថា សមភាគីរុស្ស៊ីរបស់លោកបានមើលស្រាលលើកម្លាំងតតាំងរបស់អ៊ុយក្រែន ក្នុងការប្រឈមនឹងការឈ្លានពាន។ លោក Biden បាននិយាយថា ខ្ញុំគិតថា លោក Putin គិតថា លោកនឹងត្រូវបានស្វាគមន៍ដោយបើកចំហថា នេះគឺជាប្រទេសកំណើតរបស់រុស្ស៊ីនៅទីក្រុង Kyiv ហើយជាកន្លែងដែលលោកនឹងត្រូវបានស្វាគមន៍ ហើយខ្ញុំគិតថា លោក Putin គណនាខុសទាំងស្រុង។គួររម្លឹកថា កាលពីសប្ដាហ៍មុនលោក Biden បានព្រមានថា ពិភពលោកកំពុងប្រឈមនឹងសង្គ្រាមនុយក្លេអ៊ែរ ក្នុងការអត្ថាធិប្បាយដោយផ្ទាល់ខុសពីធម្មតា អំពីគ្រោះថ្នាក់បង្កឡើងដោយការគំរាមដោយបើកចំហរបស់លោក Putin ថា នឹងប្រើប្រាស់អាវុធនុយក្លេអ៊ែរ ដើម្បីជួយការប៉ុនប៉ងដណ្ដើមយកដែនដីដ៏ច្រើនរបស់អ៊ុយក្រែន៕អត្ថបទ៖ សុខមាន

ក្រុមគ្រួសារលាមនុស្សជាទីស្រឡាញ់ចុងក្រោយក្នុងពិធីបូជាសពជនរងគ្រោះក្នុងហេតុការណ៍សម្លាប់រង្គាលក្នុងប្រទេសថៃ

ថៃ៖ ក្រុមអ្នកកាន់ទុក្ខ និងសមាជិកក្រុមគ្រួសារជនរងគ្រោះរាប់រយនាក់បានជួបជុំគ្នាកាលពីល្ងាចថ្ងៃអង្គារ ដើម្បីមើលអណ្ដាតភ្លើងកំពុងឆាប់ឆេះយ៉ាងសន្ធោសន្ធៅ ចេញពីឡបណ្ដោះអាសន្នតម្រៀបជាជួរនៅពិធីបូជាសពកុមារតូចៗ និងអ្នកផ្សេងទៀតដែលបានស្លាប់ក្នុងការបាញ់សម្លាប់ដ៏រង្គាល នៅមណ្ឌលថែទាំកុមារពេលថ្ងៃនៅតំបន់ជនបទភាគឦសានរបស់ប្រទេសថៃ។ ក្រុមគ្រួសារបានលាចុងក្រោយនៅឯវត្តពុទ្ធសាសនាមួយ មិនឆ្ងាយប៉ុន្មានពីមជ្ឈមណ្ឌលអភិវឌ្ឍន៍កុមារតូចក្នុងទីក្រុង Uthai Sawan ជាទីដែលអតីតមន្ត្រីនគរបាលម្នាក់ដែលបានត្រូវបានបណ្ដេញចេញពីការងារ កាលពីដើមឆ្នាំនេះពីបទប្រើប្រាស់គ្រឿងញៀន បានសម្រុកចូលកាលពីថ្ងៃព្រហស្បតិ៍សប្ដាហ៍មុន ហើយបើកការបាញ់ប្រហារ និងចាក់ដោយកាំបិតលើក្រុមកុមារ និងអ្នកមើលថែរបស់ពួកគេ។ព្រះចៅអធិការវត្ត Rat Samakee ព្រះនាម Phra Kru Adisal Kijjanuwat បានមានព្រះថេរដីកាថា ពិធីបូជាសពសម្រាប់ជនរងគ្រោះភាគច្រើនត្រូវបានធ្វើឡើងរួមគ្នា ដើម្បីកុំឲ្យក្រុមគ្រួសារត្រូវចំណាយពេលរង់ចាំយូរក្នុងបំណងឲ្យបញ្ចប់ព្រមគ្នា។ កាលពីព្រឹកថ្ងៃអង្គារ សាកសពកុមារតូចភាគច្រើនត្រូវបានស្លៀកពាក់ជាវេជ្ជបណ្ឌិត កងទ័ព ឬអវកាសយានិក ជាអ្វីដែលពួកគេស្រមៃចង់ធ្វើនៅពេលធំឡើង មុនពេលសាកសពពួកគេត្រូវបូជានៅពេលល្ងាចថ្ងៃដដែលនោះ៕អត្ថបទ៖ សុខមាន

លោក Zelenskyy ស្នើសុំប្រព័ន្ធខែលការពារដែនអាកាស ខណៈក្រុមប្រទេស G7 ប្ដេជ្ញាបន្តគាំទ្រអ៊ុយក្រែន

អ៊ុយក្រែន៖ លោកប្រធានាធិបតីអ៊ុយក្រែន Volodymyr Zelenskyy បានអំពាវនាវដល់បណ្ដាមេដឹកនាំប្រទេសដែលមានឧស្សាហកម្មលូតលាស់ទាំង៧ ឬ G7 សម្រាប់លទ្ធភាពការពារដែនអាកាសបន្ថែមទៀត ខណៈក្រុមប្រទេសលទ្ធិប្រជាធិបតេយ្យមានទ្រព្យសម្បត្តិស្ដុកស្ដម្ភបំផុតរបស់ពិភពលោក ប្ដេជ្ញាបន្តគាំទ្រទីក្រុង Kyiv គ្មានការផ្លាស់ប្ដូរ។ ជំនួបតាមប្រព័ន្ធវីដេអូរបស់បណ្ដាមេដឹកនាំទាំងនោះត្រូវបានធ្វើឡើងកាលពីថ្ងៃអង្គារ មួយថ្ងៃបន្ទាប់ពីមីស៊ីលបាញ់ស្រោចទៅលើទីក្រុងនានាទូទាំងប្រទេសអ៊ុយក្រែន រួមទាំងរដ្ឋធានី Kyiv លោក Zelenskyy បានឆ្លើយតបដោយការអំពាវនាវដល់បណ្ដាមេដឹកនាំ G7 ឲ្យផ្ដល់ប្រព័ន្ធខែលការពារដែនអាកាស ដើម្បីបញ្ឈប់ការបាញ់ផ្លោងរបស់រុស្ស៊ី។ លោកបាននិយាយក្នុងសន្ទរកថាតាមវីដេអូ ខណៈព្រមានថា ប្រធានាធិបតីរុស្ស៊ី Vladimir Putin នៅតែមានឱកាសសម្រាប់ការពង្រីកសង្គ្រាម ខ្ញុំកំពុងស្នើដល់អ្នកគ្រប់គ្នាឲ្យពង្រឹងកិច្ចខិតខំប្រឹងប្រែងរួមគ្នា ដើម្បីជួយផ្នែកហិរញ្ញវត្ថុក្នុងការបង្កើតប្រព័ន្ធខែលការពារដែនអាកាសសម្រាប់ប្រទេសអ៊ុយក្រែន។ មនុស្សរាប់លាននាក់នឹងដឹងគុណជំនួយរបស់ប្រទេសទាំង៧។នៅក្នុងសេចក្ដីថ្លែងការណ៍រួមដែលបានបញ្ចេញនៅពេលចប់កិច្ចប្រជុំនេះ បណ្ដាប្រទេស G7 មាន សហរដ្ឋអាមេរិក អាល្លឺម៉ង់ បារាំង ជប៉ុន ចក្រភពអង់គ្លេស អ៊ីតាលី និងកាណាដាបានសន្យាបន្តផ្ដល់ជំនួយផ្នែកហិរញ្ញវត្ថុ ជំនួយមនុស្សធម៌ យោធា ការទូត និងការគាំទ្រខាងផ្លូវច្បាប់ចំពោះអ៊ុយក្រែន ដរាបណាសង្គ្រាមប្រឆាំងរុស្ស៊ីនៅតែបន្ត៕ អត្ថបទ៖ សុខមាន

ក្រសួងផែនការផ្សព្វផ្សាយ នីតិវិធីកំណត់អត្តសញ្ណាណគ្រួសារក្រីក្រថ្មី និងការពង្រីកវិសាលភាពគ្របដណ្តប់ដល់គ្រួសារងាយរងហានិភ័យ

ភ្នំពេញ៖ នៅព្រឹកថ្ងៃទី១២ ខែតុលា ឆ្នាំ២០២២នេះ ក្រសួងផែនការ បានបើកពិធីប្រកាសផ្សព្វផ្សាយ ដាក់អោយប្រើប្រាស់នីតិវិធីកំណត់អត្តសញ្ណាណគ្រួសារក្រីក្រថ្មី និងការពង្រីកវិសាលភាពគ្របដណ្តប់ដល់គ្រួសារងាយរងហានិភ័យ។កម្មវិធីនេះបានប្រព្រឹត្តទៅក្រោមអធិបតីភាពឯកឧត្តម ឆាយ ថន ទេសរដ្ឋមន្រ្តី រដ្ឋមន្រ្តីក្រសួងផែនការ និងដៃគូអភិវឌ្ឍន៍មួយចំនួនទៀត៕

បណ្ដាញសង្គម

ព័ត៌មានថ្មីៗ

ក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចុះពិនិត្យ ពិគ្រោះ ព្យាបាលជំងឺ ជូនប្រជាពលរដ្ឋក្នុងសង្កាត់ពញាពន់

សម្តេច ម៉ែន សំអន អញ្ជើញដឹកនាំកិច្ចប្រជុំគណៈបញ្ជាការយុទ្ធនាការបោះឆ្នោត គណៈកម្មាធិការបក្សខេត្តស្វាយរៀង

រដ្ឋបាលខេត្តពោធិ៍សាត់ផ្សព្វផ្សាយលក្ខន្តិកៈស្ដីពីគ្រូបង្រៀនជូនលោកគ្រូអ្នកគ្រូជាង ៥០០នាក់

មន្រ្តីសុខាភិបាលខេត្តតាកែវ អំពាវនាវឱ្យចូលរួមទប់ស្កាត់ការរីករាលដាលជំងឺអេដស៍ ខណៈអ្នកឆ្លងកើនឡើង

អនុប្រធានក្រុមការងារគណបក្សចុះជួយខេត្តស្វាយរៀងណែនាំមន្ត្រីបក្សត្រូវធ្វើគំរូដឹកនាំ និងអភិវឌ្ឍមូលដ្ឋាន

មន្ត្រីក្រសួងអប់រំ៖ ការសិក្សាមធ្យមសិក្សាជាស្ពានភ្ជាប់ផ្លូវជីវិត និងជាគ្រឹះសំខាន់សម្រាប់ការសិក្សាជាន់ខ្ពស់

ពលរដ្ឋភៀសសឹកចាប់ឆ្នោតជ្រើសរើសតូបលក់ដូរ នៅភូមិរង់ចាំ ជំហានដំបូងប្រមាណជា ៣០០តូប

តំណាងរាស្ត្រខេត្តត្បូងឃ្មុំ ជួបសំណេះសំណាលជាមួយអាជ្ញាធរមូលដ្ឋាន និងនិវត្តជនក្នុងស្រុកពញាក្រែក

មន្ទីរអប់រំរាជធានីភ្នំពេញប្រារព្ធខួបលើកទី២៧ ទិវាអន្តរជាតិសម្រាប់យុវជន ១២សីហា ឆ្នាំ២០២៦

មនុស្សបីនាក់ស្លាប់ បន្ទាប់ពីការបំផ្ទុះគ្រាប់បែកនៅភោជនីយដ្ឋានមួយក្នុងទីក្រុងមូស្គូ ប្រទេសរុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

យោធាមីយ៉ាន់ម៉ាកាត់ទោសលោកស្រី Suu Kyi ឲ្យជាប់ពន្ធនាគារ ៣ឆ្នាំទៀតពីបទទទួលសំណូក

សាកសពត្រូវបានគេយកចេញពីកន្លែងបញ្ចុះសពដ៏ធំនៅទីក្រុង Lyman ប្រទេសអ៊ុយក្រែន

រុស្ស៊ីបន្តវាយប្រហារនៅទូទាំងប្រទេសអ៊ុយក្រែន

សម្តេចតេជោ ហ៊ុន សែន នឹងអញ្ជើញជាអធិបតីបើកកិច្ចប្រជុំកំពូលអាស៊ាន ស្ដីពីស្ត្រីលើកទី២ នៅរសៀលនេះ

ការប្រកួតជជែកដេញដោលយុវជនអាស៊ាន លើកទី១ បានឈានដល់វគ្គផ្ដាច់ព្រ័ត្រ

លោក Putin ជួបប្រធាន IAEA ពិភាក្សាអំពីសុវត្ថិភាពនុយក្លេអ៊ែរ និងរោងចក្រនុយក្លេអ៊ែរ Zaporizhzhia

លោក Biden និយាយថា លោក Putin គណនាខុសទាំងស្រុងពីសមត្ថភាពរបស់រុស្ស៊ីក្នុងការចូលកាន់កាប់អ៊ុយក្រែន

លោក Zelenskyy ស្នើសុំប្រព័ន្ធខែលការពារដែនអាកាស ខណៈក្រុមប្រទេស G7 ប្ដេជ្ញាបន្តគាំទ្រអ៊ុយក្រែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

យោធា​មី​យ៉ាន់​ម៉ា​កាត់ទោស​លោកស្រី Suu Kyi ឲ្យ​ជាប់ពន្ធនាគារ​ ៣​ឆ្នាំ​ទៀត​ពីបទ​ទទួល​សំណូក​

សាកសព​ត្រូវបាន​គេ​យក​ចេញពី​កន្លែង​បញ្ចុះសព​ដ៏​ធំ​នៅ​ទីក្រុង Lyman ប្រទេស​អ៊ុយ​ក្រែ​ន

រុស្ស៊ី​បន្ត​វាយប្រហារ​នៅ​ទូទាំង​ប្រទេស​អ៊ុយ​ក្រែ​ន

សម្តេចតេជោ ហ៊ុន សែន នឹងអញ្ជើញជាអធិបតីបើកកិច្ចប្រជុំកំពូលអាស៊ាន ស្ដីពីស្ត្រីលើកទី២ នៅរសៀលនេះ

ការប្រកួតជជែកដេញដោលយុវជនអាស៊ាន លើកទី១ បានឈានដល់វគ្គផ្ដាច់ព្រ័ត្រ

លោក Putin ជួប​ប្រធាន ​IAEA ពិភាក្សា​អំពី​សុវត្ថិភាព​នុយក្លេអ៊ែរ និង​រោងចក្រ​នុយក្លេអ៊ែរ Zaporizhzhia

លោក Biden និយាយ​ថា លោក Putin គណនា​ខុស​ទាំងស្រុង​ពី​សមត្ថភាព​របស់​រុស្ស៊ី​ក្នុង​ការ​ចូលកាន់​កាប់​អ៊ុយ​ក្រែ​ន

លោក Zelenskyy ស្នើសុំ​ប្រព័ន្ធ​ខែល​ការពារ​ដែនអាកាស ​ខណៈ​ក្រុម​ប្រទេស G7 ប្ដេជ្ញា​បន្ត​គាំទ្រ​អ៊ុយ​ក្រែ​ន​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

យោធាមីយ៉ាន់ម៉ាកាត់ទោសលោកស្រី Suu Kyi ឲ្យជាប់ពន្ធនាគារ ៣ឆ្នាំទៀតពីបទទទួលសំណូក

សាកសពត្រូវបានគេយកចេញពីកន្លែងបញ្ចុះសពដ៏ធំនៅទីក្រុង Lyman ប្រទេសអ៊ុយក្រែន

រុស្ស៊ីបន្តវាយប្រហារនៅទូទាំងប្រទេសអ៊ុយក្រែន

លោក Putin ជួបប្រធាន IAEA ពិភាក្សាអំពីសុវត្ថិភាពនុយក្លេអ៊ែរ និងរោងចក្រនុយក្លេអ៊ែរ Zaporizhzhia

លោក Biden និយាយថា លោក Putin គណនាខុសទាំងស្រុងពីសមត្ថភាពរបស់រុស្ស៊ីក្នុងការចូលកាន់កាប់អ៊ុយក្រែន

លោក Zelenskyy ស្នើសុំប្រព័ន្ធខែលការពារដែនអាកាស ខណៈក្រុមប្រទេស G7 ប្ដេជ្ញាបន្តគាំទ្រអ៊ុយក្រែន