BTV NEWS

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារលិខិតអបអរសាទរ ថ្វាយសម្តេចព្រះមហាក្សត្រី ព្រះវររាជមាតាជាតិខ្មែរ ត្រូវបានសហគមន៍ (OB-PS) ថ្វាយនូវ ពានសមាជិកភាពកិត្តិយសជើងឯក “Champions Award” នៅក្នុងឱកាសនៃមហាសន្និបាតកាយឫទ្ធិនារីពិភពលោក (WAGGGS)

កម្ពុជា-សហភាពសេដ្ឋកិច្ចអឺរ៉ុប-អាស៊ី (EAEU) ពិនិត្យ និង ពិចារណាលើកិច្ចព្រមព្រៀងពាណិជ្ជកម្មសេរី (FTA)

លោកជំទាវបណ្ឌិត ពេជ ចន្ទមុន្នី ក្រាបបង្គំអបអរសាទរ សម្តេចព្រះមហាក្សត្រី ព្រះវររាជមាតាជាតិខ្មែរ ដែលទទួលបានការថ្វាយ «ពានសមាជិកភាពជើងឯក» ពី OB-PS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ត្រូវបានតែងតាំងជា ប្រធានថ្នាក់ជាតិនៃសហគមន៍ OB-PS ប្រចាំកម្ពុជា និងទទួលបាន “ពានសមាជិកភាពកិត្តិយសព្រះអង្គម្ចាស់ក្សត្រី បេណេឌិកតេ” ពីសហគមន៍ The Olave Baden-Powell Society

ព័ត៌មានសំខាន់ៗ

បុរសម្នាក់ដុតខ្លួនឯងដែលទំនងជាតវ៉ាប្រឆាំងនឹងពិធីបុណ្យសពរបស់អតីតនាយករដ្ឋមន្ត្រីជប៉ុន Abe

ជប៉ុន៖ សារព័ត៌មានបានរាយការណ៍ថា បុរសម្នាក់បានដុតខ្លួនឯងនៅជិតការិយាល័យរបស់នាយករដ្ឋមន្ត្រីជប៉ុននៅថ្ងៃពុធនេះ ដែលទំនងជាតវ៉ាប្រឆាំងនឹងការសម្រេចចិត្តរបស់រដ្ឋាភិបាល ក្នុងការប្រារព្ធពិធីបុណ្យផ្លូវរដ្ឋជូនអតីតនាយករដ្ឋមន្ត្រីជប៉ុនលោក Shinzo Abe ដែលត្រូវបានគេធ្វើឃាតកាលពីថ្ងៃទី៨ ខែកក្កដា ឆ្នាំ២០២២ នេះ។ បុរសម្នាក់ត្រូវបានបញ្ជូនទៅកាន់មន្ទីរពេទ្យ ដោយសាររងរបួសរលាកភ្លើងពេញដងខ្លួនរបស់គេ ខណៈមន្ត្រីនគរបាលម្នាក់ដែលបានព្យាយាមពន្លត់អណ្ដាតភ្លើងក៏រងរបួសដែរ។ សារព័ត៌មានដដែលនិយាយថា បុរសវ័យ ៧០ឆ្នាំរូបនេះបានសន្លប់នៅពេលត្រូវបានរកឃើញដំបូង ប៉ុន្តែក្រោយមកបានប្រាប់នគរបាលថា រូបគេមានបំណងចាក់ប្រេងដុតខ្លួនឯង។ លិខិតមួយច្បាប់រៀបរាប់ពីពិធីបុណ្យសពផ្លូវរដ្ឋរបស់លោក Abe និងប្រយោគថា ខ្ញុំប្រឆាំងដាច់ខាតចំពោះពិធីបុណ្យនេះត្រូវបានរកឃើញនៅក្បែរនោះ។ នគរបាល និងការិយាល័យនាយករដ្ឋមន្ត្រីមិនព្រមបញ្ជាក់ពីឧបទ្ទវហេតុនេះទេ ដែលបានកើតឡើងនូវអ្វីដែលជាថ្ងៃខួបកំណើតលើកទី ៦៨ឆ្នាំរបស់លោក Abe។ប្រធានខុទ្ទកាល័យលោក Hirokazu Matsuno បានប្រាប់សន្និសីទសារព័ត៌មានថា ខ្ញុំបានលឺថា នគរបាលបានប្រទះឃើញបុរសម្នាក់ដែលត្រូវបានភ្លើងឆេះនៅជិតការិយាល័យរដ្ឋាភិបាល ហើយខ្ញុំដឹងថា នគរបាលកំពុងស៊ើបអង្កេត។ នៅព្រឹកថ្ងៃនេះដែរក៏មានអ្នកតវ៉ារាប់រយនាក់បានប្រមូលផ្ដុំនៅអគារ National Diet Building របស់ជប៉ុនផងដែរដើម្បីបង្ហាញការជំទាស់របស់ពួកគេ ចំពោះការសម្រេចចិត្តរបស់រដ្ឋាភិបាលក្នុងការរៀបចំពិធីបុណ្យសពរបស់លោក Shinzo Abe។ ខុទ្ទកាល័យរបស់លោកនាយករដ្ឋមន្ត្រី Fumio Kishida កាលពីសប្ដាហ៍មុនបានប្រកាសកញ្ចប់ថវិកាចំនួន ២៥០លានយ៉េនស្មើនឹង ១.៨លានដុល្លារដើម្បីអញ្ជើញភ្ញៀវប្រមាណ ៦,០០០នាក់សម្រាប់រៀបចំពិធីបុណ្យសពដែលនឹងធ្វើឡើងនៅតំបន់ Budokan ក្នុងទីក្រុងតូក្យូ៕ អត្ថបទ៖ សុខមាន

រុស្ស៊ីលើកឡើងថា ដំណោះស្រាយដោយសន្តិវិធីចំពោះវិបត្តិអ៊ុយក្រែននៅពេលនេះមិនអាចទៅរួចទេ

រុស្ស៊ី៖ អ្នកនាំពាក្យវិមានក្រឹមឡាំងលោក Dmitry Peskov បាននិយាយនៅសប្ដាហ៍នេះដោយស្រង់សម្ដីដោយសារព័ត៌មាន Interfax ថា ជម្លោះប្រដាប់អាវុធនៅក្នុងប្រទេសអ៊ុយក្រែន មិនអាចត្រូវបានដោះស្រាយតាមរយៈការចរចាបានឡើយ ក្រោមកាលៈទេសៈបច្ចុប្បន្ននេះ។ ទីភ្នាក់ងារសារព័ត៌មាននេះបានរាយការណ៍ថា នៅពេលត្រូវបានសួរថា តើមានច្រកសម្រាប់ដំណោះស្រាយតាមផ្លូវការទូតទេ លោក Peskov បាននិយាយថា នៅពេលនេះក្ដីរំពឹងបែបនេះមិនទាន់អាចមើលឃើញនៅឡើយទេ។ ទីក្រុង Moscow បានស្ដីបន្ទោសទីក្រុង Kiev ចំពោះការផ្អាកដំណើរការចរចាសន្តិភាព។ កាលពីចុងខែមីនាភាគីទាំង២ បានពិភាក្សាពីកិច្ចព្រមព្រៀងពង្រាងសន្តិភាព ដែលនឹងធ្វើឲ្យអ៊ុយក្រែនក្លាយជារដ្ឋអព្យាក្រឹត្យ ជាថ្នូរនឹងការការពារសន្តិសុខដែលត្រូវបានផ្ដល់ដោយមហាអំណាចពិភពលោកធំៗ។ ទោះយ៉ាងណាក៏ដោយ រដ្ឋាភិបាលអ៊ុយក្រែនបានបញ្ចប់ការចរចាកាលពីខែមេសា ក្រោយចោទប្រកាន់ទាហានរុស្ស៊ីពីបទប្រព្រឹត្តអំពើឧក្រិដ្ឋកម្មសង្គ្រាម ដែលទីក្រុង Moscow និយាយថា ការចោទប្រកាន់នេះសំអាងលើភស្តុតាងក្លែងបន្លំ៕អត្ថបទ៖ សុខមាន

ប្រមុខអង្គការសហប្រជាជាតិព្រមានថា ពិភពលោកស្ថិតក្នុងគ្រោះថ្នាក់ និងយ៉ាប់យ៉ឺនខ្លាំង ព្រោះសង្គ្រាមអ៊ុយក្រែន

UN៖ នៅក្នុងការវាយតម្លៃដ៏គួរឱ្យព្រួយបារម្ភមួយ ប្រមុខអង្គការសហប្រជាជាតិបានព្រមានមេដឹកនាំពិភពលោកថា ប្រជាជាតិនានាត្រូវបានជាប់គាំងលែងដំណើរការជាសកល ហើយមិនមានការត្រៀមខ្លួន ឬមានឆន្ទៈក្នុងការដោះស្រាយបញ្ហាប្រឈម ដែលគំរាមកំហែងដល់អនាគតរបស់មនុស្សជាតិ នៅក្រោមស្រមោលនៃសង្គ្រាមអ៊ុយក្រែននោះទេ។ លោកបាននិយាយកាលពីថ្ងៃអង្គារថា ពិភពលោករបស់យើងកំពុងស្ថិតក្នុងស្ថានភាពគ្រោះថ្នាក់ និងយ៉ាប់យ៉ឺនខ្លាំង។ កិច្ចប្រជុំមហាសន្និបាតអង្គការសហប្រជាជាតិលើកទី77 (UNGA) នៃបណ្ដាមេដឹកនាំពិភពលោកស្ថិតក្រោមស្រមោលនៃសង្គ្រាមរបស់រុស្ស៊ីនៅក្នុងប្រទេសអ៊ុយក្រែន ដែលបណ្ដាលឲ្យមានវិបត្តិស្បៀងអាហារសកល និងការប្រេះស្រាំក្នុងចំណោមមហាអំណាចធំៗ ដែលគេមិនធ្លាប់បានឃើញចាប់តាំងពីសង្គ្រាមត្រជាក់មក។ ថ្លែងក្នុងពេលបើកកិច្ចប្រជុំកម្រិតខ្ពស់ប្រចាំឆ្នាំក្នុងទីក្រុង New York អគ្គលេខាធិការអង្គការសហប្រជាជាតិលោក Antonio Guterres បានចាប់ផ្ដើមការអត្ថាធិប្បាយរបស់លោកដោយបង្ហាញពីក្ដីសង្ឃឹម។លោកបានបង្ហាញរូបថតនៃនាវាពិសេសដំបូងរបស់អង្គការសហប្រជាជាតិ ដែលកំពុងដឹកគ្រាប់ធញ្ញជាតិចេញពីអ៊ុយក្រែន ជាផ្នែកមួយនៃកិច្ចព្រមព្រៀងរវាងអ៊ុយក្រែន និងរុស្ស៊ីក្រោមការជួយសម្របសម្រួលពីអង្គការសហប្រជាជាតិ និងប្រទេសទួរគីឆ្ពោះទៅកាន់ទ្វីបអាហ្វ្រិក ជាទីដែលមនុស្សរាប់លាននាក់កំពុងប្រឈមនឹងគ្រោះទុរ្ភិក្សខ្លាំង លោកថា នេះគឺជាឧទាហរណ៍នៃកិច្ចសន្សា និងក្ដីសង្ឃឹមក្នុងពេលដែលពិភពលោកកំពុងជួបភាពវឹកវរ៕អត្ថបទ៖ សុខមាន

ក្រសួងការងារ៖ ប្រាក់ឈ្នូលកម្មកររោងចក្រកាត់ដេរ និងផលិតស្បែកជើង ឆ្នាំ២០២៣ ចំនួន១៩៨ដុល្លារ និងថវិការាជរដ្ឋាភិបាលបន្ថែម ០២ដុល្លារសហរដ្ឋអាមេរិក

ភ្នំពេញ៖ ក្រសួងការងារ និងបណ្តុះបណ្តាលវិជ្ជាជីវៈ៖ ប្រាក់ឈ្នួលកម្មករ ១៩៨ដុល្លារសហរដ្ឋអាមេរិក និងថវិការាជរដ្ឋាភិបាលបន្ថែម ០២ដុល្លារសហរដ្ឋអាមេរិក សរុប ២០០ដុល្លារសហរដ្ឋអាមេរិក ក្នុងមួយខែ ដោយមិនទាន់គិតប្រាក់អត្ថប្រយោជន៍ផ្សេងៗ សម្រាប់ឆ្នាំ២០២៣។

ចិនចេញការព្រមានដល់សហរដ្ឋអាមេរិកពីគ្រោះមហន្តរាយសង្គ្រាមត្រជាក់

ចិន៖ រដ្ឋមន្ត្រីការបរទេសចិនលោក Wang Yi បានព្រមាននៅដើមសប្ដាហ៍នេះ បន្ទាប់ពីជំនួបជាមួយអតីតរដ្ឋមន្ត្រីការបរទេសអាមេរិកលោក Henry Kissinger ថា សង្គ្រាមត្រជាក់រវាងប្រទេសចិន និងសហរដ្ឋអាមេរិកនឹងក្លាយជាគ្រោះមហន្តរាយសម្រាប់ប្រទេសទាំង២ និងសម្រាប់ពិភពលោកទាំងមូល។ អំឡុងជំនួបរបស់លោកទាំង២ នៅក្នុងទីក្រុង New York លោក Wang Yi បានហៅលោក Kissinger ដែលបានដើរតួនាទីដ៏សំខាន់ក្នុងប្រក្រតីភាពទំនាក់ទំនងរវាងទីក្រុងវ៉ាស៊ីនតោន និងប៉េកាំងក្នុងទសវត្សរ៍ឆ្នាំ១៩៧០ ថា ជាមិត្តល្អរបស់ប្រជាជនចិន។ ទោះយ៉ាងណាក៏ដោយ អ្នកការទូតជាន់ខ្ពស់បំផុតរបស់ចិនរូបនេះបានព្រមានថា ការផ្ទុះឡើងនៃសង្គ្រាមត្រជាក់ថ្មីនឹងក្លាយជាគ្រោះមហន្តរាយសម្រាប់ប្រទេសចិន និងសហរដ្ឋអាមេរិក ព្រមទាំងផ្នែកជាច្រើនផ្សេងទៀតនៃពិភពលោក ដោយជំរុញទីក្រុងវ៉ាស៊ីនតោនឲ្យទទួលយកគោលនយោបាយសមហេតុផល និងជាក់ស្ដែងចំពោះប្រទេសចិន។យោងតាមរដ្ឋមន្ត្រីរូបនេះ ទីក្រុងវ៉ាស៊ីនតោនអាចធ្វើបែបនេះបានដោយគោរពតាមការទទួលស្គាល់របស់ខ្លួន កាលពីកន្លងទៅនៃគោលជំហរបស់ចិនដែលថា កោះតៃវ៉ាន់គឺជាផ្នែកនៃដែនដីរបស់ខ្លួនក្រោមគោលនយោបាយចិនតែមួយ One China’ policy។ លោក Wang Yi បាននិយាយថា ដំណើរទស្សនកិច្ចនាពេលថ្មីៗនេះដោយប្រធានសភាអាមេរិកលោកស្រី Nancy Pelosi ទៅកាន់កោះនេះគឺធ្វើឱ្យប៉ះពាល់ដល់ទំនាក់ទំនងចិន និងសហរដ្ឋអាមេរិក ដូចច្បាប់ស្តីពីគោលនយោបាយតៃវ៉ាន់ឆ្នាំ២០២២ របស់សភាសហរដ្ឋអាមេរិក។ ឯកសារចុងក្រោយនេះដែលត្រូវបានគាំទ្រ ដោយគណៈកម្មាធិការទំនាក់ទំនងការបរទេសព្រឹទ្ធសភាសហរដ្ឋអាមេរិក មានគោលបំណងផ្តល់ជំនួយសន្តិសុខរាប់ពាន់លានដុល្លារដល់ទីក្រុងតៃប៉ិ៕អត្ថបទ៖ សុខមាន

សម្តេចតេជោ ហ៊ុន សែន បានផ្ញើសារជូនជនរួមជាតិ ក្នុងឱកាសទិវាសន្តិភាពអន្តរជាតិ ថ្ងៃទី២១ ខែកញ្ញា ឆ្នាំ២០២២

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រី នៃព្រះរាជាណាចក្រកម្ពុជា នៅព្រឹកថ្ងៃទី២១ ខែកញ្ញា ឆ្នាំ២០២២នេះ បានផ្ញើសារជូនជនរួមជាតិ ក្នុងឱកាសទិវាសន្តិភាពអន្តរជាតិ ថ្ងៃទី២១ ខែកញ្ញា ឆ្នាំ២០២២។សារលិខិតសម្តេចតេជោ ហ៊ុន សែន មានខ្លឹមសារថា ក្នុងបុព្វហេតុ ទប់ស្កាត់ និងបញ្ឈប់ជម្លោះប្រដាប់អាវុធ និងសង្គ្រាមនៅគ្រប់ទីកន្លែងទូទាំង ពិភពលោក អង្គការសហប្រជាជាតិបានកំណត់យកថ្ងៃទី២១ ខែកញ្ញា រៀងរាល់ឆ្នាំ ជាកាលបរិច្ឆេទ សម្រាប់ប្រារព្ធ «ទិវាសន្តិភាពអន្តរជាតិ»។ ក្រោមមូលបទ «បញ្ចប់ការរើសអើងជាតិសាសន៍ និង កសាងសន្តិភាព» ការអបអរសារទរ «ទិវាសន្តិភាពអន្តរជាតិ» ឆ្នាំនេះ ផ្តោតលើការពង្រឹងសាមគ្គី ភាពអន្តរជាតិ ការថែរក្សា និងលើកកម្ពស់សន្តិភាព ស្ថិរភាព និងវិបុលសុខសម្រាប់មនុស្សជាតិ។តាងនាមរាជរដ្ឋាភិបាលកម្ពុជា សម្តេចសូមសម្តែងអំណរសាទរ និងចូលរួមជាមួយ សហគមន៍អន្តរជាតិក្នុងការប្រារព្ធ «ទិវាសន្តិភាពអន្តរជាតិ» ដ៏មហោឡារិកនេះ ដើម្បីរំលេច អត្ថន័យដ៏ថ្លៃថ្លានៃសន្តិភាព ក៏ដូចជាឆ្លុះបញ្ចាំងនូវឆន្ទៈដ៏មោះមុតរបស់ប្រជាជនកម្ពុជា ក្នុងការ ការពារ និងចូលរួមកសាងសន្តិភាពសកល៕

លោកឧត្តមសេនីយ៍ឯក ហ៊ុន ម៉ាណែត អញ្ជើញចូលជួបសម្តែងការគួរសម និងពិភាក្សាការងារជាមួយនឹង ឯកឧត្តម នាយឧត្តមសេនីយ៍ ប្រាយុទ្ធ ចន្ទអូចា រដ្ឋមន្ត្រីក្រសួងការពារជាតិថៃ

ភ្នំពេញ៖ នារសៀលថ្ងៃទី២០ ខែកញ្ញា ឆ្នាំ២០២២ ឯកឧត្តម ឧត្តមសេនីយ៍ឯក និងគណៈប្រតិភូអមដំណើរ បានអញ្ជើញចូលជួបសម្តែងការគួរសម និងពិភាក្សាការងារជាមួយនឹង ឯកឧត្តម នាយឧត្តមសេនីយ៍ ប្រាយុទ្ធ ចន្ទអូចា រដ្ឋមន្ត្រីក្រសួងការពារជាតិ នៅទីស្តីការក្រសួងការពារជាតិ នៃព្រះរាជាណាចក្រថៃ នៅមុនដំណើរនិវត្តន៍មកកាន់មាតុប្រទេសវិញ បន្ទាប់ពីបានបំពេញទស្សនកិច្ចផ្លូវការរយៈពេលពីរថ្ងៃនៅរាជធានីបាងកក។ក្នុងជំនួបនេះ ឯកឧត្តម ប្រាយុទ្ធ ចន្ទអូចា បានសម្តែងនូវការស្វាគមន៍យ៉ាងកក់ក្តៅជូនចំពោះ ឯកឧត្តម ហ៊ុន ម៉ាណែត និងគណៈប្រតិភូជាន់ខ្ពស់កងទ័ពជើងគោក នៃកងយោធពលខេមរភូមិន្ទ ព្រមជាមួយនឹងការផ្តាំផ្ញើសាកសួរសុខទុក្ខជូនចំពោះសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ។ ពាក់ព័ន្ធនឹងកិច្ចសហប្រតិបត្តិការយោធារវាងប្រទេសទាំងពីរ ឯកឧត្តមរដ្ឋមន្ត្រី បានសម្តែងការគាំទ្រ និងធ្វើការវាយតម្លៃខ្ពស់ចំពោះទំនាក់ទំនងមិត្តភាពជិតស្និទ្ធ និងកិច្ចសហប្រតិបត្តិការល្អរវាងបណ្តាប្រភេទទ័ពទាំងបីគ្រប់កម្រិត ដែលពិតជាបានដើរតួនាទីយ៉ាងសំខាន់នៅក្នុងការជំរុញទំនាក់ទំនងរវាងប្រទេសទាំងពីរឱ្យកាន់តែរឹងមាំ និងយូរអង្វែង។ជាមួយគ្នានេះ ឯកឧត្តមរដ្ឋមន្ត្រី ក៏បានចូលរួមអបអរសាទរចំពោះដំណើរការដោយជោគជ័យនៃកិច្ចប្រជុំរដ្ឋមន្ត្រីការពារជាតិអាស៊ានលើកទី១៦ (16th ADMM) កាលពីខែមិថុនា កន្លងទៅនេះ និងបានបញ្ជាក់ផងដែរអំពីការគាំទ្រចំពោះការបំពេញតួនាទីជាប្រធានអាស៊ានរបស់កម្ពុជា ដោយរាប់ទាំងវិធានការនានានៅក្នុងការដោះស្រាយវិបត្តិនៅមីយ៉ាន់ម៉ា ព្រមជាមួយនឹងការជូនពរឱ្យកម្ពុជាបន្តសម្រេចភារកិច្ចដ៏ឧត្តុង្គឧត្តម និងមានសារៈសំខាន់នេះ រហូតដល់ចុងបញ្ចប់ឆ្នាំ២០២២។ជាការឆ្លើយតប មេបញ្ជាការកងទ័ពជើងគោកកម្ពុជា បានថ្លែងអំណរគុណចំពោះការគាំទ្រដល់ការបន្តពង្រឹងកិច្ចសហប្រតិបត្តិយោធានៃប្រទេសទាំងពីរ ដែលកាន់តែបន្តរីកចម្រើនទៅមុខ ដូចដែលឆ្លុះបញ្ចាំងតាមរយៈសមិទ្ធផលសំខាន់ៗដែលកងទ័ពជើងគោកទាំងពីរសម្រេចបានក្នុងរយៈកាលកន្លងមកនេះ ទាំងកិច្ចសហការល្អរវាងបណ្តាកងឯកភាពជួរមុខនៅតាមបណ្តោយព្រំដែន, ការភ្ជាប់ទំនាក់ទំនងរវាងអង្គភាពថ្នាក់យុទ្ធវិធី និងរវាងយោធិនជាលក្ខណៈបុគ្គល ដើម្បីជួយពង្រឹងដល់ការកសាងទំនុកចិត្តតាមរយៈការបង្កើនមនោសញ្ចេតនាស្គាល់គ្នាទៅវិញទៅមកឱ្យបានស្អិតរមួត។ ជាងនេះទៀត ការភ្ជាប់ទំនាក់ទំនងលើផ្នែកហ្វឹកហ្វឺនបណ្តុះបណ្តាលធនធានមនុស្ស គឺមិនត្រឹមតែធ្វើឡើងសម្រាប់ពេលបច្ចុប្បន្នប៉ុណ្ណោះទេ ប៉ុន្តែក៏សម្រាប់មនុស្សជំនាន់ក្រោយផងដែរ។មួយវិញទៀត ឯកឧត្តម មេបញ្ជាការកងទ័ពជើងគោកកម្ពុជា ក៏បានលើកឡើងផងដែរអំពីការខិតខំចូលរួមចំណែករបស់កងកម្លាំងនៃប្រទេសទាំងពីរក្នុងការកសាង និងពង្រឹងតំបន់ព្រំដែនមិត្តភាព សន្តិភាព សហប្រតិបត្តិការ និងអភិវឌ្ឍន៍ និងបានបញ្ជាក់ថា សន្តិភាព សន្តិសុខ និងស្ថិរភាពនៅតាមបណ្តោយព្រំដែន គឺពិតជាបានបង្កលក្ខណៈដល់ការដោះដូរពាណិជ្ជកម្មឆ្លងដែន ដែលជាការចូលរួមចំណែកយ៉ាងសំខាន់ក្នុងការបង្កើតការងារ និងលើកកម្ពស់ជីវភាពរបស់ប្រជាជននៃប្រទេសទាំងពីរ។ ជាមួយគ្នានេះ ឯកឧត្តម ឧត្តមសេនីយ៍ឯក ក៏បានថ្លែងអំណរគុណចំពោះរាជរដ្ឋាភិបាល ប្រជាជន និងកងទ័ពថៃ ដែលបានផ្តល់ការជួយឧបត្ថម្ភគាំទ្រគ្នាទៅវិញទៅមក និងការសម្របសម្រួលយ៉ាងកក់ក្តៅជូនដល់ប្រជាពលរដ្ឋខ្មែរដែលរស់នៅតាមបណ្តោយព្រំដែន ព្រមទាំងប្រជាពលករខ្មែរដែលរស់នៅ និងធ្វើការនៅក្នុងប្រទេសថៃក្នុងអំឡុងពេលមានការរាតត្បាតនៃជំងឺកូវីដ-១៩៕

សម្ដេចតេជោ ហ៊ុន សែន ដឹកនាំគណ:ប្រតិភូចូលរួមមហាសន្និបាតអង្គការសហប្រជាជាតិលើកទី៧៧ ,ទស្សនកិច្ចផ្លូវការនៅឋគុយបា និងចូលរួមពិធីបុណ្យសពឯកឧត្តម អាបេ ស៊ីនហ្សូ អតីតនាយករដ្ឋមន្ត្រីជប៉ុន

ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា អញ្ជើញដឹកនាំគណ:ប្រតិភូជាន់ខ្ពស់រាជរដ្ឋាភិបាលទៅចូលរួមមហាសន្និបាតអង្គការសហប្រជាជាតិលើកទី៧៧ នៅសហរដ្ឋអាមេរិក បំពេញទស្សនកិច្ចផ្លូវការនៅសាធារណរដ្ឋគុយបា និងចូលរួមពិធីបុណ្យសពថ្នាក់ជាតិរបស់ ឯកឧត្តម អាបេ ស៊ីនហ្សូ អតីតនាយករដ្ឋមន្ត្រីជប៉ុន ចាប់ថ្ងៃទី២១ ដល់ ថ្ងៃទី២៨ ខែកញ្ញា ឆ្នាំ២០២២។គួរបញ្ជាក់ថា សម្តេចតេជោរី ហ៊ុន សែន នឹងអញ្ជើញចូលរួមសម័យប្រជុំលើកទី៧៧ នៃកិច្ចពិភាក្សាទូទៅរបស់មហាសន្និបាត អង្គការសហប្រជាជាតិ (មសអសប) ក្រោមប្រធានបទ «ចំណុចរបត់សំខាន់នៃការផ្លាស់ប្តូរមិនអាចត្រឡប់ក្រោយបាន៖ ដំណោះស្រាយបរិវត្តកម្មចំពោះបញ្ហាប្រឈមប្រទាក់ក្រឡាគ្នា» ចាប់ពីថ្ងៃទី២១-២៣ ខែកញ្ញា ឆ្នាំ២០២២ នៅទីក្រុងញូវយ៉ក៕

សម្តេចតេជោ ហ៊ុន សែន នាំយកចៅស្រីច្បងទៅអាមេរិក គុយបា និងជប៉ុន ដើម្បីរៀនធ្វើការ

ភ្នំពេញ៖ នៅព្រឹកថ្ងៃទី២១ ខែកញ្ញានេះ សម្តេចតេជោ ហ៊ុន សែន នាយករដ្ឋមន្ត្រី បង្ហាញរូបថតជាមួយចៅស្រីច្បងរបស់សម្តេច ពីការចេញបំពេញទស្សនកិច្ច និងបេសកកម្មការងារនៅអាមេរិក គុយបា និងជប៉ុន លើកនេះ អមដំណើរជាមួយដោយចៅៗ ដើម្បីរៀនធ្វើការ។សម្តេចតេជោបញ្ជាក់ថា យកចៅស្រីទៅជាមួយដើម្បីឱ្យរៀនធ្វើការ។«ចៅស្រីម្នាក់ទៀតរង់ចាំលើយន្តហោះមុនមិនបានថតរូបជាមួយ»។សម្តេចបានជូនពរបងប្អូនជនរួមជាតិជួបតែសេចក្តីសុខសេចក្តីចម្រើន។

មហាសន្និបាតអង្គការសហប្រជាជាតិបើកកិច្ចប្រជុំដោយផ្តោតលើគោលដៅអភិវឌ្ឍន៍

UN៖ អគ្គលេខាធិការអង្គការសហប្រជាជាតិលោក Antonio Guterres បានបើកមហាសន្និបាតអង្គការសហប្រជាជាតិឆ្នាំ២០២២ កាលពីថ្ងៃចន្ទ ដោយគូសបញ្ជាក់ពីតម្រូវការក្នុងការជំរុញ និងអនុវត្តគោលដៅអភិវឌ្ឍន៍ប្រកបដោយនិរន្តរភាព ដែលបានលើកឡើងដោយអង្គការសហប្រជាជាតិក្នុងឆ្នាំ២០១៥។ លោក Guterres បាននិយាយថា យើងជួបគ្នានៅក្នុងពេលនៃហានិភ័យដ៏ធំសម្រាប់ពិភពលោករបស់យើង។ មេដឹកនាំពិភពលោកកំពុងជួបប្រជុំគ្នាគ្នានៅអង្គការសហប្រជាជាតិក្នុងសប្តាហ៍នេះ ក្រោមស្រមោលនៃជម្លោះដ៏ធំលើកដំបូងរបស់អឺរ៉ុបចាប់តាំងពីសង្គ្រាមលោកលើកទីពីរ។ មហាសន្និបាតប្រចាំឆ្នាំកំពុងប្រព្រឹត្តទៅ ខណៈប្រទេសជាច្រើននៅទូទាំងពិភពលោកកំពុងប្រឈមវិសមភាព វិបត្តិអាកាសធាតុដែលកំពុងកើនឡើង ការគំរាមកំហែងនៃគ្រោះទុរភិក្ស ការកើនឡើងនូវព័ត៌មានមិនពិត និងការនិយាយអំពីភាពស្អប់ខ្ពើម។សម័យប្រជុំថ្មីរបស់មហាសន្និបាតអង្គការសហប្រជាជាតិ បានបើកដោយមានការព្រមានពីប្រធានប្តូរវេនថ្មីរបស់ខ្លួន ដែលបាននិយាយអូសបន្លាយភាពមិនប្រាកដប្រជាជាសកល អតិផរណា និងជម្លោះកំពុងបង្កើតភាពចលាចល ដែលមិនបានឃើញចាប់តាំងពីសង្គ្រាមលោកលើកទីពីរមក។ លោក Csaba Kőrösi របស់ប្រទេសហុងគ្រីបាននិយាយថា ការវាយលុករបស់រុស្សីទៅលើប្រទេសជិតខាងខ្លួនអ៊ុយក្រែន បានធ្វើឲ្យមានការប្រែប្រួលការទូតអន្តរជាតិ។ លោក Kőrösi បានចេញការព្រមាននេះ ខណៈបើកសម័យប្រជុំលើកទី៧៧ នៃមហាសន្និបាតនៅទីស្នាក់ការកណ្តាលរបស់អង្គការសហប្រជាជាតិក្នុងទីក្រុងញូវយ៉ក៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

លោក Macron៖ យុទ្ធសាស្ត្រយោធារបស់អ៊ីស្រាអែល នៅមជ្ឈិមបូព៌ា ប្រឈមធ្វើឲ្យអំពើហិង្សារាលដាល

ក្រសួងការងារ នាំយកឱកាសការងារជាង ១ម៉ឺនកន្លែង អត្ថប្រយោជន៍ ប.ស.ស. និងកម្មវិធី TVET ដល់ប្រជាពលរដ្ឋនៅស្រុកសាមគ្គីមានជ័យ ខេត្តកំពង់ឆ្នាំង

រដ្ឋមន្ត្រីការពារជាតិជប៉ុន គ្រោងធ្វើដំណើរទៅទួរគី ទាក់ទងនឹងកិច្ចប្រជុំកំពូលរបស់អង្គការណាតូ

សារព័ត៌មានរ៉យទ័រ៖ IRGC បង្កើតក្រុមសម្ងាត់នៅអ៊ីរ៉ាក់ ដើម្បីធ្វើការវាយប្រហារដោយយានដ្រូនលើរដ្ឋឈូងសមុទ្រ

នាវាឆ្លងកាត់ច្រកសមុទ្រ Hormuz ខណៈកិច្ចព្រមព្រៀងអាមេរិក-អ៊ីរ៉ង់ ចូលជាធរមាន តែកង្វល់នៅតែមាន

មេដឹកនាំ EU នឹងជជែកតវ៉ាគ្នា ជុំវិញថវិការយៈពេល ៧ឆ្នាំបន្ទាប់របស់ប្លុក និងស្វែងរកប្រភពចំណូលថ្មី

របាយការណ៍៖ មន្ទីរបញ្ចកោណត្រូវការ ៨០ពាន់លានដុល្លារ ដើម្បីទូទាត់សង្គ្រាមអ៊ីរ៉ង់ និងការចំណាយផ្សេងទៀត

អនុប្រធានាធិបតីអាមេរិក លោក Vance លុបចោលការធ្វើដំណើរ សម្រាប់កិច្ចចរចាសន្តិភាពជាមួយអ៊ីរ៉ង់

អាល្លឺម៉ង់បើកមជ្ឈមណ្ឌលសង្គ្រាមចម្រុះ ស្របពេលមានការធ្វើយោធូបនីយកម្មកាន់តែទូលំទូលាយនៅក្នុងប្រទេសនេះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

បុរសម្នាក់ដុតខ្លួនឯងដែលទំនងជាតវ៉ាប្រឆាំងនឹងពិធីបុណ្យសពរបស់អតីតនាយករដ្ឋមន្ត្រីជប៉ុន Abe

រុស្ស៊ីលើកឡើងថា ដំណោះស្រាយដោយសន្តិវិធីចំពោះវិបត្តិអ៊ុយក្រែននៅពេលនេះមិនអាចទៅរួចទេ

ចិនចេញការព្រមានដល់សហរដ្ឋអាមេរិកពីគ្រោះមហន្តរាយសង្គ្រាមត្រជាក់

សម្តេចតេជោ ហ៊ុន សែន បានផ្ញើសារជូនជនរួមជាតិ ក្នុងឱកាសទិវាសន្តិភាពអន្តរជាតិ ថ្ងៃទី២១ ខែកញ្ញា ឆ្នាំ២០២២

សម្តេចតេជោ ហ៊ុន សែន នាំយកចៅស្រីច្បងទៅអាមេរិក គុយបា និងជប៉ុន ដើម្បីរៀនធ្វើការ

មហាសន្និបាតអង្គការសហប្រជាជាតិបើកកិច្ចប្រជុំដោយផ្តោតលើគោលដៅអភិវឌ្ឍន៍

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

បុរស​ម្នាក់​ដុត​ខ្លួនឯង​ដែល​ទំនងជា​តវ៉ា​ប្រឆាំងនឹង​ពិធី​បុណ្យសព​របស់​អតីត​នាយករដ្ឋមន្ត្រី​ជប៉ុន Abe

​រុស្ស៊ី​លើកឡើងថា ដំណោះស្រាយ​ដោយ​សន្តិវិធី​ចំពោះ​វិបត្តិ​អ៊ុយ​ក្រែ​ន​នៅពេលនេះ​មិនអាច​ទៅរួច​ទេ​

ចិន​ចេញ​ការព្រមាន​ដល់​សហរដ្ឋអាមេរិក​ពី​គ្រោះមហន្តរាយ​សង្គ្រាមត្រជាក់​

សម្តេចតេជោ ហ៊ុន សែន បានផ្ញើសារជូនជនរួមជាតិ ក្នុងឱកាសទិវាសន្តិភាពអន្តរជាតិ ថ្ងៃទី២១ ខែកញ្ញា ឆ្នាំ២០២២

សម្តេចតេជោ ហ៊ុន សែន នាំយកចៅស្រីច្បងទៅអាមេរិក គុយបា និងជប៉ុន ដើម្បីរៀនធ្វើការ

មហាសន្និបាត​អង្គការសហប្រជាជាតិ​បើក​កិច្ចប្រជុំ​ដោយ​ផ្តោតលើ​គោលដៅ​អភិវឌ្ឍន៍

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

បុរសម្នាក់ដុតខ្លួនឯងដែលទំនងជាតវ៉ាប្រឆាំងនឹងពិធីបុណ្យសពរបស់អតីតនាយករដ្ឋមន្ត្រីជប៉ុន Abe

រុស្ស៊ីលើកឡើងថា ដំណោះស្រាយដោយសន្តិវិធីចំពោះវិបត្តិអ៊ុយក្រែននៅពេលនេះមិនអាចទៅរួចទេ

ចិនចេញការព្រមានដល់សហរដ្ឋអាមេរិកពីគ្រោះមហន្តរាយសង្គ្រាមត្រជាក់

មហាសន្និបាតអង្គការសហប្រជាជាតិបើកកិច្ចប្រជុំដោយផ្តោតលើគោលដៅអភិវឌ្ឍន៍