BTV NEWS

សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារលិខិតអបអរសាទរ ថ្វាយសម្តេចព្រះវររាជមាតាជាតិខ្មែរ ត្រូវបានសហគមន៍ OB-PS ថ្វាយនូវពានសមាជិកភាពកិត្តិយសជើងឯក “Champions Award”

កម្ពុជា-សហភាពសេដ្ឋកិច្ចអឺរ៉ុប-អាស៊ី (EAEU) ពិនិត្យ និង ពិចារណាលើកិច្ចព្រមព្រៀងពាណិជ្ជកម្មសេរី (FTA)

លោកជំទាវបណ្ឌិត ពេជ ចន្ទមុន្នី ក្រាបបង្គំអបអរសាទរ សម្តេចព្រះមហាក្សត្រី ព្រះវររាជមាតាជាតិខ្មែរ ដែលទទួលបានការថ្វាយ «ពានសមាជិកភាពជើងឯក» ពី OB-PS

ព័ត៌មានសំខាន់ៗ

អ្នកដំណើររងការរំខានធ្ងន់ធ្ងរក្នុងពេលមានកូដកម្មរបស់អ្នកត្រួតពិនិត្យចរាចរណ៍ផ្លូវអាកាសបារាំង

បារាំង៖ យ៉ាងហោចណាស់ជើងហោះហើរចំនួន ១,០០០ជើងត្រូវបានលុបចោលនៅថ្ងៃសុក្រនេះ ខណៈក្រុមអ្នកត្រួតពិនិត្យចរាចរណ៍ផ្លូវអាកាសរបស់បារាំងធ្វើកូដកម្ម ជុំវិញបញ្ហាអតិផរណាដែលបានធ្វើឲ្យប៉ះពាល់ដល់អ្នកដំណើរប្រមាណ ៨០,០០០នាក់។ ក្រុមហ៊ុនអាកាសចរណ៍ Air France មិនអាចច្រានចោលចំពោះការពន្យារពេលបន្ថែមទៀត និងការលុបចោលនៅនាទីចុងក្រោយនៅក្នុងសេចក្តីថ្លែងការណ៍ដែលបានប្រកាសកាលពីថ្ងៃព្រហស្បតិ៍ ដោយបានប្រាប់អ្នកដំណើរឱ្យពន្យារពេលការធ្វើដំណើររបស់ពួកគេ។ ចំណាត់ការនេះបានបណ្តាលឱ្យក្រុមហ៊ុនអាកាសចរណ៍មានថវិកាច្រើនបំផុតរបស់អឺរ៉ុប Ryanair កាត់បន្ថយជើងហោះហើរចំនួន ៤២០ ផងដែរ ខណៈការធ្វើដំណើរទាំងអស់នៅទូទាំងទ្វីបអឺរ៉ុបត្រូវឆ្លងកាត់ដែនអាកាសបារាំង។ក្រុមហ៊ុនបាននិយាយនៅក្នុងសេចក្តីថ្លែងការណ៍ថា ក្រុមហ៊ុនមិនអាចពន្យល់បានដែលប្រជាជនអឺរ៉ុប ឬអ្នកដំណើររាប់ពាន់នាក់មានផែនការធ្វើដំណើររបស់ពួកគេត្រូវបានរំខានដោយអយុត្តិធម៌ ដោយសារការធ្វើកូដកម្មរបស់ក្រុមអ្នកត្រួតពិនិត្យចរាចរណ៍ផ្លូវអាកាសរបស់ប្រទេសបារាំង៕អត្ថបទ៖ ប៊ុនថន

ប្រធានសភាអាមេរិកនឹងធ្វើទស្សនកិច្ចនៅប្រទេសអាមេនី ក្នុងពេលមានភាពតានតឹងជាមួយអាហ្សែបៃហ្សង់

អាមេរិក៖ ប្រធានសភាសហរដ្ឋអាមេរិកលោកស្រី Nancy Pelosi បាននិយាយថា លោកស្រីមានផែនការបំពេញទស្សនកិច្ចនៅប្រទេសអាមេនីនៅចុងសប្តាហ៍នេះ បន្ទាប់ពីមានការប៉ះទង្គិចគ្នានៅតាមព្រំដែនជាមួយប្រទេសអាហ្សែបៃហ្សង់ បណ្តាលឲ្យទាហានមកពីភាគីទាំងសងខាងជាង ២០០នាក់បានស្លាប់នៅក្នុងសប្តាហ៍នេះ។ លោកស្រី Pelosi បាននិយាយថា គណៈប្រតិភូរបស់លោកស្រីនឹងរួមមានទាំងសមាជិកសភាគណបក្សប្រជាធិបតេយ្យលោកស្រី Jackie Speier ដែលមានដើមកំណើតជនជាតិអាមេនី នឹងចូលរួមជាមួយសមាជិកសភាដែលនឹងទៅធ្វើទស្សនកិច្ច។ បច្ចុប្បន្ននេះបទឈប់បាញ់កំពុងធ្វើឡើងនៅក្នុងតំបន់ ដោយភាគីទាំងពីរបានដាក់កំហុសគ្នាទៅវិញទៅមកចំពោះជម្លោះនេះ។ប្រធានសភាសហរដ្ឋអាមេរិកលោកស្រី Nancy Pelosi បាននិយាយកាលពីថ្ងៃសុក្រថា លោកស្រីនឹងធ្វើដំណើរទៅកាន់ប្រទេសអាមេនី ជាកន្លែងដែលការប្រយុទ្ធគ្នាបានផ្ទុះឡើងកាលពីដើមសប្តាហ៍នេះ ជាមួយប្រទេសជិតខាងខ្លួនអាហ្សែបៃហ្សង់។ លោកស្រី Pelosi បានថ្លែងប្រាប់អ្នកសារព័ត៌មាននៅទីក្រុងប៊ែរឡាំង បន្ទាប់ពីបានជួបជាមួយប្រធានសភាអាល្លឺម៉ង់ អឺរ៉ុប និងអ៊ុយក្រែននៅក្នុងកិច្ចប្រជុំក្រុមប្រទេសទាំងប្រាំពីរថា លោកស្រីនឹងធ្វើដំណើរតបតាមការអញ្ជើញរបស់ទីក្រុង Yerevan៕អត្ថបទ៖ ប៊ុនថន

អ្នកកាន់ទុក្ខបន្តចូលគោរពព្រះវិញ្ញាណក្ខន្ធព្រះមហាក្សត្រី ខណៈក្រុងឡុងដ៍ត្រៀមរៀបចំពិធីបុណ្យព្រះសព

អង់គ្លេស៖ ពលរដ្ឋកាន់តែច្រើនឡើងមានចាប់ពីអ្នកចូលនិវត្តន៍នៅទីក្រុងឡុងដ៍ រហូតដល់អតីតប្រធានក្រុមបាល់ទាត់អង់គ្លេសលោក David Beckham បានតម្រង់ជួរដើម្បីមើលព្រះមជ្ឈូសា និងគោរពព្រះវិញ្ញាណក្ខន្ធព្រះម្ចាស់ក្សត្រី Elizabeth II ខណៈដាក់តម្កល់នៅរដ្ឋសភា ដែលអាជ្ញាធរត្រូវអំពាវនាវឲ្យផ្អាកបណ្តោះអាសន្នកាលពីថ្ងៃសុក្រ ដល់មនុស្សកាន់តែច្រើនស្ថិតក្នុងជួរចម្ងាយច្រើនគីឡូម៉ែត្រ។ មកដល់រសៀលថ្ងៃសុក្រ អ្នកតាមដានការផ្សាយផ្ទាល់បាននិយាយថា ការតម្រង់ជួរដើម្បីចូលទៅកាន់អគារWestminster Hall បានបើកឡើងវិញ ប៉ុន្តែរដ្ឋាភិបាលអង់គ្លេសបានព្រមានថា វានឹងចំណាយពេលលើសពី ២៤ម៉ោងដើម្បីរង់ចាំ ខណៈអ្នកចូលរួមបានតម្រង់ជួរមានចម្ងាយរហូតដល់ ៨គីឡូម៉ែត្រ។ អភិបាលក្រុងឡុងដ៍ លោក Sadiq Khan បាននិយាយអំពីទំហំធំនៃប្រតិបត្តិការសន្តិសុខ និងដឹកជញ្ជូនជុំវិញពិធីបុណ្យព្រះសពព្រះម្ចាស់ក្សត្រី Elizabeth II នៅថ្ងៃចន្ទ និងតួនាទីរបស់ទីក្រុងក្នុងការអនុវត្តការការពារសន្តិសុខ។ លោក Khan និយាយថា ខណៈធ្វើឱ្យប្រាកដ យើងអាចគោរពព្រះវិញ្ញាណក្ខន្ធព្រះមហាក្សត្រី វាជាការសំខាន់ណាស់ដែលត្រូវយល់ថា អាចមានមនុស្សអាក្រក់មានបំណងធ្វើឱ្យរងរបួសដល់បុគ្គល ឬមេដឹកនាំពិភពលោករបស់យើង។ដោយមានមេដឹកនាំពិភពលោករាប់រយនាក់ដែលត្រូវរំពឹងថានឹងចូលរួមពិធីបុណ្យព្រះសព លោកអភិបាលក្រុងបានបញ្ជាក់លើតម្រូវការដើម្បីរក្សាសុវត្ថិភាពសន្តិសុខគ្រប់គ្នា។ បញ្ជីរាយនាមភ្ញៀវសម្រាប់ពិធីបុណ្យព្រះសពរបស់រដ្ឋ រួមមានព្រះអធិរាជជប៉ុន Naruhito និងមហាក្សត្រ Felipe VI របស់ប្រទេសអេស្ប៉ាញ, ប្រធានាធិបតីសហរដ្ឋអាមេរិកលោក Joe Biden, ប្រធានាធិបតីបារាំងលោក Emmanuel Macron, នាយករដ្ឋមន្ត្រីកាណាដា អូស្ត្រាលី និងនូវែលសេឡង់ និងមេដឹកនាំជាច្រើនទៀត៕អត្ថបទ៖ ប៊ុនថន

សម្តេចតេជោ ហ៊ុន សែន ព្រមានដកដំណែងអភិបាលរាជធានី-ខេត្តណា ដែលនៅបណ្តែតបណ្តោយឲ្យមានល្បែងស៊ីសងខុសច្បាប់នៅមូលដ្ឋានខ្លួន

ភ្នំពេញ៖ សម្តេចតេជោ ហ៊ុន សែន បានបញ្ជាយ៉ាងម៉ឺងម៉ាត់បំផុត ដោយឲ្យអាជ្ញាធរគ្រប់រាជធានី-ខេត្ត គ្រប់ទីកន្លែងទាំងអស់ ត្រូវតែបង្រ្កាបល្បែងខុសច្បាប់ឲ្យបានជាដាច់ខាត ហើយប្រសិនអភិបាលរាជធានី-ខេត្តណានៅបណ្តោយឲ្យមាននូវល្បែងទាំងនោះទៀត សម្តេចនឹងមិនរុញរាក្នុងការដកដំណែងរបស់អស់លោកនោះឡើយ។យោងតមសារសំឡេងសម្តេចតេជោ ហ៊ុន សែន នៅព្រឹកថ្ងៃទី១៧ ខែកញ្ញានេះ សម្តេចតេជិ ហ៊ុន សែន បានបញ្ជាក់ថា កម្ពុជាកំពុងប្រឹងទប់នឹងវិបត្តិនានារួមមានកូវីដ-១៩ និងអតិផរណាផងដែរ ស្រាប់តែយើងមានការរំខានដោយបញ្ហាល្បែងស៊ីសងខុសច្បាប់ ដែលអាជ្ញាធរត្រូវតែបង្ក្រាបឱ្យបានលឿនជាចាំបាច់។សម្តេចតេជោ ហ៊ុន សែន បានបញ្ជាក់ថា កន្លែងល្បែងស៊ីសងនោះ គឺនៅនឹងភូមិឋានប្រជាពលរដ្ឋ មិនបានដាក់នៅលើមេឃនោះទេ ហើយវាក៏មិនមានចាំចាប់ទាល់តែសោះក្នុងការអន្តរាគមន៍ពីថ្នាក់ជាតិទើបនាំគ្នាបង្ក្រាមនោះដែរ។សម្តេចតេជោបន្តថា៖ «មន្ត្រីមួយចំនួន មិនមែនមិនដឹងថា មូលដ្ឋានខ្លួនឯងមានល្បែងខុសច្បាប់នោះទេ ប៉ុន្តែសំខាន់ តេីចង់បង្រ្កាប ឬអត់? កុំព្រោះតែប្រយោជន៍ខ្លួនឯង...[]....! ត្រីចង្វាចិញ្ចឹមត្រីរ៉ស់»៕

មន្ត្រីជំនាញ៖ ព្រលានយន្តហោះតារាសាគរ បង្កើតឡើងសម្រាប់បម្រើដល់ផ្នែកស៊ីវិល និងទេសចរណ៍

ភ្នំពេញ៖ មន្ត្រីជំនាញ នៃរដ្ឋលេខាធិការដ្ឋានអាកាសចរស៊ីវិលបញ្ជាក់ជាថ្មីថា អាកាសយានដ្ឋានតារាសាគរ ស្ថិតក្នុងខេត្តកោះកុង បង្កើតឡើងក្នុងគោលបំណងបម្រើដល់ផ្នែកស៊ីវិល និងវិស័យទេសចរណ៍ មិនមានទាក់ទងនឹងកងទ័ពចិន ដូចអ្វីដែលមជ្ឈដ្ឋានអន្តរជាតិមួយចំនួនចោទប្រកាន់ទេ ។ក្នុងសន្និសីទសារព័ត៌មានស្តីពី សមិទ្ធផលសម្រេចបានរយៈពេល៥ឆ្នាំរបស់រដ្ឋលេខាធិការដ្ឋានអាកាសចរស៊ីវិល កាលពីថ្ងៃទី១៥ ខែកញ្ញា ឆ្នាំ២០២២ ឯកឧត្តម ស៊ិន ចាន់សិរីវុត្ថា អនុរដ្ឋលេខាធិការ មានប្រសាសន៍ថា តំបន់អភិវឌ្ឍតារាសារគរ ជាគម្រោងមួយ ដែលមានភ្ជាប់គម្រោងជាច្រើនទៀតជាកញ្ចប់ ដោយមានកសាងនូវហេដ្ឋារចនាសម្ព័ន្ធនៅទីនោះ និងសាងសង់អាកាសយានដ្ឋានតារាសាគមួយផងដែរ ។ ឯកឧត្តមបានបន្តថា អាកាសយានដ្ឋាននេះបានសាងសង់រួចរាល់ហើយ នៅតែការបំពេញកាតព្វកិច្ចទទួលបាននូវវិញ្ញាបណ្ណប័ត្រ ដើម្បីប្រតិបត្តិការ ដោយសារបញ្ហាវិបត្តិជំងឺកូវីដ-១៩ ក៏បានប៉ះពាល់ដល់ដំណើរ និងជះឥទ្ធិផលដល់ខ្សែសង្វាក់ផលិតកម្មដឹកជញ្ជូនសម្ភារៈ ការផ្គត់ផ្គង់សម្ភារៈ ការធ្វើដំណើររបស់វិស្វករជំនាញ ទើបធ្វើឲ្យមានការយឺតយ៉ាវក្នុងការអនុវត្តគម្រោងនេះ។ ឯកឧត្តមអនុរដ្ឋលេខាធិការបន្ថែមថា ការអភិវឌ្ឍតំបន់តារាសាគរ និងបង្កើតអាកាសយានដ្ឋាននេះ កម្ពុជារងនូវការចោទប្រកានពីសំណាក់ប្រទេសសេរីមួយចំនួនថា ពាក់ព័ន្ធនឹងមូលដ្ឋានកងទ័ពចិន ប៉ុន្តែជាក់ស្ដែង ការអភិវឌ្ឍក្នុងគោលបំណងបម្រើផ្នែកស៊ីវិល និងវិស័យទេសចរណ៍ប៉ុណ្ណោះ ។ ឯកឧត្តម ស៊ិន ចាន់សិរីវុត្ថា បានបញ្ជាក់ថា បើមិនមានអ្វីប្រែប្រួលទេ អាកាសយានដ្ឋានតារាសាគរ គ្រោងនឹងដំណើរការនៅពាក់កណ្ដាលឆ្នាំ២០២៣ ខណៈដែលចំណុចនៅសេសសល់ មានដូចជាការរៀបចំធនធានមនុស្ស ការបណ្ដុះបណ្ដាល និងការបោសសំអាតជាដើម ៕(អត្ថបទ៖ បាន សុខរិទ្ធិ)

ក្នុងពិធីបុណ្យព្រះសពម្ចាស់ក្សត្រី៖ អាកាសយានដ្ឋាន Heathrow លុបចោលជើងហោះហើរនៅថ្ងៃចន្ទ

អង់គ្លេស៖ អាកាសយានដ្ឋាន Heathrow បាននិយាយថា ប្រមាណ ១៥% នៃកាលបរិច្ឆេទរបស់ខ្លួននឹងត្រូវបានផ្លាស់ប្ដូរនៅថ្ងៃចន្ទ ក្នុងអំឡុងពេលពិធីបុណ្យព្រះសពរបស់ព្រះមហាក្សត្រី Elizabeth។ អាកាសយានដ្ឋាននិយាយថា នេះគឺដើម្បីធានាបានថា ដែនអាកាសលើទីក្រុងឡុងដ៍នឹងស្ងប់ស្ងាត់ក្នុងអំឡុងពេលព្រឹត្តិការណ៍នោះ។ អាកាសយានដ្ឋាននឹងលុបចោលជើងហោះហើរ រួមទាំងជើងហោះហើរក្រុមហ៊ុនអាកាសចរណ៍ British Airways ចំនួន ១០០ជើង និងជើងហោះហើរក្រុមហ៊ុនអាកាសចរណ៍ Virgin Atlantic ចំនួនបួន។ ដោយឡែកអ្នកដំណើររាប់ម៉ឺននាក់នឹងត្រូវរងផលប៉ះពាល់ ដោយការធ្វើកូដកម្មផ្នែកគ្រប់គ្រងចរាចរណ៍ផ្លូវអាកាសរបស់បារាំងនៅថ្ងៃសុក្រនេះ។ ក្នុងចំណោមជើងហោះហើរដែលត្រូវបានលុបចោល នឹងមានជើងហោះហើរជាច្រើនដែលហោះហើរលើប្រទេសបារាំង ទាំងទៅ និងមកពីប្រទេសនោះទេ។ អាកាសយានដ្ឋាន Heathrow បាននិយាយថា រាល់ការចេញដំណើរ និងការចុះចតនៅថ្ងៃចន្ទនឹងត្រូវពន្យារពេល ១៥នាទីមុន និងក្រោយ ភាពស្ងប់ស្ងាត់រយៈពេល ២នាទីនៅចុងបញ្ចប់នៃពិធីបុណ្យព្រះសព។នៅក្នុងសេចក្ដីថ្លែងការណ៍មួយ អាកាសយានដ្ឋាន Heathrow បានសុំទោសចំពោះការរំខាននេះ ប៉ុន្តែបាននិយាយថា ជាការគោរព ហើយប្រតិបត្តិការទៅ និងមកអាកាសយានដ្ឋាននឹងមានការផ្លាស់ប្តូរសមស្រប ដើម្បីជៀសវាងការរំខានដោយសំឡេងនៅទីតាំងជាក់លាក់នៅថ្ងៃចន្ទ។ អាជ្ញាធរអាកាសចរណ៍ស៊ីវិល (CAA) បានចេញសេចក្តីណែនាំដែលមានន័យថា អ្នកដំណើរតាមផ្លូវអាកាសដែលជើងហោះហើរត្រូវបានលុបចោល ឬពន្យារពេលនៅថ្ងៃចន្ទ ដោយសារតែការផ្លាស់ប្តូររបស់អាកាសយានដ្ឋាន Heathrow នឹងពុំមានសិទ្ធិទទួលបានសំណងផ្នែកហិរញ្ញវត្ថុស្របច្បាប់នោះទេ។ នោះគឺដោយសារតែទំនងជាត្រូវបានចាត់ទុកថា ជាកាលៈទេសៈពិសេស។ ទោះយ៉ាងណាក្រុមហ៊ុនអាកាសចរណ៍នឹងផ្តល់ជូនអតិថិជននូវសំណង ឬការកក់សំបុត្រឡើងវិញ៕អត្ថបទ៖ ប៊ុនថន

ចំនួនអ្នកស្លាប់ដោយសារទឹកជំនន់នៅប៉ាគីស្ថានកើនឡើងដល់ ១,៤៨៦នាក់

ប៉ាគីស្ថាន៖ យោងតាមទិន្នន័យផ្លូវការដែលបានចេញផ្សាយកាលពីថ្ងៃព្រហស្បតិ៍បានឲ្យដឹងថា មនុស្ស ១,៤៨៦នាក់បានស្លាប់រួមមានកុមារ ៥៣០នាក់ស្ថិតក្នុងចំណោមអ្នកស្លាប់ អំឡុងពេលទឹកជំនន់ដែលមិនធ្លាប់កើតមាននៅក្នុងប្រទេសប៉ាគីស្ថាន ខណៈដែលពេលនេះជើងហោះហើរដឹកជំនួយមកពីសហរដ្ឋអាមេរិក និងអារ៉ាប់រួមបានមកដល់។ ទឹកភ្លៀងធ្លាក់ខ្លាំង និងការរលាយផ្ទាំងទឹកកកបានប៉ះពាល់រួចទៅហើយដល់ប្រជាជន ៣៣លាននាក់នៅក្នុងប្រទេស ដោយប្រជាជនរាប់ម៉ឺននាក់គ្មានលំនៅឋានរស់នៅ។ អ្វីដែលជាបញ្ហាកាន់តែធ្ងន់ធ្ងរនោះ អាជ្ញាធរសុខាភិបាលបានរាយការណ៍ពីការកើនឡើងជំងឺគ្រុនឈាម គ្រុនចាញ់ និងជំងឺឆ្លងធ្ងន់ធ្ងរដោយសារតែទឹកកខ្វក់៕អត្ថបទ៖ ប៊ុនថន

លោក Zekenskyy និយាយថា ផ្នូរធំជាច្រើនរកឃើញនៅក្រុង Izium

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បាននិយាយកាលពីថ្ងៃព្រហស្បតិ៍ថា ផ្នូរធំៗត្រូវបានរកឃើញនៅក្នុងទីក្រុង Izium តំបន់ Kharkiv ដែលទើបដណ្តើមបានមកវិញ។ លោក Zelenskyy និយាយថា ប្រព័ន្ធផ្សព្វផ្សាយនឹងត្រូវបានអនុញ្ញាតចូលទៅកន្លែងកើតហេតុនៅថ្ងៃសុក្រនេះ ដើម្បីឱ្យពិភពលោកដឹងនូវអ្វីដែលកំពុងកើតឡើង និងអ្វីដែលជាការចូលកាន់កាប់របស់រុស្ស៊ីកើតមាន។ ការវាយប្រហាររបស់រុស្ស៊ីកាលពីពេលថ្មីៗនេះទៅលើតំបន់ Kryvyi Rih និង Kirovohrad កំពុងកើតឡើងក្នុងពេលដំណាលគ្នាជាមួយដំណើរទស្សនកិច្ចរបស់ប្រធានគណៈកម្មការអឺរ៉ុបលោកស្រី Ursula von der Leyen ទៅកាន់ទីក្រុងគីវ។ មេដឹកនាំអ៊ុយក្រែនបាននិយាយថា រដ្ឋភេរវនិយមកំពុងព្យាយាមបង្ហាញថា ខ្លួនអាចទូទាត់សងដោយការវាយប្រហារបែបនេះសម្រាប់ភាពកំសាក និងអសមត្ថភាពនៃយោធារបស់ខ្លួន។ ផ្នូរដ៏ធំរបស់ទាហានអ៊ុយក្រែន និងជនស៊ីវិលរាប់រយនាក់ដែលមិនស្គាល់អត្តសញ្ញាណ ត្រូវបានរកឃើញនៅក្នុងព្រៃនៃក្រុង Izium ដែលទើបដណ្តើមយកបានមកវិញ។ ស្នងការអ៊ុយក្រែនលោក Oleg Kotenko បាននិយាយថា ទាហានរុស្ស៊ីបានកប់ទាហានអ៊ុយក្រែននៅក្នុងផ្នូរដ៏ធំមួយនេះនៅក្នុងព្រៃ៕អត្ថបទ៖ ប៊ុនថន

អ៊ីរ៉ង់មិនទទួលស្គាល់ទណ្ឌកម្មលើរុស្ស៊ី ខណៈនឹងចូលរួមជាមួយអង្គការសហប្រតិបត្តិការសៀងហៃ

អ៊ីរ៉ង់៖ ប្រធានាធិបតីអ៊ីរ៉ង់លោក Ebrahim Raisi បាននិយាយថា ផលប៉ះពាល់នៃទណ្ឌកម្មរបស់សហរដ្ឋអាមេរិកលើប្រទេសរុស្ស៊ី និងអ៊ីរ៉ង់មិនអាចបំបាក់អ្វីបានឡើយ បន្ទាប់ពីជំនួបរបស់លោកជាមួយសមភាគីរុស្ស៊ីលោក Vladimir Putin កាលពីថ្ងៃព្រហស្បតិ៍ ក្រោយការចុះហត្ថលេខាលើអនុស្សរណៈនៃកាតព្វកិច្ច ដើម្បីក្លាយជាសមាជិកអចិន្ត្រៃយ៍នៃអង្គការសហប្រតិបត្តិការសៀងហៃ (SCO)។ លោក Putin ថ្លែងថា ការងារលើកិច្ចព្រមព្រៀងកិច្ចសហប្រតិបត្តិការថ្មីរវាងរុស្ស៊ី និងអ៊ីរ៉ង់គឺស្ថិតនៅក្នុងដំណាក់កាលចុងក្រោយរបស់ខ្លួន ខណៈទីក្រុងមូស្គូកំពុងធ្វើអ្វីគ្រប់យ៉ាង ដើម្បីឱ្យអ៊ីរ៉ង់ក្លាយជាសមាជិកពេញលេញនៃអង្គការសហប្រតិបត្តិការសៀងហៃ (SCO)។ គណៈប្រតិភូរុស្ស៊ីនឹងចាកចេញទៅកាន់ប្រទេសអ៊ីរ៉ង់នៅសប្តាហ៍ក្រោយ រួមមានទាំងតំណាងក្រុមហ៊ុនរុស្ស៊ីធំៗចំនួន ៨០ក្រុមហ៊ុន។អ៊ីរ៉ង់នឹងស្វែងរកការចូលរួមជាមួយក្រុមសន្តិសុខអាស៊ីដឹកនាំដោយប្រទេសរុស្ស៊ី និងចិន ក្នុងចំណាត់ការមួយដើម្បីធ្វើឲ្យទំនាក់ទំនងរឹងមាំបន្ថែមទៀត រវាងបណ្តាប្រទេសទាំងនេះ និងក្នុងគោលបំណងកំណត់ឥទ្ធិពលប្រទេសលោកខាងលិចនៅក្នុងតំបន់។ រដ្ឋមន្ត្រីការបរទេសលោក Hossein Amirabdollahian បាននិយាយថា ដោយចុះហត្ថលេខាលើឯកសារសម្រាប់សមាជិកពេញសិទ្ធនៃអង្គការសហប្រតិបត្តិការសៀងហៃ ពេលនេះអ៊ីរ៉ង់បានចូលដល់ដំណាក់កាលថ្មីនៃកិច្ចសហប្រតិបត្តិការថាមពល ដឹកជញ្ជូន ពាណិជ្ជកម្ម និងសេដ្ឋកិច្ច៕អត្ថបទ៖ ប៊ុនថន

អាមេនីនិយាយថា ទាហាន ១០៥នាក់បានស្លាប់ក្នុងការប៉ះទង្គិចនៅព្រំដែនអាហ្សែបៃហ្សង់

អាមេនី៖ នាយករដ្ឋមន្ត្រីអាមេនីលោក Nikol Pashinyan បាននិយាយថា ទាហានអាមេនីជាង ១០០នាក់បានស្លាប់នៅក្នុងការប៉ះទង្គិចនៅតាមព្រំដែន ជាមួយប្រទេសអាហ្សែបៃហ្សង់ចាប់តាំងពីថ្ងៃចន្ទ។ ទន្ទឹមនឹងនេះប្រទេសអាហ្សែបៃហ្សង់បាននិយាយកាលពីថ្ងៃព្រហស្បតិ៍ថា ទាហានរបស់ខ្លួនចំនួន ៧១នាក់ត្រូវបានសម្លាប់នៅក្នុងការប្រយុទ្ធគ្នា ដែលភាគីទាំងពីរបានដាក់កំហុសគ្នាទៅលើភាគីម្ខាងៗ។ វាជាជម្លោះថ្មីក្នុងជម្លោះដ៏រ៉ាំរ៉ៃដែលបានប្រយុទ្ធគ្នា រវាងអតីតសាធារណរដ្ឋសូវៀតទាំងពីរជុំវិញតំបន់ជម្លោះ Nagorno-Karabakh។ រុស្ស៊ី និងសហរដ្ឋអាមេរិកបានអំពាវនាវឲ្យមានសន្តិភាពរវាងប្រទេសទាំងពីរ។ ថ្លែងទៅកាន់សភារបស់ប្រទេស លោកនាយករដ្ឋមន្ត្រី Nikol Pashinyan បាននិយាយថា ទាហានអាមេនី ១០៥នាក់បានស្លាប់ចាប់តាំងពីយប់ថ្ងៃចន្ទ នៅក្នុងការវាយប្រហារដែលលោកបានដាក់កំហុសលើប្រទេសអាហ្សៃបៃហ្សង់។ លោកនាយករដ្ឋមន្ត្រីបានចោទប្រកាន់កងទ័ព Azeri ថា បានចូលកាន់កាប់ទឹកដីអាមេនី ១០គីឡូម៉ែត្រការ៉េក្នុងសប្តាហ៍នេះ និងបាននិយាយថា ពេលនេះលោកបានងាកទៅរករុស្ស៊ីដើម្បីសុំជំនួយយោធា ដែលជាសម្ព័ន្ធមិត្តជាយូរលង់របស់ប្រទេសអាមេនី។អាហ្សៃបៃហ្សង់បានបដិសេធការអត្ថាធិប្បាយរបស់ប្រទេសអាមេនី អំពីហេតុការណ៍ក្នុងសប្តាហ៍នេះរួមទាំងរបាយការណ៍ដែលថា ខ្លួនបានបាញ់ទៅលើរថយន្តដែលជាកម្មសិទ្ធិរបស់អង្គភាពសេវាកម្មសន្តិសុខ FSB របស់រុស្ស៊ីដែលមានមូលដ្ឋាននៅក្នុងប្រទេសអាមេនី។ អាហ្សែបៃហ្សង់បានអះអាងថា ប្រទេសជិតខាងខ្លួនបានចាប់ផ្តើមជម្លោះ ដោយការបាញ់ផ្លោងលើគោលដៅយោធានៅក្នុងស្រុក Kalbacar។ ក្រសួងការពារជាតិអាហ្សែបៃហ្សង់និយាយថា អង្គភាពរបស់យើងកំពុងមានចំណាត់ការឆ្លើយតបចាំបាច់។ បទឈប់បាញ់ដ៏ផុយស្រួយដែលសម្របសម្រួលដោយរុស្ស៊ីកាលពីថ្ងៃអង្គារបានបរាជ័យ ដោយភាគីទាំងពីរបានដាក់កំហុសគ្នាចំពោះការបំពានកិច្ចព្រមព្រៀង ហើយរបាយការណ៍នៃអំពើហិង្សានៅតែបន្តរហូតដល់ល្ងាចថ្ងៃពុធ៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

គិតត្រឹមត្រីមាសទី១ គ្រឹះស្ថានមីក្រូហិរញ្ញវត្ថុបានបញ្ចេញឥណទានមានទឹកប្រាក់ ៥,៤ ពាន់លានដុល្លារ

មន្ត្រីអាមេរិក៖ អ៊ីស្រាអែល និងហេសបូឡា ព្រមព្រៀងមានបទឈប់បាញ់ចាប់ពីថ្ងៃទី១៩ ខែមិថុនា

លោក Trump បញ្ជាក់ថា សង្គ្រាមធ្វើឲ្យអ៊ីរ៉ង់ខ្សោយ និងបដិសេធការរិះគន់របស់ក្រុមប្រជាធិបតេយ្យ

មនុស្ស ១៨នាក់ ត្រូវបានសម្លាប់ក្នុងការវាយប្រហាររបស់អ៊ីស្រាអែលនៅតំបន់ភាគខាងត្បូងលីបង់

ទីក្រុងតំបន់ភ្នំហេមពាន្តរបស់ឥណ្ឌា ប្រែក្លាយជាគំនរសំរាម ដោយសារភ្ញៀវទេសចរច្រើន

ទីភ្នាក់ងារទេសចរណ៍ចិនចាប់ផ្ដើមដំណើរកម្សាន្តជាក្រុមទៅជប៉ុនឡើងវិញ តែខ្លះបញ្ឈប់ការលក់ក្រោយមក

លីបង់ថ្កោលទោសការវាយប្រហារចុងក្រោយរបស់អ៊ីស្រាអែល និងជំរុញឲ្យមាន «បទឈប់បាញ់គ្រប់ជ្រុងជ្រោយ»

ការបំផ្ទុះគ្រាប់បែក ២ផ្សេងគ្នា បណ្តាលឲ្យនគរបាលរងរបួស ក្នុងខេត្ត Yala និង Pattani របស់ថៃ

ទីភ្នាក់ងារតាមដាន៖ ការឆ្លងកាត់របស់នាវា នៅចក្រសមុទ្រ Hormuz កើនឡើង ក្រោយមានកិច្ចព្រមព្រៀង

ពលរដ្ឋអ៊ីស្រាអែលរស់នៅតំបន់ព្រំដែន ព្រួយបារម្ភពីកិច្ចព្រមព្រៀងសន្តិភាពរវាងអាមេរិក និងអ៊ីរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អ្នកដំណើររងការរំខានធ្ងន់ធ្ងរក្នុងពេលមានកូដកម្មរបស់អ្នកត្រួតពិនិត្យចរាចរណ៍ផ្លូវអាកាសបារាំង

ប្រធានសភាអាមេរិកនឹងធ្វើទស្សនកិច្ចនៅប្រទេសអាមេនី ក្នុងពេលមានភាពតានតឹងជាមួយអាហ្សែបៃហ្សង់

អ្នកកាន់ទុក្ខបន្តចូលគោរពព្រះវិញ្ញាណក្ខន្ធព្រះមហាក្សត្រី ខណៈក្រុងឡុងដ៍ត្រៀមរៀបចំពិធីបុណ្យព្រះសព

មន្ត្រីជំនាញ៖ ព្រលានយន្តហោះតារាសាគរ បង្កើតឡើងសម្រាប់បម្រើដល់ផ្នែកស៊ីវិល និងទេសចរណ៍

ក្នុងពិធីបុណ្យព្រះសពម្ចាស់ក្សត្រី៖ អាកាសយានដ្ឋាន Heathrow លុបចោលជើងហោះហើរនៅថ្ងៃចន្ទ

ចំនួនអ្នកស្លាប់ដោយសារទឹកជំនន់នៅប៉ាគីស្ថានកើនឡើងដល់ ១,៤៨៦នាក់

លោក Zekenskyy និយាយថា ផ្នូរធំជាច្រើនរកឃើញនៅក្រុង Izium

អ៊ីរ៉ង់មិនទទួលស្គាល់ទណ្ឌកម្មលើរុស្ស៊ី ខណៈនឹងចូលរួមជាមួយអង្គការសហប្រតិបត្តិការសៀងហៃ

អាមេនីនិយាយថា ទាហាន ១០៥នាក់បានស្លាប់ក្នុងការប៉ះទង្គិចនៅព្រំដែនអាហ្សែបៃហ្សង់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

មន្ត្រីជំនាញ៖ ព្រលានយន្តហោះតារាសាគរ បង្កើតឡើងសម្រាប់បម្រើដល់ផ្នែកស៊ីវិល និងទេសចរណ៍

ក្នុង​ពិធីបុណ្យ​ព្រះ​សព​ម្ចាស់​ក្ស​ត្រី៖ អាកាសយានដ្ឋាន​ Heathrow លុបចោល​ជើង​ហោះហើរ​នៅ​ថ្ងៃ​ចន្ទ​

ចំនួនអ្នកស្លាប់ដោយសារទឹកជំនន់​នៅ​ប៉ាគីស្ថាន​​កើន​ឡើងដល់ ១,៤៨៦​នាក់

លោក Zekenskyy និយាយថា ​ផ្នូរ​ធំ​ជាច្រើន​រក​ឃើញ​នៅ​ក្រុង Izium

អ៊ីរ៉ង់​មិន​ទទួលស្គាល់​ទណ្ឌកម្ម​លើ​រុស្ស៊ី​ ខណៈ​នឹង​ចូលរួម​ជាមួយ​អង្គការ​សហប្រតិបត្តិការ​សៀង​ហៃ​

​អា​មេ​នី​និយាយ​ថា ទាហាន ​១០៥​នាក់​បាន​ស្លាប់​ក្នុង​ការ​ប៉ះទង្គិច​នៅ​ព្រំដែន​អា​ហ្សែ​បៃ​ហ្ស​ង់​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ក្នុងពិធីបុណ្យព្រះសពម្ចាស់ក្សត្រី៖ អាកាសយានដ្ឋាន Heathrow លុបចោលជើងហោះហើរនៅថ្ងៃចន្ទ

ចំនួនអ្នកស្លាប់ដោយសារទឹកជំនន់នៅប៉ាគីស្ថានកើនឡើងដល់ ១,៤៨៦នាក់

លោក Zekenskyy និយាយថា ផ្នូរធំជាច្រើនរកឃើញនៅក្រុង Izium

អ៊ីរ៉ង់មិនទទួលស្គាល់ទណ្ឌកម្មលើរុស្ស៊ី ខណៈនឹងចូលរួមជាមួយអង្គការសហប្រតិបត្តិការសៀងហៃ

អាមេនីនិយាយថា ទាហាន ១០៥នាក់បានស្លាប់ក្នុងការប៉ះទង្គិចនៅព្រំដែនអាហ្សែបៃហ្សង់