BTV NEWS

សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារលិខិតអបអរសាទរ ថ្វាយសម្តេចព្រះវររាជមាតាជាតិខ្មែរ ត្រូវបានសហគមន៍ OB-PS ថ្វាយនូវពានសមាជិកភាពកិត្តិយសជើងឯក “Champions Award”

កម្ពុជា-សហភាពសេដ្ឋកិច្ចអឺរ៉ុប-អាស៊ី (EAEU) ពិនិត្យ និង ពិចារណាលើកិច្ចព្រមព្រៀងពាណិជ្ជកម្មសេរី (FTA)

លោកជំទាវបណ្ឌិត ពេជ ចន្ទមុន្នី ក្រាបបង្គំអបអរសាទរ សម្តេចព្រះមហាក្សត្រី ព្រះវររាជមាតាជាតិខ្មែរ ដែលទទួលបានការថ្វាយ «ពានសមាជិកភាពជើងឯក» ពី OB-PS

ព័ត៌មានសំខាន់ៗ

នាយករដ្ឋមន្ត្រីហុងគ្រីនិយាយថា ជម្លោះអ៊ុយក្រែនអាចបន្តរហូតដល់ឆ្នាំ២០៣០

ហុងគ្រី៖ លោកនាយករដ្ឋមន្ត្រីហុងគ្រី Viktor Orban បាននិយាយថា ដោយយោងតាមវិទ្យុអឺរ៉ុបសេរី (RFE/RL) គ្រប់គ្រងដោយរដ្ឋរបស់សហរដ្ឋអាមេរិក ជម្លោះអ៊ុយក្រែនអាចបន្តរហូតដល់ឆ្នាំ២០៣០។ លោក Orban ត្រូវគេរាយការណ៍បានថ្លែងបែបនេះកាលពីមួយសប្ដាហ៍មុន នៅឯកិច្ចប្រជុំបិទទ្វារពាក់ព័ន្ធនឹងគណៈបក្សកាន់អំណាច Fidesz របស់លោក ដោយព័ត៌មានលម្អិតនោះពេលនេះកំពុងត្រូវបានបែកធ្លាយដល់ប្រព័ន្ធផ្សព្វផ្សាយ។ វិទ្យុអឺរ៉ុបសេរី (RFE/RL) បានរាយការណ៍កាលពីថ្ងៃសុក្រ ដោយសំអាងប្រភពពីក្រុមអ្នកចូលរួមកិច្ចប្រជុំក្នុងភូមិ Kotcse កាលពីថ្ងៃទី១០ ខែកញ្ញាថា មេដឹកនាំហុងគ្រីរូបនេះបានប្រាប់ក្រុមអ្នកគាំទ្ររបស់លោកថា លោកជឿថា អ៊ុយក្រែនអាចបាត់បង់ទឹកដីចន្លោះពី ១ភាគ៣ និងពាក់កណ្ដាលនៃដែនដីរបស់ខ្លួនដោយសារតែជម្លោះជាមួយរុស្ស៊ី។ លោក Orban បានព្រមានថា ការវាយប្រយុទ្ធគ្នារវាងទីក្រុង Moscow និងទីក្រុង Kiev ដែលត្រូវបានជួយជ្រោមជ្រែងដោយសហរដ្ឋអាមេរិក និងសហភាពអឺរ៉ុប និងប្រទេសផ្សេងទៀតអាចបន្តដល់ឆ្នាំ២០៣០។ លោកនាយករដ្ឋមន្ត្រីរូបនេះបាននិយាយថា វិបត្តិនៅអ៊ុយក្រែនបានចាប់ផ្ដើមឡើងដោយជម្លោះក្នុងតំបន់ ប៉ុន្តែពាក់ព័ន្ធនឹងលោកខាងលិចដែលធ្វើឲ្យជម្លោះនេះក្លាយជាបញ្ហាសកល៕អត្ថបទ៖ សុខមាន

រញ្ជួយដីកម្រិត ៦.៨រិចទ័រវាយប្រហារភាគអាគ្នេយ៍កោះតៃវ៉ាន់បណ្ដាលឲ្យមនុស្ស ១៤៦នាក់រងរបួស

កោះតៃវ៉ាន់៖ រញ្ជួយដីដ៏ខ្លាំងបានធ្វើឲ្យរញ្ជួយតំបន់ភាគច្រើននៅកោះតៃវ៉ាន់កាលពីថ្ងៃអាទិត្យ ដោយបានបណ្តាលឲ្យអគារកម្ពស់ ៣ជាន់បាក់រលំ និងបានធ្វើឲ្យមនុស្ស ៤នាក់ជាប់នៅខាងក្នុង ព្រមទាំងបានធ្វើឲ្យភ្ញៀវទេសចរប្រមាណ ៤០០នាក់ជាប់គាំងនៅតំបន់ភ្នំ។ ការិយាល័យអាកាសធាតុកោះតៃវ៉ាន់បាននិយាយថា រញ្ជួយដីនេះមានជម្រៅ ៧.៣គីឡូម៉ែត្រដោយមានចំណុចកណ្តាលរបស់វានៅក្នុងតំបន់ Taitung។ ស្នងការតំបន់ Taitung លោកស្រី April Yao បានសរសេរនៅលើបណ្តាញសង្គម Facebook របស់លោកស្រីថា រញ្ជួយដីនេះមានកម្លាំងខ្លាំង ខណៈទីភ្នាក់ងារព័ត៌មានកណ្តាលបានបង្ហាញរូបភាព ទំនិញបានរង្គើធ្លាក់ចេញពីធ្នើរនៅក្នុងហាង។ លំនៅឋានច្រើនជាង ៧ពាន់ខ្នងត្រូវបានរាយការណ៍ថា គ្មានអគ្គិសនីប្រើប្រាស់ក្នុងតំបន់ Yuli ហើយទុយយោទឹកត្រូវបានបំផ្លាញ។ការិយាល័យអាកាសធាតុនិយាយថា រញ្ជួយដីអាចកើតឡើងនៅពាសពេញកោះតៃវ៉ាន់។ អគារនានាបានរញ្ជួយរយៈពេលខ្លីក្នុងទីក្រុងតៃប៉ិ ខណៈមួយចំនួនបាក់រលំ។ កាលពីឆ្នាំ២០១៦ មនុស្សជាង ១០០នាក់បានស្លាប់ដោយការរញ្ជួយដីនៅភាគខាងត្បូងកោះតៃវ៉ាន់ ហើយរញ្ជួយដីកម្រិត ៧.៣រ៉ិចទ័រកាលពីឆ្នាំ១៩៩៩ បណ្តាលឲ្យមនុស្សជាង ២,០០០នាក់ស្លាប់៕អត្ថបទ៖ ប៊ុនថន

ព្យុះទីហ្វុង Nanmadol ប៉ះពាល់ដល់ចរាចរណ៍ក្នុងតំបន់នៅប្រទេសជប៉ុន

ជប៉ុន៖ ព្យុះទីហ្វុង Nanmadol ដែលបានបក់បោកមកដល់កោះ Kyushu របស់ប្រទេសជប៉ុនកាលពីរសៀលថ្ងៃអាទិត្យបានប៉ះពាល់ដល់ចរាចរណ៍ក្នុងតំបន់ និងបណ្តាលឲ្យបិទហាងទំនិញ។ នៅទីក្រុង Kumanoto ព្យុះទី១៤ នៅឆ្នាំនេះបានបញ្ឈប់សេវាកម្មរថភ្លើងល្បឿនលឿន Shinkansen ទៅកាន់ទីក្រុង Kagoshima និងបានផ្អាករថភ្លើងល្បឿនលឿន Shinkansen ទៅក្រុង Hakata នៃខេត្ត Fukuoka ចាប់កាលពីរសៀលថ្ងៃអាទិត្យ។ ពលរដ្ឋក្នុងតំបន់និយាយថា ខ្ញុំមានគម្រោងត្រលប់ទៅទីក្រុង Nagoya វិញពីទីនេះ ប៉ុន្តែជើងហោះហើរទាំងអស់ត្រូវបានលុបចោល ដូច្នេះខ្ញុំត្រូវជិះរថភ្លើង Shinkansen។ ពេលដំបូងខ្ញុំនឹងជិះរថយន្តក្រុងត្រលប់ទៅវិញ ប៉ុន្តែរថយន្តក្រុងទាំងអស់ពុំមានបម្រើសេវាកម្មឡើយ ដូច្នេះខ្ញុំត្រូវជិះរថភ្លើង Shinkansen ទៅកាន់ទីក្រុង Hakata។ ខ្ញុំបានដឹងថា ព្យុះទីហ្វុងនឹងបក់ឆ្ពោះទៅកាន់តំបន់ Kanto ហើយវាមានកម្លាំងខ្លាំង ដូច្នេះខ្ញុំគិតថាវាគួឲ្យព្រួយបារម្ភ។ ពលរដ្ឋនិយាយថា ប្រជាជនបានរងផលប៉ះពាល់ដោយព្យុះទីហ្វុង មជ្ឈមណ្ឌលពាណិជ្ជកម្ម និងភោជនីយដ្ឋាននៅទីក្រុង Kumanoto ត្រូវបានបិទជាបណ្តោះអាសន្ន ហើយហាងទំនិញមួយចំនួនអស់ទំនិញផ្គត់ផ្គង់។ ព្យុះទីហ្វុងដ៏មានឥទ្ធិពលមួយនេះបានបោកបក់ទៅកាន់តំបន់ភាគខាងត្បូងប្រទេសជប៉ុន ដោយមានខ្យល់បក់ និងភ្លៀងធ្លាក់ខ្លាំងកាលពីថ្ងៃអាទិត្យ បណ្តាលឱ្យដាច់ចរន្តអគ្គិសនី និងធ្វើឲ្យរាំងស្ទះដល់ការដឹកជញ្ជូនតាមផ្លូវគោក និងផ្លូវអាកាស ព្រមទាំងមានការជម្លៀសមនុស្សរាប់ពាន់នាក់៕អត្ថបទ៖ ប៊ុនថន

មេដឹកនាំពិភពលោក និងរាជវង្សបានមកដល់ចក្រភពអង់គ្លេសចូលរួមបុណ្យព្រះសពម្ចាស់ក្សត្រី

អង់គ្លេស៖ មេដឹកនាំពិភពលោក និងឥស្សរជនបានមកដល់ព្រះរាជវាំង Buckingham ដែលត្រូវបានរៀបចំទទួលដោយមហាក្សត្រ Charles III។ ក្នុងចំណោមភ្ញៀវមកចូលរួមមានរាជវង្សមកពីអឺរ៉ុប រួមមានមហាក្សត្រ Felipe របស់ប្រទេសអេស្បាញ, ម្ចាស់ក្សត្រីប្រទេសដាណឺម៉ាក Margrethe II ជាមួយនឹងព្រះរាជបុត្រាគឺព្រះអង្គម្ចាស់ Frederik និងគ្រួសាររាជវង្សប្រទេសហូឡង់។ ប្រធានាធិបតីសហរដ្ឋអាមេរិកលោក Joe Biden និងស្ត្រីទី១ លោកស្រី Jill Biden បានចុះហត្ថលេខាលើសៀវភៅរំលែកទុក្ខជាផ្លូវការដើម្បីគោរពដល់ម្ចាស់ក្សត្រី Elizabeth។ លោកប្រធានាធិបតី និងស្ត្រីទី១ ស្ថិតក្នុងចំណោមមានចាប់ពីប្រជាជនក្នុងតំបន់ និងភ្ញៀវទេសចររហូតដល់មេដឹកនាំពិភពលោក ដែលចូលមកគោរពព្រះវិញ្ញាណក្ខន្ធនៅអគារ Westminster Hall ជាកន្លែងដែលព្រះសពរបស់ម្ចាស់ក្សត្រីដាក់តម្កល់នៅទីនោះ។ប្រធានាធិបតីបារាំងលោក Emmanuel Macron និងស្ត្រីទី១ លោកស្រី Brigitte Macron បានគោរពវិញ្ញាណក្ខន្ធម្ចាស់ក្សត្រី Elizabeth II នៅទីក្រុងឡុងដ៍កាលពីថ្ងៃអាទិត្យ។ ប្រធានាធិបតីបារាំង និងស្ត្រីទី១ បានស្ថិតនៅក្នុងអគារ Westminster Hall ខណៈអ្នកកាន់ទុក្ខបានតម្រង់ជួរឆ្លងកាត់ព្រះមជ្ឈូសា ដើម្បីគោរពព្រះវិញ្ញាណក្ខន្ធព្រះមហាក្សត្រី។ ឥស្សរជនបរទេសបានបន្តគោរពព្រះវិញ្ញាណក្ខន្ធម្ចាស់ក្សត្រី Elizabeth II ខណៈបានចុះហត្ថលេខាលើសៀវភៅរំលែកទុក្ខជាផ្លូវការ។ មេដឹកនាំមកពីជុំវិញពិភពលោកបានធ្វើដំណើរមកកាន់ទីក្រុងឡុងដ៍ មុនពេលពិធីបុណ្យព្រះសពរដ្ឋរបស់ព្រះមហាក្សត្រីដែលនឹងប្រារព្ធឡើងនៅថ្ងៃចន្ទនេះ៕អត្ថបទ៖ ប៊ុនថន

ព្រះរាជពិធីបុណ្យសពរបស់មហាក្សត្រី Elizabeth ទីII នឹងប្រព្រឹត្តទៅនៅម៉ោង ៦ល្ងាចថ្ងៃនេះ

អង់គ្លេស៖ ចក្រភពអង់គ្លេស មេដឹកនាំពិភពលោក និងគ្រួសាររាជវង្សមកពីទូទាំងពិភពលោកនឹងជួបជុំគ្នានៅថ្ងៃចន្ទនេះ ដើម្បីលាជាចុងក្រោយចំពោះមហាក្សត្រី Elizabeth ដែលជាការបង្ហាញចុងក្រោយនៃយុគ្គសម័យរបស់ទ្រង់ នៅឯពិធីបុណ្យផ្លូវរដ្ឋដែលមានការរៀបចំយ៉ាងអធិកអធម។នៅម៉ោង ៦ព្រឹក ឬស្មើនឹងម៉ោង ១:៣០នាទីរសៀលម៉ោងនៅសិង្ហបុរី រយៈពេលតម្កល់ព្រះសពផ្លូវការនឹងបញ្ចប់ក្រោយតម្កល់រយៈពេល ៤ថ្ងៃដែលមានមនុស្សរាប់ម៉ឺននាក់បានតម្រង់ជួរគោរពព្រះវិញ្ញាណក្ខន្ធ របស់មហាក្សត្រគ្រងរាជសម្បត្តិយូរជាងគេបំផុតរបស់ចក្រភពអង់គ្លេសនៅសាលប្រវត្តិសាស្ត្រ Westminster Hall របស់ទីក្រុងឡុងដ៍។ ភ្លាមៗមុនម៉ោង ១១ព្រឹកម៉ោងនៅអង់គ្លេស ព្រះមជ្ឈូសាធ្វើពីឈើអូកគ្របដណ្ដប់ដោយទង់ជាតិតាមរបៀបរាជវង្ស ដោយមានតម្កល់មកុដចក្រភពនៅពីខាងលើ និងដាក់នៅលើកាំភ្លើងរាជរដ្ឋ និងអូសដោយទាហានជើងទឹកទៅកាន់ព្រះវិហារ Westminster Abbey ដើម្បីរៀបចំពិធីបុណ្យសពរបស់ទ្រង់។ក្នុងចំណោមការជួបជុំដែលមានមនុស្សប្រមាណ ២,០០០នាក់ នឹងមានវត្តមានមេដឹកនាំពិភពលោកចំនួន ៥០០រូបរួមទាំងប្រធានាធិបតីអាមេរិកលោក Biden, ព្រះចៅអធិរាជជប៉ុន Naruhito, អនុប្រធានាធិបតីចិនលោក Wang Qishan និងប្រធានាធិបតីអាហ្វ្រិកខាងត្បូងលោក Cyril Ramaphosa៕អត្ថបទ៖ សុខមាន

លោក Biden ព្រមានលោក Putin កុំឲ្យប្រើប្រាស់អាវុធនុយក្លេអ៊ែរតាកទិកក្នុងសង្គ្រាមអ៊ុយក្រែន

សហរដ្ឋអាមេរិក៖ លោកប្រធានាធិបតីអាមេរិក Joe Biden បានព្រមានរុស្ស៊ីមិនឲ្យប្រើប្រាស់អាវុធគីមី ឬអាវុធនុយក្លេអ៊ែរតាកទិកក្នុងសង្គ្រាមនៅអ៊ុយក្រែន។ ថ្លែងអំឡុងកិច្ចសម្ភាសន៍ជាមួយទូរទស្សន៍ CBS News លោក Biden បាននិយាយថា សកម្មភាពនេះនឹងផ្លាស់ប្ដូរការពិតនៃសង្គ្រាម ដែលខុសពីអ្វីៗទាំងអស់ចាប់តាំងពីសង្គ្រាមលោកលើកទី២ មក។ លោកពុំបានបញ្ជាក់ថា តើអាមេរិកនឹងមានការឆ្លើយតបអ្វីនោះទេ បើរុស្ស៊ីនឹងប្រើប្រាស់អាវុធប្រភេទនេះមែន។ លោកប្រធានាធិបតីរុស្ស៊ី Vladimir Putin បានដាក់កងកម្លាំងនុយក្លេអ៊ែររបស់ប្រទេសស្ថិតក្នុងការត្រៀមលក្ខខណៈពិសេស ក្រោយការវាយលុករបស់ខ្លួនលើអ៊ុយក្រែនកាលពីថ្ងៃទី២៤ ខែកុម្ភៈ។ លោកបានប្រាប់ក្រុមប្រមុខការពារជាតិថា ដោយសារតែសេចក្ដីថ្លែងការណ៍បង្កជម្លោះដោយលោកខាងលិច។អាវុធនុយក្លេអ៊ែរមានជិត ៨០ឆ្នាំហើយ ហើយប្រទេសភាគច្រើនមើលឃើញអាវុធទាំងនោះថា ជាកម្លាំងទប់ការវាយប្រហារដែលបន្តធានាដល់បញ្ហាសន្តិសុខជាតិរបស់ខ្លួន។ យោងតាមសហព័ន្ធនៃក្រុមអ្នកវិទ្យាសាស្ត្រអាមេរិក ប្រទេសរុស្ស៊ីមានក្បាលគ្រាប់នុយក្លេអ៊ែរប្រមាណ ៥,៩៧៧គ្រាប់។ អាវុធនុយក្លេអ៊ែរតាកទិកគឺជាអាវុធដែលអាចប្រើបានក្នុងចម្ងាយខ្លី ផ្ទុយពីអាវុធនុយក្លេអ៊ែរយុទ្ធសាស្ត្រដែលអាចបាញ់បានក្នុងចម្ងាយឆ្ងាយជាង និងបង្កើនការបំផ្លិចបំផ្លាញនៃសង្គ្រាមនុយក្លេអ៊ែរទាំងអស់៕អត្ថបទ៖ សុខមាន

លោក Biden និយាយថា អាមេរិកនឹងការពារកោះតៃវ៉ាន់ក្នុងករណីមានការឈ្លានពានពីប្រទេសចិន

សហរដ្ឋអាមេរិក៖ លោកប្រធានាធិបតីអាមេរិក Joe Biden បាននិយាយក្នុងបទសម្ភាសន៍ចាក់ផ្សាយតាមទូរទស្សន៍កាលពីថ្ងៃអាទិត្យថា កងកម្លាំងសហរដ្ឋអាមេរិកនឹងការពារកោះតៃវ៉ាន់ក្នុងករណីមានការឈ្លានពានពីប្រទេសចិន ដែលជាសេចក្ដីថ្លែងការណ៍ច្បាស់លាស់បំផុតរបស់លោកលើបញ្ហានេះ។ ពេលត្រូវបានសួរនៅក្នុងបទសម្ភាសន៍មួយក្នុងកម្មវិធីព័ត៌មាន ៦០នាទីរបស់ទូរទស្សន៍ CBS ថា តើកងកម្លាំងអាមេរិកនឹងការពារកោះស្វ័យគ្រប់គ្រងដែលចិនអះអាងថា ជាដែនដីរបស់ខ្លួននោះ ឬអត់ លោកបានឆ្លើយថា ពិតមែនហើយ បើមានរឿងនេះកើតឡើងមែន នោះគឺជាការវាយប្រហារដែលមិនធ្លាប់មាន។ ដោយត្រូវបានបញ្ជាក់ថា តើលោកចង់បានន័យថា មិនដូចជានៅក្នុងប្រទេសអ៊ុយក្រែន កងកម្លាំងអាមេរិកទាំងប្រុស ទាំងស្រីនឹងការពារកោះនេះក្នុងករណីមានការឈ្លានពានពីចិន លោក Biden បានឆ្លើយថា មែនហើយ។បទសម្ភាសន៍នេះគឺជាពេលវេលាចុងក្រោយបំផុតដែលលោក Biden ទំនងជាបោះជំហានហួសគោលជំហរជាយូរមកហើយ ដែលធ្លាប់បានបញ្ជាក់ពីគោលនយោបាយរបស់អាមេរិកលើកោះតៃវ៉ាន់ ប៉ុន្តែសេចក្ដីថ្លែងការណ៍របស់លោកពេលនេះច្បាស់ជាងការលើកឡើងកាលពីកន្លងទៅ អំពីការតាំងចិត្តរបស់ទាហានអាមេរិកក្នុងការការពារកោះនេះ៕អត្ថបទ៖ សុខមាន

ចំនួនអ្នកស្លាប់ក្នុងការប៉ះទង្គិចគ្នាតាមព្រំដែនរវាងតាជីគីស្ថាន និងគៀហ្ស៊ីស្ថានកើនឡើងដល់ ៨១នាក់

តាជីគីស្ថាន៖ ប្រទេសតាជីគីស្ថានបាននិយាយថា ពលរដ្ឋរបស់ខ្លួនចំនួន ៣៥នាក់បានស្លាប់ក្នុងការប៉ះទង្គិចគ្នាចុងក្រោយបំផុតតាមព្រំដែនជាមួយប្រទេសគៀហ្ស៊ីស្ថាន ដែលធ្វើឲ្យចំនួនអ្នកស្លាប់កើនឡើងដល់ ៨១នាក់។ នៅលើទំព័រ Facebook របស់ខ្លួនក្រសួងការបរទេសតាជីគីស្ថានបានរាយការណ៍ថា មនុស្ស ៣៥នាក់ស្លាប់រួមទាំងជនស៊ីវិល ស្ត្រី និងកុមារ។ ប្រភពខាងលើនិយាយថា មនុស្សចំនួន ១៣៨នាក់បន្ថែមទៀតបានរងរបួសក្នុងការវាយប្រយុទ្ធគ្នានៅព្រំដែនភាគនិរតី។ ចំនួនអ្នកស្លាប់កាលពីកន្លងទៅបញ្ជាក់ដោយក្រសួងនេះមាន ២៤នាក់។ ទន្ទឹមនឹងនេះដែរចំនួនអ្នកស្លាប់ខាងភាគីគៀហ្ស៊ីស្ថានបានឡើងដល់ ៤៦នាក់ ដែលធ្វើឲ្យក្លាយជាការប្រឈមដាក់គ្នាដ៏តានតឹងបំផុតរវាងប្រទេសនៅអាស៊ីកណ្ដាលទាំង២ ក្នុងរយៈពេលជាច្រើនឆ្នាំមកនេះ។ ប្រទេសគៀហ្ស៊ីស្ថានបាននិយាយថា ពលរដ្ឋជិត ១៣៦,០០០នាក់ក៏ត្រូវបានជម្លៀសចេញពីភូមិនានាជិតប្រទេសតាជីគីស្ថាន។ លោកប្រធានាធិបតីរុស្ស៊ី Vladimir Putin បានអំពាវនាវដល់ប្រទេសទាំង២ ដោះស្រាយការខ្វែងគំនិតដោយការប្រើប្រាស់មធ្យោបាយប្រកបដោយសន្តិវិធី នយោបាយ និងការទូត៕អត្ថបទ៖ សុខមាន

ប្រធានាធិបតីរុស្ស៊ីសន្យាថា នឹងដាក់សម្ពាធលើប្រតិបត្តិការវាយលុករបស់លោកនៅក្នុងប្រទេសអ៊ុយក្រែន

រុស្ស៊ី៖ ប្រធានាធិបតីរុស្ស៊ីលោក Vladimir Putin បានសន្យាកាលពីថ្ងៃសុក្រថា នឹងដាក់សម្ពាធលើប្រតិបត្តិការវាយលុករបស់លោកនៅក្នុងប្រទេសអ៊ុយក្រែន ទោះបីជាមានការវាយលុកប្រឆាំងកាលពីពេលថ្មីៗរបស់អ៊ុយក្រែនក៏ដោយ។ ថ្លែងទៅកាន់អ្នកសារព័ត៌មាន បន្ទាប់ពីចូលរួមកិច្ចប្រជុំកំពូលអង្គការសហប្រតិបត្តិការសៀងហៃ (SCO) នៅទីក្រុង Samarkand ប្រទេសអ៊ូសបេគីស្ថាន លោក Putin បាននិយាយថា ការរំដោះទឹកដីទាំងមូលនៅតំបន់ Donbas ជាបេះដូងឧស្សាហកម្មនៅភាគខាងកើតប្រទេសអ៊ុយក្រែន នៅតែជាគោលដៅចម្បងរបស់រុស្ស៊ី ហើយមិនចាំបាច់ត្រូវការអ្វីឡើយដើម្បីពិនិត្យឡើងវិញផែនការប្រតិបត្តិការរបស់រុស្ស៊ី។ លោកបាននិយាយបន្ថែមថា យើងមិនប្រញាប់ប្រញាល់នោះទេដើម្បីសម្រេចបានគោលដៅដែលបានកំណត់។លោក Putin និយាយថា ប្រតិបត្តិការពិសេសនឹងបន្ត ហើយការវាយលុកនៅតំបន់ Donbass នឹងមិនបញ្ឈប់ឡើយ ដោយមិនគិតពីការវាយលុករបស់អ៊ុយក្រែន ដែលរហូតមកដល់ពេលនេះរុស្ស៊ីបានបង្ហាញភាពអត់ធ្មត់ក្នុងការឆ្លើយតបរបស់ខ្លួន ចំពោះការវាយប្រហារលើហេដ្ឋារចនាសម្ព័ន្ធស៊ីវិល ដោយកងកម្លាំងអ៊ុយក្រែន។ វាគួរឲ្យសោកស្តាយដែលប្រទេសលោកខាងលិច មានគំនិតប្រើប្រាស់ប្រទេសអ៊ុយក្រែនដើម្បីព្យាយាមផ្តួលរំលំរុស្ស៊ី៕អត្ថបទ៖ ប៊ុនថន

រុស្ស៊ីត្រូវបានចោទប្រកាន់ពីការធ្វើទារុណកម្ម និងឃាតកម្ម បន្ទាប់ពីផ្នូរចំនួន ៤៥០ ត្រូវបានរកឃើញនៅភាគខាងកើតអ៊ុយក្រែន

អ៊ុយក្រែន៖ ទោះបីជាមានភ្លៀងធ្លាក់ខ្លាំងក៏ដោយ ក៏មិនអាចបំបាត់ក្លិនសាកសពនៅក្នុងព្រៃស្រល់ក្នុងក្រុង Izium កាលពីរសៀលថ្ងៃសុក្រ ខណៈក្រុមអ្នកស៊ើបអង្កេតអ៊ុយក្រែនបានធ្វើការនៅកន្លែងបញ្ចុះសពដ៏ធំមួយ ដែលត្រូវបានរកឃើញនៅក្នុងទីក្រុងភាគខាងកើតប្រទេសអ៊ុយក្រែន បន្ទាប់ពីការដណ្តើមយកបានមកវិញពីកងកម្លាំងរុស្ស៊ី។ ក្រសួងការពារជាតិអ៊ុយក្រែនបាននិយាយថា យ៉ាងហោចណាស់មានផ្នូរគ្មានសញ្ញាសម្គាល់ចំនួន ៤៥០ ត្រូវបានរកឃើញនៅក្នុងទីក្រុងក្នុងរយៈពេលប៉ុន្មានថ្ងៃថ្មីៗនេះ។ ប្រធានាធិបតីលោក Volodymyr Zelensky បាននិយាយកាលពីថ្ងៃសុក្រថា សាកសពមួយចំនួនដែលបានរកឃើញនៅក្រុង Izium មានស្លាកស្នាមនៃការធ្វើទារុណកម្ម ដោយបានដាក់កំហុសលើរុស្ស៊ីចំពោះអ្វីដែលលោកចាត់ទុកថាជា «ភាពឃោរឃៅ និងអំពើភេរវកម្ម»។ទីក្រុង Izium បានទទួលរងការវាយប្រហារដោយកាំភ្លើងធំរបស់រុស្ស៊ីយ៉ាងខ្លាំងកាលពីខែមេសា។ ទីក្រុងនេះស្ថិតនៅក្បែរព្រំដែនរវាងតំបន់ Kharkiv និងតំបន់ Donetsk បានក្លាយជាមជ្ឈមណ្ឌលដ៏សំខាន់សម្រាប់យោធារុស្ស៊ី ក្នុងអំឡុងការចូលកាន់កាប់រយៈពេលប្រាំខែ។ កងកម្លាំងអ៊ុយក្រែនដណ្តើមបានមកវិញទីក្រុងនេះ កាលពីថ្ងៃសៅរ៍សប្តាហ៍មុន៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

លីបង់ថ្កោលទោសការវាយប្រហារចុងក្រោយរបស់អ៊ីស្រាអែល និងជំរុញឲ្យមាន «បទឈប់បាញ់គ្រប់ជ្រុងជ្រោយ»

ការបំផ្ទុះគ្រាប់បែក ២ផ្សេងគ្នា បណ្តាលឲ្យនគរបាលរងរបួស ក្នុងខេត្ត Yala និង Pattani របស់ថៃ

ទីភ្នាក់ងារតាមដាន៖ ការឆ្លងកាត់របស់នាវា នៅចក្រសមុទ្រ Hormuz កើនឡើង ក្រោយមានកិច្ចព្រមព្រៀង

ពលរដ្ឋអ៊ីស្រាអែលរស់នៅតំបន់ព្រំដែន ព្រួយបារម្ភពីកិច្ចព្រមព្រៀងសន្តិភាពរវាងអាមេរិក និងអ៊ីរ៉ង់

រញ្ជួយដីកម្រិត ៦,៣រ៉ិចទ័រ កើតមាននៅតំបន់ចុងបូព៌ារបស់រុស្ស៊ី ស្របពេលមានការរញ្ជួយបន្តបន្ទាប់

បុរស ២នាក់ ត្រូវបានកាត់ទោសឲ្យជាប់ពន្ធនាគារនៅអង់គ្លេស សម្រាប់ការធ្វើចារកម្មឲ្យចិន

អង្គការ WMO ៖ មនុស្សជាង ៣ពាន់នាក់ បានស្លាប់ដោយសារអាកាសធាតុអាក្រក់នៅទ្វីបអាហ្វ្រិក

អាកាសធាតុក្តៅវាយប្រហារតំបន់ជាច្រើននៅប្រទេសអាល្លឺម៉ង់ ពេលដែលសីតុណ្ហភាពនឹងកើនឡើងដល់ ៣៨អង្សាសេ

ស្រ្តីជាម្តាយរស់នៅក្នុងទីក្រុង Dubai ស្វាគមន៍បំរាមព័ត៌មានសង្គមសម្រាប់ក្មេងក្រោមអាយុ ១៥ឆ្នាំ របស់អារ៉ាប់រួម

EU បញ្ជាក់ជាថ្មីនូវការគាំទ្រ ចំពោះអ៊ុយក្រែន និងជំរុញរុស្ស៊ីឲ្យឈានដល់ឈប់បាញ់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

នាយករដ្ឋមន្ត្រីហុងគ្រីនិយាយថា ជម្លោះអ៊ុយក្រែនអាចបន្តរហូតដល់ឆ្នាំ២០៣០

រញ្ជួយដីកម្រិត ៦.៨រិចទ័រវាយប្រហារភាគអាគ្នេយ៍កោះតៃវ៉ាន់បណ្ដាលឲ្យមនុស្ស ១៤៦នាក់រងរបួស

ព្យុះទីហ្វុង Nanmadol ប៉ះពាល់ដល់ចរាចរណ៍ក្នុងតំបន់នៅប្រទេសជប៉ុន

មេដឹកនាំពិភពលោក និងរាជវង្សបានមកដល់ចក្រភពអង់គ្លេសចូលរួមបុណ្យព្រះសពម្ចាស់ក្សត្រី

ព្រះរាជពិធីបុណ្យសពរបស់មហាក្សត្រី Elizabeth ទីII នឹងប្រព្រឹត្តទៅនៅម៉ោង ៦ល្ងាចថ្ងៃនេះ

លោក Biden ព្រមានលោក Putin កុំឲ្យប្រើប្រាស់អាវុធនុយក្លេអ៊ែរតាកទិកក្នុងសង្គ្រាមអ៊ុយក្រែន

លោក Biden និយាយថា អាមេរិកនឹងការពារកោះតៃវ៉ាន់ក្នុងករណីមានការឈ្លានពានពីប្រទេសចិន

ចំនួនអ្នកស្លាប់ក្នុងការប៉ះទង្គិចគ្នាតាមព្រំដែនរវាងតាជីគីស្ថាន និងគៀហ្ស៊ីស្ថានកើនឡើងដល់ ៨១នាក់

ប្រធានាធិបតីរុស្ស៊ីសន្យាថា នឹងដាក់សម្ពាធលើប្រតិបត្តិការវាយលុករបស់លោកនៅក្នុងប្រទេសអ៊ុយក្រែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

នាយករដ្ឋមន្ត្រី​ហុង​គ្រី​និយាយ​ថា ជម្លោះ​អ៊ុយ​ក្រែ​ន​អាច​បន្ត​រហូតដល់​ឆ្នាំ​២០៣០

រញ្ជួយ​ដី​កម្រិត ៦.៨រិច​ទ័​រ​វាយប្រហារ​ភាគ​អាគ្នេយ៍​កោះ​តៃវ៉ាន់​បណ្ដាល​ឲ្យ​មនុស្ស​ ១៤៦​នាក់​រងរបួស​

ព្យុះ​ទី​ហ្វុ​ង Nanmadol ប៉ះពាល់​ដល់​ចរាចរណ៍​ក្នុង​តំបន់​នៅ​ប្រទេស​ជប៉ុន​

មេដឹកនាំ​ពិភពលោក និង​រាជវង្សបាន​មកដល់​ចក្រភព​អង់គ្លេស​ចូលរួម​បុណ្យ​ព្រះ​សព​ម្ចាស់​ក្ស​ត្រី​

ព្រះ​រាជពិធី​បុណ្យ​សព​របស់​មហាក្សត្រី Elizabeth​ ទី​II​ នឹង​ប្រព្រឹត្តទៅ​នៅ​ម៉ោង​ ៦​ល្ងាច​ថ្ងៃនេះ

លោក Biden ព្រមាន​លោក Putin កុំ​ឲ្យ​ប្រើប្រាស់​អាវុធ​នុយក្លេអ៊ែរ​តាក​ទិ​ក​ក្នុង​សង្គ្រាម​អ៊ុយ​ក្រែ​ន​

លោក Biden និយាយថា អាមេរិក​នឹង​ការពារ​កោះ​តៃវ៉ាន់​ក្នុងករណី​មានការ​ឈ្លានពាន​ពី​ប្រទេស​ចិន​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នាយករដ្ឋមន្ត្រីហុងគ្រីនិយាយថា ជម្លោះអ៊ុយក្រែនអាចបន្តរហូតដល់ឆ្នាំ២០៣០

រញ្ជួយដីកម្រិត ៦.៨រិចទ័រវាយប្រហារភាគអាគ្នេយ៍កោះតៃវ៉ាន់បណ្ដាលឲ្យមនុស្ស ១៤៦នាក់រងរបួស

ព្យុះទីហ្វុង Nanmadol ប៉ះពាល់ដល់ចរាចរណ៍ក្នុងតំបន់នៅប្រទេសជប៉ុន

មេដឹកនាំពិភពលោក និងរាជវង្សបានមកដល់ចក្រភពអង់គ្លេសចូលរួមបុណ្យព្រះសពម្ចាស់ក្សត្រី

ព្រះរាជពិធីបុណ្យសពរបស់មហាក្សត្រី Elizabeth ទីII នឹងប្រព្រឹត្តទៅនៅម៉ោង ៦ល្ងាចថ្ងៃនេះ

លោក Biden ព្រមានលោក Putin កុំឲ្យប្រើប្រាស់អាវុធនុយក្លេអ៊ែរតាកទិកក្នុងសង្គ្រាមអ៊ុយក្រែន

លោក Biden និយាយថា អាមេរិកនឹងការពារកោះតៃវ៉ាន់ក្នុងករណីមានការឈ្លានពានពីប្រទេសចិន