BTV NEWS

សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារលិខិតអបអរសាទរ ថ្វាយសម្តេចព្រះវររាជមាតាជាតិខ្មែរ ត្រូវបានសហគមន៍ OB-PS ថ្វាយនូវពានសមាជិកភាពកិត្តិយសជើងឯក “Champions Award”

កម្ពុជា-សហភាពសេដ្ឋកិច្ចអឺរ៉ុប-អាស៊ី (EAEU) ពិនិត្យ និង ពិចារណាលើកិច្ចព្រមព្រៀងពាណិជ្ជកម្មសេរី (FTA)

លោកជំទាវបណ្ឌិត ពេជ ចន្ទមុន្នី ក្រាបបង្គំអបអរសាទរ សម្តេចព្រះមហាក្សត្រី ព្រះវររាជមាតាជាតិខ្មែរ ដែលទទួលបានការថ្វាយ «ពានសមាជិកភាពជើងឯក» ពី OB-PS

ព័ត៌មានសំខាន់ៗ

លោកស្រី Truss ប្រឈមមុខនឹងសភាជាលើកដំបូងក្នុងនាមជាមេដឹកនាំ

អង់គ្លេស៖ នាយករដ្ឋមន្ត្រីអង់គ្លេសលោកស្រី Liz Truss បានប្រាប់សភាថា លោកស្រីប្រឆាំងការយកពន្ធបន្ថែមលើក្រុមហ៊ុនប្រេង និងឧស្ម័ន ហើយនឹងដាក់ជំនួសដោយការកាត់ពន្ធអនុគ្រោះ ដើម្បីធ្វើឲ្យសេដ្ឋកិច្ចរីកចម្រើន និងគ្រប់គ្រងវិបត្តិនៃការធ្វើឲ្យប៉ះពាល់លើជីវភាពរស់នៅ របស់ប្រជាជនដែលកំពុងកើនឡើង។ លោកស្រី Truss ត្រូវបានចោទសួរកាលពីថ្ងៃពុធដោយមេដឹកនាំបក្សប្រឆាំងលោក Sir Keir Starmer អំពីផែនការរបស់លោកស្រីក្នុងការដោះស្រាយវិបត្តិថាមពលដែលកំពុងកើនឡើង ក្នុងអំឡុងពេលសម័យប្រជុំរបស់នាយករដ្ឋមន្ត្រីប្រចាំសប្តាហ៍លើកដំបូងរបស់លោកស្រីនៅក្នុងសភា។ លោក Starmer បាននិយាយអំពីផែនការរបស់លោកស្រី Truss ថា ពុំមានអ្វីថ្មីនោះទេអំពីគំនិតស្រមើស្រម៉ៃរបស់គណបក្ស Tory ចំពោះគោលនយោបាយសេដ្ឋកិច្ចការហុចប្រយោជន៍ដល់ក្រុមអ្នកមាន ដោយលោកបន្ថែមថា អ្នកធ្វើការនៅចក្រភពអង់គ្លេសនឹងជាអ្នកបង់ប្រាក់ សម្រាប់ការខកខានរបស់រដ្ឋាភិបាលក្នុងការប្រមូលពន្ធលើប្រាក់ចំណេញ របស់ក្រុមហ៊ុនថាមពលធំៗ។ លោកស្រី Truss បានឆ្លើយតបវិញដោយនិយាយថា ពុំមានអ្វីថ្មីអំពីការដំឡើងពន្ធរបស់បុគ្គលិក និងការចំណាយ និងបានចោទប្រកាន់លោក Starmer ថា មិនយល់អំពីបំណង និងឱកាស។លោកស្រីបានសន្យាថានឹងកាត់បន្ថយពន្ធ និងមានចំណាត់ការភ្លាមៗជួយដល់ពលរដ្ឋ ក្នុងការចំណាយលើថាមពលរបស់ពួកគេ ប៉ុន្តែក៏នឹងធានាបានការផ្គត់ផ្គង់ថាមពលរយៈពេលវែងរបស់យើងផងដែរ។ លោកស្រីត្រូវបានគេរំពឹងថា នឹងបង្ហាញផែនការថាមពលរបស់លោកស្រីនៅថ្ងៃព្រហស្បតិ៍នេះ។ ប្រព័ន្ធផ្សព្វផ្សាយរបស់ចក្រភពអង់គ្លេសបានរាយការណ៍ថា លោកស្រី Truss មានផែនការទប់ការចំណាយលើផ្នែកថាមពល។ ការចំណាយសម្រាប់អ្នកជាប់ពន្ធដែលវិធានការនេះអាចឈានដល់ ១០០ពាន់លានផោន ឬ ១១៦ពាន់លានដុល្លារអាមេរិក៕អត្ថបទ៖ ប៊ុនថន

អ៊ុយក្រែនអបអរជ័យជម្នះការវាយបកដោយជោគជ័យ ខណៈរុស្ស៊ីវាយសងសឹក

អ៊ុយក្រែន៖ កងកម្លាំងរុស្ស៊ីបានបាត់បង់ដែនដី នៅលើសមរភូមិជួរមុខទាំងអស់អំឡុងសប្ដាហ៍ទី២៨ នៃសង្គ្រាម ខណៈការវាយបកបានរីករាលដាលពីតំបន់ Kherson ភាគខាងត្បូងដល់ភាគខាងកើត និងភាគខាងជើងនៃប្រទេសនេះ ជាការបង្ហាញពីសមត្ថភាពដែលនៅតែបន្តរបស់អ៊ុយក្រែន ក្នុងការដណ្ដើមយកដឹកដីរបស់ខ្លួនមកវិញ។ កងកម្លាំងអ៊ុយក្រែននៅភាគខាងជើងបានបើកការវាយបកនៅក្នុងតំបន់ Kharkiv ភាគខាងជើងកាលពីថ្ងៃទី៦ ខែកញ្ញាសប្ដាហ៍នេះ។ ទោះបីជាមានភាពស្ងប់ស្ងាត់ចេញពីវិទ្យុពីក្រុមមេដឹកនាំនយោបាយ និងយោធារបស់ប្រទេសនេះនៅក្នុងទីក្រុង Kyiv យ៉ាងណាក្ដីក្រុមអ្នកសរសេរប្លុករបស់យោធាអ៊ុយក្រែន និងរុស្ស៊ីបានរាយការណ៍ថា មានការវាយប្រយុទ្ធគ្នាដ៏ខ្លាំងក្លានៅក្នុងទីប្រជុំជន Verbivka និង Balakliia ស្ថិតនៅចម្ងាយប្រមាណ ៧០គីឡូម៉ែត្រភាគខាងត្បូងទីក្រុង Kharkiv ដែលទាហានអ៊ុយក្រែនដណ្ដើមយកបានវិញកាលពីដើមខែឧសភា។ កងកម្លាំងអ៊ុយក្រែនទំនងបានដណ្ដើមយកមកវិញលើតំបន់ Verbivka ជាទីដែលពួកគេបានបង្ហោះរូបភាពទីតាំងភូមិសាស្ត្រ បង្ហាញពីទាហានរុស្ស៊ីស្លាប់ជាច្រើននាក់។តំបន់ Rybar គឺជាដែនដីមួយក្នុងចំណោមដែនដីមួយចំនួន ដែលក្រុមអ្នកសរសេរប្លុករបស់យោធារុស្ស៊ីកំពុងរាយការណ៍ថា ការវាយប្រយុទ្ធគ្នានៅតែបន្តជុំវិញទីប្រជុំជន Balakliia កាលពីល្ងាចថ្ងៃទី៦កញ្ញា ប៉ុន្តែកាលពីព្រឹកថ្ងៃទី៧ ខែកញ្ញាបានរាយការណ៍ថា ទីប្រជុំជននេះត្រូវបានរងការឡោមព័ទ្ធទាំងស្រុង។ ក្រុមអ្នកសារព័ត៌មានរុស្ស៊ីក៏បាននិយាយផងដែរថា កងកម្លាំងក្រុង Moscow បានបំផ្ទុះស្ពាននានាឆ្លងទន្លេ Balakleyka និងទន្លេ Krainya Balakleyka ដើម្បីកុំឲ្យទាហានអ៊ុយក្រែនរុលចូលទៅមុខថែមទៀត៕អត្ថបទ៖ សុខមាន

លោក Putin ព្រមានលោកខាងលិចថា នឹងប្រឈមការត្រជាក់ខ្លាំងនៅរដូវរងា ខណៈអឺរ៉ុបគ្រោងកំណត់តម្លៃឧស្ម័នរុស្ស៊ី

រុស្ស៊ី៖ សហភាពអឺរ៉ុបបានស្នើឲ្យកំណត់តម្លៃលើឧស្ម័នរបស់រុស្ស៊ីកាលពីថ្ងៃពុធ ក្រោយលោកប្រធានាធិបតី Vladimir Putin បានគំរាមកាត់ផ្ដាច់ការផ្គត់ផ្គង់ថាមពល បើសហភាពអឺរ៉ុបធ្វើបែបនោះមែន ដែលបង្កើនហានិភ័យកាន់តែខ្លាំងនៃការបែកបាក់គ្នានៅក្នុងបណ្ដាប្រទេសអ្នកមានបំផុត របស់ពិភពលោកនៅរដូវរងានេះ។ ការជាប់គាំងដែលចេះតែរីកធំនេះ អាចបង្កឲ្យតម្លៃឧស្ម័ននៅសហភាពអឺរ៉ុបហក់ឡើងខ្ពស់កប់ពពកថែមទៀត ដោយបន្ថែមបន្ទុកចំណាយដល់បណ្ដារដ្ឋាភិបាលសហភាពអឺរ៉ុប ដែលកំពុងចំណាយប្រាក់ដើម្បីទប់កុំឲ្យក្រុមហ៊ុនផ្ដល់ថាមពលរបស់ពួកគេដួលរលំ និងការពារអតិថិជនជាប់គាំងសាច់ប្រាក់នៅក្នុងខែត្រជាក់ខាងមុខ។ សហភាពអឺរ៉ុបបានចោទប្រកាន់រុស្ស៊ីថា កំពុងយកការផ្គត់ផ្គង់ថាមពលធ្វើជាអាវុធ សងសឹកទណ្ឌកម្មរបស់លោកខាងលិចដែលបានដាក់លើទីក្រុង Moscow ជុំវិញការវាយលុករបស់ខ្លួនចូលអ៊ុយក្រែន។ រុស្ស៊ីបានស្ដីបន្ទោសទណ្ឌកម្មទាំងនោះថា ជាដើមចមបង្កឲ្យមានបញ្ហាការផ្គត់ផ្គង់ថាមពលដែលប៉ះពាល់ដល់បំពង់បង្ហូរប្រេង។ខណៈភាពតានតឹងបានកើនឡើង លោក Putin បាននិយាយថា កិច្ចសន្យានានានឹងត្រូវហែកចោលដោយសារការកំណត់តម្លៃឧស្ម័ននេះ ហើយបានព្រមានថា លោកខាងលិចប្រឈមការត្រជាក់កក ប្រៀបដូចជារឿងនិទានដ៏ល្បីរបស់រុស្ស៊ីនិយាយអំពីកន្ទុយចចក។ បណ្ដារដ្ឋមន្ត្រីថាមពលសហភាពអឺរ៉ុប គ្រោងនឹងរៀបចំកិច្ចប្រជុំបន្ទាន់មួយស្ដីពីបញ្ហានេះនៅថ្ងៃសុក្រស្អែកនេះ៕អត្ថបទ៖ សុខមាន

ជនសង្ស័យចាក់សម្លាប់មនុស្ស ១០នាក់នៅកាណាដា ត្រូវគេរាយការណ៍ថាបានស្លាប់ក្នុងពេលឃុំខ្លួន

កាណាដា៖ ជនល្មើស Myles Sanderson ដែលជាជនសង្ស័យទី២ ក្នុងហេតុការណ៍ចាក់សម្លាប់ដ៏សាហាវនៅក្នុងប្រទេសកាណាដា ត្រូវបានគេរាយការណ៍ថាបានស្លាប់ប៉ុន្មានម៉ោងក្រោយនគរបាលបានចាប់ខ្លួនគេ បន្ទាប់ពីការស្វែងរករយៈពេលជាច្រើនថ្ងៃដែលបង្កឲ្យមានទុក្ខសោកធ្ងន់ធ្ងរ និងការព្រួយបារម្ភនៅក្នុងសហគមន៍ដាច់ស្រយាល ជាទីដែលមនុស្ស ១០នាក់ត្រូវបានចាក់សម្លាប់ និងរាប់សិបនាក់ផ្សេងទៀតរងរបួសកាលពីចុងសប្ដាហ៍មុន។ នគរបាលសហព័ន្ធកាណាដានៅក្នុងខេត្ត Saskatchewan បាននិយាយកាលពីថ្ងៃពុធថា ជនសង្ស័យ Myles Sanderson ត្រូវបានប្រទះឃើញស្លាប់ជិតទីប្រជុំជន Rosthern ស្ថិតនៅចម្ងាយប្រមាណ ១៣០គីឡូម៉ែត្រពីកន្លែងដែលការវាយប្រហារបានកើតឡើង។ កងកម្លាំងនគរបាលបាននិយាយនៅក្នុងសេចក្ដីថ្លែងការខ្លីមួយថា ពុំមានហានិភ័យដល់សុវត្ថិភាពសាធារណជនទៀតទេ។ នគរបាលសហព័ន្ធក្នុងខេត្ត Saskatchewan សូមអរគុណដល់សាធារណជនចំពោះការយកចិត្តទុកដាក់ ក្នុងការផ្ដល់ព័ត៌មានច្បាស់ការអំពីការតាមដានសកម្មភាពជនសង្ស័យ Myles Sanderson។ដោយសំអាងលើប្រភពមួយចំនួនពីអង្គភាពអនុវត្តច្បាប់ជាច្រើន សារព័ត៌មាន Global បាននិយាយថា ជនល្មើស Sanderson បានប្រគល់ខ្លួនឲ្យនគរបាល និងនៅមានជីវិតនៅឡើយ នៅពេលរូបគេត្រូវបានបញ្ជូនចូលរថយន្តសង្គ្រោះបន្ទាន់ ក្រោយការស្វែងរកនៅតាមផ្លូវ highway មួយដែលនគរបាលបានរកឃើញរថយន្តរបស់គេចតចោលនៅចិញ្ចឹមផ្លូវ។ គេបានស្លាប់ភ្លាមៗដោយសាររបួស ដែលក្រុមអាជ្ញាធរជឿថាគេបានចាក់ខ្លួនឯង។ កាលពីថ្ងៃទី៥ ខែកញ្ញាសប្ដាហ៍នេះ នគរបាលនិយាយថា សាកសពជនល្មើស Damien Sanderson វ័យ ៣១ឆ្នាំត្រូវបានរកឃើញក្នុងតំបន់ James Smith Cree Nation ដែលជាទីលំនៅរបស់ជនរងគ្រោះមួយចំនួន៕អត្ថបទ៖ សុខមាន

ទីភ្នាក់ងារ IAEA មិនអាចធានាស្ថានភាពសន្តិភាពនៃកម្មវិធីនុយក្លេអ៊ែរអ៊ីរ៉ង់បានទេ

UN៖ ទីភ្នាក់ងារឃ្លាំមើលនុយក្លេអ៊ែររបស់អង្គការសហប្រជាជាតិបាននិយាយថា ខ្លួនមិនអាចធានាសន្តិភាពកម្មវិធីនុយក្លេអ៊ែររបស់អ៊ីរ៉ង់បានទេ ដោយនិយាយថា មិនមានជំហានរីកចម្រើនក្នុងការស្រាយចម្ងល់អំពីវត្តមានកាលពីកន្លងទៅ នៃវត្ថុធាតុដើមផលិតនុយក្លេអ៊ែរនៅឯទីតាំងនានាដែលមិនបានប្រកាស។ ទីភ្នាក់ងារសារព័ត៌មានមួយចំនួនបានរាយការណ៍កាលពីថ្ងៃពុធថា ទីភ្នាក់ងារថាមពលអាតូមិកអន្តរជាតិ (IAEA) បាននិយាយនៅក្នុងរបាយការណ៍ថ្មីមួយដែលខ្លួនមិនហានធានាថា កម្មវិធីនុយក្លេអ៊ែររបស់អ៊ីរ៉ង់ប្រើប្រាស់សម្រាប់សន្តិភាពនោះទេ។ របាយការណ៍នោះនិយាយថា ប្រធានទីភ្នាក់ងារ IAEA លោក Rafael Grossi ព្រួយបារម្ភកាន់តែខ្លាំងថា អ៊ីរ៉ង់មិនបានប្រាស្រ័យទាក់ទងជាមួយទីភ្នាក់ងារនេះ លើបញ្ហាសេសសល់មួយចំនួនអំឡុងពេលនៃការផ្ដល់របាយការណ៍ ដូច្នោះហើយទើបមិនមានការរីកចម្រើនឆ្ពោះទៅរកការដោះស្រាយបញ្ហាទាំងនោះ។ភាគីអ៊ីរ៉ង់បាននិយាយយូរមកហើយថា កម្មវិធីនុយក្លេអ៊ែររបស់ខ្លួនមានសន្តិភាពបំផុត។ ទីភ្នាក់ងារ IAEA បានកំពុងដាក់សម្ពាធលើអ៊ីរ៉ង់ដើម្បីទទួលបានចម្លើយនានា អំពីវត្តមាននៃវត្ថុធាតុដើមផលិតអាវុធនុយក្លេអ៊ែរនៅទីតាំងចំនួន៣ ដែលមិនត្រូវបានប្រកាស។ ដោយពុំមានការបកស្រាយគួរឲ្យទុកចិត្តពីភាគីអ៊ីរ៉ង់ លើអ្វីដែលបានកើតឡើងចំពោះការផលិតសារធាតុអ៊ុយរ៉ានីញ៉ូម ដែលទំនងជាមានវត្តមាននៅទីតាំងចំនួន៣ ទីភ្នាក់ងារនេះបាននិយាយថា ខ្លួនមិនអាចធានាថា សារធាតុអ៊ុយរ៉ានីញ៉ូមនោះត្រូវបានអ៊ីរ៉ង់លួចផលិត ដើម្បីផលិតអាវុធនោះទេ៕ អត្ថបទ៖ សុខមាន

មនុស្ស ៧នាក់លង់ទឹកស្លាប់ក្នុងពេលទឹកជំនន់ជន់លិចចំណតរថយន្តនៅកូរ៉េខាងត្បូង

កូរ៉េខាងត្បូង៖ មនុស្ស ៧នាក់បានស្លាប់នៅកូរ៉េខាងត្បូង បន្ទាប់ពីពួកគេបានជាប់ក្នុងចំណតរថយន្តក្រោមដី អំឡុងទឹកជំនន់បណ្ដាលមកពីព្យុះទីហ្វុង Hinnamnor។ ក្រុមអ្នកជួយសង្គ្រោះនិយាយថា ពួកគេបានជួយសង្គ្រោះមនុស្ស ២នាក់ដែលត្រូវគេរាយការណ៍បានរួចរស់រានមានជីវិត ដោយតោងបំពង់ទុយយោពិដានរយៈពេលជាង ១២ម៉ោង។ ព្យុះទីហ្វុង Hinnamnor ដែលជាព្យុះស៊ីក្លូនដ៏មានឥទ្ធិពលបំផុតនៅឆ្នាំនេះ បានវាយប្រហារប្រទេសកូរ៉េខាងត្បូងនៅដើមសប្ដាហ៍នេះ។ ក្រុមអាជ្ញាធរបាននិយាយនៅថ្ងៃពុធនេះថា ចំនួនអ្នកស្លាប់ដោយសារព្យុះទីហ្វុង Hinnamnor បានកើនឡើងដល់ ១០នាក់នៅក្នុងប្រទេសកូរ៉េខាងត្បូង។ លំនៅឋាន និងអគារយ៉ាងហោចណាស់ ៥ខ្នងត្រូវបានទឹកជន់លិច ឬរងការបំផ្លិចបំផ្លាញ និងផ្លូវជាច្រើនក៏ត្រូវរងការខូចខាតដែរ។ សាលារៀនជាង ៦០០កន្លែងត្រូវបានបិទ ឬដាក់ឲ្យរៀនតាម online។ជាងហោះហើរជាង ២៥០ និងសេវានាវាចម្លង ៧០ ត្រូវបានផ្អាក ខណៈទូកនេសាទជាង ៦៦,០០០គ្រឿងបានវិលត្រឡប់ចូលកំពង់ផែ។ គិតត្រឹមម៉ោង ៦ព្រឹកថ្ងៃពុធនេះ អាជ្ញាធរបានតភ្ជាប់ចរន្តអគ្គិសនីនៅតាមលំនៅឋានឡើងវិញចំនួន ២,៧៩៥ខ្នង ក្នុងចំណោមផ្ទះ និងអគារចំនួន ២០,៣៣៤ខ្នងដែលបានដាច់ចរន្តអគ្គិសនី៕អត្ថបទ៖ សុខមាន

ក្រុមតំណាងរាស្ត្របារាំង និងអាមេរិកនឹងទៅដល់កោះតៃវ៉ាន់នៅថ្ងៃពុធនេះ ខណៈកំពុងតានតឹងជាមួយចិន

កោះតៃវ៉ាន់៖ ក្រុមមន្ត្រី និងប្រភពមួយចំនួនបាននិយាយថា ក្រុមគណៈប្រតិភូបារាំងមានគ្នា ៥នាក់ និងក្រុមតំណាងរាស្ត្រមកពីសភាអាមេរិកមួយក្រុមផ្សេងទៀតនឹងទៅដល់កោះតៃវ៉ាន់នៅសប្ដាហ៍នេះ ដើម្បីបង្ហាញការគាំទ្រដល់កោះនេះ ស្របពេលភាពតានតឹងកំពុងឡើងកម្ដៅជាមួយចិន។ គណៈប្រតិភូបារាំងនឹងក្លាយជាដំណើរទស្សនកិច្ចលើកដំបូង ពីសំណាក់មន្ត្រីជាន់ខ្ពស់របស់សហភាពអឺរ៉ុប ក្រោយដំណើរទស្សនកិច្ចជាបន្តបន្ទាប់ដោយក្រុមមន្ត្រី និងអ្នកតំណាងរាស្ត្រសហរដ្ឋអាមេរិកដែលបានធ្វើឲ្យចិនខឹងសម្បារ។ ប្រទេសចិនដែលបានអះអាងថា កោះតៃវ៉ាន់គឺជាដែនដីរបស់ខ្លួន ទោះមានការច្រានចោលយ៉ាងដាច់អហង្ការពីរដ្ឋាភិបាលក្រុងតៃប៉ិក៏ដោយនោះ បានបង្កើតល្បែងសង្គ្រាមជាបន្តបន្ទាប់នៅជិតកោះនេះកាលពីខែមុន បន្ទាប់ពីប្រធានសភាអាមេរិកលោកស្រី Nancy Pelosi បានទៅកាន់កោះនេះកាលពីថ្ងៃទី២ ខែសីហាកន្លងទៅ។ក្រោយដំណើររបស់លោកស្រី ក៏មានក្រុមគណៈប្រតិភូអាមេរិកផ្សេងទៀតបានទៅកាន់កោះនេះជាបន្តបន្ទាប់ រួមទាំងក្រុមតំណាងរាស្ត្រ និងអភិបាលរដ្ឋ Arizona។ ក្រុមអាជ្ញាធរកោះតៃវ៉ាន់បាននិយាយថា គណៈប្រតិភូបារាំងនឹងទៅដល់កោះតៃវ៉ាន់នៅថ្ងៃពុធ ទី៧ ខែកញ្ញានេះ និងបន្តស្នាក់នៅរហូតដល់ថ្ងៃចន្ទសប្ដាហ៍ក្រោយ។ ក្រុមអាជ្ញាធរនេះនិយាយថា ក្រុមតំណាងរាស្ត្រនេះនឹងជួបមេដឹកនាំរងលោក William Lai តែមិនជួបលោកស្រី Tsai Ing-wen ទេ៕អត្ថបទ៖ សុខមាន

លោកស្រី Liz Truss ក្លាយជានាយករដ្ឋមន្ត្រីផ្លូវការរបស់អង់គ្លេស និងបានតែងតាំងគណៈរដ្ឋមន្ត្រីថ្មី

អង់គ្លេស៖ លោកស្រី Liz Truss បានចូលកាន់តំណែងជានាយករដ្ឋមន្ត្រីថ្មីរបស់ចក្រភពអង់គ្លេសជាផ្លូវការហើយ បន្ទាប់ពីចូលគាល់ម្ចាស់ក្សត្រី Elizabeth II នៅដែនដីស្កុតឡែនកាលពីថ្ងៃអង្គារ។ អតីតរដ្ឋមន្ត្រីការបរទេសរូបនេះបានចំណាយពេលប្រមាណ ៣០នាទីចូលគាល់ម្ចាស់ក្សត្រី ហើយបន្ទាប់មកបានធ្វើដំណើរមកកាន់វិមាននាយករដ្ឋមន្ត្រី Downing Street ដើម្បីធ្វើសេចក្តីថ្លែងការណ៍ជាសាធារណៈលើកដំបូងរបស់លោកស្រី ក្នុងនាមជាមេដឹកនាំរបស់ប្រទេស។ ការប្រកាសនេះធ្វើឡើងបន្ទាប់ពីការប្រកួតប្រជែងរយៈពេលពីរខែរវាងលោកស្រី Truss និងអតីតរដ្ឋមន្ត្រីហិរញ្ញវត្ថុលោក Rishi Sunak សម្រាប់មុខតំណែងកំពូលនៅក្នុងគណបក្សអភិរក្សនិយមរបស់ចក្រភពអង់គ្លេស និងរដ្ឋាភិបាលអង់គ្លេស។ លោកស្រី Truss ក្លាយជានាយករដ្ឋមន្ត្រីទី៥៦ របស់ចក្រភពអង់គ្លេស និងជានាយករដ្ឋមន្ត្រីស្ត្រីទី៣ ដែលឡើងកាន់តំណែងនេះ។លោកស្រី Liz Truss បានក្លាយជានាយករដ្ឋមន្ត្រីចក្រភពអង់គ្លេស ដែលភ្លាមៗត្រូវប្រឈមកិច្ចការធំៗនៅចំពោះមុខលោកស្រី ដូចជាការទប់ស្កាត់ការកើនឡើងតម្លៃទំនិញ ជំរុញសេដ្ឋកិច្ច ការធ្វើឲ្យធូស្រាលភាពចលាចលការងារ និងស្តារប្រព័ន្ធថែទាំសុខភាពជាតិដែលខ្វះបុគ្គលិក។ លោកស្រី Truss បានចាប់ផ្តើមតែងតាំងសមាជិកជាន់ខ្ពស់នៃគណៈរដ្ឋមន្ត្រីរបស់លោកស្រី ខណៈលោកស្រីត្រូវដោះស្រាយវិបត្តិថាមពល ដែលបង្កឡើងដោយការវាយលុករបស់រុស្ស៊ីលើអ៊ុយក្រែន។ នាយករដ្ឋមន្ត្រីថ្មីរបស់ចក្រភពអង់គ្លេសលោកស្រី Liz Truss បានជ្រើសរើសគណៈរដ្ឋមន្ត្រីជាលើកដំបូងដោយគ្មានជនជាតិស្បែកស ចូលកាន់តំណែងណាមួយក្នុងមុខតំណែងរដ្ឋមន្ត្រីចំនួន ៤សំខាន់ៗបំផុតរបស់ប្រទេសនេះ៕អត្ថបទ៖ ប៊ុនថន

មនុស្សរាប់ពាន់នាក់ត្រូវបានជម្លៀសដោយការរញ្ជួយដីនៅចិន ខណៈចំនួនអ្នកស្លាប់កើនឡើងដល់ ៧៤នាក់

ចិន៖ ក្រុមអ្នកជួយសង្គ្រោះរបស់ប្រទេសចិនបានធ្វើការ នៅក្នុងទីតាំងប្រកបដោយគ្រោះថ្នាក់កាលពីថ្ងៃអង្គារ ដើម្បីជួយជម្លៀសពលរដ្ឋជាង ១១,០០០នាក់បន្ទាប់ពីរញ្ជួយដីកម្រិត 6.8រិចទ័របានវាយប្រហារខេត្ត Sichuan ភាគនិរតីនៃតំបន់ភ្នំរបស់ប្រទេសចិន បណ្តាលឲ្យមនុស្សយ៉ាងហោចណាស់ ៧៤នាក់ស្លាប់។ សារព័ត៌មានក្នុងស្រុកបានរាយការណ៍ថា ចំនួនអ្នកស្លាប់ដោយសារការរញ្ជួយដីខ្លាំងបំផុតដែលបានវាយប្រហារខេត្ត Sichuan ភាគនិរតីប្រទេសចិនបានកើនឡើងដល់ ៧៤នាក់គិតត្រឹមយប់ថ្ងៃអង្គារ ខណៈមនុស្ស ២៥៩នាក់ផ្សេងទៀតបានរងរបួស និង ២៦នាក់កំពុងបាត់ខ្លួននៅឡើយ។ រូបភាពវីដេអូប្រព័ន្ធផ្សព្វផ្សាយរដ្ឋដែលថតបាននៅចំណុចកណ្តាលនៃតំបន់ Luding ខេត្ត Sichuan បានបង្ហាញឲ្យឃើញក្រុមអ្នកជួយសង្គ្រោះបានជួយអ្នករងរបួសឆ្លងកាត់ស្ពានបណ្តោះអាសន្ន ដែលសាងសង់ដោយយកដើមឈើធ្វើជាស្ពានដើរឆ្លងកាត់ ខណៈទឹកហូរនាំដីល្បាប់នៅខាងក្រោមស្ពាន។ពលរដ្ឋជម្លៀសខ្លួនដែលអាចដើរបាន បានធ្វើដំណើរតាមផ្លូវលំនៅតាមបណ្តោយដងទន្លេមានជម្រាលភ្នំ និងមានដីបាក់ធ្លាក់ដោយគ្រោះរញ្ជួយដី។ វីដេអូពីប្រព័ន្ធផ្សព្វផ្សាយក្នុងស្រុកបានបង្ហាញថា ពលរដ្ឋមួយចំនួនកំពុងកាន់របស់របរយកទៅជាមួយ។ ខណៈក្រុមអ្នកជួយសង្គ្រោះបានព្យាយាមចូលទៅដល់មនុស្សដែលជាប់គាំង ដោយមានឧបករណ៍ប្រើប្រាស់ និងបញ្ជូនជំនួយសង្គ្រោះបន្ទាន់ ប្រព័ន្ធផ្សព្វផ្សាយរដ្ឋបានរាយការណ៍ថា មនុស្ស ១១,០០០នាក់ត្រូវបានជម្លៀសចេញពីតំបន់នេះ។ អាជ្ញាធរបានកំណត់អត្តសញ្ញាណគ្រោះថ្នាក់ភូមិសាស្ត្រប្រមាណ ៥០០កន្លែង ដែលបានកំណត់យោងទៅតាមការបាក់ដី និងផ្លូវតំបន់ភ្នំដែលបាក់៕អត្ថបទ៖ ប៊ុនថន

UN ព្រមានពីផលលំបាកបន្ថែមទៀត ខណៈទឹកជំនន់នៅតែប៉ះពាល់ដល់ពលរដ្ឋប៉ាគីស្ថានជាង ៣៣លាននាក់

ប៉ាគីស្ថាន៖ មន្ត្រីអង្គការសហប្រជាជាតិបាននិយាយកាលពីថ្ងៃអង្គារថា ស្ថានភាពក្រោយការបំផ្លិចបំផ្លាញដ៏ធ្ងន់ធ្ងរដោយសារទឹកជំនន់នៅប្រទេសប៉ាគីស្ថាន កំពុងបន្តប៉ះពាល់ដល់ពលរដ្ឋជាង ៣៣លាននាក់រួមទាំងជនភៀសខ្លួនអាហ្វហ្គានីស្ថានផងដែរ។ កាលពីថ្ងៃអង្គារនោះដែរ ប្រទេសប៉ាគីស្ថានបានប្រឹងប្រែងបើកផ្លូវទឹកកាន់តែធំ នៅក្នុងបឹងធំបំផុតរបស់ខ្លួនដើម្បីទប់ស្កាត់កុំឲ្យទឹកបុកខ្លាំង ស្របពេលទឹកជំនន់ធ្ងន់ធ្ងរបំផុតមិនធ្លាប់មានដែលបានជន់លិច ១ភាគ៣ នៃប្រទេសនៅអាស៊ីខាងត្បូងមួយនេះ ខណៈដែលអង្គការសហប្រជាជាតិបានព្រមានពីការមកដល់ នៃគ្រោះមហន្តរាយកាន់តែធ្ងន់ធ្ងរថែមទៀត។ លោក Indrika Ratwatte នាយកការិយាល័យប្រចាំតំបន់សម្រាប់តំបន់អាស៊ី-ប៉ាស៊ីហ្វិកនៅទីភ្នាក់ងារទទួលបន្ទុកជនភៀសខ្លួនរបស់អង្គការសហប្រជាជាតិ (UNHCR) បានប្រាប់សន្និសីទសារព័ត៌មាននៅការិយាល័យនោះថា ប្រទេសប៉ាគីស្ថានកំពុងទទួលជនភៀសខ្លួនអាហ្វហ្គានីស្ថានរាប់លាននាក់ រយៈពេលជាច្រើនទសវត្សរ៍មកហើយ ហើយសហគមន៍អន្តរជាតិគួរតែបង្កើនការគាំទ្ររបស់ខ្លួនដល់ប៉ាគីស្ថានដោយកុំបង្អង់។ទិន្នន័យផ្លូវការដែលបានបញ្ចេញកាលពីថ្ងៃអង្គារបង្ហាញថា ចំនួនអ្នកស្លាប់នៅក្នុងប្រទេសប៉ាគីស្ថានដោយសារភ្លៀងរដូវមូសុង និងទឹកជំនន់ដែលបានចាប់ផ្ដើមកាលពីពាក់កណ្ដាលខែមិថុនាបានកើនឡើងដល់ ១,៣២៥នាក់ និងរបួសចំនួន ១២,៧០៣នាក់។ ចំណែកលោក Tarik Jasarevic អ្នកនាំពាក្យអង្គការសុខភាពពិភពលោក (WHO) បានប្រាប់ក្រុមអ្នកសារព័ត៌មានកាលពីថ្ងៃអង្គារថា អគារសុខាភិបាលជាង ១,៤៦០កន្លែងក្នុងប្រទេសប៉ាគីស្ថានត្រូវបានប៉ះពាល់ដោយសារទឹកជំនន់ ក្នុងនោះ ៤៣២កន្លែងត្រូវបានខូចខាតទាំងស្រុង និង ១,០២៨កន្លែងរងការខូចខាតដោយផ្នែក៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

សមត្ថកិច្ចចុះត្រួតពិនិត្យ៤ទីតាំង ក្នុងក្រុងប៉ោយប៉ែតរកឃើញជនបរទេសស្នាក់នៅជាង១០០នាក់ ដែលកំពុងប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា

ជនជាតិវៀតណាមចំនួន ៩៨នាក់ ព័ន្ធករណីOnline Scams ត្រូវបានបណ្ដេញចេញពីកម្ពុជា

ភ្ញៀវអន្តរជាតិជាង ១០០ប្រទេស លៀងសាយភោជន៍នៅព្រះលានជល់ដំរី ក្នុងថ្ងៃបិទបញ្ចប់មហាសន្និបាតកាយឫទ្ធិនារីពិភពលោក

លោកជំទាវបណ្ឌិត ពេជ ចន្ទមុន្នី អញ្ជើញជាអធិបតីកម្មវិធី “រាត្រីកម្ពុជា”

គិតត្រឹមត្រីមាសទី១ គ្រឹះស្ថានមីក្រូហិរញ្ញវត្ថុបានបញ្ចេញឥណទានមានទឹកប្រាក់ ៥,៤ ពាន់លានដុល្លារ

មន្ត្រីអាមេរិក៖ អ៊ីស្រាអែល និងហេសបូឡា ព្រមព្រៀងមានបទឈប់បាញ់ចាប់ពីថ្ងៃទី១៩ ខែមិថុនា

លោក Trump បញ្ជាក់ថា សង្គ្រាមធ្វើឲ្យអ៊ីរ៉ង់ខ្សោយ និងបដិសេធការរិះគន់របស់ក្រុមប្រជាធិបតេយ្យ

មនុស្ស ១៨នាក់ ត្រូវបានសម្លាប់ក្នុងការវាយប្រហាររបស់អ៊ីស្រាអែលនៅតំបន់ភាគខាងត្បូងលីបង់

ទីក្រុងតំបន់ភ្នំហេមពាន្តរបស់ឥណ្ឌា ប្រែក្លាយជាគំនរសំរាម ដោយសារភ្ញៀវទេសចរច្រើន

ទីភ្នាក់ងារទេសចរណ៍ចិនចាប់ផ្ដើមដំណើរកម្សាន្តជាក្រុមទៅជប៉ុនឡើងវិញ តែខ្លះបញ្ឈប់ការលក់ក្រោយមក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

លោកស្រី Truss ប្រឈមមុខនឹងសភាជាលើកដំបូងក្នុងនាមជាមេដឹកនាំ

អ៊ុយក្រែនអបអរជ័យជម្នះការវាយបកដោយជោគជ័យ ខណៈរុស្ស៊ីវាយសងសឹក

លោក Putin ព្រមានលោកខាងលិចថា នឹងប្រឈមការត្រជាក់ខ្លាំងនៅរដូវរងា ខណៈអឺរ៉ុបគ្រោងកំណត់តម្លៃឧស្ម័នរុស្ស៊ី

ជនសង្ស័យចាក់សម្លាប់មនុស្ស ១០នាក់នៅកាណាដា ត្រូវគេរាយការណ៍ថាបានស្លាប់ក្នុងពេលឃុំខ្លួន

ទីភ្នាក់ងារ IAEA មិនអាចធានាស្ថានភាពសន្តិភាពនៃកម្មវិធីនុយក្លេអ៊ែរអ៊ីរ៉ង់បានទេ

មនុស្ស ៧នាក់លង់ទឹកស្លាប់ក្នុងពេលទឹកជំនន់ជន់លិចចំណតរថយន្តនៅកូរ៉េខាងត្បូង

ក្រុមតំណាងរាស្ត្របារាំង និងអាមេរិកនឹងទៅដល់កោះតៃវ៉ាន់នៅថ្ងៃពុធនេះ ខណៈកំពុងតានតឹងជាមួយចិន

លោកស្រី Liz Truss ក្លាយជានាយករដ្ឋមន្ត្រីផ្លូវការរបស់អង់គ្លេស និងបានតែងតាំងគណៈរដ្ឋមន្ត្រីថ្មី

មនុស្សរាប់ពាន់នាក់ត្រូវបានជម្លៀសដោយការរញ្ជួយដីនៅចិន ខណៈចំនួនអ្នកស្លាប់កើនឡើងដល់ ៧៤នាក់

UN ព្រមានពីផលលំបាកបន្ថែមទៀត ខណៈទឹកជំនន់នៅតែប៉ះពាល់ដល់ពលរដ្ឋប៉ាគីស្ថានជាង ៣៣លាននាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

លោកស្រី Truss ប្រឈមមុខ​នឹង​សភា​ជា​លើកដំបូង​ក្នុងនាម​ជា​មេដឹកនាំ

អ៊ុយ​ក្រែ​ន​អបអរ​ជ័យជម្នះ​ការ​វាយបក​ដោយ​ជោគជ័យ ខណៈ​រុស្ស៊ី​វាយ​សងសឹក​

ជនសង្ស័យ​ចាក់​សម្លាប់​មនុស្ស ​១០​នាក់​នៅ​កាណាដា ត្រូវគេ​រាយការណ៍​ថា​បាន​ស្លាប់​ក្នុងពេល​ឃុំខ្លួន​

ទីភ្នាក់ងារ​ IAEA មិនអាច​ធានា​ស្ថានភាព​សន្តិភាព​នៃ​កម្មវិធី​នុយក្លេអ៊ែរ​អ៊ីរ៉ង់​បានទេ​

មនុស្ស ​៧​នាក់​លង់ទឹក​ស្លាប់​ក្នុង​ពេល​ទឹកជំនន់​ជន់​លិច​ចំណតរថយន្ត​នៅ​កូរ៉េខាងត្បូង

លោកស្រី Liz Truss ក្លាយ​ជា​នាយករដ្ឋមន្ត្រី​ផ្លូវការ​របស់​អង់គ្លេស និង​បាន​តែង​តាំង​គណៈរដ្ឋមន្ត្រី​ថ្មី

មនុស្សរាប់ពាន់នាក់​ត្រូវបាន​ជម្លៀស​ដោយ​ការ​រញ្ជួយ​ដី​នៅ​ចិន ​ខណៈ​ចំនួន​អ្នកស្លាប់​កើនឡើង​ដល់​ ៧៤​នាក់

UN ​ព្រមាន​ពី​ផល​លំបាក​បន្ថែមទៀត ខណៈ​ទឹកជំនន់​នៅតែ​ប៉ះពាល់​ដល់​ពលរដ្ឋ​ប៉ា​គី​ស្ថាន​ជាង​ ៣៣​លាន​នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លោកស្រី Truss ប្រឈមមុខនឹងសភាជាលើកដំបូងក្នុងនាមជាមេដឹកនាំ

អ៊ុយក្រែនអបអរជ័យជម្នះការវាយបកដោយជោគជ័យ ខណៈរុស្ស៊ីវាយសងសឹក

ជនសង្ស័យចាក់សម្លាប់មនុស្ស ១០នាក់នៅកាណាដា ត្រូវគេរាយការណ៍ថាបានស្លាប់ក្នុងពេលឃុំខ្លួន

ទីភ្នាក់ងារ IAEA មិនអាចធានាស្ថានភាពសន្តិភាពនៃកម្មវិធីនុយក្លេអ៊ែរអ៊ីរ៉ង់បានទេ

មនុស្ស ៧នាក់លង់ទឹកស្លាប់ក្នុងពេលទឹកជំនន់ជន់លិចចំណតរថយន្តនៅកូរ៉េខាងត្បូង

លោកស្រី Liz Truss ក្លាយជានាយករដ្ឋមន្ត្រីផ្លូវការរបស់អង់គ្លេស និងបានតែងតាំងគណៈរដ្ឋមន្ត្រីថ្មី

មនុស្សរាប់ពាន់នាក់ត្រូវបានជម្លៀសដោយការរញ្ជួយដីនៅចិន ខណៈចំនួនអ្នកស្លាប់កើនឡើងដល់ ៧៤នាក់

UN ព្រមានពីផលលំបាកបន្ថែមទៀត ខណៈទឹកជំនន់នៅតែប៉ះពាល់ដល់ពលរដ្ឋប៉ាគីស្ថានជាង ៣៣លាននាក់